BTV NEWS

៣ខែដើមឆ្នាំនេះ ក្មេងទំនើងជិត ១ពាន់នាក់ត្រូវសមត្ថកិច្ចឃាត់ខ្លួន

នគរបាលជំនាញព្រហ្មទណ្ឌរាជធានីភ្នំពេញ បង្រ្កាបជនសង្ស័យជនជាតិចិន ៣នាក់ពាក់ព័ន្ធអំពើលួចរថយន្ត និងផ្លាកលេខរថយន្តចំនួន ៦ករណី

កម្លាំងនគរបាលរាជធានី បើកការឆ្មក់ចុះបង្ក្រាប Online Scams នៅខណ្ឌសែនសុខ ឃាត់ខ្លួនជនបរទេស ៣៣នាក់

ឃាត់ខ្លួនជនសង្ស័យ០៩នាក់ រកឃើញសម្ភារបម្រើឲ្យបទល្មើស Online Scams និងអាវុធខ្លីមួយដើម នៅខណ្ឌច្បារអំពៅ

សន្តិសុខ និង សង្គម

ចាប់ខ្លួនយោធាផ្កាយ ២ម្នាក់ និងបក្ខពួក ០៦នាក់ ពាក់ព័ន្ធអំពើរត់ពន្ធជនជាតិចិន២៨នាក់

ភ្នំពេញ៖ នគរបាលខេត្តស្វាយរៀង បានចាប់ខ្លួនយោធាផ្កាយ២មួយរូប និងបក្ខពួកចំនួន ០៦នាក់ទៀត ដែលពាក់ព័ន្ធអំពើរត់ពន្ធមនុស្សជនជាតិចិនចំនួន ២៨នាក់ ឆ្លងរាជធានីខេត្ត ខណៈពេលបិទខ្ទប់ ហើយប្រុងនឹងឆ្លងដែនចេញពីកម្ពុជា។នគរបាលនៃស្នងការដ្ឋានខេត្តស្វាយរៀង បានចាប់ខ្លួនឧត្ដមសេនីយ៍ទោម្នាក់ និងបក្ខពួកចំនួន ០៦នាក់ ពាក់ព័ន្ធអំពើរត់ពន្ធមនុស្ស បន្ទាប់ពីមានរកឃើញថា អ្នកទាំងនេះបាននាំជនជាតិចិនជិត ចំនួន ២៨នាក់ ប្រុងឆ្លងដែនខុសច្បាប់ចេញកម្ពុជា ដោយពួកគេលួចដឹកចេញពីរាជធានីភ្នំពេញ ឆ្ពោះទៅក្រុងបាវិត ខេត្តស្វាយរៀង នាពេលរាត្រី។ ការចាប់ខ្លួននេះ បានធ្វើឡើងកាលពីវេលាទាបភ្លឺថ្ងៃទី២២ ខែមេសា ឆ្នាំ២០២១ នៅចំណុចសណ្ឋាគារ TTP 1 ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។ប្រភពព័ត៌មានឱ្យដឹងថា មេក្លោងក្នុងអំពើរត់ពន្ធមនុស្សឆ្លងដែនខុសច្បាប់នេះឈ្មោះ ស៊ុំ ពៅ មានឋានន្តរសក្តិជា ឧត្តមសេនីយ៍ទោ និងមានតួនាទីជាអនុប្រធានក្រុមការងារស្រាវជ្រាវយុទ្ធសាស្ត្រយោធា អគ្គបញ្ជាការដ្ឋាន នៃកងយោធពលខេមរភូមិន្ទ។បន្ទាប់ពីមានការចាប់ខ្លួនមន្ដ្រីយោធាជាន់ខ្ពស់នេះ សារសម្លេងរបស់ឯកឧត្ដម នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ ដែលប្រព័ន្ធផ្សព្វផ្សាយទទួលបាន បានបញ្ជាក់ថា ចំពោះបុគ្គលឈ្មោះ ស៊ុំ ពៅ នេះគឺត្រូវតែធ្វើតាមច្បាប់ ដោយមិនមានការយោគយល់នោះទេ ព្រោះជាអំពើរត់ពន្ធមនុស្ស និងបានបំពានបំរាមរបស់ រាជរដ្ឋាភិបាល។មកដល់ពេលនេះ ឧត្តមសេនីយ៍ទោ ស៊ុំ ពៅ និងបក្ខពួកផ្សេងទៀត ដែលនគរបាលឃាត់ខ្លួន កំពុងបន្តការសាកសួរនៅស្នងការដ្ឋាននគរបាលខេត្តស្វាយរៀង៕ អត្ថបទ ៖ ប្រាក់ វ៉ាន់ដា

