BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

UN៖ កិច្ចព្រមព្រៀងស្តីពីការបន្តនាំចេញគ្រាប់ធញ្ញជាតិរបស់អ៊ុយក្រែនក្នុងពេលមានសង្គ្រាមគឺជាសញ្ញានៃក្តីសង្ឃឹម

ទួរគី៖ ប្រទេសរុស្ស៊ី និងអ៊ុយក្រែនបានចុះហត្ថលេខាលើកិច្ចព្រមព្រៀងដាច់ដោយឡែកពីគ្នាកាលពីថ្ងៃសុក្រ ដោយប្រទេសទួរគី និងអង្គការសហប្រជាជាតិជួយសម្របសម្រួលសម្រាប់ ការនាំចេញគ្រាប់ធញ្ញជាតិអ៊ុយក្រែនរាប់លានតោន ព្រមទាំងគ្រាប់ធញ្ញជាតិ និងជីរបស់រុស្ស៊ី ដោយបញ្ចប់ការប្រឈមមុខដាក់គ្នាក្នុងពេលសង្គ្រាម ដែលបានគំរាមកំហែងដល់សន្តិសុខស្បៀងនៅជុំវិញពិភពលោក។ អគ្គលេខាធិការអង្គការសហប្រជាជាតិលោក Antonio Guterres បានថ្លែងក្នុងពិធីចុះហត្ថលេខានៅទីក្រុង Istanbul ប្រទេសទួរគីថា កិច្ចព្រមព្រៀងដែលមិនធ្លាប់មានពីមុនមក ស្តីពីការបន្តការនាំចេញគ្រាប់ធញ្ញជាតិរបស់អ៊ុយក្រែនតាមច្រកសមុទ្រខ្មៅ ក្នុងពេលមានសង្គ្រាមគឺជាសញ្ញានៃក្តីសង្ឃឹមនៅទូទាំងពិភពលោក ដែលត្រូវការជាចាំបាច់។ ផែនការរបស់អង្គការសហប្រជាជាតិដែលត្រួសត្រាយផ្លូវសម្រាប់គ្រាប់ធញ្ញជាតិ និងជីរបស់រុស្សីឈានទៅដល់ទីផ្សារពិភពលោក នឹងជួយរក្សាស្ថិរភាពតម្លៃស្បៀងអាហារនៅទូទាំងពិភពលោក និងទប់ស្កាត់គ្រោះទុរ្ភិក្សដែលប៉ះពាល់ដល់មនុស្សរាប់លាននាក់។ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃសុក្របាននិយាយថា កិច្ចព្រមព្រៀងគ្រាប់ធញ្ញជាតិដែលបានឈានដល់រវាងអ៊ុយក្រែន និងរុស្ស៊ីនៅទីក្រុងអ៊ីស្តង់ប៊ុល គឺជាសញ្ញាមួយផ្សេងទៀតដែលថា អ៊ុយក្រែនអាចទប់ទល់នឹងសង្គ្រាមនេះបាន។ លោកបាននិយាយថា គ្រាប់ធញ្ញជាតិប្រមាណ ២០លានតោនដែលមានតម្លៃ ១០ពាន់លានដុល្លារនឹងត្រូវនាំចេញ។កិច្ចព្រមព្រៀងនេះនឹងស្ថិតនៅជាធរមានសម្រាប់រយៈពេល ១២០ថ្ងៃគិតចាប់ពីថ្ងៃចុះហត្ថលេខាកាលពីថ្ងៃសុក្រ ហើយអាចបន្តដោយស្វ័យប្រវត្តិសម្រាប់រយៈពេលដូចគ្នា លុះត្រាតែរុស្ស៊ី ឬអ៊ុយក្រែនជូនដំណឹងដល់ភាគីផ្សេងទៀតថា ពួកគេមានបំណងកែប្រែ ឬបញ្ចប់វា។ ទន្ទឹមនឹងនេះ រដ្ឋមន្ត្រីការបរទេសរុស្ស៊ីលោក Sergey Lavrov កាលពីថ្ងៃសុក្របានសាទរចំពោះកិច្ចព្រមព្រៀងស្តីពីការនាំចេញស្បៀងអាហារ ដែលត្រូវបានចុះហត្ថលេខានៅទីក្រុងអ៊ីស្តង់ប៊ុល និងបាននិយាយថា វាបង្ហាញពីអ្វីដែលប្រទេសលោកខាងលិចកំពុងផ្លាស់ប្តូរ ការដាក់កំហុសលើទីក្រុងមូស្គូចំពោះបញ្ហាផ្គត់ផ្គង់គ្រាប់ធញ្ញជាតិ។ លោកសង្ឃឹមថា កិច្ចព្រមព្រៀងដែលបានចុះហត្ថលេខានឹងត្រូវបានអនុវត្តប្រកបដោយប្រសិទ្ធភាពនាពេលខាងមុខ ហើយរុស្ស៊ីនឹងបន្តភាពស្មោះត្រង់ចំពោះកាតព្វកិច្ចរបស់ខ្លួននៅក្នុងតំបន់នេះ៕អត្ថបទ៖ ប៊ុនថន

