BTV NEWS

ព្រឹត្តិការណ៍ «ស្នាមញញឹមនៃកម្ពុជា» ប្រកាសបើកជាផ្លូវការនៅព្រឹកនេះ

ឯកឧត្តម ចាយ បូរិន អញ្ជើញប្រកាសសមាសភាពក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ

កំពូលតារាចម្រៀងស្រីអាមេរិក Taylor Swift ក្លាយជាបុគ្គលឆ្នើមប្រចាំឆ្នាំ២០២៣របស់ទស្សនាវដ្ដី TIME

ប្រទេសកោះស៊ីប៖ លីបង់ត្រូវការជំនួយរបស់ EU ដើម្បីដោះស្រាយវិបត្តិអន្តោប្រវេសន៍

សិល្បៈកម្សាន្ត

ក្រុមគាំទ្របរិស្ថានដាក់បង្ហាញរូបចម្លាក់ទឹកកកតំណាងឲ្យការការពារមហាសមុទ្រអង់តាក់ទិកនៅប្រទេសឈីលី

ឈីលី៖ កាលពីថ្ងៃចន្ទ (១៩ មិថុនា) ក្រុមសកម្មជនឈីលីបានប្រើរូបចម្លាក់ទឹកកកដើម្បីទាមទារការការពារមហាសមុទ្រអង់តាក់ទិកក្នុងអំឡុងពេលកិច្ចប្រជុំអន្តរជាតិនៃគណៈកម្មការសម្រាប់ការអភិរក្សធនធានមានជីវិតក្នុងមហាសមុទ្រអង់តាក់ទិក (CCAMLR) ។ក្រុមសកម្មជនដែលជាផ្នែកមួយនៃសមូហកម្មសិល្បៈឈីលីមានឈ្មោះថា “Bla” បានធ្វើរូបចម្លាក់ទឹកកកប្រវែង ៣ ម៉ែត្រមានរូបរាងដូចបង្កង ដែលរលាយនៅចំពោះមុខមហាជនក្នុងរដ្ឋធានី។ ទឹកដ៏ត្រជាក់នៅមហាសមុទ្រអង់តាក់ទិកត្រូវបានគេប៉ាន់ប្រមាណថាអាចផ្ទុកបង្កងបានពី ៣០០ លានទៅ ៥០០ លានតោន ដែលមានទម្ងន់ជិតស្មើនឹងសត្វគោទាំងអស់នៅលើពិភពលោក។ឥទ្ធិពលនៃការឡើងកំដៅផែនដីបានគំរាមកំហែងដល់ប្រភេទសត្វដែលរស់នៅក្នុងតំបន់មហាសមុទ្រនោះ ដែលភាគច្រើនអាស្រ័យដោយផ្ទាល់ ឬដោយប្រយោលទៅលើសបង្កងរបស់អង់តាក់ទិក ដែលជាប្រភេទសត្វមូលដ្ឋានចំពោះប្រព័ន្ធអេកូឡូស៊ី និងត្រូវបានលួចនេសាទដោយកងនាវារបស់ប្រទេសផ្សេងៗនៅតំបន់អង់តាក់ទិក។គណៈកម្មការអភិរក្ស CCAMLR មានសមាជិកចំនួន ២៧ ដែលមាន ២៦ ប្រទេសរួមនឹងសហភាពអឺរ៉ុប ហើយបេសកកម្មរបស់គណៈកម្មការនេះគឺផ្តោតលើការអភិរក្សធនធានមនេជីវិតក្នុងមហាសមុទ្រអង់តាក់ទិក៕

ភាពយន្តភាគរឿង «កូនប្រុសក្រោមពន្លឺព្រះចន្ទពេញបូណ៌មី»ចាប់បញ្ចាំងហើយលើកញ្ចក់ទូរទស្សន៍បាយ័ន

ភ្នំពេញ៖ នៅខណៈនេះ ភាពយន្តភាគរឿង «កូនប្រុសក្រោមពន្លឺព្រះចន្ទពេញបូណ៌មី» ជារឿងប្រវត្តិសាស្ត្រ និងជារឿងជីវប្រវត្តិពិត របស់ថ្នាក់ដឹកនាំកំពូលនៃកម្ពុជា គឺសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន កំពុងធ្វើការចាក់ផ្សាយតាមរយៈកញ្ចក់ទូរទស្សន៍បាយ័ន ចាប់ពីវេលាម៉ោង០៧:០០នាទី ដល់ម៉ោង៨:០០នាទីយប់ ហើយរឿងនេះនឹងផ្សាយជូនរៀងរាល់ថ្ងៃច័ន្ទ ថ្ងៃអង្គារ និងថ្ងៃពុធ។Link Facebook : https://fb.watch/jo1by-d9Ad/Link Youtube : https://www.youtube.com/live/j5JVASfW9Ng?feature=share

