BTV NEWS

អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum

ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង

រដ្ឋមន្រ្តីអាកាសធាតុស៊ុយអែតនាំទារករបស់លោកស្រីមកចូលរួមជំនួបសហភាពអឺរ៉ុប

តម្លៃប្រេងវិលត្រឡប់មករកកម្រិតមុនសង្រ្គាមអ៊ីរ៉ង់វិញ ខណៈការផ្គត់ផ្គង់កើនឡើងពីមជ្ឈិមបូព៌ា

ព័ត៌មានអន្តរជាតិ

នគរបាលបង្រ្កាបកុបកម្មរារាំងបាតុករមិនឲ្យធ្វើដំណើរទៅកាន់កាន់ពហកីឡដ្ឋាន Mexico City

នគរបាលបង្រ្កាបកុបកម្ម បានរារាំងក្រុមបាតុករមិនឲ្យចូលទៅកាន់តំបន់នៅជិតពហុកីឡដ្ឋាន Mexico City ស្របពេលព្រឹត្តការណ៍ FIFA World Cup 2026 បានបើកពិធីចាប់ផ្តើមការប្រកួត ។រដ្ឋាភិបាលម៉ិកស៊ិក បានបញ្ជាក់ថា ចលនាសង្គមចំនួន ១៩ មានគម្រោងតវ៉ានៅជិតពហុកីឡដ្ឋាននេះ អំឡុងសប្តាហ៍នៃការបើកព្រឹត្តការណ៍ World Cup ។គួរឲ្យដឹងថា កាលពីថ្ងៃទី៩ ខែមិថុនាកន្លងទៅ មនុស្សរាប់ពាន់នាក់បានចូលរួមក្នុងបាតុកម្ម ដែលដឹកនាំដោយក្រុមបំបែកពីសហជីពគ្រូបង្រៀន CNTE បន្ទាប់ពីមានការតវ៉ារយៈពេល ១សប្តាហ៍ដែលប្រធានាធិបតីម៉ិកស៊ិក លោកស្រី Claudia Sheinbaum បានហៅថា ជាការបង្កហេតុ ។ លោកស្រី Sheinbaum បានប្រាប់សន្និសីទសារព័ត៌មានថា ដូចអ្វីបង្ហាញឲ្យឃើញ ថាតើស្ថានភាពនៅម៉ិកស៊ិក កំពុងមានសភាពអាក្រក់កម្រិតណាទៅ ។ ការបិទផ្លូវរបស់នគរបាល បានរារាំងក្រុមបាតុករមិនឲ្យចូលទៅដល់ពហុកីឡដ្ឋាន Azteca ដែលនឹបានធ្វើជាម្ចាស់ផ្ទះនៃការប្រកួតបើកឆាកព្រឹត្តិការណ៍ World Cup កាលពីថ្ងៃទី១១ ខែមិថុនា ។ សូមបញ្ជាក់ថា ប្រទេសម៉ិកស៊ិក កំពុងធ្វើជាសហម្ចាស់ផ្ទះព្រឹត្តការណ៍បាល់ទាត់ FIFA World Cup 2026 ជាមួយសហរដ្ឋអាមេរិក និងកាណាដា ៕

ប្រភព៖ ឥណ្ឌាកោះអញ្ជើញអ្នកការទូតជាន់ខ្ពស់អាមេរិកលើកទី២ ដើម្បីតវ៉ាការវាយប្រហារលើនាវា នៅសមុទ្រអូម៉ង់

