BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

លោក Biden ប្រាប់អ៊ុយក្រែនថា សហរដ្ឋអាមេរិកនឹងឆ្លើយតបយ៉ាងម៉ឺងម៉ាត់ ប្រសិនបើរុស្ស៊ីឈ្លានពានបន្ថែមទៀត

អាមេរិក៖ សេតវិមានបាននិយាយនៅក្នុងសេចក្ដីថ្លែងការណ៍មួយថា លោកប្រធានាធិបតីអាមេរិក Joe Biden កាលពីថ្ងៃអាទិត្យបានប្រាប់ប្រធានាធិបតីអ៊ុយក្រែនលោក Volodymyr Zelenskiy ថា សហរដ្ឋអាមេរិក និងសម្ព័ន្ធមិត្តនឹងឆ្លើយតបយ៉ាងម៉ឺងម៉ាត់ ប្រសិនបើរុស្ស៊ីឈ្លានពានអ៊ុយក្រែនបន្ថែមទៀត។ការសន្យានេះបានធ្វើឡើងប៉ុន្មានថ្ងៃបន្ទាប់ពីលោក Biden បានជួបសន្ទនាតាមទូរស័ព្ទលើកទី២ ក្នុងរយៈពេលមួយខែជាមួយប្រធានាធិបតីរុស្ស៊ីលោក Vladimir Putin ស្របពេលមានភាពតានតឹងនៅតាមព្រំដែនរុស្ស៊ីជាមួយអ៊ុយក្រែន ជាទីដែលរុស្ស៊ីបានប្រមូលផ្តុំកងទ័ពប្រហែល ១០០,០០០នាក់។ អ្នកនាំពាក្យសេតវិមានលោកស្រី Jen Psaki បាននិយាយនៅក្នុងសេចក្ដីថ្លែងការណ៍មួយ បន្ទាប់ពីមានការហៅទូរស័ព្ទរវាងលោក Biden និងប្រធានាធិបតីអ៊ុយក្រែនថា ប្រធានាធិបតី Biden បានបញ្ជាក់យ៉ាងច្បាស់ថា សហរដ្ឋអាមេរិក និងសម្ព័ន្ធមិត្ត និងដៃគូរបស់ខ្លួននឹងឆ្លើយតបយ៉ាងម៉ឺងម៉ាត់ ប្រសិនបើប្រទេសរុស្ស៊ីបន្តឈ្លានពានអ៊ុយក្រែនទៀត។ យោងតាមសេតវិមាន លោក Biden និងលោក Zelenskiy បានពិភាក្សាអំពីការត្រៀមរៀបចំសម្រាប់កិច្ចប្រជុំការទូតជាបន្តបន្ទាប់ ដើម្បីដោះស្រាយវិបត្តិនេះ។លោក Zelenskiy បាននិយាយនៅលើបណ្ដាញសង្គម Twitter ថា ពួកលោកបានពិភាក្សាអំពីសកម្មភាពរួមគ្នាលើការរក្សាសន្តិភាពនៅអឺរ៉ុប និងការទប់ស្កាត់កុំឲ្យការគំរាមកំហែងកើនឡើងបន្ថែមទៀត។ ក្រុមមន្ត្រីអ្នកតំណាងមកពីសហរដ្ឋអាមេរិក និងរុស្ស៊ីគ្រោងនឹងជួបពិភាក្សាគ្នានៅថ្ងៃទី៩ ដល់ថ្ងៃទី១០ ខែមករានៅទីក្រុងហ្សឺណែវ បន្ទាប់ពីការពិភាក្សាក្រុមប្រឹក្សារុស្ស៊ី-ណាតូ និងកិច្ចប្រជុំនៃអង្គការសន្តិសុខ និងកិច្ចសហប្រតិបត្តិការនៅអឺរ៉ុប៕អត្ថបទ៖ សុខមាន

ករណីផ្ទុះគ្រាប់បែកកែច្នៃចំនួន ០២កន្លែង ក្បែរស្ថានទូតកម្ពុជាប្រចាំមីយ៉ាន់ម៉ា

ភ្នំពេញ៖ អ្នកនាំពាក្យក្រសួងការបរទេសកម្ពុជា ឯកឧត្តម កុយ គួង ថ្លែងប្រាប់អ្នកសារព័ត៌មានBTVថា ពិតជាមានការផ្ទុះគ្រាប់បែកចំនួន ២គ្រាប់ នៅក្បែរស្ថានទូតកម្ពុជាប្រចាំនៅប្រទេសមីយ៉ាន់ម៉ា កាលពីព្រឹកថ្ងៃទី៣១ ខែធ្នូ ឆ្នាំ២០២១ នេះ ចន្លោះពីម៉ោង ១០ ទៅម៉ោង ១០:៣០នាទី ប៉ុន្តែមិនមានប៉ះពាល់ដល់មន្ត្រីទូតដែលបម្រើការនៅក្នុងស្ថានទូតនោះទេ។ ឯកឧត្តម កុយ គួង បានបន្តថា មន្ត្រីទូតបានឮសម្លេងផ្ទុះទី១ ដោយពិនិត្យមើលទៅចម្ងាយពីរបងស្ថានទូតប្រហែលជា ១០០ម៉ែត្រ និងសម្លេងផ្ទុះទី២ មានចម្ងាយពីរបងស្ថានទូតប្រហែល ១៥០ម៉ែត្រ។ ហើយតាមការបញ្ជាក់របស់អាជ្ញាធរមីយ៉ាន់ម៉ាគេពិនិត្យមើលទៅ គឺជាគ្រាប់បែកកែច្នៃ គ្រាន់តែវាធ្វើឲ្យឮសម្លេងខ្លាំងៗ និងមិនមានផលប៉ះពាល់ដល់អ្នកណាទាំងអស់ ពោលគឺមិនមានអ្នករងរបួសគ្រោះថ្នាក់អ្វីទេ។ អ្នកនាំពាក្យក្រសួងការបរទេសកម្ពុជាបានបន្តថា បន្ទាប់ពីមានការផ្ទុះ គឺមន្ត្រីទូតកម្ពុជានៅតែបំពេញការងារជាប្រក្រតី ហើយអាជ្ញាធរមីយ៉ាន់ម៉ាគេពង្រឹងសន្តិសុខកាន់តែខ្លាំងឡើង គឺទាំងស្ថានទូត និងផ្ទះមន្ត្រីទូតកម្ពុជាស្នាក់នៅទាំងអស់ គឺអាជ្ញាធរមីយ៉ាន់ម៉ា គេយកចិត្តទុកដាក់ខ្ពស់៕ អត្ថបទ៖ រក្សា

