នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លិចទូកស្មាច់នៅកណ្តាលទន្លេ ក្នុងខណ្ឌជ្រោយចង្វា រកឃើញសពមនុស្ស៣នាក់ ខណៈ៥នាក់ទៀតកំពុងបាត់ខ្លួនក្នុងទឹក
កម្លាំងសមត្ថកិច្ចបើកប្រតិបត្តិការបង្ក្រាបសំបុក Online Scams នៅសង្កាត់​អូរបែក​ក្អម​ឃាត់​ខ្លួន​មនុស្ស ​៤៩នាក់
មនុស្សប្រុសស្រីពាក់ព័ន្ធករណីបង្កគ្រោះថ្នាក់ចរាចរណ៍នៅខណ្ឌឫស្សីកែវ បណ្តាល​ឲ្យ​ក្មេង​ម្នាក់​រង​របួស​ធ្ងន់​នឹងត្រូវបញ្ចូនទៅតុលាការទាំង ២នាក់
ជនបរទេស ១,៥៥៦នាក់ ត្រូវបានបណ្ដេញចេញពីកម្ពុជាពាក់ព័ន្ធករណី Online Scams និងធ្វើការងារស្នាក់នៅខុសច្បាប់

សន្តិសុខ និង សង្គម

កសិករប្រទេសឥណ្ឌា ផ្អាកការដង្ហែក្បួនតវ៉ាទៅកាន់ទីក្រុងដេលី ខណៈការចរចារបស់រដ្ឋាភិបាល បន្ត

2024/02/19 10:12:39 am        97
Facebook Telegram Linkin
កសិករនៅក្នុងប្រទេសឥណ្ឌា បានបន្តផ្អាកការហែក្បួនតវ៉ាឆ្ពោះទៅកាន់ទីក្រុងដេលី នៅថ្ងៃចន្ទនេះ បន្ទាប់ពីការចរចាជុំទីបួនជាមួយរដ្ឋមន្ត្រីរដ្ឋាភិបាល។ រដ្ឋមន្ត្រីក្រសួងពាណិជ្ជកម្ម លោក ពីយូស ហ្គោយ៉ាល់(Piyush Goyal) និងរដ្ឋមន្ត្រីក្រសួងកសិកម្ម លោក អាជុន មុនដា(Arjun Munda) ស្ថិតក្នុងចំណោមមន្ត្រីរដ្ឋាភិបាល បានមកចូលរួមក្នុងកិច្ចពិភាក្សានេះ ដែលសំណើទាក់ទងនឹងតម្លៃគាំទ្រអប្បបរមា (MSP) សម្រាប់ការធ្វើពិពិធកម្មផលដំណាំ ត្រូវបានបង្ហាញ។សំណើនេះ សន្យាតម្លៃអប្បបរមាដែលត្រូវបានធានាដល់កសិករសម្រាប់ការដាំដុះដំណាំពោត ដែលនឹងត្រូវផ្តល់ឱ្យដោយសហករណ៍រដ្ឋាភិបាល។ កសិករ បាននិយាយថា ពួកគេនឹងពិចារណាលើសំណើជាមួយក្រុមអ្នកជំនាញ ហើយការផ្អាកហែក្បួនតវ៉ារបស់ពួកគេនឹងរហូតដល់ថ្ងៃទី ២១ ខែកុម្ភៈ។កសិកររាប់ពាន់នាក់ បានចាប់ផ្ដើមដង្ហែក្បួនតវ៉ា ដែលគេហៅថា«តោះយើងទៅកាន់ទីក្រុងដេលី» កាលពីដើមសប្តាហ៍កន្លងទៅនេះ ដើម្បីជំរុញឱ្យរដ្ឋាភិបាលកំណត់តម្លៃអប្បបរមាសម្រាប់កសិផលរបស់ពួកគេ ប៉ុន្តែពួកគេត្រូវបានបញ្ឈប់ដោយកងកម្លាំងសន្តិសុខក្នុងចម្ងាយប្រមាណ ២០០ គីឡូម៉ែត្រ ពីរដ្ឋធានី ដែលបានបង្កឱ្យមានការប៉ះទង្គិចគ្នារវាងកងកម្លាំងសន្តិសុខ និងក្រុមកសិករ។កសិករ នៅតែបោះជំរំនៅតាមព្រំដែនរវាងរដ្ឋ ពុនចាប (Punjab) និងរដ្ឋ ហារីយ៉ាណា(Haryana) ចាប់តាំងពីថ្ងៃសុក្រ ទី ១៦ ខែកុម្ភៈ។ កម្លាំងសន្តិសុខ បានប្រើប្រាស់រនាំងថ្ម និងដែក ដើម្បីបញ្ឈប់ក្រុមអ្នកតវ៉ាមិនឲ្យធ្វើដំណើរឆ្ពោះទៅមុខ។

អ៊ីស្រាអែល កំណត់កាលបរិច្ឆេទខែមីនា សម្រាប់ការវាយលុក ក្នុងទីក្រុង រ៉ាហ្វា តំបន់ហ្កាហ្សា

