BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

មនុស្សយ៉ាងហោចណាស់ ៣២នាក់បានស្លាប់នៅក្នុងអគ្គិភ័យឆេះសាឡាងនៅបង់ក្លាដែស

បង់ក្លាដែស៖ យោងតាមនគរបាលបានឱ្យដឹងថា មនុស្សយ៉ាងហោចណាស់ ៣២នាក់បានស្លាប់នៅពេលដែលសាឡាងផ្ទុកមនុស្សពេញបានឆេះនៅភាគខាងត្បូងប្រទេសបង់ក្លាដែស នៅក្នុងសោកនាដកម្មដែនទឹកចុងក្រោយបង្អស់ដែលបានវាយប្រហារប្រទេសក្រីក្រក្នុងតំបន់ទំនាប។ឧបទ្ទវហេតុនេះបានកើតឡើងនៅព្រឹកថ្ងៃសុក្រនេះនៅជិតទីប្រជុំជនជនបទភាគខាងត្បូង Jhalokati ចម្ងាយ ២៥០គីឡូម៉ែត្រភាគខាងត្បូងនៃរដ្ឋធានី Dhaka។ សាឡាងនេះបានដឹកមនុស្សប្រហែល ៥០០នាក់។ ស្នងការនគរបាលក្នុងតំបន់លោក Moinul Islam បានប្រាប់ទីភ្នាក់ងារព័ត៌មាន AFP ថា សាឡាងដែលមានឈ្មោះថា Obhijan កម្ពស់ ៣ជាន់បានឆាបឆេះកណ្ដាលទន្លេ។ យើងបានរកឃើញសាកសពចំនួន ៣២នាក់ហើយ។ ចំនួនអ្នកស្លាប់អាចកើនឡើង។ ភាគច្រើនបានស្លាប់ដោយសារភ្លើងឆេះ ហើយមួយចំនួនតូចទៀតលង់ទឹកស្លាប់ បន្ទាប់ពីពួកគេបានលោតចូលទៅក្នុងទន្លេ៕អត្ថបទ៖ សុខមាន

សហរដ្ឋអាមេរិកផ្តល់ការអនុញ្ញាតឲ្យឱសថគ្រាប់ COVID-19 ទីពីរសម្រាប់អ្នកជំងឺ

អាមេរិក៖ និយតករសុខភាពរបស់សហរដ្ឋអាមេរិក កាលពីថ្ងៃព្រហស្បតិ៍បានអនុញ្ញាតឱ្យឱសថគ្រាប់ទីពីរប្រឆាំងវីរុស COVID-19 ដោយផ្តល់នូវឱសថងាយស្រួលប្រើមួយផ្សេងទៀត ក្នុងការប្រយុទ្ធប្រឆាំងទៅនឹងការកើនឡើងករណីឆ្លងវីរុសបម្លែងខ្លួនថ្មី Omicron។ ការអនុញ្ញាតរបស់រដ្ឋបាលចំណីអាហារ និងឱសថធ្វើឡើងមួយថ្ងៃ បន្ទាប់ពីភ្នាក់ងារបានផ្តល់ការអនុញ្ញាតទៅឲ្យក្រុមហ៊ុន Pfizer។ជាលទ្ធផលឱសថគ្រាប់របស់ក្រុមហ៊ុន Merck ត្រូវបានគេរំពឹងថានឹងមានប្រសិទ្ធភាពតិចជាងការព្យាករណ៍ កាលពីប៉ុន្មានសប្តាហ៍មុនប្រឆាំងនឹងជំងឺរាតត្បាត។ រដ្ឋបាលចំណីអាហារ និងឱសថបានអនុញ្ញាតឱសថរបស់ក្រុមហ៊ុន Merck សម្រាប់មនុស្សពេញវ័យដែលមានរោគសញ្ញាដំបូងនៃវីរុស COVID-19 ដែលប្រឈមមុខទៅនឹងហានិភ័យខ្ពស់បំផុតនៃការចូលព្យាបាលនៅមន្ទីរពេទ្យ រួមទាំងមនុស្សចាស់ និងអ្នកដែលមានលក្ខខណ្ឌដូចជាភាពធាត់ពេក និងជំងឺបេះដូង។ ដោយត្រូវបានគេស្គាល់ថាជាឱសថ Molnupiravir ឱសថក្រុមហ៊ុន Merck នឹងមានការព្រមានលើការប្រើប្រាស់អំឡុងពេលស្ត្រីមានផ្ទៃពោះ។ ឱសថគ្រាប់របស់ក្រុមហ៊ុន Pfizer មានប្រសិទ្ធភាពជាង ៣ដងក្នុងការធ្វើតេស្ត ដោយកាត់បន្ថយការសម្រាកព្យាបាលនៅមន្ទីរពេទ្យ និងការស្លាប់ជិត ៩០% ក្នុងចំណោមអ្នកជំងឺដែលមានហានិភ័យខ្ពស់ បើធៀបនឹង ៣០% សម្រាប់ឱសថក្រុមហ៊ុន Merck's។ សម្រាប់ពេលនេះការសម្រេចរបស់រដ្ឋបាលចំណីអាហារ និងឱសថ (FDA) ផ្តល់នូវជម្រើសដ៏មានសក្ដានុពលមួយផ្សេងទៀត ប្រឆាំងវីរុសដែលបានសម្លាប់ប្រជាជនអាមេរិកជាង ៨០០,០០០នាក់ ទោះបីមន្ត្រីសុខាភិបាលបានទប់ស្កាត់ករណីកំណត់ត្រាការចូលព្យាបាលនៅមន្ទីរពេទ្យ និងការស្លាប់ដែលជំរុញដោយវីរុសបម្លែងខ្លួនថ្មី Omicron ក៏ដោយ។ ឱសថគ្រាប់ប្រឆាំងវីរុសរួមទាំងរបស់ក្រុមហ៊ុន Merck's ត្រូវបានគេរំពឹងថានឹងមានប្រសិទ្ធភាពប្រឆាំងវីរុសបម្លែងខ្លួនថ្មី Omicron៕អត្ថបទ៖ ប៊ុនថន

