BTV NEWS

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

ព័ត៌មានសំខាន់ៗ

ជំងឺអាសន្នរោគបណ្តាលឲ្យមនុស្សយ៉ាងហោចណាស់ ៧នាក់ស្លាប់នៅហៃទី

ហៃទី៖ ប្រទេសហៃទីកាលពីថ្ងៃអាទិត្យបាននិយាយថា មនុស្សយ៉ាងហោចណាស់ ៧នាក់បានស្លាប់ដោយសារជំងឺអាសន្នរោគ ដែលបានត្រឡប់មកវិញដ៏គួរឱ្យភ្ញាក់ផ្អើលនៃជំងឺដែលកើតមានឡើង ខណៈប្រទេសនេះត្រូវបានជាប់គាំងដោយសារការរារាំងរបស់ក្រុមជនអន្ធពាល ដែលបានបង្កឱ្យមានការខ្វះប្រេងឥន្ធនៈ និងទឹកស្អាតប្រើប្រាស់។ ជំងឺនេះបានបណ្តាលឲ្យមនុស្សប្រហែល ១០,០០០នាក់ស្លាប់ចាប់តាំងពីការផ្ទុះឡើងក្នុងឆ្នាំ២០១០ ដែលត្រូវបានដាក់កំហុសលើកងកម្លាំងរក្សាសន្តិភាពអង្គការសហប្រជាជាតិ។ អង្គការសុខភាពប្រចាំទ្វីបអាមេរិក Pan American កាលពីឆ្នាំ២០២០ បាននិយាយថា ប្រទេសហៃទីបានឆ្លងកាត់រយៈពេលមួយឆ្នាំមកហើយ គ្មានករណីជំងឺអាសន្នរោគត្រូវបានបញ្ជាក់នោះទេ។ លោក Laure Adrien អគ្គនាយកក្រសួងសុខាភិបាលបាននិយាយក្នុងសន្និសីទសារព័ត៌មានថា យោងតាមព័ត៌មានដែលយើងទទួលបាន ចំនួនអ្នកស្លាប់មានប្រហែលពី ៧ ទៅ ៨នាក់ ហើយមន្ត្រីកំពុងព្យាយាមដើម្បីទទួលបានព័ត៌មានពីមន្ទីរពេទ្យជាច្រើនទៀត។ ក្រសួងសុខាភិបាលបានបញ្ជាក់មួយករណីនៅក្នុងទីក្រុងព័រអូប្រាំង ហើយមានករណីសង្ស័យនៅក្រុង Cite Soleil នៅក្រៅរដ្ឋធានី ជាទីតាំងនៃសង្គ្រាមដណ្តើមដែនដីដ៏សាហាវរបស់ក្រុមជនអន្ធពាលកាលពីខែកក្កដា។ក្រុមជនអន្ធពាលបានបិទច្រកកំពង់ផែងនាំចូលប្រេងដ៏សំខាន់របស់ប្រទេស បណ្តាលឲ្យមានការតវ៉ាជុំវិញការប្រកាសដំឡើងថ្លៃប្រេងឥន្ធនៈ។ មន្ទីរពេទ្យជាច្រើនកន្លែងបានបិទ ឬកាត់បន្ថយប្រតិបត្តិការដោយសារការខ្វះប្រេងឥន្ធនៈសម្រាប់ម៉ាស៊ីនភ្លើង។ ក្រុមហ៊ុន Caribbean Bottling Company ជាក្រុមហ៊ុនផ្គត់ផ្គង់ទឹកដបដ៏សំខាន់បាននិយាយកាលពីថ្ងៃអាទិត្យថា ក្រុមហ៊ុនមិនអាចបន្តផលិត និងចែកចាយទឹកបានទៀតទេ ព្រោះវាអស់ប្រេងម៉ាស៊ូត ដែលមានសារៈសំខាន់ចំពោះសង្វាក់ផ្គត់ផ្គង់របស់ក្រុមហ៊ុន។ ជំងឺអាសន្នរោគនេះជាធម្មតាឆ្លងតាមរយៈទឹកកខ្វក់ មានន័យថា ទឹកស្អាតគឺមានសារៈសំខាន់សម្រាប់ការពារការរីករាលដាលជំងឺនេះ៕អត្ថបទ៖ ប៊ុនថន

