BTV NEWS

ពលរដ្ឋជាង ១,៥០០នាក់ចូលរួមរត់កម្សាន្ដ Kinal Fun Run 2026 ក្នុងអាកាសយានដ្ឋានអន្ដរជាតិភ្នំពេញ

គ្រូភ្នំពេញក្រោន ប្ដេជ្ញាធ្វើឲ្យអ្នកគាំទ្រមានមោទនភាពជាថ្មី មុនជួបក្រុម Kitchee ក្នុងពានកម្រិតទី២ ទ្វីបអាស៊ីយប់នេះ

ព្រះខ័នរាជ ជួបម្ចាស់ផ្ទះ Tampines Rovers ល្ងាចនេះ ខណៈលោក McConkey រក្សាជំហរដដែល

ព្រះខ័នរាជ ត្រូវការពិន្ទុពី Tampines Rovers ដើម្បីរក្សាឱកាសប្រជែងកៅអីវគ្គបន្ដពានកម្រិតទី២ ទ្វីបអាស៊ី

ព័ត៌មានកីឡា

ព្រះខ័នរាជ និងបឹងកេត គ្រងជើងឯករៀងខ្លួនក្នុងការប្រកួតលីគ E-Sports ឆ្នាំ២០២៥/២៦

កីឡាករ រី សក្ដា របស់ក្លិបព្រះខ័នរាជស្វាយរៀង និងកីឡាករ ខេម សុងហៃ របស់ក្លិបបឹងកេត បានគ្រងជើងឯករៀងៗខ្លួន ក្នុងការប្រកួតពានរង្វាន់អ៊ីខេមបូឌានព្រីមៀរលីគ ឆ្នាំ២០២៥/២៦ ដែលជាលីគកីឡាអេឡិចត្រូនិច(E-Sports) រៀបចំដោយក្រុមហ៊ុនខេមបូឌានព្រីមៀរលីគ សហការជាមួយសហព័ន្ធកីឡាអេឡិចត្រូនិកម្ពុជា ទើបបញ្ចប់កាលពីល្ងាចថ្ងៃអង្គារកន្លងទៅ។សម្រាប់កីឡាករព្រះខ័នរាជស្វាយរៀង វី សក្ដា បានគ្រងជើងឯកលើវិញ្ញាសាទូរសព្ទដៃ(Mobile) ក្រោយធ្វើបានយ៉ាងល្អក្នុងការប្រកួតពេញមួយរដូវកាល និងវគ្គសំខាន់ៗជាបន្ដបន្ទាប់ រហូតបានឡើងវគ្គផ្ដាច់ព្រ័ត្រ និងបានយកឈ្នះកីឡាករ ម៉ាត់ រ៉ាហ្សាក់ របស់ក្លិប អឹមអូអាយ កំពង់ដេវ៉ា ដោយលទ្ធផល ៣-២ ដើម្បីក្លាយជាម្ចាស់ពានតែម្ដង។ចំណែកកីឡាករ ខេម សុងហៃ របស់បឹងកេតវិញ បានគ្រងជើងឯកលើវិញ្ញាសាតេឡេបញ្ជា ឬ Console បន្ទាប់ពីវាយបកយកឈ្នះកីឡាករ ភោក សុបញ្ញា របស់ក្លិបព្រះខ័នរាជស្វាយរៀង ដោយការទាត់បាល់ ១១ម៉ែត្រកាត់សេចក្ដី ៣-២ ក្រោយប្រកួតស្មើគ្នា ២-២ ក្នុងម៉ោងធម្មតា។គួរដឹងថា ក្រុមហ៊ុនខេមបូឌានព្រីមៀរលីគ និងសហព័ន្ធកីឡាអេឡិចត្រូនិកកម្ពុជា រួមជាមួយសហព័ន្ធកីឡាបាល់ទាត់កម្ពុជា (FFC) បានបង្កើតកម្មវិធីប្រកួតកីឡាអេឡិចត្រូនិក E-Cambodian Premier League ក្នុងគោលបំណងបង្កើតធនធានកីឡាករកីឡាអេឡិចត្រូនិក លើប្រភេទវិញ្ញាសា Mobile និងវិញ្ញាសា Console សម្រាប់ត្រៀមការប្រកួតប្រជែងលើឆាកអន្ដរជាតិ ហើយរៀងរាល់ឆ្នាំ ពាននេះ មានកីឡាករតំណាងក្លិបសមាជិកលីគកំពូលកម្ពុជាទាំងអស់ចូលរួម៕ អត្ថបទ៖ លី ឈុនឡា

