BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

រុស្ស៊ីនឹងមិននាំចេញប្រេងដោយសារតែការទប់តម្លៃប្រេងពីប្រទេសលោកខាងលិច

រុស្ស៊ី៖ ប្រទេសរុស្សីដែលជាប្រទេសនាំចេញប្រេងធំជាងគេលំដាប់ទី២ របស់ពិភពលោកនឹងមិនលក់ប្រេងដែលត្រូវកំណត់តម្លៃដោយប្រទេសលោកខាងលិចនោះទេ ទោះបីជាប្រទេសនេះត្រូវកាត់បន្ថយការផលិតក៏ដោយ។ ឧបនាយករដ្ឋមន្ត្រីរុស្ស៊ីបានធ្វើសេចក្តីប្រកាសកាលពីថ្ងៃអាទិត្យ បន្ទាប់ពីក្រុមប្រទេសរីកលូតលាស់តាំង៧ ឬ (G7) និងអូស្ត្រាលីបានព្រមព្រៀងគ្នាកាលពីថ្ងៃសុក្រកំណត់តម្លៃប្រេង ៦០ដុល្លារក្នុងមួយបារ៉ែល សម្រាប់តម្លៃប្រេងឆៅពីសមុទ្ររុស្ស៊ីដោយហាមឃាត់ក្រុមហ៊ុនដឹកជញ្ជូន និងធានារ៉ាប់រងមិនឲ្យដឹកជញ្ជូនប្រេងឆៅរបស់រុស្ស៊ីលើសពីតម្លៃកំណត់នេះ។ ការទប់តម្លៃប្រេងមានគោលបំណងកាត់បន្ថយប្រាក់ចំណូលរបស់រុស្ស៊ីពីការលក់ប្រេង និងទប់ការកើនឡើងតម្លៃប្រេងពិភពលោក ខណៈកំពុងដាក់សម្ពាធលើប្រធានាធិបតីរុស្ស៊ីលោក វ្ល៉ាឌីមៀ ពូទីន ជុំវិញសង្គ្រាមរបស់លោកនៅអ៊ុយក្រែនមានរយៈពេលជាង ៩ខែទៅក្នុងជម្លោះដ៏ឃោរឃៅ។រុស្ស៊ីបានចាត់ទុកការទប់តម្លៃប្រេងនេះថា ជាការជ្រៀតជ្រែកដែលនឹងធ្វើឱ្យទីផ្សារថាមពលពិភពលោកមានអស្ថិរភាព។ លោក ពូទីន កាលពីខែកញ្ញាបានព្រមានប្រទេសលោកខាងលិចថា លោកអាចកាត់ផ្តាច់ការផ្គត់ផ្គង់ថាមពល ប្រសិនបើការកំណត់តម្លៃប្រេងត្រូវបានដាក់ ដោយប្រាប់ប្រទេសទាំងនោះថាអឺរ៉ុបនឹងជួបការរាំងស្ទះ។ កាលពីថ្ងៃសៅរ៍ ប្រធានាធិបតីអ៊ុយក្រែនលោក Volodymyr Zelenskiy បាននិយាយថា ការកំណត់តម្លៃប្រេងត្រឹម ៦០ដុល្លារក្នុងមួយបារ៉ែលលើប្រេងរុស្ស៊ីមិនទាន់ធ្ងន់ធ្ងរនៅឡើយទេ៕អត្ថបទ៖ ប៊ុនថន

