BTV NEWS

៣ខែដើមឆ្នាំនេះ ក្មេងទំនើងជិត ១ពាន់នាក់ត្រូវសមត្ថកិច្ចឃាត់ខ្លួន

នគរបាលជំនាញព្រហ្មទណ្ឌរាជធានីភ្នំពេញ បង្រ្កាបជនសង្ស័យជនជាតិចិន ៣នាក់ពាក់ព័ន្ធអំពើលួចរថយន្ត និងផ្លាកលេខរថយន្តចំនួន ៦ករណី

កម្លាំងនគរបាលរាជធានី បើកការឆ្មក់ចុះបង្ក្រាប Online Scams នៅខណ្ឌសែនសុខ ឃាត់ខ្លួនជនបរទេស ៣៣នាក់

ឃាត់ខ្លួនជនសង្ស័យ០៩នាក់ រកឃើញសម្ភារបម្រើឲ្យបទល្មើស Online Scams និងអាវុធខ្លីមួយដើម នៅខណ្ឌច្បារអំពៅ

សន្តិសុខ និង សង្គម

ខេត្តកំពង់ឆ្នាំង រកឃើញមនុស្ស៨៦នាក់ទៀតឆ្លងកូវីដ-១៩ សុទ្ធតែបុគ្គលិក និងកម្មកររោងចក្រនៅស្រុកកំពង់ត្រឡាច

កំពង់ឆ្នាំង ៖ រដ្ឋបាលខេត្តកំពង់ឆ្នាំង បានប្រកាសថា បានរកឃើញមនុស្សដល់ទៅ ៨៦នាក់បន្ថែមទៀតឆ្លងមេរោគកូវីដ-១៩ កាលពីថ្ងៃម្សិលមិញនេះ ដែលសុទ្ធតែជាបុគ្គលិក និងកម្មករកម្មការិនីនៃរោងចក្រ២ ស្ថិតនៅស្រុកកំពង់ត្រឡាច។ក្នុងសេចក្ដីប្រកាសព័ត៌មានរបស់ខ្លួន រដ្ឋបាលខេត្តកំពង់ឆ្នាំង បញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើស្ត្រី ៨១នាក់ ដែលសុទ្ធតែកម្មការិនី និងបុគ្គលិកបម្រើការងារនៅរោងចក្រហឺរ៉ាយហ្សិន អៅងរ (ខេមបូឌា) និងកម្មការិនីម្នាក់ទៀតបម្រើការងារនៅរោងចក្រតឹកហ្វុក ស្ថិតក្នុងឃុំលង្វែក។ ចំណែកករណីឆ្លងថ្មី ៧នាក់ទៀត រដ្ឋបាលខេត្តនេះ បញ្ជាក់ថា បានរកឃើញលើបុរស ដែលជាសុទ្ធតែជាកម្មករបម្រើការងារនៅរោងចក្រហឺរ៉ាយហ្សិន អៅដរ ទាំងអស់។រដ្ឋបាលខេត្តកំពង់ឆ្នាំង បានឱ្យដឹងថា អ្នកឆ្លងថ្មីទាំងអស់នេះ ត្រូវបានដាក់ឱ្យសម្រាកព្យាបាលនៅក្នុងវិទ្យាល័យ ហ៊ុន សែន កំពង់ត្រឡាច និងនៅក្នុងអគារសម្រាកព្យាបាលស្ថិតនៅក្នុងរោងចក្រហឺរ៉ាយហ្សិន អៅដរ តែម្ដង។រដ្ឋបាលខេត្តកំពង់ឆ្នាំង បញ្ជាក់ថា អាជ្ញាធរកំពុងតែស្រាវជ្រាវរកអ្នកពាក់ព័ន្ធផ្សេងទៀត ដើម្បីពិនិត្យសំណាក និងដាក់ឱ្យនៅដាច់ដោយឡែកដើម្បីតាមដានសុខភាព៕

អាជ្ញាធរខណ្ឌទួលគោក ហាក់មិនខ្វល់ពីការប្រមូលផ្ដុំមនុស្សច្រើន នៅទីតាំងកត់ឆ្នោតវៀតណាម ក្នុងផ្សារគីឡូ៤ អំឡុងពេលការទប់ស្កាត់ជំងឺcovid19

