BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

សភាអឺរ៉ុបអនុម័តប្រាក់កម្ចី ៥ពាន់លានអឺរ៉ូសម្រាប់ប្រទេសអ៊ុយក្រែន

អឺរ៉ុប៖ សភាអឺរ៉ុបកាលពីថ្ងៃព្រហស្បតិ៍បានអនុម័តលើការបែងចែកប្រាក់កម្ចីអឺរ៉ុបចំនួន ៥ពាន់លានអឺរ៉ូដល់ប្រទេសអ៊ុយក្រែន។ ប្រាក់កម្ចីនេះគឺជាផ្នែកមួយនៃកញ្ចប់ពិសេសនៃជំនួយម៉ាក្រូហិរញ្ញវត្ថុ ដែលបានលើកឡើងកាលពីខែឧសភាដោយគណៈកម្មការអឺរ៉ុបថា នឹងផ្តល់ប្រាក់កម្ចីរហូតដល់ ៩ពាន់លានអឺរ៉ូដល់ទីក្រុងគីវសម្រាប់ឆ្នាំ២០២២។ នេះគឺការបន្ថែមលើកញ្ចប់ជំនួយម៉ាក្រូហិរញ្ញវត្ថុគ្រាអាសន្នកាលពីពេលមុនចំនួន ១.២ពាន់លានអឺរ៉ូដែលស្ថាប័នអឺរ៉ុបបានព្រមព្រៀងភ្លាមៗ មុនពេលការវាយលុករបស់រុស្ស៊ីលើអ៊ុយក្រែនកាលពីចុងខែកុម្ភៈ ឆ្នាំ២០២២។ ក្នុងចំណោមជំនួយទឹកប្រាក់ចំនួន ៩ពាន់លានអឺរ៉ូដែលបានសន្យាកាលពីនិទាឃរដូវមុននោះ ទឹកប្រាក់ដំបូងចំនួន ១ពាន់លានអឺរ៉ូត្រូវបានបញ្ចេញកាលពីដើមខែសីហា។ គោលបំណងនៃជំនួយម៉ាក្រូហិរញ្ញវត្ថុនេះ ជាទម្រង់នៃប្រាក់កម្ចីរយៈពេលវែងលើលក្ខខណ្ឌអនុគ្រោះ ដើម្បីធានាបាននូវស្ថិរភាពជាក់លាក់មួយនៅប្រទេសអ៊ុយក្រែន និងបំពេញតម្រូវការហិរញ្ញវត្ថុបន្ទាន់ និងដំណើរការហេដ្ឋារចនាសម្ព័ន្ធសំខាន់ៗ។សភាអឺរ៉ុបបាននិយាយថា តម្រូវការហិរញ្ញវត្ថុពីខាងក្រៅរបស់អ៊ុយក្រែនបានកើនឡើងយ៉ាងឆាប់រហ័ស ដោយសារតែការវាយលុករបស់រុស្ស៊ី។ បន្ថែមលើការខូចខាតធ្ងន់ធ្ងរដល់ផ្លូវថ្នល់ ស្ពាន រោងចក្រ លំនៅឋាន មន្ទីរពេទ្យ និងហេដ្ឋារចនាសម្ព័ន្ធរូបវន្តផ្សេងទៀត ប្រទេសនេះក៏បានបាត់បង់លទ្ធភាពទទួលបានទីផ្សារហិរញ្ញវត្ថុអន្តរជាតិផងដែរ។ ការបែងចែកថវិកានេះត្រូវបានអនុម័តនៅក្នុងកិច្ចប្រជុំកាលពីថ្ងៃព្រហស្បតិ៍ ស្របតាមនីតិវិធីបន្ទាន់ដោយមានសមាជិកចំនួន ៥៣៤នាក់បោះឆ្នោតគាំទ្រ ៣០នាក់ប្រឆាំង និង ២៦នាក់អនុប្បវាទ៕អត្ថបទ៖ ប៊ុនថន

