BTV NEWS

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

ព័ត៌មានសំខាន់ៗ

អំពើហិង្សាផ្ទុះឡើង ខណៈប្រជាជនហៃទីប្រមូលផ្ដុំគ្នាទាមទារឲ្យនាយករដ្ឋមន្ត្រីលាលែងពីតំណែង

ហៃទី៖ អំពើហិង្សាបានផ្ទុះឡើងអំឡុងពេលបាតុកម្មនៅទីក្រុងព័រអូប្រាំងកាលពីថ្ងៃចន្ទ ខណៈមនុស្សរាប់ពាន់នាក់បានចេញដើរតាមផ្លូវតវ៉ា ដើម្បីទាមទារឱ្យនាយករដ្ឋមន្ត្រីរបស់ប្រទេសហៃទីលោក Ariel Henry ចុះចេញពីតំណែង។ អ្នកសារព័ត៌មាន AP ម្នាក់បានឃើញមនុស្សយ៉ាងហោចណាស់ ២នាក់បានរងរបួសដោយគ្រាប់កាំភ្លើង ដែលយោងទៅតាមក្រុមអ្នកតវ៉ានិយាយថា ត្រូវបានបាញ់ដោយនគរបាលដែលព្យាយាមបំបែកការហែក្បួនតវ៉ា។ ដោយមានការខកចិត្តជាមួយនឹងកង្វះប្រេងឥន្ធនៈ និងអំពើហិង្សារាលដាលដែលបានធ្វើឱ្យទីក្រុងនេះជាប់គាំងអស់ជាច្រើនសប្តាហ៍ ប្រជាជនហៃទីកំពុងទាមទារឱ្យនាយករដ្ឋមន្ត្រីចុះចេញពីតំណែង។ កាលពីដើមខែកញ្ញា ក្រុមជនអន្ធពាលដ៏មានឥទ្ធិពលមួយក្រុមរបស់ប្រទេសហៃទី បានបិទផ្លូវចូលទៅកាន់ស្ថានីយប្រេងឥន្ធនៈដ៏ធំបំផុតរបស់ប្រទេសនេះ ដោយប្រកាសថា ខ្លួនមិនដកថយឡើយរហូតដល់លោក Henry លាលែងពីតំណែង។ ប្រេងសាំងអាចរកបានតែនៅលើទីផ្សារងងឹតតែប៉ុណ្ណោះក្នុងតម្លៃថ្លៃរហូតដល់ ៣០ដុល្លារក្នុងមួយហ្គាឡុង។ ភាពខ្វះខាត និងការខាតបង់ច្រើនបានបង្ខំឱ្យអាជីវកម្មជាច្រើនត្រូវបិទទ្វារ រួមទាំងមន្ទីរពេទ្យ ក្រុមហ៊ុនផលិតទឹក និងសេវាកម្មសំខាន់ៗ ខណៈដែលអាជ្ញាធរសុខាភិបាលបានប្រកាសកាលពីថ្ងៃអាទិត្យថា ខ្លួនបានរកឃើញករណីជំងឺអាសន្នរោគចំនួន ៨ករណី។ ការចំណាយក្នុងជីវភាពរស់នៅកើនឡើងខ្ពស់ បានជំរុញឱ្យប្រជាជនហៃទីជាច្រើនធ្លាក់ចូលក្នុងភាពក្រីក្រ និងភាពអត់ឃ្លាន។ អ្នកតវ៉ានិយាយថា យើងគ្មានអាហារបរិភោគគ្រប់គ្រាន់ទេ ហើយពួកគេមិនយល់ពីការទាមទាររបស់យើងឡើយ។ ប្រទេសហៃទីបានកើតមានអស្ថិរភាពកាន់តែខ្លាំងឡើងមិនធ្លាប់មាន ចាប់តាំងពីការធ្វើឃាតប្រធានាធិបតីលោក Jovenel Moïse កាលពីថ្ងៃទី៧ ខែកក្កដា ឆ្នាំ២០២១ ដែលភាពវឹកវរបង្កឡើងដោយក្រុមជនអន្ធពាល ខណៈរដ្ឋបាលរបស់លោក Henry នៅតែពុំមានកាលបរិច្ឆេទសម្រាប់ការបោះឆ្នោតទូទៅ ដែលគ្រោងធ្វើឡើងចាប់តាំងពីឆ្នាំមុន៕អត្ថបទ៖ ប៊ុនថន

ស្នងការនគរបាលឥណ្ឌូនេស៊ីម្នាក់ និងមន្ត្រីជាន់ខ្ពស់ ៩នាក់ត្រូវបានដកចេញពីមុខតំណែង

ឥណ្ឌូនេស៊ី៖ ក្រុមមន្ត្រីបាននិយាយថា ស្នងការនគរបាលឥណ្ឌូនេស៊ីម្នាក់ និងមន្ត្រីជាន់ខ្ពស់ ៩នាក់ត្រូវបានដកចេញពីមុខតំណែងកាលពីថ្ងៃចន្ទ ហើយមន្ត្រី ១៨នាក់ផ្សេងទៀតកំពុងត្រូវបានស៊ើបអង្កេត សម្រាប់ការទទួលខុសត្រូវក្នុងការបាញ់ឧស្ម័នបង្ហូរទឹកភ្នែកនៅខាងក្នុងពហុកីឡដ្ឋាន ដែលបានបង្កឱ្យមានការរត់ជាន់គ្នាបណ្តាលឲ្យមនុស្សយ៉ាងហោចណាស់ ១២៥នាក់ស្លាប់។ សមាជិកគ្រួសារដែលមានទុក្ខព្រួយបានព្យាយាមស្វែងយល់ ពីការបាត់បង់មនុស្សជាទីស្រលាញ់របស់ពួកគេ ដែលអ្នកស្លាប់រួមមានទាំងកុមារចំនួន ៣២នាក់នៅក្នុងការប្រកួតបាល់ទាត់នៅទីក្រុង Malang កោះជ្វាខាងកើត ដែលបានមកចូលរួមដោយក្រុមអ្នកគាំទ្រក្រុម Arema FC នៅក្នុងតំបន់។ អ្នករៀបចំកម្មវិធីបានហាមឃាត់ក្រុមអ្នកគាំទ្រក្រុម Persebaya Surabaya ដោយសារតែប្រទេសឥណ្ឌូនេស៊ីមានប្រវត្តិនៃការប្រកួតបាល់ទាត់ដ៏ហិង្សា។ ហេតុការណ៍មនុស្សរត់ជាន់គ្នាកាលពីយប់ថ្ងៃសៅរ៍ បានបណ្តាលឲ្យមនុស្សស្លាប់ច្រើនបំផុតមិនធ្លាប់មាននៅក្នុងព្រឹត្តិការណ៍កីឡា៕អត្ថបទ៖ ប៊ុនថន