2024/02/19 10:04:00 am        106
Facebook Telegram Linkin
សមាជិកខុទ្ទកាល័យសង្រ្គាមអ៊ីស្រាអែលលោកបេននីហ្កានស៍(Benny Gantz)បានព្រមានថា បើ ក្រុមហាម៉ាស មិនដោះលែងចំណាប់ខ្មាំងទាំងអស់ដែលឃុំខ្លួននៅក្នុងតំបន់ហ្កាហ្សា នៅត្រឹមថ្ងៃទី ១០ ខែមីនា ទេនោះ ការវាយលុកនឹងត្រូវចាប់ផ្តើមនៅទីក្រុងរ៉ាហ្វា(Rafah)។ នេះជាលើកទីមួយ ដែលអ៊ីស្រាអែលបាននិយាយបែបនេះ នៅពេលកងទ័ពរបស់ខ្លួនអាចចូលទៅក្នុងទីក្រុងភាគខាងត្បូងមួយនេះរបស់តំបន់ហ្កាហ្សា ដែលមានមនុស្សដ៏ច្រើនលើសលប់កំពុងសរស់នៅ។ ការប្រឆាំងជាសកលកំពុងកើនឡើងចំពោះការវាយប្រហារបែបនេះនៅទីក្រុងរ៉ាហ្វា ជាទីដែលប្រជាជនប៉ាឡេស្ទីនប្រហែល ១,៥ លាននាក់កំពុងជ្រកកោន។ ថ្មីៗនេះ ទីភ្នាក់ងារសុខភាពសាធារណៈរបស់អង្គការសហប្រជាជាតិបាននិយាយថា មន្ទីរពេទ្យដ៏សំខាន់មួយនៅហ្កាហ្សាបានឈប់ដំណើរការបន្ទាប់ពីការវាយឆ្មក់របស់អ៊ីស្រាអែល។អង្គការសុខភាពពិភពលោក (WHO) បាននិយាយថា ខ្លួនមិនត្រូវបានអនុញ្ញាតឱ្យចូលមន្ទីរពេទ្យ ណាស័រ (Nasser) នៅទីក្រុងខាន់យូនីស (Khan Yunis) ភាគខាងជើងក្រុង រ៉ាហ្វា ដើម្បីវាយតម្លៃស្ថានភាពនោះទេ។កងកម្លាំងការពារអ៊ីស្រាអែល (IDF) បានចូលទៅក្នុងអគារនោះកាលពីថ្ងៃព្រហស្បតិ៍ ដោយនិយាយថា ចារកម្មបង្ហាញថា ចំណាប់ខ្មាំងត្រូវបានចាប់ខ្លួនដោយក្រុមហាម៉ាស នៅទីនោះ។ថ្លែងកាលពីថ្ងៃអាទិត្យ លោក Gantz អតីតរដ្ឋមន្ត្រីការពារជាតិ បាននិយាយថា ពិភពលោកត្រូវតែដឹង ហើយមេដឹកនាំក្រុមហាម៉ាស ត្រូវតែដឹង ប្រសិនបើដល់ថ្ងៃពិធីបុណ្យរ៉ាម៉ាដាន់៩Ramadan)ហើយក្រុមចំណាប់ខ្មាំងរបស់យើងនៅតែមិនទាន់មកដល់ផ្ទះទៀត នោះការប្រយុទ្ធនឹងបន្តនៅគ្រប់ទីកន្លែង រួមទាំងនៅតំបន់រ៉ាហ្វាផងដែរ។លោក Gantz បានបន្ថែមថា អ៊ីស្រាអែលនឹងធ្វើសកម្មភាពក្នុងដោយមានការសម្របសម្រួលដល់ការជម្លៀសជនស៊ីវិល ក្នុងការសន្ទនាជាមួយដៃគូអាមេរិក និងអេហ្ស៊ីបរបស់យើង ដើម្បីកាត់បន្ថយការស្លាប់ចំនួនជនស៊ីវិល៕

