នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូន​ក្រុម​គ្រួសារ​របស់​វីរកងទ័ពពលី
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក
សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ
ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញ​ចែក​វិញ្ញាបន​បត្រ​សម្គាល់​ម្ចាស់​អចលនវត្ថុ​ជូន​ប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល​

ព័ត៌មានសំខាន់ៗ

ខ្លឹមសារសំខាន់ៗរបស់សម្តេចតេជោ ហ៊ុន សែន ក្នុងពិធីសំណេះសំណាល និងប្រគល់សញ្ញាបត្រ ជូននិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង៦ពាន់នាក់

2022/11/01 03:59:45 pm        274
Facebook Telegram Linkin
ភ្នំពេញ៖ នៅព្រឹកថ្ងៃទី០១ ខែវិច្ឆិកា ឆ្នាំ២០២២នេះ សម្តេចតេជោ ហ៊ុន សែន បានអញ្ជើញជាអធិបតីដ៏ខ្ពង់ខ្ពស់​ សំណេះសំណាល និងប្រគល់សញ្ញាបត្រជូននិស្សិត សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង៦ពាន់នាក់។ខាងក្រោមនេះ ជាខ្លឹមសារសំខាន់ៗរបស់សម្តេចតេជោ ហ៊ុន សែន ៖- និស្សិតដែលអញ្ជើញទទួលសញ្ញាបត្រនៅព្រឹកនេះ មានចំនួនសរុប ៦,៣០៧នាក់ (នារី ៣,០៨៨នាក់) ក្នុងនោះមាននិស្សិតថ្នាក់បរិញ្ញាបត្រ ៤,៦៦៤ នាក់ នារី ២,៥២៨នាក់ និងនិស្សិតថ្នាក់បរិញ្ញាបត្រជាន់ខ្ពស់ ១,៦៤៣នាក់ នារី ៥៦០នាក់។ - និស្សិតដែលទទួលសញ្ញាបត្រនាព្រឹកនេះ មាននិស្សិតជាង ៩៧ភាគរយ មានការងារធ្វើ ក្នុងនោះនិស្សិតថ្នាក់បរិញ្ញាបត្រមានជាង ៩៦ភាគរយ និងនិស្សិតថ្នាក់បរិញ្ញាបត្រជាន់ខ្ពស់មានជិត ១០០ភាគរយ។- សម្តេចតេជោ ហ៊ុន សែន បានប្រកាសថា ជាភ័ព្វសំណាង ដែលកម្ពុជា​ បានជំនះលើសមរភូមិប្រឆាំងកូវីដ-១៩ ទើបយើងមានឱកាសបានជួបជុំគ្នាដោយផ្ទាល់ដូចពេលនេះ។- សម្តេចតេជោ ហ៊ុន សែន បញ្ជាក់ថា មកទល់ពេលនេះ មានរយៈពេល១ឆ្នាំហើយ ដែលកម្ពុជាបើកប្រទេសឡើងវិញ បន្ទាប់ពីរងគ្រោះធ្ងន់ធ្ងរដោយជំងឺកូវីដ-១៩ ដែលជាឱកាស នៃការបើកឡើងវិញ នូវសេដ្ឋកិច្ច សង្គម និងផ្នែកពាក់ព័ន្ធសំខាន់ៗជាច្រើនទៀត។- សម្តេចតេជោ ហ៊ុន សែន បានប្រកាសថា ក្នុងពេលកម្ពុជាកំពុងរងការវាយប្រហារខ្លាំងដោយជំងឺកូវីដ-១៩ រាជរដ្ឋាភិបាល និងអាជ្ញាធរគ្រប់ជាន់ថ្នាក់ បានដាក់ចេញនូវវិធានការនានាបន្ទាន់ និងចាំបាច់ ដើម្បីធានាសុខុមាលភាព និងអាយុជីវិតប្រជាពលរដ្ឋពីជំងឺកូវីដ-១៩។- សម្តេចតេជោ ហ៊ុន សែន ប្រកាសថា កូវីដ-១៩ មិនទាន់ទៅណាឆ្ងាយពីយើងទេ ដូច្នេះវិធានការការពារខ្លួន និងការចាក់វ៉ាក់សាំងកូវីដ-១៩ ឱ្យបានគ្រប់ដូស តាមការណែនាំរបស់ក្រុមគ្រូពេទ្យ គឺជាអ្វីដែលយើងចាំបាច់ត្រូវធ្វើដើម្បីសុខុមាលភាព និងអាយុជីវិតប្រជាពលរដ្ឋ។- សម្តេចតេជោ ហ៊ុន សែន បន្តអំពាវនាវដល់ប្រជាពលរដ្ឋឱ្យបន្តមានវិធានការការពារខ្លួនពីការឆ្លង និងចម្លងកូវីដ-១៩ ដោយអនុវត្តន៍វិធានការនានាតាមការណែនាំរបស់ក្រសួងសុខាភិបាល ព្រមទាំងនាំគ្នាទៅចាក់វ៉ាក់សាំងកូវីដ-១៩ ឱ្យបានគ្រប់ៗគ្នា តាមការណែនាំរបស់គ្រូពេទ្យ។- សម្តេចតេជោ ហ៊ុន សែន បានប្រកាសកោតសរសើរដល់សាកលវិទ្យាល័យភូមិនីតិសាស្ត្រ និងវិទ្យាសាស្ត្រសេដ្ឋកិច្ច ដែលនៅតែបន្តភាពល្អប្រសើរ និងនិរន្តរភាព នៃការបង្រៀន និងរៀនរបស់ខ្លួន បានយ៉ាងល្អប្រសើរ និងកិត្យានុភាព។- សម្តេចតេជោ ហ៊ុន សែន បញ្ជាក់ថា សាកលវិទ្យាល័យភូមិនីតិសាស្ត្រ និងវិទ្យាសាស្ត្រសេដ្ឋកិច្ច បានចាប់ផ្តើមជាមួយភាពលំបាលលំបិនកាលពីឆ្នាំ១៩៨២ ដែលកាលណោះមានអគារចាស់ៗ និងប្រក់ដែកសង្កសី ហើយទីធ្លាមួយចំនួននាពេលនេះ បានកាត់ចេញមកពីវិទ្យាល័យបឹងត្របែកដែលនៅក្បែរនោះ។- សម្តេចតេជោ ហ៊ុន សែន ប្រកាសថា ក្រៅពីនិស្សិតខ្មែរ សាកលវិទ្យាល័យភូមិនីតិសាស្ត្រ និងវិទ្យាសាស្ត្រសេដ្ឋកិច្ច មាននិស្សិតបរទេសជាច្រើនបានចូលសិក្សា ក្នុងនោះក៏មាននិស្សិតមកពីសហរដ្ឋអាមេរិក និងនិស្សិតមកពីប្រទេសធំៗ និងរីកចម្រើននានាលើសកលលោកផងដែរ។- សម្តេចតេជោ ហ៊ុន សែន ប្រកាសថា ក្នុងចំណោមនិស្សិត ដែលទទួលសញ្ញាប័ត្រនាពេលនេះ មាននិស្សិតជាង៩៧ភាគរយ មានការងារធ្វើ ក្នុងនោះនិស្សិតថ្នាក់បរិញ្ញាបត្រមានជាង ៩៦ភាគរយ និងនិស្សិតថ្នាក់បរិញ្ញាបត្រជាន់ខ្ពស់មានជិត ១០០ភាគរយ ហើយនិស្សិតមួយចំនួនទៀតមានការងារ-របរ និងអាជិវកម្មផ្ទាល់ខ្លួន។- សម្តេចតេជោ ហ៊ុន សែន ប្រកាសថា នៅល្ងាចថ្ងៃទី០១ ខែវិច្ឆិកា ឆ្នាំ២០២២នេះ សម្តេចនឹងជួបសន្ទនាតាមទូរស័ព្ទជាមួយឯកឧត្តម Volodymyr Zelenskyy ប្រធានាធិបតីអ៊ុយក្រែន លើកិច្ចការទំនាក់ទំនងផ្ទាល់រវាងកម្ពុជា-អ៊ុយក្រែន និងកិច្ចសហប្រតិបត្តិការក្របខណ្ឌអាស៊ាន-អ៊ុយក្រែន។- សម្តេចតេជោ ហ៊ុន សែន បានប្រកាសជាថ្មីថា សន្តិភាពមានមានតម្លៃខ្លាំងណាស់សម្រាប់មនុស្សជាតិ មិនថាតែកម្ពុជាទេ។ សម្តេចបញ្ជាក់ថា «ការអភិវឌ្ឍនីមួយៗ នឹងមិនអាចកើតឡើងបានឡើយ បើគ្មានសន្តិភាព និងធនធានមនុស្ស»។- សម្តេចតេជោ ហ៊ុន សែន បញ្ជាក់ថា ពេលនេះ មានមេឃុំ និងចៅសង្កាត់មួយចំនួន បានបញ្ចប់ថ្នាក់ឧត្តមសិក្សា ហើយសម្តេចសង្ឃឹមថា ការបោះឆ្នោតក្រោយៗទៀតថ្នាក់ឃុំ-សង្កាត់ នឹងមានបេក្ខជនឈ្មោះ ដែលមានកម្រិតវប្បធម៌កាន់តែខ្ពស់ថ្នាក់ឧត្តមសិក្សា។- សម្តេចតេជោ ហ៊ុន សែន បានប្រកាសថា មានអ្នកខ្លះ មិនហ៊ាននិយាយពីអតីតកាលដ៏លំបាកលំបិនរបស់សកម្ពុជា និងអនុស្សាវរីយ៍ឈឺចាប់របស់ខ្លួនឡើយ ខ្លាចគេថា «អន់» តែសម្រាប់សម្តេច ការឈឺចាប់ និងភាពលំបាលលំបិនរបស់កម្ពុជាពីអតីតកាល គឺជាមេរៀនសម្រាប់យើងទាំងអស់គ្នា។- សម្តេចតេជោ ហ៊ុន សែន ប្រកាសកុំឱ្យមានភាន់ច្រលំថា ៧មករា ឆ្នាំ១៩៧៩ ជារបស់គណបក្សប្រជាជនកម្ពុជាផ្តាច់មុខ ។ ៧មករា ជារបស់ប្រជាពលរដ្ឋខ្មែរគ្រប់រូប ហើយជាថ្ងៃ នៃការរន់រានមានជីវិតឡើងវិញសារជាថ្មីរបស់ប្រជាពលរដ្ឋខ្មែរ ពីការកាប់សម្លាប់ ប្រល័យពូជសាសន៍។- សម្តេចតេជោ ហ៊ុន សែន ប្រកាសថា ក្នុងពេលជារដ្ឋមន្ត្រីក្រសួងការបរទេសនៃកម្ពុជា សម្តេចមានអាវធំ(ក្រសេ)តែមួយប៉ុណ្ណោះ និងបានពាក់អាវធំមួយតែមួយនោះ ទស្សនកិច្ចផ្លូវការនៅប្រទេសនានាលើពិភពលោក ហើយរួបថតមួយចំនួនដែលបានបន្សល់ទុក បានក្លាយជាអនុស្សាវីយ៍ជាង ៤០ឆ្នាំ។- សម្តេចតេជោ ហ៊ុន សែន បានប្រកាសដល់និស្សិតនានា ទោះចប់សិក្សាក៏ដោយ មិនត្រូវបោះបង់ស្វ័យសិក្សាឡើយ ព្រោះនៅលើលោកនេះ គ្មាននរណាម្នាក់ចេះអស់នោះទេ។- សម្តេចតេជោ ហ៊ុន សែន បានប្រកាសថា ការតែងតាំងរដ្ឋមន្ត្រីណាមួយរបស់កម្ពុជា មិនចាំបាច់សុំការអនុញ្ញាតពីអ្នករិះគន់ និងអ្នកវិភាគទាំងឡាយទាំងពួងនោះទេ ហើយរដ្ឋមន្ត្រី ដែលបានតាំង ក៏មិនទាល់តែត្រូវជំនាញនោះទេ ព្រោះអ្វីៗយើងអាចរៀនសូត្របាន ហើយក៏គ្មាននរណាចេះអស់សព្វគ្រប់ដែរ។- សម្តេចតេជោ ហ៊ុន សែន ប្រកាសថា ក្នុងពេលជួបសន្ទនាជាមួយឯកឧត្តម Volodymyr Zelenskyy ប្រធានាធិបតីអ៊ុយក្រែននាល្ងាចនេះ សម្តេចនឹងចោទសួរប្រធានាធិបតីអ៊ុយក្រែនពាក់ព័ន្ធនឹងការនាំចេញគ្រាប់ធញ្ញជាតិទៅក្រៅប្រទេស នាំឱ្យមានវិបត្តិស្បៀងអាហារលើពិភពលោក។- សម្តេចតេជោ ហ៊ុន សែន ប្រកាសសុំការយោគយល់ពីប្រជាពលរដ្ឋរស់នៅតែដងផ្លូវសំខាន់ៗក្នុងរាជធានីភ្នំពេញ ដែលបានបិទ ឬផ្អាកបណ្តោះអាសន្ន ដើម្បីទទួលគណៈប្រតិភូអាស៊ាន និងប្រទេសមហាអំណាចនានា ក្នុងពេលកម្ពុជាធ្វើជាម្ចាស់ផ្ទះ រៀបចំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ ដែលនឹងឈានចូលមកដល់នាពេលឆាប់ៗខាងមុខនេះ។- សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋនៅតាមទីជនបទនានា ដែលមានឪពុក-ម្តាយ យាយ-តា ចាស់ជរា សូមមើលថែរក្សាពួកគាត់ក្នុងរដូវរងារចូលមកដល់នេះ ដើម្បីឱ្យពួកគាត់បានរស់នៅដោយកក់ក្តៅ។- សម្តេចតេជោ ហ៊ុន សែន នៅតែបន្តប្រកាសអំពាវនាវដល់ស្ថាប័នរដ្ឋ និងវិស័យឯកជន សូមលើកទឹកចិត្ត ផ្តល់ឱកាស និងទទួលយកមន្ត្រីរាជការក្របខណ្ឌថ្មី ឬបុគ្គលិក ជាជនពិការ ដើម្បីបំពេញការងារ។សង្កថាសម្តេចតេជោ ហ៊ុន សែន ក្នុងឱាសសំណេះសំណាល និងប្រគល់សញ្ញាបត្រ ជូននិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង៦ពាន់នាក់នៅព្រឹកថ្ងៃទី១ ខែវិច្ឆិកា ចប់នៅវេលាម៉ោង០៨ និង៣៦នាទី៕

