BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

សម្តេចតេជោ ហ៊ុន សែន៖ កត្តា២ នាំអោយផ្អាកព្រះរាជពិធីបុណ្យថ្នាក់ជាតិឆ្នាំនេះ គឺកត្តាកូវីដ-១៩មិនទាន់ចប់ និងកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធនានា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្ញើសារជូនជនរួមជាតិ នៅព្រឹកថ្ងៃទី១៥ ខែកញ្ញា ឆ្នាំ២០២២នេះស្តីពីការផ្អាកព្រះរាជពិធីបុណ្យអុំទូកថ្នាក់ជាតិ នៅឆ្នាំ២០២២ តែអនុញ្ញតិឲ្យមានការរៀបចំនៅថ្នាក់ខេត្ត- ក្រុង និងមូលដ្ឋាននីមួយៗជាធម្មតា។សម្តេចតេជោ ហ៊ុន សែន បានផ្តាំផ្ញើទៅក្រុមអ្នកវិភាគដ៏ឆ្កួតលីលាមួយចំនួន ដែលបានរិះគន់សម្តេច និងរាជរដ្ឋាភិបាលពីការផ្អាកព្រះរាជពិធីបុណ្យអុំទូកនៅថ្នាក់ជាតិផងដែរ ដោយសម្តេចបញ្ជាក់ថា ការផ្អាកនេះ ដោយសាររាជរដ្ឋាភិបាលមើលឃើញពីចំណុចជាច្រើន ក្នុងនោះក៏មានការមិនទាន់ចប់ នៃករណីឆ្លងរីករាលដាលជំងឺកូវីដ-១៩នៅកម្ពុជាផងដែរ។សម្តេចតេជោ ហ៊ុន សែន បញ្ជាក់ថា ការប្រមូលផ្តុំប្រជាជនដ៏ច្រើនរាប់លាននាក់នៅរាជធានីភ្នំពេញ ក្នុងព្រះរាជពិធីបុណ្យអុំទូក គឺជាហានិភ័យខ្ពស នៃការចម្លង និងឆ្លង ជំងឺកូវីដ-១៩ កាន់តែធ្ងន់ធ្ងរចូលទៅក្នុងសហគមន៍ប្រជាជនជាថ្មីនិងនាំផលលំបាក ដែលយើងមនអាចនឹកស្មានដល់។សម្តេចតេជោ ហ៊ុន សែន បានបញ្ជាក់ថា ការគិតគូរមួយទៀតនោះ អំពីការផ្អាកព្រះពិធីបុណ្យអុំទូកនៅថ្នាក់ជាតិ គឺមិនចង់រំខានដល់ប្រជាពលរដ្ឋដែលត្រូវចំណាយពេលនាំទូកពីបណ្តាខេត្តនានា មកកាន់រាជធានីភ្នំពេញ ក្នុងពេលវេលាដែលត្រូវបង្កបង្កើនផលនោះទេ។ នេះមូលហេតុងាយយល់ ដែលប្រជាជនកម្ពុជា បានឆ្លងកាត់នារយៈកាលកន្លងមក។សម្តេចតេជោ ហ៊ុន សែន បានបញ្ជាក់ថា ការផ្អាកព្រះរាជបុណ្យអុំទូកនៅថ្នាក់ជាតិឆ្នាំ២០២២នេះ គឺដើម្បីត្រៀមខ្លួនរៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ ដែលចាប់ផ្តើមពីថ្ងទី១០ ខែវិច្ឆិកា ឆ្នាំ២០២២តទៅ ក្នុងនោះ ពីថ្ងៃទី០៧,០៨,០៩ ខែវិច្ឆិកា នឹងមានទស្សកិច្ចផ្លូវការជាបន្តបន្ទាប់រួមមាន៖ នាយករដ្ឋមន្ត្រីវៀតណាម, នាយករដ្ឋមន្ត្រីចិននិងប្រធានាធិបតីហ្វីលីពីនផងដែរ។សម្តេចតេជោ ហ៊ុន សែន បានផ្តាំផ្ញើដល់អ្នកវិភាគទាំងឡាយដែលវិភាគថា រដ្ឋាភិបាល ហ៊ុន សែន អស់លុយទើបមិនហ៊ានរៀបចំព្រះរាជពិធីបុណ្យអុំទូក សូមអោយបន្តវិភាគតទៅទៀតចុះ ។ សម្តេចជឿជាក់ថា ប្រជាពលរដ្ឋនឹងយល់ពីគោលបំណងរបស់រាជរដ្ឋាភិបាល ក្នុងការផ្អាកព្រះរាជពិធីបុណ្យអុំទូកនៅថ្នាក់ជាតិឆ្នាំ២០២២នេះ។សម្តេចតេជោ ហ៊ុន សែន ប្រកាសថា យើងមិនខ្វះលុយគ្រាន់តែរៀបចំព្រះរាជពិធីបុណ្យអុំទូកនោះទេ តែអ្វីដែលកម្ពុជាផ្អាកព្រះរាជពិធីអុំទូកនៅថ្នាក់ជាតិនាពេលនេះ គឺយោងលើកត្តាធំៗចំនួន២ ដែលសម្តេចបានរៀបរាប់រួមមកហើយរួមមាន៖កត្តាកូវីដ-១៩ និងកិច្ច ប្រជុំកំពូលអាស៊ាន និងកិច្ចប្រជុំពាក់ព័ន្ធ ដែលប្រទេសធំៗ និងមហាអំណាចនានា នឹងធ្វើដំណើរមកកាន់ប្រទេសកម្ពុជានៅថ្ងៃនោះ៕

