BTV NEWS

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

ខេត្តកំពង់ចាម រកឃើញពលរដ្ឋ៤៨នាក់ ទៀតឆ្លងកូវីដ-១៩ ភាគច្រើននៅស្រុកជើងព្រៃ និងស្រុកព្រៃឈរ

កំពង់ចាម៖ រដ្ឋបាលខេត្តកំពង់ចាមបានប្រកាសថា បានរកឃើញប្រជាពលរដ្ឋ ៤៨នាក់បន្ថែមទៀតឆ្លងមេរោគកូវីដ-១៩ ដែលភាគច្រើនរកឃើញនៅស្រុកព្រៃឈរ និងស្រុកជើងព្រៃ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាម បានបញ្ជាក់ថា ករណីឆ្លងថ្មីទាំងនេះ ត្រូវបានរកឃើញនៅលើប្រជាពលរដ្ឋ ២៣នាក់នៅស្រុកជើងព្រៃ ហើយបន្ទាប់មកស្រុកព្រៃឈរ រកឃើញករណីឆ្លងថ្មី ២២នាក់ទៀត។ ចំណែកឯ ៣ករណីទៀត រដ្ឋបាលខេត្តកំពង់ចាម បញ្ជាក់ថា រកឃើញនៅស្រុកចំការលើ ២នាក់ និងស្រុកបាធាយ ១នាក់។ករណីឆ្លងថ្មីទាំងនេះ ត្រូវបានរកឃើញនៅក្នុងចំណោមការតេស្តសំណាកប្រជាពលរដ្ឋ ៥៨៣នាក់ដែលធ្វើឡើងកាលពីថ្ងៃម្សិលមិញនេះ។រដ្ឋបាលខេត្តនេះក៏បានឱ្យដឹងផងដែរថា អ្នកជំងឺកូវីដ-១៩ចំនួន ៨១នាក់ទៀត ត្រូវបានព្យាបាលជាសះស្បើយផងដែរកាលពីថ្ងៃម្សិលមិញនេះ។គិតត្រឹមថ្ងៃនេះ អ្នកជំងឺកូវីដ-១៩សរុប ៤២៨នាក់ហើយ ត្រូវបានព្យាបាលជាសះស្បើយ ហើយអ្នកជំងឺកូវីដ-១៩ចំនួន ៥៦៦នាក់ផ្សេងទៀត កំពុងស្ថិតក្រោមការព្យាបាលបន្ត៕

វិនិយោគិនក្រុមហ៊ុន GFX មិនពេញចិត្តចំពោះយន្តការដោះស្រាយលើសំណុំរឿងបាត់បងលុយ និងបន្តទាមទារបន្ថែមទៀត

ភ្នំពេញ ៖ វិនិយោគិនក្រុមហ៊ុនឈ្មួញជើងសារឧបករណ៍និស្សន្ទ GFX មិនពេញចិត្តនឹងចំណាត់ការដោះស្រាយសំណុំរឿងបាត់បង់លុយ ហើយអះអាងថា ពួកគេនឹងបន្តទាមទារទៅក្រុមហ៊ុនបន្ថែមទៀត។ក្រុមវិនិយោគិនទាំងនេះ បានប្រាប់ទូរទស្សន៍ព័ត៌មានប៊ីធីវី នៅព្រឹកថ្ងៃទី៤មិថុនា ឆ្នាំ២០២១នេះថា តាមការគ្រោងទុកនៅថ្ងៃនេះ នឹងមានការជួបជុំគ្នាលក្ខណៈទ្រង់ទ្រាយធំ នៅមុខក្រុមហ៊ុនផ្ទាល់ដើម្បីស្វែងរកដំណោះស្រាយ និងនៅថ្ងៃស្អែក នឹងបន្តទៅភូមិគ្រឹះសម្តេច នាយករដ្ឋមន្ត្រីតេជោ ហ៊ុន សែន ដើម្បីស្នើសុំអន្តរាគមន៍លើបញ្ហានេះ ប៉ុន្តែដោយសារគោរពតាមការណែនាំរបស់រាជរដ្ឋាភិបាលអំពីហាមការជួបជុំគ្នាច្រើននាក់ ដើម្បីទប់ស្កាត់ការឆ្លងរាលដាលកូវីដ-១៩ ទើបលុបចោលវិញ។ ការបញ្ជាក់របស់វិនិយោគិន គឺធ្វើឡើងបន្ទាប់ក្រុមហ៊ុន GFX បានអះអាងថា នឹងនៅតែបន្តជាមួយអតិថិជនដើម្បីអនុវត្តដំណោះស្រាយតាមផ្លូវច្បាប់ ក្នុងគោលបំណងទាមទារប្រាក់ទាំងអស់មកវិញ និងផ្ដន្ទាទោសជនបង្ក និងបក្ខពួកដើម្បីរកយុត្តិធម៌ពិតប្រាកដជូនអតិថិជនរងគ្រោះ និងភាពស្អាតស្អំនៃក្រុមហ៊ុន។ ការបញ្ជាក់របស់ក្រុមហ៊ុន GFX ធ្វើឡើងបន្ទាប់មានអតិថិជនចំនួនប្រមាណ៥០នាក់បានអញ្ជើញមកក្រុមហ៊ុនសាខាទួលគោក កាលពីថ្ងៃទី៣១ ខែឧសភា ក្នុងគោលបំណងដើម្បីអោយក្រុមហ៊ុនបញ្ជាក់អោយច្បាស់អំពីពេលវេលា និងការងារដែលក្រុមហ៊ុនត្រូវដោះស្រាយ។នៅក្នុងសេចក្តីប្រកាសព័ត៌មាន កាលពីថ្ងៃទី២ ខែឧសភា ក្រុមហ៊ុន GFX លើកឡើងថា ក្រុមហ៊ុនបានដាក់ពាក្យបណ្តឹង កាលពីថ្ងៃទី៦ ខែមេសា ឆ្នាំ២០២១ ទៅសាលាដំបូងរាជធានីភ្នំពេញ ដែលខ្លឹមសារបានប្តឹងជនបង្ក និងបក្ខពួកបានលួចបង្កើតក្រុមហ៊ុន GFX International Co Ltd ជ្រកក្រោមទីតាំងក្រុមហ៊ុន និងជ្រកក្រោមពាណិជ្ជសញ្ញាក្រុមហ៊ុន Golden Investment Co Ltd (GFX) ដើម្បីធ្វើសកម្មភាពជួយដូរដោយខុសច្បាប់ សកម្មនេះ មិនស្ថិតនៅក្រោមសកម្មភាពអាជីវកម្ម និងអាជ្ញាប័ណ្ណរបស់ក្រុមហ៊ុន GFX នោះទេ។ប្រភព ដដែលបន្តថា តបតាមពាក្យបណ្តឹងដែលបានដាក់ សាលាដំបូងរាជធានីភ្នំពេញបានចាត់ចំណាត់ការភ្លាមៗ ដោយបានធ្វើការកោះហៅតំណាងក្រុមហ៊ុនសាកសួរ ចំនួនពីរលើក ដោយលើកទីមួយ ធ្វើឡើងនៅថ្ងៃទី២០ ខែមេសា ប៉ុន្តែដំណើរការនេះ ត្រូវបានលើកពេលដោយសារមូលហេតុជាប់វិធានការបិទខ្ទប់។ លើកទីពីរ ធ្វើឡើងនៅថ្ងៃទី១៩ ខែឧសភា ដំណើរការនេះ បានបំពេញរួចរាល់តាមនីតិវិធីច្បាប់។ក្រុមហ៊ុន បញ្ជាក់ថា ក្រុមជនបង្ក និងបក្ខពួកមួយចំនួនត្រូវបានកំណត់ស្របតាមនីតិវិធីនៃបណ្តឹងដែលកំពុងបន្តស្រាវជ្រាវបន្ថែមទៀត ដែលចំណុចនេះ ក្រុមហ៊ុនបានសូមឱ្យអតិថិជនមានភាពអត់ធ្មត់ និងទុកឱ្យស្ថាប័នតុលាការមានពេលវេលាគ្រប់គ្រាន់បំពេញការងាររបស់ខ្លួន ដោយត្រឹមត្រូវក្នុងគោលបំណងរកយុត្តិធម៌ដល់ភាគីទាំងអស់ដែលពាក់ព័ន្ធ និងផ្តល់តម្លាភាពពិតប្រាកដនៃជនរងគ្រោះទាំងអស់គ្នា។លោក ជា រដ្ឋសាវុន មេធាវីនៃក្រុមហ៊ុន GFX បានបញ្ជាក់ថា ការងារខាងលើនេះ ក្រុមហ៊ុនបានធ្វើសេចក្តីប្រកាសព័ត៌មានជាសាធារណៈ មួយហើយថា កិច្ចការងារនេះ ក្រុមហ៊ុនបានបញ្ជូនទៅតុលាការដើម្បីដោះស្រាយ។ ចំពោះការទាមទារបស់អតិថិជនទៅកាន់ក្រុមហ៊ុន លោកមេធាវីបានលើកឡើងថា ទុកអោយច្បាប់ជាអ្នកដោះស្រាយ ព្រោះលោកមិនទាន់ទទួលគោលការណ៍ណាពីខាងក្រុមហ៊ុន លើកិច្ចការទាំងអស់នៅឡើយទេ ព្រោះយើងធ្វើការទៅតាមផ្លូវច្បាប់។សូមបញ្ជាក់ថា ការជួញដូរឧបករណ៍និស្សន្ទ ឬដេរីវ៉េទីវ សំដៅទៅការជួញដូរលើកិច្ចសន្យាលើគម្លាតថ្លៃនៃឧបករណ៍ហិរញ្ញវត្ថុដើម ដែលចេញពីមូលបត្រសន្ទស្សន៍ លោហៈធាតុមានតម្លៃរូបិយប័ណ្ណអន្តរជាតិ និងប្រេងឆៅជាដើម៕អត្ថបទ៖ ឈិត បូរ៉ាវី

