BTV NEWS

ប្រធានមន្ទីរបច្ចកោណ៖ អាមេរិកត្រៀមរួចរាល់ក្នុងការចាប់ផ្តើមឡើងវិញការវាយប្រហារ បើសិនគ្មានកិច្ចព្រមព្រៀងជាមួយអ៊ីរ៉ង់

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំចេញដោយសុវត្ថិភាព

លោក Hegseth៖ យុគសម័យឧបត្ថម្ភធនការពារជាតិពីអាមេរិក សម្រាប់ «ប្រទេសអ្នកមាន» ចប់ហើយ

មន្ត្រីជាន់ខ្ពស់អ៊ីរ៉ង់ និយាយថា លោក Trump «ក្បត់ការទូត» ដោយបន្តបិទខ្ទប់ដោយទ័ពជើងទឹកអាមេរិក

ព័ត៌មានអន្តរជាតិ

លោក Macron ត្រូវបានស្វាគមន៍ដោយប្រធានាធិបតីស៊ីប មុនជំនួបកំពូល EUស្តីពីអ៊ីរ៉ង់

នៅថ្ងៃព្រហស្បតិ៍នេះ ប្រធានាធិបតីបារាំងលោក Emmanuel Macron បានជួបប្រធានាធិបតីស៊ីបលោក Nikos Christodoulides នៅទីក្រុង Nicosia មុនជំនួបកំពូលរបស់ក្រុមមេដឹកនាំសហភាពអឺរ៉ុប(EU)ដែលធ្វើម្ចាស់ផ្ទះដោយប្រទេសនៅក្នុងសមុទ្រមេឌីទែរ៉ាណេមួយនេះ ។ ជំនួបក្រៅផ្លូវការរយៈពេល ២ថ្ងៃ នឹងរៀបចំឡើងនៅក្នុងទីក្រុង Nicosia និងទីក្រុង Ayia Napa ហើយនិងត្រូវបានធ្វើជាប្រធានដោយប្រធានក្រុមប្រឹក្សា EUលោក Antonio Costa ។ ជំនួបកំពូលនេះ មានការចូលរួមពីប្រមុខរដ្ឋ EU និងដៃគូមកពីតំបន់មជ្ឈិមបូព៌ា ដើម្បីពិភាក្សាលើវិបត្តិអ៊ីរ៉ង់ សន្តិសុខថាមពល និងក្របខណ្ឌហិរញ្ញវត្ថុពហុឆ្នាំរបស់ប្លុកមួយនេះ ។ ជម្លោះនៅអ៊ុយក្រែននឹងក្លាយជាប្រធានបទពិភាក្សាដ៏សំខាន់ផងដែរ ស្របពេលដែលលោកប្រធានាធិបតី Volodymyr Zelenskiy នឹងចូលរួមជំនួបកំពូលមួយនេះ ។ ពេលជួបលោក Christodoulides នៅវិមានប្រធានាធិបតីស៊ីប លោក Macron និយាយថា ពួកយើងមានប្រធានបទរួមច្រើនណាស់ដែលពួកយើងចង់ពិភាក្សា ហើយបញ្ហាភូមិសាស្រ្តនយោបាយ ពួកយើងពិភាក្សារួមគ្នា ។ លោកគិតថា នេះគឺជាឱកាសដ៏អស្ចារ្យមួយ ៕

តំណាងរាស្រ្តហេសបូឡារបស់លីបង់ គាំទ្រឲ្យបន្តបទឈប់បាញ់ បើសិនអ៊ីស្រាអែលអនុលោមតាមយ៉ាងពេញលេញ