ភ្នំពេញ៖ នាពេលបច្ចុប្បន្ន រដ្ឋបាលរាជធានីភ្នំពេញ កំពុងបន្តយកចិត្តទុកដាក់អនុវត្តពីវិធានការរបស់ក្រសួងសុខាភិបាល និងសេចក្ដីណែនាំរបស់រដ្ឋាភិបាល ៣កុំ ៣ការពារ ដើម្បីចូលរួមទប់ស្កាត់ការរីករាលដាលជម្ងឺកូវីដ-១៩ក្នុងព្រឹត្តិការណ៍សហគមន៍២០កុម្ភៈអោយបានជោគជ័យ។ តែផ្ទុយទៅ មូលដ្ឋានខណ្ឌទួលគោក ដែលមាន លោក ឯក ឃុនដឿន អភិបាលខណ្ឌ និង ជាប្រធានគណៈបញ្ជាការឯកភាពខណ្ឌ មិនបានពិនិត្យនិងយកចិត្តទុកដាក់ពីបញ្ហានេះឡើយ បណ្ដែតបណ្ដោយអោយមានបើកល្បែងស៉ីសង ប្រមូលផ្ដុំមនុស្សច្រើន មិនរក្សាគំលាត បង្កហានិភ័យ អំឡុងពេលជំងឺcovid-19 កំពុងរីករាលដាលក្នុងសហគមន៍។ជាក់ស្ដែងទីតាំង បើកល្បែងស៊ីសង កត់ឆ្នោតវៀតណាម ,ល្បែងKeno,ស្ថិតនៅផ្ទះក្នុងផ្សារគីឡូ៤ ផ្លូវលេខ១៣៨ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។បងប្អូនប្រជាពលរដ្ឋ រស់នៅក្នុងផ្សារគីឡូ៤ អោយដឹងថា សូម្បីអាជីវកលក់ដូរនៅផ្សារគីឡូ៤ អាជ្ញាធរពុំទាន់អនុញ្ញាតអោយលក់ដូឡើងវិញផង តែទីតាំងកត់ឆ្នោតវៀតណាម ,ល្បែងKeno,ស្ថិតនៅផ្ទះក្នុងផ្សារគីឡូ៤ ផ្លូវលេខ១៣៨ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ បើកលេង មានមនុស្សប្រមូលផ្ដុំគ្នា ដោយគ្មានការគោរពអនុវត្តតាមវិធានការក្រសួងសុខាភិបាល និងសេចក្ដីជូនដំណឹងរបស់សាលារាជធានី ក្នុងអំឡុងពេលកូវីដ-១៩ ឡើយ។ បងប្អូនប្រជាពលរដ្ឋដែលមានលំនៅដ្ឋានរស់នៅតាមកំណាត់ផ្លូវលេខ១៣៨(ផ្សារគីឡូ៤) បានសំនូមពរដល់អាជ្ញាធរពាក់ព័ន្ធ ជាពិសេសអាជ្ញាធរខណ្ឌទួលគោក ជួយពិនិត្យ និងចាត់វិធានការចំពោះទីតាំងនេះផង ដោយយោងតាមការឃើញជាក់ស្ដែងទីតាំងនេះមានមនុស្សប្រមូលផ្ដុំច្រើន មិនឃើញមានការពាក់ម៉ាស់ ឬរក្សាគំលាត តាមសេចក្ដីណែនាំរបស់រដ្ឋាភិបាល ៣កុំ ៣ការពារឡើយ។ចំពោះបញ្ហានេះ ភ្ញាក់ងារសារព័ត៌មាន BTV News បានសុំការបំភ្លឺពីលោក ឯក ឃុនដឿន អភិបាលខណ្ឌទួលគោក តាមរយៈ telegram តែមិនមានការឆ្លើយតបនោះឡើយ។ ចំណែកលោកវរសេនីយ៍ឯក សុខ ហេង អធិការនៃអធិការដ្ឋាននគរបាលខណ្ឌទួលគោក ភ្ញាក់ងារសារព័ត៌មាន សុំការបំភ្លឺតាមរយៈទូរស័ព្ទ បានបញ្ជាក់មកវិញថា ទីតាំងនោះនៅម្ដុំណា? រួចបិទទូរស័ព្ទ។ជាចុងក្រោយបងប្អូនប្រជាពលរដ្ឋ សង្ឃឹមជឿជាក់ថា អាជ្ញាធរខណ្ឌទួលគោក គួរមានវិធានចំពោះទីតាំងនេះ មិនបណ្ដែតបណ្ដោយអោយបើកល្បែងស៊ីសង និងមានការប្រមូលផ្ដុំមនុស្សច្រើនមិនរក្សាគំលាត ក្នុងអំឡុងពេលកូវីត ១៩ កំពុងរីករាលដាល ដូច្នេះទេ៕អត្ថបទ៖ កុម្ភ:

ខេត្តតាកែវរកឃើញមនុស្ស៤១នាក់ទៀតឆ្លងកូវីដ-១៩ ភាគច្រើនជាអាជីវករផ្សារសំរោងយ៉ោង

តាកែវ៖ រដ្ឋបាលខេត្តតាកែវបានប្រកាសថា បានរកឃើញមនុស្ស ៤១នាក់ទៀតឆ្លងមេរោគកូវីដ-១៩ ក្នុងនោះមានអាជីវករ កម្មករកម្មការិនីរោងចក្រ និងកុមារផងដែរ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តតាកែវ បានបញ្ជាក់ថា អាជីវករផ្សារសំរោងយ៉ោង ២៤នាក់ទៀត ត្រូវបានរកឃើញឆ្លងមេរោគកូវីដ-១៩ ពលករខ្មែរ ៥នាក់ដែលបានវិលត្រឡប់មកពីប្រទេសថៃ កម្មការិនីរោងចក្រសាន់បូចំនួន ២នាក់ កុមារ ៦នាក់ និងពលរដ្ឋ ៤នាក់ផ្សេងទៀត។រដ្ឋបាលខេត្តតាកែវ បានរកឃើញពលរដ្ឋជាច្រើនឆ្លងមេរោគកូវីដ-១៩ នៅក្នុងស្រុកបាទី នៅក្នុងរយៈពេលប៉ុន្មានសប្ដាហ៍ចុងក្រោយមកនេះ ដែលបង្ខំអាជ្ញាធរសម្រេចផ្អាកដំណើរការផ្សារសំរោងយ៉ោងជាបណ្ដោះអាសន្នសិន៕

