BTV NEWS

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំចេញដោយសុវត្ថិភាព

លោក Hegseth៖ យុគសម័យឧបត្ថម្ភធនការពារជាតិពីអាមេរិក សម្រាប់ «ប្រទេសអ្នកមាន» ចប់ហើយ

មន្ត្រីជាន់ខ្ពស់អ៊ីរ៉ង់ និយាយថា លោក Trump «ក្បត់ការទូត» ដោយបន្តបិទខ្ទប់ដោយទ័ពជើងទឹកអាមេរិក

វេជ្ជបណ្ឌិត៖ សុខភាពលោក Trump គឺល្អប្រសើរណាស់ ប៉ុន្តែគួរតែសម្រកទម្ងន់

ព័ត៌មានអន្តរជាតិ

អ៊ីស្រាអែលវាយប្រហារទីតាំងហេសបូឡាជាង ៧០កន្លែង នៅក្នុងប្រទេសលីបង់

យោធាអ៊ីស្រាអែលបានវាយប្រហារទីតាំងហេដ្ឋារចនាសម្ព័ន្ធហេសបូឡាជាង ៧០ កន្លែង នៅក្នុងប្រទេសលីបង់ កាលពីថ្ងៃចន្ទ។ នេះបើយោងតាមកងកម្លាំងការពារអ៊ីស្រាអែល (IDF)។ កងកម្លាំងការពារអ៊ីស្រាអែល (IDF) បាននិយាយថា រយៈពេលពេញមួយថ្ងៃ ដើម្បីបញ្ចប់ការគំរាមកំហែង IDFបានវាយប្រហារលើទីតាំងហេដ្ឋារចនាសម្ព័ន្ធហេសបូឡាជាង ៧០កន្លែង ដោយប្រើប្រាស់គ្រាប់រំសេវប្រហែល ៨៥គ្រាប់ នៅក្នុងតំបន់ជាច្រើនទូទាំងប្រទេសលីបង់»។ «នៅក្នុងតំបន់ Tyre IDFបានវាយប្រហារមជ្ឈមណ្ឌលបញ្ជាការប្រហែល ១០កន្លែង កន្លែងផ្ទុកអាវុធ និងទីតាំងហេដ្ឋារចនាសម្ព័ន្ធបន្ថែមដែលប្រើប្រាស់ដោយក្រុមហេសបូឡា ដើម្បីជំរុញការវាយប្រហារប្រឆាំងនឹងទាហានរបស់ IDF និងជនស៊ីវិលអ៊ីស្រាអែល»។ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បានថ្លែងនាពេលមុននេះថា អ៊ីស្រាអែលនឹងបង្កើនការវាយប្រហារប្រឆាំងនឹងក្រុមហេសបូឡានៅលីបង់ ដើម្បីសងសឹកការវាយប្រហារដោយយានដ្រូនរបស់ខ្លួនទៅលើកងទ័ពអ៊ីស្រាអែល ដែលកំពុងប្រតិបត្តិការនៅភាគខាងត្បូងប្រទេសនេះ និងការតាំងទីលំនៅតាមព្រំដែនអ៊ីស្រាអែល៕

សារព័ត៌មាន៖ អ៊ីរ៉ង់មិនចុះចាញ់នឹងសម្ពាធរបស់ប្រធានាធិបតីអាមេរិកលើលក្ខខណ្ឌនៃកិច្ចព្រមព្រៀងទេ

