BTV NEWS

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

អ្នកជំងឺកូវីដ-១៩ ចន្លោះពី៥០នាក់ទៅ១០០នាក់ ចូលព្យាបាលនៅមណ្ឌលស្តាតអូឡាំពិក រកឃើញកូវីដ-១៩បំប្លែងថ្មី

ភ្នំពេញ ៖ លោកសាស្រ្តាចារ្យ វេជ្ជបណ្ឌិត ញឹប អង្គាបុស្ស នាយកមនី្ទរពេទ្យកុមារជាតិ និងជាប្រធានគ្រប់គ្រងមណ្ឌលថែទាំព្យាបាលជំងឺកូវីដ-១៩ ពហុកីឡដ្ឋានជាតិអូឡាំពិក ប្រាប់BTV ព័ត៌មាននាព្រឹកថ្ងៃទី១៨ ខែកញ្ញានេះថា ក្នុងមួយថ្ងៃមានអ្នកជំងឺកូវីដ-១៩ ចន្លោះពី៥០នាក់ ទៅ១០០នាក់ បន្តចូលមកសម្រាកព្យាបាលជំងឺនៅមណ្ឌលស្តាតអូឡាំពិក ក្នុងនោះរកឃើញកូវីដ-១៩ បំប្លែងថ្មី ប្រភេទដែលតា(Delta)។លោកសាស្រ្តាចារ្យ វេជ្ជបណ្ឌិត ញឹប អង្គាបុស្ស បានបន្តទៀតថា ថ្វីត្បិតតែចំនួនអ្នកឆ្លងជំងឺកូវីដ-១៩ មួយរយៈចុងក្រោយបានកើនឡើងបន្តិច ប៉ុន្តែចំនួនអ្នកជំងឺកូវីដ-១៩ ដែលចូលមកសម្រាកព្យាបាលនៅមណ្ឌលថែទាំព្យាបាលកូវីដ-១៩ ពហុកីឡដ្ឋានជាតិអូឡាំពិក ក៏មិនមានអ្នកជំងឺចូលមកច្រើនដែរ។លោកសាស្រ្តាចារ្យ វេជ្ជបណ្ឌិត ញឹប អង្គាបុស្ស បានបញ្ជាក់ទៀតថា ក្នុងចំណោមអ្នកជំងឺដែលចូលមកព្យាបាលកូវីដ-១៩ នៅមណ្ឌលថែទាំព្យាបាលកូវីដ-១៩ ពហុឡីដ្ឋានជាតិអូឡាំពិក បានរកឃើញអ្នកជំងឺកូវីដ-១៩បំប្លែងថ្មី ប្រភេទដែលតា (Delta) ស្ទើពាក់កណ្តាល នៃចំនួនអ្នកជំងឺដែលបានចូលមក។ ប៉ុន្តែចំនួនខាងលើនេះ នាពេល ខាងមុខ យើងមិនទាន់អាចសន្និដ្ឋានបានយ៉ាងណានោះទេ ហើយករណីធ្ងន់ក៏មិនមានចំនួនច្រើននោះដែរ។ទន្ទឹមនឹងនោះមណ្ឌលថែទាំព្យាបាលជំងឺកូវីដ-១៩ ពហុកីឡដ្ឋានជាតិអូឡាំពិក បានត្រៀមជាស្រេច នៅសម្ភារៈ បរិក្ខារវេជ្ជសាស្រ្ត ក្រុមការងារគ្រូពេទ្យ និងក្រុមបំរើសេវាកម្មផ្សេងៗ ប្រសិនបើមានបញ្ហាបន្ទាន់ណាមួយកើតឡើង យើងរៀបចំចាត់ចែងបានភ្លាមៗ។ ដោយគិតត្រឹមព្រឹកនេះ គ្រែសម្រាប់ទទួលអ្នកជំងឺ ឲ្យចូលមកសម្រាកព្យាបាលកូវីដ-១៩ មានចំនួន៤០០០គ្រែ និងត្រៀម៨០០គ្រែទៀត ដើម្បីរៀបចំដាក់បន្ថែម។ ប៉ុន្តែបើទោះជាមានអ្នកជំងឺកើន គឺមណ្ឌលថែទាំព្យាបាលកូវីដ-១៩ ពហុកីឡដ្ឋានជាតិអូឡាំពិក អាចគ្រប់គ្រងបាន៕អត្ថបទ រដ្ឋា