ត្រាក់ទ័រសណ្តោងមួយគ្រឿងក្រឡាប់នៅប្រទេសឥណ្ឌាបណ្ដាលឲ្យមនុស្ស ២៦នាក់ស្លាប់

ឥណ្ឌា៖ ក្រុមមន្ត្រីបាននិយាយកាលពីថ្ងៃអាទិត្យថា ត្រាក់ទ័រសណ្តោងរ៉ឺម៉កមួយគ្រឿងរបស់កសិដ្ឋានមានដឹកមនុស្សច្រើននាក់បានក្រឡាប់ និងធ្លាក់ចូលទៅក្នុងស្រះទឹកមួយ នៅភាគខាងជើងប្រទេសឥណ្ឌាបណ្តាលឲ្យមនុស្ស ២៦នាក់ស្លាប់ដែលភាគច្រើនជាស្ត្រី និងកុមារ។ស្នងការនគរបាលលោក Tej Swaroop Singh បាននិយាយថា ត្រាក់ទ័រសណ្តោងនេះមានដឹកមនុស្សប្រមាណ ៤០នាក់ត្រឡប់មកពីពិធីមួយនៅព្រះវិហារហិណ្ឌូក្នុងតំបន់ក្បែរនោះ ហើយអ្នកស្លាប់ភាគច្រើនគឺដោយសារលង់ទឹក។ យ៉ាងហោចណាស់មនុស្ស ១០នាក់ផ្សេងទៀតបានរងរបួសនៅក្នុងឧបទ្ទវហេតុនៅក្នុងតំបន់ Ghatampur ទីក្រុងKanpur ចម្ងាយប្រហែល ១០០គីឡូម៉ែត្រពីរដ្ឋ Uttar Pradesh។ មូលហេតុនៃគ្រោះថ្នាក់នេះកំពុងស្ថិតក្រោមការស៊ើបអង្កេត។នាយករដ្ឋមន្ត្រីលោក Narendra Modi បានសរសេរលើបណ្តាញ Twitter នូវសាររំលែកទុក្ខថា «មានទុក្ខដោយឧប្បត្តហេតុត្រាក់ទ័រសណ្តោងនៅទីក្រុង Kanpur។ អារម្មណ៍របស់ខ្ញុំនៅជាមួយអ្នកទាំងអស់គ្នាដែលបានបាត់បង់មនុស្សជិតស្និទ្ធ និងជាទីស្រឡាញ់ ហើយលោកបានបន់ស្រន់ដល់អ្នករងរបួសឲ្យឆាប់ជាសះស្បើយ»។ វាជាឧបទ្ទវហេតុលើកទី២ ក្នុងរយៈពេលបីថ្ងៃចុងក្រោយនេះ ដែលត្រាក់ទ័រដឹកមនុស្សក្រឡាប់បណ្តាលឲ្យមនុស្សយ៉ាងតិច ១២នាក់ស្លាប់។ ឥណ្ឌាជាប្រទេសដែលមានអត្រាមរណៈភាពតាមដងផ្លូវខ្ពស់បំផុតនៅលើពិភពលោក ដោយមានមនុស្សរាប់សែននាក់បានស្លាប់ និងរងរបួសជារៀងរាល់ឆ្នាំ។ គ្រោះថ្នាក់ភាគច្រើនត្រូវបានដាក់កំហុសលើការបើកបរមិនប្រុងប្រយ័ត្ន ការថែទាំផ្លូវមិនល្អ និងយានយន្តចាស់ៗ៕អត្ថបទ៖ ប៊ុនថន

សម្ព័ន្ធមិត្តលោក Putin ផ្ដល់យោបល់ឲ្យរុស្ស៊ីប្រើអាវុធនុយក្លេអ៊ែរខ្នាតតូចនៅក្នុងសង្គ្រាមអ៊ុយក្រែន

រុស្ស៊ី៖ មេដឹកនាំក្រុមឆេតឈ្នី (Chechen) លោក Ramzan Kadyrov កាលពីចុងសប្ដាហ៍នេះបានជំរុញទីក្រុង Moscow ឲ្យពិចារណាការដាក់ពង្រាយអាវុធនុយក្លេអ៊ែរខ្នាតតូចនៅក្នុងប្រទេសអ៊ុយក្រែន បន្ទាប់ពីកងកម្លាំងរុស្ស៊ីបានដកថយពីទីក្រុង Lyman។ នៅក្នុងការបង្ហោះសារលើបណ្ដាញ Telegram លោក Kadyrov បាននិយាយថា លោកជឿថា វិធានការមានប្រសិទ្ធភាពជាច្រើនគួរតែត្រូវបានអនុវត្តន៍ ស្របតាមការប្រកាសច្បាប់អាជ្ញាសឹកនៅតាមតំបន់ព្រំដែន និងការប្រើប្រាស់អាវុធនុយក្លេអ៊ែរខ្នាតដែលមានកម្លាំងត្រឹម ១០គីឡូតោន។ លោក Kadyrov គឺជាសម្ព័ន្ធមិត្តជិតស្និទ្ធរបស់ប្រធានាធិបតីរុស្ស៊ីលោក Vladimir Putin ដែលបានតែងតាំងលោកឲ្យគ្រប់គ្រងតំបន់ឆេតឈ្នី (Chechnya) ក្នុងឆ្នាំ២០០៧។ ការអត្ថាធិប្បាយរបស់លោកមានឡើង បន្ទាប់ពីរុស្ស៊ីបាត់បង់មូលដ្ឋានរឹងមាំនៃទីក្រុង Lyman ក្នុងភាគខាងកើតអ៊ុយក្រែន ក្រោយការវាយបកដ៏ខ្លាំងក្លាពីកងកម្លាំងអ៊ុយក្រែន។ រុស្ស៊ីមានឃ្លាំងអាវុធបរមាណូធំជាងគេបំផុតក្នុងពិភពលោក រួមទាំងអាវុធនុយក្លេអ៊ែរតាកទិកដែលបានផលិតឡើងសម្រាប់ប្រឆាំងសត្រូវ៕អត្ថបទ៖ សុខមាន

សម្ដេចតេជោ ហ៊ុន សែន ៖ ការផ្តល់បណ្ណក្រីក្រជូនពលរដ្ឋនៅរុនតាឯក ជាគោលនយោបាយ មិនមែនជាការឃោសនាបោះឆ្នោតទេ