ការសម្ដែងសិល្បៈរបស់កម្ពុជាក្នុងព្រឹត្តិការណ៍ ឈីងហ្កេ ទទួលបានការគាំទ្រជាខ្លាំង

សិង្ហបុរី៖ ការសម្ដែងទម្រង់សិល្បៈរបស់ខ្មែរក្នុងព្រឹត្តិការណ៍ ឈីងហ្កេ ទទួលបានជោគជ័យ និងការគាំទ្រកោតសរសើរជាច្រើនពីទស្សនិកជន និងក្រុមការងារដែលរៀបចំព្រឹត្តិការណ៍ដ៏ធំមួយនេះ។ នេះជាការលើកឡើងរបស់សិល្បករ-សិល្បការិនី ក៏ដូចជាគ្រូដឹកនាំដែលមានវត្តមាននៅក្នុងព្រឹត្តិការណ៍នេះផ្ទាល់។ ផ្ទាំងទស្សនីយភាពរបស់ខ្មែរដែលនាំយកទៅបង្ហាញក្នុងព្រឹត្តិការណ៍ ឈីងហ្កេ នៅប្រទេសសិង្ហបុរីទទួលបានជោគជ័យត្រចះត្រចង់។ នេះជាការលើកឡើងរបស់ក្រុមសិល្បករ ក៏ដូចជាគ្រូដឹកនាំដែលមានវត្តមានក្នុងព្រឹត្តិការណ៍នេះដោយផ្ទាល់។ ពួកគេបានលើកឡើងពីភាពជោគជ័យ ដោយសារតែការសម្ដែងទស្សនីយភាពក្រោមប្រធានបទ "ក្ដីសង្ឃឹមរបស់យើង" របស់កម្ពុជា ទទួលបានការកោតសរសើរជាច្រើន។ អ្នករៀបចំព្រឹត្តិការណ៍ ឈីងហ្កេ បានកោតសរសើរពីការសម្ដែងរបស់កម្ពុជា ថែមទាំងចាត់ទុកជាគំរូថែមទៀតផង។ រីឯទស្សនិកជនមានការសាទរ ទះដៃជាច្រើនចំពោះការសម្ដែងរបស់កម្ពុជា និងមានការកោតសរសើរពីសិល្បករមកពីបណ្ដាប្រទេសដទៃផងដែរ។ ភាពជោគជ័យនេះផ្តល់នូវកម្លាំងចិត្តជាខ្លាំងចំពោះសិល្បករ សិល្បការិនីកម្ពុជា។ទស្សនីយភាពសិល្បៈដែលកម្ពុជាសម្ដែងក្នុងព្រឹត្តិការណ៍ ឈីងហ្កេ ធ្វើឡើងក្រោមប្រធានបទ "ក្តី សង្ឃឹមរបស់យើង (Our Hope)"។ ការសម្ដែង "ក្តីសង្ឃឹមរបស់យើង (Our Hopes) ជាការរួមបញ្ចូលគ្នា នូវរបាំបុរាណ របាំសហសម័យ ក្បាច់ផ្ការំដួល និងសៀក នឹងបង្ហាញក្តីសង្ឃឹម និងភាពសុខដុមរបស់ប្រជាជាតិខ្មែរ ក៏ដូចជាភាពស្រស់ត្រកាលក្នុងការរស់នៅប្រទេសដែលមានសុខសន្តិភាព និងការអភិវឌ្ឍប្រកបដោយចីរភាព។ ឈីងហ្គេ គឺជាក្បួនព្យុហយាត្រាសិល្បៈសម្ដែងដ៏ធំមួយនៅអាស៊ី ដែលត្រូវបានរៀបចំឡើងរៀងរាល់ឆ្នាំដោយសមាគមប្រជាជននៃប្រទេសសិង្ហបុរី។ ឆ្នាំនេះព្រឹត្តិការណ៍នេះបានវិលត្រឡប់មកជាថ្មី ដែលមានអ្នកសិល្បៈជាតិ និងអន្តរជាតិចូលរួមដើម្បីបង្ហាញពីសិល្បៈ វប្បធម៌នៃជាតិសាសន៍រៀងៗខ្លួន៕ អត្ថបទ៖ គឹម ហុក

ខ្មែរ ប៊ែវើរីជីស រីករាយនាំយកព្រឹត្តិការណ៍ឆ្លងឆ្នាំដ៏ធំផ្តល់ការកម្សាន្ត ជូនពលរដ្ឋរស់នៅខេត្តកំពង់ស្ពឺ

ភ្នំពេញ៖ ក្រុមហ៊ុន ខ្មែរ ប៊ែវើរីជីស មានសេចក្តីសោមនស្សរីករាយជាខ្លាំងដែលបាននាំយកនូវព្រឹត្តិការណ៍ឆ្លងឆ្នាំដ៏ធំអស្ចារ្យ Cambodia Countdown Concert 2023 ដោយបានបិទបញ្ចប់ទៅដោយជោគជ័យ និងបន្សល់ទុកនូវអនុស្សាវរីយ៍ដ៏មានអត្ថន័យជូនដល់ពលរដ្ឋរស់នៅខេត្តកំពង់ស្ពឺ។ ព្រឹត្តិការណ៍ឆ្លងឆ្នាំនេះត្រូវបានធ្វើឡើងរយៈពេល២ថ្ងៃ គឺថ្ងៃទី៣០ និងថ្ងៃទី៣១ខែធ្នូ ឆ្នាំ២០២២ ដោយមានការចាក់ផ្សាយផ្ទាល់លើកញ្ចក់ទូរទស្សន៍ BTV News ក្រោមការឧបត្ថម្ភផ្តាច់មុខដោយ Cambodia Beer របស់ក្រុមហ៊ុន ខ្មែរ ប៊ែវើរីជីស។ ធ្វើឡើងនៅឯពហុកីឡដ្ឋានខេត្តកំពង់ស្ពឺ ព្រឹត្តិការណ៍ឆ្លងឆ្នាំនេះមានការផ្តល់កិត្តិយសដ៏ខ្ពង់ខ្ពស់អញ្ជើញចូលរួមពីឯកឧត្តម ហ៊ុន ម៉ានី ប្រធានគណៈកម្មាការទី ៧ នៃរដ្ឋសភា និងជាអ្នកតំណាងរាស្រ្តខេត្តកំពង់ស្ពឺ, ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ, ឯកឧត្តម យឹម សុខុម ប្រធានក្រុមប្រឹក្សាខេត្តកំពង់ស្ពឺ, អ្នកឧកញ៉ា លាង ឃុន សហស្ថាបនិក និងប្រធានក្រុមប្រឹក្សាភិបាលក្រុមហ៊ុន ជីប ម៉ុង, អ្នកឧកញ៉ា លាង ម៉េង ប្រធានអគ្គនាយកក្រុមហ៊ុន ខ្មែរ ប៊ែវើរីជីស។ ឯកឧត្តម ហ៊ុន ម៉ានី បានថ្លែងអំណរគុណចំពោះក្រុមហ៊ុន ខ្មែរ ប៊ែវើរីជីសដែលឧបត្ថម្ភផ្តាច់មុខរៀបចំព្រឹត្តិការណ៍នេះ ក៏ដូចជាអំណរគុណចំពោះអាជ្ញាធរខេត្ត ស្ថាប័នជាដៃគូសហការនានា និងសប្បុរសជនទាំងអស់ ដែលបានចូលរួមធ្វើឱ្យការឆ្លងឆ្នាំថ្មី ២០២៣ ប្រព្រឹត្តទៅយ៉ាងជោគជ័យ។ក្រៅពីការប្រគំតន្រ្តីដ៏ធំអស្ចារ្យ ព្រឹត្តិការណ៍ឆ្លងឆ្នាំនេះក៏មានកម្មវិធីកម្សាន្តសប្បាយៗជាច្រើន ការបង្វិលកងយករង្វាន់ពី Cambodia Beer កម្មវិធីប្រគល់រង្វាន់ទឹកប្រាក់២ម៉ឺនដុល្លារជូនដល់អតិថិជន១៥នាក់ពី Cambodia Beer រង្វាន់ម៉ូតូ Honda Click ចំនួន ១០គ្រឿងពី Cambodia Beer រង្វាន់ម៉ូតូ Honda Dream ចំនួន៤ គ្រឿងពីភេសជ្ជៈប៉ូវកម្លាំង វើក WURKZ និងរង្វាន់ម៉ូតូ Honda Beat ចំនួន ៥ គ្រឿងពីភេសជ្ជៈ ICY COOL រសជាតិម៉ុងតុល។ បន្ថែមពីនេះ ក៏មានការបាញ់កាំជ្រួចអបអរសាទរលើផ្ទៃអាកាសបែកចេញជាពន្លឺ និងពណ៌ដ៏ស្រស់ស្អាត បង្កើតនូវបរិយាកាសដ៏មានអត្ថន័យ និងអនុស្សាវរីយ៍ដ៏អស្ចារ្យមិនអាចបំភ្លេចបានជូនដល់បងប្អូនពលរដ្ឋរស់នៅខេត្តកំពង់ស្ពឺ។ ក្រុមហ៊ុន ខ្មែរ ប៊ែវើរីជីស ជាក្រុមហ៊ុនឈានមុខគេនៅកម្ពុជាលើការផលិតភេសជ្ជៈ និងស្រាបៀរ ដែលបច្ចុប្បន្នក្រុមហ៊ុនមានផលិតផលល្បីៗជាច្រើនដូចជាស្រាបៀរ កម្ពុជា ភេសជ្ជៈប៉ូវកម្លាំង វើក WURKZ ភេសជ្ជៈ ICY COOL ទឹកក្រូចអាយស៍ IZE និងទឹកបរិសុទ្ធ កម្ពុជា។ ក្រុមហ៊ុននឹងបន្តនាំយកព្រឹត្តិការណ៍ដ៏អស្ចារ្យជាច្រើនទៀត ដើម្បីផ្តល់ការកម្សាន្តជូនពលរដ្ឋកម្ពុជានាពេលខាងមុខ៕

ម្ចាស់ជ័យលាភីលេខ១ នៃសហគ្រិនថ្នាក់ជាតិឆ្នាំ២០២២នេះបានទៅលេីលោក ឈរ រិទ្ធី

ភ្នំពេញ៖ ក្រោយឆ្លងកាត់ការវាយតម្លៃយ៉ាងសុក្រឹតរបស់គណៈកម្មការផ្តល់ពិន្ទុរដែលមានបទពិសោធន៍ខ្ពស់។ ទីបំផុតនៅល្ងាចថ្ងៃទី២៣ ខែវិច្ឆិកានេះ កម្មវិធីពានរង្វាន់សហគ្រិនថ្នាក់ជាតិឆ្នាំ២០២២ បានរកឃេីញម្ចាស់លាភីឆ្នេីមចំនួន ៤រូប ក្នុងចំណោមបេក្ខជនសរុប ២០រូប។សូមជម្រាបជូនថា ម្ចាស់ជ័យលាភីលេខ១ បានទៅលេី លោក ឈរ រិទ្ធី មកពីក្រុមហ៊ុន ហ្រ្វេស មិល ឯ.ក ទទួលបានទឹកប្រាក់ចំនួន ១ម៉ឺនដុល្លារអាម៉េរិក, លេខ២ បានទៅលេី លោកស្រី ទ្រី មួយគា មកពីសហគ្រាសផលិតឱសថ ប៉េប៉េអឹមទទួលបានទឹកប្រាក់ចំនួន ៥ពាន់ដុល្លារអាម៉េរិក, លេខ៣ បានទៅលេី លោកស្រី ងន វ៉ាន់ថា មកពី Color Silk Enterprise ទទួលបានទឹកប្រាក់ចំនួន ៣ពាន់ដុល្លារអាម៉េរិក និងលេខ៤ បានទៅលេី លោកស្រី ម៉ៅ សុធា មកពី SHE Agrocam Products.Co,Ltd ទទួលបានទឹកប្រាក់ចំនួន ២ពាន់ដុល្លារអាម៉េរិក។សូមបញ្ជាក់ទៀតថា កម្មវិធីប្រកួតប្រជែងពានរង្វាន់សហគ្រិនថ្នាក់ជាតិ រៀបចំឡើងដោយវិទ្យាស្ថានជាតិសហគ្រិនភាព និងនវានុវត្តន៍ ដែលជាគ្រឹះស្ថានសាធារណៈ កំពុងបំពេញការងារយ៉ាងសកម្មក្នុងការកសាងសហគ្រិនថ្មី អភិវឌ្ឍសហគ្រិនដែលមានស្រាប់ និងជាអ្នកអនុវត្តសហគ្រិនភាពសង្គម ដែលស្ថិតក្រោមការគ្រប់គ្រងរបស់ក្រសួងការងារ និងបណ្តុះបណ្តាលវិជ្ជាជីវៈ។ កម្មវិធីនេះដែរ ប្រព្រឹត្តទៅក្រោមកិច្ចសហការជាមួយសហគ្រិនខ្មែរ (Khmer Enterprise) តាមរយៈជំនួយរដ្ឋាភិបាលកម្ពុជា និងធនាគារព្រីនស៍ ដើម្បីធ្វើការងាររួមគ្នាជាមួយសហគ្រិន អ្នកបង្កើតគំនិតថ្មីៗ នវានុវត្តន៍ និងអ្នកដឹកនាំអាជីវកម្មក្នុងការរៀបចំការប្រកួតប្រជែងលើប្រធានបទជាក់លាក់ជារៀងរាល់ឆ្នាំ តាមរយៈការរៀបចំឲ្យមានការប្រកួតប្រជែងនៅថ្នាក់ខេត្ត និងថ្នាក់ជាតិក្នុងប្រទេសកម្ពុជា៕ អត្ថបទ ៖ បូរ៉ាវី

CL និងកំពូលតារាចម្រៀងជាច្រើនប្រចាំប្រទេសកម្ពុជា នឹងមានវត្តមានក្នុងព្រឹត្តិការណ៍ដ៏ធំ Vattanac វ All in Festival នាចុងខែវិច្ឆិកានេះ

ភ្នំពេញ ៖ តើលោកអ្នក ត្រៀមខ្លួនហើយឬនៅសម្រាប់ កម្មវិធីដ៏ធំប្រចាំឆ្នាំ “VATTANAC វ ALL IN FESTIVAL”? Queen of K-pop ដ៏ល្បីល្បាញឈ្មោះថា «CL» នឹងត្រលប់មកប្រទេសកម្ពុជាសារជាថ្មីម្តង ទៀតក្រោមការអញ្ជើញរបស់ ក្រុមហ៊ុន វឌ្ឃនៈ ប្រ៊ូវើរី ដែលនឹងប្រព្រឹត្តិទៅ នាថ្ងៃទី២៦ ខែវិច្ឆិកា ឆ្នាំ២០២២ រួមជាមួយនឹងវត្តមាន កំពូលតារាចម្រៀងជួរមុខ ក្នុងស្រុកជាច្រើនរូបទៀតដូចជា កញ្ញា មាស សុខសោភា ពូ ឃ្លាំង លោក នីកូ កញ្ញា រ៉ាប៊ី លោក G-Devith ព្រមទាំងអាយដលទាំង៤ ដែលកំពុងទទួលបានការគាំទ្រ យ៉ាងខ្លាំងពី ទស្សនិកជនគឺ អាយដល លឹម តិចម៉េង ស៊ឹមច័ន្ទពន្លឺ ថុល សុភិទិ និងនាង ដាវីន។ ព្រឹត្តិការណ៍ដ៏កក្រើករបស់ក្រុមហ៊ុន វឌ្ឍនៈ ប្រ៊ូវើរី មួយនេះ បានធ្វើឲ្យអ្នកគាំទ្រវិស័យ KPOP និងអ្នកគាំទ្ររបស់ CL ផ្ទាល់ សប្បាយរីករាយ និងរំភើបជាខ្លាំងជាមួយនឹងវត្តមានជាលើកទី២របស់គាត់ ដោយពុំមានអ្នកនឹកស្មានដល់។ មិនត្រឹមតែប៉ុណ្ណោះ ការចូលរួមរបស់កំពូលតារាដ៏ពេញនិយមក្នុងស្រុកជាច្រើនរូប ការប្រគុំតន្ត្រី EDM ពី DJ ដ៏ល្បីនិងស្រស់ស្អាត DJ AviDa ព្រមទាំងសកម្មភាពកម្សាន្ត សប្បាយជាច្រើនដែលនឹងរៀបចំឡើងដោយម៉ាកយីហោទាំង៤ របស់ វឌ្ឍនៈ ប្រ៊ូវើរី មានដូចជា ស្រាបៀរ វឌ្ឍនៈ ដ្រាហ្គិន គ្រុឌ និងភេសជ្ជៈប៉ូវកម្លាំងគ្រុឌ នឺងបន្ថែមភាពអស្ចារ្យ និងមិនអាចខកខានបាន ក្នុងកម្មវិធីដ៏ធំបំផុតប្រចាំឆ្នាំមួយនេះ។ ក្រុមហ៊ុន វឌ្ឍនៈ ប្រ៊ូវើរី បង្កើតកម្មវិធី “VATTANAC វ ALL IN FESTIVAL” នេះឡើងក្នុងគោលបំណងតបស្នងទៅដល់អ្នកគាំទ្រ និងបង្ហាញពីការខិតខំប្រឹងប្រែង ទឹកចិត្ត និងក្តីស្រលាញ់ ដែលខ្លួនបានបង្កើត និងដាក់អ្វីៗគ្រប់យ៉ាងនូវរាល់កិច្ចការងារ និងផលិតផល ដែលខ្លួនបានផលិតឡើងសម្រាប់អតិថិជន។ សម្រាប់សំបុត្រចូលរួមទស្សនាព្រឹត្តិការដ៏រំភើបអស្ចារ្យ និងកម្រប្លែកដែលមិនធ្លាប់មានពីមុនមកនេះ អ្នកអាចស្វែងរកបានតាមរយៈភ្នាក់ងារលក់ផលិតផលរបស់ក្រុមហ៊ុន វឌ្ឍនៈ ប្រ៊ូវើរី ដែលបានកំណត់ ទូទាំងប្រទេស៕

