BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

លោក Trump និយាយថា គេហដ្ឋានរបស់លោកក្នុងរដ្ឋ Florida ត្រូវបានក្រុម FBI ឆ្មក់ចូលឆែកឆេរ

សហរដ្ឋអាមេរិក៖ អតីតប្រធានាធិបតីសហរដ្ឋអាមេរិក Donald Trump បាននិយាយកាលពីថ្ងៃចន្ទថា គេហដ្ឋាន Mar-A- Lago របស់លោកនៅក្នុងរដ្ឋ Florida ត្រូវបានទីភ្នាក់ងារ FBI ឆ្មក់ចូលឆែកឆេរ ជាអ្វីដែលលោកបានហៅថា ជាទង្វើនៃការប្រព្រឹត្តមិនត្រឹមត្រូវរបស់រដ្ឋអាជ្ញា។ លោកបាននិយាយនៅក្នុងសេចក្ដីថ្លែងការណ៍ដែលបានបង្ហោះនៅលើបណ្ដាញសង្គម Truth របស់លោកថា ទាំងនេះគឺជាពេលវេលាដ៏ងងឹតសម្រាប់ប្រទេសជាតិរបស់យើង ព្រោះថា គេហដ្ឋានដ៏ស្រស់ស្អាតរបស់ខ្ញុំនៅ Mar-A-Lago ក្នុងតំបន់ឆ្នេរសមុទ្រ Palm Beach រដ្ឋ Florida ពេលនេះកំពុងរងការឡោមព័ទ្ធឆ្មក់ចូលឆែកឆេរ និងត្រូវបានគ្រប់គ្រងដោយក្រុមមនុស្សដ៏ច្រើនរបស់ទីភ្នាក់ងារ FBI។ លោក Trump និយាយថា នេះជាការប្រព្រឹត្តមិនត្រឹមត្រូវរបស់រដ្ឋអាជ្ញាដែលជាអាវុធនៃប្រព័ន្ធយុត្តិធម៌ និងជាការវាយប្រហារដោយក្រុមប្រជាធិបតេយ្យឆ្វេងនិយមជ្រុល ដែលមិនចង់ឲ្យខ្ញុំឈរឈ្មោះជាប្រធានាធិបតីឆ្នាំ២០២៤។ទីភ្នាក់ងារ FBI បានបដិសេធមិនធ្វើអត្ថាធិប្បាយទេលើបញ្ហាថា តើការឆែកឆេរកំពុងកើតឡើង ឬអាចមានរឿងអ្វីកើតឡើង ឬក៏លោក Trump មិនបានផ្តល់ការចង្អុលបង្ហាញអំពីមូលហេតុ ដែលភ្នាក់ងារសហព័ន្ធនៅផ្ទះរបស់លោក។ អង្គភាព National Archives បាននិយាយកាលពីខែកុម្ភៈថា ខ្លួនបានរកឃើញឯកសារចំនួន ១៥កេសមកពីលំនៅឋានរដ្ឋ Florida របស់លោក Trump ដែលសារព័ត៌មាន Washington Post បានផ្សព្វផ្សាយរួមមានអត្ថបទមានការផ្ទៀងផ្ទាត់រួចរាល់ ដែលលោកបានយកទៅជាមួយលោកនៅពេលលោកចាកចេញពីទីក្រុង Washington ក្រោយការបរាជ័យការបោះឆ្នោតអាណត្តិទី២ របស់លោក៕អត្ថបទ៖ សុខមាន

