BTV NEWS

គណៈកម្មាការUN និយាយថា ប្រទេសស៊ីរី ត្រូវតែបញ្ចប់អំពើហិង្សាលើជនជាតិភាគតិច Alawites និងការពារកន្លែងគោរពបូជា

ក្រុមហ៊ួទីនៅយេម៉ែន អះអាងថា ខ្លួនបានវាយប្រហារដោយមីស៊ីលលើអ៊ីស្រាអែល ប៉ុន្តែត្រូវស្ទាក់ចាប់បាន

មន្ត្រី៖ ទាហាន ១៣នាក់ បានស្លាប់ ក្នុងការវាយប្រហារអត្តឃាត នៅភាគពាយ័ព្យប៉ាគីស្ថាន

ក្រុមអង្គការជំនួយអន្តរជាតិ កំពុងខិតខំសម្របសម្រួលការផ្គត់ផ្គង់ជំនួយបន្ថែមទៀត ដល់ប្រជាជននៅតំបន់ហ្កាហ្សា

ព័ត៌មានអន្តរជាតិ

[BREAKING NEWS] ហ្វូងបាតុករ ចេញតវ៉ាឡោមព័ទ្ធជុំវិញវិមានរដ្ឋាភិបាលថៃ ទាមទារឱ្យលោកស្រី Paetongtarn ចុះចេញពីតំណែង

ក្រុមបាតុករមកពីបណ្តាញនិស្សិត និងប្រជាជនដើម្បីកំណែទម្រង់ប្រទេសថៃ ហៅកាត់ថា NSPRT ដឹកនាំដោយលោក Pichit Chaimongkol បានប្រមូលផ្តុំគ្នាតវ៉ាយ៉ាងតានតឹងនៅខាងក្រៅវិមានរដ្ឋាភិបាលប្រទេសថៃ ក្នុងថ្ងៃអង្គារ (២៤ មិថុនា) នេះ ដោយទាមទារឱ្យនាយករដ្ឋមន្ត្រីថៃ លោកស្រី Paetongtarn Shinawatra ចុះចេញពីតំណែងជាបន្ទាន់ ស្របពេលវិបត្តិនយោបាយផ្ទៃក្នុងដ៏ជ្រៅ៕

ចិន ប្រកាសធ្វើក្បួនព្យុហយាត្រាយោធានៅខែកញ្ញា ដើម្បីអបអរការបញ្ចប់សង្រ្គាមលោកលើកទីពីរ

ប្រទេសចិន បានប្រកាសនៅថ្ងៃអង្គារ (២៤ មិថុនា) នេះថា ខ្លួននឹងរៀបចំដង្ហែក្បួនព្យុហយាត្រាដ៏ធំមួយនៅក្នុងខែកញ្ញា ខាងមុខនេះ ដើម្បីប្រារព្ធខួប ៨០ឆ្នាំ ចាប់តាំងពីការបញ្ចប់សង្គ្រាមលោកលើកទី២។ មន្ត្រីយោធាជាន់ខ្ពស់ម្នាក់បាននិយាយនៅក្នុងសន្និសីទសារព័ត៌មានមួយថា លោកប្រធានាធិបតី Xi Jinping នឹងធ្វើជាអធិបតីក្នុងព្រឹត្តិការណ៍នេះនៅទីលានចតុរង្គ ធានអានម៉ិន (Tiananmen) ទីក្រុងប៉េកាំង នៅថ្ងៃទី០៣ ខែកញ្ញា។វិមានក្រឹមឡាំង បាននិយាយថា ប្រធានាធិបតីរុស្ស៊ី លោក Vladimir Putin នឹងទៅចូលរួម ចំណែកមេដឹកនាំពិភពលោកផ្សេងទៀត ក៏ត្រូវបានរំពឹងទុកផងដែរ នៅក្នុងពិធីរំលឹកខួបនេះ។ ក្បួនយោធានេះនឹងមានការចូលរួមពីកងទ័ពជើងគោក ក្នុងការដង្ហែក្បួនជាទ្រង់ទ្រាយធំ ក្បួនហោះហើរពីយន្តហោះ និងគ្រឿងយុទ្ធោបករណ៍ប្រយុទ្ធបច្ចេកវិទ្យាខ្ពស់ៗជាច្រើនទៀត។ក្នុងឆ្នាំ២០១៥ ចិនបានប្រារព្ធពិធីដង្ហែរក្បួនដ៏ធំមួយ ដោយមានកងទ័ពរាប់ពាន់នាក់បានដើរជាក្បួនយ៉ាងស្វាហាប់ឆ្លងកាត់ទីលានចតុរង្គធានអានម៉ិន។ រថក្រោះ និងមីស៊ីលក៏បានសង្ហែតាមពីក្រោយ ខណៈយន្តហោះជិត ២០០គ្រឿង ធ្វើការហោះហើរលើផ្ទៃមេឃ។អាជ្ញាធរចិនបានប្រមូលផ្តុំអ្នកទស្សនារាប់សែននាក់ បិទផ្លូវជាច្រើននៅកណ្តាលក្រុង បិទព្រលានយន្តហោះ និងកាត់បន្ថយសកម្មភាពរោងចក្រ និងយានយន្តដែលបញ្ចេញជាតិពុល ដើម្បីធានាបាននូវផ្ទៃមេឃពណ៌ខៀវស្រងាត់ដ៏ស្រស់ស្អាតដើម្បីអបអរពិធី៕

