BTV NEWS

EU៖ រុស្សីនឹងមិនអាចយកបានទ្រព្យសម្បត្តិត្រូវបានបង្កវិញ ដោយមិនមានការទូទាត់ឡើយ

ប៉ាគីស្ថាន៖ មនុស្សជិតកន្លះលាននាក់ដែលជាប់ដោយសារទឹកជំនន់ ត្រូវបានជម្លៀស

អ្នកការទូតជាន់ខ្ពស់របស់ EU «មិនមានសុទិដ្ឋិនិយម» ជុំវិញការដាក់ទណ្ឌកម្មលើអ៊ីស្រាអែល

រថយន្តបំបុកចូលហ្វូងមនុស្សនៅបារាំង បណ្ដាលឲ្យមនុស្សម្នាក់ស្លាប់

ព័ត៌មានអន្តរជាតិ

ក្រុមកណ្តាល-ស្ដាំនិយមព័រទុយហ្គាល់ បន្តនាំមុខក្នុងការស្ទង់មតិ តែនៅខ្វះសំឡេងភាគច្រើន

យោងទៅតាមការស្ទង់មតិថ្មី នៅមុនការបោះឆ្នោតសកលរបស់ប្រទេសព័រទុយហ្គាល់ នាថ្ងៃអាទិត្យចុងសប្ដាហ៍នេះ ក្រុមកណ្តាល-ស្តាំនិយម គឺគណបក្សសម្ព័ន្ធប្រជាធិបតេយ្យ (AD) បានបន្តការនាំមុខរបស់ខ្លួន ប៉ុន្តែវានៅតែមើលទៅហាក់ដូចជានៅឆ្ងាយពីការទទួលបានសំឡេងភាគច្រើន ក្នុងសភា ដែលត្រូវការចាំបាច់ ដើម្បីបង្កើតរដ្ឋាភិបាលស្ថិរភាពមួយ។ការស្ទង់មតិដោយសាកលវិទ្យាល័យកាតូលិករបស់ទីក្រុង Lisbon ដែលចេញផ្សាយដោយទូរទស្សន៍ RTP កាលពីល្ងាចថ្ងៃព្រហស្បតិ៍ (ទី១៥ ខែឧសភា) បានដាក់ការគាំទ្រចំពោះបក្ស AD របស់លោកនាយករដ្ឋមន្ត្រី Luis Montenegro នៅកម្រិត ៣៤ភាគរយ ដោយកើនឡើងពី ៣២ភាគរយ នៅក្នុងការស្ទង់មតិដូចគ្នាកាលពីមួយសប្តាហ៍មុន។ ការគាំទ្រចំពោះគូប្រជែងធំរបស់បក្ស AD គឺគណបក្សសង្គមនិយម (PS) ដែលប្រកាន់និន្នាការកណ្ដាល-ឆ្វេងនិយម បានធ្លាក់ចុះពី ២៨ភាគរយ មក ២៦ភាគរយ។តែទោះបីជាយ៉ាងណានេះក្ដី លទ្ធផលនោះនឹងធ្វើឲ្យបក្ស AD មិនអាចបង្កើតរដ្ឋាភិបាលស្ថិរភាពមួយបានទេ ព្រោះវានឹងមិនទទួលបានសំឡេងភាគច្រើន ក្នុងសភា ដែលអាចសម្រេចបានយ៉ាងហោចណាស់ ៤២ភាគរយ។ការបោះឆ្នោតសកលខែមីនា ឆ្នាំ២០២៤ បានបញ្ចប់ទៅជាមួយនឹងសំឡេងឆ្នោតប្រដំប្រសងគ្នា ដោយបក្ស AD (២៨ភាគរយ) និងបក្ស PS (២៧ភាគរយ) ជាលទ្ធផលដែលនាំទៅដល់ការបង្កើតរដ្ឋាភិបាលសំឡេងភាគតិចរបស់បក្ស AD៕

[UPDATE] មន្ត្រីរុស្ស៊ី និងអ៊ុយក្រែន ចាប់ផ្តើមជួបប្រជុំគ្នា នៅទីក្រុងអ៊ីស្តង់ប៊ុល