រុស្ស៊ី និងអ៊ុយក្រែនចោទដាក់គ្នាទៅវិញទៅមកជុំវិញការវាយប្រហារលើរោងចក្រនុយក្លេអ៊ែរ

អ៊ុយក្រែន៖ រុស្ស៊ី និងអ៊ុយក្រែនបានចោទប្រកាន់ដាក់គ្នាទៅវិញទៅមកកាលពីថ្ងៃចន្ទថា ភាគីនីមួយៗកំពុងបាញ់ផ្លោងទៅលើរោងចក្រថាមពលនុយក្លេអ៊ែរធំបំផុតរបស់អឺរ៉ុប នៅក្នុងប្រទេសអ៊ុយក្រែនភាគខាងត្បូង។ រុស្ស៊ីអះអាងថា ការបាញ់ផ្លោងរបស់កងកម្លាំងអ៊ុយក្រែនបានធ្វើឲ្យចរន្តភ្លើងបុកឡើងខ្លាំង និងឆេះ និងបានបង្ខំឲ្យបុគ្គលិកទម្លាក់ទិន្នផលផលិតពីម៉ាស៊ីនរ៉េអាក់ទ័រចំនួន២ ខណៈអ៊ុយក្រែនបានស្ដីបន្ទោសទាហានរុស្ស៊ីថា បានស្តុកអាវុធនៅទីនោះ។ ក្រុមអ្នកជំនាញនុយក្លេអ៊ែរបានព្រមានថា ការបាញ់ផ្លោងកាន់តែច្រើនទៅលើស្ថានីយថាមពលនុយក្លេអ៊ែរ Zaporizhzhia ដែលត្រូវបានរុស្ស៊ីវាយដណ្ដើមគ្រប់គ្រងកាលពីសង្គ្រាមដំណាក់កាលដំបូង កំពុងជួបគ្រោះថ្នាក់។ វិមានក្រឹមឡាំងបានបន្ទរកាលពីថ្ងៃចន្ទដោយអះអាងថា ក្រុង Kyiv កំពុងវាយប្រហាររោងចក្រ និងជំរុញឲ្យមហាអំណាចលោកខាងលិចបង្ខំឲ្យបញ្ឈប់ទង្វើនេះ។អ្នកនាំពាក្យវិមានក្រឹមឡាំងលោក Dmitry Peskov បានប្រាប់ក្រុមអ្នកសារព័ត៌មានថា ការបាញ់ផ្លោងទៅលើតំបន់រោងចក្រនុយក្លេអ៊ែរពីសំណាក់កងកម្លាំងប្រដាប់អាវុធអ៊ុយក្រែន មានគ្រោះថ្នាក់ខ្លាំងណាស់។ រោងចក្រនេះប្រឈមនឹងផលវិបាកដ៏មហន្តរាយសម្រាប់ដែនដីដ៏ធំជាច្រើន ក៏ដូចជាអឺរ៉ុបទាំងមូល។ ចំណែកអ្នកនាំពាក្យចារកម្មយោធាអ៊ុយក្រែនលោក Andriy Yusov បានទាត់ចោលដោយនិយាយថា កងកម្លាំងរុស្ស៊ីបានបំផ្ទុះគ្រឿងផ្ទុះនៅរោងចក្រនោះ ដើម្បីទប់ស្កាត់ការវាយប្រហាររបស់អ៊ុយក្រែន ដែលបានរំពឹងទុកនៅក្នុងតំបន់នេះ។ ក្រុមមន្ត្រីអ៊ុយក្រែនបាននិយាយថា រុស្ស៊ីកំពុងវាយប្រហារចេញពីរោងចក្រនោះ និងប្រើប្រាស់កម្មករជនជាតិអ៊ុយក្រែននៅទីនោះធ្វើជាខែល៕អត្ថបទ៖ សុខមាន

លោក Biden ព្រួយបារម្ភ ខណៈចិនបន្ថែមពេលវេលាធ្វើសមយុទ្ធយោធានៅជុំវិញកោះតៃវ៉ាន់

សហរដ្ឋអាមេរិក៖ កាលពីថ្ងៃទី៨ ខែសីហា លោកប្រធានាធិបតីអាមេរិក Joe Biden បាននិយាយថា ខណៈលោកមិនបារម្ភអំពីកោះតៃវ៉ាន់ លោកបារម្ភពីសកម្មភាពរបស់ចិននៅក្នុងតំបន់ ក្រោយដំណើរទស្សនកិច្ចរបស់ប្រធានសភាលោកស្រី Pelosi ទៅកាន់ទីក្រុងតៃប៉ិ។ ទោះយ៉ាងណាលោកបានបន្ថែមថា លោកមិនជឿថា ចិននឹងធ្វើអ្វីឲ្យច្រើនជាងនេះទៀតទេ។ ពេលនេះចិនអះអាងថា ខ្លួនកំពុងបន្ថែមពេលវេលាសមយុទ្ធយោធា ដែលជាការគំរាមកំហែងជិតកោះតៃវ៉ាន់ ដែលបានបង្កើនក្ដីបារម្ភយ៉ាងខ្លាំងអំពីលទ្ធភាពនៃសង្គ្រាម និងការអាក់ខានចរាចរណ៍ដែនអាកាស និងការធ្វើដំណើរតាមសមុទ្រ។ យោងតាមក្រុមមេដឹកនាំយោធា សមយុទ្ធទាំងនោះនឹងរាប់បញ្ចូលទាំងសមយុទ្ធប្រឆាំងនាវាមុជទឹក ដែលទំនងជាចង់បំផ្លាញការគាំទ្ររបស់អាមេរិកសម្រាប់កោះតៃវ៉ាន់ ក្នុងសកម្មភាពដែលអាចថានឹងមានការវាយប្រហារពីចិន។ សមយុទ្ធទាំងអស់ដែលមានការចូលរួមពីការវាយប្រហារដោយមីស៊ីល សកម្មភាពយន្តហោះចម្បាំង និងនាវាឆ្លងកាត់ខ្សែបន្ទាត់កណ្ដាលរបស់ច្រកសមុទ្រតៃវ៉ាន់ គឺជាការសងសឹកចំពោះដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះស្វ័យគ្រប់គ្រងមួយនេះកាលពីពេលថ្មីៗនេះ មានការអំពាវនាវឲ្យចិនបន្ថយភាពតានតឹង ប៉ុន្តែពុំមានសុចនាករពីការបន្ធូរបន្ថយភាពតានតឹងពីសំណាក់ក្រុងប៉េកាំងទេ។កាលពីថ្ងៃទី៨ ខែសីហា អ្នកនាំពាក្យក្រសួងការពារជាតិចិនលោក Wu Qian បាននិយាយថា ប្រទេសចិនបានអំពាវនាវដល់សហរដ្ឋអាមេរិកឲ្យគោរពផលប្រយោជន៍របស់ក្រុងប៉េកាំង និងបោះបង់គំនិតប្រើកោះតៃវ៉ាន់ជាឧបករណ៍ ដោយបន្ថែមថា សហរដ្ឋអាមេរិកត្រូវតែសងរាល់ការខូចខាត នៃភាពតានតឹងពេលបច្ចុប្បន្នជុំវិញកោះតៃវ៉ាន់៕អត្ថបទ៖ សុខមាន