សម្តេចតេជោ ហ៊ុន សែន ចំអកឲ្យជនមួយក្តាប់តូចដែលបំភ្លេចនូវអតីតកាល ប្រៀបបានដូចជាបំភ្លេចឱពុក-ម្តាយខ្លួនឯង

2022/11/01 03:45:14 pm        331
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានចំអកឱ្យជនមួយក្តាប់តូច មិនដែលហ៊ានរំលឹកនូវអតីតកាលនោះទេ ខណៈដែលពួកទាំងនោះបំភ្លេចនូវអតីតកាល ដែលខ្លួនធ្លាប់ឆ្លងកាត់ទាំងនោះ ប្រៀបបានដូចជា បំភ្លេចនូវគុណឱពុកម្តាយខ្លួនឯងយ៉ាងដូច្នេះដែរ។ថ្លែងក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងសំណេះសំណាល និងប្រគល់សញ្ញាប័ត្រ ដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅមជ្ឈមណ្ឌលពិព័រណ៍ជ្រោយចង្វារ (OCIC) នាព្រឹកថ្ងៃទី១ ខែវិឆ្ឆិកា ឆ្នាំ២០២២នេះ សម្តេចតេជោ ហ៊ុន សែន បញ្ជាក់ថា មានអ្នកខ្លះ មិនហ៊ាននិយាយពីអតីតកាលដ៏លំបាកលំបិនរបស់សកម្ពុជា និងអនុស្សាវរីយ៍ឈឺចាប់របស់ខ្លួនឡើយ ខ្លាចគេថា «អន់» តែសម្រាប់សម្តេច ការឈឺចាប់ និងភាពលំបាលលំបិនរបស់កម្ពុជាពីអតីតកាល គឺជាមេរៀនសម្រាប់យើងទាំងអស់គ្នា។ សម្តេចបន្តថា អ្នកខ្លះទៀត កាលពីកន្លងទៅ សូម្បីតែកង់ក៏គ្មានជិះដែរ តែបច្ចុប្បន្នពួកគេមានឡាន ម៉ូតូជិះយ៉ាងស្រួល បែរជាមកជេរ និងរិះគន់ការដឹកនាំរបស់សម្តេចទៅវិញ។សម្តេចតេជោ ហ៊ុន សែន បែបចំអកដល់«ក្រុមប្រឆាំងចាញ់ជាអមតៈ» ដែលកំពុងរត់ចោលស្រុក និងក្រុមអ្នកវិភាគដូរបាយមួយចំនួន ដែលកំពុងស្រែកក្ដែងតាមវិទ្យុ និងប្រព័ន្ធផ្សព្វផ្សាយបរទេសមួយចំនួន៕(ដោយ៖ បាន ចក់)

