BTV NEWS

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

បេសកជនUN អំពាវនាវឱ្យមាន «យន្តការបង្រួបបង្រួម» ដើម្បីដឹកនាំការកសាងទីក្រុងប៉ះពាល់ដោយទឹកជំនន់នៅលីប៊ីឡើងវិញ

មន្ត្រីជាន់ខ្ពស់របស់អង្គការសហប្រជាជាតិ ក្នុងប្រទេសលីប៊ី កាលពីថ្ងៃចន្ទ (២ តុលា) បានអំពាវនាវឱ្យមានយន្តការបង្រួបបង្រួមមួយ ដើម្បីដឹកនាំការកសាងឡើងវិញនូវទីក្រុងឆ្នេរសមុទ្រ ដែលត្រូវបានបំផ្លាញដោយទឹកជំនន់ដ៏មហន្តរាយកាលពីខែមុន។បេសកជនពិសេសរបស់អង្គការសហប្រជាជាតិទទួលបន្ទុកប្រទេសលីប៊ី លោក Abdoulaye Bathily បាននិយាយនៅក្នុងសេចក្តីថ្លែងការណ៍មួយថា យន្តការបែបនេះត្រូវបានទាមទារ ស្របពេលដែល «គំនិតផ្តួចផ្តើមឯកតោភាគី និងប្រកួតប្រជែង» ដោយបណ្ដាក្រុមហ៊ុន និងស្ថាប័ននានារបស់លីប៊ី លើការកសាងឡើងវិញនៃទីក្រុងសមុទ្រមេឌីទែរ៉ាណេ Derna និងតំបន់ដែលរងផលប៉ះពាល់ដោយទឹកជំនន់ផ្សេងៗទៀត។ក្រុមមន្ត្រីរដ្ឋាភិបាល និងទីភ្នាក់ងារផ្តល់ជំនួយ បានផ្តល់ការប៉ាន់ស្មានចំនួនអ្នកស្លាប់ ចាប់ពីជាង៤.០០០នាក់ ទៅជាង១១.០០០នាក់។ សាកសពមនុស្សជាច្រើននាក់ នៅតែស្ថិតនៅក្រោមគំនរបាក់បែក ឬនៅក្នុងសមុទ្រមេឌីទែរ៉ាណេ នេះបើតាមក្រុមស្រាវជ្រាវ។ខណៈលីប៊ីនៅតែមានការខ្វែងគំនិតគ្នា ដោយមានរដ្ឋបាលគូប្រជែងពីរក្រុម ទាមទារភាពស្របច្បាប់ ហើយម្នាក់ៗចង់មើលការខុសត្រូវលើការស្ថាបនាឡើងវិញនៃទីក្រុង Derna លោក Bathily បានអំពាវនាវឱ្យមាន «យន្តការជាតិបង្រួបបង្រួម ដែលតម្រូវឱ្យអនុវត្តកិច្ចខិតខំប្រឹងប្រែងកសាងឡើងវិញនៅក្នុងតំបន់ដែលរងផលប៉ះពាល់ដោយទឹកជំនន់» ប្រកបដោយប្រសិទ្ធភាព៕

ប្រធានទីភ្នាក់ងារទេសន្តរប្រវេសន៍ថ្មីរបស់UN បារម្ភថា ការស្លាប់តាមទូក ក្លាយជា«រឿងធម្មតា»