យោធាចិននិយាយថា សមយុទ្ធនៅបន្តជុំវិញកោះតៃវ៉ាន់នៅថ្ងៃចន្ទនេះ

ចិន៖ យោធារបស់ប្រទេសចិនបានប្រកាស ការធ្វើសមយុទ្ធយោធាថ្មីនៅថ្ងៃចន្ទនេះនៅលើសមុទ្រ និងដែនអាកាសជុំវិញកោះតៃវ៉ាន់ មួយថ្ងៃបន្ទាប់ពីការបញ្ចប់តាមការគ្រោងទុកនៃសមយុទ្ធទ្រង់ទ្រាយធំបំផុតមិនធ្លាប់មាន ដើម្បីតវ៉ាប្រឆាំងដំណើរទស្សនកិច្ចកាលពីសប្តាហ៍មុនមកកាន់ទីក្រុងតៃប៉ិ របស់ប្រធានសភាសហរដ្ឋអាមេរិកលោកស្រី Nancy Pelosi។ ទីបញ្ជាការសម្របសម្រួលភាគខាងកើតរបស់ប្រទេសចិនបាននិយាយថា ទីបញ្ជាការនឹងធ្វើសមយុទ្ធរួមដែលផ្តោតលើប្រតិបត្តិការប្រឆាំងនាវាមុជទឹក និងការវាយប្រហារតាមសមុទ្រ ដោយអះអាងការព្រួយបារម្ភរបស់អ្នកវិភាគសន្តិសុខ និងអ្នកការទូតមួយចំនួនថា ទីក្រុងប៉េកាំងនឹងបន្តរក្សាសម្ពាធលើការការពារកោះតៃវ៉ាន់។ ដំណើរទស្សនកិច្ចរបស់លោកស្រី Pelosi មកកាន់កោះតៃវ៉ាន់កាលពីសប្តាហ៍មុនបានធ្វើឱ្យប្រទេសចិនមានកំហឹង ដែលបានចាត់ទុកកោះស្វ័យគ្រប់គ្រងមួយនេះថាជាខេត្តមួយរបស់ខ្លួន ហើយបានឆ្លើយតបដោយការបាញ់សាកល្បងមីស៊ីលបាលីស្ទីកនៅលើទីក្រុងតៃប៉ិជាលើកដំបូង ព្រមទាំងការលុបចោលកិច្ចសន្ទនាមួយចំនួនជាមួយទីក្រុងវ៉ាស៊ីនតោន។ រយៈពេល និងទីតាំងជាក់លាក់នៃសមយុទ្ធចុងក្រោយនេះមិនទាន់ដឹងនៅឡើយនោះទេ។ភ្លាមៗមុនពេលការធ្វើសមយុទ្ធចុងក្រោយដែលត្រូវបានប្រកាស ប្រធានាធិបតីកោះតៃវ៉ាន់លោកស្រី Tsai Ing-wen បានជួបសន្ទនាជាមួយនាយករដ្ឋមន្ត្រីកោះ Saint Vincent និង Grenadines លោក Ralph Gonsalves ដោយបានប្រាប់លោកថា លោកស្រីមានការរំភើបដោយការប្តេជ្ញាចិត្តរបស់លោកក្នុងដំណើរទស្សនកិច្ច ទោះបីជាមានគំនាបយោធារបស់ប្រទេសចិនក៏ដោយ។ នាយករដ្ឋមន្ត្រីលោក Gonsalves បាននិយាយកាលពីប៉ុន្មានថ្ងៃថ្មីៗនេះថា សមយុទ្ធយោធារបស់ចិន និងមិនអាចទប់ស្កាត់លោកមិនឲ្យមកធ្វើទស្សនកិច្ចនៅកោះតៃវ៉ាន់បាននោះទេ៕អត្ថបទ៖ ប៊ុនថន