ចំនួនអ្នកស្លាប់ដោយសារ COVID-19 នៅរុស្សីឡើងដល់កម្រិតខ្ពស់បំផុតទី២ របស់ពិភពលោក

រុស្ស៊ី៖ ទិន្នន័យពីសេវាស្ថិតិរដ្ឋរបស់រុស្ស៊ី និងការគណនារបស់សារព័ត៌មាន Reuters បានបង្ហាញកាលពីថ្ងៃព្រហស្បតិ៍ថា រុស្ស៊ីបានវ៉ាដាច់ប្រេស៊ីលដែលមានចំនួនអ្នកស្លាប់ខ្ពស់បំផុតទី២ របស់ពិភពលោកដោយសារជំងឺរាតត្បាតសកល COVID-19 បន្ទាប់ពីក្រោយសហរដ្ឋអាមេរិក។សេវាស្ថិតិ Rosstat បាននិយាយថា មនុស្ស ៨៧,៥២៧នាក់បានស្លាប់ដោយសារមូលហេតុទាក់ទងនឹងវីរុសកូរ៉ូណានៅក្នុងខែវិច្ឆិកា ដែលបានក្លាយជាខែដែលមានមនុស្សស្លាប់ច្រើនបំផុតនៅក្នុងប្រទេសរុស្ស៊ី ចាប់តាំងពីការចាប់ផ្តើមផ្ទុះជំងឺរាតត្បាតសកលនេះ។ ចំនួនអ្នកស្លាប់ដោយសារជំងឺរាតត្បាតសកលសរុបរបស់ប្រទេសរុស្ស៊ីបានឈានដល់ ៦៥៨,៦៣៤នាក់ នេះបើយោងតាមការគណនារបស់សារព័ត៌មាន Reuters ដោយផ្អែកលើតួលេខពីសេវាស្ថិតិ Rosstat រហូតដល់ចុងខែវិច្ឆិកា និងទិន្នន័យពីក្រុមការងារនៃគ្រប់គ្រងជំងឺឆ្លងសម្រាប់ខែធ្នូ ដោយវ៉ាដាច់ប្រទេសប្រេស៊ីលដែលបានកត់ត្រាការស្លាប់ចំនួន ៦១៨,៨០០នាក់។ចំនួនអ្នកស្លាប់នៅក្នុងសហរដ្ឋអាមេរិកមានខ្ពស់ជាងនេះគឺនៅ ៨២៥,៦៦៣នាក់ នេះបើយោងតាមតួលេខរបស់សារព័ត៌មាន Reuters ដដែល ប៉ុន្តែចំនួនប្រជាជនរបស់សហរដ្ឋអាមេរិកមានច្រើនជាង ២ដងនៃចំនួនប្រជាជនរុស្ស៊ី។ ការគណនារបស់សារព័ត៌មាន Reuters ក៏បានបង្ហាញផងដែរថា ប្រទេសរុស្ស៊ីបានកត់ត្រាចំនួនមនុស្សស្លាប់លើស ៨៣៥,០០០នាក់ចាប់តាំងពីការចាប់ផ្តើមនៃការផ្ទុះឡើងនៅក្នុងខែមេសាឆ្នាំ២០២០ ដល់ដំណាច់ខែវិច្ឆិកា បើប្រៀបធៀបទៅនឹងអត្រាមរណៈជាមធ្យមនៅក្នុងឆ្នាំ២០១៥-២០១៩៕ អត្ថបទ៖ សុខមាន

ថៃព្រមានពីការហក់ឡើងខ្ពស់នៃករណីឆ្លងវីរុស COVID-19 បន្ទាប់ពីព្រឹត្តិការណ៍ឆ្លងដែលមានមនុស្សច្រើន

ថៃ៖ ក្រុមអាជ្ញាធរសុខាភិបាលថៃបានព្រមានកាលពីថ្ងៃពុធ (២៩ ធ្នូ) ថា ប្រជាពលរដ្ឋគួរតែត្រៀមខ្លួនសម្រាប់ការកើនឡើងខ្ពស់នៃករណីឆ្លងវីរុសកូរ៉ូណា បន្ទាប់ពីបានចាត់ថ្នាក់ករណីឆ្លងវីរុសបម្លែងខ្លួនថ្មីប្រភេទ Omicron ជាលើកដំបូងរបស់ប្រទេសជាព្រឹត្តិការណ៍ឆ្លងដែលមានមនុស្សច្រើន។ ការឆ្លងជាក្រុមនៃវីរុសបម្លែងខ្លួនថ្មី Omicron ត្រូវបានរកឃើញនៅក្នុងខេត្ត Kalasin ភាគឦសាននៅថ្ងៃបុណ្យណូអែល ជាប់ពាក់ព័ន្ធនឹងប្ដីប្រពន្ធ ២នាក់ដែលបានធ្វើដំណើរមកពីប្រទេសបែលហ្សិក ហើយបានទៅលេងបារ ការប្រគំតន្ត្រី និងទីផ្សារនានា។ មន្ត្រីសុខាភិបាលជាន់ខ្ពស់លោក Opas Karnkawinpong បាននិយាយថា ការចម្លងជាក្រុមបានបន្តឆ្លងដល់មនុស្សរាប់រយនាក់ ដោយករណីទាំងនោះបានរីករាលដាលដល់ខេត្តចំនួន ១១ផ្សេងទៀត ដោយលើកឡើងពីវិធីដែលបារមួយក្នុងចំណោមបារជាច្រើន បានពាក់ព័ន្ធនឹងការចម្លងគ្នាជាក្រុម និងមិនមានខ្យល់ចេញចូលបានល្អគ្រប់គ្រាន់។ លោក Opas បានប្រាប់សារព័ត៌មានថា ក្នុងឱកាសចូលឆ្នាំថ្មីនេះ ប្រសិនបើអ្នកទៅលេងកន្លែងណាហើយមើលទៅមិនមានសុវត្ថិភាពទេសូមកុំទៅ។ក្រសួងសុខាភិបាលសាធារណៈបាននិយាយកាលពីថ្ងៃពុធថា ការឆ្លងវីរុសបម្លែងខ្លួនថ្មី Omicron នៅក្នុងប្រទេសថៃកំពុងកើនឡើងដល់ ៧៤០នាក់ក្នុងខេត្តចំនួន ៣៣ ក្នុងនោះមានករណីឆ្លងនាំចូលចំនួន ៤៨៩នាក់។ គិតត្រឹមព្រឹកថ្ងៃព្រហស្បតិ៍នេះ ប្រទេសថៃមានករណីឆ្លងវីរុស COVID-19 សរុបចំនួន ២,២១៧,២៨៧នាក់បន្ទាប់ពីមានករណីឆ្លងថ្មីចំនួន ២,៥៧៥នាក់បន្ថែមទៀត និងមនុស្សស្លាប់សរុបចំនួន ២១,៦៤៧នាក់បន្ទាប់ពីមានអ្នកស្លាប់ថ្មីចំនួន ១៧នាក់៕អត្ថបទ៖ សុខមាន

ក្រុមប្រឹក្សាសន្តិសុខអង្គការសហប្រជាជាតិថ្កោលទោសការសម្លាប់រង្គាលនៅមីយ៉ាន់ម៉ា

UN៖ ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃពុធ ទី២៩ ខែធ្នូបានថ្កោលទោសការសម្លាប់រង្គាលកាលពីសប្តាហ៍មុន នៅក្នុងសហភាពមីយ៉ាន់ម៉ាដែលមានមនុស្សជាង ៣០នាក់រួមទាំងបុគ្គលិកអង្គការ Save the Children ពីរនាក់ដែលត្រូវបានដាក់ការស្តីបន្ទោសលើកងទ័ពរបបយោធា។ការសម្លាប់នេះបានកើតឡើងចំថ្ងៃណូអែលក្នុងរដ្ឋ Kayah ភាគខាងកើត ជាកន្លែងដែលពួកឧទ្ទាមគាំទ្រលទ្ធិប្រជាធិបតេយ្យបាននឹងកំពុងប្រយុទ្ធជាមួយយោធា ដែលបានកាន់កាប់រដ្ឋាភិបាលពីរដ្ឋបាលជាប់ឆ្នោតតាមលទ្ធិប្រជាធិបតេយ្យ កាលពីខែកុម្ភៈដើមឆ្នាំ២០២១ នេះ។ នៅក្នុងសេចក្តីថ្លែងការណ៍មួយដែលបានចេញផ្សាយកាលពីល្ងាចថ្ងៃពុធ សមាជិកក្រុមប្រឹក្សាសន្តិសុខបានសង្កត់ធ្ងន់ទៅលើភាពចាំបាច់ ក្នុងការធានាឱ្យមានការទទួលខុសត្រូវចំពោះទង្វើនេះ។ ពួកគេក៏បានអំពាវនាវផងដែរឲ្យបញ្ឈប់ជាបន្ទាន់រាល់អំពើហិង្សាទាំងឡាយ និងបានសង្កត់ធ្ងន់លើសារៈសំខាន់នៃការគោរពសិទ្ធិមនុស្ស និងការធានាសុវត្ថិភាពរបស់ជនស៊ីវិល។សេចក្តីថ្លែងការណ៍បាននិយាយថា មនុស្សយ៉ាងហោចណាស់ ៣៥នាក់រួមទាំងកុមារ ៤នាក់ និងបុគ្គលិក ២នាក់នៃអង្គការសប្បុរសធម៌ Save the Children ត្រូវបានសម្លាប់នៅក្នុងការវាយប្រហារនេះ។ ក្រុមប្រឹក្សាសន្តិសុខក៏បានសង្កត់ធ្ងន់លើតភាពចាំបាច់ សម្រាប់ការបើកច្រកដឹកជញ្ជូនមនុស្សធម៌ចូលប្រកបដោយសុវត្ថិភាព និងគ្មានការរារាំងដល់មនុស្សទាំងអស់ដែលត្រូវការជំនួយ និងសម្រាប់ការការពារពេញលេញលើសុវត្ថិភាព និងសន្តិសុខរបស់បុគ្គលិកមនុស្សធម៌ និងក្រុមគ្រូពេទ្យ។ ក្រុមអ្នកប្រយុទ្ធប្រឆាំងរបបសឹកបាននិយាយថា ពួកគេបានរកឃើញសាកសពជាង ៣០នាក់ដែលត្រូវបានដុតរួមទាំងស្ត្រី និងកុមារនៅលើផ្លូវហាយវ៉េក្នុងរដ្ឋ Kayah បន្ទាប់ពីការវាយប្រហារ៕អត្ថបទ៖ សុខមាន

មនុស្ស ២១នាក់ស្លាប់ក្នុងគ្រោះមហន្តរាយទឹកជំនន់ដ៏ធ្ងន់ធ្ងរបំផុតនៅប្រេស៊ីល

ប្រេស៊ីល៖ ទីក្រុងសរុបចំនួន ១១៦ នៅក្នុងរដ្ឋ Bahia ភាគឦសានប្រទេសប្រេស៊ីលបានស្ថិតក្នុងរដ្ឋក្នុងភាពអាសន្ន ដោយសារតែទឹកជំនន់កាលពីថ្ងៃអង្គារបណ្ដាលមកពីភ្លៀងធ្លាក់ខ្លាំង។ ទីក្រុងនៅក្នុងរដ្ឋយ៉ាងហោចណាស់ ៥ផ្សេងទៀតនៅភាគខាងជើង និងភាគអាគ្នេយ៍របស់ប្រទេសប្រេស៊ីលត្រូវបានជន់លិចផងដែរនៅក្នុងប៉ុន្មានថ្ងៃថ្មីៗនេះ។នៅរដ្ឋ Bahia ទឹកជំនន់បានធ្វើឲ្យប៉ះពាល់ដល់ប្រជាជនជាង ៤៧០.០០០នាក់។ យ៉ាងហោចណាស់នៅក្នុងទីក្រុងចំនួន ៥០ ទឹកបានហូរចូលទៅក្នុងលំនៅឋាន និងអាជីវកម្ម ហើយប្រជាជនត្រូវបានបង្ខំឱ្យបោះបង់ចោលទ្រព្យសម្បត្តិរបស់ពួកគេ។ ទិន្នន័យផ្លូវការពីរដ្ឋាភិបាលរដ្ឋបាននិយាយថា ប្រជាជន ៣៤,១៦៣នាក់គ្មានផ្ទះសម្បែង និងជិត ៤៣,០០០នាក់ត្រូវផ្លាស់ទីលំនៅ។ មនុស្សសរុប ២១នាក់បានស្លាប់ និងរបួស ៣៥៨នាក់ដោយសារគ្រោះធម្មជាតិនេះចាប់តាំងពីដើមខែមក។ យោងតាមគេហទំព័ររបស់មជ្ឈមណ្ឌលជាតិសម្រាប់ការតាមដាន និងការជូនដំណឹងអំពីគ្រោះមហន្តរាយធម្មជាតិ ដែលជាទីភ្នាក់ងាររដ្ឋាភិបាលបាននិយាយថា នេះជាអំឡុងពេលធ្លាក់ភ្លៀងធ្លាក់ខ្លាំងបំផុតសម្រាប់រដ្ឋ Bahia ក្នុងរយៈពេល ៣២ឆ្នាំចុងក្រោយនេះ។ នៅភាគខាងត្បូងរដ្ឋ Bahia ប្រទេសប្រស៊ីលមានភ្លៀងធ្លាក់ច្រើនជាង ៥ដងនៃបរិមាណទឹកភ្លៀងធម្មតាសម្រាប់ពេលនេះនៃឆ្នាំនេះ។ កាលពីថ្ងៃអង្គារ ប្រជាជនយ៉ាងហោចណាស់នៅក្នុងក្រុងចំនួន ៤ នៃរដ្ឋ Bahia បានទទួលការព្រមានឱ្យចាកចេញពីលំនៅឋានរបស់ពួកគេ ដោយសារតែការកើនឡើងនៃលំហូរនៃទន្លេ Pardo ដោយសារតែការបើកទ្វារទំនប់ទឹក៕អត្ថបទ៖ ប៊ុនថន

មនុស្ស ៥នាក់ស្លាប់រួមទាំងខ្មាន់កាំភ្លើងក្នុងការបាញ់ប្រហារនៅតំបន់ Denver រដ្ឋ Colorado

អាមេរិក៖ នគរបាលកំពុងស៊ើបអង្កេតកាលពីថ្ងៃអង្គារ បន្ទាប់ពីខ្មាន់កាំភ្លើងម្នាក់បើកការបាញ់ប្រហារយ៉ាងសេរី នៅទូទាំងសង្កាត់ពាណិជ្ជកម្មមួយចំនួនក្នុង និងជុំវិញទីក្រុង Denver រដ្ឋ Colorado សហរដ្ឋអាមេរិក ដោយបានសម្លាប់មនុស្ស ៤នាក់ និងរបួស ៣នាក់ផ្សេងទៀតរួមទាំងមន្ត្រីម្នាក់ផងដែរ ខណៈដែលនគរបាលបានតាមចាប់ខ្លួនជនដៃដល់។នគរបាលបាននិយាយថា ជនសង្ស័យក៏បានស្លាប់ផងដែរកាលពីយប់ថ្ងៃចន្ទ បន្ទាប់ពីមានការបាញ់តដៃជាមួយក្រុមមន្ត្រីនៅក្នុងតំបន់ផ្សារទំនើបមួយកន្លែងនៅជាយក្រុង Denver នៃទីក្រុង Lakewood។ នគរបាលបាននិយាយថា ពួកគេកំពុងស៊ើបអង្កេតពីកត្តាដែលនាំឱ្យមានការបាញ់ប្រហារនេះ។ លោក Paul Pazen ស្នងការនគរបាលក្រុង Denver បាននិយាយនៅក្នុងសន្និសីទសារព័ត៌មានថា យើងត្រូវតែស្វែងរកឱ្យឃើញថា អ្វីជាហេតុផលនៅពីក្រោយការបាញ់រះនេះ។ លោក Pazen បាននិយាយថា ការបាញ់ប្រហារបានចាប់ផ្ដើមភ្លាមៗ បន្ទាប់ពីម៉ោង ៥ល្ងាចនៅកណ្ដាលក្រុង Denver តាមបណ្ដោយផ្លូវ Broadway ដែលជាផ្លូវដ៏មមាញឹកមួយសំបូរដោយហាង បារ និងភោជនីយដ្ឋាន ជាទីដែលស្ត្រីពីរនាក់បានស្លាប់ និងបុរសម្នាក់បានរងរបួស។ កាលពីថ្ងៃអង្គារ ការអុជទៀន និងការដាក់ផ្កាត្រូវបានដាក់នៅមាត់ទ្វារហាងសាក់ក្បែរនោះ។ កាលពីថ្ងៃព្រហស្បតិ៍សប្ដាហ៍មុន ក៏មានហេតុការបាញ់ប្រហារមួយកើតឡើងផងដែរនៅជាយក្រុង Chicago នៅឯផ្សារទំនើបមួយពេញដោយមនុស្សជាអ្នកទិញទំនិញក្នុងឱកាសបុណ្យ ដែលបានបណ្ដាលឲ្យមនុស្ស ៤នាក់រងរបួស ប៉ុន្តែពុំបានបង្កគ្រោះគំរាមកំហែងដល់អាយុជីវិតទេ៕អត្ថបទ៖ សុខមាន

វីរុស COVID-19 បម្លែងខ្លួនថ្មី Omicron ជំរុញកំណើនករណីឆ្លងប្រចាំថ្ងៃខ្ពស់បំផុតនៅទូទាំងតំបន់អឺរ៉ុប

អឺរ៉ុប៖ ប្រទេសជាច្រើននៅអឺរ៉ុបបានរាយការណ៍ថា កំណើនករណីឆ្លងប្រចាំថ្ងៃខ្ពស់នៃវីរុស COVID-19 ខណៈវីរុសបម្លែងខ្លួនថ្មី Omicron បន្តកើនឡើងពាសពេញទ្វីប។ ប្រទេសបារាំងបានរាយការណ៍ករណីឆ្លងថ្មីខ្ពស់បំផុតចំនួន ១៧៩,៨០៧នាក់ក្នុងរយៈពេល ២៤ម៉ោងកាលពីថ្ងៃអង្គារ ដែលជាចំនួនប្រចាំថ្ងៃខ្ពស់បំផុតចាប់តាំងពីការចាប់ផ្ដើមផ្ទុះឡើង នៃជំងឺរាតត្បាតសកលនេះ។ កំណត់ត្រាចំនួនអ្នកឆ្លងខ្ពស់បំផុតកាលពីថ្ងៃសៅរ៍មានចំនួន ១០៤,៦១១នាក់។ចំណែកចក្រភពអង់គ្លេសបានរាយការណ៍ករណីឆ្លងថ្មីនៃវីរុស COVID-19 ចំនួន ១២៩,៤៧១នាក់ក្នុងរយៈពេល ២៤ម៉ោងចុងក្រោយកាលពីថ្ងៃអង្គារ ដោយមិនរាប់បញ្ចូលដែនដីអៀរឡង់ខាងជើង និងស្កុតឡិន។ កំណត់ត្រាករណីឆ្លងប្រចាំថ្ងៃខ្ពស់បំផុតគឺ ១២២,១៨៦នាក់កាលពីថ្ងៃទី២៤ ខែធ្នូ។ ប្រទេសព័រទុយហ្គាល់ក៏បានរាយការណ៍អំពីករណីឆ្លងវីរុសកូរ៉ូណា ឬ COVID-19 ប្រចាំថ្ងៃខ្ពស់បំផុតផងដែរកាលពីថ្ងៃអង្គារ បើទោះបីជាប្រទេសនេះស្ថិតក្នុងចំណោមប្រទេស ដែលមានអត្រាចាក់វ៉ាក់សាំងខ្ពស់បំផុតមួយរបស់ពិភពលោក ដូចប្រទេសស៊ីប អ៊ីតាលី និងក្រិកក៏ដោយ។ទន្ទឹមនឹងនេះ រោងមហោស្រពនានា និងកន្លែងវប្បធម៌ផ្សេងទៀតរបស់ប្រទេសបែលហ្ស៊ិក បានទទួលជ័យជម្នះផ្នែកច្បាប់លើកដំបូងកាលពីថ្ងៃអង្គារក្នុងការបើកដំណើរការឡើងវិញ បន្ទាប់ពីរដ្ឋាភិបាលបានបញ្ជាឱ្យបិទ ជាផ្នែកនៃការរឹតបន្តឹងទប់ស្កាត់ការឆ្លងរាលដាលយ៉ាងឆាប់រហ័សនៃវីរុសបម្លែងខ្លួនថ្មី Omicron។ អង្គការសុខភាពពិភពលោកបានព្រមានថា វីរុសបម្លែងខ្លួនថ្មី Omicron អាចគ្របដណ្ដប់លើប្រព័ន្ធថែទាំសុខភាព បើទោះបីជាការសិក្សាដំបូងបង្ហាញថា វីរុសប្រភេទនេះបណ្ដាលឱ្យមានជំងឺស្រាលជាងប្រភេទវីរុសមុនៗក៏ដោយ ខណៈប្រទេសចិន និងអាល្លឺម៉ង់បានណែនាំឡើងវិញនូវការរឹតត្បិតដ៏តឹងរ៉ឹង ដើម្បីទប់ស្កាត់ការឆ្លងថ្មី៕អត្ថបទ៖ សុខមាន

អាមេរិកមានករណីឆ្លង COVID-19 ថ្មីជិត ២០ម៉ឺននាក់ ខណៈអ្នកជំនាញថាអាចមាន ៥០ម៉ឺននាក់ក្នុងមួយថ្ងៃឆាប់ៗនេះ

អាមេរិក៖ ចំនួនករណីឆ្លងវីរុស Covid-19 បន្តកើនឡើងខ្ពស់ ខណៈអ្នកធ្វើដំណើរត្រឡប់មកប្រទេសវិញបន្ទាប់ពីបុណ្យណូអែល ហើយប្រជាជនអាមេរិកត្រៀមសម្រាប់ថ្ងៃឈប់សម្រាកចុងសប្តាហ៍ផ្សេងទៀតនៅសប្ដាហ៍នេះ។ យោងតាមទិន្នន័យកាលពីថ្ងៃអាទិត្យពីសាកលវិទ្យាល័យ Johns Hopkins សហរដ្ឋអាមេរិកឥឡូវនេះមានករណីឆ្លងវីរុស Covid-19 ប្រចាំថ្ងៃជាមធ្យម ១៩៨,៤០៤នាក់។ នោះគឺស្មើនឹង ៤៧% ខ្ពស់ជាងមួយសប្តាហ៍មុន និងជាចំនួនខ្ពស់បំផុតចាប់តាំងពីថ្ងៃទី១៩ ខែមករាមក។វីរុសបម្លែងខ្លួនថ្មី Omicron ថ្មីបានជំរុញឱ្យមានករណីឆ្លងវីរុស COVID-19 កើនឡើងក្នុងរដូវរងា ការសម្រាកព្យាបាលនៅមន្ទីរពេទ្យ និងការស្លាប់នៅទូទាំងសហរដ្ឋអាមេរិក និងការឆ្លងប្រចាំថ្ងៃបានឈានដល់កម្រិតខ្ពស់បំផុតចាប់តាំងពីខែមករា។ លោកវេជ្ជបណ្ឌិត Jonathan Reiner អ្នកវិភាគផ្នែកវេជ្ជសាស្ត្ររបស់ទូរទស្សន៍ CNN បានប្រាប់ CNN កាលពីថ្ងៃអាទិត្យថា ខ្ញុំគិតថា យើងនឹងឃើញករណីឆ្លងពាក់កណ្តាលលានក្នុងមួយថ្ងៃ វាអាចកើតមាននៅសប្តាហ៍ក្រោយរហូតដល់ ១០ថ្ងៃខាងមុខ។ ប្រជាជនអាមេរិកប្រមាណ ៧១,០០០នាក់ត្រូវបានចូលសម្រាកព្យាបាលនៅមន្ទីរពេទ្យដោយសារជំងឺ Covid-19 កាលពីថ្ងៃអាទិត្យ។ នេះបើយោងតាមក្រសួងសុខាភិបាលសហរដ្ឋអាមេរិក។ យោងតាមសាកលវិទ្យាល័យ Johns Hopkins ជាមធ្យមជនជាតិអាមេរិកចំនួន ១,៤០៨នាក់បានស្លាប់ដោយសារវីរុស Covid-19 ជារៀងរាល់ថ្ងៃក្នុងអំឡុងសប្តាហ៍ដែលបញ្ចប់ថ្ងៃអាទិត្យមុន។ នោះគឺជាការកើនឡើង ១៧% ធៀបនឹងមួយសប្តាហ៍មុន។ចំណែកលោកវេជ្ជបណ្ឌិត Anthony Fauci បានប្រាប់ CNN កាលពីថ្ងៃចន្ទថា ខណៈវីរុសបម្លែងខ្លួនថ្មី Omicron កំពុងឆ្លងខ្លាំង "យើងប្រាកដជានៅតែមើលឃើញការកើនឡើងករណីឆ្លងមួយរយៈទៀត។ យោងតាមទិន្នន័យរបស់មជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក ឬ CDC បានឱ្យដឹងថា កុមារប្រហែល ៧៥,០០០នាក់ចាប់ពីទារករហូតដល់មនុស្សវ័យ ១៧ឆ្នាំត្រូវបានចូលសម្រាកព្យាបាលនៅមន្ទីរពេទ្យដោយសារជំងឺ Covid-19 ចាប់តាំងពីខែសីហា ឆ្នាំ២០២០ មក។ គិតត្រឹមព្រឹកថ្ងៃអង្គារ សហរដ្ឋអាមេរិកមានករណីឆ្លងវីរុស COVID-19 សរុបចំនួន ៥៣,៦៥៥,១៧១នាក់, ឆ្លងថ្មីចំនួន ១៨៤,៩៦៩នាក់, ស្លាប់សរុបចំនួន ៨៣៩,១៩៧នាក់ និងស្លាប់ថ្មីចំនួន ៥៤១នាក់៕អត្ថបទ៖ សុខមាន

