BTV NEWS

តំណាងអយ្យការសម្រេចបើកការស៊ើបសួរ លើជនត្រូវចោទឆេង ភារុណ និងបក្សពួកម្នាក់ទៀត ក្នុងសំណុំរឿងហិង្សានៅខណ្ឌបឹងកេងកង

មន្ត្រីជាន់ខ្ពស់រាជរដ្ឋាភិបាល ណែនាំនិស្សិត ដែលត្រៀមទៅសិក្សានៅរុស្ស៊ី ឱ្យលើកកម្ពស់វប្បធម៌ជាតិ និងបង្ហាញពីជំហររាជរដ្ឋាភិបាលលើបញ្ហាព្រំដែន និង Online scam

កម្លាំងគណៈបញ្ជាការឯកភាពរាជធានី បន្តបង្ក្រាបអនឡាញស្គេម ចំនួន៤ទីតាំង ឃាត់ជនសង្ស័យ៦នាក់

តំណាងអយ្យការសម្រេចចោទប្រកាន់មន្ត្រីក្រសួងការបរទេស៣រូបពាក់ព័ន្ធករណីលួចទិដ្ឋាការឲ្យជនបរទេសដែលជាពួក online scams

សន្តិសុខ និង សង្គម

ប្រជាជនអ៊ីស្រាអែល អំពាវនាវឲ្យដោះលែងចំណាប់ថ្នូរ មុនបទឈប់បាញ់នៅហ្កាហ្សា

ក្រុមគ្រួសាររបស់ចំណាប់ថ្នូរ ដែលក្រុមហាម៉ាសចាប់ឃុំខ្លួន នៅតំបន់ហ្កាហ្សា បាននិយាយថាមនុស្សជាទីស្រលាញ់របស់ពួកគេ គួរតែត្រូវបានដោះលែងនៅមុនពេលមានបទឈប់បាញ់នៅក្នុងតំបន់ហ៊ុមព័ទ្ធប៉ាឡេស្ទីន។កាលពីព្រឹកថ្ងៃចន្ទ ក្រុមប្រឹក្សាសន្តិសុខអង្គការសហប្រជាជាតិ បានអនុម័តសេចក្តីសម្រេចមួយទាមទារឱ្យមានបទឈប់បាញ់ជាបន្ទាន់រវាងអ៊ីស្រាអែល និងក្រុមសកម្មប្រយុទ្ធហាម៉ាសប៉ាឡេស្ទីន។សាច់ញាតិរបស់ចំណាប់ថ្នូរម្នាក់ បាននិយាយប្រាប់សារព័ត៌មានរ៉យទ័រនៅទីលានមួយកន្លែងក្នុងទីក្រុង Tel Aviv ថា ពុំអាចមានបទឈប់បាញ់ ដោយមិននាំយកចំណាប់ថ្នូរត្រឡប់មកទៅផ្ទះវិញនោះទេ ដំបូងត្រូវនាំពួកគេត្រឡប់មកផ្ទះ ហើយបន្ទាប់មកនៅទីនោះ នឹងមានបទឈប់បាញ់។សហរដ្ឋអាមេរិក បានបោះឆ្នោតអនុបវាទនៅក្រុមប្រឹក្សាសន្តិសុខ ដែលបង្កឱ្យមានជម្លោះជាមួយអ៊ីស្រាអែលជាសម្ព័ន្ធមិត្តរបស់ខ្លួន។សមាជិកក្រុមប្រឹក្សាចំនួន ១៤រូបដែលនៅសល់ បានបោះឆ្នោតគាំទ្រសេចក្តីសម្រេច ដែលស្នើឡើងដោយសមាជិកជាប់ឆ្នោតទាំង ១០រូប របស់ស្ថាប័ននេះ ទាមទារឱ្យមានការដោះលែងចំណាប់ថ្នូរទាំងអស់ជាបន្ទាន់ និងដោយគ្មានលក្ខខណ្ឌ។នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយថា ភាពបរាជ័យរបស់សហរដ្ឋអាមេរិក ក្នុងការប្រើសិទ្ធវ៉េតូ ចំពោះសេចក្តីសម្រេច គឺជា «ការដកថយយ៉ាងច្បាស់» ពីជំហររបស់ខ្លួនកាលពីពេលមុន ហើយនឹងធ្វើឱ្យប៉ះពាល់ដល់កិច្ចខិតខំប្រឹងប្រែងសង្គ្រាមរបស់អ៊ីស្រាអែល និងបំណងឱ្យមានការដោះលែងចំណាប់ថ្នូរជាង ១៣០ នាក់ ដែលនៅតែត្រូវបានឃុំខ្លួនដោយក្រុមហាម៉ាស។

កសិករអង់គ្លេស បើកត្រាក់ទ័រទៅកាន់សភាទីក្រុងឡុងដ្រ៍ក្នុងការតវ៉ាជុំវិញការនាំចូលស្បៀងអាហារ

