នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់

ព័ត៌មានអន្តរជាតិ

មន្ត្រី៖ អ៊ីរ៉ង់ «រួមគ្នាប្រឆាំងសត្រូវ» ខណៈកំពុងបន្តតានតឹងជាមួយអាមេរិក និងអ៊ីស្រាអែល

2026/04/27 06:18:42 pm        39
Facebook Telegram Linkin
អ្នកនាំពាក្យនៃគណៈប្រធានសភាអ៊ីរ៉ង់ បានឲ្យដឹងថា ប្រទេសអ៊ីរ៉ង់ «រួបរួមគ្នាប្រឆាំងនឹងសត្រូវ» ក្នុងអំឡុងកំពុងមានភាពតានតឹង ជាមួយសហរដ្ឋអាមេរិក និងអ៊ីស្រាអែល។ នេះបើយោងតាមទីភ្នាក់ងារសារព័ត៌មានរដ្ឋ នាថ្ងៃចន្ទ (ទី២៧ ខែមេសា ឆ្នាំ២០២៦) នេះ។ដូចដែលបានដកស្រង់ដោយសារព័ត៌មាន IRNA លោក Abbas Goudarzi បានអះអាងថា៖ «យើងមិនមានការខ្វែងគំនិតគ្នាឡើយ យើងគឺជាប្រជាជាតិតែមួយ ហើយគោលដៅរបស់យើង គឺតែមួយ។ ការរួបរួមគ្នាតែមួយរបស់យើង គឺហួសពីការបែកបាក់ដែលមានស្រាប់» ។លោក Goudarzi បានកត់សម្គាល់ទៀតថា តួនាទីរបស់សាធារណជន គឺមានសារៈសំខាន់ ដោយបញ្ជាក់ថា ប្រជាជន «ធ្វើឲ្យទីលានជួបជុំកាន់តែកក្រើក ហើយគាំទ្រក្រុមចរចា និងការទូត»។ លោកបានបន្ថែមថា វត្តមានរបស់ប្រជាជន ក៏អាចមានឥទ្ធិពលលើលទ្ធផលនៃការចរចា ជាមួយសហរដ្ឋអាមេរិកផងដែរ។ការកត់សម្គាល់របស់លោក Goudarzi បែបនេះ បានកើតឡើងបន្ទាប់ពីប្រធានាធិបតីអាមេរិក លោក Donald Trump កាលពីសប្តាហ៍មុន បានពន្យារពេលឈប់បាញ់ដែលដំបូងឡើយមានរយៈពេល ២សប្តាហ៍។ កិច្ចព្រមព្រៀងនេះ ដែលត្រូវបានសម្របសម្រួលដោយប៉ាគីស្ថានជាមួយអ៊ីរ៉ង់ បានចាប់ផ្តើមមាននៅថ្ងៃទី៨ ខែមេសា។ លោក Trump បានបញ្ជាក់ថា លោកនឹងពន្យារពេលលើការមានសកម្មភាពបន្ថែមទៀត រហូតដល់ថ្នាក់ដឹកនាំអ៊ីរ៉ង់ អាចបង្ហាញជំហរ «រួមគ្នាតែមួយ» នៅតុចរចា។បទឈប់បាញ់នេះបានបញ្ឈប់សង្គ្រាមរយៈពេលជាច្រើនសប្តាហ៍ ដែលបានចាប់ផ្តើមជាមួយនឹងការវាយប្រហាររបស់សហរដ្ឋអាមេរិក-អ៊ីស្រាអែល លើអ៊ីរ៉ង់ កាលពីថ្ងៃទី២៨ ខែកុម្ភៈ ហើយត្រូវបានបន្តដោយការវាយប្រហារសងសឹករបស់ទីក្រុងតេអេរ៉ង់៕

សាលារៀននៅទីក្រុងញូវដែលី ប្រទេសឥណ្ឌា រោទិ៍កណ្តឹងទឹក ដើម្បីធ្វើឲ្យសិស្សមានជាតិទឹក ស្របពេលអាកាសធាតុក្តៅខ្លាំង

