BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

ក្រុមហ៊ុន អ័រគីដេ និងធនាគារ FTB សហការគ្នាអភិវឌ្ឍវិស័យអចលនទ្រព្យនិងហិរញ្ញវត្ថុ ឲ្យកាន់តែរីកចម្រើនថែមទៀតនៅកម្ពុជា

ភ្នំពេញ ៖ ក្រុមហ៊ុន អ័រគីដេ ឌីវែឡុបម៉ិន និងធនាគារពាណិជ្ជកម្មក្រៅប្រទេសនៃកម្ពុជា (FTB) កាលពីរសៀលថ្ងៃទី៣១ ខែមីនា ឆ្នាំ២០២២កន្លងទៅនេះ បានចុះហត្ថលេខាជាផ្លូវការលើអនុស្សរណៈនៃការយោគយល់គ្នា អំពីកិច្ចសហការពាណិជ្ជកម្ម និងអត្ថប្រយោជន៍បុគ្គលិក សំដៅរួមចំណែកអភិវឌ្ឍវិស័យអចលនទ្រព្យ និងវិស័យធនាគារនិងហិរញ្ញវត្ថុ ឲ្យមានការរីកចម្រើនខ្លាំងក្លាជាលំដាប់ និងប្រកបដោយនិរន្តរភាព។នៅក្នុងពិធីចុះហត្ថលេខានេះ លោកជំទាវ ខៀវ សស៊ីលៀប នាយិកាប្រតិបត្តិទូទៅក្រុមហ៊ុន អ័រគីដេ ឌីវែឡុបម៉ិន (Orkide Development) បានមានប្រសាសន៍ថា យើងមានមោទនភាពដែលបានសហការជាមួយ FTB ជាធនាគារពាណិជ្ជទី១នៅកម្ពុជាដែលទទួលបានការទុកចិត្តចាប់តាំងពីឆ្នាំ១៩៧៩ និងជាដៃគូធុរកិច្ចដ៏សំខាន់ និងយូរអង្វែងមួយរបស់ក្រុមហ៊ុន។ លោកជំទាវបានបន្តថា កិច្ចសហការមួយនេះផ្តល់ទំនុកចិត្ត ភាពងាយស្រួល និងសេវាឆាប់រហ័សលើការអនុម័តកម្ចីទិញផ្ទះជូនដល់អតិថិជន ហើយក៏មានជាកម្មវិធីប្រូម៉ូសិនពិសេសសម្រាប់អតិថិជន ក៏ដូចជាបុគ្គលិកធនាគារពាណិជ្ជកម្មក្រៅប្រទេសនៃកម្ពុជាផងដែរ។ នេះគឺជាកាលានុវត្តភាពមួយដែលផ្តល់ជូនយ៉ាងពិសេសដល់អតិថិជនទាំងអស់ ក៏ដូចជាបុគ្គលិកធនាគារផ្ទាល់។លោក ឌិត សុចល ប្រធាននាយកប្រតិបត្តិធនាគារពាណិជ្ជកម្មក្រៅប្រទេស នៃកម្ពុជា បានលើកឡើងថា ស្របតាមទិសដៅអភិវឌ្ឍន៍របស់ធនាគារ យើងនឹងបន្តពង្រីកសកម្មភាពប្រតិបត្តិការរបស់ខ្លួន និងលើកកម្ពស់កម្រិតស្តង់ដារសេវាកម្ម និងផលិតផលថ្មីៗ ដែលជាដំណោះស្រាយហិរញ្ញវត្ថុដ៏សមស្របជូនដល់អតិថិជន និងទីផ្សារ។ ទន្ទឹមគ្នានេះ កិច្ចសហការរវាងធនាគារFTB និងក្រុមហ៊ុន អ័រគីដេ ពិតជាឆ្លុះបញ្ចាំងនូវការយកចិត្តទុកដាក់ក្នុងការចូលរួមអភិវឌ្ឍវិស័យអចលនទ្រព្យ និងវិស័យធនាគារ ក៏ដូចជាការផ្តល់ទំនុកចិត្តបន្ថែមទៀត ជូនដល់អតិថិជនដែលកំពុងស្វែងរកនូវសេវាកម្ចីទិញលំនៅឋានសម្រាប់ការស្នាក់នៅប្រកបដោយផាសុកភាព និងសម្រាប់ការវិនិយោគដែលទទួលបានផលចំណេញកាន់តែច្រើន។ សូមបញ្ជាក់ថា កិច្ចសហការដៃគូពាណិជ្ជកម្មខាងលើនេះ គឺអតិថិជនដែលទិញផ្ទះពីក្រុមហ៊ុន អ័រគីដេ ឌីវែឡុបម៉ិន អាចស្នើប្រាក់កម្ចីពីធនាគារពាណិជ្ជកម្មក្រៅប្រទេស នៃកម្ពុជា រហូតដល់ ៨០% ក្នុងទំហំទឹកប្រាក់សរុបនៃតម្លៃអចលនទ្រព្យ។ រីឯរយៈពេលកម្ចីគឺបានរហូតដល់ ២០ឆ្នាំ ក្នុងអត្រាការប្រាក់ប្រចាំឆ្នាំត្រឹមតែ ៩,៣៥% សម្រាប់ប្រាក់ដុល្លារ និងត្រឹមតែ ៨,៧៥% សម្រាប់ប្រាក់រៀល ស្ថិតក្នុងលក្ខខណ្ឌងាយស្រួលក្នុងការអនុម័តប្រាក់កម្ចី និងមានកម្មវិធីពិសេសសម្រាប់អតិថិជន ក៏ដូចជាបុគ្គលិកធនាគារផងដែរ៕ អត្ថបទ ៖ បូរ៉ាវី

មេបញ្ជាការកងទ័ពជើងគោកកម្ពុជា ទទួលជួបឯកអគ្គរដ្ឋទូត និងអនុព័ន្ធយោធាទើបបញ្ចប់អាណត្តិ និងអនុព័ន្ធយោធាថ្មី វៀតណាម ប្រចាំនៅកម្ពុជា

