BTV NEWS

គិតពីឆ្នាំ២០២៣មក សមត្ថកិច្ចបង្ក្រាបបទល្មើសគ្រឿងញៀនជាង៣ម៉ឺនករណី និងឃាត់ខ្លួនមនុស្សជិត៩ម៉ឺននាក់ និងរឹបអូសសារធាតុញៀនគ្រប់ប្រភេទជាង ២៦តោន

ស្នងការខេត្តកំពតបន្តតាមដានមន្ត្រីនគរបាល២រូបចំពោះរបាយការណ៍មិនប្រក្រតីអំពីគ្រោះថ្នាក់ចរាចរ

រាជរដ្ឋាភិបាលកម្ពុជា បានចាត់វិធានការក្ដៅ លើទីតាំងកាស៊ីណូ ពាក់ព័ន្ធនឹងសកម្មភាពឆបោកតាមប្រព័ន្ធបច្ចេកវិទ្យា (ONLINE SCAMS)

រយៈពេលជាង ៥ខែ កម្ពុជាបណ្តេញជនបរទេសចេញជិត ៣ម៉ឺននាក់ និងជិត ២ពាន់នាក់ទៀតត្រៀមបណ្តេញចេញ ពាក់ព័ន្ធករណី Online Scams និងការប្រព្រឹត្តបទល្មើសផ្សេងៗ

សន្តិសុខ និង សង្គម

បេសកកម្ម UN មកដល់តំបន់ណាហ្គ័រណូ-ការ៉ាបាក់ ខណៈការភៀសខ្លួនរបស់ជនជាតិភាគតិចអាមេនីជិតបញ្ចប់

ប្រព័ន្ធផ្សព្វផ្សាយប្រទេសអាស៊ែរបៃហ្សង់ បានរាយការណ៍ថា បេសកកម្មអង្គការសហប្រជាជាតិ បានមកដល់តំបន់ណាហ្គ័រណូ-ការ៉ាបាក់ កាលពីថ្ងៃអាទិត្យ ខណៈការភៀសខ្លួនចេញទ្រង់ទ្រាយធំរបស់ជនជាតិភាគតិចអាមេនីពីតំបន់នឹងជិតដល់ទីបញ្ចប់នៃការភៀសខ្លួន បន្ទាប់ពីការវាយលុករបស់យោធាអាស៊ែរបៃហ្សង់ កាលពីខែមុន។ បេសកកម្មនេះត្រូវបានដឹកនាំដោយមន្ត្រីផ្តល់ជំនួយជាន់ខ្ពស់របស់អង្គការសហប្រជាជាតិ ជាដំណើរការចូលលើកដំបូងរបស់ស្ថាប័នពិភពលោកទៅក្នុងតំបន់មួយនេះក្នុងរយៈពេលប្រមាណ៣០ឆ្នាំមកហើយ។ប្រទេសអាមេនី បានស្នើសុំតុលាការពិភពលោក ដើម្បីបង្គាប់ឲ្យអាស៊ែរបៃហ្សង់ ដកកងទ័ពរបស់ខ្លួនទាំងអស់ចេញពីទីតាំងជនស៊ីវិលក្នុងតំបន់ណាហ្គ័រណូ-ការ៉ាបាក់ និងផ្តល់ដំណើរការចូលរបស់អង្គការសហប្រជាជាតិ។ តុលាការពិភពលោក ត្រូវបានគេស្គាល់ជាផ្លូវការថាជា តុលាការយុត្តិធម៌អន្តរជាតិ កាលពីខែកុម្ភះ បានបង្គាប់ឲ្យប្រទេសអាស៊ែរបៃហ្សង់ ធានាពីការធ្វើដំណើរដោយសេរី ឆ្លងកាត់តំបន់មួយដែលគេស្គាល់ថាច្រករបៀង Lachin ទៅនិងមកពីតំបន់នោះ។ ទីភ្នាក់ងារសារព័ត៌មាន RIA របស់រុស្ស៊ី បានដកស្រង់សម្តីរដ្ឋាភិបាលអាមេនី ដែលបាននិយាយកាលពីល្ងាចថ្ងៃអាទិត្យថា ដំណើរការនៃការធ្វើដំណើរសម្រាប់អ្នកដែលមានបំណងភៀសខ្លួនពីតំបន់ណាហ្គ័រណូ-ការ៉ាបាក់ ទៅកាន់ប្រទេសអាមេនី ដែលនៅជិតខាង ជិតដល់ទីបញ្ចប់ហើយ។ កាលពីព្រឹកថ្ងៃអាទិត្យ អង្គការសុខភាពពិភពលោក បាននិយាយថា ជនជាតិភាគតិចអាមេនីជាង១សែននាក់មកពីតំបន់ណាហ្គ័រណូ-ការ៉ាបាក់ បានធ្វើដំណើរមកដល់ មិនដល់មួយសប្តាហ៍ផង និងបាននិយាយថាអ្នកជំនាញជាបន្តបន្ទាប់ នឹងត្រូវបានបញ្ជូនទៅទីនោះ។ ការធ្វើដំណើររបស់ក្រុមគ្រួសារជនជាតិអាមេនី បានអស់កម្លាំងនិងស្រេកឃ្លាននៅសប្តាហ៍នេះ ដែលទទួលរងការបំផ្លាញដោយការផ្ទុះនៅឃ្លាំងប្រេងឥន្ធនៈ បណ្តាលឲ្យមនុស្សយ៉ាងហោចណាស់១៧០នាក់ស្លាប់។

ឆេះក្លឹបកម្សាន្តនៅទីក្រុង Murcia ប្រទេសអេស្ប៉ាញ អ្នកស្លាប់ឡើងដល់យ៉ាងហោចណាស់១៣នាក់

អភិបាលក្រុង លោក Joes Ballesta បាននិយាយនៅក្នុងសន្និសីទសារព័ត៌មានកាលពីថ្ងៃអាទិត្យថា អ្នកស្លាប់ដោយសារអគ្គិភ័យឆេះនៅក្លឹបកម្សាន្តក្នុងទីក្រុង Murcia ប្រទេសអេស្ប៉ាញភាគអាគ្នេយ៍ កើនឡើងដល់យ៉ាងហោចណាស់១៣នាក់។យោងតាមអង្គភាពសង្គ្រោះបន្ទាន់ បានឲ្យដឹងថា ក្រុមអ្នកជួយសង្គ្រោះ នៅតែស្វែងរកអ្នកបាត់ខ្លួនបន្ទាប់ពីការឆាបឆេះ។នៅពេលដំបូងលោក Diego Seral នគរបាលជាតិរបស់ប្រទេសអេស្ប៉ាញ បានប្រាប់អ្នករាយការណ៍ព័ត៌មានថា អ្នកស្លាប់ត្រូវបានរកឃើញនៅក្នុងក្លឹបកម្សាន្ត Fonda Milagros ជាក្លឹបកម្សាន្តមួយក្នុងចំណោមក្លឹបចំនួន៣នៅជាប់ៗគ្នា ដែលទទួលរងការបំផ្លាញភាគច្រើនដោយអគ្គិភ័យ រួមទាំងការបាក់រលំដំបូល។ អ្នកស៊ើបអង្កេតរបស់នគរបាល ពុំអាចចូលទៅដល់ទីតាំងនោះបានទេ ដោយសារតែសីតុណ្ហភាពក្តៅខ្លាំង និងគ្រោះថ្នាក់នៃការបាក់រលំអគារ។ អភិបាលក្រុងលោក Ballesta បានប្រកាសការកាន់ទុក្ខរយៈពេល៣ថ្ងៃសម្រាប់អ្នកដែលបានស្លាប់ ហើយ ទង់ជាតិត្រូវបានបង្ហូតត្រឹមពាក់កណ្តាលដង នៅខាងក្រៅសាលាក្រុង Murcia។

មនុស្ស៩នាក់ស្លាប់ និង៣០នាក់ជាប់ក្រោមគំនរបាក់បែក បន្ទាប់ពីហេតុការណ៍បាក់ដំបូលវិហារនៅប្រទេសម៉ិកស៊ិក

មនុស្សយ៉ាងហោចណាស់៩នាក់ ត្រូវបានគេរាយការណ៍ថាបានស្លាប់ និងមនុស្សជាង៣០នាក់ផ្សេងទៀត បានជាប់ខ្លួននៅក្នុងគំនរបាក់បែក ព្រមទាំងមនុស្សជាង៤០នាក់រងរបួស បន្ទាប់ពីដំបូលព្រះវិហារមួយកន្លែង បានដួលរលំនៅក្នុងប្រទេសម៉ិកស៊ិក។ ប្រព័ន្ធផ្សព្វផ្សាយក្នុងស្រុកបាននិយាយថា មនុស្សចំនួន៤៩នាក់ ត្រូវបានបញ្ជូនទៅមន្ទីរពេទ្យ បន្ទាប់ពីដំបូលព្រះវិហារ សាន់តា គ្រូស (Santa Cruz) ក្នុងទីក្រុង ស៊ីវដាដ ម៉ាដេរ៉ូ (Ciudad Madero) បានដួលរលំ។នគរបាលនៅក្នុងរដ្ឋឆ្នេរសមុទ្រ តាម៉ាអ៊ូលីប៉ាស (Tamaulipas) បាននិយាយថា មនុស្សប្រហែល១០០នាក់ បានស្ថិតនៅក្នុងការធ្វើពិធីដ៏ធំមួយនៅពេលមានការដួលរលំនោះ ហើយប្រព័ន្ធផ្សព្វផ្សាយក្នុងស្រុកបានរាយការណ៍ថា ពិធីនោះគឺជាពិធីបុណ្យជ្រមុជទឹក។ កុមារមួយចំនួនត្រូវបានគេជឿថា ស្ថិតក្នុងចំណោមអ្នកដែលជាប់គាំងទាំងនោះ ហើយកិច្ចខិតខំប្រឹងប្រែងជួយសង្គ្រោះកំពុងបន្ត។ការអំពាវនាវរកជំនួយ ត្រូវបានធ្វើឡើងនៅលើប្រព័ន្ធផ្សព្វផ្សាយសង្គម សម្រាប់សម្ភារៈវេជ្ជសាស្រ្ត និងសង្គ្រោះ ដើម្បីជួយអ្នកដែលស្វែងរកអ្នកនៅរស់រានមានជីវិត។ ក្រុមអាជ្ញាធរបានស្នើសុំរក្សាភាពស្ងៀមស្ងាត់ពីហ្វូងមនុស្ស ដែលបានប្រមូលផ្តុំនៅកន្លែងកើតហេតុ ដើម្បីឱ្យក្រុមសង្រ្គោះអាចដឹងថា តើអ្នកដែលកំពុងជាប់នៅខាងក្នុង កំពុងស្រែករកជំនួយ ឬយ៉ាងណា៕

ការស៊ើបអង្កេត៖ អគ្គិភ័យរោងការនៅអ៊ីរ៉ាក់ បង្កឡើងដោយការធ្វេសប្រហែសយ៉ាងធ្ងន់ធ្ងរ

លទ្ធផលនៃការស៊ើបអង្កេតរបស់រដ្ឋាភិបាល លើគ្រោះមហន្តរាយអគ្គិភ័យរោងការបាននិយាយថា អគ្គិភ័យដែលបានឆាបឆេះសាលមង្គលការមានមនុស្សយ៉ាងច្រើនកកកុញ នៅក្នុងទីក្រុងភាគខាងជើងប្រទេសអ៊ីរ៉ាក់ ដែលបានសម្លាប់មនុស្សជាង១០០នាក់នោះ ត្រូវបានស្តីបន្ទោសលើ «ការធ្វេសប្រហែសទាំងស្រុង» និងកង្វះវិធានការសុវត្ថិភាព។លទ្ធផលស៊ើបអង្កេត ដែលត្រូវបានប្រកាសនៅក្នុងសន្និសីទសារព័ត៌មាន កាលពីថ្ងៃអាទិត្យ (១ តុលា) ដោយរដ្ឋមន្ត្រីមហាផ្ទៃ លោក Abdul Amir al-Shammari បាននិយាយថា ម្ចាស់សាល និងបុគ្គលិកបីនាក់ផ្សេងទៀត បានអនុញ្ញាតឱ្យមនុស្ស៩០០នាក់ចូលក្នុងកន្លែងប្រារព្ធពិធី នៅពេលដែលទីតាំងនោះត្រូវបានរចនាឡើងសម្រាប់ដាក់មនុស្សអតិបរមាចំនួន៤០០នាក់ប៉ុណ្ណោះ។លោគ Shammari បានបន្ថែមថា អគ្គិភ័យបានឆាបឆេះមនុស្សនៅខាងក្នុងសាលអាពាហ៍ពិពាហ៍នោះ ហើយក្រុមជួយសង្គ្រោះបានមានការពិបាកក្នុងការចូលទៅសង្រ្គោះពួកគេ ដោយសារតែទ្វារសម្រាប់ចេញមានតិច និងមានទំហំតូចផងនោះ។ រដ្ឋមន្ត្រីមហាផ្ទៃរូបនេះ បានកត់ត្រាអ្នកស្លាប់ចំនួន១០៧នាក់ ហើយបាននិយាយថា ក្រុមស៊ើបអង្កេតបានស្នើឱ្យរដ្ឋាភិបាលគួរតែផ្តល់ជំនួយផ្នែកហិរញ្ញវត្ថុដល់គ្រួសារអ្នកស្លាប់និងរបួសទាំងនោះ ហើយការស៊ើបអង្កេតក៏បានផ្តល់អនុសាសន៍ថា គួរតែចាត់វិធានការផ្លូវច្បាប់ប្រឆាំងនឹងក្រុមមន្ត្រីមូលដ្ឋានមួយចំនួនផងដែរ៕

ភ្លៀងមូសុងនៅឥណ្ឌា ធ្លាក់ដល់កម្រិតទាបបំផុតក្នុងរយៈពេល៥ឆ្នាំដោយសារបញ្ហាអាកាសធាតុ

នាយកដ្ឋានអាកាសធាតុររដ្ឋរបស់ឥណ្ឌា បាននិយាយកាលពីថ្ងៃសៅរ៍ (៣០ កញ្ញា) ថា កមិ្រតទឹកភ្លៀងមូសុងរបស់ប្រទេសឥណ្ឌាក្នុងឆ្នាំនេះ គឺទាបបំផុតក្នុងរយៈពេល៥ឆ្នាំ ចាប់តាំងពីឆ្នាំ២០១៨មក ដោយសារគំរូអាកាសធាតុ អ៊ែល នីញ៉ូ បានធ្វើឱ្យខែសីហា ជាខែស្ងួតបំផុតក្នុងរយៈពេលជាងមួយសតវត្សរ៍។ ខ្យល់មូសុងដែលមានសារៈសំខាន់សម្រាប់សេដ្ឋកិច្ចចំនួន៣សែនកោដិ៍ដុល្លាររបស់ឥណ្ឌា នាំមកជិត៧០ភាគរយនៃទឹកភ្លៀង ដែលប្រទេសនេះត្រូវការ សម្រាប់ដំណាំ ព្រមទាំងបំពេញអាងស្តុកទឹក និងអាងចិញ្ចឹមត្រីផងដែរ។ស្ទើរតែពាក់កណ្តាលនៃដីស្រែក្នុងប្រទេស ដែលមានប្រជាជនច្រើនជាងគេលើពិភពលោកនេះ បានខ្វះខាតប្រព័ន្ធធារាសាស្រ្ត ធ្វើឱ្យភ្លៀងមូសុងកាន់តែមានសារៈសំខាន់សម្រាប់ផលិតកម្មកសិកម្ម។ ឱនភាពទឹកភ្លៀងនៅរដូវក្ដៅ អាចធ្វើឱ្យអាហារសំខាន់ៗដូចជា ស្ករ គ្រាប់ធញ្ញជាតិ អង្ករ និងបន្លែ ឡើងថ្លៃកាន់តែខ្លាំង ព្រមទាំងធ្វើឱ្យអតិផរណាអាហារទាំងមូលកើនឡើងយ៉ាងគំហុកផងដែរ។ផលិតកម្មទាបក៏អាចជំរុញឱ្យប្រទេសឥណ្ឌា ដែលជាប្រទេសផលិតអង្ករ ស្រូវសាលី និងស្ករធំជាងគេទីពីររបស់ពិភពលោក ដាក់ការទប់ស្កាត់បន្ថែមទៀតលើការនាំចេញទំនិញទាំងនេះ។ នាយកដ្ឋានឧតុនិយមឥណ្ឌា (IMD) បាននិយាយនៅក្នុងសេចក្តីថ្លែងការណ៍មួយថា ភ្លៀងធ្លាក់ទូទាំងប្រទេស ក្នុងអំឡុងខែមិថុនា ដល់ខែកញ្ញា គឺមានកម្រិត៩៤ភាគរយ នៃរយៈពេលមធ្យមដ៏វែងរបស់វា ដែលជាកម្រិតទាបបំផុតចាប់តាំងពីឆ្នាំ២០១៨មក៕

សន្តិសុខសុវត្ថិភាពនៅតាមទីវត្តអារាម ត្រូវបានយកចិត្តទុកដាក់ការពារពីកងកម្លាំងសមត្ថកិច្ច

ភ្នំពេញ៖ នៅតាមទីវត្តអារាមនានាទាំងអស់ មិនថានៅរាជធានីភ្នំពេញ ឬតាមបណ្តាខេត្តនានានោះទេ គឺត្រូវបានយកចិត្តទុកដាក់ ពីការការពារសន្តិសុខសុវត្ថិភាព ជូនពលរដ្ឋជាពុទ្ធបរិស័ទ ដែលបានអញ្ជើញទៅកាន់បិណ្ឌដាក់បាត ដើម្បីឧទ្ទិសកុសលផលបុណ្យជូនញាតិការ ដែលបានចែកកាយរំលាយឋានទៅជាតិខាងមុខ ។ ជាក់ស្តែងនៅព្រឹកថ្ងៃទី២ ខែតុលា ឆ្នាំ២០២៣នេះ ដែលត្រូវជាថ្ងៃបិណ្ឌទី០៣ នៃពិធីបុណ្យកាន់បិណ្ឌ វត្តនិរោធរង្ស៊ី ដែលជាវត្តមួយក្នុងចំណោមវត្តអារាមជាច្រើន នៅក្នុងខណ្ឌច្បារអំពៅ នៃរាជធានីភ្នំពេញ ត្រូវបានការពារសន្តិសុខសុវត្ថិភាព ពីកម្លាំងនគរបាល កម្លាំងកងរាជអាវុធហត្ថ និងកម្លាំងប្រជាការពារផងដែរ ។ លោកវរសេនីយ៍ទោ ឡូ ភារម្យ អធិការរងនគរបាលខណ្ឌច្បារអំពៅ បានប្រាប់ BTV ឱ្យដឹងថា ពាក់ព័ន្ធនឹងសន្តិសុខសុវត្ថិភាព និងរក្សាបានរបៀបរៀបរយជូនពលរដ្ឋ នៅតាមទីតាំងវត្តអារាម វាជាកាតព្វកិច្ចចាំបាច់ ដែលកងកម្លាំងសមត្ថកិច្ចទាំងអស់ត្រូវសហការគ្នា យកចិត្តទុកដាក់ក្នុងការការពារ និងជាការបង្ការទប់ស្កាត់នូវរាល់សកម្មភាពអសន្តិសុខទាំងឡាយ ដែលអាចកើតមានឡើងបាន ។ ពលរដ្ឋ ជាពុទ្ធបរិស័ទ ដែលបានទៅធ្វើបុណ្យនៅវត្តនិរោធរង្ស៊ី ក៏បានសម្តែងនូវភាពកក់ក្តៅ ដោយមិនមានការព្រួយបារម្ភនោះឡើយ ពីបញ្ហាអសន្តិសុខ ព្រោះពួកគាត់ទាំងអស់គ្នា ក៏បានសង្កេតឃើញ ពីការការពារបានយ៉ាងល្អ និងយកចិត្តទុកដាក់ពីកងកម្លាំងសមត្ថកិច្ចទាំងអស់ផងដែរ៕

មនុស្ស១លាននាក់ចូលរួមការហែក្បួនរបស់ក្រុមចម្រុះប្រឆាំងក្នុងប្រទេសប៉ូឡូញ នៅមុនការបោះឆ្នោតថ្ងៃទី១៥ ខែតុលា

អ្នកគាំទ្រនៃក្រុមចម្រុះប្រឆាំងប៉ូឡូញ បានប្រមូលផ្តុំនៅតាមដងផ្លូវនានានៃរដ្ឋធានីវ៉ាសូវី កាលពីថ្ងៃអាទិត្យដើម្បីចូលរួម «ការដើរដង្ហែនៃបេះដូងចំនួនមួយលាន» ជាមួយនឹងការបោះឆ្នោតរបស់ប្រទេសនេះ នៅ ពីរសប្តាហ៍ទៀត។អង្គការព័ត៌មានអាល្លឺម៉ង់ Deutsche Presse-Agentur រាយការណ៍ថា មនុស្សជិត មួយលាននាក់ បានចូលរួមក្នុងបាតុកម្មដែលដឹកនាំដោយអតីតនាយករដ្ឋមន្ត្រី ដូណាល់ ថាស(Donald Tusk)។ ការធ្វើបាតុកម្មនេះ ធ្វើឡើង ដើម្បីប្រឆាំងនឹងគណបក្សច្បាប់ និងយុត្តិធម៌ ដែលកំពុងគ្រប់គ្រងអំណាច។លោកថាស បានហៅចលនាប្រឆាំងនេះថាជា«កម្លាំងដែលមិនអាចបញ្ឈប់បាន» និងជា «សញ្ញាសម្រាប់ការចាប់កំណើតឡើងវិញរបស់ប្រទេសប៉ូឡូញ» នេះបើយោងតាមទីភ្នាក់ងារសារព័ត៌មានប៉ូឡូញ។លោក បាននិយាយនៅក្នុងសេចក្តីថ្លែងការណ៍មួយនៅលើគេហទំព័ររបស់គណបក្សរបស់លោក គឺ ផ្លេត ហ្វ័រម៉ា អូប៊ីវ៉ាតែលស្កា (Plat forma Obywatelska)ថា អ្វីដែលមិនអាចទៅរួច អាចទៅរួច។ នៅពេលដែលខ្ញុំឃើញមានអ្នកគាំទ្រដ៏ច្រើន នៅពេលដែលខ្ញុំឃើញទឹកមុខញញឹមរបស់ពួកគេទាំងអស់គ្នានេះ ខ្ញុំមានអារម្មណ៍ល្អ ដែលពេលវេលាដ៏សំខាន់នេះ កំពុងក្លាយជាប្រវត្តិសាស្ត្រនៃមាតុភូមិរបស់យើង»។

មន្ត្រីអ៊ីរ៉ង់ទទួលស្គាល់តួនាទីរបស់ប្រទេស ក្នុងការទម្លាក់គ្រាប់បែកភេរវកម្ម ដែលបានសម្លាប់សមាជិកយោធាអាមេរិកចំនួន២៤១នាក់

តំណាងសាធារណៈរដ្ឋឥស្លាមអ៊ីរ៉ង់ប្រចាំប្រទេសលីបង់ បានចេញសេចក្តីប្រកាសជាសាធារណៈលើកដំបូងអំពីតួនាទីរបស់របបអ៊ីរ៉ង់ ក្នុងការសម្លាប់រង្គាលលើយោធា និងបុគ្គលិកការទូតអាមេរិក នៅដើមទសវត្សរ៍ឆ្នាំ ១៩៨០នៅទីក្រុងបេរូត។វិទ្យាស្ថានស្រាវជ្រាវប្រព័ន្ធផ្សព្វផ្សាយមជ្ឈិមបូព៌ា (MEMRI) មានមូលដ្ឋាននៅទីក្រុងវ៉ាស៊ីនតោន ហើយជាលើកបានបកប្រែបទសម្ភាសន៍អំពីគ្រាប់បែកជាមួយលោក សាយយ៉េដ អ៊ីសសា តាបាតាបៃ (Sayyed Issa Tabatabai) ដែលបម្រើការជាអ្នកតំណាងមេដឹកនាំជាន់ខ្ពស់អ៊ីរ៉ង់ លោកអាលិ ខាមីណេ ( Ali Khamenei) នៅក្នុងប្រទេសលីបង់។ទីភ្នាក់ងារព័ត៌មានសាធារណៈរដ្ឋឥស្លាម (IRNA) ដែលគ្រប់គ្រងដោយរដ្ឋ បានពិនិត្យយ៉ាងរហ័សនូវការបង្ហាញដ៏អាក្រក់ដែល លោក តាបាតាបៃ បានធ្វើអំពីតួនាទីរបស់អ៊ីរ៉ង់ក្នុងការបំផ្ទុះគ្រាប់បែកអត្តឃាតទៅលើជនជាតិអាមេរិក ប៉ុន្តែ MEMRI បានរក្សាទុកច្បាប់ចម្លងមួយច្បាប់។ប្រទេសអ៊ីរ៉ង់និងជាសម្ព័ន្ធមិត្តយុទ្ធសាស្ត្រដ៏សំខាន់របស់ខ្លួន ចលនាភេរវកម្មហេសបូឡាហ៍ (Hezbollah) ដែលកំណត់ដោយសហរដ្ឋអាមេរិក នៅក្នុងប្រទេសលីបង់ ត្រូវបានគេស្តីបន្ទោសចំពោះការទម្លាក់គ្រាប់បែកលើស្ថានទូតអាមេរិកនៅទីក្រុងបេរូតក្នុងឆ្នាំ១៩៨៣ ដែលក្នុងនោះមនុស្ស៦៣នាក់រួមទាំងជនជាតិអាមេរិក១៧នាក់ ត្រូវបានស្លាប់ ហើយអ្នកបំផ្ទុះគ្រាប់បែកអត្តឃាតពីរនាក់ទៀត បានបំផ្ទុះបន្ទាយទាហានរបស់សមាជិកអាមេរិក និងបារាំងនៃកងកម្លាំងពហុជាតិនៅប្រទេសលីបង់ក្នុងឆ្នាំ១៩៨៣ ដែលក្នុងនោះទាហានម៉ារីនអាមេរិកចំនួន ២២០នាក់ ទាហានជើងទឹកអាមេរិកចំនួន ១៨នាក់ និងទាហានអាមេរិកចំនួន ៣នាក់ បានបាត់បង់ជីវិត។ កងទ័ពបារាំង៥៥នាក់ ក៏ត្រូវបានគេសម្លាប់ ក្នុងការវាយប្រហារភេរវកម្មនោះដែរ។

ពលរដ្ឋកាណាដាកាន់សាសនាស៊ីក ដឹងគុណកាណាដា បន្ទាប់ពីការចោទប្រកាន់ឥណ្ឌា ខណៈអ្នកខ្លះមានការភ័យខ្លាច

ពលរដ្ឋកាណាដាកាន់សាសនាស៊ីក បានដឹងគុណចំពោះនាយករដ្ឋមន្ត្រីកាណាដា លោក Justin Trudeau ដែលបានបញ្ចេញសំឡេងគាំទ្រចំពោះការភ័យខ្លាចរបស់ពួកគេ ហើយក្រោកឈរឡើងប្រឆាំងនឹងប្រទេសឥណ្ឌា ខណៈអ្នកខ្លះទៀតមានការភ័យខ្លាចការសងសឹកពីប្រទេសមានប្រជាជនច្រើនជាងគេលើពីភពលោកមួយនោះ ក្នុងហានិភ័យនៃប្រតិកម្មតបយ៉ាងធ្ងន់ធ្ងរពីរដ្ឋធានី ញ៉ូវ ដេល្លី ដែលលោក Trudeau បាននិយាយថាអាចជាប់ពាក់ព័ន្ធនឹងការសម្លាប់មេដឹកនាំផ្តាច់ខ្លួនសាសនាស៊ីក។រដ្ឋាភិបាលឥណ្ឌាបានចាត់ទុកមេដឹកនាំសាសនាស៊ីក លោក Hardeep Singh Nijjar ដែលជាពលរដ្ឋកាណាដា និងត្រូវបានបាញ់សម្លាប់កាលពីខែមិថុនា ក្នុងខេត្តប្រ៊ីដធីស កូឡំប៊ី របស់កាណាដា ថាជាភេរវករ ដោយសារតែការតស៊ូមតិរបស់លោក ក្នុងការទាមទាររដ្ឋឯករាជ្យ កាលីស្ថាន សម្រាប់ពលរដ្ឋសាសនាស៊ីក។ប្រទេសឥណ្ឌា បានបដិសេធយ៉ាងដាច់ខាត នូវការជាប់ពាក់ព័ន្ធណាមួយរបស់ខ្លួនក្នុងការសម្លាប់លោក Nijjar ដែលបានកើតឡើងនៅចំណតរថយន្តនៃវិហារស៊ីក នៅតំបន់ Surrey ក្នុងខេត្តប្រ៊ីដធីស កូឡំប៊ី របស់កាណាដា ប៉ុន្តែពលរដ្ឋកាណាដាសាសនាស៊ីក មិនជឿជាក់លើឥណ្ឌានោះទេ ហើយប្រជាជនមួយចំនួន ដែលជាអ្នកគាំទ្រការស្វែងរករដ្ឋឯករាជ្យ កាលីស្ថាន មានការភ័យខ្លាចយ៉ាងខ្លាំង។ប្រទេសទាំងពីរបានបណ្តេញអ្នកការទូតរវាងប្រទេសទាំងពីរ នៅក្នុងការសងសឹកមួយ បន្ទាប់ពីការប្រកាសដ៏កក្រើកពីលោកនាយករដ្ឋមន្ត្រីកាណាដា Trudeau កាលពីសប្តាហ៍មុន ប៉ុន្តែឥណ្ឌាបានចាត់វិធានការកាន់តែហួសហេតុ ដោយបានចេញការព្រមានអំពីការធ្វើដំណើរ និងបញ្ឈប់ការផ្តល់ទិដ្ឋាការដល់ជនជាតិកាណាដា។ ចំណាត់ការរបស់លោក Trudeau ប្រថុយប្រថាននឹងការផ្លាស់ប្តូរយុទ្ធសាស្ត្រសេដ្ឋកិច្ច និងនយោបាយ ដែលប្រទេសលោកខាងលិចជាច្រើនកំពុងសំដៅឆ្ពោះទៅកាន់ប្រទេសឥណ្ឌា ដើម្បីប្រឆាំងនឹងប្រទេសចិន៕

នីហ្ស៊េរីយ៉ាផ្តល់ការដំឡើងប្រាក់ឈ្នួល មុនពេលកូដកម្មការងារ

ប្រធានាធិបតីនីហ្ស៊េរីយ៉ា លោក Bola Tinubu កាលពីថ្ងៃអាទិត្យ (១ តុលា) បានប្រកាសការដំឡើងប្រាក់ឈ្នួលបណ្តោះអាសន្ន សម្រាប់កម្មករដែលមានប្រាក់ចំណូលទាប និងផ្ដល់រថយន្តក្រុងធំៗដែលដំណើរការដោយហ្គាស ដើម្បីបន្ធូរបន្ថយផលប៉ះពាល់នៃការដកប្រាក់ឧបត្ថម្ភប្រេងសាំង ត្រឹមតែរយៈពេលពីរថ្ងៃ មុនពេលសហជីពកម្មករចាប់ផ្តើមធ្វើកូដកម្មមិនកំណត់រយៈពេល។លោក Tinubu បានលុបចោលប្រាក់ឧបត្ថម្ភ ដែលមានអាយុកាលរាប់ទសវត្សរ៍ ក្នុងអំឡុងពេលសម្ពោធរដ្ឋាភិបាលរបស់លោកកាលពីខែឧសភា ហើយបានបញ្ចប់ការរឹតបន្តឹងលើការប្តូរប្រាក់បរទេស ដែលបាននាំឱ្យមានការកើនឡើងតម្លៃនៃការចំណាយប្រចាំថ្ងៃ និងបណ្ដាលឲ្យសហជីពដែលមានកំហឹងជាមួយរដ្ឋភិបាលរបស់លោកយ៉ាងខ្លាំង។ លោក Tinubu បាននិយាយថា បន្ទាប់ពីកិច្ចពិភាក្សាជាមួយកម្មករ អាជីវកម្ម និងអ្នកពាក់ព័ន្ធផ្សេងទៀត បុគ្គលិករដ្ឋាភិបាលសហព័ន្ធនឹងទទួលបានប្រាក់ឈ្នួលបន្ថែមចំនួន២៥.០០០ណៃរ៉ា (រូបិយប័ណ្ណនីហ្ស៊េរីយ៉ា) ក្នុងមួយខែសម្រាប់រយៈពេលប្រាំមួយខែខាងមុខ ដែលជាការដំឡើងតូចមួយ ដោយលោកបាននិយាយថា គឺជាការចាំបាច់ដើម្បីជៀសវាងការជំរុញតួលេខអតិផរណាចំនួនដល់ទៅពីរខ្ទង់នៅក្នុងប្រទេសនេះ។នោះមានន័យថា ប្រាក់ឈ្នួលអប្បបរមានៅក្នុងប្រទេសនីហ្ស៊េរីយ៉ា កើនឡើងរហូតដល់៥៥.០០០ណៃរ៉ា ដែលស្មើនឹង៧១ដុល្លារ ពីតួលេខប្រាក់ឈ្នួលកាលពីមុន ដែលមានត្រឹមតែ៣០០០០ណៃរ៉ាប៉ុណ្ណោះ។ ប៉ុន្តែសហជីពកម្មករចង់ឲ្យលោកប្រធានាធិបតី Tinubu ផ្តល់ប្រាក់ឧបត្ថម្ភថ្លៃប្រេងឡើងវិញ ហើយពួកគេក៏ធ្លាប់បានទាមទារប្រាក់ឈ្នួលអប្បបរមាចំនួន២០ម៉ឺនណៃរ៉ា ផងដែរ៕

បណ្ដាញសង្គម

ព័ត៌មានថ្មីៗ

WSJ៖ ទីប្រឹក្សា ព្រមានថា ជម្លោះជាមួយអ៊ីរ៉ង់ អាចអូសបន្លាយរហូតដល់ចប់អាណត្តិរបស់លោក Trump

UN អំពាវនាវរកមូលនិធិ៤៩,៦លានដុល្លារ ខណៈទឹកជំនន់នៅនេប៉ាល់សម្លាប់មនុស្សជាង១.៤០០នាក់ និងបាត់ខ្លួនរាប់ពាន់នាក់

បេសកជនអ៊ីរ៉ង់ប្រចាំUN ចាត់ទុកទណ្ឌកម្មលើក្រុមហ៊ុនអាកាសចរណ៍អ៊ីរ៉ង់ចំនួន២៧ថាជាភេរវកម្មសេដ្ឋកិច្ច

លោក Trump៖ ជម្លោះជាមួយអ៊ីរ៉ង់ នឹងមិនបញ្ចប់ រហូតដល់ក្រោយការបោះឆ្នោតពាក់កណ្តាលអាណត្តិ

លោកTrump និយាយថា ឈ្នះសង្គ្រាមជាមួយអ៊ីរ៉ង់ ហើយក៏កំពុងគ្រប់គ្រងច្រកសមុទ្រ Hormuz

ក្រសួងអប់រំ ផ្ដល់ការបង្រៀនបំប៉នសម្រាប់សិស្សត្រៀមប្រឡងចូលតាមសាកលវិទ្យាល័យ

រុស្ស៊ីអះអាងថា បានបំផ្លាញយន្តហោះចម្បាំងអ៊ុយក្រែនជាង ៦៧០គ្រឿង តាំងពីចាប់ផ្តើមប្រតិបត្តិការយោធាពិសេស

អ្នកការទូត៖ NATO កំពុងត្រៀមខ្លួនសម្រាប់ការប្រឈមមុខដាក់គ្នារយៈពេលយូរជាមួយរុស្ស៊ី

មន្ត្រី EU ព្រមានថា ទំនាក់ទំនងរចនាសម្ព័ន្ធរវាងកូរ៉េខាងជើង និងរុស្ស៊ី ទំនងជាបន្តហួសពីសង្គ្រាមអ៊ុយក្រែន

ទូរទស្សន៍៖ យន្តហោះចម្បាំងអាមេរិកជាច្រើនគ្រឿង ត្រូវរងការខូចខាត បន្ទាប់ពីអ៊ីរ៉ង់វាយប្រហារលើ ហ្ស៊កដានី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877