2026/04/27 06:15:32 pm        44
Facebook Telegram Linkin
 សាលារៀននៅទីក្រុងញូវដែលី ប្រទេសឥណ្ឌា បានណែនាំឲ្យប្រើប្រាស់កណ្តឹងទឹក ដើម្បីដាស់តឿនកូនសិស្សឲ្យបន្តមានជាតិទឹកក្នុងខ្លួន ស្របពេលដែលអាកាសធាតុក្តៅខ្លាំងបន្តវាយប្រហារទីក្រុងមួយនេះ ក្នុងនោះគ្រូបង្រៀន បានបញ្ជាឲ្យក្មេងៗទៅផឹកទឹករាល់ពេលចេញលេងម្តង ខណៈស្ថានភាពរលកកម្តៅនៅតែបន្តកើតមាន ។ ការិយាល័យឧតុនិយមឥណ្ឌា បានចេញការព្រមានរលកកម្តៅនៅរដ្ឋភាគខាងជើង Haryana, Chandigarh និងទីក្រុងញូវដែលី ស្របពេលដែលសីតុណ្ហភាពក្តៅខ្លាំង វាយប្រហារតំបន់ជាច្រើនរបស់ប្រទេសមួយនេះ ក្នុងនោះសីតុណ្ហភាពបានកើនឡើងដល់ចន្លោះពី ៤០អង្សាសេ ដល់ ៤៤អង្សាសេ ។ នាយកសាលានិយាយថា គ្រូបង្រៀន ត្រូវបានណែនាំឲ្យធានាថា សិស្សបានផឹកទឹកគ្រប់គ្រាន់ ក្រោយពេលចេញលេងម្តង ជាមួយនឹងប្រព័ន្ធកណ្តឹងទឹក រោទិ៍ជាសញ្ញាឲ្យពួកគេទៅដងទឹក ឬផឹកទឹក កំប៉ុងទឹករបស់ពួកគេ ។ នៅតំបន់ជាច្រើនរបស់ប្រទេសឥណ្ឌា សីតុណ្ហភាពកើនឡើង ៥អង្សាសេពីលើកម្រិតមធ្យម បង្កឲ្យមានស្ថានភាពរលកកម្តៅ ។ សូមបញ្ជាក់ថា ឥណ្ឌាប្រកាសអាសន្នរលកកម្តៅ ពេលដែលសីតុណ្ហភាពអតិបរមា មានពី ៤,៥អង្សាសេ ដល់ ៦,៥អង្សាសេពីលើកម្រិតធម្មតា ហើយនិងរលកកម្តៅធ្ងន់ធ្ងរ ពេលដែលសីតុណ្ហភាពមានជាង ៦,៥អង្សាសេពីលើកម្រិតធម្មតា ៕

ក្រុមហេសបូឡា និយាយថា អ៊ីស្រាអែលបានរំលោភលើបទឈប់បាញ់ជាង ៥០០ដង

2026/04/27 06:12:23 pm        51
Facebook Telegram Linkin
ក្រុមហេសបូឡា បានចោទប្រកាន់អ៊ីស្រាអែលថា បានបំផ្លាញបទឈប់បាញ់ដែលបានចូលជាធរមាននៅថ្ងៃទី ១៧ ខែមេសា។ក្រុមនេះ បាននិយាយនៅក្នុងសេចក្តីថ្លែងការណ៍មួយដែលបានបង្ហោះនៅលើបណ្តាញ Telegram របស់ខ្លួនថា៖«ក្នុងរយៈពេលនេះ អ៊ីស្រាអែលបានរំលោភលើបទឈប់បាញ់នៅលើដី លើអាកាស និងនៅលើស មុទ្រជាង ៥០០ ដង»។ «យើងរំពឹងថា ការបន្តបទឈប់បាញ់រយៈពេលបីសប្តាហ៍ទៀត នឹងជួយបញ្ឈប់ការទម្លាក់គ្រាប់បែក និងការវាយប្រហារដោយគ្រាប់ផ្លោង ប៉ុន្តែផ្ទុយទៅវិញ អ៊ីស្រាអែលបានបង្កើនការឈ្លានពានព្រហ្មទណ្ឌរបស់ខ្លួន»។អង្គការស៊ីអ៊ីតនេះ បានបដិសេធការចោទប្រកាន់របស់នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ ហើយបាននិយាយថា ខ្លួនរក្សាសិទ្ធិ «ក្នុងការការពារទឹកដី និងប្រជាជនរបស់ខ្លួន»។នាពេលថ្មីៗនេះ លោក ណេតាន់យ៉ាហ៊ូ បានដាក់ការទទួលខុសត្រូវចំពោះការរំលោភបំពានបទឈប់បាញ់ទៅលើក្រុមហេសបូឡា ដោយនិយាយថា សកម្មភាពរបស់ក្រុមនេះពិតជាមិនបានគោរពលក្ខខណ្ឌបទឈប់បាញ់ទេ។ លោកក៏បានសន្យាផងដែរថា អ៊ីស្រាអែលនឹងបន្តវាយប្រហារលើទឹកដីលីបង់ »ដើម្បីទប់ស្កាត់ការគំរាមកំហែង»៕