ប្រធានទីភ្នាក់ងារទេសន្តរប្រវេសន៍ថ្មីរបស់អង្គការសហប្រជាជាតិកាលពីថ្ងៃចន្ទ បានសម្តែងការព្រួយបារម្ភថាការស្លាប់នៅសមុទ្រមេឌីទែរ៉ាណេ កំពុងត្រូវបានធ្វើឲ្យក្លាយជាលក្ខណៈធម្មតា ហើយបានប្តេជ្ញាថា នឹងធ្វើការជាមួយរដ្ឋាភិបាល ដើម្បីផ្តល់ជម្រើសសម្រាប់ការធ្វើចំណាកស្រុកសេដ្ឋកិច្ច ដើម្បីជួយដោះស្រាយវិបត្តិនេះ។អតីតទីប្រឹក្សាសេតវិមាន អ្នកស្រី អាមី ប៉ូប ( Amy Pope) បានចាប់ផ្តើមជាប្រធានអង្គការអន្តរជាតិសម្រាប់ទេសន្តរប្រវេសន៍(IOM) កាលពីថ្ងៃទី១ ខែតុលា ក្នុងពេលដែលកំណត់ត្រានៃការផ្លាស់ទីលំនៅដោយបង្ខំនៅជុំវិញពិភពលោក និងភាពតានតឹងនយោបាយខ្ពស់ជុំវិញការធ្វើអន្តោប្រវេសន៍មិនទៀងទាត់។ក្នុងរយៈពេលប៉ុន្មានថ្ងៃថ្មីៗនេះ រដ្ឋមន្ត្រីអ៊ីតាលី និងមហាសេដ្ឋី Elon Musk បានរិះគន់ប្រទេសអាល្លឺម៉ង់សម្រាប់ការគាំទ្រសប្បុរសធម៌ជួយជនអន្តោប្រវេសន៍ដែលមានទុក្ខព្រួយនៅលើផ្លូវដ៏គ្រោះថ្នាក់បំផុតរបស់ពិភពលោក គឺសមុទ្រមេឌីទែរ៉ាណេ ដែលមនុស្ស ២២.000 នាក់ បានស្លាប់ ឬបាត់ខ្លួន ចាប់តាំងពីឆ្នាំ ២០១៤។ ក្រសួងការបរទេសអាល្លឺម៉ង់ បានការពារគោលនយោបាយរបស់ខ្លួន។ដោយស្នើឲ្យសួរដើម្បីធ្វើអត្ថាធិប្បាយលើការជជែកដេញដោលនោះ លោកស្រី ប៉ូប បាននិយាយថា៖ «កង្វល់ធំបំផុតរបស់យើង គឺការស្លាប់នៅសមុទ្រមេឌីទែរ៉ាណេ ត្រូវបានធ្វើឲ្យក្លាយជាលក្ខណៈធម្មតា ហើយមនុស្សជាច្រើនយល់ថា នេះគឺគ្រាន់តែការខាតបង់ពីការធ្វើដំណើររបស់មនុស្សប៉ុណ្ណោះ»។

ការផ្ទុះអាវុធក្នុងតំបន់ណាហ្គ័រណូ-ការ៉ាបាក់ បានបន្តរវាងកងកម្លាំងអាមេនី និងអាស៊ែរបៃហ្សង់

ទីក្រុងមូស្គូ បាននិយាយថា កងកម្លាំងរុស្ស៊ី និងអាស៊ែរបៃហ្សង់ កាលពីថ្ងៃចន្ទ បានរងការវាយប្រហារដោយការបាញ់ស៊ីប ក្នុងតំបន់ ណាហ្គ័រណូ-ការ៉ាបាក់ ជាច្រើនថ្ងៃបន្ទាប់ពីទីក្រុង Baku ទទួលបានការចុះចាញ់ពីក្រុមអ្នកផ្តាច់ខ្លួនអាមេនី ក្នុងការវាយលុកដើម្បីដណ្តើមយកមកវិញការគ្រប់គ្រងទឹកដីតំបន់ភ្នំ។ ការរាយការណ៍បានកើតមានឡើង ខណៈប្រទេសអាមេនី បាននិយាយថាទាហានម្នាក់ត្រូវបានសម្លាប់តាមបណ្តោមព្រំដែនរួមគ្នាជាមួយប្រទេសអាស៊ែរបៃហ្សង់ ដែលបានបង្ហាញពី អស្ថិរភាពនៅតំបន់នេះ ទោះបីជាបន្ទាប់ពីដណ្តើមបានការគ្រប់គ្រងបានតំបន់ការ៉ាបាក់កាលពីសប្តាហ៍មុនក៏ដោយ។ក្រសួងការពារជាតិរុស្ស៊ី បាននិយាយថា នៅក្នុងទីក្រុង Stepanakert ( ស្តេប៉ាណាគែរ) ការល្បាតរួមរបស់រុស្ស៊ី-អាស៊ែរបៃហ្សង់ ត្រូវបានបាញ់ប្រហារដោយក្រុមមនុស្សមិនស្គាល់អត្តសញ្ញាណ ដោយប្រើប្រាស់អាវុធបាញ់ស៊ីប ប៉ុន្តែគ្មានអ្នករងរបួសនោះទេ។ក្រុមផ្តាច់ខ្លួន បានចុះចាញ់ និងបាននិយាយថាមនុស្ស២២០នាក់ ត្រូវបានសម្លាប់ក្នុងការប្រយុទ្ធគ្នា ខណៈប្រទេសអាស៊ែរបៃហ្សង់ បានរាយការណ៍ថាមានអ្នកស្លាប់១៩៩នាក់។