សម្ដេចតេជោទម្លាយឱ្យដឹង ពីខ្លឹមសារសំបុត្រសម្ងាត់ដែលរក្សាទុកជិត ៣០ ឆ្នាំកន្លងមក

ភ្នំពេញ៖ ហ្វេសប៊ុកផ្ទាល់របស់សម្ដេចតេជោនាយករដ្ឋមន្ត្រីនៅថ្ងៃទី២៣ ខែធ្នូ ឆ្នាំ២០២១ បានផ្សព្វផ្សាយដោយ សរសេរថា សំបុត្រសម្ងាត់ឆ្នាំ១៩៩៤ កូនប្រុសខ្ញុំ ហ៊ុន ម៉ាណែត ដែលពេលនោះកំពុងសិក្សានៅសាក លវិទ្យាល័យមួយនាទីក្រុងញ៉ូវយ៉ក សហរដ្ឋអាម៉េរិក បានសសេរលិខិតសម្ងាត់មួយច្បាប់មកខ្ញុំ ដើម្បីបានរៀនខាងយោធា និងវិទ្យាសាស្រ្តនយោបាយជាមួយនឹងការប្តេជ្ញារបស់គេ គឺរៀនយកបណ្ឌិតខាងសេដ្ឋកិច្ចឱ្យបាន។ លិខិតមួយច្បាប់នេះមិនមានការចាំបាច់រក្សាទុកជាសម្ងាត់ទៀតទេ ព្រោះវាបានកន្ល ងហួសជិត២៨ឆ្នាំមកហើយ។ ជាមួយនេះ ម៉ាណែត ក៏មានចំណេះដឹងខាងសេដ្ឋកិច្ច នយោបាយ និងយោធាដូចដែលមាននៅក្នុងលិខិតនេះស្រាប់។ អានលិខិតនេះ នឹងយល់ពី ម៉ាណែត កាន់តែច្បាស់ ហើយអ្វីដែលមិនមានក្នុងលិខិតនេះ គឺ ម៉ាណែត បានចូលទៅធ្វើកម្មសិក្សានៅធនាគារពិភពលោកដែ លត្រូវបានបញ្ជូនទៅធ្វើការនៅប្រទេសកុងហ្គោ បន្ទាប់ពីជាប់បរិញ្ញាបត្រជាន់ខ្ពស់នៅសកលវិទ្យាល័យញ៉ូវយ៉ក។ ម៉ាណែត ធ្លាប់បានទៅរស់នៅជាមួយគ្រួសារបារាំងមួយ នៅប្រទេសបារាំងដោយស៊ីឈ្នួលបេះផ្លែប៉ោមឱ្យគ្រួសារនេះ ដើម្បីរៀនភាសាបារាំង។ នៅពេលរៀនថ្នាក់បណ្ឌិតនៅប្រទេសអង់គ្លេស ម៉ាណែត បានចូលបង្រៀនគណិតវិជ្ជាសម្រាប់និស្សិតឆ្នាំទី២ និងទី៣ ដើម្បីបានប្រាក់ខ្លះៗសម្រាប់ចំណា យ និងកាត់បន្ថយការចំណាយរបស់ឪពុកម្តាយ៕ ដោយ៖ គង់ ឌិន

អាមេរិកផ្តល់សិទ្ធិឱ្យឱសថគ្រាប់ក្រុមហ៊ុន Pfizer ប្រយុទ្ធប្រឆាំងវីរុស COVID-19

អាមេរិក៖ និយតករសុខភាពរបស់សហរដ្ឋអាមេរិក កាលពីថ្ងៃពុធបានអនុញ្ញាតឱ្យឱសថគ្រាប់ដំបូងប្រឆាំងវីរុស COVID-19 ជាឱសថរបស់ក្រុមហ៊ុន Pfizer ដែលប្រជាជនអាមេរិកនឹងអាចលេបនៅផ្ទះ ដើម្បីទប់ស្កាត់ផលប៉ះពាល់អាក្រក់កើតឡើងដោយសារវីរុស។ ឱសថគ្រាប់ Paxlovid គឺជាមធ្យោបាយលឿន និងមានតម្លៃថោកជាងការព្យាបាលការឆ្លងវីរុស COVID-19 ពីមុន ខណៈការផ្គត់ផ្គង់ដំបូងមានកម្រិតកំណត់។ឱសថគ្រាប់ប្រឆាំងវីរុសពីក្រុមហ៊ុន Merck ក៏ត្រូវបានគេរំពឹងថានឹងទទួលបានការអនុញ្ញាតក្នុងពេលឆាប់ៗនេះ។ ប៉ុន្តែឱសថរបស់ក្រុមហ៊ុន Pfizer គឺជាជម្រើសដ៏ប្រសើរដោយសារផលប៉ះពាល់តិច និងមានប្រសិទ្ធភាពខ្ពស់ រួមទាំងការកាត់បន្ថយជិត ៩០% នៃការចូលមន្ទីរពេទ្យ និងការស្លាប់ក្នុងចំណោមអ្នកជំងឺដែលងាយនឹងកើតជំងឺធ្ងន់ធ្ងរ។ រដ្ឋបាលចំណីអាហារ និងឱសថបានអនុញ្ញាតឱសថរបស់ក្រុមហ៊ុន Pfizer សម្រាប់មនុស្សពេញវ័យ និងកុមារដែលមានអាយុចាប់ពី ១២ឆ្នាំឡើងទៅជាមួយនឹងការធ្វើតេស្តវិជ្ជមានវីរុស COVID-19 និងរោគសញ្ញាដំបូងដែលប្រឈមទៅនឹងហានិភ័យខ្ពស់បំផុត នៃការចូលព្យាបាលនៅមន្ទីរពេទ្យ។ នោះរាប់បញ្ចូលទាំងមនុស្សចាស់ និងអ្នកដែលមានលក្ខខណ្ឌដូចជាធាត់ពេក និងមានជំងឺបេះដូង។ កុមារដែលមានសិទ្ធិទទួលឱសថនេះត្រូវមានទម្ងន់យ៉ាងតិច ៨៨ផោន ឬ ៤០គីឡូក្រាម។ ឱសថគ្រាប់របស់ក្រុមហ៊ុន Pfizer និង Merck ត្រូវបានគេរំពឹងថានឹងមានប្រសិទ្ធភាពប្រឆាំងវីរុសបម្លែងខ្លួនថ្មី Omicron។ រដ្ឋាភិបាលសហរដ្ឋអាមេរិកបានព្រមព្រៀងទិញឱសថគ្រាប់ Paxlovid ឱ្យបានគ្រប់គ្រាន់ដើម្បីព្យាបាលអ្នកឆ្លង ១០លាននាក់។ ក្រុមហ៊ុន Pfizer និយាយថា ក្រុមហ៊ុនកំពុងស្ថិតក្នុងដំណើរការផលិតឱសថនេះ សម្រាប់នៅទូទាំងពិភពលោកនៅឆ្នាំក្រោយក្រោមកិច្ចសន្យាជាមួយ ចក្រភពអង់គ្លេស អូស្ត្រាលី និងប្រទេសដទៃទៀត។ អ្នកជំនាញសុខភាពយល់ស្របថា ការចាក់វ៉ាក់សាំងនៅតែជាមធ្យោបាយដ៏ល្អបំផុត ដើម្បីការពារវីរុស COVID-19៕អត្ថបទ៖ ប៊ុនថន