កម្ពុជាបន្ដរកឃើញមនុស្ស ៦៩៣នាក់ឆ្លងកូវីដ-១៩ ខណៈអ្នកជំងឺ៤៤៣នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៦៩៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៤៤៣នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៥៨១នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១១២នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១១នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២០៧៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៩៥ ៨១០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១០២ ១៣៦នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្ពុជាបន្ដរកឃើញមនុស្ស ៦៥៣នាក់ឆ្លងកូវីដ-១៩ ខណៈអ្នកជំងឺ៤៦៣នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៦៥៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៤៦៣នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៥២៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៣០នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៩នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២០៦៧នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៩៥ ៣៦៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១០១ ៤៤៣នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បង្ក្រាបទីតាំងតារាងបាល់ទះឃាត់មនុស្ស៣១នាក់ ជុំគ្នាលេងល្បែងល្មើសសេចក្តីសម្រេចរបស់រដ្ឋបាលរាជធានីភ្នំពេញ

ភ្នំពេញ ៖ គណៈបញ្ជាការឯកភាពរដ្ឋបាលខណ្ឌដឹកនាំដោយ លោក ម៉ូវ ម៉ានិត អភិបាលខណ្ឌសែនសុខ បានដឹកនាំកំលាំងចុះល្បាតបានជួបប្រទះឃើញមានការជួបជុំគ្នាលេងបាល់ទះ និងលេងស្នុកឃ័រ ផ្ទុយទៅ និងសេចក្តីសម្រេចរបស់រដ្ឋបាលរាជធានីភ្នំពេញ បានធ្វើការឃាត់ខ្លួនមនុស្ស ៣១នាក់ បញ្ជូនទៅកាន់អធិការដ្ឋាននគរបាលខណ្ឌសែនសុខ ដើម្បីអនុវត្តនតាមនីតិវិធី។ករណីឃាត់ខ្លួននេះ កាលពីព្រលប់ថ្ងៃទី១៣ ខែកញ្ញាម្សិលមិញ នៅចំណុចតារាងបាល់ទះ មួយកន្លែង ភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។អាជ្ញាធរខណ្ឌសែនសុខ ប្រាប់ឲ្យដឹងថា ក្នុងរយះពេលនេះរាជរដ្ឋាភិបាលកម្ពុជា ក៏ដូចជាក្រសួង សុខាភិបាលនៃព្រះរាជាណាចក្រកម្ពុជាកំពុងតែងខិតខំប្រឹងប្រែងបើកយុទ្ធនាការប្រយុទ្ធប្រឆាំងទៅជំងឺកូវីដ-១៩ ជាពិសេសជំងឺបំប្លែងថ្មី ( Delta) ពីព្រោះថា ជម្ងឺដ៏សាហាវមួយនេះ កំពុងរីករាលដាលយ៉ាងធ្ងន់ធ្ងរចូលទៅដល់សហគមន៍ ។សូមជម្រាបជូនអោយដឹងថា រដ្ឋបាលរាជធានីភ្នំពេញ បានបន្តដាក់ចេញនូវវិធានការរដ្ឋបាល ដោយផ្អាកជាបណ្ដោះអាសន៍ចំពោះសកម្មភាពការងារ មុខរបរ ឬ អាជីវកម្មដែលមានហានិភ័យខ្ពស់នៃការឆ្លងរាលដាលជំងឺកូវីដ-១៩ និងការជួបជុំ ឬ ការប្រមូលផ្តុំ មនុស្សជាលក្ខណៈឯកជន នៅក្នុងភូមិសាស្រ្តរាជធានីភ្នំពេញ សម្រាប់រយៈពេល ១៤ (ដប់បួន) ថ្ងៃ គិតចាប់ពីថ្ងៃទី១០ ខែកញ្ញា ឆ្នាំ២០២១ រហូតដល់ថ្ងៃទី២៣ ខែកញ្ញា ឆ្នាំ២០២១។ក្នុងអំឡុងពេលនៃការបន្តដាក់ចេញវិធានការរដ្ឋបាល ត្រូវបានផ្អាកជាបណ្ដោះអាសន្នចំពោះសកម្មភាព ការងារ មុខរបរ ដេប៉ូ អាជីវកម្មដែលមានហានិភ័យខ្ពស់នៃការឆ្លងរាលដាលជំងឺកូវីដ-១៩ ។ក្នុងអំឡុងពេលនៃការបន្តដាក់ចេញវិធានការរដ្ឋបាល ត្រូវបានផ្អាកជាបណ្ដោះអាសន្នការជួបជុំ ឬ ការប្រមូលផ្តុំ មនុស្សជាលក្ខណៈឯកជនដែលមានមនុស្សចូលរួមលើសពី១៥ នាក់ ៕អត្ថបទ ៖ តារាវុទ្ធី

អាជ្ញាធរខណ្ឌ៧មករា ចុះរៀបចំសណ្ដាប់ធ្នាប់ នៅតាមបណ្ដោយផ្លូវស្របសួនច្បារក្ដាន់២ ដែលរថយន្តចតពេញផ្លូវ

