BTV NEWS

ជនជាតិចិន ៥០៦នាក់ទៀត ពាក់ព័ន្ធករណីឆបោកតាមប្រព័ន្ធបច្ចេកវិទ្យា ត្រូវបានបណ្ដេញចេញពីកម្ពុជា

សាលាដំបូងរាជធានីភ្នំពេញ សម្រេចឃុំខ្លួនជនបរទេស ១២នាក់ ពាក់ព័ន្ធករណីឆបោកវិនិយោគតាមប្រព័ន្ធអនឡាញ

ឃាត់ជនបរទេស១៦នាក់ ពាក់ព័ន្ធ Online Scams និងការរស់នៅដោយខុសច្បាប់ និងបានសង្គ្រោះជនជាតិជប៉ុនម្នាក់ពីការចាប់បង្ខាំងទុក

ប្រតិបត្តិការបង្ក្រាប Online Scams នៅខេត្តបន្ទាយមានជ័យ ឃាត់ខ្លួនជនបរទេសជាង ៤ពាន់នាក់

សន្តិសុខ និង សង្គម

ខេត្តកំពង់ចាម នៅតែបន្តរកឃើញអ្នកឆ្លងជំងឺកូវីដ-១៩ថ្មី ជាបន្តបន្ទាប់

កំពង់ចាម ៖ យោងតាមលទ្ធផលនៃការវិភាគវត្ថុសំណាករកមេរោគកូវីដ-១៩ អាជ្ញាធរខេត្តកំពង់ចាម បានរកឃើញអ្នកវិជ្ជមានចំនួន៨៥នាក់ ក្នុងនោះមានអ្នកស្លាប់ដោយសារវិជ្ជមានចំនួន៤៧នាក់ ។ នេះបើយោងតាមសេចក្តីប្រកាសព័ត៌មានរបស់រដ្ឋបានខេត្តកំពង់ចាម នៅថ្ងៃទី១២ ខែកក្កដា ឆ្នាំ២០២១។ចំពោះករណីអ្នកវិជ្ជមានទាំងអស់ ត្រូវបានដាក់ឱ្យសម្រាកព្យាបាលនៅមណ្ឌលព្យាបាលនៅមន្ទីរមេគង្គកំពង់ចាម សរុបចំនួន៨២១នាក់ ក្នុងនោះចំពោះអ្នកវិជ្ជមានកម្រិតស្រាលត្រូវដាក់ឲ្យសម្រាក់នៅវិទ្យាល័យព្រះសីហនុ ។ ដោយគិតមកត្រឹមល្ងាចថ្ងៃទី១២ ខែកក្កដា នេះ ក្នុងព្រឹត្តិការណ៍សហគមន៍២០កុម្ភៈ ចំនួនអ្នកឆ្លងជំងឺកូវីដ-១៩ ទូទាំងខេត្តកំពង់ចាម មានចំនួន ២៨៦៣នាក់ កំពុងសម្រាកព្យាបាលចំនួន៨២១នាក់ និងអ្នកជាសះស្បើយចំនួន ១៩៩៥នាក់។អាជ្ញាធរខេត្តកំពង់ចាម នៅតែផ្សព្វផ្សាយអប់រំណែនាំឲ្យពលរដ្ឋតាមមូលដ្ឋានបង្កើនការប្រុងប្រយ័ត្នខ្ពស់ បើទោះបីជាទទួលបាន់វ៉ាក់សាំងបង្ការការពារជម្ងឺកូវីដ១៩រួចយ៉ាងណាក៏ដោយ បច្ចុប្បន្ន ក្នុងភូមិសាស្ត្រខេត្តកំពង់ចាម បានចុះយុទ្ធនាការចាក់វ៉ាក់សាំងជូនពលរដ្ឋបានប្រមាណជាង២៣៥ ០០០នាក់ តាមផែនការបានប្រមាណ៧១% ហើយ។ អាជ្ញាធរខេត្តបាននឹងកំពុងបន្តផ្តល់វ៉ាក់សាំងជូនពលរដ្ឋតាមបណ្តាស្រុកចំនួនប្រាំទៀត ដែលមិនទាន់ទទួលបាន រួមមាន ៖ ស្រុកកោះសូទិន ស្រុកស្រីសន្ធរ ស្រុកស្ទឹងត្រង់ ស្រុកចំការលើ និងស្រុកកងមាស ៕

