BTV NEWS

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំចេញដោយសុវត្ថិភាព

លោក Hegseth៖ យុគសម័យឧបត្ថម្ភធនការពារជាតិពីអាមេរិក សម្រាប់ «ប្រទេសអ្នកមាន» ចប់ហើយ

មន្ត្រីជាន់ខ្ពស់អ៊ីរ៉ង់ និយាយថា លោក Trump «ក្បត់ការទូត» ដោយបន្តបិទខ្ទប់ដោយទ័ពជើងទឹកអាមេរិក

វេជ្ជបណ្ឌិត៖ សុខភាពលោក Trump គឺល្អប្រសើរណាស់ ប៉ុន្តែគួរតែសម្រកទម្ងន់

ព័ត៌មានអន្តរជាតិ

រុស្ស៊ីគំរាមវាយប្រហារទីក្រុងគីវរបស់អ៊ុយក្រែនបន្ថែមទៀត និងប្រាប់ជនបរទេសឱ្យចាកចេញ

រុស្ស៊ីបានគំរាមវាយប្រហារជាប្រព័ន្ធជាថ្មីទៀតប្រឆាំងនឹងទីក្រុងគីវ ប៉ុន្មានថ្ងៃបន្ទាប់ពីបានបើកការវាយប្រហារដ៏ធំបំផុតមួយរបស់ខ្លួនទៅលើរដ្ឋធានីរបស់អ៊ុយក្រែនចាប់តាំងពីការចាប់ផ្តើមនៃសង្គ្រាម។ក្រសួងការបរទេសរុស្ស៊ីបាននិយាយក្នុងសេចក្តីថ្លែងការណ៍មួយថា ការវាយប្រហារថ្មីនឹងកំណត់គោលដៅទៅលើ "មជ្ឈមណ្ឌលធ្វើការសម្រេចចិត្ត និងប៉ុស្តិ៍បញ្ជាការ" រួមជាមួយនឹងរោងចក្រផលិតយានដ្រូន នៅក្នុងទីក្រុងនេះ។ទីក្រុងមូស្គូបានអំពាវនាវឱ្យជនបរទេស និងអ្នកការទូតចាកចេញពីទីក្រុងគីវ "ឱ្យបានឆាប់តាមដែលអាចធ្វើទៅបាន" និងបានព្រមានពលរដ្ឋនៅឱ្យឆ្ងាយពីអគាររដ្ឋបាល និងយោធា។អ៊ុយក្រែនបានស្ដីបន្ទោសលើការគំរាមកំហែងរបស់រុស្ស៊ី ហើយបានជំរុញឱ្យសម្ព័ន្ធមិត្តបង្កើនសម្ពាធលើទីក្រុងមូស្គូ។សេចក្តីថ្លែងការណ៍របស់រុស្ស៊ីបានបន្តថា ជាមួយនឹងការព្រមានរបស់ខ្លួនចំពោះជនបរទេស ទីក្រុងមូស្គូ ទទួលស្គាល់ថា ការបាញ់ផ្លោងរបស់ខ្លួនមានគោលបំណងបំភិតបំភ័យដល់អង្គភាពការទូតបរទេស។ប្រធានាធិបតីអ៊ុយក្រែន លោក Volodymyr Zelenskyy បាននិយាយថា ការវាយប្រហារទ្រង់ទ្រាយធំរបស់រុស្ស៊ីកាលពីយប់ថ្ងៃសៅរ៍ បានសម្លាប់មនុស្ស៤ នាក់ និងរបួសប្រហែល ១០០ នាក់នៅទីក្រុងគីវ និងតំបន់ផ្សេងៗទៀត។ទីក្រុងមូស្គូ និយាយថាការបាញ់ផ្លោង និងការព្រមានវាយប្រហារបន្ថែមទៀតនេះ ជាការឆ្លើយតបទៅនឹងអ្វីដែលខ្លួនអះអាងថាជាការសងសឹកចំពោះការវាយប្រហាររបស់អ៊ុយក្រែនទៅលើអន្តេវាសិកដ្ឋាននិស្សិតមួយកន្លែងក្នុងទីប្រជុំជន Starobilsk ក្នុងតំបន់ Luhansk របស់អ៊ុយក្រែនគ្រប់គ្រងដោយរុស្ស៊ី កាលពីថ្ងៃសុក្រ ដែលក្រុមមន្ត្រីមន្ត្រីរុស្ស៊ី និយាយថាមនុស្ស២១នាក់បានស្លាប់៕

[UPDATE]បញ្ជាការកណ្តាលអាមេរិក៖ យោធាអាមេរិកបានវាយប្រហារថ្មីលើគោលដៅទីតាំងមីស៊ីល និងទូកដាក់មីនរបស់អ៊ីរ៉ង់នៅភាគខាងត្បូង

