BTV NEWS

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

កម្ពុជាបន្តរកឃើញមនុស្ស ១១៦នាក់ឆ្លងកូវីដ-១៩ ខណៈអ្នកជំងឺ២៨៧នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន១១៦នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ២៨៧នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ១៤៩នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៩នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៧៤៣នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៣ ២៦៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៧ ៨៨៨ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បើពុំមានភ្លៀងធ្លាក់បន្តទៀត ពីរបីថ្ងៃទៀតជំនន់ទឹកពីថៃ ជនលិចមួយផ្នែកនៃក្រុងប៉ោយប៉ែត នឹងស្រកវិលរកសភាពធម្មតាវិញ

បន្ទាយមានជ័យ ៖ គិតត្រឹមថ្ងៃទី២៣ ខែតុលា ម្សិលមិញនេះ វេលាម៉ោង៥ល្ងាចស្ថានភាពទឹកជំនន់ពីប្រទេសថៃ និងទឹកភ្លៀង ដែលបានជនលិចមួយផ្នែកនៃក្រុងប៉ោយប៉ែត បានស្រកបន្តិចហើយ បើមិនមានភ្លៀងធ្លាក់ទៀត ពីរបីថ្ងៃទៀត ទឹកនឹកស្រកមករកសភាពធម្មតាវិញ។ លោក គាត ហ៊ុល អភិបាលក្រុងប៉ោយប៉ែត បានបន្តទៀតថា ចំពោះបងប្អូនប្រជាពលរដ្ឋដែលរងគ្រោះដោយទឹកជំនន់ ចែកជាពីរដោយពលរដ្ឋដែលរងគ្រោះធ្ងន់ មិនអាចនៅនឹងលំនៅដ្ឋានបាន ត្រូវបានជម្លៀសមករកទីទួលសុវត្ថភាពសរុបចំនួន ៤០០គ្រួសារ ក្នុងនោះ កំពុងស្នាក់នៅតាមវត្ត សាលារៀន បុរី និងផ្សារ។ប្រជាពលរដ្ឋដែលរងគ្រោះអាចនៅនឹងទីតាំងដែលគាត់នៅបាន គឺតាមការណែនាំរបស់ថ្នាក់ដឹកនាំជាពិសេសឯកឧត្តម អ៊ុ រាត្រី អភិបាលខេត្ត បានឲ្យពួកគាត់នៅនឹងកន្លែងមិនមកទីទួលសុវត្ថភាពទេ ព្រោះការមកទីទួលសុវត្ថភាពមានការប្រមូលផ្តុំច្រើនប្រឈមនឹងការឆ្លងរាលដាលខ្លាំង ដូចនេះ ក៏សម្រេចឲ្យពួកគាត់នៅនឹងកន្លែងដោយមានការយកចិត្តទុកដាក់ណែនាំពួកគាត់ ឲ្យមានការប្រុងប្រយ័ត្ន ចំពោះកូនតូចៗ កុំឲ្យលេងទឹក និងអនាម័យជានិច្ចជាសវាងការកើតនៅជំងឺផ្សេងៗ។ជាមួយនឹងប្រជាពលរដ្ឋដែររងគ្រោះទាំងនោះ សុទ្ធទទួលបានការយកចិត្តទុកដាក់ ទទួលបានអំណោយដូចគ្នា នឹងត្រៀមសង្រ្គោះគ្រប់ពេល។ជំនន់ទឹកពីថៃ និងទឹកភ្លៀងបានជនលិចលើសង្កាត់ចំនួនបីគឺ សង្កាត់ប៉ោយប៉ែត សង្កាត់ផ្សារកណ្តាល និង សង្កាត់និមិត្ត ។ បច្ចុប្បន្នទាំងបី គឺទឹកស្រកចុះតិចតួចបានជាងមួយតឹក ហើយបើនៅតែមិនមានភ្លៀងពីរបីថ្ងៃទៀត នឹងស្រកមករកស្ថានភាពធម្មតាវិញ ព្រោះតាមការផ្តល់ព័ត៌មានពីភាគីថៃ មិនមានទឹកហូរមកកម្ពុជាទៀតទេ។ម្យ៉ាងទៀត ដើម្បីដោះស្រាយការជនលិច អាជ្ញាធរខេត្ត សុំកិច្ចសហការជាមួយខាងក្រុមហ៊ុន លោកឧកញ៉ា កុក អាន បើកទ្វារទឹកអូរខៃដនទាំងអស់ ដើម្បីឲ្យទឹកកាន់តែស្រកលឿន។យកគ្រឿងចក្រ បើកាយមុខទឹក- ត្រៀមកម្លាំង ជួយសង្គ្រោះ- ត្រៀមទូក ក្បូន ដើម្បីជម្លៀសប្រជាពលរដ្ឋតាមអូរព្រំដែន។ទឹកជំនន់នេះ បានប៉ះពាល់ដល់ពលរដ្ឋ ស្រូវ ចំនួន៧៧ហិកតា ដំឡូងមី ១៤៨ហិកតា ដំណាំរួមផ្សំ ១១ហិកតា- ទឹកលិចផ្លូវ ៣០ខ្សែ ស្មើ ១២,១៥០ម៉ែត្រ ៕

