BTV NEWS

ប្រធានាធិបតីមីយ៉ាន់ម៉ាបញ្ជាក់ឡើងវិញពីការប្តេជ្ញាចិត្តចំពោះសន្តិសុខរបស់ឥណ្ឌា

ប្រតិបត្តិករនាវា ជំរុញឲ្យមានច្បាប់ច្បាស់វិលត្រឡប់មកកាន់ច្រកសមុទ្រ Hormuz វិញ

កងទ័ពជើងទឹកបារាំងដោយមានការគាំទ្រពីអង់គ្លេស បានស្កាត់ចាប់នាវាដឹកប្រេងរុស្ស៊ី

EU ជំរុញឲ្យអ៊ីស្រាអែលឈប់បង្កើនភាពតានតឹងផ្នែកយោធា នៅលីបង់ និងគាំទ្រកិច្ចប្រឹងប្រែងការទូត

ព័ត៌មានអន្តរជាតិ

គ្រូពេទ្យស្ថិតក្នុងចំណោមមនុស្សច្រើននាក់ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅលីបង់

ក្រសួងសុខាភិបាលរបស់ប្រទេសលីបង់ និយាយថា ការវាយប្រហាររបស់អ៊ីស្រាអែលក្នុងរយៈពេល ២៤ ម៉ោងកន្លងទៅនេះបានសម្លាប់មនុស្សជាង ៥០នាក់ រួមមានទាំងបុគ្គលិកពេទ្យសង្គ្រោះបឋមពីរនាក់។ ក្រសួងបាននិយាយថា «សត្រូវអ៊ីស្រាអែល នៅតែបន្តរំលោភច្បាប់អន្តរជាតិ និងបទដ្ឋានមនុស្សធម៌ ហើយឧក្រិដ្ឋកម្មកាន់តែច្រើនលើក្រុមគ្រូពេទ្យសង្គ្រោះបឋម ខណៈអ៊ីស្រាអែលកំណត់គោលដៅដោយផ្ទាល់ទៅលើទីតាំងពីរកន្លែងរបស់អាជ្ញាធរសុខាភិបាលនៅតំបន់ Qalawiya និង Tibnin ក្នុងការវាយឆ្មក់ពីរលើក»។ បទឈប់បាញ់ដែលត្រូវបានសម្របសម្រួលដោយសហរដ្ឋអាមេរិក បានចូលដល់សប្តាហ៍ទីបី។ ក្រសួងបាននិយាយថា មនុស្សចំនួន ២.៨៤៦ នាក់ត្រូវបានសម្លាប់នៅទូទាំងប្រទេសចាប់តាំងពីថ្ងៃទី ២ ខែមីនា នៅពេលដែលកងកម្លាំងអ៊ីស្រាអែលបានចាប់ផ្តើមប្រតិបត្តិការយោធាថ្មី។ ចាប់តាំងពីពេលនោះមក អង្គការសហប្រជាជាតិនិយាយថា យ៉ាងហោចណាស់បុគ្គលិកពេទ្យនៅលីបង់ចំនួន ១០៣ នាក់ត្រូវបានសម្លាប់ និង ២៣០ នាក់បានរងរបួស ក្នុងការវាយប្រហាររបស់អ៊ីស្រាអែលជាង ១៣០ លើក។ លោក Ali Safiuddin ប្រធានការពារជនស៊ីវិលលីបង់នៅទីក្រុង Tyre ភាគខាងត្បូងប្រទេសលីបង់ បាននិយាយថា «យើងស្ថិតនៅក្រោមការគំរាមកំហែងគ្រប់វិនាទី ជារៀងរាល់ថ្ងៃ»។ «យើងសួរខ្លួនឯង ថាតើយើងនឹងរស់រានមានជីវិត ឬយើងត្រូវស្លាប់ យើងដឹងថាយើងបានលះបង់អាយុជីវិតរបស់យើងរួចហើយពេលមកធ្វើការនៅទីនេះ។ យើងបានបាត់បង់មនុស្សជាច្រើន ហើយយើងគិតថា យើងក៏នឹងបាត់បង់ដែរ»។ អ្នកសារព័ត៌មានរបស់ Al Jazeera ដែលរាយការណ៍ពីទីក្រុង Tyre បាននិយាយថា ច្បាប់មនុស្សធម៌អន្តរជាតិ គឺច្បាស់លាស់ ដែលបុគ្គលិកពេទ្យ និងក្រុមអ្នកឆ្លើយតបដំបូង ដូចជាក្រុមការពារជនស៊ីវិលលីបង់ ត្រូវតែត្រូវបានការពារនៅក្នុងជម្លោះប្រដាប់អាវុធ។

ប្រទេសចិន ប្រកាសពីដំណើរទស្សនកិច្ចរបស់លោក Trump ចាប់ពីថ្ងៃទី១៣ ដល់ ១៥ឧសភា សប្ដាហ៍នេះ

