BTV NEWS

លោក Xi Jinping ប្រាប់លោក Modi ថាជម្រើសដ៏ត្រឹមត្រូវសម្រាប់ឥណ្ឌា គឺធ្វើជាមិត្តជាមួយចិន

បាតុករអ៊ីស្រាអែលជំរុញឱ្យលោក Trump បង្កើតប្រវត្តិសាស្ត្រនៃកិច្ចព្រមព្រៀងចំណាប់ខ្មាំងនៅហ្កាហ្សា

[UPDATE] ចំនួនអ្នកស្លាប់ដោយសារទឹកជំនន់រដូវមូសុងនៅប៉ាគីស្ថានកើនឡើងដល់ ៨៣០នាក់

ភាពវឹកវរកើតឡើងនៅទីក្រុងហ្កាហ្សា ខណៈអ៊ីស្រាអែល បង្កើនការវាយប្រហារដោយសម្លាប់មនុស្សជិត ៨០នាក់

ព័ត៌មានអន្តរជាតិ

កិច្ចប្រជុំកំពូលនៃសម្ព័ន្ធអារ៉ាប់ ចាប់ផ្តើមនៅទីក្រុងបាកដាដ ដោយសង្គ្រាមហ្កាហ្សា ស្ថិតនៅក្នុងរបៀបវារៈកំពូល

មេដឹកនាំក្នុងតំបន់នៅថ្ងៃសៅរ៍នេះ នឹងជួបប្រជុំគ្នានៅទីក្រុងបាកដាដ នៅឯកិច្ចប្រជុំកំពូលប្រចាំឆ្នាំនៃសម្ព័ន្ធអារ៉ាប់ ដោយសង្រ្គាមនៅតំបន់់ហ្កាហ្សា ត្រូវបានគេរំពឹងថា នឹងកើនឡើងជាថ្មីម្តងទៀត។កាលពីខែមីនា នៅក្នុងកិច្ចប្រជុំកំពូលបន្ទាន់មួយក្នុងទីក្រុងគែរ មេដឹកនាំអារ៉ាប់ បានគាំទ្រផែនការដែលបានស្នើឡើងសម្រាប់ការកសាងឡើងវិញនូវតំបន់ហ្កាហ្សាស្ទ្រីប ដោយមិនមានការជម្លៀសប្រជាជនប្រហែល ២លាននាក់ នោះទេ។កិច្ចប្រជុំកំពូលនៅថ្ងៃសៅរ៍នេះ ធ្វើឡើងរយៈពេលពីរខែ បន្ទាប់ពីអ៊ីស្រាអែល បានបញ្ចប់បទឈប់បាញ់មួយដែលបានឈានដល់ជាមួយក្រុមសកម្មប្រយុទ្ធហាម៉ាសកាលពីខែមករា។ ក្នុងរយៈពេលប៉ុន្មានថ្ងៃថ្មីៗនេះ អ៊ីស្រាអែល បានបើកការវាយប្រហារយ៉ាងទូលំទូលាយ នៅតំបន់ហ្កាហ្សា ហើយនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បានប្តេជ្ញាបង្កើនកម្លាំងបន្ថែមទៀត ដើម្បីបន្តគោលបំណងរបស់ខ្លួន ក្នុងការកម្ទេចក្រុមហាម៉ាស។កិច្ចប្រជុំនៅទីក្រុងបាកដាដ បានធ្វើឲ្យមានការភ្ញាក់ផ្អើល ដោយដំណើរទស្សនកិច្ចរបស់លោកប្រធានាធិបតីអាមេរិក លោក ដូណាល់ ត្រាំ ( Donald Trump) នៅក្នុងតំបន់កាលពីដើមសប្តាហ៍នេះ។ ដំណើរទស្សនកិច្ចរបស់លោក ត្រាំ មិនបាននាំមកនូវកិច្ចព្រមព្រៀងមួយសម្រាប់បទឈប់បាញ់ថ្មី នៅតំបន់ហ្កាហ្សាដូចដែលមនុស្សជាច្រើន បានរំពឹងទុកនោះទេ ប៉ុន្តែលោកបានចាប់យកចំណងជើង ដោយជួបជាមួយប្រធានាធិបតីស៊ីរីថ្មី លោក Ahmad al-Sharaa ដែលធ្លាប់បានប្រយុទ្ធប្រឆាំងនឹងកងកម្លាំងសហរដ្ឋអាមេរិក នៅអ៊ីរ៉ាក់ ហើយបានសន្យាថា នឹងដកទណ្ឌកម្មរបស់សហរដ្ឋអាមេរិកដែលដាក់លើប្រទេស ស៊ីរី។

រុស្ស៊ីការវាយហារដោយយានដ្រូនទៅលើរថយន្តក្រុង សម្លាប់មនុស្ស ៩នាក់ រយៈពេលប៉ុន្មានម៉ោង បន្ទាប់ពីការចរចាសន្តិភាព

មន្ត្រីអ៊ុយក្រែនបាននិយាយនៅថ្ងៃសៅរ៍ (ទី១៧ ខែឧសភា)នេះថា ការវាយប្រហារដោយយានដ្រូនរបស់រុស្ស៊ីទៅលើរថយន្តក្រុងមួយគ្រឿង បានបណ្តាលឲ្យមនុស្ស ៩នាក់ស្លាប់ និង ៤នាក់ផ្សេងទៀតរងរបួស នៅក្នុងតំបន់ Sumy ជាការវាយប្រហារមួយ ដែលបានកើតឡើងប៉ុន្មានម៉ោង បន្ទាប់ពីទីក្រុងមូស្គូ និងទីក្រុង គីវ ធ្វើកិច្ចចរចាសន្តិភាពដោយផ្ទាល់ជាលើកដំបូង ក្នុងរយៈពេលជាច្រើនឆ្នាំ។នគរបាលរបស់ប្រទេសអ៊ុយក្រែន បានបង្ហោះរូបភាពនៃរថយន្តដឹកអ្នកដំណើរពណ៌ខៀវខ្មៅ ដែលស្ទើរតែត្រូវបានបំផ្លាញទាំងស្រុង ដោយដំបូលរហែក និងបង្អួចទាំងអស់ ត្រូវដាច់ខ្ទាត់ចេញ។ លោក Ihor Tkachenko ប្រធានរដ្ឋបាលយោធានៅតំបន់ Sumy បាននិយាយនៅលើ Telegram ថា ប្រតិបត្តិការជួយសង្គ្រោះ កំពុងដំណើរការ។សារព័ត៌មានរ៉យទ័រ មិនអាចផ្ទៀងផ្ទាត់ដោយឯករាជ្យនូវទីតាំង ឬកាលបរិច្ឆេទដែលរូបថតត្រូវបានថតនោះទេ ហើយក៏មិនអាចផ្ទៀងផ្ទាត់ដោយឯករាជ្យនូវរបាយការណ៍របស់អ៊ុយក្រែន និងរុស្ស៊ីផងដែរ។ទីភ្នាក់ងារសារព័ត៌មានរដ្ឋ TASS របស់រុស្ស៊ី បានរាយការណ៍ដោយដកស្រង់សេចក្តីថ្លែងការណ៍របស់ក្រសួងការពារជាតិថា កងកម្លាំងរុស្ស៊ី បានវាយប្រហារលើទីតាំងដាក់គ្រឿងយុទ្ធោបករណ៍របស់អ៊ុយក្រែននៅក្នុងតំបន់ Sumy ជាមួយនឹងយានដ្រូន។

