BTV NEWS

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

ព័ត៌មានសំខាន់ៗ

វិមានក្រឹមឡាំងនិយាយថា មិនទាន់មានការសម្រេចចិត្តបិទព្រំដែនរុស្ស៊ីនៅឡើយទេ ខណៈមានភាពវឹកវរ

រុស្ស៊ី៖ មនុស្សរាប់ពាន់នាក់កំពុងរត់គេចចេញពីប្រទេស ដើម្បីគេចចេញពីកោះហៅចូលសមរភូមិប្រយុទ្ធក្នុងប្រទេសអ៊ុយក្រែន បន្ទាប់ពីទីក្រុង Moscow បានប្រកាសការកែណ្ឌកម្លាំងយោធាលើកដំបូងចាប់តាំងពីសង្គ្រាមលោកលើកទី២ មក។ វិមានក្រមឡាំងនិយាយថា មិនទាន់មានការសម្រេចចិត្តណាមួយត្រូវបានធ្វើឡើងនៅឡើយទេ ថាតើត្រូវបិទព្រំដែនរុស្ស៊ី ឬអត់ ដើម្បីបញ្ឈប់ការចាកចេញរបស់ក្រុមបុរសគ្រប់វ័យ ចូលបម្រើកងទ័ពដែលកំពុងគេចចេញពីប្រទេស បន្ទាប់ពីភាពច្របូកច្របល់ប៉ុន្មានថ្ងៃនេះ អំឡុងការកែណ្ឌកម្លាំងទ័ពដោយផ្នែកសម្រាប់សង្គ្រាមរបស់ខ្លួននៅអ៊ុយក្រែន។ ពេលត្រូវបានសួរកាលពីថ្ងៃចន្ទអំពីផែនការបិទព្រំដែន អ្នកនាំពាក្យវិមានក្រឹមឡាំងលោក Dmitry Peskov បានប្រាប់ក្រុមអ្នកសារព័ត៌មានថា ខ្ញុំមិនដឹងទេចំពោះរឿងនេះ។ នៅពេលនេះពុំទាន់មានការសម្រេចចិត្តណាមួយត្រូវបានធ្វើឡើងនៅឡើយទេ។សំបុត្រយន្តហោះចាកចេញពីប្រទេសរុស្ស៊ីបានលក់អស់ ហើយរថយន្តតម្រង់ជួរគ្នានៅប៉ុស្តិ៍ត្រួតពិនិត្យតាមព្រំដែន ដោយមានសេចក្ដីរាយការណ៍ពីការឈរតម្រង់ជួរគ្នា ៤៨ម៉ោងនៅឯផ្លូវព្រំដែនឆ្ពោះទៅកាន់ប្រទេសហ្ស៊កហ្ស៊ី ជាប្រទេសជិតខាងគាំទ្រលោកខាងលិច ដ៏កម្រដែលអនុញ្ញាតឲ្យពលរដ្ឋរុស្ស៊ីចូលដោយគ្មានទិដ្ឋាការ៕អត្ថបទ៖ សុខមាន

សម្តេចតេជោ ហ៊ុន សែន អនុញ្ញាតឲ្យប្រធានក្រុមប្រឹក្សាអឺរ៉ុប ចូលជួបពិភាក្សាការងារ នៅទីក្រុងតូក្យូ ប្រទេសជប៉ុន