យោធាអាមេរិកនិយាយថា ខ្លួនបានចាប់ផ្តើមការវាយប្រហារថ្មីលើភាគខាងត្បូងអ៊ីរ៉ង់ ដោយកំណត់គោលដៅទីតាំងមីស៊ីលអ៊ីរ៉ង់ និងទូកដែលព្យាយាមដាក់មីន។ បញ្ជាការកណ្តាលសហរដ្ឋអាមេរិកបាននិយាយក្នុងសេចក្តីថ្លែងការណ៍មួយថា ការវាយប្រហារត្រូវបានធ្វើឡើងក្នុងការការពារខ្លួន និងដើម្បីការពារកងទ័ពរបស់ខ្លួនពីការគំរាមកំហែងបង្កឡើងដោយកងកម្លាំងអ៊ីរ៉ង់។ អ្នកនាំពាក្យបញ្ជាការកណ្តាលបាននិយាយថា យោធាអាមេរិក បន្តការពារកងកម្លាំងរបស់ខ្លួន ខណៈ ប្រើប្រាស់ការអត់ធ្មត់ក្នុងអំឡុងពេលបទឈប់បាញ់ដែលកំពុងបន្ត។ ការវាយប្រហារទាំងនេះបានកើតឡើង ខណៈអ្នកនាំពាក្យក្រសួងការបរទេសអ៊ីរ៉ង់ លោក Esmail Baqai បាននិយាយថា មានវឌ្ឍនភាពមួយចំនួនក្នុងការចរចាជាមួយសហរដ្ឋអាមេរិក ប៉ុន្តែកិច្ចព្រមព្រៀងដើម្បីបញ្ចប់ជម្លោះ "មិនទាន់មកដល់ទេ"។ អ៊ីរ៉ង់មិនទាន់ឆ្លើយតបទៅនឹងការវាយប្រហារចុងក្រោយរបស់សហរដ្ឋអាមេរិកនៅឡើយទេ។ គេមិនច្បាស់ថា តើការវាយប្រហារថ្មីនេះ នឹងមានផលប៉ះពាល់អ្វីខ្លះទៅលើកិច្ចព្រមព្រៀងសន្តិភាពដែលអាចកើតមានរវាងសហរដ្ឋអាមេរិក និងអ៊ីរ៉ង់។ កាលពីចុងសប្តាហ៍នេះ លោកប្រធានាធិបតី Donald Trump បានលើកឡើងថា ភាគីទាំងពីរជិតឈានដល់កិច្ចព្រមព្រៀងមួយហើយ ប៉ុន្តែក្រោយមកបាននិយាយថា លោកបានណែនាំក្រុមអ្នកចរចាកុំប្រញាប់ប្រញាល់ធ្វើកិច្ចព្រមព្រៀង៕

BREAKING NEWS! បញ្ជាការកណ្តាលសហរដ្ឋអាមេរិកនិយាយថា យោធាអាមេរិកបានចាប់ផ្តើមការវាយប្រហារថ្មីលើគោលដៅនៅភាគខាងត្បូងប្រទេសអ៊ីរ៉ង់

យោធាសហរដ្ឋអាមេរិកបាននិយាយថា ខ្លួនបានចាប់ផ្តើមការវាយប្រហារថ្មីលើភាគខាងត្បូងប្រទេសអ៊ីរ៉ង់ ដោយកំណត់គោលដៅទីតាំងមីស៊ីលអ៊ីរ៉ង់ និងទូកដែលព្យាយាមដាក់ពង្រាយមីន។ បញ្ជាការកណ្តាលសហរដ្ឋអាមេរិកបាននិយាយនៅក្នុងសេចក្តីថ្លែងការណ៍មួយថា ការវាយប្រហារត្រូវបានធ្វើឡើងក្នុង "ការការពារខ្លួន" ហើយត្រូវបានធ្វើឡើង "ដើម្បីការពារកងទ័ពរបស់ខ្លួនពីការគំរាមកំហែងដែលបង្កឡើងដោយកងកម្លាំងអ៊ីរ៉ង់។

របាយការណ៍៖ មេដឹកនាំកំពូលអ៊ីរ៉ង់ រស់នៅក្នុង «លេណដ្ឋាន» សម្ងាត់ ដោយទាក់ទងបានតាមរយៈអ្នកនាំសារប៉ុណ្ណោះ