អ្នកស្លាប់ដោយសារព្យុះសង្ឃរា Ian នៅសហរដ្ឋអាមេរិកបានកើនឡើងដល់ ១០៣នាក់

អាមេរិក៖ មនុស្សជាង ១០០នាក់ត្រូវគេរាយការណ៍ថាបានស្លាប់នៅក្នុងសហរដ្ឋអាមេរិក ៥ថ្ងៃបន្ទាប់ពីព្យុះសង្ឃរា Ian បានវាយប្រហារតំបន់ឆ្នេរភាគខាងលិចនៃរដ្ឋ Florida ជាព្យុះដ៏មានឥទ្ធិពលកម្រិតទី៤។ មន្ត្រីក្នុងតំបន់ Lee County Sheriff លោក Carmine Marceno បានប្រកាសកាលពីថ្ងៃចន្ទថា ពេលនេះមនុស្សស្លាប់ចំនួន ៥៤នាក់ត្រូវបានបញ្ជាក់នៅក្នុងតំបន់នោះ ខណៈដែលចំនួនអ្នកស្លាប់សរុបនៅក្នុងរដ្ឋ Florida កើនឡើងដល់ ៩៩នាក់គិតត្រឹមយប់ថ្ងៃចន្ទ។ ទិន្នន័យពីសារព័ត៌មាន CBS News ខ្ពស់ជាងរបាយការណ៍ផ្លូវការរដ្ឋ Florida ព្រោះករណីមួយចំនួនក្រុមមន្ត្រីប្រចាំតំបន់កំពុងបញ្ជាក់ថា មានការស្លាប់បន្ថែមទៀតលឿនជាងការបញ្ជាក់ពីក្រុមមន្ត្រីរដ្ឋ។ចំនួនអ្នកស្លាប់ពាក់ព័ន្ធនឹងព្យុះកម្រិតទី៤ នេះត្រូវបានរាយការណ៍នៅក្នុងរដ្ឋ North Carolina ដែលនាំឲ្យអ្នកស្លាប់សរុបនៅសហរដ្ឋអាមេរិកកើនឡើងដល់ ១០៣នាក់។ លំនៅឋាន និងហាងលក់ទំនិញប្រមាណ ៦០ម៉ឺនកន្លែងក្នុងរដ្ឋ Florida នៅតែមិនទាន់មានអគ្គិសនីប្រើប្រាស់នៅឡើយកាលពីព្រឹកថ្ងៃចន្ទ ថយចុះពីចំនួនខ្ពស់បំផុត ២.៦លានខ្នងផ្ទះ និងហាងអាជីវកម្មផ្សេងៗ៕អត្ថបទ៖ សុខមាន

អាមេរិកនឹងបញ្ជូនប្រព័ន្ធបាញ់គ្រាប់រ៉ុក្កែតចល័តទៅឲ្យអ៊ុយក្រែនជាកញ្ចប់ជំនួយ ៦២៥លានដុល្លារ

អាមេរិក៖ កញ្ចប់ជំនួយសន្តិសុខបន្ទាប់របស់រដ្ឋបាលលោក Joe Biden សម្រាប់ប្រទេសអ៊ុយក្រែន ត្រូវបានគេរំពឹងថានឹងរួមបញ្ចូលប្រព័ន្ធបាញ់គ្រាប់រ៉ុក្កែតសមត្ថភាពខ្ពស់ (HIMARS) ចំនួន ៤គ្រឿង, គ្រាប់រំសេវ, គ្រាប់មីន និងរថយន្តប្រឆាំងគ្រាប់មីន ជាកញ្ចប់ថវិកាជំនួយចំនួន ៦២៥លានដុល្លារអាមេរិក។កញ្ចប់ជំនួយនេះត្រូវបានគេរំពឹងថានឹងត្រូវប្រកាសនៅថ្ងៃអង្គារនេះ ដែលជាកញ្ចប់ជំនួយដំបូងចាប់តាំងពីរុស្ស៊ីប្រកាសដាក់បញ្ចូលជាឧបសម្ព័ន្ធទឹកដីរបស់អ៊ុយក្រែន។ ការប្រកាសដាក់បញ្ចូលជាឧបសម្ព័ន្ធរបស់រុស្ស៊ីបានធ្វើតាមអ្វីដែលខ្លួនចាត់ទុកថា ជាការបោះឆ្នោតប្រជាមតិក្នុងតំបន់របស់អ៊ុយក្រែន ដែលរុស្ស៊ីបានចូលកាន់កាប់។ រដ្ឋាភិបាលប្រទេសលោកខាងលិច និងទីក្រុង Kyiv បាននិយាយថា ការបោះឆ្នោតនេះបានបំពានច្បាប់អន្តរជាតិ ហើយជាការបង្ខិតបង្ខំ។ប្រព័ន្ធបាញ់រ៉ុក្កែត HIMARS ទាំង ៤គ្រឿង និងគ្រាប់រ៉ុក្កែតដែលពាក់ព័ន្ធ យានយន្តប្រឆាំងគ្រាប់មីនចំនួន ២០០គ្រឿង, គ្រាប់កាំភ្លើងសម្រាប់កាំភ្លើងធំ និងគ្រាប់មីនអាចបញ្ជូនទៅឲ្យអ៊ុយក្រែននៅរយៈពេលប៉ុន្មានថ្ងៃខាងមុខនេះ។ នេះគឺជាកញ្ចប់ជំនួយដំបូងនៃឆ្នាំសារពើពន្ធឆ្នាំ២០២៣ របស់រដ្ឋាភិបាលសហរដ្ឋអាមេរិក។ កាលពីសប្តាហ៍មុន សហរដ្ឋអាមេរិកបានបង្ហាញកញ្ចប់ជំនួយសព្វាវុធចំនួន ១.១ពាន់លានដុល្លារសម្រាប់ប្រទេសអ៊ុយក្រែន ដែលរួមមានប្រព័ន្ធបាញ់គ្រាប់រ៉ុក្កែត HIMARS ចំនួន ១៨គ្រឿងរួមជាមួយគ្រាប់រំសេវ យានដ្រូន និងប្រព័ន្ធរ៉ាដា៕អត្ថបទ៖ ប៊ុនថន

