BTV NEWS

ប្រភព៖ លោក Zelenskyy នឹងជួបមេដឹកនាំអឺរ៉ុប នៅទីក្រុងប៉ារីស នាថ្ងៃព្រហស្បតិ៍

នាវាជំនួយតម្រង់ទៅកាន់តំបន់ហ្កាហ្សាដោយមាននាង Greta Thunberg វិលទៅកំពង់ផែវិញដោយសារព្យុះ

លោក Putinកោតសរសើរទំនាក់ទំនងថាមពលរវាងរុស្ស៊ី និងទួរគី

ជនរងគ្រោះដោយសារការរញ្ជួយដីអាហ្វហ្គានីស្ថានអង្វរសុំជំនួយបន្ទាន់

ព័ត៌មានអន្តរជាតិ

លោក Netanyahu ៖អ៊ីស្រាអែលត្រូវតែទប់ស្កាត់គ្រោះទុរ្ភិក្ស នៅតំបន់ហ្កាហ្សា ដើម្បី«ហេតុផលការទូត»

លោកនាយករដ្ឋមន្ត្រី បេនចាមីន ណេតាន់យ៉ាហ៊ូ ( Benjamin Netanyahu) នៅថ្ងៃចន្ទនេះ បាននិយាយថា ជាការចាំបាច់សម្រាប់អ៊ីស្រាអែលក្នុងការទប់ស្កាត់ទុរ្ភិក្ស នៅក្នុងតំបន់ហ្កាហ្សាសម្រាប់ «ហេតុផលការទូត» បន្ទាប់ពីរដ្ឋាភិបាលរបស់លោក បានប្រកាសថា ខ្លួននឹងអនុញ្ញាតឲ្យមានជំនួយស្បៀងអាហារមានកម្រិត ចូលទៅក្នុងទឹកដីនេះ។ការការពាររបស់នាយករដ្ឋមន្ត្រីចំពោះការសម្រេចចិត្ត ក្នុងការដកផ្នែកខ្លះនៃការបិទជំនួយរយៈពេលជាងពីរខែ បន្ទាប់ពីមានការរិះគន់ពីសមាជិកស្តាំនិយមនៃរដ្ឋាភិបាលចម្រុះរបស់លោកដែលប្រឆាំងនឹងការសម្រេចចិត្តនេះ។ លោក ណេតាន់យ៉ាហ៊ូ បាននិយាយនៅក្នុងវីដេអូមួយ ដែលបានបង្ហោះលើបណ្តាញសង្គម Telegram របស់ខ្លួនថា៖«យើងមិនត្រូវអនុញ្ញាតឲ្យប្រជាជន (នៃតំបន់ហ្កាហ្សា) ធ្លាក់ចូលទៅក្នុងគ្រោះទុរ្ភិក្ស ទាំងហេតុផលជាក់ស្តែង និងការទូតឡើយ» ដោយបន្ថែមថា សូម្បីតែមិត្តភក្តិរបស់អ៊ីស្រាអែល ក៏នឹងមិនអត់ ឱនចំពោះ«រូបភាពនៃភាពស្រេកឃ្លានដ៏ធំនេះដែរ ។អ៊ីស្រាអែល បាននិយាយថា ការបិទផ្លូវរបស់ខ្លួន ចាប់តាំងពីថ្ងៃទី ០២ ខែមីនា មានគោលបំណងបង្ខំមានសម្បទានពីក្រុមសកម្មប្រយុទ្ធប៉ាឡេស្ទីន។ប៉ុន្តែការបិទផ្លូវនេះ ត្រូវរងសម្ពាធអន្តរជាតិកាន់តែខ្លាំងឡើង ដើម្បីស្ដារជំនួយដល់តំបន់ហ្កាហ្សា ដែលទីភ្នាក់ងារអង្គការសហប្រជាជាតិ បានព្រមានអំពីកង្វះខាតអាហារ ទឹកស្អាត ប្រេងឥន្ធនៈ និងថ្នាំពេទ្យ។

ឧបនាយករដ្ឋមន្ត្រីប៉ាគីស្ថាន ចេញដំណើរទៅចិន ដើម្បីពិភាក្សាអំពីស្ថានភាព បន្ទាប់ពីប្រឈមមុខដាក់គ្នាជាមួយឥណ្ឌា

ក្រសួងការបរទេសប៉ាគីស្ថាន បាននិយាយថា៖«ឧបនាយករដ្ឋមន្ត្រី និងជារដ្ឋមន្ត្រីការបរទេសប៉ាគីស្ថាន លោក Ishaq Dar នៅថ្ងៃចន្ទនេះ បានចាកចេញទៅកាន់ប្រទេសចិន ក្នុងដំណើរបំពេញទស្សនកិច្ចរយៈពេល បីថ្ងៃ ដើម្បីពិភាក្សាអំពី «ស្ថានភាពក្នុងតំបន់ដែលកំពុងវិវឌ្ឍន៍ នៅអាស៊ីខាងត្បូង» រយៈពេលប៉ុន្មានថ្ងៃបន្ទាប់ពីឥណ្ឌា និងប៉ាគីស្ថាន បានវាយប្រហារលើទឹកដីរបស់គ្នាទៅវិញទៅមក។ស្ថានភាពវិវឌ្ឍន៍នេះ បានកើតឡើង ចំពេលមានបទឈប់បាញ់គ្នារវាងប៉ាគីស្ថាន និងឥណ្ឌា បន្ទាប់ពីជម្លោះយោធារយៈពេល ៤ថ្ងៃ រវាងប្រទេសជិតខាងប្រដាប់អាវុធនុយក្លេអ៊ែរ ក្នុងខែនេះ ឃើញមានការប្រើប្រាស់យន្តហោះចម្បាំង មីស៊ិល យានដ្រូននិងកាំភ្លើងធំ ដែលបានបណ្តាលឲ្យមនុស្សប្រហែល ៧០នាក់ រួមទាំងជនស៊ីវិល បានស្លាប់ នៅសងខាងព្រំដែន។ក្នុងប៉ុន្មានឆ្នាំថ្មីៗនេះ ឥណ្ឌាត្រូវបានគេមើលឃើញថា ជាដៃគូដ៏សំខាន់ដោយមហាអំណាចលោកខាងលិច ក្នុងនាមជាអ្នកប្រឆាំងសមតុល្យទៅនឹងការកើនឡើងនៃឥទ្ធិពលរបស់ចិន ខណៈពេលដែលទំនាក់ទំនងជាយុទ្ធសាស្រ្ត និងកិច្ចសហប្រតិបត្តិការរវាងប៉ាគីស្ថាន និងប៉េកាំង បានពង្រឹងបន្ថែមទៀត ក្នុងរយៈពេលមួយទសវត្សរ៍ចុងក្រោយនេះ ដោយប្រទេសចិន បានផ្តល់ប្រាក់កម្ចី និងធ្វើការវិនិយោគលើគម្រោងហេដ្ឋារចនាសម្ព័ន្ធដ៏ធំ នៅក្នុងប្រទេសប៉ាគីស្ថាន។លោក Dar នឹងធ្វើការពិភាក្សាស៊ីជម្រៅជាមួយរដ្ឋមន្ត្រីការបរទេសលោក វ៉ាង យី ( Wang Yi) អំពីស្ថានភាពដែលកំពុងវិវឌ្ឍន៍ និង«ផលប៉ះពាល់សម្រាប់សន្តិភាព និងស្ថិរភាព» នៅអាស៊ីខាងត្បូង ខណៈដែល ភាគីទាំងពីរ ក៏នឹងពិនិត្យមើលឡើងវិញនូវទិដ្ឋភាពទាំងមូលនៃទំនាក់ទំនងទ្វេភាគីប៉ាគីស្ថាន និងចិន។ នេះបើយោងតាមក្រសួងការបរទេសប៉ាគីស្ថាន។

ថៃ និងឥណ្ឌូនេស៊ីសន្យាពង្រឹងទំនាក់ទំនងអាស៊ាន អំឡុងដំណើរទស្សនកិច្ចផ្លូវការរបស់លោក Prabowo នៅទីក្រុងបាងកក

ប្រធានាធិបតីឥណ្ឌូនេស៊ីលោក Prabowo Subianto បានជួបពិភាក្សាការងារជាមួយនាយករដ្ឋមន្រ្តីថៃលោកស្រី Paetongtarn Shinawatra នៅទីក្រុងបាងកកនាថ្ងៃចន្ទនេះ ជាការចាប់ផ្តើមដំណើរទស្សនកិច្ចផ្លូវការលើកដំបូងដោយមេដឹកនាំឥណ្ឌូនេស៊ីមកកាន់ប្រទេសថៃ ក្នុងរយៈពេល ២០ឆ្នាំកន្លងមកនេះ ។មេដឹកនាំទាំង ២ បានសន្យាពង្រឹងទំនាក់ទំនងយុទ្ធសាស្រ្ត ដោយផ្តោតសំខាន់លើកិច្ចសហប្រិបត្តិការវិស័យការពារជាតិ ពាណិជ្ជកម្ម ការវិនិយោគទុន ថាមពល សន្តិសុខស្បៀង និងសុខភាពសាធារណៈ ។ ពួកគេបានឯកភាពគ្នាផងដែរ ដើម្បីជំរុញកិច្ចសហប្រតិបត្តិការលើការប្រឆាំងភេរវកម្ម សន្តិសុខតាមអ៊ីនធឺណិត និងសមយុទ្ធយោធារួមគ្នា ។មុនពេលផ្តល់សេចក្តីថ្លែងការណ៍រួម មេដឹកនាំទាំង ២ បានត្រួតពិនិត្យពិធីរបស់ឆ្មាំកិត្តិយស មាននូវជំនួបទ្វេភាគី និងចូលរួមពិធីចុះហត្ថលេខាលើអនុស្សរណៈយោគយល់ក្នុងវិស័យសុខាភិបាល ។ជាចុងបញ្ចប់ លោកប្រធានាធិបតី Prabowo បានអញ្ជើញលោកស្រីនាយករដ្ឋមន្រ្តី Paetongtarn ឲ្យបំពេញទស្សនកិច្ចទៅកាន់ប្រទេសឥណ្ឌូនេស៊ី និងបន្តការអញ្ជើញដល់ព្រះមហាក្សត្រថៃផងដែរ ៕

រថយន្តដឹកជំនួយចាកចេញច្រកព្រំដែន Kerem Shalom ក្រោយអ៊ីស្រាអែលអនុញ្ញាតឲ្យជំនួយចូលតំបន់ហ្កាហ្សា

រថយន្ត ៣គ្រឿងដឹកជំនួយ ត្រូវបានគេមើលឃើញបើកចេញពីច្រកព្រំដែន Kerem Shalom ភាគីខាងអ៊ីស្រាអែលនៅថ្ងៃចន្ទនេះ ហើយនិងធ្វើដំណើរឆ្លងកាត់ផ្លូវជាប់ព្រំដែនតំបន់ហ្កាហ្សាស្រ្ទីប ។ការិយាល័យលោកនាយករដ្ឋមន្រ្តី Benjamin Netanyahu និយាយកាលពីថ្ងៃអាទិត្យថា អ៊ីស្រាអែលនឹងបន្ធូរបន្ថយការបិទច្រក ហើយនិងបរិមាណស្បៀងមានកំណត់ចូលទៅក្នុងតំបន់ហ្កាហ្សា ក្រោយយោធានិយាយថា ពួកគេបានចាប់ផ្តើមប្រតិបត្តិការជើងគោកទូលំទូលាយ នៅភាគខាងជើង និងភាគខាងត្បូងដែនដីមួយនេះ ។ដោយប្រឈមសម្ពាធកើនឡើងចំពោះការបិទច្រកដែលពួកគេបានដាក់កាលពីខែមីនា ហើយនិងហានិភ័យគ្រោះទុរ្ភិក្ស អ៊ីស្រាអែលបានបង្កើនយុទ្ធនាការរបស់ខ្លួននៅតំបន់ហ្កាហ្សា ជាទីដែលក្រុមមន្រ្តីសុខភាពប៉ាឡេស្តីននិយាយថា មនុស្សរាប់រយនាក់ ត្រូវបានសម្លាប់នៅក្នុងការវាយប្រហារក្នុងរយៈពេល ១សប្តាហ៍កន្លងមកនេះ រួមទាំងការស្លាប់មនុស្ស ១៣០នាក់ កាលពីយប់កន្លងទៅ ។ ក្រុមអ្នកជំនាញអន្តរជាតិ បានព្រមានពីការជិតកើតមានគ្រោះទុរ្ភិក្ស ។យោងតាមការអះអាងរបស់ក្រុមអាជ្ញាសុខភាពហ្កាហ្សា បានឲ្យដឹងថា យុទ្ធនាការយោធារបស់អ៊ីស្រាអែល បានធ្វើឲ្យខ្ទេចខ្ទាំតំបន់ហ្កាហ្សា ធ្វើឲ្យមនុស្សស្ទើតែទាំងអស់ ២លាននាក់ ចាកចេញពីផ្ទះសម្បែងរបស់ពួកគេ និងបានសម្លាប់មនុស្សជាង ៥៣.០០០នាក់ ដែលភាគច្រើននៃពួកគេគឺជាជនស៊ីវិល ។អ៊ីស្រាអែលបានបិទការចូលឱសថ ស្បៀងអាហារ និងការផ្គត់ផ្គង់ប្រេងឥន្ធនៈ ចូលទៅក្នុងតំបន់ហ្កាហ្សា ចាប់តាំងពីដើមខែមីនារហូតមក ដើម្បីព្យាយាមដាក់សម្ពាធក្រុមហាម៉ាសឲ្យដោះលែងចំណាប់ថ្នូរ និងឲ្យពួកគេឯកភាពលើផែនការដែលអាចពាក់ព័ន្ធនឹងការរឹបអូសយកតំបន់ហ្កាហ្សាស្រ្ទីបទាំងមូល និងការគ្រប់គ្រងជំនួយ ៕

ចក្រភពអង់គ្លេស និងសហភាពអឺរ៉ុបយល់ព្រមកំណត់ឡើងវិញកិច្ចព្រមព្រៀងពាណិជ្ជកម្មក្រោយ Brexit

ចក្រភពអង់គ្លេស និងសហភាពអឺរ៉ុបយល់ព្រមកំណត់ឡើងវិញកិច្ចព្រមព្រៀងពាណិជ្ជកម្មក្រោយ Brexit បន្ទាប់ពីការចរចាអស់រយៈពេលជាច្រើនខែ ។ប្រភពរដ្ឋាភិបាលអង់គ្លេស បានឲ្យដឹងថា សរុមរួប កិច្ចព្រមព្រៀងដ៏ល្អមួយសម្រាប់ពួកយើងទាំងអស់គ្នា ។កិច្ចពិភាក្សានេះ គឺជាកិច្ចចរចាលើកដំបូង ចាប់តាំងពីលោក Boris Johnson យល់ព្រមនឹងកិច្ចព្រមព្រៀង Brexi ដំបូង កាលពីខែមករា ឆ្នាំ ២០២០ ពេលដែលអង់គ្លេសចាកចេញពីសហភាពអឺរ៉ុប ។កិច្ចចរចាឈានដល់ដំណាក់កាលចុងក្រោយជាមួយការទម្លុះភាពទាល់ច្រកនៅវេលាម៉ោង ១០ និង ៣០នាទីយប់ថ្ងៃអាទិត្យ មុនឱសានវាទម៉ោង ១០ព្រឹកថ្ងៃចន្ទ ពេលដែលសិទ្ធិនេសាទរបស់ចក្រភពអង់គ្លេសនៅតែក្លាយជាចំណុចខ្ទាស់ធំដដែល ។កាសែត Sky News រាយការណ៍ថា សហភាពអឺរ៉ុបចង់ចូលអចិន្រ្តៃយ៍ដែនទឹករបស់ចក្រភពអង់គ្លេសសម្រាប់ការនេសាទ ប៉ុន្តែពួកគេយល់ព្រមលើកិច្ចព្រមព្រៀងដែលរួមបញ្ចូលការចូលដែនទឹករយៈពេល ១២ឆ្នាំ ។គ្មានការផ្លាស់ប្តូរនោះទេចំពោះការចូលដែនទឹកបច្ចុប្បន្នសម្រាប់សហគមន៍នេសាទចក្រភពអង់គ្លេស ដោយគ្មានការកាត់បន្ថយច្បាប់កូតាអង់គ្លេស ឬការបង្កើនបរិមាណអនុញ្ញាតឲ្យសហភាពអឺរ៉ុបនេសាទនោះដែរ ។សូមបញ្ជាក់ថា សិទ្ធិនេសាទ គឺជាផ្នែកដ៏សំខាន់មួយនៃយុទ្ធនាការចាកចេញពីសហភាពអឺរ៉ុប Brexit របស់ចក្រភពអង់គ្លេស បើទោះបីជាការនេសាទរាប់បញ្ចូលស្មើនឹង ០,៤ភាគរយនៃផលិតផលក្នុងស្រុកសមុទ្រ(GDP)របស់ពួកគេក៏ដោយ ។រដ្ឋមន្រ្តីទំនាក់ទំនងសហភាពអឺរ៉ុបលោក Nick Thomas-Symonds និយាយថា វាគឺជាថ្ងៃប្រវត្តិសាស្រ្តសម្រាប់ពួកយើង ។ លោកនិយាយនៅក្នុងសារបង្ហោះលើបណ្តាញព័ត៌មានសង្គម Xថា ល្អសម្រាប់ការងារ ល្អសម្រាប់វិក័យប័ត្រ និងល្អសម្រាប់ព្រំដែន ៕

អ៊ីរ៉ង់និយាយថា ការចរចានុយក្លេអ៊ែរ នឹងបរាជ័យ ប្រសិនបើអាមេរិកជំរុញឲ្យការចម្រាញ់អ៊ុយរ៉ានីញ៉ូមធ្លាក់ដល់កម្រិតសូន្យ

អនុរដ្ឋមន្ត្រីការបរទេសអ៊ីរ៉ង់ លោក Majid Takhtravanchi ត្រូវបានដកស្រង់សម្តីដោយប្រព័ន្ធផ្សព្វផ្សាយរដ្ឋនៅថ្ងៃចន្ទនេះថា កិច្ចចរចានុយក្លេអ៊ែររវាងអ៊ីរ៉ង់ និងសហរដ្ឋអាមេរិក «នឹងមិនអាចសម្រេចបានទេ ប្រសិនបើទីក្រុងវ៉ាស៊ីនតោន ទទូចថា ទីក្រុងតេអេរ៉ង់ គួរតែទម្លាក់សកម្មភាពចម្រាញ់សារធាតុអ៊ុយរ៉ានីញ៉ូមរបស់ខ្លួន ដល់កម្រិតសូន្យនោះ។បេសកជនពិសេសរបស់សហរដ្ឋអាមេរិក លោក Steve Witkoff បានបញ្ជាក់ឡើងវិញនូវជំហររបស់ទីក្រុងវ៉ាស៊ីនតោន កាលពីថ្ងៃអាទិត្យថា កិច្ចព្រមព្រៀងថ្មីណាមួយរវាងសហរដ្ឋអាមេរិក និងអ៊ីរ៉ង់ ត្រូវតែរួមបញ្ចូលកិច្ចព្រមព្រៀងមួយដែលមិនចម្រាញ់សារធាតុអ៊ុយរ៉ានីញ៉ូម ដែលជាផ្លូវមួយអាចធ្វើទៅបាន ក្នុងការអភិវឌ្ឍ គ្រាប់បែកនុយក្លេអ៊ែរ។ ទីក្រុងតេអេរ៉ង់ និយាយថា កម្មវិធីថាមពលនុយក្លេអ៊ែររបស់ខ្លួន មានគោលបំណងសន្តិភាពទាំងស្រុង។លោក Takhtravanchi បាននិយាយថា៖«ជំហររបស់យើងលើការចម្រាញ់សារធាតុអ៊ុយរ៉ានីញ៉ូម គឺច្បាស់លាស់ ហើយយើងបាននិយាយម្តងហើយម្តងទៀតថា វាជាសមិទ្ធិផលជាតិ ដែលយើងនឹងមិនថយក្រោយ»។ក្នុងអំឡុងពេលទស្សនកិច្ចរបស់លោកទៅកាន់តំបន់ឈូងសមុទ្រកាលពីសប្តាហ៍មុន ប្រធានាធិបតីអាមេ រិក លោក ដូណាល់ ត្រាំ ( Donald Trump) បាននិយាយថា កិច្ចព្រមព្រៀងមួយ គឺជិតសម្រេចបានហើយ ប៉ុន្តែអ៊ីរ៉ង់ចាំបាច់ត្រូវធ្វើសកម្មភាពឲ្យបានឆាប់រហ័ស។ក្នុងអំឡុងពេលអាណត្តិទី១ ឆ្នាំ ២០១៧- ២១ ជាប្រធានាធិបតី លោក ត្រាំ បានដកសហរដ្ឋអាមេរិកចេញពីកិច្ចព្រមព្រៀងឆ្នាំ ២០១៥ រវាងអ៊ីរ៉ង់ និងមហាអំណាចពិភពលោក ដែលបានដាក់កម្រិតយ៉ាងតឹងរឹងលើសកម្មភាពពង្រឹងរបស់ទីក្រុងតេអេរ៉ង់ ជាថ្នូរនឹងការបន្ធូរបន្ថយទណ្ឌកម្មអន្តរជាតិ។

អេស្តូនីនិយាយថា រុស្ស៊ីបានឃាត់ទុកនាវាដឹកប្រេងជាម្ចាស់កម្មសិទ្ធិរបស់ក្រិកនៅសមុទ្របាល់ទិក

ក្រសួងការបរទេសអេស្តូនី និយាយថា កាលពីថ្ងៃអាទិត្យម្សិលមិញ រុស្ស៊ីបានឃាត់ទុកនាវាដឹកប្រេង ១គ្រឿងដែលជាម្ចាស់កម្មសិទ្ធិរបស់ក្រិក ក្រោយនាវាមួយគ្រឿងនេះ ចាកចេញពីកំពង់ផែសមុទ្រខ្មៅរបស់អេស្តូនី ហើយពួកគេបានប្រកាសអាសន្នដល់សម្ព័ន្ធមិត្តអង្គការណាតូចំពោះឧបទ្ទេវហេតុនេះ ។ក្រសួងនិយាយក្នុងសេចក្តីថ្លែងការណ៍ថា នាវាដោតទង់ជាតិលីបេរីយ៉ា Green Admire បានចាកចេញពីកំពង់ផែ Sillamae ស្ថិតក្នុងប្រទេសអេស្តូនី ដោយប្រើប្រាស់ផ្លូវទឹកកំណត់ឆ្លងកាត់ដែនទឹករុស្ស៊ី ។រូបថតសន្លឹកឃើញនាវាធ្វើដំណើរឆ្លងកាត់សមុទ្របាល់ទិក រយៈពេល ១សប្តាហ៍មុនពេលវាត្រូវបានរុស្ស៊ីឃាត់ទុក ស្ថិតក្នុងចន្លោះកោះ Laesoe និងកោះ Anholt នៅច្រកសមុទ្រ Kattegat ។រដ្ឋមន្រ្តីការបរទេសអេស្តូនីលោក Margus Tsahkna និយាយថា ឧបទ្ទេវហេតុនៅថ្ងៃនេះបង្ហាញថា រុស្ស៊ីបន្តប្រព្រឹត្តទង្វើមិនបានព្យាករទុកមុន ។ លោកបានជូនដំណឹងផងដែរដល់សម្ព័ន្ធមិត្តរបស់ពួកយើង ពាក់ព័ន្ធនឹងហេតុការណ៍នេះ ។សូមបញ្ជាក់ថា បណ្តាប្រទេសនៅក្នុងតំបន់សមុទ្របាល់ទិក បានស្ថិតក្នុងការប្រុងប្រយ័ត្នខ្ពស់ បន្ទាប់ពីដាច់ខ្សែថាមពល ការតភ្ជាប់បណ្តាញទូរគមនាគមន៍ និងបំពង់បង្ហូរឧស្ម័ន ចាប់តាំងពីរុស្ស៊ីបានវាយលុកអ៊ុយក្រែនកាលពីឆ្នាំ ២០២២ ។យោងតាម Marine Traffic ដែលជាគេហទំព័រតាមដានវានា បានឲ្យដឹងថា នាវា Green Admire បានចាកចេញពីកំពង់ផែ Sillamae កាលពីវេលាម៉ោង ១៨ និង ៤០នាទី ម៉ោងសកលថ្ងៃសៅរ៍ ហើយនៅរសៀលថ្ងៃអាទិត្យ នាវាមួយគ្រឿងនេះ បានបោះយុថ្កានៅជិតកោះ Hogland របស់រុស្ស៊ី ។ដោយឡែក មន្រ្តីមួយរូបរបស់រដ្ឋាភិបាលក្រិកនិយាយថា នាវាមួយគ្រឿងនេះ បានធ្វើដំណើរឆ្លងកាត់ដែនទឹករុស្ស៊ី ដើម្បីចៀសទឹករាក់ ហើយរុស្ស៊ីបានស្កាត់ចាប់ និងនាំវាទៅកាន់កន្លែងសុវត្ថិភាព ដើម្បីធ្វើការផាកពិន័យ ៕

ក្រុមសកម្មជនអ៊ីតាលីត្រៀមខ្លួនរួចរាល់ក្នុងការនាំជំនួយចូលទៅកាន់តំបន់ហ្កាហ្សាស្រ្ទីប

សមាជិកសភា និងក្រុមតំណាងរាស្រ្តអ៊ីតាលីនៃសហភាពអឺរ៉ុប អមដោយក្រុមសកម្មជន សមាជិកអង្គការក្រៅរដ្ឋាភិបាល ក្រុមបណ្ឌិតសភា និងក្រុមអ្នកសារព័ត៌មាន កាលពីថ្ងៃអាទិត្យម្សិលមិញ នាំគ្នាតវ៉ានៅមុខព្រំដែន Rafah របស់អេហ្ស៊ីបជាប់តំបន់ហ្កាហ្សា ដើម្បីធ្វើការថ្កោលទោសសង្រ្គាម និងការបិទច្រករបស់អ៊ីស្រាអែលមិនអនុញ្ញាតឲ្យជំនួយចូលទៅកាន់ដែនដីឡោមព័ទ្ធមួយនេះ ។ពួកគេបានលើកបដាដ៏ធំមួយសរសេរថា “បញ្ឈប់ការប្រព្រឹត្តបទល្មើស” និងអំពាវនាវដល់រដ្ឋាភិបាលអ៊ីតាលី និងក្រុមមេដឹកនាំអឺរ៉ុបផ្សេងទៀតឲ្យបញ្ឈប់សង្រ្គាមនៅតំបន់ហ្កាហ្សា និងដាក់សម្ពាធលើអ៊ីស្រាអែល អនុញ្ញាតឲ្យស្បៀងអាហារ និងជំនួយចូលទៅក្នុងតំបន់ហ្កាហ្សា ។អតីតប្រធានាសភាអ៊ីតាលីលោកស្រី Laura Boldrini ដែលជាសមាជិកក្រុមសកម្មជន “Gaza Beyond the Border” បាននិយាយក្នុងសារបង្ហោះលើបណ្តាញព័ត៌មានសង្គម Xថា ពួកយើងមិនអាចឈរមើលការសម្លាប់រង្គាលមួយទៀត ត្រូវបានគេរៀបចំឡើងនោះឡើយ ។ដោយសំដៅលើនាយករដ្ឋមន្រ្តីអ៊ីតាលីលោកស្រី Georgia Meloni និងរដ្ឋមន្រ្តីការបរទេសអ៊ីតាលីលោក AntonioTajani លោកស្រី Boldrini និយាយថា ពួកគេត្រូវតែធ្វើឥឡូវនេះភ្លាម ដើម្បីការពារការជម្លៀសខ្លួនទាំងបង្ខំលើប្រជាពលរដ្ឋ និងឧក្រិដ្ឋកម្មសង្រ្គាមបន្ថែមទៀត ។លោកស្រីបន្តថា ភាពស្ងៀមស្ងាត់ និងភាពអសកម្មស្មើនឹងការប្រព្រឹត្តបទល្មើស ។ រាល់នាទី បាត់បង់អាយុជីវិតមនុស្សម្នាក់ ហើយពួកយើងបានត្រៀមខ្លួនរួចរាល់ក្នុងការនាំជំនួយមនុស្សធម៌ចូលទៅក្នុងតំបន់ហ្កាហ្សា ។កាលពីថ្ងៃសៅរ៍កន្លងទៅ លោកស្រី Tajani បានជំរុញផងដែរឲ្យអ៊ីស្រាអែលបញ្ឈប់ការវាយប្រហាររបស់ពួកគេនៅតំបន់ហ្កាហ្សា ដោយលោកស្រីបញ្ជាក់ថា ជនស៊ីវិលប៉ាឡេស្តីន មិនត្រូវរងគ្រោះដោយសារសង្រ្គាមមួយនេះឡើយ ៕

ភ្លៀងធ្លាក់ខ្លាំងពេញមួយយប់ បានជន់លិចទីក្រុង Bengaluru របស់ប្រទេសឥណ្ឌា

ភ្លៀងធ្លាក់ខ្លាំងកាលពីយប់កន្លងទៅ បានជន់លិចផ្លូវថ្នល់ និងអគាររស់នៅរបស់អ្នកស្រុកនៅទីក្រុង Bengaluru របស់ប្រទេសឥណ្ឌា ។ស្របពេលដែលអ្នកស្រុកខ្លះរអ៊ូរទាំថា ពួកគេពុំបានសម្រាកពេញមួយយប់ អ្នកស្រុកខ្លះទៀតនិយាយថា ពួកគេប្រឈមបញ្ហាតែមួយនេះអស់រយៈពេល ២០ឆ្នាំមកហើយ ។ប្រជាពលរដ្ឋត្រូវបានគេមើលឃើញទួលទ្រព្យសម្បត្តិរបស់ពួកគេ និងដើរលុកទឹកតាមផ្លូវទៅកាន់ទីទួលសុវត្ថិភាព ។ ចំណែកឯទំនិញប្រើប្រាស់ក្នុងផ្ទះ ត្រូវបានគេមើលឃើញអណ្តែតផងដែរ ។ឥណ្ឌាដែលមានពលរដ្ឋ ១,៤ពាន់លាននាក់ ពឹងផ្អែកទឹកភ្លៀងដើម្បីទ្រទ្រង់ប្រជាពលរដ្ឋរបស់ពួកគេ ក្នុងនោះពលរដ្ឋភាគច្រើនពឹងផ្អែកលើការធ្វើកសិកម្ម ។ទោះបីជាយ៉ាងណាក៏ដោយ ភ្លៀងធ្លាក់ច្រើនហួសប្រមាណបណ្តាលឲ្យមានទឹកជំនន់ ជាពិសេសនៅតាមតំបន់មានប្រព័ន្ធបង្ហូរទឹកមិនល្អ ៕

ជនប៉ាឡេស្ទីនយ៉ាងហោច ២៤នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលលើទីក្រុង Khan Younis

ក្រុមគ្រូពេទ្យបឋមនិយាយថា ជនប៉ាឡេស្ទីនយ៉ាងហោច ២៤នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលកាលពីយប់កន្លងទៅលើជំរំសំពត់តង់ស្ថិតក្នុងទីក្រុង Khan Younis នៅភាគខាងត្បូងតំបន់ហ្កាហ្សាស្រ្ទីប ។អ្នកស្រី Samia al Qasas ដែលប្តី និងកូនប្រុសរបស់គាត់ បានរងរបួសក្នុងការវាយប្រហារតាមច្រកអាកាសនេះ និយាយថា មីស៊ីលបានធ្លាក់នៅជិតពួកគេ ។ចំណែកឯអ្នកស្រី Warda al Chaer ដែលបាត់បង់ម្តាយរបស់គាត់នៅក្នុងការវាយប្រហារនេះ និយាយថា ម្តាយរបស់គាត់បានស្លាប់ ហើយក្មួយរបស់គាត់បានបាត់បង់ភ្នែកម្ខាង ។ស្របពេលដែលក្រុមអ្នកសម្របសម្រួលរៀបចំជុំថ្មីនៃកិច្ចប្រជុំរវាងអ៊ីស្រាអែល និងក្រុមហាម៉ាស អ៊ីស្រាអែល បានបង្កើនការវាយប្រហាររបស់ខ្លួនលើដែនដីបិទច្រកមួយនេះ ក៏ដូចជាពង្រីកការទម្លាក់គ្រាប់បែកសម្លាប់មនុស្សរាប់រយនាក់ ក្នុងរយៈពេល ៧២ម៉ោងចុងក្រោយ ។មិនទាន់មានសេចក្តីអត្ថាធិប្បាយភ្លាមៗនោះទេពីយោធាអ៊ីស្រាអែលដែលត្រៀមខ្លួនការវាយប្រហារជើងគោកថ្មី ដើម្បីសម្រេចបានការគ្រប់គ្រងប្រតិបត្តិការលើតំបន់ហ្កាហ្សា ។ក្រុមហាម៉ាស បានចាត់ទុកការវាយប្រហារចុងក្រោយនេះថា ជាឧក្រិដ្ឋកម្មដ៏ឃោឃៅ ហើយពួកគេបានដាក់ការស្តីបន្ទោសដល់រដ្ឋបាលថ្មីរបស់រដ្ឋអាមេរិក សម្រាប់ការធ្វើឲ្យកើនឡើងការវាយប្រហាររបស់អ៊ីស្រាអែល ៕

បណ្ដាញសង្គម

ព័ត៌មានថ្មីៗ

ប្រភព៖ លោក Zelenskyy នឹងជួបមេដឹកនាំអឺរ៉ុប នៅទីក្រុងប៉ារីស នាថ្ងៃព្រហស្បតិ៍

កម្ពុជាគាំទ្រគំនិតផ្ដួចផ្ដើមអភិបាលកិច្ចសកលរបស់ចិន ក្នុងការពង្រឹងសណ្ដាប់ធ្នាប់សកលដែលមាន អង្គការសហប្រជាជាតិជាស្នូល

សម្តេចតេជោ ហ៊ុន សែន អញ្ជើញជួបពិភាក្សាការងារជាមួយ អគ្គលេខាធិការគណបក្សកុម្មុយនីស្តវៀតណាម និងពិធីលៀងសាយភោជន៍

លោក Putinកោតសរសើរទំនាក់ទំនងថាមពលរវាងរុស្ស៊ី និងទួរគី

ជនរងគ្រោះដោយសារការរញ្ជួយដីអាហ្វហ្គានីស្ថានអង្វរសុំជំនួយបន្ទាន់

វេជ្ជបណ្ឌិតកូរ៉េខាងត្បូងបញ្ចប់ការធ្វើកូដកម្មរយៈពេល ១៨ខែ ជាការជួយសង្គ្រោះមន្ទីរពេទ្យ

កូរ៉េខាងត្បូងប្រកាសរដ្ឋក្នុងគ្រោះមហន្តរាយគ្រោះរាំងស្ងួតនៅទីក្រុង Gangneung

ក្រុមនិស្សិតឥណ្ឌូនេស៊ី ជួបជុំគ្នាតវ៉ា ដោយផ្គើនចំពោះក្តីបារម្ភពីការបង្រ្កាបយ៉ាងចាស់ដៃពីសមត្ថកិច្ច

ក្រុមជួយសង្រ្គោះធានាសុវត្ថិភាពភ្ញៀវទេសចរនៅលើភ្នំភ្លើង Etna ដែលជាភ្នំភ្លើងកម្រើកខ្ពស់បំផុតនៅអឺរ៉ុប

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877