នីហ្សេ៖ ទាហាន២៩នាក់ត្រូវបានសម្លាប់ដោយក្រុមជីហាដដែលសង្ស័យ ហើយទាហានប្រកាសកាន់ទុក្ខ៣ថ្ងៃ

ក្រសួងការពារជាតិ បាននិយាយកាលពីយប់ថ្ងៃចន្ទថា ទាហាន២៩នាក់ ត្រូវបានសម្លាប់នៅប្រទេស នីហ្សេ ភាគខាងលិច ក្នុងការវាយប្រហារមួយដោយក្រុមជីហាដ ដែលសង្ស័យ ដោយបានប្រកាសអំឡុងពេលកាន់ទុក្ខជាតិរយៈពេល៣ថ្ងៃ។ ក្រសួងបាននិយាយក្នុងសេចក្តីថ្លែងការណ៍តាមទូរទស្សន៍ថា ទាហានត្រូវបានដាក់គោលដៅ ដោយបានប្រើប្រាស់ឧបករណ៍បំផ្ទុះកែច្នៃ និងយានយន្ត kamikaze ដោយក្រុមភេរវករជាង១០០នាក់។យោងតាមក្រសួងបានឲ្យដឹងថា ទាហាន២នាក់ បានរងរបួសធ្ងន់ ហើយភេរវកររាប់សិបនាក់ ត្រូវបានសម្លាប់។ ការវាយប្រហារ បានកើតឡើងនៅជិតព្រំដែនប្រទេសជាមួយប្រទេសម៉ាលី អំឡុងប្រតិបត្តិការយោធាដែលមានបំណងប្រឆាំងការគំរាមកំហែង ដែលបានដាក់ដោយក្រុមអ៊ីស្លាម នៅក្នុងតំបន់នេះ។ ការបះបោររបស់ក្រុមជីហាដ បានញាំញីតំបន់ Sahel របស់អាហ្វ្រិក រយៈពេលជាង១ទសវត្សរ៍មកហើយ ដែលបានផ្ទុះឡើងនៅប្រទេសម៉ាលីភាគខាងជើង ក្នុងឆ្នាំ២០១២ មុនពេលរាលដាលទៅកាន់ប្រទេសនីហ្សេ និងបួគីណា ហ្វាសូ ដែលនៅជិតខាងក្នុងឆ្នាំ២០១៥។ តំបន់ព្រំដែនទាំងបី រវាង នីហ្សេ ម៉ាលី និងបួគីណាហ្វាសូ ញឹកញាប់ជាកន្លែងកើតហេតុនៃការវាយប្រហារដោយក្រុមសកម្មប្រយុទ្ធជាប់ពាក់ព័ន្ធជាមួយក្រុមរដ្ឋអ៊ីស្លាម និងក្រុមអាល់កៃដា។អំពើហិង្សា បានបញ្ឆេះការដណ្តើមកាន់កាប់របស់យោធា នៅក្នុងប្រទេសទាំងបីនេះ ដោយប្រទេសនីហ្សេចុងក្រុងបង្អស់ធ្លាក់ចូលក្នុងរដ្ឋប្រហារនៅថ្ងៃទី២៦ ខែកក្កដា ដែលបានបណ្តេញចេញលោក Mohamed Bazoum ជាប្រធានាធិបតីជាប់ឆ្នោតតាមបែបលទ្ធិប្រជាធិបតេយ្យ។