ប្រជាជនម៉ិកស៊ិកប្រហែល ៧០ ម៉ឺននាក់ ចេញតវ៉ាការពារលទ្ធិប្រជាធិបតេយ្យ មុនការបោះឆ្នោត

2024/02/19 09:57:34 am        110
Facebook Telegram Linkin
ហ្វូងមនុស្សយ៉ាងច្រើនកុះករ បានចេញតវ៉ាពាសពេញទីលានចតុរង្គនៃទីក្រុង ម៉ិកស៊ិកូ ស៊ីធី កាលពីថ្ងៃអាទិត្យ (១៨ កុម្ភៈ) ដើម្បីការពារលិទ្ធិប្រជាធិបតេយ្យ និងគាំទ្រដល់អាជ្ញាធរបោះឆ្នោតរបស់ប្រទេស ដោយចោទប្រកាន់ប្រធានាធិបតីម៉ិកស៊ិក លោក អានដ្រេស ម៉ានូអែល ឡូប៉េស អូប្រាដ័រ (Andres Manuel Lopez Obrador) ពីការព្យាយាមធ្វើឱ្យស្ថាប័នមួយនេះចុះខ្សោយមុនការបោះឆ្នោតប្រធានាធិបតីក្នុងខែមិថុនា។នៅប៉ុន្មានឆ្នាំថ្មីៗនេះ ការតវ៉ាជាច្រើន ដែលមួយក្នុងចំណោមនោះធ្វើឡើងដើម្បី «ការពារ» វិទ្យាស្ថានជាតិរៀបចំការបោះឆ្នោត (INE) កើតឡើងបន្ទាប់ពីលោក ឡូប៉េស អូប្រាដ័រ បានបញ្ជូនសេចក្ដីស្នើច្បាប់ដ៏ធំនៃកំណែទម្រង់រដ្ឋធម្មនុញ្ញទៅសភា ដែលនឹងរួមបញ្ចូលការកែប្រែប្រព័ន្ធស្ថាប័នជាតិរៀបចំការបោះឆ្នោត INE ។អ្នករៀបចំការតវ៉ាបាននិយាយថា មនុស្ស ៧០០.០០០ នាក់បានចូលរួមក្នុងការប្រមូលផ្ដុំនេះ ដែលបានក្លាយជាការតវ៉ាដ៏ធំបំផុតមួយប្រឆាំងនឹងលោកប្រធានាធិបតី ឡូប៉េស អូប្រាដ័រ នៅពេលដែលរដ្ឋបាលរបស់លោកជិតត្រូវបញ្ចប់។ រដ្ឋាភិបាលទីក្រុង ម៉ិកស៊ិកូស៊ីធី ដែលត្រូវបានគ្រប់គ្រងដោយគណបក្ស ម៉ូរ៉េណា (MORENA) របស់លោក ឡូប៉េស អូប្រាដ័រ បាននិយាយថា មានមនុស្សត្រឹមតែ ៩០.០០០ នាក់ប៉ុណ្ណោះបានចូលរួម៕

មនុស្សជាង៥០នាក់បានស្លាប់ក្នុងការវាយឆ្មក់មួយនៅក្នុងតំបន់ខ្ពង់រាប ប្រទេស ប៉ាពួ ញូវហ្គីណេ

2024/02/19 09:53:08 am        101
Facebook Telegram Linkin
មនុស្សយ៉ាងហោចណាស់ ៥៣ នាក់បានស្លាប់នៅក្នុងការវាយឆ្មក់នៅតំបន់ខ្ពង់រាបដាច់ស្រយាលរបស់ប្រទេស ប៉ាពួ ញូវហ្គីណេ (Papua New Guinea)។អ្នកនាំពាក្យនគរបាលជាតិបានប្រាប់សារព័ត៌មាន BBC ថាជនរងគ្រោះត្រូវបានបាញ់សម្លាប់ក្នុងអំឡុងពេលជម្លោះកុលសម្ព័ន្ធនៅក្នុងខេត្ត អ៊ីហ្កា(Enga) កាលពីចុងសប្តាហ៍នេះ។ក្រុមអាជ្ញាធរ បានអំពាវនាវឲ្យមានភាពស្ងប់ស្ងាត់ ហើយនិយាយថាពួកគេរំពឹងថាចំនួនអ្នកស្លាប់នឹងកើនឡើង។តំបន់ខ្ពង់រាបនេះ បានតស៊ូទប់ទល់អំពើហិង្សាជាយូរមកហើយ ប៉ុន្តែការសម្លាប់ទាំងនេះត្រូវបានគេជឿថាសោកនាដកម្មដ៏អាក្រក់បំផុតក្នុងរយៈពេលប៉ុន្មានឆ្នាំមកនេះ។ កងកម្លាំងនគរបាលបានចាប់ផ្តើមប្រមូលសាកសពនៅកន្លែងកើតហេតុក្នុងទីក្រុង វ៉ាបាក (Wabag) ដែលមានចម្ងាយប្រហែល ៦០០ គីឡូម៉ែត្រ ភាគពាយព្យនៃរដ្ឋធានី ព័រម៉ូរ៉េសប៊ី(Port Moresby)។យោងទៅតាមសាជីវកម្មផ្សព្វផ្សាយអូស្ត្រាលី (ABC) លោកចច កាកាស ស្នងការនគរបាលរងស្ដីទីប្រទេសប៉ាពួញូវហ្គីណេ បាននិយាយថា នេះជាការសម្លាប់រង្គាលដ៏ធំបំផុតដែលលោកបានឃើញនៅ ខេត្តអ៊ីនហ្កា (Enga) ប្រហែលជានៅតំបន់ខ្ពង់រាបទាំងអស់ផងដែរ។ ការកើនឡើងនៃអំពើហិង្សាកុលសម្ព័ន្ធ ដែលជារឿយៗ កើតឡើងលើការចែកដីធ្លី និងទ្រព្យសម្បត្តិ បាននាំឱ្យមានការបិទខ្ទប់រយៈពេល៣ខែ នៅក្នុងខេត្ត អ៊ីនហ្កា កាលពីខែកក្កដាឆ្នាំមុន ក្នុងអំឡុងពេលនគរបាលបានដាក់បម្រាមគោចរ និងការរឹតបន្តឹងការធ្វើដំណើរ។ក្នុងរយៈពេលប៉ុន្មានឆ្នាំចុងក្រោយនេះ ការហូរចូលនៃអាវុធខុសច្បាប់បានធ្វើឱ្យមានការប៉ះទង្គិចគ្នាកាន់តែខ្លាំងឡើង និងជំរុញឱ្យមានអំពើហិង្សាផ្ទុះឡើងជាប្រចាំ។ រដ្ឋាភិបាលកាលពីខែមុនបានប្រកាសដាក់រដ្ឋក្នុងគ្រាអាសន្នបន្ទាប់ពីកុបកម្មនិងការលួចប្លន់ដ៏ធំ បានបណ្តាលឲ្យមនុស្ស ១៥ នាក់ស្លាប់៕