ភាពតានតឹងក្នុងប្រទេសហៃទី ខណៈកើនឡើងតម្លៃឧស្ម័នបង្កឲ្យមានការតវ៉ា

ហៃទី៖ ប្រជាជនហៃទីរាប់ពាន់នាក់កាលពីថ្ងៃអង្គារ បានចេញធ្វើបាតុកម្មតាមដងផ្លូវនៅទីក្រុងព័រអូប្រាំងសម្រាប់ថ្ងៃទីពីរ ដើម្បីតវ៉ាចំពោះការកើនឡើងតម្លៃឧស្ម័នដែលរដ្ឋាភិបាលប្រកាស។ ក្រុមអ្នកតវ៉ាបានចាប់ផ្តើមបិទផ្លូវធំៗនៅរដ្ឋធានី នៅពេលព្រឹកព្រលឹមដោយដុតសំបកកង់រថយន្ត។ហាង និងហាងទំនិញព្រមទាំងធនាគារ និងសាលារៀនបានបិទទ្វារ ប៉ុន្តែហាងមួយចំនួនត្រូវបានវាយបំបែកដោយក្រុមអ្នកតវ៉ា ដែលបាននាំយកទំនិញចេញទៅជាមួយ។ គ្មានអ្នករងរបួស ឬស្លាប់ត្រូវបានគេរាយការណ៍នៅក្នុងឧបទ្ទវហេតុនេះទេ។ សេចក្តីប្រកាសថ្មីរបស់រដ្ឋាភិបាលបានធ្វើឡើង ក្នុងពេលដែលប្រជាជនហៃទីកំពុងជួបបញ្ហាជាមួយនឹងតម្លៃប្រេងឥន្ធនៈខ្ពស់ ភាពអត់ការងារធ្វើ និងអំពើហិង្សារីករាលដាលរួចទៅហើយ។ ក្រុមជនអន្ធពាលកំពុងប្រយុទ្ធគ្នាដើម្បីគ្រប់គ្រងទឹកដី ហើយមនុស្សរាប់រយនាក់បានស្លាប់ក្នុងសង្គ្រាមនេះ និងបណ្តាលឲ្យមនុស្សរាប់ពាន់នាក់ផ្សេងទៀតត្រូវភៀសខ្លួនចេញពីលំនៅឋាន ដើម្បីគេចពីអំពើហិង្សា។ ក្រុមអ្នកតវ៉ាបានអំពាវនាវឱ្យមានការបណ្តេញចេញពីអំណាចនាយករដ្ឋមន្ត្រីលោក Ariel Henry ដែលបានគ្រប់គ្រងប្រទេស បន្ទាប់ពីការធ្វើឃាតប្រធានាធិបតីលោក Jovenel Moise កាលពីខែកក្កដា ឆ្នាំ២០២១។អ្នកតវ៉ាម្នាក់និយាយថា យើងមិនទទួលស្គាល់លោក Ariel Henry ទេ។ យើងមិនបានបោះឆ្នោតឱ្យលោក Ariel Henry ដូច្នេះលោកពុំមានអាណត្តិនោះទេ។ មន្ត្រីរដ្ឋាភិបាលបានព្រមព្រៀងកាត់បន្ថយការឧបត្ថម្ភធន សម្រាប់ប្រេងឥន្ធនៈកាលពីខែកុម្ភៈ ជាផ្នែកមួយនៃកញ្ចប់ជំនួយជាមួយមូលនិធិរូបិយវត្ថុអន្តរជាតិ (IMF)។ កិច្ចព្រមព្រៀងនេះរួមបញ្ចូលផងដែរនូវការបង្កើនការចំណាយលើសេវាសង្គម និងហេដ្ឋារចនាសម្ព័ន្ធ និងការធ្វើឱ្យប្រសើរឡើងការប្រមូលពន្ធក្នុងកិច្ចខិតខំប្រឹងប្រែង ដើម្បីធ្វើទំនើបកម្មសេដ្ឋកិច្ចរបស់ប្រទេសក្រីក្រមួយនេះ។ ស្ថានីយប្រេងឥន្ធនៈទាំងអស់ត្រូវបានបិទ ហើយបច្ចុប្បន្នប្រេងសាំងត្រូវបានលក់ក្នុងតម្លៃ ១៨.០០ដុល្លារអាមេរិកក្នុងមួយហ្គាឡុងនៅលើទីផ្សារងងឹត៕អត្ថបទ៖ ប៊ុនថន

អាមេនី និងអាហ្ស៊ែបៃហ្សង់ស្ដីបន្ទោសដាក់គ្នាជុំវិញការប៉ះទង្គិចគ្នាសម្លាប់មនុស្សជិត ១០០នាក់នៅព្រំដែន

