នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ធុរកិច្ចថ្មីឌីជីថលក្នុងស្រុក បានកសាងប្រព័ន្ធប្រកាសពន្ធថ្មីមួយ ដើម្បីសម្រួលការប្រកាសពន្ធជូនរដ្ឋ
ឯកឧត្តមប៉េងពោធិសាអភិបាលខេត្តស្វាយរៀងអញ្ជើញសម្ពោធសមិទ្ធផលនានានៅវិទ្យាល័យហ៊ុនសែនកំពង់ចកស្រុករំដួល
ឯកឧត្តម ចាយ បូរិន អញ្ជើញសំណេះសំណាលជាមួយ ក្រុមប្រឹក្សាឃុំ មេឃុំ និងចែកជូនគ្រឿងឧបភោគបរិភោគ ដល់ប្រជាពលរដ្ឋក្នុងមូលដ្ឋានចំនួន ៣ឃុំ នៅខេត្តត្បូងឃ្មុំ
អាកាសចរស៊ីវិលកំពុងរៀបចំគម្រោងផ្ទេរព្រលានយន្តហោះចាស់ មកទីតាំងថ្មីនាពេលខាងមុខ

ព័ត៌មានជាតិ

មេបញ្ជាការតំបន់ប្រតិបត្តការសឹករងខេត្តកំពង់ឆ្នាំង សំដែងការដឹងគុណចំពោះសម្តេចនាយករដ្ឋមន្ត្រី និងលោកជំទាវ ដែលតែងជួយជាសម្ភារៈ ជួយដល់អតីតយុទ្ធជន និងប្រជាពលរដ្ឋជួបការលំបាក

2025/02/11 03:41:43 pm        54
Facebook Telegram Linkin
កំពង់ឆ្នាំង៖ នាព្រឹកថ្ងៃទី១១ ខែកុម្ភៈ ឆ្នាំ២០២៥ ឯកឧត្តមនាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី បានអញ្ជើញជាអធិបតី ក្នុងពិធីសំណេះសំណាល និងប្រគល់អំណោយដ៏ថ្លៃថ្លារបស់សម្ដេចធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ្រ ចន្ទមុនី ហ៊ុន ម៉ាណែត នៅទីបញ្ជាការដ្ឋានតំបន់ប្រតិបត្តិការសឹករងខេត្តកំពង់ឆ្នាំង និងមានការចូលរួមពីមេបញ្ជាការ មេបញ្ជាការរង នាយទាហាន នាយទាហានរង និងពលទា ហាន នៃបញ្ជាការដ្ឋានតំបន់ប្រតិបត្តិការសឹករងកំពង់ឆ្នាំងប្រមាណ៧១នាក់។លោកឧត្តមសេនីយ៍ត្រី អ៊ុ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង បានថ្លែងថា៖ សកម្មភាពមនុស្សធម៌របស់កម្លាំងបញ្ជាការដ្ឋានសឹករងកំពង់ឆ្នាំង បានអនុវត្តពេលកន្លងមក តាមអ្វីដែលជាការចង្អុលបង្ហាញ ពីប្រមុខរាជរដ្ឋាភិបាលសម្តេចធិបតី ហ៊ុន ម៉ាណែត ក្នុងការយកចិត្តទុកដាក់ ចំពោះប្រជាពលរដ្ឋ និងគ្រួសារកងទ័ពអតីតយុវជន ដែលជួបការលំបាកនិងជួបការខ្វះខាត និងការចុះជួយប្រជាពលរដ្ឋ ដែលជួបគ្រោះមហន្តរាយនិងគ្រោះហានិភ័យផ្សេងៗ ដែលកើតមានឡើងនៅក្នុងទឹកដីខេត្តកំពង់ឆ្នាំង ។ ក្នុងថ្ងៃនេះ ឯកឧត្តមនាយឧត្តមសេនីយ៍ គឹម ប៊ុនថាន បាននាំយកមកនូវសម្ភារៈ មានស៊ីម៉ង់ត៍ អង្ករ ទឹកត្រី ទឹកស៊ីអ៊ីវ ត្រីខ មី និងសង្កសី សម្រាប់បន្តជួយដល់ប្រជាពលរដ្ឋដែលរងគ្រោះដោយគ្រោះធម្មជាតិ អតីតយុទ្ធជន និងប្រជាពលរដ្ឋជួបការលំបាកតាមមូលដ្ឋាន ធ្វើយ៉ាងណាពេលប្រជាពលរដ្ឋ និងអតីតយុទ្ធជនមានការលំបាក ត្រូវតែមានកម្លាំងកងទ័ពទៅជួយនៅទីនោះ។ឯកឧត្តមនាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី បានពាំនាំប្រសាសន៍ផ្ដាំផ្ញើសួរសុខទុក របស់សម្ដេចអធិបតីនិងលោកជំទាវបណ្ឌិត និងបានកើតសរសើរចំពោះ មេបញ្ជាការ មេបញ្ជាការរង នាយទាហាននិងពលទាហានទាំងអស់ក្នុងបញ្ជាការដ្ឋានតំបន់ប្រកាសសឹករងកំពង់ឆ្នាំង ដែលបានសហការនិងបានកសាងនូវសមិទ្ធផល ព្រមទាំងបានចុះជួយប្រជាពលរដ្ឋ និងការយកចិត្តទុកដាក់ទៅលើគ្រួសារកងទ័ពនិងអតីតយុវជននីតិសម្បទាក្នុងខេត្តកំពង់ឆ្នាំង ជាពិសេសបានយកចិត្តទុកដាក់ទៅលើការជួយសង្គ្រោះនានានិងការជួបគ្រោះមហន្តរាយនានារបស់ប្រជាពលរដ្ឋទូទាំងខេត្តកំពង់ឆ្នាំង។ ក្នុងនាមជាកងកម្លាំងរក្សាការពារសុខសន្តិភាព ជូនប្រទេសជាតិ និងប្រជាពលរដ្ឋ រាល់ទុក្ខលំបាកប្រជាពលរដ្ឋ គឺជាកាតព្វកិច្ចរបស់កងកម្លាំង ដែលត្រូវរក្សាឲ្យបានជូនប្រជាពលរដ្ឋ ៕ កាំង ហុងវាស្នា

សម្ដេចធិបតី នាយករដ្ឋមន្រ្ដី៖ កម្ពុជាជំរុញ និងលើកទឹកចិត្តអ្នកវិនិយោគ​ជុំវិញពិភពលោក​មកវិនិយោគនៅកម្ពុជា