ការប្រកាសដែលត្រូវបានរំពឹងទុក អំពីកិច្ចព្រមព្រៀងដែលអាចកើតមាន រវាងសហរដ្ឋអាមេរិក និងអ៊ីរ៉ង់ ត្រូវបានពន្យារពេលដោយសារតែការលំបាកក្នុងការទាក់ទងជាមួយមេដឹកនាំកំពូលអ៊ីរ៉ង់ លោក Mojtaba Khamenei ដែលត្រូវបានគេជឿថា កំពុងរស់នៅក្រោមការរឹតបន្តឹងសន្តិសុខយ៉ាងតឹងរ៉ឹង ក្នុងលេណដ្ឋានសម្ងាត់មួយ។យោងតាមប្រព័ន្ធផ្សព្វផ្សាយ CBS បានឲ្យដឹងថា មន្ត្រីអាមេរិកដែលស្និទ្ធនឹងចារកម្ម និយាយថា លោក Khamenei «លាក់ខ្លួនយ៉ាងមានប្រសិទ្ធភាព» នៅក្នុងទីតាំងដែលមិនត្រូវបានបង្ហាញឲ្យដឹង ដោយមានការទាក់ទងតិចតួចមកកាន់ពិភពខាងក្រៅ។ ពួកគេនិយាយថា រូបលោកអាចត្រូវបានទាក់ទងតាមរយៈតែបណ្តាញអន្តរការី និងអ្នកនាំសារដ៏ស្មុគស្មាញប៉ុណ្ណោះ ដែលធ្វើឲ្យអ៊ីរ៉ង់ឆ្លើយតបយឺត ចំពោះសំណើរបស់សហរដ្ឋអាមេរិក ។បណ្តាញនេះក៏បានរាយការណ៍ផងដែរថា មន្ត្រីអ៊ីរ៉ង់ដែលពាក់ព័ន្ធនឹងការចរចាជាមួយរដ្ឋបាលរបស់លោកប្រធានាធិបតី Donald Trump កំពុងជួបការលំបាក ក្នុងការមានទំនាក់ទំនង នៅក្នុងប្រព័ន្ធរដ្ឋាភិបាលរបស់ពួកគេ ដែលបានធ្វើឲ្យយឺតដល់វឌ្ឍនភាពនៃការចរចា។មន្ត្រីរដ្ឋបាលជាន់ខ្ពស់អាមេរិកម្នាក់ បានប្រាប់ប្រព័ន្ធផ្សព្វផ្សាយ CBS ថា លោក Khamenei បានយល់ព្រមលើគ្រោងដ៏ទូលំទូលាយនៃសេចក្តីព្រាងកិច្ចព្រមព្រៀងបច្ចុប្បន្ន ខណៈពេលដែលប្រធានាធិបតី លោក Trump បានលើកឡើងនៅក្នុងការបង្ហោះលើបណ្ដាញសង្គម Truth Social ថា លោករំពឹងថា នឹងមានការសម្រេចចិត្តចុងក្រោយនៅក្នុងរយៈពេលប៉ុន្មានថ្ងៃខាងមុខនេះ។គួរបញ្ជាក់ថា លោក Mojtaba Khamenei បានរងរបួសក្នុងអំឡុងពេលវាយប្រហាររបស់សហរដ្ឋអាមេរិក និងអ៊ីស្រាអែល លើប្រទេសអ៊ីរ៉ង់ កាលពីថ្ងៃទី២៨ ខែកុម្ភៈ ជាពេលដែលឪពុករបស់លោក គឺមេដឹកនាំកំពូល លោក Ali Khamenei ត្រូវបានសម្លាប់។ របាយការណ៍នេះបានឲ្យដឹងថា លោក Mojtaba Khamenei មិនត្រូវបានគេឃើញ ឬឮជាសាធារណៈ ចាប់តាំងពីមុនពេលសង្គ្រាមចាប់ផ្តើម៕

រដ្ឋមន្ត្រីស្តាំនិយមអ៊ីស្រាអែលជំរុញឲ្យលោក Netanyahu ចាប់ផ្ដើមវាយប្រហារទីក្រុង Beirut ឡើងវិញ ដើម្បីទប់ទល់ក្រុម Hezbollah

រដ្ឋមន្ត្រីក្រសួងហិរញ្ញវត្ថុអ៊ីស្រាអែល លោក Bezalel Smotrich នៅថ្ងៃចន្ទ (ទី២៥ ខែឧសភា ឆ្នាំ២០២៦) នេះ បានអំពាវនាវឲ្យនាយករដ្ឋមន្ត្រី លោក Benjamin Netanyahu ចាប់ផ្ដើមការវាយប្រហារឡើងវិញ លើទីក្រុង Beirut របស់ប្រទេសលីបង់ ដើម្បីឆ្លើយតបទៅនឹងការបង្កើនការវាយប្រហារដោយយានដ្រូនមានគ្រឿងផ្ទុះរបស់ក្រុមហេបូឡាទៅលើកងទ័ពអ៊ីស្រាអែល និងទីប្រជុំជនភាគខាងជើងនៃប្រទេសអ៊ីស្រាអែល។ការអត្ថាធិប្បាយរបស់លោក Smotrich បានកើតឡើងបន្ទាប់ពីទាហានអ៊ីស្រាអែលម្នាក់ ត្រូវបានសម្លាប់ដោយការវាយប្រហារដោយយានដ្រូនរបស់ក្រុមហេសបូឡា កាលពីថ្ងៃអាទិត្យចុងសប្ដាហ៍កន្លងមក។ ប្រព័ន្ធផ្សព្វផ្សាយអ៊ីស្រាអែលបានរាយការណ៍ថា លោក Smotrich បានធ្វើការកត់សម្គាល់ស្រដៀងគ្នានេះនៅក្នុងកិច្ចប្រជុំគណៈរដ្ឋមន្ត្រីកាលពីថ្ងៃអាទិត្យ។លោកបានលើកឡើងនៅក្នុងសេចក្តីថ្លែងការណ៍មួយថា៖ «យានដ្រូនមានគ្រឿងផ្ទុះដែលបង្កគ្រោះថ្នាក់ដល់យុទ្ធជនរបស់យើង មិនមែនកើតឡើងដោយចៃដន្យនោះទេ។ សម្រាប់យានដ្រូនបំពាក់គ្រឿងផ្ទុះនីមួយៗ អគារចំនួន ១០ខ្នង គួរតែដួលរលំនៅទីក្រុង Beirut»។តែយ៉ាងណាក្ដី ប្រព័ន្ធផ្សព្វផ្សាយអ៊ីស្រាអែលបានរាយការណ៍ថា លោក Netanyahu បានបដិសេធការទាមទាររបស់លោក Smotrich ហើយចង់ប្រើប្រាស់វិធានការការពារជាង។ អ្នកនាំពាក្យរបស់លោក Netanyahu បានបដិសេធមិនធ្វើអត្ថាធិប្បាយឡើយ។ចំណែករដ្ឋមន្ត្រីជាតិនិយមជ្រុលម្នាក់ទៀត គឺលោក Itamar Ben Gvir បាននិយាយថា អ៊ីស្រាអែលមិនត្រូវទទួលស្គាល់យានដ្រូនមានគ្រឿងផ្ទុះថា ជារឿងធម្មតានោះទេ។ លោក Ben Gvir បាននិយាយថា «ដល់ពេលហើយ ដែលលោកនាយករដ្ឋមន្ត្រីត្រូវទៅទាមទារពីលោក (ប្រធានាធិបតី Donald) Trump ហើយប្រាប់គាត់ថា យើងកំពុងវិលត្រឡប់ទៅធ្វើសង្គ្រាម នៅលីបង់»៕