របាយការណ៍៖ មនុស្ស ១១០លាននាក់ទូទាំងទ្វីបអឺរ៉ុប រងផលប៉ះពាល់សុខភាព ព្រោះការបំពុលដោយសំឡេង

យោងតាមរបាយការណ៍មួយបានឱ្យដឹងថា មនុស្សជាង ១១០លាននាក់ នៅទូទាំងទ្វីបអឺរ៉ុប កំពុងទទួលរងនូវការបំពុលដោយសំឡេងរំខាន ដែលប៉ះពាល់ដល់សុខភាពក្នុងកម្រិតខ្ពស់។ លទ្ធផលនៃភាពតានតឹងផ្នែកសរីរវិទ្យា និងការរំខានដល់ដំណេក នាំឱ្យមានការស្លាប់មុនអាយុ ៦៦០.០០០នាក់ក្នុងមួយឆ្នាំ និងករណីជាច្រើននៃជំងឺបេះដូង ជំងឺទឹកនោមផ្អែម និងជំងឺធ្លាក់ទឹកចិត្ត ព្រោះតែការបំពុលដោយសំឡេងទាំងនេះ។របាយការណ៍ពីទីភ្នាក់ងារបរិស្ថានអឺរ៉ុប (EEA) ផ្តោតលើសំឡេងរំខានពីរថយន្ត រថភ្លើង និងយន្តហោះ ហើយបានរកឃើញថា ២០% នៃចំនួនប្រជាជនសរុបក្នុងតំបន់សេដ្ឋកិច្ចអឺរ៉ុប (EEA) រងផលប៉ះពាល់ផ្នែកសុខភាព។ ការស្រាវជ្រាវដាច់ដោយឡែកមួយ ដោយប្រើកម្រិតទាបជាងបន្តិចនៃការបំពុលដោយសំឡេងដ៏គ្រោះថ្នាក់ បានរកឃើញថា ៤០% នៃប្រជាជនចក្រភពអង់គ្លេស ត្រូវប៉ះពាល់នឹងសំឡេងរំខានពីការដឹកជញ្ជូន។ការវិភាគរកឃើញថា មនុស្ស ១៧លាននាក់ បានស៊ូទ្រាំនឹងការបំពុលដោយសំលេងខ្លាំងជាពិសេស - "រយៈពេលវែង និងការរំខានខ្ពស់" - ហើយស្ទើរតែ ៥លាននាក់ ទទួលរងការរំខានដំណេក "ធ្ងន់ធ្ងរ" ខណៈកុមារ ១៥លាននាក់ រស់នៅក្នុងតំបន់ដែលមានសំលេងរំខាន ហើយគ្រោះថ្នាក់ដល់សុខភាពពីសំលេងរំខានគឺធំធេងជាងគ្រោះថ្នាក់ពីផ្សែងបារីថ្នាំជក់ទៅទៀត ដែលបណ្តាលឱ្យមានការចំណាយសេដ្ឋកិច្ចជិត ១០០ពាន់លានអឺរ៉ូ ក្នុងមួយឆ្នាំ។ក្រុមអ្នកស្រាវជ្រាវនិយាយថា ការខូចខាតសុខភាពទំនងជាត្រូវប៉ាន់ស្មានមិនដល់នោះទេ។ ដោយប្រើប្រាស់កម្រិតដ៏តឹងរ៉ឹងរបស់អង្គការសុខភាពពិភពលោក WHO សម្រាប់ការបំពុលដោយសំឡេងដ៏គ្រោះថ្នាក់ បានបង្ហាញថា មនុស្សប្រមាណ ១៥០លាននាក់ នៅទូទាំងទ្វីបអឺរ៉ុប រងផលប៉ះពាល់។ គួរឱ្យដឹងថា ប្រភពនៃការ បំពុលដោយសំឡេង មានដូចជា សំឡេងចរាចរណ៍ យន្តហោះ រទេះភ្លើង តន្ត្រី និង ម៉ាស៊ីននៅក្នុងរោងចក្រជាដើម៕