ភ្នំពេញ៖ កម្លាំងនគរបាលផ្នែក ចរាចរណ៍សណ្ដាប់ធ្នាប់ខណ្ឌ៧មករា ចុះរៀបចំសណ្ដាប់ធ្នាប់ នៅតាមបណ្ដោយផ្លូវស្របសួនច្បារក្ដាន់២ មុខមន្ទីររៀបចំដែនដី និងនគរូបនីយកម្ម ដែលរថយន្តចតពេញផ្លូវ អមសងខាងផ្លូវ បណ្ដាលឲ្យមានការកកស្ទះចរាចរណ៍ពេញផ្លូវ ធ្វើឲ្យបងប្អូនប្រជាពលរដ្ឋលំបាកធ្វើដំណើរ។ប្រតិបត្តិការការចុះរៀបចំសណ្ដាប់ធ្នាប់នេះ ដោយមានការណែនាំពីលោក លីម សុភា អភិបាល នៃគណៈអភិបាលខណ្ឌ៧មករា អនុញ្ញាតឲ្យលោកវរសេនីយ៍ឯក នេត ស៊ីថុន អធិការនគរបាលខណ្ឌ៧មករា ដឹកនាំដោយវរសេនីយ៍ត្រី ទឹម វុទ្ធី អធិការរងទទួលផែនសណ្ដាប់ធ្នាប់ចុះរៀបចំ នៅព្រឹកថ្ងៃទី១៤ ខែកញ្ញា ឆ្នាំ២០២១នេះ នៅចំណុចផ្លូវស្របសួនក្ដាន់ពីរ មុខមន្ទីររៀបចំដែនដី និងនគរូបនីយកម្ម មូលដ្ឋានសង្កាត់មិត្តភាព ខណ្ឌ៧មករា។លោក វរសេនីយ៍ត្រី ទឹម វុទ្ធី អធិការរងទទួលផែនសណ្ដាប់ធ្នាប់ បានឲ្យដឹងថាតាមការណែនាំរបស់លោក អភិបាលខណ្ឌ គឺដោយមានការយោគយល់គ្នាជាមួយមន្ទីររៀបចំដែនដី និងនគរូបនីយកម្ម ខ្វះចំណតសម្រាប់មន្រ្តីអនុញ្ញាតឲ្យចតរថយន្តនៅចិញ្ជើមផ្លូវមួយចំហៀង តែហាមចតអមសងខាងផ្លូវបង្កការកកស្ទះ បើពុំដូច្នេះទេ កម្លាំងអាជ្ញាធរខណ្ឌនឹងស្ទួចរថយន្តយកទៅរក្សារទុកនៅអធិកាតដ្ឋាននគរបាលខណ្ឌ ដើម្បីធ្វើការពិន័យតាមច្បាប់៕អត្ថបទ៖ កុម្ភះ

កម្ពុជាបន្ដរកឃើញមនុស្ស ៦៥៧នាក់ឆ្លងកូវីដ-១៩ ខណៈអ្នកជំងឺ៥៧៨នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៦៥៧នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៥៧៨នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៥០៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៥៣នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៩នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២០៥៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៩៤ ៩០៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១០០ ៧៩០នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