ចិនបង្ហាញពីមូលហេតុដែលខ្លួនគិតថា អាមេរិកបញ្ជូនលោកស្រី Pelosi មកកាន់កោះតៃវ៉ាន់

ចិន៖ ទីក្រុងប៉េកាំងបាននិយាយថា ដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi មកកាន់កោះតៃវ៉ាន់អាចជាផ្នែកមួយ នៃការប៉ុនប៉ងរបស់ទីក្រុងវ៉ាស៊ីនតោនក្នុងបំណងបង្កើតលេស ដើម្បីដាក់ពង្រាយយោធារបស់ខ្លួនបន្ថែមទៀតមកកាន់តំបន់នេះ។ នៅក្នុងសេចក្តីថ្លែងការណ៍ដែលបានធ្វើឡើង ក្នុងអំឡុងដំណើរទស្សនកិច្ចរបស់លោកទៅកាន់ប្រទេសបង់ក្លាដែស និងបានចេញផ្សាយកាលពីថ្ងៃអាទិត្យ រដ្ឋមន្ត្រីការបរទេសចិនលោក Wang Yi បាននិយាយថា មានសញ្ញាបង្ហាញថា សហរដ្ឋអាមេរិកកំពុងព្យាយាមប្រើល្បិចចាស់របស់ខ្លួនឡើងវិញ។ អ្នកការទូតរូបនេះបានបញ្ជាក់ច្បាស់ថា ទីក្រុងវ៉ាស៊ីនតោនមានប្រវត្តិបង្កើតបញ្ហាជាមុន ហើយក្រោយមកប្រើប្រាស់បញ្ហានោះធ្វើឲ្យផែនការយុទ្ធសាស្ត្ររបស់ខ្លួន ក្លាយជាការពិតនៅទីដទៃទៀតនៅលើសកលលោក។ យោងតាមលោករដ្ឋមន្ត្រីបានឲ្យដឹងថា អ្នកមានតួនាទីក្នុងតំបន់គួរតែប្រឆាំងនឹងការបង្កើនវត្តមានយោធា របស់សហរដ្ឋអាមេរិកនៅក្នុងតំបន់ជុំវិញកោះតៃវ៉ាន់។ ទីក្រុងប៉េកាំងបានក្រើនរំលឹកទីក្រុងវ៉ាស៊ីនតោនថា កោះតៃវ៉ាន់មិនមែនជាផ្នែករបស់សហរដ្ឋអាមេរិកនោះទេ ប៉ុន្តែជាទឹកដីរបស់ប្រទេសចិន ហើយតាមរយៈការផ្តល់ភ្លើងខៀវចំពោះដំណើរទស្សនកិច្ចរបស់លោកស្រី Pelosi សហរដ្ឋអាមេរិកមិនបានរក្សាសន្យាក្នុងការប្តេជ្ញាចិត្តរបស់ខ្លួនចំពោះបូរណភាពទឹកដីរបស់ប្រទេសចិន។លោក Wang Yi បានបន្តអធិប្បាយអំពីការឆ្លើយតបខ្លាំងក្លារបស់ប្រទេសចិន ដែលស្ថិតក្នុងចំណោមបញ្ហាផ្សេងៗទៀតរួមមានការដាក់ទណ្ឌកម្មថា ជាការស្របច្បាប់ សមហេតុផល ចាំបាច់ បើកចំហ និងសមស្រប។ លោកបានបន្ថែមថា វិធានការក្នុងការចោទប្រកាន់គឺមានបំណងរារាំង ការប៉ុនប៉ងរបស់សហរដ្ឋអាមេរិកមិនឲ្យប្រើប្រាស់កោះតៃវ៉ាន់ ដើម្បីគ្រប់គ្រងប្រទេសចិន។ អ្នកការទូតកំពូលរបស់ប្រទេសចិនបានអះអាងថា ដំណើរទស្សនកិច្ចរបស់លោកស្រី Pelosi បានចូលរួមការលើកលែងទោសដល់កងកម្លាំងផ្តាច់ខ្លួន ដែលគាំទ្រឯករាជ្យភាពរបស់កោះតៃវ៉ាន់។ ក្នុងនាមជាមនុស្សលំដាប់ទីបីក្នុងរដ្ឋាភិបាលសហរដ្ឋអាមេរិក លោកស្រី Pelosi បានរួមកម្លាំងជាមួយក្រុមផ្តាច់ខ្លួនហើយប្រឆាំងប្រជាជនចិន។ លោក Wang Yi បានចាត់ទុកគោលនយោបាយមិនជ្រៀតជ្រែកក្នុងកិច្ចការផ្ទៃក្នុងរបស់ប្រទេសដទៃថា ជាច្បាប់មាសសម្រាប់ទំនាក់ទំនងរវាងរដ្ឋ និងរដ្ឋ៕អត្ថបទ៖ ប៊ុនថន

ប្រមុខអង្គការសហប្រជាជាតិព្រមានជាថ្មីលើបញ្ហានុយក្លេអ៊ែរក្នុងដំណើរទស្សនកិច្ចនៅជប៉ុន