ភ្នំពេញ៖ សម្ដេចតេជោតេជោ ហ៊ុន សែន នាយករដ្ឋមន្ដ្រី មានប្រសាសន៍ថា ការផ្ដល់បណ្ណក្រីក្រជូនដល់បងប្អូនប្រជាពលរដ្ឋនៅភូមិរុនតាឯក ស្រុកបន្ទាយស្រី ខេត្តសៀមរាប គឺជាគោលនយោបាយ របស់រាជរដ្ឋាភិបាល មិនជាការឃោសនាបោះឆ្នោតនោះឡើយ ខណៈការផ្តល់នេះគឺដើម្បីលើកកម្ពស់ជីវ ភាពរបស់ពលរដ្ឋពីសំណាក់រាជរដ្ឋាភិបាល។ ថ្លែងនៅក្នុងឱកាសអញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់ នាព្រឹកថ្ងៃ ទី៣ ខែតុលា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្រ្ តីបានបញ្ជាក់ថា មានបុគ្គលមួយចំនួនតូច បានរិះគន់សម្តេច ជុំវិញការផ្ដល់បណ្ណក្រីក្រជូនប្រជាពលរដ្ឋនៅតំបន់រុនតាឯក ប្រៀបដូចការឃោសនាបោះឆ្នោតមុនរយៈពេលកំណត់ដែលផ្ទុយនឹងច្បាប់។ សូមរំលឹកថា កាលពីថ្ងៃទី១ ខែតុលា កន្លងទៅថ្មីៗនេះ ក្នុងពិធីជួបសំណេះសំណាលជាមួយប្រជាពលរដ្ឋ ២,៧៥១គ្រួសារផ្សេងទៀត ដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ ស្ថិតក្រោមការគ្រប់គ្រងរបស់អាជ្ញាធរជាតិអប្សរា សម្ដេចសម្រេចប្រគល់បណ្ណសមធម៌(បណ្ណក្រីក្រប្រភេទ១)ជូនដល់ប្រជាពលរដ្ឋទាំងអស់ដែលមករស់នៅភូមិរុនតាឯក ស្ថិតក្នុងស្រុកបន្ទាយស្រី ខេត្តសៀមរាប ដោយមិនចាំបាច់គិតពីស្ថានភាពជីវភាព។សម្តេចនាយករដ្ឋមន្ត្រី បានបញ្ជាក់ថា ប្រជាពលរដ្ឋដែលបានកាន់បណ្ណក្រីក្រប្រភេទទី២ ដែលបានរុះរើមករស់នៅតំបន់រុនតាឯក ត្រូវប្តូរយកបណ្ណសមធម៌ (បណ្ឌក្រីក្រប្រភេទ១) ទាំងអស់គ្នា ខណៈចំណូលដែលទទួលបានពីបណ្ណក្រីក្រប្រភេទ១ នឹងក្លាយជាផ្នែកមួយជួយគាំទ្រដល់ការលំបាករបស់ប្រជាពលរដ្ឋបានមួយកម្រិត៕(ដោយ៖ បាន ចក់)

ផ្ទុះអំពើហិង្សាក្រោយការប្រកួតបាល់ទាត់នៅឥណ្ឌូនេស៊ីរត់ជាន់គ្នាស្លាប់ជាង ១២០នាក់

បាល់ទាត់៖ អំពើហិង្សាមួយបានផ្ទុះឡើង ក្រោយការប្រកួតបាល់ទាត់មួយនៅប្រទេសឥណ្ឌូនេស៊ី ធ្វើឱ្យមន្ត្រីនគរបាលបង្ខំចិត្តបាញ់ឧស្ម័នបង្ហូរទឹកភ្នែក និងមានមនុស្សស្លាប់ដល់ទៅ ១២៥នាក់ដោយសាររត់ជាន់គ្នា។ មានការប៉ះទង្គិចរវាងអ្នកគាំទ្រក្រុមពីរជួបគ្នានៅកីឡដ្ឋាន Kanjuruhan នៅទីក្រុង Malang City ភាគខាងកើតខេត្ត Java ដែលបញ្ចប់ទៅដោយ Persebaya Surabaya យកឈ្នះ Arema Malang ៣-២ នៃការប្រកួតក្របខណ្ឌលីគ កំពូលឥណ្ឌូនេស៊ី Indonesian Premier League។ អំពើហិង្សាបានផ្ទុះឡើងភ្លាមៗក្រោយការប្រកួតបានបញ្ចប់កាលពីយប់ថ្ងៃសៅរ៍ ដែលធ្វើឱ្យមានការបាញ់ឧស្ម័នបង្ហូរទឹកភ្នែកពីមន្ត្រីនគរបាលដើម្បីបំបែក ហើយមនុស្សរាប់រយនាក់ព្យាយាមរកផ្លូវរត់ចេញពីកីឡដ្ឋាន ដែលបណ្តាលឱ្យមានការជាន់គ្នាស្លាប់ៗភ្លាមៗនៅនឹងកន្លែងចំនួន ៣៤នាក់។មនុស្សជាង ៣០០នាក់ត្រូវបានបញ្ជូនទៅមន្ទីរពេទ្យក្បែរកីឡដ្ឋាន តែអកុសលក៏មានអ្នកស្លាប់ជាបន្តបន្ទាប់ទៀតអំឡុងពេលដឹកជញ្ជូនទៅមន្ទីរពេទុ្យ និងនៅមន្ទីរពេទ្យសរុប ១២៥នាក់។ បើតាមការឱ្យដឹងពីមន្ត្រីនៅក្នុងតំបន់ថា ចំនួនអ្នកស្លាប់អាចនឹងមានការកើនឡើនបន្តបន្ទាប់ទៀតលើអ្នករងគ្រោះប្រមាណជា ១៨០នាក់ដែលភាគច្រើនស្ថិតក្នុងស្ថានភាពគ្រោះថ្នាក់៕អត្ថបទ៖នាង សុភាវុធ