ភ្នំពេញក្រោននៅតែបង្កើតភាពអស្ចារ្យចុងម៉ោង ដណ្ដើមបានបីពិន្ទុបន្ថែមពីណាហ្កា

ក្លឹបបាល់ទាត់ភ្នំពេញ នៅតែបង្កើតភាពរីករាយឱ្យអ្នកគាំទ្ររបស់ខ្លួននៅនាទីចុងក្រោយ ដោយ បង្កើតភាពអស្ចារ្យពេលការប្រកួតហៀបនឹងចប់ទៅហើយ រកបានគ្រាប់បាល់ជ័យជំះ ឈ្នះណាហ្កាវើល ២ទល់១ យប់ថ្ងៃទី៧ ខែកុម្ភៈ ឆ្នាំ២០២៦ នៅកីឡដ្ឋានភ្នំពេញក្រោន។ជំនួបនេះជិតចប់ វគ្គទី១ នាទីទី៤៤ ណាហ្កាវើលដ៍បើកការនាំមុខម្ចាស់ផ្ទះ ១ទល់០ មុនដោយគ្រាប់បាល់របស់កីឡាករ Lucas Henrique Venuto ។លុះនៅនាទី៧០ ភ្នំពេញក្រោនតាមស្មើវិញ ពេលដែលកីឡាករ DYER MOSES JOHN ទាត់បញ្ចូលទី ពីការបញ្ជួនបាល់របស់កីឡាករដូរចូលកើត ពេជ្រ។ ក្រោយដាក់សម្ពាធយ៉ាងខ្លាំង និងណាហ្កាវើលដ៍សល់គ្នា១០ ជិតចប់ការប្រកួតទៅហើយ នាទីទី៩០បូក៩ កីឡាករ MAKSYM PRIADUN អូសបាល់ដាច់ពីលើ ហើយក៏ទាត់បញ្ចូលទីបានសម្រេច។ក្រោយ១៨ប្រកួត ភ្នំពេញក្រោន មាន៤៣ពិន្ទុ ចំណែកណាហ្កាវើលដ៍នៅរក្សា២៩ពិន្ទុដដែល។ ចុងសប្ដាហ៍នេះ ថ្ងៃទី១៤ ខែកុម្ភៈ ភ្នំពេញក្រោនធ្វើដំណើរទៅកាន់ខេត្តសៀមរាប ជួបអង្គរថាយហ្គឺរ និងណាហ្កាវើលដ៍ ទទួលបឹងកេត៕

ព្រះខ័នរាជស្វាយរៀង រក្សាកៅអីកំពូលតារាង ក្រោយយកឈ្នះ ISI ចុងម៉ោង ១-០

ក្រុមព្រះខ័នរាជស្វាយរៀង បានបន្ដឈរកំពូលតារាងបណ្ដោះអាសន្ន នៅត្រឹមសប្ដាហ៍ទី២០ នៃលីគកំពូលកម្ពុជា ឆ្នាំ២០២៥/២៦ ក្រោយយកឈ្នះក្រុមភ្ញៀវ ISI ដង្កោសែនជ័យ ដោយលទ្ធផល ១-០ នៅចុងម៉ោង ក្នុងជំនួបជើងទី២ កាលពីរាត្រីថ្ងៃអាទិត្យ នៅពហុកីឡដ្ឋានជាតិមរតកតេជោ។ធ្លាប់យកឈ្នះ ៦-១ កាលពីជើងទី១ នៅទឹកដីក្រុមដំរីជ័យ តែការអវត្តមានកីឡាករសំខាន់មួយចំនួន បានធ្វើឲ្យក្រុមលោក Matthew Mcconkey ពិបាកក្នុងការប្រជែង ៣ពិន្ទុពីក្រុម ISI ដង្កោសែនជ័យ ដ្បិតការប្រកួតត្រូវចំណាយពេលជិត ១០០នាទី ទើបមានគ្រាប់បាល់កើតឡើង ដែលធ្វើសម្រេចដោយកីឡាករ Odawara Takashi នៅនាទី៩០+៥។ជ័យជម្នះដ៏តានតឹងនេះ បានជួយឲ្យក្រុមការពារជើងឯកព្រះខ័នរាជស្វាយរៀង រក្សាកៅអីកំពូលតារាងបណ្ដោះអាសន្ន ដោយរកបាន ៤៥ពិន្ទុ បន្ដនាំមុខ ២ពិន្ទុ លើក្រុមឈរលេខរៀងទី២ ភ្នំពេញក្រោន ដែលមាន ៤៣ពិន្ទុក្នុងដៃ ក្រោយយកឈ្នះក្រុមណាហ្គាវើលដ៏ ១-០ នៅចុងម៉ោងដូចគ្នា កាលពីចុងសប្ដាហ៍កន្លងទៅ៕ អត្ថបទ៖ លី ឈុនឡា