ជប៉ុន៖ អគ្គលេខាធិការអង្គការសហប្រជាជាតិលោក Antonio Guterres នៅថ្ងៃចន្ទនេះបានព្រមានជាថ្មីប្រឆាំងអាវុធនុយក្លេអ៊ែរ រយៈពេលពីរថ្ងៃបន្ទាប់ពីលោកបានចូលរួមក្នុងព្រឹត្តិការណ៍ប្រារព្ធខួបលើកទី77 នៃការទម្លាក់គ្រាប់បែកនៅទីក្រុងហ៊ីរ៉ូស៊ីម៉ា។ លោក Guterres បានថ្លែងទៅកាន់ក្លឹបអ្នកសារព័ត៌មានជាតិជប៉ុននៅទីក្រុងតូក្យូថា នេះគឺជាពេលដែលហានិភ័យនៃការប្រឈមមុខដាក់គ្នាដោយអាវុធនុយក្លេអែរត្រលប់មកវិញ ជារឿងដែលយើងបានបំភ្លេចចោលអស់ជាច្រើនទសវត្សរ៍មកហើយ។ អគ្គលេខាធិការអង្គការសហប្រជាជាតិបានបន្តអង្វរ ដល់រដ្ឋមានអាវុធនុយក្លេអ៊ែរឲ្យប្តេជ្ញាចិត្តថា នឹងមិនប្រើប្រាស់អាវុធនុយក្លេអ៊ែរមុនគេ និងមិនត្រូវប្រើប្រាស់ ឬគំរាមកំហែងដល់រដ្ឋគ្មាននុយក្លេអ៊ែរ តាមរយៈការប្រើប្រាស់នុយក្លេអ៊ែរដោយតម្លាភាពពេញលេញទាក់ទងនឹងឃ្លាំងអាវុធរបស់ខ្លួន។ អគ្គលេខាធិការអង្គការសហប្រជាជាតិបាននិយាយថា នៅពេលដែលភាពតានតឹងផ្នែកភូមិសាស្ត្រនយោបាយកំពុងកើនឡើង និងការគំរាមកំហែងនុយក្លេអ៊ែរត្រលប់មកវិញដែលត្រូវផ្តោតការយកចិត្តទុកដាក់។ប្រធានអង្គការសហប្រជាជាតិកាលពីថ្ងៃសៅរ៍ បានចូលរួមពិធីនៅឧទ្យានសន្តិភាព Hiroshima ដើម្បីប្រារព្ធខួប។ សហរដ្ឋអាមេរិកបានទម្លាក់គ្រាប់បែកបរមាណូលើកដំបូង របស់ពិភពលោកទៅលើទីក្រុង Hiroshima នៅថ្ងៃទី6 ខែសីហា ឆ្នាំ1945 ដោយបានបំផ្លាញទីក្រុង និងបណ្តាលឲ្យមនុស្ស 140,000នាក់ស្លាប់។ ប្រទេសនេះបានទម្លាក់គ្រាប់បែកលើកទីពីររយៈពេលបីថ្ងៃក្រោយមកលើទីក្រុង Nagasaki បណ្តាលឲ្យមនុស្ស 70,000នាក់បន្ថែមទៀតស្លាប់។ ការព្រួយបារម្ភនៃការទម្លាក់គ្រាប់បែកបរមាណូលើកទីបី បានកើនឡើងក្នុងពេលមានការគំរាមកំហែងរបស់រុស្ស៊ីក្នុងការវាយប្រហារនុយក្លេអ៊ែរ ចាប់តាំងពីសង្គ្រាមរបស់ខ្លួនលើអ៊ុយក្រែនចាប់ផ្តើមកាលពីខែកុម្ភៈ៕អត្ថបទ៖ ប៊ុនថន

ការបិទខ្ទប់បណ្តាលឲ្យមនុស្សរាប់ពាន់នាក់ជាប់គាំងនៅរមណីយដ្ឋានប្រទេសចិន

ចិន៖ ក្រុមអ្នកទេសចរប្រមាណ ៨ម៉ឺននាក់កំពុងជាប់គាំងនៅក្នុងរមណីយដ្ឋានឆ្នេរសមុទ្រក្រុង Sanya ភាគខាងត្បូងប្រទេសចិន បន្ទាប់ពីអាជ្ញាធរបានប្រកាសថា វាជាទីតាំងចំណុចក្តៅនៃវីរុស COVID-19 និងបានដាក់វិធានការបិទខ្ទប់។ វិធានការរឹតត្បិតបានចូលជាធរមានកាលពីថ្ងៃសៅរ៍ ខណៈអាជ្ញាធរបានស្វែងរកការទប់ស្កាត់ការរាលដាលវីរុស COVID-19 នៅក្នុងទីក្រុងកោះហៃណានត្រូពិច។ មានករណីដែលបានបញ្ជាក់ចំនួន ២២៩ករណីកាលពីថ្ងៃសុក្រ និង ១២៩ករណីបន្ថែមទៀតកាលពីថ្ងៃសៅរ៍។ អាជ្ញាធរអយស្ម័យយានបានដាក់បម្រាមការលក់សំបុត្រទាំងអស់នៅក្នុងក្រុង Sanya ខណៈជើងហោះហើរទាំងអស់ក៏ត្រូវបានលុបចោលកាលពីថ្ងៃសៅរ៍។ អាជ្ញាធរនិយាយថា អ្នកទេសចរដែលចង់ចាកចេញពីក្រុង Sanya ត្រូវធ្វើតេស្តអវិជ្ជមានវីរុសកូរ៉ូណា និងធ្វើតេស្ត PCR ចំនួនប្រាំដងក្នុងរយៈពេលប្រាំពីរថ្ងៃ។មន្ត្រីទីក្រុងបាននិយាយក្នុងសន្និសីទសារព័ត៌មានថា សណ្ឋាគារនឹងផ្តល់ជូនភ្ញៀវនូវការបញ្ចុះតម្លៃ ៥០% ក្នុងអំឡុងពេលនៃវិធានការបិទខ្ទប់។ វិធានការបិទខ្ទប់នេះធ្វើឡើងក្នុងរដូវកាលទេសចរណ៍កើនឡើងខ្ពស់នៅក្រុង Sanya ដែលល្បីល្បាញសម្រាប់រមណីយដ្ឋាន និងឆ្នេរសមុទ្រ។ បក្សកុម្មុយនិស្តដែលកំពុងកាន់អំណាចរបស់ប្រទេសចិន បានប្រកាន់ខ្ជាប់វិធានការគ្មាន COVID ដែលមានការជំទាស់កាន់តែខ្លាំងពីតំបន់ដទៃទៀតលើពិភពលោក។ ការផ្ទុះឡើងវីរុសនៅទីក្រុងសៀងហៃកាលពីពេលថ្មីៗនេះបានរាលដាលយ៉ាងខ្លាំង ដែលអាជ្ញាធរបានបិទខ្ទប់ទីក្រុងទាំងមូល ជាទីក្រុងធំបំផុតរបស់ប្រទេសចិនអស់រយៈពេល ២ខែដោយបានធ្វើឲ្យជាប់គាំងមនុស្សរាប់លាននាក់ និងបង្កផលប៉ះពាល់ដល់សេដ្ឋកិច្ចជាតិ៕អត្ថបទ៖ ប៊ុនថន