EU ព្រមានចាត់វិធានការប្រឆាំងនឹងអ៊ីស្រាអែល ប្រសិនបើស្ថានភាពនៅហ្កាហ្សា មិនប្រសើរឡើង

ប្រធានគោលនយោបាយការបរទេសរបស់ប្លុកអឺរ៉ុប លោកស្រី Kaja Kallas បានលើកឡើងថា សហភាពអឺរ៉ុបអាចនឹងចាត់វិធានការដើម្បីបង្កើនសម្ពាធលើអ៊ីស្រាអែល លុះត្រាតែមានការកែលម្អ "ជាក់ស្តែង" សម្រាប់ប្រជាជននៅតំបន់ហ្កាហ្សា។ បន្ទាប់ពីជួបជាមួយបណ្ដារដ្ឋមន្ត្រីការបរទេសរបស់ប្លុកនៅទីក្រុងប្រ៊ុចសែល លោកស្រី Kallas បាននិយាយថា អ៊ីស្រាអែលបានរំលោភលើការប្តេជ្ញាចិត្តសិទ្ធិមនុស្សរបស់ខ្លួនយ៉ាងច្បាស់នៅក្នុងតំបន់ Gaza និង West Bank។លោកស្រីបានព្រមានដោយមិនបញ្ជាក់លម្អិតថា៖ ប្រសិនបើស្ថានការណ៍សម្រាប់ពលរដ្ឋប៉ាឡេស្ទីនមិនបានប្រសើរឡើងទេ នោះសហភាពអឺរ៉ុបអាចពិភាក្សាអំពី "វិធានការបន្ថែមទៀត ហើយត្រលប់មករឿងនេះវិញក្នុងខែកក្កដា"។បណ្ដារដ្ឋមន្ត្រីការបរទេសទាំងនោះ ពិភាក្សាពីទំនាក់ទំនងសហភាពអឺរ៉ុប ជាមួយអ៊ីស្រាអែល បន្ទាប់ពីរបាយការណ៍មួយដោយក្រុមរបស់លោកស្រី Kallas បានរកឃើញ "ការចង្អុលបង្ហាញ" ដែលថាសម្ព័ន្ធមិត្តរបស់ខ្លួនមួយនេះកំពុងរំលោភលើកាតព្វកិច្ចសិទ្ធិមនុស្ស ជុំវិញស្ថានការណ៍មនុស្សធម៌ដ៏មហន្តរាយនៅហ្កាហ្សា និងការតាំងទីលំនៅដោយអំពើហិង្សានៅតំបន់ West Bank។កាលពីចុងសប្តាហ៍ អ៊ីស្រាអែលបានបញ្ចេញប្រតិកម្មយ៉ាងខឹងសម្បារចំពោះឯកសារត្រួតពិនិត្យដែលលេចធ្លាយនោះ ដោយពណ៌នាថាជារឿងគួរឱ្យខឹងសម្បារ និងមិនសមរម្យ។ នៅក្នុងអនុស្សរណៈមួយទៅកាន់សេវាបរទេសរបស់សហភាពអឺរ៉ុប អ៊ីស្រាអែលរិះគន់ថា ការត្រួតពិនិត្យនេះគឺជា "សេចក្ដីសង្ខេបដោយលំអៀងជ្រុលនិយមបំផុតនៃសំឡេងប្រឆាំងអ៊ីស្រាអែល"៕

[UPDATE] លោក Trump ប្រាប់អ៊ីស្រាអែល និងអ៊ីរ៉ង់កុំបំពាន ខណៈបទឈប់បាញ់ចូលជាធរមាន

ប្រធានាធិបតីអាមេរិក លោក Donald Trump នៅថ្ងៃអង្គារ (ទី២៤ ខែមិថុនា) នេះ បានបញ្ជាក់ថា បទឈប់បាញ់ រវាងអ៊ីស្រាអែល និងអ៊ីរ៉ង់ ឥឡូវនេះ បានចូលជាធរមានហើយ ហើយបានស្នើឲ្យប្រទេសទាំង២ កុំបំពានកិច្ចព្រមព្រៀងនេះ ដោយការលើកឡើងនេះកើតមានត្រឹមតែប៉ុន្មានម៉ោងបន្ទាប់ពីអ៊ីរ៉ង់បានបាញ់មីស៊ីលបន្តកន្ទុយគ្នា ដែលសេវារថយន្តសង្គ្រោះរបស់អ៊ីស្រាអែល បានប្រាប់ថា បណ្ដាលឲ្យមនុស្សយ៉ាងតិច ៤នាក់ស្លាប់។តាមរយៈការសរសេរសារជាអក្សរធំៗបង្ហោះនៅលើបណ្ដាញសង្គម Truth Social លោក Trump បានសង្កត់ធ្ងន់ថា៖ «បទឈប់បាញ់ឥឡូវនេះចូលជាធរមានហើយ។ សូមមេត្តាកុំបំពានវា!» ។ គួរបញ្ជាក់ថា នៅពេលដែលលោក Trump បានប្រកាសកាលពីថ្ងៃទី២៣ ខែមិថុនា នូវអ្វីដែលលោកហៅថា បទឈប់បាញ់ពេញលេញ ដើម្បីបញ្ចប់សង្រ្គាមរយៈពេល ១២ថ្ងៃនោះ លោកហាក់ដូចជាបានបង្ហាញថា អ៊ីស្រាអែល និងអ៊ីរ៉ង់ នឹងមានពេលវេលា ដើម្បីបំពេញបេសកកម្មដែលកំពុងដំណើរការ ពោលគឺជាចំណុចដែលបទឈប់បាញ់ នឹងចាប់ផ្ដើមម្ដងមួយជំហានៗ។សាក្សីបានឲ្យដឹងថា ពួកគេបានឮសំឡេងផ្ទុះ នៅជិតទីក្រុង Tel Aviv និង Beersheba នៅភាគខាងត្បូងអ៊ីស្រាអែល មុនពេលមានសេចក្តីថ្លែងការណ៍របស់លោក Trump។ យោធាអ៊ីស្រាអែល បានប្រាប់ថា គ្រាប់មីស៊ីលរត់បន្តគ្នាចំនួន ៦គ្រាប់ ត្រូវបានបាញ់ដោយអ៊ីរ៉ង់ ហើយសេវារថយន្តសង្គ្រោះជាតិរបស់អ៊ីស្រាអែល បានបញ្ជាក់ថា មនុស្ស ៣នាក់ បានបាត់បង់ជីវិត នៅក្នុងទីក្រុង Beersheba ដែលជាការស្លាប់ដំបូងនៅអ៊ីស្រាអែល ចាប់តាំងពីលោក Trump បានប្រកាសបទឈប់បាញ់។ទីភ្នាក់ងារសារព័ត៌មានពាក់កណ្តាលផ្លូវការរបស់អ៊ីរ៉ង់ SNN បានរាយការណ៍នៅថ្ងៃទី២៤ ខែមិថុនាថា ទីក្រុងតេអេរ៉ង់បានបាញ់មីស៊ីលជុំចុងក្រោយរបស់ខ្លួន មុនពេលបទឈប់បាញ់ចូលជាធរមាន។មន្ត្រីសេតវិមានជាន់ខ្ពស់ម្នាក់ បានប្រាប់ឲ្យដឹងថា លោក Trump បានសម្របសម្រួលឲ្យមានបទឈប់បាញ់ អំឡុងការសន្ទនាតាមទូរសព្ទជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu ហើយអ៊ីស្រាអែលបានយល់ព្រម ដរាបណាអ៊ីរ៉ង់មិនបើកការវាយប្រហារបន្ថែមទៀត។មន្ត្រីអ៊ីរ៉ង់ម្នាក់បានអះអាងនៅមុននេះថា ទីក្រុងតេអេរ៉ង់បានយល់ព្រមលើបទឈប់បាញ់ ប៉ុន្តែរដ្ឋមន្ត្រីការបរទេស លោក Abbas Araghchi បាននិយាយថា នឹងមិនមានការបញ្ចប់អរិភាពឡើយ ប្រសិនបើអ៊ីស្រាអែលមិនបញ្ឈប់ការវាយប្រហាររបស់ខ្លួន៕

[BREAKING NEWS] លោក Trump ប្រាប់អ៊ីស្រាអែល និងអ៊ីរ៉ង់កុំបំពាន ខណៈបទឈប់បាញ់ចូលជាធរមាន

រញ្ជួយដីកម្រិត ៦,៣រ៉ិចទ័រ វាយប្រហារភាគខាងត្បូងហ្វីលីពីន តែពុំមានការព្រមានពីរលកយក្សស៊ូណាមិទេ

ទីភ្នាក់ងារស្ទាបស្ទង់ភូគភ្ពសាស្ត្រសហរដ្ឋអាមេរិក (USGS) បាននិយាយថា គ្រោះរញ្ជួយដីកម្រិត ៦,៣រ៉ិចទ័រ បានវាយប្រហារភាគខាងត្បូងប្រទេសហ្វីលីពីន នៅថ្ងៃអង្គារ (២៤ មិថុនា) នេះ ប៉ុន្តែមិនមានការជូនដំណឹងអំពីរលកយក្សស៊ូណាមិឡើយ។ យោងតាម USGS បានឱ្យដឹងថា ការរញ្ជួយដីដ៏រាក់នោះ បានវាយប្រហារចម្ងាយប្រហែល ៣៧៤គីឡូម៉ែត្រភាគខាងកើតនៃកោះ Davao។ពុំទាន់មានសេចក្តីរាយការណ៍ភ្លាមៗពីអ្នកស្លាប់ របួស ឬការខូចខាតនោះទេ។ វិទ្យាស្ថានតាមដានបន្ទុះភ្នំភ្លើង និងរញ្ជួយដីហ្វីលីពីន បានរាយការណ៍ពីរញ្ជួយដីក្នុងកម្រិត ៦,៤រ៉ិចទ័រ ហើយនិយាយថា មិនមានការប្រកាសអាសន្នរលកយក្សស៊ូណាមិ ត្រូវបានដាក់ចេញនោះទេ។គួរឱ្យដឹងថា រញ្ជួយដីកើតឡើងស្ទើរតែរាល់ថ្ងៃទៅហើយនៅហ្វីលីពីន ដែលស្ថិតនៅលើ "តំបន់កងភ្លើង" មហាសមុទ្រប៉ាស៊ីហ្វិក ជាទីដែលមានសកម្មភាពរញ្ជួយខ្លាំងក្លា លាតសន្ធឹងពីជប៉ុន ឆ្លងកាត់អាស៊ីអាគ្នេយ៍ និងឆ្លងកាត់អាងប៉ាស៊ីហ្វិក។កម្លាំងរញ្ជួយដីភាគច្រើនគឺខ្សោយខ្លាំងពេកដែលមនុស្សមិនអាចមានអារម្មណ៍ដឹងបាន ប៉ុន្តែរញ្ជួយដែលខ្លាំងក្លា និងបំផ្លិចបំផ្លាញ កើតឡើងដោយចៃដន្យ ហើយពុំមានបច្ចេកវិទ្យាជឿនលឿនណាមួយដែលអាចទាយទុកជាមុនបានទេ ថានៅពេលណា និងទីកន្លែងណាដែលរញ្ជួយដីធំៗអាចនឹងវាយប្រហារ៕

ការវាយប្រហាររបស់រុស្ស៊ីលើអ៊ុយក្រែនសម្លាប់ជនស៊ីវិល១៤នាក់ ខណៈលោក Zelenskyy ធ្វើដំណើរទៅកាន់ចក្រភពអង់គ្លេស

ក្រុមមន្ត្រីក្នុងតំបន់បាននិយាយកាលពីថ្ងៃចន្ទដើមសប្ដាហ៍នេះថា យានដ្រូន និងមីស៊ីល របស់រុស្ស៊ីបានសម្លាប់ជនស៊ីវិលយ៉ាងហោចណាស់ ១៤ នាក់ និងរាប់សិបនាក់ផ្សេងទៀតរងរបួសក្នុងការវាយប្រហារទាំងយប់លើអ៊ុយក្រែន ក្នុងនោះមនុស្ស៩នាក់ស្លាប់ក្នុងរដ្ឋធានី Kyiv ជាទីដែលអគារផ្ទះល្វែងមួយបានដួលរលំដោយផ្នែក។ការវាយប្រហារបានកើតឡើងស្របពេលប្រធានាធិបតីអ៊ុយក្រែនលោក Volodymyr Zelenskyy បានចាប់ផ្តើមដំណើរទស្សនកិច្ចទៅកាន់ចក្រភពអង់គ្លេស ដែលលោកបានជួបជាលក្ខណៈឯកជនជាមួយព្រះមហាក្សត្រ Charles III ។ កងទ័ពអាកាសអ៊ុយក្រែនបាននិយាយថា រុស្ស៊ីបានបាញ់យានដ្រូនចំនួន ៣៥២ គ្រឿង ទាំងយប់ ព្រមទាំងមីស៊ីលផ្លោងចំនួន ១១ ដើម និងមីស៊ីលតម្រង់គោលដៅ៥ ដើម។ សេចក្តីថ្លែងការណ៍មួយបាននិយាយថា ប្រព័ន្ធការពារដែនអាកាសបានស្ទាក់ចាប់ ឬរារាំងយានដ្រូនចំនួន ៣៣៩គ្រឿង និងមីស៊ីលចំនួន ១៥ គ្រាប់ មុនពេលអាចទៅដល់គោលដៅ។ អាជ្ញាធរបាននិយាយថា ការវាយប្រហារដោយមីស៊ីលផ្លោងរបស់រុស្ស៊ីបានបំផ្លាញវិទ្យាល័យមួយនៅពេលក្រោយមក ក្នុងថ្ងៃដដែលនៅតំបន់ Odesa ភាគខាងត្បូងនៃប្រទេសអ៊ុយក្រែន ដោយបានសម្លាប់បុគ្គលិកពីរនាក់។ លោកZelenskyy ដែលពណ៌នាការវាយប្រហារនេះថា "ជាទង្វើផ្ដេសផ្ដាស់បំផុត" បាននិយាយថា គ្មានសិស្សនៅក្នុងបរិវេណនោះទេ ដោយសារវិស្សមកាលរដូវក្តៅ។ ការវាយប្រហារនេះបានកើតឡើងជិតមួយសប្តាហ៍បន្ទាប់ពីការវាយប្រហាររបស់រុស្ស៊ីបានសម្លាប់មនុស្ស ២៨នាក់នៅក្នុងទីក្រុង Kyiv ក្នុងចំណោមពួកគេ២៣ នាក់នៅក្នុងអគារលំនៅដ្ឋានដែលបានដួលរលំបន្ទាប់ពីការបាញ់ផ្លោងដោយមីស៊ីល៕

តុលាការអាមេរិក អនុញ្ញាតឱ្យរដ្ឋបាលលោកTrump និរទេសជនអន្តោប្រវេសន៍ទៅកាន់ «ប្រទេសទីបី»

តុលាការកំពូលរបស់សហរដ្ឋអាមេរិក កាលពីថ្ងៃចន្ទ បានដកចេញការកំណត់លើការនិរទេសជនអន្តោប្រវេសន៍របស់រដ្ឋបាល លោក Trump ទៅកាន់ «ប្រទេសទីបី»។ សេចក្តីសម្រេចរបស់តុលាការកំពូលដែលមានសំឡេងភាគច្រើនដោយក្រុមអភិរក្សនិយម បានធ្វើឡើងនៅក្នុងជម្លោះផ្លូវច្បាប់ជុំវិញកិច្ចខិតខំប្រឹងប្រែងរបស់រដ្ឋបាល លោក Trump ក្នុងការនិរទេសជនអន្តោប្រវេសន៍យ៉ាងឆាប់រហ័សទៅកាន់ប្រទេសផ្សេងៗក្រៅពីប្រទេសរបស់ពួកគេ។រដ្ឋបាលរបស់លោក Trump បានសាទរចំពោះសេចក្តីសម្រេចរបស់តុលាការកំពូល។ លោកស្រី Tricia McLaughlin ឧបការីទទួលបន្ទុកកិច្ចការសាធារណៈនៅក្នុងក្រសួងសន្តិសុខមាតុភូមិរបស់សហរដ្ឋអាមេរិក (DHS) បាននិយាយនៅក្នុងសេចក្តីថ្លែងការណ៍មួយថា សេចក្តីសម្រេចនេះគឺជា «ជ័យជម្នះសម្រាប់សុវត្ថិភាព និងសន្តិសុខរបស់ប្រជាជនអាមេរិក»។លោកស្រីបាននិយាយបន្ថែមថា «បច្ចុប្បន្ននេះក្រសួងសន្តិសុខមាតុភូមិរបស់សហរដ្ឋអាមេរិក (DHS) អាចអនុវត្តសិទ្ធិអំណាចស្របច្បាប់របស់ខ្លួន និងដកជនបរទេសខុសច្បាប់ទៅកាន់ប្រទេសដែលមានបំណងទទួលយកពួកគេ»។

ប្រធានាធិបតីវេណេស៊ុយអេឡា៖ លោក Trump លោកXi និងលោកPutin ដល់ពេលត្រូវអំពាវនាវកិច្ចប្រជុំកំពូលសន្តិភាព

ប្រធានាធិបតីប្រទេសវេណេស៊ុយអេឡា លោក Nicolas Maduro បានថ្លែងទៅកាន់មេដឹកនាំពិភពលោកកាលពីថ្ងៃចន្ទ ដោយជំរុញឱ្យមេដឹកនាំអំពាវនាវឱ្យមានកិច្ចប្រជុំកំពូលសន្តិភាពដែល នឹងនាំទៅរកបទឈប់បាញ់នៅអាស៊ីខាងលិច។លោក Maduro បាននិយាយនៅក្នុងកម្មវិធីទូរទស្សន៍របស់លោក ដោយមានលិខិតមួយច្បាប់ដែលត្រូវបានបង្ហាញ ក្នុងអំឡុងពេលកិច្ចប្រជុំជាមួយសមាជិកនៃស្ថាប័នការទូតនៅទីក្រុង Caracas ដែលអនុប្រធានាធិបតីរបស់លោក លោក Delcy Rodriguez ជាអ្នកអានជំនួសលោក។លោកប្រធានាធិបតីអាមេរិក លោក Donald Trump បានប្រកាសកាលពីថ្ងៃចន្ទ នូវបទឈប់បាញ់ពេញលេញមួយ រវាងអ៊ីស្រាអែល និងអ៊ីរ៉ង់ ដែលអាចបញ្ចប់សង្រ្គាមរយៈពេល១២ថ្ងៃ ដែលបានធ្វើឱ្យមនុស្សរាប់លាននាក់ភៀសខ្លួនចេញពីទីក្រុងតេអេរ៉ង់ និងបានជំរុញឱ្យមានការព្រួយបារម្ភពីការកើនឡើងជម្លោះបន្ថែមទៀតនៅក្នុងតំបន់ដែលហែកហួរដោយសង្រ្គាម។អ៊ីស្រាអែល ដែលចូលរួមដោយសហរដ្ឋអាមេរិក បានធ្វើការវាយប្រហារលើទីតាំងនុយក្លេអ៊ែររបស់អ៊ីរ៉ង់ កាលពីចុងសប្តាហ៍ បន្ទាប់ពីបានចោទប្រកាន់ថា ទីក្រុងតេអេរ៉ង់ ជិតទទួលបានអាវុធនុយក្លេអ៊ែរ។ អ៊ីរ៉ង់ និងប្រទេសវ៉េណេស៊ុយអេឡា បានពង្រីកកិច្ចសហប្រតិបត្តិការតាំងពីឆ្នាំ ២០២០ ជាពិសេសក្នុងគម្រោងថាមពល និងការផ្លាស់ប្តូរប្រេង។

បណ្ដាញសង្គម

ព័ត៌មានថ្មីៗ

ពលរដ្ឋ២០១គ្រួសារ នៅស្រុកពញាឮ សប្បាយចិត្ត បានចូលសមាគមអ្នកផលិតចម្លាក់ប្រាក់ស្ពាន់ ស្រួលរកទីផ្សារជាងមុន

ពលករខ្មែរដែលត្រឡប់មកពីប្រទេសថៃ សម្តែងការអរគុណដល់រាជរដ្ឋាភិបាល ដែលបានផ្ដល់ឱកាសការងារដល់ពួកគាត់

អ្នកនាំពាក្យ៖ សម្ដេចតេជោតែងលើកឡើងថា បើមិនចេះយុទ្ធសាស្រ្ត កុំធ្វើនយោបាយ ឬធ្វើជាអ្នកដឹកនាំ

ប្រធានរក្សាសន្តិភាពUN«ព្រួយបារម្ភខ្លាំងណាស់» អំពីអនាគតនៃកិច្ចព្រមព្រៀងបទឈប់បាញ់លីបង់និងអ៊ីស្រាអែល

ឯកឧត្តម ឌិត ទីណា អញ្ជើញចុះពិនិត្យស្ថានភាពផលិតកម្មដំណាំបន្លែ និងស្តាប់នូវសំណូមពរម្ចាស់កសិដ្ឋាន នៅខេត្តបន្ទាយមានជ័យ

គិតត្រឹមថ្ងៃទី២៨ខែមិថុនានេះ ប្រជាពលរដ្ឋខ្មែរនៅថៃ បន្តវិលត្រឡប់ចូលស្រុកកំណើតវិញ ដោយទឹកមុខសប្បាយរីករាយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

[BREAKING NEWS] ហ្វូងបាតុករ ចេញតវ៉ាឡោមព័ទ្ធជុំវិញវិមានរដ្ឋាភិបាលថៃ ទាមទារឱ្យលោកស្រី Paetongtarn ចុះចេញពីតំណែង

ចិន ប្រកាសធ្វើក្បួនព្យុហយាត្រាយោធានៅខែកញ្ញា ដើម្បីអបអរការបញ្ចប់សង្រ្គាមលោកលើកទីពីរ