អាមេរិកកំពុងដាក់សម្ពាធលើសហភាពអឺរ៉ុបឲ្យបង្កើនការជ្រោមជ្រែងបន្ថែមទៀតដល់អ៊ុយក្រែន

អាមេរិក៖ សារព័ត៌មាន Bloomberg បានរាយការណ៍កាលពីថ្ងៃអាទិត្យថា សហរដ្ឋអាមេរិកកំពុងជំរុញដល់បណ្ដារដ្ឋជាសមាជិកសហភាពអឺរ៉ុបឲ្យប្រមូលថវិកាប្រមាណ ១.៥ពាន់លានដុល្លារអាមេរិកដែលត្រូវផ្ដល់ឲ្យអ៊ុយក្រែនរៀងរាល់ខែ។ យោងតាមក្រុមមន្ត្រីមិនបញ្ចេញឈ្មោះ រដ្ឋបាលលោក Biden បានដាក់សម្ពាធលើអឺរ៉ុបឲ្យបង្កើនការជួយជ្រោមជ្រែងកាន់តែច្រើនថែមទៀត ដល់ការប្រយុទ្ធរបស់អ៊ុយក្រែនទប់ទល់រុស្ស៊ី។ ប្រភពមួយពីសារព័ត៌មាន Bloomberg បាននិយាយថា សហរដ្ឋអាមេរិក និងសម្ព័ន្ធមិត្តដែលបានផ្គត់ផ្គង់ទីក្រុង Kiev នូវកញ្ចប់ជំនួយជាច្រើនស្ទើរតែម្នាក់ឯងបានកំពុងបង្កើនយន្តការទៀងទាត់បន្ថែមទៀត ដែលនឹងទប់ស្កាត់ការដួលរលំសេដ្ឋកិច្ចរបស់អ៊ុយក្រែនដែលត្រូវបានញាំញីដោយសង្គ្រាម។យោងតាមប្រភពមួយផ្សេងទៀត មន្ត្រីសហភាពអឺរ៉ុបត្រូវបានព្រមានថា សភាអាមេរិកនឹងនិយាយកាន់តែខ្លាំងឡើង ដើម្បីគាំទ្រដល់ការចែករំលែកបន្ទុកកាន់តែច្រើនក្នុងចំណោមសម្ព័ន្ធមិត្ត។ មន្ត្រីម្នាក់ទៀតបានកត់សម្គាល់ថា សហរដ្ឋអាមេរិករំពឹងថា សហភាពអឺរ៉ុបនឹងផ្តល់មូលនិធិដល់អ៊ុយក្រែនដែលស្មើនឹងចំនួន ១.៥ពាន់លានដុល្លារប្រចាំខែ ដែលក្រុងវ៉ាស៊ីនតោនត្រៀមខ្លួនជាស្រេចដើម្បីដាក់លើតុ៕អត្ថបទ៖ សុខមាន

បញ្ហាទ្វេគ្រោះសម្រាប់រុស្ស៊ី បន្ទាប់ពីបោះបង់ចោលទីក្រុងដ៏សំខាន់មួយរបស់អ៊ុយក្រែននៅភាគខាងកើត

រុស្ស៊ី៖ សំណួរអំពីការបរាជ័យប្រតិបត្តិការយោធារបស់រុស្ស៊ី នៅក្នុងប្រទេសអ៊ុយក្រែនបន្តកើនឡើង ខណៈទីក្រុង Kyiv បានប្រកាសថា ខ្លួនបានគ្រប់គ្រងទាំងស្រុងលើទីក្រុងសំខាន់ភាគខាងកើត Lyman ក្រោយទាហានក្រុង Moscow បានដកចេញ។ នេះជាការមានប្រៀបខ្លាំងបំផុតក្នុងសមរភូមិសង្គ្រាមរបស់ទីក្រុង Kyiv ក្នុងពេលប៉ុន្មានសប្ដាហ៍នេះ ជាការបើកផ្លូវឲ្យមានការវាយប្រហារកើនឡើងយ៉ាងខ្លាំងក្លារុលចូលភាគខាងកើត ខណៈសម្ពាធចេះតែកើនឡើងលើវិមានក្រឹមឡាំង។ លោកប្រធានាធិបតី Volodymyr Zelenskyy បានប្រកាសកាលពីថ្ងៃអាទិត្យថា កងកម្លាំងរបស់លោកបានដណ្ដើមទីក្រុង Lyman មកវិញក្រោយការឡោមព័ទ្ធមួយថ្ងៃ។ លោកបាននិយាយនៅក្នុងសុន្ទរកថាតាមវីដេអូថា គិតត្រឹមម៉ោង ១២:៣០ថ្ងៃត្រង់ ទីក្រុងLyman ត្រូវបានបោសសម្អាតទាំងស្រុង។ អរគុណដល់កងជីវពលរបស់យើងទាំងអស់គ្នា និងអរគុណដល់ក្រុមអ្នកចម្បាំងរបស់យើង។យោធារុស្ស៊ីមិនបានធ្វើអត្ថាធិប្បាយលើទីក្រុង Lyman ទេកាលពីថ្ងៃអាទិត្យ ក្រោយប្រកាសកាលពីមួយថ្ងៃមុនពីការដកកងកម្លាំងរបស់ខ្លួនចេញពីទីនោះ ចូលទៅកាន់ទីតាំងសំខាន់ៗបន្ថែមទៀត។ ការបាត់បង់ទីក្រុង Lyman គឺជាការបរាជ័យដ៏ធំចំពោះកងកម្លាំងរុស្ស៊ី ដែលធ្លាប់បានប្រើប្រាស់ទីក្រុងនេះជាច្រើនខែមកនេះ ជាទីតាំងភស្តុភារ និងការធ្វើដំណើរដ៏សំខាន់នៅក្នុងតំបន់ Donetsk ដើម្បីដឹកជញ្ជូនយុទ្ធោបករណ៍ កងទ័ព និងសម្ភារៈផ្គត់ផ្គង់ចាំបាច់ផ្សេងទៀត៕ អត្ថបទ៖ សុខមាន

ដំណឹងល្អ...! តម្លៃប្រេងឥន្ធនៈចាប់ផ្តើមចុះទៀត

ភ្នំពេញ៖ ក្រសួងពាណិជ្ជកម្មបានប្រកាសពីតម្លៃលក់រាយប្រេងឥន្ធនៈ តាមស្ថានីយនានាទូទាំងប្រទេស ចាប់ពីថ្ងៃទី០១-១០ ខែតុលា ឆ្នាំ២០២២ ដោយប្រេងសាំងធម្មតាត្រូវលក់តម្លៃ ៤.២៥០រៀល/លីត្រ(ចុះ ១០០រៀល) និងប្រេងម៉ាស៊ូតត្រូវលក់តម្លៃ ៤.៧០០រៀល/លីត្រ(ចុះ ១៥០រៀល)៕