ចិនប្រកាសធ្វើសមយុទ្ធយោធាថ្មីបង្កើនការគំរាមប្រឆាំងកោះតៃវ៉ាន់

ចិន៖ ប្រទេសចិនកាលពីថ្ងៃអាទិត្យបានប្រកាសថា ខ្លួននឹងធ្វើសមយុទ្ធយោធាបាញ់គ្រាប់ពិតនៅសមុទ្រលឿង និងសមុទ្រ Bohai។ រដ្ឋបាលសុវត្ថិភាពដែនសមុទ្របាននិយាយក្នុងសេចក្ដីថ្លែងការណ៍ថា សមយុទ្ធនៅសមុទ្រ Bohai នឹងត្រូវធ្វើឡើងចាប់ពីថ្ងៃទី៨ ខែសីហានេះដល់ថ្ងៃទី៨ ខែកញ្ញា ចំណែកសមយុទ្ធមួយទៀតនៅសមុទ្រលឿងបានធ្វើកាលពីថ្ងៃទី៧ និងបន្តរហូតដល់ថ្ងៃទី១៥ ខែសីហានេះ។ ក្រុងប៉េកាំងបានធ្វើសមយុទ្ធយោធាទ្រង់ទ្រាយធំបំផុត ជុំវិញកោះតៃវ៉ាន់កាលពីថ្ងៃព្រហស្បតិ៍សប្ដាហ៍មុន បន្ទាប់ពីដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi ទៅកាន់កោះស្វ័យគ្រប់គ្រងមួយនេះដែលរងការព្រមានធ្ងន់ៗពីចិន។ចិនចាត់ទុកកោះតៃវ៉ាន់ជាខេត្តផ្ដាច់ខ្លួន ទោះបីក្រុងតៃប៉ិបានគ្រប់គ្រងកោះនេះចាប់តាំងពីឆ្នាំ១៩៤៩ ក៏ដោយ។ ចិនបានប្ដេជ្ញាបង្រួបបង្រួមឡើងវិញជាមួយកោះនេះ រួមទាំងការប្រើប្រាស់កម្លាំងក្នុងករណីចាំបាច់៕អត្ថបទ៖ សុខមាន

សារព័ត៌មានរដ្ឋរុស្ស៊ី៖ កូរ៉េខាងជើងផ្ដល់កងទ័ព ១០ម៉ឺននាក់ជួយប្រយុទ្ធក្នុងសង្គ្រាមនៅអ៊ុយក្រែន

រុស្ស៊ី៖ យោងតាមសារព័ត៌មានរដ្ឋរបស់រុស្ស៊ីឲ្យដឹងថា កូរ៉េខាងជើងបានផ្ដល់កងទ័ពស្ម័គ្រចិត្ត ១០ម៉ឺននាក់ទៅឲ្យវិមានក្រឹមឡាំងដើម្បីជួយរុស្ស៊ីយកឈ្នះសង្គ្រាមជាមួយអ៊ុយក្រែន។ សារព័ត៌មាន New York Post បានរាយការណ៍ថា អ្នកជំនាញយោធារុស្ស៊ីលោក Igor Korotchenko នៅស្ថានីយទូរទស្សន៍រដ្ឋរុស្ស៊ី Channel One បាននិយាយថា មានរបាយការណ៍ថា អ្នកស្ម័គ្រចិត្តកូរ៉េខាងជើង ១០ម៉ឺននាក់បានត្រៀមខ្លួនចូលរួមក្នុងជម្លោះនេះ។ សារព័ត៌មានខាងលើបានរាយការណ៍ថា លោក Korotchenko បានកោតសរសើរពីបទពិសោធន៍ធ្វើសង្គ្រាមកាំភ្លើងធំរបស់យោធាកូរ៉េខាងជើង។ ទស្សនាវដ្ដីយោធាឆ្នាំ១៩៤៥ បានរាយការណ៍ថា សង្គ្រាមកាំភ្លើងធំដ៏មានប្រសិទ្ធភាពគឺមានសារៈសំខាន់សម្រាប់យោធារុស្ស៊ី បន្ទាប់ពីការសម្រេចចិត្តរបស់សហរដ្ឋអាមេរិកក្នុងការផ្ដល់ជំនួយប្រព័ន្ធកាំភ្លើងធំបាញ់គ្រាប់រ៉ូកែតដ៏ទំនើប HIMARS ដល់អ៊ុយក្រែន។ លោក Korotchenko បានលើកឡើងថា រុស្ស៊ីគួរតែស្វាគមន៍កងទ័ពកូរ៉េខាងជើង និងអ្នកជំនាញសង្គ្រាមកាំភ្លើងធំ។ កូរ៉េខាងជើងក៏ត្រូវបានរាយការណ៍ផងដែរថា បានត្រៀមបញ្ជូនក្រុមកម្មករដើម្បីជួយរុស្ស៊ីសាងសង់តំបន់ Donbas ឡើងវិញ៕អត្ថបទ៖ សុខមាន