ក្រុមអ្នកវិទ្យាសាស្ត្ររកឃើញអំប្រ៊ីយ៉ុងដាយណូស័រអាយុកាល ៦៦លានឆ្នាំហៀបនឹងញាស់

ចិន៖ ក្រុមអ្នកវិទ្យាសាស្ត្របានរកឃើញអំប្រ៊ីយ៉ុងដាយណូស័រ ដែលមានទម្រង់ពេញលេញយ៉ាងកម្រនៅក្នុងស៊ុតហ្វូស៊ីលដាយណូស័រ ហៀបនឹងញាស់ដែលមានអាយុកាលពី ៦៦លានឆ្នាំមុន។ ដែលកំពុងលាក់ខ្លួននៅក្នុងស៊ុតយ៉ាងកម្រ និងយ៉ាងល្អហៀបនឹងញាស់ដែលមានអាយុកាលយ៉ាងហោចណាស់ ៦៦លានឆ្នាំ។អំប្រ៊ីយ៉ុងដែលមានឈ្មោះថា ‘Baby Yingliang’ ត្រូវបានរកឃើញនៅក្នុងថ្មសម័យកាល Cretaceous ចុងក្រោយក្នុងទីក្រុង Ganzhou របស់ប្រទេសចិនភាគខាងត្បូង និងស្ថិតក្នុងអំបូរដាយណូស័រគ្មានធ្មេញ Theropod ឬអំបូរដាយណូស័រស្លាប ឬដាយណូស័របក្សី Oviraptorosaur។ ក្រុមអ្នកជំនាញបាននិយាយថា នេះគឺជាអំប្រ៊ីយ៉ុងមួយក្នុងចំណោមអំប្រ៊ីយ៉ុងដាយណូស័រ ដែលរក្សាបាននូវសណ្ឋានដើមស្ទើរទាំងស្រុងដែលមិនធ្លាប់បានរកឃើញ និងជួយបង្ហាញពីគន្លឹះនៃទំនាក់ទំនងសំខាន់រវាងឥរិយាបថសត្វស្លាបសម័យបច្ចុប្បន្ន និងដាយណូស័រ។ លោកសាស្ត្រាចារ្យ Steve Brusatte មកពីសកលវិទ្យាល័យ Edinburgh របស់ស្កុតឡិន ជាផ្នែកមួយនៃក្រុមស្រាវជ្រាវបាននិយាយថា អំប្រ៊ីយ៉ុងដាយណូស័រនៅក្នុងស៊ុតនេះគឺជាហ្វូស៊ីលមួយ ក្នុងចំណោមហ្វូស៊ីលដ៏ស្រស់ស្អាតបំផុតជាច្រើន ដែលលោកមិនធ្លាប់បានឃើញ។ក្រុមអ្នកវិទ្យាសាស្ត្រមកពីសកលវិទ្យាល័យ Birmingham និងសកលវិទ្យា China University of Geosciences ក្នុងទីក្រុងប៉េកាំងបានរកឃើញអាកប្បកិរិយារបស់ ‘Baby Yingliang’ ដែលត្រូវបានគេស្គាល់ថា ជាអំយ៉ុងដាយណូស័រ។ ក្បាលរបស់វាផ្កាប់ចុះទៅក្រោមខ្លួន ជើងបទចូលក្នុង ហើយខ្នងកោងបទចូលប្រលោះជើងនៅក្នុងស៊ុត៕អត្ថបទ៖ សុខមាន

ពលរដ្ឋចិនជាង ១៣លាននាក់ជាប់ក្នុងវិធានការបិទខ្ទប់ទីក្រុង ខណៈករណីឆ្លងវីរុស COVID-19 ហក់ឡើង

ចិន៖ មនុស្សជាង ១៣លាននាក់នៅក្នុងទីក្រុង Xi'an របស់ប្រទេសចិនត្រូវបានបញ្ជាឱ្យស្នាក់នៅក្នុងផ្ទះ ខណៈដែលក្រុមអាជ្ញាធរព្យាយាមបញ្ឈប់ការផ្ទុះឡើងនៃវីរុស Covid-19 នៅទីនោះ។ ទីក្រុងភាគខាងជើងបានកត់ត្រាការឆ្លងចំនួន ១៤៣នាក់ចាប់តាំងពីថ្ងៃទី៩ ខែធ្នូ។នៅក្រោមការរឹតត្បិតថ្មីដែលបានប្រកាសកាលពីថ្ងៃពុធ មានតែមនុស្សម្នាក់ប៉ុណ្ណោះក្នុងមួយគ្រួសារ ត្រូវបានអនុញ្ញាតឱ្យចាកចេញពីផ្ទះរៀងរាល់ពីរថ្ងៃម្តងដើម្បីទិញទំនិញសំខាន់ៗ។ ប្រទេសចិនមានយុទ្ធសាស្ត្របញ្ឈប់ការឆ្លងរាលដាលនៃវីរុស Covid-19 ដល់កម្រិតសូន្យដ៏តឹងរ៉ឹងដោយប្រើប្រាស់ការធ្វើតេស្តទ្រង់ទ្រាយធំ និងការបិទខ្ទប់ដើម្បីបញ្ឈប់ការផ្ទុះរាលដាល។ ប្រទេសនេះស្ថិតក្នុងការប្រុងប្រយ័ត្នខ្ពស់ចំពោះវីរុស Covid-19 ខណៈខ្លួនត្រៀមធ្វើជាម្ចាស់ផ្ទះកីឡាអូឡាំពិករដូវរងាឆ្នាំ២០២២ នៅខែកុម្ភៈ។អ្នកក្រុង Xi'an ដែលត្រូវបានគេស្គាល់ថាជាអ្នកចម្បាំង Terracotta មិនត្រូវបានអនុញ្ញាតឱ្យចាកចេញពីទីក្រុងទេ លុះត្រាតែមានការចាំបាច់ខ្លាំង និងយល់ព្រមពីក្រុមមន្ត្រី។ ការរឹតបន្តឹងនេះបានចូលជាធរមាន នៅពាក់កណ្តាលអធ្រាត្រថ្ងៃព្រហស្បតិ៍ម៉ោងក្នុងស្រុក។ មនុស្សរាប់លាននាក់ត្រូវបានធ្វើតេស្តនៅក្នុងខេត្ត Shaanxi របស់ទីក្រុង Xi'an ៕អត្ថបទ៖ សុខមាន

ប្រមុខ WHO៖ គ្មានប្រទេសណាមួយអាចដើរចេញពីការឆ្លងរាលដាលនៃជំងឺ COVID-19 បានទេ

WHO៖ ប្រមុខអង្គការសុខភាពពិភពលោកបានព្រមានកាលពីថ្ងៃពុធថា ភាពប្រញាប់ប្រញាល់ក្នុងប្រទេសអ្នកមានក្នុងការចាក់វ៉ាក់សាំងដូសជំរុញបង្ការជំងឺ COVID-19 កំពុងធ្វើឱ្យកាន់ធ្វើឲ្យមានវិសមភាពកាន់តែខ្លាំង ក្នុងការការទទួលបានវ៉ាក់សាំងដែលកំពុងពន្យាពេលការរីករាលដាល នៃជំងឺរាតត្បាតសកលនេះ។ប្រមុខអង្គការសុខភាពពិភពលោកគឺលោក Tedros Adhanom Ghebreyesus បានទទូចថា អាទិភាពគឺនៅតែដដែលពោលគឺផ្ដោតលើការផ្ដល់វ៉ាក់សាំងដល់ជនងាយរងគ្រោះគ្រប់ទីកន្លែង ជាជាងផ្តល់ដូសជំរុញលើវ៉ាក់សាំងដែលបានចាក់រួចហើយ។ លោកបានប្រាប់អ្នកយកព័ត៌មានថា គ្មានប្រទេសណាមួយអាចដើរចេញពីការឆ្លងរាលដាល នៃជំងឺរាតត្បាតសកល COVID-19 បានទេ។ ទីភ្នាក់ងារសុខភាពរបស់អង្គការសហប្រជាជាតិមួយនេះបានរិះគន់ជាយូរមកហើយ លើវិសមភាពដ៏គួរឱ្យភ្ញាក់ផ្អើលក្នុងការទទួលបានវ៉ាក់សាំងបង្ការជំងឺ COVID-19។ ការអនុញ្ញាតឱ្យវីរុស COVID-19 ឆ្លងរាលដាលដោយមិនមានការថមថយនៅកន្លែងខ្លះ បង្កើនឱកាសថ្មី ដោយមានការផ្ទុះឡើងនៃវីរុសបម្លែងខ្លួនថ្មីកាន់តែគ្រោះថ្នាក់ជាងនេះ។ប្រមុខអង្គការសុខភាពពិភពលោក Tedros Adhanom Ghebreyesus បានប្រាប់អ្នកយកព័ត៌មានថា កម្មវិធីចាក់វ៉ាក់សាំងដូសជំរុញមិនព្រមគ្នា ទំនងជានឹងពន្យារការឆ្លងរាលដាលនៃជំងឺរាតត្បាតសកលនេះជាជាងការបញ្ចប់ ព្រោះតែការបង្វែរការផ្គត់ផ្គង់ទៅកាន់ប្រទេសដែលមានកម្រិត នៃការទទួលបានវ៉ាក់សាំងខ្ពស់រួចស្រាប់ទៅហើយ ជាការហុចឱកាសឱ្យវីរុសនេះមានពេលវេលាចម្លងកាន់តែខ្លាំង៕អត្ថបទ៖ សុខមាន

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសម្ពោធដាក់ឲ្យប្រើប្រាស់ជាផ្លូវការអគាររដ្ឋបាល នៃអគ្គនាយកដ្ឋានគយ និងរដ្ឋាករកម្ពុជា