កម្ពុជាបន្តរកឃើញមនុស្ស ១២៨នាក់ឆ្លងកូវីដ-១៩ ខណៈអ្នកជំងឺ៣១៩នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន១២៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៣១៩នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ១១៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៩នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៧៣៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១២ ៩៧៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៧ ៧៧២នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

មនុស្សមួយក្រុម ទៅវាយបុរសជាចុងភៅម្នាក់ក្នុហាង៩៩៩រងរបួស រួចដកកាំភ្លើងបាញ់គម្រាម១គ្រាប់ទៀតបង្កការភ្ញាក់ផ្អើល

ភ្នំពេញ ៖ បក្ខពួកមួយក្រុមមានស្រីប្រុសជាង១០នាក់ បានជិះម៉ូតូទៅស្រែកឡូឡារករឿង នៅក្នុងហាង៩៩៩ មួយកន្លែង រួចចូលទៅខាងក្នុងបានវាយទៅលើបុរសជាចុងភៅម្នាក់ បណ្តាលឲ្យរងរបួសពេញខ្លួន រួចដកកាំភ្លើងបាញ់គម្រាមមួយគ្រាប់ទៀត។ហេតុការភ្ញាក់ផ្អើលមួយនេះដែរ បានកើតឡើងកាលពីវេលាម៉ោង ៧និង៣០នាទីយប់ថ្ងៃទី២៣ ខែតុលា ឆ្នាំ២០២១ ចំណុចក្នុងហាង៩៩៩ សង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ។ជនរងគ្រោះមានឈ្មោះ សុខ ឃាង ភេទប្រុស អាយុ ៤១ មុខរបមេចុងភៅបច្ចុប្បន្ន ស្នាក់នៅហាងកើតហេតុ មានស្រុកកំណើតនៅខេត្តកំពង់ចាម។យោងតាមការបញ្ជាក់ពីម្ចាស់ហាង៩៩៩ បានប្រាប់ឲ្យដឹងថា ដំបូងគាត់បានឃើញបុរសម្នាក់រួម និងបក្ខពួកជាច្រើននាក់ទៀត មានស្រីប្រុសបានជិះម៉ូតូមកឈប់នៅមុខហាងរបស់គាត់ រួចស្រែកឡូឡាថា ឪពុករបស់ខ្លួនមានស្រីនៅក្នុងហាង៩៩៩នោះ បន្ទាប់មកម្ចាស់ហាង ក៏បានអាសអាងថា មិនដែលឃើញឪពុករបស់ជនបង្កមកមានស្រីនៅក្នុងហាងរបស់ខ្លួននោះទេ ពោលគឺគាត់អត់ដែលស្គាល់ផង ។ ដោយឡែកបុរសជាជនបង្កមិនស្តាប់ហេតុផលក៏បាននាំគ្នាចូលទៅខាងក្នុងហាង រួចមានបុរសរងគ្រោះជាចុងភៅ បានជួយឃាត់រួចប្រាប់ថា កុំឲ្យមកស្រែកឡូឡានៅក្នុងហាងរបស់គេកំពុងរកស៊ីមានរឿងអ្វីចាំនិយាយគ្នាក្រោយ។បន្ទាប់មកបុរសជនបង្ក និងបក្ខពួកបានវាយទៅលើបុរសរងគ្រោះបណ្តាលឲ្យរងរបួសបែកមុខហើយរួចដកកាំភ្លើងខ្លីអាមេបាញ់គម្រាមឡើងលើមួយគ្រាប់សំណាងល្អមិនគ្រោះថ្នាក់ ទៅដល់មនុស្សជិតខាង និងនាក់ភូមិនៅជិតកន្លែងកើតហេតុនោះ។ ភ្លាមៗនោះដែរ ក្រុមជនបង្ក ដែលដកកាំភ្លើងបាញ់ ក៏បានរត់គេចខ្លួនបាត់ស្រមោលនៅតែបក្ខពួកត្រូវសមត្ថកិច្ចខណ្ឌជ្រោយចង្វារ ចុះឃាត់ខ្លួមយកមកសួរនាំ។បច្ចុប្បន្នបក្ខពួកជនបង្កមានស្រីប្រុស កំពុងតែនៅអធិការដ្ឋាននគបាលខណ្ឌជ្រោយចង្វារ ដើម្បីសាកសួរបន្តចាត់ការទៅតាមនិតិវិធីផ្លូវច្បាប់។ ចំណែកឯនាក់ដកកាំភ្លើងបាញ់គម្រាមមួយគ្រាប់ឡើងលើសមត្ថកិច្ចកំពុងតែធ្វើការស្រាវជ្រាវតាមឃាត់ខ្លួន៕អត្ថបទ៖ កុម្ភះ