នៅព្រឹកថ្ងៃទី២៧ ខែកញ្ញា ឆ្នាំ២០២២ដដែលនេះ បន្ទាប់ពីទទួលទានអាហារការងារពេលព្រឹកជាមួយ ប្រធានរដ្ឋវៀតណាមរួចមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឲ្យឯកឧត្តម Charles Michel ប្រធានក្រុមប្រឹក្សាអឺរ៉ុប ចូលជួបសំដែងការគួរសម និងពិភាក្សាការងារ នៅទីក្រុងតូក្យូ ប្រទេសជប៉ុន ក្នុងឱកាសដែលសម្ដេចតេជោ និងឯកឧត្តមប្រធានក្រុមប្រឹក្សាអឺរ៉ុប ចូលរួមពិធីបុណ្យសពរបស់អតីតនាយករដ្ឋមន្ត្រីជប៉ុន ឯកឧត្តម សិនហ្សូ អាបេ ។នៅក្នុងជំនួបទ្វេភាគីនេះ សម្ដេចតេជោ ហ៊ុន សែន បានស្វាគមន៍ ឯកឧត្តមប្រធានក្រុមប្រឹក្សាអឺរ៉ុប និងគណៈប្រតិភូ ។ សម្ដេចបានបញ្ជាក់ថា សម្ដេចបានជួប ឯកឧត្តម នៅក្នុងមហាសន្និបាតអង្គការសហប្រជាជាតិលើកទី៧៧ ហើយបន្ទាប់មក សម្ដេចក៏បានអញ្ជើញទៅធ្វើទស្សនកិច្ចនៅប្រទេសគុយបា។ សម្ដេចបានបង្ហាញក្ដីរីករាយ ដែលបានជួប ឯកឧត្តម ដើម្បីផ្លាស់ប្ដូរមតិយោបល់គ្នា។ សម្ដេចបានអញ្ជើញ ឯកឧត្តមទៅធ្វើទស្សនកិច្ចនៅកម្ពុជា ដើម្បីចូលរួមកិច្ចប្រជុំអាស៊ី-បូព៌ា នៅពេលខាងមុខនេះ ជាពិសេស កិច្ចសន្ទនាអាស៊ានពិភពលោកនៅកម្ពុជាផងដែរ។ សម្ដេចតេជោ បានបញ្ជាក់ដែរថា យើងមានកិច្ចសហប្រតិបត្តិការរវាងអាស៊ាន និងអឺរ៉ុប ហើយសម្ដេចក៏នឹងអញ្ជើញចូលរួមកិច្ចប្រជុំអាស៊ាន-អឺរ៉ុប រំលឹកខួបអនុស្សាវរីយ៍នៅទីក្រុងព្រុចសែល តាមការអញ្ជើញរបស់អឺរ៉ុបនេះផងដែរ។ ឯកឧត្តម Charles Michel បានមានប្រសាសន៍ថា ឯកឧត្តម ពិតជារីករាយចំពោះកិច្ចសហប្រតិបត្តិការរបស់អឺរ៉ុបជាមួយនឹងអាស៊ាននាពេលនេះ។ ឯកឧត្តម ក៏បានសុំពិគ្រោះយោបល់ផ្លាស់ប្ដូរមតិជុំវិញសភាពការណ៍សង្គ្រាមនៅអ៊ុយក្រែន, បញ្ហាសមុទ្រចិនខាងត្បូង, កិច្ចការងារសន្តិភាពនៅមីយ៉ាន់ម៉ា ហើយក៏ពិភាក្សាពីស្ថានភាពជាទូទៅរបស់ពិភពលោកនេះផងដែរ។ក្នុងជំនួបនេះ សម្ដេចតេជោនាយករដ្ឋមន្ត្រី បានមានប្រសាសន៍ពាក់ព័ន្ធនឹងសភាពការណ៍នៅមីយ៉ាន់ម៉ាជូនទៅឯកឧត្តមប្រធានក្រុមប្រឹក្សាអឺរ៉ុប អំពីកិច្ចខិតខំរបស់សម្ដេច ក្នុងការជួយមីយ៉ាន់ម៉ា ក្នុងក្របខណ្ឌសម្ដេច ជាប្រធានអាស៊ាននៅឆ្នាំនេះ ដោយសម្ដេចចាត់ទុកថា ក្នុងនាមជាប្រធានអាស៊ានឆ្នាំនេះ កម្ពុជា មានការប្រឈមជាច្រើន ដោយសារស្ថានភាពតំបន់ និងពិភពលោក ជាពិសេសដូចជា មីយ៉ាន់ម៉ាជាដើម ដោយសម្ដេចនឹងព្យាយាមខិតខំ ទោះបីជាមានការលំបាកយ៉ាងណាក៏ដោយ។ ពាក់ព័ន្ធនឹងសមុទ្រចិនខាងត្បូង សម្ដេច បានគូសបញ្ជាក់ថា ឆ្នាំនេះ គឺជាខួបលើកទី២០ នៃសមុទ្រចិនខាងត្បូង ដែលបានចុះហត្ថលេខា រវាងអាស៊ាន ជាមួយប្រទេសចិន នៅរាជធានីភ្នំពេញ ឆ្នាំ២០០២ ឥឡូវនេះឆ្នាំ២០២២ ដូច្នេះអ្វីដែលសម្ដេចចង់ឃើញ គឺការបន្តអនុវត្តឲ្យបានពេញលេញនូវ DOC ហើយសម្ដេច ក៏បានគូសបញ្ជាក់អំពីចំណុចសំខាន់ គឺថាយើងខិតខំជំរុញការចរចា ដើម្បីចេញនៅ COC នៅពេលខាងមុខនេះ ទោះបីមានការលំបាកក៏ដោយ ។សម្ដេចតេជោ ក៏បានគូសបញ្ជាក់ផងដែរអំពីស្ថានភាពនៅអឺរ៉ុប ទាក់ទងនឹងសង្គ្រាមនៅអ៊ុយក្រែន ហើយឯកឧត្តម Charles Michel ក៏បានបញ្ជាក់ដែរពីការផ្លាស់ប្ដូរយោបល់ដោយមានការស្មោះត្រង់ ជាពិសេសទៀត ឲ្យមានការទុកចិត្តគ្នា ។ឯកឧត្តម Charles Michel បានថ្លែងអំណរគុណចំពោះសម្ដេចតេជោ ដែលបានអញ្ជើញឯកឧត្តម ទៅចូលរួមក្នុងកិច្ចប្រជុំនៅរាជធានីភ្នំពេញ ហើយឯកឧត្តមក៏បានអរគុណចំពោះសម្ដេចតេជោ ដែលនឹងទៅចូលរួមប្រជុំនៅទីក្រុងព្រុចសែល នាពេលខាងមុខនេះ ហើយជាពិសេសទៀត ឯកឧត្តមអរគុណសម្ដេច នូវការផ្ដល់ទស្សនៈទានចំពោះស្ថានភាពអន្តរជាតិ ជាពិសេសចំពោះបញ្ហាសមុទ្រចិនខាងត្បូង, ស្ថានភាពសង្គ្រាមនៅអ៊ុយក្រែន។ឯកឧត្តម Charles Michel ក៏បានចាត់ទុកទំនាក់ទំនងរវាងអឺរ៉ុប ជាមួយអាស៊ាន គឺមានសារៈសំខាន់ ជាពិសេសទៀត អ្វីដែលយើងកំពុងមានការប្រឈម និងមានការលំបាកក៏ដោយ ប៉ុន្តែយើងមានទស្សនៈដាច់ដោយឡែកដ៏សំខាន់ ដោយយើងខិតខំរកមធ្យោបាយ ដើម្បីបង្កើនកិច្ចសហប្រតិបត្តិការរវាងអឺរ៉ុប ជាមួយនឹងអាស៊ាន ហើយបានចែករំលែកនូវទស្សនៈអំពីភូមិសាស្ត្រនយោបាយរវាងសហរដ្ឋអាមេរិក និងចិន ក៏ដូចជាបញ្ហាទាក់ទងនឹងរុស្ស៊ីផងដែរ ៕