ភ្នំពេញ៖ នៅព្រឹកថ្ងៃទី២៣ ខែធ្នូ ឆ្នាំ២០២១នេះ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពដ៏ខ្ពង់ខ្ពស់បំផុត ក្នុងពិធីសំណេះសំណាល និងសម្ពោធដាក់ឱ្យប្រើប្រាស់ជាផ្លូវការអគាររដ្ឋបាល នៃអគ្គនាយកដ្ឋានគយ និងរដ្ឋាករកម្ពុជា។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News- សម្តេចតេជោ បញ្ជាក់ថា អគាររដ្ឋបាលគយចំណាយថវិកាជាង ៣៣លានដុល្លារ និង អគារសាលាជាតិគយចំណាយអស់ ជាង១៤លានដុល្លារ និង អគារសារមន្ទីរគយចំណាយអស់ ៣៨ម៉ឺនដុល្លារ លើការជួសជុល ដែលនេះជាការអភិវឌ្ឍសំខាន់លើផ្នែកហេដ្ឋារចនាសម្ព័ន្ធ ប៉ុន្តែបើនិយាយពីប្រវត្តិ គឺជាខួបលើកទី៧០នៃថ្ងៃបង្កើតរដ្ឋបាលគយកម្ពុជា។- សម្តេចតេជោ លើកឡើងថា ប្រវត្តិនៃការបង្កើតរដ្ឋបាលគយកម្ពុជា ជាស្នាព្រះហស្ថរបស់ព្រះករុណា នរោត្តម សីហនុ ព្រះបរមរតនកោដ្ឋ។- សម្តេចតេជោ ហ៊ុន សែន បានរំលឹកពីការតស៊ូស្វិតស្វាញ នៃវឌ្ឍនភាពគយ និងរដ្ឋាករកម្ពុជា ចាប់តាំងពីសម័យបារាំងគ្រប់គ្រងកម្ពុជា និងពេលទទួលឯករាជ្យពីបារាំង ព្រមទាំងបច្ចុប្បន្នភាព ហើយសម្តេចបានបញ្ជាក់ថា ធ្វើជាមនុស្សពេលផឹកទឹក ត្រូវនឹងឃើញប្រភព និងជ្រកក្រោមម្លប់ ត្រូវនឹកឃើញអ្នកដាំ ដែលនេះចង់រំលឹកពីគុណបំណាច់ដ៏ធំធេងនៃព្រះរាជបូនីយកិច្ចរបស់ព្រះបាទ នរោត្តម សីហនុ អតីតព្រះមហាក្សត្រកម្ពុជា។- សម្តេចតេជោ ហ៊ុន សែន បញ្ជាក់ថា ពីដំបូងឡើយ គយមិនមែនកើតឡើងដោយក្រសួងសេដ្ឋកិច្ច និងហិរញ្ញវត្ថុទេ គឺកើតឡើងដោយក្រសួងពាណិជ្ជកម្ម ដែលកាលនោះដឹកនាំដោយឯកឧត្តមរដ្ឋមន្ត្រី តាំង សារឹម។- សម្តេចតេជោ ហ៊ុន សែន បានបញ្ជាក់ថា យើងមិនអាចឲ្យគយស្ថិតក្រោមការគ្រប់គ្រងរបស់ក្រសួងពាណិជ្ជកម្មបានឡើយ ។ បើក្រសួងពាណិជ្ជកម្មគ្រប់គ្រងគយ វាមិនខុសពីមនុស្សតែម្នាក់ជាអ្នកទាត់បាល់ផង អ្នកចាំទីផងនោះទេ។- សម្តេចតេជោ ហ៊ុន សែន បានបញ្ជាក់ថា បើរដ្ឋមន្ត្រីណានិយាយពីការលក់គយតទៅទៀត នឹងត្រូវដកចេញពីតំណែងតែម្តង។ សម្តេចបញ្ជាក់ថា ការលក់គយស្មើនឹងលក់អធិបតេយ្យភាពជាតិ។ "យើងមិនឱនក្បាលចំពោះបរទេសណានោះទេ"។- សម្តេចតេជោ បានប្រកាសជាថ្មី គឺមិនអនុញ្ញាតអោយមានឡាន ដែលមិនទាន់បានបង់ពន្ធបើកបរលើផ្លូវនោះទេ ដោយសម្តេចជំរុញអោយរថយន្តគ្មានពន្ធ ឡានចង្កូតស្តាំ ជ្រកក្រោមស្លាកលេខនានាត្រូវចូលមកបង់ពន្ធអោយបានត្រឹមត្រូវ។- សម្តេចតេជោ ហ៊ុន សែន បានបញ្ជាក់ជាថ្មីម្តងទៀតថា រាជរដ្ឋាភិបាលកម្ពុជាមិនអាចឱនកក្បាលទៅ រណបប្រទេសណា ដើម្បីយកជំនួយបាននោះឡើយ ខណៈប្រទេសខ្លះផ្តល់ជំនួយមកកម្ពុជា ដោយ ភ្ជាប់មកលក្ខខណ្ឌមកជាមួយនោះ។- សម្តេចតេជោ ហ៊ុន សែន បានលើកឡើងថា ការផ្តល់តំណែងជា មេគយនៅកម្ពុជា គឺជាឆន្ទានុសិទ្ធិ របស់រាជរដ្ឋាភិបាលជាអ្នកសម្រេច ពុំមានការរត់ការដើម្បីដោះដូរ និងតំឡើងនោះឡើយ។-សម្តេចតេជោ ហ៊ុន សែន បានបញ្ជាក់ជាថ្មីទៀតថា រាជរដ្ឋាភិបាលបានចំណាយបួនរយលានដុល្លារសម្រាប់ផ្គត់ផ្គង់ភ្លើងនៅរាជធានីភ្នំពេញ និងបួនរយលានដុល្លារទៀតនៅខេត្តព្រះសីហនុ ខណៈខេត្តសៀមរាបចំនួនពីររយលានដុល្លារនោះ។- សម្តេចតេជោ ហ៊ុន សែន បានបញ្ជាក់ថា រាជរដ្ឋាភិបាលហ៊ុន សែន មិនមែនជារាជរដ្ឋាភិបាលកញ្ជើធ្លុះនោះឡើយ ខណៈការគ្រប់គ្រងថវិកានៅក្នុងក្រសួងសេដ្ឋកិច្ច និងហិរញ្ញវត្ថុគឺមានរបៀបរៀបរយល្អណាស់ ដោយមិនចេះតែចំណាយផ្តេសផ្តាសនោះឡើយ។- សម្តេចតេជោ ហ៊ុន សែន បានបញ្ជាក់ជាថ្មីទៀតថា នាពេលបច្ចុប្បន្ននេះ រាជរដ្ឋាភិបាលបានចំណាយជាង ៣០លានដុល្លារអាមេរិក សម្រាប់ចិញ្ចឹមប្រជាពលរដ្ឋរបស់ខ្លួន ក្នុងវិបត្តិកូវីដ១៩ (កម្មវិធីជំនួយសង្គមឧបត្ថម្ភគ្រួសារក្រីក្ររងផលប៉ះពាល់ដោយសារកូវីដ) ដោយក្នុងនោះមិនទាន់គិតចំពោះការចំណាយអ្នកសម្រាកព្យាបាលនៅមន្ទីរពេទ្យនោះឡើយ។- សម្តេចតេជោ ហ៊ុន សែន បានបញ្ជាក់ថា រហូតមកដល់ពេល នេះ ប្រទេសកម្ពុជាមានករណីមេរោគកូវីដ១៩ បំប្លែងថ្មីប្រភេទ អូមីក្រុង ចំនួន៨ករណីហើយ។- សម្តេចតេជោ ហ៊ុន សែន ប្រកាសឲ្យឯកឧត្ដមឧបនាយករដ្ឋមន្ត្រី អូន ព័ន្ធមុនីរ័ត្ន បន្តជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដើម្បីធ្វើទំនើបកម្ម និងភាពចាំបាច់នៅស្ថាប័នមួយនេះ ដែលជាឫសគល់ នៃសេដ្ឋកិច្ចជាតិទាំងមូល។- សម្ដេចតេជោ ហ៊ុន សែន បានបញ្ចេញឱ្យដឹងពីការបម្រុងត្រៀមវ៉ាក់សាំងសម្រាប់ការចាក់ដូសទី៤ដល់ក្រុមជួរមុខ មានក្រុមគ្រូពេទ្យ និងក្រុមដទៃទៀតដែលកំពុងប្រយុទ្ធនឹងជំងឺកូវីដ-១៩- សម្តេចតេជោ ហ៊ុន សែន បានបញ្ជាក់ថា ចាប់ពីពេលនេះតទៅ គឺមិនអនុញ្ញាតិឲ្យមានទំនិញគេចពន្ធបន្ត ទៀតបន្តទៀតនោះឡើយជាពិសេសគឺឡាន និងម៉ូតូតែម្តង។- សម្តេចតេជោ ហ៊ុន សែន ប្រកាសថា វត្តមានសម្តេចទៅមីយ៉ាន់ម៉ា នាពេលខាងមុខ គឺដើម្បីសុខុដុមនីយកម្មអាស៊ាន ពីអាស៊ាន១០ឲ្យនៅចំនួន១០ដដែល។ សម្តេចតេជោបញ្ជាក់ថា អាស៊ាន៩ គឺជាអាស៊ានមិនគ្រប់ទឹក។- សម្តេចតេជោ ហ៊ុន សែន បានបញ្ជាក់ថា ដំណើរទស្សនកិច្ចរបស់សម្តេចទៅប្រទេសមីយ៉ាន់ម៉ា គឺមិនមានអ្វីខុសនោះទេ ខណៈប្រទេសមួយចំនួនរិះគន់សម្តេចចំពោះដំណើរទស្សនកិច្ចនេះតើប្រទេសទាំងនោះបានផ្តាច់ស្ថានទូតរបស់ពួកផងខ្លួនចេញពីប្រទេសមីយ៉ាន់ម៉ាហើយឬនៅ?- សម្តេចតេជោបានមានប្រសាសន៍សង្កត់ធ្ងន់ថា ការធ្វើដំណើរទៅកាន់ប្រទេសមីយ៉ាន់ម៉ា មិនមែនជារឿងខុសនោះទេ ដរាបណាប្រទេសផ្សេងៗនៅលើពិភពលោក មិនទាន់ផ្តាច់ទូតចេញពីមីយ៉ាន់ផងនោះ រីឯកម្ពុជាក៏មានទូតនៅប្រទេសមីយ៉ាន់ម៉ាដូចគ្នា ហេតុអ្វីបានជាកម្ពុជាមិនអាចធ្វើបាន?- សម្តេចតេជោ ផ្តាំទៅមេដឹកនាំ និង អ្នកកាសែតនៅប្រទេសដែលរិះគន់សម្តេច សូមទៅរៀនសូត្រឡើងវិញពីទំនាក់ទំនងការទូត ។ ក្នុងឋានៈជាប្រធានអាស៊ាន សម្តេចនឹងធ្វើអោយអាស៊ានចេញពី៩ មក ១០វិញដែលហៅថា អាស៊ានគ្រប់ទឹក ។- សម្តេចតេជោក៏បានដាក់សំណួរទៀតថា «ប្រសិនបើមិនអោយនិយាយជាមួយមេដឹកនាំប្រទេសមីយ៉ាន់ម៉ាបច្ចុប្បន្នដើម្បីដោះស្រាយបញ្ហា តើអោយនិយាយជាមួយអ្នកណា?»**ប្រសាសន៍សម្ដេចតេជោ ចប់នៅម៉ោង១០និង០០នាទី

