BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

ការតវ៉ាបានផ្ទុះឡើងនៅទីក្រុងកូឡុំបូបន្ទាប់ពីលោក Ranil Wickremesinghe ត្រូវបានជ្រើសរើសជាប្រធានាធិបតីថ្មី

ស្រីលង្កា៖ ការតវ៉ាបានផ្ទុះឡើងនៅក្នុងរដ្ឋធានីកូឡុំបូរបស់ប្រទេសស្រីលង្កាកាលពីថ្ងៃពុធភ្លាមៗ បន្ទាប់ពីសមាជិកសភាបានជ្រើសរើសនាយករដ្ឋមន្ត្រី និងជាប្រធានាធិបតីស្តីទីលោក Ranil Wickremesinghe ជាប្រធានាធិបតីថ្មី។ លោកទទួលបានសំឡេងគាំទ្រ 134សំឡេងនៅក្នុងសមាជិកសភាទាំងអស់ដែលមានចំនួន 225 ក្នុងសភាពស្រីលង្កា។ ការតវ៉ាប្រឆាំងរដ្ឋាភិបាលបានវិលត្រឡប់ទៅតវ៉ានៅតាមដងផ្លូវនានានៃរដ្ឋធានីរបស់ស្រីលង្កា និងបាននិយាយថា ពួកគេនឹងបន្តការតវ៉ារយៈពេលជាច្រើនសប្ដាហ៍។ មនុស្សរាប់រយនាក់បានប្រមូលផ្ដុំគ្នានៅតំបន់ GotaGoGama ក្នុងរដ្ឋធានី Colombo កាលពីថ្ងៃពុធ ជាទីដែលពួកគេបានអបអរសាទរការលាលែងពីតំណែង ជាប្រធានាធិបតីរបស់លោក Gotabaya Rajapaksa។ មេដឹកនាំការតវ៉ាបានប្តេជ្ញាថានឹងមិនទទួលយកលោក Wickremesinghe ជាប្រធានាធិបតីឡើយ ដោយបានច្រានចោលថា លោកជាសម្ព័ន្ធមិត្តជិតស្និទ្ធពេករបស់អតីតប្រធានាធិបតី ដែលត្រូវបានបណ្តេញចេញលោក Gotabaya Rajapaksa ដែលត្រូវបានស្តីបន្ទោសចំពោះវិបត្តិសេដ្ឋកិច្ចដ៏ធ្ងន់ធ្ងរ ដែលកំពុងគ្របដណ្តប់ប្រទេសស្រីលង្កា។លោក Wickremesinghe ជំនួសតំណែងលោក Gotabaya Rajapaksa ជាសម្ព័ន្ធមិត្តនយោបាយដែលបានភៀសខ្លួនចេញពីប្រទេសកាលពីសប្តាហ៍មុន មុនពេលលាលែងពីតំណែងជាផ្លូវការចំពោះមុខការតវ៉ាទូទាំងប្រទេស ជុំវិញវិបត្តិសេដ្ឋកិច្ចរយៈពេលជាច្រើនខែ ដែលបានធ្វើឱ្យប្រជាជនស្រីលង្កាជាច្រើនជួបការលំបាកក្នុងការស្វែងរក ឬទិញសម្ភារៈចាំបាច់ជាមូលដ្ឋានដូចជាអាហារ និងប្រេងឥន្ធនៈ។ ក្រុមបាតុករបានប្រមូលផ្តុំគ្នានៅខាងក្រៅការិយាល័យប្រធានាធិបតី ក្នុងទីក្រុងកូឡុំបូកាលពីរសៀលថ្ងៃពុធដោយស្រែកពាក្យបដិសេធថា "ចេញទៅ Ranil ចេញទៅ!"។ លោក Wickremesinghe ដែលត្រូវបានជ្រើសរើសដោយសមាជិកសភា នៅក្នុងដំណើរការមួយដែលបានចែងនៅក្នុងរដ្ឋធម្មនុញ្ញរបស់ប្រទេសស្រីលង្កា ទទួលរយៈពេលដែលនៅសល់នៃអាណត្តិរបស់ប្រធានាធិបតី Rajapaksa រហូតដល់ឆ្នាំ២០២៤។ លោកបានធ្វើជានាយករដ្ឋមន្ត្រីចំនួន 6ដង ប៉ុន្តែមិនដែលធ្វើជាប្រធានាធិបតីឡើយ៕អត្ថបទ៖ សុខមាន