ស្ថិរភាព និងសន្តិភាពមីយ៉ាន់ម៉ា ត្រូវបានពិភាក្សា អំឡុងដំណើរទស្សនកិច្ចរបស់រដ្ឋមន្រ្តីការបរទេសចិន

2026/04/27 06:08:17 pm        68
Facebook Telegram Linkin
 រដ្ឋមន្រ្តីការបរទេសចិនលោក Wang Yi បានជួបជាមួយមេដឹកនាំរបបសឹកប្រែក្លាយជាប្រធានាធិបតីមីយ៉ាន់ម៉ាលោក Min Aung Hlaing នៅទីក្រុងណៃពិដោ ដែលជាការឈប់សំចតចុងក្រោយគេរបស់លោក សម្រាប់ដំណើរទស្សនកិច្ចរយៈពេល ១សប្តាហ៍ទៅកាន់ប្រទេសចំនួន ៣នៅអាស៊ាន ។លោក Wang និងលោក Aung Hlaing បានពិភាក្សាលើការគាំទ្រដ៏មុតមាំនៅតែបន្តសម្រាប់អធិបតេយ្យភាព សន្តិសុខទឹកដី និងស្ថិរភាពរបស់មីយ៉ាន់ម៉ា ក៏ដូចជាការគាំទ្រជាប់លាប់ ដើម្បីជំរុញការអនុវត្តសន្តិភាព និងស្ថិរភាពក្នុងប្រទេសមួយនេះ ការផ្សះផ្សាជាតិនៅក្នុងចំណោមជនជាតិភាគតិច និងសុខដុមរមនាក្នុងសង្គម ។ទូរទស្សន៍រដ្ឋមីយ៉ាន់ម៉ា MRTV រាយការណ៍ថា កិច្ចប្រជុំទ្វេភាគីរបស់ពួកគេ បានធ្វើការសង្កត់ធ្ងន់ពីកិច្ចសហប្រតិបត្តិការបន្ថែមទៀត ។ កិច្ចប្រជុំនេះដែរ បានសង្កត់ធ្ងន់ពីការប្រយុទ្ធប្រឆាំងនឹងការឆបោកតាមប្រព័ន្ធទូរគមនាគមន៍ និងហ្គេមតាមអនឡាញ ក៏ដូចជាជំរុញបន្ថែមទៀត ទំនាក់ទំនងអន្តរជាតិ និងកិច្ចសហប្រតិបត្តិការនៅក្នុងសហគមន៍អាស៊ាន ។នៅមុនដំណើរទស្សនកិច្ចទៅកាន់មីយ៉ាន់ម៉ា លោក Wangបានបំពេញដំណើរទស្សនកិច្ចទៅកាន់ប្រទេសកម្ពុជា និងថៃដែលជាសមាជិកអាស៊ាន ដើម្បីពិភាក្សាលើបញ្ហាក្នុងតំបន់ រួមទាំងកិច្ចសហប្រតិបត្តិការការពារជាតិ និងសន្តិសុខ ការជួញដូរមនុស្ស ឧក្រិដ្ឋកម្មពាក់ព័ន្ធនឹងគ្រឿងញៀន និងឧក្រិដ្ឋកម្មតាមប្រព័ន្ធអ៊ីនធឺណិត ជាមួយប្រទេសទាំង ២នេះ ៕

រដ្ឋមន្ត្រីការបរទេសអ៊ីរ៉ង់ស្តីបន្ទោសអាមេរិកចំពោះការបរាជ័យនៃការចរចាបន្ទាប់ពីទៅដល់ប្រទេសរុស្ស៊ី