ភ្នំពេញ៖ នាព្រឹកថ្ងៃទី៣១ ខែមីនា ឆ្នាំ២០២២ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានទទួលជួប ឯកឧត្តម ង្វៀន ហ៊ុយតាំង ឯកអគ្គរដ្ឋទូត នៃសាធារណរដ្ឋសង្គមនិយមវៀតណាម ប្រចាំនៅកម្ពុជា ព្រមជាមួយនឹងលោកវរសេនីយ៍ឯក ង្វៀន ថាញ់ជីញ អនុព័ន្ធយោធាដែលទើបបញ្ចប់អាណត្តិ និងលោកវរសេនីយ៍ឯកបម្រុង ជិន វ៉ាន់តឹម អនុព័ន្ធយោធាថ្មី ដើម្បីសម្តែងការគួរសម, ជម្រាបលា និងណែនាំខ្លួន នៅទីបញ្ជាការកងទ័ពជើងគោក នៃកងយោធពលខេមរភូមិន្ទ។ក្នុងជំនួបនេះ លោកអនុព័ន្ធយោធាវៀតណាមបញ្ចប់អាណត្តិ បានជម្រាបជូន ឯកឧត្តម មេបញ្ជាការកងទ័ពជើងគោក អំពីលទ្ធផលការងារក្នុងអាណត្តិរបស់លោក និងបានបញ្ជាក់អំពីទំនាក់ទំនងរឹងមាំនៃកិច្ចសហប្រតិបត្តិការរវាងកងទ័ពនៃប្រទេសទាំងពីរ និងបានបង្ហាញផងដែរនូវទិសដៅក្នុងការបន្តខិតខំប្រឹងប្រែងធ្វើយ៉ាងណាឱ្យកិច្ចសហប្រតិបត្តិការដ៏ល្អនេះ មានភាពយូរអង្វែងទៅមុខទៀត។ជាការឆ្លើយតប ឧត្តមសេនីយ៍ឯក ហ៊ុន ម៉ាណែត បានថ្លែងអំណរគុណចំពោះកិច្ចខិតខំប្រឹងប្រែង និងសមិទ្ធផលការងារក្នុងអាណត្តិការទូតយោធារបស់លោកវរសេនីយ៍ឯក ង្វៀន ថាញ់ជីញ ដែលពិតជាបានគាំទ្រដល់ការពង្រឹង និងពង្រីកទំនាក់ទំនងកិច្ចសហប្រតិបត្តិការរវាងកងទ័ពនៃប្រទេសទាំងពីរ។ ជាមួយគ្នានេះផងដែរ ឯកឧត្តម មេបញ្ជាការកងទ័ពជើងគោក ក៏បានអបអរសាទរ និងស្វាគមន៍ចំពោះការចូលកាន់តំណែងរបស់អនុព័ន្ធយោធាវៀតណាមថ្មី ដែលនឹងចូលរួមចំណែកក្នុងការជំរុញសន្ទុះនៃទំនាក់ទំនងមិត្តភាព និងកិច្ចសហប្រតិបត្តិការយោធាទ្វេភាគី ឱ្យកាន់តែរីកចម្រើនជិតស្និទ្ធ និងរឹងមាំបន្ថែមទៀត ស្របតាមទិសដៅរបស់ក្រសួងការពារជាតិនៃប្រទេសទាំងពីរ សំដៅធានាបាននូវសន្តិភាព និងវិបុលភាពសម្រាប់ប្រទេសនីមួយៗ ក៏ដូចជាតំបន់ទាំងមូល៕

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ផ្ញើសារអបអរសាទរ និងជូនពរជ័យដល់សាសនិកឥស្លាមកម្ពុជាទាំងក្នុង និងក្រៅប្រទេស ក្នុងឱកាសបួសខែរ៉ាម៉ាឌន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារអបអរសាទរ និងជូនពរជ័យ សិរីសួស្ដី សុភមង្គល ជូនដល់បងប្អូនសាសនិកឥស្លាមកម្ពុជាទាំងក្នុង និងក្រៅប្រទេស ដែលនឹងចូលបួសខែរ៉ាម៉ាឌន ដែលនៅកម្ពុជាអាចនឹងចាប់ផ្ដើមនៅថ្ងៃសៅរ៍ទី១ ខែរ៉ម៉ាឌន ឆ្នាំ១៤៤៣មូហាំម៉ាត់សករាជ ត្រូវនឹងថ្ងៃ១កើត ខែចេត្រ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២ ខែមេសា ឆ្នាំ២០២២។ យោងតាមសារបង្ហោះលើfacebookផ្លូវការសម្តេចនាយករដ្ឋមន្ត្រីបានបញ្ជាក់ថា សម្តេចសូមផ្ញើជូននូវក្តីនឹករលឹក និងអរគុណយ៉ាងជ្រាលជ្រៅបំផុតចំពោះបងប្អូនខ្មែរឥស្លាមកម្ពុជា ដែលបានចូលរួមថែរក្សា សុខសន្តិភាព ហើយមានជំនឿជឿជាក់លើការដឹកនាំរបស់សម្តេច និងគណបក្សប្រជាជនកម្ពុជា តាំងពីដើមតរៀងមក រួមជាមួយនឹងប្រជាជនកម្ពុជាយើង ។ ជាមួយគ្នានេះដែរ សម្តេចក៏សូមការអធ្យាស្រ័យសុំការយោគយល់ពីបងប្អូនសាសនិកខ្មែរឥស្លាម ដែលកម្មវិធីជួបជុំស្រាយបួសរ៉ាម៉ាឌនថ្នាក់ជាតិលើកទី ៧ ទី៨ និងទី៩ ឆ្នាំ២០២២នេះ ត្រូវបានផ្អាកដោយសារជំងឺកូវីដ-១៩ មិនទាន់ទៅឆ្ងាយពីយេីងនៅឡេីយ។រាជរដ្ឋាភិបាលបានអនុញ្ញាតការថ្វាយបង្គំនៅតាមវិហារ(ម៉ាស្ជិទ ស៊ូរ៉ាវ)ការជួបជុំលក្ខណៈសាសនាឡេីងវិញ រួមនឹងកម្មវិធីផ្សេងៗ និងសុំបង្កេីនការអនុវត្តតាមសារាចរណែនាំពីវិធីបង្ការទប់ស្កាត់ជំងឺកូវីដ-១៩ ក៏ដូចជាសេចក្តីណែនាំរបស់ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា ទៅតាមគោលការណ៍របស់រាជរដ្ឋាភិបាល ដោយយើងមិនត្រូវភ្លេចខ្លួន និងធ្វេសប្រហេស មើលស្រាលដល់ជំងឺដ៏កាចសាហាវនេះឡើយ គឺត្រូវរួមគ្នាការពារជាប់ជានិច្ច ដោយសូមបងប្អូនអនុវត្តតាមវិធានការ ៣ការពារ និង ៣កុំ ជាប្រចាំឱ្យបានខ្ជាប់ខ្ជួន និង អញ្ជើញទៅទទួលការចាក់វ៉ាក់សាំងប្រឆាំងកូវីដ-១៩ នូវដូសជំរុញ ថែមទៀត ឱ្យបានគ្រប់ៗគ្នា៕