មេដឹកនាំកំពូលអ៊ីរ៉ង់ស្ដីបន្ទោសអាមេរិក និងអ៊ីស្រាអែលថា ជាអ្នកនៅពីក្រោយការតវ៉ាដ៏រំជើបរំជួល

អ៊ីរ៉ង់៖ មេដឹកនាំកំពូលអ៊ីរ៉ង់បានស្ដីបន្ទោសសហរដ្ឋអាមេរិក និងអ៊ីស្រាអែលចំពោះការតវ៉ាកំពុងរាលដាលពេញប្រទេស ក្រោយការស្លាប់ស្ត្រីម្នាក់ក្នុងពេលឃាត់ខ្លួនសាកសួររបស់នគរបាល។ ការអត្ថាធិប្បាយជាសាធារណៈលើកដំបូងរបស់លោកលើភាពរំជើបរំជួលនេះ លោក Ayatollah Ali Khamenei បាននិយាយថា អំពើកុបកម្មនានាត្រូវបានបង្កឡើងដោយក្រុមសត្រូវដ៏ជូរចត់ និងសម្ព័ន្ធមិត្តខ្លួនរបស់អ៊ីរ៉ង់។ ការតវ៉ាទាំងនេះគឺជាការប្រឈមធំបំផុត ចំពោះរបបដឹកនាំរបស់លោករយៈពេលមួយទសវត្សរ៍មកនេះ ហើយលោកបានជំរុញដល់កងកម្លាំងសន្តិសុខត្រៀម សម្រាប់បញ្ហាកាន់តែច្រើនថែមទៀត។ សហរដ្ឋអាមេរិកនិយាយថា ខ្លួនតក់ស្លុតចំពោះការឆ្លើយតបដោយហិង្សាលើការតវ៉ាទាំងនេះ។ លោកប្រធានាធិបតី Joe Biden បានចេញសេចក្ដីថ្លែងការណ៍មួយដោយនិយាយថា លោកបារម្ភយ៉ាងខ្លាំងអំពីរបាយការណ៍នៃការបង្ក្រាបកាន់តែចាស់ដៃ លើក្រុមអ្នកតវ៉ាដោយស្ងៀមស្ងាត់។ ក្រុមឃ្លាំមើលសិទ្ធិមនុស្សមានមូលដ្ឋាននៅប្រទេសន័រវ៉ែហ្សបាននិយាយថា ចំនួនអ្នកស្លាប់ដោយសារការតវ៉ាជាច្រើនសប្ដាហ៍មកនេះនៅក្នុងប្រទេសអ៊ីរ៉ង់ ជុំវិញការស្លាប់ស្ត្រីវ័យ ២២ឆ្នាំម្នាក់ក្នុងពេលនគរបាលឃាត់ខ្លួនកាលពីថ្ងៃទី១៦ កញ្ញាបានឡើងដល់ ៩២នាក់៕អត្ថបទ៖ សុខមាន