កម្ពុជាបន្ដរកឃើញមនុស្ស៨៨៦នាក់ទៀតឆ្លងមេរោគកូវីដ-១៩ ខណៈអ្នកជំងឺ៧៨១នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាល បានប្រកាសថា កម្ពុជារកឃើញអ្នកឆ្លងមេរោគកូវីដ-១៩ ថ្មីចំនួន៨៨៦ បន្ថែមទៀត ខណៈមនុស្ស ចំនួន៧៨១នាក់ទៀតផ្សេងទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃនេះ បានបញ្ជាក់ថា ករណីឆ្លងថ្មីដល់ទៅ ចំនួន៨៥៦ បន្ថែមទៀត សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៣០នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៦នាក់បន្ថែមទៀត បានស្លាប់ ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់២៤២នាក់បន្ថែមទៀត ។បើតាមក្រសួងសុខាភិបាល អ្នកជំងឺកូវីដ-១៩សរុប ២៥ ៥៤៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយ ៧៨១នាក់ទៀត ដែលក្រសួងប្រកាសនៅថ្ងៃនេះផងដែរ៕

នគរបាលកម្ពុជា-ចិន បានសហការគ្នាយ៉ាងល្អ ក្នុងការបង្ក្រាបឧក្រិដ្ឋជនបានជោគជ័យនាពេលកន្លងមក