លោក Hassan Fadlallah គឺជាតំណាងរាស្រ្តហេសបូឡានិយាយថា លីបង់ចង់ឲ្យបទឈប់បាញ់បន្ត ប៉ុន្តែផ្អែកលើលក្ខខណ្ឌដែលមានការអនុលោមតាមយ៉ាងពេញលេញពីសត្រូវអ៊ីស្រាអែល ។ថ្លែងក្នុងសន្និសីទសារព័ត៌មានចាក់ផ្សាយលើកញ្ចក់ទូរទស្សន៍ លោក Fadlallah បានបញ្ជាក់ឡើងវិញពីការជំទាស់របស់ក្រុមហេសបូឡាចំពោះជំនួបទល់មុខគ្នា ហើយលោកបានជំរុញឲ្យរដ្ឋាភិបាលលីបង់លុបចោលគ្រប់ទម្រង់ទាំងអស់នៃការប្រាស្រ័យទាក់ទងដោយផ្ទាល់ជាមួយអ៊ីស្រាអែល ។នៅថ្ងៃព្រហស្បតិ៍នេះ សហរដ្ឋអាមេរិក នឹងរៀបចំជំនួបលើកទី ២រវាងប្រេសិតលីបង់ និងអ៊ីស្រាអែល ក្នុងនោះទីក្រុងបេរូត ព្យាយាមបន្តបទឈប់បាញ់រវាងអ៊ីស្រាអែល និងក្រុមហេសបូឡា រយៈពេល ១ថ្ងៃប៉ុណ្ណោះ ក្រោយការវាយប្រហាររបស់អ៊ីស្រាអែល បានស្លាប់មនុស្សយ៉ាងហោច ៥នាក់ រួមទាំងអ្នកសារព័ត៌មានម្នាក់ផងដែរ ។បទឈប់បាញ់សម្របសម្រួលដោយសហរដ្ឋអាមេរិកដែលគ្រោងនឹងបញ្ចប់នៅថ្ងៃអាទិត្យនេះ ជួយកាត់បន្ថយអំពើហិង្សាបានច្រើន ប៉ុន្តែការវាយប្រហារនៅតែបន្តនៅតំបន់ភាគខាងត្បូងលីបង់ ជាទីដែលទាហានអ៊ីស្រាអែលរឹបអូសបានតំបន់ទ្រនាប់ប្រកាសដោយខ្លួនឯង ។ក្រុមហេសបូឡាគាំទ្រដោយអ៊ីរ៉ង់ និយាយថា ពួកគេមានសិទ្ធិតស៊ូជាមួយកងកម្លាំងកាន់កាប់អ៊ីស្រាអែល ។កាលពីថ្ងៃពុធម្សិលមិញ គឺជាថ្ងៃស្លាប់មនុស្សច្រើនបំផុតនៅលីបង់ ចាប់តាំងពីបទឈប់បាញ់ចូលជាធរមានកាលពីថ្ងៃទី ១៦ ខែមេសា ៕

វិមានក្រឹមឡាំង៖ រុស្ស៊ីនៅរក្សាការផ្គត់ផ្គង់ប្រេង បុន្តែពុំមានគំនិតផ្តួចផ្តើម OPEC+ ថ្មីនោះទេ

អ្នកនាំពាក្យវិមានក្រឹមឡាំងលោក Dmitry Peskov និយាយនៅថ្ងៃព្រហស្បតិ៍នេះថា រុស្ស៊ីនៅតែរក្សាការផ្គត់ផ្គង់ប្រេងរបស់ខ្លួន ហើយនិងរួមចំណែកជួយឲ្យស្ថិរភាពតម្លៃទីផ្សារ និងកំហិតផលប៉ះពាល់នៃវិបត្តិបង្កឡើងដោយសារសង្រ្គាមអ៊ីរ៉ង់ ។ លោកថា ក្រៅពីការរក្សាការផ្គត់ផ្គង់ ទីក្រុងមូស្គូពុំមានគំនិតផ្តួចផ្តើមជាក់លាក់នោះទេ ដើម្បីស្នើសុំក្នុងលក្ខខណ្ឌប្រទេសនាំចេញប្រេង OPEC+ ។ លោក Peskov បញ្ជាក់ថា នៅពេលនេះ ដូចដែលអ្នកដឹងស្រាប់ហើយថា ពួកយើងកំពុងរួមចំណែកធ្វើឲ្យស្ថិរភាពតម្លៃប្រេង និងកាត់បន្ថយផលវិបាកនៃវិបត្តិឲ្យមកនូវកម្រិតអប្បរមាសម្រាប់វិស័យថាមពលសកល ។ លោកនិយាយទៀតថា រុស្ស៊ីនៅបន្តផ្គត់ផ្គង់ប្រេង តម្រូវការកើនឡើង បរិមាណប្រេងផ្តល់ជូនលើទីផ្សារមិនកើនឡើងនោះទេ តែផ្ទុយទៅវិញវាបែរជាថយចុះ ។ បច្ចុប្បន្ន នៅពុំទាន់មាននោះទេគំនិតផ្តួចផ្តើមផ្សេងទៀតលើរបៀបវារៈមួយនេះ ៕

លោក Trump បានបញ្ជាឲ្យកងទ័ពជើងទឹកអាមេរិក «បាញ់កម្ទេច» ទូកដាក់មីននៅច្រកសមុទ្រ Hormuz

ប្រធានាធិបតីសហរដ្ឋអាមេរិក លោក Donald Trump បញ្ជាក់ថា លោកបានបញ្ជាឲ្យកងទ័ពជើងទឹករបស់សហរដ្ឋអាមេរិក «បាញ់កម្ទេច» ទូកណាមួយ «ដែលកំពុងដាក់មីននៅក្នុងដែនទឹកនៃច្រកសមុទ្រ Hormuz»។ជាមួយគ្នានេះ លោក Trump សរសេរនៅលើបណ្ដាញសង្គម Truth Social ថា៖ «លើសពីនេះទៀត ក្រុមបោសសម្អាតមីនរបស់យើង កំពុងសម្អាតច្រកសមុទ្រនៅពេលនេះ។ ខ្ញុំកំពុងបញ្ជាឲ្យបន្តសកម្មភាពនោះ ប៉ុន្តែត្រូវមានកម្រិតខ្ពស់ជាងមុន ៣ដង!»។យ៉ាងណាក្ដី សហរដ្ឋអាមេរិកមិនទាន់បានបញ្ជាក់នៅឡើយទេថា តើនាវាអ៊ីរ៉ង់បានដាក់មីន នៅក្នុងច្រកសមុទ្រ Hormuz នេះដែរ ឬអត់ ប៉ុន្តែប្រាប់ថា ខ្លួនបានចាត់វិធានការបង្ការជាបន្តបន្ទាប់ ក្នុងករណីមាន។គួរបញ្ជាក់ថា ការអត្ថាធិប្បាយនេះបានកើតឡើង ស្របពេលមានសកម្មភាពយោធាកាន់តែខ្លាំងឡើង នៅក្នុងសមុទ្រ ជុំវិញអ៊ីរ៉ង់ ទោះបីជាមានការពន្យារបទឈប់បាញ់ រវាងទីក្រុងវ៉ាស៊ីនតោន និងតេអេរ៉ង់ក៏ដោយ៕