ឥណ្ឌូនេស៊ីជម្លៀសពលរដ្ឋជិត ២ពាន់នាក់ ខណៈភ្នំភ្លើងផ្ទុះនៅលើកោះជ្វា

ឥណ្ឌូនេស៊ី៖ អាជ្ញាធរបាននិយាយថា ភ្នំភ្លើងមួយបានផ្ទុះឡើងនៅក្នុងប្រទេសឥណ្ឌូនេស៊ីកាលពីថ្ងៃអាទិត្យ ដែលបានបញ្ចេញផ្សែងផេះចម្ងាយ ១៥គីឡូម៉ែត្រទៅលើអាកាស និងបង្ខំឱ្យមានការជម្លៀសប្រជាជនជិត ២,០០០នាក់ ខណៈមានការព្រមានខ្ពស់បំផុតសម្រាប់តំបន់នៅភាគខាងកើតកោះជ្វា។ វីដេអូដែលបានបង្ហោះកាលពីថ្ងៃអាទិត្យ បង្ហាញពីពលរដ្ឋជម្លៀសខ្លួននាំយកទៅតាមនូវទ្រព្យសម្បត្តិរបស់ពួកគេ តាមផ្លូវគោកគ្របដណ្តប់ដោយផេះ។ ភ្នំភ្លើង Semeru ជាភ្នំខ្ពស់បំផុតនៅលើកោះជ្វាបានផ្ទុះឡើងកាលពីឆ្នាំមុន បណ្តាលឲ្យមនុស្សជាង ៥០នាក់ស្លាប់ និងរាប់ពាន់នាក់ត្រូវជម្លៀសចេញ។ នៅពុំទាន់មានសេចក្តីរាយការណ៍ភ្លាមៗអំពីអ្នកស្លាប់ និងរបួសណាមួយនៅឡើយពីការផ្ទុះភ្នំភ្លើង Semeru ក្នុងឆ្នាំនេះ។ ដោយមានភ្នំភ្លើងចំនួន ១៤២ ប្រទេសឥណ្ឌូនេស៊ីមានចំនួនប្រជាជនច្រើនជាងគេរបស់ពិភពលោក ដែលរស់នៅតាមជួរជិតភ្នំភ្លើង៕អត្ថបទ៖ ប៊ុនថន

នគរបាលអេស្ប៉ាញច្រានចោលការជាប់ពាក់ព័ន្ធរបស់រុស្ស៊ីក្នុងការដាក់គ្រឿងផ្ទុះក្នុងកញ្ចប់សំបុត្រ

អេស្ប៉ាញ៖ យោងតាមប្រព័ន្ធផ្សព្វផ្សាយ La Sexta បានរាយការណ៍ថា កញ្ចប់បង្កប់គ្រឿងផ្ទុះចំនួន ៦ ដែលត្រូវបានផ្ញើរទៅកាន់គោលដៅផ្សេងៗគ្នានៅទូទាំងប្រទេសអេស្ប៉ាញកាលពីសប្តាហ៍មុន ទំនងជាការងាររបស់បុគ្គលតែម្នាក់ក្នុងប្រទេស ដោយបានលើកឡើងថា អាជ្ញាធរកំពុងស៊ើបអង្កេតបញ្ហានេះ។ ប៉ុន្តែនគរបាលបានច្រានចោលការជាប់ពាក់ព័ន្ធនៃអង្គភាពសេវាកម្មចារកម្មរុស្ស៊ី។ កាលពីសប្តាហ៍មុន កញ្ចប់សំបុត្របង្កប់គ្រឿងផ្ទុះត្រូវបានផ្ញើរទៅកាន់ស្ថានទូតអ៊ុយក្រែន និងស្ថានទូតសហរដ្ឋអាមេរិកនៅទីក្រុងម៉ាឌ្រីដ ក្រសួងការពារជាតិអេស្ប៉ាញ លំនៅឋានរបស់នាយករដ្ឋមន្ត្រីអេស្ប៉ាញលោក Pedro Sanchez មជ្ឈមណ្ឌលផ្កាយរណបនៅមូលដ្ឋានទ័ពអាកាស Torrejon de Ardoz និងរោងចក្រផលិតអាវុធ Instalaza ក្នុងទីក្រុង Zaragoza។ រុស្ស៊ីបានបដិសេធការជាប់ពាក់ព័ន្ធណាមួយ ហើយស្ថានទូតរបស់ទីក្រុងមូស្គូក្នុងប្រទេសអេស្បាញបានបញ្ជាក់ថា ខ្លួនថ្កោលទោសរាល់ការគំរាមកំហែង ឬអំពើភេរវកម្មណាមួយ ជាពិសេសអ្នកទាំងឡាយណាដែលប្រព្រឹត្តប្រឆាំងបេសកកម្មការទូត៕អត្ថបទ៖ ប៊ុនថន

រុស្ស៊ីបន្តវាយលុកតំបន់របស់អ៊ុយក្រែន ខណៈលោក Zelenskyy ជំរុញឲ្យពលរដ្ឋអត់ធ្មត់ក្នុងរដូវរងា

