នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
វិបត្តិសុខភាពកាន់តែធ្ងន់ធ្ងរទៅនៅតំបន់ហ្កាហ្សា ដោយសារការដួលរលំនៃប្រព័ន្ធវេជ្ជសាស្រ្ត
លោកតាសាន់តាក្លូសជិះទូកចែកអំណោយដល់ក្មេងៗនៅតំបន់ព្រៃជប់ភ្លៀងអាម៉ាហ្សូន ប្រទេសប្រេស៊ីល
ព្រិលធ្លាក់បានប្រែក្លាយតំបន់ភាគខាងជើងប្រទេសឥណ្ឌាទៅជាដែនដីអច្ឆរិយៈ
កូសូវ៉ូឆ្ពោះទៅកាន់ការបោះឆ្នោត ខណៈភាពជាប់គាំងនយោបាយ គំរាមដល់មូលនិធិដ៏សំខាន់

ព័ត៌មានអន្តរជាតិ

វិបត្តិសុខភាពកាន់តែធ្ងន់ធ្ងរទៅនៅតំបន់ហ្កាហ្សា ដោយសារការដួលរលំនៃប្រព័ន្ធវេជ្ជសាស្រ្ត

2025/12/22 08:44:48 pm        50
Facebook Telegram Linkin
វិបត្តិសុខភាពនៅតំបន់ហ្កាហ្សាស្រ្ទីប កាន់តែធ្ងន់ធ្ងរទៅ ដោយសារការដួលរលំទ្រង់ទ្រាយធំនៃប្រព័ន្ធវេជ្ជសាស្រ្ត និងហេដ្ឋារចនាសម្ព័ន្ធ ។ នៅមន្ទីរពេទ្យ Al-Shifa ស្ថិតក្នុងទីក្រុងហ្កាហ្សា ផ្នែកថែទាំកុមារ គ្រូពេទ្យពិបាករកថ្នាំព្យាបាលក្មេងស្រីអាយុ ៨ខែ Sama Abu Ajwa ដែលមានជំងឺតម្រងនោមធ្ងន់ធ្ងរ ។អ្នកស្រី Balqees Abu Ajwa ដែលជាម្តាយរបស់ក្មេងស្រី Sama និយាយថា សម្ភារៈសម្អាតតម្រងនោមកូនស្រីរបស់គាត់គ្មានទេនៅតំបន់ហ្កាហ្សា ហើយគាត់ក៏មិនអាចរកកន្លែងណាដែលអាចព្យាបាលកូនស្រីរបស់គាត់បាននោះដែរ ក្រៅពីនៅក្រៅតំបន់ហ្កាហ្សា ។អ្នកស្រីថា ឧបករណ៍វេជ្ជសាស្រ្តដែលអាចជួយសង្រ្គោះអាយុជីវិតកូនស្រីរបស់គាត់ គ្មាននោះទេ ហើយស្ថានភាពរបស់នាងកាន់តែធ្ងន់ធ្ងរទៅពី ១ថ្ងៃទៅ ១ថ្ងៃ ។ ពួកយើងទទួលបានការជម្លៀសអ្នកជំងឺទៅជួបគ្រូពេទ្យបន្ទាន់នៅក្រៅតំបន់ហ្កាហ្សា ប៉ុន្តែពួកយើងនៅរង់ចាំ ហើយគាត់ពិតជាមានការព្រួយបារម្ភខ្លាំងណាស់ថា គាត់អាចនឹងបាត់បង់កូនស្រី ។ពេលពិនិត្យអ្នកជំងឺនៅផ្នែកកុមារ លោកវេជ្ជបណ្ឌិត Rifaat Jundiyaនិយាយថា ស្ថានភាពសុខភាពពិតជាពិបាកខ្លាំងណាស់ ពួកយើងខ្វះគ្រូពេទ្យជំនាញ ហើយសម្ភារៈចាំបាច់ ។ចាប់តាំងពីខែតុលា ឆ្នាំ ២០២៣រហូតមក អង្គការសុខភាពពិភពលោក(WHO) និងប្រទេសជាដៃគូ បានជម្លៀសអ្នកជំងឺមានស្ថានភាពសុខភាពធ្ងន់ធ្ងរជាង ១០.៦០០នាក់ ចេញពីតំបន់ហ្កាហ្សា ក្នុងនោះរួមមានទាំងកុមារជាង ៥.៦០០នាក់ ដែលត្រូវការការព្យាបាលបន្ទាន់ ។អង្គការ WHO និយាយថា យោងតាមក្រសួងសុខាភិបាលហ្កាហ្សា បានឲ្យដឹងថា អ្នកជំងឺ ១.០៩២នាក់ បានស្លាប់ អំឡុងពេលរង់ចាំការជម្លៀសវេជ្ជសាស្រ្តចន្លោះខែកក្កដា ឆ្នាំ ២០២៤ និងខែវិច្ឆិកា ឆ្នាំ ២០២៥ ។ ទោះបីជាយ៉ាងណាក៏ដោយ តួលេខខ្លះ ទំនងជាពុំត្រូវបានរាយការណ៍នោះទេ ៕