យុទ្ធនាការរបស់ប្រធានាធិបតីអាមេរិក លោក ដូណាល់ ត្រាំ ដើម្បីដាក់សម្ពាធលើអ៊ីរ៉ង់ បានបរាជ័យក្នុងការផ្លាស់ប្តូរជំហររបស់ទីក្រុងតេអេរ៉ង់លើកិច្ចព្រមព្រៀងសន្តិភាពជាមួយទីក្រុងវ៉ាស៊ីនតោន។ នេះបើយោងតាមការចុះផ្សាយរបស់កាសែត The New York Times (NYT)។យោងតាមសារព័ត៌មាន NYT យុទ្ធនាការនេះហាក់ដូចជាមិនបានផ្លាស់ប្តូរជំហរដ៏ម៉ឺងម៉ាត់របស់អ៊ីរ៉ង់លើកម្មវិធីនុយក្លេអ៊ែររបស់ខ្លួននោះទេ។នៅថ្ងៃទី ២៣ ខែឧសភា លោកប្រធានាធិបតីអាមេរិកបាននិយាយថា សេចក្តីព្រាងនៃកិច្ចព្រមព្រៀងនាពេលអនាគតជាមួយអ៊ីរ៉ង់ ត្រូវបានឯកភាពគ្នាជាចម្បង។ លោកបានកត់សម្គាល់ថា លោកបាននិយាយតាមទូរស័ព្ទជាមួយមេដឹកនាំនៃប្រទេសបារ៉ែន អេហ្ស៊ីប ហ្ស៊កដានី កាតា អេមីរ៉ាតអារ៉ាប់រួម ប៉ាគីស្ថាន អារ៉ាប៊ីសាអ៊ូឌីត និងទួរគី ហើយបានពិភាក្សាជាមួយពួកគេអំពីសេចក្តីព្រាងអនុស្សរណៈនៃការយោគយល់គ្នាជាផ្នែកមួយនៃកិច្ចព្រមព្រៀងសន្តិភាពជាមួយអ៊ីរ៉ង់។ ទោះជាយ៉ាងណាក៏ដោយ លោក ត្រាំ ក្រោយមកបានបញ្ជាក់ថា ទីក្រុងវ៉ាស៊ីនតោន និងទីក្រុងតេអេរ៉ង់ មិនទាន់ឈានដល់កិច្ចព្រមព្រៀងចុងក្រោយលើបញ្ហាមួយចំនួននៅឡើយទេ៕

ក្រសួងការបរទេស៖ ទំនាក់ទំនងរុស្ស៊ី-EU អាស្រ័យលើថាតើក្រុងប្រ៊ុចសែលអាចផ្លាស់ប្តូរគំនិតប្រឆាំងក្រុងមូស្គូឬអត់

លោក Vladislav Maslennikov ប្រធាននាយកដ្ឋានកិច្ចការអឺរ៉ុបនៃក្រសួងការបរទេសរុស្ស៊ី បានប្រាប់សារព័ត៌មាន Izvestia ក្នុងបទសម្ភាសន៍មួយថា ទស្សនវិស័យនៃការទំនាក់ទំនងរវាងរុស្ស៊ី និងសហភាពអឺរ៉ុប អាស្រ័យលើថាតើមេដឹកនាំអឺរ៉ុប នឹងត្រៀមខ្លួនរួចរាល់ ក្នុងការពិចារណាឡើងវិញនូវគោលនយោបាយការបរទេសប្រឆាំងទីក្រុងមូស្គូរបស់ពួកគេឬអត់។ អ្នកការទូតរូបនេះ បាននិយាយថា៖«ទស្សនវិស័យនៃការទំនាក់ទំនងរបស់យើងជាមួយសហភាពអឺរ៉ុប អាស្រ័យដោយផ្ទាល់ទៅលើថាតើថ្នាក់ដឹកនាំរបស់ខ្លួន ពិតជាមានឆន្ទៈក្នុងការពិចារណាឡើងវិញនូវទិសដៅគោលនយោបាយការបរទេសប្រឆាំងរុស្ស៊ី និងគោរពផលប្រយោជន៍ស្របច្បាប់របស់យើងដែរឬទេ»។ លោកបានសង្កត់ធ្ងន់ថា ទីក្រុងមូស្គូមិនបានបដិសេធការសន្ទនាជាមួយអឺរ៉ុបទេ ផ្ទុយទៅវិញ ខ្លួនតែងតែស្វែងរក «ដោះស្រាយភាពខ្វែងគំនិតគ្នាជាមួយប្រទេសជិតខាងលោកខាងលិចរបស់ខ្លួន តាមរយៈការទូត»។ លោក Maslennikov បានបន្ថែមថា បច្ចុប្បន្ននេះ «ពិតជាមានការពិបាកក្នុងការនិយាយអំពីការត្រៀមខ្លួនរបស់ទីក្រុងប្រ៊ុចសែលក្នុងការស្តារឡើងវិញនូវការសន្ទនាដែលមានអត្ថន័យណាមួយជាមួយប្រទេសរបស់យើង»។ អ្នកការទូតជាន់ខ្ពស់រុស្ស៊ីរូបនេះ បានសន្និដ្ឋានថា៖«រហូតមកដល់ពេលនេះ អ្វីៗទាំងអស់ត្រូវបានកាត់បន្ថយទៅជាការស្មានៗផ្ទៃក្នុងសហភាពអឺរ៉ុបលើបេក្ខភាពអ្នកចរចាសហភាពអឺរ៉ុបដ៏មានសក្តានុពល។ ទោះជាយ៉ាងណាក៏ដោយ មន្ត្រីសហភាពអឺរ៉ុបមិនទាន់បានសម្រេចចិត្តច្បាស់ថា ពួកគេនឹងចរចាអ្វីជាមួយទីក្រុងមូស្គូ នៅឡើយទេ ប៉ុន្តែថាតើពួកគេនឹងអាចចរចាបានឬអត់នោះ គឺជាសំណួរដ៏សំខាន់មួយ»៕