ទីក្រុងប៉េកាំងបានបញ្ជាក់នៅថ្ងៃចន្ទ ១១ ខែឧសភា សប្ដាហ៍នេះ ថាលោកប្រធានាធិបតី Donald Trump នឹងបំពេញទស្សនកិច្ចនៅប្រទេសចិនចាប់ពីថ្ងៃទី ១៣ ដល់១៥ ខែឧសភា ដោយមេដឹកនាំអាមេរិករូបនេះ ត្រូវគេរំពឹងថានឹងពិភាក្សាអំពីបញ្ហាអ៊ីរ៉ង់ និងពាណិជ្ជកម្មជាមួយសមភាគីចិនរបស់លោក។ ទីក្រុងវ៉ាស៊ីនតោន និងទីក្រុងប៉េកាំង បានធ្លាក់ក្នុងជម្លោះលើបញ្ហាសំខាន់ៗជាច្រើនចាប់ពីពន្ធពាណិជ្ជកម្មរហូតដល់សង្គ្រាមមជ្ឈិមបូព៌ា និងកោះតៃវ៉ាន់ ដែលប្រទេសចិនអះអាងថាជាផ្នែកមួយនៃទឹកដីរបស់ខ្លួន។ ដំបូងឡើយលោក Trump គ្រោងទៅបំពេញទស្សនកិច្ចនៅចុងខែមីនា ឬដើមខែមេសាកន្លងទៅនេះ ប៉ុន្តែបានពន្យារពេលដំណើរទស្សនកិច្ចរបស់លោកដើម្បីផ្តោតលើសង្គ្រាមអ៊ីរ៉ង់។ អ្នកនាំពាក្យក្រសួងការបរទេសចិនបាននិយាយថា តាមការអញ្ជើញរបស់លោកប្រធានាធិបតី Xi Jinping ប្រធានាធិបតីសហរដ្ឋអាមេរិក លោក Donald J Trump នឹងធ្វើទស្សនកិច្ចផ្លូវរដ្ឋទៅកាន់ប្រទេសចិនចាប់ពីថ្ងៃទី១៣ ដល់១៥ ខែឧសភាខាងមុខនេះ។ នៅមុនជំនួបទល់មុខគ្នាដែលបានគ្រោងទុកនេះ ក្រុមអ្នកវិភាគបានលើកឡើងថា ជំនួបនោះ នឹងមិនមានលទ្ធលផផ្លែផ្កាទេ។ មេដឹកនាំនៃប្រទេសដែលមានសេដ្ឋកិច្ចធំជាងគេទាំងពីររបស់ពិភពលោកនឹងធ្វើកិច្ចចរចាផ្ទាល់មុខជាលើកដំបូងក្នុងរយៈពេលជាងប្រាំមួយខែ។ លោក Trump គ្រោងនឹងទៅដល់ទីក្រុងប៉េកាំងនៅថ្ងៃពុធសប្ដាហ៍នេះ មុនពេលកិច្ចពិភាក្សាដែលគ្រោងនឹងធ្វើឡើងនៅថ្ងៃព្រហស្បតិ៍ និងថ្ងៃសុក្រ។នេះនឹងក្លាយជាដំណើរទស្សនកិច្ចលើកដំបូងរបស់លោក ទៅកាន់ប្រទេសចិន ចាប់តាំងពីឆ្នាំ២០១៧។ជំនួបទល់មុខគ្នាចុងក្រោយរបស់មេដឹកនាំទាំងពីរបានធ្វើឡើងនៅក្នុងប្រទេសកូរ៉េខាងត្បូង កាលពីឆ្នាំមុន៕

ប្រេងឡើងថ្លៃ ខណៈសហរដ្ឋអាមេរិក និងអ៊ីរ៉ង់ មិនយល់ស្របលើសំណើសន្តិភាពចុងក្រោយ

តម្លៃប្រេងបានកើនឡើងជាង ៣ ដុល្លារក្នុងមួយបារ៉ែលនៅថ្ងៃចន្ទ ១១ឧសភា សប្ដាហ៍នេះ ខណៈសហរដ្ឋអាមេរិក និងអ៊ីរ៉ង់ បរាជ័យក្នុងការយល់ព្រមលើសំណើសន្តិភាពដែលរៀបចំឡើងដោយទីក្រុងវ៉ាស៊ីនតោន ស្របពេលច្រកសមុទ្រហ័រមូសនៅតែបិទ ដែលបន្តធ្វើឱ្យចរន្តផ្គត់ផ្គង់ថាមពលសកលច្របូកច្របល់។ តម្លៃប្រេងឆៅ Brent បានកើនឡើង ៣,១៨ ដុល្លារ ឬ ៣,១៤% ដល់ ១០៤,៤៧ ដុល្លារក្នុងមួយបារ៉ែល គិតត្រឹមម៉ោង ២៣:៣៦ នាទី ម៉ោងក្នុងស្រុក ដោយបន្តកើនឡើង ១,២៣%។ តម្លៃប្រេង West Texas Intermediate របស់សហរដ្ឋអាមេរិកមានតម្លៃ ៩៨,៥១ ដុល្លារក្នុងមួយបារ៉ែល កើនឡើង ៣,០៩ ដុល្លារ ឬ ៣,២៤% បន្ទាប់ពីបានឡើងថ្លៃ ០,៦៤% ក្នុងវគ្គជួញដូរមុន។ ក្តីសង្ឃឹមសម្រាប់ការបញ្ចប់ជម្លោះរវាងសហរដ្ឋអាមេរិក និងអ៊ីរ៉ង់រយៈពេល ១០ សប្តាហ៍ ដែលនឹងអនុញ្ញាតឱ្យមានការដឹកជញ្ជូនប្រេងឆ្លងកាត់ច្រកសមុទ្រហ័រមូស ត្រូវបានបំផ្លាញ បន្ទាប់ពីប្រធានាធិបតី Donald Trump កាលពីថ្ងៃអាទិត្យ បានច្រានចោលការឆ្លើយតបរបស់អ៊ីរ៉ង់ចំពោះសំណើរបស់សហរដ្ឋអាមេរិកសម្រាប់ការចរចាសន្តិភាពថា មិនអាចទទួលយកបាន។ លោក Tony Sycamore អ្នកវិភាគទីផ្សារអន្តរជាតិ IG នៅអូស្ត្រាលី បាននិយាយនៅក្នុងកំណត់ចំណាំមួយថា ការចាប់អារម្មណ៍របស់ទីផ្សារឥឡូវនេះ បានងាកទៅរកដំណើរទស្សនកិច្ចរបស់ប្រធានាធិបតី Trump ទៅកាន់ប្រទេសចិននៅសប្តាហ៍នេះ៕