នគរបាលទីក្រុងកូឡុំបូបានចាប់ខ្លួនបាតុករនៅខាងក្រៅការិយាល័យប្រធានាធិបតី

ស្រីលង្កា៖ នគរបាលនៅក្នុងទីក្រុងកូឡំបូបានចាប់ខ្លួនក្រុមអ្នកតវ៉ាកាលពីល្ងាចថ្ងៃព្រហស្បតិ៍ បន្ទាប់ពីអ្នកនយោបាយជើងចាស់លោក Ranil Wickremesinghe បានស្បថចូលកាន់តំណែងជាប្រធានាធិបតីថ្មីរបស់ប្រទេសស្រីលង្កា។ យោធាស្រីលង្កាបានចូលគ្រប់គ្រងការិយាល័យប្រធានាធិបតីក្នុងរដ្ឋធានី បន្ទាប់ពីវាយប្រហារយ៉ាងព្រៃផ្សៃលើក្រុមបាតុករ។ ទាហានស្រីលង្កាបានបំផ្លាញតង់នៅទីតាំងតវ៉ា ដោយចាប់ខ្លួនមេដឹកនាំបាតុករជាច្រើននាក់ និងឡោមព័ទ្ធតំបន់នេះដែលមានបាតុករប្រហែល 100នាក់។ ក្រុមបាតុករត្រូវបានគេឃើញស្ថិតនៅក្នុងមន្ទីរឃុំឃាំង របស់នគរបាលក្បែរការិយាល័យប្រធានាធិបតី ហើយកងកម្លាំងសន្តិសុខជាច្រើនត្រូវបានដាក់ពង្រាយ នៅខាងក្រៅការិយាល័យប្រធានាធិបតីនៅព្រឹកថ្ងៃសុក្រនេះ។ ប្រជាជនស្រីលង្កាបានធ្វើបាតុកម្មជាច្រើនខែមកហើយ ដើម្បីទាមទារឱ្យមេដឹកនាំកំពូលរបស់ពួកគេលាលែងពីតំណែង ដើម្បីទទួលខុសត្រូវចំពោះភាពចលាចលផ្នែកសេដ្ឋកិច្ ចដែលបានបណ្តាលឱ្យប្រជាជន 22លាននាក់របស់ប្រទេសនេះជួបការលំបាក ដោយកង្វះសម្ភារៈចាំបាច់រួមទាំងថ្នាំពេទ្យ ប្រេងឥន្ធនៈ និងស្បៀងអាហារ។លោក Wickremesinghe មិនដែលបានកាន់តំណែងកំពូលនេះទេ ប៉ុន្តែលោកបានទទួលជ័យជំនះក្នុងការបោះឆ្នោតសម្ងាត់របស់សមាជិកសភាកាលពីថ្ងៃពុធ ដើម្បីបញ្ចប់អាណត្តិរបស់អតីតប្រធានាធិបតីលោក Gotabaya Rajapaksa ដែលបានភៀសខ្លួនចេញពីប្រទេស បន្ទាប់ពីក្រុមអ្នកតវ៉ាបានសម្រុកចូលលំនៅឋានរបស់លោកកាលពីសប្តាហ៍មុន និងបានលាលែងពីតំណែង។ ការតែងតាំងរបស់លោកទទួលបានប្រតិកម្មចម្រុះ ដោយមានអ្នកគាំទ្រខ្លះដុតផាវ ខណៈក្រុមអ្នកតវ៉ាផ្សេងទៀតបន្តទាមទារឲ្យលោកលាលែងពីតំណែង។ លោក Ranil Wickremesinghe បានស្បថសច្ចាប្រណិធានចូលកាន់តំណែងជាប្រធានាធិបតីថ្មីប្រទេសស្រីលង្កា ដើម្បីទទួលយកការងារប្រទេសជាតិដែលកំពុងញាំញី ដោយសារវិបត្តិសេដ្ឋកិច្ចមិនធ្លាប់ដែលមានពីមុនមក៕អត្ថបទ៖ ប៊ុនថន

កំណាត់ផ្លូវជាតិលេខ៥ ដែលរងការជន់លិចបានផ្អាកចចារណ៍ជាបណ្តោះអាសន្នហើយ, អ្នកដំណើរអាចវាងទៅផ្លូវជប៉ុនកំពុងសាងសង់ថ្មី

កំពង់ឆ្នាំង៖ លោក សាន់ យូ អភិបាលរងខេត្តកំពង់ឆ្នាំង បានបញ្ជាក់ថា នៅវេលាម៉ោង១០ និង២០នាទីព្រឹកថ្ងៃទី២២ ខែកក្កដា ឆ្នាំ២០២២នេះ ក្រុមការងារចំរុះថ្នាក់ខេត្ត បានសម្រេចបិទផ្លូវជាតិលេខ៥ចន្លោះគីឡូម៉ែត្រលេខ៣៩-៤០ ដោយបិទការធ្វើចរាចរណ៍ឆ្លងកាត់ជាបណ្តោះអាសន្ន ដោយសារតែផ្លូវនៅចំណុចនោះបានរងការខូចខាតដោយសារតែជំនន់ទឹកភ្លៀងហូរកាត់។ដោយឡែកការធ្វើរចរាចរណ៍របស់ប្រជាពលរដ្ឋលើផ្លូវជាតិលេខ៥ត្រង់ចំនុចនេះ ត្រូវបានបញ្ចៀសទៅតាមផ្លូវជប៉ុនកំពុងសាងសង់ថ្មី ដោយក្រុមការងារក៏បន្តដំណើរមកពិនិត្យមើលស្ថានភាពអាងទំនប់ទឹកអន្លង់ជ្រៃ ស្ថិតក្នុងឃុំឈានឡើង ស្រុកសាមគ្គីមានជ័យ បន្តទៀត៕