ជើងឯកកីឡាទោចក្រយានថ្នាក់ជាតិ ជោគជ័យទាំងការរៀបចំ កើនទាំងគុណផលកីឡាករចូលរួម

ការប្រកួតកីឡាទោចក្រយានជ្រើសរើសជើងឯកថ្នាក់ជាតិ ឆ្នាំ២០២៥ បានបញ្ចប់ដោយជោគជ័យ ទាំងការរៀបចំ និងកំណើនសមិទ្ធផលបច្ចេកទេសកីឡាករចូលរួម ក្រោយដំណើរការប្រកួតរយៈពេល ៣ថ្ងៃ កាលពីចុងសប្ដាហ៍កន្លងទៅ នៅភ្នំបាសិត សម្រាប់វិញ្ញាសាកង់ភ្នំ និងពហុកីឡដ្ឋានជាតិមរតកតេជោ សម្រាប់វិញ្ញាសាកង់គួរ។ ពិធីបិទការប្រកួតបានធ្វើឡើងក្រោមអធិបតីឯកឧត្តម ប៉ាន សូរស័ក្តិ សមាជិករដ្ឋសភានៃកម្ពុជា និងជាប្រធានសហព័ន្ធកីឡាទោចក្រយានកម្ពុជា។លោក នូ ចំរើន អគ្គលេខាធិការសហព័ន្ធ បានបញ្ជាក់ថា ព្រឹត្តិការណ៍ប្រចាំឆ្នាំ ក្រោមគម្រោងថវិការបស់ក្រសួងអប់រំ យុវជន និងកីឡា ឆ្នាំនេះ ក្រោយប្ដូរពីការរៀបចំតាមបណ្ដាខេត្តមករៀបចំនៅភ្នំពេញ ឃើញកីឡាករ-កីឡាការិនី សប្បាយរីករាយក្នុងការចូលរួម និងបានកោតសរសើរ ចំពោះការរៀបចំបានយ៉ាងល្អ ដោយផ្លូវប្រណាំងមិនស្រួលពេក និងមិនពិបាកពេក ដែលធ្វើឲ្យកីឡាករ-កីឡាការិនីមានការខំប្រឹង រហូតមានការបំបែកសិទ្ធផលចាស់របស់ខ្លួន។ ចំពោះអ្នកទទួលបានជ័យលាភី សហព័ន្ធក៏នឹងធ្វើការវាយតម្លៃលើគុណផលបន្ថែម ពិសេសកីឡាករ-កីឡាការិនីវ័យក្មេង ដើម្បីត្រៀមការប្រកួតអន្ដរជាតិនានាផងដែរ។ថ្លែងក្នុងពិធីបិទការប្រកួតនេះដែរ ឯកឧត្តម ប៉ាន សូរស័ក្តិ បានកោតសរសើរ ចំពោះការចូលរួម និងការប្រកួតប្រជែង ក្រោមស្មាតីកីឡា ដែលជំរុញឲ្យជើងឯកថ្នាក់ជាតិឆ្នាំនេះ ប្រព្រឹត្តទៅដោយជោគជ័យ។ ឯកឧត្ដមសង្ឃឹមថា ទោះបីកីឡាមានឈ្នះ និងចាញ់ តែក្រោយបញ្ចប់ការប្រកួត ទាំងអ្នកទទួលបានជ័យលាភី និងពុំទាន់ទទួលបានមេដាយ នឹងបន្ដការខិតខំប្រឹងប្រែងហ្វឹកហាត់បន្ថែម ដើម្បីដុសខាតសមត្ថភាពត្រៀមការប្រកួតនាពេលក្រោយ ក៏ដូចជាការពង្រឹងសមត្ថភាពឲ្យបានកាន់តែខ្លាំង ត្រៀមការប្រកួតអន្ដរជាតិផងដែរ។គួរដឹងថា ការប្រកួតកីឡាទោចក្រយានជើងឯកថ្នាក់ជាតិ ឆ្នាំ២០២៥ មានកីឡាករ-កីឡាការិនីប្រមាណ ១២០នាក់ចូលរួម និងប្រកួតលើ ៧វិញ្ញាសា រួមមានកង់ភ្នំ ៤វិញ្ញាសា និងកង់គួក ៣វិញ្ញាសា។ ជាលទ្ធផលការប្រកួត សម្រាប់វិញ្ញាសាភ្នំបុរស មេដាយមាស បានទៅកីឡាករ សាំង សីហា មកពីក្រសួងមហាផ្ទៃ, វិញ្ញាសាយុវជន មេដាយមាស បានទៅកីឡាករ សាត រីដេវីត មកពីក្លិបគិរម្យ, វិញ្ញាសាកង់ភ្នំនារី មេដាយមាស បានទៅកីឡាការិនី ខេន ម៉ាឡៃ មកពីក្លិប Empire Cycling និងវិញ្ញាសាបុរសកង់ភ្នំអាយុ ៤០ឆ្នាំឡើង មេដាយមាស បានទៅកីឡាករ Pierre Catry មកពីក្លិប Flyingbikes ។ រីឯវិញ្ញាសាកង់គួកបុរសអាយុ ១៩ឆ្នាំឡើង មេដាយមាស បានទៅកីឡាករ សុខ ប៊ុនហុក មកពីក្លិប Sakky Cycling, វិញ្ញាសាកង់គួកបុរសអាយុក្រោម ១៨ឆ្នាំ មេដាយមាស បានទៅកីឡាករ ង៉ោ ជាស៊ុង មកពីក្លិបគិរីរម្យ និងវិញ្ញាសាបុរសអាយុ ៤០ឆ្នាំឡើង មេដាយមាស បានទៅកីឡាករ ឆុន ភារម្យ មកពីក្លិប Sakky Cycling៕ អត្ថបទ៖ លី ឈុនឡា