ផ្ទះបណ្តែតទឹក និងបែត្រីនៅតាមដងទន្លេរាជធានី នៅសល់ជាង១០ផ្ទះនិងបែទៀតមិនទាន់រុះរើ

ភ្នំពេញ ៖ គិតត្រឹមថ្ងៃទី១៣ ខែកក្កដា ឆ្នាំ២០២១នេះ សំណង់មិនរៀបរយដែលនៅលើទូក ផ្ទះបណ្តែតទឹក និងបែចិញ្ចឹមត្រី ដែលភាគច្រើនជារបស់ជនជាតិវៀតណាមនោះ គឺនៅសល់តែចំនួន១៣ផ្ទះ និងបែទៀតទេ នឹងត្រូវរុះរើអស់មួយភាគរយហើយ ក្នុងចំណោមជាង១៧០០ខ្នង និងបែ ។ លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ ថ្លែងប្រាប់ទូរទស្សន៍BTV តាមរយៈទូរស័ព្ទ នាព្រឹកថ្ងៃទី១៣ ខែកក្កដា ឆ្នាំ២០២១នេះ បានឲ្យដឹងថា មកទល់ពេលនេះ កម្លាំងនគរបាលនៃស្នងការដ្ឋានរាជធានីភ្នំពេញ បានសហការគ្នាជាមួយកងកម្លាំងនគរបាលមូលដ្ឋាន ក៏ដូចជាកងកម្លាំងឯកភាពរាជធានីភ្នំពេញ បានចុះជួយរុះរើម្ចាស់សំណង់មិនរៀបរយ ដែលរស់នៅលើទូក ផ្ទះបណ្ដែតទឹក និងបែចិញ្ចឹមត្រីតាមដងទន្លេរាជធានីភ្នំពេញបានស្ទើមួយរយភាគរយហើយ ដោយនៅសល់តិចតួចប៉ុណ្ណោះ ដោយទុកលទ្ធភាពឲ្យពួកគេប្រមូលផលត្រីរួចរាល់សិន។បើតាមមន្រ្តីនៃសាលារាជធានីភ្នំពេញ ដែលបានថ្លែងនៅក្នុងកិច្ចប្រជុំសាមញ្ញលើកទី២៦ របស់ក្រុមប្រឹក្សារាជធានីភ្នំពេញកាលពីកន្លងទៅថ្មីៗនេះ បានឲ្យដឹងថា ផ្ទះបណ្តែតទឹក សំណង់មិនរៀបរយ និងបែចិញ្ចឹមត្រី គឺបានចំនួនជាង៩០ភាគរយហើយ ដែលត្រូវបានកងកម្លាំងឯកភាពរាជធានីភ្នំពេញធ្វើការរុះរើ និងជម្លៀសចេញ ខណៈនៅសល់ប៉ុន្មានទៀតនោះនឹងត្រូវរុះរើបន្តទៀតឲ្យអស់ពីផ្ទៃទឹកទន្លេស្របទៅតាមការណែនាំរបស់រដ្ឋបាលរាជធានីភ្នំពេញនោះ។លោក មាន ចាន់យ៉ាដា អភិបាលរងនៃសាលារាជធានីភ្នំពេញ បានអះអាងថា ការអនុវត្តនូវវិធានការជុំវិញការរៀបចំសណ្តាប់ធ្នាប់របៀបរៀបរយ ទៅលើបែរត្រី ផ្ទះបណ្ដែតទឹក និងសំណង់មិនរៀបរយនៅលើផ្ទៃទឹកតាមដងទន្លេនៅរាជធានីភ្នំពេញ ទទួលបានជោគជ័យ គឺដោយសារអាជ្ញាធរមានវិធានការចំពោះមុខល្អប្រសើរ សហការបានល្អជាមួយដៃគូពាក់ព័ន្ធ និងមានការគាំទ្រពីមហាជនយ៉ាងពេញទំហឹង។រដ្ឋបាលរាជធានីភ្នំពេញ បញ្ជាក់ថា ការរស់នៅនិងប្រកបមុខរបរលើផ្ទៃទឹកទន្លេបែបអាណាធិបតេយ្យនេះ បានបង្កឱ្យរងផលប៉ះពាល់ដល់ប្រព័ន្ធអេកូឡូហ្ស៊ី មានចរន្តទឹកហូរ គោករាក់ ពិសេសការប្រើប្រាស់ចំណីសម្រាប់ចិញ្ចឹមត្រី និងការបញ្ចេញកាកសំណល់ ការបន្ទោបង់ពាសវាលពាសកាលក្នុងទន្លេ ធ្វើឱ្យខូចខាតធ្ងន់ធ្ងរដល់ជីវៈចម្រុះក្នុងទឹក ខូចគុណភាពទឹក បំពុលបរិស្ថាន ប៉ះពាល់សោភ័ណភាពរាជធានីភ្នំពេញ និងព្រមទាំងប៉ះពាល់ដល់សុខភាពប្រជាពលរដ្ឋដែលប្រើប្រាស់ទឹកមិនស្អាតផងដែរ៕អត្ថបទ បាន ចក់

កម្ពុជាបន្ដរកឃើញមនុស្ស៨៣០នាក់ឆ្លងកូវីដ-១៩ ខណៈមនុស្ស១០១២នាក់ត្រូវបានជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៨៣០នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន១០១២នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៦១៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ២១៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៨នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៩៥៣នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៥៤ ៤៨៩នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៦២ ៧០០ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