លោកប្រធានាធិបតីអាមេរិក Joe Biden នៅតែមានសុខភាពល្អ និងធ្វើការដូចធម្មតាក្រោយឆ្លងវីរុស COVID-19

សហរដ្ឋអាមេរិក៖ ប្រធានាធិបតីអាមេរិកលោក Joe Biden បានធ្វើតេស្តវិជ្ជមានវីរុស Covid-19 ហើយកំពុងនៅដាច់ដោយឡែកនៅឯសេតវិមាន។ អ្នកនាំពាក្យសេតវិមានលោកស្រី Karine Jean-Pierre បាននិយាយថា មេដឹកនាំវ័យ ៧៩ឆ្នាំដែលបានចាក់វ៉ាក់សាំងពេញលេញ និងបានចាក់ដូសជំរុញលើកទីពីរមាន "រោគសញ្ញាស្រាល" ហើយនឹងបន្តបំពេញភារកិច្ចទាំងអស់របស់លោកតាមធម្មតា។ សេចក្តីថ្លែងការណ៍របស់លោកស្រីបានបន្ថែមថា ប្រធានាធិបតីកំពុងពិសាថ្នាំប្រឆាំងវីរុសឈ្មោះ Paxlovid។ នៅក្នុងសារលើបណ្ដាញសង្គម tweeter លោក Biden បាននិយាយថា លោកកំពុងមានសុខភាពល្អណាស់ និងបន្តរវល់ភារកិច្ចដូចធម្មតាទេ។ ចំណែកភរិយារបស់លោកគឺស្ត្រីទី១ Jill Biden បាននិយាយថា លោកស្រីមានលទ្ធផលតេស្តអវិជ្ជមាន។ លោកស្រី Jean-Pierre បាននិយាយថា ដោយស្របទៅតាមពិធីសារសេតវិមាន ប្រធានាធិបតីនឹងបន្តធ្វើការដាច់ដោយឡែករហូតដល់លោកទទួលបានលទ្ធផលតេស្តអវិជ្ជមាន ហើយនឹងចូលរួមក្នុងកិច្ចប្រជុំតាមរយៈទូរស័ព្ទ និង Zoom។លោកវេជ្ជបណ្ឌិត Ashish Jha អ្នកសម្របសម្រួលនៅសេតវិមានបាននិយាយថា លោកប្រធានាធិបតីអស់កម្លាំង ហៀរសំបោរ និងក្អកស្ងួត។ លោកបាននិយាយថា លោក Biden បានចូលសម្រាកដោយមានអារម្មណ៍ល្អ ប៉ុន្តែទទួលទានដំណេកមិនសូវលក់ស្រួលទេ ហើយបន្ទាប់មកបានធ្វើតេស្តវិជ្ជមានកាលពីព្រឹកថ្ងៃព្រហស្បតិ៍៕អត្ថបទ៖ សុខមាន

