BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

ភាពស្លន់ស្លោនៅអាកាសយានដ្ឋានកាប៊ុលសម្លាប់មនុស្ស ៧នាក់ ខណៈជនជាតិអាហ្វហ្គានីស្ថានព្យាយាមរត់គេច

អាហ្វហ្គានីស្ថាន៖ យោធាអង់គ្លេសបាននិយាយកាលពីថ្ងៃអាទិត្យថា យ៉ាងហោចណាស់ជនជាតិអាហ្វហ្គានីស្ថានចំនួន ៧នាក់បានស្លាប់ដោយសារការប្រជ្រៀតបុកគ្នាទាំងស្លន់ស្លោ របស់មនុស្សដែលព្យាយាមចូលអាកាសយានដ្ឋានអន្តរជាតិកាប៊ុល ខណៈមនុស្សរាប់ពាន់នាក់នៅតែព្យាយាមភៀសខ្លួនចេញពីប្រទេសក្នុងភាពច្របូកច្របល់ មួយសប្ដាហ៍បន្ទាប់ពីការចូលកាន់កាប់របស់ពួកតាលីបង់។ក្រុមតាលីបង់បានរុលទៅរកការប្រឈមមុខដាក់គ្នាដំបូង នៃការតស៊ូប្រដាប់អាវុធចាប់តាំងពីការដណ្ដើមកាន់កាប់បានអាហ្វហ្កានីស្ថាន ស្ទើរតែទាំងមូលក្នុងរយៈពេលប៉ុន្មានថ្ងៃមុននេះ។ យុទ្ធជនប្រឆាំងតាលីបង់បានអះអាងថា បានដណ្ដើមបានតំបន់ភ្នំចំនួន៣ ហើយមេបញ្ជាការកងជីវពលដ៏លេចធ្លោម្នាក់នៅក្នុងខេត្តតែមួយគត់ ដែលមិនទាន់ស្ថិតនៅក្រោមការគ្រប់គ្រងរបស់តាលីបង់បានសន្យាថា នឹងវាយបកវិញប្រសិនបើត្រូវបានវាយប្រហារ។ យោធាអង់គ្លេសកាលពីថ្ងៃអាទិត្យបានទទួលស្គាល់ថា មានមនុស្សស្លាប់យ៉ាងតិច ៧នាក់នៅឯព្រលានយន្តហោះ។អ្នកផ្សេងទៀតអាចត្រូវបានគេជាន់ថប់ដង្ហើម ឬគាំងបេះដូង ខណៈដែលក្រុមយុទ្ធជនតាលីបង់បានបាញ់ទៅលើអាកាស ដើម្បីព្យាយាមបណ្តេញហ្វូងមនុស្សត្រឡប់ទៅវិញ។ ទាហានបានរុំសាកសពជាច្រើនដោយប្រើក្រណាត់ពណ៌ស។ កងទ័ពផ្សេងទៀតបានឈរនៅលើរនាំងបេតុង ដោយព្យាយាមធ្វើឱ្យហ្វូងមនុស្សរក្សាភាពស្ងៀមស្ងាត់៕អត្ថបទ៖ សុខមាន