នាយករដ្ឋមន្ត្រីអង់គ្លេសលោក Starmer ទាត់ចោលការអំពាវនាវឱ្យលាលែងពីតំណែង ខណៈសម្ពាធកើនឡើង

លោកនាយករដ្ឋមន្ត្រីអង់គ្លេស Keir Starmer កាលពីថ្ងៃអាទិត្យបានប្រឈមនឹងការអំពាវនាវឡើងវិញរបស់គណបក្សការងារឱ្យលាលែងពីតំណែង ខណៈលោកបានត្រៀមខ្លួនរួចជាស្រេចដើម្បីថ្លែងសុន្ទរកថាមួយដែលបង្ហាញពីតម្លៃរបស់លោក និងចក្ខុវិស័យគាំទ្រសហភាពអឺរ៉ុប ដោយលោកសង្ឃឹមថានឹងបង្ក្រាបការបះបោរកាន់តែខ្លាំងឡើងក្នុងគណបក្សរបស់លោក។លោក Starmer ដែលបានឈ្នះឆ្នោតយ៉ាងច្រើនលើសលុបកាលពីឆ្នាំ២០២៤ មិនត្រឹមតែបានបដិសេធគំនិតនោះពីអ្នកមួយចំនួននៅក្នុងគណបក្សរបស់លោកឲ្យរូបលោកលាលែងពីតំណែងប៉ុណ្ណោះទេ ប៉ុន្តែនៅក្នុងបទសម្ភាសន៍ជាមួយកាសែត The Observer លោកក៏បានលើកឡើងថាលោកអាចកាន់អំណាចបានរយៈពេល១០ ឆ្នាំផងដែរ។ លោកនាយករដ្ឋមន្ត្រីនឹងព្យាយាមតស៊ូវាយបកវិញក្នុងឆាកនយោបាយ ក្នុងរយៈពេលប៉ុន្មានថ្ងៃខាងមុខ ជាមួយនឹងសុន្ទរកថាមួយនៅថ្ងៃចន្ទនេះ និងច្បាប់ថ្មីក្នុងសុន្ទរកថារបស់ព្រះមហាក្សត្រនៅថ្ងៃពុធ ប្រឆាំងនឹងការផ្ទុះឡើងនៃកំហឹងយ៉ាងខ្លាំងចំពោះការបរាជ័យក្នុងការបោះឆ្នោតតំបន់នៅសប្តាហ៍នេះ។ លទ្ធផលបឋមកាលពីថ្ងៃសុក្រសប្ដាហ៍មុន បង្ហាញពីកំហឹងកប់យ៉ាងជ្រៅរបស់អ្នកបោះឆ្នោតចំពោះលោក Keir Starmer។ អ្នកទទួលផលចម្បងគឺគណបក្សកំណែទម្រង់ប្រជានិយមប្រឆាំងអន្តោប្រវេសន៍ ដែលទទួលបានអាសនៈក្រុមប្រឹក្សារាប់រយ។ ប៉ុន្តែលោកប្រឈមនឹងការតស៊ូដ៏លំបាកមួយ។ កាលពីថ្ងៃអាទិត្យចុងសប្ដាហ៍នេះ អតីតរដ្ឋមន្ត្រីលោក Josh Simons បានក្លាយជាសមាជិកសភារបស់គណបក្សការងារចុងក្រោយបង្អស់ដែលអំពាវនាវឱ្យលោកចាកចេញតំណែង។លោកនិយាយថា រូបលោកមិនជឿថាលោកនាយករដ្ឋមន្ត្រី អាចងើបឈរបាននៅពេលនេះទេ។ លោកបានបាត់បង់ប្រទេស។ លោកគួរតែរៀបចំការផ្ទេអំណាចតាមសម្រួលទៅកាន់នាយករដ្ឋមន្ត្រីថ្មី។ លោកស្រី Catherine West អតីតរដ្ឋមន្ត្រីមួយរូបទៀត បាននិយាយថា គណបក្សការងារ មានបញ្ហា ហើយត្រូវចាត់វិធានការឲ្យបានឆាប់រហ័ស ខណៈលោកស្រីបាននិយាយម្តងទៀតអំពីការគំរាមកំហែងដែលលោកស្រីបានធ្វើកាលពីថ្ងៃសៅរ៍ ដើម្បីចាប់ផ្តើមការជ្រើសតាំងមេដឹកនាំឲ្យបានឆាប់តាមដែលអាចធ្វើទៅបាននៅថ្ងៃចន្ទ១១ឧសភានេះ។សមាជិកសភាគណបក្សការងារប្រហែល ៣០ រូបបានអំពាវនាវឲ្យលោក Starmer លាលែងពីតំណែង ឬកំណត់កាលបរិច្ឆេទសម្រាប់ការចាកចេញរបស់លោក៕

[UPDATE] អតីតនាយករដ្ឋមន្ត្រីថៃ លោក ថាក់ស៊ីន ត្រូវបានដោះលែងពីពន្ធនាគារក្រោយឃុំខ្លួនប្រហែល៨ខែ តែស្ថិតក្រោមការតាមដាន៤ខែ