សម្តេចតេជោ ហ៊ុន សែន អញ្ជើញជាអធិបតីប្រគល់សញ្ញាបត្រជូននិស្សិត សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង៦ពាន់នាក់

2022/11/01 02:15:59 pm        389
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីក្នុងពិធីប្រគល់សញ្ញាបត្រជូន​និស្សិត​សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង ៦ពាន់នាក់ នៅព្រឹកថ្ងៃទី០១ ខែវិច្ឆិកា ឆ្នាំ២០២២នេះ។យោងតាមរបាយការណ៍ក្រសួងអប់រំ យុវជន និងកីឡា បានឱ្យដឹងថា និស្សិតដែលដែលអញ្ជើញទទួលសញ្ញាបត្រនៅព្រឹកនេះ មានចំនួនសរុប ៦,៣០៧នាក់ (នារី ៣,០៨៨នាក់)។ ក្នុងនោះមាននិស្សិតថ្នាក់បរិញ្ញាបត្រ ៤,៦៦៤នាក់ នារី ២,៥២៨នាក់ និងនិស្សិតថ្នាក់បរិញ្ញាបត្រជាន់ខ្ពស់ ១,៦៤៣នាក់ នារី ៥៦០នាក់។យោងតាមលទ្ធផលស្ទង់មតិរបស់សាកលវិទ្យាល័យ និស្សិតដែលទទួលសញ្ញាបត្រនេះ មាននិស្សិតជាង ៩៧ភាគរយ មានការងារធ្វើ ក្នុងនោះនិស្សិតថ្នាក់បរិញ្ញាបត្រមានជាង ៩៦ភាគរយ និងនិស្សិតថ្នាក់បរិញ្ញាបត្រជាន់ខ្ពស់មានជិត ១០០ភាគរយ៕

សម្តេចតេជោ ហ៊ុន សែន នឹងអញ្ជើញជាអធិបតីប្រគល់សញ្ញាបត្រជូននិស្សិត សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង៦ពាន់នាក់ នៅព្រឹកស្អែកនេះ

2022/11/01 01:13:06 am        301
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នឹងអញ្ជើញជាអធិបតីក្នុងពិធីប្រគល់សញ្ញាបត្រជូន​និស្សិត​សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង ៦ពាន់នាក់ នៅព្រឹកថ្ងៃទី០១ ខែវិច្ឆិកា ស្អែកនេះ។របាយការណ៍ក្រសួងអប់រំ យុវជន និងកីឡា បានឱ្យដឹងថា និស្សិតដែលដែលអញ្ជើញទទួលសញ្ញាបត្រនៅថ្ងៃស្អែកនេះ មានចំនួនសរុប ៦,៣០៧នាក់ (នារី ៣,០៨៨នាក់)។ ក្នុងនោះមាននិស្សិតថ្នាក់បរិញ្ញាបត្រ ៤,៦៦៤នាក់ នារី ២,៥២៨នាក់ និងនិស្សិតថ្នាក់បរិញ្ញាបត្រជាន់ខ្ពស់ ១,៦៤៣នាក់ នារី ៥៦០នាក់។ យោងតាមលទ្ធផលស្ទង់មតិរបស់សាកលវិទ្យាល័យ និស្សិតដែលទទួលសញ្ញាបត្រនេះ មាននិស្សិតជាង ៩៧ភាគរយ មានការងារធ្វើ ក្នុងនោះនិស្សិតថ្នាក់បរិញ្ញាបត្រមានជាង ៩៦ភាគរយ និងនិស្សិតថ្នាក់បរិញ្ញាបត្រជាន់ខ្ពស់មានជិត ១០០ភាគរយ៕

នាយករដ្ឋមន្ត្រីចិន នឹងអញ្ជើញមកបំពេញទស្សនកិច្ចនៅកម្ពុជានាដើមសប្ដាហ៍ក្រោយ

2022/10/31 11:48:40 pm        580
Facebook Telegram Linkin
ភ្នំពេញ ៖ ប្រសិនជាមិនមានអ្វីប្រែប្រួលនោះទេ ឯកឧត្តម លី ខឺឈាង នាយករដ្ឋមន្ត្រីនៃសាធារណរដ្ឋប្រជាមានិ តចិន និងលោកជំទាវ នឹងអញ្ជើញមកបំពេញទស្សនកិច្ចជាផ្លូវការនៅកម្ពុជា រយៈពេល ៤ ថ្ងៃ។តាមការគ្រោងទុក ឯកឧត្តមនាយករដ្ឋមន្ត្រីចិន និងលោកជំទាវ នឹងអញ្ជើញមកបំពេញទស្សនកិច្ចជាផ្លូវការនៅកម្ពុជា ចាប់ពីថ្ងៃទី៨ ដល់ទី១១ ខែវិច្ឆិកា ឆ្នាំ២០២២។ ក្រៅពីបំពេញទស្សនកិច្ចនៅកម្ពុជា ឯកឧត្តមនាយករដ្ឋមន្ត្រីចិន ក៏នឹងអញ្ជើញ​ចូលរួមកិច្ចប្រជុំ​កំពូលអាស៊ានលើកទី៤០ និង៤១ និងកិច្ចប្រជុំពាក់ព័ន្ធនានាផងដែរ៕ ដោយ៖ គង់ ឌិន​

កងកម្លាំង​អាមេរិក និង​កូរ៉េខាងត្បូង​ចាប់ផ្តើម​សម​យុទ្ធ​ដែនអាកាស​រួមគ្នា​ក្នុង​ពេល​មានការ​បាញ់​មីស៊ី​ល​របស់​កូរ៉េខាងជើង​