គណៈប្រតិភូមកពីរុស្ស៊ី និងអ៊ុយក្រែន កំពុងជួបប្រជុំគ្នា នៅទីក្រុងអ៊ីស្តង់ប៊ុល ប្រទេសទួរគី។ ទោះបីជាមេដឹកនាំនៃប្រទេសទាំង២ មិនមានវត្តមានក៏ដោយ ប៉ុន្តែការដែលតំណាងនៃប្រទេសទាំង២ ស្ថិតនៅក្នុងបន្ទប់ជាមួយគ្នាបែបនេះ គឺជាពេលវេលាដ៏សំខាន់ណាស់។ក្រុមនៃភាគីអ៊ុយក្រែនត្រូវបានដឹកនាំដោយរដ្ឋមន្ត្រីការពារជាតិ លោក Rustem Umerov ខណៈដែលភាគីរុស្ស៊ីដឹកនាំដោយជំនួយការវិមានក្រឹមឡាំងលោក Vladimir Medinsky។ រដ្ឋមន្ត្រីការបរទេសតួកគី លោក Hakan Fidan ធ្វើជាប្រធាន។នេះជាលើកដំបូងហើយដែលគណៈប្រតិភូនៃប្រទេសទាំង២ បានជួបគ្នាដោយផ្ទាល់ គិតចាប់តាំងពីឆ្នាំ២០២២។គួរកត់សម្គាល់ថា ទាំងប្រធានាធិបតីអ៊ុយក្រែន លោក Volodymyr Zelensky និងប្រធានាធិបតីរុស្ស៊ី លោក Vladimir Putin មិនចូលរួមនោះទេ បន្ទាប់ពីមានភាពមិនប្រាកដប្រជាជាច្រើនថ្ងៃ។ លោក Zelensky បានរិះគន់លោក Putin ចំពោះការមិនបញ្ជូន «អ្នកមានសិទ្ធិសម្រេចពិតប្រាកដ» សម្រាប់កិច្ចពិភាក្សានេះ៕

[BREAKING NEWS] មន្ត្រីរុស្ស៊ី និងអ៊ុយក្រែន ចាប់ផ្តើមជួបប្រជុំគ្នា នៅទីក្រុងអ៊ីស្តង់ប៊ុល

គណៈប្រតិភូមកពីរុស្ស៊ី និងអ៊ុយក្រែន កំពុងជួបប្រជុំគ្នា នៅទីក្រុងអ៊ីស្តង់ប៊ុល ប្រទេសទួរគី។ ក្រុមភាគីអ៊ុយក្រែនត្រូវបានដឹកនាំដោយរដ្ឋមន្ត្រីការពារជាតិ លោក Rustem Umerov ខណៈដែលភាគីរុស្ស៊ីដឹកនាំដោយជំនួយការវិមានក្រឹមឡាំងលោក Vladimir Medinsky។ រដ្ឋមន្ត្រីការបរទេសតួកគី លោក Hakan Fidan ធ្វើជាប្រធាន៕

លោក Trump និយាយថា មនុស្សជាច្រើន នៅហ្កាហ្សា កំពុង «ស្រេកឃ្លាន»

