BTV NEWS

ជនជាតិចិន ៥០៦នាក់ទៀត ពាក់ព័ន្ធករណីឆបោកតាមប្រព័ន្ធបច្ចេកវិទ្យា ត្រូវបានបណ្ដេញចេញពីកម្ពុជា

សាលាដំបូងរាជធានីភ្នំពេញ សម្រេចឃុំខ្លួនជនបរទេស ១២នាក់ ពាក់ព័ន្ធករណីឆបោកវិនិយោគតាមប្រព័ន្ធអនឡាញ

ឃាត់ជនបរទេស១៦នាក់ ពាក់ព័ន្ធ Online Scams និងការរស់នៅដោយខុសច្បាប់ និងបានសង្គ្រោះជនជាតិជប៉ុនម្នាក់ពីការចាប់បង្ខាំងទុក

ប្រតិបត្តិការបង្ក្រាប Online Scams នៅខេត្តបន្ទាយមានជ័យ ឃាត់ខ្លួនជនបរទេសជាង ៤ពាន់នាក់

សន្តិសុខ និង សង្គម

កម្ពុជាបន្ដរកឃើញមនុស្ស៤២៣នាក់ឆ្លងកូវីដ-១៩ ខណៈអ្នកជំងឺ៥៤១នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៤២៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៥៤១នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៥៦នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៦៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២០នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៦៥៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៧៨ ៩៧២នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨៤ ២៦២នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

១៤ថ្ងៃក្នុងបម្រាមគោចរនៅភ្នំពេញ នគរបាលចាប់បញ្ជូនមនុស្ស៣៦នាក់ទៅតុលាការ និងពិន័យបានប្រាក់ជាង២១៣លានរៀល