លោក Trump៖ កតិកាសញ្ញាណាមួយជាមួយអ៊ីរ៉ង់ ត្រូវតែ «អស្ចារ្យ និងមានអត្ថន័យ» ឬ «គ្មានកិច្ចព្រមព្រៀង»

ប្រធានាធិបតីអាមេរិក លោក Donald Trump បាននិយាយនៅថ្ងៃចន្ទ (ទី២៥ ខែឧសភា ឆ្នាំ២០២៦) នេះថា កតិកាសញ្ញាណាមួយដែលអាចកើតមានជាមួយអ៊ីរ៉ង់ នឹងត្រូវតែ «អស្ចារ្យ និងមានអត្ថន័យ» ដោយព្រមានថា បើមិនដូច្នោះទេ នឹងមិនមានកិច្ចព្រមព្រៀងតែម្ដង។លោក Trump បានសរសេរនៅលើបណ្ដាញសង្គម Truth Social របស់លោកថា៖ «កិច្ចព្រមព្រៀងជាមួយអ៊ីរ៉ង់ នឹងក្លាយជាកិច្ចព្រមព្រៀងដ៏អស្ចារ្យ និងមានអត្ថន័យ ឬបើមិនដូច្នោះទេ នឹងមិនមានកិច្ចព្រមព្រៀង»។លោក Trump ក៏បានលើកឡើងផងដែរថា កិច្ចព្រមព្រៀងណាមួយដែលអាចធ្វើទៅបាន នឹង «ផ្ទុយស្រឡះ» ពីផែនការសកម្មភាពរួមគ្រប់ជ្រុងជ្រោយ (JCPOA) ដែលបានបង្កើតឡើង អំឡុងរដ្ឋបាលរបស់អតីតប្រធានាធិបតី លោក Barack Obama។ដោយរិះគន់ផែនការឆ្នាំ២០១៥ នោះ លោក Trump បានពិពណ៌នាអំពីកិច្ចព្រមព្រៀងនេះថា ជា «ផ្លូវផ្ទាល់ និងបើកចំហ ដើម្បីឲ្យអ៊ីរ៉ង់ឆ្ពោះទៅផលិតអាវុធនុយក្លេអ៊ែរ»។ លោកបានសង្កត់ធ្ងន់ថា «ទេ ខ្ញុំមិនធ្វើកិច្ចព្រមព្រៀងបែបនោះទេ!»។គួរបញ្ជាក់ថា កាលពីថ្ងៃសៅរ៍ចុងសប្ដាហ៍កន្លងមក លោក Trump បានប្រាប់ឲ្យដឹងថា កិច្ចព្រមព្រៀងជាមួយអ៊ីរ៉ង់ ដើម្បីបញ្ចប់ជម្លោះនេះ ត្រូវបាន «ចរចាដោយភាគច្រើន» ហើយកំពុងរង់ចាំការបញ្ចប់៕

រដ្ឋមន្ត្រីសន្តិសុខជាតិ និងប្រធានាធិបតីអ៊ីស្រាអែល ប៉ះទង្គិចគ្នា ក្រោយមានការព្រមាន អំពី «អំពើឃោរឃៅ» ក្នុងសង្គម