ភ្លៀងខ្យល់កន្ត្រាក់ម្សិលមិញ ផ្ទះសម្បែង៣៣គ្រួសារ និងសាលារៀន២ខ្នងរងការខូចខាតនៅបន្ទាយមានជ័យ

បន្ទាយមានជ័យ៖ គណៈកម្មាធិការជាតិគ្រប់គ្រងគ្រោះមហន្តរាយ បានឱ្យដឹងថា យ៉ាងហោចណាស់ផ្ទះសម្បែងប្រជាពលរដ្ឋ ៣៣គ្រួសារ និងសាលារៀន ២ខ្នង នៅខេត្តបន្ទាយមានជ័យ បានរងការខូចខាត បន្ទាប់ពីត្រូវភ្លៀងធ្លាក់លាយឡំនឹងខ្យល់កន្ត្រាក់កាលពីថ្ងៃម្សិលមិញនេះ។គណៈកម្មាធិការជាតិគ្រប់គ្រងគ្រោះមហន្តរាយ បានបញ្ជាក់ឱ្យដឹងបែបនេះនៅក្នុងសារតាមប្រព័ន្ធតេឡេក្រាមនៅថ្ងៃនេះ។គណៈកម្មាធិការជាតិគ្រប់គ្រងគ្រោះមហន្តរាយ បាននិយាយទៀតថា ផ្ទះសម្បែងពលរដ្ឋ ៣៣គ្រួសារ និងសាលារៀន ២ខ្នង នៅក្នុងសង្កាត់ទឹកថ្លា ក្នុងក្រុងសិរីសោភ័ណ ត្រូវខ្យល់កន្ត្រាក់បក់បោកបណ្ដាលឱ្យខូចខាតកាលពីថ្ងៃម្សិលមិញនេះ។គណៈកម្មាធិការជាតិគ្រប់គ្រងគ្រោះមហន្តរាយ បញ្ជាក់ថា រដ្ឋបាលខេត្តបន្ទាយមានជ័យ កំពុងជួសជុលផ្ទះសម្បែងជូនប្រជាពលរដ្ឋឡើងវិញ៕

ក្រសួងសុខាភិបាលប្រកាសថា ពលរដ្ឋខ្មែរ៣នាក់ទៀតស្លាប់ ដោយសារកូវីដ១៩ តួលេខអ្នកស្លាប់សរុបឡើងដល់៥៩នាក់

ភ្នំពេញ៖ ក្រសួងសុខាភិបាលបានប្រកាសឱ្យដឹងថា ពលរដ្ឋខ្មែរ ៣នាក់ទៀត បានស្លាប់ដោយសារជំងឺកូវីដ១៩កាលពីថ្ងៃម្សិលមិញនេះ ដែលនាំឱ្យចំនួនអ្នកស្លាប់ដោយសារមេរោគផ្លូវដង្ហើមនេះ កើនឡើងដល់ ៥៩នាក់ហើយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលនិយាយថា បុរសជនជាតិខ្មែរម្នាក់អាយុ ៥៥ឆ្នាំ ដែលរស់នៅក្នុងសង្កាត់ផ្សារថ្មី២ ខណ្ឌដូនពេញ បានស្លាប់កាលពីរសៀលថ្ងៃម្សិលមិញនៅឯមន្ទីរពេទ្យមិត្តភាពខ្មែរ-សូវៀត តែ ១០ថ្ងៃប៉ុណ្ណោះក្រោយពីគាត់ត្រូវបានបញ្ជូនទៅសម្រាកព្យាបាលនៅមន្ទីរពេទ្យ បន្ទាប់ពីរកឃើញឆ្លងមេរោគកូវីដ១៩។ចំណែកឯស្ត្រីជនជាតិខ្មែរអាយុ ៨៣ឆ្នាំ ដែលរស់នៅសង្កាត់ផ្សារកណ្ដាល១ ក្នុងខណ្ឌដូនពេញដែរនោះ ក្រសួងបញ្ជាក់ថា បានស្លាប់នៅម៉ោង ២រសៀលថ្ងៃម្សិលមិញដែរ នៅឯមន្ទីរពេទ្យកាល់ម៉ែត្រ ហើយលទ្ធផលពិនិត្យសំណាក បង្ហាញថា គាត់បានឆ្លងមេរោគកូវីដ១៩។នៅឯខេត្តកណ្ដាលឯណោះវិញ ក្រសួងសុខាភិបាលនិយាយថា ស្ត្រីជនជាតិខ្មែរម្នាក់អាយុ ៨១ឆ្នាំ ដែលរស់នៅក្នុងក្រុងតាខ្មៅ បានស្លាប់នៅឯមន្ទីរពេទ្យបបង្អែកជ័យជំនះ កាលពីល្ងាចថ្ងៃម្សិលមិញនេះ ត្រឹមតែ ៧ថ្ងៃប៉ុណ្ណោះក្រោយពីគាត់ត្រូវបានបញ្ជូនទៅសម្រាកព្យាបាលនៅមន្ទីរពេទ្យ បន្ទាប់ពីរកឃើញឆ្លងមេរោគកូវីដ១៩។ក្រសួងសុខាភិបាលបញ្ជាក់ថា ពលរដ្ឋខ្មែរទាំង៣នាក់ខាងលើនេះ បានស្លាប់បាត់បង់ជីវិតដោយសារតែវិបត្តិផ្លូវដង្ហើមធ្ងន់ធ្ងរបណ្ដាលមកពីការរលាកសួតដែលបង្កឡើងដោយមេរោគកូវីដ១៩។គិតមកដល់ត្រឹមថ្ងៃនេះ ចំនួនមនុស្សស្លាប់ដែលប្រកាសជាផ្លូវការដោយក្រសួងសុខាភិបាល បានកើនឡើងដល់ ៥៩នាក់ហើយចាប់តាំងពីកម្ពុជាប្រកាសករណីស្លាប់លើកដំបូងកាលពីថ្ងៃទី១១ ខែមីនាកន្លងមក៕