2026/04/27 06:01:59 pm        58
Facebook Telegram Linkin
អ្នកការទូតជាន់ខ្ពស់របស់អ៊ីរ៉ង់នៅថ្ងៃចន្ទ ២៧ ខែមេសានេះ បានស្តីបន្ទោសទីក្រុងវ៉ាស៊ីនតោនចំពោះការបរាជ័យនៃការចរចាបន្ទាប់ពីទៅដល់ប្រទេសរុស្ស៊ី ជាផ្នែកមួយនៃដំណើរទស្សនកិច្ចការទូតចុះឡើងៗ ដោយការចរចាដោយផ្ទាល់រវាងភាគីជម្លោះហាក់ដូចជាស្ថិតក្នុងភាពជាប់គាំង។ រដ្ឋមន្ត្រីការបរទេសលោក Abbas Araghchi បានធ្វើអត្ថាធិប្បាយបែបនេះនៅទីក្រុង Saint Petersburg ជាកន្លែងដែលលោកត្រូវគេរំពឹងថានឹងជួបជាមួយប្រធានាធិបតីរុស្ស៊ី Vladimir Putin បន្ទាប់ពីបានធ្វើដំណើរទៅកាន់ប្រទេសអូម៉ង់ក្នុងចន្លោះពេលដំណើរទៅកាន់ប្រទេសប៉ាគីស្ថាន ដែលជាអន្តរការីសំខាន់ក្នុងរយៈពេលប៉ុន្មានថ្ងៃកន្លងមកនេះ។ទីក្រុងអ៊ីស្លាម៉ាបាដបានធ្វើជាម្ចាស់ផ្ទះនៃកិច្ចចរចាជុំទីមួយ និងជុំតែមួយគត់ដែលមិនជោគជ័យរវាងទីក្រុងវ៉ាស៊ីនតោន និងទីក្រុងតេអេរ៉ង់ ហើយដំណើរទស្សនកិច្ចរបស់លោក Araghchi បានជំរុញក្តីសង្ឃឹមសម្រាប់ការចរចាថ្មីកាលពីចុងសប្តាហ៍នេះ រហូតដល់ប្រធានាធិបតីអាមេរិក Donald Trump បានលុបចោលដំណើរទស្សនកិច្ចដែលបានគ្រោងទុកដោយបេសកជនរបស់លោក គឺលោក Steve Witkoff និងលោក Jared Kushner។លោក Araghchi បាននិយាយនៅថ្ងៃចន្ទនេះថា វិធីសាស្រ្តរបស់សហរដ្ឋអាមេរិកបាននាំឱ្យការចរចាជុំមុន ទោះបីជាមានវឌ្ឍនភាពក៏ដោយ ក៏មិនអាចសម្រេចបានគោលដៅរបស់ខ្លួនដោយសារតែការទាមទារហួសហេតុពេក។ បន្ទាប់ពីលុបចោលដំណើរទស្សនកិច្ចរបស់ប្រេសិតលោក លោក Trump បានប្រាប់សារព័ត៌មាន Fox News ថា ប្រសិនបើអ៊ីរ៉ង់ចង់បានការចរចា ពួកគេអាចមករកពួកលោក ឬពួកគេអាចទូរស័ព្ទមកពួកលោកក៏បាន ទោះបីជាលោកបាននិយាយថា ការលុបចោលនេះមិនមែនជាសញ្ញានៃការវិលត្រឡប់ទៅរកអរិភាពវិញក៏ដោយ៕