Man City ឈ្នះ Newcastle ឡើងជួប Arsenal វគ្គផ្តាច់ព្រ័ត្រ EFL Cup នៅ Wembley

ក្រុមបាល់ទាត់ Manchester City បានឈានឡើងវគ្គផ្តាច់ព្រ័ត្រពានកម្រិតទីបីអង់គ្លេស EFL Cup ជាលើកដំបូងតាំងពីឆ្នាំ ២០២១ ក្រោយយកឈ្នះ Newcastle ៣-១ ជើងទីពីរ និងសរុបទាំងពីរជើង ៥-១ នៅវគ្គពាក់កណ្តាលផ្តាច់ព្រ័ត្រ។តាមពីក្រោយពីរគ្រាប់ពីបរាជ័យជើងទីមួយទឹកដីខ្លួនឯក ២-០ Newcastle ត្រូវការប្រកួតអស្ចារ្យមួយនៅជើងទីពីរ នៅទឹកដី Etihad នេះ តែអ្វីៗកាន់តែអាក្រក់នៅពេល Omar Marmoush រកបានគ្រាប់នាំមុខឱ្យម្ចាស់ផ្ទះតាំងពីនាទីទី ៦ ដែលធ្វើឱ្យបន្ទុកកាន់តែធ្ងន់ តាមពីក្រោយដល់ទៅ ៣ គ្រាប់។ មិនអស់ត្រឹមនេះទេ ក្នុងវគ្គទីមួយដដែលក្រុមរបស់លោក Pep Guardiola បង្កើនការនាំមុខពីរគ្រាប់ទៀតដោយ Omar Mahmoush ដដែល និងមួយគ្រាប់ទៀតដោយ Tijjani Reignders។ Anthony Elanga ក្រោយមកក៏តបបានមួយគ្រាប់វិញឱ្យក្រុមរបស់លោក Eddie Howe នៅវគ្គទីពីរ ហើយក៏មិនមានអ្វីប្រែប្រួលទៀតដែរខណៈការប្រកួតបញ្ចប់ដោយ Manchester City យកឈ្នះ Newcastle ៣-១។ Manchester City នៅពេលនេះទទួលបានកៅអីនៅវគ្គផ្តាច់ព្រ័ត្រដោយនឹងត្រូវជួបជាមួយកាំភ្លើងធំ Arsenal នៅកីឡដ្ឋាន Wembley ថ្ងៃទី ២២ ខែមីនា។ Manchester City នឹងត្រូវជួប Liverpool នៅ Premier League ថ្ងៃអាទិត្យនេះ ខណៈ Newcastle ទទួល Brentford នៅថ្ងៃសៅរ៍៕ អត្ថបទ៖នាង សុភាវុធ

Hun Sen Cup៖ ភ្នំពេញក្រោន បឹងកេត និងវិសាខា ឡើងវគ្គ ១/៤ ក្រោយស៊ុតក្រុមថ្នាក់ខេត្ត ៤៥គ្រាប់

ក្រុមការពារតំណែងជើងឯកភ្នំពេញក្រោន ព្រមទាំងក្រុមលេខ៣ និងលេខ៤ ឆ្នាំចាស់ បឹងកេត និងវិសាខា បានដឹកដៃគ្នាឡើងវគ្គ ៨ក្រុមចុងក្រោយ នៃពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី១៩ ឆ្នាំ២០២៥/២៦ (ថ្នាក់ជាតិ) ក្រោយទម្លាក់ក្រុមឡើងមកពីថ្នាក់ខេត្តរៀងៗខ្លួន ជាមួយការស៊ុតបញ្ចូលទីសរុបទាំង ២ជើងចំនួន ៤៥គ្រាប់។សម្រាប់ភ្នំពេញក្រោន គឺបានបន្ដយកឈ្នះក្រុមសមាគមកីឡាបាល់ទាត់ខេត្តត្បូងឃ្មុំ ដោយលទ្ធផល ១០-០ ក្នុងជំនួបជើងទី២ លើទឹកដីរបស់ខ្លួន កាលពីថ្ងៃពុធម្សិលមិញ។ ១០គ្រាប់របស់ក្រុមជើងឯកឆ្នាំចាស់នេះ រកបានដោយ យ៉ែម ដេវិត ៤គ្រាប់ និង វុធ តុលា ២គ្រាប់ ខណៈ ៤គ្រាប់ទៀត រកបានដោយ Breninho, ផាច សុជាវីឡា, កើត មាស និង យ៉ើ មូស្លីម។ សរុបទាំង ២ជើង ភ្នំពេញក្រោន បានយកឈ្នះត្បូងឃ្មុំ ១៣-០។ចំណែកក្រុមបឹងកេត បានយកឈ្នះក្រុមភ្ញៀវឡាយអ៊ិនឃីងខេត្តសៀមរាប ១-០ ទាំងពិបាក ក្នុងជំនួបជើងទី២ នៅពហុកីឡដ្ឋានជាតិ(អូឡាំពិក)ផ្ទុយកាលពីជើងទី១ ដែលពួកគេបានយកឈ្នះក្រៅដី រហូតដល់ ៩-០ ។ ១គ្រាប់ដែលជួយឲ្យក្រុមនាគខៀវ ឡើងវគ្គ ១/៤ ផ្ដាច់ព្រ័ត្រនេះ ធ្វើសម្រេចដោយកីឡាករ ណុប ដេវីត នៅនាទី៣៤ ។ សរុបទាំង ២ជើង បឹងកេត បានយកឈ្នះក្រុមតំណាងខេត្តសៀមរាបនេះ ដោយលទ្ធផល ១០-០។ដោយឡែកក្រុមវិសាខា បានបន្ដយកឈ្នះក្រុមភ្នំពេញហ្គាឡាក់ស៊ី ដោយលទ្ធផល ៩-០ នៅទឹកដីរបស់ខ្លួន បន្ទាប់ពីយកឈ្នះក្រៅដី ១៣-០ កាលពីជើងទី១ ។ ៩គ្រាប់របស់អតីតក្រុមជើងឯក ៣សម័យនេះ ធ្វើសម្រេចដោយ ផាន សុផេន ២គ្រាប់, NANA Kwame ៣គ្រាប់, Pavle Ivelja ២គ្រាប់ ព្រមទាំង អ៊ិន សូដាវីត និង ស រតនា ម្នាក់ ១គ្រាប់។ សរុបលទ្ធផលទាំង ២ជើង វិសាខា បានយកឈ្នះក្រុមភ្នំពេញហ្គាឡាក់ស៊ី ២២-០។សរុបគ្រាប់បាល់ជ័យជម្នះរបស់ក្រុមខ្លាំងៗនៃលីគកំពូលកម្ពុជា លើក្រុមឡើងមកពីថ្នាក់ខេត្ត ទាំង ២ជើង ស្មើនឹង ៦ប្រកួត គឺមានគ្រាប់បាល់កើតឡើងសរុប ៤៥គ្រាប់។ជាមួយការដឹកដៃគ្នាឡើងវគ្គ ៨ក្រុមចុងក្រោយនេះដែរ ភ្នំពេញក្រោន ត្រូវរង់ចាំក្រុមឈ្នះរវាង ISI ដង្កោសែនជ័យ និង អឹមអូអាយ កំពង់ដេវ៉ា ដ្បិតកាលពីជើងទី១ ISI ដង្កោសែនជ័យ បានយកឈ្នះក្រៅដី ៣-៣។ ឯបឹងកេត ត្រូវឈរចាំក្រុមឈ្នះ រវាងកងយោធពលខេមរភូមិន្ទ និងកំពង់ចាម ខណៈវិសាខា ត្រូវឈរចាំក្រុមឈ្នះ រវាងណាហ្គាវើលដ៏ និងឡាយហ្វខេត្តព្រះសីហនុ។ ចំពោះលទ្ធផលកាលពីជើងទី១ ក្រុមកងយោធពលខេមរភូមិន្ទ បានឈ្នះក្រៅដី ៤-០ និងឡាយហ្វខេត្តព្រះសីហនុ បានយកឈ្នះក្នុងដី ១-០៕ អត្ថបទ៖ លី ឈុនឡា

កម្ពុជាបញ្ជូនកីឡាករ-កីឡាការិនី ៨រូប ចូលរួមព្រឹត្តិការណ៍ហែលទឹកអន្ដរជាតិ នៅម៉ាឡេស៊ី

សហព័ន្ធខ្មែរកីឡាហែលទឹក បានបញ្ជូនកីឡាករ-កីឡាការិនី ៨រូប ចូលរួមព្រឹត្តិការណ៍កីឡាហែលទឹកអន្ដរជាតិ MILO/MAS Malaysia Invitational Age Croup Swimming Championship លើកទី៦១ នៅទីក្រុងគូឡាឡាំពួរ ប្រទេសម៉ាឡេស៊ី ។យោងតាមសហព័ន្ធខ្មែរកីឡាហែលទឹក អត្តពលិកតំណាងកម្ពុជាទាំង ៨រូប គឺមានកីឡាករ វ៉ាន់អូស្តិន ពិទ័រសុខខា, ណាំ ឧត្តមរតនៈ, ឈិនលីម សិរីវឌ្ឍន៍, សូ វណ្ណចន្ទចេស្តា, សូ វណ្ណវីរៈទេព, កីឡាការិនី វ៉ាន់អូស្តិន អេឡិន កល្យាណណា, លី ពេជ្រសក្តិវត្តី និងកីឡាការិនី លី ពេជ្រសក្តិមុនិ ដឹកនាំដោយកញ្ញា ហែម ថុនវិទិនី ជាគ្រូបបង្វឹក និងលោក ចេង ពិរោទ ជាគ្រូជំនួយ ដែលបានចាកចេញពីមាតុភូមិ ទៅម៉ាឡេស៊ី កាលពីថ្ងៃពុធកន្លងទៅ។លោក ហែម គីរី អគ្គលេខាធិការសហព័ន្ធ បានងដឹងថា ព្រឹត្ដិការណ៍អន្ដរជាតិប្រចាំឆ្នាំនេះ សហព័ន្ធកីឡាហែលទឹកម៉ាឡេស៊ី តែងរៀបចំជារៀងរាល់ឆ្នាំ ដោយអញ្ជើញអត្តពលិកកម្រិតខ្ពស់មកពីបណ្ដាប្រទេសជាច្រើនចូលរួម ។ សម្រាប់កម្ពុជា ផ្ដោតសំខាន់លើកីឡាករ-កីឡាការិនីវ័យក្មេង ដែលសហព័ន្ធចង់ផ្ដល់ឱកាសឲ្យពួកគេបានចូលរួមប្រកួតអន្ដរជាតិ ដើម្បីវាស់ស្ទង់សមត្ថភាព ក៏ដូចជាដកស្រង់បទពិសោធន៍ សម្រាប់ជាដើមទុនក្នុងការដុសខាតសមត្ថភាពឲ្យបានកាន់តែល្អប្រសើរត្រៀមការប្រកួតអន្ដរជាតិនានា នៅថ្ងៃអនាគត៕ អត្ថបទ លី ឈុនឡា

គ្រូព្រះខ័នរាជ រំពឹងផ្ដល់លទ្ធផលល្អជូនអ្នកគាំទ្រ ក្នុងទំនួបទល់ម្ចាស់ផ្ទះ Lion City យប់នេះ

ក្រុមព្រះខ័នរាជស្វាយរៀង នឹងត្រូវជួបក្រុមម្ចាស់ផ្ទះ Lion City Sailors របស់ប្រទេសសិង្ហបុរី នាវេលាម៉ោង ៧៖៣០នាទីយប់ ថ្ងៃទី៥ ខែកុម្ភៈ ឆ្នាំ២០២៦ នេះ នៅក្នុងពានរង្វាន់ជើងឯកក្លិបបាល់ទាត់អាស៊ីអាគ្នេយ៍ ASEN Club Championship Shopee Cup 2025/26 ពូលB ដែលជាជំនួបដ៏សំខាន់ ដោយក្រុមតំណាងកម្ពុជា ត្រូវការជ័យជម្នះ ដើម្បីរក្សាក្ដីសង្ឃឹមប្រជែងកៅអីវគ្គបន្ដ។ថ្លែងក្នុងសន្និសីទសារព័ត៌មាន មុនការប្រកួត កាលពីល្ងាចថ្ងៃពុធកន្លងទៅ លោក Matthew Mcconkey គ្រូបង្វឹកក្រុមជើងឯកលីគកំពូលកម្ពុជា បានបង្ហាញការត្រៀមខ្លួនរួចរាល់ ក្នុងការតតាំងជាមួយក្រុមខ្លាំងសិង្ហបុរី ដែលសម្បូរដោយកីឡាករមានគុណភាព និងធ្លាប់លេងនៅលីគធំៗ។ យ៉ាងណាលោកជឿជាក់លើកូនក្រុមខ្លួន ក្រោយការរៀបចំក្រុមល្អបានល្អប្រសើរ ពិសេសលោកសង្ឃឹមថា កូនក្រុមនឹងព្យាយាមដើម្បីទទួលបានលទ្ធផលល្អក្នុងការប្រកួតទល់នឹងក្រុម Lion City សម្រាប់តបស្នងទៅនឹងទឹកចិត្តដ៏អស្ចារ្យរបស់អ្នកគាំទ្រខ្លួន។គួរដឹងថា បច្ចុប្បន្នព្រះខ័នរាជស្វាយរៀង កំពុងឈរលេខ៣ មាន ៤ពិន្ទុ តែសល់ ២ប្រកួតក្នុងដៃ តាមពីក្រោយ Johor Darul Ta’zim ឈរលេខ២ មាន ១០ពិន្ទុ តែសល់ ១ប្រកួតក្នុងដៃ ដែលត្រូវជួបក្រុមម្ចាស់ផ្ទះ Nam Dinh របស់វៀតណាម ក្នុងម៉ោងដំណាលគ្នា នាល្ងាចថ្ងៃទី៥ ខែកុម្ភៈ ឆ្នាំ២០២៦នេះ។ រីឯបេក្ខភាពក្នុងពូល ៣ក្រុមផ្សេងទៀត បានអស់ឱកាសប្រជែងកៅអីវគ្គបន្ដហើយ រួមមានក្រុម Lion City Sailors រកបាន ៤ពិន្ទុ សល់ ១ប្រកួត, ក្រុម Bakok United សល់ ២ប្រកួត រកបាន ១ពិន្ទុ និងក្រុម Shan United សល់ ១ប្រកួត តែមិនទាន់មានពិន្ទុរាប់ឡើយ។ដូច្នេះអ្នកគាំទ្រ កំពុងតាមដានការប្រកួតរបស់ព្រះខ័នរាជស្វាយរៀង និងក្រុម Johor Darul Ta’zim ថ្ងៃនេះ ដ្បិតក្រុមរបស់កម្ពុជា ក្រៅពីត្រូវការឈ្នះ ដើម្បីរក្សាក្ដីសង្ឃឹមប្រជែងកៅអីវគ្គបន្ដ ក៏ត្រូវចាំអ៊ុតលទ្ធផលការប្រកួតរបស់ក្រុមម៉ាឡេស៊ីនេះដែរ ព្រោះបើសិន Johor Darul Ta’zim ស្មើ ឬឈ្នះការប្រកួតយប់នេះ ពួកគេនឹងឡើងវគ្គពាក់កណ្ដាលផ្ដាច់ព្រ័ត្រ ជាមួយក្រុម Nam Dinh តែបើពួកគេចាញ់ ឱកាសប្រជែងកៅអីវគ្គ ៤ក្រុមចុងក្រោយនេះ នឹងមានសម្រាប់ព្រះខ័នរាជស្វាយរៀង ករណីបើក្រុមតំណាងកម្ពុជានេះ ទទួលបានជ័យជម្នះ ២ប្រកួតចុងក្រោយ។គួរដឹងថា បន្ទាប់ពីជួប Lion City ថ្ងៃនេះ ព្រះខ័នរាជស្វាយរៀង នៅសល់ ១ប្រកួតក្នុងដៃ ដោយរង់ចាំការប្រកួតជាមួយក្រុម Bakok United របស់ថៃ ដែលត្រូវបានពន្យាពេលប្រកួត កាលពីថ្ងៃទី២៩ ខែមករា ឆ្នាំ២០២៦ នៅពហុកីឡដ្ឋានជាតិមរតកតេជោ រាជធានីភ្នំពេញ។ បច្ចុប្បន្នជំនួបរវាងក្រុមទាំងពីរ នៅមិនទាន់កំណត់កាលបរិច្ចេទថ្មី ក៏ដូចជាទីតាំងសម្រាប់ធ្វើការប្រកួតឡើយ៕ អត្ថបទ លី ឈុនឡា