2025/02/11 03:09:55 pm        97
Facebook Telegram Linkin
នៅរសៀលថ្ងៃទី១១ ខែកុម្ភៈ ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម Ferdinand R. Marcos Jr. ប្រធានាធិបតី នៃសាធារណរដ្ឋហ្វីលីពីន បានអញ្ជើញធ្វើសេចក្តីថ្លែងការណ៍រួម ក្នុងការបន្តពង្រឹង និងពង្រីកទំនាក់ទំនងកាទូតឱ្យកាន់តែរឹងមាំ ព្រមទាំងជំរុញកិច្ចសហប្រតិបត្តិការបន្ថែមផងដែរ ដើម្បីបម្រើផលប្រយោជន៍ជូនជាតិ និងប្រជាជនប្រទេសទាំងពីរ។ក្នុងឱកាសនោះ សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានប្រសាសន៍បញ្ជាក់ថា នៅឆ្នាំ ២០២៥នេះ គឺជាខួប ៦៨ ឆ្នាំ នៃទំនាក់ទំនងផ្លូវការកម្ពុជា-ហ្វីលីពីន ហើយរយៈពេលជាងមួយឆ្នាំកន្លងទៅនេះ ទំនាក់ទំនងរវាងប្រទេសទាំងពីរបានលើកកម្ពស់បន្ថែមទៀតលើគ្រប់វិស័យ ក្នុងនោះមានការផ្លាស់ប្ដូរពាណិជ្ជកម្ម និងទំនាក់ទំនងរវាងប្រជាជន និងប្រជាជនប្រទេសទាំងពីរ។ សម្ដេចធិបតីមានប្រសសាសន៍បញ្ជាក់ថា សម្ដេច និងឯកឧត្តមប្រធានាធិបតី ហ្វីលីពីន ទើបនឹងបានបញ្ចប់កិច្ចពិភាក្សាគ្នាប្រកបដោយប្រសិទ្ធភាពខ្ពង់លើ ពិធីផ្លាស់ប្តូរឯកសារលើកិច្ចសហប្រតិបត្តិការចំនួន ៨ រវាងកម្ពុជា និងហ្វីលីពីន ដើម្បីពង្រឹង និងពង្រីកកិច្ចសហប្រតិបត្តិការ និងទំនាក់ទំនងរបស់ប្រទេសទាំងពីរ។ សម្ដេចធិបតី មានប្រសាសន៍ថា សម្ដេច និងឯកឧត្តមប្រធានាធិបតី ហ្វីលីពីនបានប្ដេជ្ញាចិត្ត ពង្រឹង ពង្រីកកិច្ចសហប្រតិបត្តិការរវាងប្រទេសទាំងពីរនៅក្នុងបរិបទថ្មីនេះឱ្យមានការរីកចម្រើនបន្ថែមទៀត។ នៅក្នុងនោះសម្ដេចធិបតី និងឯកឧត្តមប្រធានាធិបតី ក៏បានពិភ្សាគ្នាលើការជំរុញការផ្លាស់ប្ដូរពាណិជ្ជកម្ម និងការវិនិយោគរវាងប្រទេសទាំងពីរបន្ថែមទៀតផងដែរ។ សម្ដេចធិបតីបញ្ជាក់ថា សម្រាប់វិស័យកសិកម្ម កម្ពុជាបានត្រៀមខ្លួនរួចរាល់ ក្នុងការផ្ដល់ការផ្គត់ផ្គង់ផលិតផលរបស់កម្ពុជា មកកាន់ទីផ្សារប្រទេសហ្វីលីពីន។ សម្ដេចធិបតីបន្តថា ចំពោះវិស័យទេសចរណ៍ រវាងប្រទេសកម្ពុជា និងហ្វីលីពីន គឺមានកំណើន និងការរីកចម្រើនទៅមុខជាបន្តបន្ទាប់ជាពិសេសរវាងទំនាក់ទំនងប្រជាជន និងប្រជាជនប្រទេសទាំងពីរ។ សម្ដេចធិបតី មានប្រសាសន៍ថា សម្ដេចក៏បានពិភាក្សាគ្នាជាមួយឯកឧត្តមប្រធានាធិបតី ហ្វីលីពីន ក្នុងការពង្រីកជើងហោះហើរត្រង់រវាងកម្ពុជា-ហ្វីលីពីនទៅកាន់តំបន់ទេសចរណ៍សំខាន់ៗរបស់កម្ពុជា ជាពិសេសទៅកាន់ប្រលានយន្តហោះថ្មីរបស់កម្ពុជា ដូចជាព្រលានយន្តហោះខេត្តសៀមរាប និង អាកាសយានដ្ឋានអន្តរជាតិតេជោ ដែលនឹងសម្ពោធដាក់ឱ្យប្រើប្រាស់នាពេលឆាប់ៗខាងមុខនេះដែលនេះគឺជាការបើកជំហរផ្លូវទំនាក់ទំនងថ្មីមួយទៀតរបស់កម្ពុជាទៅកាន់ពិភពលោក។ សម្ដេចធិបតី មានប្រសាសន៍បន្តថា រាជរដ្ឋាភិបាលកម្ពុជា ជំរុញ និងលើកទឹកចិត្តអ្នកវិនិយោគជុំវិញពិភពលោកមកបណ្ដាក់ទុនវិនិយោគនៅកម្ពុជា ខណៈដែលរាជរដ្ឋាភិបាលបានត្រៀមខ្លួនរួចរាល់ដើម្បីជួយសម្របសម្រួលឱ្យការវិនិយោគពីវិស័យឯកជននានាឱ្យទទួលបានជោគជ័យ។ សម្ដេចធិបតី មានប្រសាសន៍បញ្ជាក់ថា អ្នកវិនិយោគិនកម្ពុជា និងហ្វីលីពីន បានដើរតួនាទីសំខាន់ ក្នុងការជំរុញកំណើនសេដ្ឋកិច្ចរវាងប្រទេសទាំងពីរ ខណៈបច្ចុប្បន្ននេះ ប្រទេសកម្ពុជាគឺជាប្រទេសដែលមានសក្ដានុពលខ្ពស់សម្រាប់ការវិនិយោគពីបណ្ដាវិនិយោគិននានា៕

កម្ពុជា-ហ្វីលីពីន នឹងបន្តជំរុញទំនាក់ទំនង និងកិច្ចសហប្រតិបត្តិការ នៃប្រទេសទាំងពីរឱ្យឈានទៅដល់កម្រិតខ្ពស់ និងរឹងមាំបន្ថែមទៀត