សម្ដេចតេជោរំលឹកថា អតីតនាយករដ្ឋមន្ត្រីជប៉ុន ស៊ីនហ៊្សូអាបេ បានបន្សល់នូវសមិទ្ធផលយ៉ាងច្រើនដល់កម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានរំលឹកជូនប្រតិភូមកពីប្រទេសជប៉ុនថា អតីតនាយករដ្ឋមន្ត្រីជប៉ុន ស៊ីនហ៊្សូអាបេ បានបន្សល់ទុកនូវសមិទ្ធផលយ៉ាងច្រើនដល់ប្រទេសកម្ពុជា។ក្នុងឱកាសអនុញ្ញាតឱ្យលោកបណ្ឌិត គីតាអូកា ហ្ស៊ីនអ៊ីឈិ (KITAOKA Shinichi) ទីប្រឹក្សាពិសេសរបស់ប្រធានទីភ្នាក់ងារសហប្រតិបត្តិការអន្តរជាតិជប៉ុន (ចៃកា-JICA) ចូលជួបសំដែងការគួរសមនិងពិភាក្សាការងារនៅវិមានសន្តិភាព នាព្រឹកថ្ងៃទី១៦ កញ្ញានេះ សម្តេចតេជោ ហ៊ុន សែន នាយករដ្ឋមន្ត្រី បានរំលឹកថា ឯកឧត្តម អាបេ គឺជាអ្នកមានគុណសម្រាប់ប្រទេសយើងទាំងពីរ។ឯកឧត្តម បានបន្សល់ទុកនូវសមិទ្ធផលយ៉ាងច្រើនសម្រាប់ប្រទេសកម្ពុជាក្នុងនោះរួមទាំងស្ពានគីស៊ូហ៊្សូណា ស្ពានអ្នកលឿង ផ្លូវជាតិលេខ១ ផ្លូវជាតិលេខ៥ ហើយក្រៅពីជួយដល់កម្ពុជាតាមរយៈជំនួយរដ្ឋាភិបាល ឯកឧត្តម អាបេក៏បានជួយកម្ពុជា កសាងសាលារៀនដល់កម្ពុជាតាមរយៈសមាគមសភាជប៉ុនកម្ពុជាផងដែរ។សម្ដេច បានបន្ថែមថា លោក អាបេ តែងតែយកចិត្តទុកដាក់ខ្ពស់ចំពោះការងារតំបន់ក៏ដូចជាការងារមនុស្សធម៌ផងដែរ ដោយគាត់តែងតែឆ្លៀតប្រជុំ មេគង្គជប៉ុនយ៉ាងទៀងទាត់ទោះមានការបើមានញឹកយ៉ាងណាក៏ដោយ ហើយរាល់ពេលក្នុងកិច្ចប្រជុំ ឯកឧត្តមតែងតែលើកឡើងអំពីសុំការគាំទ្រលើបញ្ហាការចាប់ជម្រិតជនជាតិជប៉ុន ដោយប្រទេសកូរ៉េខាងជើង។សម្ដេច មានប្រសាសន៍ទៀតថា ការចាកចេញរបស់ឯកឧត្តម អាបេ គឺជាការ បាត់បង់មិត្តភ័ក្ដិម្នាក់ដែលបានជួយកម្ពុជាក្នុងគ្រាលំបាក។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានឱ្យដឹងថា ក្នុងជំនួបនេះលោកបណ្ឌិត គីតាអូកា ហ្ស៊ីនអ៊ីឈិ បានគោរពនិងដឹងគុណយ៉ាងជ្រាលជ្រៅចំពោះសម្តេចដែលបានផ្ញើសារថ្លែងមរណៈទុក្ខចំពោះការបាត់បង់លោក អាបេ ស៊ីនហ្សូ។គួរបញ្ជាក់ថា ទីភ្នាក់ងារសហប្រតិបត្តិការអន្តរជាតិជប៉ុន (ចៃកា-JICA) ជាទីភ្នាក់ងាររដ្ឋាភិបាល ឯករាជ្យមួយដែសម្របសម្រួល ជំនួយអភិវឌ្ឍន៍ផ្លូរការ (ODA) សម្រាប់រដ្ឋាភិបាល នៃប្រទេស ជប៉ុន ។ អង្គការនេះ ត្រូវបានបង្កើតឡើង ដើម្បីជួយដល់កំណើនសេដ្ឋកិច្ច និងសង្គមនៅក្នុងប្រទេសកំពុងអភិវឌ្ឍន៍និង លើកកម្ពស់កិច្ចសហប្រតិបត្តិការ អន្តរជាតិ៕

មេដឹកនាំរុស្ស៊ីបង្ហាញពីការព្រួយបារម្ភរបស់ចិនជុំវិញបញ្ហានៅអ៊ុយក្រែន

រុស្ស៊ី៖ លោក Vladimir Putin បានទទួលស្គាល់ការព្រួយបារម្ភរបស់ប្រទេសចិនចំពោះបញ្ហានៅអ៊ុយក្រែន នៅក្នុងកិច្ចពិភាក្សាទល់មុខគ្នាលើកដំបូងជាមួយប្រធានាធិបតីចិនលោក Xi Jinping ចាប់តាំងពីការវាយលុករបស់រុស្ស៊ី។ ប៉ុន្តែថ្លែងនៅប្រទេសអ៊ូសបេគីស្ថាន លោក Putin បានអរគុណប្រទេសចិនសម្រាប់ជំហរមានតុល្យភាព និងបាននិយាយថា សហរដ្ឋអាមេរិកព្យាយាមបង្កើតពិភពលោកមានប៉ូលតែមួយនឹងត្រូវបរាជ័យ។ លោក Xi បាននិយាយថា ប្រទេសចិនមានឆន្ទៈធ្វើការរួមគ្នាជាមួយរុស្ស៊ី ជាប្រទេសមហាអំណាច។ ប្រទេសចិនមិនបានគាំទ្រការវាយលុករបស់រុស្ស៊ីទេ ប៉ុន្តែបានបង្កើនពាណិជ្ជកម្ម និងទំនាក់ទំនងផ្សេងទៀតជាមួយទីក្រុងមូស្គូ ចាប់តាំងពីសង្គ្រាមចាប់ផ្តើម។ ជំនួបរបស់មេដឹកនាំទាំង២ នៅខាងក្រៅកិច្ចប្រជុំកំពូលរបស់អង្គការសហប្រតិបត្តិការសៀងហៃ (SCO) នៅទីក្រុង Samarkand បានឈានដល់ចំណុចសំខាន់មួយក្នុងសង្គ្រាមនៅអ៊ុយក្រែន។ លោក Putin បានថ្លែងប្រាប់លោក Xi ថា យើងវាយតម្លៃខ្ពស់ចំពោះជំហរតុល្យភាពរបស់មិត្តចិន ចំពោះវិបត្តិនៅអ៊ុយក្រែន។ ដោយបង្ហាញថា ប្រទេសចិនមានមន្ទិលសង្ស័យ និងការព្រួយបារម្ភអំពីស្ថានការណ៍ក្នុងប្រទេសអ៊ុយក្រែន លោកPutin បាននិយាយថា លោកយល់ពីបញ្ហានេះ។លោក Putin និយាយថា ក្នុងអំឡុងជំនួប យើងនឹងពន្យល់ពីជំហររបស់យើង។ ការវាយលុកនេះបានធ្វើឱ្យទីក្រុងមូស្គូធ្លាក់ចូលទៅក្នុងវិបត្តិដ៏អាក្រក់បំផុតរបស់ខ្លួន ជាមួយប្រទេសលោកខាងលិចចាប់តាំងពីសង្គ្រាមត្រជាក់ ហើយបានធ្វើឱ្យតម្លៃស្បៀងអាហារ និងថាមពលសកលកើនឡើង។ វាក៏ជាបញ្ហាប្រឈមធំមួយសម្រាប់ប្រទេសចិន ដែលមានទំនាក់ទំនងជាមួយប្រទេសលោកខាងលិច ខណៈបានធ្លាក់ចុះខ្លាំងក្នុងរយៈពេលប៉ុន្មានឆ្នាំចុងក្រោយនេះ ជុំវិញបញ្ហារួមមានសិទ្ធិមនុស្ស និងអនាគតរបស់កោះតៃវ៉ាន់៕អត្ថបទ៖ ប៊ុនថន