អាមេនី៖ ប្រទេសអាមេនី និងអាហ្ស៊ែបៃហ្សង់បានស្ដីបន្ទោសដាក់គ្នា ចំពោះការប៉ះទង្គិចគ្នាជាបន្តបន្ទាប់ដែលបានផ្ទុះឡើងនៅតាមព្រំដែនប្រទេសទាំង២ នូវអ្វីដែលជាការប៉ះទង្គិចគ្នាដ៏ខ្លាំងក្លារវាងគូប្រជែងប្រទេសជិតខាងទាំង២ ចាប់តាំងពីសង្គ្រាមឆ្នាំ២០២០ មកជុំវិញតំបន់ជម្លោះ Nagorno-Karabakh។ យោងតាមក្រសួងការពារជាតិរបស់ប្រទេសអាមេនី អរិភាពទាំងនោះបានផ្ទុះឡើងកាលពីព្រឹកថ្ងៃអង្គារ នៅពេលដែលកងកម្លាំងអាហ្ស៊ែបៃហ្សង់បានវាយប្រហារឆ្លងព្រំដែនដោយប្រើកាំភ្លើងផ្លោង កាំភ្លើងត្បាល់ យានដ្រូន និងកាំភ្លើងវែង ដែលបានសម្លាប់ទាហានអាមេនីយ៉ាងហោចណាស់ ៤៩នាក់។ យោធាបាននិយាយថា ការវាយប្រហារនានាបានដាក់គោលដៅលើទាំងយោធា ទាំងហេដ្ឋារចនាសម្ព័ន្ធស៊ីវិល ទាំងក្នុង និងក្រៅទីប្រជុំជន និងភូមិឋានមួយចំនួនរួមទាំងទីប្រជុំជន Vardenis, Sotk, Artanish, Ishkhanasar,Goris Jermuk និង Kapan ដែលបង្ខំឲ្យមានការបាញ់តបតវិញ។ខណៈការវាយប្រយុទ្ធគ្នាទំនងជាស្ងប់ស្ងាត់បន្តិច សេចក្ដីថ្លែងការណ៍ចេញដោយការិយាល័យប្រធានាធិបតីអាហ្ស៊ែបៃហ្សង់លោក Ilham Aliyev បាននិយាយថា កងកម្លាំងប្រដាប់អាវុធរបស់ប្រទេសនេះ អាចគ្រប់គ្រងស្ថានការណ៍នៅតាមព្រំដែនបានហើយ ចំណែកក្រសួងការពារជាតិអាមេនីវិញបានព្រមានថា ស្ថានភាពនៅតាមតំបន់ព្រំដែនមួយចំនួននៅតែតានតឹងខ្លាំងនៅឡើយ។ លោកនាយករដ្ឋមន្ត្រីអាមេនី Nikol Pashinyan បាននិយាយថា ទាហានរបស់ខ្លួនចំនួន ៤៩នាក់ស្លាប់ក្នុងការប៉ះទង្គិចគ្នាកាលពីយប់អធ្រាត្រ ខណៈក្រសួងការពារជាតិអាហ្ស៊ែបៃហ្សង់និយាយថា ទាហានរបស់ខ្លួន ៥០នាក់ក៏បានស្លាប់ដែរ។ កាលពីថ្ងអង្គារសប្ដាហ៍នេះដែររុស្ស៊ីនិយាយថា ខ្លួនបានសម្របសម្រួលឲ្យមានបទឈប់បាញ់ចំពោះការផ្ទុះអាវុធចុងក្រោយនេះ៕អត្ថបទ៖ សុខមាន

មនុស្សម្នាក់ស្លាប់ និង ២នាក់រងរបួសក្នុងការបាញ់ប្រហារនៅមូលដ្ឋានយោធាថៃ

ថៃ៖ នគរបាលប្រទេសថៃបាននិយាយថា ខ្មាន់កាំភ្លើងម្នាក់បានសម្លាប់មនុស្សម្នាក់ និងបណ្តាលឲ្យពីរនាក់ទៀតរងរបួសនៅក្នុងការបាញ់ប្រហារមួយ នៅមូលដ្ឋានយោធាក្នុងទីក្រុងបាងកកនៅថ្ងៃពុធនេះ។ អ្នកនាំពាក្យរងនគរបាលជាតិលោក Kissana Phathanacharoen បាននិយាយថា ជនសង្ស័យម្នាក់ត្រូវបានឃុំខ្លួន បន្ទាប់ពីឧប្បត្តិហេតុនៅនាយកដ្ឋានទីបញ្ជាការហ្វឹកហ្វឺនកងទ័ព ជាផ្នែកនៃអគារយោធាដ៏ធំមួយនៅភាគខាងជើងរាជធានី។ ប្រព័ន្ធផ្សព្វផ្សាយក្នុងស្រុកបានរាយការណ៍ថា ជនសង្ស័យជាទាហាន ទោះបីជាមូលហេតុនៃការបាញ់ប្រហារនេះមិនទាន់ដឹងច្បាស់នៅឡើយ។ អ្នកនាំពាក្យនិយាយបន្ថែមថា ការបាញ់ប្រហារបណ្តាលឱ្យមនុស្សម្នាក់ស្លាប់ និងរបួស ២នាក់ ដែលបន្ទាប់មកនគរបាលក្នុងតំបន់បានគ្រប់គ្រងស្ថានការណ៍ និងបាននិយាយថា យើងចាប់ខ្លួនជនសង្ស័យបានហើយ។ កាលពីឆ្នាំ២០២០ ទាហានម្នាក់បានបាញ់សម្លាប់មនុស្សចំនួន ២៩នាក់ និងបណ្តាលឲ្យមនុស្សច្រើននាក់បានរងរបួស មុនពេលខ្មាន់កាំភ្លើងត្រូវបានបាញ់សម្លាប់ដោយកងកុម្ម៉ង់ដូ នៅក្នុងឧប្បត្តិហេតុដែលធ្វើឲ្យមានការភ្ញាក់ផ្អើលក្នុងប្រទេសថៃ៕អត្ថបទ៖ ប៊ុនថន