អតីតនាយករដ្ឋមន្ត្រីរួបរឹតដោយរឿងក្ដីរបស់ប្រទេសថៃ លោក ថាក់ស៊ីន ស៊ីណាវ៉ាត់ (Thaksin Shinawatra)ត្រូវបានដោះលែងពីពន្ធនាគារនៅថ្ងៃចន្ទ១១ឧសភាសប្ដាហ៍នេះ បន្ទាប់ពីជាប់ពន្ធនាគារប្រហែលប្រាំបីខែ ក្រោយតុលាការបានសម្រេចថា លោកបានស្នាក់នៅមន្ទីរពេទ្យដោយខុសច្បាប់ ដើម្បីគេចពីការជាប់ពន្ធនាគារ។ មហាសេដ្ឋីវ័យ ៧៦ ឆ្នាំរូបនេះ បានប្រឡូកឆាកនយោបាយជាថ្មី និងគ្របដណ្ដប់លើនយោបាយថៃអស់រយៈពេល២៥ឆ្នាំមកហើយ ប៉ុន្តែឥទ្ធិពលរបស់លោកបានរសាត់ឆ្ងាយនាពេលថ្មីៗនេះ បន្ទាប់ពីការជាប់ពន្ធនាគារចុងក្រោយ និងការបរាជ័យយ៉ាងធ្ងន់ធ្ងររបស់គណបក្សភឿថៃ (Pheu Thai Party) ក្នុងការបោះឆ្នោតកាលពីដើមឆ្នាំនេះ។ដោយកាត់សក់ខ្លី និងស្លៀកសម្លៀកបំពាក់ពណ៌សធម្មតា លោក ថាក់ស៊ីន បានដើរចេញពីពន្ធនាគារនៅម៉ោងប្រហែល ៧:៤០ ព្រឹក ម៉ោងក្នុងស្រុក និងភ្លាមៗនោះត្រូវបានចោមរោមដោយសមាជិកគ្រួសារ រួមទាំងកូនស្រី និងជាអ្នកបន្តវេន គឺលោកស្រី ផែថងថាន ស៊ីណាវ៉ាត់ (Paetongtarn Shinawatra)ដែលត្រូវបានបណ្តេញចេញពីតំណែងជានាយករដ្ឋមន្ត្រីដោយសាលក្រមរបស់តុលាការកាលពីខែសីហា ឆ្នាំ២០២៥ ប៉ុន្មានសប្តាហ៍មុនពេលលោកជាប់ពន្ធនាគារ។បន្ទាប់ពីរស់នៅនិរទេសខ្លួនអស់រយៈពេល ១៥ ឆ្នាំ លោកថាក់ស៊ីន បានវិលត្រឡប់មកប្រទេសថៃវិញនៅឆ្នាំ ២០២៣ ដើម្បីប្រឈមនឹងការកាត់ទោសឱ្យជាប់ពន្ធនាគាររយៈពេល ៨ ឆ្នាំពីបទជម្លោះផលប្រយោជន៍ ពុករលួយ និងការរំលោភអំណាច ពេលរូបលោកធ្វើជានាយករដ្ឋមន្ត្រីពីឆ្នាំ ២០០១ ដល់ ២០០៦ ដែលត្រូវបានព្រះមហាក្សត្រសម្រាលទោសមកត្រឹមមួយឆ្នាំវិញ។ប៉ុន្តែលោកបានជាប់ពន្ធនាគារត្រឹមតែប៉ុន្មានម៉ោងប៉ុណ្ណោះ បន្ទាប់ពីលោកវិលត្រឡប់មកប្រទសវិញ ដោយត្អូញត្អែរពីបញ្ហាបេះដូង និងឈឺទ្រូង បន្ទាប់មកបានចំណាយពេលប្រាំមួយខែនៅក្នុងបន្ទប់ VIP នៃមន្ទីរពេទ្យមួយ រហូតដល់លោកត្រូវបានដោះលែងនៅពេល តែតុលាការតម្រូវឲ្យលោកពាក់ឧបករណ៍អេឡិចត្រូនិកតាមដានសកម្មភាពរយៈពេល៤ខែ៕

អ៊ុយក្រែន និងរុស្ស៊ី ចោទគ្នាទៅវិញទៅមកពីការរំលោភលើបទឈប់បាញ់ដែលគាំទ្រដោយអាមេរិក

បទឈប់បាញ់ដែលត្រូវបានសម្របសម្រួលដោយសហរដ្ឋអាមេរិករវាងរុស្ស៊ី និងអ៊ុយក្រែន ទំនងជាស្ថិតនៅក្រោមភាពតានតឹងខ្លាំងនៅថ្ងៃទីពីរកាលពីថ្ងៃអាទិត្យ ទី១០ ខែឧសភា ដោយភាគីទាំងពីរចោទប្រកាន់គ្នាទៅវិញទៅមកពីការរំលោភលើកិច្ចព្រមព្រៀងដោយការវាយប្រហារកាលពីចុងសប្តាហ៍។ ការផ្អាករយៈពេលបីថ្ងៃ ដែលបានប្រកាសកាលពីថ្ងៃសុក្រដោយប្រធានាធិបតី លោក ដូណាល់ ត្រាំ គឺជាផ្នែកមួយនៃការជំរុញសន្តិភាពដឹកនាំដោយសហរដ្ឋអាមេរិក ដែលរហូតមកដល់ពេលនេះបានបរាជ័យក្នុងការបញ្ចប់សង្គ្រាមមានរយៈពេលជាងបួនឆ្នាំ ទោះបីជាមានផ្នែកការទូតជាច្រើនខែមកក៏ដោយ។ មន្ត្រីអ៊ុយក្រែនបានរាយការណ៍កាលពីថ្ងៃអាទិត្យថា មនុស្សបីនាក់ត្រូវបានសម្លាប់នៅក្នុងការវាយប្រហារដោយយានដ្រូនរបស់រុស្ស៊ីនៅលើតំបន់ជិតសមរភូមិជួរមុខ ហើយការប៉ះទង្គិចគ្នានៅសមរភូមិជាង២០០លើក បានកើតឡើងចាប់តាំងពីព្រឹកថ្ងៃសៅរ៍។ ប្រធានាធិបតី លោក Volodymyr Zelenskyy បាននិយាយថា រុស្ស៊ីបានបញ្ចៀសការវាយប្រហារតាមអាកាស និងមីស៊ីលទ្រង់ទ្រាយធំ ប៉ុន្តែបានបន្តវាយប្រហារនៅតាមផ្នែកមួយចំនួននៃសមរភូមិជួរមុខ ជាកន្លែងដែលកងកម្លាំងរបស់ខ្លួនកំពុងរុលទៅមុខ។ លោកបាននិយាយក្នុងសុន្ទរកថារបស់លោកថា កងទ័ពរុស្ស៊ី មិនបានឃើញភាពស្ងៀមស្ងាត់ណាមួយនៅសមរភូមិទេ ហើយកងទ័ពអ៊ុយក្រែនក៏បានឆ្លើយតប និងការពារទីតាំងរបស់ខ្លួន។ កាលពីថ្ងៃអាទិត្យ ក្រសួងការពារជាតិរុស្ស៊ី បានចោទអ៊ុយក្រែនថាបានបំពានលើការផ្អាកនេះ ដោយនិយាយថា ខ្លួនបានបាញ់ទម្លាក់យានដ្រូនអ៊ុយក្រែនចំនួន ៥៧ គ្រឿងក្នុងរយៈពេលមួយថ្ងៃកន្លងទៅនេះ ហើយ «បានឆ្លើយតបវិញ» នៅលើសមរភូមិ។