ប្រធានាធិបតីអ៊ីស្រាអែល លោក Isaac Herzog នៅថ្ងៃចន្ទ (ទី២៥ ខែឧសភា ឆ្នាំ២០២៦) បានព្រមាន អំពីការឡើងនូវដំណើរការនៃ «អំពើឃោរឃៅ» នៅក្នុងសង្គមអ៊ីស្រាអែល ដែលជំរុញឲ្យមានការរិះគន់ខ្លាំងៗពីរដ្ឋមន្ត្រីសន្តិសុខជាតិ លោក Itamar Ben-Gvir និងបង្ហាញពីការបែកបាក់នយោបាយកាន់តែធំធេង។អំឡុងពេលថ្លែងនៅឯពិធីប្រគល់រង្វាន់ឯកភាពក្រុងហ្ស៊េរុយសាឡឹមឆ្នាំ២០២៦ (Jerusalem Unity Prize 2026) នៅឯនិវេសនដ្ឋានរបស់ប្រធានាធិបតី ក្នុងទីក្រុងហ្ស៊េរុយសាឡឹម លោក Herzog បាននិយាយថា សង្គមអ៊ីស្រាអែលកំពុងជួបប្រទះនឹងការកើនឡើងនូវអំពើហិង្សាដ៏គ្រោះថ្នាក់ និងការធ្វើឲ្យបាត់មនុស្សធម៌។លោក Herzog បាននិយាយថា៖ «ខ្ញុំប៉ងប្រាថ្នាថា សូមឲ្យថ្ងៃនេះ ខ្ញុំអាចនិយាយតែអំពីឯកភាពប៉ុណ្ណោះ»។ ប៉ុន្តែខ្ញុំមានការសោកស្តាយយ៉ាងខ្លាំង ដែលយើងកំពុងរស់នៅ ក្នុងរយៈពេលប៉ុន្មានថ្ងៃនេះ ដែលអំពើហិង្សាមិនមែនជារឿងតែមួយគត់កំពុងកើតឡើងជាបញ្ហានោះទេ»។លោកបានព្រមានថា «ដំណើរការដ៏គួរឲ្យភ័យខ្លាចនៃការមានភាពឃោរឃៅ» កំពុងរីករាលដាលពីជ្រុងជាច្រើននៃសង្គមអ៊ីស្រាអែល ហើយប្រឈមនឹងការក្លាយទៅរឿងធម្មតា។ លោកបានបន្ថែមថា «វាជាដំណើរការយឺត និងរំខាន ដែលគំរាមកំហែងជ្រៀតចូលទៅក្នុងចរន្តសំខាន់នៃសង្គមអ៊ីស្រាអែល ហើយយើងនឹងមិនអនុញ្ញាតឲ្យវាមាននោះទេ»។ជាឧទាហរណ៍នៃអំពើហិង្សាដែលកំពុងកើនឡើងនេះ លោក Herzog បានចង្អុលបង្ហាញពីអត្រាឃាតកម្មកើនឡើង ក្នុងចំណោមពលរដ្ឋអារ៉ាប់ នៅអ៊ីស្រាអែល និងការវាយប្រហារដែលធ្វើឡើងដោយអ្វីដែលលោកបានពិពណ៌នាថា ជា «ក្រុមមនុស្សគ្មានច្បាប់» នៅក្នុងតំបន់កាន់កាប់ West Bank។ការកត់សម្គាល់របស់លោក Herzog បាននាំឲ្យមានការរិះគន់ភ្លាមៗពីលោក Ben-Gvir ដែលសកម្មភាពរបស់លោកប្រឆាំងនឹងអ្នកចូលរួមនៃកងនាវាមនុស្សធម៌ដែលធ្វើដំណើរទៅកាន់តំបន់ហ្កាហ្សា និងដែលត្រូវបានឃុំខ្លួន នៅក្នុងពន្ធនាគារអ៊ីស្រាអែល បានទាក់ទាញការថ្កោលទោសយ៉ាងទូលំទូលាយទូទាំងពិភពលោក។ លោក Ben-Gvir ដែលបានចោទប្រកាន់លោកប្រធានាធិបតីថា បានប្រមាថពលរដ្ឋអ៊ីស្រាអែល។តាមរយៈការបង្ហោះមួយលើក្រុមហ៊ុនបណ្ដាញសង្គម X លោក Ben-Gvir បានសរសេរថា៖ «ប្រធានាធិបតីដែលហៅពលរដ្ឋសែននាក់របស់រដ្ឋអ៊ីស្រាអែលថា ជាមនុស្សសាហាវឃោរឃៅ មិនស័ក្តិសមធ្វើជាប្រធានាធិបតីទេ។ ចប់»៕