ប្រធានាធិបតីអ៊ុយក្រែនលោក Zelensky ស្ថិតនៅក្នុងគ្រោះថ្នាក់ចរាចរណ៍ ប៉ុន្តែមិនរបួសធ្ងន់ទេ

អ៊ុយក្រែន៖ អ្នកនាំពាក្យប្រធានាធិបតីបានបង្ហើបឱ្យដឹងថា ប្រធានាធិបតីអ៊ុយក្រែនលោក Volodymyr Zelensky បានស្ថិតនៅក្នុងហេតុការណ៍គ្រោះថ្នាក់ចរាចរណ៍។ លោក Sergii Nykyforov បាននិយាយនៅក្នុងសេចក្តីថ្លែងការណ៍ថា រថយន្តដឹកអ្នកដំណើរមួយគ្រឿងបានបុកជាមួយរថយន្តប្រធានាធិបតី និងរថយន្តអមដំណើររបស់លោកនៅក្នុងរដ្ឋធានីគីវ។ លោកបាននិយាយថា លោកប្រធានាធិបតីត្រូវបានពិនិត្យដោយវេជ្ជបណ្ឌិត ប៉ុន្តែពុំមានរងរបួសធ្ងន់ធ្ងរនោះទេ។ ចំណែកអ្នកបើកបររថយន្តដែលបុកជាមួយក្បួនរថយន្ត ត្រូវបានបញ្ជូនទៅព្យាបាលដោយរថយន្តសង្គ្រោះ។ លោក Nykyforov បាននិយាយថា គ្រប់កាលៈទេសៈនៃគ្រោះថ្នាក់ចរាចរណ៍ កំពុងត្រូវបានស៊ើបអង្កេតដោយមន្ត្រីអនុវត្តច្បាប់។ គ្រោះថ្នាក់នេះបានកើតឡើងបន្ទាប់ពីប្រធានាធិបតីលោក Zelensky អាយុ ៤៤ឆ្នាំបានចុះពិនិត្យទីក្រុង Izyum ដែលដណ្តើមបានមកវិញ ជាមជ្ឈមណ្ឌលដឹកជញ្ជូនដ៏សំខាន់នៅភាគឦសានប្រទេសអ៊ុយក្រែនកាលពីថ្ងៃពុធ។ លោកបានថ្លែងអំណរគុណដល់កងទ័ពដែលបានចូលរួម ក្នុងការវាយប្រយុទ្ធយ៉ាងរហ័សប្រឆាំងអ្នកឈ្លានពានរុស្ស៊ី និងបានមើលការលើកទង់ជាតិ។ ក្នុងប៉ុន្មានថ្ងៃថ្មីៗនេះកងទ័ពអ៊ុយក្រែនបានដណ្តើមយកមកវិញ នូវទឹកដីដែលត្រូវបានចូលកាន់កាប់ដោយបង្ខំឲ្យទាហានរុស្ស៊ីដកថយ៕អត្ថបទ៖ ប៊ុនថន