ក្បួនត្រាក់ទ័រ បានបើកនៅខាងក្រៅសភារបស់ចក្រភពអង់គ្លេសកាលពីថ្ងៃចន្ទ ដើម្បីតវ៉ាប្រឆាំងកិច្ចព្រមព្រៀងពាណិជ្ជកម្មក្រោយការចាកចេញរបស់ចក្រភពអង់គ្លេសពីសហភាពអឺរ៉ុប និងជាអ្វីដែលពួកគេចាត់ទុកថា ការនាំចូលស្បៀងអាហារក្រោមកម្រិតស្តង់ដារ នៅក្នុងបាតុកម្មចុងក្រោយ ធ្វើឡើងដោយកសិករនៅទូទាំងពិភពលោក។ ត្រាក់ទ័រយ៉ាងហោចណាស់ ៥០គ្រឿង ដែលភាគច្រើនមានទង់ជាតិ ញូនៀន ជេក(Union Jack) និងស្លាកសរសេរថា «គ្មានកសិករ គ្មានអាហារ គ្មានអនាគត» នៅក្នុងបាតុកម្មដែលបានបិទផ្លូវនៅទីក្រុងឡុងដ្រ៍ភាគកណ្តាល។ក្រុមកសិករ ទាមទារឲ្យរដ្ឋាភិបាលពង្រឹងការដាក់ស្លាកសញ្ញាអាហារឲ្យបានត្រឹមត្រូវជាងមុន និងចាត់វិធានការដើម្បីធ្វើឲ្យប្រសើរឡើងសន្តិសុខស្បៀងរបស់ប្រទេស។ ពួកគេក៏ចង់ឱ្យរដ្ឋាភិបាល បញ្ចប់កិច្ចព្រមព្រៀងពាណិជ្ជកម្ម ដែលពួកគេនិយាយថាអនុញ្ញាតឱ្យមានការនាំចូលស្បៀងអាហារដែលត្រូវបានផលិតតាមស្តង់ដារ ដែលនឹងខុសច្បាប់នៅក្នុងចក្រភពអង់គ្លេស ហើយបានកាត់បន្ថយផលិតផលរបស់កសិករក្នុងស្រុក។ការប្រមូលផ្តុំគ្នានេះ ធ្វើឡើងបន្ទាប់ពីការតវ៉ារបស់កសិករនៅទូទាំងទ្វីបអឺរ៉ុប ដែលមានកំហឹងចំពោះការប្រកួតប្រជែងពីការនាំចូលស្បៀងអាហារមានតម្លៃទាបជាង និងមានបទប្បញ្ញត្តិបរិស្ថានកាន់តែតឹងរ៉ឹង។

ក្រុមប្រឹក្សាសន្តិសុខអង្គការសហប្រជាជាតិ ទាមទារឱ្យមានបទឈប់បាញ់ហ្កាហ្សាបន្ទាន់ជាលើកដំបូង ខណៈអាមេរិកអនុបវាទ

ក្រុមប្រឹក្សាសន្តិសុខអង្គការសហប្រជាជាតិបានអនុម័តសេចក្ដីសម្រេចមួយកាលពីថ្ងៃចន្ទ ២៥ មីនា ដោយទាមទារឱ្យមានបទឈប់បាញ់ជាបន្ទាន់រវាងអ៊ីស្រាអែល និងក្រុមសកម្មប្រយុទ្ធហាម៉ាស ប៉ាឡេស្ទីន បន្ទាប់ពីសហរដ្ឋអាមេរិក បានអនុបវាទមិនចូលរួមក្នុងការបោះឆ្នោតដែលបង្កឱ្យមានជម្លោះតិចតួចជាមួយអ៊ីស្រាអែល ជាសម្ព័ន្ធមិត្តរបស់ខ្លួន។ សមាជិកក្រុមប្រឹក្សាចំនួន ១៤រូប ដែលនៅសល់ បានបោះឆ្នោតសម្រាប់សេចក្ដីសម្រេច ស្នើឡើងដោយសមាជិកបានបោះឆ្នោតទាំង១០រូប របស់ស្ថាប័ននេះ ទាមទារឱ្យមានការដោះលែងចំណាប់ខ្មាំងទាំងអស់ជាបន្ទាន់ និងដោយគ្មានលក្ខខណ្ឌ។ មានការសាទរក្នុងសភាបន្ទាប់ពីការបោះឆ្នោត។ អគ្គលេខាធិការអង្គការសហប្រជាជាតិ លោក Antonio Guterres បានបង្ហោះនៅលើប្រព័ន្ធផ្សព្វផ្សាយសង្គមថា សេចក្ដីសម្រេចនេះត្រូវតែអនុវត្ត។ ការរាជ័យនឹងក្លាយជារឿងមិនអាចអត់ឱនឲ្យបាន។ នាយករដ្ឋមន្ត្រីអ៊ីស្រាអែល លោក បេន ចាមីន ណេតានយ៉ាហ៊ូ ( Benjamin Netanyahu) បាននិយាយថា ការបរាជ័យរបស់សហរដ្ឋអាមេរិកក្នុងការវេតូសេចក្ដីសម្រេចនេះ គឺជា ការដកថយយ៉ាង ច្បាស់ពីជំហររបស់ខ្លួនកាលពីកន្លងទៅ ហើយនឹងធ្វើឱ្យប៉ះពាល់ដល់កិច្ចខិតខំប្រឹងប្រែងសង្រ្គាមរបស់អ៊ីស្រាអែល និងជំរុញឱ្យមានការដោះលែងចំណាប់ខ្មាំងជាង ១៣០នាក់ដែលនៅតែត្រូវបានឃុំខ្លួនដោយក្រុមហាម៉ាស។ អ្នកនាំពាក្យសេតវិមានលោក John Kirby បានប្រាប់អ្នកសារព័ត៌មានថា ការបោះឆ្នោតរបស់យើងពុំបានធ្វើឡើងទេ ហើយខ្ញុំនិយាយជាថ្មីទៀតថាមិនតំណាងឱ្យការផ្លាស់ប្តូរនៅក្នុងគោលនយោបាយរបស់យើងទេ ។ គ្មានអ្វីផ្លាស់ប្តូរគោលនយោបាយរបស់យើងឡើយ៕