លោកតាសាន់តាក្លូសជិះទូកចែកអំណោយដល់ក្មេងៗនៅតំបន់ព្រៃជប់ភ្លៀងអាម៉ាហ្សូន ប្រទេសប្រេស៊ីល

2025/12/22 08:44:26 pm        45
Facebook Telegram Linkin
លោកតាសាន់តាក្លូស បានជិះទូកទៅកាន់តំបន់សហគមន៍តាមមាត់ទន្លេស្ថិតក្នុងទីក្រុង Careiro da Varzea រដ្ឋ Amazonas នៅតំបន់ព្រៃជប់ភ្លៀងអាម៉ាហ្សូនរបស់ប្រទេសប្រេស៊ីល ដើម្បីចែកអំណោយ និងផ្តល់ភាពសប្បាយរីករាលដល់ឪពុកម្តាយ និងកូនៗរបស់ពួកគេ ។នៅទីនោះ លោកតាសាន់តាក្លូស បានចែកចាយអំណោយជាមួយក្រុមស្ម័គ្រចិត្តមកពីអង្គការមិត្តសាន់តាក្លូស នៅក្នុងកាយវិការសាមគ្គីភាពប្រចាំឆ្នាំ អំឡុងរដូវកាលបុណ្យអូណែល ។ស្លៀកពាក់ឯកសណ្ឋានសាន់តាក្លូស លោក Jorge Alberto Barroso បានស្វាគមន៍ក្រុមគ្រួសារ និងផ្តល់អំណោយដល់ក្មេងៗនៅក្នុងសហគមន៍ ។គំនិតផ្តួចផ្តើមដែលបានប្រតិបត្តិការចាប់តាំងពីឆ្នាំ ១៩៩៨នេះ មានគោលបំណងនាំភាពសប្បាយរីករាយដល់តំបន់សហគមន៍នៅតាមមាត់ទន្លេ ។អ្នកស្រី Samara da Silva ដែលជាម្តាយរបស់ក្មេងស្រីអាយុ ១ឆ្នាំ Maite Vianna បានបង្ហាញការដឹងគុណចំពោះការផ្តល់អំណោយនេះ ។ អ្នកស្រីនិយាយថា ថ្ងៃនេះជាថ្ងៃដែលកូនស្រីរបស់គាត់ទទួលបានអំណាយ វាជាការល្អខ្លាំងណាស់ ហើយអ្នកស្រីសង្ឃឹមថា លោកតាសាន់តាក្លូស នឹងបន្តមកទៀតនៅឆ្នាំៗខាងមុខនេះ ៕

ព្រិលធ្លាក់បានប្រែក្លាយតំបន់ភាគខាងជើងប្រទេសឥណ្ឌាទៅជាដែនដីអច្ឆរិយៈ

2025/12/22 08:44:05 pm        49
Facebook Telegram Linkin
ព្រិលធ្លាក់ថ្មីនៅទីក្រុងភាគខាងជើង Sonmarg និងទីក្រុង Leh របស់ប្រទេសឥណ្ឌា បានប្រែក្លាយតំបន់ភ្នំនេះទៅជាដែនដីអច្ឆរិយៈ ។ ផ្លូវថ្នល់ ខ្ទម និងដើមឈើ គ្របដណ្តប់ដោយព្រិល ខណៈក្មេងៗនាំគ្នាចេញក្រៅ រត់លេងយ៉ាងសប្បាយរីករាយជាមួយស្ថានភាពអាកាសធាតុរដូវរងានេះ ។ ដែនដីសហព័ន្ធចាមមូ និងកាស្មៀ ប្រទេសឥណ្ឌា សម្បូរដោយជ្រលងភ្នំបរិសុទ្ធ ធ្វើឲ្យទាក់ទាញ់ភ្ញៀវទេសចរមកពីទីក្រុដែលី និងរដ្ឋជិតខាង ស្របពេលកង្វក់បរិយាកាសឡើងដល់កម្រិតធ្ងន់ធ្ងរ ។ តំបន់ភ្នំនៅភាគខាងជើងប្រទេសឥណ្ឌា ពេញទៅដោយភ្ញៀវទេសចរកាលពីថ្ងៃអាទិត្យ ខណៈមនុស្សជាច្រើនមកពីទីក្រុងញូវដែលី និងតំបន់ជុំវិញនោះ បានស្វែងរកភាពធូរស្រាលពីការកង្វក់ខ្យល់ដ៏ខ្លាំងក្លា ។ទីក្រុងដែលី និងតំបន់ជាយក្រុង ជារឿយៗត្រូវបានគ្របដណ្តប់ដោយផ្សែងអ័ព្ទក្នុងអំឡុងរដូវរងា ខណៈខ្យល់ត្រជាក់ ធ្វើឲ្យទាក់ជាប់ការបំភាយឧស្ម័នពីយានយន្ត ការដ្ឋានសំណង់ និងការដុតកាកសំណល់កសិកម្ម ដែលជំរុញឲ្យកម្រិតនៃកង្វក់បរិយាកាសកើនឡើងដល់កម្រិតខ្ពស់បំផុតមួយលើពិភពលោក ។ដោយមានអាកាសធាតុល្អ និងឱកាសនៃការធ្លាក់ព្រិលនៅប៉ុន្មានថ្ងៃខាងមុខទៀតនេះ ទីក្រុងតំបន់ភ្នំនៅភាគខាងជើងប្រទេសឥណ្ឌា ទំនងជានឹងមើលឃើញលំហូរភ្ញៀវទេសចរកាន់តែច្រើនឡើង ខណៈរដូវវិស្សមកាលរដូវរងា ខិតជិតមកដល់ ៕