ចិនជំរុញឲ្យអាល្លឺម៉ង់បញ្ឈប់ការផ្ដល់ «សញ្ញាមិនត្រឹមត្រូវ» ជុំវិញបញ្ហាកោះតៃវ៉ាន់

នៅថ្ងៃចន្ទ (ទី២៥ ខែឧសភា ឆ្នាំ២០២៦) នេះ ប្រទេសចិនបានប្រាប់អាល្លឺម៉ង់កុំឲ្យ «ផ្ដល់សញ្ញាមិនត្រឹមត្រូវ» ទៅកាន់ «កម្លាំងបំបែកខ្លួន» នៅកោះតៃវ៉ាន់ ដោយអ្នកនាំពាក្យក្រសួងការបរទេស លោកស្រី Mao Ning បានបញ្ជាក់ទៅកាន់អ្នកសារព័ត៌មាននៅទីក្រុងប៉េកាំងថា «មានប្រទេសចិនតែមួយគត់ នៅក្នុងពិភពលោក ហើយកោះតៃវ៉ាន់ គឺជាផ្នែកមួយដែលមិនអាចកាត់ផ្តាច់បាននៃទឹកដីរបស់ចិន»។លោក Mao បានឆ្លើយតបទៅនឹងសំណួរ អំពីរបាយការណ៍ ដែលថា គណៈប្រតិភូជាច្រើនគណបក្សមកពីអាល្លឺម៉ង់ កំពុងធ្វើទស្សនកិច្ច នៅទីក្រុងតៃប៉ិ ដែលចិនអះអាងថា ជា «ខេត្តបំបែកខ្លួន» ដោយតំណាងម្នាក់បានពិពណ៌នាអំពីកោះតៃវ៉ាន់ថា ជា «ដៃគូដ៏សំខាន់ សម្រាប់អាល្លឺម៉ង់»។ទីក្រុងតៃប៉ិ បានទទូចថា ខ្លួនមានឯករាជ្យតាំងពីឆ្នាំ១៩៤៩។ លោកស្រី Mao បានបន្តទៀតថា «ប្រទេសចិនប្រឆាំងយ៉ាងម៉ឺងម៉ាត់ ចំពោះអន្តរកម្មផ្លូវការទម្រង់ណាមួយ រវាងតំបន់តៃវ៉ាន់របស់ចិន និងប្រទេសដែលមានទំនាក់ទំនងការទូតជាមួយចិន»។លោកស្រីបានបន្ថែមថា៖ «គោលការណ៍ចិនតែមួយ គឺជាបទដ្ឋានដែលត្រូវបានទទួលស្គាល់យ៉ាងល្អ នៅក្នុងទំនាក់ទំនងអន្តរជាតិ និងជាការឯកភាពគ្នាជាសកល។ វាក៏ជាមូលដ្ឋានគ្រឹះនយោបាយ សម្រាប់ទំនាក់ទំនងចិន-អាល្លឺម៉ង់ផងដែរ។ យើងសូមអំពាវនាវដល់បុគ្គលមួយចំនួនមកពីប្រទេសអាល្លឺម៉ង់ឲ្យគោរពតាមគោលការណ៍ចិនតែមួយ ហើយឈប់ផ្ញើសារខុសទៅកាន់កងកម្លាំងបំបែកខ្លួនទាមទារឯករាជ្យរបស់កោះតៃវ៉ាន់»។គណៈប្រតិភូអាល្លឺម៉ង់នឹងជួបជាមួយមេដឹកនាំកោះតៃវ៉ាន់ លោក Lai Ching-te នៅថ្ងៃអង្គារ ហើយត្រូវបានគេរំពឹងថា នឹងស្នាក់នៅលើកោះនេះ រហូតដល់ថ្ងៃទី៣១ ខែឧសភា៕

ប្រធានាធិបតី បញ្ជាក់ថា អ៊ីរ៉ង់នឹងមិនទទួលយកការទាមទារហួសហេតុ នៅក្នុងកិច្ចចរចាជាមួយអាមេរិក

ទីភ្នាក់ងារសារព័ត៌មានរដ្ឋ IRNA បានរាយការណ៍ថា ប្រធានាធិបតីអ៊ីរ៉ង់ លោក Masoud Pezeshkian បាននិយាយនៅថ្ងៃចន្ទ (ទី២៥ ខែឧសភា ឆ្នាំ២០២៦) នេះថា ទីក្រុងតេអេរ៉ង់នឹងមិនទទួលយកនោះទេ សម្រាប់ «ការទាមទារហួសហេតុ» ដោយសហរដ្ឋអាមេរិក នៅក្នុងកិច្ចចរចាដែលសម្របសម្រួលដោយប៉ាគីស្ថាន។ក្នុងអំឡុងពេលជួបជាមួយសមាជិកនៃសភាពាណិជ្ជកម្ម ឧស្សាហកម្ម រ៉ែ និងកសិកម្មរបស់អ៊ីរ៉ង់ លោក Pezeshkian បាននិយាយថា៖ «ការចរចាត្រូវបានគ្រោងទុកតាមរបៀបដែលសិទ្ធិរបស់ប្រជាជាតិអ៊ីរ៉ង់ ត្រូវបានធានាយ៉ាងពេញលេញ»។លោកបានអះអាងថា៖ «ទោះបីជាសត្រូវបានបង្វែរការផ្តោតអារម្មណ៍របស់ខ្លួន ទៅលើសង្គ្រាមសេដ្ឋកិច្ចបន្ទាប់ពីបរាជ័យផ្នែកយោធាក៏ដោយ ក៏រដ្ឋាភិបាល និងវិស័យឯកជន ដោយធ្វើការរួមគ្នាដោយសាមគ្គីភាព ការយល់ចិត្ត និងកិច្ចសហប្រតិបត្តិការ នឹងឆ្លងកាត់ដំណាក់កាលនេះដោយជោគជ័យផងដែរ»។ ភាពតានតឹងក្នុងតំបន់បានកើនឡើងចាប់តាំងពីសហរដ្ឋអាមេរិក និងអ៊ីស្រាអែល បានចាប់ផ្តើមវាយប្រហារប្រឆាំងនឹងអ៊ីរ៉ង់កាលពីខែកុម្ភៈ។ ទីក្រុងតេអេរ៉ង់បានសងសឹកដោយការវាយប្រហារដែលកំណត់គោលដៅលើអ៊ីស្រាអែល ក៏ដូចជាសម្ព័ន្ធមិត្តអាមេរិក នៅឈូងសមុទ្រ រួមជាមួយនឹងការបិទច្រកសមុទ្រ Hormuz។បទឈប់បាញ់មួយបានចូលជាធរមាននៅថ្ងៃទី៨ ខែមេសា តាមរយៈការសម្របសម្រួលរបស់ប៉ាគីស្ថាន ហើយក្រោយមកត្រូវបានពង្រីកដោយប្រធានាធិបតីអាមេរិក លោក Donald Trump ដោយគ្មានកំណត់។ កាលពីថ្ងៃសៅរ៍ចុងសប្ដាហ៍កន្លងមក លោក Trump បាននិយាយថា កិច្ចព្រមព្រៀងជាមួយអ៊ីរ៉ង់ ដើម្បីបញ្ចប់ជម្លោះនេះ ត្រូវបាន «ចរចាដោយភាគច្រើន» ហើយកំពុងរង់ចាំការបញ្ចប់៕