ប្រព័ន្ធផ្សព្វផ្សាយ៖ ការផ្ទុះដ៏ធំមួយ កើតមាននៅ Oxford របស់អង់គ្លេស បន្ទាប់ពីរន្ទះបាញ់

ប្រព័ន្ធផ្សព្វផ្សាយក្នុងស្រុករបស់ចក្រភពអង់គ្លេស បានរាយការណ៍ កាលពីថ្ងៃចន្ទ (ទី២ ខែតុលា) ថា អ្នកស្រុក នៅទីក្រុង Oxford មានការភ្ញាក់ផ្អើលយ៉ាងខ្លាំង ដោយសារការផ្ទុះដ៏ធំមួយ ដែលបានធ្វើឲ្យផ្ទៃមេឃភ្លឺចិញ្ចាច បន្ទាប់ពីមានរន្ទះបាញ់។មូលហេតុពិតប្រាកដនៃការផ្ទុះដ៏គួរឲ្យងឿងឆ្ងល់ ដែលត្រូវបានប្រជាជនថតជាប់នៅក្នុងវីដេអូនោះ នៅតែមិនទាន់បានដឹងច្បាស់លាស់នោះទេ នៅពេលនេះ។តែយ៉ាងណាក្ដី បុគ្គលមួយចំនួន បានលើកឡើងថា ការផ្ទុះនេះអាចបណ្តាលមកពីផ្លេកបន្ទោរ នៅតំបន់ជុំវិញនោះភ្លាមៗ បន្ទាប់ពីមានផ្គររន្ទះ ដោយវីដេអូហាក់ដូចជាចាប់បានពេលនៃការផ្ទុះនោះ។ការផ្ទុះនេះត្រូវបានគេរាយការណ៍ដំបូង នៅលើបណ្ដាញសង្គម នាពេលល្ងាច ដែលបង្កឲ្យមានការភ្ញាក់ផ្អើលយ៉ាងខ្លាំង ក្នុងចំណោមអ្នកស្រុក។ មនុស្សជាច្រើនបានថតសំឡេង «ផ្ទុះ» ដ៏ខ្លាំង ដែលធ្វើឲ្យផ្ទៃមេឃភ្លឺចិញ្ចាចនាពេលយប់នេះ។ ប្រជាពលរដ្ឋខ្លះក៏បានកត់សម្គាល់ផងដែរថា មានការដាច់ចរន្តអគ្គិសនីរយៈពេលខ្លី បន្ទាប់ពីមានការផ្ទុះនោះ៕

អង្គការណាតូ បញ្ជាក់ថា ទាហានអង់គ្លេស៦០០នាក់ នឹងត្រូវដាក់ពង្រាយនៅកូសូវ៉ូ

អង្គការណាតូ បានអះអាងថា ទាហានអង់គ្លេសប្រហែល ៦០០នាក់ នឹងត្រូវដាក់ពង្រាយនៅប្រទេសកូសូវ៉ូភាគខាងជើង ចំពេលមានការព្រួយបារម្ភអំពីអំពើហិង្សា និងការកសាងមូលដ្ឋានយោធាស៊ែរប៊ី នៅក្នុងតំបន់។ការអះអាងនេះ កើតឡើង នៅពេលដែលលោក Aleksandar Vucic ប្រធានាធិបតីនៃប្រទេសស៊ែរប៊ី បានបដិសេធរបាយការណ៍ ដែលទីក្រុងបែលហ្គ្រាដ (Belgrade)កំពុងបង្កើនចំនួនទាហាន នៅជិតព្រំដែនកូសូវ៉ូ ដោយត្អូញត្អែរអំពី «យុទ្ធនាការភូតកុហក» ប្រឆាំងនឹងប្រទេសរបស់លោក បន្ទាប់ពីការបាញ់ប្រហារដ៏សាហាវ ដែលបានបង្កឲ្យមានភាពតានតឹងរវាងប្រទេសទាំងពីរ។អ្នកយកព័ត៌មាន AP ដែលបានធ្វើដំណើរក្នុងតំបន់ព្រំដែន កាលពីថ្ងៃអាទិត្យ បាននិយាយថា ពួកគេបានឃើញរថយន្តដឹកជញ្ជូនរបស់កងទ័ពស៊ែរប៊ីជាច្រើនគ្រឿង បើកបរឆ្ពោះទៅកាន់ភាគកណ្តាលនៃប្រទេសស៊ែរប៊ី ដែលជាសញ្ញាមួយបង្ហាញថា យោធា អាចនឹងកាត់បន្ថយវត្តមានរបស់ខ្លួននៅក្នុងតំបន់។សហរដ្ឋអាមេរិក បានជំរុញឲ្យទីក្រុងបែលហ្គ្រាដដកកងទ័ពរបស់ខ្លួន បន្ទាប់ពីរដ្ឋាភិបាលរបស់កូសូវ៉ូ បាននិយាយថា ខ្លួនកំពុងតាមដានចលនារបស់យោធាស៊ែរប៊ីពី «ទិសដៅបីផ្សេងគ្នា»។

កំហឹងបានផ្ទុះឡើងនៅប្រទេសម៉ិកស៊ិក ក្នុងការតវ៉ាខួបលើកទី៥៥ នៃការសម្លាប់រង្គាលលើនិស្សិត

មនុស្សជាច្រើនបានផ្ទុះកំហឹង ខណៈមានការតវ៉ានៅតាមផ្លូវក្នុងរដ្ឋធានី ម៉ិកស៊ិកូ ស៊ីធី កាលពីថ្ងៃចន្ទ (២ តុលា) ដើម្បីប្រារព្ធខួបលើកទី៥៥ នៃការសម្លាប់រង្គាលនិស្សិត ដែលបានបង្កឲ្យមានកំហឹងនៅទូទាំងប្រទេសម៉ិកស៊ិក។ ក្រុមបាតុករបានវាយប្រហាររនាំងសន្តិសុខ ដែលត្រូវបានគេដំឡើងនៅខាងក្រៅនិវេសនដ្ឋានប្រធានាធិបតីរបស់ប្រទេសនេះ នៅទីលានចតុរង្គ ហ្សូខាឡូ (Zocalo)។ ក្រុមបាតុករទាមទារឲ្យរកយុត្តិធម៌ជូនអ្នកដែលត្រូវបានគេសម្លាប់ទាំងនោះ។កាលពីឆ្នាំ១៩៦៨ កងកម្លាំងសន្តិសុខបានវាយលុកការជួបជុំនិស្សិតឆ្វេងនិយម នៅសង្កាត់ ត្លាតេឡូខូ (Tlatelolco) នៃរដ្ឋធានី ម៉ិកស៊ិកូ ស៊ីធី ដោយបានសម្លាប់មនុស្សពី ៣០នាក់ទៅ ៤០នាក់ នេះបើយោងតាមក្រុមមន្ត្រី ប៉ុន្តែសកម្មជនសិទ្ធិមនុស្សនិយាយថា មានមនុស្សរហូតដល់៣០០នាក់ ត្រូវបានគេសម្លាប់។ ការសម្លាប់រង្គាលនិស្សិតនេះ បានកើតឡើងប៉ុន្មានថ្ងៃមុនពិធីបើកការប្រកួតកីឡាអូឡាំពិកឆ្នាំ១៩៦៨ របស់ប្រទេសម៉ិកស៊ិក នេះផងដែរ៕