កូសូវ៉ូឆ្ពោះទៅកាន់ការបោះឆ្នោត ខណៈភាពជាប់គាំងនយោបាយ គំរាមដល់មូលនិធិដ៏សំខាន់

2025/12/22 08:33:52 pm        39
Facebook Telegram Linkin
ប្រទេសកូសូវ៉ូនឹងរៀបចំការបោះឆ្នោតនៅថ្ងៃទី២៨ ខែធ្នូ បន្ទាប់ពីមានការជាប់គាំងនយោបាយអស់រយៈពេលមួយឆ្នាំ ដែលនាំឲ្យមានការរំលាយរដ្ឋសភា និងបានធ្វើឲ្យខ្វះខាតទឹកប្រាក់ចំនួន ១ពាន់លានអឺរ៉ូ នៅក្នុងប្រព័ន្ធហិរញ្ញវត្ថុដ៏អស្ថិរភាពរបស់ប្រទេសតំបន់បាល់កង់មួយនេះ។គណបក្ស Vetevendosje របស់លោកនាយករដ្ឋមន្ត្រី Albin Kurti បានឈ្នះការបោះឆ្នោតចុងក្រោយ ក្នុងខែកុម្ភៈ ប៉ុន្តែមិនទទួលបានសំឡេងភាគច្រើនឡើយ ឬស្វែងរកការបង្កើតបាននូវរដ្ឋាភិបាលចម្រុះ បន្ទាប់ពីមាននូវយុទ្ធនាការពេញដោយជម្លោះ។ មនុស្សជាច្រើនបារម្ភថា ការកើតឡើងច្រំដែល អាចធ្វើឲ្យរដ្ឋថ្មីបំផុតរបស់តំបន់អឺរ៉ុបមួយនេះ ធ្លាក់ចូលទៅក្នុងវិបត្តិបន្ថែមទៀត ពោលគឺត្រឹមតែ ៤ខែ មុនពេលសភាត្រូវតែបោះឆ្នោតជ្រើសរើសប្រធានាធិបតីថ្មី និងខណៈដែលកាលកំណត់កាន់តែជិតមកដល់ ក្នុងការផ្តល់សច្ចាប័ន លើកម្ចីអន្តរជាតិ។ អ្នកវិភាគនយោបាយ លោក Artan Muhaxhiri បាននិយាយថា៖ «ការបោះឆ្នោតទាំងនេះ នឹងក្លាយជាការបោះឆ្នោតដ៏សំខាន់បំផុត នៅក្នុងប្រវត្តិសាស្ត្រកូសូវ៉ូ នាពេលថ្មីៗនេះ ព្រោះវានឹងមកដល់បន្ទាប់ពីការជាប់គាំងរយៈពេលមួយឆ្នាំ ប៉ុន្តែក៏មានរយៈពេលបួនខែផងដែរ មុនពេលប្រធានាធិបតីថ្មី នឹងត្រូវបានជ្រើសរើស»។ការបោះឆ្នោតមិនត្រូវបានគេផ្សព្វផ្សាយជាសាធារណៈនោះទេ នៅកូសូវ៉ូ ដូច្នេះ មានសញ្ញាតិចតួច អំពីថា តើការបោះឆ្នោតនេះ នឹងដំណើរការទៅយ៉ាងដូចម្ដេច។ ប៉ុន្តែវាហាក់ដូចជាមិនកើតឡើងនោះឡើយ ដែលថា គណបក្សប្រឆាំងធំៗណាមួយ នឹងមានឆន្ទៈក្នុងការបង្កើតរដ្ឋាភិបាលជាមួយលោក Kurti ដែលពួកគេនិយាយថា បានធ្វើឲ្យមានភាពតានតឹងជាមួយជនជាតិភាគតិចស៊ែរប៊ីរស់នៅក្នុងដែនដីកូសូវ៉ូ នៅភាគខាងជើង បានធ្វើឲ្យមានភាពប្រសើរតិចតួចប៉ុណ្ណោះដល់ស្ដង់ដារជីវភាពរស់នៅ និងធ្វើឲ្យខូចកេរ្តិ៍ឈ្មោះរបស់កូសូវ៉ូ នៅលើឆាកអន្តរជាតិ៕