រុស្ស៊ី៖ រុស្ស៊ីបន្តការវាយលុកដ៏ខ្លាំងរបស់ខ្លួននៅតំបន់ភាគខាងកើត និងភាគខាងត្បូងប្រទេសអ៊ុយក្រែនបានបណ្តាលឲ្យមានមនុស្សស្លាប់ និងរបួសនៅក្នុងតំបន់ទាំងនោះ។ នៅភាគខាងកើតការប្រយុទ្ធគ្នាខ្លាំងកំពុងកើតឡើង ខណៈកងទ័ពរុស្ស៊ីកំពុងព្យាយាមដណ្តើមការគ្រប់គ្រងទីក្រុង Bakhmut ដែលជាបន្ទាយមួយរបស់អ៊ុយក្រែននៅក្នុងតំបន់ Donetsk។អភិបាលក្រុង Donetsk លោក Pavlo Kyrylenko និយាយនៅលើការបង្ហោះតាមប្រព័ន្ធផ្សព្វផ្សាយសង្គមកាលពីថ្ងៃអាទិត្យថា មនុស្សម្នាក់ស្លាប់នៅក្នុងការប្រយុទ្ធគ្នា។ នៅភាគខាងត្បូង រុស្ស៊ីបានបន្តការវាយប្រហាររបស់ខ្លួនចូលទៅកាន់ផ្នែកខាងលិចទន្លេ Dnipro ក្នុងទីក្រុង Kherson។ អភិបាលក្រុង Kherson និយាយថា រុស្ស៊ីបានបាញ់ផ្លោងមកលើទឹកដីទីក្រុងនេះ ៤៦លើកកាលពីថ្ងៃសៅរ៍តែមួយថ្ងៃ។ អភិបាលក្រុងនិយាយថា មនុស្សម្នាក់ស្លាប់ និងពីរនាក់ផ្សេងទៀតរងរបួស។ ជាមួយគ្នានេះ វីដេអូដែលបានបង្ហោះនៅលើបណ្តាញផ្សព្វផ្សាយសង្គមបានរាយការណ៍ថា ទាហានអ៊ុយក្រែនមួយចំនួនបានទៅដល់ផ្នែកខាងកើតទន្លេ Dnipro ដែលគ្រប់គ្រងដោយរុស្ស៊ី។ប្រធានាធិបតីលោក Volodymyr Zelenskyy បានជំរុញឲ្យប្រជាជនអ៊ុយក្រែនអត់ធ្មត់ និងរឹងមាំទប់ទល់ការលំបាកក្នុងរដូវរងា ខណៈក្រុមមន្ត្រីកំពុងប្រឹងប្រែងស្តារឡើងវិញបណ្តាញថាមពល និងសេវាផ្សេងៗដែលត្រូវបានកាត់ផ្តាច់ដោយការវាយប្រហារតាមអាកាសរបស់រុស្ស៊ី។ រុស្ស៊ីបានបាញ់ផ្លោងមកលើហេដ្ឋារចនាសម្ព័ន្ធថាមពល របស់អ៊ុយក្រែនចាប់តាំងពីដើមខែតុលាបណ្តាលឲ្យដាច់ចរន្តអគ្គិសនី និងធ្វើឲ្យមនុស្សរាប់លាននាក់គ្មានថាមពលកម្តៅ ខណៈសីតុណ្ហភាពធ្លាក់ចុះទាប៕អត្ថបទ៖ ប៊ុនថន

អង្គការសហប្រជាជាតិពន្យារពេលលើសេចក្ដីសម្រេចចំពោះអ្នកតំណាងឲ្យមីយ៉ាន់ម៉ា ខណៈមានក្ដីកង្វល់ពីសង្គ្រាមអ៊ុយក្រែន