មនុស្ស ១៨នាក់ស្លាប់ក្នុងការវាយឆ្មក់ដ៏ធំរបស់កម្លាំងនគរបាលនៅទីក្រុង Rio de Janeiro

ប្រេស៊ីល៖ ប្រតិបត្តិការរបស់នគរបាលកាលពីថ្ងៃព្រហស្បតិ៍ ដែលដាក់គោលដៅទៅលើសមាជិកក្រុមជនអន្តពាល នៅក្នុងតំបន់គ្មានរបៀបរៀបរយដ៏ធំបំផុតរបស់ទីក្រុង Rio de Janeiro ឬសហគមន៍ដែលមានប្រាក់ចំណូលទាប បានបណ្តាលឱ្យមនុស្សយ៉ាងហោចណាស់ ១៨នាក់ស្លាប់ នៅក្នុងការវាយឆ្មក់មួយក្នុងចំណោមការវាយឆ្មក់ដ៏សាហាវបំផុតជាច្រើន ដែលទីក្រុងបានឃើញនាពេលថ្មីៗនេះ និងនាំឲ្យមានការរិះគន់លើការប្រើអំពើហិង្សារបស់កម្លាំងនគរបាលកាន់តែខ្លាំងឡើង។ ក្រុមអាជ្ញាធរទីក្រុង Rio បាននិយាយថា ឧក្រិដ្ឋជនជនជាប់សង្ស័យ ១៦នាក់ត្រូវបានសម្លាប់នៅក្នុងការប្រឈមដាក់គ្នាជាមួយនគរបាលនៅក្នុងទីក្រុង Complexo do Alemao ក្នុងចំណោមអ្នកស្លាប់ទាំងនោះក៏មានមន្ត្រីនគរបាលម្នាក់ និងស្ត្រីម្នាក់ផងដែរ។ អ្នកនាំពាក្យនគរបាលបាននិយាយថា ការវាយឆ្មក់នេះសំដៅទៅលើក្រុមឧក្រិដ្ឋជនដែលលួចរថយន្ត និងប្លន់ធនាគារ ហើយបានលុកលុយសង្កាត់ក្បែរនោះ។ វីដេអូដែលផ្សព្វផ្សាយនៅលើប្រព័ន្ធផ្សព្វផ្សាយសង្គម បានបង្ហាញពីការបាញ់ប្រហារគ្នាយ៉ាងខ្លាំងរវាងឧក្រិដ្ឋជន ក៏ដូចជាឧទ្ធម្ភាគចក្រនគរបាលដែលកំពុងហោះហើរទាបៗរំលងលើដំបូលផ្ទះថ្មីតូចៗ។នគរបាលរបស់ទីក្រុង Rio បានប្រើប្រាស់ឧទ្ធម្ភាគចក្រដើម្បីបាញ់ប្រហារទៅលើគោលដៅនានា សូម្បីតែនៅក្នុងតំបន់លំនៅដ្ឋានដែលមានប្រជាជនរស់នៅយ៉ាងច្រើន។ នៅកន្លែងនៃការវាយឆ្មក់ អ្នកយកព័ត៌មាន AP បានឃើញអ្នកស្រុកបានសែងសាកសពប្រហែល ១០នាក់ ខណៈដែលពលរដ្ឋកំពុងឈរមើលហេតុការណ៍ស្រែកថា "យើងចង់បានសន្តិភាព!" ក្រុមអ្នកស្រុកបាននិយាយថា អ្នកដែលប៉ុនប៉ងជួយអ្នករងរបួសប្រឈមនឹងការចាប់ខ្លួន៕អត្ថបទ៖ សុខមាន

ការបោសសំអាតមីននៅតំបន់អាងត្រពាំងថ្ម ឃុំប៉ោយចារ សម្រេចបានជាង ៨០ភាគរយ

បន្ទាយមានជ័យ៖ គិតរហូតមកដល់ពេលនេះ កងកម្លាំងមជ្ឈមណ្ឌលសកម្មភាពកំចាត់មីនកម្ពុជា (CMAC) បានបោសសំអាតគ្រាប់មីន និងយុទ្ធភណ្ឌមិនទាន់ផ្ទុះនៅតំបន់អាងត្រពាំងថ្ម ស្ថិតក្នុងឃុំប៉ោយចារ ស្រុកភ្នំស្រុក ខេត្តបន្ទាយមានជ័យ បានសម្រេចបានជាង ៨០ភាគរយហើយ។ បើតាមលោក ចាន់ ដារ៉ុម អនុប្រធានកងឯកភាពកំចាត់មីនទទួលបន្ទុកប្រតិបត្តិការ នៅទីវាលនៃតំបន់អាងត្រពាំងថ្មបានឲ្យដឹងថា ប្រតិបត្តិការនេះធ្វើឡើងចាប់ពីថ្ងៃទី៤ ខែកក្កដា ឆ្នាំ២០២២ ដោយកម្លាំងស៊ីម៉ាក់បោសសំអាតមីនបានដល់ទៅ ៨២ភាគរយស្មើនឹង ២០ហិកតា នៅសល់តែ ៥ហិកតាទៀត ដោយកម្លាំងស៊ីម៉ាក់កំពុងខិតខំបន្តដោះឲ្យរួចរាល់តាមផែនការ។ ឯកឧត្តម ហេង រតនា អគ្គនាយកស៊ីម៉ាក់មានប្រសាសន៍ថា ការងារបោសសំអាតមីននៅតំបន់អាងត្រពាំងថ្ម ក្នុងឃុំប៉ោយចារនេះប្រើពេលវេលាត្រឹម ១ខែប៉ុណ្ណោះ ហើយផ្ទៃដីដែលត្រូវបោសសំអាតមីន និងយុទ្ធភណ្ឌមិនទាន់ផ្ទុះ មានចម្ការមីនចំនួន៨ ស្មើនឹង ២៥ហិកតា ដោយប្រើប្រាសកម្លាំងស៊ីម៉ាក់ជាង ៥០នាក់ចែកចេញជា ២ក្រុមដែលប្រើប្រាស់ធនធានថវិកាមានស្រាប់ រួមទាំងប្រើកម្លាំងគ្រឿងចក្រ កម្លាំងសុនខ និងកម្លាំងបច្ចេកទេសតាមការចាំបាច់។ក្នុងឱកាសអញ្ជើញអបអរទិវាមច្ឆជាតិនៅខេត្តបន្ទាយមានជ័យកាលពីថ្ងៃទី១ ខែកក្កដា ឆ្នាំ២០២២ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាឲ្យអាជ្ញាធរមីនសហការជាមួយអាជ្ញាធរខេត្តបន្ទាយមានជ័យ បោសសំអាតមីននៅតំបន់អាងត្រពាំងថ្ម ហើយប្រកាសថា គ្មានមីននៅចុងឆ្នាំនេះ សម្រាប់ឃុំប៉ោយចារត្រូវធ្វើឱ្យបានទោះក្នុងតម្លៃណាក៏ដោយ។ ជាមួយគ្នានោះ សម្ដេចតេជោ ក៏បានអំពាវនាវពលរដ្ឋ និងសប្បុរសជននានា ចូលរួមក្នុងការងារបោសសំអាតមីននៅកម្ពុជា ដើម្បីឲ្យសម្រេចតាមផែនការកម្ពុជាគ្មានមីននៅឆ្នាំ២០២៥ ដែលនឹងធ្វើឲ្យផ្ទៃដីមានសុវត្ថិភាពនៅទូទាំងប្រទេស ខណៈសកម្មភាពចូលរួមបរិច្ចាគថវិកានេះ កំពុងដំណើរការយ៉ាងផុសផុលពីសំណាក់ពលរដ្ឋខ្មែរនៅក្នុងប្រទេស និងក្រៅប្រទេស រួមទាំងខាងផ្នែកអន្តរជាតិផងដែរ៕ អត្ថបទ៖ បាន សុខរិទ្ធិ