វិមានក្រឹមឡាំង៖ ការសន្និដ្ឋានរបស់ចារកម្មអាមេរិកដកស្រង់ដោយសារព័ត៌មាន Reuters គឺ «មិនពិត»

2025/12/22 08:33:14 pm        38
Facebook Telegram Linkin
វិមានក្រឹមឡាំង នៅថ្ងៃចន្ទ (ទី២២ ខែធ្នូ) នេះ បានឲ្យដឹងថា ការស៊ើបការណ៍សម្ងាត់របស់សហរដ្ឋអាមេរិក គឺមិនត្រឹមត្រូវឡើយ ប្រសិនបើគេជឿថា ប្រធានាធិបតីរុស្ស៊ី លោក Vladimir Putin ចង់ដណ្តើមយកអ៊ុយក្រែនទាំងអស់ និងផ្នែកខ្លះរបស់អឺរ៉ុប ដែលធ្លាប់ជាផ្នែកនៃអតីតសហភាពសូវៀត។សារព័ត៌មាន Reuters បានដកស្រង់ប្រភពមិនបង្ហាញអត្តសញ្ញាណចំនួន ៦ កាលពីសប្តាហ៍មុន ដែលបាននិយាយថា របាយការណ៍ស៊ើបការណ៍សម្ងាត់របស់សហរដ្ឋអាមេរិក បានបន្តព្រមានថា លោក Putin មិនបានបោះបង់ចោលនូវអ្វីដែលហៅថា គោលបំណងរបស់លោក ក្នុងការដណ្ដើមយកដែនដីអ៊ុយក្រែនទាំងអស់ និងកាន់កាប់វិញនូវផ្នែកខ្លះរបស់ទ្វីបអឺរ៉ុប ដែលធា្លប់ស្ថិតក្នុងអតីតប្លុកសូវៀត។អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកសារព័ត៌មានថា ទីក្រុងមូស្គូ មិនដឹងថា ប្រភពដែលត្រូវបានដកស្រង់ដោយសារព័ត៌មាន Reuters គួរឲ្យមានភាពជឿជាក់កម្រិតណានោះទេ ប៉ុន្តែប្រសិនបើរបាយការណ៍នេះត្រឹមត្រូវ នោះការសន្និដ្ឋានរបស់ស៊ើបការណ៍សម្ងាត់អាមេរិក គឺខុស។ លោក Peskov បាននិយាយអំពីការសន្និដ្ឋាននៃការស៊ើបការណ៍សម្ងាត់ថា «នេះគឺជារឿងមិនពិតទាំងស្រុង»។គួរបញ្ជាក់ថា លោក Putin បានបញ្ជូនទាហានរាប់ម៉ឺននាក់ចូលទៅក្នុងដែនដីអ៊ុយក្រែន កាលពីខែកុម្ភៈ ឆ្នាំ២០២២ ហើយឥឡូវនេះកងកម្លាំងរុស្ស៊ីគ្រប់គ្រងប្រហែល ១ភាគ៥ នៃដែនដីរបស់ប្រទេសនេះ។ មេដឹកនាំអឺរ៉ុប និងអ៊ុយក្រែនមួយចំនួន បានចោទប្រកាន់លោក Putin ថា មានមហិច្ឆតាលើសពីអ៊ុយក្រែនទៅទៀត៕

នាយករដ្ឋមន្ត្រីបារាំងធ្វើការឥតឈប់ ដើម្បីអនុម័តច្បាប់ថវិកាបណ្ដោះអាសន្ន ក្នុងគោលបំណងបញ្ចៀសការបិទ

