BTV NEWS

ជនជាតិចិន ៥០៦នាក់ទៀត ពាក់ព័ន្ធករណីឆបោកតាមប្រព័ន្ធបច្ចេកវិទ្យា ត្រូវបានបណ្ដេញចេញពីកម្ពុជា

សាលាដំបូងរាជធានីភ្នំពេញ សម្រេចឃុំខ្លួនជនបរទេស ១២នាក់ ពាក់ព័ន្ធករណីឆបោកវិនិយោគតាមប្រព័ន្ធអនឡាញ

ឃាត់ជនបរទេស១៦នាក់ ពាក់ព័ន្ធ Online Scams និងការរស់នៅដោយខុសច្បាប់ និងបានសង្គ្រោះជនជាតិជប៉ុនម្នាក់ពីការចាប់បង្ខាំងទុក

ប្រតិបត្តិការបង្ក្រាប Online Scams នៅខេត្តបន្ទាយមានជ័យ ឃាត់ខ្លួនជនបរទេសជាង ៤ពាន់នាក់

សន្តិសុខ និង សង្គម

សមត្ថកិច្ចចាប់ខ្លួនបុរស ៥នាក់ពាក់ព័ន្ធនឹងករណីកាប់ឆ្កា ហ៊ុំព័ទ្ធ ឈូសឆាយដីព្រៃរបស់រដ្ឋ

ព្រះសីហនុ៖ យោងតាមដីការបស់សាលាដំបូងខេត្តព្រះសីហនុ ជនត្រូវចោទត្រូវបានដាក់ឲ្យស្ថិតនៅក្រោមការពិនិត្យពីបទ បទសមាគម នៃជនទុច្ចរឹត បទបន្លំឯកសារសាធារណៈ បទប្រើប្រាស់ឯកសារសារធារណៈក្លែង បទផ្តល់សេចក្តីប្រកាសក្លែងដោយភូតកុហក និងកាប់រានឈូសឆាយហ៊ុំព័ទ្ធ កាន់កាប់ដីព្រៃរបស់រដ្ឋ។ សមត្ថកិច្ចបានចាប់ខ្លួនមនុស្ស ៥នាក់ និងបានបញ្ជូនខ្លួនទៅដាក់ពន្ធនាគារ កាលពីថ្ងៃទី០៧ ខែតុលា ឆ្នាំ២០២១។បុរស ៥នាក់នោះ មានអតីតអភិបាលរងស្រុកព្រៃនប់ម្នាក់៖ ១.ឈ្មោះ ណុប ភាន ភេទប្រុសអាយុ ៦៧ឆ្នាំ ជនជាតិខ្មែ នៅឃុំសំរុង ស្រុកព្រៃនប់ ខេត្តព្រះសីហនុ (អតីតជាអភិបាលរងស្រុកព្រៃនប់)។២.ឈ្មោះ រស់ ប៊ីថុល ភេទប្រុសអាយុ ៣៩ឆ្នាំ ជនជាតិខ្មែ នៅឃុំបារាយណ៍ ស្រុកស្រីសន្ធរ ខេត្តកំពង់ចាម មុខរបររកស៊ីដី។៣.ឈ្មោះ ញ៉ក់ គឹមតុង ភេទប្រុស អាយុ ៤១ឆ្នាំ ជនជាតិខ្មែ នៅភូមិស្លាបក្តោង ឃុំជប់ ស្រុកត្បូងឃ្មុំ ខេត្តកំពង់ចាម មុខរបររកស៊ីដី។៤.ឈ្មោះ ឡាក់ គាន ភេទប្រុសអាយុ ៣៥ឆ្នាំ ជនជាតិខ្មែ នៅទីរួមខេត្តកំពត (អតីតមេឃុំបិតត្រាង) ស្រុកព្រៃនប់ ខេត្តព្រះសីហនុ ៥.ឈ្មោះ វ៉េ វ៉េត ភេទប្រុសអាយុ ៤៥ឆ្នាំ ជនជាតិខ្មែរ នៅខេត្តសៀមរាម មុខរបររកស៊ីដី។