លោក Biden៖ នឹងពិចារណាដាក់ទណ្ឌកម្មប្រឆាំងពួកតាលីបង់អាស្រ័យលើការប្រព្រឹត្ត

អាមេរិក៖ ប្រធានាធិបតីអាមេរិកលោក Joe Biden កាលពីថ្ងៃអាទិត្យបានបដិសេធក្នុងការច្រានចោល ការដាក់ទណ្ឌកម្មដែលអាចកើតមានប្រឆាំងពួកតាលីបង់ បន្ទាប់ពីក្រុមនេះកាន់កាប់អាហ្វហ្គានីស្ថានកាលពីសប្តាហ៍មុន។ លោក Biden បាននិយាយថា “វាអាស្រ័យលើការប្រព្រឹត្ត” របស់ក្រុមភេរវករដែលបានផ្តល់ការធានាជាច្រើន បន្ទាប់ពីការផ្លាស់ប្តូររដ្ឋាភិបាលជាប់ឆ្នោតតាមបែបប្រជាធិបតេយ្យនៅកាប៊ុលដោយបង្ខំ។លោក Biden បានប្រាប់អ្នកយកព័ត៌មាននៅក្នុងបន្ទប់ Roosevelt នៅពេលសួរថា តើលោកនឹងគាំទ្រការដាក់ទណ្ឌកម្មប្រឆាំងប្រឆាំងពួកតាលីបង់ ក្រោមលក្ខខ័ណ្ឌជាក់លាក់ទេ ចម្លើយគឺមែនហើយ វាអាស្រ័យលើការប្រព្រឹត្ដ។ លោក Biden ក៏បានជូនដំណឹងផងដែរថា សហរដ្ឋអាមេរិកបានពង្រីកតំបន់សុវត្ថិភាពនៅជុំវិញអាកាសយានដ្ឋានអន្តរជាតិកាប៊ុល ហើយលោកបានបន្ថែមថា លោកកំពុងពិភាក្សាជាមួយមន្ត្រីយោធាអាមេរិក អំពីលទ្ធភាពពង្រីកបេសកកម្មជម្លៀសមនុស្សឱ្យហួសពីកាលបរិច្ឆេទកំណត់ថ្ងៃទី៣១ ខែសីហា។ប្រធានាធិបតី Joe Biden បាននិយាយកាលពីថ្ងៃអាទិត្យថា ល្បឿននៃការជម្លៀសជនជាតិអាមេរិកដឹកនាំដោយសហរដ្ឋអាមេរិក ដែលមានហានិភ័យនិងអ្នកផ្សេងទៀតចេញពីអាកាសយានដ្ឋានកាប៊ុល បានកើនឡើងកាលពីចុងសប្តាហ៍នេះ ទោះបីជាវានៅតែងាយរងគ្រោះចំពោះការគំរាមកំហែងពីក្រុមជ្រុលនិយមរដ្ឋអ៊ីស្លាមក៏ដោយ។ ថ្លែងនៅឯសេតវិមានលោក Biden បាននិយាយថា មនុស្ស ១១.០០០នាក់ត្រូវបានដឹកតាមយន្តហោះពីរដ្ឋធានីកាប៊ុលក្នុងរយៈពេល ៣៦ម៉ោងនៅចុងសប្តាហ៍នេះ ប៉ុន្តែលោកមិនបានផ្តល់ព័ត៌មានលម្អិតទេ៕ អត្ថបទ៖ សុខមាន

មនុស្ស ២២នាក់ស្លាប់ និងជាច្រើននាក់ទៀតកំពុងបាត់ខ្លួនក្នុងគ្រោះទឹកជំនន់នៅរដ្ឋ Tennessee

អាមេរិក៖ មនុស្សចំនួន ២២នាក់បានស្លាប់ ហើយក្រុមជួយសង្គ្រោះបានស្វែងរកយ៉ាងអស់សង្ឃឹមកាលពីថ្ងៃអាទិត្យ ស្របពេលលំនៅឋានជាច្រើនខ្នងបានបាក់បែក និងមនុស្សរាប់សិបនាក់នៅតែបាត់ខ្លួនបន្ទាប់ពីភ្លៀងបំបែកកំណត់ត្រា បានបណ្តាលឱ្យមានទឹកជំនន់ហក់ឡើងខ្ពស់នៅទូទាំងរដ្ឋ Tennessee ភាគកណ្ដាល។ចំណែកឯទីប្រជុំជននៅទូទាំងរដ្ឋ New Jersey បានរាយការណ៍ថា មានភ្លៀងធ្លាក់យ៉ាងខ្លាំង និងទឹកជំនន់តាមដងផ្លូវកាលពីថ្ងៃអាទិត្យ ខណៈព្យុះត្រូពិក Henri បានបោកបក់ទៅកាន់ភាគឦសានសហរដ្ឋអាមេរិក។ ទឹកជំនន់កាលពីថ្ងៃសៅរ៍ នៅតំបន់ជនបទមួយចំនួនបានជន់លិចផ្លូវថ្នល់ អង់តែនទូរស័ព្ទ និងខ្សែទូរស័ព្ទដែលធ្វើឱ្យគ្រួសារមិនច្បាស់ថា តើមនុស្សជាទីស្រលាញ់របស់ពួកគេរួចផុតពីគ្រោះទឹកជំនន់ ដែលមិនធ្លាប់មានពីមុនមក ឬយ៉ាងណា។ លោកស្រី Kristi Brown អ្នកសម្របសម្រួលផ្នែកត្រួតពិនិត្យសុខភាព និងសុវត្ថិភាពជាមួយសាលា Humphreys County Schools បាននិយាយថា បុគ្គលិកសង្គ្រោះគ្រាអាសន្នកំពុងស្វែងរកពីផ្ទះមួយទៅផ្ទះមួយ។ក្រុមអាជ្ញាធរនិយាយកាលពីថ្ងៃអាទិត្យថា ពួកគេបារម្ភថាចំនួនអ្នកស្លាប់អាចកើនឡើងទៀត។ គិតមកដល់ថ្ងៃអាទិត្យម្សិលមិញ ទឹកជំនន់បានស្រកដោយបន្សល់ទុកនូវកម្ទេចកំទីពីរថយន្ត អាជីវកម្ម និងផ្ទះសម្បែងដែលរងការខូចខាត៕ អត្ថបទ៖ សុខមាន