ភ្នំពេញ ៖ ក្នុងបម្រាមគោចររបស់រដ្ឋបាលរាជធានីភ្នំពេញ ក្នុងរយៈពេល១៤ថ្ងៃ គឺចាប់ពីថ្ងៃទី ៣០ ខែកក្កដាដល់យប់ថ្ងៃទី១១ ខែសីហា ឆ្នាំ២០២១នេះ នគរបាលបានធ្វើការឃាត់ខ្លួនមនុស្សជាង៩០នាក់ ក្នុងនោះ បានបញ្ជូនទៅកាន់តុលាការចំនួន៣៦នាក់ និងពិន័យបានប្រាក់ចំនួនជាង ២១៣លានរៀល។ នេះបើតាមអ្នកនាំពាក្យរបស់ស្នងការដ្ឋាននគរបាលរាជធានីភ្នំពេញ ដែលបានបញ្ជាប់ប្រាប់ទូរទស្សន៍ BTVនាព្រឹកថ្ងៃទី១២ ខែសីហានេះ។លោកវរសេនីយ៍ឯក សាន សុខសីហា អ្នកនាំពាក្យស្នងការនគរបាលរាជធានីភ្នំពេញ បានឲ្យដឹងថា ចាប់ពីថ្ងៃទី៣០ ខែកក្កដា ដល់ថ្ងៃ១២ ខែសីហានេះ កងកម្លាំងនៃស្នងការនគរបាលរាជធានីភ្នំពេញ បានចុះអនុវត្តបម្រាមគោចរគឺបានរយៈពេល១៤ថ្ងៃហើយ ក្រោយមានបទបញ្ជាពីរដ្ឋបាលរាជធានីភ្នំពេញ ដោយក្នុងរយៈពេលពីរសប្តាហ៍ កងកម្លាំងនគរបាលបានឃាត់យានយន្តចំនួនជិតពីរពាន់គ្រឿង ហើយធ្វើការពិន័យរួចជាស្ថាពរបានចំនួន៤៩២គ្រឿង ក្រៅពីនោះបានរក្សាទុកនៅតាមខណ្ឌនីមួយៗ ដែលបានអនុវត្តនោះ។ជាមួយគ្នានោះដែរ លោកវរសេនីយ៍ឯក សាន សុខសីហា ក៏បានបញ្ជាក់ផងដែរថា បើទោះបីជា បម្រាមគោចររយៈពេល១៤ថ្ងៃនេះ បានបញ្ចប់ក៏ពិតមែន តែរដ្ឋបាលរាជធានីភ្នំពេញបានបន្តដាក់បម្រាមនេះ ក្នុងរយៈពេលមួយសប្តាហ៍បន្ថែមទៀត គឺចាប់ពីថ្ងៃទី១៣ ដល់ថ្ងៃទី១៩ ខែសីហា ខាងមុខនេះ ក្នុងហេតុផលដដែលគឺដើម្បីប្រយុទ្ធ និងទប់ស្កាត់ ការឆ្លងរាលដាលនៃជំងឺកូវីដ-១៩ ជាពិសេសជំងឺបំប្លែងថ្មីប្រភេទដែលតានេះតែម្តង។លោក ក៏បានបញ្ជាក់បន្ថែមទៀតដែរថា« ការបន្តរឹតបន្តឹងបម្រាមគោចររយៈពេលមួយសប្តាហ៍ទៀតនេះ គឺនឹងអនុវត្តដូចរយៈពេល១៤កន្លងមកដែរ ដោយសម្រាប់បុគ្គលដែលល្មើសនឹងបម្រាមគោចរនេះ ហើយមានការជួបជុំគ្នាសេពគ្រឿងស្រវឹង សមត្ថកិច្ចនឹងចាប់វាយខ្នោះអនុវត្តទៅតាមផ្លូវច្បាប់ភ្លាមៗ ដោយមិនមានការអប់រំណែនាំ ឬលើកលែងអ្វីទៀតនោះឡើយ ខណៈវិធានការក្តៅរបស់អាជ្ញាធររាជធានីភ្នំពេញនេះ ធ្វើឡើងក្នុងន័យទប់ស្កាត់ការរាលដាលជំងឺកូវីដ-១៩ ជាពិសេសប្រភេទdeltaនេះ ដោយវាបានរកឃើញមានអ្នកវិជ្ជមានជាបន្តបន្ទាប់ក្នុងរាជធានីភ្នំពេញ ហើយនោះ។លោកវរសេនីយ៍ឯក សាន សុខសីហា ក៏បានធ្វើការអំពាវនាវដល់បងប្អូនទាំងអស់បើមិនចាំបាច់ទេ គប្បីកុំចេញក្រៅឲ្យសោះ ត្រូវចូលរួមសហការជាមួយអាជ្ញាធរ ខណៈការអនុវត្តរបស់អាជ្ញាធរនេះ គឺដើម្បីសេចក្តីសុខរបស់បងប្អូនទាំងអស់គ្នាតែប៉ុណ្ណោះ ពុំមានការរឹតត្បិតសិទ្ធិសេរីភាពរបស់បងប្អូននោះទេ។ លោក ក៏បានអំពាវនាវដល់បងប្អូនទាំងអស់បើមិនអាណិតខ្លួនឯងទេ គប្បីអាណិតដល់ក្រុមគ្រូពេទ្យ និងជាអាជ្ញាធរ ដែលពួកគាត់ខិតខំទាំងយប់ទាំងថ្ងៃ ដោយមិនបានចូលផ្ទះជួបប្រពន្ធកូន ឪពុកម្តាយរបស់ពួកគាត់ ដើម្បីតែសុខុមាលភាព និងអាយុជីវិតរបស់បងប្អូនទាំងអស់គ្នាឲ្យរួចផុតពីជំងឺដ៏កាចសាហាវនេះ៕អត្ថបទ បាន ចក់

កម្ពុជាបន្ដរកឃើញមនុស្ស៤៥៥នាក់ឆ្លងកូវីដ-១៩ ខណៈអ្នកជំងឺ៦៧៧នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៤៥៥នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៦៧៧នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៧៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៨១នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២០នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៦៣៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៧៨ ៤៣១នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨៣ ៨៣៩នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