UN៖ អង្គការសហប្រជាជាតិបានពន្យារពេលការសម្រេចចិត្តថា តើបុគ្គលណាដែលគួរតែតំណាងឲ្យសហភាពមីយ៉ាន់ម៉ា ស្របពេលមានក្ដីបារម្ភថា រុស្ស៊ីដែលបានខិតចូលកាន់តែជិតទៅនឹងក្រុមមេដឹកនាំរដ្ឋប្រហារ របស់សហភាពមីយ៉ាន់ម៉ាអាចរាំងស្ទះដល់កិច្ចខិតខំប្រឹងប្រែង ដើម្បីឈានដល់សេចក្ដីសម្រេចរួមជាអន្តរជាតិដោះស្រាយ ក្នុងប្រទេសហែកហួរដោយវិបត្តិមួយនេះ។ គណៈកម្មការសាតាំងរបស់អង្គការសហប្រជាជាតិមានរដ្ឋជាសមាជិកចំនួន៩ របស់អង្គការសហប្រជាជាតិរួមមានប្រទេសចិន រុស្ស៊ី និងសហរដ្ឋអាមេរិកបានចាប់ផ្ដើមកិច្ចប្រជុំកាលពីថ្ងៃទី២៩ ខែវិច្ឆិកា ក្រោមការពិចារណាថា តើបុគ្គលមកពីភាគីខាងណាមួយ ដែលគួរតែតំណាងឲ្យសហភាពមីយ៉ាន់ម៉ានៅអង្គការសហប្រជាជាតិ តើគួរតែជាឯកអគ្គរដ្ឋទូតដែលកំពុងប្រចាំនៅអង្គការសហប្រជាជាតិលោក Kyaw Moe Tun ដែលត្រូវបានតែងតាំងដោយមេដឹកនាំរដ្ឋាភិបាលជាប់ឆ្នោតលោកស្រី Aung San Suu Kyi ឬជាបុគ្គលដែលត្រូវបានតែងតាំងដោយក្រុមឧសត្ដមសេនីយ៍ ដែលបានធ្វើរដ្ឋប្រហារទម្លាក់រដ្ឋាភិបាលលោកស្រីកាលពីខែកុម្ភៈ ឆ្នាំ២០២១។គណៈកម្មការនេះនឹងដាក់ជូនអនុសាសន៍របស់ខ្លួន ទៅកាន់មហាសន្និបាតអង្គការសហប្រជាជាតិ ដែលជាទូទៅជាអ្នកបោះត្រាផ្ដល់ការណែនាំ។ សំណួរជុំវិញអ្នកតំណាងនៅអង្គការសហប្រជាជាតិរបស់សហភាពមីយ៉ាន់ម៉ា ឆ្លុះបញ្ចាំងពីផលវិបាកដែលចេះតែកើនឡើង កំពុងប្រឈមនឹងសកម្មភាពប្រឆាំងរដ្ឋប្រហារ ស្របពេលដែលភាពតានតឹងខាងភូមិសាស្ត្រនយោបាយចេះតែរីកធំ ពាក់ព័ន្ធនឹងការវាយលុករបស់រុស្ស៊ីចូលអ៊ុយក្រែន៕អត្ថបទ៖ សុខមាន

ប្រធានសហភាពសហព័ន្ធយុវជនកម្ពុជា ច្រានចោលការចោទប្រកាន់ថា ស.ស.យ.ក ផ្ញើបញ្ជីសមាជិកត្រូវប្រឡងបាក់ឌុបទៅក្រសួងអប់រំ

ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវៈនកម្ពុជា តាមរយៈផេកហ្វេសប៊ុកផ្លូវការ បានបង្ហាញពីការភ្ញាក់ផ្អើល និងសោកស្តាយជាខ្លំាង ដែលមានបុគ្គល ក៏ដូចជាក្រុមអគតិ ទុច្ចរិតមួយចំនួន ដែលបង្ហោះសារថា ស.ស.យ.ក បានរៀបចំ បញ្ជីរាយនាមសមាជិក សមាជិកា ស.ស.យ.ក ដែលត្រូវប្រឡងបាក់ឌុប ផ្ញើរទៅក្រសួងអប់រំ យុវជន និងកីឡា។ផ្អែកលើព័ត៌មាននេះ ឯកឧត្តម សូមប្រកាសបដិសេធយ៉ាងដាច់អហង្ការ ថា មិនមានករណីបែបនេះ កើតឡើងនោះទេ ផ្ទុយទៅវិញ ស.ស.យ.ក តែងតែចូលរួមយ៉ាងសកម្មជាមួយរាជរដ្ឋាភិបាលកម្ពុជា ក្នុងការលើកស្ទួយវិស័យអប់រំ។ ជាពិសេស តាំងពីឆ្នាំ ២០១៤ ស.ស.យ.ក បានចូលរួមសង្កេតការណ៍ការប្រឡងបាក់ឌុប ដើម្បីធ្វើយ៉ាងណា ឲ្យការប្រឡងប្រព្រឹត្តទៅដោយជោគជ័យ យុត្តិធម៌ ទទួលយកបាន ដោយផ្អែកលើទិសស្លោក “ អ្នកចេះគឺជាប់” ។ក្នុងនាមជាប្រធានស.ស.យ.ក និងជាពលរដ្ឋមួយរូប ឯកឧត្តម ហ៊ុន ម៉ានីក៏ចង់ឃើញការរៀបចំការប្រឡងបាក់ឌុបមួយ ប្រកបដោយប្រសិទ្ធភាព និងតម្លាភាពខ្ពស់ ហើយឯកឧត្តម ក៏សូមបញ្ជាក់ជាថ្មី ជូនអាណាព្យាបាល សិស្សានុសិស្សគ្រប់រូបថា ស.ស.យ.ក មិនធ្វើសកម្មភាពណាមួយដូចការចោទប្រកាន់នោះទេ ហើយសហភាពសហព័ន្ធយុវជនកម្ពុជា នឹងទទួលខុសត្រូវចំពោះមុខច្បាប់ ប្រសិនមានការប្រព្រឹត្តខុសឆ្គងណាមួយទៅលើច្បាប់ និងលិខិតបទដ្ឋាននានា ពាក់ព័ន្ធការប្រឡងបាក់ឌុប៕