១ខែសីហា សមត្ថកិច្ចបង្ក្រាបបានបទល្មើសគ្រឿងញៀនសរុបជាង ៥៧គីឡូក្រាម

ភ្នំពេញ ៖ យោងតាមហ្វេសប៊ុកផ្លូវការសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់ថា ក្នុងរយៈពេល១ខែសីហាឆ្នាំ២០២១ សមត្ថកិច្ចបង្ក្រាបបានបទល្មើសគ្រឿងញៀនសរុបចំនួន ៤៤០ករណី កើនឡើង១១១ករណី ស្មើនឹង៣៣,៧ភាគរយ ធៀបនឹងខែកក្កដា ឆ្នាំ២០២១។ ករណីល្មើសដែលបង្ក្រាបបានទាំងនោះ រួមមាន ករណីរក្សាទុកជួញដូរ និងរក្សាទុកមានចំនួន៣៥៥ករណី, ករណីប្រើប្រាស់មានចំនួន៨៤ករណី និងករណីសំយោគកែច្នៃ១ករណី។ កិច្ចប្រតិបត្តិការខែសីហាកន្លងទៅនេះដែរ សមត្ថកិច្ចបានឃាត់ខ្លួនជនសង្ស័យចំនួន៨៦១នាក់។ ចំនួនជនសង្ស័យពាក់ព័ន្ធនឹងបទល្មើសគ្រឿងញៀនទាំងនេះ មានការកើនឡើងចំនួន១២នាក់ ធៀបនឹងខែកក្កដា ឆ្នាំ២០២១ ស្មើនឹង១,៤ភាគរយ។ ក្នុងចំណោមជនសង្ស័យទាំនោះ រួមមានជនសង្ស័យក្នុងករណីជួញដូរ និងរក្សាទុកមានចំនួន៦៥០នាក់, ជនសង្ស័យក្នុងករណីប្រើប្រាស់គ្រឿងញៀន២១០នាក់ និងជនសង្ស័យក្នុងករណីសំយោគ កែច្នៃ មាន១នាក់។ មានជនបរទេស២១នាក់ស្ថិតក្នុងចំណោមជនសង្ស័យទាំងនោះ។ថ្វីដ្បិតថាករណីគ្រឿងញៀន និងចំនួនជនសង្ស័យដែលសមត្ថកិច្ចបង្ក្រាប និងឃាត់ខ្លួនបាន មានការកើនឡើងធៀបនឹងខែកក្កដា ប៉ុន្តែក្នុងកិច្ចប្រតិបត្តិការខែសីហានេះ ចំនួនគ្រឿងញៀនដែលសមត្ថកិច្ចចាប់យកបានថយចុះ១៦១គីឡូក្រាម និង ៥៤៨,១៧ក្រាម ថយចុះ៧៣,៦ភាគរយ ពោលគឺសមត្ថកិច្ចយើងបានចាប់យកគ្រឿងញៀនសរុបចំនួន៥៧គីឡូក្រាម និង៩១២,៥៤ក្រាម ធៀបនឹងខែកក្កដា ដែលមានគ្រឿងញៀនចាប់យកជិត២២០គីឡូក្រាម។ កំណើនកាលពីខែកក្កដានោះ ក៏ដោយសារសមត្ថកិច្ចយើងបង្ក្រាបបានករណីធំៗ។គ្រឿងញៀនដែលចាប់បានក្នុងខែសីហាឆ្នាំ២០២១នេះ រួមមាន មេតំហ្វេតាមីនក្រាមម្ស៉ៅជាង៣៧គីឡូក្រាម, មេតំហ្វេតាមីនគ្រាប់ជា៣៥គីឡូក្រាម, អ៊ិចស្រ្តាស៊ីជាង១២គីឡូក្រាម, កេតាមីនជាង៧គីឡូក្រាម, Ninetazepamជាង២០០ក្រាម និងកញ្ឆាស្ងួតជាង១គីឡូក្រាម។ ក្នុងចំណោមករណីបង្ក្រាបបាននេះដែរ បទល្មើសគ្រឿងញៀនចាប់ពី១គីឡូក្រាមឡើងទៅមាន៤ករណី ស្មើនឹង៤ក្រុម ក្នុងនោះឃាត់ខ្លួនជនសង្ស័យបាន៨នាក់ បណ្ដាញ៨នាក់ ព្រមទាំងមានគ្រឿងញៀនសរុបករណីនេះដល់ទៅជាង២០គីឡូក្រាម សាធាតុផ្សំសរុបជាង២គីឡូក្រាម និងកញ្ឆាស្ងួតជាង១គីឡូក្រាម៕

តួលេខកូវីដ-១៩នៅកម្ពុជាបានកើនលើស ១សែនករណីហើយនៅថ្ងៃនេះ ជាង៩៩%ឆ្លងក្រោយព្រឹត្តិការណ៍សហគមន៍២០កុម្ភៈ

ភ្នំពេញ៖ ចំនួនអ្នកឆ្លងមេរោគកូវីដ-១៩នៅប្រទេសកម្ពុជា បានកើនឡើងលើស ១០ម៉ឺននាក់ហើយនៅថ្ងៃនេះ បន្ទាប់ពីកម្ពុជារកឃើញអ្នកឆ្លងថ្មីចំនួនជាង ៦០០នាក់បន្ថែមទៀត។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា មនុស្ស ៦២៩នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ ក្នុងនោះករណីឆ្លងចំនួន ១១៣នាក់ ត្រូវបានរកឃើញលើអ្នកដំណើរមកពីក្រៅប្រទេស។គិតត្រឹមថ្ងៃនេះ តួលេខអ្នកឆ្លងមេរោគកូវីដ-១៩សរុប បានកើនដល់ចំនួន ១០០,១៣៣នាក់ហើយនៅទូទាំងប្រទេស គិតចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំមុន។បើតាមតួលេខរបស់ក្រសួងសុខាភិបាល មនុស្សរហូតដល់ទៅ ៩៩,៥៩៧នាក់ ឬស្មើ ៩៩.៤៨ភាគរយនៃតួលេខអ្នកឆ្លងសរុប ត្រូវបានរកឃើញឆ្លងមេរោគកូវីដ-១៩នៅចាប់ពីថ្ងៃទី២០ ខែកុម្ភៈកន្លងមកនេះ ឬក្រោយផ្ទុះការឆ្លងក្នុងសហគមន៍ ២០កុម្ភៈ។ចំណែកឯតួលេខអ្នកស្លាប់វិញ ក្រសួងសុខាភិបាលបញ្ជាក់ថា បានកើនឡើងដល់ ២,០៤៩នាក់ហើយ ក្នុងនោះមានទាំងករណីស្លាប់ថ្មីចំនួន ៩នាក់ដែលក្រសួងទើបប្រកាសនៅថ្ងៃនេះផងដែរ។ទោះជាយ៉ាងណា ក្រសួងបញ្ជាក់ថា អ្នកជំងឺកូវីដ-១៩ចំនួន ៩៤,៣២៦នាក់ ឬស្មើជាង ៩៤ភាគរយនៃតួលេខអ្នកឆ្លងសរុប ត្រូវបានព្យាបាលជាសះស្បើយឡើងវិញ៕

ប្រជាពលរដ្ឋ សំណូមពរដល់ថ្នាក់ដឹកនាំខេត្តសៀមរាប ជួយពិនិត្យមើលលើបុគ្គល ឈ្មោះ អ៊ឹង សោភ័ណ្ឌ ជានាយកទីចាត់ការអន្តរវិស័យ

សៀមរាប ៖ ប្រជាពលរដ្ឋដែលរស់នៅ និងមានដីធ្លីស្ថិតនៅភូមិទាំង៨ នៃឃុំកណ្តែក ស្រុកប្រាសាទ គង ខេត្តសៀមរាប សូមសំណូមពរដល់ថ្នាក់ដឹកនាំខេត្តសៀមរាប ជួយពន្លឿនក្នុងការប្រកាសបិទ ផ្សាយ ដើម្បីចែកប័ណ្ណម្ចាស់កម្មសិទ្ធិស្របច្បាប់ដល់ប្រជាពលរដ្ឋផង។យោងតាមសេចក្តីជូនដំណឹងរបស់រដ្ឋបាលខេត្តសៀមរាប លេខ១២៦៨/១៩ សជណ ចុះថ្ងៃទី០២ ខែតុលា ឆ្នាំ២០១៩ ស្តីពីកិច្ចប្រជុំផ្សព្វផ្សាយសេចក្តីសម្រេចកំណត់តំបន់ធ្វើការវិនិច្ឆ័យ ដែលមានលក្ខណៈជាប្រព័ន្ធ។ក្នុងសេចក្ដីជូនដំណឹងរដ្ឋបាលខេត្តសៀមរាប សូមជម្រាបជូនដល់សាធារណជន គ្រប់មន្ទីរអង្គភាពជំនាញស្ថាប័ន ឬភ្នាក់ងារហិរញ្ញវត្ថុ ដែលមានការពាក់ព័ន្ធនឹងក្បាលដីទាំងអស់ស្ថិតនៅក្នុងតំបន់វិនិច្ឆ័យ ភូមិគោកត្នោត និងភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប ឲ្យបានជ្រាបថា ដើម្បីអនុវត្តតាមខ្លឹមសារអនុក្រឹត្យ សារាចរណែនាំ និងសេចក្តីសម្រេចខាងលើ គណៈកម្មការរដ្ឋបាល នឹងធ្វើពិធីប្រកាសបើកតំបន់វិនិច្ឆ័យ ភូមិគោកត្នោត និងភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប ជាតំបន់ធ្វើការចុះបញ្ជីដីធ្លី មានលក្ខណៈជាប្រព័ន្ធ នាវេលាម៉ោង ០៨និង៣០នាទីព្រឹកថ្ងៃទី០៨ ខែតុលា ឆ្នាំ២០១៩ ស្ថិតនៅក្នុងបរិវេណសាលាឃុំកណ្តែក ។សូមបញ្ជាក់ផងដែរថា ការចុះវាស់វែងពីមន្រ្តី សុរិយោដីដើម្បីចុះជាបញ្ជីដីប្រព័ន្ធ (Lmap) តាំងពីថ្ងៃទី០៨ ខែតុលា ឆ្នាំ២០១៩ មករហូតដល់ពេលនេះ មានរយះពេលជិត២ឆ្នាំហើយបានចំនួន ៨ភូមិ ក្នុងនោះមាន ១-ភូមិគោកត្នោត ២-ភូមិល្អក់ ៣-ភូមិត្រាង ៤-ភូមិស្ពានក្អែក ៥-ភូមិអូរ ៦-ភូមិច្រេស ៧-ភូមិឃុនមោឃ ៨-ភូមិត្រពាំងទឹម។តាមប្រភពព័ត៌មានច្បាស់ការ បានបង្ហើបឲ្យដឹងថា ការយឺតយ៉ាវក្នុងការប្រកាសបិទផ្សាយនេះ គឺមានមន្ត្រីសាលាខេត្តម្នាក់ ឈ្មោះ អ៊ឹង សោភ័ណ្ឌ មានតួនាទីជានាយកទីចាត់ការ អន្តរវិស័យ ដែលចេះគ្រប់រឿងតែងតែលូកដៃចូលបង្អាក់លើកិច្ចការជំនាញរបស់មន្ត្រីសុរិយោដីទើបមានការ យឺតយ៉ាវក្នុងការបិទផ្សាយ ដើម្បីចែកប័ណ្ណជូនដល់បងប្អូនប្រជាពលរដ្ឋទាំង៨ភូមិបែបនេះ។ បងប្អូនប្រជាពលរដ្ឋ សូមសំណូមអាជ្ញាធរពាក់ព័ន្ធក៏ដូចជាថ្នាក់ដឹកនាំខេត្ត ជួយពិនិត្យមើលបុគ្គលឈ្មោះ អ៊ឹង សោភ័ណ្ឌ នេះផង ដោយកន្លងមក នៅក្នុងអង្គប្រជុំម្តងៗលើកឡើងតែផលអវិជ្ជមាន ជំទាស់គ្រប់ផ្លូវ ធ្វើឲ្យអង្គប្រជុំប្រើរយៈពេលវែង ដំណើរការទៅមុខមិនកើត មិនសំរេចលទ្ធផលផ្លែផ្តាអ្វី មិនមានឆន្ទៈចូលរួមពន្លឿនការងារចុះបញ្ជីដីធ្លីរបស់ប្រជាពលរដ្ឋឲ្យដំណើរការបានរលូន ចូលរួមអភិវឌ្ឍន៍ស្ថាបនាជាតិ ក្នុងនាមខ្លួនជាមន្ត្រីរាជការសារធារណ ចូលរួមលើស្ទួយជំរុញការងារទិសដៅគោលនយោយបាយរបស់ រាជរដ្ឋាភិបាលឡើយ។ បន្ថែមទៀតនោះមានព័ត៌មានលេចលឺថា បុគ្គលរូបនោះដើរកាងសំណង់អត់ច្បាប់ឲ្យដំណើរការសាងសង់យ៉ាងរលូន ចំណែកសំណង់មានច្បាប់ពីសុរិយោដីហើយ ក៏មិនអាចសាងសង់បានដែរ បើពុំមានការឯកភាពពីលោក អ៊ឹង សោភ័ណ្ឌ ។ បើបងប្អូនប្រជាពលរដ្ឋ សុំច្បាប់សាងសង់តាមរយៈលោក អ៊ឹង សោភ័ណ្ឌ គឺស៊ីដាច់លុយ មិនចេញច្បាប់ឲ្យឡើយ។ប្រជាពលរដ្ឋរស់នៅក្នុងភូមិទាំង០៨ ស្ថិតនៅឃុំសណ្ដែក ស្រុកប្រាសាទបាគង ខេត្តសៀមរាប មានចម្ងល់ថា ហេតុអ្វីបានជាប្រព័ន្ធ Lmap ចុះរយៈពេល២ឆ្នាំហហើយ មិនមានការបិទផ្សាយ ដើម្បីចែកប័ណ្ណដល់ប្រជាពលរដ្ឋ ដែលជាម្ចាស់កម្មសិទ្ធិស្របច្បាប់ ក្នុងការលក់ដូរ ឬដាក់បញ្ចាំ ធនាគារដែលមានការប្រាក់ទាប ដើម្បីយកប្រាក់មករកស៊ី និង និងដោះស្រាយបញ្ហាជីវភាពដែលប៉ះពាល់ធ្ងន់ធ្ងរដោយជម្ងឺ Covid-19កំពុងរីករាលដាល ។ ពាក់ព័ន្ធបញ្ហាខាងលើនេះរិះគន់ក្នុងន័យស្ថាបនានេះ អ្នកព័ត៌មានយើងមិនអាចសុំការបញ្ជាក់ពីឈ្មោះ អ៊ឹង សោភ័ណ្ឌ ជានាយកទីចាត់ការអន្តរវិស័យបាននៅឡើយទេ ៕អត្ថបទ ៖ កុម្ភៈ

ជនសង្ស័យ២នាក់ត្រូវបាននគរបាលប៉ុស្តិ៍ទួលស្វាយព្រៃ២ ឃាត់ខ្លួនពាក់ព័ន្ធករណីលួចកាត់ខ្សែកាប