ពលរដ្ឋជាច្រើនបើកភ្លើងទូរស័ព្ទ ខណៈព្រះមជ្ឈូសាមកដល់ព្រះរាជវាំង

អង់គ្លេស៖ ព្រះមជ្ឈូសារបស់ម្ចាស់ក្សត្រី Elizabeth II ត្រូវបានស្វាគមន៍ដោយពលរដ្ឋជាច្រើននៅរាជវាំង Buckingham កាលពីល្ងាចថ្ងៃអង្គារ បន្ទាប់ពីព្រះមជ្ឈូសាត្រូវបាននាំយកមកកាន់រដ្ឋធានីចក្រភពអង់គ្លេស តាមយន្តហោះពីដែនដីស្កុតឡែន។ អ្នកកាន់ទុក្ខជាច្រើននាក់បានប្រើទូរស័ព្ទដៃរបស់ពួកគេ ជាទៀនបំភ្លឺផ្លូវសម្រាប់ព្រះមហាក្សត្រីរបស់ពួកគេដែលបានយាងសោយព្រះពិរាល័យ ខណៈព្រះមជ្ឈូសារបស់ម្ចាស់ក្សត្រីដង្ហែមកកាន់រាជវាំង។ ព្រះមជ្ឈូសាត្រូវបានដង្ហែមកកាន់ទីក្រុងឡុងដ៍ពីទីក្រុង Edinburgh ដែនដីស្កុតឡែន។ ម្ចាស់ក្សត្រី Elizabeth II ជាមហាក្សត្រដែលសោយរាជ្យយូបំផុតនៅចក្រភពអង់គ្លេស បានយាងសោយព្រះពិរាល័យកាលពីថ្ងៃទី៨ ខែកញ្ញា នៅក្នុងព្រះជន្មាយុ ៩៦ព្រះវស្សា បន្ទាប់ពីបានសោយរាជ្យរយៈពេល ៧០ឆ្នាំ។ យន្តហោះយោធា C-17 Globemaster ដឹកព្រះមជ្ឈូសាបានចុះចតនៅមូលដ្ឋានទ័ពអាកាស RAF Northolt នៅភាគខាងលិចទីក្រុងឡុងដ៏ ប្រហែលមួយម៉ោងបន្ទាប់ពីយន្តហោះបានចាកចេញពីទីក្រុង Edinburgh។នាយករដ្ឋមន្ត្រីអង់គ្លេសលោកស្រី Liz Truss, រដ្ឋមន្ត្រីការពារជាតិលោក Ben Wallace និងឆ្មាំកិត្តិយសយោធាស្ថិតក្នុងចំណោមអ្នកដែលនៅមូលដ្ឋាន សម្រាប់ការមកដល់ព្រះមជ្ឈូសា។ ព្រះមជ្ឈូសានឹងត្រូវនាំយកដាក់នៅលើរាជរដ្ឋកាំភ្លើងអូសដោយសេះនៅថ្ងៃពុធនេះទៅកាន់សាល Westminster Hall ដើម្បីតម្កល់ទុករយៈពេល ៤ថ្ងៃមុនពេលពិធីបុណ្យព្រះសពប្រារព្ធធ្វើនៅថ្ងៃចន្ទនៅព្រះវិហារ Westminster Abbey៕អត្ថបទ៖ ប៊ុនថន

អ៊ុយក្រែនប្រកាសពីការដណ្ដើមបានដែនដីបន្ថែមទៀតពីរុស្ស៊ីក្នុងការវាយបក

អ៊ុយក្រែន៖ ទាហានអ៊ុយក្រែនបានបង្កើនការវាយរុលទៅមុខ ចូលកាន់តែជ្រៅទៅក្នុងដែនដីគ្រប់គ្រងដោយរុស្ស៊ីក្នុងការវាយបកនៅតែបន្ត ដែលបានធ្វើឲ្យធ្លាក់ចុះកិត្យានុភាពយោធារបស់រុស្ស៊ី។ ខណៈការវាយរុលទៅមុខនៅតែបន្តកាលពីថ្ងៃអង្គារ អង្គភាពឆ្មាំព្រំដែនរបស់អ៊ុយក្រែនបាននិយាយថា ទាហានបានដណ្ដើមគ្រប់គ្រងតំបន់ Vovchansk ដែលជាទីប្រជុំជនស្ថិតចម្ងាយ ៣គីឡូម៉ែត្រពីប្រទេសរុស្ស៊ី និងជាដែនដីដែលកងកម្លាំងរុស្ស៊ីដណ្ដើមយកបាននៅថ្ងៃដំបូងនៃសង្គ្រាមនេះ។ អភិបាលក្រុងនេះបាននិយាយថា ទាហានរុស្ស៊ីក៏បានបោះបង់ចោលទីក្រុង Melitopol ភាគខាងត្បូងផងដែរ និងឆ្ពោះទៅឧបទ្វីបគ្រីម៉េដែលទីក្រុង Moscow បានដាក់ចូលជាឧបសម្ព័ន្ធរបស់ខ្លួនកាលពីឆ្នាំ២០១៤។ សារព័ត៌មាន Al Jazeera មិនអាចបញ្ជាក់ឲ្យឯករាជ្យពីការអះអាងរបស់យោធាទាំង២ ភាគីបានទេ។ចាប់តាំងពីទីក្រុង Moscow បានបោះបង់ចោលមូលដ្ឋានទ័ពសំខាន់របស់ខ្លួន នៅក្នុងប្រទេសអ៊ុយក្រែនភាគឦសានកាលពីថ្ងៃសៅរ៍ ដែលក្លាយជាការបរាជ័យដ៏ធំបំផុតចាប់តាំងពីដំណាក់កាលដំបូងនៃសង្គ្រាម ទាហានអ៊ុយក្រែនបានដណ្ដើមយកមកវិញរាប់សិបទីប្រជុំជន នៅក្នុងសន្ទុះដ៏ឆាប់រហ័សនៃការប្រែប្រួលក្នុងសមរភូមិ៕អត្ថបទ៖ សុខមាន