ប្រភពមួយរូបពីឥណ្ឌា បាននិយាយថា ប្រទេសឥណ្ឌាបានកោះអញ្ជើញអនុប្រធានបេសកកម្មអាមេរិក នៅទីក្រុងដេលី (Delhi) នាថ្ងៃសុក្រ (ទី១២ ខែមិថុនា ឆ្នាំ២០២៦) នេះ ដើម្បីតវ៉ាប្រឆាំងនឹងការវាយប្រហាររបស់យោធាអាមេរិក លើនាវាពាណិជ្ជកម្ម នៅម្ដុំសមុទ្រអូម៉ង់ ដោយនេះគឺជាលើកទី២ ហើយ ក្នុងរយៈពេល ៣ថ្ងៃ ដែលទីក្រុងញូវដេលី (New Delhi) បានសម្តែងការមិនពេញចិត្តរបស់ខ្លួន។អនុប្រធានបេសកកម្មអាមេរិកប្រចាំប្រទេសនេះ លោក Jason Meeks ត្រូវបានកោះអញ្ជើញដោយឥណ្ឌាជាលើកដំបូងនៅថ្ងៃទី១០ ខែមិថុនា បន្ទាប់ពីមានការវាយប្រហាររបស់កងទ័ពជើងទឹកអាមេរិក ដែលបានសម្លាប់នាវិកឥណ្ឌា ៣នាក់ នៅលើនាវាដឹកប្រេង Settebello ដែលមានទង់ជាតិប្រទេសប៉ាឡូ (Palau)។កាលពីថ្ងៃទី១១ ខែមិថុនា នាវាដែលមាននាវិកឥណ្ឌា ១គ្រឿងផ្សេងទៀត ត្រូវបានវាយប្រហារ តែគ្មានរបាយការណ៍អំពីការស្លាប់ ឬរបួសនោះឡើយ។ដោយសំដៅទៅលើក្រសួងការបរទេស ប្រភពនោះបាននិយាយថា «MEA បានកោះអញ្ជើញលោក Meeks ឲ្យទៅស្ដាប់ការតវ៉ា ចំពោះការវាយប្រហារលើនាវាពាណិជ្ជកម្ម នៅម្ដុំសមុទ្រអូម៉ង់»។ស្ថានទូតសហរដ្ឋអាមេរិកប្រចាំទីក្រុងញូវដេលី មិនបានឆ្លើយតបភ្លាមៗឡើយ ចំពោះសំណើសុំការអត្ថាធិប្បាយ។ ទីក្រុងញូវដេលី និងទីក្រុងវ៉ាស៊ីនតោនបានបង្កើតភាពជាដៃគូយុទ្ធសាស្ត្រដ៏ជិតស្និទ្ធ ក្នុងរយៈពេល២ទសវត្សរ៍ចុងក្រោយនេះ ហើយការកោះអញ្ជើញអ្នកការទូតអាមេរិកម្នាក់មកធ្វើការតវ៉ា គឺជាករណីកម្រមានណាស់៕

អគ្គីភ័យទ្រង់ទ្រាយធំឆាបឆេះឃ្លាំងស្តុកទំនិញនៅរដ្ឋ California សហរដ្ឋអាមេរិក

រូបភាពវីដេអូឃ្លីបឃើញសំណុំផ្សែងខ្មៅដ៏ធំមួយហុយចេញពីអគ្គិភ័យឆាបឆេះឃ្លាំងមួយកន្លែងស្ថិតក្នុងទីក្រុង Tracy រដ្ឋ California សហរដ្ឋអាមេរិក កាលពីថ្ងៃព្រហស្បតិ៍ ក្រោយអណ្តាតភ្លើងឆាបឆេះនៅអគារ Medline ។នាយកដ្ឋាននគរបាលក្រុង Tracy និយាយថា ក្រុមសង្រ្គោះបន្ទាន់ បានឆ្លើយតបទៅកាន់ទីតាំងកើតហេតុកាលពីវេលាម៉ោង ១រសៀល ម៉ោងក្នុងស្រុក ដោយពួកគេបិទផ្លូវ ដើម្បីជួយជម្លៀសមនុស្សចេញ និងបើកផ្លូវសម្រាប់ក្រុមភ្នាក់ងារពន្លត់អគ្គិភ័យ ។យោងតាមការធ្វើបច្ចុប្បន្នភាពរបស់នគរបាល បានឲ្យដឹងថា អគ្គិភ័យនៅតែបន្តឆាបឆេះ នៅវេលាម៉ោង ៤ និង ១០នាទីល្ងាច ម៉ោងក្នុងស្រុក ។ក្រុមមន្រ្តីក្រុង បានធ្វើការព្រមានសាធារណជនក្នុងសារបង្ហោះលើបណ្តាញព័ត៌មានសង្គមពីគុណភាពខ្យល់អន់ ហើយនិងណែនាំអ្នកស្រុកមិនត្រូវធ្វើដំណើរទៅកាន់កន្លែងកើតហេតុនោះទេ ៕

អាកាសយានដ្ឋាន នៅអាល្លឺម៉ង់ ពន្យារពេល និងលុបជើងហោះហើរ ក្រោយមានការជម្លៀសចេញទាក់ទងនឹងសន្តិសុខ

