BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

យោធាស្រីលង្កាបាញ់ឧស្ម័នបង្ហូរទឹកភ្នែកដើម្បីបំបែកក្រុមបាតុករនៅវិមាននាយករដ្ឋមន្ត្រី

ស្រីលង្កា៖ ប្រធានាធិបតីស្រីលង្កាបានភៀសខ្លួនចេញពីប្រទេសនៅព្រឹកថ្ងៃពុធនេះ ប៉ុន្មានថ្ងៃបន្ទាប់ពីក្រុមអ្នកតវ៉ាបានសម្រុកចូលលំនៅឋាន និងការិយាល័យរបស់លោក និងលំនៅឋានផ្លូវការរបស់នាយករដ្ឋមន្ត្រី ក្នុងពេលមានវិបត្តិសេដ្ឋកិច្ចរយៈពេល ៣ខែបណ្តាលឱ្យមានការខ្វះខាតស្បៀងអាហារ និងប្រេងឥន្ធនៈធ្ងន់ធ្ងរ។ យោងតាមមន្ត្រីអន្តោប្រវេសន៍ដែលនិយាយក្នុងលក្ខខណ្ឌមិនបញ្ចេញឈ្មោះថា ប្រធានាធិបតីលោក Gotabaya Rajapaksa ភរិយារបស់លោក និងអង្គរក្សពីរនាក់បានចាកចេញតាមយន្តហោះកងទ័ពអាកាសប្រទេសស្រីលង្កា ឆ្ពោះទៅកាន់ទីក្រុង Male រដ្ឋធានីប្រទេសម៉ាល់ឌីវ។ លោក Rajapaksa បានយល់ព្រមចុះចេញពីតំណែងក្រោមសម្ពាធ ហើយសភាស្រីលង្កាតាមសេចក្តីរាយការណ៍បានឲ្យដឹងថា នឹងបោះឆ្នោតជ្រើសរើសប្រធានាធិបតីថ្មីនៅថ្ងៃទី២០ ខែកក្កដាខាងមុខនេះ។ ការិយាល័យនាយករដ្ឋមន្ត្រីនិយាយថា បន្ទាប់ពីប្រធានាធិបតីភៀសខ្លួនចេញ ប្រទេសស្រីលង្កាបានប្រកាសរដ្ឋក្នុងគ្រាអាសន្ន។ នគរបាលបានបាញ់ឧស្ម័នបង្ហូរទឹកភ្នែកដើម្បីបំបែកក្រុមបាតុកររាប់ពាន់នាក់ ដែលសម្រុកទៅកាន់ការិយាល័យនាយករដ្ឋមន្ត្រីក្នុងទីក្រុងកូឡំបូនៅថ្ងៃពុធនេះ។ក្រុមបាតុករកំពុងទាមទារឲ្យលោក Ranil Wickremesinghe លាលែងពីតំណែងរួមជាមួយប្រធានាធិបតីលោក Gotabaya Rajapaksa ដែលបានសន្យាលាលែងនៅថ្ងៃពុធនេះ ហើយបានភៀសខ្លួនតាមយន្តហោះទ័ពអាកាសទៅកាន់ប្រទេសម៉ាល់ឌីវ។ នាយករដ្ឋមន្ត្រីលោក Ranil Wickremesinghe បាននិយាយថា លោកនឹងចាកចេញនៅពេលដែលរដ្ឋាភិបាលថ្មីចូលកាន់តំណែង។ សមាជិកសភាបានព្រមព្រៀងជ្រើសតាំងប្រធានាធិបតីថ្មីនៅសប្តាហ៍ក្រោយ ប៉ុន្តែបានព្យាយាមកាលពីថ្ងៃអង្គារក្នុងការសម្រេចចិត្តលើការរៀបចំរដ្ឋាភិបាលថ្មី ដើម្បីទប់ប្រទេសដែលក្ស័យធនមួយនេះមិនឲ្យដួលរលំសេដ្ឋកិច្ច និងនយោបាយ។ ការលាលែងពីតំណែងដែលបានសន្យាមិនបានបញ្ចប់វិបត្តិនោះទេ ហើយក្រុមបាតុករបានប្តេជ្ញាថានឹងកាន់កាប់អគារជាច្រើន រហូតដល់មេដឹកនាំកំពូលរបស់ពួកគេចាកចេញពីតំណែង៕អត្ថបទ៖ ប៊ុនថន

អង្គការ NASA បង្ហាញរូបភាពជាច្រើនពីកែវយឺត Webb នៃចក្រវាឡ

ពិភពលោក៖ ប៉ុន្មានម៉ោងបន្ទាប់ពីមនុស្សជាច្រើននៅជុំវិញពិភពលោក បានឃើញទិដ្ឋភាពក្រហមឆ្អិនឆ្អៅចាំងនៃចក្រវាឡមិនធ្លាប់បានឃើញដែលគេថតបាន ទីភ្នាក់ងារអវកាសសហរដ្ឋអាមេរិកបានបញ្ចេញរូបភាពលម្អិត ដែលថតដោយកែវយឺតអវកាស James Webb។ អង្គការ NASA បាននិយាយថា រូបភាពពីកែវយឺត Webb ជាកិច្ចសហការរួមគ្នាជាមួយទីភ្នាក់ងារអវកាសអឺរ៉ុប និងកាណាដា ហើយកែវយឺតអវកាសធំ និងមានឥទ្ធិពលបំផុតរបស់ពិភពលោក បាននាំមកនៅពេលថ្ងៃចាប់រះក្នុងយុគសម័យថ្មីនៃវិស័យតារាសាស្ត្រ។ រូបភាពមួយក្នុងចំណោមរូបភាពដែលបានចេញផ្សាយកាលពីថ្ងៃអង្គារ បានបង្ហាញពពកលម្អងធូលី និងរស្មីនៃពន្លឺនៅជុំវិញផ្កាយងាប់ដែលគេឲ្យឈ្មោះថា Southern Ring Nebula មានអាយុកាលប្រហែល 2,500ឆ្នាំពន្លឺពីផែនដី។ទីភ្នាក់ងារបាននិយាយអំពីរូបភាព Southern Ring Nebula ថា ផ្កាយដែលលែងមានពន្លឺនៅកណ្តាលនៃទីតាំងនេះបានបញ្ចេញឧស្ម័ន និងធូលីអស់រាប់ពាន់ឆ្នាំមកហើយទៅគ្រប់ទិសទី។ កែវយឺត Webb បានបង្ហាញជាលើកដំបូងថា ផ្កាយនេះត្រូវបានបិទបាំងដោយធូលី។ អង្គការ NASA បាននិយាយថា ព័ត៌មានលម្អិតថ្មីដូចនេះចាប់ពីដំណាក់កាលចុងក្រោយនៃជីវិតរបស់ផ្កាយ នឹងជួយយើងឱ្យយល់កាន់តែច្បាស់អំពីរបៀបដែលផ្កាយវិវត្តន៍ និងផ្លាស់ប្តូរបរិស្ថានរបស់វា៕អត្ថបទ៖ ប៊ុនថន

UN៖ ចំនួនប្រជាជនទូទាំងពិភពលោកនឹងកើនឡើងជាង ៨ពាន់លាននាក់នៅឆ្នាំ២០២២ នេះ ខណៈអត្រាបង្កកំណើតមានល្បឿនយឺត