អ្នករាយការណ៍ពិសេសរបស់ UN បាននិយាយថា ការវាយប្រហាររបស់អ៊ីស្រាអែលលើតំបន់ Gaza ជារឿងខុសច្បាប់

UN៖ អ្នករាយការណ៍ពិសេសរបស់អង្គការសហប្រជាជាតិ នៅដែនដីប៉ាឡេស្ទីនគ្រប់គ្រងដោយអ៊ីស្រាអែលនិយាយថា ការវាយឆ្មក់តាមអាកាសរបស់អ៊ីស្រាអែល ទៅលើតំបន់រងការឡោមព័ទ្ធមិនត្រឹមតែខុសច្បាប់ប៉ុណ្ណោះទេ ថែមទាំងគ្មានការទទួលខុសត្រូវទៀតផង ដោយអំពាវនាវឲ្យមានដំណោះស្រាយការទូត ដើម្បីបញ្ចប់អំពើហិង្សាដែលបានចាប់ផ្ដើមកាលពីថ្ងៃសុក្រ នៅពេលអ៊ីស្រាអែលបើកការវាយប្រហារតាមអាកាសលើទីក្រុង Gaza។ លោក Francesca Albanez បានប្រាប់សារព័ត៌មាន Al Jazeera ថា ស្ថានភាពនៅតំបន់ Gaza ស្ទើរតែបង្កឲ្យមានវិបត្តិមនុស្សធម៌។ មធ្យោបាយតែមួយគត់ដើម្បីធានាសុខុមាលភាពប្រជាជនជាតិប៉ាឡេស្ទីន គឺត្រូវដកការហ៊ុមព័ទ្ធគ្រប់ទីកន្លែង និងអនុញ្ញាតឲ្យដឹកជញ្ជូនជំនួយចូលទៅដល់ទីនោះ។ ឯកអគ្គរដ្ឋទូតសហរដ្ឋអាមេរិកប្រចាំនៅអ៊ីស្រាអែលលោក Tom Nides បានសរសេរនៅលើបណ្ដាញ Twitter កាលពីថ្ងៃសុក្រថា សហរដ្ឋអាមេរិកជឿជាក់យ៉ាងមុតមាំថា អ៊ីស្រាអែលមានសិទ្ធិការពារខ្លួន។ យើងកំពុងធ្វើការជាមួយភាគីផ្សេងៗ និងជំរុញឲ្យគ្រប់ភាគីទាំងអស់រក្សាភាពស្ងៀមស្ងាត់។ លោក Albanez បានរិះគន់សហរដ្ឋអាមេរិកដែលនិយាយថា ខ្លួនជឿថា អ៊ីស្រាអែលមានសិទ្ធិការពារខ្លួន។ លោកថា អ៊ីស្រាអែលមិនអាចអះអាងថា ខ្លួនកំពុងការពារខ្លួនឯងក្នុងជម្លោះនេះបានទេ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោក Trump ប្រាប់ថា មិនអាចឱ្យចិនយកឈ្នះអាមេរិក លើវិស័យ AI និងគ្រីបតូទេ

មនុស្ស ៣នាក់ស្លាប់ និង ២៣នាក់រងរបួស អំឡុងកុបកម្មនៅពន្ធនាគាររបស់ស្រីលង្កា

សហភាពអឺរ៉ុបអនុម័តទណ្ឌកម្មថ្មីពាក់ព័ន្ធនឹងបណ្ដាញវិស័យឧស្សាហកម្មយោធារបស់រុស្ស៊ី

ទីក្រុងប៉េកាំងមានភ្លៀងធ្លាក់ខ្លាំង ខណៈចិនកំពុងត្រៀមប្រឈមព្យុះទីហ្វុង Dolphin

អារ៉ាប៊ីសាអ៊ូឌីត ប៉ាគីស្ថាន និងទួរគី ចុះហត្ថលេខាលើកិច្ចព្រមព្រៀងការពារជាតិរួមគ្នា នៅទីក្រុង Mecca

លោក Trump បញ្ជាក់ថា អ៊ីរ៉ង់ចង់ដោះស្រាយជាមួយសហរដ្ឋអាមេរិក និងមិនចង់រងការវាយប្រហារទេ

ទិន្នន័យ៖ ការផ្ទុះឡើងនៃជំងឺអេបូឡានៅកុងហ្គោ លើសពី ៤.០០០ករណី

កុមារជាង ១០នាក់ បាត់ខ្លួន បន្ទាប់ពីលិចទូកនៅសាធារណរដ្ឋប្រជាធិបតេយ្យកុងហ្គោ

បែលហ្ស៊ិកនឹងដាក់ពង្រាយកងទ័ពនៅកោះ Greenland ជាផ្នែកមួយនៃបេសកកម្មរបស់អង្គការណាតូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Trump និយាយថា គេហដ្ឋានរបស់លោកក្នុងរដ្ឋ Florida ត្រូវបានក្រុម FBI ឆ្មក់ចូលឆែកឆេរ