អ្នកស្រុកជម្លៀសខ្លួនចេញ ខណៈភ្លើងឆេះព្រៃជប៉ុន ឈានចូលដល់ថ្ងៃទី ៤ជាប់ៗគ្នា

2026/04/27 05:57:54 pm        51
Facebook Telegram Linkin
 ក្រុមភ្នាក់ងារពន្លត់អគ្គិភ័យនៅតំបន់ភាគខាងជើងប្រទេសជប៉ុន បានព្យាយាមទប់ស្កាត់ភ្លើងឆេះព្រៃ ២កន្លែងនៅខេត្ត Iwate សម្រាប់រយៈពេល ៤ថ្ងៃជាប់ៗគ្នា ស្របពេលដែលអណ្តាតភ្លើងរីករាលដាលកាន់តែខិតជិតតំបន់រស់នៅរបស់អ្នកស្រុក និងបង្ខំឲ្យប្រជាពលរដ្ឋជាង ៣ពាន់នាក់ ជម្លៀសខ្លួនចេញ ។ ឧទ្ធម្ភាគចក្រមកពីកងកម្លាំងការពារខ្លួនជប៉ុន និងក្រុមភ្នាក់ងារពន្លត់អគ្គិភ័យមកពីខេត្ត Gunma ដែលមានចម្ងាយ ៥៥០គ.មពីខេត្ត Iwate ត្រូវបានដាក់ពង្រាយ ពេលដែលអណ្តាតភ្លើងរីករាលដាលជុំវិញទីក្រុង Otsuchi ជាទីដែល ១ភាគ ៣នៃព្រជាពលរដ្ឋក្នុងទីក្រុង ត្រូវបានបញ្ជាឲ្យជម្លៀសខ្លួនចេញ ។ លោកយាយ Taeko Kajiki វ័យ ៧៦ឆ្នាំ ដែលបានជម្លៀសទៅកាន់ជំរំជម្លៀសខ្លួន និយាយថា វាពិតជាគួរឲ្យខ្លាចខ្លាំងណាស់ ។ បើសិនជាជាផ្ទះរបស់ពួកយើងត្រូវបានភ្លើងឆេះ ខណៈដែលពួកយើងរស់នៅទីនេះ ច្បាស់ណាស់ថា ពួកយើងមិនដឹងថាតើគួរទៅទីណានោះទេ ។ ទីភ្នាក់ងារឧតុនិយមជប៉ុន រាយការណ៍ថា គ្មានភ្លៀងធ្លាក់ត្រូវបានព្យាករថានឹងកើតមាននោះទេ នៅសប្តាហ៍ខាងមុខនេះ បង្កឲ្យមានក្តីបារម្ភកើនឡើងថា ស្ថានភាពអាកាសធាតុស្ងួត អាចនឹងពន្យាពេលការសង្រ្គោះបន្ទាន់ ។ ដោយឡែក លោក Masashi Kikuchi គឺជាអ្នកស្ម័គ្រចិត្តពន្លត់អគ្គិភ័យក្នុងស្រុកមួយរូប និយាយថា ស្ថានភាពខ្យល់បក់ល្អប្រសើរបន្តិចហើយ ប៉ុន្តែស្ថានភាពស្ងួតខ្លាំងបែបនេះ នឹងធ្វើឲ្យភ្លើងឆេះព្រៃនៅតែបន្តឆាបឆេះកាន់តែធ្ងន់ធ្ងរ ៕