មន្ត្រីស៊ីម៉ាក់រកឃើញគ្រាប់បែក៨០គ្រាប់បន្ថែមទៀត បន្ទាប់ពីរកឃើញជាង៣០០គ្រាប់កាលពីចុងសប្តាហ៍នេះ នៅក្នុងក្រុងសៀមរាប

សៀមរាប ៖ នៅថ្ងៃទី១២ខែកក្កដាឆ្នាំ២០២១ អ្នកជំនាញមជ្ឍមណ្ឌលកងឯកភាពកំចាត់មីនទី៤ ហៅកាត់ថាស៊ីម៉ាក់ បានបន្តជីកកកាយ និងប្រមូលគ្រាប់បែកដៃមិនទាន់ផ្ទុះបានចំនួន៨០គ្រាប់ទៀត បន្ទាប់ពីរកឃើញចំនួន៣២៥គ្រាប់ កាលពីថ្ងៃទី១០ខែកក្កដា កន្លងមក។ ទីតាំងរកប្រមូលគ្រាប់យុទ្ធភណ្ឌមិនទាន់ផ្ទុះនេះ ស្ថិតនៅប៉ែកខាងជើងក្បែររបងវិទ្យាល័យ១០មករា១៩៧៩ ស្ថិតក្នុងភូមិមណ្ឌល២សង្កាត់ស្វាយដង្គំ ក្រុងសៀមរាប ខេត្តសៀមរាប ត្រូវបានយកទៅរក្សាទុក នៅទីបញ្ជាការកងឯកភាពកំចាត់មីនទី៤ ខេត្តសៀមរាប ស្ថិតនៅឃុំត្រពាំងធំ ស្រុកប្រាសាទបាគង ខេត្ដសៀមរាប ។គ្រាប់បែកទាំងនេះសុទ្ធតែមានសុពលភាពផ្ទុះ និងមានហានិភ័យខ្ពស់នេះបើតាមការបញ្ជាក់របស់លោក អ៊ាន សុធា ប្រធានកងឯកភាពកំចាត់មីនទី៤ ប្រចាំខេត្ដសៀមរាប និងខេត្ដកំពង់ធំ ។លោក អ៊ាន សុធា បានឲ្យដឹងនៅព្រឹកថ្ងៃទី១២ខែកក្កដានេះថា គ្រាប់បែកដៃទាំង៤០៥គ្រាប់នេះផលិតនៅប្រទេសអង់គ្លេង ម៉ាក់(36 UK ) វាអាចប្រឈមគ្រោះថ្នាក់ដល់មនុស្សប្រសិនបើមានការប៉ះទង្គិច ឬមិនបានប្រុងប្រយ័ត្នធ្វើជ្រុះធ្លាក់ទៅដី។លោក បានបន្ដថា គ្រាប់បែកដៃនោះ ត្រូវគេបានកប់វាចោលជាច្រើនឆ្នាំមកហើយ ដែលនៅចំណុចជាឃ្លាំងគ្រាប់មូយកន្លែងនៅក្នុងក្រុងសៀមរាប ក្នុងសម័យសង្គ្រាមអំឡុងទសវត្សទី៧០ ។លោក បានបន្ដថា ការជីករកនេះ គឺក្រោយពីទទួលបានសេចក្តីរាយការណ៍ពីប្រធានមន្ទីរប្រៃសណីយ៍ និងទូរគមនាគមន៍ខេត្តសៀមរាប ក្នុងពេលដែលក្រុមការងារកំពុងជីកដីកប់ប្រព័ន្ធខ្សែកាប្លិ៍ក្រោមដីបានជួបប្រទះគ្រាប់បែកទាំងនេះ កាលពីថ្ងៃទី១០ខែកក្កដាថ្មីៗកន្លងមកនេះ ពិតជាសំណាងណាស់ ដែលកាយឃើញគ្រាប់បែកតែមិនបានជីកប៉ះខ្លាំង បើសិនជីកប៉ះចំវាអាចនឹងផ្ទុះភ្លាម។លោក បានអំពាវនាវដល់ប្រជាពលរដ្ឋគ្រប់មជ្ឈដ្ឋានទាំងអស់ បើប្រទះឃើញគ្រាប់យុទ្ធភណ្ឌមិនទាន់ផ្ទុះគ្រប់ប្រភេទ សូមផ្តល់ដំណឹង ឬរាយការណ៍ទៅអាជ្ញាធរដែនដី ឫសមត្ថកិច្ចដែលនៅក្បែរលំនៅឋានបងប្អូន ឫក៏រាយការណ៍ទៅមន្ត្រីស៊ីម៉ាក់ដោយផ្ទាល់ក៏បានដែរ៕អត្ថបទ ៖ ឈិត សាវី