អង្គការសហប្រជាជាតិនិយាយថា ពិភពលោកកំពុងដឹកនាំទិសដៅខុសអំពីបញ្ហាអាកាសធាតុ

UN៖ ទីភ្នាក់ងារអាកាសធាតុរបស់អង្គការសហប្រជាជាតិ បាននិយាយនៅក្នុងរបាយការណ៍ថ្មីថា គ្រោះមហន្តរាយអាកាសធាតុបានធ្វើឲ្យខាតបង់ ២០០លានដុល្លារក្នុងមួយថ្ងៃ ហើយគ្រោះមហន្តរាយអាកាសធាតុមិនអាចកែប្រែបានកំពុងកើតមានឡើង ដែលពិភពលោកកំពុងបោះជំហានទៅរកទិសដៅខុស។ អង្គការឧតុនិយមពិភពលោកនៅក្នុងការព្រមានចុងក្រោយ អំពីការឡើងកម្តៅផែនដីបាននិយាយថា គ្រោះមហន្តរាយដែលទាក់ទងនឹងអាកាសធាតុបានកើនឡើង ៥ដងក្នុងរយៈពេល ៥០ឆ្នាំចុងក្រោយនេះ ហើយស្ថានភាពកាន់តែអាក្រក់ទៅៗ។ អគ្គលេខាធិការអង្គការសហប្រជាជាតិលោក Antonio Guterres បានលើកឡើងពីគ្រោះទឹកជំនន់នៅក្នុងប្រទេសប៉ាគីស្ថាន រលកកម្តៅនៅអឺរ៉ុប គ្រោះរាំងស្ងួតនៅទីកន្លែងនានាដូចជាប្រទេសចិន តំបន់អាហ្វ្រិក និងសហរដ្ឋអាមេរិក និងបានចង្អុលបង្ហាញលើឥន្ធនៈហ្វូស៊ីល។របាយការណ៍ដែលបានដកស្រង់ចេញពីទិន្នន័យចងក្រងដោយទីភ្នាក់ងារ និងដៃគូមួយចំនួនរបស់អង្គការសហប្រជាជាតិបានលើកឡើងពីឱកាស ៤៨% ដែលបង្ហាញការកើនឡើង ១.៥អង្សានៃសីតុណ្ហភាពពិភពលោកនឹងរងផលប៉ះពាល់ក្នុងរយៈពេល ៥ឆ្នាំខាងមុខ៕អត្ថបទ៖ ប៊ុនថន

វិមានក្រឹមឡាំង៖ លោក Vladimir Putin និងលោក Xi Jinping នឹងពិភាក្សាពីបញ្ហាអ៊ុយក្រែន និងកោះតៃវ៉ាន់

រុស្ស៊ី៖ លោកប្រធានាធិបតីរុស្ស៊ី Vladimir Putin និងសមភាគីចិនលោក Xi Jinping នឹងពិភាក្សាបញ្ហាអ៊ុយក្រែន និងកោះតៃវ៉ាន់នៅឯជំនួបមួយក្នុងប្រទេសអ៊ូហ្សបេគីស្ថាននៅថ្ងៃព្រហស្បតិ៍ ទី១៥ ខែកញ្ញាស្អែកនេះ ដែលវិមានក្រឹមឡាំងនិយាយថា នឹងមានអត្ថន័យពិសេសទាក់ទងនឹងស្ថានភាពភូមិសាស្ត្រនយោបាយ។លោក Xi នឹងចាកចេញពីប្រទេសចិនជាលើកដំបូងក្នុងរយៈពេលជាង ២ឆ្នាំសម្រាប់នៅសប្ដាហ៍នេះទៅកាន់តំបន់អាស៊ីកណ្ដាល ជាទីដែលលោកនឹងជួបលោក Putin ត្រឹមតែរយៈពេល ១ខែមុនពេលលោកគ្រោងពង្រឹងអំណាចរបស់លោក ជាមេដឹកនាំកំពូលដ៏មានឥទ្ធិពលបំផុតចាប់តាំងពីមេដឹកនាំ Mao Zedong មក។ មនុស្សជំនិតរបស់វិមានក្រឹមឡាំងលោក Yuri Ushakov បាននិយាយនៅសន្និសីទសារព័ត៌មានក្នុងទីក្រុង Moscow ថា លោកប្រធានាធិបតីទាំង២ នឹងពិភាក្សាទាំងរបៀបវារៈទ្វេភាគី ទាំងបញ្ហាសំខាន់ក្នុងតំបន់ និងអន្តរជាតិ។ជំនួបនេះនឹងផ្ដល់ឱកាសដល់លោក Xi ក្នុងការគូសបញ្ជាក់ពីអំណាចរបស់លោក ខណៈលោក Putin អាចបង្ហាញពីការលំអៀងរបស់រុស្ស៊ីទៅរកតំបន់អាស៊ី ដោយមេដឹកនាំទាំង២ អាចបង្ហាញពីការប្រឆាំងរបស់ខ្លួនចំពោះសហរដ្ឋអាមេរិក ស្របពេលលោកខាងលិចព្យាយាមដាក់ទណ្ឌកម្មរុស្ស៊ី សម្រាប់អ្វីដែលទីក្រុង Moscow ហៅថា ជាប្រតិបត្តិការសឹកពិសេសនៅអ៊ុយក្រែន៕អត្ថបទ៖ សុខមាន