កម្ពុជារកឃើញមនុស្ស៤៤៦នាក់ទៀតឆ្លងកូវីដ១៩ តួលេខអ្នកឆ្លងសរុបកើនឡើងលើស៨ពាន់ករណីនៅថ្ងៃនេះ

ភ្នំពេញ៖ ក្រសួងសុខាភិបាលបានប្រកាសថា មនុស្ស ៤៤៦នាក់ទៀត ត្រូវបានរកឃើញឆ្លងមេរោគកូវីដ១៩ ខណៈអ្នកជំងឺ ១៣០នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលនិយាយថា ករណីឆ្លងថ្មីទាំងអស់នេះ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈទាំងអស់។បើតាមក្រសួងសុខាភិបាល ករណីឆ្លងថ្មីទាំងអស់នេះ ត្រូវបានរកឃើញច្រើនបំផុតនៅរាជធានីភ្នំពេញដែលមានចំនួនរហូតដល់ ៣៣១នាក់ ហើយបន្ទាប់មកគឺខេត្តព្រះសីហនុចំនួន ៨២នាក់ ខណៈខេត្តកណ្ដាលស្ថិតក្នុងលំដាប់ទី៣មានចំនួន ២១នាក់។ក្រសួងសុខាភិបាលឱ្យដឹងទៀតថា ករណីឆ្លងថ្មីទាំងនេះ ក៏ត្រូវបានរកឃើញនៅខេត្តតាកែវចំនួន ៥នាក់ផងដែរ ហើយខេត្តកំពង់ស្ពឺ ២នាក់ ខណៈរកឃើញ ១នាក់ៗនៅក្នុងខេត្តបន្ទាយមានជ័យ ខេត្តបាត់ដំបង ខេត្តកំពង់ចាម ខេត្តព្រៃវែង និងខេត្តស្វាយរៀង។គិតមកដល់ថ្ងៃនេះ កម្ពុជារកឃើញមនុស្សដល់ទៅ ៨ ១៩៣នាក់ហើយបានឆ្លងមេរោគកូវីដ១៩នៅទូទាំងប្រទេស ក្នុងនោះភាគច្រើនបំផុតដល់ទៅ ៧ ៦៤៨នាក់ ឬស្មើនឹង ៩៣ភាគរយ សុទ្ធតែឆ្លងមេរោគកូវីដ១៩ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ទន្ទឹមគ្នានេះ ក្រសួងសុខាភិបាលក៏បានប្រកាសផងដែរថា អ្នកជំងឺកូវីដ១៩សរុប ២ ៩២៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ១៣០នាក់ដែលក្រសួងទើបប្រកាសនៅថ្ងៃនេះផងដែរ។តួលេខអ្នកជាសះស្បើយពីជំងឺកូវីដ១៩នេះ មានអត្រាស្មើនឹង ៣៥ភាគរយនៃតួលេខអ្នកឆ្លងកូវីដ១៩សរុបនៅទូទាំងប្រទេស ខណៈអ្នកជំងឺ ៥ ២០៤នាក់ទៀត កំពុងស្ថិតក្រោមការព្យាបាលបន្ត៕

មន្ដ្រីមន្ទីរសុខាភិបាលខេត្តបន្ទាយមានជ័យ បែកធ្លាយរូបភាពផឹកស៊ី នៅថ្ងៃចូលឆ្នាំ ក្នុងបរិវេនមន្ទីរសុខាភិបាល