អ៊ីស្រាអែល ប្រឆាំងការទទួលស្គាល់ «ជាឯកតោភាគី» លើរដ្ឋប៉ាឡេស្ទីន

2024/02/19 09:47:46 am        91
Facebook Telegram Linkin
អ៊ីស្រាអែល កាលពីថ្ងៃអាទិត្យ (១៨ កុម្ភៈ) បានប្រកាសជាផ្លូវការនូវការប្រឆាំងរបស់ខ្លួនចំពោះអ្វីដែលខ្លួនហៅថា «ការទទួលស្គាល់ជាឯកតោភាគី» នៃរដ្ឋប៉ាឡេស្ទីន ហើយបាននិយាយថា កិច្ចព្រមព្រៀងណាមួយត្រូវតែឈានដល់តាមរយៈការចរចាដោយផ្ទាល់។ យោងតាមសេចក្តីថ្លែងការណ៍មួយបានឱ្យដឹងថា លោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) បាននាំយក «សេចក្តីសម្រេចនៃសេចក្តីប្រកាស» នោះទៅបោះឆ្នោតនៅក្នុងគណៈរដ្ឋមន្ត្រី ដែលបានអនុម័តជាឯកច្ឆ័ន្ទលើវិធានការនេះ។លោក ណេតាន់យ៉ាហ៊ូ បាននិយាយនៅពេលចាប់ផ្តើមនៃកិច្ចប្រជុំប្រចាំសប្តាហ៍ថា វិធានការនេះកើតឡើងបន្ទាប់ពី «ការពិភាក្សានាពេលថ្មីៗនេះនៅក្នុងសហគមន៍អន្តរជាតិអំពីការប៉ុនប៉ងដាក់ជាឯកតោភាគីឲ្យអ៊ីស្រាអែល ទទួលស្គាល់រដ្ឋប៉ាឡេស្ទីន»។សង្រ្គាមនៅតំបន់ហ្កាហ្សា ដែលបានផ្ទុះឡើងចាប់តាំងពីការវាយលុករបស់ពួកហាម៉ាស កាលពីថ្ងៃទី០៧ ខែតុលា តាមរយៈសហគមន៍អ៊ីស្រាអែល គឺជាជម្លោះចុងក្រោយបំផុតរវាងអ៊ីស្រាអែល និងប៉ាឡេស្ទីន ដែលបានបន្តអស់រយៈពេលប្រាំពីរទសវត្សរ៍ និងបង្កអស្ថិរភាពនៅមជ្ឈិមបូព៌ា ដែលបានជំរុញឱ្យមានការបង្កើតរដ្ឋប៉ាឡេស្ទីន។កិច្ចខិតខំប្រឹងប្រែងដើម្បីសម្រេចបាននូវដំណោះស្រាយរដ្ឋពីរ រដ្ឋប៉ាឡេស្ទីននៅតំបន់វេសបែង (West Bank) និងតំបន់ហ្កាហ្សា រួមជាមួយអ៊ីស្រាអែល ត្រូវបានជាប់គាំងចាប់តាំងពីឆ្នាំ២០១៤ មក៕

អ្នកនាំពាក្យ៖ មិនមានករណីឆក់ទ្រព្យសម្បត្ដិ​ពីជន​បរទេសណាម្នាក់ នៅផ្លូវព្រះស៊ីសុវត្ថិនោះទេ