កោះតៃវ៉ាន់និយាយសម្រាលផលប៉ះពាល់ ដោយសារទណ្ឌកម្មរបស់ចិន លើក្រុមហ៊ុនផលិតអាវុធអឺរ៉ុប

2026/04/27 05:53:24 pm        61
Facebook Telegram Linkin
អាជ្ញាធរការពារដែនកោះតៃវ៉ាន់ នៅថ្ងៃចន្ទ (ទី២៧ ខែមេសា) នេះ បាននិយាយសម្រាលផលប៉ះពាល់ ដោយសារទណ្ឌកម្មរបស់ចិន លើក្រុមហ៊ុនអឺរ៉ុបចំនួន៧ ពាក់ព័ន្ធនឹងការលក់អាវុធទៅកោះនេះ ដោយបញ្ជាក់ថា វាមិនមែនជាលើកទី១ នោះទេ ដែលមានវិធានការបែបនេះ ហើយវានឹងមិនប៉ះពាល់ដល់សមត្ថភាពរបស់ទីក្រុងតៃប៉ិ ក្នុងការស្វែងរកប្រភាពអាវុធនោះឡើយ។ក្រសួងពាណិជ្ជកម្មចិន កាលពីថ្ងៃសុក្រ បានហាមឃាត់ការនាំចេញទំនិញប្រើប្រាស់បានទាំងយោធា និងស៊ីវិល ទៅកាន់ក្រុមហ៊ុនចំនួន ៧ ដោយសារការលក់អាវុធទៅឲ្យកោះតៃវ៉ាន់ ដោយដាក់ក្រុមហ៊ុនទាំងនោះនៅក្នុងបញ្ជីត្រួតពិនិត្យការនាំចេញរបស់ខ្លួន ជាករណីដ៏កម្រមួយនៃទណ្ឌកម្មដែលផ្តោតលើអឺរ៉ុប និងទាក់ទងជាមួយកោះតៃវ៉ាន់។កោះតៃវ៉ាន់ ដែលត្រូវបានប្រទេសចិនចាត់ទុកថា ជាទឹកដីរបស់ខ្លួននោះ ទទួលបានអាវុធភាគច្រើនពីសហរដ្ឋអាមេរិក។ អឺរ៉ុបមិនបានលក់គ្រឿងយុទ្ធោបករណ៍ដែលមានកម្រិតខ្ពស់ ដូចជាយន្តហោះចម្បាំង ទៅឲ្យទីក្រុងតៃប៉ិអស់រយៈពេលប្រហែល ៣ទសវត្សរ៍មកហើយ ដោយបារម្ភថា ធ្វើឲ្យទីក្រុងប៉េកាំងខឹងសម្បា។អំឡុងពេលឆ្លើយសំណួរអ្នកតំណាងរាស្ត្រ នៅសភា អាជ្ញាធរការពារកោះតៃវ៉ាន់ លោក Wellington Koo បាននិយាយថា នេះមិនមែនជាលើកទី១ ទេ ដែលប្រទេសចិនបានអនុវត្តវិធានការបញ្ជីខ្មៅបែបនេះ៕

ក្រុមមេដឹកនាំអាមេរិកឡាទីនថ្កោលទោសការបាញ់ប្រហារនៅពិធីលៀងសាយភោជន៍ក្នុងសេតវិមាន

2026/04/27 05:48:11 pm        60
Facebook Telegram Linkin
 ក្រុមមេដឹកនាំអាមេរិកឡាទិន បានបង្ហោះសារនៅលើបណ្តាញព័ត៌មានសង្គម ដើម្បីថ្កោលទោសការបាញ់ប្រហារក្នុងពិធីលៀងសាយភោជន៍នៅសេតវិមាន កាលពីយប់ថ្ងៃសៅរ៍ ។ នៅជុំវិញពិភពលោក ក្រុមមេដឹកនាំបានធ្វើការថ្កោលទោសការវាយប្រហារមួយនេះ និងបង្ហាញពីអារម្មណ៍ធូរស្បើយ ពេលដែលប្រធានាធិបតីសហរដ្ឋអាមេរិកលោក Donald Trump និងក្រុមអ្នកចូលរួមពិធីទាំងអស់មានសុវត្ថិភាព ដោយពួកគេបញ្ជាក់ពីសាមគ្គីភាពជាមួយសហរដ្ឋអាមេរិក ។ ក្រុមមន្រ្តីនិយាយថា លោក Trump និងក្រុមមន្រ្តីក្នុងដ្ឋបាលរបស់លោក ទំនងជាក្លាយជាគោលដៅរបស់ជនសង្ស័យបានបាញ់ប្រហារលើភ្នាក់ងារសន្តិសុខម្នាក់ដែលយាមកាមនៅក្នុងពិធីលៀងសាយភោជន៍នេះ នៅទីក្រុងវ៉ាស៊ីនតោន ។ អតីតភ្នាក់ងារអង្គភាពសេវាចារកម្ម ២រូប និងមន្ត្រីជាន់ខ្ពស់អាមេរិក ៣រូប បានប្រាប់សារព័ត៌មានរ៉យទ័រកាលពីថ្ងៃអាទិត្យថា ភ្នាក់ងារសហព័ន្ធបានអនុវត្តផែនការរបស់ពួកគេ ដើម្បីការពារប្រធានាធិបតីដោយប្រសិទ្ធភាពកាលពីយប់ថ្ងៃសៅរ៍ ដោយបានបញ្ឈប់ខ្មាន់កាំភ្លើងរងការចោទប្រកាន់ មុនពេលជននេះទៅដល់ជាន់ក្រោមដីនៃសណ្ឋាគារ Washington Hilton ជាកន្លែងដែលលោក Trump ត្រៀមនឹងថ្លែងសុន្ទរកថា ។   គួររំឭកថា លោក Trump បានគេចផុតពីការប៉ុនប៉ងធ្វើឃាតម្តងរួចមកហើយនៅទីក្រុង Butler រដ្ឋ Pennsylvania កាលពីឆ្នាំ ២០២៤ ។ នៅក្នុងការប៉ុនប៉ងលើកនោះ លោក Trump បានរងរបួសត្រង់ផ្នែកខាងលើត្រជាក់របស់លោក ដោយសារខ្មាន់កាំភ្លើងវ័យ ២០ឆ្នាំ ដែលត្រូវបានបាញ់សម្លាប់ដោយមន្រ្តីសន្តិសុខ ៕