បន្ទាយមានជ័យ ៖ លោកឡេ ច័ន្ទសង្វាត បានឡើងធ្វើប្រធានមន្ទីរសុខាភិបាល ខេត្តបន្ទាយមានជ័យ កាលពីថ្ងៃទី៥ ខែឧសភា ឆ្នាំ២០២០ កន្លងមក មិនទាន់បានកន្លះឆ្នាំផង ស្រាប់តែបែកធ្លាយរឿងអាស្រូវ នាំកូនចៅផឹកស៊ីយ៉ាងសប្បាយអឺងកង នៅក្នុងបរិវេនមន្ទីរសុខាភិបាល។ប្រភពច្បាស់ការមួយ បានបញ្ជាក់មកថា លោកប្រធានមន្ទីរសុខាភិបាលខេត្ត នាំកូនចៅផឹកស៊ីនៅក្នុងបរិវេនមន្ទីរសុខាភិបាល ក្នុងថ្ងៃចូលឆ្នាំដែលរដ្ឋាភិបាលធ្វើការហាមឃាត់ជាដាច់ខាតក្នុងពេលកំពុងផ្ទុះជម្ងឺកូវីដ១៩ ខ្លាំងនៅក្នុងសហគមន៍ដែលផ្គើនទៅនឹងអនុសាសន៍របស់សម្តេច។ប្រភពច្បាស់ការដដែល បានឲ្យដឹងទៀតថា កាលពីថ្ងៃទី ១៨ ខែមេសា ឆ្នាំ២០២១ ថ្មីៗនេះ មានមន្ត្រីសុខាភិបាល និងបុគ្គលិកពេទ្យ ជាច្រើននាក់បាននាំគ្នាផឹកស៊ីនៅក្នុងបរិវេនមន្ទីរសុខាបាលខេត្តបន្ទាយមានជ័យ យ៉ាងសប្បាយអឺងកងធ្វើឲ្យប្រជាពលរដ្ឋរស់នៅម្តុំនោះ បាននាំគ្នាថតហើយបង្ហោះយ៉ាងព្រោងព្រាត ដែលហានប្រឆាំង និងសេចក្តីជូនដំណឹង របស់រាជរដ្ឋាភិបាល ក្រសួងសុខាភិបាល និងរដ្ឋបាលខេត្តបន្ទាយមានជ័យ ក្នុងសម័យ រដ្ឋាភិបាល មន្ត្រីរាជការ កងកំលាំងទាំង៣ ប្រជាពលរដ្ឋនាំគ្នាំប្រឆាំងនិងជម្ងឺដ៏កាចសាហាវ កូវីដ១៩ ដែលកំពុងឆ្លងនៅតាមសហគមន៍។យ៉ាងណាម៉ិញបច្ចុប្បន្នរាជរដ្ឋាភិបាលកម្ពុជា បានចេញសេចក្តីជូនដំណឹង ដល់ប្រជាពលរដ្ឋ និង មន្ត្រីរាជការគ្រប់ផ្នែកគ្រប់ស្ថាប័ន ទាំងអស់ នៅក្នុងព្រះរាជាណាចក្រកម្ពុជា មិនឲ្យមានការជួបជុំគ្នា ផឹកស៊ីជួបជុំគ្នាច្រើន គ្រប់បែបយ៉ាងទាំងអស់ ព្រោះខ្លាចឆ្លង ជំងឺកូវីដ.១៩ ។ ដោយឡែកគេសង្កេតឃើញថា លោក ឡេ ច័ន្ទ សង្វាត ប្រធានមន្ទីរសុខាភិបាលខេត្តបន្ទាយមានជ័យ ធ្វើសកម្មភាព ផ្គើននិងអនុសាសន៍ របស់ប្រមុខរាជរដ្ឋាភិបាលទៅវិញ ដោយបានជួបជុំគ្នាផឹកស៊ី ជាមួយបុគ្គលិកពេទ្យកូនចៅក្រោមឱវាទ នៅក្នុង បរិវេណ មន្ទីរសុខាភិបាលខេត្តបន្ទាយមានជ័យ យ៉ាងសប្បាយអឺងកង ជាក់ស្ដែងដូចឃើញ នៅក្នុងរូបភាពនេះស្រាប់ ។ក្នុងនោះ មានប្រជាពលរដ្ឋ រិះគន់ថា តើក្រសួងសុខាភិបាល គួរចាត់វិធានការយ៉ាងណាជាក់ស្តែងដូចឃើញក្នុងរូបភាពនេះស្រាប់ ដែលហ៊ានប្រឆាំងនិងសេចក្តីជូនដំណឹង របស់រដ្ឋបាលខេត្តបន្ទាយមានជ័យលេខ ២៤៩ /២១សជណ ចុះថ្ងៃទី ១៥ មេសា ឆ្នាំ ២០២១ ជាពិសេស ប្រឆាំង អនុសាសន៍ សម្តេចតេជោ ហ៊ុន សែន នាយករដ្ឋមន្ដ្រី ។ពាក់ព័ន្ធ និងរឿងនេះ ភ្នាក់ងារយើងបានធ្វើការទំនាក់ទំនងលោក ឡេ ច័ន្ទសង្វាត ប្រធានមន្ទីរសុខាភិបាលខេត្តបន្ទាយមានជ័យ ដើម្បីធ្វើការស្រាយផងដែរ ប៉ុន្តែខលចូលដំបូងមិនលើក ខលចូលលើកទី២ បែរជាកូនចៅលើកថា មេកំពុងជាប់ប្រជុំ។តើបញ្ហានេះ ឯកឧត្តម រដ្ឋមន្ដ្រីក្រសួងសុខាភិបាល នឹងមានវិធានការបែបណាចំពោះទង្វើផ្គើនផឹកស៊ី របស់លោក ឡេ ច័ន្ទសង្វាត ប្រធានមន្ទីរសុខាភិបាល ខេត្តបន្ទាយមានជ័យ រួមទាំងបក្សពួកមួយចំនួន ក្នុងឱកាសចូលឆ្នាំដែលផ្គើន នឹងអនុសាសន៍របស់សម្តេចនោះ៕ អត្ថបទ ៖ ឃិនសារិទ្ធ