កម្ពុជា-វៀតណាម ប្ដេជ្ញាបំពេញចំណុចខ្វះខាត នៃកិច្ចព្រមព្រៀងមួយចំនួនឲ្យកាន់តែល្អប្រសើរ

ភ្នំពេញ៖ សម្ដេចអគ្គមហាពញាចក្រី ហេង សំរិន ប្រធានរដ្ឋសភាជាតិ និងឯកឧត្តម ផាម ម៉ិញជិញ នាយករដ្ឋមន្ត្រីវៀតណាម បានប្ដេជ្ញារួមគ្នា ខិតខំបំពេញនូវចំណុចខ្វះខាតមួយចំនួននៃកិច្ចព្រមព្រៀមនានា រវាងប្រទេសទាំងពីរឲ្យកាន់តែល្អប្រសើរ ដើម្បីបម្រើដល់ផលប្រយោជន៍ ប្រជាជនទាំងសងខាង ។ក្នុងដំណើរទស្សនកិច្ចនៅប្រទេសវៀតណាមកាលពីថ្ងៃទី១៣ ខែកញ្ញា ឆ្នាំ២០២២ សម្តេចអគ្គមហាពញាចក្រី ហេង សំរិន បានជួបពិភាក្សាការងារជាមួយឯកឧត្ដម ផាម ម៉ិញជិញ ដោយភាគីទាំងពីរ បានលើកឡើងពីសារៈសំខាន់ នៃទំនាក់ទំនងមិត្តភាព និងកិច្ចសហប្រតិបត្តិការ លើគ្រប់វិស័យរវាងកម្ពុជា-វៀតណាម បានផ្តល់ផលប្រយោជន៍ដល់ប្រជាជនទំាងសងខាង ។ ជាមួយនេះភាគីទាំងពីរ បានប្តេជ្ញាចិត្តរួមគ្នាជំរុញទំនាក់ទំនងរវាងបក្សរដ្ឋ និងប្រជាជន នៃប្រទេសទំាងពីរ ឲ្យកាន់តែរឹងមាំថែមទៀត ជាពិសេសរួមគ្នាក្នុងការអនុវត្តរាល់កិច្ចព្រមព្រៀមដែលមានស្រាប់ ឲ្យកាន់តែមានប្រសិទ្ធភាព ហើយចំណុចណាបានអនុវត្តល្អ បន្តខិតខំឲ្យកាន់តែល្អ ចំណុចណាពុំទាន់មានលទ្ធផលល្អ នឹងខិតខំធ្វើឲ្យប្រសើរឡើង ។ ក្នុងឱកាសនោះ នាយករដ្ឋមន្រ្តីវៀតណាម ស្នើសម្តេចប្រធានរដ្ឋសភា បន្តគំាទ្រ និងជំរុញដល់វិស័យពាណិជ្ជកម្ម និងសេដ្ឋកិច្ចប្រទេសទំាងពីរឲ្យកាន់តែមានកំណើនឡើង ខណៈនៅឆ្នាំ២០២១ ទំហំពាណិជ្ជកម្មកម្ពុជា-វៀតណាម មានទំហំទឹកប្រាក់ប្រមាណ ១០ពាន់លានដុល្លារ ហើយនៅក្នុងរយៈពេល៧ខែ ឆ្នាំ២០២២នេះ ទំហំពាណិជ្ជកម្មសម្រេចបានប្រមាណ ៧ពាន់លានដុល្លារទៅហើយ ហើយបច្ចុប្បន្ននេះ មានគម្រោងវិនិយោគរបស់ប្រទេសវៀតណាមចំនួន ១៨៨ កំពុងវិនិយោគនៅកម្ពុជា ។ សម្តេចមហាពញាចក្រី ហេង សំរិន បានបញ្ជាក់ថា បើទោះបីស្ថិតក្នុងដំណាក់កាលប្រឈមវិបត្តិជំងឺកូវីដ-១៩ ក្តី កម្ពុជា-វៀតណាម ក៏នៅតែបន្តអនុវត្តយ៉ាងមានប្រសិទ្ធភាពលើគ្រប់វិស័យ ជាអាទិ៍ វិស័យនយោបាយការទូត សេដ្ឋកិច្ច ពាណិជ្ជកម្ម វិនិយោគ អប់រំ សុខាភិបាល វប្បធម៌ ជាដើម ៕ ដោយ៖ បាន សុខរិទ្ធិ

សម្ដេចតេជោ ហ៊ុន សែន ៖ អាស៊ានត្រូវតែផ្តល់សារៈសំខាន់កាន់តែខ្លាំងថែមទៀតដល់ការរក្សាបានប្រព័ន្ធពាណិជ្ជកម្មឈរលើវិធានច្បាប់

សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានផ្តល់ជាយោបល់ជូនមេដឹកនាំអាស៊ានត្រូវតែផ្តល់សារៈសំខាន់កាន់តែខ្លាំងថែមទៀតដល់ការរក្សាបាននូវប្រព័ន្ធពាណិជ្ជកម្មឈរលើវិធានច្បាប់។សម្ដេចតេជោប្រមុខរាជរដ្ឋាភិបាលកម្ពុជា និងជាប្រធានអាស៊ានឆ្នាំ២០២២ បានផ្តល់ជាយោបល់យ៉ាងដូច្នេះក្នុងពេលអញ្ជើញជាអធិបតីភាពដ៏ខ្ពង់ខ្ពស់បើកកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៥៤ និងកិច្ចប្រជុំពាក់ព័ន្ធនៅខេត្តសៀមរាបទឹកដីអង្គរនាព្រឹកថ្ងៃទី១៤កញ្ញានេះ។ សម្ដេចបានមានប្រសាដន៍ថា ក្នុងនាមជាប្រធានអាស៊ានឆ្នាំ ២០២២ ជាមួយមូលបទ«អាស៊ានរួមគ្នាធ្វើដោះស្រាយបញ្ហាប្រឈមទាំងអស់គ្នា» បានផ្ដោតអាទិភាពលើការធានាឲ្យបាននូវប្រសិទ្ធភាពរបស់អាស៊ានក្នុងការឆ្លើយតបចំពោះបញ្ហាប្រឈម និងហានិភ័យ ជាពិសេសពន្លឿនការស្ដារ និងជំរុញកំណើនសេដ្ឋកិច្ចឡើងវិញប្រកបដោយចីរភាព បរិយាប័ន្ន និងភាពធន់ ហើយក្នុងពេលដែលពិភពលោកកំពុងប្រឈមនឹងឧបសគ្គជាច្រើនក្នុងការអភិវឌ្ឍន៍ អាស៊ានត្រូវតែផ្ដល់សារៈសំខាន់កាន់តែខ្លាំងថែមទៀតដល់ការរក្សាឲ្យបាននូវប្រព័ន្ធពាណិជ្ជកម្មឈរលើវិធានច្បាប់ គោលការណ៍សកលភាវូបនីយកម្ម និងយន្តការពហុភាគីនិយម។ សម្ដេចតេជោមានប្រសាសន៍ថា “ ក្នុងពេលដែលពិភពលោកកំពុងប្រឈមនឹងឧបសគ្គជាច្រើនក្នុងការអភិវឌ្ឍ, អាស៊ាន ត្រូវតែផ្តល់សារៈសំខាន់កាន់តែខ្លាំងថែមទៀត ដល់ការក្សាឱ្យបាននូវប្រព័ន្ធពាណិជ្ជកម្ម ឈរលើវិធានច្បាប់, គោលការណ៍សកលភាវូបនីយកម្ម, យន្តការពហុភាគីនិយម និង សេរីភាវូបនីយកម្មពាណិជ្ជកម្ម និងវិនិយោគក្នុងតំបន់, ការប្រឆាំងនឹងការគាំពារនិយម, ការលើកកម្ពស់ភាពធន់រឹងមាំនៃច្រវាក់ផ្គត់ផ្គង់តំបន់ និងសកល, ការតភ្ជាប់ និងភ័ស្តុភារកម្ម, ការកសាងសេដ្ឋកិច្ចឌីជីថល, កិច្ចការពារបរិស្ថាន, ការប្រើប្រាស់ថាមពលស្អាត និងការ អភិវឌ្ឍប្រកបដោយចីរភាព និងការរក្សាសន្តិសុខស្បៀង ទន្ទឹមគ្នានឹងការប្រយុទ្ធប្រឆាំងនឹង ជំងឺឆ្លងកូវីដ-១៩ និងកិច្ចខិតខំប្រឹងប្រែងឱ្យបានខ្លាំងជាងមុន ក្នុងការស្តារឡើងវិញសេដ្ឋកិច្ច តំបន់ និងសកលលោកដែលមានភាពធន់ និងចីរភាព។សម្ដេចបានបន្ថែមទៀតថា “ ចក្ខុវិស័យអាស៊ាន ក្រោយឆ្នាំ២០២៥ ដែលអាស៊ានកំពុងរៀបចំនេះ គួរផ្តោតការគិតគូជាយុទ្ធសាស្ត្រលើ បញ្ហាថ្មីៗ រួមមាន៖ ការវិវត្តរីកចម្រើននៃវិស័យសេដ្ឋកិច្ចឌីជីថល និងការកាត់បន្ថយគម្លាត ឌីជីថលក្នុងតំបន់, ការពង្រឹងភាពធន់អាស៊ានទៅនឹងគ្រោះមហន្តរាយ និងជំងឺឆ្លងរាតត្បាត នានា, ការលើកកម្ពស់ការអភិវឌ្ឍសេដ្ឋកិច្ចបៃតង, ការការពារពលករចំណាកស្រុក, ការ អភិវឌ្ឍពលកម្មជំនាញ និងការអភិវឌ្ឍសហគ្រាសធុនតូច និងមធ្យម ជាដើម។”សម្ដេចបន្តថា អាស៊ានគួរបន្តបង្កើនការភ្ជាប់ទំនាក់ទំនងជាមួយដៃគូខាងក្រៅដោយឈរលើគោលការណ៍សមភាព និងការផ្ដល់ផលប្រយោជន៍ឲ្យគ្នាទៅវិញទៅមក តាមរយៈការទាញយកផលទៅវិញទៅមកជាអតិបរមាពីកិច្ចព្រមព្រៀងពាណិជ្ជកម្មសេរីតំបន់អាស៊ាន និងអាស៊ានបូក១ដែលមានស្រាប់ដោយការដំឡើងកម្រិតបន្ថែម ជាពិសេសការអនុវត្តអោយបានពេញលេញ និងមានសិទ្ធភាពនូវកិច្ចព្រមព្រៀងស្ដីពីភាពជាដៃគូសេដ្ឋកិច្ចគ្រប់ជ្រុងជ្រោយតំបន់(អាសិប)ដែលបានចូលជាធរមានកាលពីថ្ងៃទី១ខែមករាឆ្នាំ ២០២២កន្លងទៅនេះ។ សម្ដេចសង្ឃឹមជឿជាក់ថា អាស៊ាននឹងបន្តធ្វើដំណើរទៅមុខប្រកបដោយភាពរឹងមាំ សាមគ្គីភាព និងមិត្តភាព ដើម្បីជំនះរាល់បញ្ហាប្រឈមនានា និងការកសាងសហគមន៍អាស៊ានប្រកបដោយបរិយាប័ន្នយ៉ាងពិតប្រាកដស្របតាមស្មារតីស្នូលរបស់អាស៊ានគឺ"ចក្ខុវិស័យមួយ អត្តសញ្ញាណមួយ និង សហគមន៍តែមួយ"និងឈរលើជំហរនៃការឯកភាពគ្នាសម្រាប់កិច្ចសហប្រតិបត្តិការ ហ្នឹងដើម្បីផលប្រយោជន៍ទៅវិញទៅមកជាពិសេសប្រយោជន៍រួមរបស់ប្រជាជននិងតំបន់របស់យើង៕ អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ភាពតានតឹងក្នុងប្រទេសហៃទី ខណៈកើនឡើងតម្លៃឧស្ម័នបង្កឲ្យមានការតវ៉ា