កម្ពុជាបន្តរកឃើញមនុស្ស ១៥១នាក់ឆ្លងកូវីដ-១៩ ខណៈអ្នកជំងឺ៣៦៦នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន១៥១នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៣៦៦នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ១៣០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ២១នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១១នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៧០៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១២ ០៥៦នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៧ ៣៥២នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បុរសម្នាក់បាញ់សម្លាប់ខ្លួនឯងនៅក្នុងបរិវេណស្ថានីយប្រេងឥន្ទនៈសាំងPTTសង្កាត់ព្រៃស ខណ្ឌដង្កោ មិនដឹងមូលហេតុ

ភ្នំពេញ ៖ បុរសម្នាក់បានស្លាប់ភ្លាមៗនៅគ្រាប់កាំភ្លើង នៅក្នុងបរិវេណ ស្ថានីយប្រេងឥន្ទនៈសាំង PTT ភូមិប្រការ សង្កាត់ព្រៃសខណ្ឌដង្កោ រាជធានីភ្នំពេញ កាលពីវេលាម៉ោង ១០ និង៣៥នាទី ថ្ងៃទី២១ ខែតុលា ឆ្នាំ២០២១ ។បើតាមការបញ្ជាក់ពីលោកវរសេនីយ៍ឯក ជឹម ស៊ីថា អធិការខណ្ឌដង្កោបាន បញ្ជាក់ព័ត៌មានបឋមថា ហេតុការណ៍នេះ ជនរងគ្រោះ គឺជាកូនម្ចាស់ស្ថានីយប្រេងឥន្ទនៈសាំង PTT ហើយជនរងគ្រោះ ក៏ជាអ្នករកស៊ីដីធ្លីផងដែរ ។ ជនរងគ្រោះឈ្មោះ ឡី សុក្រិដ្ឋ ភេទប្រុស អាយុប្រហែលជាង ៣០ឆ្នាំ ។សមត្ថកិច្ចកំពុងហ៊ុមព័ទ្ធទីតាំងហាមការចេញចូល ដើម្បីស្រាវជ្រាវ ៕

កម្ពុជាបន្ដរកឃើញមនុស្ស ១៦៦នាក់ឆ្លងកូវីដ-១៩ ខណៈអ្នកជំងឺ២៧០នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន១៦៦នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ២៧០នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ១៣៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៣១នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១២នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៦៩៣នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១១ ៦៩០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៧ ២០១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