ការជម្លៀសអ្នកដំណើរពីនាវារងការវាយលុកដោយវីរុស Hantavirus ជិតបញ្ចប់ហើយ ខណៈមនុស្សច្រើននាក់ត្រឡប់ទៅប្រទេសវិញ

ប្រតិបត្តិការដ៏ស្មុគស្មាញរយៈពេលមួយថ្ងៃ ដើម្បីបញ្ជូនត្រឡប់ទៅវិញអ្នកជិះនៅលើនាវាទេសចរណ៍ដែលរងផលប៉ះពាល់ដោយការផ្ទុះឡើងវីរុស Hanta ជិតបញ្ចប់ហើយកាលពីល្ងាចថ្ងៃអាទិត្យ ទី ១០ ខែឧសភា បន្ទាប់ពីមនុស្ស ៩៤ នាក់ មានសញ្ជាតិផ្សេងៗគ្នាបានជិះយន្តហោះត្រឡប់ទៅប្រទេសវិញពីកោះ Canary របស់ប្រទេសអេស្ប៉ាញ។ អ្នកដំណើរបីនាក់នៅលើពីនាវា MV Hondius ជាស្វាមីភរិយាជនជាតិហូឡង់ និងស្ត្រីជនជាតិអាល្លឺម៉ង់ម្នាក់ បានស្លាប់ ខណៈអ្នកផ្សេងទៀតបានធ្លាក់ខ្លួនឈឺដោយសារជំងឺដ៏កម្រនេះ ដែលជាធម្មតា រាលដាលក្នុងចំណោមពពួកសត្វកកេរ។ គ្មានវ៉ាក់សាំង ឬការព្យាបាលជាក់លាក់ណាមួយសម្រាប់វីរុស Hanta ជាជំងឺរាតត្បាតនៅក្នុងប្រទេសអាហ្សង់ទីន ជាកន្លែងដែលនាវាបានចេញដំណើរកាលពីខែមេសា។ ប៉ុន្តែមន្ត្រីសុខាភិបាល បានបញ្ជាក់ថា ហានិភ័យសម្រាប់សុខភាពសាធារណៈសកលមានកម្រិតទាប ហើយបាននិយាយសម្រាលពីការប្រៀបធៀបទៅនឹងជំងឺរាតត្បាត COVID-19។ រដ្ឋមន្ត្រីក្រសួងសុខាភិបាលអេស្ប៉ាញ លោកស្រី Monica Garcia បានប្រកាសនៅលើកោះ Tenerife បន្ទាប់ពីអ្វីដែលលោកស្រីចាត់ទុកថាជាថ្ងៃដ៏លំបាក ដោយនិយាយថា ប្រតិបត្តិការបានជម្លៀសមនុស្ស៩៤នាក់ មកពី១៩ប្រទេស។ មន្ត្រីអេស្ប៉ាញ បាននិយាយថា ការជម្លៀសអ្នកដំណើរ និងនាវិកភាគច្រើននៅលើនាវាដែលមានមនុស្សជិត ១៥០ នាក់ មកពី២៣ប្រទេស នឹងបន្តរហូតដល់ជើងហោះហើរធ្វើមាតុភូមិនិវត្តន៍ចុងក្រោយទៅកាន់ប្រទេសអូស្ត្រាលី និងហូឡង់ នៅរសៀលថ្ងៃចន្ទនេះ។

ការពិភាក្សារវាងលោកTrump និងលោក Xi ត្រៀមពង្រីកដល់បញ្ហាអ៊ីរ៉ង់ កោះតៃវ៉ាន់ នុយក្លេអ៊ែរ ពាណិជ្ជកម្មនិងAI

