BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

ក្រុមអ្នកកាន់ទុក្ខចូលគោរពវិញ្ញាណក្ខន្ធចុងក្រោយលោក Shinzo Abe មុនពិធីបុណ្យសពចាប់ផ្ដើម

ជប៉ុន៖ ខណៈប្រទេសជប៉ុនបង្ហូតទង់ជាតិត្រឹមពាក់កណ្ដាលដង ពលរដ្ឋកាន់ទុក្ខរាប់រយនាក់បានសម្រុកទៅកាន់ព្រះវិហារក្រុងតូក្យូ ដើម្បីគោរពវិញ្ញាណក្ខន្ធអតីតនាយករដ្ឋមន្ត្រីជប៉ុនលោក Shinzo Abe កាលពីថ្ងៃចន្ទ រយៈពេល ៣ថ្ងៃក្រោយលោកត្រូវបានខ្មាន់កាំភ្លើងបាញ់សម្លាប់ ក្នុងពេលធ្វើយុទ្ធនាការមុនការបោះឆ្នោតសភា។ ប្រជាពលរដ្ឋបានដើរចូលយ៉ាងស្ងៀមស្ងាត់ទាំងថ្ងៃក្ដៅចូលទៅក្នុងព្រះវិហារ Zojoji របស់ទីក្រុងតូក្យូ ជាទីដែលសាកសពអតីតនាយករដ្ឋមន្ត្រីតម្កល់សម្រាប់ការគោរព។ នៅខាងក្រៅព្រះវិហារ មនុស្សជាច្រើនបានដាក់ផ្កា និងបង្ហាញការគោរពជាលើកចុងក្រោយ។ រថយន្តដឹកសពរបស់អតីតនាយករដ្ឋមន្ត្រីលោក Shinzo Abe បានទៅដល់ព្រះវិហារ Zojoji កាលពីថ្ងៃចន្ទ មុនពេលពិធីបុណ្យសពគ្រោងប្រារព្ធឡើងនៅល្ងាចថ្ងៃអង្គារនេះ។ អ្នកស្រី Niu Yuejiao ពាណិជ្ជករវ័យ 30ឆ្នាំបានប្រាប់សារព័ត៌មាន Reuters ខណៈដែលអ្នកស្រីខំទប់ទឹកភ្នែកថា ខ្ញុំគិតថា លោកបានប្រឹងប្រែងខ្លាំងណាស់ដើម្បីកសាងទំនាក់ទំនងល្អរវាងចិន និងជប៉ុន។ នេះជារឿងសោកសៅបំផុតដែលបានដឹងថា លោកបានទទួលមរណភាពបែបនេះ។ ពិធីគោរពវិញ្ញាណក្ខន្ធបានចាប់ផ្ដើមកាលពីម៉ោង ៦ល្ងាចថ្ងៃចន្ទ។ក្រុមអ្នកកាន់មរណទុក្ខបានអុជធូប គោរពដល់អ្នកនយោបាយដែលត្រូវគេលួចធ្វើឃាត រួមទាំងលោក Kishida Fumio និងជាអ្នកស្នងតំណែងពីលោក Abe គឺលោក Suga Yoshihide។ អគ្គលេខាធិការបក្សកាន់អំណាចប្រជាធិបតេយ្យសេរីលោក Motegi Toshimitsu ហើយប្រធានគណបក្សប្រឆាំងប្រជាធិបតេយ្យដើម្បីប្រជាជនលោក Tamaki Yuichiro ក៏បានចូលរួមដែរ។ នៅថ្ងៃអង្គារនេះគេសង្កេតឃើញថា មានប្រជាពលរដ្ឋកាន់តែច្រើនបានឈរតម្រង់ជួរនៅព្រះវិហារ Zojoji ដើម្បីគោរពវិញ្ញាណក្ខន្ធដល់លោក Shinzo Abe មុនពិធីបុណ្យសពថ្ងៃអង្គារនេះ៕អត្ថបទ៖ សុខមាន

សម្តេចតេជោ ហ៊ុន សែន ៖ « កូនគ្មានពាក្យអ្វីក្រៅពីពាក្យនឹកពុក នឹកម៉ែនោះឡើយ»

ភ្នំពេញោះ សម្តេចតេជោ ហ៊ុន សែន នាយករដ្ឋមន្ត្រី បានសរសេរលើបណ្តាញសង្គម facebook ផ្លូវការនៅមុននេះបន្តថា ថ្ងៃនេះ(ថ្ងៃទី១២ ខែកក្កដា ឆ្នាំ២០២២) ជាខួបលើកទី៩ឆ្នាំ នៃមរណភាពឪពុករបស់សម្តេច( ១២ កក្កដា ២០១៣- ១២ កក្កដា ២០២២)។សម្តេចតេជោ ហ៊ុន សែន បញ្ជាក់ថា « កូនគ្មានពាក្យអ្វីក្រៅពីពាក្យនឹកពុក នឹកម៉ែនោះឡើយ»៕

អ៊ីរ៉ង់កំពុងត្រៀមបញ្ជូនយានដ្រូនបំពាក់អាវុធទៅឲ្យរុស្ស៊ី ដើម្បីជួយដល់សង្គ្រាមនៅអ៊ុយក្រែន

សហរដ្ឋអាមេរិក៖ មន្ត្រីជាន់ខ្ពស់ក្នុងរដ្ឋបាលរបស់លោក Biden បាននិយាយកាលពីថ្ងៃចន្ទថា ប្រទេសអ៊ីរ៉ង់កំពុងបោះជំហានយ៉ាងឆាប់រហ័សក្នុងការផ្តល់ឱ្យរុស្ស៊ី នូវយានដ្រូនផលិតក្នុងស្រុករបស់ខ្លួនរាប់រយគ្រឿង ដើម្បីជួយដល់កិច្ចប្រឹងប្រែងធ្វើសង្គ្រាមរបស់វិមានក្រឹមឡាំងប្រឆាំងនឹងអ៊ុយក្រែន។ លោក Jake Sullivan ទីប្រឹក្សាសន្តិសុខជាតិរបស់លោកប្រធានាធិបតី Joe Biden បាននិយាយថា សហរដ្ឋអាមេរិកមានព័ត៌មានដែលបង្ហាញថា ទីក្រុងតេអេរ៉ង់កំពុងរៀបចំផ្តល់យានដ្រូន UAVs ជាច្រើនរយគ្រឿង រួមទាំងយានដ្រូន UAVs ដែលមានសមត្ថភាពបំពាក់សព្វាវុធតាមពេលវេលាកំណត់ដ៏ឆាប់រហ័សទៅឲ្យរុស្ស៊ី។ លោកបានសំដៅទៅលើយន្តហោះគ្មានមនុស្សបើក ឬយានដ្រូន។ លោក Sullivan បាននិយាយថា ប្រទេសអ៊ីរ៉ង់កំពុងរៀបចំបន្ថែមទៀតដើម្បីបណ្តុះបណ្តាលកងកម្លាំងរុស្ស៊ី ឲ្យចេះប្រើប្រាស់យានដ្រូនរបស់ខ្លួនឱ្យបានឆាប់ក្នុងខែនេះ ខណៈកងកម្លាំងរបស់ទីក្រុងម៉ូស្គូនៅតែបន្តទទួលរងការខាតបង់ក្នុងសមរភូមិ ស្របពេលមានការវាយរុលទៅមុខយឺតៗនៅភាគខាងកើតអ៊ុយក្រែន។លោក Sullivan ពុំបានបញ្ជាក់ពីរបាយការណ៍ចារកម្ម ដែលលោកកំពុងផ្អែកលើការអះអាងរបស់លោកនោះទេ។ សហរដ្ឋអាមេរិក និងសម្ព័ន្ធមិត្តលោកខាងលិចបានប្រឹងប្រែងក្នុងការដាក់ទណ្ឌកម្មយ៉ាងធ្ងន់ធ្ងរលើរុស្ស៊ី ជាផ្នែកមួយដើម្បីទប់ស្កាត់ប្រទេសនេះពីការបំពេញបន្ថែមនូវស្តុកសង្គ្រាមរបស់ខ្លួន។ ទណ្ឌកម្មទាំងនោះរួមទាំងការរឹតត្បិតលើការនាំចេញលើបច្ចេកវិទ្យាប្រើប្រាស់ ២សំខាន់ៗរួមទាំងយានដ្រូនផងដែរ៕អត្ថបទ៖ សុខមាន

ទីក្រុងប៉េកាំងព្រមានទល់នឹងការយកបណ្ដាប្រទេសនៅអាស៊ី-អាគ្នេយ៍ធ្វើជាកូនអុករបស់មហាអំណាច

ចិន៖ ប្រមុខការទូតចិនលោក Wang Yi បាននិយាយថា បណ្ដាប្រទេសនៅអាស៊ី-អាគ្នេយ៍គួរតែជៀសវាងក្លាយជាកូនអុករបស់ក្រុមប្រទេសមហាអំណាចធំៗ និងមិនគួរបង្កបញ្ហាដាក់គ្នាទៅវិញទៅមកនោះទេ។ លោក Wang បាននិយាយនៅក្នុងទីក្រុង Jakarta ប្រទេសឥណ្ឌូនេស៊ីកាលពីថ្ងៃចន្ទដែលត្រូវបានដកស្រង់សម្ដីដោយសារព័ត៌មាន Reuters ថា យើងគួរតែការពារតំបន់នេះពីការគិតគូរភូមិសាស្ត្រនយោបាយ កុំឲ្យត្រូវគេប្រើជាកូនអុកពីសំណាក់គូប្រជែងមហាអំណាចដ៏ធំ និងគេចចេញពីការបង្ខិតបង្ខំ។ លោក Wang បានធ្វើអត្ថាធិប្បាយបែបនេះ ខណៈកំពុងចូលរួមកិច្ចប្រជុំ ASEAN ជាប្លុកនយោបាយ និងសេដ្ឋកិច្ចដែលមានសមាជិកក្នុងតំបន់ចំនួន ១០ប្រទេសនៃប្រជាជាតិអាស៊ី-អាគ្នេយ៍។ លោកថា អនាគតនៃតំបន់របស់យើង គួរតែស្ថិតនៅក្នុងកណ្ដាប់ដៃរបស់យើងខ្លួនឯង។ប្រមុខការទូតចិនរូបនេះបាននិយាយថា ប្រទេសនានាគួរតែគោរពសិទ្ធិស្របច្បាប់ និងផលប្រយោជន៍របស់គ្នាទៅវិញទៅមកនៅក្នុងតំបន់អាស៊ី-ប៉ាស៊ីហ្វិក ប្រសើរជាងអង្គុយរកនឹងបង្កបញ្ហា ឬទប់ទល់សកម្មភាពរបស់ភាគីផ្សេង។ កាលពីខែមីនា លោក Wang បានចោទសហរដ្ឋអាមេរិកថា កំពុងព្យាយាមបង្កើតសម្ព័ន្ធ NATO ថ្មីនៅក្នុងតំបន់ឥណ្ឌូ-ប៉ាស៊ីហ្វិក ដើម្បីបង្កភាពតានតឹងក្នុងតំបន់នេះ។ លោកថា តំបន់អាស៊ី-ប៉ាស៊ីហ្វិកគឺជាដែនដីមានកិច្ចសន្យាសម្រាប់កិច្ចសហប្រតិបត្តិការ និងការអភិវឌ្ឍន៍ មិនមែនជាក្ដារអុកសម្រាប់ការប្រកួតប្រជែងភូមិសាស្ត្រនយោបាយនោះទេ៕អត្ថបទ៖ សុខមាន

ក្រសួងពាណិជ្ជកម្ម រៀបចំសិក្ខាសាលាសាធារណៈជាទម្រង់កូនកាត់ ដើម្បីដាក់ឱ្យអនុវត្តនូវកម្មវិធីជាតិការពារអ្នកប្រើប្រាស់

ភ្នំពេញ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» នៃក្រសួងពាណិជ្ជកម្ម នៅព្រឹកថ្ងៃទី១២ ខែកក្កដា ឆ្នាំ២០២២នេះ បានរៀបចំសិក្ខាសាលាសាធារណៈជាទម្រង់កូនកាត់ ដើម្បីដាក់ឱ្យអនុវត្តនូវកម្មវិធីជាតិការពារអ្នកប្រើប្រាស់ (NCPP)។ព្រឹត្តិការណ៍នេះ រៀបចំឡើងសម្រាប់ជាការជូនដំណឹងដល់ភាគីពាក់ព័ន្ធមកពីស្ថាប័នសាធារណៈ និងឯកជន អំពីបទប្បញ្ញត្តិនិងគោលការណ៍ណែនាំថ្មីមួយចំនួន ដើម្បីបំពេញបន្ថែមឱ្យច្បាប់ស្តីពីកិច្ចការពារអ្នកប្រើប្រាស់ដែលបានអនុម័តនៅចុងឆ្នាំ២០១៩។សិក្ខាសាលាសាធារណៈថ្ងៃនេះបានប្រារព្ធធ្វើឡើងក្រោមអធិបតីភាពឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ដោយមានអ្នកចូលរួមដោយផ្ទាល់ចំនួនប្រមាណ ១២០នាក់ មកពីគណៈកម្មាធិការជាតិការពារអ្នកប្រើប្រាស់ «គ.ជ.ក.ប.» ក្រសួងស្ថាប័នរបស់រាជរដ្ឋាភិបាលកម្ពុជា តំណាងមកពីវិស័យច្បាប់ តំណាងដៃគូអភិវឌ្ឍន៍ តំណាងមកពីគម្រោង «កិច្ចការពារអ្នកប្រើប្រាស់ក្នុងតំបន់អាស៊ាន» (PROTECT) គណៈកម្មាធិការប្រកួតប្រជែង និងអ្នកប្រើប្រាស់អូស្រ្តាលី (ACCC) តំណាងអង្គការជាតិនិងអន្តរជាតិ តំណាងស្ថាប័នសិក្សាស្រាវជ្រាវមកពីសាកលវិទ្យាល័យនានា តំណាងវិស័យឯកជន មន្រ្តីអគ្គនាយកដ្ឋាន ក.ប.ប. ព្រមទាំងមានអ្នកចូលរួមតាមប្រព័ន្ធវីដេអូប្រមាណ ៣០០នាក់។សូមបញ្ជាក់ថា ពិធីប្រកាសដាក់ឱ្យអនុវត្តជាផ្លូវការនូវកម្មវិធីជាតិការពារអ្នកប្រើប្រាស់ និងឯកសារគតិយុត្តនេះ បានសហការរៀបចំធ្វើឡើងក្រោមការគាំទ្ររបស់ទីភ្នាក់ងារកិច្ចសហប្រតិបត្តិការអាល្លឺម៉ង់ (GIZ) តាមរយៈគម្រោង «ការពារអ្នកប្រើប្រាស់ក្នុងតំបន់អាស៊ាន (PROTECT)»៕

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ចូលរួមគោរពវិញ្ញាណក្ខន្ធ អតីតនាយករដ្ឋមន្ត្រីជប៉ុន លោក ស៊ិនហ្សូ អាបេ នៅស្ថានទូតជប៉ុន ប្រចាំកម្ពុជា

ភ្នំពេញ៖ នៅរសៀលទី១១ ខែកក្កដា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី បានដឹកនាំគណៈប្រតិភូជាន់ខ្ពស់ នៃរាជរដ្ឋាភិបាល ចូលរួមគោរពវិញ្ញាណក្ខន្ធ អតីតនាយករដ្ឋមន្ត្រីជប៉ុន លោក ស៊ិនហ្សូ អាបេ នៅស្ថានទូតជប៉ុន ប្រចាំកម្ពុជា។គួរបញ្ជាក់ថា រាជរដ្ឋាភិបាល និងប្រជាជនកម្ពុជា សូមចូលរួមកាន់ទុក្ខដ៏ក្រៀមក្រំបំផុតជាមួយរដ្ឋាភិបាល និងប្រជាជនជប៉ុន ចំពោះមរណភាពរបស់ អតីតនាយករដ្ឋមន្ត្រីជប៉ុន អាបេ ស៊ីនហ្សូ (Shinzo Abe) កាលពីថ្ងៃទី១០ ខែកក្កដា ឆ្នាំ២០២២ម្សិលម៉ិញនេះ។យោងតាមខ្លឹមសាររំលែកទុក្ខរបស់សម្តេចតេជោ ហ៊ុន សែន មានខ្លឹមសារថា មរណភាពរបស់លោក ស៊ិនហ្សូ អាបេ មិនត្រឹមតែជាការបាត់ប្រកបដោយភាពសោកស្តាយ តក់ស្លុត រន្ធត់ និងអាឡោះអាល័យសម្រាប់តែប្រជាពលរដ្ឋជប៉ុនប៉ុណ្ណោះ តែសម្រាប់ប្រជាពលរដ្ឋនៅលើពិភពលោក រួមទាំងប្រជាពលរដ្ឋកម្ពុជាផងដែរ។សម្តេចតេជោបានបញ្ជាក់ថា ក្នុងការកាន់តំណែងជានាយករដ្ឋមន្ត្រីជប៉ុនទាំងពីរលើកឯកឧត្តម អាបេ បានប្រឹងប្រែងយ៉ាងខ្លាំងដល់ការជំរុញទំនាក់ទំនងរវាងជប៉ុន និងកម្ពុជា រហូតក្លាយទៅជាដៃគូយុទ្ធសាស្ត្រនៅឆ្នាំ២០១៣។ បន្ថែមពីលើនោះ ឯកឧត្តម អាបេ ក៏បានជំរុញនូវការផ្តល់ជំនួយគាំទ្រដល់ការអភិវឌ្ឍគ្រប់វិស័យនៅកម្ពុជា រួមទាំងហេដ្ឋារចនាសម្ព័ន្ធផងដែរ។ ឯកឧត្តមអាបេ ក៏ជានាយករដ្ឋមន្ត្រី ដែលបានជំរុញដល់ទំនាក់ទំនងរវាងអាស៊ាន និងជប៉ុន និងជំរុញដល់ទំនាក់ទំនងមេគង្គ-ជប៉ុនផងដែរ៕

មេដឹកនាំពិភពលោកកាន់ទុក្ខលោក Shinzo Abe

ជប៉ុន៖ មេដឹកនាំពិភពលោកទាំងអតីតកាល និងបច្ចុប្បន្នបានកាន់មរណទុក្ខអតីតនាយករដ្ឋមន្ត្រីជប៉ុនលោក Shinzo Abe នៅសប្ដាហ៍នេះ មេដឹកនាំរូបនេះដែលមានមនុស្សជាច្រើនហៅលោកថាជាមិត្តភ័ក្ដិ ត្រូវបានគេធ្វើឃាត ខណៈកំពុងថ្លែងសុន្ទរកថាអំឡុងយុទ្ធនាការ ក្នុងទីក្រុងភាគខាងលិចរបស់ប្រទេសជប៉ុនកាលពីថ្ងៃសុក្រ ទី៨ ខែកក្កដា។លោកនាយករដ្ឋមន្ត្រីកាណាដា Justin Trudeau បាននិយាយថា ឃាតកម្មលើលោក Abe កំពុងធ្វើឲ្យមានការតក់ស្លុតយ៉ាងខ្លាំង ហើយលោកពិតជាមានការសោកស្ដាយខ្លាំងណាស់។ ពិភពលោកបានបាត់បង់បុរសខ្លាំងម្នាក់ កាណាដាបានបាត់បង់មិត្តជិតស្និទ្ធម្នាក់។ ចំណែកលោកប្រធានាធិបតីកូរ៉េខាងត្បូង Yoon Suk Yeol បានផ្ញើសាររំលែកទុក្ខទៅដល់ប្រទេសជប៉ុន និងថ្កោលទោសឃាតកម្មលើលោក Abe។ លោកប្រធានាធិបតីចិន Xi Jinping បានផ្ញើសារចូលរួមរំលែកទុក្ខ និងការកាន់ទុក្ខចំពោះលោក Shinzo Abe ដែលបានបាត់បង់ជីវិត តាមរយៈទូរទស្សន៍រដ្ឋចិន CCTV។ចំណែកលោក Volodymyr Zelenskyy ប្រធានាធិបតីអ៊ុយក្រែនបានចូលរួមកាន់មរណទុក្ខ និងរំលែកទុក្ខដ៏ក្រៀមក្រំបំផុតចំពោះក្រុមគ្រួសារលោក Abe និងប្រជាជនជប៉ុនតាមបណ្ដាញ Twitter។ លោកប្រធានាធិបតីបារាំង Emmanuel Macron បាននិយាយថា ប្រទេសជប៉ុនបានបាត់បង់នាយករដ្ឋមន្ត្រីដ៏អស្ចារ្យម្នាក់ ដែលបានពាក់លីដើម្បីជាតិមាតុភូមិរបស់លោក និងបានតស៊ូនាំតុល្យភាពជូនពិភពលោក។ ក្នុងអំឡុងដំណើរទស្សនកិច្ចទៅកាន់ទីក្រុងតូក្យូប្រទេសជប៉ុន រដ្ឋមន្ត្រីការបរទេសសហរដ្ឋអាមេរិកលោក Antony Blinken នៅថ្ងៃចន្ទនេះបានសម្តែងការរំលែកទុក្ខរបស់ប្រទេសលោក បន្ទាប់ពីការធ្វើឃាតលើអតីតនាយករដ្ឋមន្ត្រីជប៉ុនលោក Shinzo Abe។ លោកប្រធានាធិបតីឥណ្ឌូនេស៊ី Joko Widodo ក៏បានចូលរួមរំលែកទុក្ខចំពោះការបាត់បង់ជីវិតរបស់លោក Abe ដែរ។ ក្រៅពីនោះនៅមានមេដឹកនាំពិភពលោកជាច្រើនទៀតដែលបានចូលរួមរំលែកទុក្ខ៕អត្ថបទ៖ សុខមាន

ប្រជាជនស្រីលង្កាសម្រុកចូលលំនៅឋានប្រធានាធិបតីក្នុងពេលមានភាពតានតឹង

ស្រីលង្កា៖ ក្រុមគ្រួសារជាច្រើនក្នុងរដ្ឋធានីរបស់ប្រទេសស្រីលង្កា កាលពីថ្ងៃអាទិត្យបានឆ្លៀតឱកាសធ្វើដំណើរទៅកាន់លំនៅឋានប្រធានាធិបតី បន្ទាប់មកបានសម្រុកចូលលំនៅឋាននេះដោយបាននាំគ្នាថតរូប និងធ្វើសកម្មភាពផ្សេងៗ។ ក្រុមអ្នកតវ៉ាបានសម្រុកចូលលំនៅឋានដ៏ធំទូលាយរបស់លោកប្រធានាធិបតី Gotabaya Rajapaksa និងបានសម្រុកចូលទៅក្នុងលំនៅឋានឯកជនរបស់នាយករដ្ឋមន្ត្រីលោក Ranil Wickremesinghe និងបានដុតលំនៅឋាន។ មន្ត្រីគណបក្សម្នាក់បាននិយាយថា លោក Wickremesinghe នៅខាងក្នុងលំនៅឋាន នៅពេលដែលក្រុមអ្នកតវ៉ាបានមកប្រមូលផ្តុំគ្នានៅទីនោះ ប៉ុន្តែមន្ត្រីសន្តិសុខបានរំដោះលោកចេញទៅកាន់ទីតាំងផ្សេងទៀត។ លោក Wickremesinghe បាននិយាយថា លោកនឹងចាកចេញពីតំណែងនៅពេលដែលរដ្ឋាភិបាលថ្មីចូលកាន់តំណែង ហើយប៉ុន្មានម៉ោងក្រោយមកប្រធានសភាបាននិយាយថា លោក Rajapaksa នឹងចុះចេញពីតំណែងនៅថ្ងៃពុធ។ សម្ពាធលើប្រធានាធិបតី និងនាយករដ្ឋមន្ត្រីទាំងពីរនេះបានកើនឡើង ខណៈមានការដួលរលំនៃសេដ្ឋកិច្ចដែលបានធ្វើឱ្យខ្វះខាតធ្ងន់ធ្ងរ បណ្តាលឱ្យប្រជាជនតស៊ូដើម្បីទទួលបានស្បៀងអាហារ ប្រេងឥន្ធនៈ និងសម្ភារៈចាំបាច់ផ្សេងៗទៀត។យោងតាមរដ្ឋធម្មនុញ្ញបានឲ្យដឹងថា ប្រសិនបើទាំងប្រធានាធិបតី និងនាយករដ្ឋមន្ត្រីលាលែងពីតំណែង ប្រធានសភាលោក Mahinda Yapa Abeywardena នឹងឡើងកាន់តំណែងជាប្រធានាធិបតីបណ្តោះអាសន្ន។ លោក Rajapaksa បានតែងតាំងលោក Wickremesinghe ជានាយករដ្ឋមន្ត្រីកាលពីខែឧសភា ក្នុងកិច្ចប្រឹងប្រែងដើម្បីដោះស្រាយការខ្វះខាត និងចាប់ផ្តើមការស្តារសេដ្ឋកិច្ចឡើងវិញ។ លោក Wickremesinghe គឺជាផ្នែកមួយនៃកិច្ចពិភាក្សាដ៏សំខាន់ ជាមួយមូលនិធិរូបិយវត្ថុអន្តរជាតិសម្រាប់កម្មវិធីសង្គ្រោះ និងជាមួយអង្គការកម្មវិធីស្បៀងអាហារពិភពលោក ដើម្បីរៀបចំសម្រាប់វិបត្តិស្បៀងអាហារ៕អត្ថបទ៖ ប៊ុនថន

នគរបាលបានសារភាពថា មានការធ្វេសប្រហែសផ្នែកសន្តិសុខលើការធ្វើឃាតលោក Abe

ជប៉ុន៖ នគរបាលបានទទួលស្គាល់កំហុសផ្នែកសន្តិសុខនៅទីក្រុង Nara របស់ប្រទេសជប៉ុន ជាកន្លែងដែលអតីតនាយករដ្ឋមន្ត្រីលោក Shinzo Abe ត្រូវបានគេធ្វើឃាត។ អ្នកកាន់ទុក្ខបានមកប្រមូលផ្តុំគ្នានៅគេហដ្ឋានរបស់លោក Abe និងនៅកន្លែងកើតហេតុនៃសោកនាដកម្មកាលពីថ្ងៃសុក្រនៅទីក្រុង Nara ភាគខាងលិច ជាកន្លែងដែលមេដឹកនាំដែលកាន់អំណាចយូរបំផុតរបស់ប្រទេសជប៉ុន ត្រូវបានបាញ់សម្លាប់នៅក្នុងអំពើហិង្សានយោបាយដ៏កម្រ ខណៈពេលលោកកំពុងថ្លែងសុន្ទរកថាក្នុងយុទ្ធនាការបោះឆ្នោត។ នគរបាលបានចាប់ខ្លួនបុរសវ័យ 41ឆ្នាំម្នាក់ភ្លាមៗបន្ទាប់ពីលោក Abe ត្រូវបានបាញ់នៅចម្ងាយយ៉ាងជិតដោយកាំភ្លើងកែច្នៃ។កងកម្លាំងនគរបាលក្នុងតំបន់ដែលការពារក្នុងព្រឹត្តិការណ៍យុទ្ធនាការនេះបាននិយាយថា មានការខ្វះចន្លោះក្នុងការរៀបចំសន្តិសុខ។ អធិការនគរបាលទីក្រុង Nara លោក Tomoaki Onizuka បាននិយាយក្នុងសន្និសីទសារព័ត៌មានថា យើងមិនអាចបដិសេធថា មានបញ្ហាក្នុងផែនការរៀបចំសន្តិសុខ ដែលបានផ្តល់ឱ្យចំពោះរឿងរ៉ាវបានកើតឡើងនោះទេ។ លោកនិយាយថា លោកមានទំនួលខុសត្រូវខ្លាំង ហើយនគរបាលនឹងវិភាគនូវអ្វីដែលជាកំហុសពិតប្រាកដ និងអនុវត្តការផ្លាស់ប្តូរជាចាំបាច់៕អត្ថបទ៖ ប៊ុនថន

សហភាពអឺរ៉ុបប្រឈមខ្លាំង ខណៈរុស្ស៊ីគ្រោងបិទបំពង់បង្ហូរឧស្ម័ន Nord Stream មួយរយៈ

សហភាពអឺរ៉ុប៖ បំពង់បង្ហូរឧស្ម័នដ៏ធំបំផុតដែលបញ្ជូនឧស្ម័នរុស្ស៊ីទៅកាន់ប្រទេសអាល្លឺម៉ង់ ចាប់ផ្តើមជួសជុលប្រចាំឆ្នាំនៅថ្ងៃចន្ទនេះដោយលំហូរនេះបានរំពឹងទុកថា នឹងផ្អាករយៈពេល ១០ថ្ងៃ ប៉ុន្តែរដ្ឋាភិបាលទីផ្សារ និងក្រុមហ៊ុននានាបារម្ភថា ការបិទនេះអាចនឹងត្រូវបន្តដោយសារសង្គ្រាមនៅអ៊ុយក្រែន។ បំពង់បង្ហូរឧស្ម័ន Nord Stream 1 បញ្ជូនឧស្ម័នចំនួន ៥៥ពាន់លានម៉ែត្រត្រីគុណក្នុងមួយឆ្នាំចេញពីប្រទេសរុស្ស៊ី ទៅកាន់ប្រទេសអាល្លឺម៉ង់ក្រោមសមុទ្របាល់ទិក។ បំពង់បង្ហូរឧស្ម័ននេះត្រូវត្រួតពិនិត្យចាប់ពីថ្ងៃទី១១ ខែកក្កដាដល់២១ ខែកក្កដា។ កាលពីខែមុនប្រទេសរុស្ស៊ីបានកាត់បន្ថយការបង្ហូរដល់ទៅ 40% នៃសមត្ថភាពសរុបរបស់បំពង់បង្ហូរឧស្ម័ន ដោយលើកឡើងពីការពន្យារពេលក្នុងការប្រគល់ឧបករណ៍ដែលក្រុមហ៊ុន Siemens Energy (ENR1n.DE) របស់អាល្លឺម៉ង់ជួសជុលនៅក្នុងប្រទេសកាណាដា។សហភាពអឺរ៉ុបបារម្ភថា រុស្ស៊ីអាចពន្យារពេលត្រួតពិនិត្យ ដើម្បីរឹតត្បិតការផ្គត់ផ្គង់ឧស្ម័នបន្ថែមទៀតដោយទប់ស្កាត់ផែនការបំពេញកង្វះខាតសម្រាប់រដូវរងា និងបង្កឲ្យមានវិបត្តិឧស្ម័នដែលជំរុញឲ្យមានការចាត់វិធានការបន្ទាន់នានាពីបណ្ដារដ្ឋាភិបាល និងការចំណាយខ្ពស់សម្រាប់អតិថិជន។ រដ្ឋមន្ត្រីក្រសួងសេដ្ឋកិច្ចអាល្លឺម៉ង់លោក Robert Habeck បាននិយាយថា ប្រទេសនេះគួរតែឈមនឹងលទ្ធភាពនៃការផ្អាកលំហូរឧស្ម័នតាមបំពង់ Nord Stream 1 របស់រុស្ស៊ី ហួសពីពេលវេលាត្រួតពិនិត្យដែលបានគ្រោង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ខេត្តព្រះវិហារ បោះជំហានឈានមុខគេ ខាងផលិតស្រូវសរីរាង្គតាមរយៈកិច្ចសន្យា ត្រៀមចាក់បញ្ចូលថវិកា ១២លានដុល្លារ ចូលចរន្តសេដ្ឋកិច្ចគ្រួសារកសិករ!

លោក Trump ប្រាប់ថា មិនអាចឱ្យចិនយកឈ្នះអាមេរិក លើវិស័យ AI និងគ្រីបតូទេ

មនុស្ស ៣នាក់ស្លាប់ និង ២៣នាក់រងរបួស អំឡុងកុបកម្មនៅពន្ធនាគាររបស់ស្រីលង្កា

សហភាពអឺរ៉ុបអនុម័តទណ្ឌកម្មថ្មីពាក់ព័ន្ធនឹងបណ្ដាញវិស័យឧស្សាហកម្មយោធារបស់រុស្ស៊ី

ទីក្រុងប៉េកាំងមានភ្លៀងធ្លាក់ខ្លាំង ខណៈចិនកំពុងត្រៀមប្រឈមព្យុះទីហ្វុង Dolphin

អារ៉ាប៊ីសាអ៊ូឌីត ប៉ាគីស្ថាន និងទួរគី ចុះហត្ថលេខាលើកិច្ចព្រមព្រៀងការពារជាតិរួមគ្នា នៅទីក្រុង Mecca

លោក Trump បញ្ជាក់ថា អ៊ីរ៉ង់ចង់ដោះស្រាយជាមួយសហរដ្ឋអាមេរិក និងមិនចង់រងការវាយប្រហារទេ

ទិន្នន័យ៖ ការផ្ទុះឡើងនៃជំងឺអេបូឡានៅកុងហ្គោ លើសពី ៤.០០០ករណី

កុមារជាង ១០នាក់ បាត់ខ្លួន បន្ទាប់ពីលិចទូកនៅសាធារណរដ្ឋប្រជាធិបតេយ្យកុងហ្គោ

បែលហ្ស៊ិកនឹងដាក់ពង្រាយកងទ័ពនៅកោះ Greenland ជាផ្នែកមួយនៃបេសកកម្មរបស់អង្គការណាតូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមអ្នកកាន់ទុក្ខចូលគោរពវិញ្ញាណក្ខន្ធចុងក្រោយលោក Shinzo Abe មុនពិធីបុណ្យសពចាប់ផ្ដើម

សម្តេចតេជោ ហ៊ុន សែន ៖ « កូនគ្មានពាក្យអ្វីក្រៅពីពាក្យនឹកពុក នឹកម៉ែនោះឡើយ»

អ៊ីរ៉ង់កំពុងត្រៀមបញ្ជូនយានដ្រូនបំពាក់អាវុធទៅឲ្យរុស្ស៊ី ដើម្បីជួយដល់សង្គ្រាមនៅអ៊ុយក្រែន

ទីក្រុងប៉េកាំងព្រមានទល់នឹងការយកបណ្ដាប្រទេសនៅអាស៊ី-អាគ្នេយ៍ធ្វើជាកូនអុករបស់មហាអំណាច

មេដឹកនាំពិភពលោកកាន់ទុក្ខលោក Shinzo Abe

ប្រជាជនស្រីលង្កាសម្រុកចូលលំនៅឋានប្រធានាធិបតីក្នុងពេលមានភាពតានតឹង

នគរបាលបានសារភាពថា មានការធ្វេសប្រហែសផ្នែកសន្តិសុខលើការធ្វើឃាតលោក Abe

សហភាពអឺរ៉ុបប្រឈមខ្លាំង ខណៈរុស្ស៊ីគ្រោងបិទបំពង់បង្ហូរឧស្ម័ន Nord Stream មួយរយៈ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រុម​អ្នក​កាន់ទុក្ខ​ចូល​គោរព​វិញ្ញាណក្ខន្ធ​ចុងក្រោយ​លោក Shinzo Abe មុន​ពិធី​បុណ្យ​សព​ចាប់ផ្ដើម​

សម្តេចតេជោ ហ៊ុន សែន ៖ « កូនគ្មានពាក្យអ្វីក្រៅពីពាក្យនឹកពុក នឹកម៉ែនោះឡើយ»

ទីក្រុង​ប៉េកាំង​ព្រមាន​ទល់នឹង​ការ​យក​បណ្ដា​ប្រទេស​នៅ​អាស៊ី​-​អាគ្នេយ៍​ធ្វើជា​កូនអុក​របស់​មហា​អំណាច​

មេដឹកនាំ​ពិភពលោក​កាន់ទុក្ខ​លោក Shinzo Abe

ប្រជាជន​ស្រីលង្កា​សម្រុកចូល​លំនៅឋាន​ប្រធានាធិបតី​ក្នុង​ពេល​មាន​ភាព​តានតឹង

នគរបាល​បាន​សារភាព​ថា មានការ​ធ្វេសប្រហែស​ផ្នែក​សន្តិសុខ​លើ​ការ​ធ្វើឃាត​លោក ​Abe

សហភាព​អឺរ៉ុប​ប្រឈម​ខ្លាំង ខណៈ​រុស្ស៊ី​គ្រោង​បិទ​បំពង់​បង្ហូរ​ឧស្ម័ន Nord Stream មួយរយៈ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមអ្នកកាន់ទុក្ខចូលគោរពវិញ្ញាណក្ខន្ធចុងក្រោយលោក Shinzo Abe មុនពិធីបុណ្យសពចាប់ផ្ដើម

ទីក្រុងប៉េកាំងព្រមានទល់នឹងការយកបណ្ដាប្រទេសនៅអាស៊ី-អាគ្នេយ៍ធ្វើជាកូនអុករបស់មហាអំណាច

មេដឹកនាំពិភពលោកកាន់ទុក្ខលោក Shinzo Abe

ប្រជាជនស្រីលង្កាសម្រុកចូលលំនៅឋានប្រធានាធិបតីក្នុងពេលមានភាពតានតឹង

នគរបាលបានសារភាពថា មានការធ្វេសប្រហែសផ្នែកសន្តិសុខលើការធ្វើឃាតលោក Abe

សហភាពអឺរ៉ុបប្រឈមខ្លាំង ខណៈរុស្ស៊ីគ្រោងបិទបំពង់បង្ហូរឧស្ម័ន Nord Stream មួយរយៈ