អាមេនីជំរុញឲ្យ EU ដាក់ទណ្ឌកម្មអាស៊ែរបៃហ្សង់ ដោយព្រមានពីការវាយប្រហារបន្ថែមទៀត

ប្រទេសអាមេនីកាលពីថ្ងៃចន្ទ បានជំរុញឲ្យសហភាពអឺរ៉ុបដាក់ទណ្ឌកម្មអាស៊ែរបៃហ្សង់សម្រាប់ប្រតិបត្តិការយោធារបស់ខ្លួននៅក្នុងតំបន់ណាហ្គ័រណូ-ការ៉ាបាក់ ( Nagorno-Karabakh) ហើយបានព្រមានថា ទីក្រុងបាគូអាចវាយប្រហារប្រទេសអាមេនី ក្នុងពេលឆាប់ៗនេះ ប្រសិនបើលោកខាងលិចមិនចាត់វិធានការឲ្យបានម៉ឺងម៉ាត់ទេ។លោក តាហ្រ្គាន បាឡាយ៉ាន (Tigran Balayan) បេសកជនរបស់ប្រទេសអាមេនីប្រចាំសហភាពអឺរ៉ុបបានរាយបញ្ជីវិធានការដែលអាចមានដូចជាតម្លៃតម្លៃប្រេង និងឧស្ម័នរបស់អាស៊ែរបៃហ្សង់ និងការផ្អាកកិច្ចពិភាក្សាEUស្តីពីទំនាក់ទំនងជិតស្និទ្ធជាមួយបាគូ។ លោកក៏បានជំរុញឲ្យលោកខាងលិចផ្តល់ជំនួយសន្តិសុខ «គួរឲ្យទុកចិត្ត» ដល់ប្រទេសអាមេនី។លោកបាឡាយ៉ាន បានប្រាប់សារព័ត៌មានរ៉យទ័រក្នុងបទសម្ភាសន៍មួយ នៅទីក្រុងប្រ៊ុចសែលថា៖«វាមិនត្រឹមតែជាគំនិតរបស់រដ្ឋាភិបាលអាមេនីប៉ុណ្ណោះទេ ថែមទាំងមានអ្នកជំនាញជាច្រើនទៀត រួមទាំងរដ្ឋសមាជិកសហភាពអឺរ៉ុបមួយចំនួនផងដែរ ដែលការវាយប្រហារលើប្រទេសអាមេនី គឺជិតមកចូលដល់។កងកម្លាំងអាស៊ែរបៃហ្សង់ បានកាន់កាប់តំបន់ណាហ្គ័រណូ-ការ៉ាបាក់ ដែលជាតំបន់មួយនៅលើទឹកដីរបស់ខ្លួនដែលរស់នៅដោយជនជាតិអាមេនីក្នុងប្រតិបត្តិការផ្លេកបន្ទោរកាលពីខែមុន ដែលបានបង្កឲ្យមានការជម្លៀសជនជាតិអាមេនីជាង ១០០.000 នាក់ ក្នុងរយៈពេលមិនដល់មួយសប្តាហ៍ផងនោះ។

ទាហានស៊ីរីពីរនាក់ បានរងរបួសក្នុងការវាយប្រហារតាមអាកាសរបស់អ៊ីស្រាអែល លើទីតាំងកងទ័ពក្នុងទីក្រុង Deir al Zor

ប្រព័ន្ធផ្សព្វផ្សាយរដ្ឋស៊ីរី បាននិយាយនៅព្រឹកថ្ងៃអង្គារនេះ ដោយដកស្រង់សម្តីប្រភពយោធាមួយថា ទាហានពីរនាក់ បានរងរបួស បន្ទាប់ពីការវាយប្រហារតាមអាកាសរបស់អ៊ីស្រាអែលទៅលើទីតាំងឈរជើងរបស់កម្លាំងប្រដាប់អាវុធស៊ីរី នៅក្នុងតំបន់ជុំវិញខេត្ត ឌាអាល់ហ្ស័រ (Deir al Zor) ភាគខាងកើតនៃប្រទេសស៊ីរី កាលពីថ្ងៃចន្ទ។ប្រភពនោះ បាននិយាយថា៖«នៅម៉ោងប្រហែល ២៣:៥០នាទីរសៀល ថ្ងៃទី២ ខែតុលា សត្រូវរបស់អ៊ីស្រាអែល បានបើកការវាយប្រហារតាមផ្លូវអាកាសទៅលើទីតាំងរបស់កងកម្លាំងប្រដាប់អាវុធរបស់យើងមួយចំនួន នៅតំបន់ជុំវិញទីក្រុងឌាអាល់ហ្ស័រ ហើយការប្រហារនេះ បានបណ្តាលឲ្យទាហានពីរនាក់ រងរបួស និងបាត់បង់សម្ភារៈមួយចំនួន។ ពុំមានការអត្ថាធិប្បាយភ្លាមៗពីកងទ័ពអ៊ីស្រាអែលទេ។ប្រទេសអ៊ីស្រាអែល បាននិងកំពុងធ្វើការវាយប្រហារជាច្រើនឆ្នាំប្រឆាំងនឹងអ្វីដែលខ្លួនបានពិពណ៌នាថាជាគោលដៅទាក់ទងជាមួយអ៊ីរ៉ង់ នៅក្នុងប្រទេសស៊ីរី ដែលឥទ្ធិពលរបស់ទីក្រុងតេអេរ៉ង់ បានកើនឡើង ចាប់តាំងពីប្រទេសនេះ បានចាប់ផ្តើមគាំទ្រលោក ប្រធានាធិបតី បាសា អាល់អាសាដ (Bashar al-Assad) ក្នុងសង្គ្រាមស៊ីវិល ដែលបានចាប់ផ្តើម ក្នុងឆ្នាំ២០១១។

ជនអន្តោប្រវេសន៍ នៅម៉ិកស៊ិកភាគខាងត្បូង ឡើងជិះរថយន្តក្រុងក្នុងកម្មវិធីថ្មី កាត់បន្ថយហ្វូងមនុស្សចង្អៀត

ម៉ិកស៊ិក៖ ជនអន្តោប្រវេសន៍រាប់រយនាក់ នៅប្រទេសម៉ិកស៊ិកភាគខាងត្បូង កាលពីថ្ងៃចន្ទបានរង់ចាំរថយន្តក្រុងទៅកាន់ភាគខាងជើង ក្នុងកម្មវិធីរដ្ឋាភិបាលថ្មី ដែលមានន័យថានឹងជួយរៀបចំចំនួនមនុស្សមកដល់ខណៈប្រធានាធិបតីម៉ិកស៊ិក និយាយថាមនុស្ស ១០.០០០នាក់ បានទៅដល់ព្រំដែនសហរដ្ឋអាមេរិករាល់ថ្ងៃ។ នៅចំណតរថយន្តក្រុមមួយកន្លែង ក្នុងទីក្រុង Juchitan រដ្ឋ Oaxaca ជនអន្តោប្រវេសន៍មួយចំនួន និយាយថា ពួកគេ នឹងចូលទៅសហរដ្ឋអាមេរិកដោយមានការណាត់ជួប ដែលត្រូវធានាបានតាមរយៈ កម្មវិធី របស់រដ្ឋាភិបាលអាមេរិក CBP One និងសំណើសុំសិទ្ធជ្រកកោន។នៅក្នុងតំបន់នេះមនុស្សប្រមាណ៤០០នាក់ រួមមានទាំងគ្រួសារដែលមានកូនតូចៗ បានរង់ចាំរថយន្តក្រុងទៅកាន់រដ្ឋធានីរបស់រដ្ឋ ឬទីក្រុង Mexico City។មន្ត្រីរដ្ឋ Oaxaca បានបើកទីតាំងនេះកាលពីសប្តាហ៍មុនក្នុងកិច្ចប្រឹងប្រែងដើម្បីកាត់បន្ថយហានិភ័យសម្រាប់ជនអន្តោប្រវេសន៍ ដែលបានមកប្រមូលផ្តុំគ្នាក្នុងចំនួនដ៍ច្រើននៅចំណតរថយន្តក្រុងក្នុងតំបន់ ខណៈព្យាយាមទិញសំបុត្ររថយន្តក្រុងទៅភាគខាងជើង។ ជនអន្តោប្រវេសន៍ ត្រូវចំណាយប្រាក់ផ្ទាល់ខ្លួនសម្រាប់ថ្លៃឈ្នួល ហើយមនុស្សមួយចំនួនបាននិយាយថាពួកគេរង់ចាំលុយផ្ទេរមកពីសាច់ញាតរបស់ពួកគេ ឬស្វែងរកការងារធ្វើដើម្បីបង្កើនមូលនិធិ។ប្រធានាធិបតី ម៉ិកស៊ិក លោក Andres Manuel Lopez Obrador នៅក្នុងសន្និសីទសារព័ត៌មានពេលព្រឹករបស់លោក កាលពីថ្ងៃចន្ទ បាននិយាយថា មនុស្សប្រមាណ ៦.០០០នាក់ កំពុងចូលមកប្រទេសម៉ិកស៊ិកភាគខាងត្បូងរៀងរាល់ថ្ងៃ ហើយកាលពីសប្តាហ៍មុន ជនអន្តោប្រវេសន៍១០.០០០នាក់ បានទៅដល់ព្រំដែនអាមេរិក-ម៉ិកស៊ិក រាល់ថ្ងៃ៕