អ្នកស្លាប់ដោយសារព្យុះសង្ឃរា Ianនៅអាមេរិក ឡើងដល់៨៧នាក់ ខណៈប្រតិបត្តិការស្វែងរកនិងសង្គ្រោះនៅតែបន្ត

អាមេរិក៖ ខណៈក្រុមមន្ត្រីគ្រប់គ្រងគ្រាអាសន្នសហព័ន្ធចាប់ផ្ដើមកិច្ចខិតខំប្រឹងប្រែងស្វែងរក និងជួយសង្គ្រោះទ្រង់ទ្រាយធំបំផុតមិនធ្លាប់មាន ចំនួនអ្នកស្លាប់ដោយសារព្យុះសង្ឃរា Ian បានហក់ឡើងដល់ ៨៧នាក់កាលពីថ្ងៃអាទិត្យ។ ចំនួនដែលត្រូវបានរាប់ដោយសារព័ត៌មាន NBC News ត្រូវគេរំពឹងថានឹងបន្តកើនឡើង ខណៈទឹកជំនន់បានស្រក ហើយក្រុមអ្នកស្វែងរកបានរុលចូលទៅក្នុងតំបន់នានា ដែលដំបូងឡើយបានកាត់ផ្ដាច់ចេញពីពិភពខាងក្រៅ ជាទីដែលមនុស្សរាប់រយនាក់ត្រូវបានជួយសង្គ្រោះ។ ចំនួនអ្នកស្លាប់សរុបនេះ រាប់បញ្ចូលទាំងការស្លាប់ ៨៣នាក់ក្នុងរដុ្ឋ Florida ជាទីដែលព្យុះសង្ឃរា Ian ជាព្យុះកម្រិតទី៤ បានវាយប្រហារកាលពីថ្ងៃពុធ ហើយ ៤នាក់ទៀតនៅក្នុងរដ្ឋ North Carolina ជាទីដែលព្យុះនេះបានស្ងប់ទៅវិញ ក្រោយបោកបក់ទៅលើតំបន់ឆ្នេរសមុទ្រ South Carolina កាលពីថ្ងៃសុក្រ។លោកប្រធានាធិបតី Joe Biden និងស្ត្រីទី១ Jill Biden បានប្រកាសថា លោកទាំង២ នឹងធ្វើដំណើរទៅកាន់តំបន់នានារងការបំផ្លិចបំផ្លាញកាលពីសប្ដាហ៍មុន ខណៈសហរដ្ឋអាមេរិកបានជួបប្រទះភាពតក់ស្លុតដោយសារការបាត់បង់ជីវិត ទឹកជំនន់ដ៏គ្រោះថ្នាក់ និងការបំផ្លិចបំផ្លាញដោយសារព្យុះសង្ឃរា Ian៕អត្ថបទ៖ សុខមាន