ភ្នំពេញ៖ ជនសង្ស័យ២នាក់ក្នុងចំណោម៣នាក់ ត្រូវបាននគរបាលប៉ុស្តិ៍ទួលស្វាយព្រៃ២ ឃាត់ខ្លួន បន្ទាប់ពីធ្វើសកម្មភាពលួចកាត់ខ្សែរកាប នៅមុខផ្ទះបងប្អូនប្រជាពលរដ្ឋ ។ករណីបានកើតឡើងនៅវេលាម៉ោង ០៣ និង៣០នាទីទៀបភ្លឺថ្ងៃទី១២ ខែកញ្ញា ឆ្នាំ២០២១ នៅចំណុចមុខផ្ទះលេខ៤៣៤ តាមបណ្ដោយមហាវិថីព្រះសីហនុ សង្កាត់ទួលស្វាយព្រៃ២ ខណ្ឌបឹងកេងកង។នគរបាល បានឲ្យដឹងថា ជនសង្ស័យទាំង២នាក់ ទី១ មានឈ្មោះ ថា រិទ្ធ ភេទប្រុស អាយុ៣៦ឆ្នាំមុខរបរ រើសអេតចាយ ទីលំនៅមិនពិតប្រាកដ ទី២ ឈ្មោះ អ៊ុង ហឿន ភេទប្រុស អាយុ២១ឆ្នាំ មានមុខរបរមិនពិតប្រកដ ទីលំនៅផ្ទះជួលសង្កាត់ទួលសង្កែរ ខណ្ឌឬស្សីកែវ។តាមប្រភពព័ត៌មាន បានឲ្យដឹងថា នៅវេលាម៉ោង០៣និង៣០នាទីទៀបភ្លឺ ថ្ងៃទី១២ ខែកញ្ញា ឆ្នាំ២០២១ កម្លាំងនគរបាលប៉ុស្តិ៍ទួលស្វាយព្រៃ២ កំពុងល្បាតសហប៉ុស្តិ៍នៃអធិការដ្ឋាននគរបាលខណ្ឌបឹងកេងកង ប្រទះឃើញជនសង្ស័យចំនួន០៣នាក់បានធ្វើសកម្មភាព លួចកាត់ខ្សែកាបនៅចំណុច ផ្ទះលេខ៤៣៤ នៅពេលកំលាំងល្បាត ក្រុមជនសង្ស័យឃើញនាំគ្នាឡើងជិះម៉ូតូម៉ាកស្គុបពី ជិះរត់គេចខ្លួន ភ្លាមនោះកម្លាំងក៏បានធ្វើការដេញតាម រហូតដល់មូលដ្ឋានប៉ុស្តិ៍នគរបាលបឹងរាំង ខណ្ឌដូនពេញ ហើយកម្លាំងបានសហការណ៍ជាមួយកម្លាំងប៉ុស្តិ៍នគរបាលរដ្ឋបាលបឹងរាំង ឃាត់ខ្លួនបានចំនួន០២នាក់ ចំណែកម្នាក់ទៀតបានជិះម៉ូតូរត់គេចខ្លួនបាត់។បច្ចុប្បន្ន ជនសង្ស័យរួមទាំងវត្ថុតាងត្រូវបាននគរបាលឃាត់ខ្លួន នៅអធិការដ្ឋាននគតបាលខណ្ឌបឹងកេងកង ដើម្បីធ្វើការសាកសួរចាត់ការតាមផ្លូវច្បាប់៕អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

សម្ដេចធិបតី ណែដល់នាំគ្រូ និងសិស្ស ត្រូវចេះប្រើប្រាស់បច្ចេកវិទ្យា AI តែកុំពឹងផ្អែកទាំងស្រុង

សម្ដេចធិបតី៖ វិស័យអប់រំ និងសុខាភិបាលជាវិស័យអាទិភាពបំផុតត្រូវបានបង្កើនថវិកា គ្មានកាត់បន្ថយឡើយ

អាមេរិកផ្តល់កិច្ចសន្យាទឹកប្រាក់ ២៤,៤ ពាន់លានដុល្លារដល់ក្រុមហ៊ុន Raytheon ដើម្បីជំរុញការផលិតមីស៊ីល SM-6

លោក Trump៖ អ៊ីរ៉ង់នឹងចុះហត្ថលេខាលើកិច្ចព្រមព្រៀងដ៏យុត្តិធម៌ ឬក៏ត្រូវរលាយបាត់ពីផែនដីក្រោយបដិសេធសំណើ

តម្លៃប្រេងកើនឡើងបន្តិច ខណៈអាមេរិកបញ្ជូននាវាដឹកយន្តហោះនិងទ័ពបន្ថែមទៀតទៅកាន់ មជ្ឈិមបូព៌ា

លោក Trump ប្តេជ្ញាវាយប្រហារអ៊ីរ៉ង់ដ៏ខ្លាំងក្លា បើរកឃើញថាជាប់ពាក់ព័ន្ធការវាយប្រហារជើងហោះហើរក្រុមហ៊ុន flydubai

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាសអញ្ជើញប្រគល់សញ្ញាបត្រជូនដល់និស្សិតជ័យលាភីនៃសាកលវិទ្យាល័យ អាស៊ី អឺរ៉ុប