អ្វីដែលត្រូវដឹង គឺវិបត្តិនៅតំបន់ហ្កាហ្សា កំពុងតែកើនឡើងយ៉ាងធ្ងន់ធ្ងរ

វិបត្តិនៅតំបន់ហ្កាហ្សា បានឈានដល់ដំណាក់កាលដ៏ខ្មៅងងឹតបំផុតមួយ ខណៈដែលអ៊ីស្រាអែល រារាំងអាហារ និងការផ្គត់ផ្គង់ទាំងអស់ មិនឲ្យចូលទៅក្នុងទឹកដីនេះ ហើយបន្តយុទ្ធនាការទម្លាក់គ្រាប់បែក កាន់តែខ្លាំងឡើង។មន្ត្រីមនុស្សធម៌ព្រមានថា គ្រោះទុរ្ភិក្សគំរាមកំហែងហ៊ុមព័ទ្ធតំបន់ហ្កាហ្សាស្ទ្រីបទាំងមូល។ ក្រុមគ្រូពេទ្យ និយាយថា ពួកគេអស់ថ្នាំ ដើម្បីព្យាបាលជំងឺប្រចាំថ្ងៃហើយ។មេដឹកនាំអ៊ីស្រាអែល កំពុងគំរាមកំហែងការវាយលុកដីកាន់តែខ្លាំងឡើង។ យោធាកំពុងរៀបចំសម្រាប់អង្គការថ្មីមួយ ដែលមានការគាំទ្រពីសហរដ្ឋអាមេរិក ដើម្បីទទួលយកការផ្តល់ជំនួយ បើទោះបីជាមានការព្រមានពីក្រុមមនុស្សធម៌ថា ផែនការនេះ នឹងមិនឆ្លើយតបទៅនឹងតម្រូវការដ៏ធំ និងអាចដាក់កម្រិតលើអ្នកដែលមានសិទ្ធិ។ ពុំមិនច្បាស់ថាតើនៅពេលណាដែលប្រតិបត្តិការ នឹងចាប់ផ្តើម ឬអ្នកណានឹងផ្តល់មូលនិធិដល់ពួកគេនោះតេ។លោក Bushra Khalidi អ្នកដឹកនាំគោលនយោបាយសម្រាប់អ៊ីស្រាអែល និងទឹកដីប៉ាឡេស្ទីន នៅអង្គការមនុស្សធម៌ Oxfam ដែលមិនស្វែងរកប្រាក់ចំណេញ បាននិយាយថា៖«នេះគឺជាដំណាក់កាលដ៏សាហាវបំផុត និងបំផ្លិចបំផ្លាញបំផុតនៃសង្រ្គាមរបស់អ៊ីស្រាអែល នៅតំបន់ហ្កាហ្សា ប៉ុន្តែពិភពលោក មិនបានយកចិត្តទុកដាក់។ «បន្ទាប់ពីរយៈពេល ១៩ខែនៃភាពភ័យរន្ធត់ តំបន់ហ្កាហ្សា បានក្លាយជាកន្លែងដែលច្បាប់អន្តរជាតិ ត្រូវបានផ្អាក ហើយមនុស្សជាតិ ត្រូវបានបោះបង់ចោល»។

ជនជាតិកាស្មៀរឥណ្ឌា នៅតាមភូមិជាប់ព្រំដែន ទាមទារលេណដ្ឋានបន្ថែមទៀតសម្រាប់សុវត្ថិភាព ទោះបីមានបទឈប់បាញ់ក្តី

អ្នកស្រុកកាស្មៀរដែលរស់នៅតាមព្រំដែនពិតប្រាកដរវាងឥណ្ឌា និងប៉ាគីស្ថាន នៅថ្ងៃសៅរ៍ (ទី១៧ ខែឧសភា)នេះ បាននិយាយថា ពួកគេចង់ឲ្យអាជ្ញាធរសាងសង់លេណដ្ឋានសហគមន៍បន្ថែមទៀត ខណៈដែលពួកគេនៅតែភ័យខ្លាចចំពោះការបាញ់ផ្លោងឆ្លងព្រំដែន ទោះបីជាមានបទឈប់បាញ់ក៏ដោយ។ទីក្រុងញូវដែលី និងអ៊ីស្លាម៉ាបាដ បានបាញ់ប្រហារគ្នាយ៉ាងខ្លាំងក្លា រយៈពេល ៤ថ្ងៃ ខណៈដែលសត្រូវចាស់បានកំណត់គោលដៅលើទីតាំងយោធារបស់គ្នាទៅវិញទៅមកដោយមីស៊ីល និងយានដ្រូនដែលបានសម្លាប់ជនស៊ីវិលរាប់សិបនាក់ បន្ទាប់ពីការវាយប្រហារលើអ្នកទេសចរហិណ្ឌូ នៅតំបន់កាស្មៀរគ្រប់គ្រងដោយឥណ្ឌា ដែលបានបណ្តាលឲ្យមនុស្ស ២៦នាក់ ស្លាប់។ការបាញ់ផ្លោងដោយកាំភ្លើងធំ បានបង្កឲ្យខូចខាតផ្ទះសម្បែង ពិដានបាក់រលំ និងស្លាប់ជនស៊ីវិល នៅតាមហេដ្ឋារចនាសម្ព័ន្ធលំនៅឋានផ្សេងៗ។ដោយមានការសង្ស័យថាតើបទឈប់បាញ់ នឹងមានរយៈពេលប៉ុនណា អ្នកភូមិនៅក្នុងស្រុក Nowshera បានចាប់ផ្តើមជីកដី ដើម្បីសាងសង់លេណដ្ឋានបណ្តោះអាសន្ន ដើម្បីសុវត្ថិភាព។ អ្នកខ្លះថែមទាំងទាមទារឲ្យផ្ទះនីមួយៗនៅជិតព្រំដែន ត្រូវមានលេណដ្ឋានរបស់ខ្លួនផង។រដ្ឋមន្ត្រីការបរទេសប៉ាគីស្ថានលោក Ishaq Dar បានប្រាប់សភាជាន់ខ្ពស់ថា ក្នុងអំឡុងពេលការសន្ទនាតាមទូរស័ព្ទរវាងកងកម្លាំងប្រដាប់អាវុធប៉ាគីស្ថាន និងឥណ្ឌា កាលពីថ្ងៃព្រហស្បតិ៍ (ទី១៥ ខែឧសភា) ភាគីទាំងពីរ បានយល់ព្រមបន្តបទឈប់បាញ់ រហូតដល់ថ្ងៃអាទិត្យ (ទី១៨ ខែឧសភា)។