លោក Putin ផ្ដល់សញ្ជាតិរុស្ស៊ីដល់លោក Edward Snowden

រុស្ស៊ី៖ អតីតមន្ត្រីចារកម្មនៃទីភ្នាក់ងារសន្តិសុខជាតិអាមេរិកលោក Edward Snowden ត្រូវបានផ្ដល់សញ្ជាតិរុស្ស៊ី។ ដំណឹងនេះត្រូវបានបញ្ជាក់នៅក្នុងក្រឹត្យមួយដោយលោកប្រធានាធិបតីរុស្ស៊ី Vladimir Putin ដែលបានបង្ហោះនៅក្នុងគេហទំព័ររបស់វិមានក្រឹមឡាំងកាលពីថ្ងៃចន្ទ។ លោក Snowden បានមកដល់ប្រទេសរុស្ស៊ីលើកដំបូងក្នុងឆ្នាំ២០១៣ បន្ទាប់ពីលេចធ្លាយឯកសារសម្ងាត់ដែលបង្ហាញពីបណ្តាញដ៏ធំនៃការឃ្លាំមើលក្នុងស្រុក និងអន្តរជាតិដោយរដ្ឋាភិបាលសហរដ្ឋអាមេរិក។ ក្រោយមកវិមានក្រឹមឡាំងបានផ្តល់សិទ្ធិជ្រកកោនឲ្យលោក ទោះបីជាសហរដ្ឋអាមេរិកបានបន្តការចោទប្រកាន់ពីបទចារកម្មក៏ដោយ។ ក្នុងឆ្នាំ២០២០ លោក Snowden បានប្រកាសថា លោក និងភរិយាបានដាក់លិខិតស្នើសុំសញ្ជាតិរុស្ស៊ី ខណៈដែលអ្នកទាំង២ រំពឹងថានឹងមានកូនដំបូងអំឡុងជំងឺរាតត្បាតសកល។អ្នកទម្លាយព័ត៌មានសម្ងាត់រូបនេះបានអះអាង និងការពារភាពស្ងៀមស្ងាត់របស់លោកជុំវិញសកម្មភាពថ្មីៗរបស់វិមានក្រឹមឡាំងនៅក្នុងប្រទេសអ៊ុយក្រែន ដោយនិយាយថា ទស្សនៈរបស់លោកលែងមានប្រយោជន៍ទៀតហើយ បន្ទាប់ពីលោកបានទទូចដោយខុសឆ្គងថា ចារកម្មរបស់សហរដ្ឋអាមេរិកមានកំហុសក្នុងការវាយតម្លៃ លើការវាយប្រហាររបស់រុស្ស៊ីលើប្រទេសជិតខាងរបស់ខ្លួន៕អត្ថបទ៖ សុខមាន