2024/02/17 01:31:17 pm        243
Facebook Telegram Linkin
លោកវរសេនីយ៍ឯក សំ វិច្ឆិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បាន​បញ្ជាក់​ថា ក្នុងរយៈពេលប៉ុន្មានខែចុងក្រោយមកនេះ មិនមានអំពើចោរកម្ម ឬករណី​ឆក់​ទ្រព្យ​សម្បត្តិ​ពី​ជន​បរទេស​ណាម្នា​ក់នោះឡើយ នៅលើផ្លូវព្រះស៊ីសុវត្ថិ ។ការបញ្ជាក់របស់អ្នកនាំពាក្យ ថ្លែងឡើងបន្ទាប់ពី ផេកហ្វេសប៊ុក​របស់ស្ថានទូតរុស្ស៊ី ប្រចាំនៅកម្ពុជា បា​ន​បង្ហោះសារឱ្យពលរដ្ឋរបស់ខ្លួនដែលកំពុងរស់នៅកម្ពុជា ត្រូវមាន​ការ​ប្រុង​ប្រយ័ត្ន​ខ្ពស់​ពី​បញ្ហា​អសន្តិសុខ ពិសេសសកម្មភាពឆក់ទ្រព្យសម្បត្តិ នៅលើផ្លូវព្រះស៊ីសុវត្ថិ ។លោកវរសេនីយ៍ បានបន្តថា រយៈពេល​ប៉ុន្មាន​ខែ​ចុង​ក្រោយ​នេះ​មិន​មាន​ករណីឆ​ក់​នៅ​លើ​ផ្លូវ​ព្រះស៊ី​សុវត្ថិ​នោះ​ទេ ហើយសមត្ថកិច្ចមិនបានទទួលព័ត៌មាន ឬពាក្យបណ្តឹងពីជនបរទេស ឬប្រជាពលរដ្ឋ​រុស្ស៉ី​ណា​ម្នាក់ រងគ្រោះដោយសារអំពើចោរកម្ម ផងដែរ គឺមានតែករណីជនជាតិឆែក គាត់​ស្រវឹង​ដេក​លើ​បង់​នៅ​សួន​ច្បារមាត់ទន្លេ ហើយត្រូវជនសង្ស័យយកឡាមកាត់ខ្សៃកាបូប និង​លួច​ទូរស័ព្ទ​ដៃ​។ ប៉ុន្តែករណីនេះ សមត្ថកិច្ចក៏បានស្រាវជ្រាវឃាត់ខ្លួនជនសង្ស័យយកមកផ្តន្ទាទោសផងដែរ ហើយ​បច្ចុប្បន្នជនបរទេសរងគ្រោះ ពុំទាន់ទៅទទួលយកសម្ភារៈដែលបានបាត់បង់នូវឡើយទេ។ដើម្បីជាការឆ្លើយតប ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជា​ស្នង​ការ​នគរបាល​រាជ​ធានីភ្នំពេញ ក៏បានដឹកនាំកិច្ចប្រជុំអំពីការងារសន្តិសុខ សណ្តាប់ធ្នាប់ សុវត្ថិភាព​សង្គម ជាមួយការិយាល័យជំនាញ និងអធិការដ្ឋាននគរបាលខណ្ឌទាំង១៤ ផងដែរ ដើម្បី​បន្ត​ពង្រឹង​ការ​ការពារសន្តិសុខសុវត្ថិភាពជូនពលរដ្ឋ ក្នុងមូលដ្ឋានរបស់ខ្លួន ឱ្យបាន១០០ភាគរយ ពិសេស​ការល្បាតពួនស្ទាក់ ដើម្បីត្រៀមចាំបង្ក្រាបនូវរាល់សកម្មភាពបទល្មើសនានា ដែល​អាច​កើត​មាន​ឡើងបានគ្រប់ពេល និងគ្រប់កន្លែង។ឯកឧត្តមស្នងការ បានបញ្ជាក់ថា ក្នុងករណីជនបរទេសណាម្នាក់រងគ្រោះក្នុងអំពើចោរកម្មផ្សេងៗ សូមទំនាក់ទំនងមកសមត្ថកិច្ច ដើម្បីដាក់ពាក្យបណ្តឹង ហើយសមត្ថកិច្ចនឹងស្រាវជ្រាវ​បង្ក្រាប​លើ​ករណី​នោះឱ្យទាន់បានទាន់ពេលវេលាផងដែរ ៕ លីហេង

តំណាងអយ្យការសម្រេចចោទប្រកាន់ចំនួន២បទល្មើសចំពោះបុរសដែលប្រឌិតរឿងផាកពិន័យបទល្មើសចរាចរណ៍ និងក្លែងឈ្មោះ ម៉ូលីកា

2024/02/16 07:05:05 pm        502
Facebook Telegram Linkin
ភ្នំពេញ ៖ អ្នកនាំពាក្យអយ្យការអមសាលាដំបូងរាជធានីភ្នំពេញ លោក វ៉ិត មឃៈ បានបញ្ជាក់នៅព្រលប់ថ្ងៃទី១៦ ខែកុម្ភៈ ឆ្នាំ២០២៤នេះឱ្យដឹងថា សំណុំរឿងជនប្រឌិតរឿង ម៉ូលីកា ត្រូវបានតំណាងអយ្យការសម្រេចចោទប្រកាន់ជនសង្ស័យ ចំនួន០២បទល្មើស រួចបញ្ជូនសំណុំរឿងទៅបើកការស៊ើបសួរ ។ ជនត្រូវចោទរូបនេះមានឈ្មោះ យឹម សុផាន់ណា ភេទប្រុស ត្រូវបានចោទប្រកាន់ពីបទ ប្តឹងបរិហារបង្កាច់កេរ្តិ៍ និងបទក្លែងបន្លំ តាមមាត្រា៣១១ , មាត្រា៣១២ , មាត្រា៦២៦ និង មាត្រា៦២៧ នៃក្រមព្រហ្មទណ្ឌ ។ សូមបញ្ជាក់ថា ជនត្រូវចោទ ត្រូវបាននគរបាលរាជធានីភ្នំពេញឃាត់ខ្លួនពាក់ព័ន្ធការចូលរួមក្នុងការនិពន្ធរឿងប្រឌិត និងដើរតួជាតួអង្គស្រី ក្នុងរឿងក្លែងបន្លំជាអ្នកលេងបណ្តាញសង្គមឈ្មោះ ម៉ូលីកា សរសេរ និងបង្ហោះធ្វើឱ្យប៉ះពាល់កិត្តិយស និងសេចក្ដីថ្លៃថ្នូររបស់មន្ត្រីនគរបាល ដែលឈរជើងប្រចាំការអនុវត្តច្បាប់ចរាចរណ៍ផ្លូវគោកនៅគោលដៅស្តុបក្តាន់២។ ករណីនេះដែរ លោក សំ វិច្ឆិកា អ្នកនាំពាក្យនគរបាលរាជធានីភ្នំពេញ ធ្លាប់បានបញ្ជាក់ថា នៅមានជនពាក់ព័ន្ធដទៃផ្សេងទៀត ដែលកំពុងរត់គេចខ្លួន ខណៈដែលសមត្ថកិច្ចក៏កំពុងបន្តការស្រាវជ្រាវក្នុងការតាមចាប់ខ្លួនផងដែរ ។ រឿងរ៉ាវនេះ មុនពេលដែលសមត្ថកិច្ចរកការពិតឃើញ គឺបានផ្ទុះការរិះគន់យ៉ាងខ្លាំងខ្លា ពីសំណាក់មហាជនជាអ្នកប្រើប្រាស់បណ្តាញសង្គម បន្ទាប់ពីបែកធ្លាយព័ត៌មានទារប្រាក់ក្នុងពេលអនុវត្តច្បាប់ និងសារឆាតឆ្លើយឆ្លងផ្តោះផ្តោះស្នេហា ពីសំណាក់នគរបាលចរាចរណ៍ នៅស្តុបក្តាន់២ ជាមួយគណនីក្លែងក្លាយ ដោយភ្ជាប់រូបនារីរូបស្រស់ម្នាក់ និងប្រើឈ្មោះ ម៉ូលីកា ខាងលើ ៕ ដោយ ៖ លីហេង

