នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ
ឃាត់​ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេស​ស្នាក់​នៅខុស​ច្បាប់​ជា​ច្រើន​នាក់​ទៀត
នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា
ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

ចំនួនអ្នកស្លាប់ដោយអគ្គិភ័យនៅរោងចក្រផលិត ឧបករណ៍វាយកូនហ្គោលកើនឡើងដល់៩នាក់

2023/09/25 12:08:56 pm        196
Facebook Telegram Linkin
ចំនួនអ្នកស្លាប់ ដោយសារអគ្គិភ័យ នៅរោងចក្រផលិតឧបករណ៍វាយកូនហ្គោល នៅកោះតៃវ៉ាន់ភាគខាងត្បូងកាលពីថ្ងៃចុងសប្តាហ៍ បានកើនឡើងដល់យ៉ាងហោចណាស់៩នាក់។ មន្ត្រីបាននិយាយនៅថ្ងៃចន្ទនេះថា ចំនួននេះបូករួមទាំងអ្នកពន្លត់អគ្គិភ័យ ដែលបានស្លាប់នៅក្នុងការផ្ទុះ។យោងតាមរដ្ឋាភិបាលតំបន់ បានឲ្យដឹងថា អគ្គិភ័យ ដែលបានចាប់ផ្តើមកាលពីល្ងាចថ្ងៃសុក្រ និងបន្តរហូតពេញមួយយប់ បានធ្វើឲ្យរងរបួសមនុស្សជាង១០០នាក់ ដែលភាគច្រើនជាកម្មករនៅក្នុងរោងចក្រ ក្នុងតំបន់ Pingtung ។ មន្ត្រីតំបន់ បានប្រាប់សារព័ត៌មាន AFP ថា មនុស្សម្នាក់នៅតែត្រូវបានចុះបញ្ជីថានៅបាត់ខ្លួននៅឡើយ ខណៈការធ្វើតេស្តបន្ថែមទៀតត្រូវការដើម្បីផ្ទៀងផ្ទាត់ការកំណត់អត្តសញ្ញាណបំណែកសាកសព ដែលត្រូវបានរកឃើញនៅកន្លែងកើតហេតុ។ទីភ្នាក់ងារសារព័ត៌មានកណ្តាលកោះតៃវ៉ាន់ ដោយដកស្រង់សម្តីមន្ត្រីអគ្គិភ័យតំបន់ Pingtung បាននិយាយថា ការផ្ទុះបានបណ្តាលឲ្យផ្នែកនៃអគារ បានបាក់រលំនៅម៉ោងប្រហែល៦:១០ នាទីថ្ងៃសុក្រ ម៉ោងក្នុងតំបន់ ដែលបានធ្វើឲ្យជាប់ក្រុមអ្នកពន្លត់អគ្គិភ័យ និងកម្មករនៅក្រោមកម្ទេចកម្ទី ហើយការផ្ទុះលើកទី២ កើតឡើងរយៈពេល២០នាទីក្រោយមក។ មូលហេតុនៃអគ្គិភ័យនៅពុំទាន់ដឹងច្បាស់នៅឡើយ។ មន្ត្រីនាយកដ្ឋានពន្លត់អគ្គិភ័យ បានប្រាប់ប្រព័ន្ធផ្សព្វផ្សាយថា អាស៊ីតដែលមានសារធាតុអ៊ីដ្រូហ្សែនគីមីច្រើន ត្រូវបាស្តុកទុកនៅខាងក្នុងរោងចក្រ ដែលអាចបង្កឲ្យមានការផ្ទុះធំមួយលើក និងការផ្ទុះទ្រង់ទ្រាយតូចៗជាច្រើន។ មេដឹកនាំលោកស្រី Tsai Ing-wen និងមន្ត្រីជាន់ខ្ពស់ផ្សេងទៀត បានពិនិត្យកន្លែងកើតហេតុដើម្បីបង្ហាញការរំលែកទុក្ខដល់ក្រុមគ្រួសារជនរងគ្រោះ និងសន្យាស៊ើបអង្កេតរកមូលហេតុអគ្គិភ័យនេះ។

ក្រុមហ៊ុនផលិតអាហារប្រអប់ជប៉ុន ត្រូវបានហាមឃាត់មិនឲ្យធ្វើប្រតិបត្តិការ ជុំវិញការពុលអាហារ

2023/09/25 12:00:34 pm        197
Facebook Telegram Linkin
ប្រព័ន្ធផ្សព្វផ្សាយក្នុងតំបន់ បានរាយការណ៍ថា ក្រុមហ៊ុនផលិតអាហារប្រអប់ នៅប្រទេសជប៉ុនភាគឦសាន ត្រូវបានហាមឃាត់ ដោយអាជ្ញាធរសុខភាពសាធារណៈមិនឲ្យធ្វើប្រតិបត្តិការដោយសារតែ មានករណីពុលអាហាររាប់រយករណី បណ្តាលមកពីផលិតផលរបស់ខ្លួន។Yoshidaya ជាក្រុមហ៊ុនផលិតអាហារប្រអប់ក្នុងតំបន់ ដែលត្រូវបានគេស្គាល់យ៉ាងសាម័ញ្ញថា Bento ជាភាសាជប៉ុន បានផ្អាកប្រតិបត្តិការដោយស្ម័គ្រចិត្ត ចាប់ផ្តើមពីថ្ងៃអាទិត្យម្សិលមិញ បន្ទាប់ពីត្រូវបានហាមឃាត់ពីប្រតិបត្តិការកាលពីថ្ងៃសៅរ៍ដោយអាជ្ញាធរសុខភាពសាធារណៈ នៅក្នុងខេត្ត Aomori ។ មនុស្សជិត៣០០នាក់ មកពីខេត្តចំនួន ២៤ នៅក្នុងប្រទេសនេះ ដែលច្រើនជាងពាក់កណ្តាលនៃចំនួនខេត្តនៅទូទាំងប្រទេសជប៉ុន បានរាយការណ៍ពីរោគសញ្ញា ដូចជា រាគ និងក្អួត បន្ទាប់ពីទទួលទានអាហារច្រកប្រអប់ ដែលផ្គត់ផ្គង់ដោយក្រុមហ៊ុន មានមូលដ្ឋាននៅទីក្រុង Hachinohe ខេត្ត Aomori ។មន្ត្រីសុខភាពសាធារណៈ ក្នុងក្រុង Hachinohe និយាយថា ចំនួនអ្នកជំងឺអាចកើនឡើងបន្ថែមទៀត។

ជំរំជនអន្តោប្រវេសន៍ នៅខាងក្រៅស្ថានីយរថយន្តក្រុង Mexico City ស្វែងរកការដឹកជញ្ជូន​ទៅភាគខាងជើង

2023/09/25 11:53:41 am        143
Facebook Telegram Linkin
ជនអន្តោប្រវេសន៍ជាប់គាំងដំណើរ ដែលបានបោះជំរំនៅស្ថានីយរថយន្តក្រុង នៅទីក្រុង Mexico City កំពុងរងចាំ ប្រមូលលុយដើម្បីទិញសំបុត្រទៅកាន់ភាគខាងជើង។ជនអន្តោប្រវេសន៍មកពីប្រទេសវ៉េណេស៊ុយអេឡា និងហុងឌុយរ៉ាស់ បាននិយាយកាលពីថ្ងៃអាទិត្យថា ពួកគេបានជ្រើសរើសយកការបោះជំរំនៅខាងក្រៅស្ថានីយរថយន្តក្រុង ព្រោះពួកគេពុំមានមធ្យោបាយដើម្បីមានលទ្ធភាពធ្វើដំណើរទៅកាន់គោលដៅចុងក្រោយរបស់ពួកគេនៅព្រំដែនសហរដ្ឋអាមេរិក នោះទេ។ នាង Gina ជាជនអន្តោប្រវេសន៍ម្នាក់មកពីប្រទេសវ៉េណេស៊ុយអេឡា និយាយថា នាងនិងស្វាមីរបស់នាង Ricardo ធ្លាប់លាងរថយន្ត និងធ្វើការជាអ្នកសម្អាត នៅក្នុងអាជីវកម្មមួយកន្លែងនៅក្បែរនោះ ប៉ុន្តែពួកគេត្រូវបញ្ឈប់ការងារបណ្តោះអាសន្ននៅពេលកូនរបស់ពួកគេឈឺ។ ជនអន្តោប្រវេសន៍មួយចំនួន បាននិយាយថាពួកគេបានជាប់គាំងដំណើររហូតដល់១៥ថ្ងៃ ដោយគ្មានទឹកទទួលទាន ឬទឹកសម្រាប់ងូតឡើយ។ ពលរដ្ឋដែលរស់នៅតំបន់ក្បែរនោះបានផ្តល់អាហារ និងទឹក ដើម្បីជួយពួកគេស៊ូទ្រាំចំពោះការលំបាក។ ជនអន្តោប្រវេសន៍ជាច្រើន ត្រូវបានចាប់ខ្លួន ដែលកំពុងឆ្លងកាត់ដោយខុសច្បាប់ ឬបង្ហាញខ្លួនពួកគេនៅព្រំដែនស្របច្បាប់ដោយការឆ្លងកាត់បានកើនឡើងជាបន្តបន្ទាប់ បន្ទាប់ពីបានធ្លាក់ចុះកាលពីពាក់កណ្តាលខែឧសភា។