យោងតាមក្រុមមន្ត្រីអាមេរិកដែលកំពុងត្រួតពិនិត្យសម្រាប់ដំណើរទស្សនកិច្ចរយៈពេលពីរថ្ងៃរបស់លោក Trump ទៅកាន់ប្រទេសចិននៅសប្តាហ៍នេះ បានឲ្យដឹងថា ប្រធានាធិបតីអាមេរិក លោក Donald Trump និងប្រធានាធិបតីចិន លោក Xi Jinping គ្រោងនឹងពិភាក្សាគ្នាអំពីបញ្ហាអ៊ីរ៉ង់ កោះតៃវ៉ាន់ បញ្ញាសិប្បនិម្មិត និងអាវុធនុយក្លេអ៊ែរ ខណៈប្រទេសទាំងពីរកំពុងពិចារណាពង្រីកកិច្ចព្រមព្រៀងរ៉ែដ៏សំខាន់មួយ ។ មេដឹកនាំនៃប្រទេសដែលមានសេដ្ឋកិច្ចធំជាងគេទាំងពីររបស់ពិភពលោក នឹងធ្វើកិច្ចពិភាក្សាទល់មុខគ្នាជាលើកដំបូងក្នុងរយៈពេលជាងប្រាំមួយខែ ខណៈព្យាយាមធ្វើឱ្យប្រសើរឡើងវិញនូវទំនាក់ទំនងដែលតានតឹងដោយសារពាណិជ្ជកម្ម សង្គ្រាមអាមេរិក និងអ៊ីស្រាអែលជាមួយអ៊ីរ៉ង់ និងវិស័យផ្សេងទៀត។ លោក Trump គ្រោងទៅដល់ទីក្រុងប៉េកាំងនៅថ្ងៃពុធសប្ដាហ៍នេះ មុនពេលកិច្ចពិភាក្សាដែលគ្រោងនឹងធ្វើឡើងនៅថ្ងៃព្រហស្បតិ៍ និងថ្ងៃសុក្រ ត្រូវនឹងថ្ងៃ ១៤ និង១៥ ឧសភា ។ នោះនឹងក្លាយជាដំណើរទស្សនកិច្ចលើកដំបូងរបស់លោកទៅកាន់ប្រទេសចិនចាប់តាំងពីឆ្នាំ ២០១៧។ មន្ត្រីទាំងនោះបាននិយាយថាអាមេរិក និងចិនត្រូវបានគេរំពឹងថានឹងយល់ព្រមលើចំណុចនានាដើម្បីសម្រួលដល់ពាណិជ្ជកម្ម និងការវិនិយោគទៅវិញទៅមក ខណៈប្រទេសចិនត្រូវបានគេរំពឹងថានឹងប្រកាសពីការទិញទាក់ទងនឹងយន្តហោះ Boeing ផលិតផលកសិកម្ម និងថាមពលរបស់អាមេរិក។ មន្ត្រីរូបនោះបាននិយាយថា ប្រទេសទាំងពីរក៏នឹងពិភាក្សាអំពីការបន្ថែមពេលវេលាសម្រាប់ការផ្អាកសង្គ្រាមពាណិជ្ជកម្មរវាងភាគីទាំងពីរ ដែលអនុញ្ញាតឱ្យរ៉ែដ៏កម្រហូរចេញពីប្រទេសចិនទៅកាន់សហរដ្ឋអាមេរិក ទោះបីជាមិនទាន់ច្បាស់ថាតើកិច្ចព្រមព្រៀងនោះនឹងត្រូវបានពង្រីកនៅសប្តាហ៍នេះឬអត់ក៏ដោយ៕

ចក្រភពអង់គ្លេស និងបារាំង នឹងរៀបចំកិច្ចប្រជុំរដ្ឋមន្ត្រីការពារជាតិស្តីពីច្រកសមុទ្រ Hormuz

រដ្ឋាភិបាលចក្រភពអង់គ្លេស បាននិយាយថា អង់គ្លេស និងបារាំង នឹងរៀបចំកិច្ចប្រជុំពហុជាតិសាសន៍នៃរដ្ឋមន្ត្រីការពារជាតិស្តីពីផែនការយោធាដើម្បីស្តារឡើងវិញលំហូរពាណិជ្ជកម្មតាមរយៈច្រកសមុទ្រ Hormuz នៅថ្ងៃអង្គារ ទី១២ ខែឧសភា។ ការប្រកាស បានធ្វើឡើងប៉ុន្មានម៉ោងបន្ទាប់ពីអ៊ីរ៉ង់ បានព្រមានទីក្រុងឡុងដ្រ៍ និងទីក្រុងប៉ារីស ប្រឆាំងនឹងការបញ្ជូននាវាចម្បាំងទៅកាន់តំបន់នោះ។ សេចក្តីថ្លែងការណ៍របស់ក្រសួងការពារជាតិអង់គ្លេសបាននិយាយកាលពីថ្ងៃអាទិត្យថា «រដ្ឋមន្ត្រីការពារជាតិ លោក John Healey នឹងធ្វើជាសហប្រធាននៃកិច្ចប្រជុំចូលរួមដោយប្រទេសជាង៤០ រួមជាមួយសមភាគីបារាំងរបស់លោក លោកស្រី Catherine Vautrin សម្រាប់កិច្ចប្រជុំរដ្ឋមន្ត្រីការពារជាតិលើកដំបូងនៃបេសកកម្មពហុជាតិសាសន៍»។ កិច្ចប្រជុំតាមបណ្តាញអនឡាញ ធ្វើឡើងបន្ទាប់ពីការជួបប្រជុំគ្នារយៈពេលពីរថ្ងៃនៅទីក្រុងឡុងដ៍កាលពីខែមេសា របស់អ្នករៀបចំផែនការយោធា ដែលបានពិភាក្សាអំពីការអនុវត្តជាក់ស្តែងនៃបេសកកម្មពហុជាតិសាសន៍ដឹកនាំដោយចក្រភពអង់គ្លេស និងបារាំង ដើម្បីការពារការធ្វើនាវាចរណ៍នៅលើផ្លូវទឹកដ៏សំខាន់ បន្ទាប់ពីមានបទឈប់បាញ់ប្រកបដោយចីរភាព។ លោក Healey បាននិយាយថា «យើងកំពុងប្រែក្លាយកិច្ចព្រមព្រៀងផ្នែកការទូតទៅជាផែនការយោធាជាក់ស្តែង ដើម្បីស្តារឡើងវិញទំនុកចិត្តសម្រាប់ការដឹកជញ្ជូនឆ្លងកាត់ច្រកសមុទ្រ Hormuz»។ វាបានកើតឡើងនៅពេលដែលប្រទេសបារាំង និងអង់គ្លេស បានបញ្ជូននាវាចម្បាំងទៅកាន់តំបន់មជ្ឈិមបូព៌ា។ ប្រទេសបារាំង បានបញ្ជូននាវាផ្ទុកយន្តហោះដើរដោយថាមពលនុយក្លេអ៊ែររបស់ខ្លួនគឺនាវា Charles de Gaulle ហើយចក្រភពអង់គ្លេសកាលពីថ្ងៃសៅរ៍ បាននិយាយថា ខ្លួនកំពុងបញ្ជូននាវាពិឃាត HMS Dragon ទៅតំបន់នោះផងដែរ។ ប្រទេសទាំងពីរ បាននិយាយថា ការដាក់ពង្រាយនេះគឺជា «ការដាក់ទីតាំងជាមុន» មុនបេសកកម្មអន្តរជាតិណាមួយដើម្បីជួយការពារ ការដឹកជញ្ជូន។