រដ្ឋបាលរាជធានីភ្នំពេញ បានបន្តអ៊ុតគំនូសសញ្ញាចរាចរណ៍ ដែលរលប់ឡើងវិញ នៅមហាវិថីហ្សាហារឡាលនេហ៍រុ

ភ្នំពេញ៖ រដ្ឋបាលរាជធានីភ្នំពេញនោតែបន្តយ៉ាងយកចិត្តទុកដាក់ពីបញ្ហា ការខូចផ្លូវការរលប់គំនូសសញ្ញាចរាចរណ៍ការកក់ស្ទះចរាចរណ៍ និងរៀបចំសណ្ដាប់ធ្នាប់នៅតាមបណ្ដាមហាវិថីតូចធំ និងផ្លូវតូចៗ មួយចំនួនធំក្នុងមូលដ្ឋានទាំង១៤ខណ្ឌ ដើម្បីកាត់បន្ថយការកក់ស្ទះចរាចរណ៍ និងលើកសោភ័ណភាពទីក្រុងផងដែរ។ជាក់ស្ដែងថ្ងៃទី១៩ ខែតុលា ឆ្នាំ២០២១ សកម្មភាពអ៊ុតគំនូសសញ្ញាចរាចរណ៍ របស់រដ្ឋបាលរាជធានីភ្នំពេញ បាននិងកំពុងអ៊ុតគំនូសចរាចរលើដង មហាវិថីហ្សាហារឡាលនេហ៍រុ ចំណុចស្តុបដេអ៊ិន មូលដ្ឋានសង្កាត់វាលវង់ និងសង្កាត់ផ្សារដេប៉ូទី៣ ព្រំប្រទល់ខណ្ឌទួលគោក និងខណ្ឌ៧មករា។មន្រ្តីជំនាញ បានបញ្ជាក់ថា ដោយសង្កេតឃើញថា នៅតាមបណ្ដោយមហាវិថីហ្សាហារឡាលនេហ៍រុ មួយកំណាតនេះ គំនូសសញ្ញាចរាចរណ៍មានការរលប់បាត់ស្ទើទាំងស្រុង ដូច្នេះរដ្ឋបាលរាជធានីភ្នំពេញ បានចាត់កម្លាំងចុះអ៊ុតគំនូសសញ្ញាថ្មីឡើងវិញ ដើម្បីអោយបងប្អូនប្រជាពលរដ្ឋងាយស្រួលក្នុងការបញ្ជាយានយន្ត៕អត្ថបទ៖ កុម្ភះ

លោកអធិការស្រុកប្រាសាទបាគង ត្រូវពលរដ្ឋ និងមន្ដ្រីរបស់ខ្លួនប្ដឹងដកតំណែង ដោយសារពុករលួយ និងគ្មាសមត្ថភាព