ប្រធានាធិបតីអ៊ីរ៉ង់ប្ដេជ្ញាដោះស្រាយឲ្យបានឆាប់រហ័សចំពោះភាពរំជើបរំជួលដែលចេះតែបន្ត

អ៊ីរ៉ង់៖ ប្រធានាធិបតីអ៊ីរ៉ង់បានប្ដេជ្ញាចាត់វិធានការប្រឆាំងក្រុមបាតុករ បន្ទាប់ពីការតវ៉ាប្រឆាំងរដ្ឋាភិបាលជាង ១សប្ដាហ៍មកនេះ។ លោកប្រធានាធិបតី Ebrahim Raisi ប្ដេជ្ញាដោះស្រាយឲ្យបានឆាប់រហ័សចំពោះការតវ៉ា ដែលពេលនេះបានរីករាលដាលស្ទើរតែពាសពេញទាំង ៣១ខេត្តរបស់អ៊ីរ៉ង់។ ក្រុមមន្ត្រីនិយាយថា មនុស្សចំនួន ៣៥នាក់បានស្លាប់ ចាប់តាំងពីការតវ៉ាបានផ្ទុះឡើងជុំវិញការស្លាប់ស្ត្រីម្នាក់ឈ្មោះ Mahsa Amini ក្នុងពេលឃុំខ្លួនរបស់នគរបាល។ ការប៉ះទង្គិចគ្នាជាបន្តបន្ទាប់នៅតែបន្តក្នុងទីក្រុងមួយចំនួន។ អ្នកស្រី Amini ត្រូវបានឃុំខ្លួនពីបទបំពានច្បាប់ស្បៃគ្របក្បាល។ ក្រុមមន្ត្រីត្រូវគេរាយការណ៍ពីការវាយដុំក្បាលរបស់អ្នកស្រីដោយប្រើដំបង និងបានបោកក្បាលរបស់អ្នកស្រីទៅនឹងរថយន្តរបស់ពួកគេ។ នគរបាលនិយាយថា គ្មានភស្តុតាងនៃការបញ្ជាក់ពីការធ្វើបាបឡើយ ហើយថាស្ត្រីរងគ្រោះស្លាប់ភ្លាមៗដោយសារគាំងបេះដូង។ហើយខណៈដែលលោក Raisi និយាយថា ការស្លាប់របស់ស្ត្រីរងគ្រោះនឹងត្រូវស៊ើបអង្កេត រដ្ឋមន្ត្រីក្រសួងមហាផ្ទៃរបស់លោកគឺលោក Ahmad Vahidi បានទទូចថា អ្នកស្រី Amini មិនត្រូវបានវាយដុំនោះទេ។ ប្រទេសអ៊ីរ៉ង់និយាយថា សហរដ្ឋអាមេរិកកំពុងប៉ុនប៉ងប្រើភាពរំជើបរំជួបនេះ ដើម្បីធ្វើឲ្យប្រទេសនេះចុះខ្សោយ៕អត្ថបទ៖ សុខមាន

រុស្ស៊ីបន្តបង្ក្រាបការតវ៉ាប្រឆាំងការកែណ្ឌកម្លាំងដែលចេះតែរីកធំ ខណៈការរិះគន់លើសេចក្ដីពង្រាងកើនឡើង

រុស្ស៊ី៖ ចំនួនមនុស្សត្រូវបានឃុំខ្លួនក្នុងប្រទេសរុស្ស៊ី ចំពោះការតវ៉ាប្រឆាំងការកែណ្ឌកម្លាំងទ័ពមួយចំនួនរបស់ប្រទេសនេះបានកើនឡើងជិត ២,៥០០នាក់នៅទូទាំងប្រទេស ខណៈក្រុមអ្នកគាំទ្រវិមានក្រឹមឡាំងដ៏លេចធ្លោរបានចាប់ផ្ដើមចោទសួរពីមធ្យោបាយ ដែលសេចក្ដីពង្រាងនេះកំពុងត្រូវបានអនុវត្តន៍។ OVD-Info ជាក្រុមឃ្លាំមើលសិទ្ធិមនុស្សដែលតាមដានការចាប់ខ្លួន ផ្នែកនយោបាយក្នុងប្រទេសរុស្ស៊ីបាននិយាយថា មនុស្ស ២,៣៥៣នាក់ត្រូវបានឃុំខ្លួនគិតត្រឹមថ្ងៃទី២៥ ខែកញ្ញា និងយ៉ាងហោចណាស់ការឃុំខ្លួនថ្មីចំនួន ១៤១នាក់ត្រូវបានកត់ត្រាគិតត្រឹមថ្ងៃទី២៦ ខែកញ្ញា។ ការឃុំខ្លួនដ៏ច្រើនបំផុតក្នុងរយៈពេលតែមួយថ្ងៃនេះបានកើតឡើងកាលពីថ្ងៃទី២១ ខែកញ្ញា នៅពេលការតវ៉ាត្រូវបានផ្ទុះឡើងភ្លាមៗនៅក្នុងទីក្រុងចំនួន៤៣ បន្ទាប់ពីសេចក្ដីពង្រាងនេះត្រូវបានប្រកាស។ក្រុមសិទ្ធិមនុស្សខាងលើនិយាយថា អាចមានអ្នកត្រូវបានឃុំខ្លួនច្រើនជាងចំនួនត្រូវបានបញ្ចេញដោយនគរបាល ហើយថា វាមានរបាយការណ៍ត្រឹមតែឈ្មោះប៉ុណ្ណោះដែលអាចផ្ទៀងផ្ទាត់បាន។ ការតវ៉ាទូទាំងប្រទេសបានផ្ទុះឡើងប៉ុន្មានម៉ោង បន្ទាប់ពីការប្រកាសរបស់លោកប្រធានាធិបតី Vladimir Putin អំពីការកែណ្ឌកម្លាំងយោធាមួយផ្នែកកាលពីថ្ងៃទី២១ ខែកញ្ញាដែលមានបំណងពង្រឹងកម្លាំងយោធារុស្ស៊ីបន្ថែមទៀត ក្នុងសមរភូមិប្រយុទ្ធនៅប្រទេសអ៊ុយក្រែន៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញដឹកនាំគណៈប្រតិភូធ្វើដំណើរដល់ទីក្រុងតូក្យូប្រទេសជប៉ុន ប្រកបដោយសុវត្ថិភាព

នៅវេលាម៉ោង ១៨.៣០នាទី(ម៉ោងនៅតូក្យូ) ត្រូវនឹងម៉ោង ១៦.៣០នាទី(ម៉ោងនៅរាជធានីភ្នំពេញ) ល្ងាចថ្ងៃទី២៦ ខែកញ្ញា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់ នៃរាជរដ្ឋាភិបាលកម្ពុជា ធ្វើដំណើរដល់ទីក្រុងតូក្យូប្រទេសជប៉ុន ប្រកបដោយសុវត្ថិភាពហើយ។ ដំណើរអញ្ជើញដល់របស់សម្ដេចតេជោ នាយករដ្ឋមន្ត្រីនៅទីក្រុងតូក្យូ ប្រទេសជប៉ុន ទទួលបានការធ្វើគារវកិច្ចស្វាគមន៍យ៉ាងកក់ក្តៅជាទីបំផុតពីសំណាក់មន្ត្រីថ្នាក់ដឹកនាំ នៃប្រទេសជប៉ុន ឯកអគ្គរាជទូតកម្ពុជា ប្រចាំនៅប្រទេសជប៉ុន និងមន្ត្រីពាក់ព័ន្ធជាច្រើនទៀតផងដែរ។សូមជម្រាបថា ដំណើរអញ្ជើញមកកាន់ប្រទេសជប៉ុននេះ គឺដើម្បីចូលរួមក្នុងពិធីបុណ្យសពថ្នាក់ជាតិរបស់ ឯកឧត្តម អាបេ ស៊ីនហ្សូ (ABE Shinzo) អតីតនាយករដ្ឋមន្តី ជប៉ុន ដែលនឹងប្រព្រឹត្តនៅថ្ងៃទី២៧ ខែកញ្ញា ឆ្នាំ២០២២ស្អែកនេះ។អតីតនាយករដ្ឋមន្ត្រី ឯកឧត្តម អាបេ ស៊ីនហ្សូ គឺជាមិត្តដ៏ល្អយូរអង្វែងរបស់សម្តេចតេជោនាយករដ្ឋមន្ត្រី និងកម្ពុជា។ នៅក្នុងអាណត្តិជានាយករដ្ឋមន្ត្រីរបស់ឯកឧត្តម ឯកឧត្តមបានធ្វើការយ៉ាងជិតស្និទ្ធ ជាមួយរដ្ឋាភិបាលកម្ពុជាក្នុងការពង្រឹងទំនាក់ទំនងទ្វេភាគីរវាងកម្ពុជា និងជប៉ុន ក្នុងនោះរួមទាំង ការលើកកម្រិតកិច្ចសហប្រតិបត្តិការទ្វេភាគីឱ្យក្លាយទៅជាភាពជាដៃគូយុទ្ធសាស្ត្រ នៅឆ្នាំ២០១៣។ ឯកឧត្តមត្រូវបានគេទទួលស្គាល់ និងកោតសរសើរយ៉ាងទូលំទូលាយចំពោះភាពជាអ្នកដឹកនាំ ប្រកបដោយសមត្ថភាព ក្នុងការជំរុញវឌ្ឍនភាពរបស់ជប៉ុន និងការចូលរួមចំណែកយ៉ាងសកម្មដល់សន្តិភាព ស្ថិរភាព និងវិបុលភាពនៅក្នុងតំបន់ និងពិភពលោកទាំងមូល។ក្នុងអំឡុងពេលស្នាក់នៅទីក្រុងតូក្យូ សម្តេចតេជោនាយករដ្ឋមន្រ្តី នឹងជួបជាមួយសមភាគី បរទេសរបស់សម្ដេច និងទទួលការជួបសម្ដែងការគួរសមពីសំណាក់ឥស្សរជនជប៉ុន៕

BREAKING NEWS !! មនុស្ស៦នាក់ស្លាប់ និង២០នាក់រងរបួស ក្នុងការបាញ់ប្រហារនៅសាលារៀនមួយកន្លែងក្នុងទីក្រុង Izhevsk របស់រុស្ស៊ី

វីដេអូមួយបានបង្ហាញពីរូបភាពនៅក្នុងទីក្រុងភាគខាងលិច នៃតំបន់ភ្នំ Ural ប្រទេសរុស្ស៊ីជាកន្លែងដែលបុរសម្នាក់ត្រូវបាន គេរាយការណ៍ថា បានចូលទៅក្នុងសាលារៀនមួយកន្លែងហើយបានបើកការបាញ់ប្រហារ។ រូបភាពបានបង្ហាញមនុស្សច្រើននាក់រត់ចេញពីសាលារៀន។ របាយការណ៍បញ្ជាក់ថា មនុស្ស៦នាក់បានស្លាប់ និង២០នាក់រងរបួស។

កូរ៉េខាងជើងបានបាញ់មីស៊ីល ខណៈអាមេរិក និងកូរ៉េខាងត្បូងត្រៀមសម្រាប់សមយុទ្ធយោធា

ប្រទេសកូរ៉េខាងជើង បានបាញ់មីស៊ីលបាលីស្ទីករយៈចម្ងាយជិតកាលពីថ្ងៃអាទិត្យ ទៅកាន់សមុទ្រភាគខាងកើតរបស់ខ្លួន ដោយបន្ថែមការបង្កហេតុក្នុងការសាកល្បងអាវុធ ខណៈនាវាផ្ទុកយន្តហោះសហរដ្ឋអាមេរិក មកកាន់ប្រទេសកូរ៉េខាងត្បូង សម្រាប់សមយុទ្ធយោធារួមគ្នា ដើម្បីឆ្លើយតបទៅនឹងការគំរាមកំហែងនុយក្លេអ៊ែររបស់កូរ៉េខាងជើង។នាយសេនាធិការចម្រុះរបស់កូរ៉េខាងត្បូងបាននិយាយថា មីស៊ីលដែលបានបាញ់ចេញពីទីប្រជុំជនភាគខាងលិចទីក្រុង Taechon បានហោះក្នុងចម្ងាយ ៦០០ គីឡូម៉ែត្រ ក្នុងរយៈកម្ពស់អតិបរមា ៦០ គីឡូម៉ែត្រ មុនពេលធ្លាក់ទៅក្នុងដែនទឹកនៃឆ្នេរសមុទ្រភាគខាងកើតរបស់ប្រទេសកូរ៉េខាងជើង។ការិយាល័យប្រធានាធិបតីកូរ៉េខាងត្បូងបាននិយាយថា ប្រធានសន្តិសុខជាតិ លោក Kim Sung-han បានបើកកិច្ចប្រជុំក្រុមប្រឹក្សាសន្តិសុខជាតិបន្ទាន់ ដែលសមាជិកបានថ្កោលទោសការបាញ់មីស៊ីលនេះថាជាការបំពានយ៉ាងច្បាស់លើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ និងបានចោទប្រកាន់កូរ៉េខាងជើងថាបានបង្កើនភាពតានតឹងនៅក្នុងតំបន់។ទីបញ្ជាការតំបន់ឥណ្ឌូប៉ាស៊ីហ្វិក របស់សហរដ្ឋអាមេរិក បាននិយាយថា ការបាញ់បង្ហោះនេះ មិនបង្កការគំរាមកំហែងភ្លាមៗ ដល់បុគ្គលិក ឬទឹកដីរបស់សហរដ្ឋអាមេរិក ឬចំពោះសម្ព័ន្ធមិត្តរបស់យើងនោះទេ ប៉ុន្តែនៅតែបង្ហាញពីផលប៉ះពាល់អស្ថិរភាពនៃកម្មវិធីអាវុធនុយក្លេអ៊ែរ និងមីស៊ីលខុសច្បាប់របស់កូរ៉េខាងជើង។ ការបាញ់បង្ហោះនេះធ្វើឡើងនៅពេលដែលនាវាផ្ទុកយន្តហោះដើរដោយថាមពលនុយក្លេអ៊ែរ USS Ronald Reagan និងក្រុមនាវាវាយប្រហារ បានមកដល់ប្រទេសកូរ៉េខាងត្បូងសម្រាប់សមយុទ្ធយោធារួមគ្នារបស់ប្រទេសទាំងពីរដែលមានគោលបំណងបង្ហាញពីភាពរឹងមាំប្រឆាំងនឹងការគំរាមកំហែងរបស់កូរ៉េខាងជើងដែលកំពុងកើនឡើង។

សន្តិសុខតឹងរុឹង ខណៈមេដឹកនាំបរទេសមកចូលរួមពិធីបុណ្យសពរដ្ឋសម្រាប់លោកSHINZO ABE នៅថ្ងៃស្អែក

នគរបាលនៅក្នុងទីក្រុងតូក្យូ បានរឹតបន្តឹងសន្តិសុខ ខណៈមេដឹកនាំបរទេស នឹងមកចូលរួមពិធីបុណ្យសពរដ្ឋ សម្រាប់អតីតនាយករដ្ឋមន្ត្រីជប៉ុនលោកShinzo Abe នៅថ្ងៃអង្គារ។ មន្ត្រីនគរបាលប្រមាណ ២ម៉ឺននាក់ នឹងត្រូវបានដាក់ពង្រាយ ដើម្បីការពារសន្តិសុខសម្រាប់ពិធីបុណ្យ នៅទីក្រុងតូក្យូ។ មនុស្សរាប់ពាន់នាក់ត្រូវបានគេរំពឹងថានឹងប្រមូលផ្តុំនៅទីលាន Budokan ដ៏ល្បីល្បាញរបស់ទីក្រុងតូក្យូនៅថ្ងៃអង្គារ ដើម្បីគោរពវិញ្ញាណក្ខន្ធអតីតនាយករដ្ឋមន្ត្រីជប៉ុនលោក Shinzo Abe ។រដ្ឋាភិបាលជប៉ុនបាននិយាយថា មនុស្ស ៤៣០០ នាក់នៅក្នុងប្រទេសជប៉ុន និងប្រមាណ ៧០០ នាក់មកពីក្រៅប្រទេសនឹងមកចូលរួមពិធីបុណ្យសពរដ្ឋ រួមទាំងអនុប្រធានាធិបតីសហរដ្ឋអាមេរិក លោក ស្រីKamala Harris។ ផែនការនៃការរៀបចំពិធីបុណ្យសពរដ្ឋបានបណ្តាលឲ្យមានការជជែកដេញដោល និងការតវ៉ា។ រដ្ឋាភិ បាលនិយាយថាព្រឹត្តិការណ៍នេះនឹងត្រូវចំណាយថវិកា 12 លានដុល្លារ ប៉ុន្តែមនុស្សជាច្រើនសង្ស័យថា នឹងចំណាយខ្ពស់ជាងនេះច្រើន។ នៅក្នុងប្រវត្តិសាស្ត្រក្រោយសង្គ្រាមលោកលើកទី 2 របស់ប្រទេសជប៉ុន មានតែនាយករដ្ឋមន្ត្រីរូបនេះដែលត្រូវបានផ្តល់កិត្តិយសសម្រាប់ពិធីបុណ្យសពដែលផ្តល់ហិរញ្ញវត្ថុដោយប្រើប្រាស់ថវិការដ្ឋ។ នគរបាលមកពីខេត្តមួយចំនួនត្រូវបាននាំយកមកកាន់ទីក្រុងតូក្យូដើម្បីពង្រឹងសន្តិ សុខ។នាយករដ្ឋមន្ត្រីបច្ចុប្បន្នលោក Fumio Kishida បានការពារការសម្រេចចិត្តរបស់រដ្ឋបាលលោកសម្រាប់ពិធីបុណ្យសពរដ្ឋ ដោយនិយាយថា វានឹងមិនត្រឹមតែរំលឹកដល់កេរ្តិ៍ដំណែលរបស់លោក Abe ប៉ុណ្ណោះទេ ប៉ុន្តែថែមទាំងបង្ហាញថា ប្រទេសជប៉ុនអាចការពារលទ្ធិប្រជាធិបតេយ្យយ៉ាងរឹងមាំដោយគ្មានអំពើហិង្សា។ លោក Fumio Kishida បានកំណត់កាលបរិច្ឆេទ ជួបដាច់ដោយឡែកជាមួយមេដឹកនាំ និងមន្ត្រីជាន់ខ្ពស់បរទេសជាង៣០នាក់ ចាប់ពីថ្ងៃចន្ទនេះ រហូតដល់ថ្ងៃពុធ។