អង្គការសហប្រជាជាតិរន្ធត់ចិត្តនឹងរបាយការណ៍ស្ដីពីការសម្លាប់រង្គាលលើជនស៊ីវិលនៅសហភាពមីយ៉ាន់ម៉ា

UN៖ មន្ត្រីអង្គការសហប្រជាជាតិបាននិយាយកាលពីថ្ងៃអាទិត្យ (ទី២៦ ខែធ្នូ) លោក "រន្ធត់ចិត្ត" នឹងរបាយការណ៍គួរឱ្យទុកចិត្តថា ជនស៊ីវិលយ៉ាងហោចណាស់ ៣៥នាក់ត្រូវបានសម្លាប់ និងសាកសពរបស់ពួកគេត្រូវបានដុតក្នុងសហភាពមីយ៉ាន់ម៉ា ហើយបានទាមទារឱ្យរដ្ឋាភិបាលបើកការស៊ើបអង្កេត។បុគ្គលិកអង្គការមិនរកប្រាក់ចំណេញ Save the Children ចំនួន ២នាក់នៅតែបាត់ខ្លួន បន្ទាប់ពីរថយន្តរបស់ពួកគេស្ថិតក្នុងចំណោមរថយន្តជាច្រើនដែលត្រូវបានរងការវាយប្រហារ និងឆេះនៅក្នុងឧបទ្ទវហេតុនៅរដ្ឋ Kaya ភាគខាងកើត។ ក្រុមឃ្លាំមើលស្ថានការ និងប្រព័ន្ធផ្សព្វផ្សាយក្នុងស្រុក បានដាក់ការស្តីបន្ទោសការវាយប្រហារនេះទៅលើទាហានយោធា។ លោក Martin Griffiths អគ្គលេខាធិការរងអង្គការសហប្រជាជាតិទទួលបន្ទុកកិច្ចការមនុស្សធម៌ បាននិយាយនៅក្នុងសេចក្តីថ្លែងការណ៍មួយថា "ខ្ញុំថ្កោលទោសចំពោះឧបទ្ទវហេតុដ៏សោកសៅនេះ និងរាល់ការវាយប្រហារលើជនស៊ីវិលនៅទូទាំងប្រទេស។ លោកបានអំពាវនាវឲ្យមានការស៊ើបអង្កេតឲ្យបានហ្មត់ចត់ និងតម្លាភាព។ប្រទេសនៅក្នុងតំបន់អាស៊ីអាគ្នេយ៍មួយនេះ បានស្ថិតក្នុងភាពចលាចលចាប់តាំងពីរដ្ឋប្រហារខែកុម្ភៈមក ដោយមានមនុស្សជាង ១,៣០០នាក់បានស្លាប់នៅក្នុងការបង្ក្រាបពីសំណាក់កងកម្លាំងសន្តិសុខ នេះបើយោងតាមក្រុមឃ្លាំមើលស្ថានការនយោបាយក្នុងស្រុកមួយ។ មន្ត្រីក្នុងតំបន់ និងអ្នកស្រុកបាននិយាយកាលពីថ្ងៃសុក្រថា យោធាមីយ៉ាន់ម៉ាបានបើកការការវាយប្រហារតាមអាកាស និងកាំភ្លើងធំធុនធ្ងន់ទៅលើទីក្រុងតូចមួយដែលគ្រប់គ្រងដោយទ័ពព្រៃ Karen ដែលបានបង្ខំឲ្យមនុស្សរាប់រយនាក់ភៀសខ្លួនឆ្លងទន្លេចូលទៅក្នុងប្រទេសថៃ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សម្ដេចធិបតី៖ ការងារសាងសង់ផ្លូវក្រវាត់ព្រំដែនមកទល់ពេលនេះ សម្រេចបាន ៩៥ ភាគរយហើយ

ពានសម្ដេចតេជោ ហ៊ុន សែន-ថ្នាក់ខេត្ត សប្ដាហ៍នេះមាន ៣គូ សុទ្ធសឹងជាគូជក់ចិត្ត

គ្រូបង្វឹកព្រះខ័នរាជ ចាត់ទុកពាន Pre-Season ក្នុងស្រុក ជាការត្រៀមខ្លួនដ៏ល្អ ទាំងពានក្នុងស្រុក និងពានអន្ដរជាតិ

សម្ដេចធិបតី៖ សរសើរបណ្ដារាជធានី-ខេត្ត ចំពោះការប្រកួតប្រជែងកសាងសមិទ្ធផលសាធារណៈជាច្រើន

សម្ដេចធិបតីណែនាំក្រសួងពាក់ព័ន្ធជំរុញកម្មវិធីអប់រំបណ្តុះបណ្តាលជំនាញដល់ពលរដ្ឋខេត្តភាគឦសាន

សម្ដេចធិបតី វាយតម្លៃខ្ពស់ចំពោះក្រសួងអប់រំ និងភាគីពាក់ព័ន្ធរៀបចំការប្រឡងបាក់ឌុបបានរលូនល្អ

អាល្លឺម៉ង់៖ សហភាពអឺរ៉ុបមិនប្រាកដថាអ្នកណាត្រូវចំណាយសម្រាប់ប្រាក់កម្ចី៩០ ពាន់លានអឺរ៉ូដល់ទីក្រុងគីវ

ឯកឧត្តម ហ៊ុន ម៉ានី៖ ស្មារតីចងចាំជនភៀសសឹក គឺជាគោលបំណងធំ នៃការប្រកួតបាល់ទាត់សប្បុរសរបស់ក្រុម សសយក អលស្ដារ