ប្រធានាធិបតីអាមេរិក លោក Donald Trump នៅថ្ងៃសុក្រ (ទី១៦ ខែឧសភា) បាននិយាយថា «មនុស្សជាច្រើនកំពុងស្រេកឃ្លាន» នៅក្នុងតំបន់ឡោមព័ទ្ធហ្កាហ្សាស្ទ្រីប ជាកន្លែងដែលក្រុមអ្នកជួយសង្គ្រោះ បានរាយការណ៍ថា មានមនុស្សស្លាប់ជាង ៥០នាក់ អំឡុងការវាយប្រហារតាមអាកាសរបស់អ៊ីស្រាអែល ចាប់តាំងពីពាក់កណ្តាលអធ្រាត្រ។ការអត្ថាធិប្បាយខ្លីៗរបស់លោក Trump ស្តីពីតំបន់ហ្កាហ្សា បានកើតឡើងនៅពេលដែលលោកបានបញ្ចប់ដំណើរក្រៅប្រទេសលើកដំបូងនៃអាណត្តិទី២ របស់លោក ដែលបានឃើញលោកទៅទស្សនកិច្ចប្រទេសឈូងសមុទ្រជាច្រើន ប៉ុន្តែមិនរាប់បញ្ចូលសម្ព័ន្ធមិត្តសំខាន់របស់ខ្លួន គឺអ៊ីស្រាអែលនោះទេ។បទឈប់បាញ់រយៈពេល ២ខែ រវាងអ៊ីស្រាអែល និងក្រុមហាម៉ាស បានដួលរលំនៅក្នុងខែមីនា ពោលគឺភ្លាមៗបន្ទាប់ពីអ៊ីស្រាអែលបានដាក់ចេញឡើងវិញនូវវិធានការរាំងខ្ទប់ទាំងស្រុងលើតំបន់ហ្កាហ្សា ដែលភ្នាក់ងារផ្តល់ជំនួយនិយាយថា បានបង្កឲ្យមានការខ្វះខាតស្បៀងអាហារធ្ងន់ធ្ងរ។នៅថ្ងៃទី១៦ ខែឧសភា ទីភ្នាក់ងារការពារជនស៊ីវិលរបស់ហ្កាហ្សា បានប្រាប់ឲ្យដឹងថា មនុស្ស ៥៦នាក់ ត្រូវបានសម្លាប់ អំឡុងការវាយប្រហាររបស់អ៊ីស្រាអែល គិតចាប់តាំងពីពាក់កណ្តាលអធ្រាត្រ ដោយក្រុមគ្រូពេទ្យបឋមសង្គ្រោះបានរាយការណ៍ថា មានមនុស្សរាប់សិបនាក់ទៀតរងរបួស។លោក Trump បានប្រាប់អ្នកសារព័ត៌មាននៅទីក្រុង Abu Dhabi ប្រទេសអារ៉ាប់រួមថា៖ «យើងកំពុងយកចិត្តទុកដាក់លើតំបន់ហ្កាហ្សា ហើយយើងនឹងដោះស្រាយស្ថានភាពននៅទីនោះ។ មនុស្សជាច្រើនកំពុងស្រេកឃ្លាន»។អ៊ីស្រាអែលបានកាត់ផ្តាច់ជំនួយដល់តំបន់ហ្កាហ្សា កាលពីថ្ងៃទី២ ខែមីនា ជាយុទ្ធសាស្ត្រមួយដែលប្រទេសនេះបានផ្ដល់ហេតុផលថា មានបំណងបង្ខំឲ្យធ្វើសម្បទានពីក្រុមសកម្មប្រយុទ្ធហាម៉ាស ដែលនៅតែឃុំឃាំងចំណាប់ថ្នូរអ៊ីស្រាអែលរាប់សិបនាក់ដែលត្រូវបានចាប់ខ្លួនក្នុងខែតុលា ឆ្នាំ២០២៣៕

មន្ត្រីជាន់ខ្ពស់៖ កងទ័ពចិនត្រៀមខ្លួនជាស្រេច ដើម្បីពង្រឹងទំនាក់ទំនងយុទ្ធសាស្ត្រជាមួយរុស្ស៊ី ដើម្បី ស្ថិរភាព

