BTV NEWS

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

សហជីពបុគ្គលិកក្រុមហ៊ុនណាហ្គាវើល រំពឹងថា នឹងមានលទ្ធភាពអន្តរាគមន៍ពីក្រសួងការងារឆាប់ៗ

ភ្នំពេញ ៖ គិតចាប់ពីមានការតវ៉ា និងស្នើសុំអន្តរាគមន៍ពីក្រសួងការងារ និងបណ្តុះបណ្តាលវិជ្ជាជីវៈជុំវិញគម្រោងបញ្ឈប់បុគ្គលិក និងកម្មករនិយោជិតរបស់ក្រុមហ៊ុន ណាហ្គាវើល មិនទាន់ទទួលបានដំណោះស្រាយណាមួយទេ បើទោះបីជាក្រសួងការងារ បានកោះជួបរួចហើយ ទាំងភាគីសហជីពតំណាងបុគ្គលិក និងភាគីក្រុមហ៊ុន។អ្នកនាង ឈុន សុខា អនុប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរ នៃក្រុមហ៊ុនណាហ្គាវើល បានប្រាប់ទូរទស្សន៍ព័ត៌មាន ប៊ីធីវី នៅព្រឹកទី១៨ មិថុនា ឆ្នាំ២០២១នេះថា ក្នុងជំនួបជាមួយក្រសួងការងារកាលពីពេលកន្លងទៅ តំណាងសហជីពគ្រាន់តែបំភ្លឺនូវអ្វីដែលមានក្នុងពាក្យបណ្តឹងប៉ុណ្ណោះ ហើយខាងភាគីក្រសួងក៏អត់មាននិយាយអ្វីដែរ ដោយគ្រាន់តែសួរ និងចង់ដឹងព័ត៌មានបន្ថែមពាក់ព័ន្ធទាំង ៥ចំណុចនៃការទាមទារពីក្រុមហ៊ុន។ទាក់ទងបញ្ហានេះ មន្ត្រីក្រសួងការងារ និងបណ្តុះបណ្តាលវិជ្ជាជីវៈ កាលពីព្រហស្បតិ៍ បានបញ្ជាក់ថា “ករណីរវាងក្រុមហ៊ុននិងសហជីព កំពុងស្ថិតក្នុងចំណាត់ការ ហើយលទ្ធផលយ៉ាងណានៅមិនទាន់ដឹងនៅឡើយទេ។ ជំនួបជាមួយភាគីទាំងពីរកន្លងមក គ្រាន់តែប្រមូលព័ត៌មានពាក់ព័ន្ធនឹងវិវាទការងារប៉ុណ្ណោះ។ អ្វីៗ មិនទាន់ដឹងថា យ៉ាងម៉េចនៅឡើយទេ”។សូមរម្លឹកថា ការស្នើសុំអន្តរាគមន៍ពីក្រសួងការងារ និងបណ្តុះបណ្តាលវិជ្ជាជីវៈរបស់កម្មករនិយោជិត និងសមាជិកសហជីពណាហ្គាវើល ធ្វើឡើងបន្ទាប់ពីក្រុមហ៊ុនបានចាប់ដំណើរការបញ្ឈប់បុគ្គលិកសរុបចំនួនជាង ១ ៣០០នាក់ ក្រោមហេតុផលដើម្បីរក្សាស្ថិរភាពអាជីវកម្មដែលរងផលប៉ះពាល់ដោយសារជំងឺកូវីដ-១៩។ ដោយឡែក ការទាមទារ ៥ចំណុចរបស់សហជីព រួមមាន ៖ ១.ទាមទារឲ្យក្រុមហ៊ុនបញ្ឈប់បន្ទាន់នូវគម្រោងកាត់បន្ថយបុគ្គលិក, ២.ទាមទារឲ្យក្រុមហ៊ុនបញ្ឈប់ការបំភិតបំភ័យបុគ្គលិកតាមរយៈកោះហៅកន្លងមក, ៣.ទាមទារឲ្យក្រុមហ៊ុនផ្តល់ប្រាក់បំណាច់ផ្តាច់កិច្ចសន្យាការងារឲ្យបានត្រឹមត្រូវស្របតាមច្បាប់, ៤.ទាមទារឲ្យក្រុមហ៊ុនបន្តផ្ដល់ឡើងវិញនូវប្រាក់បំណាច់អតីតភាពការងារ និងប្រាក់រំលឹកបំណាច់អតីតភាពការងារជូនបុគ្គលិកទាំងអស់ដែលកំពុងបំរើការងារ និង៥.ទាមទារឲ្យក្រុមហ៊ុនអនុវត្តវិធានការសុខាភិបាលនៅកន្លែងការងារឲ្យបានត្រឹមត្រូវស្របតាមការណែនាំក្រសួងសុខាភិបាល និងអង្គការសុខភាពពិភពលោក ដើម្បីរួមចំណែកទប់ស្កាត់ការឆ្លងរាលដាលជំងឺកូវីដ-១៩ នៅក្នុងក្រុមហ៊ុន៕អត្ថបទដោយ ឈិត បូរ៉ាវី

អាជ្ញាធរខណ្ឌដូនពេញ បន្តចុះរៀបចំសណ្ដាប់ធ្នាប់ក្នុងមូលដ្ឋាន និងស្ទូចយករថយន្តចតឥតសណ្តាប់ធ្នាប់

ភ្នំពេញ ៖ អាជ្ញាធរខណ្ឌដូនពេញ បានបន្តចុះរៀបចំសណ្ដាប់ធ្នាប់ ជាប្រចាំឲ្យមានរបៀបរៀបរយសន្តិសុខ សណ្ដាប់ធ្នាប់ សាធារណៈ បរិស្ថាន អនាម័យ ដើម្បីលើកសោភ័ណភាពទីក្រុង កាត់បន្ថយការកកស្ទះចរាចរណ៍ និងរក្សាចិញ្ចើមផ្លូវទុកសម្រាប់ អ្នកដំណើរថ្មើរជើង ឬ ជនពិការភាព ធ្វើដំណើរ។ជាក់ស្ដែងនៅព្រឹកថ្ងៃទី១៨ ខែមិថុនា ឆ្នាំ២០២១នេះ ដោយអនុវត្តតាមគោលការណ៍ដឹកនាំរបស់ លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានចាត់អោយកម្លាំងសណ្ដាប់ធ្នាប់ខណ្ឌចុះរៀបចំ សណ្តាប់ធ្នាប់តាមដងផ្លូវក្នុងមូលដ្ឋានខណ្ឌដូនពេញមាន មហាវិថីព្រះមុនីវង្ស មហាវិថីព្រះនរោត្តម មហាវិថីព្រះសីហនុ មហាវិថីព្រះស៊ីសុវត្ថិ មហាវិថីព្រះសុរាម្រិត ផ្លូវលេខ ១១០ ១០៦ .១០៨ .៥១ .១៣ .១៤៤ .១៤៨ បានស្ទូចរថយន្តចតឥតសណ្តាប់ធ្នាប់យកទៅរក្សាទុកនៅអធិការដ្ឋានគរបាលខណ្ឌដូនពេញចំនួន ០២គ្រឿង និងចាក់សោកង់រថយន្តទុកនៅនឹងកន្លែងចំនួន០២គ្រឿង។គួរបញ្ជាក់ផងដែរ កាលពីថ្ងៃទី០៨ ខែមិថុនា ឆ្នាំ២០២១ លោក សុខ ពេញវុធ អភិបាលខណ្ឌដូនពេញ បានចេញសេចក្ដីជូនដំណឹងមួយ លេខ 588/21 សជណ ស្តីពីការបញ្ឈប់ការដាក់តាំងលក់រថយន្តនៅលើទ្រូងផ្លូវ និងចិញ្ចើមផ្លូវសាធារណៈក្នុងមូលដ្ឋានខណ្ឌដូនពេញ។ យោងតាមសេចក្ដីជូនដំណឹង បានអោយដឹង រដ្ឋបាលខណ្ឌដូនពេញ កន្លងមកបានចុះអនុវត្តការរៀបចំសណ្តាប់ធ្នាប់ និងរបៀបរៀបរយនៅលើទ្រូងផ្លូវ និង ចិញ្ចើមផ្លូវសាធារណៈបានស្អាតជាប្រចាំ៕អត្ថបទ៖ កុម្ភះ