ជនប៉ាឡេស្ទីននៅទីក្រុងហ្កាហ្សា កាន់ទុក្ខមនុស្សជាទីស្រលាញ់ដែលត្រូវបានសម្លាប់ក្នុងការបាញ់ប្រហាររបស់អ៊ីស្រាអែល

2026/04/27 05:44:04 pm        56
Facebook Telegram Linkin
 ជនប៉ាឡេស្ទីន បានជួបជុំគ្នាធ្វើពិធីបុណ្យសពនៅទីក្រុងហ្កាហ្សា ដើម្បីកាន់ទុក្ខមនុស្សជាទីស្រលាញ់របស់ពួកគេដែលត្រូវបានសម្លាប់នៅក្នុងការបាញ់ប្រហាររបស់អ៊ីស្រាអែល និងការផ្លោងគ្រាប់កាំភ្លើងរបស់រថក្រោះ ដែលបានសម្លាប់មនុស្ស ២នាក់ នៅជិតទីក្រុងហ្កាហ្សាកាលពីថ្ងៃអាទិត្យ ។ ក្រុមមន្រ្តីសុខភាពនៅដែនដីបិទច្រកមួយនេះ និយាយថា ការវាយប្រហាររបស់យោធាអ៊ីស្រាអែល បានសម្លាប់ជនប៉ាឡេស្ទីន ៤នៅតំបន់ហ្កាហ្សាស្រ្ទីប កាលពីថ្ងៃអាទិត្យ ។ ក្រុមគ្រូពេទ្យបឋម និយាយថា ការបាញ់ប្រហារ និងការផ្លោងគ្រាប់កាំភ្លើងធំរបស់រថក្រោះ សម្លាប់មនុស្ស ២នាក់ នៅជិតទីក្រុងហ្កាហ្សា ហើយការវាយប្រហារតាមច្រកអាកាសធ្វើឡើងដោយកងកម្លាំងអ៊ីស្រាអែល បានសម្លាប់មនុស្សម្នាក់ នៅជិតភូមិ Al-Mughraqa ស្ថិតនៅភាគកណ្តាលហ្កាហ្សា ។ នៅក្នុងឧបទ្ទេវហេតុមួយទៀត កងកម្លាំងអ៊ីស្រាអែល បានបាញ់សម្លាប់ស្រ្តីវ័យ ៤០ឆ្នាំម្នាក់ នៅទីក្រុង Khan Younis ស្ថិតនៅភាគខាងត្បូងតំបន់ហ្កាហ្សា ។ យោធាអ៊ីស្រាអែលនិយាយថា ពួកគេពុំបានដឹងពីការវាយប្រហារណាមួយដោយទាហានរបស់ខ្លួននោះឡើយនៅតំបន់នោះ នៅពេលដែលឧបទ្ទេវហេតុត្រូវបានគេរាយការណ៍កាលពីថ្ងៃអាទិត្យ ។ សូមបញ្ជាក់ថា ជនប៉ាឡេស្ទីនយ៉ាងហោច ៨០០នាក់ ត្រូវបានសម្លាប់ ចាប់តាំងពីបទឈប់បាញ់ចូលជាធរមានកាលពីខែតុលា ឆ្នាំមុន រវាងក្រុមហាម៉ាស និងអ៊ីស្រាអែល ខណៈដែលទាហានអ៊ីស្រាអែល ៤នាក់ ត្រូវបានសម្លាប់ផងដែរ ដោយក្រុមជីវពល ចាប់តាំងពីពេលនោះមក ៕