ភ្នំពេញ ៖ អគ្គស្នងការនគរបាលកម្ពុជា និងក្រសួងសន្តិសុខសាធារណៈនៃសាធារណរដ្ឋប្រជាមានិតចិន បានសម្តែងមោទនភាពរួមគ្នាក្នុងការទទួលបានជោគជ័យ ក្នុងរយៈពេលប៉ុន្មានឆ្នាំមកនេះ ក្នុងកិច្ចការបង្ក្រាប និងទប់ស្កាត់ឧក្រិដ្ឋជនឆ្លងដែន បានយ៉ាងច្រើន ជាពិសេសឧក្រិដ្ឋជនដែលជាជនជាតិចិននេះតែម្តង។តាមរយៈកិច្ចប្រជុំវីដេអូពីចម្ងាយ នារសៀលថ្ងៃទី៣ខែមិថុនា ឆ្នាំ២០២១ម្សិលមិញនេះ រវាងនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លោក វ៉ាង ស៊ាវហុង (Wang Xiaohong) អនុរដ្ឋមន្ត្រីទទួលបន្ទុកកិច្ចការរដ្ឋបាល នៃក្រសួងសន្តិសុខសាធារណៈចិនភាគីទាំងពីរបាន ថ្លែងកោតសរសើរគ្នាទៅវិញទៅមកក្នុងកិច្ចសហប្រតិបត្តិការរួមគ្នានាពេលកន្លងទៅនោះ។បន្ទាប់ពីកិច្ចប្រជុំនោះ ឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានថ្លែងថា កិច្ចសហប្រតិបតិ្តការរវាងកម្ពុជា-ចិន លើការងារប្រយុទ្ធប្រឆាំងបទល្មើសឧក្រិដ្ឋឆ្លងដែន គឺបានប្រព្រឹត្តទៅប្រកបដោយភាពវិជ្ជមាន និងទទួលបានសមិទ្ធផលសំខាន់ៗ នៃការអភិវឌ្ឍន៍សម្រាប់ផែនការអនុវត្តច្បាប់រវាងក្រសួងមហាផ្ទៃ នៃព្រះរាជាណាចក្រកម្ពុជាកម្ពុជា និងក្រសួងសន្តិសុខសាធារណៈចិន រយៈពេលពីរឆ្នាំកន្លងមកនេះ គឺបង្កើតបានយន្តការសហប្រតិបត្តិការមួយ គឺការិយាល័យសម្របសម្រួលកិច្ចសហប្រតិបត្តិការអនុវត្តច្បាប់កម្ពុជា-ចិន ហើយតាមរយៈការិយាល័យនេះ ប្រទេសទាំងពីរបានរួមសហការគ្នាក្នុងការផ្លាស់ប្តូរព័ត៌មានពាក់ព័ន្ធសកម្មភាពមុខសញ្ញាឧក្រិដ្ឋមួយចំនួន ព្រមទាំងបានធ្វើសកម្មភាពបង្ក្រាប ចាប់ខ្លួនឧក្រិដ្ឋជនទាំងនោះ ទទួលបានលទ្ធផលគួរឲ្យកត់សម្គាល់។ឧត្តមសេនីយ៍ឯក ឆាយ គឹមខឿន បានលើកឡើងទៀតថា «ភាគីចិនបានគាំទ្រដល់ប្រតិបត្តិការរបស់នគរបាលកម្ពុជា ដោយបានផ្តល់ជំនួយនូវមធ្យោបាយ ឧបករណ៍ សម្ភារៈ បច្ចេកទេសមួយចំនួនពាក់ព័ន្ធ នឹងកិច្ចសហប្រតិបត្តិការអនុវត្តវិធានការជំនាញ និងសម្រាប់បម្រើឲ្យការងារសន្តិសុខ សុវត្ថិភាពកិច្ចប្រជុំអាស៊ី-អឺរ៉ុប ដែលកម្ពុជាត្រូវធ្វើជាម្ចាស់ផ្ទះហើយបន្ថែមពីនោះភាគីចិនក៏បានជួយគាំទ្រខាងផ្នែកឧបករណ៍ សម្ភារៈមួយចំនួនពាក់ព័ន្ធនឹងការប្រឆាំងកូវីដ-១៩ ផងដែរ»។បើតាមការបញ្ជាក់ពីឯកឧត្តម ឆាយ គឹមខឿន បានលើកឡើងទៀតថា អំឡុងពេលពីរឆ្នាំនេះ នគរបាលទាំងពីរ បានផ្លាស់ប្តូរគណៈប្រតិភូទៅវិញទៅមករួមទាំង គណៈប្រតិភូជាន់ខ្ពស់ និងគណៈប្រតិភូបច្ចេកទេស ដើម្បីប្រជុំពិភាក្សាសិក្សា ដកស្រង់បទពិសោធន៍អំពីសភាពការណ៍នានា ក្នុងការបង្ក្រាបបទល្មើសឧក្រិដ្ឋជាពិសេសបទឧក្រិដ្ឋដែលប្រព្រឹត្តដោយជនជាតិចិន និងរត់គេចពីប្រទេសចិនមកប្រទេសកម្ពុជាជាដើម៕អត្ថបទ ៖ បាន ចក់

៥ខែជនសង្ស័យជាង៦ពាន់នាក់ត្រូវបានឃាត់ខ្លួន និងដកហូតសារធាតុញៀនគ្រប់ប្រភេទជិត៧០០គីឡូក្រាម

ភ្នំពេញ ៖ ការចាប់ខ្លួនជនសង្ស័យជាង៦ពាន់នាក់ និងសារធាតុញៀនគ្រប់ប្រភេទជិត ៧០០ គីឡូក្រាម នៅក្នុងយុទ្ធនាការប្រឆាំងគ្រឿងញៀនខុសច្បាប់រយៈពេល៥ខែ គិតចាប់ពីពីថ្ងៃទី១ ខែមករា ដល់ថ្ងៃទី៣០ ខែឧសភា ឆ្នាំ២០២១នេះ។ នេះបើតាមរបាយការណ៍របស់គណៈកម្មការទី៣ នៃយុទ្ធនាការប្រឆាំងគ្រឿងញៀនខុសច្បាប់ ដែលទូរទស្សន៍BTV ទទួលបាន នាព្រឹកថ្ងៃទី៤ ខែមិថុនានេះ។របាយការណ៍ បានបង្ហាញថា ករណីជួញដូរ រក្សាទុក កែច្នៃ ចាត់ចែង និងដាំដុះ បង្ក្រាបបាន ១៨៤៦ករណីឃាត់ខ្លួនមនុស្ស ៣៦០១នាក់ (ស្រី ២៦២នាក់) ។ ករណីប្រើប្រាស់បង្ក្រាបបាន ៩៤៨ករណី , ឃាត់ខ្លួនមនុស្ស ២៧៦៨នាក់(ស្រី ៩៧នាក់) និងអនុវត្តន៍ដីកាចំនួន ១៨៣ដីកា ឃាត់ខ្លួនមនុស្សចំនួន ១៦៩នាក់ (ស្រី៦នាក់) ។ ប្រភពដដែល បានឲ្យដឹងទៀតថា លទ្ធផលអនុវត្តន៍ច្បាប់នៃយុទ្ធនាការប្រឆាំងគ្រឿងញៀនខុសច្បាប់ពីថ្ងៃទី០១ ខែមករា ដល់ថ្ងៃទី៣០ ខែឧសភាឆ្នាំ២០២១ បង្ក្រាបបាន២៧៩៤ករណី , ឃាត់ខ្លួនមនុស្សចំនួន៦៣៦៩ នាក់ (ស្រី ៣៥៩នាក់)ក្នុងនោះ មានជនបរទេសចំនួន៧៩នាក់ស្រី៦នាក់ មាន៨សញ្ជាតិ។ដោយឡែកសម្រាប់សារធាតុញៀនគ្រប់ប្រភេទដកហូតបានចំនួនជាង ៦៩១គីឡូក្រាមនិងកញ្ឆា 14,695ដើម កញ្ឆាសួត 63kg106g។ សម្ភារៈចាប់យកមាន រថយន្ដ 38គ្រ ម៉ូតូ 643គ្រ ទូរស័ព្ទ2287គ្រជញ្ជីង 104គ្រ អាវុធខ្លី2ដើម អាវុធវែង18ដើម (កែច្នៃ 11ដើម)។ លុយខ្មែរ 8,394,200 រៀល ,លុយអាមេរិក 1,264 ដុល្លារ, លុយថៃ 24,120បាត និងលុយវៀតណាម 21,000 ដុង៕អត្ថបទ ៖ បាន ចក់