រុស្ស៊ីបន្តការវាយលុកភាគខាងកើតអ៊ុយក្រែន និងពង្រីកគោលដៅសង្គ្រាមហួសពីតំបន់ Donbas

រុស្ស៊ី៖ រុស្ស៊ីទំនងជាពង្រីកមហិច្ឆតាទឹកដីរបស់ខ្លួននៅក្នុងសប្តាហ៍ទី21 នៃសង្គ្រាមរបស់ខ្លួនលើអ៊ុយក្រែន ខណៈបានបន្តការវាយលុកនៅក្នុងតំបន់ Donetsk ភាគខាងកើត និងទទួលបានការគាំទ្រពីអន្តរជាតិដ៏កម្រមួយចំនួន នូវអ្វីដែលខ្លួនហៅថាជាប្រតិបត្តិការសឹកពិសេស។ នៅក្នុងបទសម្ភាសន៍មួយដែលត្រូវបានចេញផ្សាយដោយទីភ្នាក់ងារសារព័ត៌មានរដ្ឋរុស្ស៊ី Ria Novosti កាលពីថ្ងៃពុធ រដ្ឋមន្ត្រីការបរទេសរុស្ស៊ីលោក Sergey Lavrov បាននិយាយថា ប្រទេសរុស្ស៊ីបានពង្រីកហួសពីគោលដៅផ្លូវការរបស់ខ្លួន ក្នុងការកាន់កាប់តំបន់ភាគខាងកើតទាំងពីរគឺ Luhansk និង Donetsk ដែលបង្កើតបានតំបន់ Donbas។ លោក Lavrov បាននិយាយថា វាមិនត្រឹមតែតំបន់ Luhansk និង Donetsk ទេគឺថែមទាំងតំបន់ Kherson និង Zapporizhzhia ព្រមទាំងទឹកដីផ្សេងទៀតផងដែរ។បន្ទាប់ពីកងកម្លាំងរុស្ស៊ីបានដកខ្លួនចេញពីតំបន់ជុំវិញទីក្រុង Kyiv កាលពីថ្ងៃទី25 ខែមីនា លោក Lavrov បាននិយាយថា "ប្រតិបត្តិការសឹកពិសេស" នៅអ៊ុយក្រែនបានបញ្ចប់ ហើយរុស្ស៊ីនឹងផ្តោតលើតំបន់ភាគខាងកើតទាំងពីរ។ ប៉ុន្តែកងកម្លាំងរុស្ស៊ីបានបន្តកាន់កាប់ផ្នែកខ្លះនៃតំបន់ Kherson និង Zaporizhia នៅភាគខាងត្បូងអ៊ុយក្រែន ដែលពួកគេដណ្តើមបានតាំងពីការចាប់ផ្ដើមសង្គ្រាម និងជំរុញឲ្យតំបន់ទាំងនោះក្លាយជារុស្ស៊ីនិយម ស្របពេលមានការព្រួយបារម្ភថា ទីក្រុង Moscow កំពុងរៀបចំផែនការដាក់បញ្ចូលតំបន់ទាំងនោះជាឧបសម្ព័ន្ធរបស់ខ្លួន៕អត្ថបទ៖ សុខមាន

ទីភ្នាក់ងារចារកម្មអាមេរិកនិយាយថា គ្មានភស្តុតាងបញ្ជាក់ថា លោក Putin មានបញ្ហាសុខភាពធ្ងន់ធ្ងរនោះទេ