2025/12/22 08:20:35 pm        28
Facebook Telegram Linkin
នាយករដ្ឋមន្រ្តីបារាំង លោក Sebastien Lecornu ថ្ងៃចន្ទ (ទី២២ ខែធ្នូ) នេះ បានជួបពិភាក្សាជាមួយបណ្ដាមេដឹកនាំនយោបាយ ស្តីពីច្បាប់គ្រាអាសន្ន ដើម្បីអាចឲ្យរដ្ឋាភិបាលដំណើរការនៅក្នុងឆ្នាំថ្មីនេះ ក្នុងករណីដែលគ្មានការអនុម័តថវិកាសបស្រប។កាលពីថ្ងៃទី១៩ ខែធ្នូ គណៈកម្មាធិការរួមនៃសមាជិកសភាមកពីសភាទាំង២ បានបរាជ័យមិនអាចឈានដល់ការព្រមព្រៀងទាំងស្រុងឡើយ លើច្បាប់ថវិកាឆ្នាំ២០២៦ ដោយជំរុញឲ្យលោក Lecornu ស្វែងរកច្បាប់បណ្ដោះអាសន្ន ដើម្បីអាចឲ្យការចំណាយ ការប្រមូលពន្ធ និងការខ្ចី បន្តមានក្នុងខែមករា។ការិយាល័យរបស់លោក បានឲ្យដឹងថា លោកនឹងជួបមន្ត្រីមកពីគណបក្សផ្សេង ក្រៅពីក្រុមស្តាំនិយមជ្រុល និងក្រុមប្រកាន់ឆ្វេងរឹងត្អឹង នៅមុនកិច្ចប្រជុំគណៈរដ្ឋមន្ត្រី ដែលច្បាប់ថវិកាបណ្ដោះអាសន្ន គ្រោងនឹងត្រូវបានអនុម័ត មុនបញ្ជូនទៅសភា។ច្បាប់ដែលសមាជិកសភា ទំនងជានឹងផ្ដល់ការអនុម័តនៅថ្ងៃ២៤ ខែធ្នូ នឹងជួយពន្យារពេលវេលាបន្ថែមទៀត ដើម្បីពិភាក្សាអំពីកញ្ចប់ថវិកាឆ្នាំ២០២៦ ដ៏សមស្របមួយ នៅក្នុងខែមករា៕

ការឡើងប្រជាប្រិយភាពរបស់ក្រុមស្តាំនិយមជ្រុល នៅភាគខាងលិចអេស្ប៉ាញ មានឥទ្ធិពលលើការបោះឆ្នោត ក្នុងតំបន់

2025/12/22 08:15:12 pm        22
Facebook Telegram Linkin
គណបក្សស្តាំនិយមជ្រុល Vox របស់ប្រទេសអេស្ប៉ាញ បានកើនឡើងអាសនៈទ្វេដង នៅក្នុងតំបន់ Extremadura អំឡុងការបោះឆ្នោតកាលពីថ្ងៃអាទិត្យចុងសប្ដាហ៍កន្លងមក ដោយធ្វើឲ្យកាន់តែស្មុគស្មាញដល់កិច្ចពិភាក្សាបង្កើតរដ្ឋាភិបាលចម្រុះ ជាមួយក្រុមទទួលបានសំឡេងឆ្នោតនាំមុខ គឺគណបក្សអភិរក្សនិយម People's Party និងបង្ហាញពីភាពខ្លាំងរបស់គណបក្សនេះ នៅមុនការបោះឆ្នោតក្នុងតំបន់ផ្សេងទៀត នាឆ្នាំក្រោយ។គណបក្សសង្គមនិយម Workers' Party (PSOE) របស់លោកនាយករដ្ឋមន្ត្រី Pedro Sanchez បានបាត់បង់ ១០កៅអី នៅក្នុងសភាដែលមាន ៦៥អាសនៈ ដោយបន្តនិន្នាការធ្លាក់ចុះពីឆ្នាំ២០២៣ នៅពេលដែលខ្លួនចងសម្ព័ន្ធជាមួយគណបក្ស People's Party (PP) ដែលចូលកាន់តំណែងដោយមានការគាំទ្ររបស់គណបក្ស Vox។ការបាត់បង់សំឡេង នៅក្នុងតំបន់ដែលខ្លួនគ្រប់គ្រងអស់ជាច្រើនទសវត្សរ៍មកហើយនោះ បានធ្វើឲ្យមានសម្ពាធបន្ថែមទៀតលើគណបក្ស PSOE ដែលរដ្ឋាភិបាលជាតិភាគតិចរបស់ពួកគេ បានចុះខ្សោយដោយសារមានរឿងអាស្រូវជាបន្តបន្ទាប់។ ការបោះឆ្នោតថ្នាក់តំបន់ គ្រោងកើតមាននៅតំបន់ Aragon, Castile & Leon និង Andalusia នៅឆ្នាំក្រោយ។អ្នកគ្រប់គ្រងតំបន់ Extremadura លោកស្រី Maria Guardiola ដែលជាសមាជិករបស់គណបក្ស PP បានប្រកាសការបោះឆ្នោតមុនអាណត្តិ បន្ទាប់ពីមិនទទួលបានការអនុវម័តច្បាប់ថវិកាតំបន់ ខណៈដែលគណបក្ស Vox បដិសេធមិនគាំទ្រសំណើនោះ។គណបក្ស PP ទទួលបាន ២៩អាសនៈ ដែលលើសមួយកៅអី កាលពីឆ្នាំ២០២៣ ប៉ុន្តែខ្វះ ៤អាសនៈនៃសំឡេងភាគច្រើន ខណៈដែលគណបក្ស Vox បានកើនឡើងដល់ ១១អាសនៈ ដោយកើនពី ៥អាសនៈ ដោយនេះជាថ្មីម្តងទៀតធ្វើឲ្យក្រុមអភិរក្សនិយម ត្រូវពឹងផ្អែកលើការគាំទ្រពីក្រុមស្តាំនិយមជ្រុល ដើម្បីដឹកនាំតំបន់នេះ៕