មហាក្សត្រម៉ាឡេស៊ីជ្រើសតាំងអតីតឧបនាយករដ្ឋមន្ត្រីលោក Ismail Sabri Yaakob ជាមេដឹកនាំថ្មី

ម៉ាឡេស៊ី៖ គណបក្សនយោបាយដែលកាន់អំណាចយូរជាងគេរបស់ប្រទេសម៉ាឡេស៊ី បានទទួលតំណែងជានាយករដ្ឋមន្ត្រីដែលខ្លួនបានបរាជ័យក្នុងការបោះឆ្នោតឆ្នាំ២០១៨ បន្ទាប់ពីមហាក្សត្រ Sultan Abdullah Sultan Ahmad Shah កាលពីថ្ងៃសុក្របានតែងតាំងលោក Ismail Sabri Yaakob ជាមេដឹកនាំថ្មីរបស់ប្រទេស។លោក Ismail គឺជាឧបនាយករដ្ឋមន្ត្រីនៅក្រោមរដ្ឋាភិបាលរបស់លោក Muhyiddin Yassin ដែលបានលាលែងពីតំណែងកាលពីថ្ងៃចន្ទ បន្ទាប់ពីកាន់តំណែងបានជិត ១៨ខែ។ ការតែងតាំងរបស់លោក Ismail នឹងនាំមកវិញនូវការគ្រប់គ្រងរបស់គណបក្សអង្គការជាតិម៉ាឡេស៊ីរួបរួម ដែលបានដឹកនាំប្រទេសម៉ាឡេស៊ីចាប់តាំងពីឯករាជ្យពីចក្រភពអង់គ្លេសនៅឆ្នាំ១៩៥៧ ប៉ុន្តែត្រូវបានបណ្ដេញចេញក្នុងការបោះឆ្នោតនៅឆ្នាំ២០១៨ ដោយសាររឿងអាស្រូវហិរញ្ញវត្ថុលុយរាប់ពាន់លានដុល្លារ។ មហាក្សត្រ Sultan Abdullah Sultan Ahmad Shah មានបន្ទូលថា លោក Ismail ទទួលបានការគាំទ្រពីសមាជិកសភា ១១៤រូប។លោក Ismail អាយុ ៦១ឆ្នាំនឹងស្បថចូលកាន់តំណែងជានាយករដ្ឋមន្ត្រីទី៩ របស់ម៉ាឡេស៊ីនៅថ្ងៃសៅរ៍នេះ។ ការប្រកាសនេះបានធ្វើឡើង បន្ទាប់ពីមហាក្សត្របានជួបជាមួយអ្នកគ្រប់គ្រងរដ្ឋម៉ាឡេស៊ី ដែលបានផ្តល់យោបល់ដល់ព្រះអង្គអំពីការតែងតាំងនេះ។ មហាក្សត្រ Sultan Abdullah បានមានបន្ទូលនៅក្នុងសេចក្ដីថ្លែងការណ៍ថា ព្រះអង្គសង្ឃឹមថា ការតែងតាំងលោក Ismail នឹងនាំមកនូវការបញ្ចប់នូវវិបត្តិនយោបាយនៅក្នុងប្រទេស៕អត្ថបទ៖ ប៊ុន ថន

សម្ដេចតេជោ ហ៊ុន សែន អញ្ជើញថ្លែងសុន្ទរកថាបើកពិធីអន្តរសាសនាប្រឆាំងការជួញដូរមនុស្ស និងជំងឺរាតត្បាតសកលកូវីដ-១៩ ឆ្នាំ២០២១

ភ្នំពេញ៖ នៅល្ងាច ថ្ងៃសុក្រ ១២កើត ខែស្រាពណ៍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២០ ខែសីហា ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញថ្លែងសុន្ទរកថា ក្នុងពិធីបើកអន្តរសាសនាប្រឆាំងការជួញដូរមនុស្ស និងជំងឺរាតត្បាតសកលកូវីដ១៩ ឆ្នាំ២០២១ តាមប្រព័ន្ធវីដេអូ។ខាងក្រោមនេះ គឺជាសុន្ទរកថាទាំងស្រុងរបស់សម្ដេចតេជោ ហ៊ុន សែន ក្នុងពិធីបើកអន្តរសាសនាប្រឆាំងការជួញដូរមនុស្ស និងជំងឺរាតត្បាតសកលកូវីដ១៩ ឆ្នាំ២០២១៕