សហរដ្ឋអាមេរិក៖ ប្រធានទីភ្នាក់ងារចារកម្មអាមេរិក CIA បាននិយាយថា គ្មានការស៊ើបការណ៍ណាមួយដែលបង្ហាញថា លោក Vladimir Putin មានស្ថានភាពមិនស្ថិតស្ថេរ ឬមានសុខភាពមិនល្អនោះទេ។ មានការរំពឹងទុករបស់ប្រព័ន្ធផ្សព្វផ្សាយ ដែលមិនអាចបញ្ជាក់បានកាន់តែច្រើនឡើងដែលថា លោក Putin វ័យ ៧០ឆ្នាំនៅឆ្នាំនេះអាចនឹងមានសុខភាពមិនល្អ អាចជាជំងឺមហារីក។ ប៉ុន្តែលោក Williams Burns បាននិយាយថា មិនមានភស្តុតាងណាមួយបង្ហាញពីរឿងនេះទេ ដោយនិយាយលេងថា លោកទំនងជា "មានសុខភាពល្អពេកទេដឹង"។ ការអត្ថាធិប្បាយរបស់លោកបានកើតឡើង ស្របពេលដែលសហរដ្ឋអាមេរិកបានប្រកាសថា ខ្លួននឹងផ្តល់ឱ្យអ៊ុយក្រែននូវអាវុធរយៈចម្ងាយឆ្ងាយបន្ថែមទៀត។ កាលពីថ្ងពុធសប្ដាហ៍នេះរដ្ឋមន្ត្រីការបរទេសរុស្ស៊ីលោក Sergei Lavrov បាននិយាយថា ការដាក់គោលដៅរបស់យោធារុស្ស៊ីនៅអ៊ុយក្រែន លែងមានកំណត់ត្រឹមតែនៅតំបន់ខាងកើតទៀតហើយ ដោយបង្កប់ន័យថា យុទ្ធសាស្ត្ររបស់ទីក្រុង Moscow បានផ្លាស់ប្តូរ បន្ទាប់ពីលោកខាងលិចបានផ្គត់ផ្គង់អាវុធដល់អ៊ុយក្រែនជាបន្តបន្ទាប់។លោក Lavrov ក៏បានព្រមានលោកខាងលិចផងដែរថា រុស្ស៊ីនឹងពង្រីកគោលបំណងរបស់ខ្លួនបន្ថែមទៀត ប្រសិនបើសម្ព័ន្ធយោធាណាតូបន្តផ្គត់ផ្គង់សព្វាវុធរយៈចម្ងាយឆ្ងាយដល់អ៊ុយក្រែន។ លោកខាងលិចបានបញ្ជូនគ្រឿងសព្វាវុធតម្លៃរាប់ពាន់លានដុល្លារដល់អ៊ុយក្រែនរួចហើយ។ ក្រុង Kyiv បាននិយាយថា អាវុធទាំងនោះបានផ្ដល់ក្ដីសង្ឃឹមនៅសមរភូមិ ខណៈជំរុញឱ្យបញ្ជូនគ្រឿងយុទ្ធោបករណ៍ពីលោកខាងលិចបន្ថែមទៀត៕ អត្ថបទ៖ សុខមាន

លោក Biden គ្រោងនឹងសន្ទនាតាមទូរស័ព្ទជាមួយលោក Xi ក្នុងរយៈពេល ១០ថ្ងៃបន្ទាប់ ខណៈមានការសង្ស័យលើដំណើររបស់លោកស្រី Pelosi ទៅកោះតៃវ៉ាន់

សហរដ្ឋអាមេរិក៖ ប្រធានាធិបតីអាមេរិកលោក Joe Biden និយាយកាលពីថ្ងៃពុធថា លោកនឹងពិភាក្សាជាមួយលោកប្រធានាធិបតីចិន Xi Jinping ក្នុងពេលជាង ១សប្ដាហ៍ទៀតគិតពីសប្ដាហ៍ថ្ងៃក្រោយទៅ និងបង្ហាញពីភាពមិនច្បាស់លាស់ថា តើប្រធានសភាលោកស្រី Nancy Pelosi នឹងធ្វើដំណើរទស្សនកិច្ចទៅកាន់កោះតៃវ៉ាន់ ឬយ៉ាងណា។ លោក Biden បានប្រាប់អ្នកយកព័ត៌មាននៅទីក្រុង Washington បន្ទាប់ពីពួកគេបានធ្វើដំណើរជាមួយលោកក្នុងដំណើរកម្សាន្តមួយថ្ងៃទៅកាន់រដ្ឋ Massachusetts ថា ខ្ញុំគិតថា ខ្ញុំនឹងពិភាក្សាជាមួយប្រធានាធិបតី Xi ក្នុងរយៈពេល ១០ថ្ងៃខាងមុខទៀតនេះ។ ការសន្ទនាតាមទូរស័ព្ទរវាងលោក Xi និងលោក Biden នឹងកើតឡើងប៉ុន្មានខែបន្ទាប់ពីកិច្ចប្រជុំកំពូលតាមវីដេអូចុងក្រោយរបស់មេដឹកនាំទាំង២ កាលពីខែមីនា។ វានឹងក្លាយជាជំនួបផ្ទាល់លើកទី២ រវាងលោកទាំង២ ចាប់តាំងពីការវាយលុករបស់រុស្ស៊ីលើអ៊ុយក្រែន និងលើកទី១ ចាប់តាំងពីប្រមុខការពារជាតិរបស់ប្រទេសទាំង២ បានបង្កើនសង្គ្រាមវោហារសាស្ត្រដាក់គ្នាទៅវិញទៅមកនៅឯកិច្ចសន្ទនា Shangri-La ក្នុងប្រទេសសិង្ហបុរី។ការអះអាងរបស់លោក Biden កាលពីខែឧសភាដែលថា សហរដ្ឋអាមេរិកនឹងធ្វើអន្តរាគមន៍ដោយយោធា ប្រសិនបើទីក្រុងប៉េកាំងប៉ុនប៉ងប្រើកម្លាំងបង្ខំឲ្យកោះតៃវ៉ាន់រួបរួមជាមួយចិនដីគោក ដែលត្រូវបានកំណត់សម្រាប់វេទិកានោះ ដែលរដ្ឋមន្ត្រីក្រសួងការពារជាតិចិនលោកឧត្តមសេនីយ៍ Wei Fenghe បានទាត់ចោលនូវច្បាប់ស្ដីពីទំនាក់ទំនងកោះតៃវ៉ាន់នោះ។ ទោះជាយ៉ាងណាក៏ដោយនៅពេលត្រូវបានសួរកាលពីថ្ងៃពុធ អំពីលទ្ធភាពនៃដំណើរទស្សនកិច្ចរបស់លោកស្រី Nancy Pelosi លោក Biden បាននិយាយថា "ខ្ញុំគិតថា យោធាគិតថា វាមិនមែនជាគំនិតល្អទេនៅពេលនេះ ប៉ុន្តែខ្ញុំមិនដឹងថា ស្ថានភាពរបស់វាជាអ្វីទេ៕អត្ថបទ៖ សុខមាន