សាស្ត្រាចារ្យពេទ្យកូរ៉េខាងត្បូង ដាក់ពាក្យលាលែងពីតំណែង និងចូលរួមការតវ៉ា

ក្រុមសាស្ត្រាចារ្យពេទ្យកូរ៉េខាងត្បូង បានចាប់ផ្តើមដាក់សំណើសុំលាលែងពីតំណែងរបស់ពួកគេជាទ្រង់ទ្រាយធំ នៅថ្ងៃចន្ទ (២៥ មីនា) នេះ និងចូលរួមការតវ៉ា ដើម្បីគាំទ្រការធ្វើកូដកម្មរបស់គ្រូពេទ្យហាត់ការជុំវិញផែនការរបស់រដ្ឋាភិបាលក្នុងការជំរុញការចូលរៀននៅសាលាវេជ្ជសាស្ត្រ។ លោក គីម ឆាងស៊ូ (Kim Chang-soo) ប្រធានសមាគមសាស្រ្តាចារ្យពេទ្យកូរ៉េ បានប្រាប់អ្នកយកព័ត៌មានថា «វាច្បាស់ណាស់ថា ការបង្កើននិស្សិតចូលរៀននៅសាលាវេជ្ជសាស្ត្រ នឹងមិនត្រឹមតែបំផ្លាញការអប់រំនៅសាលាពេទ្យប៉ុណ្ណោះទេ ហើយថែមទាំងធ្វើឱ្យប្រព័ន្ធថែទាំសុខភាពរបស់ប្រទេសដួលរលំផងដែរ។ សាស្ត្រាចារ្យពេទ្យនឹងចាប់ផ្តើមធ្វើកាត់បន្ថយម៉ោងព្យាបាលអ្នកជំងឺស្រាល ដើម្បីផ្តោតលើអ្នកជំងឺសង្គ្រោះបន្ទាន់ និងអ្នកជំងឺធ្ងន់ធ្ងរ»។កូដកម្មរបស់វេជ្ជបណ្ឌិតកម្មសិក្សាការីបានចាប់ផ្ដើមកាលពីថ្ងៃទី ២០ កុម្ភៈ ជុំវិញផែនការបង្កើនចំនួនសិស្សចូលរៀនរៀងរាល់ឆ្នាំទៅសាលាវេជ្ជសាស្ត្រចាប់ពីឆ្នាំ២០២៥ បានបង្ខំឱ្យមន្ទីរពេទ្យជាច្រើនត្រូវទុកអ្នកជំងឺចោល និងពន្យារពេលនីតិវិធីព្យាបាល។រដ្ឋាភិបាលនិយាយថា ផែនការនេះមានសារៈសំខាន់ណាស់ក្នុងការដោះស្រាយកង្វះខាតគ្រូពេទ្យនៅក្នុងសង្គមដែលមានវ័យចំណាស់បំផុតមួយរបស់ពិភពលោក ប៉ុន្តែអ្នករិះគន់បាននិយាយថា អាជ្ញាធរគួរតែផ្តោតលើការកែលម្អលក្ខខណ្ឌការងាររបស់គ្រូពេទ្យហាត់ការជាមុនសិន៕