គ្រឿងញៀនជិត៤០គីឡូក្រាម ត្រូវបានរឹបអូសពីជនជាតិថៃ និងខ្មែរ៤នាក់ ក្នុងក្រុងប៉ោយប៉ែត

បន្ទាយមានជ័យ ៖ គ្រឿងញៀនជិត៤០គីឡូក្រាម ត្រូវបានកម្លាំងនគរបាលខេត្តបាត់ដំបង និងបន្ទាយមានជ័យ រឹបអូស បានពីក្នុងប្រតិបត្តិការបង្ក្រាបករណីជួញដូរគ្រឿងញៀន នៅក្នុងក្រុងប៉ោយប៉ែត កាលពីថ្ងៃ១៦ ខែមិថុនាកន្លងមក ។កាលពីព្រឹកថ្ងៃទី១៦ ខែមិថុនា កម្លាំងអធិការដ្ឋាននគរបាលក្រុងប៉ោយប៉ែត សហការជាមួយ កម្លាំងជំនាញខេត្តបាត់ដំបង ឃាត់ខ្លួនមនុស្សបួននាក់ ខ្មែរបីនាក់ និងជនជាតិថៃម្នាក់ ជាមួយវត្ថុ តាង សង្ស័យថា មានគ្រឿងញៀន ប្រមាណជិត៤០គីឡូក្រាម នៅក្នុងក្រុងប៉ោយប៉ែត។មន្ត្រីនគរបាលក្រុងប៉ោយប៉ែត បានឱ្យដឹងថា ការបង្ក្រាបករណីជួញដូរគ្រឿងញៀនទ្រង់ទ្រាយធំ មួយនេះ បានធ្វើឡើងនៅចំណុចផ្ទះល្វែង១កន្លែង ដែលស្ថិតក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ជាទីតាំងជនល្មើសស្នាក់នៅ និងត្រួតពិនិត្យឃើញមានវត្ថុតាង សង្ស័យគ្រឿងញៀន ដែលមានការវេចខ្ចប់ដាក់សំបកកញ្ចប់តែ ដែលមានពណ៌ទឹកមាស មានរូបសញ្ញា ផ្កាយ៥ ដើម្បីបំភាន់ភ្នែកមហាជន និងសមត្ថកិច្ច។ប្រភពពីនគរបាល បានបញ្ជាក់ថា សមត្ថកិច្ច បានឃាត់ខ្លួនជនសង្ស័យចំនួន៤នាក់ ក្នុងនោះមាន ស្រី១នាក់ជាជនជាតិថៃ។ប្រភព បានឱ្យដឹងទៀតថា នាព្រឹកថ្ងៃដដែលនេះ ក្រោមការដឹកនាំ និងបញ្ជាផ្ទាល់ពីឧត្តមសេនីយ៍ ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ អមដំណើរដោយ លោកឧត្តមសេនីយ៍ត្រី នូ ជីវ័ន្ត ស្នងការរងផែនការងារនគរបាលព្រហ្មទណ្ឌ និងលោកវរសេនីយ៍ទោ បោន សីហា អធិការស្ដីទី នគរបាល ក្រុងប៉ោយប៉ែត បានបន្តដឹកនាំកងកម្លាំងនគរបាលមន្ត្រីជំនាញ សហការជាមួយសមត្ថកិច្ច ស្រុកម៉ាឡៃ ចុះ ស្រាវជ្រាវរុករកទីតាំងមុខសញ្ញា រក្សាទុកគ្រឿងញៀន បានជាបន្តបន្ទាប់ ដែលជាបក្សពួករបស់ជនល្មើស។បច្ចុប្បន្ន ជនសង្ស័យ រួមទាំងវត្ថុតាង ត្រូវបានកម្លាំងនគរបាលជំនាញ កសាងសំណុំរឿង បញ្ជូនទៅ ថ្នាក់លើ ដើម្បីចាត់ការបន្តទៅតាមនីតិវិធីច្បាប់៕អត្ថបទ៖ បាន សុរិទ្ធ

កម្ពុជារកឃើញមនុស្ស៧៩៩នាក់ទៀតឆ្លងមេរោគកូវីដ-១៩ ខណៈអ្នកជំងឺ៩១០នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៧៩៩នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន ៩១០នាក់ទៀតទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៧០២នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ ៩៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៤នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៣៩៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៣៥ ៩៤០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤១ ៥៨១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

សមត្ថកិច្ចចាប់ខ្លួនជនជាតិឡាវ២នាក់ និងរឹបអូសគ្រឿងញៀនជិត៥គីឡូក្រាម លួចឆ្លងដែនពីឡាវមកកម្ពុជា

ព្រះវិហារ ៖ សមត្ថកិច្ចជំនាញមន្ទីរប្រឆាំងបទល្មើសគ្រឿងញៀន អគ្គស្នងការដ្ឋាននគរបាលជាតិ ក្រសួងមហាផ្ទៃ បង្ក្រាបករណីជួញដូរគ្រឿងញៀនឆ្លងដែនពីឡាវមកកម្ពុជា ចាប់ខ្លួនជនជាតិឡាវ ២នាក់ និងរឹបអូសគ្រឿងញៀនជិត៥គីឡូក្រាម នៅក្នុងទឹកដីខេត្តព្រះវិហារ ។សមត្ថកិច្ច បានឲ្យដឹងថា ក្រោមការបញ្ជាដឹកនាំផ្ទាល់របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន កាលពីវេលាម៉ោង១០ និង៣២នាទី ថ្ងៃទី១៦ មិថុនា ២០២១ កម្លាំងជំនាញ នៃមន្ទីរប្រឆាំងបទល្មើសគ្រឿងញៀន (ក១) ដឹកនាំដោយលោក ឧត្តមសេនីយ៍ទោ អ៊ិន សុង នាយករងមន្ទីរ ចូលរួមសហការជាមួយកម្លាំងជំនាញ នៃស្នងការដ្ឋាននគរបាលខេត្តព្រះវិហារ កម្លាំងនគរបាលប៉ុស្តិ៍រដ្ឋបាលកំពង់ស្រឡៅ នៃវរការពារព្រំដែនលេខ ១០៥. ដោយមានការសម្របសម្រួលពី លោក ទី សុវិនថាល់ ព្រះរាជអាជ្ញា អយ្យការអមសាលាដំបូងខេត្ត ព្រះវិហារ ស៊ើបអង្កេត ស្រាវជ្រាវ បង្ក្រាបករណីជួញដូរគ្រឿងញៀនឆ្លងដែនចូលពីឡាវមកកម្ពុជាតាមផ្លូវទឹក នៅចំណុច ភូមិកំពង់ពោធិ៍ ឃុំកំពង់ស្រឡៅ១ ស្រុកឆែម ខេត្តព្រះវិហារ ចាប់ឃាត់ខ្លួនឧក្រិដ្ឋជន ជនជាតិឡាវ ២នាក់។លោកឧត្តមសេនីយ៍ទោ អ៊ិន សុង នាយករងមន្ទីរប្រឆាំងគ្រឿងញៀន បានឲ្យដឹងដែរថា ជនសង្ស័យ ទាំង ២នាក់ ទី ១-ឈ្មោះ MOUAN VORLABOUD ភេទប្រុស អាយុ ៣៧ឆ្នាំ ជនជាតិ ឡាវ។ និងទី ២-ឈ្មោះ កែវ ថា ភេទប្រុស អាយុ ៣៧ឆ្នាំ ជនជាតិ ឡាវ។ វត្ថុតាងចាប់យក សារធាតុញៀន ប្រភេទ មេតំហ្វេតាមីន (ICE) ចំនួន ៥កញ្ចប់ធំ ស្មើទម្ងន់ ៤ គីឡូ និង ៩៨៨.៨៤ក្រាម ព្រមទាំងមធ្យោបាយដឹកជញ្ជួនរថយន្ត១គ្រឿង។ជនសង្ស័យទាំង ២នាក់ រួមទាំងវត្ថុតាង ត្រូវបាននាំទៅស្នងការដ្ឋាននគរបាលខេត្តព្រះវិហារ ដើម្បីកសាងសំណុំរឿងបញ្ជូនទៅសាលាដំបូងខេត្តព្រះវិហារ ក្នុងការផ្តន្ទាទោសតាមនីតិវិធី ៕អត្ថបទ ៖ តារាវុទ្ធី

កម្ពុជារកឃើញមនុស្ស៦២៥នាក់ទៀតឆ្លងមេរោគកូវីដ-១៩ ខណៈអ្នកជំងឺ៧០៥នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦២៥នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន ៧០៥នាក់ទៀតទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៥៩១នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ ៣៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១២នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៣៨០នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៣៥ ០៣០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤០ ៧៨២ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បុរសម្នាក់បើកបរខ្វះការប្រុងប្រយ័ត្ន ជ្រុលបុកបង្កាន់ដៃស្ពានជ្រោយចង្វាររងកាខូចខាត

ភ្នំពេញ ៖ បុរសម្នាក់បើករថយន្តខ្វះការប្រុងប្រយ័ត្នជ្រុលចង្កូតបុកបង្កាន់ដៃស្ពានមិត្តភាពកម្ពុជា-ចិនជ្រោយចង្វារបណ្ដាលឱ្យរងការខូចខាតរថយន្តផ្នែកខាងមុខ និងបង្កាន់ដៃស្ពាន តែមិនបង្កឲ្យមានមនុស្សរងរបួសឡើយ។ ហេតុការណ៍នេះ កើតឡើងនៅវេលាម៉ោង ០២និង៣០ នាទីរសៀលថ្ងៃទី១៦ ខែមិថុនា ឆ្នាំ២០២១ ស្ថិតនៅរង្វង់មូលព្រហ្មមុខបួន ក្នុងសង្កាត់ជ្រោយចង្វារខណ្ឌជ្រោយចង្វារ រាជធានីភ្នំពេញ។ ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេឃើញបុរសម្នាក់បើករថយន្តម៉ាក់ ម៉ាសស្ដារ ពណ៌ស ពាក់ស្លាកលេខភ្នំពេញ 2BH -4287 តាមបណ្តោយផ្លូវជាតិលេខ ៦A ក្នុងទិសដៅពីព្រែកលាប ខណ្ឌជ្រោយចង្វារ ចូលមករាជធានីភ្នំពេញ លុះមកដល់ចំណុចកើតហេតុចំណុចរង្វង់មូលព្រហ្មមុខបួន បានជ្រុលបុកជាមួយនឹងបង្កាន់ដៃស្ពានមិត្តភាពកម្ពុជា-ចិន រងការខូចខាតរថយន្តផ្នែកខាងមុខទៅមុខលែងរួច។បច្ចុប្បន្នកម្លាំងសមត្ថកិច្ច បានឃាត់ខ្លួនម្ចាស់រថយន្ត រួមទាំងស្ទួចរថយន្តទៅរក្សាទុកនៅការិយាល័យចរាចរណ៍ជើងគោក នៃស្នងការនគរបាលរាជធានីភ្នំពេញ ដើម្បីដោះស្រាយគ្នានៅពេលក្រោយ៕អត្ថបទ ៖ កុម្ភះ

ផ្ទុះការឆ្លងជំងឺកូវីដ-១៩ ក្នុងផ្សារណាត់ខេត្តបាត់ដំបង អាជ្ញាធរបិទផ្នែកខ្លះនៃផ្សារ

បាត់ដំបង ៖ អាជ្ញាធរខេត្តបាត់ដំបង បានដាក់វិធានការជាបន្ទាន់ ដោយបានបិទផ្នែកខ្លះ នៃផ្សារធំបាត់ដំបង ឬផ្សារណាត់ ខណៈបានរកឃើញស្ត្រីម្នាក់ជាជាងកាត់ដេរ នៅក្នុងផ្សារមួយនេះ បានឆ្លងជំងឺកូវីដ-១៩ ប៉ុន្តែមិនទាន់ដឹងប្រភពឆ្លង ហើយបច្ចុប្បន្នមន្ត្រីសុខាភិបាល កំពុងយកសំណាកចំពោះអ្នកប៉ះពាល់ និងបន្តស្វែងរកអ្នកពាក់ព័ន្ធ ។លោក ផេង សិទ្ធី អភិបាលក្រុងបាត់ដំបង បានលើកឡើងថា បន្ទាប់ពីមិនទាន់ពីប្រភពឆ្លងនៅឡើយនោះ អាជ្ញាធរ និងមន្ត្រីសុខាភិបាលកំពុងបន្តសួរព័ត៌មានបន្ថែមពីរូបគាត់ រួមទាំងតម្រូវឲ្យអ្នកប៉ះពាល់ដោយផ្ទាល់ និងដោយប្រយោលជាមួយគាត់ធ្វើសំណាក និងធ្វើចត្តាឡីស័ក ដើម្បីកុំឲ្យមានការឆ្លងរីករាលដាលកាន់តែខ្លាំង នៃជំងឺកូវីដ-១៩ ។លោក បានបន្តថា ចំពោះអ្នកពាក់ព័ន្ធនឹងស្ត្រីជាអាជីវករផ្សារណាត់នេះ មិនទាន់រកឃើញអ្នកណាម្នាក់ មានវិជ្ជមានកូវីដ-១៩នៅឡើយទេ គិតត្រឹមព្រឹកថ្ងៃទី១៦ ខែមិថុនា នេះ បន្ទាប់ពីមន្ត្រីសុខាភិបាលយកសំណាកជាលើកទី១ ។លោក ផេង សិទ្ធី បានបញ្ជាក់ថា ស្ត្រីឆ្លងជំងឺកូវីដ-១៩នោះ ឈ្មោះ ម៉ូត សារីយ៉ា រស់ភូមិស្លាកែត សង្កាត់ស្លាកែត ក្រុងបាត់ដំបង បន្ទាប់ពីរកឃើញ កំពុងសម្រាកព្យាបាលនៅក្នុងមន្ទីរពេទ្យ ហើយក៏បិទខ្ទប់ខ្នងផ្ទះមួយចំនួន ដែលពាក់ព័ន្ធស្ត្រីរូបនេះផងដែរ ។ក្នុងឱកាសចុះពិនិត្យទីតាំងបិទខ្ទប់ផ្នែកខ្លះ នៃផ្សារណាត់ នៅព្រឹកថ្ងៃទី១៦ ខែមិថុនា នេះ ឯកឧត្តម ងួន រតនៈ អភិបាលខេត្តបាត់ដំបង បានជំរុញរដ្ឋបាលក្រុងបាត់ដំបង ត្រូវធ្វើការរឹតបន្ដឹងតំបន់បិទខ្ទប់ មិនត្រូវឲ្យមានការលក់ដូរជាដាច់ខាត និងត្រូវខិតខំពង្រួមហានិភ័យ នៃការឆ្លងជំងឺកូវីដ-១៩ ឱ្យកាន់តែតូច រហូតដល់អាចគ្រប់គ្រងបានទាំងស្រុង ។ចាប់ពីមានការផ្ទុះឆ្លងជំងឺកូវីដ-១៩ ក្នុងប្រទេសកម្ពុជា សម្រាប់ខេត្តបាត់ដំបង មានអ្នកវិជ្ជមានកូវីដ-១៩ សរុបចំនួន៥៤៩នាក់ ត្រូវបានព្យាបាលជាសះស្បើយចំនួន២៥២នាក់ ស្លាប់៣នាក់ និងកំពុងសម្រាកព្យាបាល ២៩៤នាក់ ។ ចំពោះអ្នកវិជ្ជមានកូវីដ-១៩ ទាំង៥៤៩នាក់នេះ មានចំនួន៧នាក់ បានរកឃើញកាលពីថ្ងៃទី១៥ ខែមិថុនា ឆ្នាំ២០២១ និងមានអ្នកជាសះស្បើយចំនួន២០នាក់៕អត្ថបទ៖ បាន សុខរិទ្ធ

កម្ពុជារកឃើញមនុស្ស៦៩៣នាក់ទៀតឆ្លងមេរោគកូវីដ-១៩ ខណៈអ្នកជំងឺ៧៥៤នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦៩៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន ៧៥៤នាក់ទៀតទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៦៦០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ ៣៣នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៧នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៣៦៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៣៤ ៣២៥នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤០ ១៥៧ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ពលរដ្ឋដែលធ្លាប់បាត់បង់យានយន្ត សូមទៅពិនិត្យស្លាកលេខនៅអធិការដ្ឋាននគរបាលខណ្ឌដង្កោ

ភ្នំពេញ ៖ នគរបាលផ្នែកព្រហ្មទណ្ឌ នៃអធិការដ្ឋាននគរបាលខណ្ឌដង្កោ សូមធ្វើការអំពាវនាវ បងប្អូនប្រជាពលរដ្ឋ ដែលធ្លាប់បាត់បង់យានយន្ត សូមទៅពិនិត្យស្លាកលេខនៅអធិការដ្ឋាននគរបាលខណ្ឌដង្កោ ។លោក នៅ ទិត្យ នាយផ្នែកនគរបាលព្រហ្មទណ្ឌ នៃអធិការដ្ឋាននគរបាលខណ្ឌដង្កោ បានប្រាប់ឲ្យដឹងនៅថ្ងៃទី១៥ខែមិថុនានេះថា ជនសង្ស័យ ២នាក់ ទី១ . ឈ្មោះ អាន ផ្លូច ភេទប្រុស អាយុ៣៣ឆ្នាំ មុខរបរ មិនពិតប្រាកដ ស្នាក់នៅផ្ទះជួល ភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ ។ ទី២ . ឈ្មោះ ស៊ិន សុខភាព ភេទប្រុស អាយុ៣០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួលភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ (មានសារធាតុញៀន) ។ រួមទាំង វត្ថុតាងចាប់យក ៖ ដែកជ្រុងចុងសំប៉ែតស្រួចសម្រាប់កាច់សោកម៉ូតូ ចំនួន ០២, សោខ្សៀលេខ៨ ចំនួន ០២, ប័ណ្ណសម្គាល់យានយន្ត ចំនួន ០៣សន្លឹក (ឈ្មោះ ជុំ រតនា ចំនួន ០១សន្លឹក, ឈ្មោះ វី សីលាចំនួន ០១សន្លឹក, ឈ្មោះ ឯម បុល ចំនួន ០១សន្លឹក) , ផ្លាកលេខម៉ូតូ ចំនួន ០៣ (លេខ ភ្នំពេញ 1HT-0027 ចំនួន ០១, លេខ ភ្នំពេញ 1GD-2078 ចំនួន ០១, លេខ ភ្នំពេញ 1IO-1256 ចំនួន០១), វិទ្យុទាក់ ចំនួន ០១គ្រឿង, ម៉ូតូ ០១គ្រឿង ម៉ាកហុងដា សេ១២៥ ពណ៌ខ្មៅ សេរីឆ្នាំ២០១៩ ពាក់ស្លាកលេខ ភ្នំពេញ 1HL-0625 , សម្ភារៈប្រើប្រាស់គ្រឿងញៀន និងសោដោះម៉ូតូមួយចំនួន ត្រូវបាននគរបាល នៃអធិការដ្ឋាននគរបាលខណ្ឌដង្កោ បង្ក្រាបជាក់ស្តែង ករណីប៉ុនប៉ងលួច (ប្រើដែកជ្រុងចុងសំប៉ែតស្រួចកាច់សោកម៉ូតូ) កាលពីថ្ងៃទី១៤ ខែមិថុនា ឆ្នាំ២០២១ វេលាម៉ោង១៦ និង៤០នាទី ត្រង់ចំណុចខាងមុខក្រុមហ៊ុន ក្រឡុង ស៊ីម៉ង់ត៍ ផ្លូវ ៥០ម៉ែត្រ ភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ ។សមត្ថកិច្ច ប្រាប់បន្តថា កាលពីថ្ងៃទី១៤ ខែមិថុនា ឆ្នាំ២០២១ វេលាម៉ោង១៦ និង៤០នាទី កម្លាំងសមត្ថកិច្ចនគរបាលខណ្ឌដង្កោ បានជិះម៉ូតូល្បាតក្នុងភូមិសាស្ត្រខណ្ឌដង្កោ ដល់ចំណុចផ្លូវចូល ក្រុមហ៊ុន ក្រឡុងស៊ីម៉ង់ត៍ ផ្លូវបេតុង ៥០ម៉ែត្រ ស្ថិតនៅភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ ក៏បានឃើញជនសង្ស័យ ០២នាក់ ទី ១ . ឈ្មោះ អាន ផ្លូច ភេទប្រុស អាយុ៣៣ឆ្នាំ និង ទី ២. ឈ្មោះ ស៊ិន សុខភាព ភេទប្រុស អាយុ៣០ឆ្នាំ កំពុងជិះម៉ូតូ ១គ្រឿង ម៉ាក ហុងដាសេ១២៥ ពណ៌ខ្មៅសេរីឆ្នាំ២០១៩ ពាក់ផ្លាកលេខភ្នំពេញ 1HL-0625 ដោយមានការសង្ស័យ សមត្ថកិច្ចក៏បានហៅឱ្យឈប់ធ្វើការសួរនាំ និងត្រួតពិនិត្យរកឃើញវត្ថុតាងប្រព្រឹត្តបទល្មើសមួយចំនួន រួមមាន ដែកជ្រុងចុងសំប៉ែតស្រួចសម្រាប់កាច់សោរកម៉ូតូ ចំនួន ២, សោរខ្សៀលេខ៨ ចំនួន ២ លាក់នៅក្រោមកែបម៉ូតូ រួចសមត្ថកិច្ចក៏បានឃាត់ខ្លួនជនសង្ស័យទាំង២នាក់ រួមនិងវត្ថុតាង យកមកធ្វើការសាក សួរនៅអធិការដ្ឋាននគរបាលខណ្ឌដង្កោតាមនីតិវិធីច្បាប់។ប្រភពព័ត៌មាន ដដែលបានបន្ដថា បន្ទាប់មកសមត្ថកិច្ចបាននាំជនសង្ស័យឈ្មោះ អាន ផ្លូច ទៅឆែកបន្ទប់ជួលរបស់គេ ស្ថិតនៅភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ ស្រាប់តែរកឃើញវត្ថុតាងពាក់ព័ន្ធបទល្មើសមួយចំនួនទៀត រួមមាន ៖ ប័ណ្ណសម្គាល់យានយន្ត ចំនួន ០៣សន្លឹក (ឈ្មោះ ជុំ រតនា ចំនួន ០១សន្លឹក, ឈ្មោះ វី សីលា ចំនួន ០១សន្លឹក, ឈ្មោះ ឯម បុល ចំនួន ០១សន្លឹក) , ស្លាកលេខម៉ូតូ ចំនួន ០៣ (លេខ ភ្នំពេញ 1HT-0027 ចំនួន ០១, លេខ ភ្នំពេញ 1GD-2078 ចំនួន ០១, និង លេខ ភ្នំពេញ 1IO-1256 ចំនួន ០១) , វិទ្យុទាក់ទង ម៉ាក Motorola GP300 ចំនួន ០១គ្រឿង , សម្ភារៈប្រើប្រាស់គ្រឿងញៀន និងសោដោះម៉ូតូមួយចំនួន។បច្ចុប្បន្នជនសង្ស័យ រួមទាំងវត្ថុតាង សមត្ថកិច្ចកំពុងឃាត់ និង រក្សាទុកបណ្តោះអាសន្ននៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់ ៕អត្ថបទ ៖ តារាវុទ្ធី

បណ្ដាញសង្គម

ព័ត៌មានថ្មីៗ

សម្តេចព្រះមហាសង្ឃរាជ បួរ គ្រី ព្រះរាជប្រទានព្រះរាជអំណោយសម្រាប់ឱកាសពិធីបុណ្យកាន់បិណ្ឌ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមក្នុងពិធីចម្រើនព្រះបរិត្ត និងដាក់បិណ្ឌវេនទី៨ នៅពុទ្ធមណ្ឌលវិបស្សនាធុរៈ

គណបក្ស CJP ប្រកាសធ្វើបាតុកម្មនៅថ្ងៃទី១០ ខែតុលា ប្រឆាំងនឹងប្រធានស្ថាប័នរៀបចំការបោះឆ្នោត

មនុស្សយ៉ាងតិច ៥នាក់ស្លាប់ និង ១០នាក់រងរបួស ក្នុងហេតុការណ៍ផ្ទុះឡចំហាយទឹក នៅភាគខាងត្បូងឥណ្ឌា

រុស្ស៊ីវាយប្រហារលើស្ពានសំខាន់មួយទៀត ក្នុងរដ្ឋធានីរបស់អ៊ុយក្រែន

មនុស្សយ៉ាងតិច ១១នាក់ បានរងរបួស ក្រោយបារបាក់រលំ នៅអេស្ប៉ាញ

សម្តេចបវរធិបតី និងលោកជំទាវបណ្ឌិត បានឧបត្ថម្ភអង្ករប្រចាំត្រីមាស ជូនដល់សាកលវិទ្យាល័យឌីជីថលកម្ពុជា សម្រាប់ផ្គត់ផ្គង់ការហូបចុកជូនដល់សិស្សនិស្សិតក្រីក្រ

អាវុធហត្ថរាជធានី បង្ហាញប្លង់ទីតាំងមូលដ្ឋានអាវុធហត្ថទាំង១៤ខណ្ឌ ងាយស្វែករកសម្រាប់ការទៅស្នើសុំពាក្យចូលបំពេញកាតព្វកិច្ចយោធា

អារ៉ាប់រួម៖ អ្នកបើកបរជំនួយរបស់ Flydubai បានវាយប្រហារអ្នកបើកយន្តហោះដោយពូថៅ និងប៉ុនប៉ងវាយប្រហារ «ភេរវកម្ម»

សិស្សវិទ្យាល័យ នៅតំបន់ជាយក្រុងប៉ារីសដែលខ្វះធនធាន បង្កឱ្យមានចលនាតវ៉ាទូទាំងប្រទេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

សហជីពបុគ្គលិកក្រុមហ៊ុនណាហ្គាវើល រំពឹងថា នឹងមានលទ្ធភាពអន្តរាគមន៍ពីក្រសួងការងារឆាប់ៗ

អាជ្ញាធរខណ្ឌដូនពេញ បន្តចុះរៀបចំសណ្ដាប់ធ្នាប់ក្នុងមូលដ្ឋាន និងស្ទូចយករថយន្តចតឥតសណ្តាប់ធ្នាប់

គ្រឿងញៀនជិត៤០គីឡូក្រាម ត្រូវបានរឹបអូសពីជនជាតិថៃ និងខ្មែរ៤នាក់ ក្នុងក្រុងប៉ោយប៉ែត

កម្ពុជារកឃើញមនុស្ស៧៩៩នាក់ទៀតឆ្លងមេរោគកូវីដ-១៩ ខណៈអ្នកជំងឺ៩១០នាក់ទៀតបានជាសះស្បើយ

សមត្ថកិច្ចចាប់ខ្លួនជនជាតិឡាវ២នាក់ និងរឹបអូសគ្រឿងញៀនជិត៥គីឡូក្រាម លួចឆ្លងដែនពីឡាវមកកម្ពុជា

កម្ពុជារកឃើញមនុស្ស៦២៥នាក់ទៀតឆ្លងមេរោគកូវីដ-១៩ ខណៈអ្នកជំងឺ៧០៥នាក់ទៀតបានជាសះស្បើយ

បុរសម្នាក់បើកបរខ្វះការប្រុងប្រយ័ត្ន ជ្រុលបុកបង្កាន់ដៃស្ពានជ្រោយចង្វាររងកាខូចខាត

ផ្ទុះការឆ្លងជំងឺកូវីដ-១៩ ក្នុងផ្សារណាត់ខេត្តបាត់ដំបង អាជ្ញាធរបិទផ្នែកខ្លះនៃផ្សារ

កម្ពុជារកឃើញមនុស្ស៦៩៣នាក់ទៀតឆ្លងមេរោគកូវីដ-១៩ ខណៈអ្នកជំងឺ៧៥៤នាក់ទៀតបានជាសះស្បើយ

ពលរដ្ឋដែលធ្លាប់បាត់បង់យានយន្ត សូមទៅពិនិត្យស្លាកលេខនៅអធិការដ្ឋាននគរបាលខណ្ឌដង្កោ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

សហជីព​បុគ្គលិក​ក្រុមហ៊ុន​ណាហ្គា​វើ​ល រំពឹងថា​ នឹង​មាន​លទ្ធភាព​អន្តរាគមន៍​ពី​ក្រសួង​ការងារ​ឆាប់ៗ

គ្រឿងញៀន​ជិត​៤០​គីឡូក្រាម ត្រូវបាន​រឹបអូស​ពី​ជនជាតិ​ថៃ​ និង​ខ្មែរ​៤​នាក់ ក្នុង​ក្រុង​ប៉ោយប៉ែត​

កម្ពុជារក​ឃើញ​មនុស្ស៧៩៩នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ​៩១០នាក់​ទៀត​បាន​ជា​សះ​ស្បើយ

កម្ពុជារក​ឃើញ​មនុស្ស៦២៥នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ​៧០៥នាក់​ទៀត​បាន​ជា​សះ​ស្បើយ

បុរស​ម្នាក់​បើកបរ​​ខ្វះ​ការ​ប្រុងប្រយ័ត្ន​ ​ជ្រុល​បុកបង្កាន់ដៃស្ពាន​ជ្រោយ​ចង្វារ​រង​កាខូចខាត

ផ្ទុះ​ការ​ឆ្លង​ជំងឺ​កូ​វីដ​-១៩​ ក្នុង​ផ្សារណាត់​ខេត្តបាត់ដំបង​ អាជ្ញាធរ​បិទ​ផ្នែក​ខ្លះ​នៃ​ផ្សារ​

កម្ពុជារក​ឃើញ​មនុស្ស៦៩៣នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ​៧៥៤នាក់​ទៀត​បាន​ជា​សះ​ស្បើយ

ពលរដ្ឋ​ដែល​ធ្លាប់​បាត់បង់​យានយន្ត សូម​ទៅ​ពិនិត្យ​ស្លាក​លេខ​នៅ​អធិការដ្ឋាន​នគរបាល​ខណ្ឌដង្កោ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហជីពបុគ្គលិកក្រុមហ៊ុនណាហ្គាវើល រំពឹងថា នឹងមានលទ្ធភាពអន្តរាគមន៍ពីក្រសួងការងារឆាប់ៗ

គ្រឿងញៀនជិត៤០គីឡូក្រាម ត្រូវបានរឹបអូសពីជនជាតិថៃ និងខ្មែរ៤នាក់ ក្នុងក្រុងប៉ោយប៉ែត

កម្ពុជារកឃើញមនុស្ស៧៩៩នាក់ទៀតឆ្លងមេរោគកូវីដ-១៩ ខណៈអ្នកជំងឺ៩១០នាក់ទៀតបានជាសះស្បើយ

កម្ពុជារកឃើញមនុស្ស៦២៥នាក់ទៀតឆ្លងមេរោគកូវីដ-១៩ ខណៈអ្នកជំងឺ៧០៥នាក់ទៀតបានជាសះស្បើយ

បុរសម្នាក់បើកបរខ្វះការប្រុងប្រយ័ត្ន ជ្រុលបុកបង្កាន់ដៃស្ពានជ្រោយចង្វាររងកាខូចខាត

ផ្ទុះការឆ្លងជំងឺកូវីដ-១៩ ក្នុងផ្សារណាត់ខេត្តបាត់ដំបង អាជ្ញាធរបិទផ្នែកខ្លះនៃផ្សារ

កម្ពុជារកឃើញមនុស្ស៦៩៣នាក់ទៀតឆ្លងមេរោគកូវីដ-១៩ ខណៈអ្នកជំងឺ៧៥៤នាក់ទៀតបានជាសះស្បើយ

ពលរដ្ឋដែលធ្លាប់បាត់បង់យានយន្ត សូមទៅពិនិត្យស្លាកលេខនៅអធិការដ្ឋាននគរបាលខណ្ឌដង្កោ