កងកម្លាំងអ៊ុយក្រែនវាយរុលចូលភាគខាងត្បូងឆ្លុះបញ្ចាំងពីជ័យជម្នះក្នុងភាគខាងកើត

អ៊ុយក្រែន៖ កងកម្លាំងអ៊ុយក្រែនសម្រេចបានជ័យជម្នះធំបំផុតរបស់ខ្លួន នៅក្នុងភាគខាងត្បូងរបស់ប្រទេសនេះចាប់តាំងពីរុស្ស៊ីវាយប្រហារ ដោយឆ្លងកាត់ខ្សែបន្ទាត់មួយចំនួនរបស់រុស្ស៊ីកាលពីថ្ងៃចន្ទ និងកំពុងរុលចូលទៅមុខតាមបណ្ដោយទន្លេ Dnieper ដណ្ដើមបានភូមិមួយចំនួននៅតាមផ្លូវ និងកំពុងគំរាមដល់បណ្ដាញផ្គត់ផ្គង់សម្រាប់ទាហានរុស្ស៊ីរាប់ពាន់នាក់។ ការវាយរុលទៅមុខរបស់អ៊ុយក្រែនដាក់គោលដៅលើបណ្ដាញផ្គត់ផ្គង់ សម្រាប់ទាហានរុស្ស៊ីប្រមាណ ២៥,០០០នាក់នៅត្រើយទន្លេ Dnieper ភាគខាងលិច។ អ៊ុយក្រែនបានបំផ្លាញស្ពានសំខាន់ៗរួចទៅហើយ ដោយបង្ខំឲ្យកងកម្លាំងរុស្ស៊ីប្រើស្ពានឆ្លងកាត់បណ្ដោះអាសន្ន។ ការវាយប្រហារដ៏សន្ធាប់ទៅលើតំបន់ជាប់មាត់ទន្លេនេះ អាចកាត់ផ្ដាច់ពួកគេទាំងស្រុង។ ទីក្រុង Kyiv បានផ្ដល់ព័ត៌មានតិចតួចអំពីការដណ្ដើមបានទឹកដីក្នុងភាគខាងត្បូង ប៉ុន្តែប្រភពនានាពីរុស្ស៊ីទទួលស្គាល់ថា ទាហានអ៊ុយក្រែនបានវាយរុលចូលរាប់សិបគីឡូម៉ែត្រនៅច្រាំងទន្លេភាគខាងលិច ដោយដណ្ដើមបានភូមិមួយចំនួននៅតាមផ្លូវនោះ។ការវាយរុលទៅមុខនេះឆ្លុះបញ្ចាំងពីជ័យជម្នះរបស់អ៊ុយក្រែននាពេលថ្មីៗ នៅក្នុងភាគខាងកើតប្រឆាំងនឹងរុស្ស៊ី ស្របពេលដែលទីក្រុង Moscow បានព្យាយាមបង្កើនហានិភ័យដោយការដាក់បញ្ចូលដែនដីនេះជាឧបសម្ព័ន្ធ ការបញ្ជាឲ្យកេណ្ឌកម្លាំងទ័ព និងគំរាមសងសឹកដោយប្រើអាវុធនុយក្លេអ៊ែរ៕អត្ថបទ៖ សុខមាន

សម្តេចតេជោ ហ៊ុន សែន ៖ យើងមានភាពទន់ខ្សោយផ្នែកកីឡាក៏ដោយចុះ តែមិនត្រូវមានភាពទន់ខ្សោយសីលធម៌ផ្នែកគ្រប់គ្រងកីឡាទេ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជាបានថ្លែងថា ខណៈវិស័យកីឡានៅក្នុងទ្វីបអាស៊ីកំពុងទន់ខ្សោយហើយនោះ ហេតុអ្វីក្រមសីលធម៌ នៃការគ្រប់គ្រងកីឡាមានភាពទន់ខ្សោយបន្ថែមទៀត? ជាក់ស្តែងដូចហេតុការណ៍ដែលបានកើតឡើងនៅក្នុងការប្រកួតបាលទាត់មួយ នៅប្រទេសឥណ្ឌូនេស៊ី កាលពីកន្លងទៅថ្មីៗនេះយ៉ាងដូច្នេះដែរ។សម្តេចតេជោ ហ៊ុន សែន បានបញ្ជាក់ថា ដោយខ្វះក្រមសីលធម៌ បានណ្តាលឲ្យមានសោកនាដកម្ម ប្រើហិង្សា និងរត់ជាន់គ្នាដោយបានធ្វើឲ្យមនុស្សស្លាប់ជាច្រើននាក់។ ថ្លែងក្នុងពិធីបើកមហាសន្និបាតក្រុមប្រឹក្សាអូឡាំពិកអាស៊ី (OCA) លើកទី៤១ ដែលប្រារព្ធធ្វើឡើងនៅសណ្ឋាគារសុខាភ្នំពេញ នាព្រឹកថ្ងៃទី៤ ខែតុលា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា សម្តេចពិតជាមានការងឿងឆ្ងល់ចំពោះវិស័យកីឡានៅតំបន់ស៊ីមានភាពទន់ខ្សោយជាងទ្វីបអាមេរិកឡាទីន និងអឺរ៉ុប ជាពិសេសកីឡាបាលទាត់តែម្តង ខណៈប្រជាជននៅតំបន់អាស៊ីមានច្រើនជាងតំបន់អឺរ៉ុបទៅទៀត។ជាមួយគ្នានោះដែរ សម្តេចតេជោ ហ៊ុន សែន ក៏បានលើកឡើងផងដែរថា ខណៈវិស័យកីឡានៅតំបន់អាស៊ីយើងទាំងមូលមានភាពទន់ខ្សោយហើយនោះ ហេតុអ្វីក្រុមសីលធម៌ នៃការគ្រប់គ្រងកីឡាវាមាន ភាពទន់ខ្សោយដែរ។ ដូច្នេះសម្តេចតេជោ ហ៊ុន សែន អំពាវនាវឲ្យប្រទេសជាសមាជិកទាំងអស់គប្បីពង្រឹង នូវក្រមសីលធម៌នៃការគ្រប់គ្រងកីឡានេះឲ្យល្អ ដោយជៀសវាងឲ្យបាននូវការប្រើប្រាស់អំពើហិង្សាដាក់គ្នា៕(ដោយ៖ បាន ចក់)