លោក Trump ហៅការឆ្លើយតបរបស់អ៊ីរ៉ង់ចំពោះសំណើអាមេរិកក្នុងការបញ្ចប់សង្គ្រាមថាមិនអាចទទួលយកបានទាំងស្រុង

លោកប្រធានាធិបតី Donald Trump បានច្រានចោលការឆ្លើយតបរបស់អ៊ីរ៉ង់ចំពោះសំណើសហរដ្ឋអាមេរិកក្នុងការបញ្ចប់សង្គ្រាមថា "មិនអាចទទួលយកបានទាំងស្រុង"។ ទីភ្នាក់ងារសារព័ត៌មាន Tasnim ពាក់កណ្តាលផ្លូវការរបស់អ៊ីរ៉ង់បាននិយាយថា សំណើរបស់ទីក្រុងតេអេរ៉ង់ ត្រូវបានផ្ញើតាមរយៈប្រទេសប៉ាគីស្ថាន ដែលបានបម្រើការជាអ្នកសម្របសម្រួល រួមមានការបញ្ចប់សង្គ្រាមភ្លាមៗគ្រប់ជួរមុខទាំងអស់ ការបញ្ឈប់ការបិទផ្លូវទឹកអ៊ីរ៉ង់ពីសំណាក់កងទ័ពជើងទឹករបស់សហរដ្ឋអាមេរិក និងការធានាមិនឱ្យមានការវាយប្រហារបន្ថែមទៀតលើអ៊ីរ៉ង់។ បទឈប់បាញ់មានបំណងសម្រួលដល់ការចរចាដើម្បីបញ្ចប់សង្គ្រាមដែលបានចាប់ផ្តើមដោយសហរដ្ឋអាមេរិក និងអ៊ីស្រាអែលក្នុងខែកុម្ភៈ២០២៦ ត្រូវបានតាមដានយ៉ាងទូលំទូលាយ ទោះបីជាមានការបាញ់ប្រហារម្តងម្កាលក៏ដោយ។កាលពីសប្តាហ៍មុន លោក Trump បាននិយាយម្តងទៀតថា សង្គ្រាមនៅអ៊ីរ៉ង់នឹង "បញ្ចប់យ៉ាងឆាប់រហ័ស"។ ប៉ុន្តែនាយករដ្ឋមន្ត្រីអ៊ីស្រាអែល Benjamin Netanyahu បាននិយាយថា ឃ្លាំងស្តុកអ៊ុយរ៉ានីញ៉ូមដែលចម្រាញ់រួចរបស់អ៊ីរ៉ង់ត្រូវតែ "ដកចេញ" មុនពេលសង្គ្រាមប្រឆាំងនឹងអ៊ីរ៉ង់អាចត្រូវបានចាត់ទុកថាចប់។ លោក Netanyahu បាននិយាយនៅក្នុងសម្រង់បទសម្ភាសន៍មួយចាក់ផ្សាយតាមកម្មវិធី '60 Minutes' របស់ទូរទស្សន៍ CBS ថា នៅតែមានកន្លែងចម្រាញ់សារធាតុអ៊ុយរ៉ានីញ៉ូមផ្សេងទៀត ដែលត្រូវតែកម្ទេចចោល។ កាលពីថ្ងៃអាទិត្យ ប្រធានាធិបតីអ៊ីរ៉ង់ លោក Masoud Pezeshkian ពុំបានសំដៅចំៗលើសំណើនេះទេ ប៉ុន្តែបាននិយាយថា ពួកលោកនឹងមិនឱនក្បាលដាក់សត្រូវឡើយ ហើយប្រសិនបើការនិយាយអំពីការសន្ទនា ឬការចរចាកើតឡើង វាមិនមានន័យថាចុះចាញ់ ឬដកថយនោះទេ។ លោក Trump បានបង្ហោះនៅលើបណ្ដាញសង្គម Truth Social ថា រូបលោកទើបតែបានអានការឆ្លើយតបពីអ្វីដែលហៅថា ‘អ្នកតំណាង’ របស់អ៊ីរ៉ង់។ លោកមិនចូលចិត្តការឆ្លើយតបនោះទេ និងមិនអាចទទួលយកបានទាំងស្រុង៕

បណ្ដាញសង្គម

ព័ត៌មានថ្មីៗ

មន្ត្រី៖ ក្រុមហាម៉ាសនឹងធ្វើកិច្ចពិភាក្សាជាមួយអន្តរការីតំបន់ហ្កាហ្សា នៅអេហ្ស៊ីប

កម្អែហូរចេញពីមាត់ភ្នំភ្លើង Kilauea របស់រដ្ឋហាវ៉ៃ ខណៈការកម្រើកត្រូវបានគេរំពឹងថានឹងកើនឡើង