ខេត្តកំពង់ចាមរកឃើញមនុស្ស៨៤នាក់ទៀតឆ្លងកូវីដ-១៩ ភាគច្រើនជាស្ត្រី ក្រោយពាក់ព័ន្ធនឹងកម្មការិនីឆ្លងកូវីដ-១៩

កំពង់ចាម៖ រដ្ឋបាលខេត្តកំពង់ចាមបានប្រកាសពីការរកឃើញមនុស្សរហូតដល់ទៅ ៨៤នាក់បន្ថែមទៀត បានឆ្លងមេរោគកូវីដ-១៩ បន្ទាប់ប៉ះពាល់កម្មការិនីដែលបានឆ្លងមេរោគនេះ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាម បញ្ជាក់ថា ករណីឆ្លងថ្មីទាំង ៨៤នាក់នេះ ត្រូវបានរកឃើញលើស្ត្រីរហូតដល់ ៧៩នាក់ និង ៥នាក់ទៀតត្រូវបានរកឃើញលើបុរស។រដ្ឋបាលខេត្តនេះបញ្ជាក់ថា លទ្ធផលនេះបានមកពីការធ្វើតេស្តលើសំណាកដែលមន្ត្រីសុខាភិបាលប្រមូលបានពីមនុស្ស ៨៧៤នាក់កាលពីថ្ងៃម្សិលមិញនេះ។បើតាមរដ្ឋបាលខេត្តកំពង់ចាម មនុស្សទាំង ៨៤នាក់នេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមេគង្គកំពង់ចាម ហើយអាជ្ញាធរកំពុងស្រាវជ្រាវរកមនុស្សពាក់ព័ន្ធជាច្រើនទៀត ដើម្បីធ្វើតេស្តសំណាក និងដាក់ឱ្យនៅដាច់ដោយឡែកដើម្បីតាមដានសុខភាព។ គិតមកត្រឹមថ្ងៃនេះ អ្នកជំងឺកូវីដ-១៩ចំនួន ៣៥៤នាក់ហើយកំពុងស្ថិតក្រោមការព្យាបាលនៅក្នុងខេត្តកំពង់ចាម៕

កម្ពុជារកឃើញមនុស្ស៤៨៨នាក់ទៀតឆ្លងកូវីដ-១៩ ខណៈព្យាបាលជាសះស្បើយ៦៤០នាក់ទៀត

ភ្នំពេញ៖ ក្រសួងសុខាភិបាលបានប្រកាសពីការរកឃើញមនុស្សដល់ទៅ ៤៨៨នាក់ទៀត បានឆ្លងមេរោគកូវីដ-១៩ ខណៈអ្នកជំងឺ ៦៤០នាក់ទៀត បានជាសះស្បើយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបានឱ្យដឹងថា អ្នកជំងឺកូវីដ-១៩ចំនួន ២នាក់ទៀតបានស្លាប់ដោយសារជំងឺនេះ ដែលនាំឱ្យតួលេខអ្នកស្លាប់សរុបឡើងដល់ ១៦៧នាក់ហើយនៅក្នុងរយៈពេល ៧០ថ្ងៃចុងក្រោយ។ក្រសួងបានឱ្យដឹងទៀតថា ករណីឆ្លងសរុបនៅទូទាំងប្រទេសបានកើនឡើងដល់ ២៤ ៦៤៥នាក់ហើយគិតត្រឹមថ្ងៃនេះ ក្នុងនោះរាប់បញ្ចូលទាំងករណីឆ្លងថ្មី ៤៨៨នាក់ទៀត ដែលក្រសួងប្រកាសនៅព្រឹកនេះ។សម្រាប់ករណីឆ្លងថ្មីដែលត្រូវបានប្រកាសនៅថ្ងៃនេះ ក្រសួងសុខាភិបាលបញ្ជាក់ថា មនុស្សដល់ទៅ ៤៧៣នាក់ បានឆ្លងមេរោគកូវីដ-១៩ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយករណីឆ្លងថ្មី ១៥នាក់ទៀត គឺជាករណីនាំចូល។ចំណែកឯតួលេខអ្នកជាសះស្បើយវិញ ក្រសួងសុខាភិបាលបញ្ជាក់ថា បានកើនឡើងដល់ ១៧ ១៦៤នាក់ហើយ ក្នុងនោះរាប់បញ្ចូលទាំងអ្នកជាសះស្បើយថ្មី ៦៤០នាក់ ដែលក្រសួងប្រកាសនៅថ្ងៃនេះផងដែរ៕

ខេត្តកំពង់ឆ្នាំង រកឃើញវិជ្ជមានកូវីដ-១៩ លើកម្មករកម្មការិនី៧៥នាក់ ក្រោយតេស្តសំណាក៤០៨នាក់