យោធាអ៊ីស្រាអែលវាយប្រហារតំបន់វ៉េសប៊ែងដោយកម្ទេចអគារស្នាក់នៅរបស់អ្នកស្រុក

2025/12/22 08:11:19 pm        36
Facebook Telegram Linkin
អ៊ីស្រាអែល បានវាយប្រហារទីក្រុងនានានៅក្នុងតំបន់កាន់កាប់វ៉េសប៊ែង និងបានកម្ទេចអគារលំនៅដ្ឋានរបស់អ្នកស្រុក ។ទាហានបានបាញ់គ្រាប់បែកភ្លើង និងឧស្ម័នបង្ហូរទឹកភ្នែកនៅថ្ងៃចន្ទនេះ ពេលដែលពួកគេកម្ទេចអគារនៅតំបន់ហ្សេរុយសាឡឹមខាងកើត ។ ក្រុមមន្រ្តីប៉ាឡេស្ទីន បានចោទប្រកាន់អ៊ីស្រាអែលថា បើកយុទ្ធនាការបំលាស់ទីលំនៅក្នុងទីក្រុង ដោយពួកគេនិយាយថា ប្រតិបត្តិការនេះ គឺជាផ្នែកមួយនៃការប៉ុនប៉ងជាប្រព័ន្ធ ក្នុងការបោសសម្អាតជនប៉ាឡេស្ទីនចេញពីដីរបស់ពួកគេ ។ជនប៉ាឡេស្ទីនរាប់សិបនាក់ ត្រូវបានជម្លៀសចេញ ពេលដែលគ្រឿងចក្រអ៊ីស្រាអែល កម្ទេចអគារលំនៅឋានកម្ពស់ ៤ជាន់ ។ ក្រុមសកម្មជនបានចាត់ទុកថា ជាការកម្ទេចទ្រង់ទ្រាយធំបំផុតនៅតំបន់នោះ ក្នុងឆ្នាំនេះ ។អ្នកឆ្លើយឆ្លងព័ត៌មានរបស់កាសែត Al Jazeera រាយការណ៍ថា គ្រឿងចក្រ ៣គ្រឿង បានបំផ្លាញអគារផ្ទះល្វែង ១៣ខ្នង នៅសង្កាត់ Wadi Qaddum ភាគខាងត្បូងទីក្រុងចាស់ ស្ថិតក្នុងទីក្រុងហ្សេរុយសាឡឹម ។កងកម្លាំងអ៊ីស្រាអែល បានបិទផ្លូវ ដាក់ពង្រាយកងកម្លាំង និងដាក់ឲ្យឈរជើងកងកម្លាំងសន្តិសុខនៅលើដំបូងផ្ទះក្បែរគ្នា។ អំឡុងប្រតិបត្តិការនោះដែរ យុវជនម្នាក់ និងបុរសម្នាក់ ត្រូវបានចាប់ខ្លួន ៕