សមត្ថកិច្ចខេត្ដសៀមរាប ចាប់ខ្លួនមេក្លោងល្បីរៀបចំលក់ដីខ្យល់ និងឆបោកឈ្មោះ ផូ ស៊ីផា តាមដីកាតុលាការ

សៀមរាប ៖ មេឈ្មួញរៀបចំដីខ្យល់លក់ និងជនឆបោកម្នាក់ នៅខេត្តសៀមរាប ត្រូវបានកងកំលាំងសមត្ថកិច្ចខេត្ដ ធ្វើការចាប់ខ្លួនបានហើយ នៅថ្ងៃទី០៣ខែមិថុនាឆ្នាំ២០២១នេះ ទៅតាមដីកាបង្គាប់ឲ្យនាំខ្លួនលេខ១៧៣/២១ ចុះថ្ងៃទី២ ខែមិថុនា ឆ្នាំ២០២១ របស់ព្រះរាជអាជ្ញានៃសាលាដំបូងខេត្តសៀមរាប នៃពាក្យបណ្តឹងរបស់លោកស្រី ផាត់ សុជឿន កាលពីថ្ងៃទី២៦ ខែមីនា ឆ្នាំ២០២១ ។ជនត្រូវចោទនេះ មានឈ្មោះផូ ស៊ីផា អាយុ៤៦ឆ្នាំនៅភូមិព្រៃគុយ ឃុំអំពិល ស្រុកប្រាសាទបាគងខេត្ដសៀមរាប មុខរបរគួកជេរដី ហើយជននេះ គេចវេស មិនព្រមចូលខ្លួន ទៅតាមការកោះហៅរបស់ព្រះរាជអាជ្ញាជាច្រើនដង ។យោងតាមបណ្តឹងរបស់លោកស្រី ផាត់ សុជឿន កាលពីថ្ងៃទី២៦ ខែមីនា ឆ្នាំ២០២១ បានប្តឹង ឈ្មោះ ផូ ស៊ីផា ពីបទ“ប្រើអំពើហិង្សាលើអ្នកកាន់កាប់អចលនវត្ថុ ដោយ សុចរិត” និងបទ “ប្រឆាំង និងអ្នករាជការ“ ប្រព្រឹត្តទៅនៅភូមិសណ្តាយ ឃុំខ្នារសណ្តាយ ស្រុកបន្ទាយស្រី ខេត្តសៀមរាប។បើតាមខ្លឹមសារនៃបណ្តឹង បានបញ្ជាក់ថា កាលពីថ្ងៃទី២៦ ខែមីនា ឆ្នាំ២០២១នោះ គណៈកម្មការសុរិយាដីខេត្ត និងស្រុកបន្ទាយស្រី បានចុះបោះបង្គោលព្រំ លើក្បាលដីជាប្រភេទប្លង់រឹងទាំង៦ក្បាលដី ដែលមានចំនួនសរុប២១.៤ហិកតា នៅភូមិសណ្តាយ ឃុំខ្នារសណ្តាយ ស្រុកបន្ទាយស្រី ខេត្តសៀមរាប (ជិតទីតាំងគម្រោង បុរីអង្គរលែន ម៉ាក្ស)។ ក្នុងពេលដែលក្រុមគណៈកម្មការចំរុះ កំពុងប្រតិបត្តិការស្រាប់តែលោក ផូ ស៊ីផា បានចុះមករារាំងដកបំផ្លាញបង្គោលព្រំ ដោយការស្រែកជេរប្រមាថជាមួយចារឹកច្រងេងច្រងាងបែបមនុស្សពាល មកលើសមត្ថកិច្ច និងម្ចាស់ដី កំពុងអនុវត្ត តួនាទីរបស់ពួកគេ។ជាងនោះទៅទៀត លោក ផូ ស៊ីផា បានយកគ្រឿងចក្រអ៊ីចស្ការ មកកាយហ៊ុមព័ទ្ធព្រំ ដីរំលោភលើដីស្របច្បាប់ ដែលមានប័ណ្ណសំគាល់សិទ្ធិកាន់កាប់អចលនវត្ថុ (ប្លង់រឹង) ត្រឹមត្រូវ ក្នុងគោលបំណងលក់ទៅអោយក្រុមហ៊ុនពុះឡូត៍ក្នុងស្រុកមួយ។ លោក ផូ ស៊ីផា នេះល្បីខាងរៀបដីខ្យល់ លក់ពីមួយដាក់ទៅមួយ តាមរូបភាពលក់អោយអ្នកចាស់រួចហើយ លក់បន្តទៅអោយ អតិថិជនថ្មីៗទៀត ជាន់កម្មសិទ្ធិគ្នាជាច្រើន ទោះជាដឹងមានម្ចាស់ហើយក៏ដោយ។ ក្រៅពីបណ្តឹងចាប់ខ្លួនខាងលើ បច្ចុប្បន្ន ផូ ស៊ីផា នេះក៏មាន បណ្តឹងជាច្រើនទៀត បានប្តឹងចូលទៅកាន់តុលាការ ពី “បទក្បត់ទុកចិត្ត”។ បើតាមដើមបណ្ដឹង ដដែល បានឲ្យដឹងទៀតថា លោក ផូ ស៊ីផា កំពុងមានអ្នកអន្តរាគមន៍ ជួយអោយនៅក្រៅឃុំ។ ម្ចាស់បណ្តឹងទាំងអស់ ដែលដាក់បណ្តឹងនៅតុលាការ បានស្នើសុំដល់អ្នកដែលចង់ជួយ ផូ ស៊ីផា កុំលូកដៃក្នុងកិច្ចការផ្ទៃក្នុងរបស់តុលាការ ទុកភារកិច្ចនេះ ឲ្យតុលាការ ធ្វើការស៊ើបអង្កេតសិន ព្រោះបណ្តឹងរបស់របស់ ផូ ស៊ីផា នេះមានបទល្មើសច្រើនណាស់។សូមរំលឹកថា កាលពីថ្ងៃទី០៨ ខែមេសា ឆ្នាំ២០២១ កំលាំងចំរុះដឹកនាំ ដោយអាជ្ញាសាលាដំបូងខេត្តសៀមរាប និងកងកំលាំងប៉ូលិស ក្រុងបានចុះអនុវត្តដីកាសម្រេចលេខ ១៩៩ ចុះថ្ងៃទី០៤ ខែមីនា ឆ្នាំ២០២១ ដោយឃាត់ទុករថយន្ដមួយគ្រឿងម៉ាក្ស Toyota Lexus RX330 ពណ៌មាស ស្លាកលេខ សៀមរាប 2B-6806 ជាកម្មសិទ្ធិ របស់កូនបំណុលឈ្មោះ ផូ ស៊ីផា ទៅតាមដើមបណ្តឹងលោក ទូស សាភឿន (អគ្គនាយកគម្រោងបុរីអង្គរលែនម៉ាក្ស) ពីបទ “រំលោភលើ ទំនុកចិត្ត និងបង្វែរវត្ថុដាក់ធានា” តាមសាលក្រមព្រហ្មទណ្ឌលេខ ៣៥ញ/២៩១ សម្រេចអោយ ផូ ស៊ីផា ផ្ដន្ទាទោសព្រហ្មទណ្ឌ ដាក់ពន្ធនាគារ ជាប់ទោស១ឆ្នាំ ពិន័យជាប្រាក់ចំនួន២លានរៀល ពីបទ បង្វែរវត្ថុរឹបអូសដាក់ធានា និងបង្គាប់អោយ ផូ ស៊ីផា សងសំណង ការខូចខាត៥ម៉ឺនដុល្លារ និងសងជំងឺចិត្ត៣០លានរៀល ៕អត្ថបទ ៖ សាវី