អគារជំងឺសួតនៃមន្ទីរពេទ្យមិត្តភាពខ្មែរសូវៀតនឹងប្រែក្លាយជា អគារសង្រ្គោះបន្ទាន់អ្នកជំងឺកូវីដ-១៩

ឯកឧត្ដមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល បានណែនាំ ឲ្យថ្នាក់ដឹកនាំមន្ទីរពេទ្យមិត្តភាពខ្មែរ-សូវៀត ដំណើរការរៀបចំជួសជុសអគារជំងឺសួត ដែលត្រូវប្រែក្លាយទៅជាអគារសង្រ្គោះបន្ទាន់អ្នកជំងឺកូវីដ-១៩ ។

កម្មកររោងចក្រ ហឺរ៉ាយហ្សិន ជាង១០០នាក់ ដែលពាក់ព័ន្ធនឹងអ្នកវិជ្ជមានកូវីដ១៩ លទ្ធផលតេស្តលើកទី១គឺអវិជ្ជមានទាំងអស់

លទ្ធផលតេស្តសំណាកលើកទី១ទៅលើកម្មករកម្មការនីរោងចក្រ ហឺរ៉ាយហ្សិន ចំនួន១០៥នាក់ ដែលពាក់ព័ន្ធនឹងអ្នកវិជ្ជមានកូវីដ១៩ឈ្មោះ រៀម សារ៉ាក់ ជាកម្មករនៅក្នុងរោងចក្រខាងលើ គឺអវិជ្ជមានកូវីដ១៩ទាំងអស់ នេះបើយោងតាមការបញ្ជាក់ពីមន្ទីរសុខាភិបាលខេត្តកំពង់ឆ្នាំង។

សមត្ថកិច្ចខណ្ឌពោធិ៍សែនជ័យឃាត់ខ្លួនបុរសម្នាក់ល្មើសលើវិធានការបិទខ្ទប់

បុរសម្នាក់ត្រូវបានកម្លាំងសមត្ថកិច្ចកងអន្តរាគមន៍ស្នងការដ្ឋាននគរបាលជាតិឃាត់ខ្លួន ក្រោយកម្លាំងសមត្ថកិច្ចសួរនាំពីការធ្វើដំណើរនៅក្នុងអំឡុងពេលបិទខ្ទប់ ប៉ុន្តែមិនបានឈប់និងសហការជាមួយនឹងសមត្ថកិច្ច ហើយព្យាយាមជិះម៉ូតូរត់គេច។ករណីនេះនៅចំណុចម្តុំវត្តអង្គតាមិញ សង្កាត់ចោមចៅទី១ ខណ្ឌពោធិ៍សែនជ័យ។

ពលរដ្ឋកម្ពុជា៥នាក់ទៀតស្លាប់ ដោយសារជំងឺកូវីដ១៩ នាំឱ្យតួលេខអ្នកស្លាប់សរុបឡើងដល់៥៤នាក់