អង្គការសុខភាពពិភពលោកនិយាយថា វីរុសបម្លែងខ្លួនថ្មី Omicron ត្រូវបានបញ្ជាក់ក្នុងប្រទេសចំនួន ១០៦

WHO៖ របាយការណ៍ស្ដីពីវីរុសរាតត្បាតប្រចាំសប្តាហ៍ថ្មីបំផុត របស់អង្គការសុខភាពពិភពលោកដែលបានចេញផ្សាយកាលពីថ្ងៃអង្គារបានបង្ហាញថា វីរុស Covid-19 បម្លែងខ្លួនថ្មី Omicron កំពុងតែកើនឡើង និងបង្កហានិភ័យខ្ពស់ បើទោះបីជាវីរុសកូរ៉ូណាបម្លែងខ្លួនថ្មី Delta កំពុងមានឥទ្ធិពលឆ្លងខ្លាំងក្នុងចំណោមសំណាកវីរុសសកលក៏ដោយ។ដូចដែលបានបង្ហាញនៅក្នុងរបាយការណ៍ អង្គការសុខភាពពិភពលោកបាននិយាយថា ការឆ្លងរាលដាលនៃប្រភេទវីរុសបម្លែងខ្លួនថ្មីគួរឲ្យបារម្ភមាន ៩៦% នៃសំណាកដែលបានបន្តនៅទូទាំងពិភពលោកគឺវីរុសបម្លែងខ្លួនថ្មី Delta ជាការថយចុះពី ៩៩.២% កាលពីសប្តាហ៍មុន និង ១.៦% គឺជាវីរុសបម្លែងខ្លួនថ្មី Omicron កើនឡើងពី ០.៤% កាលពីសប្តាហ៍មុន។ យោងតាមទិន្នន័យដែលបង្ហាញដោយអង្គការសុខភាពពិភពលោក ឬ WHO វីរុសបម្លែងខ្លួនថ្មី Omicron បច្ចុប្បន្នត្រូវបានបញ្ជាក់នៅក្នុងប្រទេសចំនួន ១០៦ ជុំវិញពិភពលោក។អង្គការនេះបាននិយាយថា "ភស្តុតាងថ្មីៗបង្ហាញថា វីរុសបម្លែងខ្លួនថ្មី Omicron មានសមត្ថភាពចម្លងខ្លាំងជាងវីរុសបម្លែងខ្លួនថ្មី Delta និងកំពុងរីករាលដាលយ៉ាងឆាប់រហ័ស សូម្បីតែនៅក្នុងប្រទេសជាច្រើនដែលបានកត់ត្រាករណីឆ្លងក្នុងសហគមន៍ខ្ពស់ និងចំនួនប្រជាជនដែលមានកម្រិតភាពស៊ាំខ្ពស់ក៏ដោយ។ របាយការណ៍ខាងលើនេះបានបង្ហាញថា នៅចក្រភពអង់គ្លេស និងអាហ្វ្រិកខាងត្បូង ចំនួនអ្នកជំងឺចូលសម្រាកព្យាបាលនៅមន្ទីរពេទ្យកំពុងកើនឡើងខ្ពស់ ប៉ុន្តែទិន្នន័យស្តីពីភាពធ្ងន់ធ្ងរមានតិចតួច៕អត្ថបទ៖ សុខមាន