មេដឹកនាំអាមេរិកនិយាយថា អ៊ុយរ៉ានីញ៉ូមដែលចម្រាញ់រួចរបស់អ៊ីរ៉ង់ នឹងត្រូវបំផ្លាញចោល

ប្រធានាធិបតីអាមេរិក លោក ដូណាល់ ត្រាំ បានបង្ហាញទំនុកចិត្តថា ស្តុកអ៊ុយរ៉ានីញ៉ូមដែលចម្រាញ់រួចរបស់អ៊ីរ៉ង់ នឹងត្រូវនាំយកមកសហរដ្ឋអាមេរិក ឬបំផ្លាញចោល នៅសាធារណរដ្ឋឥស្លាម ឬនៅទីតាំងដែលអាចទទួលយកបានផ្សេងទៀត។ មេដឹកនាំអាមេរិករូបនេះ បានសរសេរនៅលើវេទិកា Truth Social របស់លោកថា៖«អ៊ុយរ៉ានីញ៉ូមដែលចម្រាញ់រួច (ស្តុកអ៊ុយរ៉ានីញ៉ូម) នឹងត្រូវប្រគល់ឲ្យសហរដ្ឋអាមេរិកភ្លាមៗ ដើម្បីនាំយកទៅប្រទេសនេះ ហើយបំផ្លាញចោល ឬប្រសើរជាងនេះទៅទៀត គឺត្រូវបំផ្លាញចោលនៅនឹងកន្លែង ដោយសហការជាមួយសាធារណរដ្ឋឥស្លាមអ៊ីរ៉ង់»។ កាលពីថ្ងៃចន្ទ លោក ត្រាំ បាននិយាយដោយមានទំនុកចិត្តថា អ៊ីរ៉ង់នឹងមិនដែលមានអាវុធនុយក្លេ អ៊ែរឡើយ ខណៈដែលលោកបានថ្លែងសុន្ទរកថានៅទិវារំលឹកវិញ្ញាណក្ខន្ធ នៅទីបញ្ចុះសពជាតិ Arlington ស្ថិតនៅក្នុងតំបន់ Arlington នៃរដ្ឋវើជីនៀ (Virginia)។ មន្ត្រីអ៊ីរ៉ង់បានសង្កត់ធ្ងន់ម្តងហើយម្តងទៀតថា ពួកគេមិនស្វះស្វែងដើម្បីមានអាវុធនុយក្លេអ៊ែរនោះទេ៕

អារ៉ាប៊ីសាអ៊ូឌីតបញ្ជាក់ថា ជំហរចំពោះបញ្ហាប៉ាឡេស្ទីន នៅតែមិនផ្លាស់ប្តូរ

ប្រភពព័ត៌មានអារ៉ាប៊ីសាអ៊ូឌីត បានប្រាប់ទូរទស្សន៍ Al Arabiya កាលពីថ្ងៃចន្ទថា ជំហររបស់ប្រទេសនេះ ចំពោះបញ្ហាប៉ាឡេស្ទីន នៅតែមិនផ្លាស់ប្តូរ។ ប្រភពព័ត៌មាននេះ បានបញ្ជាក់ពីតម្រូវការសម្រាប់«ផ្លូវដែលមិនអាចត្រឡប់វិញបានឆ្ពោះ ទៅរករដ្ឋប៉ាឡេស្ទីន»។ ការអត្ថាធិប្បាយនេះ បានកើតឡើង បន្ទាប់ពីប្រធានាធិបតីអាមេរិក លោក ដូណាល់ ត្រាំ បានជំរុញឲ្យ ប្រទេសភាគច្រើនកាន់សាសនាមូស្លីម និងប្រទេសក្នុងតំបន់ ធ្វើប្រក្រតីភាពទំនាក់ទំនងជាមួយអ៊ីស្រា អែលឡើងវិញ និងចូលរួមជាមួយកិច្ចព្រមព្រៀង Abraham។ នៅក្នុងការបង្ហោះនៅលើប្រព័ន្ធផ្សព្វផ្សាយសង្គម លោក ត្រាំ បាននិយាយថា មេដឹកនាំនៃប្រទេសជាច្រើនបានពិភាក្សាអំពីកិច្ចខិតខំប្រឹងប្រែងដើម្បីបញ្ចប់សង្គ្រាមជាមួយអ៊ីរ៉ង់ ដោយបន្ថែមថា ប្រទេសទាំងនេះ គួរតែ «យ៉ាងហោចណាស់» ចុះហត្ថលេខាលើកិច្ចព្រមព្រៀងនេះ ក្នុងពេលដំណាលគ្នា។ កិច្ចព្រមព្រៀង Abraham ដែលសម្របសម្រួលដោយសហរដ្ឋអាមេរិកក្នុងឆ្នាំ ២០២០ អំឡុងពេលអាណត្តិដំបូងរបស់លោក ត្រាំ បានឃើញអ៊ីស្រាអែលធ្វើឲ្យទំនាក់ទំនងជាមួយប្រទេសអារ៉ាប់មួយចំនួនមានប្រក្រតីភាពឡើងវិញ។ រ៉ាប៊ីសាអ៊ូឌីតបាននិយាយម្តងហើយម្តងទៀតថា ខ្លួននឹងមិនធ្វើឲ្យទំនាក់ទំនងជាមួយអ៊ីស្រាអែលមាន លក្ខណៈធម្មតាឡើងវិញទេ ប្រសិនបើគ្មានការបង្កើតរដ្ឋប៉ាឡេស្ទីននោះ៕

លោក NETANYAHU និយាយថា អ៊ីស្រាអែលនឹងបង្កើនការវាយប្រហារនៅលីបង់ ដើម្បីកម្ទេចក្រុមហេសបូឡា

នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ ( Benjamin Netanyahu) បាននិយាយកាលពីថ្ងៃចន្ទថា អ៊ីស្រាអែលនឹងបង្កើនការវាយប្រហារកាន់តែខ្លាំង នៅក្នុងប្រទេសលីបង់ ដើម្បី «កម្ទេច» ក្រុមហេសបូឡា។នៅក្នុងសេចក្តីថ្លែងការណ៍តាមវីដេអូដែលបានថតទុក លោកបាននិយាយថា អ៊ីស្រាអែលកំពុងធ្វើសង្គ្រាមជាមួយក្រុមហេសបូឡា ហើយថា ក្នុងរយៈពេលប៉ុន្មានសប្តាហ៍ថ្មីៗនេះ យោធាអ៊ីស្រាអែល បានសម្លាប់ជនសកម្មប្រយុទ្ធជាង ៦០០នាក់ របស់ក្រុមនេះ នៅក្នុងប្រទេសលីបង់។លោក ណេតាន់យ៉ាហ៊ូ បានបន្ថែមថា លោកបានបញ្ជាឲ្យ«បង្កើនកិច្ចខិតខំប្រឹងប្រែងក្នុងការបង្កើនល្បឿនប្រតិបត្តិការ» ហើយថា អ៊ីស្រាអែលនឹង «កម្ទេច» ក្រុមហេសបូឡាទាំងស្រុង។លោកក៏បាននិយាយផងដែរថា ក្រុមពិសេសមួយ កំពុងធ្វើការដើម្បីដោះស្រាយការវាយប្រហារដោយយានដ្រូនខ្សែកាបអុបទិករបស់ក្រុមហេសបូឡា។ទន្ទឹមនឹងនេះ យោធាអ៊ីស្រាអែលបាននិយាយនៅក្នុងសេចក្តីថ្លែងការណ៍មួយថា ខ្លួនបានចាប់ផ្តើមវាយប្រហារទីតាំងហេដ្ឋារចនាសម្ព័ន្ធរបស់ក្រុមហេសបូឡា នៅក្នុងជ្រលងភ្នំ Beqaa នៅភាគខាងកើតប្រទេសលីបង់ និងតំបន់បន្ថែមទៀតនៅទូទាំងប្រទេសនេះ។បទឈប់បាញ់រវាងអ៊ីស្រាអែល និងលីបង់បានចូលជាធរមាន នៅក្នុងខែមេសា។ ទោះបីជាមានបទឈប់បាញ់ក៏ដោយ អ៊ីស្រាអែលបានបន្តធ្វើការវាយប្រហារស្ទើរតែរាល់ថ្ងៃ នៅក្នុងប្រទេសនេះ ខណៈដែលក្រុមហេសបូឡា បានបើកការវាយប្រហារលើទីតាំងយោធាអ៊ីស្រាអែល៕