កិច្ចព្រមព្រៀងពាណិជ្ជកម្មឥណ្ឌា-អាមេរិក ឆ្លុះបញ្ចាំងពីការផ្លាស់ប្តូរពន្ធរបស់ទីក្រុងវ៉ាស៊ីនតោន

អ៊ីស្រាអែល៖ «គ្មានភាពស្ងប់ស្ងាត់ នៅទីក្រុងបេរូត» ទេ បើក្រុមហេសបូឡាមិនបញ្ឈប់ការវាយប្រហារ

វិមានក្រឹមឡាំង៖ អាជ្ញាធរកំពុងធ្វើការដោះស្រាយបញ្ហាបែងចែកប្រេងនៅតំបន់គ្រីមៀ

ពលរដ្ឋជម្លៀសខ្លួនចេញពីតំបន់ជាយក្រុងភាគខាងត្បូងទីក្រុងបេរូត ក្រោយលោក Netanyahu បញ្ជាឲ្យវាយប្រហារក្រុមហេសបូឡា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

គ្រូពេទ្យស្ថិតក្នុងចំណោមមនុស្សច្រើននាក់ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅលីបង់

ប្រទេសចិន ប្រកាសពីដំណើរទស្សនកិច្ចរបស់លោក Trump ចាប់ពីថ្ងៃទី១៣ ដល់ ១៥ឧសភា សប្ដាហ៍នេះ

ប្រេងឡើងថ្លៃ ខណៈសហរដ្ឋអាមេរិក និងអ៊ីរ៉ង់ មិនយល់ស្របលើសំណើសន្តិភាពចុងក្រោយ

នាយករដ្ឋមន្ត្រីអង់គ្លេសលោក Starmer ទាត់ចោលការអំពាវនាវឱ្យលាលែងពីតំណែង ខណៈសម្ពាធកើនឡើង

អ៊ុយក្រែន និងរុស្ស៊ី ចោទគ្នាទៅវិញទៅមកពីការរំលោភលើបទឈប់បាញ់ដែលគាំទ្រដោយអាមេរិក

ការជម្លៀសអ្នកដំណើរពីនាវារងការវាយលុកដោយវីរុស Hantavirus ជិតបញ្ចប់ហើយ ខណៈមនុស្សច្រើននាក់ត្រឡប់ទៅប្រទេសវិញ

ការពិភាក្សារវាងលោកTrump និងលោក Xi ត្រៀមពង្រីកដល់បញ្ហាអ៊ីរ៉ង់ កោះតៃវ៉ាន់ នុយក្លេអ៊ែរ ពាណិជ្ជកម្មនិងAI

ចក្រភពអង់គ្លេស និងបារាំង នឹងរៀបចំកិច្ចប្រជុំរដ្ឋមន្ត្រីការពារជាតិស្តីពីច្រកសមុទ្រ Hormuz

លោក Trump ហៅការឆ្លើយតបរបស់អ៊ីរ៉ង់ចំពោះសំណើអាមេរិកក្នុងការបញ្ចប់សង្គ្រាមថាមិនអាចទទួលយកបានទាំងស្រុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

គ្រូពេទ្យស្ថិតក្នុងចំណោមមនុស្សច្រើននាក់ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅលីបង់

ប្រទេសចិន ប្រកាសពីដំណើរទស្សនកិច្ចរបស់លោក Trump ចាប់ពីថ្ងៃទី១៣ ដល់ ១៥ឧសភា សប្ដាហ៍នេះ

ប្រេងឡើងថ្លៃ ខណៈសហរដ្ឋអាមេរិក និងអ៊ីរ៉ង់ មិនយល់ស្របលើសំណើសន្តិភាពចុងក្រោយ​

នាយករដ្ឋមន្ត្រី​​អង់គ្លេស​លោក Starmer ទាត់ចោលការអំពាវនាវឱ្យលាលែងពីតំណែង ​​ខណៈសម្ពាធកើនឡើង​

អ៊ុយក្រែន និងរុស្ស៊ី ចោទគ្នាទៅវិញទៅមកពីការរំលោភលើបទឈប់បាញ់ដែលគាំទ្រដោយអាមេរិក

ការជម្លៀសអ្នកដំណើរពីនាវារងការវាយលុកដោយវីរុស Hantavirus ជិតបញ្ចប់ហើយ ខណៈមនុស្សច្រើននាក់ត្រឡប់ទៅប្រទេសវិញ

ការពិភាក្សារវាងលោកTrump និងលោក Xi ត្រៀមពង្រីកដល់បញ្ហាអ៊ីរ៉ង់ កោះតៃវ៉ាន់ នុយក្លេអ៊ែរ ពាណិជ្ជកម្មនិងAI

ចក្រភពអង់គ្លេស និងបារាំង នឹងរៀបចំកិច្ចប្រជុំរដ្ឋមន្ត្រីការពារជាតិស្តីពីច្រកសមុទ្រ Hormuz

លោក Trump ហៅការឆ្លើយតបរបស់អ៊ីរ៉ង់ចំពោះសំណើអាមេរិកក្នុងការបញ្ចប់សង្គ្រាមថាមិនអាចទទួលយកបានទាំងស្រុង ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រេងឡើងថ្លៃ ខណៈសហរដ្ឋអាមេរិក និងអ៊ីរ៉ង់ មិនយល់ស្របលើសំណើសន្តិភាពចុងក្រោយ

នាយករដ្ឋមន្ត្រីអង់គ្លេសលោក Starmer ទាត់ចោលការអំពាវនាវឱ្យលាលែងពីតំណែង ខណៈសម្ពាធកើនឡើង

លោក Trump ហៅការឆ្លើយតបរបស់អ៊ីរ៉ង់ចំពោះសំណើអាមេរិកក្នុងការបញ្ចប់សង្គ្រាមថាមិនអាចទទួលយកបានទាំងស្រុង