អភិបាលក្រុងក្មេងជាងគេរបស់អេក្វាឌ័រ ត្រូវបានបាញ់សម្លាប់ ក្នុងអំពើហិង្សារបស់ក្រុមជនអន្ធពាល

យោងតាមនគរបាលជាតិបានឱ្យដឹងថា អភិបាលក្រុងវ័យក្មេងជាងគេរបស់ប្រទេសអេក្វាឌ័រ លោកស្រី ប្រ៊ីហ្គីត ហ្កាសៀ(Brigitte Garcia) ត្រូវបានបាញ់សម្លាប់នៅក្នុងរថយន្ត កាលពីថ្ងៃអាទិត្យ។អភិបាលក្រុង San Vicente ជាទីក្រុងមួយនៅភាគខាងលិចនៃខេត្ត Manabi ប្រទេសអេក្វាឌ័រ ត្រូវបានគេរកឃើញស្លាប់ រួមជាមួយលោក Jairo Loor ទីប្រឹក្សា និងជានាយកផ្នែកទំនាក់ទំនងសម្រាប់រដ្ឋាភិបាលតំបន់។នគរបាលជាតិបាននិយាយថា នៅខាងក្នុងរថយន្ត ភស្តុតាងគ្រាប់កាំភ្លើង ត្រូវបានប្រមូល ដោយអ្នកជំនាញផ្នែកកោសល្យវិច្ច័យ ហើយការស៊ើបអង្កេតកំពុងធ្វើឡើងដើម្បីកំណត់ពីរបៀប និងមូលហេតុដែលឃាតកម្មកើតឡើង។ អភិបាលក្រុងរូបនេះ ជាអ្នកនយោបាយក្មេងជាងគេនៅក្នុងប្រទេសមានអាយុ ២៧ឆ្នាំ គឺជាសមាជិកនៃចលនាបដិវត្តន៍ប្រជាជន ដឹកនាំដោយអតីតប្រធានាធិបតី លោក Rafael Correa ។ ឃាតកម្មនេះ បានកើតឡើងនៅពេលដែលប្រទេសអេក្វាឌ័រ កំពុងធ្វើការប្រយុទ្ធប្រឆាំងឧក្រិដ្ឋកម្មរៀបចំទុក។ប្រទេសអេក្វាឌ័រ បានប្រកាសស្ថានភាពរដ្ឋក្នុងគ្រាអាសន្ន និង ជម្លោះប្រដាប់អាវុធផ្ទៃក្នុង ខណៈខ្លួនព្យាយាម បំបែកក្រុមជនអន្ធពាលចំនួន ២២ក្រុម ដែលរដ្ឋាភិបាលបានកំណត់ថាជា «ភេរវករ» នៅពីក្រោយរលកនៃអំពើហិង្សាជាបន្តបន្ទាប់ មិនធ្លាប់មានពីមុនមក។លោកស្រី Garcia គឺជាមន្ត្រីទីពីរ ដែលត្រូវបានសម្លាប់នៅក្នុងទីខេត្ត Manabi ក្នុងប៉ុន្មានខែថ្មីៗនេះ។ កាលពីខែកក្កដា ឆ្នាំ ២០២៣ លោក Agustin Intriago អភិបាលក្រុង Manta ត្រូវបានសម្លាប់ពេលធ្វើដំណើរទស្សនកិច្ចទៅកាន់សង្កាត់មួយនៅក្នុងទីក្រុង។ការធ្វើឃាត មានការកើនឡើងនៅក្នុងប្រទេសអេក្វាឌ័រ ចាប់តាំងពីបេក្ខជនប្រធានាធិបតី លោក ហ្វឺណានដូ វីអាវីសិនស្យូ(Fernando Villavicencio) ត្រូវបានសម្លាប់នៅក្នុងការវាយប្រហារប្រដាប់អាវុធ កាលពីខែសីហាឆ្នាំមុន បន្ទាប់ពីមានការជួបជុំផ្នែកនយោបាយនៅក្នុងរដ្ឋធានី Quito ។