អាមេនី និងអាហ្ស៊ែបៃហ្សង់ស្ដីបន្ទោសដាក់គ្នាជុំវិញការប៉ះទង្គិចគ្នាសម្លាប់មនុស្សជិត ១០០នាក់នៅព្រំដែន

មនុស្សម្នាក់ស្លាប់ និង ២នាក់រងរបួសក្នុងការបាញ់ប្រហារនៅមូលដ្ឋានយោធាថៃ

ពលរដ្ឋជាច្រើនបើកភ្លើងទូរស័ព្ទ ខណៈព្រះមជ្ឈូសាមកដល់ព្រះរាជវាំង

អ៊ុយក្រែនប្រកាសពីការដណ្ដើមបានដែនដីបន្ថែមទៀតពីរុស្ស៊ីក្នុងការវាយបក

អង្គការសហប្រជាជាតិនិយាយថា ពិភពលោកកំពុងដឹកនាំទិសដៅខុសអំពីបញ្ហាអាកាសធាតុ

វិមានក្រឹមឡាំង៖ លោក Vladimir Putin និងលោក Xi Jinping នឹងពិភាក្សាពីបញ្ហាអ៊ុយក្រែន និងកោះតៃវ៉ាន់

កម្ពុជា-វៀតណាម ប្ដេជ្ញាបំពេញចំណុចខ្វះខាត នៃកិច្ចព្រមព្រៀងមួយចំនួនឲ្យកាន់តែល្អប្រសើរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ភាព​តានតឹង​ក្នុង​ប្រទេស​ហៃ​ទី ខណៈ​កើនឡើង​តម្លៃ​ឧស្ម័ន​បង្ក​ឲ្យមាន​ការតវ៉ា​

មនុស្ស​ម្នាក់​ស្លាប់ និង ​២​នាក់​រងរបួស​ក្នុងការ​បាញ់ប្រហារ​នៅ​មូលដ្ឋាន​យោធា​ថៃ​

ពលរដ្ឋ​ជាច្រើន​បើកភ្លើង​ទូរស័ព្ទ ​ខណៈ​ព្រះ​ម​ជ្ឈូ​សា​មកដល់​ព្រះរាជវាំង

អ៊ុយក្រែនប្រកាស​ពី​ការដណ្ដើម​បាន​ដែនដី​បន្ថែមទៀត​ពី​រុស្ស៊ី​ក្នុងការ​វាយបក

អង្គការសហប្រជាជាតិ​និយាយថា​ ពិភពលោក​កំពុង​ដឹកនាំ​ទិសដៅ​ខុស​អំពី​បញ្ហា​អាកាសធាតុ​

វិមាន​ក្រឹម​ឡាំង​៖ លោក Vladimir Putin និង​លោក Xi Jinping នឹង​ពិភាក្សា​ពី​បញ្ហា​អ៊ុយ​ក្រែ​ន និងកោះ​តៃវ៉ាន់​

កម្ពុជា-វៀតណាម ប្ដេជ្ញាបំពេញចំណុចខ្វះខាត នៃកិច្ចព្រមព្រៀងមួយចំនួនឲ្យកាន់តែល្អប្រសើរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ភាពតានតឹងក្នុងប្រទេសហៃទី ខណៈកើនឡើងតម្លៃឧស្ម័នបង្កឲ្យមានការតវ៉ា

មនុស្សម្នាក់ស្លាប់ និង ២នាក់រងរបួសក្នុងការបាញ់ប្រហារនៅមូលដ្ឋានយោធាថៃ

ពលរដ្ឋជាច្រើនបើកភ្លើងទូរស័ព្ទ ខណៈព្រះមជ្ឈូសាមកដល់ព្រះរាជវាំង

អ៊ុយក្រែនប្រកាសពីការដណ្ដើមបានដែនដីបន្ថែមទៀតពីរុស្ស៊ីក្នុងការវាយបក

អង្គការសហប្រជាជាតិនិយាយថា ពិភពលោកកំពុងដឹកនាំទិសដៅខុសអំពីបញ្ហាអាកាសធាតុ

វិមានក្រឹមឡាំង៖ លោក Vladimir Putin និងលោក Xi Jinping នឹងពិភាក្សាពីបញ្ហាអ៊ុយក្រែន និងកោះតៃវ៉ាន់