ប្រមុខអង្គការសហប្រជាជាតិបានពិភាក្សាតាមទូរស័ព្ទជាមួយលោក Vladimir Putin

UN៖ អគ្គលេខាធិការអង្គការសហប្រជាជាតិលោក Antonio Guterres និយាយថា លោកបានពិភាក្សាជាមួយប្រធានាធិបតីរុស្ស៊ីលោក Vladimir Putin អំពីការនាំចេញជីរបស់រុស្សីតាមរយៈកំពង់ផែសមុទ្រខ្មៅ ដើម្បីដោះស្រាយវិបត្តិស្បៀងអាហារពិភពលោកដែលកំពុងកើនឡើង ព្រមទាំងសន្តិសុខនៅរោងចក្រនុយក្លេអ៊ែរដ៏ធំបំផុតរបស់អឺរ៉ុប ដែលលោកបាននិយាយថា ការបាញ់ផ្លោងបានបញ្ឈប់ក្នុងរយៈពេលបីថ្ងៃកន្លងទៅនេះ ហើយអ្នកទោសសង្គ្រាមដែលលោកចង់ឃើញនឹងមានការដោះដូរ។ ប្រមុខអង្គការសហប្រជាជាតិបានថ្លែងទៅកាន់សន្និសីទសារព័ត៌មានថា បេសកកម្មស្វែងរកការពិតដែលលោកបានតែងតាំងតាមសំណើរបស់រុស្ស៊ី និងអ៊ុយក្រែននឹងស៊ើបអង្កេតការស្លាប់ឈ្លើយសឹកនៅពន្ធនាគារ Olenivka ក្នុងតំបន់ផ្តាច់ខ្លួននៅភាគខាងកើតប្រទេសអ៊ុយក្រែនកាលពីថ្ងៃទី29 ខែកក្កដា ដែលប្រទេសកំពុងធ្វើសង្គ្រាមទាំងពីរបានចោទប្រកាន់គ្នាទៅវិញទៅមកចំពោះការប្រព្រឹត្ត។ ខណៈមេដឹកនាំពិភពលោករៀបចំដើម្បីជួបប្រជុំ នៅមហាសន្និបាតអង្គការសហប្រជាជាតិនៅសប្តាហ៍ក្រោយ លោក Guterres បាននិយាយថា ពិភពលោករបស់យើងបានរងទុក្ខដោយសង្គ្រាម ញាំញីដោយភាពវឹកវរអាកាសធាតុ ភាពស្អប់ខ្ពើម ភាពក្រីក្រ ភាពអត់ឃ្លាន និងវិសមភាព។លោកបាននិយាយថា សង្គ្រាមនៅអ៊ុយក្រែនកំពុងអូសទាញសេដ្ឋកិច្ចពិភពលោកឲ្យធ្លាក់ចុះ ហើយទោះបីជាកិច្ចព្រមព្រៀងកាលពីខែកក្កដា ដើម្បីដឹកជញ្ជូនគ្រាប់ធញ្ញជាតិអ៊ុយក្រែនពីកំពង់ផែសមុទ្រខ្មៅ និងដើម្បីទទួលបានស្បៀងអាហារ និងជីរបស់រុស្ស៊ីទៅកាន់ទីផ្សារពិភពលោកក៏ដោយ វាមានហានិភ័យនៃគ្រោះទុរ្ភិក្សជាច្រើននៅឆ្នាំនេះ។ លោក អគ្គលេខាធិការបាននិយាយថា តម្លៃជីឡើងខ្ពស់បានកាត់បន្ថយការដាំដំណាំសម្រាប់ស្បៀងអាហាររួចហើយ ជាមូលហេតុសំខាន់ក្នុងការនាំចេញជីរបស់រុស្ស៊ី៕អត្ថបទ៖ ប៊ុនថន

សម្តេចតេជោ បានកំពុងបោះពុម្ពសៀវភៅចំនួន៥ម៉ឺនច្បាប់ទៀតដែលបង្ហាញពីរឿងសម្ងាត់របស់សម្តេច

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានឲ្យដឹងថា នាពេលនេះសម្តេច បានកំពុងឲ្យធ្វើការបោះពុម្ពនូវសៀវភៅចំនួនប្រាំម៉ឺនច្បាប់បន្ថែមទៀត ដែលបង្ហាញរឿងសម្ងាត់សម្តេច ដែលរឿងសម្ងាត់ទាំងនោះប្រហែលជា៧០ទៅ៨០ភាគរយពុំមានសាធារណៈជនដឹងនោះ។តាមរយៈសង្គមហ្វេសបុកនាព្រឹកថ្ងៃទី១៥ ខែកញ្ញា ឆ្នាំ២០២២នេះ សម្តេចតេជោ ហ៊ុន សែន បានបង្ហោះតាមរយៈឆាណែលតេលេក្រាម ដោយបានបង្ហាញនូវចំណងជើងលើក្របសៀវភៅ«សម្តេចតេជោ ហ៊ុន សែន ជាអ្នកគូសវាសជោកវាសនាកម្ពុជា» បានលើកឡើងថា ដល់ពេលដែលត្រូវបញ្ចេញនូវរឿងរ៉ាវមួយចំនួនដែលមនុស្សភាគច្រើនមិនបានដឹង។ សម្តេចតេជោ បានគូសបញ្ជាក់ទៀតថា«ឯកឧត្តមកែវ បាភ្នំ ប្រធាន គណៈស្រាវជ្រាវប្រវត្តិសាស្រ្តគណបក្សប្រជាជន និងជារដ្ឋមន្ត្រីប្រតិភូអមនាយករដ្ឋមន្ត្រីបានសរសេរសៀវភៅមួយក្បាលដែលមានចំនួន ៦០១ទំព័រ។ សៀវភៅនេះបានបញ្ចេញនូវរឿងសម្ងាត់ប្រមាណ៧០ទៅ៨០ភាគរយដែលមនុស្សភាគច្រើនមិនបានដឹងដែលខ្ញុំយល់ថាចាំបាច់ត្រូវបញ្ចេញឱ្យដឹងនាពេលនេះ»។យ៉ាងណាក៏ដោយសម្តេចតេជោ នាយករដ្ឋមន្រ្តីមិនទាន់បានបញ្ជាក់ថាសៀវភៅនេះត្រូវបោះពុម្ពបញ្ចប់នាថ្ងៃណានោះឡើយដោយសម្តេចគ្រាន់តែបញ្ជាក់ថា «ខ្ញុំកំពុងឱ្យបោះពុម្ភចំនួន៥ម៉ឺនច្បាប់ និងចាត់ចែងឱ្យមានការបកប្រែជាភាសាអង់គ្លេស ដើម្បីឱ្យមិត្តភ័ក្របរទេសបានផងដែរ។ ជូនភ្ជាប់ជាមួយនូវរូបភាពសៀវភៅ»៕ អត្ថបទ៖ បាន ចក់

អង់គ្លេសអនុញ្ញាតឲ្យសាធារណៈជនគោរពព្រះវិញ្ញាណក្ខន្ធ ខណៈព្រះសពព្រះមហាក្សត្រីដាក់តម្កល់