ភ្នំពេញ ៖ ក្រសួងសុខាភិបាល បានប្រកាសនៅថ្ងៃនេះថា ពលរដ្ឋខ្មែរ ៥នាក់ទៀត បានស្លាប់ដោយសារជំងឺកូវីដ១៩ កាលពីថ្ងៃម្សិលមិញនេះ ដែលនាំឱ្យតួលេខអ្នកស្លាប់សរុបកើនឡើងដល់ ៥៤នាក់។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលនិយាយថា បុរសជនជាតិខ្មែរម្នាក់អាយុ ៣៣ឆ្នាំ ដែលរស់នៅក្នុងខណ្ឌដង្កោ បានស្លាប់នៅឯមន្ទីរពេទ្យហ្លួងម៉ែ កាលពីព្រឹកថ្ងៃម្សិលមិញនេះ បន្ទាប់ពីត្រូវបានបញ្ជូនទៅព្យាបាលនៅមន្ទីរពេទ្យកាលពីថ្ងៃទី០៨ ខែមេសា ក្រោយពីត្រូវបានរកឃើញឆ្លងមេរោគកូវីដ១៩។ក្រសួងឱ្យដឹងទៀតថា បុរសជនជាតិខ្មែរម្នាក់ទៀតអាយុ ៦៣ឆ្នាំ ដែលរស់នៅក្នុងសង្កាត់ចាក់អង្រែក្រោម ខណ្ឌមានជ័យ បានស្លាប់បាត់បង់ជីវិតនៅមុនពេលត្រូវបានបញ្ជូនដល់មន្ទីរពេទ្យមិត្តភាពខ្មែរ-សូវៀត កាលពីយប់ថ្ងៃទី១៨ ខែមេសា។ក្រសួងសុខាភិបាល បានបញ្ជាក់ថា លទ្ធផលពិនិត្យសំណាកលើបុរសរូបនេះ បង្ហាញថា គាត់បានឆ្លងមេរោគកូវីដ១៩ ដែលបន្ថែមទៅលើជំងឺប្រចាំកាយរបស់គាត់ផងដែរ។ចំណែកឯស្ត្រីម្នាក់ទៀតអាយុ ៥២ឆ្នាំ ដែលរស់នៅក្នុងសង្កាត់ស្ទឹងមានជ័យ១ ខណ្ឌមានជ័យ ក្រសួងសុខាភិបាល បញ្ជាក់ថា បានស្លាប់នៅម៉ោង ៦ព្រឹកថ្ងៃម្សិលមិញនេះ ប្រហែលតែ ៣ម៉ោងប៉ុណ្ណោះ ក្រោយពីគាត់ត្រូវបានបញ្ជូនទៅដល់មន្ទីរពេទ្យមិត្តភាពខ្មែរ-សូវៀត។ក្រសួងនិយាយថា លទ្ធផលពិនិត្យសំណាកស្ត្រីរូបនេះ បង្ហាញថា គាត់បានឆ្លងមេរោគកូវីដ១៩។ក្រសួងសុខាភិបាល បាននិយាយទៀតថា ស្ត្រីម្នាក់ទៀតអាយុ ៦១ឆ្នាំ ដែលរស់នៅស្រុកអង្គស្នួល ខេត្តកណ្ដាល បានស្លាប់នៅឯមន្ទីរពេទ្យមិត្តភាពខ្មែរ-សូវៀតដែរកាលពីល្ងាចថ្ងៃម្សិលមិញនេះ ៨ថ្ងៃក្រោយពីគាត់ត្រូវបានបញ្ជូនទៅព្យាបាលនៅមន្ទីរពេទ្យនេះ បន្ទាប់ពីរកឃើញឆ្លងមេរោគកូវីដ១៩។នៅឯខេត្តព្រះសីហនុឯណោះវិញ ក្រសួងសុខាភិបាល បានឱ្យដឹងថា ក៏មានស្ត្រីជនជាតិខ្មែរម្នាក់អាយុ ៦៦ឆ្នាំ បានស្លាប់បាត់បង់ជីវិតកាលពីព្រឹកថ្ងៃម្សិលមិញនេះនៅឯមន្ទីរពេទ្យបង្អែកខេត្តនេះ បន្ទាប់ពីគាត់ត្រូវបានបញ្ជូនទៅសម្រាកព្យាបាលមន្ទីរពេទ្យនោះកាលពល្ងាចថ្ងៃទី១៩ ខែមេសា ក្រោយពីគាត់ត្រូវបានរកឃើញឆ្លងមេរោគកូវីដ១៩។ក្រសួងបញ្ជាក់ថា អ្នកជំងឺកូវីដ១៩ទាំង ៥នាក់នេះ សុទ្ធតែស្លាប់បាត់បង់ជីវិត ដោយសារវិបត្តិផ្លូវដង្ហើមធ្ងន់ធ្ងរ ដែលបង្កឡើងដោយមេរោគកូវីដ១៩។គិតត្រឹមថ្ងៃនេះ តួលេខផ្លូវការចេញដោយក្រសួងសុខាភិបាល បង្ហាញថា កម្ពុជាមានមនុស្ស ៥៤នាក់ហើយបានស្លាប់ដោយសារជំងឺកូវីដ១៩ក្នុងរយៈពេលត្រឹម ៣៩ថ្ងៃចុងក្រោយ៕

កម្ពុជារកឃើញមនុស្ស៣០៣នាក់ទៀត ឆ្លងមេរោគកូវីដ១៩ ហើយអ្នកជំងឺ២៣៩នាក់ទៀតជាសះស្បើយ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៣០៣នាក់ទៀត ត្រូវបានរកឃើញឆ្លងមេរោគកូវីដ១៩ ហើយអ្នកជំងឺកូវីដ១៩ចំនួន ២៣៩នាក់ទៀត បានជាសះស្បើយ។ក្នុងសេចក្ដីប្រកាសព័ត៌មានរបស់ខ្លួន ក្រសួងសុខាភិបាននិយាយថា ករណីឆ្លងថ្មីទាំង ៣០៣នាក់នេះ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។បើតាមក្រសួងសុខាភិបាល អ្នកឆ្លងមេរោគកូវីដ១៩ថ្មីចំនួន ២៤៨នាក់ ត្រូវបានរកឃើញនៅរាជធានីភ្នំពេញ បន្ទាប់មករកឃើញ ២៦នាក់នៅខេត្តកណ្ដាល នៅខេត្តព្រះសីហនុ រកឃើញ ១៩នាក់ នៅខេត្តតាកែវ ៨នាក់ និងខេត្តកំពត រកឃើញអ្នកឆ្លងថ្មី ២នាក់។គិតត្រឹមថ្ងៃនេះ កម្ពុជារកឃើញមនុស្សដល់ទៅ ៧ ៧៤៧នាក់ហើយបានឆ្លងមេរោគកូវីដ១៩នៅទូទាំងប្រទេសចាប់តាំងពីពេលកម្ពុជារកឃើញករណីឆ្លងដំបូងកាលពីចុងខែមករាឆ្នាំមុន ក្នុងនោះករណីឆ្លងដល់ទៅ ៧ ២០២នាក់ ឬខ្ទង់ ៩៣ភាគរយ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្រសួងសុខាភិបាលក៏បានប្រកាសផងដែរថា អ្នកជំងឺកូវីដ១៩ដល់ទៅ ២៣៩នាក់ បានជាសះស្បើយ ដែលនាំឱ្យចំនួនអ្នកជាសះស្បើយកើនឡើងដល់ ២ ៧៩៤នាក់ ឬស្មើនឹងខ្ទង់ ៣៦ភាគរយនៃតួលេខអ្នកឆ្លងសរុប ខណៈអ្នកជំងឺ ៤ ៨៩៣នាក់ទៀត កំពុងស្ថិតក្រោមការព្យាបាលបន្ត៕

បណ្ដាញសង្គម

ព័ត៌មានថ្មីៗ

សម្ដេចតេជោ និងសម្ដេចធិបតី ថ្វាយព្រះពរព្រះករុណាព្រះមហាក្សត្រ ក្នុងព្រះរាជឱកាសចម្រើនព្រះជន្មវស្សា

រដ្ឋបាលលោក Trump ផ្តល់ជំនួយ១០០លានដុល្លារដល់ប្រទេសគុយបា ជាថ្នូរនឹងកំណែទម្រង់

កម្ពុជាដាក់ចេញផែនការសកម្មភាពគន្លឹះ ជំរុញប្រែក្លាយវិស័យសក្តានុពលឱ្យរឹងមាំ ដើម្បីសេដ្ឋកិច្ចជាតិ

ប្រទេសចិន នឹង «រង់ចាំឱកាសអំណោយផល» លើបញ្ហាអ៊ីរ៉ង់ ជាជាងពង្រីកតួនាទីហួសដែនកំណត់

កម្ពុជាកំពុងប្រមូលធាតុចូល ដើម្បីកសាងយុទ្ធសាស្រ្តអភិវឌ្ឍន៍ធុរកិច្ច នៃដំណោះស្រាយថ្មីលើទីផ្សារ

សម្ដេចធិបតីអញ្ជើញជួបពិភាក្សាការងារជាមួយរដ្ឋមន្ត្រីក្រសួងសន្តិសុខសាធារណៈឡាវ

នាយករដ្ឋមន្ត្រីអង់គ្លេស ព្រមានពីភាពវឹកវរក្នុងគណបក្ស ស្របពេលមានការរំពឹងទុកពីការផ្លាស់ប្តូរមេដឹកនាំ

យោធាអ៊ីរ៉ង់៖ ការគ្រប់គ្រងច្រកសមុទ្រ Hormuz នឹងនាំមកនូវប្រាក់ចំណូលសេដ្ឋកិច្ចដ៏សំខាន់

លោក Xi ប្រាប់លោក Trump ថា ប្រទេសចិន និងអាមេរិកគួរតែជា«ដៃគូ មិនមែនជាគូប្រជែង» ទេ

កម្ពុជាឃាត់ខ្លួនជនជាតិថៃម្នាក់ ក្រោយចូលជ្រៅក្នុងទឹកដីកម្ពុជាដោយខុសច្បាប់ ខណៈកំពុងសម្របសម្រួលតាមយន្តការទំនាក់ទំនងព្រំដែនឈរលើគោលការណ៍មនុស្សធម៌ ដើម្បីបញ្ជូនខ្លូនទៅវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ចាប់ខ្លួនយោធាផ្កាយ ២ម្នាក់ និងបក្ខពួក ០៦នាក់ ពាក់ព័ន្ធអំពើរត់ពន្ធជនជាតិចិន២៨នាក់

ភ្លៀងខ្យល់កន្ត្រាក់ម្សិលមិញ ផ្ទះសម្បែង៣៣គ្រួសារ និងសាលារៀន២ខ្នងរងការខូចខាតនៅបន្ទាយមានជ័យ

ក្រសួងសុខាភិបាលប្រកាសថា ពលរដ្ឋខ្មែរ៣នាក់ទៀតស្លាប់ ដោយសារកូវីដ១៩ តួលេខអ្នកស្លាប់សរុបឡើងដល់៥៩នាក់

កម្ពុជារកឃើញមនុស្ស៤៤៦នាក់ទៀតឆ្លងកូវីដ១៩ តួលេខអ្នកឆ្លងសរុបកើនឡើងលើស៨ពាន់ករណីនៅថ្ងៃនេះ

មន្ដ្រីមន្ទីរសុខាភិបាលខេត្តបន្ទាយមានជ័យ បែកធ្លាយរូបភាពផឹកស៊ី នៅថ្ងៃចូលឆ្នាំ ក្នុងបរិវេនមន្ទីរសុខាភិបាល

អគារជំងឺសួតនៃមន្ទីរពេទ្យមិត្តភាពខ្មែរសូវៀតនឹងប្រែក្លាយជា អគារសង្រ្គោះបន្ទាន់អ្នកជំងឺកូវីដ-១៩

សមត្ថកិច្ចខណ្ឌពោធិ៍សែនជ័យឃាត់ខ្លួនបុរសម្នាក់ល្មើសលើវិធានការបិទខ្ទប់

ពលរដ្ឋកម្ពុជា៥នាក់ទៀតស្លាប់ ដោយសារជំងឺកូវីដ១៩ នាំឱ្យតួលេខអ្នកស្លាប់សរុបឡើងដល់៥៤នាក់

កម្ពុជារកឃើញមនុស្ស៣០៣នាក់ទៀត ឆ្លងមេរោគកូវីដ១៩ ហើយអ្នកជំងឺ២៣៩នាក់ទៀតជាសះស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ចាប់ខ្លួនយោធាផ្កាយ ២ម្នាក់ និងបក្ខពួក ០៦នាក់ ពាក់ព័ន្ធអំពើរត់ពន្ធជនជាតិចិន២៨នាក់

អគារជំងឺសួតនៃមន្ទីរពេទ្យមិត្តភាពខ្មែរសូវៀតនឹងប្រែក្លាយជា អគារសង្រ្គោះបន្ទាន់អ្នកជំងឺកូវីដ-១៩

សមត្ថកិច្ចខណ្ឌពោធិ៍សែនជ័យឃាត់ខ្លួនបុរសម្នាក់ល្មើសលើវិធានការបិទខ្ទប់

ពលរដ្ឋកម្ពុជា៥នាក់ទៀតស្លាប់ ដោយសារជំងឺកូវីដ១៩ នាំឱ្យតួលេខអ្នកស្លាប់សរុបឡើងដល់៥៤នាក់

កម្ពុជា​រក​ឃើញ​មនុស្ស​៣០៣​នាក់​ទៀត ​ឆ្លង​មេរោគ​កូវីដ​១៩ ហើយ​អ្នក​ជំងឺ​២៣៩​នាក់​ទៀត​ជា​សះ​ស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជារកឃើញមនុស្ស៣០៣នាក់ទៀត ឆ្លងមេរោគកូវីដ១៩ ហើយអ្នកជំងឺ២៣៩នាក់ទៀតជាសះស្បើយ