អ៊ីស្រាអែល ស្នើឱ្យតុលាការពិភពលោក បដិសេធសំណើវិធានការបន្ទាន់ ជុំវិញការវាយលុកក្រុងរ៉ាហ្វា

2024/02/16 02:09:56 pm        260
Facebook Telegram Linkin
អ៊ីស្រាអែល បានស្នើឱ្យតុលាការយុត្តិធម៌អន្តរជាតិ ICJ ច្រានចោលសំណើរបស់អាហ្រ្វិកខាងត្បូង ក្នុងការចេញវិធានការបន្ទាន់បន្ថែម ដោយសារតែផែនការរបស់អ៊ីស្រាអែល ក្នុងការពង្រីកការវាយលុករបស់ខ្លួននៅតំបន់ហ្កាហ្សា ចូលទៅក្នុងទីក្រុងរ៉ាហ្វា (Rafah)។នៅក្នុងឯកសារ ដែលបានចេញផ្សាយកាលពីថ្ងៃព្រហស្បតិ៍ដោយតុលាការយុត្តិធម៌ ICJ ដែលត្រូវបានគេស្គាល់ថាជាតុលាការពិភពលោក អ៊ីស្រាអែលបានលើកឡើងថាវិធានការគ្រាអាសន្ន ដែលបានចេញកាលពីបីសប្តាហ៍មុន គ្របដណ្តប់ «ស្ថានភាពនៃអរិភាពនៅក្នុងតំបន់ហ្កាហ្សា ទាំងមូលរួចទៅហើយ» ហើយតុលាការគួរតែបដិសេធសំណើរបស់អាហ្វ្រិកខាងត្បូង។កាលពីដើមសប្តាហ៍នេះ អាហ្រ្វិកខាងត្បូងបានស្នើឱ្យតុលាការចេញវិធានការបន្ទាន់បន្ថែមទៀតដើម្បីការពារសិទ្ធិរបស់ជនជាតិប៉ាឡេស្ទីន នៅក្រុងរ៉ាហ្វា។ តុលាការយុត្តិធម៌ ICJ កាលពីខែមុនបានបញ្ជាឱ្យអ៊ីស្រាអែល ចាត់វិធានការទាំងអស់នៅក្នុងអំណាចរបស់ខ្លួនដើម្បីការពារកងទ័ពរបស់ខ្លួនពីការប្រព្រឹត្តអំពើប្រល័យពូជសាសន៍ប្រឆាំងនឹងប៉ាឡេស្ទីន នៅតំបន់ហ្កាហ្សា ក្នុងបណ្ដឹងដែលនាំមកដោយអាហ្វ្រិកខាងត្បូង។គេមិនច្បាស់ទេថានៅពេលណាដែលចៅក្រម នឹងសម្រេចលើសំណើចុងក្រោយរបស់អាហ្វ្រិកខាងត្បូង ឬថាតើពួកគេនឹងកោះហៅសវនាការបន្ថែមដើម្បីពិចារណាការស្នើសុំនោះ ឬយ៉ាងណា៕