WHO៖ វីរុសបម្លែងខ្លួនថ្មី Omicron នឹងរុញមន្ទីរពេទ្យនានានៅអឺរ៉ុបឲ្យធ្លាក់ទៅរកមាត់ជ្រោះមហន្តរាយ

អឺរ៉ុប៖ មន្ត្រីជាន់ខ្ពស់របស់អង្គការសុខភាពពិភពលោកប្រចាំទ្វីបអឺរ៉ុបបានព្រមានថា ការហក់ឡើងនៃករណីឆ្លងវីរុសបម្លែងខ្លួន Omicron នឹងជំរុញឱ្យប្រព័ន្ធសុខាភិបាលអឺរ៉ុបឆ្ពោះទៅរកមាត់ជ្រោះមហន្តរាយ។ លោក Hans Kluge បាននិយាយថា "ព្យុះមួយទៀត" កំពុងមកដល់ ហើយរដ្ឋាភិបាលគួរតែត្រៀមចំពោះករណីឆ្លង ដែលកំពុងកើនឡើងគួរឱ្យកត់សម្គាល់។ការព្រមានរបស់លោកបានកើតឡើង ខណៈប្រទេសមួយចំនួនបានដាក់ចេញវិធានការរឹតត្បិត គម្លាតសវុត្ថិភាពសង្គមឡើងវិញ។ ប្រទេសអាល្លឺម៉ង់បានប្រកាសវិធានការថ្មីក្រោយបុណ្យណូអែល រួមទាំងការកំណត់លើពិធីជប់លៀងនានា។ ទន្ទឹមនឹងនេះ ប្រទេសព័រទុយហ្គាល់បានបញ្ជាឱ្យបិទបារ និងក្លឹបរាត្រីចាប់ពីថ្ងៃទី២៦ ខែធ្នូតទៅ។ នាយករដ្ឋមន្ត្រីអង់គ្លេសលោក Boris Johnson បានច្រានចោលការរឹតត្បិតថ្មីណាមួយសម្រាប់អង់គ្លេសមុនថ្ងៃបុណ្យណូអែល ប៉ុន្តែដែនដីស្កុតឡិន វេលស៍ និងអៀរឡង់ខាងជើងបានប្រកាសពីការទប់ស្កាត់លើការបង្កើនសកម្មភាពសង្គមចម្រុះគ្នា។ វីរុសបម្លែងខ្លួនថ្មី Omicron ត្រូវបានគេរកឃើញដំបូងនៅអាហ្វ្រិកខាងត្បូងកាលពីខែមុន ប៉ុន្តែឥឡូវបានរីករាលដាលជុំវិញពិភពលោក។អង្គការនេះបាននិយាយថា វីរុសនេះត្រូវបានគេរកឃើញនៅក្នុងប្រទេសយ៉ាងហោចណាស់ ៣៨ ក្នុងចំណោម ៥៣ប្រទេសនៅក្នុងតំបន់អឺរ៉ុបរបស់អង្គការសុខភាពពិភពលោកដែលរួមមានរុស្ស៊ី និងទួរគី ហើយវីរុសមានឥទ្ធិពលឆ្លងខ្លាំងនៅក្នុងប្រទេសមួយចំនួន។ អង្គការសុខភាពពិភពលោកបានអំពាវនាវឱ្យលុបចោលការជួបជុំថ្ងៃសម្រាកមួយចំនួន ខណៈវីរុស Covid-19 បម្លែងខ្លួនថ្មី Omicron រីករាលដាលយ៉ាងឆាប់រហ័សនៅជុំវិញពិភពលោក ដោយលើកឡើងថា លុបចោលព្រឹត្តិការណ៍នេះប្រសើរជាងលុបចោលជីវិត។ ការឆ្លងខ្ពស់នៃវីរុសបម្លែងខ្លួនថ្មីឥឡូវនេះត្រូវបានគេរកឃើញនៅក្នុងប្រទេសជាង ១០០ ហើយបានបង្ខំឱ្យរដ្ឋាភិបាលមួយចំនួនដាក់ចេញវិធានការកាន់តែរឹតរ៉ឹងជាងមុន ទប់ស្កាត់ការឆ្លងរាលដាលក្នុងអំឡុងពេលពិធីបុណ្យណូអែល៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សម្ដេចធិបតីណែនាំមន្រ្ដីរាជការ ពិសេសមេដឹកនាំស្ថាប័ន «កុំគិតថាបានតួនាទីទទួលអីខ្លះ» តែត្រូវបម្រើរាស្រ្ដ

សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា សេចក្តីថ្លែងការណ៍រួមស្តីពី វីដេអូឯកសារពាក់ព័ន្ធនឹងករណីអតិថិជនឥណទាន ដែលត្រូវបានផ្សព្វផ្សាយនាពេលថ្មីៗនេះ

សម្ដេចធិបតី៖ ការងារសាងសង់ផ្លូវក្រវាត់ព្រំដែនមកទល់ពេលនេះ សម្រេចបាន ៩៥ ភាគរយហើយ

ពានសម្ដេចតេជោ ហ៊ុន សែន-ថ្នាក់ខេត្ត សប្ដាហ៍នេះមាន ៣គូ សុទ្ធសឹងជាគូជក់ចិត្ត

គ្រូបង្វឹកព្រះខ័នរាជ ចាត់ទុកពាន Pre-Season ក្នុងស្រុក ជាការត្រៀមខ្លួនដ៏ល្អ ទាំងពានក្នុងស្រុក និងពានអន្ដរជាតិ

សម្ដេចធិបតី៖ សរសើរបណ្ដារាជធានី-ខេត្ត ចំពោះការប្រកួតប្រជែងកសាងសមិទ្ធផលសាធារណៈជាច្រើន

សម្ដេចធិបតីណែនាំក្រសួងពាក់ព័ន្ធជំរុញកម្មវិធីអប់រំបណ្តុះបណ្តាលជំនាញដល់ពលរដ្ឋខេត្តភាគឦសាន