2022/10/31 10:16:35 pm        795
Facebook Telegram Linkin
​​កូរ៉េខាងត្បូង៖ កងកម្លាំង​សហរដ្ឋអាមេរិក និង​កូរ៉េខាងត្បូង​ចាប់ផ្តើម​សមយុទ្ធ​ដែនអាកាស​រួមគ្នា​ទ្រង់​ទ្រាយ​ធំ​នៅ​ថ្ងៃ​ចន្ទ​នេះ​ ក្នុង​ពេល​មានការ​បាញ់​មី​ស៊ី​ល​ជា​ញឹកញាប់​មិន​ធ្លាប់​មាន​ពីមុន​មក ​របស់​ប្រទេស​កូរ៉េខាងជើង​។ តាម​សេចក្តីរាយការណ៍​បាន​ឲ្យ​ដឹង​ថា សម​យុទ្ធ​រយៈពេល​ 5ថ្ងៃ​នឹង​ចូល​រួម​ដោយ​យន្តហោះ​ប្រមាណ 240គ្រឿង​ ដែល​យន្តហោះ​ទាំងនេះ​នឹង​រាប់បញ្ចូល​ទាំង​យន្តហោះ​ចម្បាំង​បំបាំង​កាយ​ទំនើប F-35A របស់​កងទ័ពអាកាស​កូរ៉េខាងត្បូង និង​យន្តហោះ F-35B មកពី​ស្ថានីយ​ដែនអាកាស​របស់​កង​ម៉ា​រី​ន​អាមេរិក​នៅ​ទីក្រុង Iwakuni ភាគ​ខាងលិច​ប្រទេស​ជប៉ុន​។ សមយុទ្ធ​នេះ​នឹង​ក្លាយ​ជា​សមយុទ្ធ​ធំ​បំផុត​របស់​ប្រទេស​ទាំង2 ​ចាប់តាំងពី​ឆ្នាំ​2017 មក នៅ​ពេល​ដែល​កូរ៉េខាងជើង​បាន​សាក​ល្បង​នុយក្លេអ៊ែរ និង​បាញ់​មី​ស៊ី​ល​ម្តង​ហើយ​ម្តងទៀត​។​យោធា​កូរ៉េខាងត្បូង​និយាយ​ថា សម​យុទ្ធ​នេះ​នឹង​ពង្រឹង​សមត្ថភាព​ប្រតិបត្តិការ និង​ជួយ​ទប់ទល់​កូរ៉េខាងជើង​ពី​ការ​បង្កហេតុ​។ សហរដ្ឋអាមេរិក និង​កូរ៉េខាងត្បូង​បាន​ធ្វើ​សមយុទ្ធ​ដែនសមុទ្រ​រួមគ្នា​កាលពី​ខែ​តុលា ដោយមាន​នាវា​ផ្ទុក​យន្តហោះ​អាមេរិក​ដើរ​ដោយ​ថាមពល​នុយក្លេអ៊ែរ ត្រូវ​បាន​ដាក់​ពង្រាយ​ឡើងវិញ​នៅ​សមុទ្រ​ជប៉ុន​។ ទីក្រុង​ព្យុងយ៉ាង​បាន​អះអាង​នៅ​លើ​គេហទំព័រ​ផ្លូវការ​របស់​ខ្លួន​កាលពី​ថ្ងៃ​សៅរ៍​ថា សហរដ្ឋអាមេរិក និង​កូរ៉េខាងត្បូង​នឹង​ធ្វើ​សម​យុទ្ធ​ដែនអាកាសក្នុង​គោលបំណង​ឈ្លានពាន​ប្រទេស​កូរ៉េខាងជើង៕អត្ថបទ៖ ប៊ុនថន