រុស្ស៊ី និងអ៊ុយក្រែន រាយការណ៍អំពីលទ្ធផលចុងក្រោយនៃការប្រយុទ្ធគ្នា

ប្រទេសរុស្ស៊ី បានប្រកាសកាលពីថ្ងៃសុក្រថា កងកម្លាំងរបស់ខ្លួនបានគ្រប់គ្រងកន្លែងតាំងទីលំនៅចំនួន ៦កន្លែង នៅក្នុងតំបន់ Donetsk ក្នុងរយៈពេល មួយសប្តាហ៍កន្លងទៅ ខណៈដែលអ៊ុយក្រែន បានរាយការណ៍ថា បានវាយបកទៅលើការវាយលុករបស់រុស្ស៊ីជាច្រើន ក្នុងរយៈពេល ២៤ម៉ោង។នៅក្នុងសន្និសីទប្រចាំថ្ងៃរបស់ខ្លួន ក្រសួងការពារជាតិរុស្ស៊ី បាននិយាយថា ចាប់ពីថ្ងៃទី ១០ ដល់ថ្ងៃទី ១៦ ខែឧសភា កងកម្លាំងរុស្ស៊ី បានធ្វើការវាយប្រហារយ៉ាងខ្លាំងក្លាចំនួន ៦លើក ដោយប្រើអាវុធវាយប្រហារគោលដៅជាក់លាក់កម្រិតខ្ពស់និងយានដ្រូន។ការវាយប្រហារទាំងនោះ បានកំណត់គោលដៅលើទីតាំងយោធានិងឧស្សាហកម្មរបស់អ៊ុយក្រែន ដែលពាក់ព័ន្ធនឹងការផលិតសមាសធាតុមីស៊ីល និងយានដ្រូន ទីតាំងប្រើប្រាស់សម្រាប់ការរក្សាទុក និងដាក់ពង្រាយយានដ្រូន និងទូកគ្មានមនុស្សបើក ឃ្លាំងរំសេវ និងទីតាំងដាក់ពង្រាយបណ្តោះអាសន្នរបស់កងកម្លាំងអ៊ុយក្រែន និងទាហានស៊ីឈ្នួលបរទេស។យោងតាមក្រសួងបានឲ្យដឹងថា យានដ្រូនអ៊ុយក្រែនសរុបចំនួន ៩៣០ គ្រឿង ត្រូវបានបាញ់ទម្លាក់ ក្នុងអំឡុងពេលនោះ។ក្រសួងក៏បានរាយការណ៍ផងដែរថា នៅចន្លោះម៉ោង ២២:00 នៅថ្ងៃព្រហស្បតិ៍ ដល់ម៉ោង ០៨:៣០ នៅថ្ងៃសុក្រ (ម៉ោងក្នុងតំបន់) ប្រព័ន្ធការពារដែនអាកាសរុស្ស៊ី បានបំផ្លាញ និងស្ទាក់ចាប់យានដ្រូនអ៊ុយ ក្រែនចំនួន ៦៥គ្រឿង ឆ្លងកាត់តំបន់ជាច្រើន។