អង់គ្លេស៖ អ្នកកាន់ទុក្ខបានបន្តចូលមកកាន់អគារ Westminster Hall កាលពីល្ងាចថ្ងៃពុធ ដើម្បីគោរពព្រះវិញ្ញាណក្ខន្ធម្ចាស់ក្សត្រី Elizabeth II។ ព្រះមជ្ឈូសារបស់ព្រះមហាក្សត្រីបានដង្ហែចេញពីរាជវាំង Buckingham កាលពីថ្ងៃពុធដោយដាក់លើរាជរដ្ឋ និងបានដង្ហែតាមដងផ្លូវដែលមានពលរដ្ឋយ៉ាងច្រើន តម្រង់ជួរក្នុងទីក្រុងឡុងដ៍មកកាន់អគារ Westminster Hall។ នៅទីនោះ ព្រះមហាក្សត្រីដែលបានសោយរាជ្យយូរបំផុតរបស់ចក្រភពអង់គ្លេស នឹងត្រូវដាក់តម្កល់រយៈពេល ៤ថ្ងៃរហូតដល់ពិធីបុណ្យព្រះសពនៅថ្ងៃចន្ទ ដោយមនុស្សរាប់សែននាក់ត្រូវបានគេរំពឹងថានឹងចូលរួម។ ចាប់ពីម៉ោង ៥ល្ងាចថ្ងៃពុធសមាជិកសាធារណៈជនដំបូងត្រូវបានអនុញ្ញាតឱ្យចូលគោរពព្រះវិញ្ញាណក្ខន្ធ។ពួកគេបានចូលគោរពដោយចែកជាពីរជួរនៅសងខាងនៃព្រះមជ្ឈូសា។ មនុស្សជាច្រើនស្រក់ទឹកភ្នែកពេលចូលទៅជិតព្រះមជ្ឈូសា។ ភ្ញៀវមកពីជុំវិញពិភពលោកក៏បានមកតម្រង់ជួររយៈពេលជាច្រើនម៉ោង ដើម្បីមើលក្បួនដង្ហែព្រះសព។ ក្បួនដង្ហែយោធាចេញពីព្រះរាជវាំងបានគូសបញ្ជាក់រយៈពេល ៧ទសវត្សរ៍របស់ម្ចាស់ក្សត្រី Elizabeth ជាប្រមុខរដ្ឋ៕អត្ថបទ៖ ប៊ុនថន

បុគ្គលិកអគ្គនាយកដ្ឋានវិទ្យុ និងទូរទស្សន៍បាយ័ន ចូលរួមកាន់បិណ្ឌវេនទី៥ នៅវត្តកោះនរា

ភ្នំពេញ៖ អគ្គនាយដ្ឋានវិទ្យុ និងទូរទស្សន៍បាយ័ន ដឹកនាំដោយលោក ជែម ម៉ូ នាយកប្រតិបត្តិ និងអ្នកស្រី ស្បោង សំបូរ ប្រធានរដ្ឋបាល នៃអគ្គនាយកដ្ឋានវិទ្យុ និងទូរទស្សន៍បាយ័ន នៅព្រឹកថ្ងៃទី១៥ ខែកញ្ញា ឆ្នាំ២០២២នេះ បានដឹកនាំបុគ្គលិកគ្រប់ផ្នែកទាំងអស់ ចូលរួមកាន់បិណ្ឌវេនទី៥ នៅវត្តកោះនរា សង្កាត់និតោធ ខណ្ឌច្បារអំពៅ រាជធានីភ្នំពេញ។ថ្នាក់ដឹកនាំ និងបុគ្គលិក នៃអគ្គនាយដ្ឋានវិទ្យុ និងទូរទស្សន៍បាយ័ន តែងចូលរួមកាន់បិណ្ឌជារៀងរាល់ឆ្នាំ ដើម្បីឧទ្ទិសកុសលផលបុណ្យ និងជួបជុំសាច់ញាតិបងប្អូន ។គួរបញ្ជាក់ថា ពិធីកាន់បិណ្ឌឆ្នាំ២០២២នេះ គឺប្រព្រឹត្តទៅចាប់ពីថ្ងៃ១រោច ដល់ថ្ងៃ ១៤រោច ខែភទ្របទ គឺចាប់ពីថ្ងៃទី១១-២៤ ខែ កញ្ញា ឆ្នាំ២០២២៕

កងទ័ពកម្ពុជា-ឡាវ សន្យាលើកកម្ពស់ទំនាក់ទំនងទ្វេភាគីឱ្យដល់កម្រិតជាដៃគូយុទ្ធសាស្ត្រគ្រប់ជ្រុងជោយ