បិទផ្អាកផ្សាររាត្រីកំពតមួយសប្តាហ៍ បន្ទាប់ពីរកឃើញអាជីវករម្នាក់ វិជ្ជមានកូវីដ-១៩

កំពត ៖ ផ្សាររាត្រីកំពត ដែលមានទីតាំងជាប់រង្វង់មូលទុរេន ត្រូវបិទផ្អាកអាជីវកម្មលក់ដូរគ្រប់ប្រភេទរយៈពេលមួយសប្តាហ៍ បន្ទាប់មន្ត្រីជំនាញបានរកឃើញអាជីវករម្នាក់ផ្ទុកកូវីដ-១៩ ។លោក លាង រឿនសុធី អភិបាលក្រុងកំពតនៅថ្ងៃទី៣ខែមិថុនានេះ បានឲ្យដឹងថា អាជ្ញាធរក្រុងកំពត បានចេញលិខិតមួយជូនដល់ម្ចាស់ផ្សាររាត្រីកំពត ដែលមានទីតាំងស្ថិតក្នុងភូមិកំពង់បាយខាងត្បូង សង្កាត់កំពង់បាយ ក្រុងកំពត ខេត្តកំពត ជាប់រង្វង់មូលទុរេន ឱ្យបិទផ្អាកអាជីវកម្មលក់ដូរគ្រប់ប្រភេទក្នុងផ្សារនោះ បណ្តោះអាសន្ន រយៈពេលមួយសប្តាហ៍ បន្ទាប់ពីរកឃើញករណីវិជ្ជមានកូវីដ-១៩ នៅលើម្ចាស់តូបលេខ D 08,09 (ប្តី) ដែលមានប្រពន្ធឈ្មោះ នាង សុខ។លោកអភិបាលក្រុង បានបញ្ជាក់ថា ការបិទផ្អាក់នេះ ដើម្បីចូលរួមទប់ស្កាត់ ការឆ្លងរីករាលដាលជំងឺកូវីដ-១៩ នៅក្នុងក្រុងកំពត ទើបសម្រេចបិទផ្អាកអាជីវកម្មលក់ដូរគ្រប់ប្រភេទ ក្នុងផ្សាររាត្រីកំពត ជាបណ្ដោះអាសន្ន រយៈពេលមួយសប្តាហ៍ ចាប់ពីថ្ងៃទី៣ ដល់ថ្ងៃទី១០ ខែមិថុនា ឆ្នាំ២០២១។លោកអភិបាលក្រុង បានអំពាវនាវដល់អ្នកដែលមានការពាក់ព័ន្ធនឹងក្រុមគ្រួសារ ឈ្មោះខាងលើ ត្រូវទៅពិនិត្យសំណាក នៅមន្ទីរពេទ្យបង្អែក ឬ ទៅសួរនាំមណ្ឌលសុខភាពដែលនៅជិតផ្ទះ ។ ចំពោះទីតាំងប្រឈមទាំងអស់នៅក្នុងខេត្ត ក្រុមការងារជំនាញសង្គ្រោះបន្ទាន់លេខ ៧១១ បានចុះមកបាញ់ថ្នាំសម្លាប់មេរោគបានជាច្រើនទីតាំង រួមមានទីតាំងកាស៊ីណូ ផ្សារព្រែកក្រឹស និងតាមបណ្តាស្រុកជាច្រើនទៀត រួមទាំងផ្សារាត្រីខេត្តកំពតផងដែរ ៕អត្ថបទ ៖ សារីម

ប្រភេទអាជីវកម្មមួយចំនួន ស្ថិតក្នុងភូមិព្រៃទា១ ដែលជាតំបន់លឿងទុំ ត្រូវបានបិទទ្វារ

ភ្នំពេញ ៖ បន្ទាប់ពីរដ្ឋបាលរាជធានីភ្នំពេញ បានប្រកាសកំណត់ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ ដែលមានអត្រាការឆ្លងកើនឡើង ជាតំបន់លឿងទុំ ដើម្បីទប់ស្កាត់ការឆ្លងរាលដាលនៃជំងឺ Covid-19 កាលពីថ្ងៃទី២ ខែមិថុនា ម្សិលមិញហើយនោះ ឃើញថា នៅព្រឹកថ្ងៃទី៣ ខែមិថុនានេះ ប្រភេទអាជីវកម្មមួយចំនួនក្នុងភូមិព្រៃទា១ ត្រូវបានបិទ ។បើតាមប្រភពព័ត៌មានពីកងកម្លាំងសមត្ថកិច្ច ដែលកំពុងធ្វើការត្រួតពិនិត្យយ៉ាងតឹងរ៉ឹងនៅគោលដៅនោះ បានប្រាប់ BTV អោយដឹងដោយសុំពុំបង្ហាញអត្តសញ្ញាណថា ក្រៅពីប្រភេទអាជីវកម្មមួយចំនួនពុំអនុញ្ញាតអោយដំណើរការអាជីវកម្មស្របតាមសេចក្តីសម្រេចរបស់រដ្ឋបាលរាជធានីភ្នំពេញហើយនោះ នៅគោលដៅបិទខ្ទប់នៃភូមិព្រៃទា១នេះ ក៏ពុំអនុញ្ញាតអោយមានការធ្វើចរាចរចេញចូលផងដែរ លើកលែងតែករណីអ្នកត្រូវទៅយកសំណាក ចាក់វ៉ាក់សាំងការពារជំងឺ Covid-19 និងករណីសុខភាពសង្គ្រោះបន្ទាន់ ។គួរបញ្ជាក់ថា កាលពីថ្ងៃទី២ ខែមិថុនាម្សិលមិញនេះ រដ្ឋបាលរាជធានីភ្នំពេញ បានចេញសេចក្តីសម្រេចស្តីពី ការដាក់ចេញនូវវិការរដ្ឋបាល ដោយផ្អាកជាបណ្តោះអាសន្នចំពោះសកម្មភាពការងារ មុខរបរ ឬអាជីវកម្មដែលមានហានិភ័យខ្ពស់នៃការឆ្លងរាលដាលជំងឺ Covid-19 និងការជួបជុំ ឬការប្រមូលផ្តុំមនុស្សជាលក្ខណៈឯកជន នៅក្នុងភូមិសាស្ត្ររាជធានីភ្នំពេញ សម្រាប់រយៈពេល ១៤ថ្ងៃ ដោយគិតចាប់ពីថ្ងៃទី៣ ខែមិថុនានេះរហូតដល់ថ្ងៃទី១៦ ខែមិថុនា ឆ្នាំ២០២១ ។ទន្ទឹមហ្នឹងនោះ ក៏បានកំណត់ផ្នែកខ្លះនៃភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ និងភូមិផ្សារតូច នៃសង្កាត់ទួលសង្កែទី១ ខណ្ឌឫស្សីកែវ ជាតំបន់លឿងទុំ ដើម្បីទប់ស្កាត់ការឆ្លងរាលដាលនៃជំងឺ Covid-19 នៅមានអនុភាពអនុវត្តបន្ត រហូតដល់អស់សុពលភាព ឬ មានការសម្រេចជាថ្មី ៕អត្ថបទ ជៀប សម្បត្តិ

ជ្រូកកើតប៉េស្តអាហ្វ្រិកចំនួន៥០ក្បាល ត្រូវបានដុតកម្ទេចចោលក្រោយរឹបអូសបានពីឈ្មួញទុច្ចរិត

ភ្នំពេញ ៖ ជ្រូកចំនួន៥០ក្បាលទៀត ដែលមានជំងឺប៉េស្តអាហ្វ្រិក ត្រូវបានអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម សហការជាមួយអាជ្ញាធរមូលដ្ឋានដុតកម្ទេចចោល ក្រោយពីរឹបអូស បានពីសត្តឃាតដ្ឋានមួយកន្លែង នៅក្នុងខណ្ឌច្បារអំពៅ រាជធានីភ្នំពេញ នាពេលកន្លងមកនេះ។អំឡុងពេលពិធីដុតកម្ទេចចោលជ្រូកមានជំងឺប៉េស្តជ្រូកអាហ្វ្រិក នៅព្រឹកថ្ងៃទី៣ ខែមិថុនានេះ ឯកឧត្តម តាន់ ផាន់ណារ៉ា អគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ប្រាប់អ្នកសារព័ត៌មានថា ជ្រូក ដែលត្រូវបានដុតកម្ទេចចោល នាពេលនេះ គឺត្រូវបានរឹបអូសពីសត្តឃាតដ្ឋានមួយកន្លែង ក្នុងរាជធានីភ្នំពេញ ក្រោយពីជ្រូកទាំងនេះ ត្រូវបានដឹក មកពីប្រទេសថៃ។ឯកឧត្តម តាន់ ផាន់ណារ៉ា បានបញ្ជាក់ថា ជ្រូកកើតជំងឺប៉េស្តអាហ្វ្រិកនេះ វានឹងធ្វើឱ្យមានផលប៉ះ ពាល់យ៉ាងខ្លាំងដល់សុខភាព ក៏ដូចជាសេដ្ឋកិច្ចរបស់ប្រជាពលរដ្ឋ ប្រសិនបើវានៅមានចរាចរលើទឹកដី កម្ពុជាទៀតនោះ។ តែយ៉ាងណាក៏ដោយ រាជរដ្ឋាភិបាលកម្ពុជា ជាពិសេសក្រសួងកសិកម្ម រុក្ខាប្រមាញ់ និងនេសាទ នឹងខិតខំកម្ចាត់ឱ្យអស់មិនឲ្យមានបន្តទៀតនោះឡើយ ហើយសម្រាប់ឈ្មួញ ឬជនខិលខូច ដែលនាំជ្រូកមានជំងឺទាំងនោះ នឹងត្រូវផ្ដន្ទាទោសទៅតាមច្បាប់ផងដែរ។៥ខែដើមឆ្នាំនេះ អគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ បានដុតកម្ទេចចោលជ្រូក ដែលកើតជំងឺប៉េស្តអាហ្វ្រិកនេះ ចំនួនបួន លើកមកហើយ ក្រោយពីរឹបអូសបានពីឈ្មួញទុច្ចរិត ចំនួនរាប់រយក្បាលជាបន្តបន្ទាប់នោះ៕អត្ថបទ៖ បាន ចក់

រដ្ឋបាលខេត្តបាត់ដំបង ដាក់បម្រាមគោចរ និងរឹតត្បិតមូលដ្ឋានអាជីវកម្មលក់អាហារ នៅស្រុកកំរៀង១៤ថ្ងៃ