មនុស្ស២៣នាក់ស្លាប់ និងជាង ៥.០០០នាក់ ភៀសខ្លួនដោយសារភ្លៀងធ្លាក់ខ្លាំងនៅប្រេស៊ីល

យោងតាមការបញ្ជាក់របស់ក្រសួងការពារស៊ីវិលកាលពីថ្ងៃអាទិត្យបានឲ្យដឹងថា មនុស្សយ៉ាងហោចណាស់ ២៣ នាក់បានស្លាប់ និងជាង ៥.០០០នាក់ ត្រូវបានជម្លៀសចេញពីលំនៅឋានរបស់ពួកគេ ដោយសារតែភ្លៀងធ្លាក់ខ្លាំងចាប់តាំងពីថ្ងៃសុក្រ នៅភាគអាគ្នេយ៍ប្រទេសប្រេស៊ីល។យោងតាមរបាយការណ៍បានឱ្យដឹងថា រដ្ឋ Espirito Santo និងរដ្ឋ Rio de Janeiro បានរងគ្រោះខ្លាំងបំផុតដោយភ្លៀងធ្លាក់ខ្លាំង ដោយបានចុះឈ្មោះជនរងគ្រោះស្លាប់ ១៥ នាក់ និង ៨ នាក់ ក្នុងរដ្ឋរៀងៗខ្លួន។មនុស្សជាង ៥.០០០នាក់ នៅក្នុងរដ្ឋទាំងពីរ ត្រូវភៀសខ្លួនចេញពីលំនៅឋានរបស់ពួកគេដោយសារតែភ្លៀងធ្លាក់ បណ្តាលឱ្យមានទឹកជំនន់ និងបំណាក់ដី។យោងតាមក្រសួងការពារជនស៊ីវិល បានឲ្យដឹងថា បុរសម្នាក់ បានស្លាប់ដោយសាររន្ទះបាញ់នៅលើឆ្នេរសមុទ្រ ក្នុងទីក្រុង Arraial do Cabo ក្នុងតំបន់ Lagos ហើយអ្នកបើកបររថយន្តម្នាក់ បានលង់ទឹក បន្ទាប់ពីរថយន្តបានធ្លាក់ចូលទៅក្នុងទន្លេ ក្នុងក្រុងឌូក ដេ កាសៀស(Duque de Caxias)។ នៅក្នុងរដូវក្តៅនេះ ព្យុះខ្លាំងនៅក្នុងខែមករា និងខែកុម្ភៈ បានបណ្តាលឲ្យមនុស្សជាង២០នាក់ស្លាប់ នៅក្នុងរដ្ឋ Rio de Janeiro ដែលអាជ្ញាធររដ្ឋនេះ នៅតែព្រមានរហូតមកដល់ថ្ងៃអាទិត្យទី២៤ ខែមីនា ខណៈភាពត្រជាក់ ត្រូវបានគេរំពឹងថាបក់ឆ្ពោះចេញពីរដ្ឋនេះ។

តំបន់ហ្កាហ្សា ប្រឈមមុខទៅនឹងវិបត្តិលំហូរសាច់ប្រាក់

អាជ្ញាធររូបិយវត្ថុដែនដីប៉ាឡេស្ទីន (PMA) បាននិយាយកាលពីថ្ងៃអាទិត្យថា តំបន់ហ្កាហ្សាស្ទ្រីប កំពុងជួបប្រទះវិបត្តិលំហូរសាច់ប្រាក់ ដោយសារតែការរំខាននៃប្រតិបត្តិការធនាគារដែលបណ្តាលមកពីការវាយប្រហាររបស់អ៊ីស្រាអែលដែលនៅតែបន្ត។យោងតាមអាជ្ញាធររូបិយវត្ថុដែនដីប៉ាឡេស្ទីន (PMA) បានឲ្យដឹងថា ធនាគារជាច្រើនត្រូវបានបំផ្លាញក្នុងពេលមានជម្លោះ ហើយវាពុំអាចធ្វើទៅបានដើម្បីបើកសាខាធនាគារដែលនៅសល់ នៅក្នុងតំបន់ទាំងមូល ដោយសារតែការទម្លាក់គ្រាប់បែក ការដាច់ចរន្តអគ្គិសនី និងការព្រួយបារម្ភអំពីសុវត្ថិភាព។អាជ្ញាធរ បាននិយាយនៅក្នុងសេចក្តីថ្លែងការណ៍ថា វិបត្តិលំហូរសាច់ប្រាក់ កើនឡើងកាន់តែខ្លាំង ខណៈម៉ាស៊ីន ATM ភាគច្រើន បានបិទសេវាកម្ម។ សេចក្តីថ្លែងការណ៍ បាននិយាយថា អាជ្ញាធរកំពុងពិនិត្យ ពាក្យបណ្តឹងមកពីប្រជាជនតំបន់ហ្កាហ្សាស្ទ្រីប អំពីប្រតិបត្តិការទាមទារប្រាក់ដែលធ្វើឡើងដោយមនុស្សមួយចំនួន ពាណិជ្ជករ និងម្ចាស់ហាងប្តូរប្រាក់ដែលពុំមានអាជ្ញាប័ណ្ណ ដែលប្រើប្រាស់ឧបករណ៍ដំណើរការផ្ទេរប្រាក់ ឬការផ្ទេរហិរញ្ញវត្ថុលើកម្មវិធីធនាគារ។អាជ្ញាធររូបិយវត្ថុដែនដីប៉ាឡេស្ទីន (PMA) និយាយថា បុគ្គលទាំងនេះ បានកេងប្រវ័ញ្ចតម្រូវការសាច់ប្រាក់របស់ប្រជាជន ដោយគិតប្រាក់រហូតដល់១៥ភាគរយលើចំនួនណាមួយដែលបានដកប្រាក់ពីគណនីរបស់ពលរដ្ឋ តាមរយៈកាតប្លាស្ទិក ឬការផ្ទេរប្រាក់ ជាថ្នូរទៅនឹងការផ្តល់ចំនួនសាច់ប្រាក់ និងបាននិយាយថា វិធានការរារាំងភ្លាមៗ នឹងត្រូវធ្វើឡើងប្រឆាំងអ្នកទាំងឡាយណា ដែលចូលរួមក្នុងការប្រព្រឹត្តបែបនេះ។