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដា

ភ្នំពេញ៖ នៅព្រឹកថ្ងៃទី០៣ ខែតុលា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី អញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដាប្រមាណ ៣,៨៦៦នាក់ នារី ៣,៣៨២នាក់ រួមមាន៖ ថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន បានបញ្ជាក់ថា វិធានការរបស់រាជរដ្ឋាភិបាលលើបញ្ហាកូវីដ-១៩ បានបង្ហាញកាន់តែច្បាស់ពីចេតនារបស់រាជរដ្ឋាភិបាល ក្នុងការគិតគូរពីសុខភាព និងអាយុជីវិតរបស់ប្រជាពលរដ្ឋទូទាំងប្រទេស។- សម្តេចតេជោ ហ៊ុន សែន បានបញ្ជាក់ថា ទោះជាមានករណីឆ្លងជំងឺកូវីដ-១៩ខ្លះក៏ពិតមែននាពេលនេះ តែមានអ្នកជំងឺមួយចំនួនមិនដឹងថាខ្លួនមានជំងឺនោះទេ ដោយសារឥទ្ធិពល នៃប្រសិទ្ធភាពវ៉ាក់សាំកូវីដ-១៩ ដែលមិនឱ្យអ្នកជំងឺធ្លាក់ដល់កម្រិតធ្ងន់ធ្ងរ ឬអាយុជីវិត។- សម្តេចតេជោ ហ៊ុន សែន បានបញ្ជាក់ថា កម្ពុជាគ្មានករណីឆ្លងថ្មីជំងឺកូវីដ-១៩រយៈពេល៥២ថ្ងៃ និងគ្មានករណីស្លាប់ថ្មីដោយជំងឺកូវីដ-១៩ជាច្រើនខែមកទល់នឹងពេលនេះ ដែលជាភាពជោគជ័យ ដ៏ត្រចះត្រចង់លើសមរភូមិកូវីដ-១៩ ទោះយើងមិនទាន់ឈ្នះលើសង្គ្រាមកូវីដ-១៩នេះទាំងស្រុងក៏ដោយ។- សម្តេចតេជោ ហ៊ុន សែន ប្រកាសថា ប្រជាពលរដ្ឋបាននាំគ្នាទៅកាន់បិណ្ឌ និងភ្ជុំបិណ្ឌដោយភាពសប្បាយរីករាយនៅឆ្នាំ២០២២នេះ ដែលខុសពីឆ្នាំមុន យើងអាចប្រារព្ធពិធីកាន់បិណ្ឌបានតែបិណ្ឌទី២ ឬទី៣ប៉ុណ្ណោះ ហើយក៏ផ្អាកទៅវិញ ដេោយសារស្ថានភាពពេលនោះកូវីដ-១៩ បានវាយលុកខ្លាំង ដែលទាមទារឱ្យរាជរដ្ឋាភិបាលមានវិធានការបន្ទាន់ និងចាំបាច់លើករណីនេះ។- សម្តេចតេជោ ហ៊ុន សែន បានប្រកាសឱ្យវិស័យឯកជនបន្តចូលរួមវិនិយោគលើការបណ្តុះបណ្តាលអប់រំ សិក្សាធិការឱ្យបានផុសផុលបន្ថែមទៀត ដោយយើង មិនអាចពឹងផ្អែកទាំងស្រុងតែទៅលើការបណ្តុះបណ្តាលដោយរដ្ឋនោះឡើយ។- សម្តេចតេជោ ហ៊ុន សែន បានប្រកាសទាមទារ និងជំរុញឱ្យមានការធ្វើទំនើបកម្មលើការបណ្តុះបណ្តាលគ្រប់កម្រិត ដើម្បីធានាប្រសិទ្ធភាព និងគុណភាព នៃការបណ្តុះបណ្តាលធនធានមនុស្សនៅកម្ពុជា ក្នុងនោះមានអគារសិក្សា និងការផ្លាស់ប្តូរទស្សនកិច្ចសិក្សានានាជាដើម។- សម្តេចតេជោ ហ៊ុន សែន បានប្រកាសថា កម្ពុជាបានប្រឹងប្រែងទប់នឹងវិបត្តិនានា ដែលបណ្តាលមកពីបញ្ហាសកល ក្នុងនោះមានការគិតគូរលើការចំណាយរបស់រដ្ឋ ខណៈដែលប្រទេសមួយចំនួនបានរងនូវវិបត្តិនេះយ៉ាងធ្ងន់ធ្ងរជាទីបំផុត។- សម្តេចតេជោ ហ៊ុន សែន បានប្រកាសពីចេតនារបស់រាជរដ្ឋាភិបាល ក្នុងការប្រឹងប្រែងធ្វើឱ្យវិស័យឯកជនបានរីកចម្រើន ដែលជាចំណែកមួយដ៏ធំ នៃការបង់ពន្ធចូលរដ្ឋ ខុសពីទស្សនៈនយោបាយ និងចេតនារបស់បុគ្គលខ្លះ ដែលចង់ឱ្យវិស័យឯកជនធ្លាក់ចុះ ឬអន់ថយ។- សម្តេចតេជោ ហ៊ុន សែន បានប្រកាសពីខ្លឹសារ នៃចំណេរក្នុងសៀវភៅរបស់«ម៉ាលឡេនីន» ដែលជនកុម្មុនីស្តធំមួយដ៏ល្បីល្បាញលើពិភពលោក ក៏ឱ្យតម្លៃ និងមានការចែករវាងកម្មករ និងថៅកែ ដែលមិនអាចខ្វះគ្នាបានលើការជំរុញវិស័យសេដ្ឋកិច្ច ពាណិជ្ជកម្ម នៃប្រទេសនីមួយៗ។ សម្តេចបញ្ជាក់ថា «បើគ្មានកម្មករទេ ក៏មិនអាចមានថៅកែ ឬនាយទុនដែរ»។- សម្តេចតេជោ ហ៊ុន សែន បានប្រកាសពីទស្សនវិស័យ នៃការលើកកម្ពស់វិស័យសេដ្ឋកិច្ចកម្ពុជា តាមរយៈសៀវភៅនានារបស់សម្តេច ដោយឱ្យតម្លៃវិស័យឯកជនយ៉ាងខ្លាំង ព្រមទាំងមានការប្រៀបធៀបរវាងអាជីវកម្មរបស់រដ្ឋ និងឯកជន។ សម្តេតេជោ ហ៊ុន សែន បញ្ជាក់ថា «អាវរឿងក្រុមហ៊ុនរបស់រដ្ឋនេះ គ្មានដែលបានចំណេញឡើយ»។- សម្តេចតេជោ ហ៊ុន សែន បានបញ្ជាក់ថា បច្ចុប្បន្ននេះ ចំណូលពន្ធផ្ទៃក្នុងរបស់កម្ពុជា យ៉ាងហោចណាស់ប្រមូលបាន ២០០លានដុល្លារសហរដ្ឋអាមេរិកក្នុងមួយខែ ដែលរយៈពេល៩ខែមកនេះ ការប្រមូលពន្ធសម្រេចបានជាង៩៥ភាគរយ (ជាង ៣ពាន់លានដុល្លារអាមេរិក)។- សម្តេចតេជោ ហ៊ុន សែន មានប្រសាសន៍លើការរិះគន់ទាំងឡាយរបស់ជនមួយចំនួន លើការគាំពារវិស័យឯកជនរបស់រាជរដ្ឋាភិបាលកម្ពុជា និងចោទប្រកាន់ថា «រាជរដ្ឋាភិបាល យកចិត្តទុកដាក់ តែលើអ្នកមាន ឬនាយទុន»។ សម្តេចតេជោ ហ៊ុន សែន បញ្ជាក់ថា «មិនថាអ្នកមាន ឬអ្នកក្រទេ ឱ្យតែខុស គឺមិនមែនការលើកលែងឡើយ»។- សម្តេចតេជោ ហ៊ុន សែន បានប្រកាសលើការវិនិយោគវិស័យអប់រំ ដោយគ្មានកំណត់ ក្នុងនោះមានការពង្រាយអគារសិក្សាដល់ភូមិឋានប្រជាជន និងដំឡើងកម្រិត នៃការអប់រំ ទាំងបឋម អនុវិទ្យាល័យ វិទ្យាល័យ តាមការសិក្សាជាក់ស្តែងលើចំនួនសិស្ស និងភាពចាំបាច់នានា។- សម្តេចតេជោ ហ៊ុន សែន មានប្រសាសន៍ថា ការអនុវត្តគោលនយោបាយគាំពារប្រជាពលរដ្ឋ(តំបន់រុនតាឯក) មិនមែនជាការគេងចំណេញនយោបាយគណបក្សប្រជាជនកម្ពុជានោះ តែបញ្ហានេះក៏មិនអាចកាត់ផ្តាច់ពីគ្នាបានដែរ ព្រោះគណបក្សប្រជាជនកម្ពុជា ជាបក្សឈ្នះឆ្នោតដឹកនាំរាជរដ្ឋាភិបាល។- សម្តេចតេជោ ហ៊ុន សែន ប្រកាសដល់ក្រុមឧទ្ទាមក្រៅច្បាប់ កំពុងជ្រកកោណនៅក្រៅប្រទេស ដែលប្រកាសប្រជាភិថុតិលើបញ្ហាកម្ចីធនាគារពេលខ្លួនឈ្នះឆ្នោត មិនឱ្យបង់លុយធនាគារ។ សម្តេចប្រកាសថា «នរណាក៏ដោយ ដែលគាំទ្រនយោបាយឧទ្ទាមត្រង់ចំណុចនេះ សម្តេចលើកទឹកចិត្តឱ្យធនាគាររឹបអូសជននោះតែម្តង ដោយគ្មានការលើកលែង»។- សម្តេចតេជោ ហ៊ុន សែន ប្រកាសរិះគន់ដល់ក្រុមទូរស័ព្ទចល័ត Smart ដែលគ្មានសេវាសម្រាប់ការប្រើប្រាស់នៅក្នុងស្រុក និងសេវាសូន្យ(0)នៅក្រៅប្រទេស ដោយសារក្រុមហ៊ុននេះ គ្មានទំនាក់ទំនងជាមួយក្រុមហ៊ុនទូរស័ព្ទនៅក្រៅប្រទេស។- សម្តេចតេជោ ហ៊ុន សែន បានប្រកាសដាច់ណាត់ដល់អ្នកមិនព្រមរុះរើលំនៅឋានចេញពីតំបន់រមនីដ្ឋានអង្គរ សូមឱ្យចេញជាបន្ទាន់ ទាន់រដ្ឋមានគោលនយោបាយ ដោយកម្ពុជាមិនអាចឱ្យUNESCO ដកប្រាសាសទអង្គរវត្តចេញបញ្ជីបេតិកភណ្ឌភពលោកបានទេ ត្រូវតែឱ្យអ្នកឯងចេញពីតំបន់នោះ។- សម្តេចតេជោ ហ៊ុន សែន បានប្រកាសអំពាវនាវដល់គ្រួសារ ដែលមានអ្នកនៅជាមួយ សូមឱ្យមានគិតគូរខ្ពស់ដល់ពួកគេ ។ សម្តេចបញ្ជាក់ថា «គ្មាននរណាម្នាក់ ដែលមិនអាចនៅជាមួយក្រុមគ្រួសារខ្ញុំបានឡើយ...[]...អ្នករស់នៅជាមួយខ្ញុំ ត្រូវតែរស់នៅក្រោមដំបូលផ្ទះជាមួយគ្នា »។- សម្តេចតេជោ ហ៊ុន សែន បានប្រកាស ឱ្យមានការរុះរើលំនៅឋានប្រជាពលរដ្ឋដែលសេសសល់រស់នៅតំបន់ងហាមឃាត់ក្នុងតំបនរមនីដ្ឋានអង្គរឱ្យបានជាដាច់ខាត ដោយគ្មានការលើកពេលទៀតឡើយ និងអំពាវនាវដល់បក្សនយោនានា សុមកុំលូកដៃ យកចំណេញនយោបាយលើករណីនេះឱ្យសោះ។- សម្តេចតេជោ ហ៊ុន សែន បានប្រកាសថា វិបត្តិសេដ្ឋកិច្ចនាពេលនេះ មិនមែនបណ្តាលមកពីមូលហេតុតែមួយគត់ ដោយសារសង្គ្រាមរុស្ស៊ី-អ៊ុយក្រែននោះទេ គឺដោយសារទង្វើ នៃការដាក់ទ័ណ្ឌកម្មសេដ្ឋកិច្ច ដែលមិនត្រឹមប៉ះពាល់ដល់រុស្ស៊ីតែម្នាក់ឯងឡើយ វាបានប៉ះពាល់ដល់អឺរ៉ុប រួមទាំងកម្ពុជា ដែលមិនដឹងអីផងដែរ។- សម្តេចតេជោ ហ៊ុន សែន ប្រកាសដោយសង្ឃឹមជឿជាក់ថា ពិភពលោកនឹងស្រុះស្រួលគ្នា ដើម្បីកុំឱ្យរុញច្រានវិបត្តិសេដ្ឋកិច្ចនាពេលនេះ ទៅជាវិបត្តិសេដ្ឋកិច្ចមួយដ៏ធំ ដែលយើងមិងអាចប៉ាន់ស្មានបាន។សង្កថាសម្តេចតេជោ ហ៊ុន សែន ចប់នៅវេលាម៉ោង៩និង០០នាទី។