លោក Macron និយាយថា សម្ព័ន្ធណាតូត្រូវតែត្រៀមការធានាសន្តិសុខសម្រាប់ប្រទេសរុស្ស៊ី

បារាំង៖ លោកប្រធានាធិបតីបារាំង Emmanuel Macron បានប្រាប់ទូរទស្សន៍ជាតិកាលពីចុងសប្ដាហ៍នេះថា សម្ព័ន្ធយោធាណាតូគួរតែត្រៀមការធានាសម្រាប់សន្តិសុខរបស់ប្រទេសរុស្ស៊ី បន្ទាប់ពីដំណោះស្រាយនៃជម្លោះក្នុងប្រទេសអ៊ុយក្រែន។ លោក Macron គឺជាមេដឹកនាំទី២ របស់បណ្ដាប្រទេសជាសមាជិកសហភាពអឺរ៉ុបនៅសប្ដាហ៍នេះ ក្នុងការបើកឲ្យមានការពិភាក្សាដោយចំហពីទំនាក់ទំនងនាពេលអនាគត របស់លោកខាងលិចជាមួយរុស្ស៊ី។ នៅក្នុងបទសម្ភាសន៍ជាមួយសារព័ត៌មាន TF1 និងបណ្ដាញទូរទស្សន៍ LCI របស់បារាំង លោក Macron បានហៅកិច្ចប្រជុំរបស់លោកជាមួយលោកប្រធានាធិបតីអាមេរិក Joe Biden នៅសប្ដាហ៍នេះថា ជាជោគជ័យ ដោយបន្ថែមថា មេដឹកនាំទាំង២ បានចាប់ផ្ដើមពិភាក្សាអ្វីដែលជាសន្តិភាព ក្រោយជម្លោះនៅក្នុងប្រទេសអ៊ុយក្រែន។លោក Macron បានទទួលស្គាល់ថា ក្ដីកង្វល់របស់លោកប្រធានាធិបតីរុស្ស៊ី Vladimir Putin ដែលថា សម្ព័ន្ធយោធាណាតូនឹងដាក់ពង្រាយអាវុធដែលនឹងគំរាមកំហែងដល់រុស្ស៊ី ដោយនិយាយថា សមាជិករបស់សម្ព័ន្ធយោធាដឹកនាំដោយសហរដ្ឋអាមេរិក ចាំបាច់ត្រូវត្រៀមផ្ដល់ការធានាសន្តិសុខដល់សហព័ន្ធរុស្ស៊ី នៅពេលទីក្រុង Moscow ចូលតុចរចាជាមួយទីក្រុង Kiev និងលោកខាងលិច។ប៉ុន្តែ ខណៈដែលលោកនិយាយថា សម្ព័ន្ធយោធាណាតូទំនងជានឹងក្លាយជាចំណែកមួយសម្រាប់ប្រធានបទសន្តិ ខណៈដែលលោកប្រកាន់ខ្ជាប់គោលការណ៍របស់សម្ព័ន្ធនេះថា នឹងមានតែប្រទេសអ៊ុយក្រែនតែមួយគត់ដែលនឹងសម្រេចថា តើនៅពេលណានឹងចូលតុចរចាឡើងវិញជាមួយរុស្ស៊ី ព្រមទាំងបានប្ដេជ្ញាចាត់ការក្នុងកម្រិតអតិប្បរមា ដើម្បីបង្កើនផ្នែកយោធារបស់ទីក្រុង Kiev ក្នុងពេលជាមួយគ្នា៕អត្ថបទ៖ សុខមាន