អ្នកនាំពាក្យក្រសួងការពារជាតិចិន លោក Jiang Bin បាននិយាយកាលពីថ្ងៃព្រហស្បតិ៍ថា កងទ័ពរំដោះប្រជាជនចិនត្រៀមខ្លួនជាស្រេច ក្នុងការពង្រឹងទំនាក់ទំនងយុទ្ធសាស្ត្រ ជាមួយកងកម្លាំងប្រដាប់អាវុធរុស្ស៊ី ដើម្បីជាប្រយោជន៍ដល់ការរក្សាស្ថិរភាពពិភពលោក។អ្នកនាំពាក្យរូបនេះ បាននិយាយនៅក្នុងសេចក្តីថ្លែងការណ៍មួយថា៖«កងទ័ពរបស់ប្រទេសចិន បានត្រៀមខ្លួនរួចជាស្រេចសម្រាប់ការទំនាក់ទំនងជាមួយរុស្ស៊ី ក្រោមការដឹកនាំជាយុទ្ធសាស្ត្ររបស់មេដឹកនាំនៃប្រទេសទាំងពីរ ក្នុងការធ្វើឲ្យកាន់តែស៊ីជម្រៅនូវទំនុកចិត្តទៅវិញទៅមកជាយុទ្ធសាស្រ្ត ពង្រឹងទំនាក់ទំនងជាយុទ្ធសាស្រ្ត និងពង្រីកកិច្ចសហប្រតិបត្តិការជាក់ស្តែង ដើម្បីដើរតួយ៉ាងសំខាន់ ក្នុងការរក្សា និងពង្រឹងស្ថិរភាពយុទ្ធសាស្រ្តពិភពលោក»។អ្នកនាំពាក្យរូបនេះ បាននិយាយថា ក្នុងប៉ុន្មានឆ្នាំថ្មីៗនេះ កងកម្លាំងប្រដាប់អាវុធនៃប្រទេសចិន និងរុស្ស៊ីបាននិងកំពុងរក្សាទំនាក់ទំនងកម្រិតខ្ពស់ ផ្លាស់ប្តូរទស្សនៈគ្នាយ៉ាងស៊ីជម្រៅ ធ្វើសមយុទ្ធរួមគ្នា ចូលរួមក្នុងព្រឹត្តិការណ៍សាធារណៈ និងនយោបាយសំខាន់ៗ និងរួមគ្នាបង្កើតកម្លាំងជំរុញវិជ្ជមានសម្រាប់ការអភិវឌ្ឍទំនាក់ទំនងអន្តរកងទ័ពទ្វេភាគី។លោកបន្តថា ដូច្នេះកិច្ចសហប្រតិបត្តិការរវាងប្រទេសចិននិងរុស្ស៊ី កាន់តែមានសារសំខាន់។អ្នកនាំពាក្យរូបនេះ បាននិយាយថា ឆ្នាំនេះ គឺជាខួបលើកទី ៨០ នៃជ័យជម្នះរបស់ប្រជាជនចិន ក្នុងសង្គ្រាមប្រឆាំងនឹងការឈ្លានពានរបស់ជប៉ុន និងជ័យជម្នះរបស់សហភាពសូវៀតលើពួកណាហ្ស៊ីនិយមអាល្លឺម៉ង់ ក្នុងសង្គ្រាមស្នេហាជាតិដ៏អស្ចារ្យឆ្នាំ ១៩១៤-១៩៤៥។

អាមេរិកនឹងបន្តបម្រាមធ្វើដំណើររបស់ពលរដ្ឋខ្លួន ទៅកូរ៉េខាងជើង រហូតដល់ខែសីហា ឆ្នាំក្រោយ