សៀមរាប ៖ លោកអធិការស្រុកប្រាសាទបាគង ខេត្ដសៀមរាប ត្រូវបានប្រជាពលរដ្ឋ និងមន្ត្រីរបស់ខ្លួនផ្ដិតមេដៃដាក់ពាក្យប្ដឹងទៅក្រសួងទៅមហាផ្ទៃ និងអគ្គស្នងការនគរបាលជាតិ ដោយទាមទារដកតំណែងពីអធិការរដ្ឋាននគរបាលស្រុកនេះចេញ ដោយចោទថា ប្រព្រឹត្ដិអំពើពុករលួយ និងគ្មានសមត្ថភាពបំពេញការងារ។ពាក្យបណ្ដឹងដែលមានស្នាមមេដៃផងនោះ បានប្ដឹងឈ្មោះលោក លឹម សម្បត្ដិ មុខងារអធិការនគរបាលស្រុកប្រាសាទបាគង ទៅសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងងមហាផ្ទៃ និងឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ។យោងតាមពាក្យបណ្ដឹងដដែល បានឱ្យដឹងថា លោកវរសេនីយ៍ឯក លឹម សម្បត្តិ អធិការនៃអធិការដ្ឋាននគរបាល ស្រុកប្រាសាទបាគង រួមនិងបក្សពួក បានប្រព្រឹតអំពើពុករលួយស៊ីសំណូក និងគ្មានសមត្ថភាពធ្វើការងារបំរើប្រជាពលរដ្ឋផងដែរ ជាពិសេសពូកែគម្រាមទាប្រាក់ពីអ្នកលេងល្បែងស៊ីសង ខណៈដែលចាប់ជនសង្ស័យយកទៅសួរចំលើយដល់អធិការរដ្ឋាន។លិខិត បានបន្ដថា ចាប់តាំងពីលោកអធិការ លឹម សម្បត្តិ បានចូលមកកាន់មុខដំណែងជាអធិការ នគរបាលស្រុកប្រាសាទបាគង នៅក្នុងចុងឆ្នាំ២០១៩មកនោះ គឺលោកបានធ្វើអោយមន្ដ្រីនគរបាលជាតិ នៅក្នុងអធិការដ្ឋាននគរបាលស្រុកប្រាសាទបាគង ទាំងមូលមានការបែកបាក់ សាមគ្គីភាពផ្ទៃក្នុង ដោយសារលោកអធិការ លឹម សម្បត្តិ ប្រកាន់យកបក្សពួកនិយម អួតអាងថា បើមន្ត្រីណាដែលចេះអែបអបរូបគាត់ គាត់នឹងការពារ ទោះមានកំហុសឆ្គងយ៉ងណាក៏មិនអាចដកបាន ព្រោះគាត់មានខ្សែខ្នងធំៗ ចាំជួយខ្លួននៅពីក្រោយ ហើយបានប្រព្រឹត្តអំពើពុករលួយខុសច្បាប់ ដើម្បីផលប្រយោជន៍ផ្ទាល់ខ្លួន។លោកអធិការរូបនេះ ដើរផឹកស៊ីជួបជុំប្រឆាំង នឹងប្រមុខរាជរដ្ឋាភិបាល ដែលបានដាក់ចេញនូវ ៣ការពារ និង ៣កុំ យ៉ាងសប្បាយចិត្ត ជាមួយបក្សពួករបស់ខ្លួនដោយមិនបានយកចិត្តទុកដាក់ក្នុងការងារថែរក្សាសន្តិសុខ សណ្តាប់ធ្នាប់ ជូនប្រជាពលរដ្ឋរស់នៅក្នុងមូលដ្ឋានស្រុកប្រាសាទបាគង ដែលធ្វើអោយកើតមានបទល្មើសជាច្រើនជាបន្តបន្ទាប់។ ការកើតឡើងនូវអំពើចោរកម្ម លួច ឆក់ កាច់សោករម៉ូតូ គាស់សោរផ្ទះចូលយកទ្រព្យសម្បត្តិនៅក្នុងផ្ទះ កើតមានពាសពេញស្រុក ចុះបង្រ្កាបបនល្បែងស៊ីសងហើយជំរិតទាប្រាក់ចំនួន២០០ដុល្លារ ទៅ៣០០ដុល្លារក្នុងម្នាក់ ជាថ្នូរនិងការដោះលែងក្រៅប្រព័ន្ធតុលាកា ។លិខិតដដែល បានបន្ថែមថា មន្ត្រីណាដែលចង់ឡើងតួនាទី ឡើងសក្ដិ លោកអធិការរូបនេះ គឺហៅកូនចៅដែលជាមន្ត្រី របស់ខ្លួន ចូលក្នុងបន្ទប់របស់គាត់ ដើម្បីជំរិតទាប្រាក់។ជាមួយគ្នានោះ លោកអធិការរូបនោះ បានកោះហៅមេប៉ុស្តិ៍ទាំង៩ ក្នុងស្រុក មកប្រជុំដើម្បីតម្រូវយកប្រាក់ ដែលជាប្រាក់គោលនយោបាយភូមិឃុំមានសុវត្ថិភាពក្នុង១ប៉ុស្តិ៍ ៥០ម៉ឺនរៀល ដោយមិនអាចប្រកែកតវ៉ាបានឡើយ។ដំឡើងអង់តែនវិទ្យុទាក់ទងប្រភេទអ៊ុយ តម្រូវយកប្រាក់ក្នុង១ ប៉ុស្តិ៍១០០ ដុល្លារ និងអធិការរងទទួលខ្លះ៥០ដុល្លាទៅ១០០ ដុល្លាជាកំហិត ហើយបើចង់ប្រើប្រាស់អាយកូមប្រភេទអង់តែនដែលកំពុងតែដំឡើងនេះទាល់តែទិញ តាម រយៈលោកអធិការក្នុងតម្លៃ២២ដុល្លាទើបគាត់អនុញាតអោយប្រើ។បន្ថែមលើសពីនោះ លោកអធិការ លឹម សម្បត្ដិ បានឲ្យលោកមេឃុំ គ្រប់ឃុំតម្រូវឲ្យទិញវិទ្យុទាក់ទងយកមកប្រើក្នុងតម្លៃ៥០ដុល្លារ លោកមេឃុំខ្លះមិនសប្បាយចិត្តដោយសារតម្លៃខ្ពស់ហួសជាងទីផ្សារ ។ ចំណែក ការចុះជួយតាមភូមិមានទំនាស់ជាមួយ មេឃុំ និងមេភូមិ ដោយយល់ថា មេភូមិ និងមេឃុំមិនចេះអោយតម្លៃដល់លោកអធិការ និងរកវិធីសាស្ដ្រដកភូមិចេញ បើមិនចេះអែបអបខ្លួន។លោក លឹម សម្បត្ដិ ក៏មិនបានអនុវត្តទៅតាមគោលការណ៍ និងបទបញ្ជារបស់ថ្នាក់ដឹកនាំដែលបានដាក់ជូនផ្អែកតាមគោលនយោបាយ ភូមិ ឃុំ មានសុវត្ថិភាពឡើយ ។ ជាក់ស្ដែងលោកអធិការ លឹម សម្បត្តិ តែងតែប្រមូលប្រាក់ពីអាជីវករដែលប្រកបមុខរបរលក់ដូរ ដោយយកលេសថា យកមកកសាងអង្គភាព។ការប្រព្រឹតទង្វើរទាំងអស់នេះហើយ ធ្វើឱ្យប៉ះពាល់ដល់អារម្មណ៍ដល់មន្ដ្រីនគរបាល ដែលបានបំពេញការងារជាច្រើនឆ្នាំកន្លងមកនោះ។ ពាក្យបណ្ដឹងបានស្នើសម្ដេចក្រឡាហោម ស ខេង និង ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន ស្នងការនគរបាលខេត្ដសៀមរាប ផ្លាស់ប្ដូរតួនាទី លោក លឹម សម្បត្តិ ចេញពីអធិការ នគរបាលស្រុកប្រាសាទបាគង ដោយពុំមានសមត្ថភាពដឹកនាំនោះឡើយ។ទាក់ទងករណីនេះ លោក តេង ច័ន្ទណាត ស្នងការរដ្ឋាននគរបាលខេត្ដសៀមរាប មានប្រសាសន៍តាមឡេក្រាមថា លោកមិនទាន់បានទទួលពាក្យបណ្ដឹងនៅឡើយទេ ។លោកថា ក្រោយពីទទួលបានបណ្ដឹងហើយនោះ លោកនឹងចាត់តាំងឱ្យក្រុមការងារចុះស្រាវជ្រាវលើកបញ្ហានេះ៕អត្ថបទ ៖ ឈិត សាវី