រ៉ូកែត H3 របស់ជប៉ុន មិនអាចនាំយកផ្កាយរណបទៅដាក់គន្លងតារាវិថីដោយជោគជ័យ

2025/12/22 08:09:12 pm        30
Facebook Telegram Linkin
ទីភ្នាក់ងារអវកាសរបស់ប្រទេសជប៉ុន បានឲ្យដឹងថា នៅថ្ងៃចន្ទ (ទី២២ ខែធ្នូ) នេះ រ៉ូកែត ឬយានចម្លង H3 របស់ខ្លួន បានបរាជ័យមិនអាចនាំយកផ្កាយរណបកំណត់ទីតាំងភូមិសាស្ត្រចូលកាន់គន្លងតារាវិថី ដោយសារមានបញ្ហាម៉ាស៊ីន។យោងតាមទីភ្នាក់ងាររុករកអវកាសជប៉ុន (JAXA) បានបញ្ជាក់ថា ម៉ាស៊ីនដំណាក់កាលទី២ «បានលែងដំណើរការមុនកំណត់» បន្ទាប់ពីរ៉ូកែតនេះ បានហោះឡើងនៅវេលាម៉ោង ១០:៥១នាទីព្រឹក ម៉ោងក្នុងស្រុក ពីមជ្ឈមណ្ឌលអវកាស Tanegashima នៅភាគខាងត្បូងនៃប្រទេសជប៉ុន។ទីភ្នាក់ងារអវកាសបានេះបន្តទៀតថា រ៉ូកែតនោះមិនអាចដាក់ចូលទៅក្នុងគន្លងតារាវិថីបានឡើយនូវផ្កាយរណបទី៦ សម្រាប់ប្រព័ន្ធ «Michibiki» ដែលមានផ្កាយរណប ៧គ្រឿង ដោយ «ធ្វើឲ្យការបាញ់បង្ហោះមិនទទួលបានជោគជ័យ»។ ទីភ្នាក់ងារនេះបានបន្ថែមថា ស្ថាប័នបានចាប់ផ្តើមការស៊ើបអង្កេត ចំពោះអ្វីដែលបណ្តាលឲ្យមានបញ្ហានេះ។គួរបញ្ជាក់ថា បើយោងតាម JAXA បានឲ្យដឹងថា ប្រព័ន្ធកំណត់ទីតាំងភូមិសាស្ត្ររបស់ជប៉ុននេះ ត្រូវបានរចនាឡើង ដើម្បីផ្តល់ជូននូវទិន្នន័យកាន់តែប្រសើរឡើង សម្រាប់ប្រទេស ដោយអាចឲ្យមានសេវាកម្មអ្នកប្រើប្រាស់ល្អជាងមុន ដូចជាប្រព័ន្ធរុករករថយន្ត និងផែនទីស្មាតហ្វូនជាដើម។តែទីភ្នាក់ងារអវកាសបានប្រកាសប្រហែល ៤០នាទីបន្ទាប់ពីបានបាញ់បង្ហោះរ៉ូកែតនេះថា ម៉ាស៊ីនដំណាក់កាលទី២ របស់វា ដែលបញ្ឆេះបន្ទាប់ពីដំណាក់កាលទី២ នៃការផ្តាច់រ៉ូក្កែត បានឈប់ដំណើរការលឿនជាងការរំពឹងទុក។ ហេតុការណ៍នេះ បានកើតឡើងបន្ទាប់ពីមានបញ្ហាបច្ចេកទេស បានពន្យារពេលការបាញ់បង្ហោះដំបូងចំនួន ២លើក៕

លោក Zelenskyy និយាយថា សហគមន៍អន្តរជាតិត្រូវតែបង្កើនសម្ពាធលើរុស្ស៊ី ដើម្បីបញ្ចប់សង្គ្រាម

2025/12/22 07:11:39 pm        25
Facebook Telegram Linkin
ប្រធានាធិបតីអ៊ុយក្រែន លោក Volodymyr Zelenskyy បាននិយាយកាលពីថ្ងៃអាទិត្យ (ទី២១ ខែធ្នូ)ថា សង្រ្គាមប្រឆាំងនឹងអ៊ុយក្រែន នឹងមិនបញ្ចប់ពិតប្រាកដទេ ប្រសិនបើសហគមន៍អន្តរជាតិមិនបង្កើនសម្ពាធលើរុស្ស៊ី ដោយលើកឡើងពីការបន្តការវាយប្រហារ និងការប្រឹងប្រែងរំខានដល់ការដឹកជញ្ជូនតាមសមុទ្ររបស់អ៊ុយក្រែន។តាមរយៈសារវីដេអូដែលត្រូវបានបង្ហោះនៅលើបណ្ដាញសង្គម លោក Zelenskyy បាននិយាយសង្ខេបឡើងវិញនូវអ្វីដែលបានកើតឡើងកាលពីសប្តាហ៍មុន ក្នុងនោះរួមទាំងការវាយប្រហារតាមអាកាសរបស់រុស្ស៊ីលើតំបន់ Odesa ផងដែរ។ លោកបានលើកឡើងថា រុស្ស៊ីកំពុងប្រឹងប្រែងបិទខ្ទប់លទ្ធភាពរបស់អ៊ុយក្រែនមិនឲ្យចូលទៅកាន់ផ្លូវសមុទ្រ។លោក Zelenskyy បានបញ្ជាក់ថា៖ «ពិភពលោកមិនត្រូវនៅស្ងៀមដដែលនោះឡើយ អំពីរឿងនេះ។ គ្រប់គ្នាត្រូវតែមើលឲ្យឃើញថា បើគ្មានសម្ពាធលើរុស្ស៊ីទេ ពួកគេមិនមានបំណងបញ្ចប់ការឈ្លានពានរបស់ខ្លួនពិតប្រាកដនោះឡើយ។ ដូច្នេះ សម្ពាធត្រូវតែកើនឡើង»។ជាមួយគ្នានេះ លោក Zelenskyy ក៏បានស្វាគមន៍ផងដែរ ចំពោះការសម្រេចរបស់សហភាពអឺរ៉ុបកាលពីថ្ងៃសុក្រ ក្នុងការខ្ចីប្រាក់រួមគ្នាចំនួន ៩០ពាន់លានអឺរ៉ូ (១០៥ពាន់លានដុល្លារ) ដើម្បីផ្តល់ប្រាក់កម្ចីដល់អ៊ុយក្រែន ក្នុងរយៈពេល ២ឆ្នាំ ដោយផ្តល់នូវការគាំទ្រផ្នែកហិរញ្ញវត្ថុដ៏សំខាន់ សម្រាប់តម្រូវការថវិកា និងយោធារបស់ប្រទេសលោក៕