កម្ពុជាបន្ដរកឃើញមនុស្ស ២៥៨នាក់ឆ្លងកូវីដ-១៩ ខណៈអ្នកជំងឺ៥៤៦នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន២៥៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៥៤៦នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ២៤២នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៦នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២១នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៥២៧នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១០៨ ៤០៣នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៥ ០៦៨នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្ពុជាបន្ដរកឃើញមនុស្ស ២២០នាក់ឆ្លងកូវីដ-១៩ ខណៈអ្នកជំងឺ៥៣៧នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន២២០នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៥៣៧នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ២០៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៣នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៤៨២នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១០៧ ៣៧៦នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៤ ៥៧១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្ពុជារកឃើញមនុស្ស២០៣នាក់ទៀតឆ្លងកូវីដ-១៩ ខណៈមនុស្ស១៨នាក់បន្ថែមទៀតស្លាប់ដោយសារជំងឺនេះ

ភ្នំពេញ៖ កម្ពុជាបានរកឃើញមនុស្ស ២០៣នាក់បន្ថែមទៀតឆ្លងជំងឺកូវីដ-១៩ ខណៈមនុស្ស ១៨នាក់ទៀត បានស្លាប់ដោយសារជំងឺផ្លូវដង្ហើមនេះ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបានបញ្ជាក់ថា មនុស្ស ២០៣នាក់ទៀត ត្រូវបានរកឃើញឆ្លងមេរោគកូវីដ-១៩តាមរយៈការធ្វើតេស្តដោយសារម៉ាស៊ីន PCR។ទន្ទឹមគ្នានេះ ក្រសួងសុខាភិបាលប្រកាសថា មនុស្ស ១៨នាក់ទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៤៥៩នាក់ហើយគិតត្រឹមថ្ងៃនេះ។គិតត្រឹមថ្ងៃនេះ កម្ពុជារកឃើញមនុស្សរហូតដល់ ១១៤ ៣៥១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីចុងខែមករាឆ្នាំ២០២០កន្លងមក។ប៉ុន្តែ ក្រសួងសុខាភិបាលបញ្ជាក់ផងដែរថា អ្នកជំងឺកូវីដ-១៩សរុប ១០៦ ៨៣៩នាក់ហើយ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មី ៥៤៧នាក់ ដែលក្រសួងប្រកាសនៅថ្ងៃនេះផងដែរ៕

គោប្រជាពលរដ្ឋនៅភូមិរលួស ជាច្រើនក្បាលពុលថ្នាំគីមីងាប់ ក្នុងអំឡុងពេលភ្ជុំបិណ្ឌ និងខ្លះទៀតកំពុងព្យាបាល