អាជ្ញាធរជាតិអប្សរា ប្រារព្ធពិធីភ្ជាប់ព្រះសិរ និងបើកព្រះនេត្រចម្លាក់ទេព ចំនួន២ នៅខ្លោងទ្វារជ័យ នៃក្រុងអង្គរធំ

អ្នករាយការណ៍ពិសេសស្តីពីស្ថានភាពសិទ្ធិមនុស្សប្រចាំកម្ពុជា ដាក់របាយការណ៍ទៅ UN ជំរុញឲ្យថៃ និងកម្ពុជាធ្វើការរួមគ្នាដើម្បីពលរដ្ឋភៀសសឹកកម្ពុជាជិត ២ម៉ឺននាក់ អាចត្រឡប់ទៅផ្ទះវិញបាន

ក្រសួងឧស្សាហកម្មបង្កើតនូវឱកាសថ្មី សម្រាប់ការពង្រីកខ្លួនរបស់សហគ្រាសក្នុងតំបន់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

អ្នកជំងឺកូវីដ-១៩ ចន្លោះពី៥០នាក់ទៅ១០០នាក់ ចូលព្យាបាលនៅមណ្ឌលស្តាតអូឡាំពិក រកឃើញកូវីដ-១៩បំប្លែងថ្មី

កម្ពុជាបន្ដរកឃើញមនុស្ស ៦៩៣នាក់ឆ្លងកូវីដ-១៩ ខណៈអ្នកជំងឺ៤៤៣នាក់ទៀត ត្រូវបានព្យាបាលជាសះស្បើយ

កម្ពុជាបន្ដរកឃើញមនុស្ស ៦៥៣នាក់ឆ្លងកូវីដ-១៩ ខណៈអ្នកជំងឺ៤៦៣នាក់ទៀត ត្រូវបានព្យាបាលជាសះស្បើយ

បង្ក្រាបទីតាំងតារាងបាល់ទះឃាត់មនុស្ស៣១នាក់ ជុំគ្នាលេងល្បែងល្មើសសេចក្តីសម្រេចរបស់រដ្ឋបាលរាជធានីភ្នំពេញ

អាជ្ញាធរខណ្ឌ៧មករា ចុះរៀបចំសណ្ដាប់ធ្នាប់ នៅតាមបណ្ដោយផ្លូវស្របសួនច្បារក្ដាន់២ ដែលរថយន្តចតពេញផ្លូវ

កម្ពុជាបន្ដរកឃើញមនុស្ស ៦៥៧នាក់ឆ្លងកូវីដ-១៩ ខណៈអ្នកជំងឺ៥៧៨នាក់ទៀត ត្រូវបានព្យាបាលជាសះស្បើយ

១ខែសីហា សមត្ថកិច្ចបង្ក្រាបបានបទល្មើសគ្រឿងញៀនសរុបជាង ៥៧គីឡូក្រាម

តួលេខកូវីដ-១៩នៅកម្ពុជាបានកើនលើស ១សែនករណីហើយនៅថ្ងៃនេះ ជាង៩៩%ឆ្លងក្រោយព្រឹត្តិការណ៍សហគមន៍២០កុម្ភៈ

ជនសង្ស័យ២នាក់ត្រូវបាននគរបាលប៉ុស្តិ៍ទួលស្វាយព្រៃ២ ឃាត់ខ្លួនពាក់ព័ន្ធករណីលួចកាត់ខ្សែកាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

អ្នកជំងឺកូវីដ-១៩ ចន្លោះពី៥០នាក់​ទៅ១០០នាក់ ចូលព្យាបាលនៅមណ្ឌលស្តាតអូឡាំពិក រកឃើញកូវីដ-១៩បំប្លែងថ្មី

អាជ្ញាធរខណ្ឌ៧មករា ចុះរៀបចំសណ្ដាប់ធ្នាប់ នៅតាមបណ្ដោយផ្លូវស្របសួនច្បារក្ដាន់២ ដែលរថយន្តចតពេញផ្លូវ

១ខែសីហា សមត្ថកិច្ចបង្ក្រាបបានបទល្មើសគ្រឿងញៀនសរុបជាង ៥៧គីឡូក្រាម

ជនសង្ស័យ២នាក់ត្រូវបាននគរបាលប៉ុស្តិ៍ទួលស្វាយព្រៃ២ ឃាត់ខ្លួនពាក់ព័ន្ធករណីលួចកាត់ខ្សែកាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកជំងឺកូវីដ-១៩ ចន្លោះពី៥០នាក់ទៅ១០០នាក់ ចូលព្យាបាលនៅមណ្ឌលស្តាតអូឡាំពិក រកឃើញកូវីដ-១៩បំប្លែងថ្មី