កម្ពុជាបន្ដរកឃើញមនុស្ស៩១១នាក់ឆ្លងកូវីដ-១៩ ខណៈមនុស្ស១០០២នាក់ត្រូវបានជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩១១នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន១០០២នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៥៩២នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៣១៩នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៣នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៩២៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៥៣ ៤៧៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៦១ ៨៧០ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ស្រ្តីចំណាស់ម្នាក់ គោលបំណងលោតទឹកសម្លាប់ខ្លួន ត្រូវបានកូនប្រុសមកជួយទាន់ពេល

ភ្នំពេញ៖ ស្រ្តីចំណាស់ម្នាក់ ខូចចិត្តបានបើករថយន្តខ្លួនឯង គោលបំណងមកលោតទឹកសម្លាប់ខ្លួន តែត្រូវបានកូនប្រុសមានការសង្ស័យជិះម៉ូតូតាមពីក្រោយ រហូតមកដល់ចំណុចលើស្ពានជ្រោយចង្វារចាស់ បំរុងលោត កូនប្រុសបានរាយការណ៍នគរបាលនៅប្រចាំគោលដៅស្ពាន ឡើងមកជួយទាន់ពេល។ហេតុការណ៍នេះបង្ករការភ្ញាក់ផ្អើលការពីវេលាម៉ោង១១ និង៣០នាទី ថ្ងៃត្រង់ នាថ្ងៃទី១០ ខែកក្កដា ឆ្នាំ២០២១ នៅចំណុចចុងស្ពានជ្រោយចង្វារចាស់ មូលដ្ឋានសង្កាត់ស្រះចក ខណ្ឌដូនពេញ។តាមប្រភពព័ត៌មាន បានឲ្យដឹងថា នៅមុនពេលកើតហេតុ គេឃើញស្រ្តីចំណាស់ម្នាក់ បានបើករថយន្តម៉ាក Lexus RX300 ពណ៌ស កាំម៉ៃ ពាក់ស្លាកលេខ ភ្នំពេញ 2AS-1842 ចេញពីផ្ទះនៅម្ដុំគីឡូម៉ែត្រលេខ៨ សង្កាត់ច្រាំងចំរះទី២ ខណ្ឌឬស្សីកែវ គោលបំណងឡើងមកលើស្ពានជ្រោយចង្វារចាស់ លោតទឹកសម្លាប់ខ្លួន តែត្រូវបានកូនប្រុសជិះម៉ូតូ តាមពីក្រោយរហូត បានរាយការណ៍ជូនសមត្ថកិច្ចនៅប្រចាំគោលដៅជួយម្ដាយទាន់ពេលវេលា។យោងសម្តីរបស់ស្រ្តីចំណាស់ដែលប៉ុនប៉ងលោតទឹកសម្លាប់ខ្លួន បានយំរៀបរាប់ថា មូលហេតុដែលគាត់គិតខ្លីបែបនេះ មូលហេតុដោយសារតែមានទំនាស់ក្នុងក្រុមគ្រួសារជាមួយប្ដី ដោយអះអាងថាប្ដីរបស់គាត់មានស្រីនៅខាងក្រៅ ធ្វើបាបចិត្តគាត់ ដូច្នេះក៏ខូចចិត្ត គិតអ្វីមិនចេញបានជិះរថយន្ត គោលបំណងមកលោតទឹក តែត្រូវបានកូនៗ តាមមកទាន់ចាប់ដាក់ចូលរថយន្តរួចត្រឡប់ទៅផ្ទះវិញ៕អត្ថបទ៖ កុម្ភះ

កម្ពុជាបន្ដរកឃើញមនុស្ស៩៣៣នាក់ឆ្លងកូវីដ-១៩ ខណៈមនុស្ស៧៤៣នាក់ត្រូវបានជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩៣៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៧៤៣នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៧៣៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ២០០នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៨៨១នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៥១ ៦៦០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៥៩ ៩៧៨ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

គិតមកដល់ពេលនេះនៅភ្នំពេញមានអ្នកជំងឺកូវីដ-១៩ ជិតមួយពាន់នាក់កំពុងសម្រាកព្យាបាលនៅតាមផ្ទះ