យប់មិញឃាត់ខ្លួនអ្នកល្មើសបម្រាមគោចរបាន ៤,១៥៤នាក់ទៀត និងបញ្ជូនទៅតុលាការ១៣នាក់

ភ្នំពេញ ៖ កាអនុវត្តវិធានការច្បាប់ចំពោះបុគ្គលល្មើសវិធានការសុខាភិបាល និងវិធានការរដ្ឋបាលទូទាំងប្រទេស នាយប់ថ្ងៃទី១១ ខែសីហាឆ្នាំ២០២១នេះ សមត្ថកិច្ចឃាត់ខ្លួនមនុស្សចំនួន ៤,១៥៤នាក់ ក្នុងនោះបានបញ្ជូនទៅកាន់តុលាការចំនួន១៣នាក់ បន្ទាប់ពីពួកគេបានប្រព្រឹត្តបទល្មើសធ្ងន់ធ្ងរ និងយានយន្តចំនួន ៩៩០គ្រឿង ពិន័យជាប្រាក់បានចំនួន២៦លានរៀល។យោងតាមចេញសេចក្តីជូនដំណឹង របស់គណៈកម្មការអន្តរក្រសួង ដើម្បីប្រយុទ្ធប្រឆាំងជំងឺកូវីដ-១៩(គ.អ.ក) បានបញ្ជាក់នៅព្រឹកថ្ងៃទី១២ ខែសីហានេះថា កាអនុវត្តវិធានការច្បាប់មានចំនួន ២០៥៨ករណី ក្នុងនោះធ្វើការឃាត់ខ្លួនមនុស្សយកមកអប់រំ និងពិន័យចំនួន ៤,១៥៤នាក់ បានធ្វើការឃាត់យានយន្តចំនួន ៩៩០គ្រឿង ពិន័យជាប្រាក់ចំនួន ២៦.០០០០០០រៀល។ចាប់ពីយប់ថ្ងៃទី៣០ ខែកក្កដារហូតមកដល់ថ្ងៃទី១២ ខែសីហានេះ អាជ្ញាធររាជធានីភ្នំពេញ និងតាមបណ្តាខេត្តមួយចំនួន ជាពិសេសខេត្តដែលនៅជាប់ព្រំដែនប្រទេសថៃ បានធ្វើការបិទបម្រាមគោចរអស់រយៈពេល១៤យប់មកហើយ (ចាប់ពីថ្ងៃទី២៩ ខែកក្កដា ដល់ថ្ងៃ១៤ខែសីហា) ដើម្បីទប់ស្កាត់ការរីករាលដាលនូវមេរោគកូវីដបម្លែងថ្មី deltaនេះ ដែលបានកំពុងតែបន្តឆ្លងចូលសហគមន៍ជាបន្តបន្ទាប់។យ៉ាងណាក៏ដោយក្រោយពីបញ្ចប់បម្រាមគោចររយៈពេល១៤ថ្ងៃមកហើយនោះ រដ្ឋបាលរាជធានីភ្នំពេញ ក៏ដូចជាតាមបណ្តាខេត្តនានា បានសម្រេចបន្តបិទបម្រាមគោចររយៈពេលមួយសប្តាហ៍ទៀត គឺចាប់ពីថ្ងៃទី១៣ ដល់ថ្ងៃទី១៩ ខែសីហាខាងមុខនេះ ក្នុងហេតុផលដដែល គឺដើម្បីប្រយុទ្ធ និងទប់ស្កាត់ ការឆ្លងរាលដាលនៃជំងឺកូវីដ-១៩ ជាពិសេសជំងឺបំប្លែងថ្មីប្រភេទដែលតានេះតែម្តង ខណៈវាបានកំពុងវាយលុកនៅក្នុងរាជធានី-ខេត្តនៃប្រទេសកម្ពុជាចំនួន១៧ហើយនោះ។ក្នុងការអនុវត្តបម្រាមគោចរនេះដែរ កងកម្លាំងឯកភាពរាជធានី-ខេត្ត បានធ្វើការឃាត់ខ្លួនមនុស្សរាប់ពាន់នាក់ និងយានយន្តរាប់ពាន់គ្រឿង និងមនុស្សរាប់សិបនាក់បានបញ្ជូនទៅកាន់តុលាការផងដែរ បន្ទាប់ពីពួកគេបានប្រព្រឹត្តល្មើសធ្ងន់ធ្ងរ ផឹកស្រាស្រវឹងហើយបានជេរប្រមាថសមត្ថកិច្ចជាដើមនោះ៕ អត្ថបទបាន ចក់