របាយការណ៍៖ ប៉ូឡូញនឹងដាក់ពង្រាយកងពលរ៉ូកែតថ្មី នៅក្នុងទីក្រុងភាគកណ្តាល

យោងតាមសេចក្ដីរាយការណ៍ពីប្រព័ន្ធផ្សព្វផ្សាយមួយ នៅថ្ងៃព្រហស្បតិ៍ (ទី២៣ ខែមេសា ឆ្នាំ២០២៦) នេះ បានឲ្យដឹងថា ប្រទេសប៉ូឡូញនឹងដាក់ពង្រាយកងពលតូចរ៉ូកែតថ្មីដែលមានទាហានចំនួនប្រហែល ៨០០នាក់នៅក្នុងទីក្រុងភាគកណ្តាល ដែលជាផ្នែកមួយនៃការបង្កើនយោធាកាន់តែទូលំទូលាយ។ទូរទស្សន៍សាធារណៈ TVP World ដោយដកស្រង់សម្តីរបស់ឧបនាយករដ្ឋមន្ត្រី លោក Wladyslaw Kosiniak-Kamysz បានរាយការណ៍ថា ចំណាត់ការនេះនឹងធ្វើឡើងជាផ្នែកមួយនៃការបង្កើនយោធា សម្រាប់ «ការការពារសាធារណរដ្ឋប៉ូឡូញ»។លោក Kosiniak-Kamysz បានកត់សម្គាល់ថា កងពលតូចរ៉ូកែតទី២ នេះ នឹងមានមូលដ្ឋាន នៅក្នុងទីក្រុងភាគកណ្តាល Lowicz និង Gostynin ក្រោមកម្មវិធីកញ្ចប់ពង្រឹងកងកម្លាំងប្រដាប់អាវុធឆ្នាំ២០២៣-២០២៥ (Armed Forces Strengthening Package 2023-2025)។បន្ទាប់ពីចុះហត្ថលេខាលើលិខិតបង្ហាញចេតនាជាមួយអភិបាលក្រុង Gostynin ស្តីពីកិច្ចសហប្រតិបត្តិការក្នុងសន្តិសុខជាតិ និងការពារជាតិ កាលពីថ្ងៃពុធ រដ្ឋមន្ត្រីក្រសួងការពារជាតិ បាននិយាយថា «ឆាប់ៗនេះ ទាហាន ៨០០នាក់ នឹងឈរជើងនៅក្នុងតំបន់នេះ»។អង្គភាពនេះនឹងត្រូវបានបំពាក់មួយផ្នែកដោយជើងទម្របាញ់រ៉ូកែតច្រើនគ្រាប់ K239 Chunmoo របស់កូរ៉េខាងត្បូង ដែលភាគច្រើនកំពុងត្រូវបានដំឡើងនៅក្នុងស្រុក៕

យោធាអាមេរិក៖ នាវាដឹកប្រេងមួយគ្រឿងទៀតដែលមានទំនាក់ទំនងជាមួយអ៊ីរ៉ង់ ត្រូវបានរឹបអូស

យោធាអាមេរិក នៅថ្ងៃព្រហស្បតិ៍ (ទី២៣ ខែមេសា ឆ្នាំ២០២៦) នេះ បានរឹបអូសនាវាដឹកប្រេងមួយគ្រឿងទៀតដែលជាប់ពាក់ព័ន្ធនឹងការរត់ពន្ធប្រេងរបស់អ៊ីរ៉ង់ ដោយធ្វើឲ្យមានការប្រឈមមុខដាក់គ្នាកាន់តែខ្លាំងឡើង ជាមួយទីក្រុងតេអេរ៉ង់ ពោលគឺមួយថ្ងៃបន្ទាប់ពីកងឆ្មាំបដិវត្តន៍ឥស្លាម (IRGC) បានឡើងកាន់កាប់នាវា ២គ្រឿង នៅក្នុងច្រកសមុទ្រ Hormuz ដ៏សំខាន់។ក្រសួងការពារជាតិបានបញ្ចេញវីដេអូនៃកងកម្លាំងអាមេរិកនៅលើនាវាដឹកប្រេង Majestic X ដែលត្រូវបានរឹបអូស នៅក្នុងមហាសមុទ្រឥណ្ឌា។សេចក្តីថ្លែងការណ៍របស់មន្ទីរបញ្ចកោណ បានឲ្យដឹងថា៖ «យើងនឹងបន្តការអនុវត្តច្បាប់សមុទ្រសកល ដើម្បីរំខានដល់បណ្តាញខុសច្បាប់ និងហាមឃាត់នាវាដែលផ្តល់ការគាំទ្រសម្ភារៈដល់អ៊ីរ៉ង់ មិនថា ពួកគេធ្វើប្រតិបត្តិការនៅទីណាក៏ដោយ»។ទិន្នន័យតាមដាននាវា បានបង្ហាញថា នាវា Majestic X នៅក្នុងមហាសមុទ្រឥណ្ឌា ចន្លោះប្រទេសស្រីលង្កា និងឥណ្ឌូនេស៊ី ជាទីតាំងប្រហាក់ប្រហែលនឹងនាវាដឹកប្រេង Tifani ដែលកងកម្លាំងអាមេរិករឹបអូសនៅមុននេះ។ នាវានេះត្រូវធ្វើដំណើរឆ្ពោះទៅកាន់ទីក្រុង Zhoushan ប្រទេសចិន។មិនមានការឆ្លើយតបភ្លាមៗពីអ៊ីរ៉ង់នោះឡើយ ជុំវិញព័ត៌មាននៃការរឹបអូសនោះទេ។ ការរឹបអូសនេះបានកើតឡើងមួយថ្ងៃបន្ទាប់ពីអ៊ីរ៉ង់បានវាយប្រហារនាវាដឹកទំនិញ ៣គ្រឿង នៅក្នុងច្រកសមុទ្រ Hormuz ដោយឃាត់ទុកបាន ២គ្រឿង ជាចំណាត់ការដែលបានបង្កើនការវាយប្រហាររបស់ខ្លួន លើការដឹកជញ្ជូនទំនិញនៅក្នុងផ្លូវទឹកសំខាន់ដែលការជួញដូរ ២០ភាគរយនៃប្រេងរបស់ពិភពលោកឆ្លងកាត់ច្រកនេះ ក្នុងពេលមានសន្តិភាព៕