2025/02/11 02:53:11 pm        102
Facebook Telegram Linkin
ហ្វីលីពីន៖ នាព្រឹកថ្ងៃទី១១ ខែកុម្ភៈ ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានជួបពិភាក្សាការងារទ្វេភាគី ជាមួយឯកឧត្តម ហ្វឺឌីណាន់ ម៉ាកូស ជេអ (Ferdinand R. Marcos Jr.) ប្រធានាធិបតី នៃសាធារណរដ្ឋហ្វីលីពីន នៅក្នុងឱកាសនៃដំណើរទស្សនកិច្ចផ្លូវការនៅទីក្រុងម៉ានីល, សាធារណរដ្ឋហ្វីលីពីន ចាប់ពីថ្ងៃទី១០-១១ ខែកុម្ភៈ ឆ្នាំ២០២៥។ជាកិច្ចចាប់ផ្ដើម, ឯកឧត្តមប្រធានាធិបតីបានសម្តែងនូវការស្វាគមន៍យ៉ាងកក់ក្តៅជូនចំពោះ សម្ដេចបវរធិបតី និងគណៈប្រតិភូកម្ពុជា ដែលបានអញ្ជេីញបំពេញទស្សនកិច្ចផ្លូវការនៅសាធារណរដ្ឋហ្វីលីពីន។ សម្តេចបវរធិបតីបានថ្លែងអំណរគុណឯកឧត្តមប្រធានាធិបតីយ៉ាងជ្រាលជ្រៅ ដែលបានផ្តល់នូវការស្វាគមន៍ និងបដិសណ្ឋារកិច្ចយ៉ាងកក់ក្តៅជូនចំពោះសម្តេច និងគណៈប្រតិភូ នាពេលនេះ។ ថ្នាក់ដឹកនាំទាំងពីរបានសម្ដែងនូវការពេញចិត្ត និងវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការដ៏ល្អ និងចំណងមិត្តភាពដ៏យូរលង់រវាងប្រទេសទាំងពីរ។ ទន្ទឹមនឹងនោះ, ថ្នាក់ដឹកនាំទាំងពីរក៏បានគូសបញ្ជាក់អំពីការបន្តជំរុញទំនាក់ទំនងនៃប្រទេសទាំងពីរឱ្យឈានទៅដល់កម្រិតខ្ពស់បន្ថែមទៀត ក៏ដូចជាការពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែរីកចម្រើន និងរឹងមាំបន្ថែមទៀត។ថ្នាក់ដឹកនាំទាំងពីរក៏បានពិភាក្សាលើការលើកកម្ពស់ និងជំរុញកិច្ចសហប្រតិបត្តិការក្នុងក្របខ័ណ្ឌទ្វេភាគីលើវិស័យសំខាន់ៗជាច្រើន រួមមានជាអាទិ៍៖ វិស័យពាណិជ្ជកម្ម, វិនិយោគ, ធុរកិច្ច, ការពារជាតិ និងសន្តិសុខ, កសិកម្ម, សុខាភិបាល, វប្បធម៌, អប់រំ, ការបណ្ដុះបណ្ដាលជំនាញវិជ្ជាជីវៈ,បច្ចេកវិទ្យា និងការជំរុញការតភ្ជាប់ប្រជាជន និងប្រជាជននៃប្រទេសទាំងពីរ ។ ថ្នាក់ដឹកនាំទាំងពីរ ក៏បានពិភាក្សាអំពីការពង្រឹងកិច្ចសហប្រតិបត្តិការរវាងប្រទេសទាំងពីរ ក្នុងក្របខ័ណ្ឌអាស៊ាន, តំបន់, និងអន្តរជាតិផងដែរ៕ 

គណៈប្រតិភូគណៈកម្មការទី១នៃព្រឹទ្ធសភា ចុះឈ្វេងយល់ពីការអនុវត្តសិទ្ធិមនុស្ស ការអនុវត្តច្បាប់ និងការដោះស្រាយពាក្យបណ្តឹងរបស់ រដ្ឋបាលខេត្តព្រះវិហារ

2025/02/11 02:11:43 pm        52
Facebook Telegram Linkin
នៅរសៀលថ្ងៃទី១០ ខែ កុម្ភះ ម្សិលមិញនេះ នៅសាលប្រជុំប្រាសាទព្រះវិហារអគាររដ្ឋ បាលសាលាខេត្តជាន់ទី៣ មានរៀបចំ កិច្ចប្រជុំពិភាក្សាការងារជាមួយ គណៈប្រតិភូគណៈ កម្មការទី១ នៃព្រឹទ្ធសភា ដើម្បីសិក្សាឈ្វេងយល់ពីការអនុវត្តសិទ្ធិមនុស្ស ការអនុវត្តច្បាប់ និងការដោះស្រាយពាក្យបណ្តឹងរបស់អាជ្ញាធរថ្នាក់ក្រោមជាតិ ក្រោមអធិបតីភាព ឯកឧត្តម ងី ច័ន្រ្ទផល ប្រធានគណៈកម្មការដើម្បីសិក្សា ឈ្វេងយល់ពីការអនុវត្តសិទ្ធិមនុស្ស ការ អនុវត្តច្បាប់ និងដោះស្រាយពាក្យបណ្តឹងរបស់អាជ្ញាធរថ្នាក់ក្រោមជាតិ របស់រដ្ឋបាលខេត្តព្រះវិហារ ។កិច្ចប្រជុំបានប្រព្រឹត្តទៅតាមរបៀបវារៈ ដែលបានគ្រោងទុកដោយ បានធ្វើការ ពិភាក្សាផ្លាស់ប្តូរ យោបល់រវាងគណៈប្រតិភូជាមួយអភិបាល នៃគណៈអភិបាល ខេត្តព្រះ វិហារ, ប្រធានក្រុមប្រឹក្សាខេត្ត, អភិបាលក្រុង-ស្រុក និង មន្ទីរពាក់ព័ន្ធជុំវិញខេត្តព្រះវិហារ។ ជាមួយគ្នានេះ គណៈប្រតិភូក៏បានរាយការណ៍អំពីព័ត៌មាន ដែលទទួលបានពីជំនួបនានា នៅក្នុងខេត្ត ក៏ដូចជាស្តាប់របាយការណ៍របស់ខេត្ត និងការដោះស្រាយពាក្យ បណ្តឹង របស់ ប្រជាពលរដ្ឋ។ នៅក្នុងឱកាសនោះ ឯកឧត្តម គីម រិទ្ធី បាន រាយការណ៍អំពីលទ្ធផល ការងារ ដែលរដ្ឋបាលខេត្តសម្រេចបាន ក្នុងនោះវិស័យជាអាទិភាព ​ដែលមាន សក្តានុពល សំខាន់ៗក្នុងខេត្ត មានដូចជា វិស័យកសិកម្ម វិស័យរ៉ែ និងថាមពល វិស័យទេសចរណ៍ ជាដើម។ឯកឧត្តមបានអោយដឹងដែរថា ចំពោះវិស័យដីធ្លី គឺជាកិច្ចការអាទិភាពមួយ ក្នុង ឆ្នាំ២០២៥នេះ រដ្ឋបាលខេត្តបានដាក់ចេញផែនការចុះបញ្ជីដីធ្លីលក្ខណៈជាប្រព័ន្ធ និង ដាច់ដោយដុំឱ្យ បានចប់​សព្វគ្រប់​​នៅទូទាំងខេត្ត ដោយមានក្បាលដីអាចចេញ បណ្ណ កម្មសិទ្ធិបាន ប្រមាណជាង ៨១ម៉ឺន ក្បាលដី និងបានបែងចែកក្រុម ការងារចុះបញ្ជីចំនួន ០៧ក្រុម ស្មើនឹង ១៣៤នាក់ មន្ត្រីមន្ទីរ ៣៩នាក់ យុវជនស្ម័គ្រចិត្តខេត្ត ៦៦នាក់ និងក្រុម អន្តរាគមន៍ក្រសួងចំនួន២៩នាក់ ដើម្បីសម្រេចបាននូវ ការចុះបញ្ជីដីធ្លីបានទាំងស្រុង និង បញ្ចប់ទំនាស់ដីធ្លីរាំរ៉ាំ នៅក្នុងភូមិសាស្ត្រខេត្តទាំងមូល។ជាមួយគ្នានេះ រដ្ឋបាលខេត្ត ដោយមានការិយាល័យ ប្រជាពលរដ្ឋជាសេនាធិការ បាន​យក​ចិត្តទុកដាក់​ជំរុញពង្រឹង និងលើកកម្ពស់ប្រសិទ្ធភាព នៃយន្តការទទួល និង សម្រុះសម្រួល​ដោះស្រាយ​បណ្ដឹងក្រៅប្រព័ន្ធ តុលាការ ពិសេសពាក់ព័ន្ធទំនាស់ដីធ្លី ​ដោយខិតខំ ដោះស្រាយ​បញ្ហាទាំងនោះឱ្យអស់ពីលទ្ធភាព និងទប់ ស្កាត់ មិនឱ្យមានវិវាទ ថ្មីៗកើតឡើងថែមទៀត៕ 

សម្ដេចធិបតី និងប្រធានាធិបតីហ្វីលីពីន អញ្ជើញជាអធិបតីភាព ក្នុងពិធីផ្លាស់ប្តូរឯកសារ​លើកិច្ចសហប្រតិបត្តិការ​ចំនួន៨ រវាងកម្ពុជា និងហ្វីលីពីន

2025/02/11 02:04:45 pm        61
Facebook Telegram Linkin
ហ្វីលីពីន៖ នៅព្រឹកថ្ងៃទី១១ ខែកុម្ភៈ ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម Ferdinand R. Marcos Jr. ប្រធានាធិបតី នៃសាធារណរដ្ឋហ្វីលីពីន បានអញ្ជើញចូលរួមជាអធិបតីភាព ក្នុងពិធីផ្លាស់ប្តូរឯកសារលើកិច្ចសហប្រតិបត្តិការចំនួន៨។ឯកសារលើកិច្ចសហប្រតិបត្តិការចំនួន៨ ក្នុងនោះរួមមាន៖១) កិច្ចព្រមព្រៀងរវាងរាជរដ្ឋាភិបាល នៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋហ្វីលីពីន ស្តីពីការលុបបំបាត់ការយកពន្ធត្រួតគ្នា ពាក់ព័ន្ធនឹងពន្ធលើប្រាក់ចំណូល និងការបង្ការការគេចវេះពន្ធ និងការចៀសវាងពន្ធ ។២) អនុស្សរណៈនៃការសម្តែងបំណងសម្រាប់កិច្ចសហប្រតិបត្តិការវិនិយោគ រវាងក្រុមប្រឹក្សាអភិវឌ្ឍន៍កម្ពុជា និងគណៈកម្មាធិការវិនិយោគហ្វីលីពីន ។៣) អនុស្សរណៈនៃការយោគយល់គ្នារវាងរដ្ឋាភិបាលនៃសាធារណរដ្ឋហ្វីលីពីន និង រដ្ឋាភិបាលនៃព្រះរាជាណាចក្រកម្ពុជា ស្តីពីការបង្ការអំពើលួច និងជួញដូរខុសច្បាប់នៃទ្រព្យសម្បត្តិវប្បធម៌ ។៤) អនុស្សរណៈនៃការយោគយល់គ្នារវាងរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋហ្វីលីពីន ស្តីពីកិច្ចសហប្រតិបត្តិការលើកសិកម្ម និងកសិ-ពាណិជ្ជកម្ម ។៥) អនុស្សរណៈនៃការយោគយល់គ្នារវាងគណៈកម្មាធិការប្រកួតប្រជែងកម្ពុជា និងគណៈកម្មាធិការប្រកួតប្រជែងហ្វីលីពីន ស្តីពីការអនុវត្តច្បាប់ប្រកួតប្រជែង ។៦) កម្មវិធីនៃការអនុវត្តអនុស្សរណៈយោគយល់គ្នាស្តីពីកិច្ចសហប្រតិបត្តិការទេសចរណ៍រវាងក្រសួងទេសចរណ៍នៃព្រះរាជាណាចក្រកម្ពុជា និងក្រសួងទេសចរណ៍នៃសាធារណរដ្ឋហ្វីលីពីន ។៧) អនុស្សរណៈនៃការយោគយល់គ្នារវាងក្រសួងការងារ និងបណ្តុះបណ្តាលវិជ្ជាជីវៈនៃព្រះរាជាណាចក្រកម្ពុជា និងអាជ្ញាធរអប់រំបណ្តុះបណ្តាលបច្ចេកទេស និងអភិវឌ្ឍន៍ជំនាញនៃសាធារណរដ្ឋហ្វីលីពីន ស្តីពីកិច្ចសហប្រតិបត្តិការលើវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ ។៨) អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការនៅក្នុងវិស័យបច្ចេកវិទ្យាព័ត៌មាន និងបរិវត្តន៍កម្មរដ្ឋាភិបាលឌីជីថលរវាងក្រសួងប្រៃសណីយ៍ និងទូរគមនាគមន៍នៃព្រះរាជាណាចក្រកម្ពុជា និងក្រសួងបច្ចេកវិទ្យាព័ត៌មាននៃសាធារណរដ្ឋហ្វីលីពីន៕ 

កសិករធ្វើស្រែពឹងប្រព័ន្ធធារាសាស្ត្រគ្រប់ជ្រុងជ្រោយនៅស្រុកស្អាង ខេត្តកណ្ដាល ត្រៀមធ្វើស្រែលើកទីពីរ

2025/02/11 02:00:52 pm        111
Facebook Telegram Linkin
បណ្តាប្រជាកសិករនៅស្រុកស្អាង ដែលធ្វើស្រែពឹងផ្អែកលើទឹកពីប្រព័ន្ធធារាសាស្ត្រគ្រប់ជ្រុងជ្រោយ របស់រាជរដ្ឋាភិបាល មានមួយចំនួនគឺកំពុងធ្វើការប្រមូលផលស្រូវជាបណ្តើរៗ ហើយគេក៏កំពុងបានត្រៀមខ្លួនធ្វើស្រែជាលើកទី២ ខណៈ ប្រព័ន្ធធារាសាស្ត្រគ្រប់ជ្រុងជ្រោយ បូមពីដៃទន្លេបាសាក់គឺបានផ្តល់ទឹកគ្រប់គ្រាន់អាចបន្តធ្វើស្រែជាលើកទី២។ប្រជាកសិករ នៅឃុំព្រែកអំបិល ស្រុកស្អាង ខេត្តកណ្តាល នៅថ្ងៃទី១១ ខែកុម្ភៈ នេះ បាននាំគ្នាសម្តែងការអរគុណចំពោះរាជរដ្ឋាភិបាលកម្ពុជា និងរដ្ឋាភិបាលអូស្ត្រាលី ដែលបានអនុវត្តគម្រោងប្រព័ន្ធធារាសាស្ត្រគ្រប់ជ្រុងជ្រោយ (Completed Irrigation System) បាននិងកំពុងផ្តល់ទឹកគ្រប់គ្រាន់ ហើយអាចធ្វើស្រែបាន២ដង ហើយបើមិនមានទឹកទន្លេឡើងជន់លិចទេ គឺកសិករអាចធ្វើស្រែបានរហូតដល់បីដងក្នុងមួយឆ្នាំៗ។បណ្តាកសិករដែលកំពុងប្រមូលផលស្រូវបានថ្លែងដែរថា ការប្រមូលផលស្រូវវគ្គ១នេះ ១ហិចតាបានផលស្រូវក្នុងរង្វង់៧តោន ហើយពេលនេះ គឺក៏បានត្រៀមពូជស្រូវរួចហើយ ត្រៀមធ្វើស្រែវគ្គពីនៅក្នុងខែមេសាខាងមុខនេះ។តាមប្រធានសហគមន៍គ្រប់គ្រងទឹកចារ លោក ណេង លាង បានឲ្យដឹងថា បច្ចុប្បន្ន គម្រោងប្រព័ន្ធធារាសាស្ត្រគ្រប់ជ្រុងជ្រោយព្រែកគ្រួសនេះ គឺមានស្ថានីយបូមទឹកដើរកម្លាំងអគ្គីសនីចំនួន២កន្លែង អាចបូមទឹកស្រោចស្រពលើដីស្រែកសិករ បានប្រមាណ១២០០ហិកតានៅក្នុងស្រុកស្អាង នៅក្នុងខេត្តកណ្តាល និងបន្តចែកចាយទឹកដល់ដីស្រែកសិករនៅក្នុងតំបន់ខ្លះទៀត នៅក្នុងស្រុកព្រៃកប្បាស និងស្រុកបាទីខេត្តតាកែវ ។សូមបញ្ជាក់ថា គម្រោងប្រព័ន្ធធារាសាស្ត្រគ្រប់ជ្រុងជ្រោយ ក្រោមជំនួយកិច្ចសហប្រតិបត្តិការរាជរដ្ឋាភិបាលកម្ពុជា និងរាជរដ្ឋាភិបាលអូស្ត្រាលីនេះ ត្រូវបានអនុវត្តនៅខេត្តចំនួន ៣ រួមមាន៖ ១/ខេត្តកណ្តាល មានប្រព័ន្ធធារាសាស្រ្ត និងស្ថានីយបូមទឹកចំនួន ២ប្រព័ន្ធ ទី២/ ខេត្តតាកែវ មានប្រព័ន្ធធារាសាស្រ្ត និងស្ថានីយបូមទឹកចំនួន ៥ប្រព័ន្ធ និងទី៣ ខេត្តព្រៃវែង មានប្រព័ន្ធធារាសាស្រ្ត និងស្ថានីយបូមទឹកចំនួន ៥ប្រព័ន្ធ ដែលប្រឡាយ និងស្ថានីយបូមទឹកទាំងអស់នោះ គឺអាចផ្តល់ទឹកស្រោចស្រពដីស្រែកសិករលើផ្ទៃដីបានប្រមាណជាង ១ម៉ឺនហិចតា៕ អត្ថបទ ស៊ុម សុខជា 

ហ្វីលីពីន បង្ហាញតម្រូវការផលិតផលកសិកម្មពីកម្ពុជា ដើម្បីផ្គត់ផ្គងតម្រូវការនៅប្រទេសហ្វីលីពីន