បណ្ដាញសង្គម

ព័ត៌មានថ្មីៗ

អ្នកការទូតអ៊ីរ៉ង់៖ កិច្ចចរចារវាងអាមេរិក និងអ៊ីរ៉ង់ បានបង្កើតគោលការណ៍សម្រាប់ដំណើរការការទូត

បេសកជនអ៊ីរ៉ង់៖ កិច្ចចរចា នៅអ៊ីស្លាម៉ាបាដ អាចបង្កើតក្របខ័ណ្ឌប្រកបដោយចីរភាព សម្រាប់គ្រប់ភាគី

លោក Ghalibaf៖ អ៊ីរ៉ង់នឹងមិនចុះញ៉ម ចំពោះការគំរាមឡើយ ក្រោយលោក Trump បញ្ជាបិទច្រកសមុទ្រ Hormuz

ព្រះខ័នរាជស្វាយរៀង ក្លាយជាក្លឹបដំបូងគេក្នុងប្រវត្តិសាស្ត្រលីគកំពូលកម្ពុជា ឈ្នះពានបីរដូវកាលជាប់គ្នា

ក្រុមអាជីវករលក់ដូររំពឹងថា នៅក្នុងព្រឹត្តិការណ៍នគរសង្ក្រាន្តឆ្នាំនេះពួកគាត់អាចលក់ដូរដាច់ទទួលបានចំណូលច្រើន

ការជម្លៀសពលរដ្ឋប៉ាឡេស្ទីនរងរបួស ចាប់ផ្តើមឡើងវិញតាមច្រកRafah បន្ទាប់ពីការផ្អាករបស់ អង្គការ WHO

ការបិទច្រកសមុទ្រ Hormuz របស់លោក Trump បង្កជាហានិភ័យផ្ដល់បញ្ហាធ្ងន់ដល់សម្ព័ន្ធមិត្តអាស៊ី និងចិន

ទូកដឹកជំនួយទៅហ្កាហ្សា ចេញពីកំពង់ផែ Barcelona ក្នុងបំណងបំពានការបិទផ្លូវរបស់អ៊ីស្រាអែល

អាមេរិក អូស្ត្រាលី និងហ្វីលីពីន បានធ្វើសមយុទ្ធរួមគ្នាលើកទីពីរនៅសមុទ្រចិនខាងត្បូងនៅឆ្នាំនេះ

អាជ្ញាធរជាតិដោះស្រាយវិវាទក្រៅប្រព័ន្ធតុលាការ និងរដ្ឋបាលខេត្តកោះកុង បានធ្វើការចុះអនុស្សរណៈនៃការយោគយល់គ្នា (MOU) ស្តីពីកិច្ចសហប្រតិបត្តិការក្នុងការសម្រុះសម្រួលផ្សះផ្សាវិវាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877