បណ្ដាញសង្គម

ព័ត៌មានថ្មីៗ

រដ្ឋមន្ត្រីមហាផ្ទៃ៖ យានដ្រូនផ្ទុកគ្រឿងផ្ទុះនៅអាកាសយានដ្ឋានប្រទេសអាល្លឺម៉ង់ បង្កើនគ្រោះថ្នាក់ថ្មី

អ៊ីស្រាអែល បន្តការវាយប្រហារលើលីបង់ ខណៈការចរចាកំពុងបន្តដំណើរការនៅអ៊ីតាលី

អ៊ីរ៉ង់ គំរាមវាយប្រហាររដ្ឋឈូងសមុទ្រជាថ្មី ប្រសិនបើសហរដ្ឋអាមេរិកបើកការវាយប្រហារថ្មីទៀត

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងពិធីប្រគល់សញ្ញាបត្រជូននិស្សិតជ័យលាភី និងសម្ពោធអគារសិក្សានៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច

អ៊ីរ៉ង់ និងអាមេរិក អះអាងថាកិច្ចព្រមព្រៀងស្តីពីច្រកសមុទ្ទ Hormuz ជិតសម្រេចបានហើយ

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ពលរដ្ឋកូរ៉េខាងត្បូងស្វែងរកកន្លែងត្រជាក់នៅក្នុងរូងភ្នំក្រោមដី ខណៈរលកកកម្តៅវាយប្រហារប្រទេសមួយនេះ

បំណែកដំណាក់កាលទី ២នៃយានចម្លងរបស់ក្រុមហ៊ុន SpaceXនឹងធ្លាក់លើឋានព្រះចន្ទនៅថ្ងៃពុធនេះ

ពលរដ្ឋរស់នៅរដ្ឋ Assam ប្រទេសឥណ្ឌា បាត់បង់អ្វីៗគ្រប់បែបយ៉ាងដោយសារទឹកជំនន់

ការវាយប្រហារមីស៊ីលបាលីស្ទិករុស្ស៊ី បង្កជាអគ្គិភ័យជាច្រើនកន្លែងនៅទីក្រុងគីវ របស់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ជំងឺអាសន្នរោគបណ្តាលឲ្យមនុស្សយ៉ាងហោចណាស់ ៧នាក់ស្លាប់នៅហៃទី

ត្រាក់ទ័រសណ្តោងមួយគ្រឿងក្រឡាប់នៅប្រទេសឥណ្ឌាបណ្ដាលឲ្យមនុស្ស ២៦នាក់ស្លាប់

សម្ព័ន្ធមិត្តលោក Putin ផ្ដល់យោបល់ឲ្យរុស្ស៊ីប្រើអាវុធនុយក្លេអ៊ែរខ្នាតតូចនៅក្នុងសង្គ្រាមអ៊ុយក្រែន

សម្ដេចតេជោ ហ៊ុន សែន ៖ ការផ្តល់បណ្ណក្រីក្រជូនពលរដ្ឋនៅរុនតាឯក ជាគោលនយោបាយ មិនមែនជាការឃោសនាបោះឆ្នោតទេ

ផ្ទុះអំពើហិង្សាក្រោយការប្រកួតបាល់ទាត់នៅឥណ្ឌូនេស៊ីរត់ជាន់គ្នាស្លាប់ជាង ១២០នាក់

អាមេរិកកំពុងដាក់សម្ពាធលើសហភាពអឺរ៉ុបឲ្យបង្កើនការជ្រោមជ្រែងបន្ថែមទៀតដល់អ៊ុយក្រែន

បញ្ហាទ្វេគ្រោះសម្រាប់រុស្ស៊ី បន្ទាប់ពីបោះបង់ចោលទីក្រុងដ៏សំខាន់មួយរបស់អ៊ុយក្រែននៅភាគខាងកើត

ដំណឹងល្អ...! តម្លៃប្រេងឥន្ធនៈចាប់ផ្តើមចុះទៀត

អ្នកស្លាប់ដោយសារព្យុះសង្ឃរា Ianនៅអាមេរិក ឡើងដល់៨៧នាក់ ខណៈប្រតិបត្តិការស្វែងរកនិងសង្គ្រោះនៅតែបន្ត

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ជំងឺ​អាសន្នរោគ​បណ្តាល​ឲ្យ​មនុស្ស​យ៉ាង​ហោចណាស់ ៧​​នាក់​ស្លាប់​នៅ​ហៃ​ទី

ត្រាក់ទ័រ​សណ្តោង​មួយ​គ្រឿង​ក្រឡាប់​នៅ​ប្រទេស​ឥណ្ឌា​បណ្ដាល​ឲ្យ​មនុស្ស​ ២៦​នាក់​ស្លាប់

សម្ដេចតេជោ ហ៊ុន សែន ៖ ការផ្តល់បណ្ណក្រីក្រជូនពលរដ្ឋនៅរុនតាឯក ជាគោលនយោបាយ មិនមែនជាការឃោសនាបោះឆ្នោតទេ

ផ្ទុះ​អំពើ​ហិង្សា​ក្រោយ​ការប្រកួត​បាល់ទាត់​នៅ​ឥណ្ឌូនេស៊ី​រត់​ជាន់គ្នា​ស្លាប់ជាង ១២០​នាក់​

អាមេរិក​កំពុង​ដាក់​សម្ពាធ​លើ​សហភាព​អឺរ៉ុប​ឲ្យ​បង្កើន​ការ​ជ្រោមជ្រែង​បន្ថែមទៀត​ដល់​អ៊ុយ​ក្រែ​ន​

ដំណឹងល្អ...! តម្លៃប្រេងឥន្ធនៈចាប់ផ្តើមចុះទៀត

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រគល់សញ្ញាបត្រ​ដល់និស្សិត​វិទ្យាស្ថានវ៉ាន់ដា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជំងឺអាសន្នរោគបណ្តាលឲ្យមនុស្សយ៉ាងហោចណាស់ ៧នាក់ស្លាប់នៅហៃទី

ត្រាក់ទ័រសណ្តោងមួយគ្រឿងក្រឡាប់នៅប្រទេសឥណ្ឌាបណ្ដាលឲ្យមនុស្ស ២៦នាក់ស្លាប់

ផ្ទុះអំពើហិង្សាក្រោយការប្រកួតបាល់ទាត់នៅឥណ្ឌូនេស៊ីរត់ជាន់គ្នាស្លាប់ជាង ១២០នាក់

អាមេរិកកំពុងដាក់សម្ពាធលើសហភាពអឺរ៉ុបឲ្យបង្កើនការជ្រោមជ្រែងបន្ថែមទៀតដល់អ៊ុយក្រែន

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដា