នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
[UPDATE] អ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជាង ២០០នាក់ ខណៈការសង្គ្រោះនិងស្វែងរកអ្នករស់រានមានជីវិតនៅតែបន្ត
[UPDATE] ក្រុមអ្នកសង្គ្រោះបន្តស្វែងរកអ្នករស់រានមានជីវិតពីគំនរបាក់បែក ខណៈអ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជិត២០០នាក់
អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum
ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង

ព័ត៌មានអន្តរជាតិ

ការផ្ទុះឡើងនៃជំងឺ Ebola រាលដាលដល់ជំរំភៀសខ្លួនមានមនុស្សកកកុញ នៅប្រទេសកុងហ្គោ

2026/06/12 08:14:14 pm        30
Facebook Telegram Linkin
ទីភ្នាក់ងារជនភៀសខ្លួនរបស់អង្គការសហប្រជាជាតិ (UN) បានឲ្យដឹង​ថា ការស្លាប់មនុស្ស​ ២នាក់ដែលទាក់ទងនឹងជំងឺ Ebola ត្រូវបានបញ្ជាក់នៅក្នុងជំរំភៀសខ្លួនមួយ នៅភាគខាងកើតនៃ​ប្រទេសកុងហ្គោ ដោយបុគ្គលិកជំនួយ បានព្រមានថា ហានិភ័យនៃជំងឺនេះ ដែល​រីករាលដាលយ៉ាងឆាប់រហ័សនៅក្នុងទីតាំងជនភៀសខ្លួនមានមនុស្សច្រើនកកកុញ គឺមាន​កម្រិត​ខ្ពស់ និងគួរឲ្យ​ព្រួយបារម្ភណាស់​។ជនរងគ្រោះទាំង ២នាក់នោះ គឺជាជនភៀសខ្លួនក្នុងស្រុកដែលរស់នៅក្នុងជំរំ Kpangba ជា​ទី​ដែលមានជនភៀសខ្លួនចំនួន ៣០.០០០នាក់។​ នេះបើយោងតាមរបាយការណ៍ដែលបានចេញផ្សាយកាល​ថ្ងៃព្រហស្បតិ៍ (ទី១១ ខែមិថុនា ឆ្នាំ២០២៦)។ឥឡូវនេះ វីរុស​នេះបានរីករាលដាលពាសពេញខេត្តចំនួន ៣ ចាប់តាំងពីអង្គការសុខភាពពិភពលោក (WHO) បានប្រកាសពីការផ្ទុះឡើងនៃជំងឺនេះជាអាសន្នសុខភាពសាធារណៈដែលជាការព្រួយបារម្ភអន្តរជាតិនៅថ្ងៃទី១៧ ខែឧសភា។ ខេត្តទាំង ៣នោះ គឺ Ituri, South Kivu និង North Kivu ត្រូវបានបំផ្លិចបំផ្លាញដោយជម្លោះរាប់ទសវត្សរ៍ និងមានប្រជាជនជាង ៥លាននាក់ផ្លាស់ទីលំនៅ។គិតត្រឹមថ្ងៃសុក្រ (ទី១២ ខែមិថុនា ឆ្នាំ២០២៦) នេះ​ ប្រទេសកុងហ្គោបានរាយការណ៍ពីករណីឆ្លងដែលបានបញ្ជាក់ចំនួន ៦៧៦ករណី និងអ្នកស្លាប់ចំនួន ១៣៦នាក់ នៅក្នុងការផ្ទុះឡើងដែលរីករាលដាលទៅកាន់ប្រទេសជិតខាងអ៊ូហ្គង់ដាដែលបានរាយការណ៍ពីការ​ឆ្លងចំនួន ១៩ករណី។ ការផ្ទុះឡើងនេះ ពាក់ព័ន្ធនឹងវីរុសជំងឺ Ebola ប្រភេទ​ Bundibugyo ដែលមិនមានការព្យាបាល ឬវ៉ាក់សាំង​ការពារដែលត្រូវបានអនុម័តឡើយ​៕

នាយករដ្ឋមន្រ្តីអ៊ីតាលីលោកស្រី Giorgia Meloni ជួបប្រធានាធិបតិកូរ៉េខាងត្បូងនៅទីក្រុងរ៉ូម

2026/06/12 08:07:09 pm        35
Facebook Telegram Linkin
នាយករដ្ឋមន្រ្តីអ៊ីតាលីលោកស្រី Giorgia Meloni បានជួបពិភាក្សាការងារជាមួយប្រធានាធិបតីកូរ៉េខាងត្បូងលោក Lee Jae Myung នៅឯវិមាន Villa Pamphili ស្ថិតក្នុងទីក្រុងរ៉ូម នាថ្ងៃសុក្រនេះ ។លោកស្រី Meloni និងលោក Jae Myung បានជួបគ្នានៅមុនកិច្ចប្រជុំកំពូលសហភាពអឺរ៉ុប(EU) ហើយនិងកិច្ចប្រជុំក្រុមមេដឹកនាំប្រទេសមានឧស្សាហកម្មលូតលាស់ G7 នាសប្តាហ៍ក្រោយ ដែលពួកគេទាំង ២នាក់ នឹងចូលរួមផងដែរ ។អំឡុងដំណើរទស្សនកិច្ចរបស់លោកស្រី Meloni ទៅកាន់កូរ៉េខាងត្បូងកាលពីខែមករា មេដឹកនាំទាំង ២ បានយល់ព្រមពង្រឹងកិច្ចសន្ទនាយុទ្ធសាស្រ្តស្តីពីបញ្ហាក្នុងតំបន់ និងលើសកលលោក ហើយនិងជំរុញកិច្ចសហប្រតិបត្តិការនៅលើវិស័យពាណិជ្ជកម្ម ការវិនិយោគទុន ឧស្សាហកម្មរីកចម្រើន វិទ្យាសាស្រ្ត និងបច្ចេកវិទ្យា ការអប់រំ វប្បធម៌ និងការផ្លាស់ប្តូរទស្សនៈពីមនុស្សទៅមនុស្ស ។លោក Jae Myung ដែលស្ថិតក្នុងដំណើរទស្សនកិច្ចផ្លូវរដ្ឋទៅកាន់ប្រទេសអ៊ីតាលីក្នុងសប្តាហ៍នេះ បានជួបប្រធានាធិបតីអ៊ីតាលីលោក Sergio Mattarella កាលពីថ្ងៃព្រហស្បតិ៍ ហើយនិងត្រូវចូលរួមជំនួបជាមួយជាមួយសម្តេចប៉ាប Leo នៅឯវិមានវ៉ាទីកង់នាថ្ងៃចន្ទ ដើមសប្តាហ៍ក្រោយ ៕

អ្នកនយោបាយ៖ ​ហេសបូឡាជឿជាក់ថា កិច្ចព្រមព្រៀង រវាងអាមេរិក និងអ៊ីរ៉ង់ នឹងរួមបញ្ចូល​លីបង់

2026/06/12 07:55:05 pm        26
Facebook Telegram Linkin
អ្នកនយោបាយឈានមុខគេមួយ​រូប​របស់​ក្រុម​ហេសបូឡា បាននិយាយនៅ​ថ្ងៃសុក្រ (ទី១២ ខែមិថុនា ឆ្នាំ២០២៦) នេះ​ថា ក្រុម​នេះ​មានទំនុកចិត្តថា អ៊ីរ៉ង់នឹងទទូចឲ្យ​រួម​បញ្ចូល​ប្រទេសលីបង់ទៅ​ក្នុងកិច្ចព្រមព្រៀងជាមួយសហរដ្ឋអាមេរិក ខណៈដែលក្តីសង្ឃឹមបានកើនឡើង សម្រាប់កិច្ចព្រមព្រៀង រវាងទីក្រុងតេអេរ៉ង់ និងវ៉ាស៊ីនតោន។ក្រុម​ហេសបូឡាដែលត្រូវ​បង្កើតឡើងដោយឆ្មាំបដិវត្តន៍អ៊ីរ៉ង់ក្នុងឆ្នាំ១៩៨២ បានចូលរួមក្នុងជម្លោះ ក្នុងតំបន់ ដើម្បីគាំទ្រទីក្រុងតេអេរ៉ង់ កាល​ពី​ថ្ងៃទី២ ខែមីនា ដោយបានបើកការបាញ់ប្រហារទៅលើអ៊ីស្រាអែល និងជំរុញឲ្យ​មានការវាយលុករបស់អ៊ីស្រាអែល ជា​ជម្លោះ​ដែលបានសម្លាប់មនុស្សរាប់ពាន់នាក់ នៅក្នុងប្រទេសលីបង់។មន្ត្រីអ៊ីរ៉ង់បានទទូចម្តងហើយម្តងទៀតឲ្យ​បញ្ចប់ការប្រយុទ្ធនៅលីបង់ ជាផ្នែកមួយនៃកិច្ចព្រមព្រៀងដ៏​ទូលំទូលាយណាមួយ។នៅក្នុងសម្រង់នៃសុន្ទរកថាដែលចាក់ផ្សាយដោយទូរទស្សន៍ al-Manar របស់ក្រុមនេះ អ្នកនយោបាយរបស់ក្រុម​ហេសបូឡា លោក Hassan Fadlallah បាននិយាយថា៖ «ប្រសិនបើកិច្ចព្រមព្រៀងនេះកើតឡើង យើងមានទំនុកចិត្តទាំងស្រុងលើសាធារណរដ្ឋឥស្លាម។ យើងមានទំនុកចិត្តថា ប្រទេសនេះ​នឹងទទូចលើកិច្ចព្រមព្រៀងណាមួយ ដែលរួមមាន​ទាំងឯកសាររបស់ប្រទេសលីបង់»។គួរបញ្ជាក់ថា សង្គ្រាមនៅលីបង់ បានបន្ត ទោះបីជាបទ​ឈប់បាញ់ជាច្រើនដង​ ត្រូវ​បានប្រកាសដោយសហរដ្ឋអាមេរិកដែលបានសម្របសម្រួលការចរចា រវាងរដ្ឋាភិបាលលីបង់ និងអ៊ីស្រាអែលក៏ដោយ។ ក្រុមហេសបូឡាមិនមែនជាភាគីនៃកិច្ចចរចាទេ ហើយបានទាមទារឲ្យ​រដ្ឋាភិបាលលីបង់ចាកចេញពីដំណើរការនេះ៕

អគ្គិភ័យបានឆាបឆេះអាកាសយានដ្ឋាន Wellington របស់ប្រទេសណូវែលសេឡង់

2026/06/12 07:54:16 pm        43
Facebook Telegram Linkin
អគ្គិភ័យ បានឆាបឆេះអាកាសយានដ្ឋាន Wellington របស់ប្រទេសណូវែលសេឡង់នាថ្ងៃសុក្រនេះ បង្ខំឲ្យមានការជម្លៀសមនុស្សចេញពីចំណតធំ និងបង្វែរទិសដៅហោះហើរ ។អ្នកនាំពាក្យទីភ្នាក់ងារពន្លត់អគ្គិភ័យ និងសង្រ្គោះបន្ទាន់ណូវែលសេឡង់ និយាយថា ក្រុមការងាររបស់ពួកគេ បានចូលរួមការពន្លត់ភ្លើងជាមួយក្រុមពន្លត់អគ្គីភ័យផ្ទាល់ខ្លួនរបស់អាកាសយានដ្ឋាន ។ពួកគេនិយាយថា រថយន្តពន្លត់អគ្គិភ័យ ៥គ្រឿង និងរថយន្តពន្លត់អគ្គិភ័យមានជណ្តើរ ២គ្រឿង បាននៅកន្លែងកើតហេតុ ។ អគ្គិភ័យនេះ ត្រូវបានគេរាយការណ៍ថា បានកើតឡើងកាលពីវេលាម៉ោង ៧ និង ១៥នាតី យប់ ម៉ោងក្នុងស្រុក ថ្ងៃសុក្រនេះ ។អាកាសយានដ្ឋាន Wellington និយាយថា ចំណតនៅភាគនិរតី និងចំណតធំ ត្រូវបានជម្លៀសមនុស្សចេញ ហើយពុំមានអ្នករងរបួសណាម្នាក់ ត្រូវបានគេរាយការណ៍នោះទេ ។ពួកគេបន្តថា ជើងហោះហើរទៅកាន់អាកាសយានដ្ឋាន Wellington ត្រូវបានបង្វែរទិសដៅបណ្តោះអាសន្ន ហើយអ្នកដំណើរ ត្រូវបានណែនាំឲ្យត្រួតពិនិត្យជាមួយក្រុមហ៊ុនអាកាសចរណ៍របស់ពួកគេ ដើម្បីស្វែងរកជើងហោះហើរច្បាស់លាស់ ៕

ណាតូ៖ ការកាត់បន្ថយតួនាទីយោធារបស់អាមេរិក នៅអឺរ៉ុប នឹងពង្រឹងសម្ព័ន្ធភាពក្នុងរយៈពេលវែង

2026/06/12 07:53:50 pm        36
Facebook Telegram Linkin
អង្គការ​ណាតូ (NATO) បានឲ្យ​ដឹង​នៅ​ថ្ងៃសុក្រ (ទី១២ ខែមិថុនា ឆ្នាំ២០២៦) នេះ​ថា ការកាត់បន្ថយធនធាន​យោធារបស់សហរដ្ឋអាមេរិកដែលត្រូវ​បានចាត់តាំង​ឲ្យ​ធ្វើ​ប្រតិបត្តិការ នៅអឺរ៉ុប នឹងពង្រឹងសម្ព័ន្ធភាពក្នុងរយៈពេលវែង ដោយកាត់បន្ថយការពឹងផ្អែកលើសម្ព័ន្ធមិត្តតែមួយ និងបង្កើតតុល្យភាពនៃការទទួលខុសត្រូវប្រកបដោយចីរភាព។ដោយ​ឆ្លើយតបទៅនឹងសារព័ត៌មាន Anadolu នៅក្នុងសេចក្តីថ្លែងការណ៍ជាលាយលក្ខណ៍អក្សរ អ្នកនាំពាក្យអង្គការ​ណាតូ លោកស្រី Allison Hart បានបញ្ជាក់ថា ទីក្រុងវ៉ាស៊ីនតោនមានគម្រោងកាត់បន្ថយយន្តហោះ និងធនធាន​កងទ័ពជើងទឹកមួយចំនួន ដែលត្រូវបានបែងចែកសម្រាប់ប្រតិបត្តិការរបស់​អង្គការណាតូ នៅអឺរ៉ុប។លោកស្រី Hart បានឲ្យ​ដឹង​ថា៖ «ផែនការការពារជាតិរបស់អង្គការណាតូ បានពណ៌នា​ពី​​កងកម្លាំង និងសមត្ថភាពដែលយើងត្រូវការ។ គំរូកងកម្លាំងណាតូ គឺជាក្របខ័ណ្ឌសំខាន់ សម្រាប់ការធ្វើឲ្យ​កងកម្លាំងជាតិអាចរកបានសម្រាប់សម្ព័ន្ធភាព»។លោកស្រីបាននិយាយ​ទៀត​ថា សម្ព័ន្ធភាពបានពឹងផ្អែកយ៉ាងខ្លាំងលើកងកម្លាំង និងសមត្ថភាពរបស់សហរដ្ឋអាមេរិកជាប្រវត្តិសាស្ត្រ ដោយបន្ថែមថា តុល្យភាពនៃការទទួលខុសត្រូវ អាចផ្លាស់ប្តូរនៅពេលដែលសម្ព័ន្ធមិត្តអឺរ៉ុប និងកាណាដាបង្កើនការចំណាយលើវិស័យ​ការការពារជាតិ និងអភិវឌ្ឍសមត្ថភាពបន្ថែម។ការអត្ថាធិប្បាយទាំងនេះបានកើតឡើងបន្ទាប់ពីមាន​របាយការណ៍មួយរបស់សារព័ត៌មាន The New York Times ដោយ​ដកស្រង់សម្តីមន្ត្រីជាន់ខ្ពស់អឺរ៉ុប ២រូប ដែលបានឲ្យ​ដឹង​ថា សហរដ្ឋអាមេរិក មានគម្រោងកាត់បន្ថយចំនួនយន្តហោះ និងនាវាចម្បាំងយ៉ាងច្រើនដែលត្រូវបានចាត់តាំងឲ្យធ្វើប្រតិបត្តិការរបស់​អង្គការណាតូ នៅអឺរ៉ុប​៕

ការវាយប្រហារឆ្លងព្រំដែនរវាងអ៊ុយក្រែន និងរុស្ស៊ី បណ្តាលឲ្យមនុស្ស ៣នាក់ស្លាប់

2026/06/12 07:53:22 pm        13
Facebook Telegram Linkin
យោងតាមការអះអាងរបស់ក្រុមមន្រ្តី បានឲ្យដឹងថា មនុស្ស ៣នាក់ ត្រូវបានសម្លាប់ នៅតំបន់ព្រំដែនរវាងរុស្ស៊ី និងអ៊ុយក្រែន ខណៈពេលដែលភាគីទាំង ២ បើកការវាយប្រហារលើគ្នាទៅវិញទៅមក ។អភិបាលតំបន់ស្តីទីលោក Egor Kovalchuk និយាយនៅក្នុងសារបង្ហោះលើបណ្តាញព័ត៌មានសង្គមនាថ្ងៃសុក្រនេះថា នៅភាគីរុស្ស៊ី ជនស៊ីវិល ២នាក់ ត្រូវបានសម្លាប់ និងមនុស្ស ២នាក់ផ្សេងទៀត រងរបួស នៅក្នុងតំបន់ Bryansk របស់លោក ក្រោយទីក្រុវគីវ បើកការវាយប្រហារដោយកាំភ្លើងធំលើការតាំងលំនៅ Suzemka ។ ចំណែកឯអភិបាលតំបន់ Tatarstan លោក Rustam Minnikhanov និយាយថា យានដ្រូនបានវាយប្រហារផងដែរអគារផ្ទះល្វែងនៅតំបន់ភាគកណ្តាលរបស់រុស្ស៊ីមួយនេះ ។លោកបន្តថា ទោះបីជាយ៉ាងណាក៏ដោយ ការងារផលិតកម្ម ពុំបានផ្អាកនោះទេ ប៉ុន្តែលោកពុំបានបញ្ជាក់ថានៅរោងចក្រណាមួយនោះឡើយ ។ដោយឡែក អភិបាលតំបន់ Samara លោក Vyacheslav Fedorishchev និយាយនៅលើបណ្តាញព័ត៌មានសង្គម Telegramថា ទីក្រុង Togliatti ដែលជាទីតាំងស្ថិតនៅរបស់ក្រុមហ៊ុនផលិតរថយន្តធំបំផុត Avtovaz របស់រុស្ស៊ី រងការវាយប្រហារដោយយានដ្រូនផងដែរ ៕

លោក Netanyahu និងលោក Trump យល់ស្របគ្នាថា អ៊ីរ៉ង់មិនអាចមានអាវុធនុយក្លេអ៊ែរបានឡើយ​

2026/06/12 07:53:01 pm        21
Facebook Telegram Linkin
ខណៈពេលដែលប្រធានាធិបតីអាមេរិក លោក​ Donald Trump បង្ហាញនូវ​សុទិដ្ឋិនិយម អំពីកិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់ លោក​នាយករដ្ឋមន្ត្រី Benjamin Netanyahu បន្តកិច្ច​ប្រឹង​ប្រែង​របស់លោក ក្នុង​ផ្ដល់​រូប​ភាព​អំពីកិច្ចព្រមព្រៀងដែលអាចកើតមាននេះថា ជាសមិទ្ធផល សម្រាប់អ៊ីស្រាអែល ឬយ៉ាងហោចណាស់កម្រិត​ការខូចខាតខាង​នយោបាយនៃកិច្ចព្រមព្រៀង ដែលមិនដោះស្រាយកង្វល់ភាគច្រើនរបស់អ៊ីស្រាអែល។នៅក្នុងសេចក្តីថ្លែងការណ៍មួយដែលចេញផ្សាយដោយការិយាល័យរបស់លោក លោក Netanyahu បានផ្ដល់ការ​សន្យាថា៖ «ដរាបណាខ្ញុំជានាយករដ្ឋមន្ត្រីអ៊ីស្រាអែល អ៊ីរ៉ង់នឹងមិនមានអាវុធនុយក្លេអ៊ែរជា​ដាច់ខាត​»។ លោកបាន​បន្តថា៖ «មានកិច្ចព្រមព្រៀងពេញលេញ រវាងលោកប្រធានាធិបតី Trump និងរូប​ខ្ញុំ ជុំវិញ​បញ្ហានេះ»។លោក Netanyahu និយាយទៀត​ថា លោកបានដឹកនាំការប្រយុទ្ធអន្តរជាតិ ប្រឆាំងនឹងកម្មវិធីនុយក្លេអ៊ែររបស់អ៊ីរ៉ង់អស់រយៈពេលជាង ៣ទសវត្សរ៍មកហើយ។ លោកបាន​បញ្ជាក់​ថា៖ «បើគ្មានការតស៊ូនេះទេ អ៊ីរ៉ង់នឹង​ផលិត​បានគ្រាប់បែកនុយក្លេអ៊ែរជាយូរមកហើយ ដើម្បីបំផ្លាញអ៊ីស្រាអែល»។លោកបាន​សង្កត់ធ្ងន់​​ថា៖ «អ៊ីរ៉ង់កំពុងធ្វើការ ដើម្បីបំផ្លាញរដ្ឋជ្វីហ្វ ហើយខ្ញុំបានលះបង់ជីវិតរបស់ខ្ញុំ ដើម្បីរារាំង​ពួកគេមិន​សម្រេចកិច្ច​ការ​នេះ​។ ដរាបណាខ្ញុំជានាយករដ្ឋមន្ត្រីអ៊ីស្រាអែល រៀង​នោះ​នឹងមិនកើតឡើងឡើយ​»៕

ប្រភព៖ អនុស្សរណៈសន្តិភាព រវាងអាមេរិក និងអ៊ីរ៉ង់ អាចត្រូវបានចុះហត្ថលេខានាថ្ងៃទី១៤ ខែមិថុនា នៅស្វីស

2026/06/12 07:52:26 pm        36
Facebook Telegram Linkin
ប្រភពមួយបានប្រាប់សារព័ត៌មាន Reuters ​នៅថ្ងៃសុក្រ (ទី១២ ខែមិថុនា ឆ្នាំ២០២៦) នេះ​ថា អនុស្សរណៈ រវាងសហរដ្ឋអាមេរិក និងអ៊ីរ៉ង់ ដើម្បីបញ្ឈប់សង្គ្រាមរបស់ភាគី​ទាំង​២ អាចត្រូវបានចុះហត្ថលេខា នៅថ្ងៃទី១៤ ខែមិថុនា ដោយទីក្រុងហ្សឺណែវរបស់​ប្រទេស​ស្វីស បានក្លាយជាទីកន្លែងដ៏ទំនងបំផុត ក្នុង​ការ​ធ្វើ​ជាម្ចាស់​ផ្ទះ​។ប្រភពនេះបាននិយាយថា ភាសានៅក្នុងអនុស្សរណៈនេះ នៅតែស្ថិត​ក្នុង​ដំណាក់​កាល​បញ្ចប់ចុង​ក្រោយ​ ហើយប្រទេស​អ៊ីរ៉ង់កំពុងប្រកាន់ខ្ជាប់នូវគោល​ជំហររបស់ខ្លួន ដែល​ថា កិច្ចព្រមព្រៀងនេះ ក៏ត្រូវតែបញ្ចប់ការប្រយុទ្ធគ្នានៅលីបង់ផងដែរ ជាកន្លែងដែលអ៊ីស្រាអែលបានប្រយុទ្ធជាមួយ​កងជីវពលហេសបូឡាដែលគាំទ្រដោយអ៊ីរ៉ង់។គោលបំណង គឺដើម្បីបញ្ចប់ពាក្យពេចន៍ក្នុង​អនុស្សរណៈនេះ នៅថ្ងៃទី១៣ ខែមិថុនា ដូច្នេះ កិច្ចព្រមព្រៀងនេះ អាចត្រូវបានចុះហត្ថលេខាដោយអនុប្រធានាធិបតីអាមេរិក លោក J.D. Vance និងប្រធានសភាអ៊ីរ៉ង់ លោក Mohammed Baqer Qalibaf។ មិនទាន់មានទីកន្លែងណាមួយត្រូវបានកំណត់នៅឡើយទេ ប៉ុន្តែទីក្រុងហ្សឺណែវ បានក្លាយជាទីកន្លែងដែលទំនងជាគេ​បំផុត។ប្រធានាធិបតីអាមេរិក លោក Donald Trump បាននិយាយកាលពី​ថ្ងៃទី១១ ខែមិថុនាថា លោកកំពុងលុបចោលការវាយប្រហារថ្មីលើអ៊ីរ៉ង់ ពីព្រោះកិច្ចព្រមព្រៀងនេះរួចរាល់ហើយ។ លោកបានប្រាប់អ្នកសារ​ព័ត៌មានថា៖ «យើងទើបតែបានដោះស្រាយសង្គ្រាមជាមួយអ៊ីរ៉ង់បានយ៉ាងល្អប្រសើរ​»។ប៉ុន្តែលក្ខខណ្ឌនៃកិច្ចព្រមព្រៀង ដូចដែលបានពិពណ៌នានៅថ្ងៃទី១២ ខែមិថុនា ដោយមន្ត្រីអ៊ីរ៉ង់ ហាក់ដូចជាផ្តល់ជូនទីក្រុងតេអេរ៉ង់នូវអ្វីដែលខ្លួនបានទាមទារ រហូតមកដល់ពេលនេះ៕

អ្នកអន្តោប្រវេសន៍មានការដឹងគុណជាខ្លាំង ពេលបានជួបសម្តេចប៉ាប Leo នៅកោះ Gran Canaria

2026/06/12 07:51:55 pm        34
Facebook Telegram Linkin
ជនអន្តោប្រវេសន៍ដែលនបានចូលរួមពិធីជួបជុំគ្នាជាមួយសម្តេចប៉ាប Leo នៅកោះ Gran Canaria បានរៀបរាប់ថា ដំណើរទស្សនកិច្ចរបស់សម្តេចប៉ា គឺជាពេលវេលាដ៏កម្រមួយនៃការទទួលស្គាល់ និងក្តីសង្ឃឹម ។ពួកគេមួយចំនួននិយាយថា ការជួបជាមួយសម្តេចប៉ាប លើសពីអារម្មណ៍សាសនា និងផ្តល់អារម្មណ៍មនុស្សធម៌ចែករំលែក ខណៈពួកគេមួយចំនួនទៀត បង្ហាញក្តីសង្ឃឹមថា វត្តមានរបស់ព្រះអង្គ អាចជួយបង្វែរចំណាប់អាម្មណ៍មកលើស្ថានភាពដ៏លំបាករបស់ពួកគេ ។សម្តេចប៉ាប បានចោលកម្រងផ្កាចូលទៅក្នុងសមុទ្រកាលពីថ្ងៃព្រហស្បតិ៍ ពីលើកំពង់ផែ Arguineguin ជាការរំឭកដល់ជនអន្តោប្រវេសន៍ដែលបានស្លាប់ អំឡុងការប៉ុនប៉ងឆ្លងមហាសមុទ្រអាត្លង់ទិកពីអាហ្វ្រិកខាងលិច ទៅកាន់ប្រជុំកោះ Canaryរបស់អេស្ប៉ាញ ។ប្រជុំកោះ Canary ដែលមានចម្ងាយប្រហែលជាង ១ពាន់គ.មពីប្រទេសអេស្ប៉ាញ បានមើលឃើញការហក់ឡើងខ្ពស់នៃការមកដល់របស់ជនអន្តោប្រវេសន៍ ក្នុងរយៈពេលប៉ុន្មានឆ្នាំចុងក្រោយនេះ ក្នុងនោះ មនុស្សរាប់ពាន់នាក់ បានប្រថុយអាយុជីវិតរបស់ពួកគេ ដើម្បីធ្វើដំណើរឆ្លងកាត់មហាសមុទ្រអាត្លង់ទិក ។យោងតាមតួលេខពីអង្គការក្រៅរដ្ឋាភិបាល Caminando Fronteras បានឲ្យដឹងថា មនុស្សជាង ៣ពាន់នាក់ បានស្លាប់ ក្នុងឆ្នាំ ២០២៥ អំឡុងពេលព្យាយាមធ្វើដំណើរទៅកាន់ប្រជុំកោះ Canary ៕

លោក Trump នឹងបើកឡើងវិញតំបន់នេសាទត្រីនៅមហាសមុទ្រប៉ាស៊ីហ្វិកខាងលិច

2026/06/12 07:51:27 pm        29
Facebook Telegram Linkin
ប្រធានាធិបតីសហរដ្ឋអាមេរិកលោក Donald Trump និយាយថា លោកនឹងស្តាឡើងវិញការចូលដល់ការនេសាទពាណិជ្ជកម្មនៅតំបន់ខ្លះនៃមហាសមុទ្រប៉ាស៊ីហ្វិកខាងលិច គឺជាជំហានមួយលោកនិយាយថា នឹងធ្វើឲ្យតម្លៃគ្រឿងសមុទ្រចុះថោក និងជំរុញធុរកិច្ចសម្រាប់ក្រុមអ្នកនេសាទសហរដ្ឋអាមេរិក ។ថ្លែងនៅឯការិយាល័យ Oval ស្ថិតក្នុងសេតវិមានជាមួយសមាជិកគណៈរដ្ឋមន្រ្តី និងក្រុមមន្រ្តីឧស្សាហកម្ម លោក Trumpនិយាយថា វិធានការនេះ នឹងបើកឡើងវិញតំបន់រឹតត្បិតកាលពីមុនចំនួន ៣កន្លែង ។លោកបន្តថា ដូច្នេះហើយលោក ត្រូវចាត់វិធានការ ដើម្បីធ្វើឲ្យតម្លៃគ្រឿងសមុទ្រចុះថោក និងបង្កើតប្រាក់ចំណូលរាប់លានដុល្លារនៅក្នុងធុរកិច្ចថ្មី សម្រាប់ប្រជានេសាទដ៏អស្ចារ្យរបស់ពួកយើង ។លោក Trump និយាយទៀតថា ការសម្រេចចិត្តនេះ នឹងត្រូវចូលទៅក្នុងដែនទឹកវិញដែលកាលពីមុនជាតំបន់ពុំអនុញ្ញាតសម្រាប់ប្រតិបត្តិករសហរដ្ឋអាមេរិក ខណៈគូប្រជែងបរទេស អាចនេសាទបាននៅទីនោះ ៕

បណ្ដាញសង្គម

ព័ត៌មានថ្មីៗ

[UPDATE] អ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជាង ២០០នាក់ ខណៈការសង្គ្រោះនិងស្វែងរកអ្នករស់រានមានជីវិតនៅតែបន្ត
06/26/2026 08:06 AM
Facebook Telegram Linkin
ក្រសួង និងអ្នកជំនាញ រួមគ្នាពង្រឹងគុណភាពសំណង់នៅកម្ពុជា ឆ្លើយតបតម្រូវការបច្ចុប្បន្ន
06/26/2026 08:06 AM
Facebook Telegram Linkin
[UPDATE] ក្រុមអ្នកសង្គ្រោះបន្តស្វែងរកអ្នករស់រានមានជីវិតពីគំនរបាក់បែក ខណៈអ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជិត២០០នាក់
06/26/2026 07:06 AM
Facebook Telegram Linkin
រដ្ឋមន្ត្រីក្រសួងបរិស្ថាន៖ ថ្នាក់ដឹកនាំ និងមន្រ្តីក្រសួងបរិស្ថាននឹងបន្តដឹកនាំវិស័យបរិស្ថានឱ្យកាន់តែរីកចម្រើន
06/26/2026 07:06 AM
Facebook Telegram Linkin
រដ្ឋមន្ត្រីនៃគណៈទាក់ទងការបរទេសបក្សកុម្មុយនីស្តចិនបានលើកឡើងថា ប្រជាជនចិនបានចាត់ទុកសម្ដេចតេជោ គឺជាមិត្តដ៏ល្អរបស់ចិន
06/26/2026 07:06 AM
Facebook Telegram Linkin
ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន បានហៅទំនាក់ទំនងកម្ពុជា និងចិនថា ជាទំនាក់ទំនងមិត្តចាស់ មិត្តដែកថែប ដែលតែងតែជួយយកអាសាគ្នាទៅវិញទៅមក
06/26/2026 07:06 AM
Facebook Telegram Linkin
អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum
06/25/2026 09:06 PM
Facebook Telegram Linkin
ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង
06/25/2026 09:06 PM
Facebook Telegram Linkin
រដ្ឋមន្រ្តីអាកាសធាតុស៊ុយអែតនាំទារករបស់លោកស្រីមកចូលរួមជំនួបសហភាពអឺរ៉ុប
06/25/2026 09:06 PM
Facebook Telegram Linkin
តម្លៃប្រេងវិលត្រឡប់មករកកម្រិតមុនសង្រ្គាមអ៊ីរ៉ង់វិញ ខណៈការផ្គត់ផ្គង់កើនឡើងពីមជ្ឈិមបូព៌ា
06/25/2026 09:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.