ភ្នំពេញ ៖ អ្នកជំងឺកូវីដ-១៩ ដែលកំពុងព្យាបាលនៅតាមផ្ទះ ក្នុងរាជធានីភ្នំពេញគិតមកដល់ពេលនេះ បានកើនឡើងដល់ជិត១ពាន់នាក់ហើយ ខណៈចំនួនអ្នកជាសះស្បើយ ក៏មានចំនួនច្រើនដែរ។ក្នុងកិច្ចប្រជុំតាមរយៈអនឡាញ ជាមួយស្នងការនគរបាលរាជធានី មេបញ្ជាការកងរាជអាវុធហត្ថរាជធានី អាជ្ញាធរខណ្ឌទាំង១៤ និងមន្ទីរសុខាភិបាល ដែលដឹកនាំដោយ ឯកឧត្ដម ឃួង ស្រេង អភិបាលរាជធានីភ្នំពេញ នាព្រឹកថ្ងៃទី០៩ កក្កដា២០២១ នៅសាលារាជធានីភ្នំពេញ លោក ងី មានហេង ប្រធានមន្ទីរសុខាភិបាលរាជធានីភ្នំពេញ បានមានប្រសាសន៍ថា គិតមកដល់ម៉ោងនេះ អ្នកព្យាបាលជំងឺកូវីដ-១៩នៅតាមផ្ទះ បានកើនឡើងដល់ចំនួន៩១៥នាក់ហើយ ហើយក្នុងចំនួននេះ មានអ្នកជាសះស្បើយចំនួន ២៦៨នាក់ និងមានអ្នកកំពុងព្យាបាលចំនួន៦៤៧នាក់។ប្រធានមន្ទីរសុខាភិបាលរាជធានីភ្នំពេញ បញ្ជាក់ថា ការកើនឡើងនូវចំនួនអ្នកព្យាបាលជំងឺកូវីដ-១៩នៅតាមផ្ទះនារយៈពេលប៉ុន្មានថ្ងៃនេះ ដោយសារតែជំនាញពាក់ព័ន្ធបានលើកទឹកចិត្តឱ្យពួកគាត់បានព្យាបាលជំងឺកូវីដ-១៩នៅតាមផ្ទះ ។លោក ងី មានហេង បន្តថា ចំពោះអ្នកជំងឺដែលកំពុងព្យាបាលនៅតាមមណ្ឌល ពួកគាត់ក៏អាចសុំការអនុញ្ញាតិប្តូរទៅព្យាបាលនៅតាមផ្ទះវិញបានដែរ ប៉ុន្តែត្រូវមានកិច្ចសន្យាមួយ ជាមួយក្រុមការងារដោយភ្ជាប់នូវលក្ខខ័ណ្ឌច្បាប់មួយចំនួន ហើយខាងសុខាភិបាលជាអ្នករាយការណ៍ទៅអាជ្ញាធរមូលដ្ឋាន ដើម្បីគ្រប់គ្រងមើលខុសត្រូវពួកគាត់។ឯកឧត្ដម ឃួង ស្រេង អភិបាលរាជធានីភ្នំពេញ បានមានប្រសាសន៍ថា ប្រជាពលរដ្ឋ ក្រោយការធ្វើតេស្តទៅឃើញវិជ្ជមានកូវីដ-១៩ ក្នុងនាមជាអាជ្ញាធរ និងក្រុមគ្រូពេទ្យ ត្រូវសួរនាំពួកគាត់ថា តើមានលទ្ធភាពទៅព្យាបាលនៅតាមផ្ទះទេ? បើមាន អាជ្ញាធរ និងក្រុមគ្រូពេទ្យត្រូវជូនពួកគាត់ទៅផ្ទះ។ចៀសវាងខ្លាចពួកគាត់ទៅទីណាផ្តេសផ្តាសមុនចូលដល់ផ្ទះ។ នៅផ្ទះទៀតសោធន៍ ទោះបីផ្ទះនោះ ជាផ្ទះអ្នកណាក៏ដោយត្រូវតែដាក់ស្លាកសញ្ញា ដែលចេញដោយសាលារាជធានីភ្នំពេញ ដើម្បីឱ្យប្រជាពលរដ្ឋផ្សេងទៀតបានដឹង និងចេះប្រយ័ត្នខ្លួន។ ចំពោះសំរាមនៅផ្ទះអ្នកព្យាបាលជំងឺកូវីដ-១៩ មិនអនុញ្ញាតឱ្យយកចេញរាល់ថ្ងៃទេ គឺត្រូវទុករយៈពេល៧២ម៉ោង ទើបឱ្យយកចេញមកក្រៅម្តង ព្រោះខ្លាចរីករាលដាលជំងឺកូវីដ-១៩។ក្នុងកិច្ចប្រជុំនេះដែរ ឯកឧត្ដម ឃួង ស្រេង ក៏បានបញ្ជាទៅអាជ្ញាធរខណ្ឌទាំង១៤ ត្រូវតែយកចិត្តទុកដាក់ខ្ពស់ ចំពោះការងារព្យាបាលនៅតាមផ្ទះនេះ ដោយសារអាយុជីវិត និងជោគវាសនាប្រជាពលរដ្ឋត្រូវពឹងពាក់មកលើអាជ្ញាធរហើយ។ ឯកឧត្ដម ឃួង ស្រេង យល់ឃើញថា ការព្យាបាលតាមផ្ទះនេះ ពិតជាទទួលបានជោគជ័យ ដោយសារតែប្រជាពលរដ្ឋចូលរួមសហការ និងគាំទ្រយ៉ាងពេញទំហឹង ចំពោះការងារនៃការព្យាបាលតាមផ្ទះនេះ។គួរបញ្ជាក់ថា ការរៀបចំឱ្យមានការព្យាបាលអ្នកជំងឺកូវីដ-១៩តាមផ្ទះនេះ ធ្វើឡើងស្របតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី ហើយការងារនេះរាជធានីភ្នំពេញ បានឈានមួយជំហានទៅមុខរួចហើយ៕អត្ថបទ ៖ ប្រាក់ វ៉ាន់ដា