រដ្ឋមន្ត្រីការបរទេសអារ៉ាប់រួម និងអាមេរិក ពិភាក្សាអំពីកិច្ចខិតខំប្រឹងប្រែង ដើម្បីសន្តិភាពនៅមជ្ឈិមបូព៌ា

2026/04/27 05:40:53 pm        55
Facebook Telegram Linkin
រដ្ឋមន្ត្រីការបរទេសអារ៉ាប់រួម លោក Sheikh Abdullah bin Zayed Al-Nahyan បាននិយាយតាមទូរស័ព្ទទៅកាន់រដ្ឋមន្ត្រីការបរទេសអាមេរិក លោក Marco Rubio កាលពីថ្ងៃអាទិត្យ អំពីការវិវត្តចុងក្រោយបំផុតនៅក្នុងតំបន់។ទីភ្នាក់ងារសារព័ត៌មាន Emirates បានរាយការណ៍ថា ពួកគេបានពិភាក្សាអំពីបទឈប់បាញ់រវាងសហរដ្ឋអាមេរិក និងអ៊ីរ៉ង់ និងបានស្វែងយល់ពីវិធី ដើម្បីសម្រេចបានសន្តិភាព និងសន្តិសុខ តាមរយៈការពង្រីងសកម្មភាពរួមគ្នា។លោក Sheikh Abdullah បានសរសើរកិច្ចខិតខំប្រឹងប្រែងរបស់ប្រធានាធិបតីអាមេរិក លោក ដូណាល់ ត្រាំ ( Donald Trump) ក្នុងការលើកកម្ពស់សន្តិភាព ជាពិសេសរវាងប្រទេសលីបង់ និងអ៊ីស្រាអែល ហើយបាននិយាយថា ដំណោះស្រាយនយោបាយ គឺជាមធ្យោបាយដ៏មានប្រសិទ្ធភាពបំផុត ដើម្បីដោះស្រាយវិបត្តិ និងបង្កើនសន្តិសុខក្នុងតំបន់។រដ្ឋមន្ត្រីទាំងពីរ ក៏បានពិភាក្សាអំពីផលប៉ះពាល់នៃការវាយប្រហារដោយមីស៊ីលរបស់អ៊ីរ៉ង់ទៅលើអមីរ៉ាតអារ៉ាប់រួម និងប្រទេសដទៃទៀត និងឥទ្ធិពលរបស់វាទៅលើសន្តិភាពអន្តរជាតិ ការផ្គត់ផ្គង់ថាមពល សន្តិសុខដែនសមុទ្រ និងស្ថិរភាពសេដ្ឋកិច្ច៕

បណ្ដាញសង្គម

ព័ត៌មានថ្មីៗ

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
05/30/2026 05:05 PM
Facebook Telegram Linkin
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
05/30/2026 05:05 PM
Facebook Telegram Linkin
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
05/30/2026 05:05 PM
Facebook Telegram Linkin
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់
05/30/2026 05:05 PM
Facebook Telegram Linkin
អ្នកនៅ​រស់​ពីការ​ជាប់​ក្នុង​រូងភ្នំ នៅ​ឡាវ បានបរិភោគ​ថាសឈើសម្រាប់រែង​​មាស ដើម្បីបន្ត​ជីវិត
05/30/2026 05:05 PM
Facebook Telegram Linkin
មនុស្ស​ ១៨នាក់ស្លាប់ និង ៣០នាក់រងរបួស ដោយសារ​រថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន
05/30/2026 05:05 PM
Facebook Telegram Linkin
សេតវិមាន៖ លោក Trump «នឹងធ្វើតែ​កិច្ចព្រមព្រៀងដែលល្អសម្រាប់អាមេរិកប៉ុណ្ណោះ​» ជាមួយអ៊ីរ៉ង់
05/30/2026 05:05 PM
Facebook Telegram Linkin
នាយករដ្ឋមន្ត្រី៖ កាណាដា និងចិន កំពុង​សាង​​ «ភាពជាដៃគូប្រកប​ដោយ​ស្ថិរភាព និងការ​ស្ថាបនាបន្ថែម​ទៀត​»
05/30/2026 05:05 PM
Facebook Telegram Linkin
រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប
05/30/2026 05:05 PM
Facebook Telegram Linkin
របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់​ៗ
05/30/2026 05:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.