អភិបាលខេត្តត្បូងឃ្មុំ បើកវិញ្ញាសារប្រឡងនៅមណ្ឌលវិទ្យាល័យហ៊ុនសែនសួង

ត្បូងឃ្មុំ៖ ឯកឧត្តម ជាម ច័ន្ទសោភ័ណ អភិបាលខេត្តត្បូងឃ្មុំ បានថ្លែងថា ការប្រឡងបាក់ឌុបឆ្នាំនេះ ក៏មិនខុសពីឆ្នាំមុនៗដែរ នីតិវិធីនៃការរៀបចំទាំងអស់ រឹតតែមានការប្រុងប្រយ័ត្ន និងតឹងរឹងបំផុតពោលគឺ «អ្នកចេះគឺជាប់»។ថ្លែងបែបនេះ ក្នុងឱកាសដែលឯកឧត្តមអញ្ជើញកាត់បើកវិញ្ញាសារប្រឡងសញ្ញាបត្រមធ្យមសិក្សាទុតិយភូមិ-បាក់ឌុប ឆ្នាំសិក្សា២០២១-២០២២ នាព្រឹកថ្ងៃទី០៥ ខែធ្នូ ឆ្នាំ២០២២ នៅមណ្ឌលវិទ្យាល័យតេជោហ៊ុនសែនសួង ស្ថិតនៅក្រុងសួង ខេត្តត្បូងឃ្មុំ ។លោក អ៊ិន ពៅសម្បត្តិ ប្រធានមន្ទីរអប់រំ យុវជន និងកីឡា ខេត្តត្បូងឃ្មុំ ឲ្យដឹងថា ចំពោះខេត្តត្បូងឃ្មុំមានមណ្ឌលប្រឡងមានចំនួន ០៩ មណ្ឌល ដោយក្នុងនោះថ្នាក់វិទ្យាសាស្រ្តមានចំនួន ០៣ មណ្ឌល និងថ្នាក់វិទ្យាសាស្រ្តសង្គមមានចំនួន០៦ មណ្ឌល មានបេក្ខជនសរុប៤៩៣៥នាក់ ក្នុងនោះស្រីមានចំនួន២៧៩០នាក់៕

បេក្ខជនមានបញ្ហាសុខភាពក្នុងអំឡុងដំណើរសំណេរការប្រឡងសញ្ញាបត្រមធ្យមសិក្សាទុតិយភូមិ

ភ្នំពេញ៖ នៅព្រឹកថ្ងៃទី១នេះ មានបេក្ខជនមួយចំនួន មកពីខេត្តឧត្តរមានជ័យ បាត់ដំបង កំពង់ស្ពឺ ត្បូងឃ្មុំ មណ្ឌលគិរី ដែលមានបញ្ហាសុខភាពនៅក្នុងដំណើរសំណេរការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៥ ធ្នូ ២០២២។ ក្នុងនោះបេក្ខជនមួយចំនួន បានបន្តការប្រឡងឡើងវិញក្រោមការយកចិត្តទុកដាក់មើលថែពីក្រុមគ្រូពេទ្យ បន្ទាប់ពីមានអាការៈធូរស្រាល និងបេក្ខជនផ្សេងទៀតត្រូវបានបញ្ជូនទៅមន្ទីរពេទ្យ។ក្រសួងអប់រំ យុវជន និងកីឡា ជំរុញលើកចិត្តឱ្យបេក្ខជនប្រឡងទាំងអស់ត្រូវថែរក្សាសុខភាពឱ្យបានល្អ សម្រាក និងបរិភោគអាហារឱ្យបានគ្រប់គ្រាន់ប្រកបដោយអនាម័យ ដើម្បីទទួលបានលទ្ធផលល្អប្រសើរក្នុងការប្រឡង។ (ប្រភព៖ ក្រសួងអប់រំ យុវជន និងកីឡា)