ជំនន់ទឹកភ្លៀងកំពុងវាយប្រហារស្រុកចំនួន៥ នៅរតនគិរី ប៉ះពាល់ពលរដ្ឋជាង ២ពាន់គ្រួសារ

រតនគិរី ៖ ជំនន់ទឹកភ្លៀងកំពុងវាយប្រហារនៅស្រុកចំនួន៥ នៃខេត្តរតនគិរី ដោយប៉ះពាល់ប្រជាពលរដ្ឋចំនួនជាង ២ពាន់គ្រួសារ ហើយអាជ្ញាធរបានជម្លៀសពលរដ្ឋចំនួន ៧៧គ្រួសារ ទៅកាន់ទីទួលសុវត្ថិភាព ។ឯកឧត្តម ខៀវ កាញ៉ារីទ្ធ រដ្ឋមន្ត្រីក្រសួងព័ត៌មាន បានបង្ហោះក្នុងបណ្ដាញសង្គមថា ស្រុកទាំង៥ ដែលរងគ្រោះដោយទឹកជំនន់នោះ គឺស្ថិតនៅតាមបណ្តោយទន្លេស្រែពក និងទន្លេសេសាន ក្នុងនោះមានស្រុកលំផាត់ តាវែង អណ្តូងមាស កូនមុំ និងស្រុកអូរយ៉ាដាវ ។ឯកឧត្តម បានបន្តថា បញ្ហាទឹកជំនន់នេះ ធ្វើឲ្យប៉ះពាល់ផ្ទះសម្បែងពលរដ្ឋចំនួន ៩៨២ខ្នង,សាលារៀនចំនួន ៥ខ្នង, វត្តអារាមចំនួន ៣កន្លែង, តូបលក់ឥវ៉ាន់ចំនួន ៧៥តូប រោងជាងសិប្បកម្មផ្សេងៗចំនួន ១៣កន្លែង, ប៉ះពាល់ស្រែចំនួនជាង ១០០០ ហិកតា និងជម្លៀសសត្វពាហនៈទៅទីទួលសុវត្ថិភាពមួយចំនួន ។រដ្ឋមន្ត្រីក្រសួងព័ត៌មាន បន្ថែមថា ទឹកជំនន់បានលិចលង់ហេដ្ឋារចនាសម្ព័ន្ធគមនាគមន៍ រួមមាន ផ្លូវក្រាលគ្រួសក្រហមប្រវែង ១៥.៦០០ម៉ែត្រ, ស្ពានបេតុងចំនួន ១១កន្លែង, លូកាត់ផ្លូវចំនួន ១១កន្លែង និងខូចខាត ១កន្លែង, អណ្តូងស្នប់ចំនួន ៩៣អណ្តូង, អណ្តូងលូចំនួន ៣៦៨អណ្តូង និងបង្គន់អនាម័យចំនួន ៤៨១បង្គន់ ៕

បណ្ដាញសង្គម

ព័ត៌មានថ្មីៗ

អាជ្ញាធរជាតិអប្សរា ប្រារព្ធពិធីភ្ជាប់ព្រះសិរ និងបើកព្រះនេត្រចម្លាក់ទេព ចំនួន២ នៅខ្លោងទ្វារជ័យ នៃក្រុងអង្គរធំ

អ្នករាយការណ៍ពិសេសស្តីពីស្ថានភាពសិទ្ធិមនុស្សប្រចាំកម្ពុជា ដាក់របាយការណ៍ទៅ UN ជំរុញឲ្យថៃ និងកម្ពុជាធ្វើការរួមគ្នាដើម្បីពលរដ្ឋភៀសសឹកកម្ពុជាជិត ២ម៉ឺននាក់ អាចត្រឡប់ទៅផ្ទះវិញបាន

ក្រសួងឧស្សាហកម្មបង្កើតនូវឱកាសថ្មី សម្រាប់ការពង្រីកខ្លួនរបស់សហគ្រាសក្នុងតំបន់

ហនុមាន ប៊ែវើរីជីស ចាប់ដៃគូជាមួយ AI FARM គាំទ្រយុវជនកម្ពុជាក្នុងការអភិវឌ្ឍបច្ចេកវិទ្យា រ៉ូប៉ូត តាមរយៈ BATTLEBOTx All Star Championship

ប្រព័ន្ធលូមេធំមួយកន្លែង រីកកកស្ទះដោយកាកសំណល់ប្រើប្រាស់ និងមែកឈើ អាជ្ញាធរខណ្ឌពោធិ៍សែនជ័យចុះកាយផ្ទាល់ដៃដល់ក្នុងប្រអប់លូ

រដ្ឋបាលខណ្ឌដូនពេញបានបំពាក់ គ្រឿងឥស្សរិយយសមេដាយការងារនិងប័ណ្ណសរសើរ ដល់មន្រ្តីរាជការរដ្ឋបាលខណ្ឌ