កំពង់ឆ្នាំង៖ កម្មករកម្មការិនីចំនួន៧៥នាក់ នៅរោងចក្រចំនួន២ក្នុងខេត្តកំពង់ឆ្នាំង បានរកឃើញមានវិជ្ជមានកូវីដ១៩ ក្រោយពីក្រុមការងារឆ្លើយតបបន្ទាន់នៃមន្ទីរសុខាភិបាលខេត្តកំពង់ឆ្នាំង បានតេស្តសំណាកពួកគេតាមឧបករណ៍តេស្តរហ័ស ទៅលើកម្មករកម្មការនីចំនួន៤០៨នាក់ កាលពីថ្ងៃទី២១ ខែឧសភា ម្សិលមិញនេះ ។ នេះបើយោងតាមការបញ្ជាក់ពីមន្ទីរសុខាភិបាលខេត្តកំពង់ឆ្នាំង នាព្រឹកថ្ងៃទី២២ ខែឧសភា ឆ្នាំ២០២១។លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាល បានបញ្ជាក់ថា ក្រោយពីរកឃើញកម្មករកម្មការនីនៅរោងចក្រ ហឺរ៉ាយហ្សិនអៅដរ ខេមបូឌា ដែលមានទីតាំងស្ថិតនៅភូមិផ្សារត្រាច ឃុំលង្វែក ស្រុកកំពង់ត្រឡាច មានវិជ្ជមានកូវីដ១៩ចំនួន២៣នាក់ កាលពីថ្ងៃទី១៧ ខែឧសភារួចមក ក្រុមការងារក៏បានបន្តយកសំណាកទៅលើកម្មករកម្មការិនី ដែលពាក់ព័ន្ធនៅក្នុងរោងចក្រ ហឺរ៉ាយហ្សិនអៅដរ ខេមបូឌា ចំនួន២៥៩នាក់ និងរោងចក្រ តឹកហ្វុក ស្ថិតក្នុងស្រុកកំពង់ត្រឡាចដូចគ្នាចំនួន១៣៥នាក់ ទាំង២រោងចក្រអ្នកយកសំណាកសរុបចំនួន៤០៨នាក់ទៀត។ ក្នុងនោះចំណោមកម្មករកម្មការិនីទាំង៤០៨នាក់ ក្រុមការងារបានរកឃើញអ្នកវិជ្ជមានកូវីដ១៩ចំនួន៧៥ ដោយ៧៣នាក់រកឃើញនៅក្នុងរោងចក្រ ហឺរ៉ាយហ្សិនអៅដរ ខេមបូឌា និង២នាក់ទៀតរកឃើញនៅក្នុងរោងចក្រ តឹកហ្វុក។លោកបានបន្តថា ៖ ក្រោយពីរកឃើញថា មានកម្មករកម្មការិនីជាច្រើនបានឆ្លងក្នុងរោងចក្រហើយនោះ នៅថ្ងៃទី២២ ខែឧសភា ឆ្នាំ២០២១នេះ គណៈបញ្ជាការរដ្ឋបាលខេត្តកំពង់ឆ្នាំង បានសំរេចបិទខ្ទប់រោងចក្រ ហឺរ៉ាយហ្សិនអៅដរ ខេមបូឌា ដែលមានកម្មករកម្មការិនីធ្វើការចំនួន៨៥០០នាក់ ជាបណ្តោះអាសន្នរយៈពេល១៤ថ្ងៃ សិន ចាប់ពីថ្ងៃទី២២ ខែឧសភានេះតទៅ។ ចំពោះកម្មករកម្មការិនីដែលបានឈប់សំរាក ក្រុមការងារប្រយុទ្ធប្រឆាំងនឹងជម្ងឺឆ្លងកូវីដ១៩ខេត្ត រួមនឹងអាជ្ញាធរមានសមត្ថកិច្ចបានណែនាំអោយពួកគាត់រស់នៅដាក់ខ្លួនអោយនៅដាច់ដោយឡែកពីបងប្អូនក្រុមគ្រួសារ និងតាមដានសុខភាពខ្លួនឯងរយៈពេល១៤ថ្ងៃ ក្នុងនោះអាជ្ញាធរមូលដ្ឋានត្រូវមានភារកិច្ចតាមដានពួកគាត់ក្នុងពេលធ្វើចត្តាឡីស័កនេះ។ ដោយឡែករោងចក្រ តឹកហ្វុក ដែលបានរកឃើញវិជ្ជមានលើកម្មការិនីចំនួន២នាក់នោះ ក្រុមការងារកំពុងតាមដានស្រាវជ្រាវរកអ្នកពាក់ព័ន្ធបន្ត ដើម្បីយកសំណាក និងដាក់ខ្លួនអោយនៅដាច់ដោយឡែក។លោកវេជ្ជបណ្ឌិត ប្រាក់ វ៉ុន បញ្ជាក់បន្ថែមថា ការឆ្លងរាលដាលចូលក្នុងរោងចក្រលឿនបែបនេះ គឺមកពីពួកគាត់ធ្វើការនៅក្បែរគ្នា ក្នុងអគារតែ១ ជាពិសេសគឺការធ្វើដំណើរទៅមករួមគ្នាក្នុងរថយន្តតែ១តែកម្មករកម្មការិនីដែលជិះក្នុងរថយន្តមានច្រើនរោងចក្រ និងការប្រជ្រៀតគ្នាមិនពាក់ម៉ាស់ជាដើម។ លោកវេជ្ជបណ្ឌិត បានអំពាវនាវ សុំអោយកម្មករកម្មការិនីទាំងអស់ដែលកំពុងធ្វើការនៅ តាមរោងចក្រក្នុងខេត្តកំពង់ឆ្នាំង ដែលធ្វើដំណើររួមគ្នាតាមរថយន្ត ត្រូវបន្តពាក់ម៉ាស់ជាប្រចាំ និងលាងសំអាតដៃញឹកញាប់ និងអនុវត្តអោយបានម៉ឺងម៉ាត់ ដើម្បីកាត់ផ្តាច់ការឆ្លងរាលដាលនៃជម្ងឺ១៩ក្នុងសហគមន៍។មកដល់ថ្ងៃទី២២ ខែឧសភា ឆ្នាំ២០២១នេះ អ្នកឆ្លងកូវីដ១៩ពាក់ព័ន្ធនឹងព្រឹត្តិការសហគមន៍២០កុម្ភៈនៅក្នុខេត្តកំពង់ឆ្នាំង បានកើនដល់១៤១នាក់ ក្នុងនោះមានស្លាប់២នាក់ ជាសះស្បើយ២៩នាក់ និងកំពុងសំរាកព្យាបាលនៅក្នុងមន្ទីពេទ្យបង្អែកខេត្ត និងស្រុកកំពង់ត្រឡាចចំនួន១១០នាក់ទៀត៕ ហុង វាស្នា

ឃាត់ខ្លួនមនុស្ស១១នាក់ ពាក់ព័ន្ធនឹងករណីគ្រឿងញៀននៅក្រុងសែនមនោរម្យ

មណ្ឌលគិរី៖ កម្លាំងជំនាញការិយាលយ័ប្រឆាំងគ្រឿងញៀន សហការជាមួយកម្លាំងនៃអធិការដ្ឋាននគរបាលក្រុងសែនមនោរម្យ ដឹកនាំដោយលោកឧត្តមសេនីយ៍ត្រី ស៊ុម សោភ័ណ្ឌ ស្នងការរងទទួលបន្ទុកផែនប្រឆាំងគ្រឿងញៀន សម្របសម្រួល និងចុះផ្ទាល់ដោយលោក មាស វឌ្ឍនា ព្រះរាជអាជ្ញារងអមសាលាដំបូងខេត្តមណ្ឌលគិរី បានបង្ក្រាបករណីជួញដូរគ្រឿងញៀនមួយកន្លែងនៅភូមិចំការតែ សង្កាត់ស្ពានមានជ័យ ក្នុងក្រុងសែនមនោរម្យ និងបានឃាត់ខ្លួនជនសង្ស័យប្រុស-ស្រីចំនួន១១នាក់ នៅថ្ងៃទី២១ ឧសភា ម្សិលមិញនេះ។យោងតាមរបាយការណ៍របស់មន្ត្រីជំនាញ បានបង្ហាញថា នេះជាករណីជួញដូរ ចែក ចាយ រក្សាទុក និងប្រើប្រាស់ដោយខុសច្បាប់នូវសារធាតុញៀន ឃាត់ខ្លួនជនសង្ស័យសរុបទាំងអស់ចំនួន១១នាក់ស្រី០២នាក់ ក្នុងនោះបង្ក្រាបនៅផ្ទះឈ្មោះ ហែម ម៉េង ភេទប្រុស ឃាត់ខ្លួនជនសង្ស័យបាន០៥នាក់ បន្ទាប់មកមន្ត្រីជំនាញបានបន្តចុះទៅបង្ក្រាបមួយទីតាំងទៀតឃាត់ខ្លួនជនសង្ស័យ០៦នាក់ នៅផ្ទះរបស់ឈ្មោះ ម៉ូត ស្រីម៉ៅ ភេទស្រី និងឈ្មោះ កែវ សុវណ្ណរ៉ា ហៅខ្លូត ភេទប្រុស ។ក្នុងប្រតិបត្តិការនេះដែរ សមត្ថកិច្ចបានរកឃើញនិងដកហូតនូវវត្ថុតាងមួយចំនួនដូចជា សារធាតុ មានសណ្ឋានជាក្រាមពណ៌សថ្លា សង្ស័យថា ជាសារធាតុញៀនចំនួនសរុប(១៦កញ្ចប់) ០៣ កញ្ចប់ធំល្មមនិង១៣កញ្ចប់តូច ទម្ងន់ ១២,៩០ក្រាម ថ្លឹងទាំសំបក ម៉ូតូ០៩គ្រឿង ទូរសព្ទ០៩គ្រឿង និងសម្ភារៈប្រើប្រាស់ជាមួយគ្រឿងញៀនមួយចំនួនទៀត ។ ករណីនេះកម្លាំងការិយាល័យប្រឆាំងគ្រឿងញៀន និងអធិការដ្ឋាននគរបាលក្រុង កំពុងកសាងសំណុំរឿងនិងចាត់ការតាមនីតិវិធីច្បាប់ ៕អ៊ិត ភីរុណ

រយៈពេល២ថ្ងៃខេត្តតាកែវរកឃើញអាជីវករផ្សារសំរោងយ៉ោង ចំនួន៦៩នាក់ឆ្លងមេរោគកូវីដ១៩

តាកែវ៖ ក្នុងរយៈពេល២ថ្ងៃ កន្លងមកនេះ មន្ត្រីជំនាញសុខាភិបាលខេត្តតាកែវ បានធ្វើតេស្តរកមេរោគកូវីដ១៩ ពីបងប្អូនអាជីវករជាង៤០០នាក់ នៅផ្សារសំរោងយ៉ោង ក្នុងស្រុកបាទី ដោយលទ្ធផលបានបង្ហាញថាមានអ្នកផ្ទុកជំងឺកូវីដ-១៩ចំនួន៦៩នាក់។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានឲ្យដឹងថា អ្នកជំងឺកូវីដ១៩ទាំង៦៩នាក់ ជាអាជីវករផ្សារសំរោងយ៉ោង ត្រូវបានដាក់អោយព្យាបាលនៅក្នុងមន្ទីរពេទ្យបង្អែកស្រុកបាទី មួយចំនួននិងមួយចំនួនទៀតត្រូវបានបញ្ជូនបន្តមកធ្វើការព្យាបាលនៅមន្ទីរពេទ្យបង្អែកខេត្តតាកែវ ហើយមន្ត្រីជំនាញក៏កំពុងតែបន្តធ្វើតេស្តរកមេរោគកូវីដ-១៩ ទៅលើបងប្អូនអាជីវករ និងពាក់ព័ន្ធមួយចំនួនទៀត។លោកប្រធានមន្ទីរសុខាភិបាលខេត្តតាកែវ ក៏បានលើកឡើងថា មន្ត្រីសុខាភិបាលរួមនឹងអាជ្ញាធរពាក់ព័ន្ធបានធ្វើការណែនាំឱ្យបងប្អូនអាជីវករទាំងអស់ ដែលបានធ្វើតេស្តលើកទី១ លទ្ធផលអវិជ្ជមានកូវីដ១៩ ត្រូវធ្វើចត្តាឡីស័ក ឲ្យបានត្រឹមត្រូវ តាមការណែនាំ របស់ក្រសួងសុខាភិបាល និងត្រូវជៀសវាងដាច់ខាតរាល់ការជួបជុំឬ ការប្រមូលផ្ដុំមនុស្សលើកលែងតែក្នុងករណីចាំបាច់មួយចំនួនតែប៉ុណ្ណោះ ដើម្បីធ្វើយ៉ាងណាទប់ស្កាត់កុំឲ្យជំងឺនេះ ឆ្លងរីករាលដាលទៅតំបន់ផ្សេងទៀត។គួរបញ្ជាក់ថា រដ្ឋបាលខេត្តតាកែវ កាលពីព្រឹកថ្ងៃព្រហស្បតិ៍ទី ២០ ខែឧសភាឆ្នាំ ២០២១នេះ បានចេញសេចក្ដីសម្រេចមួយ ដោយបានធ្វើការផ្អាកជាបណ្ដោះអាសន្ន នៅដំណើរការអាជីវកម្មលក់ដូរ នៅក្នុងផ្សារសំរោងយ៉ោង ដែលមានទីតាំងស្ថិតនៅក្នុងភូមិស្មៅខ្ចី ឃុំត្រពាំងសាប ស្រុកបាទី ខេត្តតាកែវ បន្ទាប់ពីផ្សារនេះ មានអ្នកជំងឺ covid 19 បានប៉ះពាល់ដោយផ្ទាល់ និងដោយប្រយោជន៍ជាច្រើននាក់៕ដោយ ៖ គុជ វិភាគ

ពលករមកពីថៃ តាមច្រកព្រំដែនខេត្តឧត្ដរមានជ័យ ត្រូវបានរកឃើញមានផ្ទុកកូវីដ-១៩ ជាបន្តបន្ទាប់

ឧត្ដរមានជ័យ ៖ ប្រធានមន្ទីរសុខាភិបាលខេត្តឧត្ដរមានជ័យ បានឱ្យដឹងថា មានការរកឃើញវិជ្ជមានកូវីដ-១៩ជាបន្តបន្ទាប់ ក្នុងចំណោមពលករ ដែលបានវិលត្រឡប់មកពីប្រទេសថៃ មួយរយៈចុងក្រោយនេះ ដែលនេះជាក្ដី បារម្ភមួយ ដែលតម្រូវឱ្យអាជ្ញាធរ ត្រូវតែមានការប្រុងប្រយ័ត្នត្រួតពិនិត្យឱ្យបានហ្មត់ចត់។លោកវេជ្ជបណ្ឌិត ឃ្លោក ហួត ប្រធានមន្ទីរសុខាភិបាលខេត្តឧត្តរមានជ័យ បានឱ្យដឹងថា បច្ចុប្បន្ននេះ មានកំណើនពលករខ្មែរឆ្លងដែនមកពីថៃវិញ ដែលកាលពីម្សិលមិញ ពលករជាង១០០នាក់ បានឆ្លង កាត់ព្រំដែនខេត្តនេះ ហើយក្នុងចំនួននេះ គឺរកឃើញវិជ្ជមានកូវីដ-១៩ ចំនួន១១នាក់។លោកវេជ្ជបណ្ឌិត បានបន្តថា ការរកឃើញវិជ្ជមានកូវីដ-១៩ ជាបន្តបន្ទាប់ ក្នុងចំណោមពលករខ្មែរ ដែលវិលមកពីថៃ បង្កជាក្តីបារម្ភមួយ ដែលទាមទារឱ្យគ្រប់ស្ថាប័នពាក់ព័ន្ធរិតបន្តឹងបន្ថែមទៀត លើការត្រួត ពិនិត្យឲ្យបានហ្មត់ចត់ និងដាក់ពួកគេឱ្យធ្វើចត្តាឡីស័ក ឱ្យបានត្រឹមត្រូវតាមការកំណត់។មួយរយៈពេលមុន ច្រកទ្វារព្រំដែនក្នុងខេត្តឧត្តរមានជ័យ ក៏មានរំហូរចូលនៃពលករខ្មែរមកពីថៃ ច្រើនគួរសមដែរ តែភាគច្រើនគឺពុំមានអ្នកផ្ទុកជំងឺកូវីដ-១៩នោះទេ៕អត្ថបទ ៖ ឃិន សារិទ្ធ

កម្ពុជារកឃើញមនុស្ស៤៦០នាក់ទៀតឆ្លងកូវីដ-១៩ ខណៈអ្នកជំងឺ ៨២៤នាក់ទៀតជាសះស្បើយ

ភ្នំពេញ៖ ក្រសួងសុខាភិបាលបានប្រកាសពីការរកឃើញមនុស្សដល់ទៅ ៤៦០នាក់ទៀត បានឆ្លងមេរោគកូវីដ-១៩ ខណៈអ្នកជំងឺ ៨២៤នាក់ទៀត ក៏ត្រូវបានព្យាបាលជាសះស្បើយផងដែរ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាល បានបញ្ជាក់ថា ករណីឆ្លងថ្មីដល់ទៅ ៤៥៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយករណីឆ្លង ១៥នាក់ទៀត គឺជាករណីនាំចូល។បើតាមក្រសួងសុខាភិបាល កម្ពុជាបានរកឃើញមនុស្សដល់ទៅ ២៤ ១៥៧នាក់ហើយបានឆ្លងមេរោគកូវីដ-១៩នៅទូទាំងប្រទេសគិតចាប់តាំងចុងខែមករា ឆ្នាំ២០២០មក។ក្រសួងសុខាភិបាល បានឱ្យដឹងផងដែរថា មនុស្ស ១នាក់ទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ១៦៥នាក់ហើយនៅក្នុងរយៈពេល ៦៩ថ្ងៃចុងក្រោយមកនេះ។ក្រសួងសុខាភិបាលក៏បានឱ្យដឹងទៀតថា អ្នកជំងឺកូវីដ-១៩សរុប ១៦ ៥២៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ៨២៤នាក់ដែលក្រសួងប្រកាសនៅថ្ងៃនេះផងដែរ៕

បណ្ដាញសង្គម

ព័ត៌មានថ្មីៗ

អារ៉ាប់រួមបដិសេធដែលថាលោក Netanyahu បានទៅទស្សនកិច្ចដោយសម្ងាត់អំឡុងសង្គ្រាមអាមេរិក-អ៊ីស្រាអែលខណៈអ៊ីរ៉ង់ព្រមាន

លោក Trump និងលោក Xi ត្រៀមពិភាក្សានៅទីក្រុងប៉េកាំង ស្ដីពីពាណិជ្ជកម្ម ខណៈសង្គ្រាមអ៊ីរ៉ង់ស្ថិតក្នុងរបៀបវារៈ

សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សានិងមន្ត្រីនៃមន្ទីរ-អង្គភាពនានាជុំវិញខេត្តស្វាយរៀង

កម្ពុជា បដិសេធ និងចាត់ទុកជាការមួលបង្កាច់ចំពោះការផ្សាយរបស់សារព័ត៌មានថៃចោទប្រកាន់កម្ពុជាថា បានបាញ់ចំនួន ១១គ្រាប់ នៅទីតាំងច្រកអន្តរជាតិអូស្មាច់

[UPDATE] លោក Trump ធ្វើដំណើរទៅដល់ទីក្រុងប៉េកំាង សម្រាប់ជំនួបកំពូលជាមួយប្រធានធិបតីចិន

ស្រ្តីជាម្តាយប៉ាឡេស្ទីនសោកសៅចំពោះការរំឭកដល់ការចងចាំដ៏ជូរចត់នៃសង្រ្គាមនៅតំបន់ហ្កាហ្សា

អង្គការណាតូអញ្ជើញកាតា អារ៉ាប់រួម បារ៉ែន និងគូវ៉ែត ចូលរួមកិច្ចប្រជុំកំពូល Ankara

វិមានក្រឹមឡាំង៖ រុស្ស៊ីអាចធ្វើអាជីវកម្មជាមួយអាមេរិក បើឈប់យកបញ្ហាពាណិជ្ជកម្មទៅពាក់ព័ន្ធអ៊ុយក្រែន

មនុស្សជាង ១.៧០០នាក់ត្រូវឃុំខ្លួនលើនាវាទេសចរណ៍នៅបារាំង ក្រោយសង្ស័យមានអ្នកស្លាប់ដោយវីរុសណូរ៉ូ