របាយការណ៍៖ មនុស្ស ១១០លាននាក់ទូទាំងទ្វីបអឺរ៉ុប រងផលប៉ះពាល់សុខភាព ព្រោះការបំពុលដោយសំឡេង

EU ព្រមានចាត់វិធានការប្រឆាំងនឹងអ៊ីស្រាអែល ប្រសិនបើស្ថានភាពនៅហ្កាហ្សា មិនប្រសើរឡើង

[UPDATE] លោក Trump ប្រាប់អ៊ីស្រាអែល និងអ៊ីរ៉ង់កុំបំពាន ខណៈបទឈប់បាញ់ចូលជាធរមាន

[BREAKING NEWS] លោក Trump ប្រាប់អ៊ីស្រាអែល និងអ៊ីរ៉ង់កុំបំពាន ខណៈបទឈប់បាញ់ចូលជាធរមាន

រញ្ជួយដីកម្រិត ៦,៣រ៉ិចទ័រ វាយប្រហារភាគខាងត្បូងហ្វីលីពីន តែពុំមានការព្រមានពីរលកយក្សស៊ូណាមិទេ

ការវាយប្រហាររបស់រុស្ស៊ីលើអ៊ុយក្រែនសម្លាប់ជនស៊ីវិល១៤នាក់ ខណៈលោក Zelenskyy ធ្វើដំណើរទៅកាន់ចក្រភពអង់គ្លេស

តុលាការអាមេរិក អនុញ្ញាតឱ្យរដ្ឋបាលលោកTrump និរទេសជនអន្តោប្រវេសន៍ទៅកាន់ «ប្រទេសទីបី»

ប្រធានាធិបតីវេណេស៊ុយអេឡា៖ លោក Trump លោកXi និងលោកPutin ដល់ពេលត្រូវអំពាវនាវកិច្ចប្រជុំកំពូលសន្តិភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

[BREAKING NEWS] ហ្វូងបាតុករ ចេញតវ៉ា​ឡោមព័ទ្ធ​ជុំវិញ​វិមាន​រដ្ឋាភិបាលថៃ ​ទាមទារ​ឱ្យ​លោកស្រី Paetongtarn ចុះ​ចេញ​ពី​តំណែង​

ចិន ប្រកាសធ្វើក្បួនព្យុហយាត្រាយោធានៅខែកញ្ញា ដើម្បីអបអរការបញ្ចប់សង្រ្គាមលោកលើកទីពីរ

របាយការណ៍៖ មនុស្ស ១១០លាននាក់ទូទាំងទ្វីបអឺរ៉ុប រងផលប៉ះពាល់សុខភាព ព្រោះការបំពុលដោយសំឡេង

EU ព្រមានចាត់វិធានការប្រឆាំងនឹងអ៊ីស្រាអែល ប្រសិនបើស្ថានភាពនៅហ្កាហ្សា មិនប្រសើរឡើង

[UPDATE] លោក Trump ប្រាប់អ៊ីស្រាអែល និងអ៊ីរ៉ង់កុំបំពាន ខណៈបទឈប់បាញ់ចូលជាធរមាន

[BREAKING NEWS] លោក Trump ប្រាប់អ៊ីស្រាអែល និងអ៊ីរ៉ង់កុំបំពាន ខណៈបទឈប់បាញ់ចូលជាធរមាន

រញ្ជួយដីកម្រិត ៦,៣រ៉ិចទ័រ វាយប្រហារភាគខាងត្បូងហ្វីលីពីន តែពុំមានការព្រមានពីរលកយក្សស៊ូណាមិទេ

ការវាយប្រហាររបស់រុស្ស៊ីលើអ៊ុយក្រែនសម្លាប់ជនស៊ីវិល១៤នាក់ ខណៈលោក Zelenskyy ធ្វើដំណើរទៅកាន់ចក្រភពអង់គ្លេស

តុលាការអាមេរិក អនុញ្ញាតឱ្យរដ្ឋបាលលោកTrump និរទេសជនអន្តោប្រវេសន៍ទៅកាន់ «ប្រទេសទីបី»

ប្រធានាធិបតីវេណេស៊ុយអេឡា៖ លោក Trump លោកXi និងលោកPutin ដល់ពេលត្រូវអំពាវនាវកិច្ចប្រជុំកំពូលសន្តិភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

[BREAKING NEWS] ហ្វូងបាតុករ ចេញតវ៉ាឡោមព័ទ្ធជុំវិញវិមានរដ្ឋាភិបាលថៃ ទាមទារឱ្យលោកស្រី Paetongtarn ចុះចេញពីតំណែង