មេដឹកនាំរបស់ប្រទេសកូរ៉េខាងជើង ត្រួតពិនិត្យសមយុទ្ធដែនអាកាស

ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃសៅរ៍ ទី១៧ ឧសភា នេះថា មេដឹកនាំរបស់ប្រទេសកូរ៉េខាងជើង លោក គីម ជុងអ៊ុន បានត្រួតពិនិត្យសមយុទ្ធរបស់កងទ័ពអាកាស និងបានគូសបញ្ជាក់អំពីតម្រូវការក្នុងការបង្កើនការត្រៀមខ្លួនសម្រាប់សង្គ្រាម។ប្រព័ន្ធផ្សព្វផ្សាយរដ្ឋ KCNA និយាយថា លោក Kim ដែលបានត្រួតពិនិត្យសមយុទ្ធប្រឆាំងយន្តហោះ និងការវាយប្រហារតាមអាកាសដោយកងពលធំទ័ពអាកាសទី១ របស់កូរ៉េខាងជើង ក្នុងអំឡុងការពិនិត្យ បានអំពាវនាវឱ្យ «អង្គភាពទាំងអស់នៅក្នុងជួរយោធាទាំងមូល» នាំមកនូវ «ការពុះពារក្នុងការត្រៀមសម្រាប់សង្រ្គាម»។ រូបភាពដែលបានចេញផ្សាយដោយ KCNA បង្ហាញ លោក Kim កំពុងសម្លឹងមើលយន្តហោះ និងមីស៊ីលជាមួយមន្ត្រីយោធា និងបាននិយាយទៅកាន់អាកាសយានិក។ក្នុងអំឡុងខែឧសភាតែមួយ លោក គីម បានត្រួតពិនិត្យការសាកល្បងមីស៊ីល ត្រួតពិនិត្យរោងចក្រផលិតរថក្រោះនិងគ្រាប់រំសេវ បានធ្វើទស្សនកិច្ចដ៏កម្រមួយទៅកាន់ស្ថានទូតរុស្ស៊ីក្នុងទីក្រុងព្យុងយ៉ាង ដោយបញ្ជាក់ជាថ្មីអំពីសម្ព័ន្ធភាពរបស់ប្រទេសលោកជាមួយរុស្ស៊ី និងត្រួតពិនិត្យសមយុទ្ធបាញ់រថក្រោះ និងការបណ្តុះបណ្តាលអង្គភាពប្រតិបត្តិការពិសេស។ប្រទេសកូរ៉េខាងជើង បានរិះគន់ខ្លាំងៗចំពោះក្រសួងការបរទេសអាមេរិក ដែលបានដាក់ប្រទេសនេះក្នុងបញ្ជីប្រទេសដែលមិនសហការពេញលេញក្នុងកិច្ចប្រឹងប្រែងប្រឆាំងភេរវកម្មរបស់សហរដ្ឋអាមេរិក។

អ្នកតវ៉ានៅប្រទេសលីប៊ី ទាមទារឲ្យនាយករដ្ឋមន្ត្រីលាចេញពីតំណែង ខណៈរដ្ឋមន្ត្រីបីរូបបានលាលែង

ក្រុមអ្នកតវ៉ានៅប្រទេសលីប៊ីរាប់រយនាក់ បានអំពាវនាវកាលពីថ្ងៃសុក្រ ទី១៦ ខែឧសភា ឱ្យបណ្តេញចេញពីតំណែងនាយករដ្ឋមន្ត្រី លោក Abdulhamid Dbeibah ដែលត្រូវបានទទួលស្គាល់ជាអន្តរជាតិ ហើយយ៉ាងហោចណាស់រដ្ឋមន្ត្រីបីរូប បានលាចេញពីតំណែងដោយគាំទ្រដល់ក្រុមបាតុករ។ក្រុមបាតុករ បានមកប្រមូលផ្តុំគ្នានៅទីលានមួយកន្លែងក្នុងទីក្រុងទ្រីប៉ូលី ដោយស្រែកពាក្យស្លោកដូចជា «ប្រទេសចង់ផ្តួលរំលំរដ្ឋាភិបាល» និង «យើងចង់បានការបោះឆ្នោត»។ ក្រោយមក ពួកគេដើរហែរក្បួនទៅកាន់អគាររដ្ឋាភិបាលនៅកណ្តាលទីក្រុង។ អ្នកតវ៉ាម្នាក់បាននិយាយថា «យើងនឹងមិនចាកចេញទេរហូតដល់នាយករដ្ឋមន្ត្រីចាកចេញពីតំណែង។អ្នកតវ៉ាបានកាន់រូបថត លោកនាយករដ្ឋមន្ត្រី Dbeibah លោកIbrahim Dbeibah ទីប្រឹក្សាសន្តិសុខជាតិ និងរដ្ឋមន្ត្រីក្រសួងមហាផ្ទៃ លោក Emad Tarbulsi ដោយមុខរបស់អ្នកទាំងបីត្រូវបានគូសខ្វែងពណ៌ក្រហម។លោក Dbeibah បានដឹកនាំរដ្ឋាភិបាលរួបរួមជាតិរបស់ប្រទេសដែលខ្វែងគំនិតគ្នា បានឡើងកាន់អំណាចតាមរយៈដំណើរការគាំទ្រដោយអង្គការសហប្រជាជាតិនៅឆ្នាំ ២០២១។ ការបោះឆ្នោត ដែលបានគ្រោងទុក បានបរាជ័យក្នុងការដំណើរការនៅឆ្នាំនោះ ដោយសារតែការមិនចុះសម្រុងគ្នាក្នុងចំណោមភាគីជាគូប្រជែង ហើយលោកនៅតែកាន់អំណាច។

ប្រជាជនអ៊ុយក្រែន រីករាយចំពោះការដោះដូរឈ្លើយសឹកសង្គ្រាម និងសង្ឃឹមសម្រាប់កិច្ចចរចាពិតប្រាកដ

ប្រជាជនអ៊ុយក្រែនរីករាយ បន្ទាប់ពីរុស្ស៊ី និងអ៊ុយក្រែន បានបញ្ចប់ការចរចាសន្តិភាពជុំទីមួយ នៅទីក្រុងអ៊ីស្តង់ប៊ុល ប្រទេសទួរគី កាលពីថ្ងៃសុក្រ ដោយបានព្រមព្រៀងដោះដូរឈ្លើយសឹកសង្គ្រាមចំនួន ១.០០០ នាក់នៃភាគីនីមួយៗ ហើយបន្តការចរចា។ ខណៈដែលមានការសង្ស័យអំពីឆន្ទៈរបស់រុស្ស៊ីក្នុងការបញ្ចប់សង្រ្គាម អ្នកដែលសារព័ត៌មានReuters បាននិយាយទៅកាន់ បានបង្ហាញពីក្តីសង្ឃឹមសម្រាប់មេដឹកនាំប្រទេសលោកខាងលិចក្នុងការដាក់ទណ្ឌកម្មកាន់តែតឹងរ៉ឹងលើទីក្រុងមូស្គូ។មន្ត្រីជាន់ខ្ពស់មកពីប្រទេសរុស្ស៊ី និងអ៊ុយក្រែន បានជួបពិភាក្សាដោយផ្ទាល់កាលពីថ្ងៃសុក្រជាលើកដំបូងក្នុងរយៈពេលជាងបីឆ្នាំមកនេះ ពួកគេពុំអាចឈានដល់កិច្ចព្រមព្រៀងបទឈប់បាញ់នៅឡើយទេ ប៉ុន្តែបានព្រមព្រៀងលើការដោះដូរអ្នកទោស។ ភាគីទាំងពីរ ក៏ត្រូវបានគេរំពឹងថានឹងបន្តការចរចាផងដែរ។រដ្ឋមន្ត្រីការពារជាតិអ៊ុយក្រែន លោក Rustem Umerov បាននិយាយថាទីក្រុងគីវ ជឿជាក់ថា ជំហានបន្ទាប់ ក្រោយការចរចាអំពីសង្គ្រាមជាមួយគណៈប្រតិភូរុស្ស៊ីកាលពីថ្ងៃសុក្រ វានឹងមានជំនួបមេដឹកនាំរបស់ប្រទេសទាំងពីរ។លោក Umerov បានប្រាប់អ្នកសារព័ត៌មានថា អាទិភាពទីមួយក្នុងកិច្ចចរចាកាលពីថ្ងៃសុក្រ ទី១៦ ឧសភា ក្នុងទីក្រុងអ៊ីស្តង់ប៊ុល គឺទទួលបានការដោះលែងឈ្លើយសឹកសង្រ្គាម និងទីពីរនឹងទទួលបានបទឈប់បាញ់ ហើយជំហានបន្ទាប់នឹងជាការពិភាក្សាកម្រិតមេដឹកនាំ។

អ៊ីរ៉ង់ ពិភាក្សាអំពីកម្មវិធីនុយក្លេអ៊ែរជាមួយចក្រភពអង់គ្លេស បារាំង និងប្រទេសអាល្លឺម៉ង់

ប្រទេសអ៊ីរ៉ង់ បានធ្វើបច្ចុប្បន្នភាពជាមួយចក្រភពអង់គ្លេស បារាំង និងប្រទេសអាល្លឺម៉ង់ អំពីការចរចាទ្វេភាគីជាមួយទីក្រុងវ៉ាស៊ីនតោន ស្តីពីកម្មវិធីនុយក្លេអ៊ែររបស់ទីក្រុងតេអេរ៉ង់។ ក្រសួងការបរទេសអ៊ីរ៉ង់និយាយថា គណៈប្រតិភូជាន់ខ្ពស់មកពីប្រទេសទាំងបួន បានជួបប្រជុំគ្នាកាលពីថ្ងៃសុក្រ នៅទីក្រុងអ៊ីស្តង់ប៊ុល ប្រទេសទួរគី។អនុរដ្ឋមន្ត្រីការបរទេសអ៊ីរ៉ង់ លោក Kazem Gharibabadi បាននិយាយនៅលើបណ្តាញផ្សព្វផ្សាយសង្គមថា គណៈប្រតិភូ ប្តេជ្ញាថានឹងប្រើប្រាស់ផ្នែកការទូតឱ្យល្អបំផុត ហើយនឹងជួបគ្នាម្តងទៀត។ប្រទេសអ៊ីរ៉ង់បានចុះហត្ថលេខាលើកិច្ចព្រមព្រៀងជាមួយប្រទេសមហាអំណាចពិភពលោកក្នុងឆ្នាំ២០១៥ ដើម្បីទប់ស្កាត់កម្មវិធីនុយក្លេអ៊ែររបស់ខ្លួនជាថ្នូរនឹងការបន្ធូរបន្ថយទណ្ឌកម្ម។ ប៉ុន្តែសហរដ្ឋអាមេរិក បានដកខ្លួនចេញក្នុងអំឡុងពេលអាណត្តិដំបូងរបស់លោកប្រធានាធិបតី Donald Trump ហើយអ៊ីរ៉ង់ បានពន្លឿនការអភិវឌ្ឍន៍នុយក្លេអ៊ែររបស់ខ្លួន។អង់គ្លេស បារាំង និងអាល្លឺម៉ង់ បានបញ្ជាក់កាលពីខែធ្នូ ឆ្នាំមុន ថា ពួកគេអាចនឹងបង្កើតយន្តការដែលគេស្គាល់ថា «ត្រឡប់ទៅរកស្ថានភាពកាលពីពេលមុន» ដែលអនុញ្ញាតឱ្យមានការដាក់ទណ្ឌកម្មរបស់អង្គការសហប្រជាជាតិឡើងវិញ ប្រសិនបើអ៊ីរ៉ង់បំពានលើកិច្ចព្រមព្រៀង។

ខណៈអ៊ីស្រាអែលវាយប្រហារតំបន់ហ្កាហ្សា លោក Trump និយាយថា «មនុស្សជាច្រើនកំពុងស្រេកឃ្លាន»