ទាហាន និងផ្សែងហុយត្រូវបានមើលឃើញនៅតាមបណ្តោយព្រំដែនអ៊ីស្រាអែល-លីបង់ ខណៈការប្រយុទ្ធគ្នានៅតែបន្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ខេត្តកំពង់ឆ្នាំង រកឃើញមនុស្ស៨៦នាក់ទៀតឆ្លងកូវីដ-១៩ សុទ្ធតែបុគ្គលិក និងកម្មកររោងចក្រនៅស្រុកកំពង់ត្រឡាច

ខេត្តតាកែវរកឃើញមនុស្ស៤១នាក់ទៀតឆ្លងកូវីដ-១៩ ភាគច្រើនជាអាជីវករផ្សារសំរោងយ៉ោង

ខេត្តកំពង់ចាមរកឃើញមនុស្ស៨៤នាក់ទៀតឆ្លងកូវីដ-១៩ ភាគច្រើនជាស្ត្រី ក្រោយពាក់ព័ន្ធនឹងកម្មការិនីឆ្លងកូវីដ-១៩

កម្ពុជារកឃើញមនុស្ស៤៨៨នាក់ទៀតឆ្លងកូវីដ-១៩ ខណៈព្យាបាលជាសះស្បើយ៦៤០នាក់ទៀត

ខេត្តកំពង់ឆ្នាំង រកឃើញវិជ្ជមានកូវីដ-១៩ លើកម្មករកម្មការិនី៧៥នាក់ ក្រោយតេស្តសំណាក៤០៨នាក់

ឃាត់ខ្លួនមនុស្ស១១នាក់ ពាក់ព័ន្ធនឹងករណីគ្រឿងញៀននៅក្រុងសែនមនោរម្យ

រយៈពេល២ថ្ងៃខេត្តតាកែវរកឃើញអាជីវករផ្សារសំរោងយ៉ោង ចំនួន៦៩នាក់ឆ្លងមេរោគកូវីដ១៩

ពលករមកពីថៃ តាមច្រកព្រំដែនខេត្តឧត្ដរមានជ័យ ត្រូវបានរកឃើញមានផ្ទុកកូវីដ-១៩ ជាបន្តបន្ទាប់

កម្ពុជារកឃើញមនុស្ស៤៦០នាក់ទៀតឆ្លងកូវីដ-១៩ ខណៈអ្នកជំងឺ ៨២៤នាក់ទៀតជាសះស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ខេត្ត​តាកែវ​រក​ឃើញ​មនុស្ស​៤១​នាក់​ទៀត​ឆ្លង​កូវីដ-១៩ ភាគច្រើន​ជា​អាជីវករ​ផ្សារ​សំរោងយ៉ោង

កម្ពុជា​រក​ឃើញ​មនុស្ស​៤៨៨​នាក់​ទៀត​ឆ្លង​កូវីដ-១៩ ខណៈ​ព្យាបាល​ជា​សះ​ស្បើយ​៦៤០​នាក់​ទៀត

ខេត្តកំពង់ឆ្នាំង រកឃើញវិជ្ជមានកូវីដ-១៩ លើកម្មករកម្មការិនី៧៥នាក់ ក្រោយតេស្តសំណាក៤០៨នាក់

ឃាត់ខ្លួនមនុស្ស១១នាក់ ពាក់ព័ន្ធនឹងករណីគ្រឿងញៀននៅក្រុងសែនមនោរម្យ

រយៈពេល​២​ថ្ងៃ​​ខេត្តតាកែវ​រកឃើញ​អាជីវករ​ផ្សារ​សំរោង​យ៉ោ​ង ​ចំនួន​៦៩​នាក់​ឆ្លង​មេរោគ​កូ​វីដ​១៩

ពលករ​មកពី​ថៃ ​តាម​ច្រកព្រំដែន​ខេត្តឧត្ដរមានជ័យ​ ត្រូវ​បាន​រកឃើញ​មាន​ផ្ទុក​កូ​វីដ​-១៩​ ជា​បន្តបន្ទាប់

កម្ពុជា​រក​ឃើញ​មនុស្ស​៤៦០​​នាក់​ទៀត​ឆ្លង​កូវីដ-១៩ ខណៈ​អ្នក​ជំងឺ ៨២៤​នាក់​ទៀត​ជា​សះ​ស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខេត្តតាកែវរកឃើញមនុស្ស៤១នាក់ទៀតឆ្លងកូវីដ-១៩ ភាគច្រើនជាអាជីវករផ្សារសំរោងយ៉ោង

កម្ពុជារកឃើញមនុស្ស៤៨៨នាក់ទៀតឆ្លងកូវីដ-១៩ ខណៈព្យាបាលជាសះស្បើយ៦៤០នាក់ទៀត

រយៈពេល២ថ្ងៃខេត្តតាកែវរកឃើញអាជីវករផ្សារសំរោងយ៉ោង ចំនួន៦៩នាក់ឆ្លងមេរោគកូវីដ១៩

ពលករមកពីថៃ តាមច្រកព្រំដែនខេត្តឧត្ដរមានជ័យ ត្រូវបានរកឃើញមានផ្ទុកកូវីដ-១៩ ជាបន្តបន្ទាប់

កម្ពុជារកឃើញមនុស្ស៤៦០នាក់ទៀតឆ្លងកូវីដ-១៩ ខណៈអ្នកជំងឺ ៨២៤នាក់ទៀតជាសះស្បើយ