ឯកឧត្តមទេសរដ្ឋមន្ត្រី ឱម យ៉ិនទៀង ចុះពិនិត្យដំណើរការប្រឡងបាក់ឌុបនៅកំពត

កំពត៖ នៅព្រឹកថ្ងៃទី៥ ខែធ្នូ ឆ្នាំ២០២២នេះ ឯកឧត្តម ឱម យ៉ិនទៀង ប្រធានអង្គភាពប្រឆាំងអំពើពុករលួយ(ACU) រួមដំណើរដោយឯកឧត្តម ម៉ៅ ធនិន អភិបាលខេត្តកំពត បានចុះពីនិត្យដំណើរការប្រឡងបាក់ឌុប និងបើកវិញ្ញាសានៅសាលាមិត្តភាពកម្ពុជា-ជប៉ុនកំពតក្រុង។ ប្រធានមន្ទីរអប់រំយុវជន និងកីឡាខេត្តកំពត លោកតាក់ ហាប់ បានប្រាប់ឲ្យឲ្យដឹងថា ខេត្តកំពតបានរៀបចំការប្រឡងសញ្ញាបត្រទុតិយភូមិ (បាក់ឌុប)ចំនួន១០មណ្ឌល វិទ្យាសាស្ត្រ ៣មណ្ឌល និងវិទ្យាសាស្ត្រសង្គម ៧មណ្ឌល ស្មើ២១៥បន្ទប់ និងមានបេក្ខជនប្រឡងជាង៥ពាន់នាក់ ។មុនពេល និងពេលប្រឡង មានការចូលរួមរៀបចំដោយយកចិត្តពី គណៈកម្មការជាច្រើន ដូចជាគណៈកម្មការមេប្រយោគទូទាំងប្រទេស គណៈកម្មការអប្បមាទ និងគណៈកម្មការអនុរក្ស ប្រធាន អនុប្រធានមណ្ឌល រហូតដល់អនុរក្ស ហើយក្នុងនោះអ្នកដែលចូលរួមសហការមានអង្គភាពប្រឆាំងអំពើពុករលួចផងដែរ។ក្រោយពីបានពិនិត្យ និងបើកវិញ្ញារួច ឯកឧត្តម ទេសរដ្ឋមន្ត្រី និងឯកឧត្តមអភិបាលខេត្តកំពតបានវាយតម្លៃថាការរៀបចំការប្រឡងនៅខេត្តកំពតមានលក្ខណៈល្អប្រសើរ ត្រឹមត្រូវ សុក្រឹត យុត្តិធម៌ និងបានលើកទឹកចិត្តដល់សិស្សានុសិស្ស ត្រូវប្រមូលអារម្មណ៍ កុំភ័យ ហើយត្រូវខិតខំបញ្ចេញសមត្ថភាពឲ្យពេញទំហឹង ដើម្បីយកនិទ្ទេសល្អឲ្យបានកាន់តែច្រើនជូនដល់ខេត្តកំពត៕

បណ្ដាញសង្គម

ព័ត៌មានថ្មីៗ

ឧបនាយករដ្ឋមន្ត្រី ហ៊ុន ម៉ានី អញ្ជើញជាអធិបតីបើកវេទិកាអភិបាលកិច្ចល្អដែលជាព្រឹត្តិការណ៍អម នៃ 23rd ACCSM

លោក Trump និយាយថា អ៊ីរ៉ង់កំពុងប្រឈមនឹង«ឱកាសចុងក្រោយមុនពេលដួលរលំ»

អឺរ៉ុបអំពាវនាវឲ្យរឹតបន្តឹងព្រំដែន និងចាត់វិធានការរួមគ្នាក្រោយការឆ្លងដែនជនអន្តោប្រវេសន៍រាប់ម៉ឺននាក់ពីម៉ារ៉ុកចូលអេស្ប៉ាញ

រលកកម្តៅជាប់កំណត់ត្រាធ្វើឲ្យទីក្រុងចំនួន ២៥របស់អ៊ីតាលីស្ថិតក្រោមការប្រកាសអាសន្នកម្រិតពណ៌ក្រហម

កម្ពុជានិងអាមេរិក ពង្រឹងកិច្ចសហប្រតិបត្តិការលើការប្រើប្រាស់បច្ចេកវិទ្យាថ្មី ដើម្បីបង្រ្កាបបទល្មើសព្រៃឈើ

ម៉ារ៉ុក៖ ការសម្រុកចូលរបស់អន្តោប្រវេសន៍ទៅក្នុងដែនដី Ceuta គឺដោយសារចចាមអារ៉ាមលើបណ្ដញសង្គម

ប្រមុខការទូតកម្ពុជា ថ្លែងអំណរគុណយ៉ាងជ្រាលជ្រៅចំពោះតួនាទីយ៉ាងសកម្មរបស់ម៉ាឡេស៊ី ក្នុងការរក្សាសន្តិភាព និងស្ថិរភាពយូរអង្វែងក្នុងតំបន់ ជាពិសេសក្នុងជម្លោះព្រំដែនកម្ពុជា-ថៃ

ហុងគ្រីប្រឈមនឹងរយៈពេល ៥ថ្ងៃដ៏ធ្ងន់ធ្ងរ ខណៈគ្រោះរាំងស្ងួត បង្ខំឲ្យបិទរោងចក្រថាមពលនុយក្លេអ៊ែរ

អ្នកភូមិវាយតម្លៃការខូចខាត ពេលទឹកជំនន់បំផ្លិចបំផ្លាញនៅរដ្ឋ Assam ប្រទេសឥណ្ឌា

កម្រិតទឹកទាបជាប់កំណត់ត្រាបង្ហាញនាវាលិច និងបណ្តាលឲ្យទូកជាប់លើខ្សាច់ក្នុងប្រទេសក្រូអាត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីនឹងមិននាំចេញប្រេងដោយសារតែការទប់តម្លៃប្រេងពីប្រទេសលោកខាងលិច

ឥណ្ឌូនេស៊ីជម្លៀសពលរដ្ឋជិត ២ពាន់នាក់ ខណៈភ្នំភ្លើងផ្ទុះនៅលើកោះជ្វា

នគរបាលអេស្ប៉ាញច្រានចោលការជាប់ពាក់ព័ន្ធរបស់រុស្ស៊ីក្នុងការដាក់គ្រឿងផ្ទុះក្នុងកញ្ចប់សំបុត្រ

រុស្ស៊ីបន្តវាយលុកតំបន់របស់អ៊ុយក្រែន ខណៈលោក Zelenskyy ជំរុញឲ្យពលរដ្ឋអត់ធ្មត់ក្នុងរដូវរងា

លោក Macron និយាយថា សម្ព័ន្ធណាតូត្រូវតែត្រៀមការធានាសន្តិសុខសម្រាប់ប្រទេសរុស្ស៊ី

អភិបាលខេត្តត្បូងឃ្មុំ បើកវិញ្ញាសារប្រឡងនៅមណ្ឌលវិទ្យាល័យហ៊ុនសែនសួង

បេក្ខជនមានបញ្ហាសុខភាពក្នុងអំឡុងដំណើរសំណេរការប្រឡងសញ្ញាបត្រមធ្យមសិក្សាទុតិយភូមិ

ឯកឧត្តមទេសរដ្ឋមន្ត្រី ឱម យ៉ិនទៀង ចុះពិនិត្យដំណើរការប្រឡងបាក់ឌុបនៅកំពត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​នឹងមិន​នាំចេញ​ប្រេង​ដោយសារតែ​ការ​ទប់​តម្លៃ​ប្រេង​ពី​ប្រទេស​លោកខាងលិច​

ឥណ្ឌូនេស៊ី​ជម្លៀស​ពលរដ្ឋ​ជិត ​២​ពាន់​នាក់ ខណៈ​ភ្នំភ្លើង​ផ្ទុះ​នៅលើ​កោះ​ជ្វា

រុស្ស៊ី​បន្ត​វាយលុក​តំបន់​របស់​អ៊ុយ​ក្រែ​ន​ ខណៈ​លោក Zelenskyy ជំរុញ​ឲ្យ​ពលរដ្ឋ​អត់ធ្មត់​ក្នុង​រដូវរងា​

លោក Macron និយាយថា សម្ព័ន្ធ​ណា​តូត្រូវតែ​ត្រៀម​ការធានា​សន្តិសុខសម្រាប់​ប្រទេស​រុស្ស៊ី

អភិបាលខេត្តត្បូងឃ្មុំ បើកវិញ្ញាសារប្រឡងនៅមណ្ឌលវិទ្យាល័យហ៊ុនសែនសួង

បេក្ខជនមានបញ្ហាសុខភាពក្នុងអំឡុងដំណើរសំណេរការប្រឡងសញ្ញាបត្រមធ្យមសិក្សាទុតិយភូមិ

ឯកឧត្តមទេសរដ្ឋមន្ត្រី ឱម យ៉ិនទៀង ចុះពិនិត្យដំណើរការប្រឡងបាក់ឌុបនៅកំពត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីនឹងមិននាំចេញប្រេងដោយសារតែការទប់តម្លៃប្រេងពីប្រទេសលោកខាងលិច

ឥណ្ឌូនេស៊ីជម្លៀសពលរដ្ឋជិត ២ពាន់នាក់ ខណៈភ្នំភ្លើងផ្ទុះនៅលើកោះជ្វា

រុស្ស៊ីបន្តវាយលុកតំបន់របស់អ៊ុយក្រែន ខណៈលោក Zelenskyy ជំរុញឲ្យពលរដ្ឋអត់ធ្មត់ក្នុងរដូវរងា

លោក Macron និយាយថា សម្ព័ន្ធណាតូត្រូវតែត្រៀមការធានាសន្តិសុខសម្រាប់ប្រទេសរុស្ស៊ី