សហភាពអឺរ៉ុបប្រាប់រដ្ឋជាសមាជិកឲ្យកាត់បន្ថយការប្រើប្រាស់ឧស្ម័ន ខណៈមានការព្រមានថ្មីពីលោក Putin

សហភាពអឺរ៉ុប៖ សហភាពអឺរ៉ុបបានប្រាប់រដ្ឋសមាជិកកាលពីថ្ងៃពុធ ឱ្យកាត់បន្ថយការប្រើប្រាស់ឧស្ម័នឲ្យបាន 15% រហូតដល់ខែមីនា ឆ្នាំ២០២៣ ដែលជាផ្នែកនៃផែនការគ្រាអាសន្ន បន្ទាប់ពីប្រធានាធិបតីរុស្ស៊ីលោក Vladimir Putin បានព្រមានថា ការផ្គត់ផ្គង់ដែលបញ្ជូនទៅអឺរ៉ុបអាចត្រូវបានកាត់បន្ថយបន្ថែមទៀត។ ការដឹកជញ្ជូនតាមបំពង់បង្ហូរឧស្ម័ន Nord Stream 1 គ្រោងនឹងដំណើរការជាថ្មីនៅថ្ងៃព្រហស្បតិ៍នេះ បន្ទាប់ពីការផ្អាកដល់ដើម្បីជួសជុលរយៈពេល ១០ថ្ងៃ។ បណ្ដាញនេះមានច្រើនជាងមួយភាគបីនៃការនាំចេញឧស្ម័នរបស់រុស្ស៊ីទៅកាន់សហភាពអឺរ៉ុប។ ការផ្គត់ផ្គង់តាមរយៈ Nord Stream 1 ត្រូវបានកាត់បន្ថយមុនពេលការជួសជុលប្រចាំឆ្នាំ ដោយសារជម្លោះជុំវិញការដាក់ទណ្ឌកម្ម ហើយឥឡូវនេះអាចត្រូវបានកាត់បន្ថយបន្ថែមទៀត។ លំហូរឧស្ម័នតាមរយៈផ្លូវផ្សេងទៀតដូចជាអ៊ុយក្រែនក៏បានធ្លាក់ចុះផងដែរ ចាប់តាំងពីការវាយលុករបស់រុស្ស៊ីកាលពីខែកុម្ភៈ។ការរអាក់រអួលបានរារាំងកិច្ចខិតខំប្រឹងប្រែងរបស់អឺរ៉ុប ក្នុងការចាក់បំពេញឧស្ម័នឡើងវិញនៅមុនរដូវរងា ដោយបង្កើនហានិភ័យនៃបែកបាក់គ្នា និងផលប៉ះពាល់មួយទៀតដល់កំណើនសេដ្ឋកិច្ចដែលទន់ខ្សោយ ប្រសិនបើទីក្រុង Moscow រឹតត្បិតបន្ថែមទៀតលើលំហូរឧស្ម័ននេះ ជាការសងសឹកចំពោះទណ្ឌកម្មរបស់លោកខាងលិចជុំវិញសង្គ្រាមនៅអ៊ុយក្រែន។ គណៈកម្មការអឺរ៉ុបបានស្នើគោលដៅស្ម័គ្រចិត្ត សម្រាប់រដ្ឋជាសមាជិកទាំងអស់កាត់បន្ថយការប្រើប្រាស់ឧស្ម័នឲ្យបាន 15% ចាប់ពីខែសីហាដល់ខែមីនា ឆ្នាំ២០២៣ ខាងមុខ បើធៀបនឹងការប្រើប្រាស់ជាមធ្យមរបស់ពួកគេក្នុងរយៈពេលដូចគ្នា៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោក Trump ប្រាប់ថា មិនអាចឱ្យចិនយកឈ្នះអាមេរិក លើវិស័យ AI និងគ្រីបតូទេ