ប្រមុខអង្គការសុខភាពពិភពលោកបារម្ភពីបញ្ហាស្ត្រីនៅអាហ្វហ្គានីស្ថាន

WHO៖ ប្រមុខអង្គការសុខភាពពិភពលោក (WHO) កាលពីថ្ងៃពុធបាននិយាយថា លោកមានការព្រួយបារម្ភយ៉ាងខ្លាំងចំពោះវិបត្តិមនុស្សធម៌ ដែលកំពុងរីកធំនៅអាហ្វហ្គានីស្ថាន។ថ្លែងនៅក្នុងសន្និសីទសារព័ត៌មាននៅទីក្រុងហ្សឺណែវ លោក Tedros Adhanom Ghebreyesus បាននិយាយថា លោកមានការព្រួយបារម្ភជាពិសេសអំពីសុខភាព និងសុខុមាលភាពរបស់ស្ត្រី និងក្មេងស្រី។ ប្រមុខអង្គការសុខភាពពិភពលោក ក៏បានអំពាវនាវជាថ្មីម្តងទៀតផងដែរទៅដល់ប្រទេសនានាឱ្យ ''ចែករំលែកវ៉ាក់សាំងបង្ការជំងឺ COVID-19 និងបង្កើនការផលិតឱ្យមានសមធម៌''។ លោកបាននិយាយថា សហរដ្ឋអាមេរិកគឺជាអ្នកផ្តល់ជំនួយធំជាងគេ ហើយលោកបានលើកទឹកចិត្តប្រទេសជាច្រើនឱ្យធ្វើតាមសហរដ្ឋអាមេរិក៕អត្ថបទ៖ សុខមាន

ជនជាតិអាហ្វហ្គានីស្ថានដែលភៀសខ្លួនជាង ៦០០នាក់បានសម្រុកចូលក្នុងយន្តហោះយោធាអាមេរិក

អាហ្វហ្គានីស្ថាន៖ រូបភាពបង្ហាញពីជនជាតិអាហ្វហ្គានីស្ថានជាង ៦០០នាក់រួមមានស្ត្រី បុរស កុមារ និងមនុស្សចាស់កំពុងអង្គុយផ្ទាល់នឹងកម្រាលយន្តហោះ ដោយគ្មានកៅអីក្នុងយន្តហោះយោធារបស់សហរដ្ឋអាមេរិក ជាផ្នែកមួយនៃការសម្រុកចូលទាំងស្លន់ស្លោ ប៉ុន្មានម៉ោងបន្ទាប់ពីរដ្ឋធានីកាប៊ុលធ្លាក់ចូលក្នុងដៃក្រុមតាលីបង់។រូបភាពដែលទទួលបាន និងបង្ហោះដោយគេហទំព័រព័ត៌មានយោឈ្មោះថា Defence One ត្រូវបានថតនៅខាងក្នុងយន្តហោះដឹកជញ្ជូន C-17 របស់កងទ័ពអាកាសអាមេរិក។ យោងតាមគេហទំព័រនេះបានឲ្យដឹងថា ជនជាតិអាហ្វហ្គានដែលបានសម្រុកចូលទៅក្នុងយន្តហោះ ដឹកទំនិញយក្សនៅលើជើងហោះហើរកាលពីយប់ថ្ងៃអាទិត្យ (១៥ សីហា) ស្ថិតក្នុងចំណោមអ្នកដែលត្រូវបានអនុញ្ញាតឱ្យជម្លៀសចេញដោយអាជ្ញាធរអាមេរិក។ យោធាអាមេរិកនិយាយថា មានជនជាតិអាហ្វហ្គានីស្ថានប្រមាណ ៦៤០នាក់នៅលើយន្តហោះ។មន្ត្រីអាមេរិកម្នាក់បានប្រាប់គេហទំព័រ Defence One ថា ចំនួនច្រើនបែបនេះក្នុងជើងហោះហើរតែមួយមិនត្រូវបានគ្រោងទុកទេ ដោយមនុស្សជាច្រើនបានតោងឡើងជណ្ដើរនៅខាងក្រោយយន្តហោះទាំងអស់សង្ឃឹម។ មន្ត្រីបាននិយាយថា ក្រុមអាកាសយានិកបានសម្រេចចិត្តទទួល ជាជាងបណ្ដេញពួកគេចុះទៅវិញ។ ហេតុការណ៍នេះបានកើតឡើង ស្របពេលដែលក្រុមយុទ្ធជនតាលីបង់បានសម្រុក ទៅកាន់តាមដងផ្លូវនានាក្នុងរដ្ឋធានីកាប៊ុល ធ្វើឲ្យពលរដ្ឋភ័យស្លន់ស្លោប្រញាប់ប្រញាល់ទៅអាកាសយានដ្ឋាន ដើម្បីព្យាយាមស្វែងរកជើងហោះហើរចេញពីអាហ្វហ្គានីស្ថាន៕ អត្ថបទ៖ សុខមាន