ចំនួនអ្នកស្លាប់ជនជាតិប៉ាឡេស្ទីន ក្នុងសង្រ្គាមហ្កាហ្សា កើនដល់ជាង ២៨.៦០០ នាក់

2024/02/16 02:07:02 pm        267
Facebook Telegram Linkin
ក្រសួងសុខាភិបាលដែលគ្រប់គ្រងដោយក្រុមហាម៉ាស បាននិយាយកាលពីថ្ងៃព្រហស្បតិ៍ (១៥ កុម្ភៈ) ថាចំនួនអ្នកស្លាប់របស់ប៉ាឡេស្ទីន ពីការវាយប្រហារដែលកំពុងបន្តរបស់អ៊ីស្រាអែល លើតំបន់ហ្កាហ្សាស្ទ្រីប បានកើនឡើងដល់ ២៨.៦៦៣ នាក់ និងមនុស្ស ៦៨.៣៩៥ នាក់ផ្សេងទៀតបានរងរបួស។ ក្រសួងនេះបាននិយាយនៅក្នុងសេចក្តីថ្លែងការណ៍មួយថា កងទ័ពអ៊ីស្រាអែលបានសម្លាប់ជនជាតិប៉ាឡេស្ទីនចំនួន ៨៧ នាក់ និងបង្ករបួស ១០៤ នាក់ផ្សេងទៀតក្នុងរយៈពេល ២៤ ម៉ោងកន្លងមកនេះ។ទន្ទឹមនឹងនេះដែរ ប្រភពវេជ្ជសាស្ត្រប៉ាឡេស្ទីនបានរាយការណ៍ថា ជនជាតិប៉ាឡេស្ទីន ១០ នាក់ត្រូវបានសម្លាប់នៅក្នុងការវាយឆ្មក់របស់អ៊ីស្រាអែលក្នុងអំឡុងពេលប៉ុន្មានម៉ោងកន្លងទៅនេះនៅលើសង្កាត់ អាល់ហ្សាយធួន (Al-Zaytoun) និងសង្កាត់ អាល់សាប្រា (Al-Sabra) ក្នុងទីក្រុងហ្កាហ្សា។ប្រភពដែលនេះបាននិយាយថា យន្តហោះ និងកាំភ្លើងធំរបស់អ៊ីស្រាអែល ក៏បានទម្លាក់គ្រាប់បែកលើលំនៅឋានជាច្រើននៅក្នុងជំរំជនភៀសខ្លួននៅភាគកណ្តាលហ្កាហ្សាស្ទ្រីប ហើយបានវាយលុកមន្ទីរពេទ្យ ណាសសឺ (Nasser) ក្នុងទីក្រុង ខាន់ យូនីស (Khan Younis) ភាគខាងត្បូងហ្កាហ្សា ដោយបានសម្លាប់ជនជាតិប៉ាឡេស្ទីនរាប់សិបនាក់ និងរបួសជាច្រើននាក់ទៀត៕

កសិករប្រទេសឥណ្ឌា នឹងផ្អាកការហែក្បួនតវ៉ាទៅកាន់ទីក្រុងដេលី ខណៈការចរចាជាមួយរដ្ឋាភិបាលបន្ត

2024/02/16 01:03:46 pm        89
Facebook Telegram Linkin
កសិករនៅប្រទេសឥណ្ឌាដែលកំពុងទាមទាមទារតម្លៃខ្ពស់ជាងនេះសម្រាប់ផលដំណាំរបស់ពួកគេ នឹងផ្អាកការហែក្បួនបាតុកម្មតាមផែនការ ទៅកាន់ទីក្រុង ញូវ ដែលី រហូតដល់សហជីព ជួបពិភាក្សាជុំមួយផ្សេងទៀត ជាមួយរដ្ឋមន្ត្រីរដ្ឋាភិបាល នៅថ្ងៃអាទិត្យ។ រដ្ឋមន្ត្រីក្រសួងកសិកម្ម លោក អាជុន មុនដា (Arjun Munda) ដែលបានជួបជាមួយតំណាងកសិករ កាលពីថ្ងៃព្រហស្បតិ៍ រួមជាមួយរដ្ឋមន្ត្រីក្រសួងពាណិជ្ជកម្ម លោក ពីយូស ហ្គោយ៉ាល់ (Piyush Goyal) និងរដ្ឋមន្ត្រីក្រសួងកិច្ចការផ្ទៃក្នុង លោក នីតាយ៉ាណាន រ៉ៃ (Nityanand Rai) បាននិយាយថា កិច្ចពិភាក្សានេះគឺ មានភាពវិជ្ជមាន។ លោកបានប្រាប់អ្នកសារព័ត៌មាន បន្ទាប់ពីកិច្ចប្រជុំកាលពីថ្ងៃព្រហស្បតិ៍ថា «យើងបានសម្រេចថាកិច្ចប្រជុំបន្ទាប់នឹងពិភាក្សាពេលខាងមុខនៅថ្ងៃអាទិត្យ វេលាម៉ោង៦ ល្ងាចម៉ោងក្នុងស្រុក ដែលយើងជឿជាក់ថា យើងទាំងអស់គ្នានឹងស្វែងរកដំណោះស្រាយរួមគ្នាដោយសន្តិវិធី។ មេដឹកនាំបាតុកម្ម លោក ចាកជីត ស៊ីង ដាឡេវ៉ាល(Jagjit Singh Dallewal) បាននិយាយថា កសិករនឹងផ្អាកការហែក្បួនបាតុកម្មរបស់ពួកគេនៅពេលនេះ។ នៅពេលដែលកិច្ចប្រជុំចាប់ផ្តើម ប្រសិនបើយើងធ្វើដំណើរឆ្ពោះទៅមុខទៅកាន់ទីក្រុងដេលី តើកិច្ចប្រជុំនោះនឹងកើតឡើងដោយរបៀបណា? លោក Dallewal និយាយបន្ថែមថា ការតវ៉ានឹងបន្តដោយសន្តិវិធី។ កសិកររាប់ពាន់នាក់ បានចាប់ផ្ដើមដង្ហែក្បួនបាតុកម្ម ដែលហៅថា«តោះយើងទៅកាន់ទីក្រុងដេលី» កាលពីដើមសប្តាហ៍នេះ ដើម្បីដាក់សម្ធាធឱ្យរដ្ឋាភិបាលកំណត់តម្លៃអប្បបរមាសម្រាប់ផលិតផលរបស់ពួកគេ ប៉ុន្តែពួកគេត្រូវបានបញ្ឈប់ដោយកងកម្លាំងសន្តិសុខ ក្នុងចម្ងាយប្រហែល២០០គីឡូម៉ែត្រ ពីរដ្ឋធានី ដែលបង្កឱ្យមានការប៉ះទង្គិចគ្នា។ កសិករ នៅតែបោះជំរំនៅតាមព្រំដែនរវាងរដ្ឋ ពុនចាប (Punjab) និងរដ្ឋហារីយ៉ាណា(Haryana) នៅថ្ងៃសុក្រនេះ។ កងកម្លាំង សន្តិសុខបានប្រើប្រាស់របាំងបេតុង និងដែក ព្រមទាំងយានដ្រូន ដែលផ្ទុកដោយឧស្ម័នបង្ហៀរទឹកភ្នែក ដើម្បីបញ្ឈប់ពួកគេមិនឲ្យធ្វើដំណើរទៅមុខ។