យន្តហោះពិសេសសម្តេចតេជោ ហ៊ុន សែន បានចុះចតចាក់ប្រេងនៅរដ្ឋឡាស្ការ មុនបន្តដំណើរទៅកាន់ទីក្រុងតូក្យូ ប្រទេសជប៉ុន

ភ្នំពេញ៖ នៅព្រឹកថ្ងៃទី២៦ ខែកញ្ញា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី បានដឹកនាំគណៈប្រតិភូជាន់ខ្ពស់ នៃរាជរដ្ឋាភិបាលកម្ពុជា ទៅដល់រដ្ឋអាឡាស្ការ សហរដ្ឋអាមេរិកហើយ ដើម្បីចុះចតយន្តហោះចាក់ប្រេង នៃដំណើរចេញពីប្រទេសគុយបា ទៅកាន់ទីក្រុងតូក្យូ ប្រទេសជប៉ុន ដើម្បីចូលរួមគោរពវិញ្ញាណក្ខន្ធសពឯកឧត្តម ស៊ិនហ្សូ អាបេ អតីតនាយករដ្ឋមន្ត្រីជប៉ុន។សម្តេចតេជោ ហ៊ុន សែន បានសម្តែងក្តីរីករាយយ៉ាងខ្លាំង ដែលការប្រារព្ធពិធីកាន់បិណ្ឌ និងភ្ជុំបិណ្ឌ បានបញ្ចប់ទៅដោយភាពជោគជ័យ និងសប្បាយរីករាយ ដោយរក្សាបាននូវការការពារខ្លួនពីការឆ្លងរីករាលដាល នៃជំងឺកូវីដ-១៩។សម្តេចតេជោ ហ៊ុន សែន បានបញ្ជាក់ថា យោងតាមសេចក្តីរាយការណ៍ជាបន្តបន្ទាប់ពីក្រសួងសុខាភិបាលបានបញ្ជាក់ពីករណីឆ្លងថ្មីប្រចាំថ្ងៃ នៃជំងឺកូវីដ-១៩ ដែលមានក្នុងរង្វង់ ១០ ឬក្រោម ១០នាក់ ក្នុងមួយថ្ងៃ និងគ្មានករណីស្លាប់ថ្មីដោយជំងឺកូវីដ-១៩ទេ ដែលនេះគឺជាភាពជោគជ័យមួយ នៃភាពស៊ាំសហគមន៍ បណ្តាលមកពីការចាក់វ៉ាក់សាំងបង្ការជំងឺកូវីដ-១៩ និងវិធានការការពារខ្លួន ៣ការពារ និង៣កុំ៕

បណ្ដាញសង្គម

ព័ត៌មានថ្មីៗ

រុស្ស៊ីបដិសេធមិនបានប្រើប្រាស់ទាហានស៊ីឈ្នួលកូឡុំប៊ី ក្នុងសង្គ្រាមអ៊ុយក្រែន

រោងចក្រថាមពលនុយក្លេអ៊ែរស្លូវេនី Krsko កាត់បន្ថយទិន្នផល ២០ភាគរយ ដោយសារកម្រិតទឹកទន្លេធ្លាក់ចុះ

ទាហានអ៊ីស្រាអែល ២នាក់ និងជនជាតិលីបង់ម្នាក់ ស្លាប់ ខណៈហិង្សាផ្ទុះឡើងនៅភាគខាងត្បូងលីបង់