ប្រធានផ្នែកមនុស្សធម៌របស់UN៖ ស៊ីរីអាចជាដំណើររឿងជោគជ័យនៃការកសាងឡើងវិញ ក្រោមជំនួយអន្តរជាតិ

លោក Tom Fletcher អគ្គលេខាធិការរងអង្គការសហប្រជាជាតិទទួលបន្ទុកកិច្ចការមនុស្សធម៌ និងជាអ្នកសម្របសម្រួលជំនួយសង្គ្រោះបន្ទាន់ បាននិយាយកាលពីថ្ងៃពុធថា ស៊ីរីអាចជាដំណើររឿងជោគជ័យសម្រាប់ពិភពលោក អាស្រ័យលើការគាំទ្រពីអន្តរជាតិ។នៅពេលធ្វើសន្និសីទនៅក្រុមប្រឹក្សាសន្តិសុខអំពីស្ថានភាពនៅក្នុងប្រទេសស៊ីរី លោក Fletcher បាននិយាយថា លោក គឺស្ថិតក្នុងជំហរមួយ ដើម្បីចែករំលែកវឌ្ឍភាពវិជ្ជមានបន្ថែមទៀត។លោក Fletcher បាននិយាយថា អំឡុងពេលទស្សនកិច្ចរបស់លោកទៅកាន់ប្រទេសស៊ីរីកាលពីខែមុន លោកបានឃើញវឌ្ឍនភាព៖ មនុស្សរាប់លាននាក់វិលត្រឡប់មកផ្ទះវិញ ទីផ្សារកំពុងរីកចម្រើន និងចរន្តអគ្គិសនីត្រូវបានស្តារឡើងវិញ។ប៉ុន្តែលោកបានព្រមានថា ប្រទេសស៊ីរីប្រឈមនឹងហានិភ័យធំៗចំនួនបី៖ ផលប៉ះពាល់នៃជម្លោះដែលរីករាលដាលពាសពេញតំបន់ តម្រូវការមនុស្សធម៌ដ៏ច្រើនសន្ធឹកសន្ធាប់នៅក្នុងប្រទេសនេះ និងកង្វះខាតថវិកាសម្រាប់ជំនួយមនុស្សធម៌៕

រដ្ឋមន្ត្រីការពារជាតិចិននឹងទៅបំពេញទស្សនកិច្ចនៅប្រទេសរុស្ស៊ី និងគៀហ្ស៊ីស៊ីស្ថាន នៅថ្ងៃទី២៣-២៨ ខែមេសា