ការជូនដំណឹងរបស់ក្រសួងការបរទេសអាមេរិក បានបង្ហាញកាលពីថ្ងៃព្រហស្បតិ៍ថា ទីក្រុងវ៉ាស៊ីនតោន នឹងបន្តការហាមឃាត់ការធ្វើដំណើររបស់ពលរដ្ឋខ្លួន ទៅកាន់ប្រទេសកូរ៉េខាងជើង រយៈពេលមួយឆ្នាំទៀត ដោយលើកឡើងពីហានិភ័យ «ដ៏ធ្ងន់ធ្ងរ» ដែលទាក់ទងនឹងការធ្វើដំណើរណាមួយ ទៅកាន់រដ្ឋឯកោនេះ។ក្រសួង បានបង្ហោះការជូនដំណឹង នៅលើគេហទំព័រចុះឈ្មោះសហព័ន្ធកាលពីថ្ងៃពុធ ដោយប្រកាសពីការសម្រេចចិត្តលើការពន្យារពេលដែលនឹងធ្វើឲ្យការរឹតបន្តឹង មានសុពលភាព ចាប់ពីថ្ងៃទី ០១ ខែកញ្ញា ដល់ថ្ងៃទី ៣១ ខែសីហា ឆ្នាំក្រោយ ខណៈដែលវិធានការបច្ចុប្បន្ន ត្រូវបានកំណត់ថា នឹងផុតកំណត់ នៅថ្ងៃទី ៣១ ខែសីហា។នៅក្រោមចំណាត់ការនេះ លិខិតឆ្លងដែនអាមេរិកទាំងអស់ នឹងត្រូវប្រកាសថា មិនមានសុពលភាពសម្រាប់ការធ្វើដំណើរទៅ ចូល ឬឆ្លងកាត់ប្រទេសកូរ៉េខាងជើង លុះត្រាតែមានសុពលភាពជាពិសេសសម្រាប់ការធ្វើដំណើរបែបនេះ។ក្រសួងបាននិយាយនៅក្នុងសេចក្តីជូនដំណឹងនោះថា៖«ក្រសួងការបរទេស បានកំណត់ថា នៅតែមានហានិភ័យធ្ងន់ធ្ងរ ដល់ពលរដ្ឋ និងជនជាតិអាមេរិក ក្នុងការចាប់ខ្លួន និងការឃុំខ្លួន រយៈពេលវែង ដែលបង្កើតជាគ្រោះថ្នាក់ដល់សុវត្ថិភាពរាងកាយរបស់ពួកគេ»។ក្នុងឆ្នាំ ២០១៧ សហរដ្ឋអាមេរិក បានអនុវត្តការរឹតបន្តឹងការធ្វើដំណើរលើប្រទេសកូរ៉េខាងជើង។ ចាប់តាំងពីពេលនោះមក ការរឹងបន្តឹងនេះ ត្រូវបានបន្តជារៀងរាល់ឆ្នាំ។

រដ្ឋបាលលោក Trump បណ្តេញបុគ្គលិកវិទ្យុសំឡេងសហរដ្ឋអាមេរិករាប់រយនាក់

រដ្ឋបាលរបស់ប្រធានាធិបតី លោក Donald Trump កាលពីថ្ងៃព្រហស្បតិ៍ (ទី១៥ ខែឧសភា) បានបណ្តេញបុគ្គលិកជិត ៦០០នាក់របស់វិទ្យុសំឡេងសហរដ្ឋអាមេរិក (VOA) ជាបណ្តាញព័ត៌មានទទួលបានមូលនិធិសហព័ន្ធដែលផ្តល់ការរាយការណ៍ឯករាជ្យដល់ប្រទេសមានសេរីភាពសារព័ត៌មាននៅមានកម្រិត។ការបញ្ឈប់ពីការងារនេះ ផ្តោតលើអ្នកធ្វើការឯករាជ្យដែលភាគច្រើនជាអ្នកកសែត ប៉ុន្តែក៏មានបុគ្គលិករដ្ឋបាលមួយចំនួនផងដែរ ហើយមានចំនួនច្រើនជាង ១ភាគ៣នៃបុគ្គលិករបស់ VOA។នេះគឺជាសញ្ញា ដែលបានបង្ហាញថា រដ្ឋបាលលោក Trump គ្រោងបន្តកិច្ចប្រឹងប្រែងរបស់ខ្លួន ដើម្បីរុះរើប្រព័ន្ធផ្សព្វផ្សាយនេះ ទោះបីជាមានសេចក្តីសម្រេចរបស់តុលាការកាលពីខែមេសា ដែលបានបង្គាប់បញ្ជាឲ្យរដ្ឋាភិបាលសហព័ន្ធបន្តឲ្យការផ្សាយកម្មវិធីព័ត៌មានដំណើរការក្នុងបណ្តាញនេះ ដែលលោកប្រធានាធិបតីអាមេរិក បានចាត់ទូកថា «សំឡេងនៃរ៉ាឌីកាល់អាមេរិក»។ជាសញ្ញាបង្ហាញមួយផ្សេងទៀតនៃវិធានការប្រឆាំងរបស់រដ្ឋបាលលោក Trump ចំពោះប្រព័ន្ធផ្សព្វផ្សាយ អគារសហព័ន្ធក្នុងទីក្រុងវ៉ាស៊ីនតោន ដែលជាអាគារបស់ស្ថាប័នប្រព័ន្ធផ្សព្វផ្សាយ ត្រូវបានដាក់លក់កាលពីថ្ងៃទី១៥ ខែឧសភា។លោកស្រី Kari Lake ទីប្រឹក្សាជាន់ខ្ពស់នៅទីភ្នាក់ងារសហរដ្ឋអាមេរិក សម្រាប់ប្រព័ន្ធផ្សព្វផ្សាយសកល (USAGM) ដែលមើលការខុសត្រូវលើ VOA បាននិយាយថា រដ្ឋបាលលោក Trump បានចាត់វិធានការនៅក្នុងអំណាចច្បាប់របស់ខ្លួន។កាលពីថ្ងៃទី១៥ ខែឧសភា នៅក្នុងលិខិតផ្ញើទៅកាន់បុគ្គលិកដែលត្រូវបានបណ្តេញចេញ រដ្ឋបាលលោក Trump បានលើកឡើងពី «ការកាត់បន្ថយភាពស្មុគស្មាញរបស់រដ្ឋាភិបាល» ជាហេតុផលសម្រាប់ការបញ្ចប់ការងារនេះ។គួរបញ្ជាក់ថា វិទ្យុសំឡេងសហរដ្ឋអាមេរិក (VOA) ដែលត្រូវបានបង្កើតឡើងក្នុងឆ្នាំ១៩៤២ បានផ្អាកប្រតិបត្តិការនៅថ្ងៃទី១៥ ខែមីនា ពោលគឺមួយថ្ងៃបន្ទាប់ពីលោក Trump បានចុះហត្ថលេខាលើក្រឹត្យដែលស្វែងរកការរំលាយ USAGM៕

អធិការបតី៖ បច្ចុប្បន្ននេះ អាល្លឺម៉ង់មិនមានផែនការបញ្ជូនមីស៊ីលតម្រង់គោលដៅ Taurus ទៅឲ្យអ៊ុយ ក្រែនទេ

អធិការបតីអាល្លឺម៉ង់ លោក Friedrich Merz បាននិយាយថា នាពេលបច្ចុប្បន្ននេះ ប្រទេសអាល្លឺម៉ង់ មិនមានគម្រោងបញ្ជូនមីស៊ីលតម្រង់គោលដៅរយៈចម្ងាយឆ្ងាយ Taurus ទៅកាន់ប្រទេសអ៊ុយក្រែនទេ។"At present, this question is not on the agenda," he told the ZDF television.លោកបានប្រាប់ទូរទស្សន៍ ZDF ថា៖ «នៅពេលនេះ បញ្ហានេះ មិនស្ថិតក្នុងរបៀបវារៈទេ។នៅក្នុងការលើកឡើងរបស់លោក ការដឹកជញ្ជូននេះ អាចត្រូវការពេលវេលា និងការរៀបចំជាច្រើន ពីព្រោះការបណ្តុះបណ្តាលពិសេស គឺត្រូវបានទាមទារសម្រាប់ប្រតិបត្តិការមីស៊ីលទាំងនេះ។ ទោះជាយ៉ាងណាក៏ដោយ លោក Merz បានបន្ថែមថា ទីក្រុងគីវ នឹងទទួលបានមីស៊ីលតម្រង់គោលដៅពីចក្រភពអង់គ្លេស និងបារាំង។តាមគំនិតរបស់លោក សារៈសំខាន់នៃមីស៊ីល Taurus សម្រាប់អ៊ុយក្រែន ត្រូវបានវាយតម្លៃលើសលប់ដោយសាធារណជន។លោក Merz តស៊ូមតិឲ្យមានការពង្រឹងអំណាចនៃរដ្ឋអាល្លឺម៉ង់ និងគោលនយោបាយការបរទេស អនុវត្ត តាមមាគ៌ាប្រឆាំងរុស្ស៊ីយ៉ាងម៉ឺងម៉ាត់។ ជាពិសេស អធិការបតីរូបនេះ បានគាំទ្រដោយបើកចំហ ចំពោះការបញ្ជូនមីស៊ីល Taurus រយៈចម្ងាយឆ្ងាយ ទៅឲ្យរបបទីក្រុងគីវ សម្រាប់ការវាយប្រហារលើទឹកដីរុស្ស៊ី។

បារាំងប្ដឹងអ៊ីរ៉ង់នៅតុលាការកំពូលរបស់អង្គការសហប្រជាជាតិ ជុំវិញការឃុំខ្លួនពលរដ្ឋរបស់ខ្លួន

រដ្ឋមន្ត្រីការបរទេសបារាំង បាននិយាយនៅថ្ងៃសុក្រថា ទីក្រុងប៉ារីស បានបើកសំណុំរឿងប្រឆាំងនឹងទីក្រុងតេអេរ៉ង់ នៅតុលាការកំពូលរបស់អង្គការសហប្រជាជាតិលើពលរដ្ឋបារាំងពីរនាក់ ដែលត្រូវបានឃុំខ្លួន ក្នុងប្រទេសអ៊ីរ៉ង់ រយៈពេល បីឆ្នាំ។ការប្រកាសនេះ បានធ្វើឡើង ខណៈក្រុមអ្នកចរចាអ៊ីរ៉ង់ គ្រោងនឹងជួបជាមួយសមភាគីរបស់ពួកគេមកពីចក្រភពអង់គ្លេស បារាំង និងអាល្លឺម៉ង់ ក្នុងទីក្រុងប្រទេសទួរគី នៅថ្ងៃសុក្រនេះ សម្រាប់ការពិភាក្សាអំពីកម្មវិធីនុយក្លេអ៊ែររបស់អ៊ីរ៉ង់។អ្នកស្រី Cecile Kohler គ្រូបង្រៀនអក្សរសាស្ត្រ អាយុ ៤០ឆ្នាំ មកពីភាគខាងកើតប្រទេសបារាំង និងដៃគូរបស់អ្នកស្រីលោក Jacques Paris ក្នុងវ័យ ៧០ឆ្នាំ ត្រូវបានចាប់ខ្លួន នៅថ្ងៃទី ០៧ ខែឧសភា ឆ្នាំ ២០២២ នៅថ្ងៃចុងក្រោយនៃដំណើរទេសចរណ៍ នៅក្នុងប្រទេសអ៊ីរ៉ង់។ពួកគេត្រូវបានឃុំខ្លួន ជុំវិញការចោទប្រកាន់ពីបទធ្វើចារកម្ម ដែលពួកគេបានបដិសេធយ៉ាងដាច់អហង្ការ។នៅក្នុងសំណុំរឿងរបស់ខ្លួន នៅតុលាការយុត្តិធម៌អន្តរជាតិ (ICJ) ប្រទេសបារាំង បានចោទប្រកាន់អ៊ីរ៉ង់ថា «បានរំលោភលើកាតព្វកិច្ចរបស់ខ្លួន ក្នុងការផ្តល់ការការពាររបស់កុងស៊ុល» ដល់អ្នកទាំងពីរ ដែល «ត្រូវបានចាប់ធ្វើជាចំណាប់ខ្មាំងដែលត្រូវបានឃុំខ្លួនក្នុងលក្ខខណ្ឌដ៏គួរឲ្យសោកស្តាយ ដែលស្មើនឹងការធ្វើទារុណកម្ម»។

