BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

សម្តេចតេជោ ហ៊ុន សែន ផ្ញើសារថ្លែងអំណរគុណសប្បុរសជននានា ដែលបរិច្ចាគថវិកាគាំទ្រសកម្មភាពបោសសម្អាតមីន និងយុទ្ធភណ្ឌនៅកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានផ្ញើសារលិខិតថ្លែងអំណរគុណជាបន្តបន្ទាប់ដល់សប្បុរសជន ព្រមទាំងអង្គភាពក្រុមហ៊ុន អាជីវកម្មនានា ដែលបានចូលរួមចំណែកបរិច្ចាគថវិកាជូនដល់រាជរដ្ឋាភិបាល ដើម្បីគាំទ្រសកម្មភាពបោសម្អាតមីន និងយុទ្ធភណ្ឌមិនទាន់ផ្ទុះកម្ពុជា ។យោងតាមទំព័រ Facebook សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា អ្វីដែលសំខាន់ គឺការឈានទៅបញ្ចប់នៅសោកនាដកម្មលើប្រជាជនកម្ពុជាដែលស្លាប់ និងរបួសដោយគ្រាប់មីន និងគ្រាប់មិនទាន់ផ្ទុះដែលជាឃាតកលាក់មុខនៅសេសសល់លើទឹកដីកម្ពុជា។ដើម្បីសម្រួលដល់ការចូលរួមទាំងនេះ សម្តេចតេជោ ហ៊ុន សេន សូមឲ្យសប្បុរសជនធ្វើទំនាក់ទំនងទៅឯកឧត្ដម សេង ទៀង រដ្ឋលេខាធិការទីស្តីការគណៈរដ្ឋមន្ត្រីតាមលេខទូរស័ព្ទ ០១២ ៩៦១៩៧១ ដែលនឹងប្រមូលថវិកានេះបញ្ចូលទៅគណនេយ្យរបស់អាជ្ញាធរមីនកម្ពុជា៕ខាងក្រោមនេះ ជាខ្លឹមសារលិខិតថ្លែងអំណរគុណរបស់សម្តេចតេជោ ហ៊ុន សែន នាយករដ្ឋមន្ត្រី៖

អ្នកវិភាគនិយាយថា អង្គការ NATO បង្ហាញការរួបរួមបន្ថែមទៀត បន្ទាប់ពីកិច្ចប្រជុំកំពូលនៅទីក្រុង Madrid

អឺរ៉ុប៖ ដោយប្រឈមទៅនឹងបញ្ហាមិនធ្លាប់មានពីមុនមក សម្ព័ន្ធយោធាការពារ NATO បានបញ្ចប់កិច្ចប្រជុំកំពូលរយៈពេលបីថ្ងៃក្នុងទីក្រុងម៉ាឌ្រីដ ប្រទេសអេស្បាញ ដោយសមាជិកទាំងអស់បង្ហាញពីការរួបរួម ខណៈពួកគេផ្តោតលើការវាយលុករបស់រុស្ស៊ីលើអ៊ុយក្រែន។ នៅក្នុងសន្និសីទសារព័ត៌មាននៅចុងបញ្ចប់នៃកិច្ចប្រជុំកំពូល ប្រធានាធិបតីសហរដ្ឋអាមេរិកលោក Joe Biden បានចាត់ទុកកិច្ចប្រជុំកំពូលនេះថាជាប្រវត្តិសាស្ត្រ។ លោក Biden ដែលប្រទេសរបស់លោកផ្តល់នូវចំនួនសព្វាវុធ និងកម្លាំងច្រើនសន្ធឹកសន្ធាប់ដល់អង្គការ NATO បានប្រកាសពីការជំរុញយ៉ាងខ្លាំងចំពោះវត្តមានយោធារបស់សហរដ្ឋអាមេរិកនៅក្នុងទ្វីបអឺរ៉ុប។ លោក Biden បានថ្លែងទៅកាន់អ្នកសារព័ត៌មានថា មុនពេលសង្គ្រាមចាប់ផ្តើម លោកបានប្រាប់លោក Putin ថា ប្រសិនបើលោក Putin វាយលុកអ៊ុយក្រែន អង្គការ NATO នឹងមិនត្រឹមកាន់តែរឹងមាំប៉ុណ្ណោះទេ ប៉ុន្តែនឹងមានការរួបរួមកាន់តែខ្លាំងថែមទៀត ហើយយើងនឹងឃើញប្រទេសលទ្ធិប្រជាធិបតេយ្យនៅលើពិភពលោក ក្រោកឈរប្រឆាំងនឹងការវាយលុករបស់លោក និងការពារសណ្តាប់ធ្នាប់ដោយផ្អែកលើច្បាប់។ នោះហើយជាអ្វីដែលយើងកំពុងឃើញនាពេលបច្ចុប្បន្ននេះ។នៅក្នុងកិច្ចប្រជុំកំពូលនេះមេដឹកនាំអង្គការ NATO បានអញ្ជើញជាផ្លូវការប្រទេសហ្វាំងឡង់ និងស៊ុយអែតឱ្យចូលរួមជាមួយសម្ព័ន្ធនេះ បន្ទាប់ពីមានកិច្ចព្រមព្រៀងដើម្បីបញ្ចប់ការប្រឆាំងពីសំណាក់ប្រទេសទួរគី។ មេដឹកនាំអង្គការ NATO បានព្រមព្រៀងគ្នានៅក្នុងកិច្ចប្រជុំកំពូលក្នុងការបង្កើនកម្លាំងយោធា នៅតាមបណ្តោយតំបន់ភាគខាងកើតរបស់សម្ព័ន្ធមិត្ត ដែលបណ្តាប្រទេសមានចាប់ពីប្រទេសរ៉ូម៉ានីរហូតដល់រដ្ឋបាល់ទិក ព្រួយបារម្ភអំពីផែនការអនាគតរបស់ប្រទេសរុស្ស៊ី។ អង្គការNATO បានប្រកាសផែនការបង្កើនទំហំកងកម្លាំងប្រតិកម្មរហ័ស របស់សម្ព័ន្ធនេះជិតប្រាំបីដងពីចំនួន 40,000នាក់ដល់ 300,000នាក់នៅឆ្នាំក្រោយ៕អត្ថបទ៖ សុខមាន