UN៖ របាយការណ៍មួយរបស់អង្គការសហប្រជាជាតិ ដែលផ្សព្វផ្សាយកាលពីថ្ងៃចន្ទព្យាករណ៍ថា ចំនួនប្រជាជនលើពិភពលោកនឹងកើនឡើងដល់ជាង ៨ពាន់លាននាក់នៅខែវិច្ឆិកានេះ ដោយមានត្រឹមតែប្រទេសកំពុងអភិវឌ្ឍន៍ចំនួន ៨ប៉ុណ្ណោះក្នុងនោះមានសាធារណរដ្ឋប្រជាធិបតេយ្យកុងហ្គោ អេហ្ស៊ីប អេត្យូពី ឥណ្ឌា នីហ្ស៊េរីយ៉ា ប៉ាគីស្ថាន ហ្វីលីពីន និងតង់ហ្សានីដែលមានចំនួនសរុបជាងពាក់កណ្ដាលនៃប្រទេសទាំងអស់។ អគ្គលេខាធិការអង្គការសហប្រជាជាតិលោក Antonio Guterres បានព្រមានថា ចំនួនដ៏ខ្ពស់នេះគឺជាការរម្លឹកដល់ទំនួលខុសត្រូវដែលត្រូវបានចែករំលែករបស់យើង ក្នុងការថែទាំភពដែនដីរបស់យើង ខណៈដែលជំងឺរាតត្បាតសកល វិបត្តិអាកាសធាតុ សង្គ្រាម និងគ្រោះមហន្តរាយមនុស្សធម៌ដែលធ្វើឲ្យភពផែនដីនេះជួបគ្រោះថ្នាក់។ ក្ដីរំពឹងពីជីវិតរស់នៅកាន់តែល្អប្រសើររយៈពេលជិត ៩ឆ្នាំធៀបទៅនឹងទសវត្សរ៍ឆ្នាំ១៩៩០ បានកើនឡើង ដែលនឹងមើលឃើញចំនួនប្រជាជនពិភពលោកកើនឡើងដល់ ១០.៤ពាន់លាននាក់នៅត្រឹមឆ្នាំ២១០០ ប៉ុន្តែអត្រានេះត្រូវបានធ្លាក់ចុះវិញ។ការប៉ាន់ប្រមាណពីកំណើនប្រជាជននេះមានឡើង ខណៈអត្រាកំណើតជាមធ្យមរបស់ពិភពលោកបន្តធ្លាក់ចុះ។ កាលពីឆ្នាំ២០២០ អត្រាកំណើនប្រជាជនសកលបានធ្លាក់ចុះ ១% ជាលើកដំបូងចាប់តាំងពីឆ្នាំ១៩៥០ មក។ បច្ចុប្បន្នអត្រាបង្កើតកូនចន្លោះពី ២ទៅ ៣នាក់ក្នុងស្ត្រីម្នាក់បានធ្លាក់ចុះនៃការបង្កើតកូនជាមធ្យម ៥នាក់ក្នុងស្ត្រីម្នាក់ក្នុងឆ្នាំ១៩៥០។ នៅត្រឹមឆ្នាំ២០៥០ គេរំពឹងថានឹងធ្លាក់ចុះបន្តិចពី ១ទៅ ២នាក់ក្នុងស្ត្រីម្នាក់៕អត្ថបទ៖ សុខមាន

ប្រមុខអង្គការសុខភាពពិភពលោកនិយាយថា ជំងឺរាតត្បាតសកលនៅមិនទាន់ឈានទៅរកចំណុចបញ្ចប់នៅឡើយ

WHO៖ ប្រមុខអង្គការសុខភាពពិភពលោកបានព្រមានថា វីរុសរាតត្បាតកូរ៉ូណានៅមិនទាន់ឈានទៅរកចំណុចបញ្ចប់នៅឡើយ ដោយសំអាងដល់រលកថ្មីនៅជុំវិញពិភពលោក និងកំពុងបង្ហាញការព្រួយបារម្ភថា វីរុសនេះកំពុងចម្លងដោយគ្មានការទប់ស្កាត់។ លោក Tedros Adhanom Ghebreyesus បាននិយាយថា លោកបារម្ភថា ចំនួនករណីឆ្លងកំពុងបន្តហក់ឡើង និងកំពុងដាក់សម្ពាធថែមទៀតលើប្រព័ន្ធសុខាភិបាល និងបុគ្គលិកសុខាភិបាលសកល។ លោកបានប្រាប់សន្និសីទសារព័ត៌មានក្នុងទីក្រុងហ្សឺណែវកាលពីថ្ងៃអង្គារថា ខណៈដែលវីរុសនេះវាយប្រហារមកលើយើង យើងត្រូវវាយប្រហារតប។ យើងកំពុងស្ថិតនៅចំណុចប្រសើរច្រើនជាងការចាប់ផ្ដើមផ្ទុះជំងឺរាតត្បាតសកលនេះ។ លោកថា ជាការពិតពេលនេះយើងមានការរីកចម្រើនច្រើន។យើងមានសុវត្ថិភាព និងឧបករណ៍ប្រកបដោយប្រសិទ្ធភាពដែលទប់ស្កាត់ការឆ្លង ការចូលសម្រាកព្យាបាលនៅមន្ទីរពេទ្យ និងអត្រាអ្នកស្លាប់។ ទោះយ៉ាងនេះក្ដី យើងមិនគួរទទួលយកត្រឹមចំណុចនេះនោះទេ។ ស្របពេលការឆ្លងវីរុស COVID-19 នៅតែកើនឡើង ហើយចំនួនអ្នកជំងឺចូលសម្រាកព្យាបាលកំពុងហក់ឡើង លោក Tedros បានជំរុញដល់រដ្ឋាភិបាលនានាឲ្យបង្កើនការព្យាយាម និងវិធានការធ្វើតេស្តដូចជាការពាក់ម៉ាស់ និងបង្កើនចំនួនម៉ាស៊ីនជំនួយខ្យល់ដកដង្ហើម និងការធ្វើតេស្ត និងវិធីព្យាបាល៕អត្ថបទ៖ សុខមាន

ឧបការីរដ្ឋមន្រ្តីការបរទេសអាមេរិក វាយតម្លៃខ្ពស់ចំពោះកិច្ចខិតខំប្រឹងប្រែងរបស់សម្តេចតេជោ ហ៊ុន សែន ក្នុងការរួមចំណែកជួយដល់មីយ៉ានម៉ា

ភ្នំពេញ៖ ឯកឧត្តម Daniel Kritenbrink ឧបការីរដ្ឋមន្រ្តីការបរទេសសហរដ្ឋអាមេរិក ទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក ដែលកំពុងតែបំពេញ ទស្សនកិច្ចនៅកម្ពុជា បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់សម្តេចតេជោនាយករដ្ឋមន្ត្រី ហ៊ុន សែន ក៏ដូចជារបស់ឯកឧត្តមឧបនាយករដ្ឋមន្ត្រី ប្រាក់ សុខុន ផ្ទាល់ ក្នុងការរួមចំណែកជួយដល់មីយ៉ានម៉ាស្វែករកសន្តិភាព ស្ថិរភាព និងប្រក្រតីភាពឡើងវិញ។ការវាយតម្លៃនេះ ក្នុងជំនួបពិភាក្សាជាមួយឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ កាលពីរសៀលថ្ងៃទី ១២ ខែកក្កដា ឆ្នាំ២០២២៕

សាធារណជនជាច្រើនចូលរួមរំលែកទុក្ខមរណភាពអតីតនាយករដ្ឋមន្រ្តីជប៉ុនអាបេ នៅស្ថានទូតជប៉ុនប្រចាំកម្ពុជា

ភ្នំពេញ៖សាធារណជនជាច្រើន នៅថ្ងៃទី១៣ ខែកក្កដានេះ បានអញ្ចឹញមកកាន់ស្ថានទូតជប៉ុនប្រចាំកម្ពុជា ក្នុងបំណងចូលរួមសរសេរសាររំលែកទុក្ខចំពោះមរណភាពអតីតនាយករដ្ឋមន្រ្តីជប៉ុនឯកឧត្តម ស៊ីនហ្សូ អាបេ។បើតាមសេចក្តីជូនដំណឹងរបស់ស្ថានទូតជប៉ុនប្រចាំរាជធានីភ្នំពេញ បានបង្ហាញថា ចាប់ពីថ្ងៃនេះ រហូតដល់ថ្ងៃទី១៦ខែកក្កដា ឆ្នាំ២០២២ ស្ថានទូតជប៉ុននៅភ្នំពេញ បើកទទួលសាធារណជនចូលរួមសរសេរសាររំលែកទុក្ខចំពោះមរណភាពរបស់អតីតនាយករដ្ឋមន្រ្តីជប៉ុនេកឧត្តម ស៊ីនហ្សូ អាបេ។សាធារណៈអាចចូលរួមបានចាប់ពីម៉ោង ១០ព្រឹកដល់ថ្ងៃត្រង់ និងម៉ោង២ដល់៤ល្ងាច ដោយត្រូវភ្ជាប់មកជាមួយនូវអត្តសញ្ញាណប័ណ្ណ ឬប័ណ្ណសម្គាល់ខ្លួនណាមួយ ដូចជាលិខិតឆ្លងដែនជាដើម។គួរបញ្ជាក់ថា អតីតនាយករដ្ឋមន្រ្តីជប៉ុនឯឧត្តម ស៊ីនហ្សូ អាបេ បានទទួលមរណភាពក្នុងវ័យ៦៧ឆ្នាំ នៅថ្ងៃទី៨ ខែកក្កដា ឆ្នាំ២០២២ ដោយការបាញ់ប្រហារ៕

អង្គការសហប្រជាជាតិនិយាយថា ជនស៊ីវិលអ៊ុយក្រែនជាង ៥ពាន់នាក់បានស្លាប់ក្នុងសង្គ្រាម

អ៊ុយក្រែន៖ ទីភ្នាក់ងារអង្គការសហប្រជាជាតិបាននិយាយថា ជនស៊ីវិលជាង ៥ពាន់នាក់បានស្លាប់នៅក្នុងប្រទេសអ៊ុយក្រែនចាប់តាំងពីរុស្ស៊ីចាប់ផ្ដើមវាយលុក។ ការិយាល័យនៃឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្សបាននិយាយថា ជនស៊ីវិលយ៉ាងហោចណាស់ ៥,០២៤នាក់រួមទាំងកុមារ ៣៤៣នាក់បានស្លាប់គិតត្រឹមថ្ងៃចន្ទដើមសប្ដាហ៍នេះ។ យោធារុស្ស៊ីកំពុងបង្កើនការវាយសន្ធាប់ដោយកាំភ្លើងធំ និងមីស៊ីលនៅក្នុងតំបន់ Donetsk ភាគខាងកើត។ អង្គភាពសង្គ្រោះបន្ទាន់រដ្ឋរបស់អ៊ុយក្រែននិយាយថា អគារលំនៅឋានប្រជាពលរដ្ឋកម្ពស់ ៥ជាន់ត្រូវបានវាយប្រហារដោយមីស៊ីលរបស់រុស្ស៊ីកាលពីថ្ងៃសៅរ៍ ហើយមនុស្ស ៣១នាក់បានស្លាប់។ ចំណែកទីភ្នាក់ងារសារព័ត៌មាន Interfax របស់រុស្ស៊ីបានរាយការណ៍ថា ជនស៊ីវិល ៧នាក់បានស្លាប់ក្នុងការវាយប្រហាររបស់កងកម្លាំងអ៊ុយក្រែនលើទីក្រុង Kherson ភាគខាងត្បូងរបស់អ៊ុយក្រែនដែលបានគ្រប់គ្រងដោយរុស្ស៊ី៕អត្ថបទ៖ សុខមាន

កម្ពុជារាយការណ៍ពីវឌ្ឍនភាព និងសមិទ្ធផលថ្មីៗក្នុងវិស័យសិទ្ធិមនុស្សនៅកម្ពុជា ជូនវេទិកាអង្គការសហប្រជាជាតិ នៅហ្សឺណែវ

ភ្នំពេញ៖ ក្នុងកិច្ចប្រជុំរយៈពេល៤សប្តាហ៍ (ពីថ្ងៃ១៣ ខែមិថុនា ដល់ថ្ងៃ០៨ ខែកក្កដា ២០២២០ ស្ថានបេសកកម្មអចិន្ត្រៃយ៍កម្ពុជា ប្រចាំអង្គការសហប្រជាជាតិ នៅទីក្រុងហ្សឺណែវ បានចូលរួមថ្លែងបទអន្តរាគមន៍ សរុបចំនួន២២លើក បង្ហាញពីវឌ្ឍនភាព និងសមិទ្ធផលរបស់កម្ពុជា ក្នុងទិដ្ឋភាពបទដ្ឋានគតិយុត្ត និងការអនុវត្តជាក់ស្ដែង ទៅតាមប្រភេទផ្សេងៗនៃសិទ្ធិមនុស្ស ក្នុងនោះក៏មានសេចក្ដីថ្លែងការណ៍រួមរបស់អាស៊ានចំនួន៣ផងដែរ។កិច្ចខិតខំប្រឹងប្រែងរបស់កម្ពុជា ក្នុងនាមជាប្រធានអាស៊ាន សំដៅរួមចំណែកដោះស្រាយស្ថានការណ៍នៅប្រទេសមីយ៉ាន់ម៉ា ក៏ត្រូវបានរាយការណ៍ផងដែរ។

កំណាត់ផ្លូវជាតិលេខ៤ ដែលរងការជន់លិច និងផ្អាកចរាចរណ៍រយៈពេលខ្លី បានបើកឲ្យដំណើរការជាធម្មតាឡើងវិញហើយ

ព្រះសីហនុ៖ នៅព្រឹកថ្ងៃទី១៣ ខែកក្កដា ឆ្នាំ២០២២នេះ គណៈបញ្ជាការឯកភាពរដ្ឋបាលខេត្តព្រះសីហនុ បានអនុញ្ញាតឱ្យធ្វេីចរាចរណ៍ជាធម្មតាលើកំណាត់ផ្លូវជាតិលេខ៤ នៅត្រង់ចំណុចស្ពានស្ទឹងសំរោង ចន្លោះគីឡូម៉ែត្រ ១១៥-១១៦ ស្ថិតក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ បន្ទាប់ពីស្ថានភាពកម្ពស់ទឹកភ្លៀងបានស្រកទៅវិញ លែងហូរកាត់ថ្នល់។

ជនដៃដល់បាញ់សម្លាប់លោក Abe និយាយថា បានស្វែងរកឱកាសចូលជិត និងសម្រេចចិត្តមួយឆ្នាំមកហើយ

ជប៉ុន៖ ក្រុមមន្ត្រីស៊ើបអង្កេតបាននិយាយថា ជនដៃដល់នៅក្នុងការបាញ់សម្លាប់អតីតនាយករដ្ឋមន្ត្រីជប៉ុនលោក Shinzo Abe បានប្រាប់មន្ត្រីថា ជននេះបានទន្ទឹងរងចាំឱកាសដើម្បីចូលទៅជិតលោក Abe។ នគរបាលជឿថា ខ្មាន់កាំភ្លើង Yamagami បានចូលទៅជិតលោក Abe ពីចំហៀងខាងក្រោយ នៅពេលអតីតនាយករដ្ឋមន្ត្រីកំពុងថ្លែងសុន្ទរកថាក្នុងយុទ្ធនាការនៅទីក្រុង Nara កាលពីថ្ងៃទី8 ខែកក្កដា។ Yamagami ស្ថិតក្នុងចម្ងាយតែប៉ុន្មានម៉ែត្រប៉ុណ្ណោះពីលោក Abe នៅពេលបានចាប់ផ្តើមបាញ់ប្រហារ។ ប្រភពពីការស៊ើបអង្កេតបាននិយាយថា ជនដៃដល់បានប្រាប់មន្ត្រីថា ខ្លួនបានសម្រេចចិត្តសម្លាប់លោក Abe តាំងពីមួយឆ្នាំមុន។ Yamagami មានអាយុ 41ឆ្នាំបានប្រាប់មន្ត្រីស៊ើបអង្កេតថា ហេតុផលរបស់ខ្លួនគឺជាការខឹងសម្បារចំពោះអង្គការសាសនាមួយ ដែលបានជឿថាលោក Abe មានទំនាក់ទំនងជិតស្និទ្ធជាមួយក្រុមសាសនានេះ។Yamagami បាននិយាយថា ដំបូងឡើយខ្លួនមានផែនការប្រើគ្រឿងផ្ទុះ ប៉ុន្តែនៅទីបំផុតបានជ្រើសរើសយកការប្រើប្រាស់អាវុធ ដោយបាននិយាយថា នេះគឺដោយសារតែគោលដៅតែមួយគត់របស់ខ្លួនគឺលោក Abe។ នគរបាលដកហូតបានកាំភ្លើងកែច្នៃផ្សេងទៀតពីលំនៅឋានរបស់ជនដៃដល់ ហើយក្រុមមន្ត្រីបានរកឃើញថា ខ្មាន់កាំភ្លើងYamagami បានសាកល្បងបាញ់កាំភ្លើងនៅតំបន់ភ្នំ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

លោក Trump ប្រាប់ថា មិនអាចឱ្យចិនយកឈ្នះអាមេរិក លើវិស័យ AI និងគ្រីបតូទេ

មនុស្ស ៣នាក់ស្លាប់ និង ២៣នាក់រងរបួស អំឡុងកុបកម្មនៅពន្ធនាគាររបស់ស្រីលង្កា

សហភាពអឺរ៉ុបអនុម័តទណ្ឌកម្មថ្មីពាក់ព័ន្ធនឹងបណ្ដាញវិស័យឧស្សាហកម្មយោធារបស់រុស្ស៊ី

ទីក្រុងប៉េកាំងមានភ្លៀងធ្លាក់ខ្លាំង ខណៈចិនកំពុងត្រៀមប្រឈមព្យុះទីហ្វុង Dolphin

អារ៉ាប៊ីសាអ៊ូឌីត ប៉ាគីស្ថាន និងទួរគី ចុះហត្ថលេខាលើកិច្ចព្រមព្រៀងការពារជាតិរួមគ្នា នៅទីក្រុង Mecca

លោក Trump បញ្ជាក់ថា អ៊ីរ៉ង់ចង់ដោះស្រាយជាមួយសហរដ្ឋអាមេរិក និងមិនចង់រងការវាយប្រហារទេ

ទិន្នន័យ៖ ការផ្ទុះឡើងនៃជំងឺអេបូឡានៅកុងហ្គោ លើសពី ៤.០០០ករណី

កុមារជាង ១០នាក់ បាត់ខ្លួន បន្ទាប់ពីលិចទូកនៅសាធារណរដ្ឋប្រជាធិបតេយ្យកុងហ្គោ

បែលហ្ស៊ិកនឹងដាក់ពង្រាយកងទ័ពនៅកោះ Greenland ជាផ្នែកមួយនៃបេសកកម្មរបស់អង្គការណាតូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

យោធាស្រីលង្កាបាញ់ឧស្ម័នបង្ហូរទឹកភ្នែកដើម្បីបំបែកក្រុមបាតុករនៅវិមាននាយករដ្ឋមន្ត្រី

អង្គការ NASA បង្ហាញរូបភាពជាច្រើនពីកែវយឺត Webb នៃចក្រវាឡ

UN៖ ចំនួនប្រជាជនទូទាំងពិភពលោកនឹងកើនឡើងជាង ៨ពាន់លាននាក់នៅឆ្នាំ២០២២ នេះ ខណៈអត្រាបង្កកំណើតមានល្បឿនយឺត

ប្រមុខអង្គការសុខភាពពិភពលោកនិយាយថា ជំងឺរាតត្បាតសកលនៅមិនទាន់ឈានទៅរកចំណុចបញ្ចប់នៅឡើយ

សាធារណជនជាច្រើនចូលរួមរំលែកទុក្ខមរណភាពអតីតនាយករដ្ឋមន្រ្តីជប៉ុនអាបេ នៅស្ថានទូតជប៉ុនប្រចាំកម្ពុជា

អង្គការសហប្រជាជាតិនិយាយថា ជនស៊ីវិលអ៊ុយក្រែនជាង ៥ពាន់នាក់បានស្លាប់ក្នុងសង្គ្រាម

កំណាត់ផ្លូវជាតិលេខ៤ ដែលរងការជន់លិច និងផ្អាកចរាចរណ៍រយៈពេលខ្លី បានបើកឲ្យដំណើរការជាធម្មតាឡើងវិញហើយ

ជនដៃដល់បាញ់សម្លាប់លោក Abe និយាយថា បានស្វែងរកឱកាសចូលជិត និងសម្រេចចិត្តមួយឆ្នាំមកហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

យោធា​ស្រីលង្កា​បាញ់​ឧស្ម័ន​បង្ហូរទឹកភ្នែក​ដើម្បី​បំបែក​ក្រុម​បាតុករ​នៅ​វិមាន​នាយករដ្ឋមន្ត្រី

អង្គការ​ NASA ​បង្ហាញ​រូបភាព​ជាច្រើន​ពី​កែវ​យឺត Webb នៃ​ចក្រ​វា​ឡ​

ប្រមុខ​អង្គការ​សុខភាព​ពិភពលោក​និយាយ​ថា ជំងឺ​រាតត្បាត​សកល​នៅ​មិនទាន់​ឈាន​ទៅ​រក​ចំណុច​បញ្ចប់​នៅឡើយ

សាធារណជនជាច្រើនចូលរួមរំលែកទុក្ខមរណភាពអតីតនាយករដ្ឋមន្រ្តីជប៉ុនអាបេ នៅស្ថានទូតជប៉ុនប្រចាំកម្ពុជា

អង្គការសហប្រជាជាតិនិយាយថា ​ជន​ស៊ីវិល​អ៊ុយ​ក្រែ​ន​ជាង ៥​ពាន់​នាក់​បាន​ស្លាប់​ក្នុង​សង្គ្រាម

កំណាត់ផ្លូវជាតិលេខ៤ ដែលរងការជន់លិច និងផ្អាកចរាចរណ៍រយៈពេលខ្លី បានបើកឲ្យដំណើរការជាធម្មតាឡើងវិញហើយ

ជនដៃដល់​បាញ់សម្លាប់​លោក​ Abe និយាយ​ថា​ បាន​ស្វែងរក​ឱកាស​ចូល​ជិត​ និង​សម្រេចចិត្ត​មួយ​ឆ្នាំ​មក​ហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

យោធាស្រីលង្កាបាញ់ឧស្ម័នបង្ហូរទឹកភ្នែកដើម្បីបំបែកក្រុមបាតុករនៅវិមាននាយករដ្ឋមន្ត្រី

អង្គការ NASA បង្ហាញរូបភាពជាច្រើនពីកែវយឺត Webb នៃចក្រវាឡ

ប្រមុខអង្គការសុខភាពពិភពលោកនិយាយថា ជំងឺរាតត្បាតសកលនៅមិនទាន់ឈានទៅរកចំណុចបញ្ចប់នៅឡើយ

អង្គការសហប្រជាជាតិនិយាយថា ជនស៊ីវិលអ៊ុយក្រែនជាង ៥ពាន់នាក់បានស្លាប់ក្នុងសង្គ្រាម

ជនដៃដល់បាញ់សម្លាប់លោក Abe និយាយថា បានស្វែងរកឱកាសចូលជិត និងសម្រេចចិត្តមួយឆ្នាំមកហើយ