កូរ៉េខាងជើងបាញ់មីស៊ីលបាលីស្ទីករំលងប្រទេសជប៉ុនធ្លាក់ចូលមហាសមុទ្រប៉ាស៊ីហ្វិក

កូរ៉េខាងជើង៖ កូរ៉េខាងជើងបានបាញ់មីស៊ីលបាលីស្ទីក ១គ្រាប់រំលងប្រទេសជប៉ុន ដែលជាការបាញ់លើកទី៥ ក្នុងរយៈពេល ១០ថ្ងៃ ស្របពេលមានការរំពឹងទុកថា ប្រទេសនេះកំពុងត្រៀមបាញ់សាកល្បងអាវុធនុយក្លេអ៊ែររបស់ខ្លួន ជាលើកដំបូងក្នុងរយៈពេល ៥ឆ្នាំ។ មីស៊ីលដែលត្រូវបានតាមដានដោយឆ្មាំសមុទ្រជប៉ុន និងនាយសេនាធិការចម្រុះរបស់កូរ៉េខាងត្បូង បានជំរុញឲ្យចេញស៊ីរ៉ែនព្រមាននៅក្នុងប្រទេសជប៉ុនភាគខាងជើង ដោយណែនាំឲ្យប្រជាពលរដ្ឋស្នាក់នៅក្នុងផ្ទះ។ សេវារថភ្លើងសាធារណៈនៅក្នុងកោះ Hokkaido ភាគឦសាន និងតំបន់ Aomori ត្រូវបានផ្អាកបណ្ដោះអាសន្ន។ សារព័ត៌មាន Yonhap បានរាយការណ៍ថា លោកនាយករដ្ឋមន្ត្រីជប៉ុន Fumio Kishida បានថ្កោលទោសនូវអ្វីដែលលោកបានហៅថា ជាទង្វើសាហាវឃោរឃៅ ខណៈប្រធានាធិបតីកូរ៉េខាងត្បូងលោក Yoon Suk-yeol បានព្រមានពីការឆ្លើយតបប្រកបដោយការតាំងចិត្តខ្ពស់ ក្រោយការបាញ់សាកល្បងនេះ។មេដឹកនាំទាំង២ បានកោះប្រជុំក្រុមប្រឹក្សាសន្តិសុខជាតិជាការឆ្លើយតបទៅនឹងការបាញ់នេះ។ ប្រព័ន្ធផ្សព្វផ្សាយរដ្ឋរបស់ជប៉ុន NHK បាននិយាយថា មីស៊ីលនេះបានហោះចម្ងាយ ៤,០០០គីឡូម៉ែត្រ ឡើងដល់រយៈកម្ពស់ ១,០០០គីឡូម៉ែត្រ មុនធ្លាក់ចូលមហាសមុទ្រប៉ាស៊ីហ្វិក ក្រោយហោះឡើងលើអាកាសរយៈពេល ២២នាទី។ មីស៊ីលនេះត្រូវបានបាញ់ចេញពីភាគខាងជើងជិតព្រំដែនជាប់ជាមួយប្រទេសចិន៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញជាអធិបតីបើកមហាសន្និបាតក្រុមប្រឹក្សាអូឡាំពិកអាស៊ីលើកទី៤១