ម្ចាស់ក្សត្រី ទុនគូ ពូតេរី អ៊ីនតាន់ សាហ្វីណា ប្រធានអឌ្ឍចន្ទក្រហមម៉ាឡេស៊ី យាងដល់កម្ពុជា ដើម្បីបំពេញទស្សនកិច្ចផ្លូវការ

លោក Trump ចាប់ផ្ដើមយុទ្ធនាការឃោសនាបោះឆ្នោត ខណៈបក្សសាធារណរដ្ឋប្រឈមការប្រកួតប្រជែងតឹងតែង

ប្រធានាធិបតីឥណ្ឌូនេស៊ី តែងតាំងរដ្ឋមន្ត្រីការបរទេស និងឧស្សាហកម្មថ្មី ជាការរុះរើគណៈរដ្ឋមន្ត្រីដ៏ធំ

លីបង់ពឹងផ្អែកលើការបណ្តុះបណ្តាល AI ទ្រង់ទ្រាយធំ ដើម្បីស្តារសេដ្ឋកិច្ចឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជាបន្តរកឃើញមនុស្ស ១១៦នាក់ឆ្លងកូវីដ-១៩ ខណៈអ្នកជំងឺ២៨៧នាក់ទៀត ត្រូវបានព្យាបាលជាសះស្បើយ

កម្ពុជាបន្តរកឃើញមនុស្ស ១២៨នាក់ឆ្លងកូវីដ-១៩ ខណៈអ្នកជំងឺ៣១៩នាក់ទៀត ត្រូវបានព្យាបាលជាសះស្បើយ

កម្ពុជាបន្តរកឃើញមនុស្ស ១៥១នាក់ឆ្លងកូវីដ-១៩ ខណៈអ្នកជំងឺ៣៦៦នាក់ទៀត ត្រូវបានព្យាបាលជាសះស្បើយ

បុរសម្នាក់បាញ់សម្លាប់ខ្លួនឯងនៅក្នុងបរិវេណស្ថានីយប្រេងឥន្ទនៈសាំងPTTសង្កាត់ព្រៃស ខណ្ឌដង្កោ មិនដឹងមូលហេតុ

កម្ពុជាបន្ដរកឃើញមនុស្ស ១៦៦នាក់ឆ្លងកូវីដ-១៩ ខណៈអ្នកជំងឺ២៧០នាក់ទៀត ត្រូវបានព្យាបាលជាសះស្បើយ

រដ្ឋបាលរាជធានីភ្នំពេញ បានបន្តអ៊ុតគំនូសសញ្ញាចរាចរណ៍ ដែលរលប់ឡើងវិញ នៅមហាវិថីហ្សាហារឡាលនេហ៍រុ

លោកអធិការស្រុកប្រាសាទបាគង ត្រូវពលរដ្ឋ និងមន្ដ្រីរបស់ខ្លួនប្ដឹងដកតំណែង ដោយសារពុករលួយ និងគ្មាសមត្ថភាព

ជំនន់ទឹកភ្លៀងកំពុងវាយប្រហារស្រុកចំនួន៥ នៅរតនគិរី ប៉ះពាល់ពលរដ្ឋជាង ២ពាន់គ្រួសារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

បុរសម្នាក់បាញ់សម្លាប់ខ្លួនឯងនៅក្នុងបរិវេណស្ថានីយប្រេងឥន្ទនៈសាំងPTTសង្កាត់ព្រៃស ខណ្ឌដង្កោ មិនដឹងមូលហេតុ

រដ្ឋបាលរាជធានីភ្នំពេញ បានបន្តអ៊ុតគំនូសសញ្ញាចរាចរណ៍ ដែលរលប់ឡើងវិញ នៅ​មហាវិថីហ្សាហារឡាលនេហ៍រុ

ជំនន់ទឹកភ្លៀងកំពុងវាយប្រហារស្រុកចំនួន៥ នៅរតនគិរី ប៉ះពាល់ពលរដ្ឋជាង ២ពាន់គ្រួសារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រដ្ឋបាលរាជធានីភ្នំពេញ បានបន្តអ៊ុតគំនូសសញ្ញាចរាចរណ៍ ដែលរលប់ឡើងវិញ នៅមហាវិថីហ្សាហារឡាលនេហ៍រុ