កំពង់ធំ៖ សត្វគោប្រជាពលរដ្ឋនៅភូមិរសួស សង្កាត់ស្រយ៉ូវ ក្រុងស្ទឹងសែន ជាច្រើនក្បាលបានងាប់ ដោយសារថ្នាំពុលគីមី ក្នុងអំឡុងពេលភ្ជុំបិណ្ឌ នៅលើខ្នងទំនប់អាងទឹក “តាអាង” ដែលត្រូវបានប្រជាពលរដ្ឋប្រទះឃើញ តែត្រូវម្ចាស់អាងបដិសេធ។ ប្រជាពលរដ្ឋជាម្ចាស់គោ សម្តែងការសាកស្តាយយ៉ាងខ្លាំងក្នុងករណីគោពុលថ្នាំគីមីងាប់ លើខ្នងទំនប់អាងទឹក “តាអាង” ស្ថិតនៅក្នុងតំបន់បី នៃក្រុងស្ទឹងសែន ខេត្តកំពង់ធំ ងាប់អស់១៧ក្បាល និងគោជាច្រើនក្បាលទៀតពុលថ្នាំតែមិនទាន់ងាប់ កំពុងព្យាបាលនៅតាមផ្ទះ។ ប្រជាពលរដ្ឋជាម្ចាស់គោ បានលើកឡើងថា តំបន់នេះជារៀងរាល់ឆ្នាំប្រជាពលរដ្ឋ នៅភូមិរសួស ស្ទើរតែទាំងអស់គ្នា តែងតែយកគោក្របីមកដាក់តាមទីទួលទឹកមិនទាន់ឡើង ហើយតំបន់នេះ គឺតំបន់ ដែលកាលពី៦ ឬ៧ឆ្នាំមុន មានព្រៃលិច ព្រៃអញ្ចាញ និងវាលត្រែង សម្រាប់ប្រជាពលរដ្ឋឃ្វៀលគោក្របី តែក្រោយពេលបង្កើតជាអាងស្តុបទឹក សម្រាប់ឲ្យគោក្របីផឹក និងធ្វើស្រែ របស់អ្នកមានលុយមានអំណាច មានខ្នងបង្អែកក៏ចាប់ផ្តើវាទទីទន្ទ្រានដីព្រៃលិចអស់គ្មានសល់។ ក្រុមប្រជាពលរដ្ឋបន្តពួកគេមិនដែលជំទាល់ការវាទដីធ្វើនោះ ប៉ុន្តែពួកគាត់យកគោក្របី ឲ្យមកស៊ីស្មៅក្នុងអាងទឹកជាច្រើនឆ្នាំមកហើយ មិនដែលមានបញ្ហានោះទេ។ ក្រុមប្រជាពលរដ្ឋបន្តទៀតថា នៅទី៥ ខែតុលា ឆ្នាំ២០២១ ត្រូវថ្ងៃភ្ជុំបិណ្ឌ វេលាម៉ោងប្រហែលជាងប្រាំបីព្រឹក ពួកគាត់មកមើលគោជាធម្មតា ស្រាប់តែប្រទះឃើញគោងាប់ និងប្រកាច់ជាច្រើនក្បាល ព្រមទាំងប្រទះឃើញត្រាក់ទ័រកំពុងបាញ់ថ្នាំ មានមនុស្សចំនួនបីនាក់បើករត់ទៅលើខ្នងអាងហៅមិនឈប់ ព្រមទាំងរាយការណ៍ទៅកាន់នគរបាលរដ្ឋបាលស្រយ៉ូវផងដែរ។ទន្ទឹមជាមួយគ្នានេះ ដំណឹងត្រូវបានរាយការណ៍ទៅកាន់លោក ម៉ាក់ ប៊ុនហុង អភិបាលក្រុងស្ទឹងសែន ព្រមទាំងបញ្ជាកម្លាំងអធិការនគបាលក្រុងស្ទឹងសែន កម្លាំងប៉ុស្តិ៍រដ្ឋបាលនគបាល ស្នើមន្រ្តីជំនាញសុខភាពសត្វចុះធ្វើកំណត់ហេតុស្រាវជ្រាវ។ ក្រុមប្រជាពលរដ្ឋ បន្តថា ចំនួនគោដែលបានងាប់ ជាក់ស្តែងនៅក្នុងអាងមានចំនួន១៧ក្បាល បាត់ចំនួន៩ក្បាល និងកំពុងបន្តជាព្យាបាលគោដែលនៅរស់មួយចំនួននៅផ្ទះតាមផ្ទះ។លោក ច័ន្ទ បញ្ញាវន្ត ប្រធានការិយាល័យផលិតកម្មសត្វ និងបសុព្យាបាលខេត្តកំពង់ធំ បញ្ជាក់ថា ក្រុមមន្រ្តីជំនាញរបស់លោកបានចុះសិក្សាលំអិតជាក់ស្តែងឃើញថា ករណីគោងាប់ ទាំងអស់នេះ មិនមែនដោយសារជំងឺឆ្លងនោះទេ គឺពិតជាស្លាប់ដោយថ្នាំពុលគីមី, ប៉ុន្តែប្រភេទថ្នាំដែលធ្វើឲ្យងាប់យ៉ាងណានោះ មិនទាន់អាចសន្និដានបានព្រោះម្ចាស់អាងស្តប់ទឹកដែលប្រើប្រាស់ថ្នាំ មិនព្រមសហការផ្តល់ព័ត៌មាន! ហើយនេះក៏អាចជាការប្រើប្រាស់ថ្នាំខុសស្តង់ដារ និងបច្ចេកទេស ធ្វើឲ្យប៉ះពាលសុខភាពសាធារណៈ។ ចំពោះសត្វគោងាប់ ទាំងអស់មន្រ្តីណែនាំដល់ម្ចាស់សត្វមិនឲ្យធ្វើការវះកាត់យកសាច់បរិភោគ និងទៅលក់លើទីផ្សារជាដាច់ខាត ព្រោះអាចធ្វើឲ្យប៉ះពាល់ដល់សុខភាពអ្នកបរិភោគ ឬ ឈានដល់ស្លាប់ក៏ថាបាន។ លោកបញ្ជាក់ដងដែរថា ដើម្បីដឹងពីសារធាតុថ្នាំគីមីប្រើប្រាស់ទាំងនេះ គឺត្រូវរង់ចាំលោកប្រធានមន្ទីរកសិកម្មខេត្តកំពង់ធំ បញ្ជាមន្រ្តីជំនាញយកស្មៅទៅធ្វើការពិសោធន៍ ស្វែងរកប្រភេទថ្នាំព្រមទាំងអនុវត្តន៍វិធានបន្តតាមផ្លូវច្បាប់៕