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា និងនាយឧត្តមសេនីយ៍ ចាន់សាម៉ន ចាន់ញ៉ាឡាត ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិឡាវ បានសន្យាលើកកម្ពស់ទំនាក់ទំនងទ្វេភាគីឲ្យដល់កម្រិតជាដៃគូយុទ្ធសាស្រ្តគ្រប់ជ្រុងជ្រោយ យូរអង្វែងសំដៅពង្រឹង និងពង្រីកចំណងមិត្តភាព សាមគ្គីភាព និងកិច្ចសហប្រតិបត្តិការលើវិស័យការពារជាតិរវាងប្រទេសទាំងពីរឲ្យកាន់តែល្អប្រសើបន្ថែមទៀតនោះ។ការសន្យារបស់ប្រមុខក្រសួងការពារជាតិនៃប្រទេសទាំងពីរនេះ គឺបានធ្វើងនៅក្នុងកិច្ចជំនួបមួយ កាលពីថ្ងៃទី១៤ ខែកញ្ញា ម្សិលមិញនៅទីក្រុងវៀងច័ន្ទ ក្នុងឱកាស អញ្ជើញធ្វើទស្សនកិច្ចជាផ្លូវការ និង មិត្តភាពនៅសាធារណរដ្ឋប្រជាធិបតេយ្យប្រជាមាននិតឡាវ ដើម្បីចូលរួមក្នុងកិច្ចប្រជុំរដ្ឋមន្ត្រីការពារជាតិ ៣ ប្រទេស កម្ពុជា ឡាវ និងវៀតណាម នៅប្រទេសឡាវ ។ ថ្លែងនៅក្នុងកិច្ចជំនួបនោះនាយឧត្តមសេនីយ៍ ចាន់សាម៉ន ចាន់ញ៉ាឡាត បានថ្លែងអំណរគុណយ៉ាងជ្រាលជ្រៅចំពោះសម្តេចពិជ័យសេនា ដែលបានដឹកនាំគណៈប្រតិភូក្រសួងការពារជាតិកម្ពុជា មកបំពេញទស្សនៈកិច្ចនៅប្រទេសឡាវ ដើម្បីពង្រឹងចំណង មិត្តភាពជាប្រពៃណីដ៏ថ្លៃថ្លារវាងរដ្ឋាភិបាលទាំងពីរ កងទ័ពទាំងពីរកម្ពុជា ឡាវ ជាបងប្អូន។ នាយឧត្តមសេនីយ៍ បានចាត់ទុកទស្សនកិច្ចនេះថា ជានិមិត្តរូបដ៏សំខាន់ ក្នុងការរួមចំណែកដ៏ធំធេងក្នុងការពូនជ្រុំនូវចំណងមិត្តភាព និង កិច្ចសហប្រតិបត្តិការរវាងបក្សទាំងពីរ កងទ័ពទាំងពីរ និងប្រជាជនប្រទេសទាំងពីរអោយកាន់តែជិតស្និតថែមទៀត ជាពិសេសលើវិស័យការពារជាតិ ការងារសន្តិសុខ នៃកងទ័ពទាំងពីរ។នៅក្នុងកិច្ចជំនួបទ្វេភាគីនោះ នាយឧត្តមសេនីយ៍ ចាន់សាម៉ន ចាន់ញ៉ាឡាត ក៏បានសំដែងការគាំទ្រចំពោះកម្ពុជាដែលបានធ្វើជាម្ចាស់ផ្ទះកិច្ចប្រជុំអាស៊ាន និងបានខិតខំដោះស្រាយបញ្ហាផ្សេងៗជាច្រើនដែលបានកើតឡើងនៅក្នុងអាស៊ាននាពេលកន្លងមកនេះ។ មួយវិញទៀតក្នុងនាមរដ្ឋាភិបាល និងកងទ័ពប្រជាជនឡាវ លោកបានថ្លែងអំណរគុណដល់រាជរដ្ឋាភិបាលកម្ពុជា និង កងយោធពលខេមរភូមិន្ទ ដែលបានជួយឧបត្ថម្ភដល់ឡាវនាពេលកន្លងមក ជាពិសេសការផ្តល់ជំនួយក្នុងការជួយទប់ស្កាត់ការឆ្លងរីករាលដាលជំងឺកូវីដ ១៩ នៅប្រទេសឡាវ។មានប្រសាសន៍នៅក្នុងកិច្ចជំនួបនោះដែរ សម្តេចពិជ័យសេនា ទៀ បាញ់ លើកឡើងថា ទោះបីមានការរីករាលដាលនៃជំងឺកូវីដ-១៩យ៉ាងណាក្តី ប៉ុន្តែកងទ័ពប្រទេសទាំងពីរ កម្ពុជា ឡាវ នៅតែបន្ត សហការរួមគ្នាយ៉ាងស្អិតរមួត ក្នុងភាពអ្នកជិតខាងល្អ មិត្តភាពជាប្រពៃណី សំដៅលើកកម្ពស់ទំនាក់ទំនងឱ្យដល់កម្រិតជាដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែង សំដៅពង្រឹង និងពង្រីកចំណងមិត្តភាព សាមគ្គីភាព និងកិច្ចសហប្រតិបត្តិការលើវិស័យការពារជាតិ។ ជាងនេះទៅទៀត សម្តេចមានជំនឿជឿជាក់ថា នៅក្រោយអំឡុងពេលវិបត្តិជំងឺកូវីដ-១៩មានការធូរស្រាល ពិសេសក្រោយកិច្ច ប្រជុំនាពេលនេះ ប្រទេសយើងទាំងពីរ ពិតជាមានភាពចាំបាច់ ជាយុទ្ធសាស្ត្រក្នុងការត្រៀមខ្លួនឱ្យបានល្អពង្រឹង ការទំនាក់ទំនង និងកិច្ចសហប្រតិបត្តិការឱ្យកាន់តែជិតស្និទ្ធ ក្នុងភាពជាអ្នកជិតខាងល្អរវាងកម្ពុជា-ឡាវ ដែលជា គ្រឹះសម្រាប់នាំមកនូវការអភិវឌ្ឍលើគ្រប់វិស័យ និងភាពសុខសាន្តរបស់ប្រទេសជាតិយើង ដោយបន្តខិតខំលើក កម្ពស់កិច្ចសហប្រតិបត្តិការ វិស័យការពារជាតិទាំងនយោបាយ សន្តិសុខ ការទំនាកទំនងការទូតយោធាឱ្យមានភាពប្រសើរឡើងថែមទៀត៕ អត្ថបទ៖ បាន ចក់

ឡាវស្នើប្រធានសភាកម្ពុជា ជួយជំរុញអ្នកវិនិយោគកម្ពុជាទៅបណ្ដាក់ទុនក្នុងប្រទេសខ្លួន

ភ្នំពេញ៖ ប្រធានរដ្ឋសភាឡាវ ឯកឧត្តមបណ្ឌិត សាយ សំភូន ភូមវិហាន បានស្នើទៅសម្ដេចអគ្គមហាពញាចក្រី ហេង សំរិន ប្រធានរដ្ឋសភា ជួយជំរុញអ្នកវិនិយោគកម្ពុជា ធ្វើការបណ្ដាក់ទុននៅក្នុងប្រទេសឡាវ រួមទាំងបន្តផ្ដល់នូវអាហារូបករណ៍ដល់មន្ត្រីឡាវ បានមកសិក្សានៅកម្ពុជា ។ ក្នុងដំណើរទស្សនកិច្ចនៅប្រទេសឡាវ កាលពីថ្ងៃទី១៤ ខែកញ្ញា ឆ្នាំ២០២២ សម្តេចមហាពញាចក្រី បានជួបពិភាក្សាការងារជាមួយប្រធានរដ្ឋសភាឡាវ ដោយភាគីទាំងពីរបានឯកភាពគ្នា បង្កើនកិច្ចសហប្រតិបត្តិកា ឱ្យកាន់តែមានប្រសិទ្ធភាព និងគ្រប់ជ្រុងជ្រោយឡើង តាមរយៈការខិតខំអនុវត្តរាល់កិច្ចព្រមព្រៀង ដែលរដ្ឋសភាប្រទេសទំាងពីរធ្លាប់បានឯកភាពគ្នានាពេលកន្លងមក ។ ថ្នាក់ដឹកនាំរដ្ឋសភាប្រទេសទំាងពីរ បានឯកភាពគ្នាឱ្យមន្រ្តីជំនាញពិនិត្យសិក្សា ត្រូវធ្វើការកែសម្រួលកិច្ចព្រមព្រៀមចាស់ ឬត្រូវបង្កើតកិច្ចព្រមព្រៀងថ្មីតែម្តង ដើម្បីឱ្យឆ្លើយតបនឹងសភាពការណ៍ជាក់ស្តែង ក្នុងការបម្រើផលប្រយោជន៍ដល់ប្រទេសទាំងសងខាង ហើយភាគីទាំងពីរ បានសន្យាខិតខំ ជំរុញការផ្លាស់ប្តូរដំណើរទស្សនកិច្ច ផ្លាស់ប្តូរបទពិសោធន៍គ្នាទៅវិញទៅមក ឱ្យកាន់តែសកម្មឡើងនៅគ្រប់កម្រិត រួមទំាងថ្នាក់បច្ចេកទេស នៃអគ្គលេខាធិការដ្ឋានរដ្ឋសភាប្រទេសទំាងពីរ និងបានសន្យាបន្តថែរក្សាសាមគ្គីជាប្រពៃណី និងបងប្អូនល្អ នៅក្នុងការគំាទ្រគ្នានៅលើវេទិការអន្តរសភានានា។ ឯកឧត្តមបណ្ឌិត សាយ សំភូន ភូមវិហាន បានស្នើសម្តេចប្រធានរដ្ឋសភា ជួយជំរុញអ្នកវិនិយោគទុនកម្ពុជា ឱ្យមកបណ្ដាក់ទុននៅក្នុងប្រទេសឡាវបានច្រើនឡើង និងបានស្នើបន្តផ្តល់អាហារូបករណ៍ ដល់មន្រ្តីអគ្គលេខាធិការដ្ឋានរដ្ឋសភាឡាវ តាមរយៈក្រុមមិត្តភាពសភាប្រទេសទំាងពីរ ។ជាការឆ្លើយតប សម្តេចអគ្គមហាពញាចក្រី ហេង សំរិន បានទទួលយកសំណើនេះ និងលើកឡើងថា មិត្តភាព សាមគ្គីភាពជាប្រពៃណី និងកិច្ចសហប្រតិបត្តិការរវាងបក្សរដ្ឋ រដ្ឋាភិបាល និងប្រជាជន នៃប្រទេសទាំងពីរ គឺជាទ្រព្យដ៏មានតម្លៃមហាសាល ដែលផ្តល់នូវឧត្តមប្រយោជន៍ឧត្តុង្គឧត្តមដល់ការអភិវឌ្ឍសង្គមជាតិ និងការលើកកម្ពស់ជីវភាពរស់នៅ របស់ប្រជាជន ។ ក្នុងថ្ងៃដដែលនេះ សម្តេចអគ្គមហាពញាចក្រី ហេង សំរិន បានជួបពិភាក្សាការងារជាមួយ ឯកឧត្តមបណ្ឌិត ផនខាំ វីផាវ៉ាន់ នាយរដ្ឋមន្ត្រីឡាវ ។ ក្នុងឱកាសនោះ សម្តេច មានប្រសាសថា គោលបំណងនៃដំណើរទស្សនកិច្ចនេះ ដើម្បីបន្តពង្រឹង និងពង្រីកទំនាក់ទំនង ចំណងមិត្តភាព សាមគ្គីភាពជាប្រពៃណី និងកិច្ចសហប្រតិបត្តិការ លើគ្រប់វិស័យរវាងប្រទេសទាំងពីរ ដែលមានជាយូរមកហើយ ឱ្យកាន់តែរឹងមាំខ្លាំងក្លាថែមមួយកម្រិតទៀត ៕ (ដោយ៖ បាន សុខរិទ្ធិ)

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សភាអឺរ៉ុបអនុម័តប្រាក់កម្ចី ៥ពាន់លានអឺរ៉ូសម្រាប់ប្រទេសអ៊ុយក្រែន

សម្ដេចតេជោរំលឹកថា អតីតនាយករដ្ឋមន្ត្រីជប៉ុន ស៊ីនហ៊្សូអាបេ បានបន្សល់នូវសមិទ្ធផលយ៉ាងច្រើនដល់កម្ពុជា

មេដឹកនាំរុស្ស៊ីបង្ហាញពីការព្រួយបារម្ភរបស់ចិនជុំវិញបញ្ហានៅអ៊ុយក្រែន

ប្រធានាធិបតីអ៊ុយក្រែនលោក Zelensky ស្ថិតនៅក្នុងគ្រោះថ្នាក់ចរាចរណ៍ ប៉ុន្តែមិនរបួសធ្ងន់ទេ

ប្រមុខអង្គការសហប្រជាជាតិបានពិភាក្សាតាមទូរស័ព្ទជាមួយលោក Vladimir Putin

សម្តេចតេជោ បានកំពុងបោះពុម្ពសៀវភៅចំនួន៥ម៉ឺនច្បាប់ទៀតដែលបង្ហាញពីរឿងសម្ងាត់របស់សម្តេច

អង់គ្លេសអនុញ្ញាតឲ្យសាធារណៈជនគោរពព្រះវិញ្ញាណក្ខន្ធ ខណៈព្រះសពព្រះមហាក្សត្រីដាក់តម្កល់

បុគ្គលិកអគ្គនាយកដ្ឋានវិទ្យុ និងទូរទស្សន៍បាយ័ន ចូលរួមកាន់បិណ្ឌវេនទី៥ នៅវត្តកោះនរា

កងទ័ពកម្ពុជា-ឡាវ សន្យាលើកកម្ពស់ទំនាក់ទំនងទ្វេភាគីឱ្យដល់កម្រិតជាដៃគូយុទ្ធសាស្ត្រគ្រប់ជ្រុងជោយ

ឡាវស្នើប្រធានសភាកម្ពុជា ជួយជំរុញអ្នកវិនិយោគកម្ពុជាទៅបណ្ដាក់ទុនក្នុងប្រទេសខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សភា​អឺរ៉ុប​អនុម័ត​ប្រាក់កម្ចី ៥ពាន់​លាន​អឺរ៉ូ​សម្រាប់​ប្រទេស​អ៊ុយ​ក្រែ​ន​

សម្ដេចតេជោរំលឹកថា អតីតនាយករដ្ឋមន្ត្រីជប៉ុន ស៊ីនហ៊្សូអាបេ បានបន្សល់នូវសមិទ្ធផលយ៉ាងច្រើនដល់កម្ពុជា

មេដឹកនាំ​រុស្ស៊ី​បង្ហាញ​ពី​ការព្រួយបារម្ភ​របស់​ចិន​ជុំវិញ​បញ្ហា​នៅ​អ៊ុយ​ក្រែ​ន​

ប្រធានាធិបតី​អ៊ុយ​ក្រែ​ន​លោក Zelensky ស្ថិត​នៅ​ក្នុង​គ្រោះថ្នាក់​ចរាចរណ៍ ប៉ុន្តែ​មិន​របួសធ្ងន់​ទេ

ប្រមុខ​អង្គការសហប្រជាជាតិ​បាន​ពិភាក្សា​តាម​ទូរស័ព្ទ​ជាមួយ​លោក Vladimir Putin

សម្តេចតេជោ បាន​កំពុង​បោះពុម្ព​សៀវភៅ​ចំនួន​៥​ម៉ឺន​ច្បាប់​ទៀត​ដែល​បង្ហាញ​ពី​រឿង​សម្ងាត់​របស់​សម្តេច

អង់គ្លេស​អនុញ្ញាត​ឲ្យ​សាធារណៈជន​គោរព​ព្រះ​វិញ្ញាណក្ខន្ធ ​ខណៈ​ព្រះ​សព​ព្រះ​មហាក្សត្រី​ដាក់​តម្កល់​

បុគ្គលិកអគ្គនាយកដ្ឋានវិទ្យុ និងទូរទស្សន៍បាយ័ន ចូលរួមកាន់បិណ្ឌវេនទី៥ នៅវត្តកោះនរា

កងទ័ពកម្ពុជា-ឡាវ សន្យាលើកកម្ពស់ទំនាក់ទំនងទ្វេភាគីឱ្យ​ដល់កម្រិតជាដៃគូយុទ្ធសាស្ត្រគ្រប់ជ្រុងជោយ

ឡាវស្នើប្រធានសភាកម្ពុជា ជួយជំរុញអ្នកវិនិយោគកម្ពុជាទៅបណ្ដាក់ទុនក្នុងប្រទេសខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សភាអឺរ៉ុបអនុម័តប្រាក់កម្ចី ៥ពាន់លានអឺរ៉ូសម្រាប់ប្រទេសអ៊ុយក្រែន

មេដឹកនាំរុស្ស៊ីបង្ហាញពីការព្រួយបារម្ភរបស់ចិនជុំវិញបញ្ហានៅអ៊ុយក្រែន

ប្រធានាធិបតីអ៊ុយក្រែនលោក Zelensky ស្ថិតនៅក្នុងគ្រោះថ្នាក់ចរាចរណ៍ ប៉ុន្តែមិនរបួសធ្ងន់ទេ

ប្រមុខអង្គការសហប្រជាជាតិបានពិភាក្សាតាមទូរស័ព្ទជាមួយលោក Vladimir Putin

សម្តេចតេជោ បានកំពុងបោះពុម្ពសៀវភៅចំនួន៥ម៉ឺនច្បាប់ទៀតដែលបង្ហាញពីរឿងសម្ងាត់របស់សម្តេច

អង់គ្លេសអនុញ្ញាតឲ្យសាធារណៈជនគោរពព្រះវិញ្ញាណក្ខន្ធ ខណៈព្រះសពព្រះមហាក្សត្រីដាក់តម្កល់

កងទ័ពកម្ពុជា-ឡាវ សន្យាលើកកម្ពស់ទំនាក់ទំនងទ្វេភាគីឱ្យដល់កម្រិតជាដៃគូយុទ្ធសាស្ត្រគ្រប់ជ្រុងជោយ