សម្ដេចធិបតី វាយតម្លៃខ្ពស់ចំពោះក្រសួងអប់រំ និងភាគីពាក់ព័ន្ធរៀបចំការប្រឡងបាក់ឌុបបានរលូនល្អ

អាល្លឺម៉ង់៖ សហភាពអឺរ៉ុបមិនប្រាកដថាអ្នកណាត្រូវចំណាយសម្រាប់ប្រាក់កម្ចី៩០ ពាន់លានអឺរ៉ូដល់ទីក្រុងគីវ

ឯកឧត្តម ហ៊ុន ម៉ានី៖ ស្មារតីចងចាំជនភៀសសឹក គឺជាគោលបំណងធំ នៃការប្រកួតបាល់ទាត់សប្បុរសរបស់ក្រុម សសយក អលស្ដារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្សយ៉ាងហោចណាស់ ៣២នាក់បានស្លាប់នៅក្នុងអគ្គិភ័យឆេះសាឡាងនៅបង់ក្លាដែស

សហរដ្ឋអាមេរិកផ្តល់ការអនុញ្ញាតឲ្យឱសថគ្រាប់ COVID-19 ទីពីរសម្រាប់អ្នកជំងឺ

សម្ដេចតេជោទម្លាយឱ្យដឹង ពីខ្លឹមសារសំបុត្រសម្ងាត់ដែលរក្សាទុកជិត ៣០ ឆ្នាំកន្លងមក

អាមេរិកផ្តល់សិទ្ធិឱ្យឱសថគ្រាប់ក្រុមហ៊ុន Pfizer ប្រយុទ្ធប្រឆាំងវីរុស COVID-19

ក្រុមអ្នកវិទ្យាសាស្ត្ររកឃើញអំប្រ៊ីយ៉ុងដាយណូស័រអាយុកាល ៦៦លានឆ្នាំហៀបនឹងញាស់

ពលរដ្ឋចិនជាង ១៣លាននាក់ជាប់ក្នុងវិធានការបិទខ្ទប់ទីក្រុង ខណៈករណីឆ្លងវីរុស COVID-19 ហក់ឡើង

ប្រមុខ WHO៖ គ្មានប្រទេសណាមួយអាចដើរចេញពីការឆ្លងរាលដាលនៃជំងឺ COVID-19 បានទេ

អង្គការសុខភាពពិភពលោកនិយាយថា វីរុសបម្លែងខ្លួនថ្មី Omicron ត្រូវបានបញ្ជាក់ក្នុងប្រទេសចំនួន ១០៦

WHO៖ វីរុសបម្លែងខ្លួនថ្មី Omicron នឹងរុញមន្ទីរពេទ្យនានានៅអឺរ៉ុបឲ្យធ្លាក់ទៅរកមាត់ជ្រោះមហន្តរាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​យ៉ាងហោចណាស់ ​៣២​នាក់​បាន​ស្លាប់​នៅក្នុង​អគ្គិភ័យ​ឆេះ​សាឡាង​នៅ​បង់​ក្លា​ដែ​ស​

សហរដ្ឋអាមេរិក​ផ្តល់​ការ​អនុញ្ញាត​ឲ្យ​ឱសថ​គ្រាប់ COVID-19 ទី​ពីរ​សម្រាប់​អ្នកជំងឺ

សម្ដេចតេជោទម្លាយឱ្យដឹង ពីខ្លឹមសារសំបុត្រសម្ងាត់ដែលរក្សាទុកជិត ៣០ ឆ្នាំកន្លងមក

អាមេរិក​ផ្តល់​សិទ្ធិ​ឱ្យ​ឱសថ​គ្រាប់​ក្រុមហ៊ុន Pfizer ប្រយុទ្ធ​ប្រឆាំង​វីរុស COVID-19

ក្រុម​អ្នកវិទ្យាសាស្ត្រ​រក​ឃើញ​អំប្រ៊ីយ៉ុង​ដាយ​ណូ​ស័​រ​អាយុកាល​ ៦៦​លាន​ឆ្នាំ​ហៀបនឹង​ញាស់​

ពលរដ្ឋ​ចិន​ជាង ​១៣​លាន​នាក់​ជាប់​ក្នុង​វិធាន​ការ​បិទ​ខ្ទប់​ទីក្រុង ខណៈ​ករណី​ឆ្លង​វីរុស COVID-19 ហក់​ឡើង

ប្រមុខ WHO៖ គ្មាន​ប្រទេស​ណាមួយ​អាច​ដើរ​ចេញពី​ការ​ឆ្លង​រាលដាល​នៃ​ជំងឺ COVID-19 ​បានទេ

អង្គការ​សុខភាព​ពិភពលោក​និយាយ​ថា​ វីរុស​ប​ម្លែ​ង​ខ្លួន​ថ្មី Omicron ត្រូវ​បាន​បញ្ជាក់​ក្នុង​ប្រទេស​ចំនួន ១០៦

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្សយ៉ាងហោចណាស់ ៣២នាក់បានស្លាប់នៅក្នុងអគ្គិភ័យឆេះសាឡាងនៅបង់ក្លាដែស

សហរដ្ឋអាមេរិកផ្តល់ការអនុញ្ញាតឲ្យឱសថគ្រាប់ COVID-19 ទីពីរសម្រាប់អ្នកជំងឺ

អាមេរិកផ្តល់សិទ្ធិឱ្យឱសថគ្រាប់ក្រុមហ៊ុន Pfizer ប្រយុទ្ធប្រឆាំងវីរុស COVID-19

ក្រុមអ្នកវិទ្យាសាស្ត្ររកឃើញអំប្រ៊ីយ៉ុងដាយណូស័រអាយុកាល ៦៦លានឆ្នាំហៀបនឹងញាស់

ពលរដ្ឋចិនជាង ១៣លាននាក់ជាប់ក្នុងវិធានការបិទខ្ទប់ទីក្រុង ខណៈករណីឆ្លងវីរុស COVID-19 ហក់ឡើង

ប្រមុខ WHO៖ គ្មានប្រទេសណាមួយអាចដើរចេញពីការឆ្លងរាលដាលនៃជំងឺ COVID-19 បានទេ

អង្គការសុខភាពពិភពលោកនិយាយថា វីរុសបម្លែងខ្លួនថ្មី Omicron ត្រូវបានបញ្ជាក់ក្នុងប្រទេសចំនួន ១០៦