រដ្ឋមន្ត្រីការពារជាតិចិន លោក Dong Jun នឹងទៅបំពេញទស្សនកិច្ចនៅប្រទេសរុស្ស៊ី និងគៀហ្ស៊ីស៊ីស្ថាន នៅថ្ងៃទី២៣-២៨ ខែមេសា ដើម្បីចូលរួមក្នុងកិច្ចប្រជុំរដ្ឋមន្ត្រីការពារជាតិនៃប្រទេសសមាជិករបស់អង្គការសហប្រតិបត្តិការសៀងហៃ (SCO) ។ នេះបើយោងតាមក្រសួងការពារជាតិចិន។ក្រសួងការពារជាតិចិន បាននិយាយនៅក្នុងសេចក្ដីថ្លែងការណ៍មួយនៅលើកម្មវិធីទំនាក់ទំនង WeChat ថា៖«រដ្ឋមន្ត្រីការពារជាតិចិន លោក Dong Jun នឹងទៅបំពេញទស្សនកិច្ចនៅប្រទេសរុស្ស៊ី និងគៀហ្ស៊ីស៊ីស្ថាន នៅថ្ងៃទី២៣-២៨ ខែមេសា តាមការអញ្ជើញរបស់ប្រទេសម្ចាស់ផ្ទះ ហើយក៏នឹងចូលរួមក្នុងកិច្ចប្រជុំរបស់ប្រធានទីភ្នាក់ងារការពារជាតិនៃប្រទេសសមាជិក SCO ដែលនឹងប្រព្រឹត្ត ទៅនៅទីក្រុង Bishkek។ក្រសួងបានឲ្យដឹងទៀតថា លោក Dong Jun នឹងជួបជាមួយប្រធានគណៈប្រតិភូ SCO ដើម្បីផ្លាស់ប្តូរទស្សនៈលើស្ថានភាពអន្តរជាតិ និងតំបន់ ក៏ដូចជាទស្សនវិស័យសម្រាប់កិច្ចសហប្រតិបត្តិការការពារជាតិ និងសន្តិសុខ៕

សេតវិមាន៖ មេដឹកនាំអាមេរិកមិនបានផ្តល់ពេលវេលាច្បាស់លាស់សម្រាប់ការបញ្ចប់បទឈប់បាញ់ជាមួយអ៊ីរ៉ង់ទេ

អ្នកនាំពាក្យសេតវិមាន លោកស្រី Karoline Leavitt បានថ្លែងប្រាប់អ្នកយកព័ត៌មានថា ប្រធានាធិបតីអាមេរិក លោក ដូណាល់ ត្រាំ មិនបានកំណត់ថ្ងៃផុតកំណត់យ៉ាងតឹងរ៉ឹងសម្រាប់អ៊ីរ៉ង់ ក្នុងការដាក់សំណើកិច្ចព្រមព្រៀងនោះទេ។ លោកស្រីបានឆ្លើយតបទៅនឹងសំណួរពាក់ព័ន្ធមួយថា៖«លោកប្រធានាធិបតីមិនបានកំណត់ថ្ងៃផុតកំណត់យ៉ាងម៉ឺងម៉ាត់ ដើម្បីទទួលសំណើរបស់អ៊ីរ៉ង់ទេ មិនដូចរបាយការណ៍មួយចំនួនដែលខ្ញុំបានឃើញ នៅថ្ងៃ ព្រហស្បតិ៍នេះទេ។ នៅទីបំផុត ពេលវេលា នឹងត្រូវបានកំណត់ដោយលោកអគ្គមេបញ្ជាការកងទ័ព គឺលោកប្រធានាធិបតីសហរដ្ឋអាមេរិក»។លោកស្រីបានបន្ថែមថា៖«ខ្ញុំដឹងថា មានប្រភពព័ត៌មានអនាមិកមួយចំនួនរាយការណ៍ថា ប្រហែលជាមានថ្ងៃផុតកំណត់បីទៅប្រាំថ្ងៃ។ នោះពុំមែនជាការពិតទេ។ លោកប្រធានាធិបតីមិនបានកំណត់ថ្ងៃផុតកំណត់ដោយខ្លួនឯងទេ»។នាពេលមុននេះ គេហទំព័រព័ត៌មាន Axios បានរាយការណ៍ដោយដកស្រង់ប្រភពថា ការបន្តបទឈប់បាញ់រវាងសហរដ្ឋអាមេរិក និងអ៊ីរ៉ង់ នឹងមិនមានកំណត់ទេ។ យោងតាមប្រភព លោកប្រមុខសេតវិមាន បានបង្ហាញការត្រៀមផ្តល់ឲ្យទីក្រុងតេអេរ៉ង់បីទៅប្រាំថ្ងៃទៀត ដើម្បីឲ្យ«ជនជាតិអ៊ីរ៉ង់អាចរៀបចំកិច្ចការរបស់ពួកគេឲ្យមានសណ្តាប់ធ្នាប់»៕