ភ្នំពេញ៖ នៅព្រឹកថ្ងៃទី៤ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីបើកមហាសន្និបាតក្រុមប្រឹក្សាអូឡាំពិកអាស៊ី (OCA) លើកទី៤១ ដែលប្រារព្ធធ្វើឡើងនៅសណ្ឋាគារសុខា ភ្នំពេញ។មហាសន្និបាតក្រុមប្រឹក្សាអូឡាំពិកអាស៊ី គឺជាព្រឹត្តិការណ៍ដ៏មានសារៈសំខាន់សម្រាប់ការជជែកពិភាក្សាលើព្រឹត្តិការណ៍កីឡាអូឡាំពិកអាស៊ី ហើយត្រូវបានធ្វើឡើងជារៀងរាល់ឆ្នាំ។ មហាសន្និបាតក្រុមប្រឹក្សាអូឡាំពិកអាស៊ី មានប្រតិភូផ្នែកកីឡាប្រមាណ ៣៣៦រូប មកពី ៥៥ប្រទេសជុំវិញពិភពលោក។ ក្នុងនោះមានប្រតិភូមកពីបណ្តាប្រទេសក្រុមប្រឹក្សាអូឡាំពិកអាស៊ី ចំនួន ៤៥ប្រទេស ព្រមទាំងប្រទេសចលនាអូឡាំពិកអន្តរជាតិ ចូលរួមសង្កេតការណ៍ប្រមាណ ១០ប្រទេសទៀត។ ក្រៅពីនោះ ក៏មានប្រតិភូថ្នាក់ដឹកនាំគណៈកម្មាធិការអូឡាំពិកអន្តរជាតិមួយចំនួនទៀតផងដែរ។សម្តេចតេជោ ហ៊ុន សែន ពិតជារីករាយដោយបានអញ្ជើញចូលរួមក្នុងពិធីបើកមហាសន្និបាតក្រុមប្រឹក្សាអូឡាំពិកអាស៊ីដ៍មានសារៈ សំខាន់នេះ។សម្តេចតេជោបានស្វាគមន៍ព្រះអង្គម្ចាស់ទាយាទ ព្រះអង្គម្ចាស់ ឯកឧត្តមប្រធានក្រុមប្រឹក្សាអូឡាំពិកអាស៊ី និងសមាជិក សមាជិកាដែលបានអញ្ជើញមកចូលរួមក្នុងមហាសន្និបាតក្រុម ប្រឹក្សាអូឡាំពិកអាស៊ីលើកទី ៤១ នៅព្រះរាជាណាចក្រកម្ពុជានាពេលនេះ។សម្តេចតេជោក៏សូមថ្លែងអំណរគុណក្រុមប្រឹក្សាអូឡាំពិកអាស៊ី ដែលបានផ្តល់សេចក្តីទុកចិត្ត និងគាំទ្រកម្ពុជាធ្វើជាម្ចាស់ផ្ទះរៀបចំ មហាសន្និបាតក្រុមប្រឹក្សាអូឡាំពិកអាស៊ីលើកទី ៤១ នេះ នៅព្រះរាជាណាចក្រកម្ពុជា។សម្តេចតេជោនាយករដ្ឋមន្ត្រីបានមានប្រសាសន៍ថា ក្នុងឆ្នាំ ២០២២ នេះ គឺជាពេលវេលាមួយដ៏សមស្រប និងមានសារៈ សំខាន់សម្រាប់កម្ពុជា ក្នុងការផ្លាស់ប្ដូរយោបល់ និងការដក ស្រង់នូវបទពិសោធន៍ជាក់ស្តែង ព្រមទាំងធាតុចូលល្អៗដែល នឹងទទួលបានតាមរយៈការធ្វើបទបង្ហាញដោយអ្នកជំនាញន វិស័យកីឡានិងកិច្ចពិភាក្សាពាក់ព័ន្ធនឹងវិស័យនេះ ពីព្រោះនៅឆ្នាំ ២០២៣ កម្ពុជាត្រូវបានផ្ដល់ការគាំទ្រធ្វើជាប្រធានក្រុម ប្រឹក្សាកីឡាស៊ីហ្គេម និងអាស៊ានប៉ារ៉ាហ្គេម ហើយនឹងរៀបចំការ ប្រកួតកីឡាកម្រិតអន្តរជាតិដ៍ធំនេះនៅព្រះរាជាណាចក្រកម្ពុជា។ឆ្នាំនេះ គឺជាឆ្នាំដ៏មមាញឹក និងមានសារៈសំខាន់សម្រាប់ ព្រះរាជាណាចក្រកម្ពុជា ក្នុងនាមជាប្រធានប្តូរវេន អាស៊ានកម្ពុជា មានការតាំងចិត្តខ្ពស់ឈរលើគោលការណ៍កិច្ចសហប្រតិបត្តិ ការសន្តិសហវិជ្ជមាននិងស្មើមុខស្មើមាត់ រួមចំណែកដោះស្រាយរាល់បញ្ហាប្រឈមនានា ដែលអាចកើតឡើងជាយថាហេតុនៅ ក្នុងតំបន់ ដើម្បីធានាសុខសន្តិភាព សុខដុមនីយកម្ម និងភាព ជាដៃគូគ្រប់ជ្រុងជ្រោយ សំដៅជំរុញល្បឿន និងចីរភាពនៃការ អភិវឌ្ឍសម្រាប់ជោតវាសនា សន្តិសុខតំបន់ ការអភិវឌ្ឍ និង វិបុលភាពរួម ។ដើម្បីរួមចំណែកដល់ការលើកកម្ពស់វិស័យ កីឡា និងការត្រៀមខ្លួនបានល្អ ក្នុងរៀបចំព្រឹត្តិការណ៍កីឡាដ៏ធំ ឱ្យទទួលបានជោគជ័យខ្ពស់ សម្តេចតេជោ ហ៊ុន សែន បានផ្ដល់ការលើកទឹកចិត្តជាចំណុចគន្លឹះមួយចំនួនដូចខាងក្រោម: ១- សម្តេចសូមលើកទឹកចិត្តឱ្យមានកិច្ចពិភាក្សា និងចែករំលែកនូវ ឧត្តមានុវត្តន៍ល្អៗនៅក្នុងមហាសន្និបាតនេះ ពាក់ព័ន្ធទៅនឹង ការរៀបចំព្រឹត្តិការណ៍កីឡាធំៗ ការគ្រប់គ្រង និងការអភិវឌ្ឍ បច្ចេកទេសកីឡា ដើម្បីធ្វើឱ្យវិស័យកីឡាកាន់តែប្រសើរក្នុង តំបន់អាស៊ីយើងនេះ។២- សូមក្រុមប្រឹក្សាអូឡាំពិកអាស៊ីបង្កើនការធ្វើពិធកម្ម សកម្មភាពកីឡាឱ្យបានកាន់តែច្រើនទៀត នៅតាមបណ្ដាប្រទេស សមាជិក ដើម្បីលើកកម្ពស់វិស័យកីឡានៅតំបន់អាស៊ី និងបង្កើន ការផ្សារភ្ជាប់វិស័យកីឡាទៅនឹងវិស័យសេដ្ឋកិច្ច ជាពិសេស ទេសចរណ៍កីឡា ដែលត្រូវបានចាត់ទុកជាប្រភេទទេសចរណ៍ បៃតង ដើម្បីពង្រឹងមិត្តភាព សាមគ្គីភាពដែលរួមចំណែកដល់ ការកសាងសុខសន្តិភាពប្រកបដោយចីរភាពក្នុងតំបន់។៣- គណៈកម្មាធិការជាតិអូឡាំពិកកម្ពុជា ជាពិសេស គណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ាន ប៉ារ៉ាហ្គេម ឆ្នាំ ២០២៣ ត្រូវបង្កើនកិច្ចសហការទាំងបច្ចេកទេស និងបទពិសោធន៍ជាមួយក្រុមប្រឹក្សាអូឡាំពិកអាស៊ី គណៈ កម្មាធិការជាតិអូឡាំពិកនៃប្រទេសសមាជិក ក្រុមប្រឹក្សាសហព័ន្ធកីឡាអាស៊ីអាគ្នេយ៍ ក្រុមប្រឹក្សាសហព័ន្ធកីឡាអាស៊ានប៉ារ៉ និងស្ថាប័នកីឡាអន្តរជាតិក្នុងការបណ្តុះបណ្តាល និងការអភិវឌ្ឍ កម្រិតបច្ចេកទេសកីឡាដល់អត្តពលិកកម្ពុជាឱ្យបានដល់កម្រិត ដែលអាចធ្វើទៅបាន ដើម្បីឱ្យអត្តពលិកកម្ពុជាអាចចូលរួម កាន់តែទូលំទូលាយ ក្នុងព្រឹត្តិការណ៍អន្តរជាតិនានានៅថ្ងៃ អនាគត។៤- អំពាវនាវដល់បណ្តាប្រទេសសមាជិកនៃ ក្រុមប្រឹក្សាអូឡាំពិកអាស៊ីមេត្តាផ្តល់នូវការគាំទ្រក្នុងគ្រប់ទម្រង់ តាមដែលអាចធ្វើទៅបាន ដើម្បីឱ្យការរៀបចំការប្រកួតកីឡា ស៊ីហ្គេម និងអាស៊ានប៉ារ៉ាហ្គេម ឆ្នាំ ២០២៣ នៅព្រះរាជាណា ចក្រកម្ពុជាទទួលបានជោគជ័យខ្ពស់៕