កម្ពុជាបន្ដរកឃើញមនុស្ស៤៨៦នាក់ឆ្លងកូវីដ-១៩ ខណៈអ្នកជំងឺ៧១៧នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៤៨៦នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៧១៧នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៦៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១១៩នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១២នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៦១៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧៧ ៧៥៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨៣ ៣៨៤នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

រថយន្តតាកូម៉ាបើកខ្វះការប្រុងប្រយ័ត្នបុករះរថយន្តសេរីទំនើប៣គ្រឿង បណ្តាលឲ្យរងការខូចខាត

ភ្នំពេញ៖ គ្រោះថ្នាក់ចរាចរណ៍កើតឡើងដោយរថយន្តមួយគ្រឿង ម៉ាកតាកូម៉ា បើកទៅបុករះជាមួយរថយន្ត ៣គ្រឿងទៀតបណ្តាលឲ្យរងការខូចខាត កាលពីវេលាម៉ោង ៩និង៥០នាទីព្រឹកថ្ងៃទី១១ ខែសីហា ឆ្នាំ២០២១ ស្ថិតនៅតាមបណ្តោយផ្លូវ១០៥ ម្ដុំផ្សារសាន់ហាន់ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។ប្រភពព័ត៌មានពីកន្លែងកើតហេតុ បានប្រាប់ឲ្យដឹងថា នៅមុនពេលកើតហេតុ គេបានឃើញរថយន្ត ម៉ាក Tacoma ពណ៌ក្រហម ពាក់ស្លាកលេខ ភ្នំពេញ 1AU-2256 បើកបរក្នុងទិសដៅពីត្បូងទៅជើង ក្នុងល្បឿនលឿន ខណៈពេលបើកមកដល់ចំណុចកើតហេតុ ស្រាប់តែរថយន្តបានទៅបុកពីក្រោយគូទរថយន្ត Alphard ពណ៌ខ្មៅ ពាក់ស្លាកលេខ ភ្នំពេញ 2Y-2088 ដែលបើកបរក្នុងទិសដៅស្របគ្នា ហើយរថយន្ត Tacoma ក៏បានបើកថយក្រោយ ក្នុងគោលបំណងបើករត់គេចខ្លួន តែក៏បានទៅប៉ះជាមួយរថយន្ត មួយគ្រឿង ម៉ាក Range Rover ពណ៌ខ្មៅ ពាក់ស្លាកលេខ ភ្នំពេញ 2BF-6633 បណ្តាលឲ្យរងការខូចខាតផ្នែកខាងក្រោយចំហៀងខាងឆ្វេងបែកស្តុបក្រោយ រួចរថយន្ត Tacoma ក៏បន្តបើករត់គេចទៀត ក៏ទៅបុកជាមួយរថយន្ត មួយគ្រឿងទៀតម៉ាក Infinitl QX56 ពណ៌ខ្មៅ ពាក់ស្លាកលេខ ភ្នំពេញ 2AA-8118 បណ្តាលឲ្យរងការខូចខាតផ្នែកខាងមុខចំហៀងខាងស្តាំ ទើបរថយន្ត Tacomaមិនអាចបន្តដំណើរទៅមុខទៀតបាន ។ ចំណែកអ្នកបើកបររថយន្តម៉ាក Tacoma ត្រូវបានប្រជាពលរដ្ឋចាប់ឃាត់ខ្លួនតែម្តង។ ក្រោយពេលកលតហេតុកម្លាំងសមត្ថកិច្ចជំនាញបានចុះមកដល់ទីតាំងកើតហេតុ និងបានឃាត់ខ្លួនម្ចាស់រថយន្ត តាកូម៉ា យកទៅកាន់ប៉ុស្តិ៍នគរបាលទួលសង្កែទី១ និងបានហៅជំនាញការិយាល័យនគរបាលចរាចរណ៍ជើងគោក នៃស្នងការនគរបាលរាជធានីភ្នំពេញ ចុះមកធ្វើការវាស់វែងយករថយន្តទាំងសងខាងទៅរក្សាទុកនៅការិយាល័យជំនាញ ដើម្បីរង់ចាំការដោះស្រាយគ្នាតាមផ្លូវច្បាប់៕អត្ថបទ៖កុម្ភះ