អ្នកតាំងលំនៅឋានអ៊ីស្រាអែល មានអារម្មណ៍ជឿជាក់ខ្លាំងបន្ទាប់ពីអំពើវិនាសកម្មនៅតំបន់ហ្កាហ្សា

អ៊ីរ៉ង់និងប៉ាគីស្ថាន ជួបពិភាក្សាគ្នា ខណៈកិច្ចខិតខំប្រឹងប្រែងផ្នែកការទូតកំពុងរីកចម្រើនលើបញ្ហាអាមេរិក-អ៊ីរ៉ង់ និងច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Biden ប្រាប់អ៊ុយក្រែនថា សហរដ្ឋអាមេរិកនឹងឆ្លើយតបយ៉ាងម៉ឺងម៉ាត់ ប្រសិនបើរុស្ស៊ីឈ្លានពានបន្ថែមទៀត

ករណីផ្ទុះគ្រាប់បែកកែច្នៃចំនួន ០២កន្លែង ក្បែរស្ថានទូតកម្ពុជាប្រចាំមីយ៉ាន់ម៉ា

ចំនួនអ្នកស្លាប់ដោយសារ COVID-19 នៅរុស្សីឡើងដល់កម្រិតខ្ពស់បំផុតទី២ របស់ពិភពលោក

ថៃព្រមានពីការហក់ឡើងខ្ពស់នៃករណីឆ្លងវីរុស COVID-19 បន្ទាប់ពីព្រឹត្តិការណ៍ឆ្លងដែលមានមនុស្សច្រើន

ក្រុមប្រឹក្សាសន្តិសុខអង្គការសហប្រជាជាតិថ្កោលទោសការសម្លាប់រង្គាលនៅមីយ៉ាន់ម៉ា

មនុស្ស ២១នាក់ស្លាប់ក្នុងគ្រោះមហន្តរាយទឹកជំនន់ដ៏ធ្ងន់ធ្ងរបំផុតនៅប្រេស៊ីល

មនុស្ស ៥នាក់ស្លាប់រួមទាំងខ្មាន់កាំភ្លើងក្នុងការបាញ់ប្រហារនៅតំបន់ Denver រដ្ឋ Colorado

វីរុស COVID-19 បម្លែងខ្លួនថ្មី Omicron ជំរុញកំណើនករណីឆ្លងប្រចាំថ្ងៃខ្ពស់បំផុតនៅទូទាំងតំបន់អឺរ៉ុប

អាមេរិកមានករណីឆ្លង COVID-19 ថ្មីជិត ២០ម៉ឺននាក់ ខណៈអ្នកជំនាញថាអាចមាន ៥០ម៉ឺននាក់ក្នុងមួយថ្ងៃឆាប់ៗនេះ

អង្គការសហប្រជាជាតិរន្ធត់ចិត្តនឹងរបាយការណ៍ស្ដីពីការសម្លាប់រង្គាលលើជនស៊ីវិលនៅសហភាពមីយ៉ាន់ម៉ា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ករណីផ្ទុះគ្រាប់បែកកែច្នៃចំនួន ០២កន្លែង ក្បែរស្ថានទូតកម្ពុជាប្រចាំមីយ៉ាន់ម៉ា

ចំនួន​អ្នក​ស្លាប់​ដោយសារ COVID-19 នៅ​រុស្សី​ឡើង​ដល់​កម្រិត​ខ្ពស់​បំផុត​ទី​២ ​របស់​ពិភពលោក

ក្រុមប្រឹក្សាសន្តិសុខ​អង្គការសហប្រជាជាតិថ្កោលទោស​ការ​សម្លាប់​រង្គាល​នៅ​មី​យ៉ាន់​ម៉ា​

មនុស្ស ២១​នាក់​ស្លាប់​ក្នុង​គ្រោះ​មហន្តរាយ​ទឹក​ជំនន់​ដ៏​ធ្ងន់ធ្ងរ​បំផុត​នៅ​ប្រេស៊ីល

មនុស្ស​ ៥​នាក់​ស្លាប់​រួម​ទាំង​ខ្មាន់កាំភ្លើង​ក្នុង​ការ​បាញ់​ប្រហារ​នៅ​តំបន់ Denver រដ្ឋ​ Colorado

វីរុស COVID-19​ ប​ម្លែ​ង​ខ្លួន​ថ្មី Omicron ជំរុញ​កំណើន​ករណី​ឆ្លង​ប្រចាំថ្ងៃ​ខ្ពស់​បំផុត​នៅ​ទូទាំង​តំបន់​អឺរ៉ុប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចំនួនអ្នកស្លាប់ដោយសារ COVID-19 នៅរុស្សីឡើងដល់កម្រិតខ្ពស់បំផុតទី២ របស់ពិភពលោក

ក្រុមប្រឹក្សាសន្តិសុខអង្គការសហប្រជាជាតិថ្កោលទោសការសម្លាប់រង្គាលនៅមីយ៉ាន់ម៉ា

មនុស្ស ២១នាក់ស្លាប់ក្នុងគ្រោះមហន្តរាយទឹកជំនន់ដ៏ធ្ងន់ធ្ងរបំផុតនៅប្រេស៊ីល

មនុស្ស ៥នាក់ស្លាប់រួមទាំងខ្មាន់កាំភ្លើងក្នុងការបាញ់ប្រហារនៅតំបន់ Denver រដ្ឋ Colorado

វីរុស COVID-19 បម្លែងខ្លួនថ្មី Omicron ជំរុញកំណើនករណីឆ្លងប្រចាំថ្ងៃខ្ពស់បំផុតនៅទូទាំងតំបន់អឺរ៉ុប