ផ្ទុះការតវ៉ានៅបរទេស ប្រឆាំងច្បាប់សន្តិសុខថ្មីរបស់ទីក្រុងហុងកុង

នៅក្នុងទីក្រុងឡុងដ្រ៍ ក្រុមអ្នកតវ៉ាបានប្រមូលផ្ដុំគ្នានៅខាងក្រៅការិយាល័យកិច្ចការបរទេសចក្រភពអង់គ្លេស ភាគច្រើននៃពួកគេជាពលរដ្ឋហុងកុង ដែលបច្ចុប្បន្នរស់នៅទីនោះ ពាក់ម៉ាស ព្រោះបារម្ភពីសុវត្ថិភាព។ ក្រុមអ្នកតវ៉ារួមទាំង លោក ហ្វីន ឡាវ (Finn Lau) ម្នាក់ក្នុងចំណោមសកម្មជនបរទេស៨នាក់ដែលក្រុមមន្ត្រីក្រុងហុងកុង បានចេញដីកាចាប់ខ្លួន កាលពីខែកក្កដាឆ្នាំមុន ។ លោកនិយាយថា លោកមានអារម្មណ៍ថា ពុំមានសុវត្ថិភាពទេ ពេលរស់នៅក្នុងចក្រភពអង់គ្លេស ចាប់តាំងពីក្រុមអាជ្ញាធរ បានតាមចាប់ខ្លួនរូបលោក។ លោក បេនេឌីក រ៉ូជរ (Benedict Rogers)ប្រធានក្រុមតាមដានសិទ្ធិមនុស្សនៅទីក្រុងហុងកុង បាននិយាយថា ច្បាប់ថ្មីនេះ គំរាមកំហែងដល់ប្រជាជនក្រុងហុងកុង ដោយការផ្ដន្ទាទោសធ្ងន់ធ្ងរបំផុត និងបានបន្ថែមថា នេះគឺជាឧទាហរណ៍ចុងក្រោយបំផុតនៃការបំពានរបស់ចិនលើសេចក្ដីប្រកាសរួមចិន -ចក្រភពអង់គ្លេស ដើម្បីធានាសិទ្ធិ និងសេរីភាពរបស់ប្រជាពលរដ្ឋក្នុងតំបន់នេះ បន្ទាប់ពីចក្រភពអង់គ្លេស បានប្រគល់ទីក្រុងនេះ ឲ្យទៅចិនគ្រប់គ្រង។ នៅកោះតៃវ៉ាន់ ជាកន្លែងមួយដែលមានជនភៀសខ្លួនហុងកុងរស់នៅច្រើនជាងគេ ក្រុមអ្នកតវ៉ាបានរៀបចំឈុតឆាកប្រយុទ្ធគ្នារវាងមនុស្សស្លៀកពាក់ខ្លាឃ្មុំខ្មៅ Formosan តំណាងឱ្យកោះតៃវ៉ាន់ និង ខ្លាឃ្មុំWinnie the Pooh តំណាងឱ្យលោកប្រធានាធិបតីចិន Xi Jinping ។ ការបង្ហាញ បានបញ្ចប់ដោយតួអង្គ Winnie the Pooh នៅខាងក្រោយរនាំង។ កញ្ចប់ ដែលត្រូវបានគេស្គាល់ថាជាមាត្រា ២៣ ផ្តន្ទាទោសឧក្រិដ្ឋកម្មរួមមានអំពើក្បត់ជាតិ ការបំផ្លិចបំផ្លាញ ការបះបោរ ការលួចព័ត៌មានសម្ងាត់របស់រដ្ឋ ការជ្រៀតជ្រែកពីខាងក្រៅ និងចារកម្មដោយផ្តន្ទាទោសដាក់ពន្ធនាគារពីច្រើនឆ្នាំរហូតដល់ដាក់ពន្ធនាគារអស់មួយជីវិត។ សហរដ្ឋអាមេរិក អង់គ្លេស កាណាដា សហភាពអឺរ៉ុប និងអង្គការសហប្រជាជាតិ បានបង្កើនការព្រួយបារម្ភអំពីច្បាប់នេះ មុនពេលចូលជាធរមាននៅថ្ងៃសៅរ៍។ ប្រទេសចិនបាននិយាយថា ខ្លួនមិនពេញចិត្តជាខ្លាំង និងប្រឆាំងយ៉ាងដាច់អហង្ការចំពោះ ការវាយប្រហារ និងការមួលបង្កាច់ ដោយសហរដ្ឋអាមេរិក លើច្បាប់ដែលបានអនុម័តនៅសប្តាហ៍នេះ៕

ក្រុមអ្នកគាំទ្រ អបអរសាទរតាមដងផ្លូវ ខណៈបក្សប្រឆាំងរបស់សេណេហ្គាល់ នាំមុខក្នុងការបោះឆ្នោត

ក្រុមអ្នកគាំទ្រដ៏ច្រើន បាននាំគ្នាទៅកាន់តាមដងផ្លូវនានានៃរដ្ឋធានីដាកា (Dakar)កាលពីយប់ថ្ងៃអាទិត្យទី២៤មីនា ដើម្បីអបអរសាទរ ខណៈបេក្ខជនបក្សប្រឆាំងមួយចំនួននៅក្នុងការបោះឆ្នោតប្រធានាធិបតីដែលបានពន្យាពេល របស់ប្រទេសសណេហ្គាល់ បានប្រកាសថា គូប្រជែង របស់ខ្លួន គឺលោក បាស៊ីរ៉ូ ឌីអូម៉ាយ៉ា ហ្វាយ៉េ (Bassirou Diomaye Faye) ជាអ្នកឈ្នះ បន្ទាប់ពីទិន្នន័យដំបូងបានបង្ហាញថា លោកកំពុងនាំមុខ។ មនុស្សរាប់លាននាក់បានចូលរួមថ្ងៃជួបជុំដោយស្ងៀមស្ងាត់នៃការបោះឆ្នោតកាលពីថ្ងៃអាទិត្យដើម្បីជ្រើសរើសប្រធានាធិបតីទី៥របស់ប្រទេសសេណេហ្គាល់ ក្រោយភាពច្របូកច្របល់ខាងនយោបាយមិនធ្លាប់មានរយៈពេល៣ឆ្នាំ ដែលបានបង្កឲ្យមានការតវ៉ាដោយហិង្សាប្រឆាំងរដ្ឋាភិបាល និងគាំទ្របក្សប្រឆាំង ។ ចំនួនសំឡេងឆ្នោតគាំទ្រដំបូង បានប្រកាស នៅតាមទូរទស្សន៍ បានបង្ហាញថា លោកហ្វាយ៉េ បានឈ្នះសំឡេងភាគច្រើន ដែលជំរុញឲ្យប្រជាពលរដ្ឋជាច្រើនចេញទៅតាមដងផ្លូវនានាបង្ហាញការគាំទ្រនៅក្នុងរដ្ឋធានី ដាកា ។មនុស្សម្នាបានប្រមូលផ្ដុំគ្នា នៅក្នុងតំបន់សុនកូ(Sonko)ខណៈអ្នកគាំទ្រ បានអុជកាំជ្រួចភ្ញី ក្រវីទង់ជាតិសេណេហ្គាល់ និងផ្លុំកញ្ចែ៕

ប្រទេសទុយនីស៊ី រារាំងការប៉ុនប៉ងធ្វើអន្តោប្រវេសន៍ខុសច្បាប់ចំនួន៣០លើក ទៅកាន់ប្រទេសអ៊ីតាលី