បាត់ដំបង ៖ ខណៈបានរកឃើញជាបន្តបន្ទាប់នៃអ្នកវិជ្ជមានកូវីដ-១៩ នៅក្នុងស្រុកកំរៀង ដើម្បីទប់ស្កាត់ការឆ្លង រាលដាលកាន់តែខ្លាំង រដ្ឋបាលខេត្តបាត់ដំបង ជាបណ្ដោះអាសន្ន សម្រេចដាក់បម្រាមគោចរ និងរឹតត្បិត មូលដ្ឋានអាជីវកម្មលក់អាហារ នៅទីប្រជុំជនក្នុងស្រុកមួយនេះ រយៈពេល១៤ថ្ងៃ គឺចាប់ពីថ្ងៃទី២ ដល់ថ្ងៃ ទី១៤ ខែមិថុនា ឆ្នាំ២០២១ ។យោងតាមសេចក្តីសម្រេចរបស់រដ្ឋបាលខេត្តបាត់ដំបង បានឲ្យដឹងថា ក្នុងស្រុកកំរៀង ត្រឹមរយៈ ពេល៣ថ្ងៃ គឺចាប់ពីថ្ងៃទី៣១ ខែឧសភា ដល់ថ្ងៃទី២ខែមិថុនា បានរកឃើញអ្នកវិជ្ជមានកូវីដ-១៩ ចំនួន៦៨នាក់ជាព្រឹត្តិការណ៍សហគមន៍២០កុម្ភៈ ។សេចក្តីសម្រេច បានបន្តថា បម្រាមគោចរ គឺចាប់ពីម៉ោង១០យប់ ទៅម៉ោង៥ព្រឹក ចំពោះការធ្វើដំណើរចេញចូលតាមគ្រប់មធ្យោបាយ លើកលែងតែរថយន្តដឹកទំនិញក្នុងការនាំចេញ និងចូលទំនិញ ចំណុចច្រកទ្វារព្រំដែនអន្តរជាតិដូង។ មិនអនុញ្ញាតឲ្យមូលដ្ឋានលក់អាហារ ដូចជា ភោជនីយដ្ឋាន ហាងកា ហ្វេ ហាងភេសជ្ជៈ និងទីតាំងលក់អាហារតាមដងផ្លូវសាធារណៈ ទទួលអតិថិជនចូលមកទទួលទាននៅនឹង កន្លែង ប៉ុន្តែអាចលក់ជាលក្ខណៈវេចខ្ចប់បាន។ ករណីមានមូលដ្ឋានអាជីវកម្មលក់អាហារណាមួយ ដែល មិនអនុវត្តតាមសេចក្តីសម្រេចនេះ នឹងត្រូវដកហូតលិខិតអនុញ្ញាតបើកអាជីវកម្ម ឬធ្វើការបិទអាជីវកម្ម ។ក្នុងសេចក្តីសម្រេចមួយទៀត ក្នុងថ្ងៃទី២ ខែមិថុនានោះ រដ្ឋបាលខេត្តបាត់ដំបង បានបិទខ្ទប់ បណ្ដោះអាសន្ននូវទីតាំងចំនួន១៧កន្លែង ក្នុងឃុំចំនួន៣ នៃស្រុកកំរៀង មាននៅឃុំបឹងរាំង ឃុំកំរៀង និង ឃុំអូរដា បន្ទាប់ពីទីតាំងទាំងអស់នោះ បានរកឃើញមុខសញ្ញា ដែលមានវិជ្ជមានកូវីដ-១៩ មកពីខេត្តប៉ៃលិន ចំនួន៦៨នាក់ ដែលការបិទនេះ រហូតដល់មានការសម្រេចជាថ្មី ។ប្រភព បានបន្តថា ចំពោះប្រជាពលរដ្ឋ ដែលមានការពាក់ព័ន្ធផ្ទាល់ និងដោយប្រយោល ជាមួយទី តាំងខាងលើ ត្រូវទៅជួប ឬជូនដំណឹងដល់ក្រុមការងារមន្ត្រីសុខាភិបាលខេត្តបាត់ដំបង ដើម្បីយកសំណាក ទៅធ្វើតេស្តជាបន្ទាន់ ចាប់ពីថ្ងៃទី២ ខែមិថុនា ឆ្នាំ២០២១តទៅ ។ពាក់ព័ន្ធអ្នកឆ្លងជំងឺកូវីដ-១៩ មកពីខេត្តប៉ៃលិននេះ អាជ្ញាធរខេត្តបាត់ដំបង ក៏បានបិទខ្ទប់ទីតាំងផ្ទះ ចំនួន៤ខ្នង នៅស្រុកភ្នំព្រឹក បន្ទាប់ពីប៉ះពាល់ជាមួយអ្នកឆ្លងកូវីដ-១៩ ហើយក៏អំពាវនាវ ដល់អ្នកធ្លាប់ បាន ប៉ះពាល់ដោយផ្ទាល់ និងប្រយោលជាមួយស្ត្រីខាងលើ មកធ្វើសំណាក ដើម្បីតេស្តរកជំងឺកូវីដ១៩ ចាប់ពីថ្ងៃទី២ខែមិថុនា ។គួរបញ្ជាក់ថា ចាប់ពីមានការឆ្លងរាលដាលជំងឺកូវីដ-១៩ គឺខេត្តបាត់ដំបង មានអ្នកជំងឺកូវីដ១៩ ចំនួន៣០៣នាក់ បានព្យាបាលជាសះស្បើយ ចំនួន១០៥នាក់ ស្លាប់ចំនួន២នាក់ និងកំពុងសម្រាកព្យាបាលចំនួន១៩៦នាក់ ៕អត្ថបទ៖ បាន សុខរិទ្ធ

បណ្ដាញសង្គម

ព័ត៌មានថ្មីៗ

ឯកឧត្តមទេសរដ្ឋមន្ត្រី គន់ គីម ទទួលជួបពិភាក្សាការងារជាមួយ ប្រធានសមាគមអតីតយុទ្ធជនប្រទេសមីយ៉ាន់ម៉ា

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញដាក់បិណ្ឌវេនទី៨ នៅពុទ្ធមណ្ឌលវិបស្សនាធុរៈ

ក្រសួងអប់រំ រៀបចំព្រឹត្តិការណ៍ធំៗ៣ ដើម្បីអបអរសាទរខួបលើកទី២៩ នៃទិវាគ្រូបង្រៀន៥តុលា

តំណាងអចិន្ត្រៃយ៍កម្ពុជាថ្លែងនៅ UN អំពាវនាវឱ្យមានការគាំទ្រជាក់ស្តែងបន្ថែមដើម្បីជួយជនភៀសសឹកកម្ពុជាជាង ២០ ០០០ នាក់ អាចវិលត្រឡប់ទៅផ្ទះ ដោយសុវត្ថិភាព និងដោយសេចក្តីថ្លៃថ្នូរ