រុស្ស៊ី និងអ៊ុយក្រែនចោទដាក់គ្នាទៅវិញទៅមកជុំវិញការវាយប្រហារលើរោងចក្រនុយក្លេអ៊ែរ

លោក Biden ព្រួយបារម្ភ ខណៈចិនបន្ថែមពេលវេលាធ្វើសមយុទ្ធយោធានៅជុំវិញកោះតៃវ៉ាន់

យោធាចិននិយាយថា សមយុទ្ធនៅបន្តជុំវិញកោះតៃវ៉ាន់នៅថ្ងៃចន្ទនេះ

ចិនបង្ហាញពីមូលហេតុដែលខ្លួនគិតថា អាមេរិកបញ្ជូនលោកស្រី Pelosi មកកាន់កោះតៃវ៉ាន់

ប្រមុខអង្គការសហប្រជាជាតិព្រមានជាថ្មីលើបញ្ហានុយក្លេអ៊ែរក្នុងដំណើរទស្សនកិច្ចនៅជប៉ុន

ការបិទខ្ទប់បណ្តាលឲ្យមនុស្សរាប់ពាន់នាក់ជាប់គាំងនៅរមណីយដ្ឋានប្រទេសចិន

ចិនប្រកាសធ្វើសមយុទ្ធយោធាថ្មីបង្កើនការគំរាមប្រឆាំងកោះតៃវ៉ាន់

សារព័ត៌មានរដ្ឋរុស្ស៊ី៖ កូរ៉េខាងជើងផ្ដល់កងទ័ព ១០ម៉ឺននាក់ជួយប្រយុទ្ធក្នុងសង្គ្រាមនៅអ៊ុយក្រែន

អ្នករាយការណ៍ពិសេសរបស់ UN បាននិយាយថា ការវាយប្រហាររបស់អ៊ីស្រាអែលលើតំបន់ Gaza ជារឿងខុសច្បាប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Trump និយាយថា គេហដ្ឋាន​របស់​លោក​ក្នុង​រដ្ឋ Florida ត្រូវ​បាន​ក្រុម FBI ឆ្មក់​ចូល​ឆែកឆេរ​

រុស្ស៊ី និង​អ៊ុយ​ក្រែ​ន​ចោទ​ដាក់គ្នា​ទៅវិញទៅមក​ជុំវិញ​ការវាយប្រហារ​លើ​រោងចក្រ​នុយក្លេអ៊ែរ​

លោក Biden ព្រួយបារម្ភ ខណៈ​ចិន​បន្ថែម​ពេលវេលា​ធ្វើ​សម​យុទ្ធ​យោធា​នៅ​ជុំវិញ​កោះ​តៃវ៉ាន់​

យោធា​ចិន​និយាយ​ថា សម​យុទ្ធ​នៅ​បន្ត​ជុំវិញ​កោះ​តៃវ៉ាន់​នៅ​ថ្ងៃ​ចន្ទ​នេះ​

ចិនបង្ហាញពីមូលហេតុដែលខ្លួនគិតថា អាមេរិកបញ្ជូនលោកស្រី Pelosi មកកាន់កោះតៃវ៉ាន់

ប្រមុខ​អង្គការសហប្រជាជាតិ​ព្រមាន​ជាថ្មី​លើ​បញ្ហា​នុយក្លេអ៊ែរ​ក្នុង​ដំណើរ​ទស្សនកិច្ច​នៅ​ជប៉ុន

ការ​បិទ​ខ្ទប់​បណ្តាល​ឲ្យ​មនុស្ស​រាប់ពាន់នាក់​ជាប់​គាំង​នៅ​រមណីយដ្ឋាន​ប្រទេស​ចិន​

ចិន​ប្រកាស​ធ្វើ​សម​យុទ្ធ​យោធា​ថ្មី​បង្កើន​ការ​គំរាម​ប្រឆាំង​កោះ​តៃវ៉ាន់

អ្នករាយការណ៍​ពិសេស​របស់​ UN បាន​និយាយថា ការវាយប្រហារ​របស់​អ៊ីស្រាអែល​លើ​តំបន់ Gaza​ ជា​រឿង​ខុសច្បាប់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Trump និយាយថា គេហដ្ឋានរបស់លោកក្នុងរដ្ឋ Florida ត្រូវបានក្រុម FBI ឆ្មក់ចូលឆែកឆេរ

រុស្ស៊ី និងអ៊ុយក្រែនចោទដាក់គ្នាទៅវិញទៅមកជុំវិញការវាយប្រហារលើរោងចក្រនុយក្លេអ៊ែរ

លោក Biden ព្រួយបារម្ភ ខណៈចិនបន្ថែមពេលវេលាធ្វើសមយុទ្ធយោធានៅជុំវិញកោះតៃវ៉ាន់

យោធាចិននិយាយថា សមយុទ្ធនៅបន្តជុំវិញកោះតៃវ៉ាន់នៅថ្ងៃចន្ទនេះ

ប្រមុខអង្គការសហប្រជាជាតិព្រមានជាថ្មីលើបញ្ហានុយក្លេអ៊ែរក្នុងដំណើរទស្សនកិច្ចនៅជប៉ុន

ការបិទខ្ទប់បណ្តាលឲ្យមនុស្សរាប់ពាន់នាក់ជាប់គាំងនៅរមណីយដ្ឋានប្រទេសចិន

ចិនប្រកាសធ្វើសមយុទ្ធយោធាថ្មីបង្កើនការគំរាមប្រឆាំងកោះតៃវ៉ាន់

អ្នករាយការណ៍ពិសេសរបស់ UN បាននិយាយថា ការវាយប្រហាររបស់អ៊ីស្រាអែលលើតំបន់ Gaza ជារឿងខុសច្បាប់