ប្រវត្តិ​នៃ​ការ​រត់​ជាន់គ្នា​ជាច្រើន​នៅ​ប្រទេស​កូរ៉េខាងត្បូង

2022/10/31 09:32:34 pm        657
Facebook Telegram Linkin
​​កូរ៉េខាងត្បូង៖ បន្ត​បន្ទាប់​នេះ​គឺជា​ប្រវត្តិ​នៃ​ឧប្បត្តិហេតុ​ នៃ​ការ​រត់​ជាន់គ្នា​ជាច្រើន​នៅក្នុង​ប្រទេស​កូរ៉េខាងត្បូង​។​ ​កាលពី​យប់​ថ្ងៃ​សៅរ៍ ​ទី29 ខែតុលា ឆ្នាំ​2022 យ៉ាងហោចណាស់​មនុស្ស 153​នាក់​បាន​ស្លាប់ និង 133នាក់​ផ្សេងទៀត​បាន​រង​របួស​នៅក្នុង​ការរត់​ជាន់គ្នា​នៅក្នុង​សង្កាត់ Itaewon ទីក្រុង​សេ​អ៊ូ​ល ខណៈ​ក្រុមមនុស្ស​ចូលរួម​ពិធី​​ភាគច្រើន​ក្នុង​វ័យ​ជំទង់​អាយុ​ចន្លោះ ​20​ឆ្នាំ​ដែល​បានមក​បាន​ជួបជុំគ្នា​នៅក្នុង​ការកម្សាន្ត​ សម្រាប់​ការ​ប្រារព្ធ​ពិធីបុណ្យ Halloween។​ ​នៅ​ថ្ងៃទី3 ខែតុលា ឆ្នាំ2005 មនុស្ស​សរុប​ចំនួន 11នាក់​បាន​ស្លាប់ និង 145នាក់​ផ្សេងទៀត​បាន​រង​របួស​ នៅក្នុង​ការរត់​ជាន់គ្នា​ក្នុងការ​ប្រគុំ​តន្ត្រី​ប៉ុប​នៅ​ទីក្រុង Sangju ភាគខាងត្បូង​។ នៅ​ថ្ងៃទី5 ខែមករា ឆ្នាំ2001 សិស្ស​ស្រី​ម្នាក់​បាន​ស្លាប់ដោយសារ​គាំងបេះដូង បន្ទាប់ពី​មនុស្ស​ប្រមាណ 30នាក់​នាំគ្នា​សម្រុក​ចូល​ទៅ​មើល​ក្រុម​ចម្រៀង Click-B ដ៏​ពេញ​និយម និង​បាន​រត់​ជាន់គ្នា​។ ​នៅ​ថ្ងៃទី16 ខែធ្នូ ឆ្នាំ1996 សិស្ស​ពីរ​នាក់​បាន​ស្លាប់បន្ទាប់ពី​ហ្វូងមនុស្ស​សម្រុកចូល​ក្នុង​ពហុកីឡាដ្ឋាន​ប្រគុំ​តន្ត្រី​ក្នុង​ទីក្រុង Daegu ភាគ​អាគ្នេយ៍​សម្រាប់​កម្មវិធី​ផ្សាយ​ផ្ទាល់​ ដែល​រៀបចំ​ដោយ​កម្មវិធី​វិទ្យុ​ដ៏​ពេញនិយម​មួយ​។ នៅ​ថ្ងៃទី17 ខែកុម្ភៈ ឆ្នាំ1992 ក្មេងស្រី​ជំទង់​ម្នាក់​បាន​ស្លាប់ និង 50នាក់​ផ្សេងទៀត​បាន​រងរបួស​ក្នុងអំឡុងពេល​រត់​ជាន់គ្នា​នៅក្នុង​ការប្រគុំ​តន្ត្រី New Kids on the Block ក្នុង​ទីក្រុង​សេ​អ៊ូ​ល​។​នៅ​ថ្ងៃទី11 ខែកុម្ភៈ ឆ្នាំ1980 មនុស្ស 5នាក់​បាន​ស្លាប់ និង 18នាក់​ផ្សេងទៀត​បាន​រងរបួស បន្ទាប់ពី​ធ្លាក់​ពី​ការបាក់​ជណ្តើរ​នៅ​សាលាបឋមសិក្សា​មួយកន្លែង​ក្នុង​ទីក្រុង​ប៊ូសានភាគខាងត្បូង ខណៈដែល​សិស្ស​ប្រមាណ 1,000នាក់ព្យា​យាម​ចូលរួម​សន្និបាត​មួយ​។ នៅ​ថ្ងៃទី26 ខែមករា ឆ្នាំ1960 មនុស្ស​សរុប​ចំនួន 31នាក់​បាន​ស្លាប់ និង 40នាក់​ផ្សេងទៀត​បាន​រងរបួស​នៅ​ស្ថានីយ៍​រថភ្លើង​ទីក្រុង​សេ​អ៊ូ​ល បន្ទាប់ពី​ហ្វូងមនុស្ស​បាន​ប្រមូលផ្តុំ​គ្នា​ដើម្បី​ឡើង​ជិះ​រថភ្លើង​នៅ​ស្ថានីយ៍​ទីក្រុង​សេ​អ៊ូ​ល ​មុន​ការចាកចេញ​ប្រចាំឆ្នាំ​សម្រាប់​ថ្ងៃ​ឈប់សម្រាក​បុណ្យចូលឆ្នាំថ្មី​។ ​នៅ​ថ្ងៃទី17 ខែកក្កដា ឆ្នាំ1959 មនុស្ស​សរុប​ចំនួន 67នាក់​បាន​រត់​ដួល​សង្កត់​លើ​គ្នា​រហូតដល់​ស្លាប់​នៅពហុ​កីឡដ្ឋាន​ក្រុង Busan ក្នុង​ទីក្រុង Busan ភាគខាងត្បូង បន្ទាប់ពី​មាន​ភ្លៀង​ធ្លាក់​ភ្លាមៗ និង​ទឹក​កើនឡើង​ឆាប់រហ័ស​បណ្តាលឱ្យ​ហ្វូងមនុស្ស​រត់​ចូលទៅក្នុង​ច្រក​តូចចង្អៀត​មួយ​៕អត្ថបទ៖ ប៊ុនថន

អ្នកស្លាប់​ដោយសារ​ព្យុះ​ត្រូពិច Nalgae នៅក្នុង​ប្រទេស​ហ្វីលីពីន​កើន​ឡើង​ដល់ ​៩៨​នាក់​

2022/10/31 06:56:12 pm        690
Facebook Telegram Linkin
​ហ្វីលីពីន៖ ទីភ្នាក់ងារ​គ្រប់គ្រង​គ្រោះមហន្តរាយ​ជាតិ​បាន​និយាយ​នៅ​ថ្ងៃ​ចន្ទ​នេះ​ថា ចំនួន​អ្នក​ស្លាប់​ដោយសារ​ព្យុះ​ដែល​បាន​បោក​បក់​មក​លើ​ប្រទេស​ហ្វីលីពីន​បាន​កើនឡើង​ដល់ ៩៨​នាក់​ហើយ ដោយ​មាន​ក្តីសង្ឃឹម​តិចតួច​ក្នុង​ការ​ស្វែងរក​អ្នក​នៅ​រស់រានមានជីវិត នៅក្នុង​តំបន់​ដែល​រងគ្រោះ​ខ្លាំង​បំផុត​។ជាង​ពាក់កណ្តាល​នៃ​អ្នកស្លាប់​បណ្តាលមកពី​ទឹកជំនន់​កើនឡើង​ភ្លាមៗ និង​បំណាក់​ដី​ដែល​កើតឡើង​ដោយ​ព្យុះ​ត្រូពិច Nalgae ដែល​បាន​បំផ្លាញ​ភូមិ​នានា​នៅលើ​កោះ Mindanao ភាគខាងត្បូង​កាលពី​ថ្ងៃ​សុក្រ​។ ប្រធាន​ការពារ​ជន​ស៊ីវិល​នៅ​តំបន់ Bangsamoro កោះ Mindanao បាន​និយាយថា​ យើង​បាន​ផ្លាស់ប្តូរ​ប្រតិបត្តិការ​របស់​យើង​ពី​ការស្វែងរក​ និង​ជួយសង្គ្រោះ​ទៅជា​ប្រតិបត្តិ​ការទាញយក​អ្នកស្លាប់ ព្រោះ​ឱកាស​នៃ​ការរស់រានមានជីវិត​បន្ទាប់ពី​រយៈពេល​ពីរ​ថ្ងៃ​គឺ​ស្ទើរតែ​គ្មាន​។ចំនួន​អ្នកស្លាប់​ទំនងជា​កើនឡើង ដោយ​ទីភ្នាក់ងារ​គ្រោះ​គ្រប់គ្រង​មហន្តរាយ​ជាតិ​បាន​កត់ត្រា​មនុស្ស ៦៣នាក់​នៅកំពុង​បាត់​ខ្លួន​នៅក្នុង​របាយការណ៍​ចុងក្រោយ​របស់ខ្លួន ខណៈ​មនុស្ស​ច្រើ​ននាក់​រងរបួស​។ ​ក្រុម​អ្នក​ជួយសង្គ្រោះ​បាន​ស្វែងរក​តាម​ដីល្បាប់ និង​កម្ទេចកម្ទី​ដើម្បី​រក​សាកសព​បន្ថែមទៀត​។ ប្រជាជន​ក្នុង​តំបន់​បាន​បោសសំអាត​ដីល្បាប់​ចេញពី​លំនៅឋាន និង​ហាង​របស់​ពួកគេ ខណៈ​​គ្រឿង​សង្ហា​រឹម និង​របស់របរ​ផ្សេងទៀត​ដាក់​ហាល​នៅតាម​ដងផ្លូវ​ ដែលមាន​កម្តៅថ្ងៃ​ក្នុង​ក្រុង Noveleta ភាគខាងត្បូង​រដ្ឋធានី​ម៉ានីល៕អត្ថបទ៖ ប៊ុនថន

លោក Lula da Silva ផ្ដួល​លោក Jair Bolsonaro ក្នុង​លទ្ធផល​ប្រកៀក​ប្រកិត​គ្នា​ក្នុង​ការ​បោះឆ្នោត​ប្រធានាធិបតី​នៅ​ប្រេ​ស៊ី​ល

2022/10/31 06:28:15 pm        619
Facebook Telegram Linkin
​ប្រេស៊ីល៖ គូប្រជែង​លោក Luiz Inácio Lula da Silva បាន​ឈ្នះ​ការបោះឆ្នោត​ក្លាយ​ជា​ប្រធានាធិបតី​បន្ទាប់​របស់​ប្រេ​ស៊ី​ល ដោយ​បាន​ផ្ដួល​​ប្រធានាធិបតី​កំពុង​កាន់​តំណែង​លោក Jair Bolsonaro បន្ទាប់ពី​យុទ្ធនាការ​ប្រកួតប្រជែង​ដ៏​ស្វិតស្វាញ​។ ​យោង​តាម​អាជ្ញាធរ​បោះឆ្នោត​របស់​ប្រទេស​នេះ លោក Lula ទទួល​បាន​សំឡេង​គាំទ្រ ​50.8% ធៀប​ទៅ​នឹង​លោក Bolsonaro ដែល​បាន​ត្រឹម ​49.2% ​កាលពី​ថ្ងៃអាទិត្យ​។ លោក da Silva បាន​ប្រាប់​ក្រុម​អ្នក​គាំទ្រ​ដែល​បាន​ប្រមូលផ្ដុំ​គ្នា​នៅ​សណ្ឋាគារ Sao Paulo ថា ថ្ងៃនេះ​អ្នកឈ្នះ​គឺជា​ប្រជាជន​ប្រេ​ស៊ី​ល​តែប៉ុណ្ណោះ​។ នេះ​មិន​មែន​ជា​ជ័យជម្នះ​របស់ខ្ញុំ ​ឬ​របស់​គណបក្ស​ពលករ​តែ​ម្នាក់​ឯង​ទេ ហើយក៏​មិន​មែន​គណបក្ស​ដែល​បាន​គាំទ្រ​ខ្ញុំ​ក្នុង​យុទ្ធនាការ​នោះ​ដែរ​។​នេះ​ជា​ជ័យជម្នះ​នៃ​ចលនា​ប្រជាធិបតេយ្យ​ ដែល​ត្រូវ​បាន​បង្កើត​ឡើងលើ​គណ​បក្ស​នយោបាយ លើ​ផលប្រយោជន៍​បុគ្គល និង​មនោគមវិជ្ជា ដូច្នេះ​ទើប​បង្កើត​ឲ្យ​មានជ័យ​ជម្នះ​។ ​លោក Bolsonaro បាន​នាំមុខ​ពាក់កណ្ដាល​ដំបូង​នៃ​ការ​រាប់​សន្លឹក​ឆ្នោត​ ប៉ុន្តែ​នៅ​ពេល​លោក Lula បាន​នាំមុខ​លើ​រូបលោក​ភ្លាមៗ តាម​ដង​វិថី​នានា​នៅ​ចំ​កណ្ដាល​ទីក្រុង Sao Paulo​ នេះ​គឺ​ពោ​ពេញ​ទៅ​ដោយ​សំឡេង​រថយន្ត​ចុច​ស៊ីផ្លេរ៕អត្ថបទ៖ សុខមាន

ពលរដ្ឋ​កូរ៉េខាងត្បូង​ប្រមូល​ផ្ដុំគ្នា​កាន់ទុក្ខ​ជនរងគ្រោះ​ក្នុង​ហេតុការណ៍​ប្រជ្រៀត​ជាន់គ្នា​