យប់មិញឃាត់ខ្លួនអ្នកល្មើសបម្រាមគោចរបាន១,៦៨២នាក់ទៀត និងពិន័យជាប្រាក់ជាង៤៦លានរៀល

ភ្នំពេញ ៖ កាអនុវត្តវិធានការច្បាប់ចំពោះបុគ្គលល្មើសវិធានការសុខាភិបាល និងវិធានការរដ្ឋបាលទូទាំងប្រទេស នាយប់ថ្ងៃទី១០ ខែសីហា ឆ្នាំ២០២១នេះ សមត្ថកិច្ចជំនាញ បានរកឃើញមនុស្សចំនួន ១,៦៨២នាក់ និងយានយន្តចំនួន ៨១១គ្រឿង ហើយបានពិន័យជាប្រាក់ចំនួនជាង៤៦លានរៀល ក្នុងហេតុការណ៍៩៤១ករណី។យោងតាមចេញសេចក្តីជូនដំណឹងរបស់គណៈកម្មការអន្តរក្រសួង ដើម្បីប្រយុទ្ធប្រឆាំងជំងឺកូវីដ-១៩(គ.អ.ក) បានបញ្ជាក់នៅព្រឹកថ្ងៃទី១១ ខែសីហានេះថា កាអនុវត្តវិធានការច្បាប់មានចំនួន ៩៤១ករណីដោយក្នុងនោះធ្វើការឃាត់ខ្លួនមនុស្សយកមកអប់រំ និងពិន័យចំនួន ១,៦៨២នាក់បានធ្វើការឃាត់យានយន្តចំនួន ៨១១គ្រឿងហើយធ្វើការពិន័យជាប្រាក់ចំនួន ៤៦,១០០,០០០រៀល។សូមបញ្ជាក់ថា ចាប់ពីយប់ថ្ងៃទី៣០ ខែកក្កដារហូតមកដល់ថ្ងៃទី១១ ខែសីហានេះអាជ្ញាធររាជធានីភ្នំពេញ និងតាមបណ្តាខេត្តមួយចំនួន ជាពិសេសខេត្តដែលនៅជាប់ព្រំដែនប្រទេសថៃ បានធ្វើការបិទបម្រាមគោចរអស់រយៈពេល១១យប់មកហើយ ដើម្បីទប់ស្កាត់ការរីករាលដាលនូវមេរោគកូវីដបំប្លែងថ្មី deltaនេះ ដែលបានកំពុងតែបន្តឆ្លងចូលសហគមន៍ជាបន្តបន្ទាប់នោះ។ការរឹតបន្តឹងនេះ ប្រសិនបើបុគ្គលដែលល្មើស នឹងបម្រាមគោលចរ ហើយមានការជួបជុំគ្នាសេពគ្រឿងស្រវឹង សមត្ថកិច្ចនឹងចាប់វាយខ្នោះអនុវត្តទៅតាមផ្លូវច្បាប់ ដោយមិនមែនការអប់រំណែនាំ ឬលើកលែងអ្វីទៀតឡើយ។ក្នុងការអនុវត្តបម្រាមគោចរនេះដែរ កងកម្លាំងឯកភាពរាជធានី-ខេត្ត បានធ្វើការឃាត់ខ្លួនមនុស្សរាប់ពាន់នាក់ និងយានយន្តរាប់ពាន់គ្រឿង និងមនុស្សរាប់សិបនាក់បានបញ្ជូនទៅកាន់តុលាការផងដែរ បន្ទាប់ពីពួកគេបានប្រព្រឹត្តល្មើសធ្ងន់ធ្ងរ ផឹកស្រាស្រវឹងហើយបានជេរប្រមាថសមត្ថកិច្ចជាដើមនោះ៕ អត្ថបទ ៖ បាន ចក់