ពិភពលោកបញ្ចេញប្រតិកម្មពីស្ថានភាពនៅអាហ្វហ្គានីស្ថាន ខណៈពួកតាលីបង់ក្ដោបក្ដាប់រដ្ឋធានីកាប៊ុល

អាហ្វហ្គានីស្ថាន៖ រដ្ឋាភិបាល និងអង្គការអន្តរជាតិនានានៅជុំវិញពិភពលោក បានប្រតិកម្មចំពោះស្ថានការណ៍នៅអាហ្វហ្គានីស្ថាន នៅពេលដែលកងកម្លាំងតាលីបង់បានចូលរដ្ឋធានីកាប៊ុលកាលពីថ្ងៃអាទិត្យ ដោយប្រទេសជាច្រើនកំពុងជម្លៀសបុគ្គលិកការទូត ខណៈប្រទេសផ្សេងទៀតបានប្ដេជ្ញាបន្តប្រតិបត្តិការនៅក្នុងប្រទេស។ខណៈទីភ្នាក់ងារអង្គការសហប្រជាជាតិបានសន្យាថានឹងបន្តនៅអាហ្វហ្គានីស្ថាន អគ្គលេខាធិការអង្គការសហប្រជាជាតិ លោក Antonio Guterres កំពុងតាមដានស្ថានការណ៍ដែលវិវត្តយ៉ាងឆាប់រហ័ស ហើយយោងតាមសេចក្តីប្រកាសព័ត៌មានដែលចេញកាលពីថ្ងៃអាទិត្យ បានជំរុញឱ្យពួកតាលីបង់ និងគ្រប់ភាគីទាំងអស់អនុវត្តការអត់ធ្មត់បំផុត ដើម្បីការពារអាយុជីវិត និងធានាថាតម្រូវការមនុស្សធម៌អាចត្រូវបានដោះស្រាយ។ ជាមួយគ្នានេះដែរ សមាជិកព្រឹទ្ធសភាមកពីគណបក្សសាធារណរដ្ឋអាមេរិក លោកស្រី Liz Cheney បាននិយាយកាលពីថ្ងៃអាទិត្យថា រដ្ឋាភិបាលសហរដ្ឋអាមេរិកបច្ចុប្បន្នក្រោមការដឹកនាំរបស់លោក Joe Biden ក៏ដូចជារដ្ឋបាលអតីតប្រធានាធិបតី Donald Trump នាពេលកន្លងមកគួរតែទទួលខុសត្រូវ ចំពោះការវាយលុកដណ្ដើមអំណាចយ៉ាងឆាប់រហ័ស របស់ពួកតាលីបង់នៅអាហ្វហ្គានីស្ថាន។នាយករដ្ឋមន្ត្រីអង់គ្លេស លោក Boris Johnson បានជួបប្រជុំគណៈកម្មការគ្រាអាសន្ន ស្ដីពីការវិវត្តចុងក្រោយនៅអាហ្វហ្គានីស្ថានកាលពីរសៀលថ្ងៃអាទិត្យ ហើយលោកបានជំរុញឱ្យប្រឆាំងនឹងការទទួលស្គាល់ឯកតោភាគីថា តាពួកលីបង់ជារដ្ឋាភិបាលអាហ្វហ្គានីស្ថាន។ អាល្លឺម៉ង់បានបិទស្ថានទូតរបស់ខ្លួននៅរដ្ឋធានីកាប៊ុល ហើយបាននិយាយថា ខ្លួនបាននឹងកំពុងបន្តកិច្ចខិតខំប្រឹងប្រែងដើម្បីជម្លៀសពលរដ្ឋរបស់ខ្លួន។ ប្រេសិតពិសេសរបស់ប្រធានាធិបតីរុស្ស៊ី Vladimir Putin ប្រចាំប្រទេសអាហ្វហ្គានីស្ថាន លោក Zamir Kabulov បានប្រាប់ប្រព័ន្ធផ្សព្វផ្សាយ Ekho Moskvy កាលពីថ្ងៃចន្ទថា ប្រទេសរុស្ស៊ីនឹងដកបុគ្គលិកប្រហែល ១០០នាក់ជាបន្ទាន់ពីស្ថានទូតរបស់ខ្លួននៅអាហ្វហ្គានីស្ថាន។ ចំណែកទួរគីបាននិយាយថា ខ្លួននឹងរក្សាស្ថានទូតរបស់ខ្លួននៅរដ្ឋធានីកាប៊ុល ហើយបន្តផ្តល់ជំនួយដល់ពលរដ្ឋរបស់ខ្លួននៅក្នុងប្រទេសដែលចង់ចាកចេញ។ រីឯរដ្ឋមន្ត្រីការបរទេសចិនបានរិះគន់អាមេរិក ដែលដកខ្លួនចេញពីអាហ្វហ្គានីស្ថានតក់ក្រហល់ពេក៕អត្ថបទ៖ សុខមាន