2022/10/31 06:05:50 pm        621
Facebook Telegram Linkin
​កូរ៉េខាងត្បូង៖ មនុស្ស​ជាច្រើន​បាន​ប្រមូល​ផ្ដុំគ្នា​នៅក្នុង​ស្រុក Itaewon របស់​ទីក្រុង​សេ​អ៊ូ​ល សម្រាប់​ការ​កាន់ទុក្ខ​កាល​ពី​ថ្ងៃអាទិត្យ​ដោយ​ដាក់​ផ្កា និង​កាន់ទុក្ខ​ជនរងគ្រោះ​ក្នុង​ហេតុការណ៍​ប្រជ្រៀត​ជាន់​គ្នា​នៃ​ពិធីបុណ្យ Halloween កាលពី​ថ្ងៃ​សៅរ៍​ដែល​បាន​បណ្ដាល​ឲ្យ​មនុស្ស​ជាង​ ១៥០​នាក់​ស្លាប់​។ ​គេ​ជឿ​ថា ​មនុស្ស​រាប់ម៉ឺន​នាក់​បាន​ប្រមូល​ផ្ដុំគ្នា​នៅក្នុង​ខណ្ឌ Itaewon សម្រាប់​សកម្មភាព​នានា​នៃ​ពិធី​បុណ្យ​នេះ​កាលពី​យប់​ថ្ងៃ​សៅរ៍​។ លោក​ប្រធានាធិបតី​កូរ៉េខាងត្បូង Yoon Suk Yeol បាន​ប្រកាស​ពិធី​កាន់ទុក្ខ​ទូទាំង​ប្រទេស​កាលពី​ថ្ងៃអាទិត្យ និង​បាន​បញ្ជា​ឲ្យ​បង្ហូត​ទង់​ជាតិ​ត្រឹម​ពាក់កណ្ដាល​ដង​នៅ​តាម​អគារ​រដ្ឋាភិបាល និង​ការិយាល័យ​សាធារណ​នានា​។ថ្លែង​អំឡុង​សុន្ទរកថា​តាម​ទូរទស្សន៍​លោក Yoon​ បាន​និយាយ​ថា ​ការ​គាំទ្រ​ដល់​ក្រុមគ្រួសារ​ជន​រង​គ្រោះ រួមទាំង​ការរៀបចំ​ពិធី​បុណ្យ​សព​របស់​ពួកគេ​ ក៏ដូចជា​ការព្យាបាល​របួសគឺជា​ចំណុច​ចម្បង​សម្រាប់​រដ្ឋាភិបាល​របស់​លោក​។ ម្ចាស់​អាជីវករ​ផ្សេងៗ​នៅក្នុង​ស្រុក Itaewon បាន​ព្យួរ​ស្លាក​មុខ​ហាង​របស់​ខ្លួន​កាលពី​ថ្ងៃអាទិត្យ​ដោយ​និយាយ​ថា បិទ​ហាង​សម្រាប់​ពេលវេលា​កាន់​មរណទុក្ខ​៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ពេជ្រ សម្បត្តិ និងឡៅ ចិត្រា ឡើងសង្វៀនកម្មវិធីពិសេសប្រចាំឆ្នាំរបស់គូបូតា ក្នុងថ្ងៃតែមួយ ថ្ងៃសុក្រនេះ
08/05/2026 09:08 AM
Facebook Telegram Linkin
អាមេរិក សំឡឹងមើលកិច្ចព្រមព្រៀងច្រកសមុទ្រ Hormuz នៅថ្ងៃនេះ ឬថ្ងៃស្អែកខណៈនាវាលិចនៅសមុទ្រក្រហម
08/05/2026 09:08 AM
Facebook Telegram Linkin
កាតានិយាយថា ក្រុមអ្នកសម្របសម្រួលបង្កើតវឌ្ឍនភាពក្នុងកិច្ចខិតខំប្រឹងប្រែងដើម្បីបញ្ចប់សង្គ្រាមអាមេរិក-អ៊ីរ៉ង់
08/05/2026 09:08 AM
Facebook Telegram Linkin
ប្រធានសហភាពអឺរ៉ុបរិះគន់ផែនការអន្តោប្រវេសន៍របស់អេស្ប៉ាញបន្ទាប់ពីកិច្ចប្រជុំស្ដីពីវិបត្តិតំបន់សេអ៊ូតា
08/05/2026 09:08 AM
Facebook Telegram Linkin
តម្លៃប្រេងធ្លាក់ចុះ ភាគហ៊ុនឈានដល់កំណត់ត្រាខ្ពស់ថ្មីជុំវិញក្តីសង្ឃឹមនៃការបើកច្រកសមុទ្រ Hormuz
08/05/2026 09:08 AM
Facebook Telegram Linkin
ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ
08/04/2026 09:08 PM
Facebook Telegram Linkin
ក្រុមគ្រួសារជនរងគ្រោះប្រាប់​ថា របួសមិនទាន់ជាសះស្បើយទេ​ ៦ឆ្នាំក្រោយ​ការផ្ទុះនៅកំពង់ផែបេរូតរបស់លីបង់​
08/04/2026 09:08 PM
Facebook Telegram Linkin
ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ​ Hormuz នៅថ្ងៃអង្គារ ឬថ្ងៃពុធ
08/04/2026 09:08 PM
Facebook Telegram Linkin
ប្រព័ន្ធផ្សព្វផ្សាយរដ្ឋ៖ បំណាក់​ដីបណ្ដាល​ឱ្យ​មនុស្ស ១៤នាក់ស្លាប់​ នៅតំបន់ Amhara របស់អេត្យូពី
08/04/2026 08:08 PM
Facebook Telegram Linkin
កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨
08/04/2026 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.