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

អាកាសយានដ្ឋាន នៅក្រុងបាងកក សូមអភ័យទោស ចំពោះការប៉ះទង្គិចជាមួយអ្នកទេសចរចិន ខណៈបារម្ភពីទំនាក់ទំនងទ្វេរភាគី

ក្រសួងបរិស្ថានទប់ស្កាត់ទឹកកខ្វក់ជាង ៧ម៉ឺនម៉ែត្រគូបក្នុង១ថ្ងៃ មិនឱ្យបំពុលបរិស្ថាន

ក្រុម AOT ចុះសង្កេតការណ៍នៅចំណុចភូមិស្រអែមខាងជើង ស្រុកជាំក្សាន្តដែលជាភូមិដ្ឋានរស់នៅរបស់ប្រជាជនស៊ីវិលស្លូតត្រង់

លោក Trump នៅតែបន្តបង្ហាញរូបភាពវិជ្ជមាន អំពីការចរចា រវាងសហរដ្ឋអាមេរិក និងអ៊ីរ៉ង់

រុស្ស៊ី៖ ជោគវាសនារបស់ប្រជាពលរដ្ឋជាង ៣០០នាក់ នៅតំបន់ KURSK នៅមិនទាន់ដឹងនៅឡើយ

អ្នកជំនាញ៖ ទួរគីកំពុងបង្កើនកិច្ចខិតខំប្រឹងប្រែងសម្របសម្រួល ដើម្បីស្វែងរកដំណោះស្រាយជម្លោះនៅអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

វិមានក្រឹមឡាំងនិយាយថា មិនទាន់មានការសម្រេចចិត្តបិទព្រំដែនរុស្ស៊ីនៅឡើយទេ ខណៈមានភាពវឹកវរ

លោក Putin ផ្ដល់សញ្ជាតិរុស្ស៊ីដល់លោក Edward Snowden

ប្រធានាធិបតីអ៊ីរ៉ង់ប្ដេជ្ញាដោះស្រាយឲ្យបានឆាប់រហ័សចំពោះភាពរំជើបរំជួលដែលចេះតែបន្ត

រុស្ស៊ីបន្តបង្ក្រាបការតវ៉ាប្រឆាំងការកែណ្ឌកម្លាំងដែលចេះតែរីកធំ ខណៈការរិះគន់លើសេចក្ដីពង្រាងកើនឡើង

សម្តេចតេជោ ហ៊ុន សែន អញ្ជើញដឹកនាំគណៈប្រតិភូធ្វើដំណើរដល់ទីក្រុងតូក្យូប្រទេសជប៉ុន ប្រកបដោយសុវត្ថិភាព

កូរ៉េខាងជើងបានបាញ់មីស៊ីល ខណៈអាមេរិក និងកូរ៉េខាងត្បូងត្រៀមសម្រាប់សមយុទ្ធយោធា

សន្តិសុខតឹងរុឹង ខណៈមេដឹកនាំបរទេសមកចូលរួមពិធីបុណ្យសពរដ្ឋសម្រាប់លោកSHINZO ABE នៅថ្ងៃស្អែក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

វិមាន​ក្រឹម​ឡាំង​និយាយ​ថា មិនទាន់មាន​ការសម្រេច​ចិត្ត​បិទ​ព្រំដែន​រុស្ស៊ី​នៅឡើយ​ទេ ខណៈ​មាន​ភាព​វឹកវរ​

លោក Putin​ ផ្ដល់​សញ្ជាតិ​រុស្ស៊ី​ដល់​លោក Edward Snowden

ប្រធានាធិបតី​អ៊ីរ៉ង់​ប្ដេជ្ញា​ដោះស្រាយ​ឲ្យ​បាន​ឆាប់រហ័ស​ចំពោះ​ភាព​រំជើបរំជួល​ដែល​ចេះតែ​បន្ត​

សម្តេចតេជោ ហ៊ុន សែន អញ្ជើញដឹកនាំគណៈប្រតិភូធ្វើដំណើរដល់ទីក្រុងតូក្យូប្រទេសជប៉ុន ប្រកបដោយសុវត្ថិភាព

កូរ៉េខាងជើងបានបាញ់មីស៊ីល ខណៈអាមេរិក និងកូរ៉េខាងត្បូងត្រៀមសម្រាប់សមយុទ្ធយោធា

សន្តិសុខ​តឹងរុឹង ខណៈមេដឹកនាំបរទេសមកចូលរួមពិធីបុណ្យសពរដ្ឋសម្រាប់លោកSHINZO ABE នៅថ្ងៃស្អែក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វិមានក្រឹមឡាំងនិយាយថា មិនទាន់មានការសម្រេចចិត្តបិទព្រំដែនរុស្ស៊ីនៅឡើយទេ ខណៈមានភាពវឹកវរ

លោក Putin ផ្ដល់សញ្ជាតិរុស្ស៊ីដល់លោក Edward Snowden

ប្រធានាធិបតីអ៊ីរ៉ង់ប្ដេជ្ញាដោះស្រាយឲ្យបានឆាប់រហ័សចំពោះភាពរំជើបរំជួលដែលចេះតែបន្ត

សន្តិសុខតឹងរុឹង ខណៈមេដឹកនាំបរទេសមកចូលរួមពិធីបុណ្យសពរដ្ឋសម្រាប់លោកSHINZO ABE នៅថ្ងៃស្អែក