អ្នកស្លាប់ដោយសារទឹកជំនន់នៅទួរគីបានកើនឡើងដល់ ៧៧នាក់ និង ៤៧នាក់បាត់ខ្លួន

ទួរគី៖ មនុស្សយ៉ាងហោចណាស់ ៧៧នាក់បានស្លាប់ ហើយបុគ្គលិកសង្គ្រោះបន្ទាន់បន្តស្វែងរកមនុស្ស ៤៧នាក់ផ្សេងទៀតដែលបាត់ខ្លួន បន្ទាប់ពីទឹកជំនន់ដ៏គំហុកបានហូរកាត់ខេត្តនានាក្នុងតំបន់សមុទ្រខ្មៅរបស់ទួរគី។ទឹកជំនន់កាលពីសប្តាហ៍មុនបាននាំមកនូវភាពច្របូកច្របល់ ស្របពេលដែលទឹកភ្លៀងបានហូរកួចរថយន្តរាប់សិបគ្រឿង និងកម្ទេចកំទីជាច្រើននៅតាមដងផ្លូវ បំផ្លាញអគារ និងស្ពាន បិទផ្លូវ និងខូចខាតហេដ្ឋារចនាសម្ព័ន្ធអគ្គិសនី។ នាយកគ្រប់គ្រងគ្រោះមហន្តរាយ និងគ្រាអាសន្ន (AFAD) បាននិយាយកាលពីថ្ងៃចន្ទថា មនុស្ស ៦២នាក់បានស្លាប់ដោយសារគ្រោះទឹកជំនន់នៅខេត្ត Kastamonu។ មនុស្ស ១៤នាក់ផ្សេងទៀតបានស្លាប់នៅខេត្ត Sinop និងម្នាក់នៅខេត្ត Bartin។មនុស្សចំនួន ៤៧នាក់ត្រូវបានគេរាយការណ៍ថាបានបាត់ខ្លួននៅក្នុងខេត្ត Kastamonu និងខេត្ត Sinop។ នាយកគ្រប់គ្រងគ្រោះមហន្តរាយ និងគ្រាអាសន្នបាននិយាយថា បុគ្គលិកប្រហែល ៨.០០០នាក់ដែលគាំទ្រដោយសុនខសង្គ្រោះចំនួន ២០ក្បាលបានចូលរួមក្នុងកិច្ចខិតខំប្រឹងប្រែងជួយសង្គ្រោះ និងជំនួយ៕អត្ថបទ៖ សុខមាន

មនុស្ស ៧នាក់ស្លាប់ ខណៈរាប់ពាន់នាក់សម្រុកទៅកាន់អាកាសយានដ្ឋានក្រុងកាប៊ុលគេចពីពួកតាលីបង់