មនុស្ស៣៥នាក់បានស្លាប់ ក្នុងអគ្គិភ័យឆាបឆេះហាងលក់ទំនិញនៅភាគអាគ្នេយ៍ប្រទេសបេណាំង

2023/09/25 11:46:25 am        156
Facebook Telegram Linkin
តំណាងក្រសួងយុត្តិធម៌បាននិយាយថា យ៉ាងហោចណាស់មនុស្ស៣៥នាក់ បានស្លាប់នៅភាគអាគ្នេយ៍ប្រទេសបេនីន កាលពីថ្ងៃសៅរ៍ (២៣ កញ្ញា) បន្ទាប់ពីអគ្គីភ័យបានឆាបឆេះនៅក្នុងហាងលក់ទំនិញមួយកន្លែង ដែលសាក្សីបាននិយាយថាប្រេងសាំងកំពុងត្រូវបានបង្ហូរចេញ។ អគ្គីភ័យបានឆាបឆេះនៅម៉ោង៩:៣០នាទី (ម៉ោងក្នុងស្រុក) នៅក្នុងក្រុង Seme-Podji ជិតព្រំដែនជាមួយប្រទេសនីហ្សេរីយ៉ា។ព្រះរាជអាជ្ញា Abdoubaki Adam-Bongle បាននិយាយនៅក្នុងសេចក្តីថ្លែងការណ៍របស់ក្រសួងថា «អគ្គិភ័យបានឆាបឆេះហាងមួយនោះ ហើយយោងទៅតាមការវាយតម្លៃដំបូង បានបណ្តាលឱ្យមនុស្ស៣៥នាក់បានស្លាប់ ក្នុងនោះមានកុមារម្នាក់»។ លោកបានបន្តថា តាមសាក្សីដែលបានសម្ភាសនោះ អគ្គិភ័យប្រហែលជាផ្តើមឆាបឆេះក្នុងពេលបង្ហូរសាំងមកវិញ» ហើយមនុស្សរាប់សិបនាក់ផ្សេងទៀតបានរងរបួសធ្ងន់កំពុងសម្រាកព្យាបាលនៅមន្ទីរពេទ្យផងដែរ៕

មនុស្សយ៉ាងហោចណាស់១៦នាក់ បានស្លាប់ នៅក្នុងអគ្គីភ័យអណ្តូងរ៉ែធ្យូងថ្ម នៅភាគនិរតីនៃប្រទេសចិន

2023/09/25 11:42:28 am        97
Facebook Telegram Linkin
មន្ត្រីក្នុងតំបន់បាននិយាយថា យ៉ាងហោចណាស់មនុស្ស១៦នាក់ បានស្លាប់នៅក្នុងអគ្គីភ័យអណ្តូងរ៉ែធ្យូងថ្មកាលពីថ្ងៃអាទិត្យ (២៤ កញ្ញា) នៅក្នុងខេត្ត គួយចូវ (Guizhou) ភាគនិរតីនៃប្រទេសចិន។ រដ្ឋាភិបាលទីក្រុងផានចូវ (Panzhou) បាននិយាយនៅក្នុងសេចក្តីជូនដំណឹងមួយ ដែលបានបង្ហោះនៅលើគេហទំព័ររបស់ខ្លួនកាលពីយប់ថ្ងៃអាទិត្យថា អគ្គីភ័យបានឆាបឆេះនៅអណ្តូងធ្យូង សានចាវស៊ូ (Shanjaoshu) នៅម៉ោងប្រហែល៨:១០ព្រឹក (ម៉ោងក្នុងស្រុក)។សេចក្តីជូនដំណឹងនោះបាននិយាយថា បុគ្គលិកសង្គ្រោះបន្ទាន់បានពន្លត់ភ្លើង ហើយសីតុណ្ហភាពនៅទីតាំងកើតហេតុបានវិលមកសភាពធម្មតាវិញ ប៉ុន្តែបន្ទាប់ពីការផ្ទៀងផ្ទាត់បឋម មនុស្ស១៦នាក់បានស្លាប់បាត់បង់ជីវិត។ អណ្តូងរ៉ែនៅទីក្រុងប៉ានចូវ នោះ មានចម្ងាយប្រហែល៣៦០០គីឡូម៉ែត្រ ភាគនិរតីនៃរដ្ឋធានីប៉េកាំង។ខណៈពេលដែលស្តង់ដារសុវត្ថិភាពនៅក្នុងវិស័យរុករករ៉ែ របស់ប្រទេសចិន មានភាពប្រសើរឡើងក្នុងប៉ុន្មានទសវត្សរ៍ចុងក្រោយនេះ គ្រោះថ្នាក់នៅតែបន្តកើតមានជាញឹកញាប់នៅក្នុងឧស្សាហកម្មនេះ ដោយសារតែការអនុវត្តន៍ពិធីការតិចតួច ជាពិសេសនៅកន្លែងដែលមានមូលដ្ឋានរុករករ៉ែច្រើនបំផុត។ កាលពីឆ្នាំមុន មនុស្ស២៤៥នាក់ បានស្លាប់ក្នុងគ្រោះថ្នាក់១៦៨ករណី នេះបើយោងតាមតួលេខផ្លូវការ៕

ពលរដ្ឋស៊ុយអែត តវ៉ាសំណើចូលជាសមាជិកអង្គការណាតូរបស់រដ្ឋាភិបាល

2023/09/25 11:38:59 am        168
Facebook Telegram Linkin
ជនជាតិស៊ុយអែតជាង ១០០នាក់ បានប្រមូលផ្តុំគ្នានៅទីក្រុង Stockholm កាលពីថ្ងៃសៅរ៍ (២៣ កញ្ញា) ដើម្បីតវ៉ាចំពោះការសម្រេចរបស់រដ្ឋាភិបាលស៊ុយអែត ក្នុងការចូលរួមជាមួយអង្គការណាតូ ដោយអំពាវនាវឱ្យបញ្ចប់សង្គ្រាម និងបដិសេធសមាជិកភាពនៃសម្ព័ន្ធយោធាមួយនេះ។ក្រុមអ្នកតវ៉ាបានលើកស្លាកសញ្ញាដែលសរសេរថា «ស៊ុយអែតមិនត្រូវការ ណាតូ សម្រាប់សន្តិភាពទេ ហើយណាតូ នឹងនាំតែសង្គ្រាមសម្រាប់ស៊ុយអែត ប៉ុណ្ណោះ» និង «និយាយថា ទេ ចំពោះណាតូ» ព្រមទាំងសម្តែងការប្រឆាំងរបស់ពួកគេ ចំពោះការបោះបង់ចោលនូវអព្យាក្រឹតភាពរបស់ស៊ុយអែត ក្នុងការចូលជាសមាជិកអង្គការណាតូ។ក្រុមអ្នកតវ៉ាបាននិយាយថា ណាតូ មិនមែនជាសម្ព័ន្ធមិត្តការពារជាតិទេ ប៉ុន្តែជាសម្ព័ន្ធមិត្តប្រដាប់អាវុធនុយក្លេអ៊ែរ ដែលបម្រើផលប្រយោជន៍របស់សហរដ្ឋអាមេរិក និងធ្វើសង្គ្រាមនៅក្រៅប្រទេស ខណៈអាវុធនុយក្លេអ៊ែរបានបង្កើតមូលដ្ឋានគ្រឹះយុទ្ធសាស្ត្ររបស់ណាតូ ជាមួយនឹងអាវុធនុយក្លេអ៊ែរយុទ្ធសាស្ត្ររបស់សហរដ្ឋអាមេរិក ត្រូវបានចាត់ទុកថា មិនមែនជាការធានាសន្តិសុខនោះទេ។សូមបញ្ជាក់ថា បញ្ហាការចូលជាសមាជិកណាតូរបស់ស៊ុយអែត កំពុងស្ថិតក្រោមការពិភាក្សាជិតមួយឆ្នាំហើយ។ នៅក្នុងសម្ព័ន្ធភាពយោធា មានតែសភាទួរគី និងហុងគ្រីប៉ុណ្ណោះ ដែលមិនទាន់អនុម័តសមាជិកភាពរបស់ប្រទេសស៊ុយអែតនេះ៕

ការធ្វើកូដកម្មរបស់ក្រុមអ្នកនិពន្ធភាពយន្តហូលីវ៉ូដ បានឈានដល់កិច្ចព្រមព្រៀង ដំបូងជាមួយស្ទូឌីយ៉ោ

2023/09/25 11:35:36 am        132
Facebook Telegram Linkin
ក្រុមសហជីពការងារ Writers Guild of America បាននិយាយថា ក្រុមអ្នកនិពន្ធភាពយន្តហូលីវ៉ូដ(Hollywood) បានឈានដល់កិច្ចព្រមព្រៀងដំបូងមួយជាមួយស្ទូឌីយ៉ោធំៗកាលពីថ្ងៃអាទិត្យ ជាកិច្ចព្រមព្រៀងមួយដែលត្រូវគេរំពឹងថានឹងបញ្ចប់ការធ្វើកូដកម្មមួយក្នុងចំណោមកូដកម្មចំនួន២ ដែលបានបញ្ឈប់ការផលិតខ្សែភាពយន្តទូរទស្សន៍ដ៏ល្បីល្បាញបំផុត និងខាតបង់សេដ្ឋកិច្ច របស់រដ្ឋ California រាប់ពាន់លានដុល្លារក្នុង ។កិច្ចសន្យាដែលមានរយៈពេល៣ឆ្នាំ ចាំបាច់ត្រូវអនុម័តដោយសមាជិក Writers Guild of America ដែលតំណាងភាពយន្ត១១,៥០០ រឿង និងក្រុមអ្នកនិពន្ធប៉ារ៉ូលភាពយន្តឲ្យកម្មវិធីទូរទស្សន៍ មុនពេលកិច្ចព្រមព្រៀងនេះចូលជាធរមាន ។សេចក្តីថ្លែងការណ៍ខ្លីមួយ ក្រុមសហជីពការងារ Writers Guild of America បាននិយាយថា កិច្ចព្រមព្រៀងនេះគឺ អាចធ្វើទៅបានដោយសាមគ្គីភាពយូរអង្វែងនៃសមាជិក របស់សហជីពនេះ និងការគាំទ្រពេញទំហឹងពីបងប្អូនបង្កើតសហជីពរបស់យើង ដែលបានចូលរួមជាមួយយើងទាំងអស់គ្នា នៅលើក្រាប់ខណ្ឌការងារ អស់រយៈពេលជាង ១៤៦ ថ្ងៃ ។ដំណោះស្រាយរបស់ក្រុមសហជីពនេះ ដែលជាកិច្ចព្រមព្រៀងដ៏សំខាន់មួយ នឹងមិនតម្រូវឲ្យក្រុមហូលីវ៉ូដ ត្រឡប់ទៅធ្វើការវិញឡើយ ។សហជីព SAG-AFTRA របស់ក្រុមតារាសម្ដែងនៅតែបន្តចេញធ្វើកូដកម្ម។ ក្រុមអ្នកនិពន្ធ បានដើរចេញពីការងារកាលពីថ្ងៃទីខែឧសភា បន្ទាប់ពីការចរចាបានឈានដល់ដំណាក់កាលជាប់គាំង ជុំវិញការសងសំណងការកាត់បន្ថយបុគ្គលិករបស់ការិយាល័យអ្នកនិពន្ធ ការប្រើបញ្ញាសិប្បនិម្មិត និងប្រាក់រង្វាន់ដល់ក្រុមអ្នកនិពន្ធសម្រាប់ការផ្សាយផ្ទាល់ដ៏ពេញនិយមនៅតាមបណ្ដាញសង្គម ក្នុងចំណោមបញ្ហាផ្សេងទៀត៕

ឪពុកម្តាយជនជាតិអ៊ុយក្រែន ត្រូវបានអញ្ជើញឲ្យមកយកកូនរបស់ពួកគេពីប្រទេសរុស្ស៊ី ត្រឡប់ទៅវិញ

2023/09/25 10:37:15 am        162
Facebook Telegram Linkin
អ៊ុយក្រែន៖ រដ្ឋមន្ត្រីការបរទេសរុស្ស៊ីលោក សឺហ្គេ ឡាវរ៉ូវ (Sergey Lavrov) បានអញ្ជើញឪពុកម្តាយជនជាតិអ៊ុយក្រែនឲ្យ«មកយកកូនរបស់ពួកគេ» ដែលយកពីអ៊ុយក្រែន ត្រឡប់ទៅវិញ ចំពេលមានសង្រ្គាម ដែលកំពុងបន្តនោះ។អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គុយតឺរេស ( Antonio Guterres) បានថ្លែងនៅក្នុងសុន្ទរកថាក្នុងអំឡុងពេលបើកការពិភាក្សារបស់ក្រុមប្រឹក្សាសន្តិសុខ កាលពីថ្ងៃពុធកន្លងទៅថា ភ័ស្តុតាងនៃការរំលោភសិទ្ធិមនុស្សដ៏គួរឲ្យតក់ស្លុត និងរីករាលដាលកាន់តែខ្លាំង ក្នុងអំឡុងពេលសង្គ្រាមអ៊ុយក្រែន ត្រូវបានចងក្រងជាឯកសារ ដោយទីភ្នាក់ងារUN។ការរំលោភសិទ្ធិមនុស្សទាំងនោះរួមមាន«អំពើហិង្សាផ្លូវភេទដែលទាក់ទងនឹងជម្លោះ»ក៏ដូចជា «ការឃុំខ្លួនតាមទំនើងចិត្ត» និង ការប្រហារជីវិតភ្លាមៗ»ដែលត្រូវបានអនុវត្តភាគច្រើនដោយកងទ័ពរុស្ស៊ី។លោកហ្គុយតឺរេស ក៏បានថ្កោលទោសចំពោះការបញ្ជូនដោយបង្ខំនូវជនស៊ីវិលអ៊ុយក្រែន រួមទាំងកុមារ ទៅកាន់ទឹកដី ក្រោមការគ្រប់គ្រងរបស់រុស្ស៊ី ឬ ទៅសហព័ន្ធរុស្ស៊ី។លោកឡាវ៉រូវ បានឆ្លើយតបទៅនឹងការអធិប្បាយរបស់លោក ហ្គុយតឺរេស ក្នុងអំឡុកិច្ចប្រជុំសួរនិងឆ្លើយដ៏វែងជាមួយអ្នកសារព័ត៌មាន ដែលត្រូវបានចាក់ផ្សាយដោយក្រសួងការបរទេសរបស់រុស្ស៊ីនៅលើTwitter។ ក្នុងសុន្ទរកថានោះ លោកឡាវរ៉ូវ ក៏បាននិយាយថា សហរដ្ឋអាមេរិកកំពុងតែធ្វើសង្រ្គាមដោយផ្ទាល់ជាមួយប្រទេសរុស្ស៊ី៕

អភិបាលក្រុង៖ រដ្ឋតិចសាស់ កំពុងស្ថិតនៅចំណុចបំបែកមួយ ខណៈជនអន្តោប្រវេសន៍សម្រុកចូលព្រំដែន

2023/09/25 10:33:40 am        113
Facebook Telegram Linkin
អាមេរិក៖ ការកើនឡើងនៃជនអន្តោប្រវេសន៍ឆ្លងកាត់ព្រំដែនសហរដ្ឋអាមេរិក ពីប្រទេសម៉ិកស៊ិក បានធ្វើឲ្យទីក្រុង អ៊ែល ប៉ាសូ (El Paso) ក្នុងរដ្ឋតិចសាស់ កំពុងស្ថិតនៅក្នុង «ចំណុចបំបែក» ដែលមិនអាចគ្រប់គ្រងបាន ដោយមានមនុស្សជាង២.០០០នាក់ក្នុងមួយថ្ងៃ ស្វែងរកសិទ្ធិជ្រកកោន ដែលលើសពីសមត្ថភាពក្នុងការផ្ដល់ជម្រក និងកង្វះខាតធនធានរបស់ទីក្រុងមួយនេះ នេះបើយោងតាមអភិបាលក្រុងបាននិយាយកាលពីថ្ងៃសៅរ៍ (២៣ កញ្ញា)។ក្រុមអ្នកស្វែងរកសិទ្ធិជ្រកកោនមកពីប្រទេសវេណេហ្ស៊ុយអេឡា ដ៏ច្រើនលើសលុប គឺជាផ្នែកមួយនៃការកើនឡើងដ៏ធំនៃជនអន្តោប្រវេសន៍ ដែលបានធ្វើដំណើរតាមផ្លូវគ្រោះថ្នាក់នៅលើឡានក្រុង និងរថភ្លើងដឹកទំនិញទៅកាន់ទីក្រុងព្រំដែនម៉ិកស៊ិក ក្បែរទីក្រុង San Diego រដ្ឋកាលីហ្វ័រនីញ៉ា ព្រមទាំងទីក្រុង អ៊ែល ប៉ាសូ និងទីក្រុង Eagle Pass របស់រដ្ឋតិចសាស់ ផងដែរ។អភិបាលក្រុង លោក Oscar Leeser បានប្រាប់សន្និសីទសារព័ត៌មានថា ទីក្រុង អ៊ែល ប៉ាសូ គ្រោងនឹងបើកទីជម្រកថ្មី ហើយកាលពីថ្ងៃសៅរ៍បានជួលឡានក្រុងចំនួន៥គ្រឿង ដើម្បីដឹកជនអន្តោប្រវេសន៍ទៅកាន់ទីក្រុង ញ៉ូវ យ៉ក ទីក្រុង Chicago និងទីក្រុង Denver ដោយបានបន្ថែមថា ប្រព័ន្ធអន្តោប្រវេសន៍សហរដ្ឋអាមេរិកទាំងមូលត្រូវបានខូចខាតហើយ។អភិបាលរដ្ឋតិចសាស់ និងរដ្ឋហ្វ្លរីដា របស់គណបក្សសាធារណរដ្ឋ ត្រូវបានគេរិះគន់ចំពោះការបញ្ជូនជនអន្តោប្រវេសន៍ទៅកាន់ទីក្រុងនានា ដែលគេយល់ថាជាទីក្រុងសេរី ដូចជាញូវយ៉ក និងសាក្រាម៉ង់តូ ជាដើម។ ប៉ុន្តែលោក Leeser ដែលជាអ្នកប្រជាធិបតេយ្យ បាននិយាយថា ជនអន្តោប្រវេសន៍ទាំងអស់នៅលើឡានក្រុង អ៊ែល ប៉ាសូ កំពុងធ្វើដំណើរដោយស្ម័គ្រចិត្តទៅកាន់ទីក្រុងដែលពួកគេជ្រើសរើស៕

មនុស្ស៤ម៉ឺននាក់ តវ៉ាប្រឆាំងនឹងការលើកលែងទោសដល់ក្រុមផ្ដាច់ខ្លួនកាតាឡាន់ នៅប្រទេសអេស្ប៉ាញ

2023/09/25 10:30:36 am        144
Facebook Telegram Linkin
អេស្ប៉ាញ៖ ប្រជាជនអេស្ប៉ាញរាប់ម៉ឺននាក់ បានតវ៉ានៅទីក្រុងម៉ាឌ្រីដ កាលពីថ្ងៃអាទិត្យ (២៤ កញ្ញា) ប្រឆាំងនឹងផែនការដែលអាចធ្វើទៅបាន ដោយនាយករដ្ឋមន្ត្រីស្តីទីរបស់ប្រទេសនេះ លោក Pedro Sanchez ក្នុងការផ្តល់ការលើកលែងទោសដល់ក្រុមផ្ដាច់ខ្លួនកាតាឡាន់ ដើម្បីរក្សាតំណែងរបស់ខ្លួន បន្ទាប់ពីការបោះឆ្នោតដែលលោកមិនបានទទួលជ័យជម្នះ។ក្រុមអ្នកគាំទ្រគណបក្សប្រឆាំងអភិរក្សនិយម គឺបក្សប្រជាជនអេស្ប៉ាញ (PP) បានការគ្រវីទង់ជាតិ និងធ្វើដំណើរមកពីទូទាំងប្រទេសអេស្ប៉ាញ ដើម្បីចូលរួមការជួបជុំនៅ ទីក្រុងម៉ាឌ្រីដ។ ក្រុមអាជ្ញាធរបានប៉ាន់ប្រមាណថា ទំហំហ្វូងមនុស្សទាំងនោះមានចំនួន៤០.០០០នាក់។លោក Sanchez ដែលបានជាប់ឆ្នោតក្នុងលំដាប់ទីពីរ កាលពីខែកក្កដា អាចបន្តកាន់តំណែងរបស់ខ្លួនបន្តទៀត ប្រសិនបើលោកឈ្នះការគាំទ្រពីអតីតមេដឹកនាំក្រុមផ្ដាច់ខ្លួន កាតាឡាន់ ដែលបាននិរទេសខ្លួន គឺលោក Carles Puigdemont ដែលគណបក្សរបស់ក្រុមផ្ដាច់ខ្លួនមួយនេះ គ្រប់គ្រងអាសនៈចំនួនប្រាំពីរនៅក្នុងសភាផងដែរ៕

បណ្ដាញសង្គម

ព័ត៌មានថ្មីៗ

ព្យុះខ្សាច់បានវាយប្រហារតំបន់ស៊ីនជាំងរបស់ប្រទេសចិន
04/18/2026 05:04 PM
Facebook Telegram Linkin
ប្រធានាធិបតីបារាំង ស្វាគមន៍ការបើកច្រកសមុទ្រ Hormuz ឡើងវិញនៅក្នុងកិច្ចប្រជុំពហុភាគី
04/18/2026 05:04 PM
Facebook Telegram Linkin
អូស្ត្រាលី និងជប៉ុនចុះហត្ថលេខាលើកិច្ចសន្យាដើម្បីចាប់ផ្តើមកិច្ចព្រមព្រៀងនាវាចម្បាំងតម្លៃ៧ពាន់លានដុល្លារ
04/18/2026 05:04 PM
Facebook Telegram Linkin
អ៊ុយក្រែនត្រៀមខ្លួនរួចជាស្រេចសម្រាប់កិច្ចប្រជុំថ្នាក់ដឹកនាំជាមួយរុស្ស៊ីក្រោមការសម្របសម្រួល
04/18/2026 05:04 PM
Facebook Telegram Linkin
តម្លៃប្រេងឆៅធ្លាក់ចុះជាង ១០ ភាគរយ ខណៈច្រកសមុទ្រហ័រមូសបើកដំណើរការឡើងវិញ
04/18/2026 05:04 PM
Facebook Telegram Linkin
ពលរដ្ឋលីបង់ភៀសខ្លួនពីសង្គ្រាមសម្រុកវិលត្រឡប់ទៅភាគខាងត្បូងវិញនៅថ្ងៃទីពីរនៃបទឈប់បាញ់ជាមួយអ៊ីស្រាអែល
04/18/2026 05:04 PM
Facebook Telegram Linkin
អ្នកស្រុក Manipur របស់ឥណ្ឌាប្រមូលផ្ដុំដោយកាន់គប់ភ្លើង ជុំវិញការផ្ទុះដ៏សាហាវដែលបានសម្លាប់កុមារពីរនាក់
04/18/2026 05:04 PM
Facebook Telegram Linkin
ពិធីអបអរសាទរបុណ្យចូលឆ្នាំថ្មីប្រពៃណីខ្មែរ រៀបចំដោយសមាគមនិស្សិតខ្មែរនៅប្រទេសជប៉ុន
04/18/2026 04:04 PM
Facebook Telegram Linkin
អាមេរិកបន្តលើកលែងទណ្ឌកម្មប្រេងរុស្ស៊ី ក្រោយមានសម្ពាធពីប្រទេសដែលកំពុងដោះស្រាយវិបត្តិតម្លៃប្រេងក្នុងពេលមានសង្គ្រាមអ៊ីរ៉ង់
04/18/2026 03:04 PM
Facebook Telegram Linkin
អ៊ីរ៉ង់គំរាមបិទច្រកសមុទ្រហ័រមូស (Hormuz) ប្រសិនបើអាមេរិកនៅតែបន្តបិទកំពង់ផែរបស់ខ្លួន
04/18/2026 02:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.