ឯកឧត្តម ប្រាក់ សុខុន បញ្ជាក់ជាថ្មីថា មានតែមីយ៉ាន់ម៉ាខ្លួនឯងតែប៉ុណ្ណោះ ទើបអាចរកដំណោះស្រាយបានជោគជ័យ

ភ្នំពេញ៖ ក្នុងជំនួបជាមួយប្រេសិតពិសេសរបស់អង្គការសហប្រជាជាតិទទួលបន្ទុកមីយ៉ាន់ម៉ា នៅថ្ងៃទី៣១ ខែមីនានេះ ឯកឧត្តម ឧបនាយករដ្ឋមន្រ្តី ប្រាក់ សុខុន បញ្ជាក់ជាថ្មីថា បញ្ហារបស់មីយ៉ាន់ម៉ា គឺមានតែមីយ៉ាន់ម៉ាតែប៉ុណ្ណោះ ដែលត្រូវដឹកនាំដោយផ្ទាល់ ទើបអាចស្វែងរកដំណោះស្រាយបានដោយជោគជ័យ។ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា នៅថ្ងៃទី៣១ ខែមីនា ឆ្នាំ២០២២ បានអញ្ជើញជួបពិភាក្សាការងារជាមួយ លោកស្រី ណូលីន ហេហ្ស៊ឺ ប្រេសិតពិសេសអង្គការសហប្រជាជាតិទទួលបន្ទុកបញ្ហាមីយ៉ាន់ម៉ា ជុំវិញទស្សនកិច្ចការងារលើកដំបូងរបស់ឯកឧត្តម ប្រាក់ សុខុន ទៅកាន់មីយ៉ាន់ម៉ា ក្នុងឋានៈជាប្រេសិតពិសេស កាលពីសប្តាហ៍មុន។ឯកឧត្តម ប្រាក់ សុខុន បានជម្រាបជូនប្រេសិតពិសេសរបស់អង្គការសហប្រជាជាតិទទួលបន្ទុកមីយ៉ាន់ម៉ា ថា ក្នុងដំណើរទស្សនកិច្ចកាលពីសប្តាហ៍មុននេះ កម្ពុជាបានជំរុញដល់មីយ៉ាន់ម៉ានូវកិច្ចព្រមព្រៀងជាឯកច្ឆ័ន្ទប្រាំចំណុចរបស់អាស៊ាន។ជាក់ស្តែងតាមរយៈដំណើរទស្សនកិច្ចរបស់សម្តេចតេជោ ហ៊ុន សែន នាយករដ្ឋមន្រ្តី ដែលជាការចាប់ផ្តើមសម្រាប់ការចូលរួមរកដំណោះស្រាយជូនមីយ៉ាន់។ ក្នុងជំនួបនេះ ឯកឧត្តម ប្រាក់ សុខុន បានបញ្ជាក់ថា កម្ពុជាបានខិតខំប្រឹងប្រែង ដោយការជួបជាមួយភាគីពាក់ព័ន្ធ ដើម្បីឈានទៅរកការចចារទម្លុះភាពទាល់ច្រក ដើម្បីជួយដល់ប្រជាជនមីយ៉ាន់ម៉ា។ឯកឧត្តម ប្រាក់ សុខុន បន្តថា អ្វីដែលសំខាន់ក្នុងឋានៈជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា នឹងកំណត់យកបញ្ហាការផ្តល់ជំនួយមនុស្សធម៌ដល់ប្រជាជនមីយ៉ាន់ម៉ាដែលកំពុងត្រូវការបំផុត។ទន្ទឹមគ្នានេះ លោកស្រី ណូលីន ហេហ្ស៊ឺ ប្រេសិតពិសេសអង្គការសហប្រជាជាតិទទួលបន្ទុកបញ្ហាមីយ៉ាន់ម៉ា បានសម្តែងក្តីរីករាយចំពោះការជួបពិភាក្សាជាមួយកម្ពុជាសម្រាប់បញ្ហានៅមីយ៉ាន់ម៉ា។ លោកស្រី អះអាងថា ដំណើរទស្សនកិច្ចរបស់សម្តេចតេជោនាយករដ្ឋមន្រ្តីកម្ពុជា ទៅកាន់មីយ៉ាន់ម៉ា កាលពីពេលកន្លងទៅ គឺជាពេលវេលាដ៏សមស្របបំផុត ដើម្បីជួយស្វែងរកដំណោះស្រាយលើបញ្ហារបស់មីយ៉ាន់ម៉ា។គួរបញ្ជាក់ថា ក្នុងដំណើរទស្សនកិច្ចការងារលេីកដំបូងរបស់ប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា ឯកឧត្តម ឧបនាយករដ្ឋមន្រ្តី ប្រាក់ សុខុន បានជួបជាមួយឯកឧត្តម មីង អោង ឡាំង នាយឧត្តមសេនីយ៍ជាន់ខ្ពស់ និងជាប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា និងរដ្ឋមន្រ្តីសំខាន់ៗចំនួន៣រូបផ្សេងទៀត និងបានបង្ហាញការប្តេជ្ញារបស់កម្ពុជាប្រកាន់ខ្ជាប់ជានិច្ចភាពមិនលំអៀង ជ្រៀតជ្រែក កិច្ចការផ្ទៃក្នុង និងអធិបតេយ្យភាពរបស់មីយ៉ាន់ម៉ាឡើយ។ឯកឧត្តម ប្រាក់ សុខុន ធ្លាប់បានអះអាងថា ភាពបន្ទាន់ ដើម្បីសម្រេចឲ្យបាននូវកិច្ចព្រមព្រៀងជាឯកច្ឆន្ទប្រាំចំណុចរបស់អាស៊ាន ជាដំបូងត្រូវផ្តោតសំខាន់បញ្ហាសំខាន់ៗចំនួន៣ គឺការបញ្ឈប់អំពើហិង្សា ការផ្តល់ជំនួយមនុស្សធម៌ និងការស្វែងរកដំណោះស្រាយនយោបាយ ដែលដឹកនាំដោយមីយ៉ាន់ម៉ាផ្ទាល់តែម្តង តាមរយៈការចូលរួមពីភាគីពាក់ព័ន្ធទាំងអស់។(អត្ថបទ សេក ឧត្តម)

តំណាងអចិន្ត្រៃយ៍៖ អ្នករាយការណ៍ពិសេសUN មិនបានលើកឡើងឱ្យត្រឹមត្រូវ និងគ្រប់ជ្រុងជ្រោយពាក់ព័ន្ធកម្ពុជា

ភ្នំពេញ៖ ឯកអគ្គរាជទូត និងជាតំណាងអចិន្ត្រៃយ៍កម្ពុជាប្រចាំ អង្គការសហប្រជាជាតិ ឯកឧត្តម អាន សុខខឿន ថ្លែងថា «បើទោះបីជាកម្ពុជាបានផ្តល់នូវកិច្ចសហប្រតិបត្តិការពិតប្រាកដរបស់ខ្លួន ដែលស្ដែងឡើងតាមរយៈកិច្ចសន្ទនាចំនួន១៩លើក ជាមួយអ្នករាយការណ៍ពិសេស ចាប់តាំងពីខែឧសភា ឆ្នាំ២០២១ យ៉ាងណាក៏ដោយ ក៏របាយការណ៍របស់អ្នករាយការណ៍ពិសេសពុំបានលើកឡើងឱ្យបានត្រឹមត្រូវនិងគ្រប់ជ្រុងជ្រោយ ថែមទាំងរំលងនូវគោលការណ៍សត្យានុម័ត អព្យាក្រឹត និងមិនជ្រើសរើសតែមួយជ្រុង»។ការថ្លែងដូចនេះ ក្នុងកិច្ចសន្ទនាអន្តរសកម្មស្ដីពីរបាយការណ៍ផ្ទាល់មាត់របស់អ្នករាយការណ៍ពិសេសស្តីពីស្ថានភាពសិទ្ធិមនុស្សនៅកម្ពុជាកាលពីថ្មីៗនេះ នៅទីក្រុងហ្សឺណែវ ដោយមានគណៈប្រតិភូចំនួន៣៦ប្រទេស បានចូលរួមថ្លែងបទអន្តរាគមន៍។

វិមានក្រឹមឡាំងនិយាយថា គ្មានជំហានរីកចម្រើនទេក្នុងការចរចាជាមួយអ៊ុយក្រែននៅប្រទេសទួរគី

រុស្ស៊ី៖ វិមានក្រឹមឡាំងបាននិយាយថា គ្មានការរីកចម្រើនទេក្នុងការចរចាជុំចុងក្រោយបំផុតជាមួយប្រទេសអ៊ុយក្រែន។ អ្នកនាំពាក្យវិមានក្រឹមឡាំងលោក Dmitry Peskov បាននិយាយកាលពីថ្ងៃពុធថា វាមានកត្តាវិជ្ជមានមួយត្រង់ថា ប្រទេសអ៊ុយក្រែនបានដាក់សំណើជាលាយលក្ខណ៍អក្សរ ប៉ុន្តែលោកបានបន្ថែមថា យើងមិនអាចនិយាយថា មានអ្វីមួយដែលជាការសន្យា ឬជំហានរីកចម្រើនណាមួយនោះទេ។លោកបានសង្កត់ធ្ងន់នៅក្នុងការឆ្លើយតបតាមទូរស័ព្ទទៅកាន់ក្រុមអ្នកសារព័ត៌មានថា វានៅតែមានការងារជាច្រើនទៀតដែលត្រូវធ្វើក្រោយការចរចានៅក្នុងទីក្រុង Istanbul របស់ប្រទេសទួរគី។ កាលពីថ្ងៃអង្គារ ប្រទេសអ៊ុយក្រែនបានដាក់ចេញក្របខ័ណ្ឌលម្អិតសម្រាប់កិច្ចចរចាសន្តិភាព ដែលប្រទេសនេះនឹងឈរជារដ្ឋអព្យាក្រឹត្យ ប៉ុន្តែសន្តិសុខរបស់ខ្លួននឹងត្រូវបានធានាដោយក្រុមប្រទេសទី៣ រួមទាំងសហរដ្ឋអាមេរិក ចក្រភពអង់គ្លេស បារាំង ទួរគី ចិន និងប៉ូឡូញ។ក្របខ័ណ្ឌលម្អិតនោះបាននិយាយថា ខ្លួនក៏នឹងមានបំណងបើកកិច្ចពិភាក្សាក្នុងរយៈពេល ១៥ឆ្នាំស្ដីពីអនាគតនៃឧបទ្វីបគ្រីមៀដែលប្រទេសរុស្ស៊ីបានដាក់បញ្ចូលក្នុងឧបសម្ព័ន្ធរបស់ខ្លួនកាលពីឆ្នាំ២០១៤។ មន្ត្រីជាន់ខ្ពស់មួយរូបរបស់អ៊ុយក្រែនគឺលោក David Arakhamia បាននិយាយកាលពីថ្ងៃពុធ បន្ទាប់ពីការចរចាជុំចុងក្រោយបំផុតក្នុងប្រទេសទួរគីបានបញ្ចប់ថា ប្រទេសរុស្ស៊ី និងអ៊ុយក្រែននឹងបន្តការចរចាស្វែងរកសន្តិភាពតាម online នៅថ្ងៃទី១ ខែមេសាស្អែកនេះ៕អត្ថបទ៖ សុខមាន

ចំនួនជនភៀសខ្លួនអ៊ុយក្រែនបានកើនឡើងលើសការប៉ាន់ប្រមាណរបស់អង្គការសហប្រជាជាតិ

អ៊ុយក្រែន៖ អង្គការសហប្រជាជាតិបានរាយការណ៍កាលពីថ្ងៃពុធ ខណៈការបាញ់ផ្លោងនៅតែបន្តក្នុងតំបន់មួយចំនួន ជាទីដែលក្រុង Moscow បានប្ដេជ្ញាកាត់បន្ថយប្រតិបត្តិការយោធារបស់ខ្លួនថា ចំនួនមនុស្សដែលបានរត់ចេញពីប្រទេសអ៊ុយក្រែន ចាប់តាំងពីកងទ័ពរុស្ស៊ីបើកការវាយលុកបានកើនឡើងជាង ៤លាននាក់ ។ទោះបីជាការប្រកាសរបស់រុស្ស៊ីអំឡុងការចរចាកាលពីថ្ងៃអង្គារថា កងកម្លាំងរបស់ខ្លួននឹងត្រូវកាត់បន្ថយការវាយលុកជិតរដ្ឋធានី Kyiv និងតំបន់ផ្សេងទៀតរបស់អ៊ុយក្រែន យ៉ាងណាក្ដីក្រុមជនភៀសខ្លួនបាននិយាយថា ពួកគេរំពឹងថា ការវាយប្រហារគ្នានឹងកើនឡើងថែមទៀតនៅក្នុងភាគខាងកើត និងទីក្រុង Kharkiv ហេតុនេះទើបពួកគេមិនអាចត្រឡប់ទៅកាន់ទីក្រុងនេះវិញ ហើយពួកគេខ្លាចមានសង្គ្រាមថ្មីទៀត ក្នុងតំបន់ភាគខាងកើតរបស់ប្រទេសអ៊ុយក្រែន។ ទីភ្នាក់ងារទទួលបន្ទុកជនភៀសខ្លួនអង្គការសហប្រជាជាតិ UNHCR បាននិយាយកាលពីថ្ងៃពុធថា មនុស្សជាង ៤លាននាក់បានចាកចេញពីប្រទេសអ៊ុយក្រែន ចាប់តាំងពីរុស្ស៊ីបើកប្រតិបត្តិការសឹកពិសេសកាលពីថ្ងៃទី២៤ ខែកុម្ភៈ និងបានបណ្ដាលឲ្យមានវិបត្តិជនភៀសខ្លួនធំបំផុតរបស់អឺរ៉ុប ចាប់តាំងពីសង្គ្រាមលោកលើកទី២ មក។ ចំនួននោះបានហក់ឡើងខ្ពស់ជាងការព្យាករណ៍ក្នុងករណីធ្ងន់ធ្ងរបំផុត ដែលអង្គការនេះបានលើកឡើងតាំងពីសង្គ្រាមចាប់ផ្ដើមផ្ទុះឡើង៕អត្ថបទ៖ សុខមាន

លោក Putin ទាមទារឲ្យអ៊ុយក្រែនប្រគល់ទីក្រុង Mariupol ដើម្បីបញ្ចប់ការបាញ់ផ្លោង

រុស្ស៊ី៖ ប្រធានាធិបតីរុស្ស៊ីលោក Vladimir Putin បាននិយាយថា ការបាញ់ផ្លោងទៅលើទីក្រុងកំពង់ផែ Mariupol របស់អ៊ុយក្រែននឹងបញ្ចប់ទៅបាន នៅពេលដែលទាហានអ៊ុយក្រែនព្រមទម្លាក់អាវុធចុះ។ វិមានក្រឹមឡាំងបាននិយាយក្នុងសេចក្ដីថ្លែងការណ៍មួយថា លោកបានធ្វើអត្ថាធិប្បាយបែបនេះអំឡុងពេលសន្ទនាតាមទូរស័ព្ទរយៈពេល ១ម៉ោងជាមួយលោកប្រធានាធិបតីបារាំង Emmanuel Macron កាលពីយប់ថ្ងៃអង្គារ។ក្រោយពេលលោក Putin បានយល់ព្រមពិចារណាលើផែនការជម្លៀសជនស៊ីវិលចេញពីទីក្រុងនេះ បទឈប់បាញ់មួយមានរយៈពេល ១ថ្ងៃត្រូវបានប្រកាសដោយប្រទេសរុស្ស៊ីនៅថ្ងៃព្រហស្បតិ៍នេះ។ ការប៉ុនប៉ងនានាបង្កើតឲ្យមានបទឈប់បាញ់កាលពីកន្លងទៅក្នុងទីក្រុង Mariupol បានបរាជ័យ និងមានការចោទប្រកាន់ដាក់គ្នាថា គ្មានភាពស្មោះត្រង់ចេញពីភាគីទាំង២។ រុស្ស៊ីក៏បានរងការចោទប្រកាន់ពីបទបង្ខំឲ្យជនស៊ីវិលរាប់ពាន់នាក់ ភៀសខ្លួនចូលទៅកាន់ប្រទេសរុស្ស៊ី ឬតំបន់នានាគ្រប់គ្រងដោយរុស្ស៊ីផងដែរ។ការប្រកាសនេះបានកើតមាន ខណៈរូបភាពផ្កាយរណបថ្មីៗបានបង្ហាញពីការបំផ្លិចបំផ្លាញយ៉ាងធ្ងន់ធ្ងរ ដោយសារការបាញ់ផ្លោង។ ក្រុមមន្ត្រីមកពីវិមាន Elyseé របស់បារាំងបានហៅស្ថានភាពក្នុងទីក្រុងនេះថា ជាគ្រោះមហន្តរាយ និងបានបន្ថែមថា ចំនួនជនស៊ីវិលដ៏ច្រើនត្រូវតែទទួលបានការការពារ និងត្រូវតែចាកចេញពីទីក្រុងនេះ បើសិនពួកគេចង់។ ពួកគេត្រូវតែទទួលបានជំនួយស្បៀងអាហារ ទឹក និងថ្នាំពេទ្យដែលជាតម្រូវការចាំបាច់សម្រាប់ពួកគេ៕អត្ថបទ៖ សុខមាន

រុស្ស៊ីប្រកាសបទឈប់បាញ់សម្រាប់ការជម្លៀសជនស៊ីវិលចេញពីទីក្រុង Mariupol នៅថ្ងៃព្រហស្បតិ៍នេះ

រុស្ស៊ី៖ ក្រសួងការពារជាតិរុស្ស៊ីបានប្រកាសឲ្យមានបទឈប់បាញ់ ក្នុងតំបន់មួយនៅថ្ងៃព្រហស្បតិ៍នេះដើម្បីឲ្យជនស៊ីវិលមានឱកាសអាចជម្លៀសចេញ ពីទីក្រុងកំពង់ផែរងការឡោមព័ទ្ធ Mariupol របស់ប្រទេសអ៊ុយក្រែន។ក្រសួងការពារជាតិរុស្ស៊ីបាននិយាយកាលពីថ្ងៃពុធថា ច្រករបៀងមនុស្សធម៌មួយពីទីក្រុង Mariupol ទៅកាន់ទីក្រុង Zaporizhzhia ភាគអាគ្នេយ៍របស់ប្រទេសអ៊ុយក្រែនតាមច្រកទីក្រុងកំពង់ផែ Berdiansk ដែលត្រូវបានគ្រប់គ្រងដោយកងទ័ពរុស្ស៊ីនឹងត្រូវបើកចាប់ពីម៉ោង ១០ព្រឹកម៉ោងក្នុងប្រទេសរុស្ស៊ីដែលស្មើនឹងម៉ោង ២:០០នាទីរសៀលថ្ងៃព្រហស្បតិ៍ម៉ោងនៅកម្ពុជាយើង។ សេចក្ដីថ្លែងការណ៍នេះនិយាយថា សម្រាប់ប្រតិបត្តិការមនុស្សធម៌នេះត្រូវតែជោគជ័យ យើងស្នើឲ្យមានការអនុវត្តន៍ជាមួយនឹងការចូលរួម របស់ឧត្ដមស្នងការជាន់ខ្ពស់អង្គការសហប្រជាជាតិសម្រាប់ជនភៀសខ្លួន និងគណៈកម្មការកាកបាទក្រហមអន្តរជាតិ។ក្រសួងការពារជាតិរុស្ស៊ីបានស្នើដល់ទីក្រុងគីវឲ្យធានាការគោរពដោយគ្មានលក្ខខ័ណ្ឌ សម្រាប់បទឈប់បាញ់តាមរយៈការជូនដំណឹងជាលាយលក្ខណ៍អក្សរទៅកាន់ភាគីអ៊ុយក្រែន ឧត្ដមស្នងការជាន់ខ្ពស់អង្គការសហប្រជាជាតិសម្រាប់ជនភៀសខ្លួន UNHCR និងគណៈកម្មការកាកបាទក្រហមអន្តរជាតិ ICRC នៅមុនម៉ោង ៦ព្រឹកថ្ងៃព្រហស្បតិ៍នេះ។ ក្រសួងដដែលនេះក៏បាននិយាយផងដែរថា ខ្លួនបានព្រមព្រៀងចំពោះសំណើមួយពីខាងទីក្រុងគីវឲ្យបើកក្នុងរយៈពេល ២៤ម៉ោងចុងក្រោយសម្រាប់ច្រករបៀងមនុស្សធម៌ថ្មីចំនួន ៤ ទៀតចាប់ពីទីក្រុង Mariupol ដល់ទីក្រុង Zaporizhzhia៕អត្ថបទ៖ សុខមាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីសម្ពោធដាក់ឲ្យប្រើប្រាស់ជាផ្លូវការស្ពានអាកាស និងផ្លូវក្រោមដីចោមចៅ

ភ្នំពេញ៖ នៅព្រឹកថ្ងៃទី៣១ ខែមីនា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធី សម្ពោធដាក់ឲ្យប្រើប្រាស់ជាផ្លូវការស្ពានអាកាស និងផ្លូវក្រោមដីចោមចៅ ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន នាយករដ្ឋមន្ត្រី៖- សម្តេចតេជោ ហ៊ុន សែន បានផ្តាំផ្ញើសាកសួរសុខទុក្ខដល់ប្រជាពលរដ្ឋខ្មែរទូទាំងប្រទេស, ប្រជាពលរដ្ឋខ្មែររស់នៅឯនាយសមុទ្រ និងកងរក្សាសន្តិភាពកម្ពុជា ដែលកំពុងបំពេញបេសកកម្មរក្សាសន្តិភាពក្រោមឆ័ត្រអង្គការសហប្រជាតិនៅតាមបណ្តាប្រទេសនានា។- សម្តេចតេជោ ហ៊ុន សែន បានដាក់ជាសំនួរថា ហេតុអ្វីយើងចាំបាច់ធ្វើស្ពានអាកាស និងផ្លូវក្រោមដី? ត្រង់ចំណុចនេះសម្តេចតេជោ ហ៊ុន សែន បានបញ្ជាក់ថា គឺដើម្បីបំពេញតម្រូវការរបស់ប្រជាពលរដ្ឋ ជាពិសេសកំណើន នៃយានយន្ត ដែលចេះតែកើនឡើងពីមួយថ្ងៃទៅមួយថ្ងៃ និងដើម្បីធ្វើទំនើបកម្ម ព្រមទាំងសោភ័ណភាពរាជធានីភ្នំពេញផងដែរ។- សម្តេចតេជោ ហ៊ុន សែន បានបញ្ជាក់ថា មកទល់ពេលនេះកំណើននៃស្ពានអាកាស និងផ្លូវក្រោមដី នៅរាជធានីភ្នំពេញ កំពុងតែកើនឡើងជាបន្តបន្ទាប់ ដែលមកទល់មានពេលមានចំនួន៦ហើយ ក្នុងនោះ១ កំពុងដំណើរការសាងសង់បន្ត ដើម្បីបំពេញតម្រូវចរាចរណ៍នៅរាជធានីភ្នំពេញ។- សម្តេចតេជោ ហ៊ុន សែន បានបញ្ជាក់ថា ស្ពានអាកាសទាំង៦នៅរាជធានីភ្នំពេញ គឺជាទស្សនវិស័យ នៃការដោះស្រាយបញ្ហា ព្រមទាំងកើតចេញពីគំនិតច្នៃប្រឌិតរបស់រាជរដ្ឋាភិបាល តាមរយៈយន្តការ«យករាជធានីភ្នំពេញ ចិញ្ចឹមរាជធានីភ្នំពេញ»ឬ យកស្លឹកត្នោត ខ្ចប់ស្ករត្នោត។- សម្តេចតេជោ ហ៊ុន សែន បានប្រកាសពីកំណើនខ្លាំងផ្នែកប្រជាសាស្ត្រ នៃប្រជាជនកម្ពុជា ដែលជាកំណើនមួយដ៏ខ្ពស់ ក្នុងចំណោមប្រទេសនានានៅក្បែរខាងកម្ពុជា ដែលតម្រូវឱ្យរាជរដ្ឋាភិបាលគិតគូរខ្ពស់ពីតម្រូវការរបស់ប្រជាពលរដ្ឋ ជាពិសេសសេវាកម្មតម្រូវការ និងហេដ្ឋារចនាសម្ព័ន្ធនានា។- សម្តេចតេជោ ហ៊ុន សែន នាយករដ្ឋមន្ត្រីប្រកាសឱ្យរដ្ឋស្តុកយុទ្ធសាស្ត្រលើបញ្ហាប្រេងឥន្ធនៈ ដោយយើងមិនអាចពឹងផ្អែកទាំងស្រុងតែទៅលើស្តុកប្រេងរបស់ក្រុមហ៊ុនឯកជនបាននោះទេ ដើម្បីដោះស្រាយបញ្ហាបន្ទាន់នានាជាចាំបាច់ ដូចជា ពេលដាច់ភ្លើង ឬកង្វះខាតភ្លើងប្រើប្រាស់ជាដើម។- សម្តេចតេជោ ហ៊ុន សែន ប្រកាសថា «ពេលមានសង្គ្រាម ទើបយើងមើលឃើញពីតម្លៃ នៃសុខសន្តិភាព»។ សម្តេចបញ្ជាក់ថា កម្ពុជាបានឱ្យតម្លៃ និងយល់ឃើញពីគុណតម្លៃសុខសន្តិភាព តាំងទសវត្សរ៍ឆ្នាំ១៩៧៩មកម្លេះ ដែលសន្តិភាពទាំងនេះហើយ គឺកត្តាផ្តើម នៃអ្វីៗទាំងអស់នៅកម្ពុជា។- សម្តេចតេជោ ហ៊ុន សែន ប្រកាសថា មិនប្រាកដថាអ្នកដែលទន្ទេញចាំមាត់រឿងសិទ្ធិមនុស្ស និងលទ្ធិប្រជាធិបតេយ្យ ស្រលាញ់ និងចូលរួមដោះស្រាយបញ្ហាទាំងនោះឡើយ ដែលជាក់ស្តែងយើងមើលឃើញពីបណ្តាប្រទេសទាំងនោះ កំពុងរើសអើងជាតិសាសន៍ និងមិនខ្វល់ពីបញ្ហាសិទ្ធិមនុស្ស ឬលទ្ធិប្រជាធិបតេយ្យឡើយ។- សម្តេចតេជោ ហ៊ុន សែន ប្រកាសថា បេក្ខភាពនាយករដ្ឋមន្ត្រី សម្រាប់គណបក្សប្រជាជនកម្ពុជា នៅឆ្នាំ២០២៣ គឺនៅតែសម្តេចដដែល។ ឯកឧត្តម ហ៊ុន ម៉ាណែត នៅតែជាបេក្ខភាពនាយករដ្ឋមន្ត្រីអនាគតដដែល។- សម្តេចតេជោ ហ៊ុន សែន នាយករដ្ឋមន្ត្រី បានប្រកាសលើកឡើងពីគុណតម្លៃនៃវ៉ាក់សាំងបង្ការជំងឺកូវីដ-១៩ ដែលជាឧបករណ៍មួយដ៏សំខាន់មិនអាចកាត់ថ្លៃបាន ជួយឱ្យសហគមន៍កម្ពុជា មានភាពស៊ាំប្រឆាំងនឹងការឆ្លរីករាលដាលជំងឺកូវីដ-១៩បានយ៉ាងគាប់ប្រសើរ។- សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា មកទល់ពេលនេះ កម្ពុជាមានវ៉ាក់សាំងគ្រប់គ្រាន់ ដើម្បីចាក់ជូនប្រជាពលរដ្ឋកម្ពុជា ទាំងដូសមូលដ្ឋាន និងដូសជំរុញ ហើយនាពេលខាងមុខឆាប់ៗនេះ វ៉ាក់សាំងកូវីដ-១៩ ជាង១លានដូលពីអ៊ីតាលី និងពីសហរដ្ឋអាមេរិក នឹងមកដល់ជាបន្តបន្ទាប់ បន្ថែមលើវ៉ាក់សាំងចិន ដែលកម្ពុជាទទួលបានជាអចិន្ត្រៃយ៍ និងជាយុទ្ធសាស្ត្រ។- សម្តេចតេជោ ហ៊ុន សែន នាយកដ្ឋមន្ត្រីប្រកាសថា ពេលនេះចំណូលផ្ទៃក្នុងកម្ពុជាបានបំបែកកំណត់ត្រា (ឯតទគ្គកម្ម)គួឱ្យមោទនភាព ដែលសម្តេចក៏បានផ្ញើសារកោតសរសើរដល់ថ្នាក់ដឹកនាំ និងមន្ត្រី នៃអគ្គនាយកដ្ឋានពន្ធដារ ដែលបានប្រឹងប្រែងបំពេញការងាររបស់ខ្លួនយ៉ាងសកម្មដោយជោគជ័យលើការប្រមូលចំណូលពន្ធផ្ទៃក្នុងជូនរដ្ឋលើសផែនការកំណត់ដោយច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២១ ចំនួន១២៤.០២ភាគរយ នៃផែនការប្រចាំឆ្នាំ ស្មើនឹង ២១៨២,៣៧ ប៊ីលានរៀល ប្រមាណជា ៥៣៨,៨៥លានដុល្លារ។- សម្តេចតេជោ ហ៊ុន សែន ប្រកាសថា ដំណើរការអាជីវកម្មរ៉ែមាស នៅខេត្តមណ្ឌលគិរី រយៈពេលជាង៩ខែមកនេះ ផលិតបានមាសចំនួន២.២៧៥គីឡូក្រាម ហើយកម្ពុជាកំពុងសិក្សា ស្រាវជ្រាវកន្លែងផ្សេងៗទៀត ខណៈដែលប្រទេសនានា លើពិភពលោកកំពុងដំណើរការអាជីវកម្មរ៉ែមាសនេះ យ៉ាងផុសផុល និងយូរឆ្នាំមកហើយ។- សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា សម្តេចកំពុងពិភាក្សាជាមួយឯកឧត្តម ឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ អំពីការបង្កើនប្រាក់បៀវត្សរ៍ជូនមន្ត្រីរាជការចូលនិវត្តន៍ ដែលមានប្រាក់ខែទាប ។- សម្តេចតេជោ ហ៊ុន សែន ប្រកាសអំពាវនាវដល់សមត្ថកិច្ចមូលដ្ឋាន និងអាជ្ញាធរដែនដីគ្រប់លំដាប់ថ្នាក់ បង្កលក្ខណៈងាយស្រួល និងរក្សាសន្តិសុខ សណ្តាប់ធ្លាប់សាធារណៈជូនប្រជាពលរដ្ឋ បានសប្បាយរីករាយ ក្នុងឱកាសបុណ្យចូលឆ្នាំថ្មី ប្រពៃណីជាតិ ឆ្នាំ២០២២ ដែលនឹងឈានចូលមកដល់នាពេលឆាប់ៗខាងមុខនេះ។ សង្កថាសម្តេចតេជោ ហ៊ុន សែន ចប់នៅវេលាម៉ោង៨ និង៥២នាទី

បណ្ដាញសង្គម

ព័ត៌មានថ្មីៗ

ផ្ទះសម្បែងពលរដ្ឋនិងហាងលក់ទំនិញនៅទីក្រុងម៉ានីល ប្រទេសហ្វីលីពីន រងការជន់លិចដោយសារទឹកជំនន់

ក្រុមហេសបូឡាជំរុញឱ្យលីបង់បញ្ឈប់ការចរចាដោយផ្ទាល់ជាមួយអ៊ីស្រាអែល ជុំវិញផែនទីដែនដី

ជនជាតិឃើស៊ីរីរាប់រយនាក់បានវិលត្រឡប់ទៅទីក្រុងព្រំដែនវិញ បន្ទាប់ពីការផ្លាស់ទីលំនៅអស់ជាច្រើនឆ្នាំ

មនុស្សជាប់កំណត់ត្រា ២៣០នាក់លើទូកតូចមួយគ្រឿង ធ្វើដំណើរឆ្លងកាត់ផ្លូវទឹកអង់គ្លេស

ក្រុមហ៊ុនចិននឹងចាប់ផ្តើមដឹកជញ្ជូនកុងតឺន័រជាប្រចាំទៅកាន់អឺរ៉ុបតាមរយៈផ្លូវសមុទ្រខាងជើង

បេសកជនថ្កោលទោសការប៉ុនប៉ងរបស់បារាំង ក្នុងការទម្លាក់កំហុសលើរុស្ស៊ីចំពោះភ្លើងចំហេះព្រៃនៅអឺរ៉ុប

រ៉យទ័រ៖ អាមេរិកនឹងដកការបិទខ្ទប់កំពង់ផែអ៊ីរ៉ង់ បន្ទាប់ពីការធ្វើដំណើរឆ្លងកាត់ច្រកសមុទ្រហ័រមូស ត្រូវបានស្តារឡើងវិញ

មនុស្សយ៉ាងហោច ៣ម៉ឺននាក់ រងផលប៉ះពាល់ដោយសារទឹកជំនន់នៅសហភាពមីយ៉ាន់ម៉ា

ការស្ទង់មតិ៖ ប្រជាប្រិយភាពរបស់ប្រធានាធិបតីកូរ៉េខាងត្បូង ធ្លាក់ចុះដល់កម្រិតទាបបំផុត

CENTCOM៖ អាមេរិកបានបង្វែរទិសដៅនាវាចំនួន ៥៥គ្រឿង ចាប់តាំងពីការបន្តការបិទផ្លូវសមុទ្ររបស់ អ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ឯកឧត្តម ប្រាក់ សុខុន បញ្ជាក់ជាថ្មីថា មានតែមីយ៉ាន់ម៉ាខ្លួនឯងតែប៉ុណ្ណោះ ទើបអាចរកដំណោះស្រាយបានជោគជ័យ

តំណាងអចិន្ត្រៃយ៍៖ អ្នករាយការណ៍ពិសេសUN មិនបានលើកឡើងឱ្យត្រឹមត្រូវ និងគ្រប់ជ្រុងជ្រោយពាក់ព័ន្ធកម្ពុជា

វិមាន​ក្រឹម​ឡាំង​និយាយ​ថា ​គ្មាន​ជំហាន​រីកចម្រើន​ទេ​ក្នុង​ការចរចា​ជាមួយ​អ៊ុយ​ក្រែ​ន​នៅ​ប្រទេស​ទួរគី​

ចំនួន​ជនភៀសខ្លួន​អ៊ុយ​ក្រែ​ន​បាន​កើន​ឡើង​លើស​ការ​ប៉ាន់ប្រមាណ​របស់​អង្គការ​សហប្រជាជាតិ​

លោក Putin ទាមទារ​ឲ្យ​អ៊ុយ​ក្រែ​ន​ប្រគល់​ទីក្រុង Mariupol ដើម្បី​បញ្ចប់​ការ​បាញ់​ផ្លោង​

រុស្ស៊ី​ប្រកាស​បទ​ឈប់​បាញ់​សម្រាប់​ការ​ជម្លៀស​ជន​ស៊ីវិល​ចេញពី​ទីក្រុង Mariupol​ នៅ​ថ្ងៃ​ព្រហស្បតិ៍​នេះ​