តុលាការរុស្ស៊ីអនុម័តការដាក់បញ្ចូលតំបន់របស់អ៊ុយក្រែន ខណៈទាហានជ្រើសរើសថ្មីត្រូវបានបណ្តុះបណ្តាល

រុស្ស៊ី៖ ទូរទស្សន៍រដ្ឋរុស្ស៊ីបានរាយការណ៍ថា តុលាការធម្មនុញ្ញរបស់រុស្ស៊ីកាលពីថ្ងៃអាទិត្យបានទទួលស្គាល់ ការដាក់បញ្ចូលតំបន់របស់អ៊ុយក្រែនចំនួន៤ ក្នុងរដ្ឋធម្មនុញ្ញ។ ប្រធានតុលាការធម្មនុញ្ញរុស្ស៊ីលោក Valery Zorkin បានប្រាប់ប្រព័ន្ធផ្សព្វផ្សាយរុស្ស៊ីថា ថ្ងៃនេះតុលាការធម្មនុញ្ញបានអនុម័តសេចក្តីសម្រេចចំនួន៤ ដែលបានអនុម័តលើកិច្ចព្រមព្រៀងពាក់ព័ន្ធរបស់សហព័ន្ធរុស្ស៊ី ជាមួយសាធារណរដ្ឋចំនួនពីរគឺ Donetsk និង Luhansk ព្រមទាំងតំបន់ Kherson និង Zaporizhzhia។ សភាជាន់ទាបរបស់សភារុស្ស៊ីត្រូវបានគេរំពឹងថា នឹងពិចារណាលើសេចក្តីព្រាងច្បាប់ស្តីពីការដាក់បញ្ចូលតំបន់ទាំង៤ នៅថ្ងៃចន្ទនេះ។ ប្រធានក្រុមប្រឹក្សាសហព័ន្ធរុស្ស៊ីដែលជាសភាជាន់ខ្ពស់បាននិយាយថា ស្ថាប័ននេះទំនងជានឹងបោះឆ្នោតលើច្បាប់ដាក់បញ្ចូលនៅថ្ងៃអង្គារ។ ជាមួយគ្នានេះទាហានកេណ្ឌថ្មីបានចាប់ផ្តើមហ្វឹកហាត់ នៅតំបន់រៀនបាញ់កាំភ្លើងរបស់យោធាផ្សេងៗគ្នា បន្ទាប់ពីប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រកាសពីការកេណ្ឌទាហានបម្រុងមួយផ្នែកកាលពីសប្តាហ៍មុន។ទូរទស្សន៍រដ្ឋរុស្ស៊ីបានបង្ហាញទាហានបម្រុងបាញ់កាំភ្លើង Giatsint-B 152មីល្លីម៉ែត្រនៅមូលដ្ឋានយោធាក្នុងតំបន់ Kaliningrad និងបើករថក្រោះ T90M នៅតំបន់គ្រីមៀ។ វិមានក្រឹមឡាំងបាននិយាយថា ខ្លួនមានផែនការកេណ្ឌមនុស្សចំនួន ៣សែននាក់ ប៉ុន្តែប្រព័ន្ធផ្សព្វផ្សាយរុស្ស៊ីបានរាយការណ៍ថា ចំនួននេះអាចកើនឡើងដល់ ១,២លាននាក់ ជាការអះអាងដែលមន្ត្រីរុស្ស៊ីបានបដិសេធ។ ក្រសួងការពារជាតិរុស្ស៊ីបានសន្យា ចំពោះតែទាហានបម្រុងដែលមានបទពិសោធន៍ប្រយុទ្ធ ឬការងារពាក់ព័ន្ធតែប៉ុណ្ណោះ ប៉ុន្តែយោងតាមរបាយការណ៍ប្រព័ន្ធផ្សព្វផ្សាយជាច្រើន និងក្រុមអ្នកស៊ូមតិសិទ្ធិមនុស្សបាននិយាយថា ក្រុមបុរសដែលមិនពេញលក្ខណៈវិនិច្ឆ័យក៏កំពុងត្រូវបានកេណ្ឌផងដែរ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អ៊ីរ៉ង់ និងអាមេរិក អះអាងថាកិច្ចព្រមព្រៀងស្តីពីច្រកសមុទ្ទ Hormuz ជិតសម្រេចបានហើយ

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ពលរដ្ឋកូរ៉េខាងត្បូងស្វែងរកកន្លែងត្រជាក់នៅក្នុងរូងភ្នំក្រោមដី ខណៈរលកកកម្តៅវាយប្រហារប្រទេសមួយនេះ

បំណែកដំណាក់កាលទី ២នៃយានចម្លងរបស់ក្រុមហ៊ុន SpaceXនឹងធ្លាក់លើឋានព្រះចន្ទនៅថ្ងៃពុធនេះ

ពលរដ្ឋរស់នៅរដ្ឋ Assam ប្រទេសឥណ្ឌា បាត់បង់អ្វីៗគ្រប់បែបយ៉ាងដោយសារទឹកជំនន់

ការវាយប្រហារមីស៊ីលបាលីស្ទិករុស្ស៊ី បង្កជាអគ្គិភ័យជាច្រើនកន្លែងនៅទីក្រុងគីវ របស់អ៊ុយក្រែន