សម្តេចព្រះមហាសង្ឃរាជ បួរ គ្រី ព្រះរាជប្រទានព្រះរាជអំណោយសម្រាប់ឱកាសពិធីបុណ្យកាន់បិណ្ឌ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមក្នុងពិធីចម្រើនព្រះបរិត្ត និងដាក់បិណ្ឌវេនទី៨ នៅពុទ្ធមណ្ឌលវិបស្សនាធុរៈ

គណបក្ស CJP ប្រកាសធ្វើបាតុកម្មនៅថ្ងៃទី១០ ខែតុលា ប្រឆាំងនឹងប្រធានស្ថាប័នរៀបចំការបោះឆ្នោត

មនុស្សយ៉ាងតិច ៥នាក់ស្លាប់ និង ១០នាក់រងរបួស ក្នុងហេតុការណ៍ផ្ទុះឡចំហាយទឹក នៅភាគខាងត្បូងឥណ្ឌា

រុស្ស៊ីវាយប្រហារលើស្ពានសំខាន់មួយទៀត ក្នុងរដ្ឋធានីរបស់អ៊ុយក្រែន

មនុស្សយ៉ាងតិច ១១នាក់ បានរងរបួស ក្រោយបារបាក់រលំ នៅអេស្ប៉ាញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ខេត្តកំពង់ចាម រកឃើញពលរដ្ឋ៤៨នាក់ ទៀតឆ្លងកូវីដ-១៩ ភាគច្រើននៅស្រុកជើងព្រៃ និងស្រុកព្រៃឈរ

វិនិយោគិនក្រុមហ៊ុន GFX មិនពេញចិត្តចំពោះយន្តការដោះស្រាយលើសំណុំរឿងបាត់បងលុយ និងបន្តទាមទារបន្ថែមទៀត

កម្ពុជាបន្ដរកឃើញមនុស្ស៨៨៦នាក់ទៀតឆ្លងមេរោគកូវីដ-១៩ ខណៈអ្នកជំងឺ៧៨១នាក់ទៀតបានជាសះស្បើយ

នគរបាលកម្ពុជា-ចិន បានសហការគ្នាយ៉ាងល្អ ក្នុងការបង្ក្រាបឧក្រិដ្ឋជនបានជោគជ័យនាពេលកន្លងមក

៥ខែជនសង្ស័យជាង៦ពាន់នាក់ត្រូវបានឃាត់ខ្លួន និងដកហូតសារធាតុញៀនគ្រប់ប្រភេទជិត៧០០គីឡូក្រាម

សមត្ថកិច្ចខេត្ដសៀមរាប ចាប់ខ្លួនមេក្លោងល្បីរៀបចំលក់ដីខ្យល់ និងឆបោកឈ្មោះ ផូ ស៊ីផា តាមដីកាតុលាការ

បិទផ្អាកផ្សាររាត្រីកំពតមួយសប្តាហ៍ បន្ទាប់ពីរកឃើញអាជីវករម្នាក់ វិជ្ជមានកូវីដ-១៩

ប្រភេទអាជីវកម្មមួយចំនួន ស្ថិតក្នុងភូមិព្រៃទា១ ដែលជាតំបន់លឿងទុំ ត្រូវបានបិទទ្វារ

ជ្រូកកើតប៉េស្តអាហ្វ្រិកចំនួន៥០ក្បាល ត្រូវបានដុតកម្ទេចចោលក្រោយរឹបអូសបានពីឈ្មួញទុច្ចរិត

រដ្ឋបាលខេត្តបាត់ដំបង ដាក់បម្រាមគោចរ និងរឹតត្បិតមូលដ្ឋានអាជីវកម្មលក់អាហារ នៅស្រុកកំរៀង១៤ថ្ងៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ខេត្ត​កំពង់ចាម ​រក​ឃើញ​ពលរដ្ឋ​៤៨​នាក់​ ទៀត​ឆ្លង​កូវីដ-១៩ ភាគ​ច្រើន​នៅ​ស្រុក​ជើងព្រៃ និង​ស្រុក​ព្រៃឈរ

កម្ពុជាបន្ដ​រក​ឃើញ​មនុស្ស៨៨៦នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ​៧៨១នាក់​ទៀត​បាន​ជា​សះ​ស្បើយ

នគរបាល​កម្ពុជា​-​ចិន​ បាន​សហការគ្នា​យ៉ាង​ល្អ​ ក្នុង​ការ​បង្ក្រាប​ឧក្រិដ្ឋជន​បាន​ជោគជ័យ​នាពេល​កន្លងមក

បិទ​ផ្អាក​ផ្សារ​រាត្រី​កំពត​មួយ​សប្តាហ៍ បន្ទាប់ពី​រក​ឃើញ​អាជីវករ​ម្នាក់​ វិជ្ជមាន​កូ​វីដ​-១៩

ប្រភេទ​អាជីវកម្ម​មួយចំនួន ​ស្ថិត​ក្នុងភូមិ​ព្រៃទា​១ ដែល​ជា​តំបន់​លឿងទុំ ត្រូវបាន​បិទទ្វារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខេត្តកំពង់ចាម រកឃើញពលរដ្ឋ៤៨នាក់ ទៀតឆ្លងកូវីដ-១៩ ភាគច្រើននៅស្រុកជើងព្រៃ និងស្រុកព្រៃឈរ

កម្ពុជាបន្ដរកឃើញមនុស្ស៨៨៦នាក់ទៀតឆ្លងមេរោគកូវីដ-១៩ ខណៈអ្នកជំងឺ៧៨១នាក់ទៀតបានជាសះស្បើយ

នគរបាលកម្ពុជា-ចិន បានសហការគ្នាយ៉ាងល្អ ក្នុងការបង្ក្រាបឧក្រិដ្ឋជនបានជោគជ័យនាពេលកន្លងមក

បិទផ្អាកផ្សាររាត្រីកំពតមួយសប្តាហ៍ បន្ទាប់ពីរកឃើញអាជីវករម្នាក់ វិជ្ជមានកូវីដ-១៩

ប្រភេទអាជីវកម្មមួយចំនួន ស្ថិតក្នុងភូមិព្រៃទា១ ដែលជាតំបន់លឿងទុំ ត្រូវបានបិទទ្វារ