បណ្ដាញសង្គម

ព័ត៌មានថ្មីៗ

ប្រធានាធិបតីបេឡារុស នឹងបំពេញដំណើរទស្សនកិច្ចទៅកាន់កូរ៉េខាងជើងតាមការអញ្ជើញរបស់លោក Kim Jong Un
03/24/2026 07:03 PM
Facebook Telegram Linkin
កម្ពុជា-សិង្ហបុរី ពង្រឹងកិច្ចសហប្រតិបត្តិការលើវិស័យកម្មសិទ្ធិបញ្ញា ដើម្បីជំរុញសេដ្ឋកិច្ចផ្អែកចំណេះដឹង និងនវានុវត្តន៍
03/24/2026 07:03 PM
Facebook Telegram Linkin
ក្រសួងការបរទេស៖ លោក Rubio នឹងចូលរួមកិច្ចប្រជុំ G7 នៅបារាំង ដើម្បីពិភាក្សាបញ្ហាអ៊ុយក្រែន និងមជ្ឈិមបូព៌ា
03/24/2026 07:03 PM
Facebook Telegram Linkin
អ៊ីរ៉ង់តែងតាំងអតីតមេបញ្ជាការកងឆ្មាំបដិវត្តន៍រ៉ឹងត្អឹងជំនួសប្រមុខសន្តិសុខដែលត្រូវបានសម្លាប់
03/24/2026 07:03 PM
Facebook Telegram Linkin
TOP STORY ក្រសួងការពារជាតិ៖សម្តីរបស់ប្រធានចារកម្មថៃដែលចោទមកលើកម្ពុជាថា ត្រៀមសម្រាប់ការផ្ទុះអាវុធលើកទី៣ គឺមិនត្រឹមត្រូវ និងជាការអះអាងដោយគ្មានមូលដ្ឋាន
03/24/2026 07:03 PM
Facebook Telegram Linkin
ស្ថានីយប្រេងសាំង នៅអូស្ត្រាលី កំពុងផ្ដើមអស់ស្តុក ទោះមានការធានាថា ទីផ្សារផ្គត់ផ្គង់ល្អប្រសើរក្ដី
03/24/2026 07:03 PM
Facebook Telegram Linkin
កម្ពុជា និងសហភាពអឺរ៉ុប ត្រួតពិនិត្យឡើងវិញអំពីកិច្ចសហប្រតិបត្តិការដែលកំពុងដំណើរការ និងពិភាក្សាលើអាទិភាពអនាគត
03/24/2026 07:03 PM
Facebook Telegram Linkin
រដ្ឋមន្ត្រីអាល្លឺម៉ង់៖ ការប្រកាសពីកិច្ចចរចាជាមួយអ៊ីរ៉ង់របស់លោក Trump អាចជាចំណុចរបត់
03/24/2026 07:03 PM
Facebook Telegram Linkin
មន្រ្តីជំនាញចែកវិញ្ញាបនបត្រសម្គាល់ម្ចាស់អចលនវត្ថុ ចំនួន៤០០៤បណ្ណជូនពលដ្ឋក្នុងភូមិស្វាយស ឃុំពន្លៃ ស្រុកភ្នំស្រុក
03/24/2026 07:03 PM
Facebook Telegram Linkin
ប្រធានាធិបតីចិនជំរុញឲ្យមានវឌ្ឍនភាពនៅក្នុងគម្រោងអនាគតនៅទីក្រុងរបស់លោក
03/24/2026 07:03 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.