ប្រេសិតពិសេសប្រធាអាស៊ាន ជួបជាមួយក្រុមប្រដាប់អាវុធភាគតិចមីយ៉ានម៉ាចំនួន៧ ពិភាក្សាស្វែងរកការចចារសន្តិភាព

ភ្នំពេញ៖ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា បានបន្តជួបជាមួយតំណាងអង្គការប្រដាប់អាវុធជនជាតិភាគតិចចំនួន៧ ពិភាក្សាលើបញ្ហាកំពុងកើតឡើង នៅក្នុងប្រទេសមួយនេះ ។ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា កាលពីថ្ងៃទី១ ខែកក្កដា ឆ្នាំ២០២២ បានឲ្យដឹងថា សម្រាប់តំណាងអង្គការប្រដាប់អាវុធជនជាតិភាគតិចចំនួន៧ គឺបានចុះហត្ថលេខាកិច្ចព្រមព្រៀងបទឈប់បាញ់ ជាមួយក្រុមប្រឹក្សារដ្ឋបាលរដ្ឋ (SAC) ដោយកិច្ចប្រជុំបានផ្លាស់ប្តូរទស្សនៈលើស្ថានភាពនយោបាយនៅក្នុងប្រទេស ជាពិសេសលើវិធី ដែលមីយ៉ាន់ម៉ាអាចជំរុញការចរចាសន្តិភាពទៅមុខ ដើម្បីជាប្រយោជន៍ដល់ប្រជាជនទាំងអស់នៅក្នុងប្រទេស ។ក្នុងកិច្ចប្រជុំនេះ ឯកឧត្តមឧបនាយករដ្ឋមន្រ្តី ក៏បានឆ្លៀតឱកាសពន្យល់អំពីការអនុវត្តដ៏ជោគជ័យនៃនយោបាយឈ្នះ-ឈ្នះ ផ្តួចផ្តើមដោយសម្តេចតេជោនាយករដ្ឋមន្រ្តី ហ៊ុន សែន ដែលបាននាំកម្ពុជាឲ្យទទួលបានសុខសន្តិភាព ស្ថិរភាព និងការអភិវឌ្ឍដូចសព្វថ្ងៃ ។ក្នុងថ្ងៃដដែលនេះ ឯកឧត្តម ប្រាក់សុខុន បានជួបពិភាក្សាការងារជាមួយឯកឧត្តម យ៉ា ព្យេ ប្រធានគណៈកម្មាធិការសាមគ្គីភាពជាតិ និងការបង្កើតសន្តិភាព (NSPNC) កិច្ចប្រជុំបានផ្តោតលើប្រធានបទសំខាន់ៗមួយចំនួន ទី១. ពិភាក្សាពីវឌ្ឍនភាពការងារ និងការចូលរួមចំណែករបស់អង្គការប្រដាប់អាវុធជនជាតិភាគតិច (EAOs) ក្នុងកិច្ចព្រមព្រៀងបទឈប់បាញ់ថ្នាក់ជាតិ (NCA), ទី២. ការចែករំលែកនូវបទពិសោធន៍របស់កម្ពុជា ក្នុងដំណើរអនុវត្តគោលនយោបាយឈ្នះ-ឈ្នះ របស់ សម្តេចតេជោ ហ៊ុន សែន និងទី៣. តួនាទីរបស់គណៈកម្មាធិការសាមគ្គីភាពជាតិ និងការបង្កើតសន្តិភាព (NSPNC) ក្នុងដំណើរការផ្តល់ជំនួយមនុស្សធម៌ និងការចាក់វ៉ាក់សាំងបង្ការជំងឺកូវីដ-១៩ ជូនប្រជាជនមីយ៉ាន់ម៉ា នៅតំបន់ដែលពិបាកទៅដល់ ៕(អត្ថបទ៖បាន សុខរិទ្ធិ)

សម្ព័ន្ធណាតូបិទជំនួបកំពូលដោយហៅរុស្ស៊ីថា ជាការគំរាមកំហែងដោយផ្ទាល់ និងធំបំផុត ខណៈសន្យាបន្តជួយអ៊ុយក្រែន

អេស្ប៉ាញ៖ ក្រុមមេដឹកនាំសម្ព័ន្ធណាតូបានបិទបញ្ចប់ជំនួបកំពូលរបស់ខ្លួននៅក្នុងទីក្រុង Madrid ប្រទេសអេស្ប៉ាញ ដោយបង្ហាញការប្ដេជ្ញាចិត្តជាថ្មីការពារទាំងរដ្ឋជាសមាជិក និងដៃគូរបស់ពួកគេ។ មេដឹកនាំទាំងនោះបាននិយាយថា ការប្ដេជ្ញាចិត្តនេះមានហួសពីរដ្ឋនៅតំបន់អាត្លង់ទិកខាងជើងទៅទៀត។ អគ្គលេខាធិការសម្ព័ន្ធណាតូបាននិយាយថា ទាំងក្រុង Moscow ទាំងក្រុងប៉េកាំងកំពុងប្រើគំនាបសេដ្ឋកិច្ច ការបង្ខិតបង្ខំ និងវិធីសាស្ត្រផ្សេងៗដើម្បីកេងផលប្រយោជន៍នៅក្នុងតំបន់។ លោក Stoltenberg ក៏បាននិយាយផងដែរថា ដូច្នេះថ្ងៃនេះយើងបានពិភាក្សារបៀបដោះស្រាយការប្រឈមដែលចេះតែកើនឡើង រួមទាំងការផ្ដល់ការគាំទ្របន្ថែមទៀតដល់បណ្ដាដៃគូរបស់សម្ព័ន្ធណាតូក្នុងតំបន់។ រុស្ស៊ីធ្លាប់ជាដៃគូយុទ្ធសាស្ត្ររបស់សម្ព័ន្ធណាតូ។ តែពេលនេះអង្គការនេះហៅក្រុង Moscow ថាជាការគំរាមដោយផ្ទាល់ និងធំបំផុតរបស់ខ្លួន។ក្រុមមេដឹកនាំអង្គការនេះបានព្រមព្រៀងផ្ដល់ការគាំទ្ររយៈពេលវែងដល់អ៊ុយក្រែន ព្រមទាំងអនុញ្ញាតឲ្យហ្វាំងឡង់ និងស៊ុយអែតក្លាយជាសមាជិកថ្មីរបស់សម្ព័ន្ធយោធាដឹកនាំដោយសហរដ្ឋអាមេរិកទៀតផង។ ប្រមុខអង្គការនេះក៏បានទទួលស្គាល់ផងដែរថា ផលប៉ះពាល់ដោយសារការវាយលុករបស់រុស្ស៊ី និងការបិទការនាំចេញផលិតផលគ្រាប់ធញ្ញជាតិរបស់អ៊ុយក្រែន បានប៉ះពាល់ដល់ការផ្គត់ផ្គង់ស្បៀងអាហារសកល។ ចំណែកលោកប្រធានាធិបតីអាមេរិក Joe Biden បានប្ដេជ្ញាការពារដែនដីគ្រប់អ៊ីញរបស់រដ្ឋជាសមាជិកណាតូ ហើយសហរដ្ឋអាមេរិកកំពុងប្រមូលការគាំទ្រទូទាំងពិភពលោកឲ្យឈរនៅខាងអ៊ុយក្រែន៕អត្ថបទ៖ សុខមាន

សម្ដេចតេជោ ហ៊ុន សែន ជំរុញឲ្យចាប់ផ្ដើមប្រកាសខេត្ត-ស្រុក-ឃុំ ជាបណ្ដើរៗអំពីការអស់មីន

ភ្នំពេញ៖ សម្ដេចតេជោ ហ៊ុន សែន បានជំរុញទៅអាជ្ញាធរមីន និងអាជ្ញាធរតាមបណ្ដារាជធានី-ខេត្ត ចាប់ផ្ដើមប្រកាសខេត្ត ស្រុក និងឃុំ-សង្កាត់ ជាបណ្ដើៗអំពីការបោសសម្អាតមីន និងគ្រាប់យុទ្ធភ័ណ្ឌមិនទាន់ផ្ទុះ រួចរាល់ ដើម្បីផ្តល់សុវត្ថិភាព ហើយពលរដ្ឋរស់នៅដោយគ្មានការព្រួយបារម្ភ ។ ក្នុងឱកាសអញ្ជើញអបអរសាទរទិវាមច្ឆជាតិ ១កក្កដា ២០២២ ដែលប្រារព្ធនៅទីតាំងអាងត្រពាំងថ្ម ស្រុកភ្នំស្រុក ខេត្តបន្ទាយមានជ័យ នៅថ្ងៃទី១ ខែកក្កដា ឆ្នាំ២០២២ សម្ដេចតេជោ ហ៊ុន សែន បានស្នើទៅរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ពិចារណាដាក់ចូលទៅក្នុងថវិកាជាតិសម្រាប់ឆ្នាំ ២០២៣-២០២៤ខាងមុខ ជាដំណាក់ៗ ដើម្បីបង្ហើយនូវការដោះមីន ដោយបញ្ចប់ខេត្ត បញ្ចប់ស្រុក ឬបញ្ចប់ឃុំ ប្រកាសថាគ្មានមីន ។ សម្ដេចតេជោ បានបន្ថែមថា នៅខេត្តកែប បានប្រកាសរួចហើយថាគ្មានមីន ដោយកន្លែងខ្លះទៀត ត្រូវការប្រាក់ត្រឹម ៥ម៉ឺនដុល្លារ ទៅរកសុំបរទេសពិបាកណាស់ ហើយឥឡូវត្រូវដាក់ចូលក្នុងថវិកាជាតិ ដើម្បីបញ្ចប់នូវទីកន្លែងមួយចំនួនជិតបោសសម្អាតមីនអស់ ប៉ុន្តែខ្វះលុយដោះ ។ សម្ដេចតេជោ ហ៊ុន សែន ជំរុញទៅអាជ្ញាធរមីន សហការជាមួយអាជ្ញាធរខេត្តបន្ទាយមានជ័យ បញ្ជូនកម្លាំងបោសសំអាតមីនដែលនៅសេសសល់ ដើម្បីធានាសុវត្ថិភាព ហើយប្រកាសឃុំប៉ោយចារ ស្រុកភ្នំស្រុក ក៏ដូចជាអាងត្រពាំងថ្ម ជាតំបន់គ្មានមីន ទោះបីដោយតម្លៃណាក៏ដោយ ត្រូវតែដោះមីននៅតំបន់នោះ នៅចុងឆ្នាំនេះយ៉ាងយូរ ត្រូវប្រកាសជាតំបន់គ្មានមីន ។ ជាមួយនេះ នាយករដ្ឋមន្ត្រីកម្ពុជា បានជំរុញទៅក្រសួងធនធានទឹក និងឧតុនិយម ត្រូវធ្វើការជួសជុល ធ្វើផ្លូវនៅលើខ្នងអាងត្រពាំងថ្ម ប្រមាណ១០គីឡូម៉ែត្រ ដើម្បីជាប្រយោជន៍ដល់ពលរដ្ឋក្នុងការធ្វើដំណើរ និងដឹកកសិផលកាន់តែងាយស្រួល ខណៈអាងនេះមិនត្រឹមជាប្រភពទឹកសម្រាប់ស្រោចស្រពដំណាំកសិកម្ម វាក៏ជាទីតាំងទេសចរណ៍ និងពលរដ្ឋអាចនេសាទបានទៀតផងដែរ ៕ (អត្ថបទ បាន សុខរិទ្ធិ)

ទីក្រុងប៉េកាំងថ្កោលទោស NATO ជុំវិញការលាបពណ៌ថា ឥទ្ធិពលរបស់ចិនគំរាមដល់សម្ព័ន្ធយោធានេះ

ចិន៖ រដ្ឋាភិបាលក្រុងប៉េកាំងកាលពីថ្ងៃព្រហស្បតិ៍ ទី៣០ ខែមិថុនាបានថ្កោលទោសសម្ព័ន្ធយោធាណាតូ (NATO) ជុំវិញការព្រមានឥតប្រយោជន៍ទាល់តែសោះ ដែលក្រុមនេះបាននិយាយជាលើកដំបូងនៅក្នុងផែនការណែនាំថា ឥទ្ធិពលរបស់ចិនប្រជែងនឹងសម្ព័ន្ធមិត្តយោធា។ ការឆ្លើយតបនេះបានកើតឡើង បន្ទាប់ពីទស្សនទានជាយុទ្ធសាស្ត្ររបស់អង្គការណាតូ ដែលត្រូវបានចេញផ្សាយនៅក្នុងកិច្ចប្រជុំកំពូលនៅទីក្រុងម៉ាឌ្រីដ ប្រទេសអេស្ប៉ាញបាននិយាយថា មហិច្ឆតា និងគោលនយោបាយបង្ខិតបង្ខំរបស់ទីក្រុងប៉េកាំងបានប្រកួតប្រជែងផលប្រយោជន៍សន្តិសុខ និងតម្លៃរបស់ខ្លួន។ សម្ព័ន្ធណាតូក៏បាននិយាយផងដែរថា ទំនាក់ទំនងកាន់តែជិតស្និទ្ធរបស់ចិនជាមួយរុស្ស៊ី បានប្រឆាំងនឹងផលប្រយោជន៍លោកខាងលិច ដោយនាំឲ្យមានការឆ្លើយតបយ៉ាងខ្លាំងក្លាពីទីក្រុងប៉េកាំង។អ្នកនាំពាក្យក្រសួងការបរទេសចិនលោក Zhao Lijian បានប្រាប់សន្និសីទសារព័ត៌មានមួយថា ឯកសារទស្សនទានជាយុទ្ធសាស្ត្រថ្មីរបស់ណាតូមិនទទួលស្គាល់ការពិត បំភ័ន្តសទៅជាខ្មៅ និងធ្វើឱ្យខូចនយោបាយការបរទេសរបស់ចិន។ លោកបានបន្ថែមថា ចិនប្រឆាំងដាច់ខាតចំពោះការព្រមាននេះ។ លោក Zhao បានប្រាប់ក្រុមអ្នកសារព័ត៌មានថា យើងចង់ព្រមានណាតូថា ការលាបពណ៌ដែលថា ចិនគឺជាការគំរាមកំហែងដល់លោកខាងលិចគឺជារឿងឥតបានការ៕អត្ថបទ៖ សុខមាន

នៅថ្ងៃទី១២-១៣ខែកក្កដាខាងមុខនេះ អ្នកជំនាញក្រុមហ៊ុន ស៊ីណូវ៉ាក់ នឹងមកសិក្សាពីមូលដ្ឋានសំណង់ និងបច្ចេកទេសរក្សាវ៉ាក់សាំងនៅកម្ពុជា

ភ្នំពេញ៖ លោកជំទាវ វេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល បានឲ្យដឹងថា នៅថ្ងៃទី១២-១៣ ខែកក្កដា ឆ្នាំ២០២២ខាងមុខនេះ ក្រុមអ្នកជំនាញរបស់ក្រុមហ៊ុន Sinovac Life Sciences Co.,Ltd នឹងមកសិក្សាពីមូលដ្ឋានសំណង់ និងបច្ចេកទេសរក្សាទុកវ៉ាក់សាំង និងវេចខ្ចប់វ៉ាក់សាំង នៅកម្ពុជា។លោកជំទាវបន្តទៀតថា ក្រុមអ្នកជំនាញរបស់ក្រុមហ៊ុន ស៊ីណូវ៉ាក់ ចុះមកសិក្សានេះបន្ទាប់ពីក្រសួងសុខាភិបាលកម្ពុជា បានរៀបចំពិធីចុះហត្ថលេខាលើអនុស្សរណៈនៃការយោគយល់គ្នា ស្តីពីកិច្ចសហប្រតិបតិ្តការវេចខ្ចប់វ៉ាក់សាំងបង្ការវីរុសកូវីដ-១៩ រវាងសហគ្រាសឱសថកម្ពុជា និងក្រុមហ៊ុន Sinovac Life Sciences នៃសាធារណរដ្ឋប្រជាមានិតចិន ដែលអាចឲ្យកម្ពុជា មានលទ្ធភាពវេចខ្ចប់វ៉ាក់សាំងដោយអនុលោមទៅតាមនិយាមរបស់សាធារណរដ្ឋប្រជាមានិតចិន។ ដោយពិធីចុះហត្ថលេខាលើអនុស្សរណៈនៃការយោគយល់គ្នា ធ្វើឡើងកាលពីព្រឹកថ្ងៃទី១ ខែមិថុនា ឆ្នាំ២០២២កន្លងទៅ ក្រោមវត្តឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល ជាមួយឯកឧត្តម Wang Wentian (វ៉ាង វិនធាន) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា លោកជំទាវ អ្នកឧកញ៉ា ជឹង សុភាព អគ្គនាយិកាសហគ្រាសឱសថកម្ពុជា លោក Gao Qiang (កៅ ជាំង)អ្នកគ្រប់គ្រងទូទៅរបស់ក្រុមហ៊ុន Sinovac Life Sciences Co.,Ltd។ ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល បានបញ្ជាក់ដែរថា គម្រោងវេចខ្ចប់ដំណាក់កាលចុងក្រោយ នៃវ៉ាក់សាំងបង្ការវីរុសកូវីដ-១៩ និងវីរុសបំលែងថ្មីផ្សេងៗទៀត រាជរដ្ឋាភិបាលកម្ពុជា បញ្ជាទិញពីសហគ្រាសឱសថកម្ពុជា រយៈពេល៣ឆ្នាំ(២០២៤-២០២៦) សម្រាប់ផ្គត់ផ្គង់តម្រូវការប្រើបា្រស់ក្នុងប្រទេស៕(ដោយ៖ ហួត រដ្ឋា)

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសប្រារព្ធទិវាមច្ឆជាតិ១កក្កដា ឆ្នាំ២០២២

ភ្នំពេញ៖ នៅព្រឹកថ្ងៃទី១ ខែកក្កដា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីអបអរសាទរទិវាមច្ឆជាតិ១កក្កដា ឆ្នាំ២០២២ ដែលប្រារព្ធឡើងនៅទីតាំងអាងទឹកត្រពាំងថ្ម ភូមិត្រពាំងថ្ម ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ។ដើម្បីទទួលបានព័ត៌មានថ្មីៗ រហ័ស សូម Join Channel Telegram BTV Newsខាងក្រោមនេះជាប្រសាសន៍សំខាន់ៗរបស់សម្ដេចតេជោ៖- សម្តេចតេជោ ហ៊ុន សែន រំលឹកពីដំណើររបស់សម្តេចមកកាន់ខេត្តបន្ទាយមានជ័យ ក្នុងពេលមានទឹកជំនន់ និងរំលឹកពីដំណើររបស់សម្តេច មកអាងត្រពាំងថ្មជាមួយអង្គទូត នៃប្រទេសនានាប្រចាំកម្ពុជា ដើម្បីបើកទ្វារទឹក និងអភិរក្សសត្វក្រៀល។- សម្តេចតេជោ ហ៊ុន សែន ថ្លែងការកោតសរសើរដល់រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដែលបានប្រឹងប្រែងអស់កម្លាំងកាយចិត្តក្នុងដែនសមត្ថកិច្ចរបស់ខ្លួន ដើម្បីអភិរក្សជលផល និងរក្សាព្រៃលិចទឹកដើម្បីធានាទិដ្ឋផលជលផលជាតិ។- សម្តេចតេជោ ហ៊ុន សែន បញ្ជាក់ថា ជារៀងរាល់ឆ្នាំ នៅថ្ងៃទី ១ ខែកក្កដា គឺជាទិវាដែលយើងតែងប្រារព្ធទិវាមច្ឆជាតិ ក្នុងស្មារតីចូលរួមផ្សព្វផ្សាយ គ្រប់គ្រង ការពារ និងអភិរក្ស ធនធានធម្មជាតិអោយបានគង់វង្ស។- សម្តេចតេជោ ហ៊ុន សែន បញ្ជាក់ថា ទិវាមច្ឆជាតិ គ្រាន់តែជានិមិត្តរូប ដើម្បីលែងកូនត្រីប៉ុណ្ណោះ តែការលែងកូនត្រីនេះអាចលែងបានគ្រប់ពេល និងគ្រប់ទីកន្លែងឱ្យមានកូនត្រីលែង ហើយវាគឺជាផ្នែកក៏ធំមួយសម្រាប់ធានាទិដ្ឋផលត្រី ផ្តល់ម្ហូបអាហារដល់ប្រជាពលរដ្ឋ។- សម្តេចតេជោ ហ៊ុន សែន អំពាវនាវឱ្យមានហេតុផលសមរម្យក្នុងការរិះគន់ពីបញ្ហាជលផលនេះ ខណៈទន្លេ បឹងបួរ ស្ទឹង អូរ មានការគោករាក់ ដែលនាំឱ្យទិន្នផលត្រីក៏មានការធ្លាក់ចុះផងដែរ ទន្ទឹមនឹងនោះប្រជាពលរដ្ឋ ក៏កាន់តែមានការកើនឡើងផងដែរ។- សម្តេចតេជោ ហ៊ុន សែន រិះគន់ទៅក្រុមប្រឆាំងមួយចំនួនដែលតែងចោទប្រកាន់ដាក់បន្ទុកពីការបាត់បង់ព្រៃឈើនៅកម្ពុជា ខណៈដែលពួកគេទាំងនោះ ក៏បានកាប់រាន ទន្ទ្រានដើម្បីកាន់កាប់ដីធ្លីបង្កបង្កើនផងដែរ។- សម្តេចតេជោ ហ៊ុន សែន ប្រកាសជំរុញចរន្ត នៃការចិញ្ចឹមត្រី ដើម្បីធានាការផ្គត់ផ្គង់ដល់តម្រូវការប្រជាពលរដ្ឋ។ សម្តេចបន្តថា ពេលនេះ តម្លៃត្រីមានកើនឡើង ខណៈសាច់មាន់ សាច់ជ្រូក និងសាច់ផ្សេងៗ បែរជាមានការធ្លាក់ខ្លះទៅវិញ ដែលនេះផ្អែកលើតម្រូវការជាក់ស្តែងរបស់អ្នកទទួលទានប៉ុណ្ណោះ។- សម្តេចតេជោ ហ៊ុន សែន ប្រកាសឱ្យមានសកម្មភាពកាត់ឆ្វៀលដីនៅតំបន់បឹងទន្លេសាប ក្នុងនោះមានតម្រូវការកាត់ចេញទៅតំបន់៣ ទៅតំបន់២ និងពីតំបន់២ ទៅតំបន់១ តែការកាត់នោះ ត្រូវមានការសិក្សាស្រាវជ្រាវឱ្យបានដិតដល់ និងសម្រេចកាត់តាមអ្វីដែលជាយន្តការដាក់ចេញមកស្រាប់។- សម្តេចតេជោ ហ៊ុន សែន រំលឹកពីគ្រាដែលឯកជនកាន់កាប់ឡូតិ៍នេសាទ ដោយបង្កការលំបាកលំបិតបំផុតដល់ប្រជាពលរដ្ឋ និងប្រជានេសាទ រហូតដល់មានអំពើហិង្សាក្នុងទម្រង់ធ្ងន់ធ្ងរ និងជម្រោះរ៉ាំរ៉ៃផ្សេងៗរាប់មិនអស់។- សម្តេចតេជោ ហ៊ុន សែន ជំរុញឱ្យក្រសួងធនធនទឹក និងឧតុនិយម ធ្វើផ្លូវឱ្យបានស្អាត ឱ្យបានឆាប់ លើខ្នងទំនប់ប្រឡាយអាងទឹកត្រពាំងថ្ម ដើម្បីងាយស្រួលក្នុងការអភិរក្ស ធ្វើដំណើរ និងជាទិសដៅទេសចរណ៍សហគមន៍ផងដែរ ខណៈដែលគម្រោងធ្វើផ្លូវនោះ មានតាំងពីឆ្នាំ២០១៣មកម្លេះ។- សម្តេចតេជោ ហ៊ុន សែន ប្រកាសដល់អភិបាលខេត្តបបន្ទាយមានជ័យ ធ្វើការជាមួយឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន ប្រឹងប្រែងឱ្យអស់ពីលទ្ធភាព ទោះក្នុងតម្លៃណាក៏ដោយ ត្រូវកំណត់ឱ្យបាននៅចុងឆ្នាំ២០២២នេះ តំបន់ភូមិប៉ោយចារ និងតំបន់អាងត្រពាំងថ្ម ជាតំបន់គ្មានមីន។- សម្តេចតេជោ ហ៊ុន សែន រំលឹកអតីតកាល នៃជម្លោះប្រដាប់អាវុធចំនួន ៤ភាគីនៅតំបន់អាងត្រពាំងថ្ម តែបច្ចុប្បន្ននេះតំបន់អាងត្រពាំងថ្មក្លាយជាតំបន់អភិវឌ្ឍន៍ និងការរីកចម្រើន ពីសំឡេងគ្រាប់ទៅជាសំឡេងតន្ត្រី នៃសុខសន្តិភាព។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋ ដែលបាននាំគ្នាអញ្ជើញទៅបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ដែលបានកន្លងទៅថ្មីៗនេះ ទោះជាបោះឱ្យគណបក្សនយោបាយណាក៏ដោយ ដែលនេះជាទម្រង់ នៃលទ្ធផលប្រជាធិបតេយ្យ សេរី ពហុបក្សនៅកម្ពុជា។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋ ដែលបានបោះឆ្នោតគាំទ្រគណបក្សប្រជាជនកម្ពុជា ហើយសម្តេចក៏សូមប្រកាសដល់ពលរដ្ឋឱ្យបន្តបោះឆ្នោត គាំទ្រគណបក្សប្រជាជនកម្ពុជានៅឆ្នាំ២០២៣ខាងមុខបន្តទៀត ដែលជាសក្ខីភាពបង្ហាញពីភាពជឿជាក់ ទុកចិត្ត លើការដឹកនាំរបស់គណបក្សប្រជាជនកម្ពុជា។ សម្តេចតេជោ ហ៊ុន សែន បញ្ជាក់ថា «បោះឆ្នោតជូនគណបក្សប្រជាជនកម្ពុជា គឺបោះឆ្នោតជូនខ្លួនឯង»។- សម្តេចតេជោ ហ៊ុន សែន បានរំលឹកពីដំណើរការស្វែងរកសន្តិភាពរបស់កម្ពុជា និងដំណាក់កាលសម័យអ៊ុនតាក់ ដែលជាដំណើររួមចំណែកស្វែងរកសន្តិភាពនៅកម្ពុជា ។ សម្តេចបានបញ្ជាក់បន្ថែមថា «ពេលអ៊ុនតាក់ដកចេញ កម្ពុជាមិនទាន់មានសន្តិភាពឡើយ»។ កម្ពុជាបានបន្តប្រឹងចរចាស្វែងរកសន្តិភាពដោយខ្លួនឯង ដោយស្មារតីខ្មែរ ស្រលាញ់ខ្មែរ។- សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋ ឱ្យបន្តប្រុងប្រយ័ត្នខ្ពស់ពីការឆ្លងរីករាលដាលជំងឺកូវីដ-១៩ ។ សម្តេចបញ្ជាក់ថា «កូវីដ-១៩ មិនទាន់ទៅណាឆ្ងាយពីយើងនៅឡើយ»។ ចម្តេចតេជោ ហ៊ុន សែន បានបន្តអំពាវនាវដោយទទូចឱ្យប្រជាពលរដ្ឋទៅចាក់វ៉ាក់សាំងកូវីដ-១៩ តាមកម្រិតដែលខ្លួនមាន ក្នុងនោះមានតម្រូវការចាក់ដូសជំរុញទី៣,ទី៤ និងទី៥។- សម្តេចតេជោ ហ៊ុន សែន ប្រកាសជាថ្មីពីដំណើរការបន្តចាក់វ៉ាក់សាំងកូវីដ-១៩ ដល់ប្រជាពលរដ្ឋ ដោយមិនគិតថ្លៃ ទោះជាមានតម្រូវការចាក់រហូតដល់ដូសទី២០ក៏ដោយ ក៏មិនយកថ្លៃដែរ។ សម្តេចបញ្ជាក់ថា «ដំណើរការចាក់វ៉ាក់សាំងកូវីដ-១៩ នៅកម្ពុជាមិនត្រឹមតែមិនយកលុយទេ ថែមទាំងលើកទឹកចិត្តថែមទៀត»។- សម្តេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានអាខោនតិកតុកឈ្មោះ «អ៊ូខុង» ដែលបានផ្សព្វផ្សាយបំពុលថា មានករណីស្លាប់ដោយជំងឺកូវីដ-១៩នៅខេត្តកោះកុង។ សម្តេចតេជោ ហ៊ុន សែន ព្រមានថា «ចេញផ្សាយបំផុលមួយ ចាប់ខ្លួនមួយ ដោយគ្មានការលើកលែងឡើយ ....! នរណាក៏ដោយដែលយកបញ្ហាកូវីដ-១៩មកលេងសើច នឹងត្រូវចាប់ខ្លួន»។- សម្តេចតេជោ ហ៊ុន សែន បានប្រកាសថា នៅតាមមន្ទីរពេទ្យរដ្ឋទាំងនៅភ្នំពេញ និងបណ្តាខេត្តនានាទូទាំងប្រទេសនាពេលនេះ មិនមានអ្នកជំងឺកូវីដ-១៩ សម្រាកព្យាបាលនោះទេ។ អ្នកជំងឺកូវីដ-១៩ បានសម្រាកព្យាបាលនៅតាមផ្ទះរបស់គេរៀងៗខ្លួន។- សម្តេចតេជោ ហ៊ុន សែន ប្រកាសដល់ជនទាំងឡាយ រួមទាំងអង្គការសង្គមស៊ីវិលនានាផងដែរ ដែលរិះគន់ និងចោទប្រកាន់ពីការចាប់ខ្លួនបុរសម្នាក់ ដែលបំផុសព័ត៌មានបំពុលតាមបណ្តាញសង្គមរឿងបញ្ហាកូវីដ-១៩នោះ សូមមកជួបសម្តេច ដោយសម្តេចនឹងពន្យល់ពីករណីនេះ។- សម្តេចតេជោ ហ៊ុន សែន ប្រកាសពីការផលលំបាក ដែលបណ្តាលមកពីបញ្ហាប្រេងឥន្ធនៈឡើងថ្លៃ ដែលការឡើងនេះ មិនមានតែមានត្រឹមតែនៅកម្ពុជានោះទេ គឺកើតឡើងទូទាំងពិភពលោក។-សម្តេចតេជោ ហ៊ុន សែន ប្រកាសឱ្យប្រជាពលរដ្ឋប្រើប្រាស់ថាមពលឥន្ធនៈដោយមានភាពសន្សំសំចៃ ដើម្បីកាត់បន្ថយការចំណាយក្នុងគ្រួរសារ។ សម្តេចតេជោ ហ៊ុន សែន បានជំរុញ លើកទឹកចិត្ត ដល់ប្រជាពលរដ្ឋប្រើប្រាស់រថយន្តអគ្គិសនី ក្នុងតំណាក់ នៃការឡើងថ្លៃប្រេងឥន្ធនៈនេះ។ សង្កថាសម្តេចតេជោ ហ៊ុន សែន ចប់នៅវេលាម៉ោង ០៩ និង៣៥នាទី

ទីក្រុង Lysychansk ប្រឈមការវាយប្រហារខ្លាំង ខណៈរុស្ស៊ីគ្រប់គ្រងខេត្ត Luhansk បាន ៩៥%

អ៊ុយក្រែន៖ កាលពីថ្ងៃព្រហស្បតិ៍កងទ័ពរុស្ស៊ីបានប្រយុទ្ធ ដើម្បីឡោមព័ទ្ធបន្ទាយចុងក្រោយរបស់ក្រុមអ្នកតស៊ូអ៊ុយក្រែន នៅក្នុងភាគខាងកើតប្រទេសអ៊ុយក្រែន។ ការរុញទៅមុខរបស់ក្រុង Moscow ដើម្បីគ្រប់គ្រងតំបន់ Donbas ទាំងមូលពីអ៊ុយក្រែនត្រូវបានផ្ដោតលើទីក្រុង Lysychansk ដែលជាមូលដ្ឋានរឹងមាំនៅសេសសល់ចុងក្រោយរបស់អ៊ុយក្រែននៅក្នុងខេត្ត Luhansk។ កងទ័ពរុស្ស៊ី និងក្រុមបំបែកខ្លួនសម្ព័ន្ធមិត្តរបស់ពួកគេបានគ្រប់គ្រងខេត្ត Luhansk 95% និងប្រមាណពាក់កណ្ដាលនៃខេត្ត Donetsk ជាខេត្ត២ បង្កើតបានជាតំបន់ Donbas មានប្រជាជនភាគច្រើននិយាយភាសារុស្ស៊ី។ វីដេអូពីទូរទស្សន៍ Sky News កាលពីថ្ងៃពុធបានបង្ហាញពីកងកម្លាំងរុស្ស៊ី កំពុងបាញ់ផ្លោងគ្រាប់កាំភ្លើងទៅលើទីក្រុង Lysychansk និងប៉ះទង្គិចជាមួយកងកម្លាំងការពារអ៊ុយក្រន នៅជុំវិញរោងចក្រចម្រាញ់ប្រេងនៅជាយទីក្រុងនេះ។ ទាហានអ៊ុយក្រែននៅទីនោះបានទទួលបញ្ជាឲ្យទៅកាន់ទីតាំងនោះ ប៉ុន្តែពួកគេកំពុងត្រៀមទប់ទល់សមរភូមិថ្មីប្រឆាំងនឹងកងទ័ពរុស្ស៊ី។អភិបាលខេត្ត Luhansk លោក Serhiy Haidai បាននិយាយថា កងកម្លាំងរុស្ស៊ីកំពុងព្យាយាមបិទផ្លូវហាយវ៉េមួយខ្សែដែលត្រូវបានប្រើ ដើម្បីដឹកជញ្ជូនសម្ភារៈផ្គត់ផ្គង់ និងឡោមព័ទ្ធទីក្រុងនេះទាំងមូល។ លោក Serhiy Hayday បាននិយាយកាលពីយប់ថ្ងៃព្រហស្បតិ៍ថា ទីក្រុង Lysychansk ស្ថិតក្នុងស្ថានភាពយ៉ាប់យ៉ឺនខ្លាំងណាស់៕អត្ថបទ៖ សុខមាន

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

បន្ទាយមានជ័យ៖ សម្តេចតេជោ ហ៊ុន សែន នាយករដ្ឋមន្ត្រី បានប្រកាសពីការចាប់ខ្លួនបុរសម្នាក់មានអាខោនតិកតុក(TikTok) ឈ្មោះ «ហ៊ៅ អ៊ូខុង» ដែលបានផ្សព្វផ្សាយបំពុលថា មានករណីស្លាប់ដោយជំងឺកូវីដ-១៩ នៅខេត្តកោះកុង។ សម្តេចតេជោ ហ៊ុន សែន ព្រមានថា «ចេញផ្សាយបំផុលមួយ ចាប់ខ្លួនមួយ ដោយគ្មានការលើកលែងឡើយ ....! នរណាក៏ដោយដែលយកបញ្ហាកូវីដ-១៩មកលេងសើច នឹងត្រូវចាប់ខ្លួន»។សម្ដេចតេជោបានមានប្រសាសន៍យ៉ាងដូច្នេះក្នុងឱកាសដែលសម្ដេចអញ្ជើញជាអធិបតីក្នុងពិធីអបអរសាទរទិវាមច្ឆជាតិ១កក្កដា ឆ្នាំ២០២២ ដែលប្រារព្ធឡើងនៅទីតាំងអាងទឹក ត្រពាំងថ្ម ភូមិត្រពាំងថ្ម ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ នៅព្រឹកថ្ងៃទី០១ ខែកក្កដា ឆ្នាំ២០២២។ជាមួយគ្នានេះដែរ សម្តេចតេជោ ហ៊ុន សែន បានប្រកាសដល់ជនទាំងឡាយ រួមទាំងអង្គការសង្គមស៊ីវិលនានាផងដែរ ដែលរិះគន់ និងចោទប្រកាន់ពីការចាប់ខ្លួនបុរសម្នាក់ ដែលបំផុសព័ត៌មានបំពុលតាមបណ្តាញសង្គមរឿងបញ្ហាកូវីដ-១៩នោះ សូមមកជួបសម្តេច ដោយសម្តេចនឹងពន្យល់ពីករណីនេះ។

បណ្ដាញសង្គម

ព័ត៌មានថ្មីៗ

NEA និង គម្រោង AVT-GERMANY រៀបចំសិក្ខាសាលាផ្តល់ចំណេះដឹងដល់មន្ត្រី លើជំនាញវិស័យមេកានិចយានយន្ត និងអគ្គិសនី

ក្រសួងការងារ៖ ខេត្តកណ្ដាល មានឱកាសការងារជាង ២ម៉ឺនកន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ ខេត្តស្វាយរៀង មានឱកាសការងារជិត ២ពាន់កន្លែង កំពុងរង់ចាំប្រជាពលរដ្ឋ និងបងប្អូនអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

អាមេរិក នឹងដកការបិទច្រកកំពង់ផែអ៊ីរ៉ង់ នៅពេលការដឹកជញ្ជូនទំនិញបន្តជាថ្មីដោយគ្មានការារាំង

ប្រធានអាជ្ញាធរប៉ាឡេស្ទីន ស្វាគមន៍កតិកាសញ្ញាទីក្រុងមេកា ថាជាជំហានសម្រាប់សន្តិសុខរួម

នាយករដ្ឋមន្ត្រីថៃ សង្កត់ធ្ងន់លើការគ្រប់គ្រងអាវុធយ៉ាងតឹងរ៉ឹង បន្ទាប់ពីការបាញ់ប្រហារនៅសាលារៀន

មនុស្សរាប់ពាន់នាក់ ប្រមូលផ្តុំគ្នានៅទូទាំងប្រទេសប៉ាគីស្ថាន ប្រឆាំងការយកពន្ធប្រេងឥន្ធនៈ

ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សា នៅវត្តពោធិ៍ប្រាំពាន់ដើម ដើម្បីទ្រទ្រង់ និងលើកស្ទួយវិស័យព្រះពុទ្ធសាសនា!

អ្នកនាំពាក្យក្រសួងបរិស្ថាន អំពាវនាវដល់សាធារណជន និងអ្នកបង្កើតមាតិកាបញ្ឈប់ការផ្សព្វផ្សាយឬផលិតមាតិកាឃោសនា ជំរុញឬបង្ហាញពីការជួញដូរ បរិភោគ និងការចាប់សត្វព្រៃ ដែលជាអំពើល្មើសច្បាប់ ប៉ះពាល់ដល់សុខភាព និងបរិស្ថាន

កម្ពុជានាំចេញម្រេច GI ប្រមាណ ៥០តោន ទៅកាន់ទីផ្សារអន្តរជាតិ ក្នុងរយៈពេល៧ខែ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ្នកវិភាគនិយាយថា អង្គការ NATO បង្ហាញការរួបរួមបន្ថែមទៀត បន្ទាប់ពីកិច្ចប្រជុំកំពូលនៅទីក្រុង Madrid

ប្រេសិតពិសេសប្រធាអាស៊ាន ជួបជាមួយក្រុមប្រដាប់អាវុធភាគតិចមីយ៉ានម៉ាចំនួន៧ ពិភាក្សាស្វែងរកការចចារសន្តិភាព

សម្ព័ន្ធណាតូបិទជំនួបកំពូលដោយហៅរុស្ស៊ីថា ជាការគំរាមកំហែងដោយផ្ទាល់ និងធំបំផុត ខណៈសន្យាបន្តជួយអ៊ុយក្រែន

សម្ដេចតេជោ ហ៊ុន សែន ជំរុញឲ្យចាប់ផ្ដើមប្រកាសខេត្ត-ស្រុក-ឃុំ ជាបណ្ដើរៗអំពីការអស់មីន

ទីក្រុងប៉េកាំងថ្កោលទោស NATO ជុំវិញការលាបពណ៌ថា ឥទ្ធិពលរបស់ចិនគំរាមដល់សម្ព័ន្ធយោធានេះ

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសប្រារព្ធទិវាមច្ឆជាតិ១កក្កដា ឆ្នាំ២០២២

ទីក្រុង Lysychansk ប្រឈមការវាយប្រហារខ្លាំង ខណៈរុស្ស៊ីគ្រប់គ្រងខេត្ត Luhansk បាន ៩៥%

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អ្នកវិភាគ​និយាយ​ថា អង្គការ​ NATO​ បង្ហាញ​ការរួបរួម​បន្ថែមទៀត ​បន្ទាប់ពី​កិច្ចប្រជុំ​កំពូល​នៅ​ទីក្រុង Madrid

ប្រេសិតពិសេសប្រធាអាស៊ាន ជួបជាមួយក្រុមប្រដាប់អាវុធភាគតិចមីយ៉ានម៉ាចំនួន៧ ពិភាក្សាស្វែងរកការចចារសន្តិភាព

សម្ដេចតេជោ ហ៊ុន សែន ជំរុញឲ្យចាប់ផ្ដើមប្រកាសខេត្ត-ស្រុក-ឃុំ ជាបណ្ដើរៗអំពីការអស់មីន

ទីក្រុង​ប៉េកាំង​ថ្កោលទោស NATO ជុំវិញ​ការ​លាប​ពណ៌​ថា ​ឥទ្ធិពល​របស់​ចិន​គំរាម​ដល់​សម្ព័ន្ធ​យោធា​នេះ

ប្រសាសន៍សំខាន់ៗរបស់សម្ដេចតេជោ ហ៊ុន​ សែន​ ក្នុងឱកាសប្រារព្ធទិវាមច្ឆជាតិ១កក្កដា ឆ្នាំ២០២២

ទីក្រុង Lysychansk ប្រឈម​ការវាយប្រហារ​ខ្លាំង ខណៈ​រុស្ស៊ី​គ្រប់គ្រង​ខេត្ត Luhansk បាន ៩៥%

សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកវិភាគនិយាយថា អង្គការ NATO បង្ហាញការរួបរួមបន្ថែមទៀត បន្ទាប់ពីកិច្ចប្រជុំកំពូលនៅទីក្រុង Madrid

ទីក្រុងប៉េកាំងថ្កោលទោស NATO ជុំវិញការលាបពណ៌ថា ឥទ្ធិពលរបស់ចិនគំរាមដល់សម្ព័ន្ធយោធានេះ

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសប្រារព្ធទិវាមច្ឆជាតិ១កក្កដា ឆ្នាំ២០២២

ទីក្រុង Lysychansk ប្រឈមការវាយប្រហារខ្លាំង ខណៈរុស្ស៊ីគ្រប់គ្រងខេត្ត Luhansk បាន ៩៥%

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន