BTV NEWS

មនុស្សប្រុសស្រីពាក់ព័ន្ធករណីបង្កគ្រោះថ្នាក់ចរាចរណ៍នៅខណ្ឌឫស្សីកែវ បណ្តាលឲ្យក្មេងម្នាក់រងរបួសធ្ងន់នឹងត្រូវបញ្ចូនទៅតុលាការទាំង ២នាក់

ជនបរទេស ១,៥៥៦នាក់ ត្រូវបានបណ្ដេញចេញពីកម្ពុជាពាក់ព័ន្ធករណី Online Scams និងធ្វើការងារស្នាក់នៅខុសច្បាប់

ស្នងការរាជធានី បញ្ជាឲ្យកម្លាំងសមត្ថកិច្ចចុះពិនិត្យទីតាំងផាប់មួយកន្លែង នៅខណ្ឌទួលគោក ក្រោយឃើញមានក្មេងៗទៅប្រមូលផ្តុំផឹកស៊ីទាំងថ្ងៃ

ពលរដ្ឋម្នាក់ស្លាប់ និងម្នាក់រងរបួសករណីផ្ទុះគ្រាប់បែកចង្កោម នៅស្រុកស្វាយចេក ខេត្តបន្ទាយមានជ័យ

សន្តិសុខ និង សង្គម

គ្រាប់រ៉ុក្កែតជាច្រើនគ្រាប់ កំពុងត្រូវបានគេប្រើ ខណៈអ៊ីស្រាអែលនិងក្រុមហេសបូឡា បានប្រយុទ្ធគ្នា នៅព្រំដែន

អ៊ីស្រាអែល បានធ្វើការវាយប្រហារនៅភាគឦសាននៃប្រទេសលីបង់ចំនួនពីរថ្ងៃជាប់គ្នា ដោយក្រុមហេសបូឡា បានបាញ់គ្រាប់រ៉ុក្កែត១០០គ្រាប់ ត្រឡប់មកវិញ។ក្រុមហេសបូឡាដែលគាំទ្រដោយអ៊ីរ៉ង់ បានបាញ់រ៉ុក្កែតចំនួន ១០០គ្រាប់ ជាការសងសឹកចំពោះការវាយប្រហាររបស់អ៊ីស្រាអែលចូលយ៉ាងជ្រៅនៅក្នុងទឹកដីលីបង់កាលពីយប់ថ្ងៃអង្គារ ដែលបានសម្លាប់ជនស៊ីវិល ម្នាក់។ ការវាយប្រហារដោយគ្រាប់រ៉ុក្កែត មិនត្រូវបានគេជឿថា បានបង្កការខូចខាតធ្ងន់ធ្ងរ ឬស្លាប់និងរបួសនៅក្នុងប្រទេសអ៊ីស្រាអែលនោះទេ ប៉ុន្តែជាឧបសគ្គដ៏ធំបំផុតមួយ នៅក្នុងជម្លោះរយៈពេល៥ខែ។ក្រោយមក អ៊ីស្រាអែល បានធ្វើការវាយប្រហារតាមអាកាសមួយផ្សេងទៀតនៅទីក្រុង Baalbek ដែលមានចម្ងាយប្រហែល ៦០ម៉ាយពីព្រំដែនរបស់ខ្លួន និងខ្សែត្រៀមជួរមុខភាគខាងត្បូង ដែលត្រូវបានគេរាយការណ៍ថា បានបំផ្លាញឃ្លាំងអាហារ និងបានសម្លាប់សមាជិកក្រុមហេសបូឡា។ អ៊ីស្រាអែល បាននិយាយថា ខ្លួនបានវាយប្រហារមជ្ឈមណ្ឌលបញ្ជាការចំនួនពីរ។ក្រុមហេសបូឡា បាននិយាយថា បទឈប់បាញ់នៅហ្កាហ្សា នឹងក្លាយជាមធ្យោបាយតែមួយគត់ ដើម្បីស្តារភាពស្ងប់ស្ងាត់ នៅតាមព្រំដែនលីបង់ និងអ៊ីស្រាអែល ទោះបីជារដ្ឋមន្ត្រីការពារជាតិអ៊ីស្រាអែល លោក យ៉ូអាវ ហ្គាឡែនធ៍ (Yoav Gallant) បានបញ្ជាក់កាលពីខែមុនថា អ្នកណាដែលគិតថា បទឈប់បាញ់ បណ្តោះអាសន្នសម្រាប់តំបន់ហ្កាហ្សា ក៏នឹងអនុវត្តចំពោះជួរមុខភាគខាងជើងដែរនោះ គឺជារឿងយល់ ច្រឡំ។

មនុស្សម្នាក់ស្លាប់ និង២២នាក់រងរបួស ក្នុងការផ្ទុះនៅភោជនីយដ្ឋានភាគខាងជើងប្រទេសចិន

ប្រព័ន្ធផ្សព្វផ្សាយរដ្ឋបានរាយការណ៍ថា ការផ្ទុះហ្គាសដ៏ខ្លាំងដែលគេសង្ស័យ បានបណ្តាលឲ្យមនុស្សម្នាក់ ស្លាប់ និងរងរបួស២២នាក់ផ្សេងទៀតនៅក្នុងខេត្ត Hebei ភាគខាងជើងប្រទេសចិន នៅថ្ងៃពុធនេះ ដោយវីដេអូប្រព័ន្ធផ្សព្វផ្សាយសង្គម បានបង្ហាញពីអគាររងការខូចខាតធ្ងន់ធ្ងរ។ទូរទស្សន៍រដ្ឋ CCTV បាននិយាយថា ការផ្ទុះបានកើតឡើងនៅមុនម៉ោង ៨ ព្រឹក នៅក្នុងតំបន់លំនៅឋាន មួយកន្លែងក្នុងទីក្រុង Sanhe មានចម្ងាយមិនដល់ ៥០ គីឡូម៉ែត្រនោះទេ ភាគខាងកើតរដ្ឋធានី ប៉េកាំង។ ប្រព័ន្ធផ្សព្វផ្សាយ បានរាយការណ៍ថា មនុស្សម្នាក់បានស្លាប់ និង ២២ នាក់ទៀតរងរបួស ហើយ ការផ្ទុះនេះត្រូវបានគេសង្ស័យថា បណ្តាលមកពីការលេចធ្លាយឧស្ម័ននៅហាងលក់មាន់បំពង។ប្រព័ន្ធផ្សព្វផ្សាយ CCTV បានរាយាការណ៍ថា ការផ្ទុះបានកើតឡើងនៅភោជនីយដ្ឋានជាន់ផ្ទាល់ដី ក្នុង តំបន់លំនៅឋានចាស់ ហើយអ្នករងរបួស ត្រូវបានបញ្ជូនទៅកាន់មន្ទីរពេទ្យ។ វីដេអូដែលផ្សព្វផ្សាយតាមប្រព័ន្ធអ៊ីនធឺណិតរបស់រដ្ឋ បានបង្ហាញពីការផ្ទុះខ្លាំង បានបញ្ចេញផ្សែង និង អណ្តាតភ្លើង ឆ្លងកាត់ផ្លូវដ៏មមាញឹកនៅពេលព្រឹកព្រលឹម។ វីដេអូមួយផ្សេងទៀត នៅលើប្រព័ន្ធផ្សព្វ ផ្សាយសង្គមបានបង្ហាញពីអ្វីដែលទំនងជាអគារមួយ បានបាក់រលំទាំងស្រុង ហើយរថយន្តជាច្រើន គ្រឿងត្រូវបានបំផ្លាញ។បុគ្គលិកជួយសង្គ្រោះបានប្រញាប់ប្រញាល់ទៅកាន់កន្លែងកើតហេតុ ខណៈនាយកដ្ឋានពន្លត់អគ្គីភ័យ ក្នុងស្រុក Langfang បាននិយាយថា រថយន្តគិលានសង្គ្រោះចំនួន ៣៦គ្រឿង និងបុគ្គលិក ១៥៤ នាក់ ត្រូវបានបញ្ជូនទៅកាន់កន្លែងកើតហេតុ។នាយកដ្ឋានពន្លត់អគ្គីភ័យ បាននិយាយថា អគ្គិភ័យ ស្ថិតក្រោមការគ្រប់គ្រងដោយប្រសិទ្ធភាព ហើយការងារជួយសង្គ្រោះត្រូវបានអនុវត្តបន្ទាន់។

បុរសម្នាក់ ប្លន់រថយន្តក្រុងក្នុងទីក្រុង Rio de Janeiro និងបានបាញ់មនុស្ស២នាក់

យោងតាមនគរបាលក្នុងតំបន់បានឱ្យដឹងថា បុរសម្នាក់បានប្លន់នៅលើរថយន្តក្រុងមួយគ្រឿង នៅ ស្ថានីយ៍រថយន្តក្រុង Rio de Janeiro ប្រទេសប្រេស៊ីល កាលពីថ្ងៃអង្គារ និងបានបាញ់ទៅលើមនុស្ស ពីរនាក់។ នគរបាលទីក្រុង Rio បាននិយាយនៅលើប្រព័ន្ធផ្សព្វផ្សាយសង្គមថា អ្នករងរបួស ត្រូវបានបញ្ជូនទៅកាន់មន្ទីរពេទ្យ ខណៈកម្លាំងប្រតិបត្តិការពិសេស បានចរចាជាមួយបុរសដែលចាប់ អ្នកដំណើរទាំងអស់ជាចំណាប់ខ្មាំង។ ប្រព័ន្ធផ្សព្វផ្សាយក្នុងស្រុកបានរាយការណ៍ថា បន្ទាប់ពីរយៈពេល បីម៉ោង ជនចាប់ជំរិត បានប្រគល់ខ្លួន ទៅឱ្យអាជ្ញាធរ ហើយគ្មានចំណាប់ខ្មាំងណាម្នាក់រងរបួសឡើយ។ យោងតាមអ្នកនាំពាក្យរបស់នគរបាលទីក្រុង Rio បាននិយាយថា បុរសនោះមិនត្រូវបានអាជ្ញាធរ បង្ហាញ អត្តសញ្ញាណនៅឡើយ ខណៈបានប្រគល់ខ្លួនទៅឱ្យនគរបាល។ រថយន្តក្រុង គ្រោងនឹងចេញ ដំណើរទៅកាន់ទីក្រុង ជូអ៊ីស ដេ ហ្វ័រ៉ា (Juiz de Fora) ក្នុងរដ្ឋ មីនណាស់ ហ្គឺរ៉ៃស៍(Minas Gerais) កំពុងរង់ចាំនៅចំណតស្ថានីយ៍កាលពីរសៀលថ្ងៃអង្គារ នៅពេលនោះជនសង្ស័យបានចូលទៅក្នុងរថយន្ត ក្រុង បន្ទាប់មកបានបាញ់ប្រហារ បណ្តាលឱ្យមនុស្សពីរនាក់រងរបួស នៅខាងក្រៅរថយន្តក្រុង។អ្នកនាំពាក្យ លោក Andrade បាននិយាយថា បុរសនោះត្រូវបានចាប់ខ្លួន ហើយចំណាប់ខ្មាំងទាំងអស់ ដែលរួមមានមនុស្សចាស់ និងកុមារ ត្រូវបានដោះលែង។ ការលួច និងប្លន់ ដែលដាក់គោលដៅ លើរថយន្តក្រុងនៅជិតស្ថានីយ៍រថយន្តក្រុងធំៗរបស់ទីក្រុង Rio បានក្លាយជារឿងធម្មតានៅឆ្នាំនេះ ដោយរថយន្តក្រុងនៅក្នុងករណីមួយចំនួន ត្រូវបានគេនាំយកទៅកាន់តំបន់នៃទីជនបទក្រីក្ររបស់ ទីក្រុង។

មនុស្សរាប់ពាន់នាក់តវ៉ានៅប្រទេសស្លូវ៉ាគី ប្រឆាំងគោលនយោបាយរបស់រដ្ឋាភិបាលចំពោះរុស្ស៊ី

មនុស្សរាប់ពាន់នាក់បានចេញធ្វើបាតុកម្មនៅរដ្ឋធានី ប្រាទីស្លាវ៉ា (Bratislava) ប្រទេសស្លូវ៉ាគី កាលពីថ្ងៃអង្គារ ដើម្បីបង្ហាញការគាំទ្ររបស់ពួកគេចំពោះអ៊ុយក្រែន និងតវ៉ាប្រឆាំងរដ្ឋាភិបាលស្លូវ៉ាគី ដែលក្រុម អ្នករិះគន់ និយាយថា បានងាកទៅរកប្រទេសរុស្ស៊ីកាន់តែជិត។ រដ្ឋាភិបាលរបស់នាយក រដ្ឋមន្ត្រី លោក Robert Fico បានលើកឡើងការព្រួយបារម្មណ៍ក្នុងចំណោមអ្នករិះគន់ ចាប់តាំងពីលោក ឡើងកាន់តំណែងកាលពីខែតុលាឆ្នាំមុន ដោយមានការរិះគន់យ៉ាងខ្លាំង ចំពោះ ជំនួយយោធារបស់ សហភាពអឺរ៉ុបដល់ប្រទេសអ៊ុយក្រែន និងការជំរុញរបស់ខ្លួន ក្នុងការបន្តទំនាក់ទំនងជាមួយរុស្ស៊ី ទាំង ផ្នែកវប្បធម៌ និងនយោបាយ។ រឿងរ៉ាវចុងក្រោយបំផុតបានកើតឡើងនៅខែនេះ នៅពេលដែលរដ្ឋមន្ត្រី ការបរទេសស្លូវ៉ាគី លោក ជូរ៉ាច ប្លានណា(Juraj Blanar) បានជួបពិភាក្សាជាមួយសមភាគីរុស្ស៊ី លោក Sergei Lavrov ជាជំនួបកម្រិតខ្ពស់ដ៏កម្ររវាងរដ្ឋសមាជិកសហភាពអឺរ៉ុប និងប្រទេសមួយ ដែលសហភាពអឺរ៉ុប បានព្យាយាមដាក់ឲ្យនៅឯកោ។ ប្រជាជន បាននិយាយពីវេទិកាមួយ ដែលដាក់ ស្លាកសរសេរថា ប្រទេសរុស្ស៊ី ជា «រដ្ឋភេរវករ» ដែលបានព្យួរ ជាមួយទង់ជាតិប្រទេសស្លូវ៉ាគី អ៊ុយក្រែន សហភាពអឺរ៉ុប និងទង់ជាតិសម្ព័ន្ធយោធាណាតូ។ លោក Fico បានប្រឈមមុខទៅនឹងការតវ៉ា ដែល ដឹកនាំដោយក្រុមប្រឆាំង ដែលប្រឆាំងទៅនឹងគោលនយោបាយរបស់លោក ភាគច្រើនជាការផ្លាស់ប្តូរ ក្រមព្រហ្មទណ្ឌ ដែលអ្នករិះគន់និយាយថា ធ្វើឱ្យចុះខ្សោយ ការប្រយុទ្ធប្រឆាំងអំពើពុករលួយ។ លោក Fico បានការពារគោលនយោបាយការបរទេស «មានតុល្យភាព និងអធិបតេយ្យភាព» របស់រដ្ឋាភិបាលលោក និងបាននិយាយថាពុំមានដំណោះស្រាយយោធាចំពោះជម្លោះនៅក្នុង ប្រទេស អ៊ុយក្រែននោះទេ។ សម្ព័ន្ធមិត្តប្រទេសលោកខាងលិចរបស់អ៊ុយក្រែន បានច្រានចោលការលើកឡើងនេះ ដោយនិយាយថា ការបញ្ឈប់ជំនួយនឹងនាំទៅរកការបរាជ័យរបស់អ៊ុយក្រែន ជាជាងការចរចា។

នគរបាលម៉ិកស៊ិក ដែលតាមការចោទប្រកាន់ថា បានសម្លាប់និស្សិតបានរត់គេចខ្លួន ខណៈ មិត្តរួមថ្នាក់តវ៉ា

និស្សិតប្រទេសម៉ិកស៊ិក បានវាយសម្រុកចូលបរិវេណអគារការិយាល័យរបស់រដ្ឋអាជ្ញា រដ្ឋ Guerrero កាលពីថ្ងៃអង្គារ បន្ទាប់ពីប្រធានាធិបតី លោក Andres Manuel Lopez Obrador បានផ្តល់ព័ត៌មានថា ភ្នាក់ងារនគរបាលដែលតាមការចោទប្រកាន់ថា បានសម្លាប់មិត្តរួមថ្នាក់របស់និស្សិត កាលពីសប្តាហ៍មុន បានរត់គេចខ្លួនពីការឃុំឃាំង។ប្រព័ន្ធផ្សព្វផ្សាយក្នុងស្រុកបានរាយការណ៍ថា និស្សិតមកពីសាលាអាយ៉ូហ្សីនណាប៉ា(Ayotzinapa) នៅរដ្ឋ ហ្គូរ៉េរ៉ូ (Guerrero) ភាគខាងត្បូង និងសមាជិកនៃអង្គការនិស្សិត បានសម្រុកចូល បរិវេណ ការិយាល័យ ដោយបានបំផ្លាញយានយន្តចំនួន ១១ គ្រឿង និងបង្ករបួសដល់ភ្នាក់ងារចំនួន ២០ នាក់ ។ភាពចលាចល បានចាប់ផ្តើមកាលពីថ្ងៃព្រហស្បតិ៍សប្តាហ៍មុន នៅពេលដែលនគរបាលរដ្ឋ បានបាញ់ ទៅលើរថយន្តមួយគ្រឿងដឹកនិស្សិតជនបទ បណ្តាលឲ្យសិស្សិតឈ្មោះ យ៉ានហ្គី កូថាន ហ្គោម៉េ (Yanqui Kothan Gomez) អាយុ ២៣ ឆ្នាំ ស្លាប់។ប្រព័ន្ធផ្សព្វផ្សាយក្នុងស្រុកបានរាយការណ៍ថា លោក Lopez Obrador បានថ្កោលទោស ការស្លាប់របស់និស្សិតរូបនេះ កាលពីថ្ងៃចន្ទដោយបាននិយាយថា វាគឺជា «ការបំពានលើសិទ្ធអំណាច» ។ករណីបាញ់សម្លាប់នេះ បានកើតឡើងមួយថ្ងៃបន្ទាប់ពីមនុស្សមួយក្រុមធ្វើការតវ៉ាជុំវិញ ការបាត់ខ្លួន និស្សិត ៤៣ នាក់ ក្នុងប្រទេសម៉ិកស៊ិកក្នុងឆ្នាំ ២០១៤ ដែលបានទម្លាយទ្វារចូលវិមានប្រធានាធិបតី របស់ប្រទេស ទាមទារយុត្តិធម៌សម្រាប់សំណុំរឿងដែលមិនទាន់បានដោះស្រាយ។

សង្គ្រាមអ៊ីស្រាអែលនៅតំបន់ហ្កាហ្សា៖ សហភាពអឺរ៉ុបអះអាងថា ភាពស្រេកឃ្លាន ត្រូវបានប្រើប្រាស់ជាអាវុធ

ប្រធានគោលនយោបាយការបរទេសរបស់សហភាពអឺរ៉ុប បានអះអាងថា ភាពស្រេកឃ្លាន កំពុងត្រូវបានប្រើប្រាស់ជាអាវុធនៃសង្គ្រាមនៅក្នុងតំបន់ហ្កាហ្សា។លោកចូ សិបបូរ៉ែល (Joseph Borrell) បានពណ៌នាការខ្វះខាតជំនួយដែលចូលទៅក្នុងទឹកដីនេះថា ជាគ្រោះមហន្តរាយដែល«មនុស្សបង្កើតឡើង»។នាវាអេស្ប៉ាញមួយគ្រឿងដែលដឹកស្បៀងអាហារ បានចាកចេញពីប្រទេសកោះស៊ីបទៅកាន់តំបន់ហ្កាហ្សា ប៉ុន្តែអង្គការសហប្រជាជាតិនិយាយថា នេះមិនអាចជំនួសការផ្តល់ជំនួយតាមផ្លូវគោកបានទេ។នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ (Benjamin Netanyahu) បានប្តេជ្ញាថា នឹងបន្តការវាយលុកនៅតំបន់ហ្កាហ្សា ភាគខាងត្បូង។មធ្យោបាយលឿនបំផុត និងមានប្រសិទ្ធភាពបំផុតក្នុងការទទួលបានជំនួយចូលទៅក្នុងទឹកដី គឺតាមផ្លូវគោក ប៉ុន្តែភ្នាក់ងារផ្តល់ជំនួយនិយាយថា ការរឹតបន្តឹងរបស់អ៊ីស្រាអែល មានន័យថា ចំណែកនៃអ្វីដែលត្រូវការចាំបាច គឺអនុញ្ញាតឲ្យចូលបាន។ជំនួសមកវិញ ការយកចិត្តទុកដាក់ បានផ្លាស់ប្តូរឆ្ពោះទៅរកផ្លូវជំនួស រួមទាំងការទម្លាក់ជំនួយតាមសមុទ្រ និងតាមអាកាស។អ៊ីស្រាអែល និយាយថា ខ្លួនមិនត្រូវស្តីបន្ទោសចំពោះការខ្វះខាតស្បៀងអាហាររបស់តំបន់ហ្កាហ្សានោះទេ ខណៈដែលខ្លួន កំពុងអនុញ្ញាតឲ្យផ្តល់ជំនួយតាមរយៈច្រកឆ្លងកាត់ពីរ នៅភាគខាងត្បូង។

ប្រទេសកេនយ៉ា ផ្អាកបេសកកម្មនៅប្រទេសហៃទី បន្ទាប់ពីមានមន្ទិលសង្ស័យជាច្រើន

រដ្ឋាភិបាលប្រទេសកេនយ៉ា បានជួបបញ្ហាប្រឈម កាលពីថ្ងៃអង្គារដោយបានប្រកាសថាខ្លួន នឹងផ្អាក ការដាក់ពង្រាយមន្ត្រីនគរបាលកេនយ៉ា ដែលបានពន្យារពេលជាយូរមកហើយ ដើម្បីដោះស្រាយ អំពើ ហិង្សា ដែលកំពុងកើនឡើងនៅក្នុងប្រទេសហៃទី។ នាយករដ្ឋ មន្ត្រីហៃទី លោក អារីយ៉ែល ហេនរី (Ariel Henry) និងប្រធានាធិបតី កេនយ៉ា លោក វីលៀម រូតូ(William Ruto) បានចុះហត្ថលេខាលើកិច្ច ព្រម ព្រៀងមួយដែលលោក Ruto បាននិយាយថា នឹងតាមដានយ៉ាងឆាប់រហ័សនូវការដាក់ពង្រាយមន្រ្តី ទៅកាន់ប្រទេសតំបន់សមុទ្រការ៉ាអ៊ីបមួយនេះ។ នៅពេលនេះ លោក Henry បានប្រកាសលាលែងពីតំណែងភ្លាមៗនៅពេលដែលក្រុមប្រឹក្សាអន្តរកាល និងមេដឹកនាំបណ្តោះអាសន្ន ត្រូវបានជ្រើសរើស។ ប៉ុន្តែវាមិនច្បាស់នោះទេថា នៅពេលណា ដែលអាច កើតឡើងជាមួយនឹងស្ថានភាពសន្តិសុខដ៏តានតឹងនៅក្នុងរដ្ឋធានី ព័រ អូប្រាំង (Port-au-Prince)។ មន្ត្រីការទូតជាន់ខ្ពស់របស់ប្រទេសកេនយ៉ា បានប្រាប់សារព័ត៌មានរ៉យទ័រកាលពីថ្ងៃអង្គារថា ការដាក់ ពង្រាយកងកម្លាំងនគរបាលបានផ្អាកដោយកំពុងរង់ចាំ ការចង្អុលបង្ហាញច្បាស់លាស់ ដែលថា រដ្ឋា ភិបាលបណ្តោះអាសន្នថ្មីនឹងដំណើរការ។ មន្ត្រីសហរដ្ឋអាមេរិកបាននិយាយកាលពីថ្ងៃអង្គារថា សមាជិក ក្រុមប្រឹក្សាអន្តរកាលនឹងត្រូវបានតែងតាំងក្នុងរយៈពេល ៤៨ ម៉ោង បន្ទាប់ពីកិច្ចពិភាក្សា ក្នុងសប្តាហ៍នេះ នៅប្រទេសចាម៉ៃកា រវាងមេដឹកនាំតំបន់សមុទ្រការ៉ាអ៊ីប និងរដ្ឋមន្ត្រីការបរទេសសហរដ្ឋអាមេរិក លោក Antony Blinken ។ មន្ត្រីអាមេរិក និយាយថា ខ្លួនមានទំនុកចិត្តថា ការដាក់ពង្រាយកងកម្លាំងសន្តិសុខ នឹងនៅតែដំណើរការឆ្ពោះទៅមុខ នៅពេលដែលមេដឹកនាំថ្មីរបស់ប្រទេសហៃទី ត្រូវបានតែងតាំង តាមរយៈដំណើរការអន្តរកាល។ ការដាក់ពង្រាយកងកម្លាំងរបស់ប្រទេសកេនយ៉ា បានប្រឈមមុខទៅនឹងឧបសគ្គធំៗ មុនពេលលោក Henry លាលែងពីតំណែង រួមទាំងការរិះគន់ពីអ្នកនយោបាយប្រឆាំង ដែលចាត់ទុក បេសកកម្មនេះថា មានគ្រោះថ្នាក់ខ្លាំង និងពុំមែនជាផលប្រយោជន៍ជាតិរបស់ប្រទេសកេនយ៉ាឡើយ។

អង្គការសហប្រជាជាតិ ប្រើផ្លូវគោកថ្មីពីអ៊ីស្រាអែល ដើម្បីដឹកជញ្ជូនជំនួយទៅតំបន់ហ្កាហ្សាភាគខាងជើង

អង្គការសហប្រជាជាតិ បានប្រើប្រាស់ផ្លូវគោកថ្មីកាលពីថ្ងៃអង្គារ ដើម្បីចែកចាយស្បៀងអាហារទៅកាន់ តំបន់ហ្កាហ្សាភាគខាងជើងជាលើកដំបូង ក្នុងរយៈពេល៣សប្តាហ៍ ខណៈដែលសម្ពាធពិភពលោក កើនឡើងលើប្រទេសអ៊ីស្រាអែល ដើម្បីអនុញ្ញាតឲ្យចូលទៅកាន់តំបន់ឆ្នេរបន្ថែមទៀត ចំពេលមានទុរ្ភិក្ស កំពុងកើតឡើង។លោក Jamie McGoldrick អ្នកសម្របសម្រួលជំនួយរបស់អង្គការសហប្រជាជាតិសម្រាប់ដែនដីប៉ាឡេស្ទីនដែលគ្រប់គ្រងដោយអ៊ីស្រាអែល បានប្រាប់សារព័ត៌មានរ៉យទ័រថា ក្បួនរថយន្តរបស់កម្មវិធីស្បៀងអាហារពិភពលោក (WFP) បានប្រើប្រាស់ផ្លូវយោធាអ៊ីស្រាអែល ដែលរត់តាមរបងព្រំដែនហ្កាហ្សា ដើម្បីទៅដល់ភាគខាងជើងនៃដែនដីនេះ។អ្នកនាំពាក្យអង្គការស្បៀងអាហារពិភពលោក (WFP) លោក Shaza Moghraby បាននិយាយថា អាហារគ្រប់គ្រាន់សម្រាប់មនុស្ស ២៥.000នាក់ ត្រូវបានបញ្ជូនទៅទីក្រុងហ្កាហ្សា កាលពីព្រឹកថ្ងៃអង្គារ។ នេះគឺជាការដឹកជញ្ជូនលើកដំបូងរបស់ WFP ទៅកាន់ភាគខាងជើង ចាប់តាំងពីថ្ងៃទី២០ខែកុម្ភៈ ហើយ បង្ហាញថា ការដឹកជញ្ជូនស្បៀងអាហារតាមផ្លូវគោក គឺអាចធ្វើទៅបាន។លោក Moghraby បានបន្ថែមទៀតថា៖«យើងសង្ឃឹមថា នឹងពង្រីក យើងត្រូវការលទ្ធភាពចូលឲ្យបានទៀងទាត់ និងមានសុវត្ថភាព ជាពិសេសជាមួយប្រជាជននៅតំបន់ហ្កាហ្សាភាគខាងជើង ដែលស្ថិតក្នុងភាពស្រេកឃ្លាន ។ «យើងត្រូវការចំណុចចូលដោយផ្ទាល់ទៅភាគខាងជើង»។អង្គការសហប្រជាជាតិ បានព្រមានថា យ៉ាងហោចណាស់មនុស្ស ៥៧៦.000 នាក់ នៅតំបន់ហ្កាហ្សា- មួយភាគបួននៃចំនួនប្រជាជន កំពុងស្ថិតក្នុងស្ថានភាពនៃគ្រោះទុរ្ភិក្ស។

អាមេរិក ស្នើឱ្យក្រុមហាម៉ាស ដោះលែងស្ត្រី និងចំណាប់ថ្នូរវ័យចំណាស់ដើម្បីបានបទឈប់បាញ់រយៈពេលយូរ

សេតវិមានកាលពីថ្ងៃអង្គារ (១២ មីនា) បានជំរុញឱ្យក្រុមសកម្មប្រយុទ្ធហាម៉ាស នៅតំបន់ហ្កាហ្សា ដោះលែងចំណាប់ថ្នូរដែលជាស្ត្រី មនុស្សចាស់ជរា និងអ្នកមានរបួស ហើយទទួលយកបទឈប់បាញ់បណ្តោះអាសន្នមួយក្នុងការប្រយុទ្ធជាមួយអ៊ីស្រាអែល ដើម្បីទទួលបានភាពយូរអង្វែងជាងមុន។ទីប្រឹក្សាសន្តិសុខជាតិរបស់សេតវិមានលោក ជេក ស៊ូលីវ៉ាន់ (Jake Sullivan) បានប្រាប់ក្រុមអ្នកយកព័ត៌មានថា «បទឈប់បាញ់រយៈពេលប្រាំមួយសប្តាហ៍ត្រូវបានបង្កើតឡើងនៅក្នុងភាពយូរអង្វែងជាងមុន ប្រសិនបើក្រុមហាម៉ាស យល់ព្រមដោះលែងស្ត្រី អ្នករងរបួស និងមនុស្សចាស់»។អ៊ីស្រាអែលបានទទួលយកលក្ខខណ្ឌនៃបទឈប់បាញ់រយៈពេលប្រាំមួយសប្តាហ៍នេះជាថ្នូរនឹងការដោះលែងចំណាប់ថ្នូរមួយចំនួនដែលត្រូវបានចាប់ខ្លួនដោយក្រុមហាម៉ាស ចាប់តាំងពីការវាយលុកនៅថ្ងៃទី០៧ ខែតុលា របស់ខ្លួនទៅលើភាគខាងត្បូងអ៊ីស្រាអែល ដែលមនុស្ស ១.២០០ នាក់ត្រូវបានសម្លាប់។ក្រុមហាម៉ាស និយាយថាខ្លួននឹងទទួលយកតែកិច្ចព្រមព្រៀងណាមួយ ដែលផ្អែកលើបទឈប់បាញ់អចិន្ត្រៃយ៍ដើម្បីបញ្ចប់សង្គ្រាម និងរួមបញ្ចូលការដកទ័ពអ៊ីស្រាអែលចេញពីតំបន់ហ្កាហ្សា ជាជាងបទឈប់បាញ់បណ្តោះអាសន្នផ្សេងទៀត។ នៅក្រោមសំណើថ្មីបំផុត អ៊ីស្រាអែល នឹងដោះលែងអ្នកទោសប៉ាឡេស្ទីនក្នុងសមាមាត្រ ១០ នាក់ដូរចំណាប់ថ្នូរម្នាក់៕

លោក Netanyahu៖ អ៊ីស្រាអែល នឹងបន្តទៅមុខជាមួយយុទ្ធនាការយោធានៅក្រុង រ៉ាហ្វា

នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បាននិយាយកាលពីថ្ងៃអង្គារ (១២ មីនា) ថាអ៊ីស្រាអែល នឹងបន្តទៅមុខជាមួយនឹងយុទ្ធនាការយោធារបស់ខ្លួនចូលទៅក្នុងទីក្រុង រ៉ាហ្វា (Rafah) ភាគខាងត្បូងតំបន់ហ្កាហ្សាស្រ្ទីប ស្របពេលមានកំណើនសម្ពាធពីអន្តរជាតិកាន់តែខ្លាំង។បណ្ដាប្រទេសជាច្រើនបានចូលរួមក្នុងការអំពាវនាវឱ្យអ៊ីស្រាអែល មិនវាយលុកជើងគោកលើក្រុង រ៉ាហ្វា ដែលជាតំបន់សុវត្ថិភាពចុងក្រោយបំផុតមួយ ដែលមានមនុស្ស ១,៥ លាននាក់កំពុងស្វែងរកទីជម្រកនៅទីនោះ។ លោក ណេតាន់យ៉ាហ៊ូ បាននិយាយនៅក្នុងសុន្ទរកថាតាមវីដេអូទៅកាន់សន្និសីទមួយថា «យើងនឹងបញ្ចប់ការងារនៅក្រុង រ៉ាហ្វា ខណៈពេលដែលអាចឱ្យប្រជាជនស៊ីវិលរួចផុតពីគ្រោះថ្នាក់»។ការអត្ថាធិប្បាយរបស់លោក ណេតាន់យ៉ាហ៊ូ នេះបានកើតឡើងនៅពេលដែលបណ្ដាមេដឹកនាំសហភាពអឺរ៉ុប មានគម្រោងជំរុញអ៊ីស្រាអែល កុំឱ្យចាប់ផ្តើមប្រតិបត្តិការជើងគោកនៅរ៉ាហ្វា នេះបើយោងតាមពង្រាងសេចក្តីសន្និដ្ឋាននៃកិច្ចប្រជុំកំពូលមួយ។ អត្ថបទពង្រាងនេះនឹងតម្រូវឱ្យមានការយល់ព្រមពីមេដឹកនាំជាតិទាំង ២៧ របស់សហភាពអឺរ៉ុប ដែលនឹងត្រូវអនុម័តនៅក្នុងកិច្ចប្រជុំកំពូលនៅថ្ងៃទី២១ និងទី២២ ខែមីនា ខាងមុខ។ប្រធានាធិបតីអាមេរិក លោក ចូ បៃដិន (Joe Biden) បាននិយាយកាលពីថ្ងៃសៅរ៍ថា លោក ណេតាន់យ៉ាហ៊ូ កំពុង «ធ្វើបាប ជាជាងជួយអ៊ីស្រាអែល» ដោយការធ្វើសង្រ្គាមតាមរបៀបដែលផ្ទុយនឹងតម្លៃរបស់ប្រទេស៕

បណ្ដាញសង្គម

ព័ត៌មានថ្មីៗ

អនុប្រធានក្តាប់រួមអាជ្ញាធរទន្លេសាប ដឹកនាំកិច្ចប្រជុំកិច្ចការ ការពារធនធានធម្មជាតិព្រៃលិចទឹក

អគ្គនាយកដ្ឋានគយ និងរដ្ឋាករ នាំយកអំណោយគ្រឿងឧបភោគបរិភោគ និងសម្ភារៈផ្តល់ជូនជនភៀសសឹក

ប្រទេសចិន ប្ដេជ្ញាថានឹងបើកសេដ្ឋកិច្ចរបស់ខ្លួនឱ្យកាន់តែទូលាយសម្រាប់ក្រុមហ៊ុនបរទេស

មន្ត្រីអ៊ីរ៉ង់៖ ទីតាំងស៊ីវិលជាង ៨ម៉ឺនកន្លែង រងការវាយប្រហារពីអាមេរិក-អ៊ីស្រាអែល ចាប់តាំងពីសង្គ្រាមចាប់ផ្តើម

ក្រុមបាតុករប្រមូលផ្តុំគ្នាតវ៉ានៅចក្រភពអង់គ្លេស និងអាល្លឺម៉ង់ ប្រឆាំងនឹងសង្រ្គាមអ៊ីរ៉ង់

អ៊ីរ៉ង់៖ ច្រកហ័រមូស បើកចំហចំពោះនាវាទាំងអស់ លើកលែងតែនាវាដែលមាន «ទំនាក់ទំនងជាមួយសត្រូវ»

ទិវារត់ប្រណាំងអន្ដរជាតិពាក់កណ្ដាលម៉ារ៉ាតុង នៅព្រះសីហនុ ធ្វើឡើងដើម្បីទាក់ទាញទេសចរណ៍

ប្រធានក្រុមការងារគណបក្សចុះមូលដ្ឋានក្រុងបូកគោប្រាប់ឲ្យផ្តោតការយកចិត្តទុកដាក់ពង្រឹងសមត្ថភាពយុវជន

ក្រុមបាតុកររាប់សែននាក់នៅប្រទេសឆេក បានប្រមូលផ្តុំគ្នាតវ៉ាប្រឆាំងនឹងរដ្ឋាភិបាលថ្មី

របាយការណ៍៖ នាវាមុជទឹកដើរដោយថាមពលនុយក្លេអ៊ែររបស់អង់គ្លេស ដាក់ពង្រាយក្នុងសមុទ្រអារ៉ាប់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877