យោងតាមសេចក្តីថ្លែងការណ៍របស់ឆ្មាំជាតិទុយនីស៊ីបាននិយាយឲ្យដឹងថា ប្រទេសទុយនីស៊ី បានរារាំងការប៉ុនប៉ងធ្វើអន្តោប្រវេសន៍ខុសច្បាប់ចំនួន ៣០លើក ដើម្បីឆ្លងកាត់សមុទ្រមេឌីទែរ៉ាណេ ទៅកាន់ប្រទេសអ៊ីតាលី កាលពីថ្ងៃអាទិត្យ។ សេចក្តីថ្លែងការណ៍នៅលើទំព័រហ្វេសប៊ុក បាននិយាយថា ការប៉ុនប៉ងធ្វើអន្តោប្រវេសន៍ទាំងនេះ ត្រូវបានរារាំងនៅឆ្នេរសមុទ្រភាគអាគ្នេយ៍នៃខេត្ត ស្វេក(Sfax) ។សេចក្តីថ្លែងការណ៍បាននិយាយថា ក្នុងអំឡុងពេលប្រតិបត្តិការ ជនអន្តោប្រវេសន៍ចំនួន ៦១២នាក់មកពីអនុតំបន់សាហារ៉ាអាហ្រ្វិក និងជនជាតិទុយនីស៊ីពីរនាក់ ត្រូវបានជួយសង្គ្រោះពីទូកលិច ដោយមិនបានប្រាប់ចំនួនសរុបនៃជនអន្តោប្រវេសន៍ដែលកំពុងព្យាយាមឆ្លងកាត់មហាសមុទ្រមេឌីទែរ៉ាណេឆ្ពោះទៅកាន់កោះ ឡាំផេឌូសា (Lampedusa) ប្រទេសអ៊ីតាលីនោះទេ។យោងតាមសេចក្តីថ្លែងការណ៍ បាននិយាយថា វិធានការប្រឆាំងជនអន្តោប្រវេសន៍ កំពុងត្រូវបានត្រូវបានអនុវត្ត បន្ទាប់ពីការពិភាក្សាជាមួយការិយាល័យរដ្ឋអាជ្ញាសាធារណៈ ។ ក្នុងរយៈពេលប៉ុន្មានខែថ្មីៗនេះ សន្តិសុខនៅប្រទេសទុយនីស៊ី បានបង្កើនកិច្ចខិតខំប្រឹងប្រែងដើម្បីប្រយុទ្ធប្រឆាំង ការធ្វើអន្តោប្រវេសន៍ខុសច្បាប់ដែលធ្វើដំណើរឆ្ពោះទៅកាន់កោះ Lampedusa ប្រទេសអ៊ីតាលី ដោយពង្រីកប្រតិបត្តិការពីខេត្ត Sfax ភាគអាគ្នេយ៍ ទៅកាន់ខេត្តផ្សេងៗទៀត។ដោយស្ថិតនៅចម្ងាយប្រហែល ១៣០គីឡូម៉ែត្រពីឆ្នេរសមុទ្រប្រទេសទុយនីស៊ី កោះ Lampedusa ជាញឹកញាប់ត្រូវបានជ្រើសរើសយកជាកន្លែងឈប់ចតដំបូងសម្រាប់ជនអន្តោប្រវេសន៍ មកពីអនុតំបន់សាហារ៉ាអាហ្វ្រិក ដើម្បីធ្វើដំណើរតាមផ្លូវសមុទ្រដោយខុសច្បាប់ទៅកាន់ប្រទេសអ៊ីតាលី។

បណ្ដាញសង្គម

ព័ត៌មានថ្មីៗ

មនុស្សរាប់ពាន់នាក់នាំគ្នាតវ៉ានៅទីក្រុងហ្សាកាតា ទាមទារឲ្យមានវិធានការប្រឆាំងអំពើពុករលួយខ្លាំងជាងនេះ

មនុស្សជាង ៣០០នាក់ បានស្លាប់នៅនេប៉ាល់ ខណៈអ្នកជំនាញព្រមានពីលទ្ធភាពនៃទឹកជំនន់ទី ២

ចិនប្រឆាំងនឹងផែនការយកពន្ធបន្ថែម ៧,៥% របស់អាមេរិក ខណៈព្រមានអំពីវិធានការតបត

ប្រធានាធិបតីអ៊ីរ៉ង់ ជំរុញឱ្យបណ្ដារដ្ឋមូស្លីមទប់ស្កាត់ការវាយប្រហារចេញពីដែនដីខ្លួន

ទូរទស្សន៍៖ លោក TRUMPថា ការរួមបញ្ចូលការវាយប្រហារលើអ៊ីរ៉ង់ និងសង្គ្រាមសេដ្ឋកិច្ច មានប្រសិទ្ធភាព

ក្រុងមូស្គូ៖ ទីក្រុងឡុងដ៍ និងប៉ារីស មិនអាចគេចវេះពីការទទួលខុសត្រូវចំពោះការវាយប្រហារចូលជ្រៅក្នុងទឹកដីរុស្ស៊ីបានទេ

សម្ដេចតេជោប្រាប់មេដឹកនាំ ISC-2 ថា ជោគវាសនាប្រជាជាតិយើងមិនត្រូវស្ថិតលើចុងប៊ិចមហាអំណាចទេ

សម្តេចតេជោ ហ៊ុន សែន ថ្លែងទៅកាន់ ISC-2 ថា ស្ថាប័ននីតិប្បញ្ញត្តិត្រូវរួមគ្នាប្រឆាំង «ច្បាប់ព្រៃ» អ្នកខ្លាំងឈ្នះ

សម្តេចតេជោអង្គុយមើលសង្គ្រាមផ្សែងហុយក៏ធ្វើឱ្យថប់ដង្ហើមដែរ ព្រោះមិនមែនជាបញ្ហាដាច់ដោយឡែក

សម្ដេចតេជោ ហ៊ុន សែន បង្ហាញនិន្នាការជារចនាសម្ព័ន្ធធំៗជះឥទ្ធិពលលើទិដ្ឋភាពអន្តរជាតិ និងបង្កសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877