អ្នកនាំពាក្យមួយរូប បាននិយាយថា នឹងមានការពន្យារពេល និងការលុបចោលជើងហោះហើរយ៉ាងច្រើន នៅឯអាកាសយានដ្ឋាន ក្នុងទីក្រុង Hamburg របស់ប្រទេសអាល្លឺម៉ង់ នាថ្ងៃសុក្រ (ទី១២ ខែមិថុនា ឆ្នាំ២០២៦) នេះ បន្ទាប់ពីស្ថានីយមួយត្រូវជម្លៀសអ្នកដំណើរចេញ ដោយសារតែឧប្បត្តិហេតុសន្តិសុខ។អ្នកនាំពាក្យរូបនេះបាននិយាយថា៖ «វិធានការប្រុងប្រយ័ត្នដែលត្រូវបានធ្វើឡើងដោយនគរបាលសហព័ន្ធបានបញ្ចប់ហើយ ហើយអ្នកដំណើរ ឥឡូវនេះ កំពុងឆ្លងកាត់ការត្រួតពិនិត្យសន្តិសុខជាថ្មី។ ប្រតិបត្តិការហោះហើរកំពុងចាប់ផ្ដើមឡើងវិញ»។ដោយមិនបានបញ្ជាក់ពីចំនួនជើងហោះហើរដែលត្រូវបានលុបនេះ ស្ដ្រីអ្នកនាំពាក្យរូបនេះបានបន្ថែមថា៖ «តែយ៉ាងណាក្ដី នឹងមានការពន្យារពេល ដោយខ្លះតម្រូវឲ្យមានភាពម៉ត់ចត់ ដែលអាចពេញមួយថ្ងៃតែម្ដង។ ជើងហោះហើរក៏នឹងត្រូវបានលុបចោលពេញមួយថ្ងៃផងដែរ»។អ្នកនាំពាក្យនគរបាលសហព័ន្ធបានឲ្យដឹងថា ហេតុការណ៍នេះបានកើតឡើងនៅម៉ោងប្រហែល ៩:៤៥នាទី ម៉ោងក្នុងស្រុក (ត្រុវនឹងម៉ោង ៧:៤៥នាទី ម៉ោងសកល) នៅពេលដែលបុរសម្នាក់ចុចប៊ូតុងសង្គ្រោះបន្ទាន់ដែលបើកផ្លូវរត់ភៀសខ្លួន ដោយបានចូលដោយគ្មានការអនុញ្ញាតទៅកាន់តំបន់សន្តិសុខ ដោយបន្ថែមថា បុរសនោះទំនងជាវង្វេងផ្លូវ៕

សត្វក្រៀលនៅបឹងអាមេនី រងការគំរាមកំហែងដោយសារគម្រោងអភិវឌ្ឍន៍រមណីដ្ឋានប្រណីត

អង្គការសប្បុរសធម៌អភិរក្សនិយាយថា សត្វក្រៀលអាចនឹងបាត់បង់ទីជម្រកដ៏ចាំបាច់របស់ពួកវា បើសិនជាគម្រោងសាងសង់រមណីដ្ឋានប្រណីតនៅតំបន់ Vjosa Narta របស់អាមេនី បន្តតាមផែនការ ។ គម្រោងនេះ ត្រូវបានរៀបចំឡើងដោយក្រុមហ៊ុនដែលមានការជាប់ពាក់ព័ន្ធនឹងកូនប្រសារប្រុស Jared Kushner របស់ប្រធានាធិបតីសហរដ្ឋអាមេរិកលោក Donald Trump ។ ក្រុមអភិរក្សាជីវិតសត្វស្លាបអាមេនី PPNEA បានរាប់ឃើញសត្វក្រៀល ៧ពាន់ក្បាល ឆ្លងកាត់តំបន់ការពារ Vjosa Narta ជារៀងរាល់ឆ្នាំ ហើយតំបន់នោះគឺជាកន្លែងធ្វើសំបុករបស់សត្វក្រៀលទាំងនេះ ។ ពួកគេបន្តថា បើសិនគម្រោងបន្ត ច្បាស់ណាស់ថា មានហានិភ័យធ្វើឲ្យសត្វក្រៀលទំាងអស់នេះ នឹងត្រូវបាត់បង់ ។ សូមបញ្ជាក់ថា ក្រុមហ៊ុនវិនិយោគ Affinity Partners របស់លោក Kushner ពាក់ព័ន្ធនឹងគម្រោងតម្លៃ ១,៦ពាន់លានដុល្លារ លើតំបន់ឆ្នេរមិនទាន់អភិវឌ្ឍ ស្ថិតនៅជិតបឹង Narte ដែលជាជម្រករបស់សត្វក្រៀល ភេ និងកន្ធាយសមុទ្រ សម្រាប់ធ្វើសំបុក ៕

ប្រព័ន្ធផ្សព្វផ្សាយអ៊ីរ៉ង់ បង្ហាញសេចក្ដីពិស្ដារនៃសេចក្តីព្រាងអនុស្សរណៈ ១៤ចំណុច ជាមួយអាមេរិក

ប្រព័ន្ធផ្សព្វផ្សាយអ៊ីរ៉ង់នៅថ្ងៃសុក្រ (ទី១២ ខែមិថុនា ឆ្នាំ២០២៦) នេះ បានចេញផ្សាយសេចក្ដីលម្អិតនៃសេចក្តីព្រាងអនុស្សរណៈនៃការយោគយល់គ្នាចំនួន ១៤ចំណុច រវាងទីក្រុងតេអេរ៉ង់ និងវ៉ាស៊ីនតោន ដោយបង្ហាញពីភាពខុសគ្នាយ៉ាងច្រើនពីលក្ខខណ្ឌ ដែលត្រូវបានរាយការណ៍ពីមុនដោយសារព័ត៌មាន Axios ទាក់ទងនឹងការបន្ធូរបន្ថយទណ្ឌកម្ម ទ្រព្យសម្បត្តិអ៊ីរ៉ង់ដែលត្រូវបាន ការប្តេជ្ញាចិត្ត ក្នុងការកសាងឡើងវិញ និងវិសាលភាពនៃការចរចានាពេលអនាគត។យោងតាមសារព័ត៌មាន Mehr បានឲ្យដឹងថា សេចក្តីព្រាងនេះមាន ១៤ចំណុច ហើយនៅតែត្រូវឆ្លងកាត់ការពិនិត្យឡើងវិញ និងការអនុម័តចុងក្រោយដោយអាជ្ញាធរពាក់ព័ន្ធរបស់អ៊ីរ៉ង់។ កំណែដែលបានរាយការណ៍ទាំង២ មានចំណុចរួមសំខាន់ៗមួយចំនួន ប៉ុន្តែភាពខុសគ្នាយ៉ាងច្រើនលេចឡើងនៅក្នុងរបៀបដែលគោលបំណងទាំងនោះ នឹងត្រូវបានអនុវត្ត។សារព័តព័ត៌មាន Axios បានរាយការណ៍អំពីការ «ពង្រីក» រយៈពេល ៦០ ថ្ងៃនៃបទឈប់បាញ់ដែលមានស្រាប់ ក្នុងនោះរួមមានទាំងនៅក្នុងប្រទេសលីបង់ផងដែរ ខណៈពេលដែលការចរចានុយក្លេអ៊ែរនៅតែបន្ត។ ផ្ទុយទៅវិញ សេចក្តីព្រាងដែលបានចេញផ្សាយដោយសារព័ត៌មាន Mehr អំពាវនាវឲ្យមានការបញ្ឈប់អរិភាព «ភ្លាមៗ និងជាអចិន្ត្រៃយ៍» លើគ្រប់សមរភូមិ ក្នុងនោះរួមទាំងនៅលីបង់ផងដែរ ដោយបន្ទាប់មក បើកការចរចារយៈពេល ៦០ថ្ងៃ ឆ្ពោះទៅរកកិច្ចព្រមព្រៀងនុយក្លេអ៊ែរចុងក្រោយ។ជាងនេះទៀត ក្រៅពីចំណុចផ្សេង របាយការណ៍ទាំង២ ក៏មានភាពខុសគ្នាដែរ ជុំវិញការបើកច្រកសមុទ្រ Hormuz ឡើងវិញ។ សារព័ត៌មាន Axios បានរាយការណ៍ពីការបើកឡើងវិញ «ភ្លាមៗ» នៃផ្លូវទឹកយុទ្ធសាស្ត្រដោយមិនមានការបង់ថ្លៃសេវា និងការស្តារបរិមាណដឹកជញ្ជូនឲ្យទៅកាន់កម្រិតធម្មតាឡើងវិញ។ តែសេចក្តីព្រាងដែលត្រូវបានរាយការណ៍ដោយអ៊ីរ៉ង់ ចែងអំពីការបើកច្រកសមុទ្រឡើងវិញ ក្នុងរយៈពេល ៣០ថ្ងៃ និងសម្របសម្រួលជាមួយអ៊ីរ៉ង់។គួរបញ្ជាក់ថា កាលពីថ្ងៃព្រហស្បតិ៍ អ៊ីរ៉ង់បានបញ្ជាក់ថា «ផ្នែកសំខាន់» ក្នុងអត្ថបទនៃការយោគយល់ ជាមួយសហរដ្ឋអាមេរិក ត្រូវបានបញ្ចប់ហើយ ខណៈពេលដែលចោទប្រកាន់ទីក្រុងវ៉ាស៊ីនតោនថា ធ្វើឲ្យខូចដល់វឌ្ឍនភាព តាមរយៈការផ្លាស់ប្តូរជំហរ៕

សង្ឃនាយក៖ ទំហំនៃការបំផ្លិចបំផ្លាញនៅលីបង់មិនដូចអ្វីពីមុននោះទេ

លោក Elias Kfoury គឺជាសង្ឃនាយកអូស្សូដក់ក្រិកនៅទីក្រុង Tyre ដែលធ្លាប់ឆ្លងកាត់សង្រ្គាមជាច្រើនលើកក្នុងរយៈពេល ៣០ឆ្នាំកន្លងមកនេះ និយាយថា ទំហំនៃការបំផ្លិចបំផ្លាញនៅលីបង់មិនដូចអ្វីដែលលោកធ្លាប់បានឃើញពីមុននោះទេ ។លោក Kfoury និយាយប្រាប់ទីភ្នាក់ងារព័ត៌មានរ៉យទ័រថា ច្បាស់ណាស់ថា នេះគឺជាឆ្នាំដ៏លំបាកបំផុត ។ ការវាយប្រហារធ្វើឲ្យប៉ះពាល់ពលរដ្ឋ ពួកគេពុំបានលើកលែងឡើយ សូម្បីមនុស្ស ថ្ម ទីកន្លែងគោរពបូជា ឬវត្ថុបុរាណ ។គ្រិស្តសាសនិក បានរស់នៅតំបន់ភាគខាងត្បូងលីបង់ជាយូរមកហើយតាំងពីពេលដែលកើតមានសាសនា ហើយសព្វថ្ងៃពួកគេមានចំនួនស្មើនឹងប្រហែល ៣០ភាគរយនៃពលរដ្ឋសរុបរបស់លីបង់ ។លោក Kfoury បានប៉ាន់ប្រមាណថា យោធាអ៊ីស្រាអែលបណ្តាលឲ្យខូចខាតកន្លែងគោរពបូជាតម្លៃប្រហែលជាង ១០០លានដុល្លារនៅតំបន់ភាគខាងត្បូងលីបង់ ។ ព្រះវិហារកាតូលិក St. George Melkite រងការខូចខាតដោយសារការវាយប្រហាររបស់អ៊ីស្រាអែល អំឡុងសង្រ្គាមលើកមុន ហើយបច្ចុបន្នក្លាយជាអគារបាក់បែក ៕

ប៊ុលហ្គារី បានធ្វើសមយុទ្ធបាញ់គ្រាប់ពិតពហុជាតិ Strike Back 26

ប្រទេសប៊ុលហ្គារី បានធ្វើសមយុទ្ធបាញ់គ្រាប់ពិតពហុជាតិ “Strike Back 26” កាលពីថ្ងៃព្រហស្បតិ៍ ក្នុងនោះមានការចូលរួមរបស់ទាហាន ១.៥០០នាក់ មកពីប្រទេសចំនួន ៦ ។សមយុទ្ធនេះដែរ ដឹកនាំដោយកងពលតូចមេកានិក Tundzha លេខ ២ ដោយបានប្រមូលផ្តុំកម្លាំងមលកពីប៊ុលហ្គារី សហរដ្ឋអាមេរិក អ៊ីតាលី ទួរគី និងរ៉ូម៉ានី ក្នុងនោះមានការចូលរួមពីគ្រឿងយុទ្ធោបករណ៍ជិត ៤២០គ្រឿង ។រថពាសដែក បានបាញ់គ្រាប់ពិត អំឡុងសមយុទ្ធនេះ ខណៈទាហានប្រតិបត្តិការយានដ្រូន និងធ្វើតេស្តបច្ចេកវិទ្យាយានគ្មានមនុស្សបើកថ្មី ។រដ្ឋមន្រ្តីការពារជាតិប៊ុលហ្គារីលោក Dimitar Stoyanov បានអង្កេតសមយុទ្ធនេះ ហើយលោកបាននិយាយជាមួយទាហានដែលបានចូលរួមមកពីប្រទេសជាច្រើន ។លោក Stoyanov និយាយថា អ្វីដែលលោកឃើញ បានធ្វើឲ្យលោកសប្បាយចិត្ត ហើយលោកអាចនិយាយបានថា វឌ្ឍនភាពលើកងកម្លាំងជើងគោក ក្នុងការប្រើប្រាស់យានគ្មានមនុស្សបើក ហើយនិងបច្ចេកវិទ្យាថ្មី ៕

ពលរដ្ឋអ៊ីស្រាអែល បង្ហាញក្តីសង្ឃឹម និងមន្ទិលសង្ស័យចំពោះកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

នៅថ្ងៃសុក្រនេះ ប្រជាពលរដ្ឋអ៊ីស្រាអែល បានបង្ហាញពីអារម្មណ៍ច្របូកច្របល់របស់ពួកគេលាយឡំក្តីសង្ឃឹមផង និងមន្ទិលសង្ស័យផងចំពោះសន្តិភាពរវាងអ៊ីរ៉ង់ និងសហរដ្ឋអាមេរិក ក្រោយលោកប្រធានាធិបតី Donald Trumpនិយាយថា កិច្ចព្រមព្រៀងអាចនឹងត្រូវបានចុះហត្ថលេខាក្នុងពេលដ៏ខ្លីខាងមុខនេះ អាចនៅចុងសប្តាហ៍នេះតែម្តង បើទោះបីជាទីក្រុងតេអេរ៉ង់និយាយថា ពួកគេពុំទាន់បានសម្រេចចិត្តចុងក្រោយក៏ដោយ ។លោក Uri Pozniansky គឺជាពលរដ្ឋអ៊ីស្រាអែលវ័យ ៣៨ឆ្នាំមួយរូបនិយាយថា បើពួកយើងទទួលយកការសម្រេចចិត្ត វានឹងល្អសម្រាប់ពួកយើង ហើយនិងប្រជាជនរបស់ពួកយើង ជាពិសេសនៅតំបន់ភាគខាងជើងអ៊ីស្រាអែល ពីព្រោះថា បច្ចុប្បន្នពួកយើងរស់នៅសុខស្រួលនៅតំបន់ភាគកណ្តាល ប៉ុន្តែបងប្អូនរបស់ពួកយើង ពលរដ្ឋរបស់ពួកយើងរស់នៅមិនសុខស្រួលនោះទេនៅតំបន់ភាគខាងជើង ពួកគេគ្មានជីវិតដូចជាពួកយើងនោះទេ ។កិច្ចព្រមព្រៀង បើសិនជាបានបញ្ជាក់ពិតមែន នឹងក្លាយជាការទម្លុះភាពទាល់ច្រកផ្នែកការទូតដ៏សំខាន់បំផុតមិនទាន់មាន ដើម្បីបញ្ចប់សង្រ្គាមរយៈពេល ៣ខែ ដែលបានសម្លាប់មនុស្សរាប់ពាន់នាក់ និងធ្វើឲ្យតម្លៃថាមពលហក់ឡើងខ្ពស់ ក្រោយអ៊ីរ៉ង់បិទច្រកសមុទ្រ Hormuz ពុំឲ្យមានការដឹកជញ្ជូន ។ចាប់តាំងពីពាក់កណ្តាលខែមីនារហូតមក លោក Trump អះអាងម្តងហើយម្តងទៀតថា កិច្ចព្រមព្រៀងបញ្ចប់សង្រ្គាម ជិតកើតមានហើយ ៕

ទិន្នន័យផ្លូវការបង្ហាញថា អតិផរណា នៅបារាំង កើនឡើងដល់ ២,៤ភាគរយ ក្នុងខែឧសភា

ដោយបញ្ជាក់ពីការព្យាករបឋម ទិន្នន័យផ្លូវការពីទីភ្នាក់ងារស្ថិតិជាតិបារាំង INSEE បានបង្ហាញនៅថ្ងៃសុក្រ ទី១២ ខែមមិថុនា ឆ្នាំ២០២៦) នេះថា តម្លៃទំនិញប្រើប្រាស់ នៅប្រទេសបារាំង បានកើនឡើង ២,៤ភាគរយ ធៀបនឹងឆ្នាំមុន នៅក្នុងខែឧសភា ឆ្នាំ២០២៦ នេះ ពោលគឺឡើងពីកម្រិត ២,២ភាគរយ នៅក្នុងខែមេសា។ការកើនឡើងនេះភាគច្រើនត្រូវបានជំរុញដោយតម្លៃថាមពល ដែលបានកើនឡើង ១៦,៦ភាគរយ បើធៀបនឹងរយៈពេលដូចគ្នានៃឆ្នាំមុន ដែលគាំទ្រដោយការកើនឡើងយ៉ាងខ្លាំងនៃតម្លៃប្រេងឥន្ធនៈ ១១,៣ភាគរយ។ អតិផរណាសេវាកម្មក៏បានកើនឡើងលឿនផងដែរ ដោយឡើងដល់ ២,១ភាគរយ បើធៀបទៅនឹងខែមុន។ផ្ទុយទៅវិញ កំណើនតម្លៃអាហារបានថយចុះបន្តិចមកត្រឹម ១,១ភាគរយ ខណៈដែលតម្លៃទំនិញផលិតពីរោងចក្រ នៅតែមិនប្រែប្រួល គឺនៅកម្រិតដក ០,៦ភាគរយ។ អតិផរណាមូលដ្ឋាន ដែលមិនរាប់បញ្ចូលទំនិញងាយនឹងប្រែប្រួលឡើងចុះ បានកើនឡើងដល់ ១,៥ភាគរយ នៅក្នុងខែឧសភា ដោយឡើងពី ១,២ភាគរយ នៅក្នុងខែមេសា។ចំណែកសន្ទស្សន៍តម្លៃទំនិញប្រើប្រាស់ដែលសម្របសម្រួលដោយសហភាពអឺរ៉ុប (EU) បានកើនឡើង ២,៨ភាគរយ ក្នុងខែឧសភា ធៀបនឹងឆ្នាំមុន ដោយកើនឡើងពី ២,៥ភាគរយ ក្នុងខែមេសា។ មន្ត្រីបាននិយាយថា តួលេខទាំងនេះ បង្ហាញពីការកើនឡើងបន្តិចបន្តួចនៃអតិផរណា ដែលភាគច្រើនបណ្តាលមកពីថ្លៃថាមពលឡើងខ្ពស់៕

បណ្ដាញសង្គម

ព័ត៌មានថ្មីៗ

រថយន្តបើកបុកចូលហ្វូងអ្នកគាំទ្របាល់ទាត់ម៉ិកស៊ិក នៅទីក្រុង Cabo San Lucas ដោយមានអ្នករបួសជាច្រើននាក់

កងកម្លាំងឆ្មាំបដិវត្តន៍អ៊ីរ៉ង់ បញ្ជាក់ថា អ៊ីស្រាអែលត្រូវតែដកទ័ពចេញពីលីបង់ទាំងស្រុង

កុងហ្គោចេញនីតិវិធីចត្តាឡីស័ក ចំពោះអ្នកធ្វើដំណើរមកពីតំបន់រងប៉ះពាល់ដោយជំងឺ Ebola

កិច្ចព្រមព្រៀងពាណិជ្ជកម្ម រវាង EU និងអាមេរិក នឹងចូលជាធរមានមុនថ្ងៃកំណត់របស់លោក Trump

លោក Trump លើកឡើងថា មេដឹកនាំអ៊ុយក្រែន កំពុងធ្វើបាន «ល្អ» ក្នុងការតទល់នឹងរុស្ស៊ី

ដាណឺម៉ាកអនុម័តការដាក់ពង្រាយបេសកកម្ម នៅច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

នគរបាលបង្រ្កាបកុបកម្មរារាំងបាតុករមិនឲ្យធ្វើដំណើរទៅកាន់កាន់ពហកីឡដ្ឋាន Mexico City

ប្រភព៖ ឥណ្ឌាកោះអញ្ជើញអ្នកការទូតជាន់ខ្ពស់អាមេរិកលើកទី២ ដើម្បីតវ៉ាការវាយប្រហារលើនាវា នៅសមុទ្រអូម៉ង់