បណ្ដាញសង្គម

ព័ត៌មានថ្មីៗ

គិតមកត្រឹមថ្ងៃនេះ អំណោយរបស់សម្ដេចតេជោ និងសម្ដេចកិត្តិព្រឹទ្ធបណ្ឌិត,សម្ដេចធិបតី និងលោកជំទាវបណ្ឌិត ចំនួន៣៦,២០០កញ្ចប់ ត្រូវបានចែកដល់ប្រជាពលរតាមជំរំភៀសសឹក
12/22/2025 09:12 PM
Facebook Telegram Linkin
វិបត្តិសុខភាពកាន់តែធ្ងន់ធ្ងរទៅនៅតំបន់ហ្កាហ្សា ដោយសារការដួលរលំនៃប្រព័ន្ធវេជ្ជសាស្រ្ត
12/22/2025 08:12 PM
Facebook Telegram Linkin
លោកតាសាន់តាក្លូសជិះទូកចែកអំណោយដល់ក្មេងៗនៅតំបន់ព្រៃជប់ភ្លៀងអាម៉ាហ្សូន ប្រទេសប្រេស៊ីល
12/22/2025 08:12 PM
Facebook Telegram Linkin
ព្រិលធ្លាក់បានប្រែក្លាយតំបន់ភាគខាងជើងប្រទេសឥណ្ឌាទៅជាដែនដីអច្ឆរិយៈ
12/22/2025 08:12 PM
Facebook Telegram Linkin
កូសូវ៉ូឆ្ពោះទៅកាន់ការបោះឆ្នោត ខណៈភាពជាប់គាំងនយោបាយ គំរាមដល់មូលនិធិដ៏សំខាន់
12/22/2025 08:12 PM
Facebook Telegram Linkin
វិមានក្រឹមឡាំង៖ ការសន្និដ្ឋានរបស់ចារកម្មអាមេរិកដកស្រង់ដោយសារព័ត៌មាន Reuters គឺ «មិនពិត»
12/22/2025 08:12 PM
Facebook Telegram Linkin
នាយករដ្ឋមន្ត្រីបារាំងធ្វើការឥតឈប់ ដើម្បីអនុម័តច្បាប់ថវិកាបណ្ដោះអាសន្ន ក្នុងគោលបំណងបញ្ចៀសការបិទ
12/22/2025 08:12 PM
Facebook Telegram Linkin
ការឡើងប្រជាប្រិយភាពរបស់ក្រុមស្តាំនិយមជ្រុល នៅភាគខាងលិចអេស្ប៉ាញ មានឥទ្ធិពលលើការបោះឆ្នោត ក្នុងតំបន់
12/22/2025 08:12 PM
Facebook Telegram Linkin
ក្រសួងពាណិជ្ជកម្ម បង្ការ និងទប់ស្កាត់ការក្លែងបន្លំដើមកំណើតទំនិញនាំចេញទៅកាន់ទីផ្សារសហរដ្ឋអាម៉េរិក
12/22/2025 08:12 PM
Facebook Telegram Linkin
សង្ខេបស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីយោធាថៃនៅតែបន្តការបាញ់ប្រហារ ដើម្បីឈ្លានពានមកលើដែនអធិបតេយ្យរបស់កម្ពុជានៅទិសយោធភូមិភាគទី៤ និងយោធភូមិភាគទី៥
12/22/2025 08:12 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.