អាហ្វហ្គានីស្ថាន៖ មនុស្ស ៧នាក់ត្រូវគេរាយការណ៍ថាបានស្លាប់ ខណៈភាពច្របូកច្របល់បានផ្ទុះឡើងនៅអាកាសយានដ្ឋានរដ្ឋធានីកាប៊ុលកាលពីថ្ងៃចន្ទ ដោយមានប្រជាពលរដ្ឋអាហ្វហ្គានីស្ថានក្នុងភាពអស់សង្ឃឹមកំពុងព្យាយាមរត់គេច ចេញពីរបបគ្រប់គ្រងរបស់ពួកបះបោរតាលីបង់។សារព័ត៌មាន The Wall Street Journal បានរាយការណ៍ថា មានអំពើហិង្សាបានផ្ទុះឡើងនៅឯព្រលានយន្តហោះកាប៊ុល ខណៈពលរដ្ឋព្យាយាមគេចពីពួកតាលីបង់។ ទាំងកងទ័ពអាមេរិក និងក្រុមអ្នកប្រយុទ្ធតាលីបង់បានបាញ់ឡើងលើអាកាស ខណៈហ្វូងមនុស្សអស់សង្ឃឹមបានប្រញាប់ប្រញាល់ទៅទីនោះ ដោយសង្ឃឹមថានឹងបានឡើងជិះជើងហោះហើរស៊ីវិល ដែលភាគច្រើនត្រូវបានលុបចោល។ អ្នកផ្សេងទៀតបង្វែរទិសដៅទៅកាន់ផ្នែកយោធា នៃអាកាសយានដ្ឋានដែលរដ្ឋាភិបាលអាមេរិក អង់គ្លេស និងរដ្ឋាភិបាលបរទេសដទៃទៀតកំពុងដឹកជនជាតិរបស់ពួកគេ ក៏ដូចជាជនជាតិអាហ្វហ្គានីស្ថានមួយចំនួន ដែលបានធ្វើការឱ្យពួកគេចេញពីប្រទេសនេះ។ ជនជាតិអាហ្វហ្គានីស្ថានរាប់ពាន់នាក់ បានធ្វើដំណើរទៅកាន់អាកាសយានដ្ឋានដោយអស់សង្ឃឹម ដោយអ្នកខ្លះតោងជាប់នឹងយន្តហោះដឹកជញ្ជូនយោធាអាមេរិក នៅពេលដែលយន្តហោះចេញដំណើរលើផ្លូវរត់។ ក្រោយមកវីដេអូបានបង្ហាញថា មនុស្សបានធ្លាក់ពីយន្តហោះតែមួយបន្ទាប់ពីបានហោះឡើង។ស្របពេលមានភាពច្របូកច្របល់ កងទ័ពអាមេរិកបានបាញ់ឡើងលើអាកាសដើម្បីរារាំងមនុស្ស ដែលព្យាយាមប្រជ្រៀតយកផ្លូវឆ្ពោះទៅជើងហោះហើរយោធាមួយ ដែលបានជម្លៀសអ្នកការទូតអាមេរិក និងបុគ្គលិកស្ថានទូត។ ដំបូងឡើយមនុស្ស ៥នាក់ត្រូវបានគេរាយការណ៍ថាបានស្លាប់។ សាក្សីម្នាក់បាននិយាយថា វាមិនច្បាស់ទេ ថាតើពួកគេត្រូវបានបាញ់សម្លាប់ ឬស្លាប់នៅក្នុងការរត់ជាន់គ្នា។ មន្ត្រីអាមេរិកម្នាក់ក៏បាននិយាយផងដែរថា ខ្មាន់កាំភ្លើង ២នាក់ត្រូវបានសម្លាប់ដោយកងកម្លាំងអាមេរិកក្នុងរយៈពេល ២៤ម៉ោងចុងក្រោយនេះ។ អ្នកនាំពាក្យមន្ទីរបញ្ចកោណបាននិយាយថា មានការចង្អុលបង្ហាញថា ទាហានអាមេរិកម្នាក់បានរងរបួស៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ប្រទេសចំនួន ១៣ ចូលរួមសម្ព័ន្ធភាពការពារដែនសមុទ្រពហុជាតិ ដើម្បីធានាសន្តិសុខនៅច្រកសមុទ្រBab el-Mandeb

អង្គការឃ្លាំមើលសិទ្ធិមនុស្សអំពាវនាវឲ្យUN រក្សាកងកម្លាំងរក្សាសន្តិភាពនៅក្នុងប្រទេសលីបង់

ប្រទេសជាង ៣០ ថ្កោលទោសការកាត់ទោសប្រហារជីវិតអ្នកតវ៉ានៅអ៊ីរ៉ង់

Tijjani Reijnders ត្រៀមផ្លាស់ពី Man City ទៅ Al-Qadsiah ក្នុងតម្លៃ ៥២ លានផោន

CENTCOM គ្រោងនឹងបង្កើតកងកម្លាំងវាយប្រហារដោយដ្រូនពហុជាតិដំបូងគេបង្អស់

ការផ្ទុះនៅក្នុងអណ្តូងរ៉ែធ្យូងថ្ម បានសម្លាប់មនុស្សជាង ៣០នាក់ នៅភាគខាងត្បូងប្រទេសប៉ាគីស្ថាន

មន្ទីរបញ្ចកោណនិយាយថា សហរដ្ឋអាមេរិកអាចបន្តបិទខ្ទប់តាមផ្លូវសមុទ្រលើអ៊ីរ៉ង់ ដោយមិនកំណត់ពេលវេលា

សិក្ខាកាម៩ប្រទេសត្រូវបានបំពាក់បំប៉នជំនាញចៅក្រមអាជ្ញាកណ្តាលវាយសីពីសហព័ន្ធវាយសីអាស៊ី

ក្រុមហ៊ូទីនៅយេម៉ែនអះអាងថា ខ្លួនបានវាយប្រហារថ្មីលើរោងចក្រចម្រាញ់ប្រេង ARAMCO របស់អារ៉ាប៊ីសាអ៊ូឌីត

ប្រធានផ្នែកជំនួយUN អំពាវនាវរកមូលនិធិបន្ថែមសម្រាប់យេម៉ែន ខណៈវិបត្តិមនុស្សធម៌មិនទាន់មានភាពប្រសើរឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ភាពស្លន់ស្លោនៅអាកាសយានដ្ឋានកាប៊ុលសម្លាប់មនុស្ស ៧នាក់ ខណៈជនជាតិអាហ្វហ្គានីស្ថានព្យាយាមរត់គេច