កម្មវិធីល្ខោនខ្មែរ ៖ រកឃើញហើយ កូនក្រុមទាំង៣ក្រុម របស់គ្រូបង្វឹកនីមួយៗ នៃកម្មវិធីល្ខោនខ្មែរ រដូវកាលទី១

បន្ទាប់ពីទទួលបានបេក្ខជនផ្លូវការទាំង១២ក្រុម កាលពីសប្ដាហ៍កន្លងទៅ ពេលនេះកម្មវិធីល្ខោនខ្មែរ បានឈានមកដល់វគ្គជួបជាមួយគណៈកម្មការហើយ។គណៈកម្មការមេប្រយោគទាំងបួន នឹងដើរតួនាទីជាគ្រូបង្វឹក ដែលនឹងបង្ហាត់បង្រៀនកូនក្រុមរបស់ខ្លួន ដែលក្នុងនោះគ្រូបង្វឹកមួយរូបៗនឹងទទួលបានកូនក្រុមម្នាក់ ៣ក្រុមស្មើៗគ្នា។ ក្នុងនោះ៖ -កូនក្រុមរបស់លោកជំទាវសាស្ត្រាចារ្យ សុទ្ធ សុម៉ាលី មាន៖ (១). ក្រុមពន្លកថ្មីនៃវប្បធម៌ (២).ក្រុម ល្ខោនបុរាណស្រីវត្តកៀនស្វាយក្រៅ និង (៣). ក្រុម យុវជនមន្ទីវប្បធម៌ និងវិចិត្រសិល្បៈរាជធានីភ្នំពេញ។-កូនក្រុមរបស់លោកស្រីសាស្ត្រាចារ្យ សំ សត្យា មាន៖ (១). ក្រុម មន្ទីរវប្បធម៌ និងវិចិត្រសិល្បៈខេត្តបន្ទាយមានជ័យ (២). ក្រុម រស្មីនៃវប្បធម៌ (៣). ក្រុម ក្រឹស្ណរៈ។-កូនក្រុមរបស់ឯកឧត្តមសាស្ត្រាចារ្យ ព្រឿង ឈៀង មាន៖ (១). ក្រុម មន្ទីវប្បធម៌ និងវិចិត្រសិល្បៈខេត្តសៀមរាប (២).ក្រុម សិល្បៈបុរាណយុវជនល្ខោនខោល និងរបាំបុរាណជំនាន់ថ្មី (៣). ក្រុម ស្រលាញ់វប្បធម៌នៃ ស.ស.យ.ក ខេត្តកំពង់ស្ពឺ ។-កូនក្រុមរបស់លោកស្រីព្រឹទ្ធាចារ្យ ប៉ែន សុខហួន មាន៖ (១). ក្រុម នារីអង្គរ (២). ក្រុម វិទ្យាស្ថានគរុកោសល្យរាជធានីភ្នំពេញ (៣). ក្រុម ក្លឹបបណ្ដុះបណ្ដាលសិល្បៈវប្បធម៌ខ្មែរអង្គរខេត្តសៀមរាប។សូមបញ្ជាក់ផងដែរថា នៅវគ្គបន្ទាប់ កូនក្រុមរួមគ្រូ នឹងធ្វើការប្រកួតជាមួយគ្នាទៅវិញទៅមក ពោលគឺមិនប្រកួតឆ្លងក្រុមដែលមានគ្រូបង្វឹកផ្សេងៗនោះឡើយ។ មិនតែប៉ុណ្ណោះ គ្រូបង្វឹកទាំងអស់នឹងធ្វើការវាយតម្លៃទៅតាមការបញ្ចេញសមត្ថភាពជាក់ស្ដែង ហើយក្នុងនោះគ្រូបង្វឹកនីមួយៗនឹងសម្រេចចិត្តរើសបេក្ខជនតែ ២ ក្រុមប៉ុណ្ណោះ រីឯ ១ក្រុមទៀតនឹងត្រូវចាកចេញពីកម្មវិធី។ កម្មវិធីល្ខោនខ្មែរ រដូវកាលទី១ មានចាក់បញ្ចាំងនៅលើកញ្ចក់ទូរទស្សន៍ BTV រៀងរាល់ថ្ងៃសៅរ៍ វេលាម៉ោង ៦ ល្ងាចតទៅ។ ហើយក៏មានការចាក់ផ្សាយលើទំព័រហ្វេសប៊ុកផ្លូវការរបស់សហភាពសហព័ន្ធយុវជនកម្ពុជា ខេត្តស្វាយរៀងផងដែរ៕ “មិនត្រឹមតែជាការចូលរួមប្រកួត តែយើងទាំងគ្នា ចូលរួមគាំទ្រ អភិរក្ស និងលើកស្ទួយសិល្បៈបុរាណខ្មែរ”

ភាពយន្តចម្រៀង"ជីវិតក្មេងវត្ត"ស្នាដៃនិពន្ធដ៏ខ្ពង់ខ្ពស់របស់សម្តេចតេជោ

ភ្នំពេញ៖ ថ្ងៃដែលបងប្អូនកូន ក្មួយ ចៅ ចៅទួត របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ទន្ទឹងរង់ចាំបានមកដល់ហើយ ភាពយន្តចម្រៀង "ជីវិតក្មេងវត្ត" ដែលជាស្នាដៃនិពន្ធដ៏ខ្ពង់ខ្ពស់របស់សម្តេចតេជោ។ សូមអញ្ជើញបងប្អូនជនរួមជាតិតាមដានទស្សនាកម្មវិធីបើកសម្ពោធក្រោមអធិបតីភាពដ៏ខ្ពង់ខ្ពស់របស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ចាប់ពីម៉ោង ១០:០០ នាទីតទៅ នៅអគារក្រសួងរៀបចំដែនដីនគរូបនីយកម្មនិងសំណង់ ដែលផ្សាយផ្ទាល់តាមរយៈទូរទស្សន៍ជាតិកម្ពុជា, បាយ័ន, ហង្សមាស, PNN, អប្សរា, ប៉ុស្តិ៍លេខ៥, អាស៊ីអាគ្នេយ៍, CTN, ប៉ុស្តិ៍ លេខ ៩, ប៉ុស្តិ៍លេខ ៣, Town, Fresh News និង Page Samdech Techo Hun Sen, Cambodian Prime Minister។ ភាពយន្តចម្រៀងដែលពោរពេញទៅដោយការតស៊ូ អត់ធន ពុះពារគ្រប់ឧបសគ្គដើម្បីក្រេបយកចំណេះ វិជ្ជា។ ផលិតដោយសមាគមសិល្បករខ្មែរ និងដឹកនាំសម្តែងដោយ លោក ហ្វៃ សំអាង។

“ពិធីជួបជុំបណ្តាញមិត្តយើង”ទទួលបានការបរិច្ចាគគាំទ្រយ៉ាងផុសផុលពីសប្បុរសជនជាង ៥ម៉ឺនដុល្លារ

ភ្នំពេញ៖ សមាគមមិត្តយើង បន្ទាប់ពីបានរៀបពិធីជួបជុំបណ្តាញមិត្តយើង ដើម្បីរឹតចំណងមិត្តភាព និងសាមគ្គីភាព គឺទទួលបានការបរិច្ចាគគាំទ្រយ៉ាងផុសផុលពីសប្បុរសជននានាសរុបចំនួនជាង ៥០ ០០០ ដុល្លារអាម៉េរិក ដើម្បីប្រើប្រាស់ក្នុងសកម្មភាពសង្គម។ សមាគមមិត្តយើង នៅថ្ងៃទី៥ ខែឧសភា ឆ្នាំ២០២២នេះ បានឲ្យដឹងថា តាមរយៈឯកឧត្តម ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ សមាគមមិត្តយើង ទទួលបានការបរិច្ចាគជាទឹកប្រាក់ និងសម្ភារៈពីសប្បុរសជននានាមានចំនួនជាង ៥០ ០០០ដុល្លារ ដើម្បីគាំទ្រសកម្មភាពសមាគមមិត្តយើងសម្រាប់រយៈពេល ៣ឆ្នាំ។ ជាង ១ឆ្នាំកន្លងមកនេះ សមាគមមិត្តយើង បានចូលរួមសកម្មភាពសង្គម និងសប្បរសធម៌នានាសរុបជាទឹកប្រាក់ប្រមាណជាង ៥០ ០០០ដុល្លារ នៅតាមបណ្តាខេត្ត តាមរយៈការបរិច្ចាគអណ្តូងទឹក សម្ភារសិក្សា សម្ភារប្រើប្រាស់ គ្រឿងឧបភោគ-បរិភោគ សំលៀកបំពាក់និងសម្ភារផ្សេងៗទៀត ជូនដល់សាលារៀន មន្ទីរពេទ្យបង្អែក សិស្ស-និស្សិត ក្មេងកំព្រា លោកតាស៊ីក្លូ ជាពិសេសគ្រួសារ និងជនដែលជួបការលំបាកក្នុងជីវភាពរាប់រយគ្រួសារ ដែលបានទទួលការឧបត្ថម្ភទាំងថវិកា និងសម្ភារៈពីសប្បុរសជនដៃគូរសហការ៕ អត្ថបទ ៖ បូរ៉ាវី

កម្ពុជាសង្ឃឹមថា នឹងដណ្ដើមបានម្កុដបវរកញ្ញាចក្រវាលនៅអាម៉េរិក

ភ្នំពេញ៖ កញ្ញា រ៉េត សារីតា បង្ហាញជំនឿចិត្ត នឹងការខំប្រឹងដើម្បីដណ្តើមមកុដបវរកញ្ញាចក្រវាឡលើឆាកអន្តរជាតិក្នុងពេលឆាប់ៗនេះ។កាន់តែខិតជិតមកដល់ហើយ សម្រាប់ការប្រកួតបវរកញ្ញាពិភពលោក miss universe international ២០២០ ដែលនឹងត្រូវប្រព្រឹត្តឡើងលើទឹកដីសហរដ្ឋអាមេរិកនាពេលដ៏ខ្លីខាងមុខនេះ។ សម្រាប់ឆ្នាំនេះវិញ កម្ពុជាក៏បានត្រៀមបញ្ជូនបេក្ខនារី ទៅចូលរួមប្រកួតផងដែរ ហើយសម្រាប់បេក្ខភាពតំណាងកម្ពុជារូបនោះ គឺកញ្ញា រ៉េត សារីតា ម្ចាស់ម្កុដបវរកញ្ញាកម្ពុជាឆ្នាំ២០២០។ ទាក់ទងនឹងដំណើរការប្រកួតបវរកញ្ញាចក្រវាឡពិភពលោក btv ក៏បានទាក់ទងទៅកញ្ញា សារីតា ផ្ទាល់ផងដែរ ដើម្បីសាកសួរពីដំណើរការប្រកួត ក្នុងនោះ កញ្ញាបានបញ្ជាក់ថា បច្ចុប្បន្ន កម្មវិធី ប្រកួតបានចាប់ផ្តើមដំណើរការរួចមកហើយ គឺតាំងពីខែមីនាមកម្ល៉េះ ប៉ុន្តែ ជាប្រកួតតាមរយៈ online ដោយក្នុងនោះមានការសម្ភាសន៍ឆ្លើយសំនួរ ការបញ្ចេញទេពកោសល្យផ្សេង បន្ទាប់ពីឆ្លងកាត់វគ្គទាំងអស់នោះហើយ នៅចុងខែមេសា ឆ្នាំ២០២១ នេះ កញ្ញានឹងធ្វើដំណើរទៅរដ្ឋ Florida សហរដ្ឋអាមេរិក ដើម្បីចូលរួមប្រកួតផ្ដាច់ព្រ័ត្រ។កញ្ញា សារីតា គឺជាស្ត្រី ខ្មែរជំនាន់ទី៤ ហើយ ដែលបានចូលប្រលងក្នុងកម្មវិធីលំដាប់ពិភពលោកមួយនេះ សារីតា បានបង្ហើបប្រាប់អ្នកគាំទ្រតាមរយៈ btv ថា សម្រាប់ជំនឿចិត្តក្នុងការដណ្តើមម្កុដ នោះកញ្ញា ពិតជាមាន ហើយកញ្ញានឹងធ្វើអោយអស់ពីសម្ថតភាព ដើម្បីប្រទេសកម្ពុជាយើង ។ កញ្ញាក៏បានសង្កត់ធ្ងន់ផងដែរថា មានប្រទេសប្រមាណជា ជាង 70 ប្រទេសដែលចូលរួម ដូច្នេះបេក្ខនារី ផ្សេងទៀត ក៏សុទតែមានជំនឿចិត្តដូចគ្នា ហេតុដូចនេះ យើងពុំអាចមើលស្រាលគូរប្រកួតបានឡើយ។ ការបន្ទាបខ្លួនគឺជាជ័យជំនះធំបំផុតសម្រាប់កញ្ញា៕ អត្ថបទ៖ អាណា

បណ្ដាញសង្គម

ព័ត៌មានថ្មីៗ

គម្រប់ខួប១២ឆ្នាំ ឈានចូល១៣ឆ្នាំ ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានចូលរួមលើកកម្ពស់សុខុមាលភាពជូនប្រជាពលរដ្ឋទូទាំងរាជធានី ខេត្ត

លោកជំទាវ ចម និម្មល លើកទឹកចិត្តវិស័យឯកជនបន្តកិច្ចសហការជាមួយវិស័យរដ្ឋ ដើម្បីពង្រីកសក្តានុពលទីផ្សារនាំចេញ

ចំនួនអ្នកស្លាប់ក្នុងការប៉ះទង្គិចនៃក្រុមនិកាយនៅប៉ាគីស្ថាន ឡើងជាង ១៣០នាក់

ព្យុះស៊ីក្លូន Fengal បានសម្លាប់មនុស្សជិត ២០នាក់ នៅប្រទេសឥណ្ឌា និងស្រីលង្កា

ការរត់ចោលជួរគំរាមកំហែងដល់កម្លាំងទ័ពអ៊ុយក្រែន ក្នុងពេលសំខាន់នៃសង្រ្គាមជាមួយរុស្ស៊ី

ព្យុះព្រិលបន្តកើតមាននៅផ្នែកខ្លះនៃសហរដ្ឋអាមេរិក ក្នុងពេលការធ្វើដំណើរដ៏មមាញឹកនៅចុងសប្តាហ៍

មេដឹកនាំកោះតៃវ៉ាន់ ប្ដេជ្ញាបញ្ចៀសសង្រ្គាម ក្នុងដំណើរដ៏រសើបទៅកាន់កោះហាវ៉ៃ

ជនភៀសខ្លួនលីបង់ បន្តត្រឡប់ទៅផ្ទះសម្បែងដើម្បីកសាងជីវិតឡើងវិញ បន្ទាប់ពីបទឈប់បាញ់

តំណាងអយ្យការសម្រេចចោទប្រកាន់ចៅសង្កាត់ចោមចៅទី២ និងស្រីម្នាក់

សហជីព និងពលរដ្ឋសម្តែងការហួសចិត្ត ដែលក្រុមប្រឆាំងនៅក្រៅប្រទេស យកបុគ្គលធ្លាប់ជាប់គុក និយាយកុហករឿងព្រំដែន មកធ្វើបទឧទ្ទេសនាមរឿងព្រំដែនទៀត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សិល្បៈកម្សាន្ត

ក្រុមគាំទ្របរិស្ថានដាក់បង្ហាញរូបចម្លាក់ទឹកកកតំណាងឲ្យការការពារមហាសមុទ្រអង់តាក់ទិកនៅប្រទេសឈីលី

ភាពយន្តភាគរឿង «កូនប្រុសក្រោមពន្លឺព្រះចន្ទពេញបូណ៌មី»ចាប់បញ្ចាំងហើយលើកញ្ចក់ទូរទស្សន៍បាយ័ន

ការសម្ដែងសិល្បៈរបស់កម្ពុជាក្នុងព្រឹត្តិការណ៍ ឈីងហ្កេ ទទួលបានការគាំទ្រជាខ្លាំង

ខ្មែរ ប៊ែវើរីជីស រីករាយនាំយកព្រឹត្តិការណ៍ឆ្លងឆ្នាំដ៏ធំផ្តល់ការកម្សាន្ត ជូនពលរដ្ឋរស់នៅខេត្តកំពង់ស្ពឺ

ម្ចាស់ជ័យលាភីលេខ១ នៃសហគ្រិនថ្នាក់ជាតិឆ្នាំ២០២២នេះបានទៅលេីលោក ឈរ រិទ្ធី

កម្មវិធីល្ខោនខ្មែរ ៖ រកឃើញហើយ កូនក្រុមទាំង៣ក្រុម របស់គ្រូបង្វឹកនីមួយៗ នៃកម្មវិធីល្ខោនខ្មែរ រដូវកាលទី១

ភាពយន្តចម្រៀង"ជីវិតក្មេងវត្ត"ស្នាដៃនិពន្ធដ៏ខ្ពង់ខ្ពស់របស់សម្តេចតេជោ

“ពិធីជួបជុំបណ្តាញមិត្តយើង”ទទួលបានការបរិច្ចាគគាំទ្រយ៉ាងផុសផុលពីសប្បុរសជនជាង ៥ម៉ឺនដុល្លារ

កម្ពុជាសង្ឃឹមថា នឹងដណ្ដើមបានម្កុដបវរកញ្ញាចក្រវាលនៅអាម៉េរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សិល្បៈកម្សាន្ត

ក្រុមគាំទ្របរិស្ថានដាក់បង្ហាញរូបចម្លាក់ទឹកកកតំណាងឲ្យការការពារមហាសមុទ្រអង់តាក់ទិកនៅប្រទេសឈីលី

ភាពយន្តភាគរឿង «កូនប្រុសក្រោមពន្លឺព្រះចន្ទពេញបូណ៌មី»ចាប់បញ្ចាំងហើយលើកញ្ចក់ទូរទស្សន៍បាយ័ន

ការសម្ដែង​សិល្បៈ​របស់​កម្ពុជា​ក្នុង​ព្រឹត្តិការណ៍ ឈី​ង​ហ្កេ ទទួលបាន​ការគាំទ្រ​ជាខ្លាំង

ខ្មែរ ប៊ែវើរីជីស រីករាយនាំយកព្រឹត្តិការណ៍ឆ្លងឆ្នាំដ៏ធំផ្តល់ការកម្សាន្ត ជូនពលរដ្ឋរស់នៅខេត្តកំពង់ស្ពឺ

ម្ចាស់ជ័យលាភីលេខ១ នៃសហគ្រិនថ្នាក់ជាតិឆ្នាំ២០២២នេះបានទៅលេីលោក ឈរ រិទ្ធី

កម្មវិធីល្ខោនខ្មែរ ៖ រកឃើញហើយ កូនក្រុមទាំង៣ក្រុម របស់គ្រូបង្វឹកនីមួយៗ នៃកម្មវិធីល្ខោនខ្មែរ រដូវកាលទី១

ភាពយន្តចម្រៀង"ជីវិតក្មេងវត្ត"ស្នាដៃនិពន្ធដ៏ខ្ពង់ខ្ពស់របស់សម្តេចតេជោ

“ពិធីជួបជុំបណ្តាញមិត្តយើង”ទទួលបានការបរិច្ចាគគាំទ្រយ៉ាងផុសផុលពីសប្បុរសជនជាង ៥ម៉ឺនដុល្លារ

កម្ពុជា​សង្ឃឹមថា នឹង​ដណ្ដើម​បាន​ម្កុដ​​បវរកញ្ញា​ចក្រវាល​នៅ​អាម៉េរិក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការសម្ដែងសិល្បៈរបស់កម្ពុជាក្នុងព្រឹត្តិការណ៍ ឈីងហ្កេ ទទួលបានការគាំទ្រជាខ្លាំង

កម្ពុជាសង្ឃឹមថា នឹងដណ្ដើមបានម្កុដបវរកញ្ញាចក្រវាលនៅអាម៉េរិក