ក្រុមជីហាដនិយម នៅនីហ្សេរីយ៉ា ងាកទៅរកបណ្តាញសង្គម TikTok ដើម្បីផ្សព្វផ្សាយការឃោសនា

ក្រុមជីហាដនិយមនៅភាគឦសានប្រទេសនីហ្សេរីយ៉ា កំពុងកើនឡើង ហើយប្រើប្រាស់ប្រព័ន្ធផ្សព្វផ្សាយសង្គម ដើម្បីផ្សព្វផ្សាយពីយុទ្ធនាការរបស់ពួកគេ និងជ្រើសរើសសមាជិក។យ៉ាងហោចណាស់មនុស្ស ១០០នាក់ ត្រូវបានសម្លាប់ នៅក្នុងរលកថ្មីនៃការវាយប្រហាររបស់ក្រុមជីហាដនៅក្នុងខែមេសាប៉ុណ្ណោះ ខណៈដែលអភិបាលរដ្ឋ Borno ដែលជាចំណុចកណ្តាលនៃអំពើហិង្សាដែលបានផ្ទុះឡើង តាំងពីឆ្នាំ ២០០៩ បាននិយាយថា រដ្ឋនេះ កំពុងបាត់បង់ទឹកដី ទៅលើក្រុមប្រដាប់អាវុធ។ក្នុងពេលជាមួយគ្នានោះ ក្រុមជីហាដជាក់ស្តែង និងអ្នកជំរុញរបស់ពួកគេ នៅលើបណ្តាញសង្គម TikTok កំពុងបង្ហាញកាំភ្លើង គ្រាប់បែកដៃ និងប្រាក់សុទ្ធជាច្រើន។ នេះបើយោងតាមវីដេអូដែលអាចចូលមើល បានយ៉ាងងាយស្រួល ដែលត្រូវបានពិនិត្យដោយសារព័ត៌មាន AFP ក្នុងខែដដែលនោះ។ពួកគេបានផ្សាយបន្តផ្ទាល់ នៅក្នុងវីដេអូរួមជាមួយនឹងគណនី ដែលដំណើរការដោយក្រុមបុរស ដែលផ្សព្វផ្សាយអំពីមនោគមន៍វិជ្ជាប្រឆាំងលោកខាងលិច ក្នុងរបៀបដែលរំលឹកអំពីវីដេអូ ដែលបានចេញផ្សាយដោយមេដឹកនាំបូកូហារ៉ាម (Boko Haram) ដែលបានបាត់បង់ជីវិត លោក Abubakar Shekau នៅប៉ុន្មានថ្ងៃដំបូងនៃចលនាបះបោរ ដែលមានអាយុ ១៥ឆ្នាំហើយនោះ។ក្រុមឧក្រិដ្ឋជនដែលធ្វើការវាយឆ្មក់លើភូមិ និងចាប់ជំរិតទារប្រាក់លោះ នៅភាគពាយព្យនៃប្រទេសនេះ បានប្រើប្រាស់ TikTok នាពេលកន្លងទៅ ។

បណ្ដាញសង្គម

ព័ត៌មានថ្មីៗ

រថយន្តបំបុកចូលហ្វូងមនុស្សនៅបារាំង បណ្ដាលឲ្យមនុស្សម្នាក់ស្លាប់

សមាជិកសភាថៃ ២៨៣នាក់ គាំទ្រប្រមុខគណបក្ស Bhumjaithai ធ្វើជានាយករដ្ឋមន្ត្រី

អ៊ីរ៉ង់៖ ការផ្តល់ជូនរបស់ E3 ដើម្បីពន្យារការដាក់ទណ្ឌកម្ម មានពេញទៅដោយ «លក្ខខណ្ឌជាមុនមិនប្រាកដនិយម»

ចិន៖ ទំនាក់ទំនងកាន់តែរឹងមាំជាមួយឥណ្ឌា ផ្ដល់ប្រយោជន៍ឲ្យប្រទេសទាំង២

គិតត្រឹមថ្ងៃទី៣០សីហានេះ ពលរដ្ឋ និងពលករខ្មែរទើបត្រឡប់ពីថៃជាង ១៩ម៉ឺននាក់ទទួលបានឱកាសការងារតាមរយៈក្រសួងការងារ និងវិស័យឯកជន

ឯកឧត្តម ស៊ី ជីនពីង៖ ចិននឹងបន្តផ្តល់ការគាំទ្រដល់កម្ពុជា និងពង្រឹងសមត្ថភាពកម្ពុជាលើការការពារអធិបតេយ្យភាពជាតិ

រដ្ឋមន្ត្រីពាណិជ្ជកម្ម៖ ឥណ្ឌានឹងមិន «ចុះញ៉ម» នោះទេ បន្ទាប់ពីមានការដំឡើងពន្ធពីអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877