កម្ពុជាបន្ដរកឃើញមនុស្ស៤៩៩នាក់ឆ្លងកូវីដ-១៩ ខណៈអ្នកជំងឺ៨៨២នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥៩៩នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៨៨២នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៧៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១២៥នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៧នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៦០២នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧៧ ០៣៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨២ ៨៩៨នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ឃាត់ខ្លួនអ្នកល្មើសបម្រាម ១,៥៨២នាក់ និងពិន័យជាប្រាក់ជាង២០លានរៀល នៅយប់ថ្ងៃទី៩នេះ

ភ្នំពេញ ៖ កាអនុវត្តវិធានការច្បាប់ចំពោះបុគ្គលល្មើសវិធានការសុខាភិបាល និងវិធានការរដ្ឋបាលទូទាំងប្រទេស នៅថ្ងៃទី៩ខែសីហា ឆ្នាំ២០២១យប់មិញនេះ សមត្ថកិច្ចជំនាញ បានរកឃើញមនុស្សចំនួន ១,៥៨២នាក់ និងយានយន្តចំនួន ៥៥៦គ្រឿង ពិន័យជាប្រាក់ចំនួន ២២,២០០,០០០រៀល ក្នុងហេតុការណ៍៧៤៧ករណីនោះ។យោងតាមចេញសេចក្តីជូនដំណឹង របស់គណៈកម្មការអន្តរក្រសួង ដើម្បីប្រយុទ្ធប្រឆាំងជំងឺកូវីដ-១៩(គ.អ.ក) បានបញ្ជាក់នៅព្រឹកថ្ងៃទី១០ ខែសីហានេះថា កាអនុវត្តវិធានការច្បាប់មានចំនួន ៧៤៧ ករណីដោយក្នុងនោះធ្វើការឃាត់ខ្លួនមនុស្សយកមកអប់រំ និងពិន័យចំនួន ១,៥៨២នាក់បានធ្វើការឃាត់យានយន្តចំនួន ៥៥៦គ្រឿង បានធ្វើការពិន័យជាប្រាក់ចំនួន ២២,២០០,០០០រៀល។សូមបញ្ជាក់ថា ចាប់ពីយប់ថ្ងៃទី៣០ ខែកក្កដារហូតមកដល់ថ្ងៃទី១០ ខែសីហានេះអាជ្ញាធររាជធានីភ្នំពេញនិងតាមបណ្តាខេត្តមួយចំនួន ជាពិសេសខេត្តដែលនៅជាប់ព្រំដែនប្រទេសថៃ បានធ្វើការបិទបម្រាមគោចរអស់រយៈពេល១១ថ្ងៃមកហើយ ដើម្បីទប់ស្កាត់ការរីករាលដាលនូវមេរោគកូវីដបំប្លែងថ្មី deltaនេះ ដែលបានកំពុងតែបន្តឆ្លងចូលសហគមន៍ជាបន្តបន្ទាប់។ការរឹតបន្តឹងនេះ ប្រសិនបើបុគ្គលដែលល្មើសនឹងបម្រាមគោលចរ ហើយមានការជួបជុំគ្នា ឮសេពគ្រឿងស្រវឹង សមត្ថកិច្ចនឹងចាប់វាយខ្នោះអនុវត្តទៅតាមផ្លូវច្បាប់ ដោយមិនមែនការអប់រំណែនាំ ឬលើកលែងអ្វីទៀតឡើយ។សូមរំលឹកផងដែរថា ចាប់ពីចុងខែមីនា រហូតមកដល់ពេលនេះ ប្រទេសកម្ពុជា បានរកឃើញអ្នកឆ្លងមេរោគកូវីដ១៩ ប្រភេទdeltaកើនដល់ចំនួន៣៨៥នាក់ហើយ ដោយភាគច្រើនកើតចេញពីបងប្អូនពលករខ្មែរវិលត្រឡប់មកពីប្រទេសថៃវិញ ឆ្លងចេញពីអ្នកដំណើរតាមយន្តហោះ បុគ្គលិកសុខាភិបាល និងតាមសហគមន៍ជាដើម៕អត្ថបទបាន ចក់