លោក Biden៖ នឹងពិចារណាដាក់ទណ្ឌកម្មប្រឆាំងពួកតាលីបង់អាស្រ័យលើការប្រព្រឹត្ត

មនុស្ស ២២នាក់ស្លាប់ និងជាច្រើននាក់ទៀតកំពុងបាត់ខ្លួនក្នុងគ្រោះទឹកជំនន់នៅរដ្ឋ Tennessee

មហាក្សត្រម៉ាឡេស៊ីជ្រើសតាំងអតីតឧបនាយករដ្ឋមន្ត្រីលោក Ismail Sabri Yaakob ជាមេដឹកនាំថ្មី

ប្រមុខអង្គការសុខភាពពិភពលោកបារម្ភពីបញ្ហាស្ត្រីនៅអាហ្វហ្គានីស្ថាន

ជនជាតិអាហ្វហ្គានីស្ថានដែលភៀសខ្លួនជាង ៦០០នាក់បានសម្រុកចូលក្នុងយន្តហោះយោធាអាមេរិក

ពិភពលោកបញ្ចេញប្រតិកម្មពីស្ថានភាពនៅអាហ្វហ្គានីស្ថាន ខណៈពួកតាលីបង់ក្ដោបក្ដាប់រដ្ឋធានីកាប៊ុល

អ្នកស្លាប់ដោយសារទឹកជំនន់នៅទួរគីបានកើនឡើងដល់ ៧៧នាក់ និង ៤៧នាក់បាត់ខ្លួន

មនុស្ស ៧នាក់ស្លាប់ ខណៈរាប់ពាន់នាក់សម្រុកទៅកាន់អាកាសយានដ្ឋានក្រុងកាប៊ុលគេចពីពួកតាលីបង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Biden៖ ​នឹង​ពិចារណា​ដាក់​ទណ្ឌកម្ម​ប្រឆាំង​ពួក​តាលីបង់​អាស្រ័យ​លើ​ការ​ប្រព្រឹត្ត​

មនុស្ស ២២​នាក់​ស្លាប់ ​និង​ជាច្រើន​នាក់​ទៀត​កំពុង​បាត់​ខ្លួន​ក្នុង​គ្រោះ​ទឹកជំនន់​នៅ​រដ្ឋ Tennessee

មហាក្សត្រ​ម៉ាឡេស៊ី​ជ្រើសតាំងអតីត​ឧបនាយករដ្ឋមន្ត្រីលោក Ismail Sabri Yaakob​ ជា​មេដឹកនាំ​ថ្មី

ប្រមុខ​អង្គការ​សុខភាព​ពិភពលោក​បារម្ភ​ពី​បញ្ហា​ស្ត្រី​នៅ​អា​ហ្វ​ហ្គា​នី​ស្ថាន​

ជនជាតិ​អា​ហ្វ​ហ្គា​នី​ស្ថាន​ដែល​ភៀសខ្លួន​ជាង ៦០០​នាក់​បាន​សម្រុក​ចូល​ក្នុង​យន្តហោះ​យោធា​អាមេរិក​

អ្នក​ស្លាប់​ដោយសារ​ទឹកជំនន់​នៅ​ទួរគី​បាន​កើន​ឡើង​ដល់ ​៧៧​នាក់ និង​ ៤៧​នាក់​បាត់​ខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Biden៖ នឹងពិចារណាដាក់ទណ្ឌកម្មប្រឆាំងពួកតាលីបង់អាស្រ័យលើការប្រព្រឹត្ត

មនុស្ស ២២នាក់ស្លាប់ និងជាច្រើននាក់ទៀតកំពុងបាត់ខ្លួនក្នុងគ្រោះទឹកជំនន់នៅរដ្ឋ Tennessee

មហាក្សត្រម៉ាឡេស៊ីជ្រើសតាំងអតីតឧបនាយករដ្ឋមន្ត្រីលោក Ismail Sabri Yaakob ជាមេដឹកនាំថ្មី

ប្រមុខអង្គការសុខភាពពិភពលោកបារម្ភពីបញ្ហាស្ត្រីនៅអាហ្វហ្គានីស្ថាន

ជនជាតិអាហ្វហ្គានីស្ថានដែលភៀសខ្លួនជាង ៦០០នាក់បានសម្រុកចូលក្នុងយន្តហោះយោធាអាមេរិក

អ្នកស្លាប់ដោយសារទឹកជំនន់នៅទួរគីបានកើនឡើងដល់ ៧៧នាក់ និង ៤៧នាក់បាត់ខ្លួន