ជនអន្តោប្រវេសនាំគ្នាសម្រាកនៅលើឆ្នេរសមុទ្រស្ថិតក្នុងដែនដី Ceuta របស់អេស្ប៉ាញ ក្រោយការជាន់គ្នាស្លាប់មនុស្ស

សារព័ត៌មានរដ្ឋអ៊ីរ៉ង់បង្ហាញស្ពានរងការខូចខាត ក្រោយការវាយប្រហាររបស់សហរដ្ឋអាមេរិក

ពលរដ្ឋហ្គាតេម៉ាឡាជម្លៀសខ្លួនទៅកាន់ទីជម្រក ពេលភ្នំភ្លើងព្រួសកម្អែកាន់តែខ្លាំង

អគ្គិភ័យក្នុងរោងចក្រគីមី បង្ខំឲ្យជម្លៀសអ្នកស្រុក ១៥០នាក់នៅតំបន់ជាយក្រុង Sao Paulo ប្រទេសប្រេស៊ីល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អំពើហិង្សាផ្ទុះឡើង ខណៈប្រជាជនហៃទីប្រមូលផ្ដុំគ្នាទាមទារឲ្យនាយករដ្ឋមន្ត្រីលាលែងពីតំណែង

ស្នងការនគរបាលឥណ្ឌូនេស៊ីម្នាក់ និងមន្ត្រីជាន់ខ្ពស់ ៩នាក់ត្រូវបានដកចេញពីមុខតំណែង

អ្នកស្លាប់ដោយសារព្យុះសង្ឃរា Ian នៅសហរដ្ឋអាមេរិកបានកើនឡើងដល់ ១០៣នាក់

អាមេរិកនឹងបញ្ជូនប្រព័ន្ធបាញ់គ្រាប់រ៉ុក្កែតចល័តទៅឲ្យអ៊ុយក្រែនជាកញ្ចប់ជំនួយ ៦២៥លានដុល្លារ

មេដឹកនាំកំពូលអ៊ីរ៉ង់ស្ដីបន្ទោសអាមេរិក និងអ៊ីស្រាអែលថា ជាអ្នកនៅពីក្រោយការតវ៉ាដ៏រំជើបរំជួល

កងកម្លាំងអ៊ុយក្រែនវាយរុលចូលភាគខាងត្បូងឆ្លុះបញ្ចាំងពីជ័យជម្នះក្នុងភាគខាងកើត

កូរ៉េខាងជើងបាញ់មីស៊ីលបាលីស្ទីករំលងប្រទេសជប៉ុនធ្លាក់ចូលមហាសមុទ្រប៉ាស៊ីហ្វិក

សម្តេចតេជោ ហ៊ុន សែន អញ្ជើញជាអធិបតីបើកមហាសន្និបាតក្រុមប្រឹក្សាអូឡាំពិកអាស៊ីលើកទី៤១

តុលាការរុស្ស៊ីអនុម័តការដាក់បញ្ចូលតំបន់របស់អ៊ុយក្រែន ខណៈទាហានជ្រើសរើសថ្មីត្រូវបានបណ្តុះបណ្តាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អំពើ​ហិង្សា​ផ្ទុះ​ឡើង ខណៈ​ប្រជាជន​ហៃ​ទី​ប្រមូល​ផ្ដុំ​គ្នា​ទាមទារ​ឲ្យ​នាយករដ្ឋមន្ត្រី​លាលែង​ពី​តំណែង

ស្នងការ​នគរបាល​ឥណ្ឌូនេស៊ី​ម្នាក់ និង​មន្ត្រី​ជាន់ខ្ពស់​ ៩​នាក់​ត្រូវបាន​ដកចេញ​ពីមុខ​តំណែង

អ្នកស្លាប់​ដោយសារ​ព្យុះសង្ឃរា Ian នៅ​សហរដ្ឋអាមេរិកបាន​កើន​ឡើងដល់ ​១០៣​នាក់​

កងកម្លាំង​អ៊ុយ​ក្រែ​ន​វាយ​រុលចូល​ភាគខាងត្បូងឆ្លុះបញ្ចាំង​ពី​ជ័យជម្នះ​ក្នុង​ភាគ​ខាងកើត​

កូរ៉េខាងជើង​បាញ់​មី​ស៊ី​ល​បាលី​ស្ទីក​រំលង​ប្រទេស​ជប៉ុន​ធ្លាក់​ចូល​មហាសមុទ្រ​ប៉ាស៊ីហ្វិក

សម្តេចតេជោ ហ៊ុន សែន អញ្ជើញជាអធិបតីបើកមហាសន្និបាតក្រុមប្រឹក្សាអូឡាំពិកអាស៊ីលើកទី៤១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អំពើហិង្សាផ្ទុះឡើង ខណៈប្រជាជនហៃទីប្រមូលផ្ដុំគ្នាទាមទារឲ្យនាយករដ្ឋមន្ត្រីលាលែងពីតំណែង

ស្នងការនគរបាលឥណ្ឌូនេស៊ីម្នាក់ និងមន្ត្រីជាន់ខ្ពស់ ៩នាក់ត្រូវបានដកចេញពីមុខតំណែង

អ្នកស្លាប់ដោយសារព្យុះសង្ឃរា Ian នៅសហរដ្ឋអាមេរិកបានកើនឡើងដល់ ១០៣នាក់

កងកម្លាំងអ៊ុយក្រែនវាយរុលចូលភាគខាងត្បូងឆ្លុះបញ្ចាំងពីជ័យជម្នះក្នុងភាគខាងកើត

កូរ៉េខាងជើងបាញ់មីស៊ីលបាលីស្ទីករំលងប្រទេសជប៉ុនធ្លាក់ចូលមហាសមុទ្រប៉ាស៊ីហ្វិក