ហ្វីលីពីនបញ្ចប់ប្រតិបត្តិការជួយសង្គ្រោះសម្រាប់អ្នកបាត់ខ្លួន១២នាក់ ក្នុងហេតុការណ៍បាក់រលំអគារ

មន្ត្រីសង្គ្រោះបន្ទាន់បាននិយាយកាលពីយប់ថ្ងៃចន្ទ២៥ ឧសភា សប្ដាហ៍នេះថា ពួកគេបានបញ្ចប់ប្រតិបត្តិការជួយសង្គ្រោះរយៈពេលពីរថ្ងៃសម្រាប់មនុស្សយ៉ាងហោចណាស់១២ នាក់ដែលត្រូវបានគេជឿថាកប់នៅក្នុងគំនរបាក់បែកនៃអគារដែលបាក់រលំនៅភាគខាងជើងប្រទេសហ្វីលីពីន។ សាកសពមនុស្សបួននាក់ រួមទាំងបុរសជនជាតិម៉ាឡេស៊ីម្នាក់ និងកម្មករសំណង់ពីរនាក់ នៅមានជីវិតដែលជាប់ក្រោមគំនរថ្មរហូតមកដល់ពេលនេះត្រូវបានទាញចេញពីគំនរបាក់បែកនៃគម្រោងអគារខុនដូកម្ពស់ប្រាំបួនជាន់ដែលបានដួលរលំទៅលើសណ្ឋាគារក្បែរនោះក្នុងទីក្រុង Angeles ភាគខាងជើងទីក្រុងម៉ានីល កាលពីព្រឹកថ្ងៃអាទិត្យចុងសប្ដាហ៍មុន។ អ្នកនាំពាក្យការិយាល័យពន្លត់អគ្គិភ័យក្នុងតំបន់ លោកស្រី Maria Leah Sajili បាននិយាយថា មានក្តីសង្ឃឹមកាលពីព្រឹកថ្ងៃចន្ទ នៅពេលដែលឧបករណ៍ចាប់សញ្ញាកម្ដៅបានរកឃើញអ្វីដែលមន្ត្រីជួយសង្គ្រោះបានហៅថាជា "សញ្ញាជីវិត" នៅក្នុងតំបន់មួយនៃគំនរថ្មបាក់បែក។ ទោះជាយ៉ាងណាក៏ដោយ គ្មានអ្នករស់រានមានជីវិត ឬសាកសពបន្ថែមទៀតត្រូវបានរកឃើញនៅពេលក្រោយមកនោះទេ ។ លោកស្រីបានប្រាប់ក្រុមអ្នកសារព័ត៌មានថា ប្រតិបត្តិការជួយសង្គ្រោះត្រូវបានប្រកាសបញ្ចប់ជាផ្លូវការនៅយប់ថ្ងៃចន្ទ ហើយការស្វែងរកត្រូវបញ្ឈប់នៅពេលយប់មុនពេល "ប្រតិបត្តិការបោសសម្អាត" ចាប់ផ្តើមនៅថ្ងៃអង្គារនេះ។ បុរសជនជាតិម៉ាឡេស៊ី ដែលជាភ្ញៀវនៅក្នុងសណ្ឋាគារ និងកម្មករសំណង់ពីរនាក់ ត្រូវបានគេរកឃើញ ជាប់ក្រោមកម្ទេចថ្មកាលពីថ្ងៃអាទិត្យ ប៉ុន្តែនៅរស់រានមានជីវិតទេ។ ទោះជាយ៉ាងណាក៏ដោយ ជនរងគ្រោះ៣នាក់បានស្លាប់មុនពេលពួកគេអាចត្រូវបានទាញចេញពីគំនរបាក់បែក។អ្នកស្លាប់ដែលបានបញ្ជាក់ទីបួនមិនទាន់ត្រូវបានកំណត់អត្តសញ្ញាណនៅឡើយទេ៕

បំណាក់ដីនៅអណ្តូងរ៉ែមាសខុសច្បាប់ក្នុងប្រទេសអង់ហ្គោឡា បណ្តាលឲ្យមនុស្សជិត៣០នាក់ស្លាប់

យោងតាមអាជ្ញាធរតំបន់បានឲ្យដឹងថា មនុស្សយ៉ាងហោចណាស់ ២៨ នាក់បានស្លាប់ នៅពេលដែលបំណាក់ដីបានវាយប្រហារនៅទីតាំងអណ្តូងរ៉ែមាសខុសច្បាប់មួយកន្លែងក្នុងខេត្ត Bengo ភាគពាយ័ព្យប្រទេសអង់ហ្គោឡា ជាឧបទ្ទវហេតុជីករ៉ែខុសច្បាប់មានមនុស្សស្លាប់ច្រើននៅក្នុងប្រទេសនេះ។ អង្គភាពសេវាការពារស៊ីវិលនិងពន្លត់អគ្គិភ័យរបស់ខេត្ត បាននិយាយនៅក្នុងសេចក្តីថ្លែងការណ៍ថា មនុស្សបួននាក់ ត្រូវបានជួយសង្គ្រោះចេញពីកន្លែងកើតហេតុ ហើយប្រតិបត្តិការស្វែងរកក៏ត្រូវបានបិទបញ្ចប់។ ការជីករ៉ែខុសច្បាប់នៅក្នុងប្រទេសអង់ហ្គោឡា ធ្លាប់មានទំនាក់ទំនងជាមួយឧស្សាហកម្មពេជ្រ។ ប៉ុន្តែការជំរុញការធ្វើពិពិធកម្មរ៉ែរបស់ប្រទេសនេះ បានជំរុញឱ្យមានភាពរីកចម្រើននៃការជីករ៉ែតាមបែបសិប្បកម្មនៃលោហៈផ្សេងៗដូចជារ៉ែមាសជាដើម។ ប្រទេសអង់ហ្គោឡា ជាប្រទេសផលិតពេជ្រដ៏ធំមួយ កំពុងធ្វើពិពិធកម្មទៅជាលោហៈដូចជាទង់ដែង និងមាស ខណៈតម្លៃពេជ្រធ្លាក់ចុះ និងពេជ្រសំយោគកើនឡើង។

ក្រុមបាតុករនៅបូលីវី ប៉ះទង្គិចជាមួយនគរបាល ខណៈសម្ពាធកើនឡើងលើប្រធានាធិបតីឱ្យចុះចេញពីតំណែង

ក្រុមអ្នកតវ៉ាបានប៉ះទង្គិចជាមួយនគរបាលនៅក្នុងរដ្ឋធានី La Paz ប្រទេសបូលីវី កាលពីថ្ងៃចន្ទ ទី២៥ ខែឧសភា ខណៈចលនានៅទូទាំងប្រទេសដែលបច្ចុប្បន្នស្ថិតក្នុងសប្តាហ៍ទីបួន បានបន្តដាក់សម្ពាធលើប្រធានាធិបតី លោក Rodrigo Paz ឱ្យចុះចេញពីតំណែង។ ក្រុមអ្នកតវ៉ា រួមមានសហជីពកម្មករ កម្មកររ៉ែ បុគ្គលិកដឹកជញ្ជូន និងក្រុមមកពីជនបទ កំពុងជំរុញឱ្យរដ្ឋាភិបាលនិយមកណ្តាលរបស់លោក Paz ដកចេញវិធានការរឹតត្បិតថវិកា និងដោះស្រាយការកើនឡើងការចំណាយច្រើនលើជីវភាពរស់នៅ ដោយការបិទផ្លូវបណ្តាលឱ្យមានការខ្វះស្បៀង ប្រេងឥន្ធនៈ និងថ្នាំពេទ្យយ៉ាងធ្ងន់ធ្ងរនៅក្នុងទីក្រុង La Paz និងទីក្រុង El Alto ដែលនៅជិតខាង។ ក្នុងការប៉ុនប៉ងបន្ធូរបន្ថយភាពតានតឹង លោក Paz បានប្រកាសកាលពីថ្ងៃចន្ទថា លោកនឹងកាត់ប្រាក់ខែរបស់លោកផ្ទាល់ និងប្រាក់ខែរបស់រដ្ឋមន្ត្រីគណៈរដ្ឋមន្ត្រីរបស់លោកពាក់កណ្តាល ដោយចាត់ទុកចំណាត់ការនេះថា ជាការបង្ហាញពីការប្តេជ្ញាចិត្តរបស់រដ្ឋាភិបាលចំពោះប្រទេស។ ភាពវឹកវរនេះ ត្រូវបានរដ្ឋាភិបាលផ្សារភ្ជាប់ទៅនឹងអ្នកគាំទ្រអតីតប្រធានាធិបតី លោក Evo Morales ដែលមន្ត្រីចោទប្រកាន់ថាបានបង់ប្រាក់ឱ្យក្រុមបាតុករដើម្បីរក្សាការបិទផ្លូវ។