កម្ពុជាបន្ដរកឃើញមនុស្ស៩៨៨នាក់ឆ្លងកូវីដ-១៩ ខណៈមនុស្ស៨៩៧នាក់ត្រូវបានជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩៨៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៨៩៧នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៧៨៩នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៩៩នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៣០នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៨៥៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៥០ ៩១៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៥៩ ០៤៥ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ការរុះរើ ផ្ទះបណ្ដែតទឹក បែចិញ្ចឹមត្រី និងសំណង់មិនរៀបរយលើផ្ទៃទន្លេ នៅភ្នំពេញសម្រេចបានប្រមាណ៩៥ភាគរយហើយ

ភ្នំពេញ ៖ ការអនុវត្តវិធានការរៀបចំសណ្តាប់ធ្នាប់របៀបរៀបរយ ទៅលើបែត្រី ផ្ទះបណ្ដែតទឹក និងសំណង់មិនរៀបរយនៅលើផ្ទៃទន្លេ ក្នុងភូមិសាស្ត្ររាជធានីភ្នំពេញ គិតដល់ពេលនេះ អនុវត្តការងារបានប្រមាណ៩៥ ភាគរយហើយ ។ នេះចាត់ទុកថា ជាការអនុវត្តវិធានការរៀបចំសណ្ដាប់ធ្នាប់លើផ្ទៃទន្លេ បានយ៉ាងរលូន និងទទួលបានជោគជ័យ ។នេះបើតាមការលើកឡើងនៅក្នុងកិច្ចប្រជុំសាមញ្ញលើកទី២៦ របស់ក្រុមប្រឹក្សារាជធានីភ្នំពេញក្រោមវត្តមាន ឯកឧត្ដម ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ និងលោក មាន ចាន់យ៉ាដា អភិបាលរងរាជធានីភ្នំពេញ នាព្រឹកថ្ងៃទី០៨ ខែកក្កដា ឆ្នាំ២០២១នេះ នៅសាលារាជធានីភ្នំពេញ។លោក មាន ចាន់យ៉ាដា បានមានប្រសាសន៍ថា រាជធានីភ្នំពេញមានខណ្ឌចំនួន០៦ ដែលមានផ្ទះបណ្ដែតទឹក បែត្រី និងសំណង់មិនរៀបរយនៅតាមដងទន្លេ ដែលមានចំនួនរហូតដល់ ១៤៧២ទីតាំង ដោយចែកចេញជា៤ប្រភេទ ក្នុងនោះមានប្រភេទជា បែត្រី សំណង់មិនរៀបរយ ដៃត្រី និងទូកនេសាទ។ ការអនុវត្តវិធានការ គឺមានប្រជាពលរដ្ឋបានស្ម័គ្រចិត្តរុះរើចេញមកលើគោកមានចំនួន ១២៤២ទីតាំង។ ចំពោះទីតាំងចល័ត អាជ្ញាធរបានរៀបចំឲ្យពួកគាត់ចិញ្ចឹមត្រីជាបណ្តោះអាសន្នចំនួន២ទីតាំងផ្សេងគ្នា ក្នុងនោះទីតាំងទី១ នៅជាប់ព្រំប្រទល់រវាងស្រុកពញាឮ និងខណ្ឌព្រែកព្នៅ មានចំនួន១៩៤ទីតាំង ។ ទីតាំងទី២ នៅជាប់និងស្រុកលើកដែកចំនួន១៩ទីតាំង និងទីតាំងដែលបាននិងកំពុងរុះរើមានចំនួន១៧ទីតាំង ដែលការងារនេះ អាជ្ញាធររាជធានីភ្នំពេញ អនុវត្តបានជោគជ័យចំនួន៩៥ភាគរយ គិតមកដល់ពេលនេះ។លោក មាន ចាន់យ៉ាដា ក៏បានបញ្ជាក់ផងដែរថា ការអនុវត្តនូវវិធានការជុំវិញការរៀបចំសណ្តាប់ធ្នាប់របៀបរៀបរយ ទៅលើបែត្រី ផ្ទះបណ្ដែតទឹក និងសំណង់មិនរៀបរយនៅលើផ្ទៃទឹកតាមដងទន្លេ នៅរាជធានីភ្នំពេញ ទទួលបានជោគជ័យ គឺដោយសារអាជ្ញាធរមានវិធានការចំពោះមុខល្អប្រសើរ សហការបានល្អជាមួយដៃគូពាក់ព័ន្ធ និងមានការគាំទ្រពីមហាជនយ៉ាងពេញទំហឹង។ឯកឧត្ដម ប៉ា សុជាតិវង្ស នៅក្នុងឱកាសនោះបានថ្លែងនូវការកោតសរសើរយ៉ាងខ្លាំង ចំពោះអាជ្ញាធររាជធានីភ្នំពេញ ក្រោមការដឹកនាំរបស់ ឯកឧត្ដម ឃួង ស្រេង ជាអភិបាល ដែលអនុវត្តការរៀបចំសណ្ដាប់ធ្នាប់លើផ្ទៃទឹកនេះបានយ៉ាងល្អប្រសើរ និងទទួលបានជោគជ័យ។សូមបញ្ជាក់ថា កាលពីថ្ងៃទី១២ ខែមិថុនា កន្លងទៅ គឺជាថ្ងៃដែលអាជ្ញាធរប្រើវិធានការរដ្ឋបាលចុះទៅរុះរើ បែចិញ្ចឹមត្រី ផ្ទះបណ្តែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេ ដើម្បីបើកផ្លូវនាវាចរ កុំឲ្យប៉ះពាល់ដល់ប្រព័ន្ធអេកូឡូហ្ស៊ី មានចរន្តទឹកហូរ គោករាក់ ពិសេសកុំឲ្យបន្តការប្រើប្រាស់ចំណីសម្រាប់ចិញ្ចឹមត្រី និងការបញ្ចេញកាកសំណល់ ការបន្ទោបង់ពាសវាលពាសកាលក្នុងទន្លេ ធ្វើឱ្យខូចខាតយ៉ាងធ្ងន់ធ្ងរដល់ជីវៈចម្រុះក្នុងទឹក ខូចគុណភាពទឹក បំពុលបរិស្ថាន និងប៉ះពាល់ដល់សោភ័ណភាពរាជធានីភ្នំពេញ ព្រមទាំងប៉ះពាល់ដល់សុខភាពប្រជាពលរដ្ឋ ដែលបានប្រើប្រាស់ទឹកមិនស្អាតផងដែរ៕អត្ថបទ ៖ ប្រាក់ វ៉ាន់ដា

បណ្ដាញសង្គម

ព័ត៌មានថ្មីៗ

ផ្លូវជនបទជាសរសៃឈាមដែលតភ្ជាប់ ជំរុញដល់ដំណើរអន្តរកម្មសេដ្ឋកិច្ចមូលដ្ឋាន

កិច្ចព្រមព្រៀងយន្តហោះចម្បាំង Gripen របស់អ៊ុយក្រែន អាចនឹងចុះហត្ថលេខាក្នុងរយៈពេលប៉ុន្មានខែទៀត

ក្រុមហ៊ុនហ្វីលីពីន បង្ហាញការចាប់អារម្មណ៍ខ្ពស់ក្នុងការស្វែងរកកាលានុវត្តភាពវិនិយោគនៅកម្ពុជា

អ៊ីរ៉ង់ច្រានចោលរបាយការណ៍ចារកម្មសហរដ្ឋអាមេរិកអាមេរិកពីសមត្ថភាពយោធាចុះខ្សោយរបស់ខ្លួន

អាស៊ានជំរុញឲ្យអាមេរិក និងអ៊ីរ៉ង់បញ្ចប់ជម្លោះ និងអំពាវនាវឲ្យលុបបំបាត់ស្ថានភាពមិនច្បាស់លាស់

ទីភ្នាក់ងារ EU អនុញ្ញាតឲ្យប្រើប្រាស់ប្រេងឥន្ធនៈយន្តហោះរបស់អាមេរិក ខណៈការខ្វះខាតជិតកើតមាន

សម្តេចធិបតី អញ្ជើញចូលរួមពិធីជប់លៀងផ្លូវការ នៅទីក្រុងសេប៊ូ

លោក Zelenskiy បំពេញទស្សនកិច្ចទៅកាន់តំបន់ជួរមុខស្ថិតនៅភាគអាគ្នេយ៍ប្រទេសអ៊ុយក្រែន

លោក Rubio បញ្ជាក់ថា អាមេរិករំពឹងថា អ៊ីរ៉ង់នឹងឆ្លើយតប ចំពោះកិច្ចព្រមព្រៀងសន្តិភាព ថ្ងៃសុក្រនេះ

យោធា៖ សំឡេងស៊ីរ៉ែនបន្លឺឡើងនៅភាគខាងជើងអ៊ីស្រាអែល ក្រោយមានការបាញ់ផ្លោងពីលីបង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ខេត្តកំពង់ចាម នៅតែបន្តរកឃើញអ្នកឆ្លងជំងឺកូវីដ-១៩ថ្មី ជាបន្តបន្ទាប់