អគ្គីភ័យទ្រង់ទ្រាយធំឆាបឆេះឃ្លាំងស្តុកទំនិញនៅរដ្ឋ California សហរដ្ឋអាមេរិក

អាកាសយានដ្ឋាន នៅអាល្លឺម៉ង់ ពន្យារពេល និងលុបជើងហោះហើរ ក្រោយមានការជម្លៀសចេញទាក់ទងនឹងសន្តិសុខ

សត្វក្រៀលនៅបឹងអាមេនី រងការគំរាមកំហែងដោយសារគម្រោងអភិវឌ្ឍន៍រមណីដ្ឋានប្រណីត

ប្រព័ន្ធផ្សព្វផ្សាយអ៊ីរ៉ង់ បង្ហាញសេចក្ដីពិស្ដារនៃសេចក្តីព្រាងអនុស្សរណៈ ១៤ចំណុច ជាមួយអាមេរិក

សង្ឃនាយក៖ ទំហំនៃការបំផ្លិចបំផ្លាញនៅលីបង់មិនដូចអ្វីពីមុននោះទេ

ប៊ុលហ្គារី បានធ្វើសមយុទ្ធបាញ់គ្រាប់ពិតពហុជាតិ Strike Back 26

ពលរដ្ឋអ៊ីស្រាអែល បង្ហាញក្តីសង្ឃឹម និងមន្ទិលសង្ស័យចំពោះកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

ទិន្នន័យផ្លូវការបង្ហាញថា អតិផរណា នៅបារាំង កើនឡើងដល់ ២,៤ភាគរយ ក្នុងខែឧសភា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

នគរបាលបង្រ្កាបកុបកម្មរារាំងបាតុករមិនឲ្យធ្វើដំណើរទៅកាន់កាន់ពហកីឡដ្ឋាន Mexico City

ប្រភព៖ ឥណ្ឌាកោះអញ្ជើញអ្នកការទូតជាន់ខ្ពស់អាមេរិកលើកទី២ ដើម្បីតវ៉ាការវាយប្រហារលើ​នាវា​ នៅ​សមុទ្រអូម៉ង់

អគ្គីភ័យទ្រង់ទ្រាយធំឆាបឆេះឃ្លាំងស្តុកទំនិញនៅរដ្ឋ California សហរដ្ឋអាមេរិក

អាកាសយានដ្ឋាន នៅអាល្លឺម៉ង់ ​ពន្យារពេល និងលុបជើង​ហោះហើរ ក្រោយមាន​ការជម្លៀសចេញទាក់ទងនឹងសន្តិសុខ

សត្វក្រៀលនៅបឹងអាមេនី រងការគំរាមកំហែងដោយសារគម្រោងអភិវឌ្ឍន៍រមណីដ្ឋានប្រណីត

ប្រព័ន្ធផ្សព្វផ្សាយអ៊ីរ៉ង់ បង្ហាញសេចក្ដីពិស្ដារនៃសេចក្តីព្រាងអនុស្សរណៈ ១៤ចំណុច ជាមួយអាមេរិក

សង្ឃនាយក៖ ទំហំនៃការបំផ្លិចបំផ្លាញនៅលីបង់មិនដូចអ្វីពីមុននោះទេ

ប៊ុលហ្គារី បានធ្វើសមយុទ្ធបាញ់គ្រាប់ពិតពហុជាតិ Strike Back 26

ពលរដ្ឋអ៊ីស្រាអែល បង្ហាញក្តីសង្ឃឹម និងមន្ទិលសង្ស័យចំពោះកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

ទិន្នន័យផ្លូវការបង្ហាញថា អតិផរណា នៅបារាំង កើនឡើងដល់ ២,៤ភាគរយ ក្នុងខែឧសភា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រភព៖ ឥណ្ឌាកោះអញ្ជើញអ្នកការទូតជាន់ខ្ពស់អាមេរិកលើកទី២ ដើម្បីតវ៉ាការវាយប្រហារលើនាវា នៅសមុទ្រអូម៉ង់

អាកាសយានដ្ឋាន នៅអាល្លឺម៉ង់ ពន្យារពេល និងលុបជើងហោះហើរ ក្រោយមានការជម្លៀសចេញទាក់ទងនឹងសន្តិសុខ