ប៉ាឡេស្ទីន ចែករំលែករូបភាពដ៏ភ្ញាក់ផ្អើលនៃការបំផ្លាញប្រល័យពូជសាសន៍របស់អ៊ីស្រាអែល នៅរ៉ាហ្វា

ដែនដីប៉ាឡេស្ទីន បានចែករំលែករូបភាពដ៏ភ្ញាក់ផ្អើលបង្ហាញពីការបំផ្លិចបំផ្លាញដែលបានកើតឡើងនៅ សង្កាត់ Tal as-Sultan ភាគពាយ័ព្យទីក្រុងរ៉ាហ្វានៅភាគខាងត្បូងតំបន់ហ្កាហ្សា ក្នុងអំឡុងពេលសង្គ្រាមប្រល័យពូជសាសន៍របស់អ៊ីស្រាអែលលើដែនដីប៉ាឡេស្ទីន។ ទីក្រុងរ៉ាហ្វា បានក្លាយជាទីជម្រកសម្រាប់ប្រជាជនប៉ាឡេស្ទីនដែលរត់ភៀសខ្លួនចេញពីសង្គ្រាមរបស់អ៊ីស្រាអែល នៅភាគខាងជើងតំបន់ហ្កាហ្សាក្នុងអំឡុងពេលខែដំបូងនៃសង្គ្រាម មុនពេលអ៊ីស្រាអែលបានធ្វើការឈ្លានពានតាមដីគោកនៅតំបន់ហ្កាហ្សានៅដើមខែឧសភា ឆ្នាំ២០២៤ ដែលបានបង្ខំឱ្យមនុស្សជាង ១លាននាក់រត់ភៀសខ្លួនចេញក្នុងរយៈពេលប៉ុន្មានសប្តាហ៍ក្រោយមក។ បន្ទាប់មក កងកម្លាំងអ៊ីស្រាអែល បានបំផ្លាញជាប្រព័ន្ធទីក្រុងរ៉ាហ្វាភាគច្រើន ដែលធ្វើឱ្យគ្រួសារប៉ាឡេស្ទីន មិនអាចវិលត្រឡប់ទៅលំនៅឋានរបស់ពួកគេវិញបន្ទាប់ពីសង្គ្រាម។

បណ្ដាញសង្គម

ព័ត៌មានថ្មីៗ

វេជ្ជបណ្ឌិត៖ សុខភាពលោក Trump គឺល្អប្រសើរណាស់ ប៉ុន្តែគួរតែសម្រកទម្ងន់

អ្នកនៅរស់ពីការជាប់ក្នុងរូងភ្នំ នៅឡាវ បានបរិភោគថាសឈើសម្រាប់រែងមាស ដើម្បីបន្តជីវិត

មនុស្ស ១៨នាក់ស្លាប់ និង ៣០នាក់រងរបួស ដោយសាររថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន

សេតវិមាន៖ លោក Trump «នឹងធ្វើតែកិច្ចព្រមព្រៀងដែលល្អសម្រាប់អាមេរិកប៉ុណ្ណោះ» ជាមួយអ៊ីរ៉ង់

នាយករដ្ឋមន្ត្រី៖ កាណាដា និងចិន កំពុងសាង «ភាពជាដៃគូប្រកបដោយស្ថិរភាព និងការស្ថាបនាបន្ថែមទៀត»

រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប

របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់ៗ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877