សភាប្រទេសស្រីលង្កាបោះឆ្នោតជ្រើសរើសលោក Ranil Wickremesinghe ជាប្រធានាធិបតី

ស្រីលង្កា៖ សមាជិកសភាប្រទេសស្រីលង្កានៅថ្ងៃពុធនេះ បានបោះឆ្នោតជ្រើសរើសអតីតនាយករដ្ឋមន្ត្រីលោក Ranil Wickremesinghe ជាប្រធានាធិបតីរបស់ប្រទេសអាស៊ីខាងត្បូងដែលរងគ្រោះដោយវិបត្តិ ជាទង្វើមួយនឹងធ្វើឱ្យក្រុមបាតុករខឹងសម្បារដែលកំពុងទាមទារឱ្យលោក Wickremesinghe លាចេញពីតំណែងជាច្រើនសប្តាហ៍កន្លងទៅនេះ។ លោក Wickremesinghe ជាសម្ព័ន្ធមិត្តសំខាន់របស់អតីតប្រធានាធិបតីលោក Gotabaya Rajapaksa បានទទួលសំឡេងគាំទ្រ 134សំឡេងនៅក្នុងការបោះឆ្នោតសភា។

ចិនស្ដីបន្ទោសអាមេរិកពីការចាប់ផ្តើមវិបត្តិ និងដុតបញ្ឆេះជម្លោះនៅអ៊ុយក្រែន

ចិន៖ អ្នកនាំពាក្យក្រសួងការបរទេសចិន បានចោទអាមេរិកពីការចាប់ផ្តើមវិបត្តិនៅអ៊ុយក្រែន និងបញ្ឆេះជម្លោះ។ លោក Zhao Lijian បានប្រាប់អ្នកយកព័ត៌មាន នៅក្នុងសន្និសីទសារព័ត៌មានប្រចាំថ្ងៃកាលពីថ្ងៃអង្គារថា ទីក្រុងវ៉ាស៊ីនតោនគួរតែឈប់ដើរតួជានគរបាលពិភពលោក ហើយធ្វើការងារបង្កើតលក្ខខណ្ឌចរចាសន្តិភាពជំនួសវិញ។ លោក Zhao ត្រូវបានសួរអំពីការអត្ថាធិប្បាយនាពេលថ្មីៗនេះ ដោយអ្នកនាំពាក្យក្រសួងការបរទេសសហរដ្ឋអាមេរិកលោក Ned Price ដែលបានគំរាមកំហែងប្រទេសចិនជាថ្មីទៀត ដោយការលើកឡើងពីការខាតបង់យ៉ាងធ្ងន់ធ្ងរ ប្រសិនបើទីក្រុងប៉េកាំងជួយទីក្រុងមូស្គូ គេចចេញពីការដាក់ទណ្ឌកម្មរបស់លោកខាងលិច ទោះបីជាមិនមានភស្តុតាងដែលបញ្ជាក់ថា ចិនកំពុងធ្វើដូច្នេះក៏ដោយ។ លោក Zhao បាននិយាយថា ចិនប្រកាន់គោលជំហរដោយយុត្តិធម៌ និងឈរនៅខាងសន្តិភាព និងយុត្តិធម៌ នៅពេលនិយាយពីជម្លោះនៅអ៊ុយក្រែនដោយចោទសម្ដីរបស់លោក Price ថា សហរដ្ឋអាមេរិកធ្វើខ្លួនដូចជានគរបាលពិភពលោក។លោក Zhao បានបន្ថែមថា ទីក្រុងវ៉ាស៊ីនតោនត្រូវតែ "បញ្ឈប់ការប្រឈមដាក់គ្នាក្នុងប្លុកនេះ និងបង្កើតសង្គ្រាមត្រជាក់ថ្មីទាញយកប្រយោជន៍ពីស្ថានការណ៍នេះ ដោយជំរុញឱ្យសហរដ្ឋអាមេរិកបញ្ឈប់ការដុតបញ្ឆេះឲ្យជម្លោះរីកកាន់តែធំ ហើយជំនួសវិញដោយការសម្របសម្រួល ការដោះស្រាយវិបត្តិឱ្យបានត្រឹមត្រូវតាមមធ្យោបាយប្រកបដោយការទទួលខុសត្រូវ និងបង្កើតបរិយាកាស និងលក្ខខណ្ឌចាំបាច់សម្រាប់ការចរចាសន្តិភាពរវាងភាគីពាក់ព័ន្ធ។ គួររម្លឹកថា នេះមិនមែនជាលើកទី១ ទេដែលប្រទេសចិនបានរុញបកទៅលើសម្ពាធរបស់សហរដ្ឋអាមេរិក ជាមួយលោកខាងលិចប្រឆាំងរុស្ស៊ីនៅក្នុងជម្លោះអ៊ុយក្រែននោះ៕អត្ថបទ៖ សុខមាន

ចិនព្រមានពីវិធានការដោយប្រើកម្លាំង បើប្រធានសភាអាមេរិកលោកស្រី Nancy Pelosi ធ្វើទស្សនកិច្ចទៅកោះតៃវ៉ាន់

ចិន៖ រដ្ឋាភិបាលចិនបានព្រមានកាលពីថ្ងៃអង្គារថា ខ្លួននឹងចាត់វិធានការដោយប្រើកម្លាំង ប្រសិនបើប្រធានសភាតំណាងរាស្ត្រសហរដ្ឋអាមេរិកលោកស្រី Nancy Pelosi ធ្វើទស្សនកិច្ចទៅកោះតៃវ៉ាន់ បន្ទាប់ពីសារព័ត៌មាន Financial Times បាននិយាយថា លោកស្រីនឹងទៅកាន់កោះនេះនៅខែក្រោយ។ កាសែតនេះបានបន្ថែមដោយដកស្រង់សម្ដីពីមនុស្សដែលដឹងពីបញ្ហានេះថា លោកស្រី Pelosi និងគណៈប្រតិភូរបស់លោកស្រីក៏នឹងទៅបំពេញទស្សនកិច្ចនៅប្រទេសឥណ្ឌូនេស៊ី ជប៉ុន ម៉ាឡេស៊ី និងសិង្ហបុរីផងដែរ ហើយចំណាយពេលនៅកោះហាវ៉ៃនៅឯទីស្នាក់ការកណ្តាលនៃទីបញ្ជាការឥណ្ឌូ-ប៉ាស៊ីហ្វិករបស់សហរដ្ឋអាមេរិក។ ការិយាល័យរបស់លោកស្រី និងក្រសួងការបរទេសអាមេរិកមិនបានឆ្លើយតបភ្លាមៗ ចំពោះសំណើរបស់ទីភ្នាក់ងារព័ត៌មាន Reuters សម្រាប់ការធ្វើអត្ថាធិប្បាយទេ។ ក្រសួងការបរទេសកោះតៃវ៉ាន់បាននិយាយថា ខ្លួនមិនបានទទួលព័ត៌មានពាក់ព័ន្ធដំណើរទស្សនកិច្ចណាមួយឡើយ។ដំណើរទស្សនកិច្ចរបស់មេដឹកនាំគណបក្សប្រជាធិបតេយ្យរូបនេះ ទៅកាន់តៃវ៉ាន់ត្រូវបានពន្យារពីខែមេសាបន្ទាប់ពីលោកស្រីបានធ្វើតេស្តវិជ្ជមានវីរុស COVID-19។ នៅពេលនោះចិនបាននិយាយថា ដំណើរទស្សនកិច្ចបែបនេះនឹងប៉ះពាល់យ៉ាងខ្លាំងដល់ទំនាក់ទំនងចិន-អាមេរិក។ ថ្លែងនៅក្នុងទីក្រុងប៉េកាំងអ្នកនាំពាក្យក្រសួងការបរទេសចិនលោក Zhao Lijian បាននិយាយថា ដំណើរទស្សនកិច្ចណាមួយរបស់លោកស្រី Pelosi នឹងធ្វើឱ្យប៉ះពាល់យ៉ាងធ្ងន់ធ្ងដល់អធិបតេយ្យភាព និងបូរណភាពទឹកដីរបស់ចិន។ សហរដ្ឋអាមេរិកត្រូវតែទទួលខុសត្រូវទាំងស្រុង ចំពោះផលវិបាកទាំងអស់ដែលបង្កឡើងដោយសារតែបញ្ហានេះ៕អត្ថបទ៖ សុខមាន

WHO៖ អឺរ៉ុបត្រូវតែចាត់វិធានការឥឡូវនេះ បើពុំនោះនឹងត្រូវប្រឈមវិធានការទប់ស្កាត់ការឆ្លង COVID-19 កាន់តែតឹងរ៉ឹងនៅពេលក្រោយ

អឺរ៉ុប៖ មន្ត្រីជាន់ខ្ពស់មួយរូបរបស់អង្គការសុខភាពពិភពលោក បាននិយាយកាលពីថ្ងៃអង្គារថា បណ្តាប្រទេសនៅអឺរ៉ុបត្រូវតែពន្លឿនការចាក់វ៉ាក់សាំង និងវិលទៅរកការពាក់ម៉ាស់ឡើងវិញ ដើម្បីទប់ស្កាត់ការកើនឡើងនៃករណីឆ្លងវីរុស COVID-19 ដែលបង្កឡើងដោយវីរុសបម្លែងខ្លួនថ្មី Omicron និងជៀសវាងវិធានការរឹតត្បិតតឹងរ៉ឹងនៅចុងឆ្នាំនេះ។ ក្នុងបទសម្ភាសន៍ជាមួយសារព័ត៌មាន Reuters នាយកប្រចាំតំបន់អឺរ៉ុបរបស់អង្គការសុខភាពពិភពលោក (WHO) គឺលោក Hans Kluge បានជំរុញឱ្យបណ្តាប្រទេសចាត់វិធានការនៅពេលនេះ ជៀសវាងដាក់បន្ទុកធ្ងន់លើប្រព័ន្ធសុខភាពដ៏លើសលប់ក្នុងរដូវស្លឹកឈើជ្រុះ និងរដូវរងា ខណៈវីរុស Covid-19 វីរុសបម្លែងខ្លួនថ្មីសាខា Omicron ប្រភេទ BA.5 បន្តរីករាលដាលយ៉ាងឆាប់រហ័ស។ ករណីឆ្លងវីរុស COVID-19 ថ្មីជិត ៣លាននាក់ត្រូវបានរាយការណ៍នៅអឺរ៉ុបកាលពីសប្តាហ៍មុន ដែលស្មើនឹងជិតពាក់កណ្តាលនៃករណីឆ្លងថ្មីទាំងអស់នៅទូទាំងពិភពលោក។ លោក Kluge បាននិយាយនៅក្នុងសេចក្តីថ្លែងការណ៍រួមមួយថា អត្រាអ្នកជំងឺចូលសម្រាកព្យាបាលនៅមន្ទីរពេទ្យបានកើនឡើងទ្វេដងក្នុងរយៈពេលដូចគ្នា ហើយមនុស្សជិត ៣,០០០នាក់បានស្លាប់ដោយសារជំងឺនេះរៀងរាល់សប្តាហ៍។លោកបាននិយាយថា "មានករណីឆ្លងកើនឡើងខ្ពស់... ស្របពេលសង្គមដែលកំពុងដំណើរការស្ទើរតែដូចពីមុន" ដោយសង្កត់ធ្ងន់លើតម្រូវការសម្រាប់ស្ថិរភាពជំងឺរាតត្បាតសកល ដូចជាការចាក់ថ្នាំដូសជំរុញលើកទីពីរ មុនពេលវ៉ាក់សាំងជាក់លាក់សម្រាប់ប្រភេទវីរុសបម្លែងខ្លួនថ្មី ដែលរំពឹងថានឹងផលិតបាននៅក្នុងរដូវស្លឹកឈើជ្រុះ។ ព្រមទាំងការជំរុញការពាក់ម៉ាស់ និងរស់នៅកន្លែងដែលមានខ្យល់ចេញចូលឲ្យបានគ្រប់គ្រាន់៕អត្ថបទ៖ សុខមាន

មជ្ឈមណ្ឌលត្រៀមបង្ការគ្រោះមហន្តរាយអាស៊ីបានក្លាយខ្លួនជាមជ្ឈមណ្ឌលអន្តរជាតិ

ភ្នំពេញ៖សម្តេចតេជោ ហ៊ុន សែន នាយករដ្ឋមន្រ្តី បានអនុញ្ញាតឱ្យលោកសាស្រ្តាចារ្យបណ្ឌិត Krasae Chanawongse សាកលវិទ្យាធិការនៃ សាកលវិទ្យាល័យ Krirk និងជាសមាជិកក្រុមប្រឹក្សាភិ បាលមជ្ឈមណ្ឌលត្រៀមបង្ការគ្រោះមហន្តរាយអាស៊ី ចូលជួបសម្តែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃទី២០ ខែកក្កដា ឆ្នាំ២០២២ ។ក្រោយជំនួបបញ្ចប់ ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ ហ៊ុន សែន បានប្រាប់ដល់ក្រុមអ្នកសារព័ត៌មានថា លោកសាស្រ្តាចារ្យបណ្ឌិត Krasae Chanawongse បានគោរពជំរាបជូនសម្តេចថា ក្នុងឱកាសនេះលោកមានគោលបំណង ៣ ទី១គឺគោរពរាយការណ៍ជូនសម្តេចពីវឌ្ឍន ភាពនៃមជ្ឈមណ្ឌលគ្រប់គ្រងគ្រោះមហន្តរាយអាស៊ីដែលបានក្លាយជាមជ្ឈមណ្ឌលអន្តរជាតិ ។ ទី២ គោរពជូនអាហារូបករណ៍ ៤០កន្លែងដល់និស្សិតកម្ពុជា និងទី៣ សុំការអនុញ្ញាតសុំជួបសម្តេចម្តងទៀតនៅឆ្នាំក្រោយ។ឯកឧត្តម អ៊ាង សុផល្លែត បានបញ្ជាក់ថា ជាការឆ្លើយតប សម្តេចតេជោបានសម្ដែងនូវការអបអរសាទរ រីករាយដែលមជ្ឈមណ្ឌលត្រៀមបង្ការគ្រោះមហន្តរាយអាស៊ី ត្រូវបានក្លាយជាមជ្ឈមណ្ឌលអន្តរជាតិ។ សម្ដេចតេជោ ហ៊ុន សែន បានផ្ដល់អនុសាសន៍ថា គប្បីធ្វើយ៉ាងណាជំរុញឲ្យអង្គការនេះ មានសកម្មភាពដោះស្រាយទប់ស្កាត់គ្រោះបានជាក់លាក់ ហើយបានថ្លែងអំណរគុណ ជូនចំពោះឯកឧត្តម Krasae ដែលបានផ្តល់អាហារូបករណ៍ដាក់ឈ្មោះសម្ដេចតេជោសម្រាប់សិស្សកម្ពុជាទៅសិក្សានៅប្រទេសថៃហើយសម្ដេចបានសុំឲ្យឯកឧត្តមបន្តពិភាក្សាជាមួយឯកឧត្តមហង់ ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាដើម្បីជ្រើសរើសសិស្សកម្ពុជាទៅសិក្សានៅប្រទេសថៃ។ដោយឡែកចំពោះការស្នើសុំជួបសម្ដេចសារជាថ្មីនៅឆ្នាំក្រោយនោះ សម្ដេចបានសម្ដែងនូវសេចក្តីរីករាយនឹងជួបឯកឧត្តមនៅរាល់ពេលអញ្ជើញមកព្រះរាជាណាចក្រកម្ពុជា៕

លោក Putin និយាយថា អ៊ុយក្រែនមិនបានធ្វើឱ្យល្អលើកិច្ចព្រមព្រៀងសន្តិភាពបឋមទេ

រុស្ស៊ី៖ ប្រធានាធិបតីរុស្ស៊ីលោក Vladimir Putin នៅថ្ងៃពុធនេះបាននិយាយថា ទីក្រុង Moscow មិនបានមើលឃើញការចង់បានណាមួយពីអ៊ុយក្រែន ដើម្បីបំពេញលក្ខខណ្ឌនានានូវអ្វីដែលលោកបានហៅថា ជាកិច្ចព្រមព្រៀងសន្តិភាពបឋមដែលបានព្រមព្រៀងគ្នាកាលខែមីនានោះទេ។ ថ្លែងទៅកាន់ក្រុមអ្នកសារព័ត៌មាននៅក្នុងការអត្ថាធិប្បាយតាមទូរទស្សន៍ បន្ទាប់ពីដំណើរទស្សនកិច្ចទៅកាន់ប្រទេសអ៊ីរ៉ង់លោក Putin បាននិយាយថា អារ៉ាប៊ីសាអ៊ូឌីត និងអារ៉ាប់រួមកំពុងផ្តល់ការសម្របសម្រួលរវាងរុស្ស៊ី និងអ៊ុយក្រែន ដែលកងកម្លាំងរបស់ទីក្រុង Moscow បានវាយលុកកាលពីចុងខែកុម្ភៈ។ មិនមានការឆ្លើយតបភ្លាមៗពីរដ្ឋាភិបាលអ៊ុយក្រែន ចំពោះការលើកឡើងរបស់លោក Putin ទេនៅព្រឹកព្រលឹមថ្ងៃពុធនេះ។នៅពេលដែលត្រូវបានសួរពីលទ្ធភាពណាមួយ ក្នុងការជួបជាមួយលោកប្រធានាធិបតីអ៊ុយក្រែនVolodymyr Zelenskiy លោក Putin បាននិយាយថា ទីក្រុង Kyiv មិនបានប្រកាន់ខ្ជាប់នូវលក្ខខណ្ឌនៃកិច្ចព្រមព្រៀងសន្តិភាពបឋម ដែលលោកបាននិយាយថា ស្ទើរតែសម្រេចទាំងស្រុងទៅហើយកាលពីខែមិថុនា។ លទ្ធផលចុងក្រោយ... អាស្រ័យលើឆន្ទៈរបស់ភាគីកិច្ចសន្យាក្នុងការអនុវត្តកិច្ចព្រមព្រៀងដែលបានព្រមព្រៀង។ សព្វថ្ងៃនេះយើងឃើញថា ប្រទេសមហាអំណាចនៅក្នុងទីក្រុង Kyiv មិនចង់បានបែបនេះទេ៕អត្ថបទ៖ សុខមាន

មនុស្សជាង ១០នាក់ស្លាប់ដោយគ្រោះថ្នាក់រថយន្តដឹកប្រេងនៅឥណ្ឌូនេស៊ី

ឥណ្ឌូនេស៊ី៖ យ៉ាងហោចណាស់មនុស្ស ១១នាក់បានស្លាប់ និង ៦នាក់ផ្សេងទៀតបានរងរបួសនៅពេលដែលរថយន្តដឹកប្រេងមួយគ្រឿងបានបុករថយន្ត និងម៉ូតូច្រើនគ្រឿងនៅជិតរដ្ឋធានីប្រទេសឥណ្ឌូនេស៊ីកាលពីថ្ងៃចន្ទ។ យោងតាមនគរបាលបានឱ្យដឹងថា រថយន្តដឹកប្រេងមួយគ្រឿងបានបើកក្នុងល្បឿនលឿនដោយមិនអាចគ្រប់គ្រងបាន នៅពេលនោះរថយន្តបានបុករថយន្តពីរគ្រឿង និងម៉ូតូ ១០គ្រឿងដែលឈប់ចតនៅភ្លើងស្តុបចរាចរណ៍ក្នុងសង្កាត់ Cibubur ភាគខាងកើតទីក្រុងហ្សាកាតា។ អាជ្ញាធរកំពុងបន្តស៊ើបអង្កេតរកមូលហេតុនៃគ្រោះថ្នាក់នេះ។ ទោះជាយ៉ាងណាការស៊ើបអង្កេតបឋមបានបង្ហាញថា អាចជាបញ្ហាហ្វ្រាំងរថយន្ត ខណៈរថយន្តកំពុងចុះចំណោតជិតដល់ភ្លើងស្តុបផ្លូវបំបែក។នគរបាលកំពុងសាកសួរអ្នកបើកបររថយន្តដែលរងរបួសស្រាល។ រថយន្តដឹកប្រេងនេះដំណើរការដោយក្រុមហ៊ុន Pertamina ជាសហគ្រាសរដ្ឋ និងជាក្រុមហ៊ុនថាមពលរបស់ប្រទេសឥណ្ឌូនេស៊ី។ ក្រុមហ៊ុន Pertamina បាននិយាយថា ក្រុមហ៊ុនកំពុងខិតខំដើម្បីជួយដល់ការព្យាបាលជនរងគ្រោះ និងធ្វើការយ៉ាងជិតស្និទ្ធជាមួយអាជ្ញាធរក្នុងការស៊ើបអង្កេតមូលហេតុនៃគ្រោះថ្នាក់៕អត្ថបទ៖ ប៊ុនថន

ហ្គាណាបញ្ជាក់ពីករណីឆ្លងដំបូងនៃវីរុស Marburg ដ៏សាហាវ ខណៈមានមនុស្ស ២នាក់ស្លាប់

ហ្គាណា៖ ប្រទេសហ្គាណាបានបញ្ជាក់ពីករណីឆ្លងលើមនុស្ស ២នាក់ដំបូងរបស់ខ្លួននៃវីរុស Marburg ដ៏សាហាវដែលជាជំងឺមានសមត្ថភាពចម្លងខ្ពស់ នៅក្នុងអំបូរវីរុសតែមួយជាមួយវីរុសដែលបង្កឱ្យកើតជំងឺអេបូឡា។ ប្រទេសនេះបាននិយាយថា អ្នកជំងឺទាំងពីរនាក់បានស្លាប់ថ្មីៗនេះនៅក្នុងមន្ទីរពេទ្យក្នុងតំបន់ Ashanti ភាគខាងត្បូង។ សំណាករបស់ពួកគេត្រឡប់មកជាវិជ្ជមានវិញនៅដើមខែនេះ ហើយឥឡូវត្រូវបានផ្ទៀងផ្ទាត់ដោយមន្ទីរពិសោធន៍ក្នុងប្រទេសសេណេហ្គាល់។ មន្ត្រីសុខាភិបាលក្នុងប្រទេសអាហ្វ្រិកខាងលិចបាននិយាយថា ឥឡូវនេះមនុស្ស ៩៨នាក់កំពុងស្ថិតក្រោមការដាក់ឱ្យនៅដាច់ដោយឡែក ជាករណីដែលគេសង្ស័យថាមានជាប់ពាក់ព័ន្ធ។ ក្នុងនោះរួមមានសាច់ញាតិ ពេទ្យ និងបុគ្គលិកមន្ទីរពេទ្យដែលបានប៉ះពាល់អ្នកជំងឺទាំង ២នាក់នោះ។ នេះជាលើកទីពីរហើយដែលវីរុសឈ្មោះ Marburg ត្រូវបានកំណត់អត្តសញ្ញាណនៅអាហ្វ្រិកខាងលិច។ មានករណីឆ្លងមួយត្រូវបានបញ្ជាក់ក្នុងប្រទេសហ្គីណេកាលពីឆ្នាំមុន ប៉ុន្តែការផ្ទុះនោះត្រូវបានប្រកាសបញ្ចប់ការឆ្លងរាលដាលកាលពីខែកញ្ញា រយៈពេល ៥សប្តាហ៍បន្ទាប់ពីករណីនេះត្រូវបានរកឃើញ។អង្គការសុខភាពពិភពលោក (WHO) ដែលកំពុងជួយគាំទ្រដល់ក្រុមអាជ្ញាធរសុខាភិបាលរបស់ប្រទេសហ្គាណា បានកោតសរសើរការឆ្លើយតបដ៏ឆាប់រហ័សរបស់ប្រទេសនេះ។ មិនទាន់មានការព្យាបាលសម្រាប់វីរុស Marburg នៅឡើយទេ ប៉ុន្តែក្រុមវេជ្ជបណ្ឌិតនិយាយថា ការទទួលទានទឹកច្រើន និងការព្យាបាលរោគសញ្ញាជាក់លាក់ជួយបង្កើនឱកាសរស់រានមានជីវិតរបស់អ្នកជំងឺ។ វីរុសនេះឆ្លងទៅមនុស្សពីសត្វប្រចៀវ ហើយឆ្លងរាលដាលរវាងមនុស្សតាមរយៈការចម្លងសារធាតុរាវក្នុងខ្លួនមនុស្ស៕អត្ថបទ៖ សុខមាន

មនុស្ស ២០នាក់ស្លាប់ និង ៣០នាក់បាត់ខ្លួនក្រោយទូកក្រឡាប់លិចនៅប៉ាគីស្ថាន

ប៉ាគីស្ថាន៖ ក្រុមមន្ត្រីបាននិយាយថា មនុស្សយ៉ាងហោចណាស់ ២០នាក់បានស្លាប់ និង ៣០នាក់ផ្សេងទៀតកំពុងបាត់ខ្លួន បន្ទាប់ពីទូកដែលដឹកមនុស្សជាង ១០០នាក់បានក្រឡាប់លិចនៅក្នុងទន្លេមួយ ប្រទេសប៉ាគីស្ថានភាគកណ្តាល។ រដ្ឋាភិបាលបាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា ទូកដែលផ្ទុកលើសទម្ងន់បានកំពុងធ្វើដំណើរទៅកាន់ពិធីមង្គលការមួយ នៅពេលទូកបានលិចនៅក្នុងទន្លេ Indus ក្នុងស្រុក Sadiqabad។ សេចក្តីថ្លែងការណ៍បាននិយាយថា មនុស្សជិត ៩០នាក់ត្រូវបានជួយសង្គ្រោះដោយក្រុមអ្នកមុជទឹក ដោយបន្ថែមថា សេចក្តីថ្លែងការណ៍បាននិយាយថា អ្នកដំណើរភាគច្រើនជាស្ត្រី និងកុមារ។ សេចក្តីថ្លែងការណ៍ខាងលើបន្ថែមថា អ្នកនៅលើទូកទាំងអស់គឺជាសមាជិកបងប្អូនត្រកូលគ្រួសារមួយ ហើយកំពុងធ្វើដំណើរទៅចូលរួមពិធីមង្គលការគ្រួសារដោយជិះទូកឆ្លងទន្លេ។មន្ត្រីរដ្ឋាភិបាលក្នុងតំបន់លោក Aslam Tasleem បានប្រាប់បណ្តាញព័ត៌មានក្នុងស្រុក Geo News ថា យើងបានស្រង់សាកសពចំនួន ២០នាក់មកទល់ពេលនេះ ហើយពួកគេភាគច្រើនជាស្ត្រី។ លោកថា យើងមិនប្រាកដថាមានមនុស្សប៉ុន្មាននាក់នៅលើទូកនោះទេ។ យើងទទួលបានការប៉ាន់ប្រមាណដោយផ្អែកលើព័ត៌មានពីសមាជិកគ្រួសារ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោក Trump ប្រាប់ថា មិនអាចឱ្យចិនយកឈ្នះអាមេរិក លើវិស័យ AI និងគ្រីបតូទេ

មនុស្ស ៣នាក់ស្លាប់ និង ២៣នាក់រងរបួស អំឡុងកុបកម្មនៅពន្ធនាគាររបស់ស្រីលង្កា

សហភាពអឺរ៉ុបអនុម័តទណ្ឌកម្មថ្មីពាក់ព័ន្ធនឹងបណ្ដាញវិស័យឧស្សាហកម្មយោធារបស់រុស្ស៊ី

ទីក្រុងប៉េកាំងមានភ្លៀងធ្លាក់ខ្លាំង ខណៈចិនកំពុងត្រៀមប្រឈមព្យុះទីហ្វុង Dolphin

អារ៉ាប៊ីសាអ៊ូឌីត ប៉ាគីស្ថាន និងទួរគី ចុះហត្ថលេខាលើកិច្ចព្រមព្រៀងការពារជាតិរួមគ្នា នៅទីក្រុង Mecca

លោក Trump បញ្ជាក់ថា អ៊ីរ៉ង់ចង់ដោះស្រាយជាមួយសហរដ្ឋអាមេរិក និងមិនចង់រងការវាយប្រហារទេ

ទិន្នន័យ៖ ការផ្ទុះឡើងនៃជំងឺអេបូឡានៅកុងហ្គោ លើសពី ៤.០០០ករណី

កុមារជាង ១០នាក់ បាត់ខ្លួន បន្ទាប់ពីលិចទូកនៅសាធារណរដ្ឋប្រជាធិបតេយ្យកុងហ្គោ

បែលហ្ស៊ិកនឹងដាក់ពង្រាយកងទ័ពនៅកោះ Greenland ជាផ្នែកមួយនៃបេសកកម្មរបស់អង្គការណាតូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ការតវ៉ាបានផ្ទុះឡើងនៅទីក្រុងកូឡុំបូបន្ទាប់ពីលោក Ranil Wickremesinghe ត្រូវបានជ្រើសរើសជាប្រធានាធិបតីថ្មី

សភាប្រទេសស្រីលង្កាបោះឆ្នោតជ្រើសរើសលោក Ranil Wickremesinghe ជាប្រធានាធិបតី

ចិនស្ដីបន្ទោសអាមេរិកពីការចាប់ផ្តើមវិបត្តិ និងដុតបញ្ឆេះជម្លោះនៅអ៊ុយក្រែន

ចិនព្រមានពីវិធានការដោយប្រើកម្លាំង បើប្រធានសភាអាមេរិកលោកស្រី Nancy Pelosi ធ្វើទស្សនកិច្ចទៅកោះតៃវ៉ាន់

មជ្ឈមណ្ឌលត្រៀមបង្ការគ្រោះមហន្តរាយអាស៊ីបានក្លាយខ្លួនជាមជ្ឈមណ្ឌលអន្តរជាតិ

លោក Putin និយាយថា អ៊ុយក្រែនមិនបានធ្វើឱ្យល្អលើកិច្ចព្រមព្រៀងសន្តិភាពបឋមទេ

មនុស្សជាង ១០នាក់ស្លាប់ដោយគ្រោះថ្នាក់រថយន្តដឹកប្រេងនៅឥណ្ឌូនេស៊ី

ហ្គាណាបញ្ជាក់ពីករណីឆ្លងដំបូងនៃវីរុស Marburg ដ៏សាហាវ ខណៈមានមនុស្ស ២នាក់ស្លាប់

មនុស្ស ២០នាក់ស្លាប់ និង ៣០នាក់បាត់ខ្លួនក្រោយទូកក្រឡាប់លិចនៅប៉ាគីស្ថាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ការតវ៉ា​បាន​ផ្ទុះឡើង​នៅ​ទីក្រុង​កូឡុំបូបន្ទាប់ពី​លោក Ranil Wickremesinghe ត្រូវបាន​ជ្រើសរើស​ជា​ប្រធានាធិបតី​ថ្មី​

សភាប្រទេសស្រីលង្កាបោះឆ្នោតជ្រើសរើសលោក Ranil Wickremesinghe ជាប្រធានាធិបតី

ចិន​ស្ដីបន្ទោស​អាមេរិក​ពី​ការចាប់ផ្តើម​វិបត្តិ និង​ដុត​បញ្ឆេះ​ជម្លោះ​នៅ​អ៊ុយ​ក្រែ​ន

មជ្ឈមណ្ឌលត្រៀមបង្ការគ្រោះមហន្តរាយអាស៊ីបានក្លាយខ្លួនជាមជ្ឈមណ្ឌលអន្តរជាតិ

លោក Putin និយាយ​ថា អ៊ុយ​ក្រែ​ន​មិនបាន​ធ្វើ​ឱ្យ​ល្អ​លើ​កិច្ចព្រមព្រៀង​សន្តិភាព​បឋម​ទេ

មនុស្ស​ជាង ១០នាក់ស្លាប់ដោយគ្រោះថ្នាក់រថយន្តដឹកប្រេងនៅឥណ្ឌូនេស៊ី

​ហ្គា​ណា​បញ្ជាក់​ពី​ករណី​ឆ្លង​ដំបូង​នៃ​វីរុស Marburg ដ៏​សាហាវ ខណៈ​មាន​មនុស្ស ​២​នាក់​ស្លាប់​

មនុស្ស​ ២០​នាក់​ស្លាប់ និង ​៣០​នាក់​បាត់​ខ្លួន​ក្រោយ​ទូក​ក្រឡាប់​លិច​នៅ​ប៉ា​គី​ស្ថាន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការតវ៉ាបានផ្ទុះឡើងនៅទីក្រុងកូឡុំបូបន្ទាប់ពីលោក Ranil Wickremesinghe ត្រូវបានជ្រើសរើសជាប្រធានាធិបតីថ្មី

ចិនស្ដីបន្ទោសអាមេរិកពីការចាប់ផ្តើមវិបត្តិ និងដុតបញ្ឆេះជម្លោះនៅអ៊ុយក្រែន

លោក Putin និយាយថា អ៊ុយក្រែនមិនបានធ្វើឱ្យល្អលើកិច្ចព្រមព្រៀងសន្តិភាពបឋមទេ

មនុស្សជាង ១០នាក់ស្លាប់ដោយគ្រោះថ្នាក់រថយន្តដឹកប្រេងនៅឥណ្ឌូនេស៊ី

ហ្គាណាបញ្ជាក់ពីករណីឆ្លងដំបូងនៃវីរុស Marburg ដ៏សាហាវ ខណៈមានមនុស្ស ២នាក់ស្លាប់

មនុស្ស ២០នាក់ស្លាប់ និង ៣០នាក់បាត់ខ្លួនក្រោយទូកក្រឡាប់លិចនៅប៉ាគីស្ថាន