មនុស្ស ៣នាក់ស្លាប់ និង ២៣នាក់រងរបួស អំឡុងកុបកម្មនៅពន្ធនាគាររបស់ស្រីលង្កា

សហភាពអឺរ៉ុបអនុម័តទណ្ឌកម្មថ្មីពាក់ព័ន្ធនឹងបណ្ដាញវិស័យឧស្សាហកម្មយោធារបស់រុស្ស៊ី

ទីក្រុងប៉េកាំងមានភ្លៀងធ្លាក់ខ្លាំង ខណៈចិនកំពុងត្រៀមប្រឈមព្យុះទីហ្វុង Dolphin

អារ៉ាប៊ីសាអ៊ូឌីត ប៉ាគីស្ថាន និងទួរគី ចុះហត្ថលេខាលើកិច្ចព្រមព្រៀងការពារជាតិរួមគ្នា នៅទីក្រុង Mecca

លោក Trump បញ្ជាក់ថា អ៊ីរ៉ង់ចង់ដោះស្រាយជាមួយសហរដ្ឋអាមេរិក និងមិនចង់រងការវាយប្រហារទេ

ទិន្នន័យ៖ ការផ្ទុះឡើងនៃជំងឺអេបូឡានៅកុងហ្គោ លើសពី ៤.០០០ករណី

កុមារជាង ១០នាក់ បាត់ខ្លួន បន្ទាប់ពីលិចទូកនៅសាធារណរដ្ឋប្រជាធិបតេយ្យកុងហ្គោ

បែលហ្ស៊ិកនឹងដាក់ពង្រាយកងទ័ពនៅកោះ Greenland ជាផ្នែកមួយនៃបេសកកម្មរបស់អង្គការណាតូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

នគរបាលទីក្រុងកូឡុំបូបានចាប់ខ្លួនបាតុករនៅខាងក្រៅការិយាល័យប្រធានាធិបតី

លោកប្រធានាធិបតីអាមេរិក Joe Biden នៅតែមានសុខភាពល្អ និងធ្វើការដូចធម្មតាក្រោយឆ្លងវីរុស COVID-19

មនុស្ស ១៨នាក់ស្លាប់ក្នុងការវាយឆ្មក់ដ៏ធំរបស់កម្លាំងនគរបាលនៅទីក្រុង Rio de Janeiro

ការបោសសំអាតមីននៅតំបន់អាងត្រពាំងថ្ម ឃុំប៉ោយចារ សម្រេចបានជាង ៨០ភាគរយ

រុស្ស៊ីបន្តការវាយលុកភាគខាងកើតអ៊ុយក្រែន និងពង្រីកគោលដៅសង្គ្រាមហួសពីតំបន់ Donbas

ទីភ្នាក់ងារចារកម្មអាមេរិកនិយាយថា គ្មានភស្តុតាងបញ្ជាក់ថា លោក Putin មានបញ្ហាសុខភាពធ្ងន់ធ្ងរនោះទេ

សហភាពអឺរ៉ុបប្រាប់រដ្ឋជាសមាជិកឲ្យកាត់បន្ថយការប្រើប្រាស់ឧស្ម័ន ខណៈមានការព្រមានថ្មីពីលោក Putin

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

នគរបាល​ទីក្រុង​កូឡុំបូ​បាន​ចាប់ខ្លួន​បាតុករ​នៅ​ខាងក្រៅ​ការិយាល័យ​ប្រធានាធិបតី​

លោក​ប្រធានាធិបតី​អាមេរិក Joe Biden នៅតែមាន​សុខភាព​ល្អ​ និង​ធ្វើការ​ដូច​ធម្មតា​ក្រោយ​ឆ្លង​វីរុស COVID-19

មនុស្ស​ ១៨​នាក់​ស្លាប់​ក្នុងការ​វាយឆ្មក់​ដ៏​ធំ​របស់​កម្លាំង​នគរបាល​នៅ​ទីក្រុង Rio de Janeiro

ការ​បោសសំអាត​មីន​នៅ​តំបន់​អាង​ត្រពាំងថ្ម ឃុំ​ប៉ោយចារ សម្រេច​បាន​ជាង ៨០​ភាគរយ​

រុស្ស៊ី​បន្ត​ការវាយលុក​ភាគ​ខាងកើត​អ៊ុយ​ក្រែ​ន និង​ពង្រីក​គោលដៅ​សង្គ្រាមហួស​ពី​តំបន់ ​Donbas

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នគរបាលទីក្រុងកូឡុំបូបានចាប់ខ្លួនបាតុករនៅខាងក្រៅការិយាល័យប្រធានាធិបតី

លោកប្រធានាធិបតីអាមេរិក Joe Biden នៅតែមានសុខភាពល្អ និងធ្វើការដូចធម្មតាក្រោយឆ្លងវីរុស COVID-19

មនុស្ស ១៨នាក់ស្លាប់ក្នុងការវាយឆ្មក់ដ៏ធំរបស់កម្លាំងនគរបាលនៅទីក្រុង Rio de Janeiro

ការបោសសំអាតមីននៅតំបន់អាងត្រពាំងថ្ម ឃុំប៉ោយចារ សម្រេចបានជាង ៨០ភាគរយ

រុស្ស៊ីបន្តការវាយលុកភាគខាងកើតអ៊ុយក្រែន និងពង្រីកគោលដៅសង្គ្រាមហួសពីតំបន់ Donbas