កម្ពុជាបន្ដរកឃើញមនុស្ស៥០៨នាក់ឆ្លងកូវីដ-១៩ ខណៈអ្នកជំងឺ៦៦០នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥០៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៦៦០នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៨៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១២១នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៣នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៥៨៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧៦ ១៥៥នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨២ ៣៩៩នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បណ្ដាញសង្គម

ព័ត៌មានថ្មីៗ

លោកស្រី Meloni ជួបលោក Rubio ខណៈសង្គ្រាមអ៊ីរ៉ង់ធ្វើឲ្យទំនាក់ទំនងអ៊ីតាលី-អាមេរិកអាប់អួ

អូទ្រីស៖ ការដកខ្លួនរបស់អេមីរ៉ាតអារ៉ាប់រួមចេញពី OPEC នឹងមិនធ្វើឲ្យអង្គការនេះចុះខ្សោយទេ

នគរបាលអាល្លឺម៉ង់ឡោមព័ទ្ធធនាគារ ក្នុងស្ថានភាពមានការចាប់ចំណាប់ខ្មាំង

ក្មេងសិស្សសាលាជាង ១០០នាក់ ចូលសម្រាកព្យាបាលក្នុងមន្ទីរពេទ្យ ក្រោយបរិភោគអាហារសាលានៅរដ្ឋ Bihar ប្រទេសឥណ្ឌា

ទីក្រុងអ៊ីស្លាម៉ាបាដស្វែងរកជំនួយពីសិង្ហបុរីក្នុងការធ្វើមាតុភូមិនិវត្តន៍ជនជាតិប៉ាគីស្ថាន និងអ៊ីរ៉ង់ នៅលើនាវាដែលអាមេរិករឹបអូស

អាជ្ញាធររួសរាន់ទៅសង្រ្គោះអ្នកឡើងភ្នំ ២០នាក់ ក្រោយបន្ទុះភ្នំភ្លើង Dukonoនៅប្រទេសឥណ្ឌូនេស៊ី

អគ្គនាយកដ្ឋានការការពារជនស៊ីវិលលីបង់៖ ការវាយប្រហាររបស់អ៊ីស្រាអែល បានសម្លាប់អ្នកជួយសង្គ្រោះនៅភាគខាងត្បូង

ការសិក្សារកឃើញថា ១ភាគ ៥នៃប្រវត្តិរុក្ខជាតិមានផ្កា ស្ថិតក្នុងហានិភ័យនៃការវិនាស

ប្រធានាធិបតីប្រេស៊ីល៖ លោក Trumpគ្មានគម្រោងឈា្លនពានគុយបានោះទេ

អគ្គិភ័យឆាបឆេះពិព័រណ៍ដ៏ធំនៅម៉ិកស៊ិក បណ្តាលឲ្យមនុស្ស ៥នាក់ បាត់បង់ជីវិត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877