ផ្ទះបណ្តែតទឹក និងបែត្រីនៅតាមដងទន្លេរាជធានី នៅសល់ជាង១០ផ្ទះនិងបែទៀតមិនទាន់រុះរើ

កម្ពុជាបន្ដរកឃើញមនុស្ស៨៣០នាក់ឆ្លងកូវីដ-១៩ ខណៈមនុស្ស១០១២នាក់ត្រូវបានជាសះស្បើយ

កម្ពុជាបន្ដរកឃើញមនុស្ស៩១១នាក់ឆ្លងកូវីដ-១៩ ខណៈមនុស្ស១០០២នាក់ត្រូវបានជាសះស្បើយ

ស្រ្តីចំណាស់ម្នាក់ គោលបំណងលោតទឹកសម្លាប់ខ្លួន ត្រូវបានកូនប្រុសមកជួយទាន់ពេល

កម្ពុជាបន្ដរកឃើញមនុស្ស៩៣៣នាក់ឆ្លងកូវីដ-១៩ ខណៈមនុស្ស៧៤៣នាក់ត្រូវបានជាសះស្បើយ

គិតមកដល់ពេលនេះនៅភ្នំពេញមានអ្នកជំងឺកូវីដ-១៩ ជិតមួយពាន់នាក់កំពុងសម្រាកព្យាបាលនៅតាមផ្ទះ

កម្ពុជាបន្ដរកឃើញមនុស្ស៩៨៨នាក់ឆ្លងកូវីដ-១៩ ខណៈមនុស្ស៨៩៧នាក់ត្រូវបានជាសះស្បើយ

ការរុះរើ ផ្ទះបណ្ដែតទឹក បែចិញ្ចឹមត្រី និងសំណង់មិនរៀបរយលើផ្ទៃទន្លេ នៅភ្នំពេញសម្រេចបានប្រមាណ៩៥ភាគរយហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ខេត្តកំពង់ចាម នៅតែបន្តរកឃើញអ្នកឆ្លងជំងឺកូវីដ-១៩ថ្មី ជាបន្តបន្ទាប់

ផ្ទះបណ្តែតទឹក និងបែត្រីនៅតាមដងទន្លេរាជធានី នៅសល់ជាង១០ផ្ទះនិងបែទៀតមិនទាន់រុះរើ

កម្ពុជា​បន្ដ​រក​ឃើញ​មនុស្ស​៨៣០នាក់​​ឆ្លង​កូវីដ-១៩​ ខណៈ​​មនុស្ស១០១២នាក់​ត្រូវ​បានជា​សះស្បើយ

កម្ពុជា​បន្ដ​រក​ឃើញ​មនុស្ស​៩១១នាក់​​ឆ្លង​កូវីដ-១៩​ ខណៈ​​មនុស្ស១០០២នាក់​ត្រូវ​បានជា​សះស្បើយ

ស្រ្តីចំណាស់ម្នាក់ គោលបំណង​លោត​ទឹកសម្លាប់ខ្លួន​ ត្រូវបានកូនប្រុសមកជួយទាន់ពេល

កម្ពុជា​បន្ដ​រក​ឃើញ​មនុស្ស​៩៣៣នាក់​​ឆ្លង​កូវីដ-១៩​ ខណៈ​​មនុស្ស៧៤៣នាក់​ត្រូវ​បានជា​សះស្បើយ

គិតមកដល់ពេលនេះនៅភ្នំពេញមានអ្នកជំងឺកូវីដ-១៩ ជិតមួយពាន់នាក់កំពុង​សម្រាកព្យាបាល​នៅ​តាមផ្ទះ

កម្ពុជា​បន្ដ​រក​ឃើញ​មនុស្ស​៩៨៨នាក់​​ឆ្លង​កូវីដ-១៩​ ខណៈ​​មនុស្ស៨៩៧នាក់​ត្រូវ​បានជា​សះស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាបន្ដរកឃើញមនុស្ស៨៣០នាក់ឆ្លងកូវីដ-១៩ ខណៈមនុស្ស១០១២នាក់ត្រូវបានជាសះស្បើយ

កម្ពុជាបន្ដរកឃើញមនុស្ស៩១១នាក់ឆ្លងកូវីដ-១៩ ខណៈមនុស្ស១០០២នាក់ត្រូវបានជាសះស្បើយ

ស្រ្តីចំណាស់ម្នាក់ គោលបំណងលោតទឹកសម្លាប់ខ្លួន ត្រូវបានកូនប្រុសមកជួយទាន់ពេល

កម្ពុជាបន្ដរកឃើញមនុស្ស៩៣៣នាក់ឆ្លងកូវីដ-១៩ ខណៈមនុស្ស៧៤៣នាក់ត្រូវបានជាសះស្បើយ

គិតមកដល់ពេលនេះនៅភ្នំពេញមានអ្នកជំងឺកូវីដ-១៩ ជិតមួយពាន់នាក់កំពុងសម្រាកព្យាបាលនៅតាមផ្ទះ

កម្ពុជាបន្ដរកឃើញមនុស្ស៩៨៨នាក់ឆ្លងកូវីដ-១៩ ខណៈមនុស្ស៨៩៧នាក់ត្រូវបានជាសះស្បើយ