UN៖ សង្គ្រាមអ៊ីរ៉ង់បានរុញច្រានមនុស្សជាង ៣០លាននាក់ ឲ្យធ្លាក់ចូលទៅក្នុងភាពក្រីក្រ

ប្រធានផ្នែកអភិវឌ្ឍន៍របស់អង្គការសហប្រជាជាតិ លោក Alexander De Croo បាននិយាយនៅថ្ងៃព្រហស្បតិ៍នេះថា មនុស្សជាង ៣០ លាននាក់ នឹងត្រូវរុញច្រានឲ្យធ្លាក់ចូលទៅក្នុងភាពក្រីក្រ ដោយសារផលប៉ះពាល់នៃសង្គ្រាមអ៊ីរ៉ង់ រួមទាំងការរំខានដល់ការផ្គត់ផ្គង់ប្រេងឥន្ធនៈ និងជី ស្របពេលដែលកសិករកំពុងដាំដំណាំ។ អ្នកគ្រប់គ្រងកម្មវិធីអភិវឌ្ឍន៍របស់អង្គការសហប្រជាជាតិ (UNDP) បានប្រាប់សារព័ត៌មារ៉យទ័រថា កង្វះខាតជី ដែលកាន់តែអាក្រក់ទៅៗ ដោយសារការបិទនាវាដឹកទំនិញមិនឲ្យឆ្លងកាត់ច្រកសមុទ្រហ័រមូស បានធ្វើឲ្យផលិតភាពកសិកម្មថយចុះរួចទៅហើយ។ អតីតនាយករដ្ឋមន្ត្រីបែលហ្ស៊ិករូបនេះ បានបន្ថែមថា បញ្ហាកង្វះខាតជីនេះ ទំនងជានឹងប៉ះពាល់ដល់ទិន្នផលដំណាំ នៅចុងឆ្នាំនេះ។លោកបាននិយាយថា៖«អសន្តិសុខស្បៀងនឹងឈានដល់កម្រិតខ្ពស់បំផុតរបស់វា ក្នុងរយៈពេលពីរបីខែទៀត ហើយគ្មានអ្វីច្រើនដែលអ្នកអាចធ្វើបាននោះទេ» ដោយបានលើកឡើងពីផលវិបាកផ្សេងទៀតនៃវិបត្តិនេះ រួមទាំងកង្វះខាតថាមពល និងការធ្លាក់ចុះនៃប្រាក់បញ្ញើ៕

បណ្ដាញសង្គម

ព័ត៌មានថ្មីៗ

កម្ពុជា តវ៉ាជាផ្លូវការប្រឆាំងនឹងការបន្តរំលោភបំពានរបស់ភាគីថៃមកលើអធិបតេយ្យ កម្ពុជាដោយកងទ័ពថៃ

ទេសរដ្ឋមន្រ្តី គន់ គីម អញ្ជើញចុះសួរទុក្ខប្រជាពលរដ្ឋភៀសសឹកស្នាក់នៅផ្ទះបណ្តោះអាសន្ន ក្នុងខេត្តព្រះវិហារ

វេជ្ជបណ្ឌិត៖ សុខភាពលោក Trump គឺល្អប្រសើរណាស់ ប៉ុន្តែគួរតែសម្រកទម្ងន់

អ្នកនៅរស់ពីការជាប់ក្នុងរូងភ្នំ នៅឡាវ បានបរិភោគថាសឈើសម្រាប់រែងមាស ដើម្បីបន្តជីវិត

មនុស្ស ១៨នាក់ស្លាប់ និង ៣០នាក់រងរបួស ដោយសាររថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន

សេតវិមាន៖ លោក Trump «នឹងធ្វើតែកិច្ចព្រមព្រៀងដែលល្អសម្រាប់អាមេរិកប៉ុណ្ណោះ» ជាមួយអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877