ការវាយប្រហារលើមណ្ឌលព្យាបាលជំងឺ Ebola នៅភាគខាងកើតកុងហ្គោ នាំឲ្យអ្នកជំងឺ ១៣នាក់បាត់ខ្លួន

យោងតាមការផ្សាយរបស់វិទ្យុ Okapi បានឲ្យដឹងថា អ្នកស្រុកក្នុងទីក្រុងនៅភាគខាងកើតនៃសាធារណរដ្ឋប្រជាធិបតេយ្យកុងហ្គោ ដែលស្ថិតនៅចំកណ្តាលនៃការផ្ទុះឡើងនូវជំងឺអេបូឡា បានដុតតង់ព្យាបាល កាលពីថ្ងៃសុក្រចុងសប្ដាហឬកន្លងមក ដោយនាំឲ្យអ្នកត្រូវបានសង្ស័យមានជំងឺ Ebola ចំនួន ១៣នាក់បាត់ខ្លួន។យោងតាមការផ្សាយនោះ បានឲ្យដឹងទៀតថា អំឡុងការវាយប្រហារបែបនេះជាលើកទី២ ក្នុងរយៈពេលមួយសប្តាហ៍ ក្រុមយុវជនដែលពេញដោយកំហឹង បានសម្រុកទៅកាន់តង់ព្យាបាលជំងឺដែលសាងសង់ឡើងដោយមានការគាំទ្រពីអង្គការគ្រូពេទ្យគ្មានព្រំដែន (MSF) នៅមន្ទីរពេទ្យបង្អែកទូទៅ Mongwalu។លោក Richard Lokudi ប្រធានពេទ្យនៃមន្ទីរពេទ្យ Mongwalu បានប្រាប់វិទ្យុ Okapi ថា មណ្ឌលនេះផ្ទុកមនុស្ស ២៨នាក់ដែលសង្ស័យឆ្លងជំងឺ Ebola ហើយយ៉ាងហោចណាស់ ១៣នាក់បានរត់គេចខ្លួន និងនៅតែរកមិនទាន់ឃើញ។លោកបានបន្ថែមថា នគរបាលបានបើកការស៊ើបអង្កេតកាលពីព្រឹកថ្ងៃសៅរ៍ ដើម្បីកំណត់អត្តសញ្ញាណជនល្មើស និងកំណត់ទីតាំងអ្នកជំងឺដែលបាត់ខ្លួន ដែលត្រូវបានគេជឿថា កំពុងលាក់ខ្លួនក្នុងចំណោមប្រជាជន។គួរបញ្ជាក់ថា ហេតុការណ៍នេះគឺជាការវាយប្រហារលើកទី២ លើហេដ្ឋារចនាសម្ព័ន្ធព្យាបាលជំងឺ Ebola នៅក្នុងតំបន់ ក្នុងរយៈពេល ១សប្តាហ៍ ដែលបង្ហាញពីភាពតានតឹងកាន់តែខ្លាំងឡើង រវាងបុគ្គលិកសុខាភិបាល និងសហគមន៍ក្នុងតំបន់ ក្នុងអំឡុងពេលមានការផ្ទុះឡើងនូវជំងឺនេះ៕

បណ្ដាញសង្គម

ព័ត៌មានថ្មីៗ

វេជ្ជបណ្ឌិត៖ សុខភាពលោក Trump គឺល្អប្រសើរណាស់ ប៉ុន្តែគួរតែសម្រកទម្ងន់

អ្នកនៅរស់ពីការជាប់ក្នុងរូងភ្នំ នៅឡាវ បានបរិភោគថាសឈើសម្រាប់រែងមាស ដើម្បីបន្តជីវិត

មនុស្ស ១៨នាក់ស្លាប់ និង ៣០នាក់រងរបួស ដោយសាររថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន

សេតវិមាន៖ លោក Trump «នឹងធ្វើតែកិច្ចព្រមព្រៀងដែលល្អសម្រាប់អាមេរិកប៉ុណ្ណោះ» ជាមួយអ៊ីរ៉ង់

នាយករដ្ឋមន្ត្រី៖ កាណាដា និងចិន កំពុងសាង «ភាពជាដៃគូប្រកបដោយស្ថិរភាព និងការស្ថាបនាបន្ថែមទៀត»

រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប

របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់ៗ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

រុស្ស៊ីគំរាមវាយប្រហារទីក្រុងគីវរបស់អ៊ុយក្រែនបន្ថែមទៀត និងប្រាប់ជនបរទេសឱ្យចាកចេញ

របាយការណ៍៖ មេដឹកនាំកំពូលអ៊ីរ៉ង់ រស់នៅក្នុង «លេណដ្ឋាន» សម្ងាត់ ដោយទាក់ទងបានតាមរយៈអ្នកនាំសារប៉ុណ្ណោះ

រដ្ឋមន្ត្រីស្តាំនិយមអ៊ីស្រាអែលជំរុញឲ្យលោក Netanyahu ចាប់ផ្ដើមវាយប្រហារទីក្រុង Beirut ឡើងវិញ ដើម្បីទប់ទល់ក្រុម Hezbollah

លោក Trump៖ កតិកាសញ្ញាណាមួយជាមួយអ៊ីរ៉ង់ ត្រូវតែ «អស្ចារ្យ និងមានអត្ថន័យ» ឬ «គ្មានកិច្ចព្រមព្រៀង»

ចិនជំរុញឲ្យអាល្លឺម៉ង់បញ្ឈប់ការផ្ដល់ «សញ្ញាមិនត្រឹមត្រូវ» ជុំវិញបញ្ហាកោះតៃវ៉ាន់

ប្រធានាធិបតី បញ្ជាក់ថា អ៊ីរ៉ង់នឹងមិនទទួលយកការទាមទារហួសហេតុ នៅក្នុងកិច្ចចរចាជាមួយអាមេរិក

ការវាយប្រហារលើមណ្ឌលព្យាបាលជំងឺ Ebola នៅភាគខាងកើតកុងហ្គោ នាំឲ្យអ្នកជំងឺ ១៣នាក់បាត់ខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

រុស្ស៊ីគំរាមវាយប្រហារទីក្រុងគីវរបស់​អ៊ុយក្រែន​​បន្ថែមទៀត និងប្រាប់ជនបរទេសឱ្យចាកចេញ

របាយការណ៍៖ មេដឹកនាំកំពូលអ៊ីរ៉ង់ រស់​នៅក្នុង «លេណដ្ឋាន» សម្ងាត់ ដោយ​ទាក់ទងបាន​តាមរយៈអ្នកនាំសារប៉ុណ្ណោះ

លោក Trump៖ កតិកាសញ្ញាណាមួយជាមួយអ៊ីរ៉ង់ ត្រូវតែ «អស្ចារ្យ និងមានអត្ថន័យ» ឬ «គ្មានកិច្ចព្រមព្រៀង»

ចិនជំរុញឲ្យ​អាល្លឺម៉ង់បញ្ឈប់​ការ​ផ្ដល់​ «សញ្ញាមិន​ត្រឹម​ត្រូវ​» ជុំវិញ​បញ្ហា​កោះ​តៃវ៉ាន់

ប្រធានាធិបតី បញ្ជាក់ថា អ៊ីរ៉ង់នឹងមិនទទួលយកការទាមទារហួសហេតុ នៅក្នុងកិច្ចចរចាជាមួយ​អាមេរិក​

ការវាយប្រហារលើមណ្ឌលព្យាបាលជំងឺ Ebola នៅភាគខាងកើតកុងហ្គោ នាំ​ឲ្យ​អ្នកជំងឺ ១៣នាក់បាត់ខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីគំរាមវាយប្រហារទីក្រុងគីវរបស់អ៊ុយក្រែនបន្ថែមទៀត និងប្រាប់ជនបរទេសឱ្យចាកចេញ

របាយការណ៍៖ មេដឹកនាំកំពូលអ៊ីរ៉ង់ រស់នៅក្នុង «លេណដ្ឋាន» សម្ងាត់ ដោយទាក់ទងបានតាមរយៈអ្នកនាំសារប៉ុណ្ណោះ

ចិនជំរុញឲ្យអាល្លឺម៉ង់បញ្ឈប់ការផ្ដល់ «សញ្ញាមិនត្រឹមត្រូវ» ជុំវិញបញ្ហាកោះតៃវ៉ាន់

ប្រធានាធិបតី បញ្ជាក់ថា អ៊ីរ៉ង់នឹងមិនទទួលយកការទាមទារហួសហេតុ នៅក្នុងកិច្ចចរចាជាមួយអាមេរិក

ការវាយប្រហារលើមណ្ឌលព្យាបាលជំងឺ Ebola នៅភាគខាងកើតកុងហ្គោ នាំឲ្យអ្នកជំងឺ ១៣នាក់បាត់ខ្លួន