អាជ្ញាធរសុខាភិបាលតំបន់បាននិយាយកាលពីថ្ងៃសុក្រថា ការវាយប្រហាររបស់អ៊ីស្រាអែលលើតំបន់ហ្កាហ្សា បានសម្លាប់មនុស្សជាង២៥០នាក់ចាប់តាំងពីព្រឹកថ្ងៃព្រហស្បតិ៍ ទី១៥ ខែឧសភាមក ជាដំណាក់កាលមួយនៃការទម្លាក់គ្រាប់បែកដ៏បង្ហូរឈាមបំផុតចាប់តាំងពីបទឈប់បាញ់បានដួលរលំនៅក្នុងខែមីនា ដោយការវាយលុកតាមដីគោកថ្មី ត្រូវបានគេរំពឹងទុកក្នុងពេលឆាប់ៗនេះ។ប្រធានាធិបតីសហរដ្ឋអាមេរិក លោក Donald Trump ដែលបានបញ្ចប់ដំណើរទស្សនកិច្ចនៅតំបន់មជ្ឈិមបូព៌ាកាលពីថ្ងៃសុក្រដោយពុំមានវឌ្ឍនភាពជាក់ស្តែងឆ្ពោះទៅរកបទឈប់បាញ់ថ្មីខណៈអ៊ីស្រាអែលបង្កើនយុទ្ធនាការយោធារបស់ខ្លួន បានទទួលស្គាល់ពីវិបត្តិនៃភាពអត់ឃ្លានកំពុងកើនឡើងនៅតំបន់ហ្កហ្សា និងតម្រូវការសម្រាប់ការផ្តល់ជំនួយ។លោកនិយាយថា «យើងត្រូវតែជួយពលរដ្ឋប៉ាឡេស្ទីន។ ដូចអ្នកដឹងហើយ ថា មនុស្សជាច្រើនកំពុងអត់ឃ្លាននៅហ្កាហ្សា ដូច្នេះយើងត្រូវសម្លឹងមើលភាគីទាំងពីរ។ នៅពេលត្រូវបានសួរថាតើលោកគាំទ្រផែនការសង្រ្គាមរបស់អ៊ីស្រាអែលដែរឬទេ នោះលោកTrump បាននិយាយថាលោករំពឹងថានឹងមាន «រឿងល្អៗ» នៅខែក្រោយ។អ្នកនាំពាក្យអាជ្ញាធរសុខាភិបាលតំបន់ហ្កាហ្សា លោក Khalil al-Deqran បាននិយាយថា ការវាយប្រហារតាមអាកាស និងកាំភ្លើងធំ កាលពីថ្ងៃសុក្រ គឺផ្តោតលើផ្នែកភាគខាងជើងតំបន់ដ៏តូចចង្អៀត ជាតំបន់ហ៊ុមព័ទ្ធមានមនុស្សច្រើន ជាកន្លែងមនុស្សរាប់សិបនាក់រួមមានស្ត្រី និងកុមារ ត្រូវបានសម្លាប់។ អ៊ីស្រាអែល បានបង្កើនការទម្លាក់គ្រាប់បែករបស់ខ្លួន និងបានបង្កើតកម្លាំងរថពាសដែកនៅតាមបណ្តោយព្រំដែន ទោះបីជាមានសម្ពាធពីអន្តរជាតិកាន់តែខ្លាំងឡើងសម្រាប់ប្រទេសនេះឱ្យបន្តកិច្ចចរចាបទឈប់បាញ់ឡើងវិញ និងបញ្ចប់ការបិទផ្លូវរបស់ខ្លួននៅតំបន់ហ្កាហ្សា ជាកន្លែងដែលការព្រមានអំពីគ្រោះទុរ្ភិក្ស កំពុងកើនឡើង។

បណ្ដាញសង្គម

ព័ត៌មានថ្មីៗ

សហគ្រាសទេសចរណ៍ធំៗ ពីរដ្ឋធានីប៉េកាំង និងទីក្រុងធានជីង ចំនួន១០ ចាប់អារម្មណ៍លើសក្តានុពលទេសចរណ៍របស់កម្ពុជា

ក្រុមគ្រួសារវីរកងទ័ពជួរមុខ៥៤គ្រួសារ នៅស្រុកព្រៃកប្បាសទទួលអំណោយពីអភិបាលខេត្តតាកែវ

ក្រុមការងារចុះមូលដ្ឋានស្រុកបូរីជលសារជំរុញអាជ្ញាធរផ្តល់ឯកសារបញ្ជាក់អត្តសញ្ញាណជូនពលករទើបមកពីថៃ

TOP STORY | សម្ដេចធិបតីស្នើមិត្តចិនជំរុញឱ្យភាគីថៃជៀសវាងការប្រើប្រាស់កម្លាំងយោធា ដើម្បីដោះស្រាយបញ្ហាព្រំដែនដែលមិនទាន់ដាច់ស្រេច

មេបញ្ជាការតំបន់ប្រតិបត្តិការសឹករងកំពង់ធំនាំយកអំណោយមនុស្សធម៌របស់សម្ដេចធិបតីជូនគ្រួសារយុទ្ធជនដែលមានជីវភាពលំបាកនៅស្រុកសន្ទុក ខេត្តកំពង់ធំ

មេដឹកនាំកូរ៉េខាងជើង សន្យាផ្ដល់ជីវិតដ៏ល្អ សម្រាប់គ្រួសាររបស់កងទ័ពដែលបានស្លាប់នៅរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877