កម្ពុជាបន្ដរកឃើញមនុស្ស ២២៨នាក់ឆ្លងកូវីដ-១៩ ខណៈអ្នកជំងឺ៤៨៥នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន២២៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៤៨៥នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ២២៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៣នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១២នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៤១៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១០៥ ៣៥០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៣ ៧០៣នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្ពុជារកឃើញមនុស្សជិត ១ពាន់នាក់ទៀតឆ្លងជំងឺកូវីដ-១៩ ដែលជាតួលេខខ្ពស់បំផុតមិនធ្លាប់មានរយៈពេលជាង២ខែចុងក្រោយ

ភ្នំពេញ៖ កម្ពុជាបានប្រកាសនៅថ្ងៃនេះពីការរកឃើញមនុស្សរហូតដល់ទៅជិត ១ពាន់នាក់ទៀត បានឆ្លងជំងឺកូវីដ-១៩នៅទូទាំងប្រទេស ដែលនេះគឺជាតួលេខខ្ពស់បំផុតមិនធ្លាប់មាននៅក្នុងរយៈពេលជាង ២ខែចុងក្រោយនេះ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា មនុស្សចំនួន ៩៧៨នាក់បន្ថែមទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ ក្នុងនោះករណីឆ្លងថ្មី ៨១នាក់ គឺជាករណីនាំចូលពីក្រៅប្រទេស។ក្រសួងសុខាភិបាល បានឱ្យដឹងទៀតថា ចំនួនអ្នកឆ្លងជំងឺកូវីដ-១៩នៅក្នុងប្រទេសកម្ពុជា បានកើនឡើងដល់ ១១២ ៦៥១នាក់ហើយគិតត្រឹមថ្ងៃនេះចាប់តាំងពីកម្ពុជាបានរកឃើញករណីឆ្លងលើកដំបូងកាលពីចុងខែមករា ឆ្នាំ២០២០កន្លងមក។បើតាមក្រសួងសុខាភិបាល នេះជាលើកដំបូងហើយដែលកម្ពុជាបានកត់ត្រាចំនួនអ្នកឆ្លងកូវីដ-១៩ប្រចាំថ្ងៃខ្ពស់បំផុតមិនធ្លាប់មានគិតចាប់តាំងថ្ងៃទី១៦ ខែកក្កដា នៅពេលដែលកម្ពុជាបានរកឃើញមនុស្សដល់ទៅ ៩៩៦នាក់ បានឆ្លងជំងឺកូវីដ-១៩នៅក្នុងរយៈពេល ២៤ម៉ោង។ក្រសួងសុខាភិបាល បានឱ្យដឹងទៀតថា មនុស្ស ១៧នាក់ទៀត បានស្លាប់ដោយសារជំងឺផ្លូវដង្ហើមនេះផងដែរកាលពីថ្ងៃម្សិលមិញនេះ ដែលនាំឱ្យតួលេខអ្នកស្លាប់សរុបឡើងដល់ ២ ៣១៩នាក់ហើយគិតត្រឹមថ្ងៃនេះ។ទន្ទឹមគ្នានេះ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ចំនួន ១០២ ៨២៧នាក់ហើយ ឬប្រហែលជាង ៩១ភាគរយ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មីចំនួន ៦០៥នាក់ ដែលក្រសួងប្រកាសនៅថ្ងៃនេះផងដែរ៕

រដ្ឋមន្រ្តីក្រសួងសង្គមកិច្ចថៃ សរសើរសម្តេចតេជោ មានវិធានការច្បាស់លាស់ក្នុងការដោះស្រាយវិបត្តិកូវីដ-១៩

ភ្នំពេញ ៖ លោក ជូទិ ក្រៃរឹក (Juti Krairerk) រដ្ឋមន្ត្រីក្រសួងអភិវឌ្ឍន៍សង្គម និងសន្តិសុខមនុស្ស នៃព្រះរាជាណាចក្រថៃ បានថ្លែងកោតសរសើរចំពោះប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន មានវិធានការត្រឹមត្រូវច្បាស់លាស់ ក្នុងការទប់ស្កាត់ការរីករាលដាលនូវមេរោគកូវីដ១៩ ជាពិសេសាបានខិតខំស្វះស្វែង រកវ៉ាក់សាំងចាក់ជូនប្រជាពលរដ្ឋរបស់ខ្លួន បានរហូតដល់ជាង៨០ភាគរយ ក្នុងចំណោមប្រជាជនជាង១៦លាននាក់។នៅក្នុងកិច្ចជំនួបជាមួយឯកឧត្តមបណ្ឌិត សុខ សុក្រឹត្យា ទីប្រឹក្សាសម្តេចតេជោហ៊ុន សែន និងជារដ្ឋលេខាធិការក្រសួងទេសចរណ៍ កាលពីថ្ងៃទី២៩ ខែកញ្ញា ឆ្នាំ២០២១ម្សិលមិញនេះ នៅប្រទេសថៃ លោក ជូទិ ក្រៃរឹក បានលើកឡើងថា «សូមកោតសរសើរ និងវាយតម្លៃខ្ពស់ចំពោះរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខដឹកនាំប្រកបដោយភាពឈ្លាសវៃ និងមានវិធានការច្បាស់លាស់ ក្នុងការដោះស្រាយវិបត្តិកូវីដ-១៩ នៅកម្ពុជា»។ជាមួយគ្នានោះដែរ លោក ក្រៃរឹក ក៏បានលើកឡើងអំពីសក្តានុពលទេសចរណ៍វប្បធម៌បេតិកភណ្ឌ ប្រវត្តិសាស្ត្រ និងអេកូទេសចរណ៍របស់កម្ពុជា នៅមិនទាន់ទាញយកមកប្រើប្រាស់ជាប្រយោជន៍ឲ្យអស់លទ្ធភាពនៅឡើយ ដែលត្រូវបន្តឈានឆ្ពោះទៅចាប់យកឱកាសនៃការអភិវឌ្ឍឲ្យបានស៊ីជម្រៅបន្ថែមទៀត ស្របតាមនិន្នាការទេសចរណ៍នៃប្រក្រតីភាពតាមគន្លងថ្មី។ ថ្លែងនៅក្នុងកិច្ចជំនួបនោះដែរ ឯកឧត្តម សុខ សុក្រឹត្យា បានលើកឡើងថា ប្រទេសកម្ពុជា ក្រោមការដឹកនាំរបស់រាជរដ្ឋាភិបាលបច្ចុប្បន្ន បានធ្វើឱ្យប្រទេសជាតិមានសុខសន្តិភាព ស្ថិរភាពនយោបាយ និងសេដ្ឋកិច្ច-សង្គម ជាពិសេស ការកសាងខឿនសុខមាលភាពយ៉ាងរឹងមាំ ជូនប្រជាពលរដ្ឋ និងជនបរទេសរស់នៅក្នុងប្រទេសកម្ពុជា ដោយសម្រេចបានការចាក់វ៉ាក់សាំងកូវីដ-១៩ នៅកម្ពុជាបាន ចង់គ្រប់ប្រជាជនហើយនោះ។ឯកឧត្តមបណ្ឌិត សុខ សុក្រឹត្យា ក៏បានរំលឹកអំពីចំណងមិត្តភាពកម្ពុជា-ថៃ ដែលមានតាំងពីយូរលង់ណាស់មកហើយ និងបានលើកពីបំណង ក្នុងការបន្តរក្សាទំនាក់ទំនងល្អនេះ សម្រាប់យុវជនដែលជាអ្នកនយោបាយវ័យក្មេងជំនាន់ថ្មីផងដែរ។ ឯកឧត្តមបណ្ឌិត សុខ សុក្រឹត្យា ក៏បានបញ្ជាក់បន្ថែមអំពីគម្រោងបើកទទួលស្វាគមន៍ទេសចរណ៍សុវត្ថិភាពនៅត្រីមាសទី៤ ឆ្នាំ២០២១ របស់រាជរដ្ឋាភិបាលកម្ពុជា និងការត្រៀមធ្វើជាម្ចាស់ផ្ទះរៀបចំវេទិកាទេសចរណ៍អាស៊ានឆ្នាំ ២០២២ នៅខេត្តព្រះសីហនុផងដែរ៕

កម្ពុជាបន្ដរកឃើញមនុស្ស ៨៨១នាក់ឆ្លងកូវីដ-១៩ ខណៈអ្នកជំងឺ៥៣២នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៨៨១នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៥៣២នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៨១៦នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៦៥នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៥នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៣០២នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១០២ ២២២នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១១ ៦៧៣នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

យប់មិញអាជ្ញាធរបន្ទាយមានជ័យ ឃាត់ពលរដ្ឋជាង១០នាក់ បម្រុងលួចឆ្លងដែនទៅថៃ ក្នុងនោះមានជនជាតិចិន៤នាក់

ភ្នំពេញ ៖ កម្លាំងការពារព្រំដែន នៃខេត្តបន្ទាយមានជ័យ នៅយប់ថ្ងៃទី២៨ ខែកញ្ញា ឆ្នាំ២០២១ បានឃាត់ប្រជាពលរដ្ឋជាង ១០នាក់ ក្នុង២ករណីផ្សេងគ្នា ខណៈពួកគេបម្រុងលួចឆ្លងដែនដោយខុសច្បាប់ ទៅប្រទេសថៃ ក្នុងនោះក៏មានជនជាតិចិនចំនួន ៤នាក់ផងដែរ ។បើតាមកម្លាំងការពារព្រំដែន បានឲ្យដឹងថា ករណីទី១. គឺនៅវេលាម៉ោង៨ និង៣០នាទីយប់ថ្ងៃទី២៨ ខែកញ្ញា មានជនជាតិចិនចំនួន ៤នាក់ រួមនិងអ្នកនាំផ្លូវម្នាក់ បានបម្រុងឆ្លងដែនទៅធ្វើការនៅប្រទេសថៃ ត្រូវកម្លាំងតំបន់ប្រតិបត្តិការសឹករងបន្ទាយមានជ័យ ឃាត់នៅចំណុចត្រង់ភូមិសាស្ត្រអូរព្រំដែន ភូមិកោះស្នួល ឃុំទួលពង្រ ស្រុកម៉ាឡៃ ។ប្រភពបានបន្តថា ជនជាតិចិនទាំង ៤នាក់ និងអ្នកនាំផ្លូវ ក្រោយពីបានសួរនាំរួច ត្រូវបានប្រគល់ឲ្យស្នាក់ការកងរាជអាវុធហត្ថ ចាក់ការតាមនីតិវិធីច្បាប់បន្ត ។សមត្ថកិច្ចបន្តថា ចំណែកករណីទី២. គឺកម្លាំងវរសេនាតូចថ្មើរជើងលេខ៥១៣ សហការជាមួយកម្លាំងនគរបាល៨១៥ ក្នុងពេលចុះល្បាតក៏បានឃាត់ខ្លួនពលករខ្មែរបានចំនួន ៨នាក់ ស្រី៣នាក់ នៅត្រង់ចំណុចភូមិបន្ទាយ២ ឃុំអូរសំព័រ ស្រុកម៉ាឡៃ បម្រុងលួចឆ្លងអូរចូលទៅប្រទេសថៃ ដោយបន្ទាប់ពីសួរនាំរួច បានប្រគល់ជូននគរបាលព្រំដែន៨១៥ ដើម្បីអនុវត្តទៅតាមច្បាប់ ។ សូមបញ្ជាក់ថា ដើម្បីចូលរួមចំណែកជាមួយរាជរដ្ឋាភិបាល ទប់ស្កាត់ការឆ្លងរាលដាលនៃជំងឺកូវិត១៩ កាន់តែខ្លាំងនៅក្នុងសហគមន៍ កម្លាំងតំបន់ប្រតិបត្តិការសឹករងបន្ទាយមានជ័យ មាន លោកឧត្តមសេនីយ៍ត្រី ជឹម ប៊ុនអាន ជាមេបញ្ជាការ និងកម្លាំងវរសេនាតូចថ្មើរជើងលេខ៥១៣ តែងតែយកចិត្តទុកដាក់អនុវត្តតាមបទបញ្ជា សហការជាមួយកម្លាំងនៅតាមមូលដ្ឋានចេញល្បាតឆែកឆេរត្រួតពិនិត្យជាប្រចាំ ក្នុងការទប់ស្កាត់ពលករឆ្លងដែនខុសច្បាប់ នៅក្នុងភូមិសាស្ត្រខេត្តបន្ទាយមានជ័យ ៕

បណ្ដាញសង្គម

ព័ត៌មានថ្មីៗ

អាមេរិក-អ៊ីរ៉ង់ បាញ់តបតគ្នា ខណៈចោទអាមេរិកបំពានបទឈប់បាញ់ ប៉ុន្តែលោកTrump ថាបទឈប់បាញ់នៅតែជាធរមាន

កម្ពុជា-សិង្ហបុរី ប្ដេជ្ញាបន្តជំរុញសន្ទុះនៃទំនាក់ទំនង និងកិច្ចសហប្រតិបត្តិការដ៏ជិតស្និទ្ធនេះ ឱ្យកាន់តែរឹងមាំ

កម្ពុជា-វៀតណាម ប្ដេជ្ញាជំរុញទំនាក់ទំនង និងកិច្ចសហប្រតិបត្តិការទ្វេភាគី

ការកាត់បន្ថយជំនួយ គ្រោះរាំងស្ងួត និងជម្លោះ ធ្វើឲ្យពលរដ្ឋសូម៉ាលី រងទុក្ខយ៉ាងធ្ងន់ធ្ងរ

ឆាដប្រកាសកាន់ទុក្ខថ្នាក់ជាតិរយៈពេល ៣ថ្ងៃ ក្រោយការពួនស្ទាក់វាយប្រហារស្លាប់មនុស្សរបស់ក្រុមឧទ្ទាម Boko Haram

សម្ដេចធិបតីនាយករដ្ឋមន្ត្រី និងនាយរដ្ឋមន្រ្តីថៃ បញ្ជាក់ពីការប្តេជ្ញាចិត្តរួមគ្នាសម្រាប់សន្តិភាពយូរអង្វែង

ចោរសមុទ្រសូម៉ាលី បោះបង់ចោលទូកក្តោងរបស់អារ៉ាប់រួម ក្រោយពួកគេជិតអស់គ្រឿងផ្គត់ផ្គង់

សម្ដេចធិបតី៖ កម្ពុជាមិនទទួលស្គាល់ជាដាច់ខាត «ខ្សែបន្ទាត់ព្រំដែន» បង្កើតឡើងដោយការប្រើប្រាស់កម្លាំង

ប្រភព៖ អាមេរិក និងអ៊ីរ៉ង់ជិតឆ្ពោះទៅរកកិច្ចព្រមព្រៀងរយៈពេលខ្លី ដើម្បីបញ្ចប់សង្រ្គាម

ប្រធានាធិបតីប៉ារ៉ាហ្គាយសរសើរមិត្តភាពជាមួយកោះតៃវ៉ាន់ ខណៈចិនប្រាប់ឲ្យកាត់ផ្តាច់ចំណងទាក់ទង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

សមត្ថកិច្ចចាប់ខ្លួនបុរស ៥នាក់ពាក់ព័ន្ធនឹងករណីកាប់ឆ្កា ហ៊ុំព័ទ្ធ ឈូសឆាយដីព្រៃរបស់រដ្ឋ

កម្ពុជាបន្ដរកឃើញមនុស្ស ២៥៨នាក់ឆ្លងកូវីដ-១៩ ខណៈអ្នកជំងឺ៥៤៦នាក់ទៀត ត្រូវបានព្យាបាលជាសះស្បើយ

កម្ពុជាបន្ដរកឃើញមនុស្ស ២២០នាក់ឆ្លងកូវីដ-១៩ ខណៈអ្នកជំងឺ៥៣៧នាក់ទៀត ត្រូវបានព្យាបាលជាសះស្បើយ

កម្ពុជារកឃើញមនុស្ស២០៣នាក់ទៀតឆ្លងកូវីដ-១៩ ខណៈមនុស្ស១៨នាក់បន្ថែមទៀតស្លាប់ដោយសារជំងឺនេះ

គោប្រជាពលរដ្ឋនៅភូមិរលួស ជាច្រើនក្បាលពុលថ្នាំគីមីងាប់ ក្នុងអំឡុងពេលភ្ជុំបិណ្ឌ និងខ្លះទៀតកំពុងព្យាបាល

កម្ពុជាបន្ដរកឃើញមនុស្ស ២២៨នាក់ឆ្លងកូវីដ-១៩ ខណៈអ្នកជំងឺ៤៨៥នាក់ទៀត ត្រូវបានព្យាបាលជាសះស្បើយ

រដ្ឋមន្រ្តីក្រសួងសង្គមកិច្ចថៃ សរសើរសម្តេចតេជោ មានវិធានការច្បាស់លាស់ក្នុងការដោះស្រាយវិបត្តិកូវីដ-១៩

កម្ពុជាបន្ដរកឃើញមនុស្ស ៨៨១នាក់ឆ្លងកូវីដ-១៩ ខណៈអ្នកជំងឺ៥៣២នាក់ទៀត ត្រូវបានព្យាបាលជាសះស្បើយ

យប់មិញអាជ្ញាធរបន្ទាយមានជ័យ ឃាត់ពលរដ្ឋជាង១០នាក់ បម្រុងលួចឆ្លងដែនទៅថៃ ក្នុងនោះមានជនជាតិចិន៤នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

សមត្ថកិច្ច​ចាប់​ខ្លួន​បុរស​ ៥​នាក់​ពាក់ព័ន្ធ​នឹង​ករណី​កាប់ឆ្កា​ ហ៊ុំព័ទ្ធ​ ឈូស​ឆាយ​ដី​ព្រៃ​របស់​រដ្ឋ

កម្ពុជា​រក​ឃើញ​មនុស្ស​២០៣​នាក់​ទៀត​ឆ្លង​កូវីដ-១៩ ខណៈ​មនុស្ស១៨​នាក់​បន្ថែម​ទៀត​ស្លាប់​ដោយសារ​ជំងឺ​នេះ

គោប្រជាពលរដ្ឋនៅភូមិរលួស ជាច្រើនក្បាលពុលថ្នាំគីមីងាប់ ក្នុងអំឡុងពេលភ្ជុំបិណ្ឌ និងខ្លះទៀតកំពុងព្យាបាល

រដ្ឋមន្រ្តីក្រសួងសង្គមកិច្ចថៃ សរសើរសម្តេចតេជោ មានវិធានការច្បាស់លាស់​ក្នុងការ​ដោះស្រាយ​វិបត្តិកូវីដ-១៩

យប់មិញអាជ្ញាធរបន្ទាយមានជ័យ ឃាត់ពលរដ្ឋជាង១០នាក់ បម្រុងលួចឆ្លងដែនទៅថៃ ក្នុងនោះមានជនជាតិចិន៤នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សមត្ថកិច្ចចាប់ខ្លួនបុរស ៥នាក់ពាក់ព័ន្ធនឹងករណីកាប់ឆ្កា ហ៊ុំព័ទ្ធ ឈូសឆាយដីព្រៃរបស់រដ្ឋ

កម្ពុជារកឃើញមនុស្ស២០៣នាក់ទៀតឆ្លងកូវីដ-១៩ ខណៈមនុស្ស១៨នាក់បន្ថែមទៀតស្លាប់ដោយសារជំងឺនេះ

រដ្ឋមន្រ្តីក្រសួងសង្គមកិច្ចថៃ សរសើរសម្តេចតេជោ មានវិធានការច្បាស់លាស់ក្នុងការដោះស្រាយវិបត្តិកូវីដ-១៩