2025/02/11 01:25:41 pm        66
Facebook Telegram Linkin
អមដំណើរសម្តេចនាយករដ្ឋមន្រ្តីនៅសាធារណរដ្ឋហ្វីលីពីន ឯកឧត្តមរដ្ឋមន្រ្តី ឌិត ទីណា បានអញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ ដើម្បីចូលរួមសម្តែងការគួរសម និងកិច្ចជំនួបទ្វេភាគីលើវិស័យកសិកម្ម ជាមួយឯកឧត្តម Francisco P.Tiu Laurel Jr. រដ្ឋមន្ត្រីក្រសួងកសិកម្មនៃសាធារណរដ្ឋហ្វីលីពីន នៅរសៀលថ្ងៃទី១០ ខែកុម្ភៈ ឆ្នាំ២០២៥។យោងតាមផេកផ្លូវការរបស់ក្រសួងកសិកម្ម រុក្ខាប្រមាញ់ និងនេសាទ បានសសេរឲ្យដឹងថា ក្នុងជំនួបការងារនេះ ឯកឧត្តមរដ្ឋមន្ដ្រី បានគូសបញ្ជាក់ថា ការធ្វើកសិពាណិជ្ជកម្មរវាងប្រទេសទាំងពីរ ធ្វើឡើងក្នុងគោលបំណងបំពេញតម្រូវការឱ្យគ្នាទៅវិញទៅមក មិនមែនជាការប្រកួតប្រជែងគ្នានោះទេ ហើយប្រទេសទាំងពីរអាចពង្រឹងកិច្ចសហប្រតិបត្តិការជាមួយគ្នាកាន់តែរឹងមាំបន្ថែមទៀត ជំរុញការរីកចម្រើនក្នុងវិស័យកសិកម្ម សំដៅចូលរួមចំណែកលើកកម្ពស់សេដ្ឋកិច្ច និងការអភិវឌ្ឍឱ្យមានចីរភាព។ឯកឧត្តមរដ្ឋមន្ត្រីក្រសួងកសិកម្ម នៃសាធារណរដ្ឋហ្វីលីពីន បានមានប្រសាសន៍ថា ប្រទេសហ្វីលីពីន មានតម្រូវការលើផលិតផលកសិកម្មជាច្រើនពីប្រទេសកម្ពុជា ដើម្បីឆ្លើយតបទៅនឹងតម្រូវការនៃកំណើនប្រជាជនហ្វីលីពីន ដែលកើនជាង ១០លាននាក់ក្នុងមួយឆ្នាំ។ ហ្វីលីពីនមានតម្រូវការ ដូចជា អង្ករ សាច់ជ្រូក សាច់គោ មាន់ ត្រី និងបន្លែផ្លែឈើជាច្រើន។ លើសពីនេះ ភាគីហ្វីលីពីន ក៏នឹងពិនិត្យមើលលើលទ្ធភាពក្នុងការវិនិយោគលើរោងម៉ាស៊ីនកិនស្រូវ និងការធ្វើវារីវប្បកម្មផងដែរ។ ឯកឧត្តម បានឱ្យដឹងទៀតថា ក្រសួងកសិកម្មហ្វីលីពីន បានទទួលសិទ្ធក្នុងការនាំចូលអង្ករ និងម្ហូបអាហារ ដោយមានថវិកា ១០០លានដុល្លាអាមេរិក។ជាមួយគ្នានេះ ឯកឧត្តមរដ្ឋមន្ត្រី ឌិត ទីណា ក៏បានអញ្ជើញឯកឧត្តមរដ្ឋមន្ត្រី និងគណៈប្រតិភូនៃក្រសួងកសិកម្មហ្វីលីពីន ទៅទស្សនកិច្ចនៅប្រទេសកម្ពុជា ដើម្បីពិនិត្យពីសក្តានុពលនៃផលិតផលកសិកម្មកម្ពុជា និងពិភាក្សាលម្អិតបន្ថែមទៀតរវាងវិស័យឯកជននៃប្រទេសទាំងពីរ។សូមបញ្ជាក់ជូនថា គោលបំណងនៃកិច្ចជំនួបនេះគឺដើម្បីជំរុញកិច្ចសហប្រតិបត្តិការទ្វេភាគីក្នុងវិស័យកសិកម្មដោយផ្តោតលើចំណុចសំខាន់ចំនួន០២ រួមមានការធានាសន្តិសុខស្បៀង និងការធ្វើកសិពាណិជ្ជកម្មរវាងប្រទេសទាំងពីរ។ ក្នុងជំនួបនេះផងដែរ ឯកឧត្តមរដ្ឋមន្ត្រីទាំងពីរ បានចុះហត្ថលេខាលើអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការលើវិស័យកសិកម្ម និងកសិពាណិជ្ជកម្ម រវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋហ្វីលីពីនផងដែរ៕ 

រដ្ឋមន្ត្រីក្រសួងអប់រំ ចាត់ទុកសកម្មភាពរបស់អង្គការសប្បុរសធម៌​ឡៃហ្គ័រឆ្លើយតបនឹងចក្ខុវិស័យរបស់រាជរដ្ឋាភិបាលកម្ពុជា

2025/02/11 01:15:44 pm        62
Facebook Telegram Linkin
នៅថ្ងៃទី១០ ខែកុម្ភៈ ឆ្នាំ២០២៥ ឯកឧត្តម ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានទទួលជួបសម្តែងការគួរសម និងជម្រាបលាពីសំណាក់ស្ថាបនិកអង្គការសប្បុរសធម៌ឡៃហ្គ័រ និងសាលាភាពជាអ្នកដឹកនាំឡៃហ្គ័រ ។ ក្នុងជំនួបនេះដែរ ឯកឧត្តម ឧបនាយករដ្ឋមន្ត្រី បានកោតសរសើរ និងថ្លែងអំណរគុណយ៉ាងជ្រាលជ្រៅដល់ អង្គការសប្បុរសធម៌ឡៃហ្គ័រ និងសាលាភាពជាអ្នកដឹកនាំឡៃហ្គ័រ ដែលបានខិតខំប្រឹងប្រែងជួយគាំទ្រលើវិស័យអប់រំ និងការអភិវឌ្ឍន៍យុវជននាពេលកន្លងមក ជាពិសេសឆ្លើយតបនឹងចក្ខុវិស័យរបស់រាជរដ្ឋាភិបាលកម្ពុជា ក្នុងការអភិវឌ្ឍធនធានមនុស្ស។ ឧបនាយករដ្ឋមន្ត្រី បានគូសបញ្ជាក់ថា ការខិតខំប្រឹងប្រែងរបស់អង្គការសប្បុរសធម៌ឡៃហ្គ័រ ពិតជាបានជះផលវិជ្ជមានដល់សង្គមជាតិកម្ពុជា និងនៅជាប់នៅក្នុងចិត្តប្រជាជនកម្ពុជាជារៀងរហូត។ ក្នុងជំនួបនេះដែរ ឯកឧត្តមក៏បានបំពាក់គ្រឿងឥស្សរិយយសប បង្ហាញពីសក្ខីភាពនៃភាពជោគជ័យរបស់អង្គការ និងសង្ឃឹមជឿជាក់ថា ទោះបីជាមូលនិធិ Liger Charitable Foundation បានបញ្ចប់បេសកកម្មរបស់ខ្លួនក្តី តែឯកឧត្តមជឿជាក់ថា នឹងមានឱកាសបន្តកិច្ចសហប្រតិបត្តិជាមួយគ្នាបន្តបន្ទាប់ទៀតនាពេលអនាគត ដើម្បីចូលរួមចំណែកអភិវឌ្ឍយុវជនកម្ពុជាឱ្យទទួលបានចំណេះដឹង និងសមត្ថភាពខ្ពស់ក្នុងគោលដៅអភិវឌ្ឍន៍សេដ្ឋកិច្ចសង្គមជាតិនាពេលខាងមុខ។អង្គការសប្បុរសធម៌ឡៃហ្គ័រ និងសាលាភាពជាអ្នកដឹកនាំឡៃហ្គឺ បានចូលរួមចំណែកក្នុងការអភិវឌ្ឍវិស័យអប់រំ តាមរយៈការជួយសាងសង់សាលារៀន អគារអន្តេវាសិកដ្ឋាន និងផ្តល់អាហារូបករណ៍ដល់សិស្សានុសិស្សកម្ពុជា៕ 

វិស័យឯកជនចាត់ទុកបញ្ជរសាធារណៈចល័តក្រសួងការងារជាកន្លែងផ្តល់ព័ត៌មានពិត និងច្បាស់លាស់

2025/02/11 01:09:39 pm        77
Facebook Telegram Linkin
គិតមកដល់ពេលនេះ មានរយៈពេលជាង៣ខែ ដែលក្រសួងការងារ និងបណ្តុះបណ្តាលវិជ្ជាជីវៈ បានដាក់ឲ្យដំណើរការបញ្ជរសេវាសាធារណៈចល័ត ដើម្បីផ្តល់ព័ត៌មានកាន់តែលម្អិតរបស់ក្រសួងការងារ ទៅជិតមូលដ្ឋានរបស់ប្រជាពលរដ្ឋ និងវិស័យឯកជន។ លោក គាត ពិសិដ្ឋ ប្រធានមន្រ្តីទំនាកទំនងឥណទាន នៃធនាគារ កាណាឌីយ៉ា ក.អ បានឲ្យព័ត៌មាន ប៊ីធីវី ដឹងនៅព្រឹកថ្ងៃទី១១ ខែកុម្ភៈនេះថា បញ្ជរសេវាសាធារណៈចល័តនេះ ពិតជាផ្តល់អត្ថប្រយោជន៍ជាច្រើនសម្រាប់សាធារណៈជន មិនថា ប្រជាពលរដ្ឋទូទៅប៉ុណ្ណោះទេ សូម្បីតែកម្មករនិយោជិត បុគ្គលិកធនាគារ កាណាឌីយ៉ា ក៏អាចទទួលដឹងនូវព័ត៌មានសំខាន់ៗផ្លូវការ ដែលអាចទុកជឿទុកចិត្តបាន ជាពិសេសពាក់ព័ន្ធទៅនឹងវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ។ លោកឲ្យដឹងទៀតថា បញ្ជរនេះ ធ្វើឲ្យទាំងកម្មករ និយោជិត បុគ្គលិកធនាគារ ក៏ដូចជាភ្ញៀវដែលចូលមកប្រើប្រាស់ ក៏ មានការសប្បាយ ដោយសារពួកគាត់ងាយស្រួលក្នុងការស្វែងយល់ព័ត៌មាននានារបស់ក្រសួងរកការងារ ដោយចំណេញទាំងពេលវេលា និងប្រើប្រាស់ដោយមិនគិតថ្លៃអ្វីទាំងអស់។កំពុងរងចាំដាក់ប្រាក់នៅធនាគារ កាណាឌីយ៉ា និងបានស្វែងយល់ព័ត៌មានអំពីបញ្ជរសេវាសាធារណៈចល័ត របស់ក្រសួងការងារ និងបណ្តុះបណ្តាលនេះ លោក ផល្លា ទីលីន ជាពលរដ្ឋរស់នៅក្រុងភ្នំពេញ បានឲ្យព័ត៌មាន ប៊ីធីវី ដឹងដែរថា ពិតជាសប្បាយចិត្ត និងអរគុណចំពោះរាជរដ្ឋាភិបាល និងក្រសួងការងារ ដែលបានផ្ដួចផ្ដើមបង្កើតឲ្យមានបញ្ជរសេវាសាធារណៈចល័តនេះឡើង ដើម្បីផ្ដល់ផលប្រយោជន៍ពលរដ្ឋគ្រប់រូប ពិសេសសម្រាប់រូបលោកផ្ទាល់ ក៏ដូចជាសិស្សនិស្សិតដទៃទៀតនៅតាមគ្រឹះស្ថានអប់រំ ទទួលបាននូវភាពងាយស្រួលក្នុងការស្វែងរកការងារធ្វើ ពិសេសការទទួលបានជាព័ត៌មានសំខាន់ៗផ្លូវការ ដែលអាចទុកចិត្តបាន និងទាន់ពេលវេលា។ សូមបញ្ជាក់ទៀតថា បញ្ជរសេវាសាធារណៈនេះ មានមុខងារសំខាន់ៗចំនួន១០ មានដូចជា៖ សេវាចុះឈ្មោះស្វែងរកការងារ, សេវាចុះឈ្មោះស្វែងរកបុគ្គលិក, សេវាចុះឈ្មោះសិក្សាជំនាញវិជ្ជាជីវៈ , សេវាចុះឈ្មោះស្វែងរកការងារក្រៅប្រទេស , សេវាចុះឈ្មោះសមាជិក ប.ស.ស. , បណ្ណ/សៀភៅការងារកម្មករនិយោជិតខ្មែរ, ការផ្តល់ទិដ្ឋាការប្រើប្រាស់កម្មករនិយោជិតវ័យក្មេង, សេវាតាមដានសេវាសាធារណៈក្រសួងការងារ, ប្រអប់បណ្តឹងអនាមិក និងសេវាផ្សេងៗ។ តាមរយៈការដាក់ឱ្យប្រើប្រាស់ទូបញ្ជរខាងលើនេះ នៅតាមគ្រឹះស្ថានអប់រំនានា សិស្ស និស្សិត និងយុវជន បានមើលឃើញថា គឺជាការបង្ខិតឱកាសការងារ ពិភពការងារសំបូរបែប និងការបណ្ដុះបណ្ដាលវិជ្ជាជីវៈ ព្រមទាំងសេវាសាធារណៈផ្សេងៗរបស់ក្រសួងការងារ និងបណ្ដុះបណ្ដាលវិជ្ជាជីវៈ មកកាន់តែជិតសាធារណជន ជាពិសេសយុវជន៕ អត្ថបទ៖ ឈិត បូរ៉ាវី 

ស្រូវប្រាំងនៅស្រុកចន្ទ្រាជាង ៦០០ហិកតា ត្រូវបានជួយសង្រ្គោះ ខណៈកម្លាំងដឹកជញ្ជូន​លេខ៩៩​បន្តជួយកន្លែងរងគ្រោះដទៃជាបន្តបន្ទាប់ទៀត

2025/02/11 01:02:22 pm        272
Facebook Telegram Linkin
ស្រូវប្រាំងប្រជាកសិករនៅឃុំមួយចំនួន នៃស្រុកចន្ទ្រា ខេត្តស្វាយរៀង ជាង៦០០ហិកតា ត្រូវបានជួយសង្រ្គោះទាន់ពេលវេលា ក្រោយកម្លាំងកងពលតូចដឹកជញ្ជូនលេខ៩៩ ចុះអន្តរាគមន៍ក្នុងរយៈពេល១០កន្លងមកនេះ ហើយកម្លាំងនៅតែបន្តជួយសង្រ្គោះ យ៉ាងសកម្មរហូតដល់ស្រូវរបស់បងប្អូនទទួលបានផលជាស្ថាពរ។ លោកឧត្តមសេនីយ៍ទោ ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ បានឲ្យដឹងថា បើគិតត្រឹមថ្ងៃទី១១ ខែកុម្ភៈ ឆ្នាំ២០២៥នេះ គឺមានរយៈពេល១០ថ្ងៃហើយ ដែលកងកម្លាំងនៃកងពលតូចដឹកជញ្ជូនចុះអន្តរាគមន៍ជួយបូមទឹកដាក់ស្រែរបស់បងប្អូនប្រជាកសិករនៅឃុំចំនួនបី គឺឃុំសំរោង ឃុំទួលស្តី និងឃុំច្រេស ស្រុកចន្ទ្រា ខេត្តស្វាយរៀង ខណៈរយៈ១០ថ្ងៃមកនេះគឺជួយបូមទឹកស្រោចស្រពស្រែប្រាំងពួកគាត់បានចំនួន៦៥៧ហិកតា ហើយកម្លាំងបន្តសង្រ្គោះទីតាំងដទៃទៀតជាបន្តបន្ទាប់។សូមបញ្ជាក់ថា ក្រោយមានបទបញ្ជារបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បទបញ្ជារបស់រដ្ឋមន្រ្តីក្រសួងការពារជាតិ ដោយគោរពបទបញ្ជាយ៉ាងម៉ឹងម៉ាត់របស់ នាយឧត្តមសេនីយ៍ ម៉ឹង សំផន រដ្ឋលេខាធិការ ក្រសួងការពារជាតិ និងជាប្រធានក្រុមការងារសម្របសម្រួលការត្រៀមរៀបចំឆ្លើយតបការសង្គ្រោះ គ្រោះមន្តរាយក្រសួងការពារជាតិ និងបទបញ្ជាផ្ទាល់របស់ ឧត្តមសេនីយ៍ឯក ម៉ឹង ពន្លក អគ្គនាយក អគ្គនាយកដ្ឋានភស្តុភារ-ហិរញ្ញវត្ថុក្រសួងការពារជាតិឧត្តមសេនីយ៍ទោ ហ៊ុល សំអុន កាលពីថ្ងៃទី២ ខែកុម្ភៈកន្លងទៅថ្មីៗនេះ បានដឹកនាំកម្លាំងទ័ពចំនួន១៥០នាក់ រួមនិងម៉ាស៊ីនបូមទឹកចំនួន៣០គ្រឿង ទុយោបូមទឹក ចប បង្គី និងសម្ភារៈចាំបាច់មួយចំនួន ចុះជួយអន្តរាគមន៍ដោយផ្ទាល់ជាមួយអាជ្ញាធរស្រុកចន្ទ្រា ដើម្បីជួយសង្គ្រោះស្រូវប្រជាពលរដ្ឋ ដែលកំពុងប្រឈម និងកង្វះទឹកស្រោចស្រពចំនួន៤៧៤២ហិកតា៕ អត្ថបទ បាន ចក់ 

បណ្ដាញសង្គម

ព័ត៌មានថ្មីៗ

ធុរកិច្ចថ្មីឌីជីថលក្នុងស្រុក បានកសាងប្រព័ន្ធប្រកាសពន្ធថ្មីមួយ ដើម្បីសម្រួលការប្រកាសពន្ធជូនរដ្ឋ
03/01/2025 03:03 PM
Facebook Telegram Linkin
ឯកឧត្តមប៉េងពោធិសាអភិបាលខេត្តស្វាយរៀងអញ្ជើញសម្ពោធសមិទ្ធផលនានានៅវិទ្យាល័យហ៊ុនសែនកំពង់ចកស្រុករំដួល
03/01/2025 03:03 PM
Facebook Telegram Linkin
លោក Zelenskiy ឆ្លើយតបដោយពាក្យ «អរគុណ» លើបណ្ដាញសង្គម X ក្រោយមានជម្លោះជាមួយលោក Trump
03/01/2025 03:03 PM
Facebook Telegram Linkin
ឯកឧត្តម ចាយ បូរិន អញ្ជើញសំណេះសំណាលជាមួយ ក្រុមប្រឹក្សាឃុំ មេឃុំ និងចែកជូនគ្រឿងឧបភោគបរិភោគ ដល់ប្រជាពលរដ្ឋក្នុងមូលដ្ឋានចំនួន ៣ឃុំ នៅខេត្តត្បូងឃ្មុំ
03/01/2025 03:03 PM
Facebook Telegram Linkin
អាកាសចរស៊ីវិលកំពុងរៀបចំគម្រោងផ្ទេរព្រលានយន្តហោះចាស់ មកទីតាំងថ្មីនាពេលខាងមុខ
03/01/2025 03:03 PM
Facebook Telegram Linkin
លោក Zelensky៖ ទំនាក់ទំនងជាមួយ Trump អាចផ្សះផ្សាបាន ក្រោយមានជម្លោះ នៅសេតវិមាន
03/01/2025 02:03 PM
Facebook Telegram Linkin
ឯកឧត្តម ឡោ រស្មី អញ្ជើញជួបសំណេះសំណាលក្រុមអាជីវករលក់ជី និងថ្នាំកសិកម្ម នៅក្នុងខេត្តត្បូងឃ្មុំ និងខេត្តកំពង់ចាម
03/01/2025 02:03 PM
Facebook Telegram Linkin
រដ្ឋមន្ត្រីក្រសួងវប្បធម៌ «រាជរដ្ឋាភិបាលនៅគ្រប់អាណត្តិ តែងតែផ្តល់អាទិភាពខ្ពស់ ដល់ស្ថានភាពស្ត្រី លើគ្រប់រូបភាព»
03/01/2025 01:03 PM
Facebook Telegram Linkin
នគរបាលបង្ក្រាបកុបកម្ម បំបែកការតវ៉ា ជុំវិញឧបទ្ទវហេតុរថភ្លើងបណ្តាលឲ្យមានមនុស្សស្លាប់ច្រើន នៅប្រទេសក្រិក
03/01/2025 01:03 PM
Facebook Telegram Linkin
ជនជាតិថៃជាងមួយរយនាក់ត្រូវបានបណ្តេញចេញពីកម្ពុជា ក្រោយអាជ្ញាធរកម្ពុជា​ធ្វើការ​ឃាត់​ខ្លួនកាលពីកន្លងទៅថ្មីៗនេះ
03/01/2025 01:03 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.