ក្រសួងអប់រំបណ្តុះបណ្តាលដំឡើងគុណវុឌ្ឍិដល់គ្រូអប់រំកាយ-កីឡា ពីកម្រិតមូលដ្ឋាន ទៅជាបរិញ្ញាបត្រ

ក្រសួងអប់រំ យុវជន និងកីឡាបណ្តុះបណ្តាលដំឡើងគុណវុឌ្ឍដល់គ្រូអប់រំកាយ-កីឡាពីកម្រិតមូលដ្ឋានទៅជាបរិញ្ញាបត្រជូនដល់គ្រូចំនួន ១០៧នាក់ ដើម្បីអភិវឌ្ឍវិស័យ អប់រំកាយ និងកីឡា ចូលរួមកសាងធនធានមនុស្ស ពិសេសក្នុងសង្គមកម្ពុជាដែលកំពុងឆ្ពោះទៅរកកិច្ចសហប្រតិបត្តិការ និងការប្រកួតប្រជែងលើថ្នាក់អន្តរជាតិ។ ឯកឧត្តម ប៉ុន សុខ អគ្គនាយកនៃអគ្គនាយកដ្ឋានកីឡា ក្រសួងអប់រំ យុវជន និងកីឡាបានកោតសរសើរ និងវាយតម្លៃខ្ពស់ចំពោះបុគ្គលិកអប់រំនៃវិទ្យាស្ថានជាតិអប់រំកាយ និងកីឡាទាំងអស់បានចូលរួមសហការខិតខំប្រឹងប្រែងអស់ពីកម្លាំងកាយចិត្ត ចំណាយពេលវេលាភាពទទួលខុសត្រូវខ្ពស់ ក្នុងការជួយរៀបចំកម្មវិធីសិក្សាក្នុងការដំណើរការបណ្តុះបណ្តាលនេះ។ ដោយប្រទេសកម្ពុជាមានការអភិវឌ្ឍមានការរីកចម្រើលើគ្រប់វិស័យ ហើយវិស័យអប់រំកាយ និងកីឡា ក៏មានភាពរីកចម្រើនយ៉ាងឆាប់រហ័ស និងបានក្លាយជាផ្នែកមួយដ៏សំខាន់ ក្នុងការកសាងធនធានមនុស្ស ពិសេសក្នុងសង្គមកម្ពុជាដែលកំពុងឆ្ពោះទៅរកកិច្ចសហប្រតិបត្តិការ និងការប្រកួតប្រជែងលើថ្នាក់អន្តរជាតិ។ ឯកឧត្តមអគ្គនាយកកីឡាបានបន្តថា កីឡាបានដើរតួនាទីយ៉ាងសំខាន់មិនត្រឹមតែជាការកម្សាន្ត និងជួយដល់សុខភាពប៉ុណ្ណោះទេ ប៉ុន្តែកីឡាគឺជាគ្រឹះក្នុងការកសាងធនធានមនុស្សប្រកបដោយគុណភាព សុខមាលភាព និងការអភិវឌ្ឍសង្គមជាតិប្រកបដោយចីរភាព។ ផ្អែកលើសារៈប្រយោជន៍ទាំងអស់នេះ ក្រសួងអប់រំបានបញ្ចូលមុខវិជ្ជាអប់រំកាយទៅក្នុងកម្មវិធីសិក្សាជាផ្លូវការទាំងក្នុង និងកីឡាក្រៅម៉ោងសិក្សា នៅតាមគ្រឹះស្ថានសិក្សាទូទាំងប្រទេស និងគ្រប់កម្រិត ដោយមាននាយកដ្ឋាន អប់រំកាយនិងកីឡា សិស្សនិស្សិត ទទួលខុសត្រូវផ្ទាល់លើការងារនេះជាមួយគោលដៅជំរុញឱ្យសិស្សានុសិស្សគ្រប់រូបត្រូវចេះលេងកីឡាមួយប្រភេទយ៉ាងតិច ក្រោយបញ្ចប់ការសិក្សាថ្នាក់មធ្យមសិក្សាទុតិយភូមិ ស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា ដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដែលបានចាត់ទុកវិស័យអប់រំជា វិស័យអាទិភាពទី១។ លោកស្រី កែវ មនោរម្យ ប្រធានវិទ្យាស្ថានជាតិអប់រំកាយ និងកីឡាបញ្ជាក់ថា បច្ចុប្បន្ននេះ វិទ្យាស្ថានបានបណ្តុះបណ្តាលគរុសិស្ស និងគរុនិស្សិត សរុប ៣៧១៧នាក់ ស្រី ៦៨២នាក់។ ក្នុងឆ្នាំ២០២៦នេះ វិទ្យាស្ថានបានទទួលការអនុញ្ញាតពីឯកឧត្តមរដ្ឋមន្ត្រីក្រសួងអប់រំ ដើម្បីចាប់ផ្តើមដំណើរការដំឡើងគុណវុឌ្ឍជូនដល់គ្រូអប់រំកាយ-កីឡា១០៧នាក់ ក្នុងនោះមានគ្រូអប់រំកាយ-កីឡា ក្នុងវិទ្យាស្ថាន ២៩នាក់។លោកស្រី នាយិកាវិទ្យាស្ថានជាតិអប់រំកាយ និងកីឡាបានបន្តថា បច្ចុប្បន្ននេះ វិទ្យាស្ថានបានបណ្តុះបណ្តាលគរុសិស្ស និងគរុនិស្សិត តាមប្រព័ន្ធបណ្តុះបណ្តាល (១២+២) បានចំនួន ៣១ជំនាន់ សរុប ៣៦២៦នាក់ ស្រី ៦៧១នាក់ និង បណ្តុះបណ្តាលថ្នាក់បរិញ្ញាបត្រអប់រំ ឯកទេសអប់រំកាយ តាមប្រព័ន្ធ (១២+៤) ចំនួន៤ជំនាន់ សរុប ៩១នាក់ ស្រី ១១នាក់ ក្រោមគម្រោង របស់អង្គការមិនមែនរដ្ឋាភិបាលបរទេស បេះដូងមាស។ សូមបញ្ជាក់ថា វគ្គបណ្តុះបណ្តាលដំឡើងគុណវុឌ្ឍនេះប្រព្រឹត្តទៅចាប់ពីថ្ងៃទី២ ខែកុម្ភៈ ដល់ថ្ងៃទី៣០ ខែតុលា ឆ្នាំ២០២៦ ធ្វើឡើងក្នុងគោលបំណងលើកកម្ពស់គុណវុឌ្ឍិគ្រូបង្រៀនកម្រិតមូលដ្ឋានទៅកម្រិតបរិញ្ញាបត្រអប់រំ ឯកទេសអប់រំកាយ ដែលជាការផ្តល់ឱកាសអភិវឌ្ឍវិជ្ជាជីវៈពេញមួយជីវិត និងការបង្កើនគុណភាពនៃការបណ្តុះបណ្តាលគ្រូបង្រៀននៅកម្ពុជា ជាពិសេសឱ្យស្របទៅនឹងការបណ្តុះបណ្តាលនៅគ្រឹះស្ថានឧត្តមសិក្សា និងក្របខ័ណ្ឌគុណវុឌ្ឍជាតិកម្ពុជា ជាធាតុដ៏សំខាន់ក្នុងការជួយឱ្យលោកគ្រូ អ្នកគ្រូទទួលបានជោគជ័យក្នុងអាជីពការងារឱ្យក្លាយជាធនធានមនុស្សប្រកបដោយប្រសិទ្ធិភាព ស្របតាមចក្ខុវិស័យរបស់រាជរដ្ឋាភិបាលឆ្ពោះទៅឆ្នាំ២០៣០ និងឆ្នាំ២០៥០៕

១២ប្រទេសចូលរួមប្រកួតជម្រុះប្រចាំតំបន់ ITF ASIA 14 & UNDER DEVELOPMENT CHAMOPIONSHIPS 2026

ការប្រកួតកីឡាវាយកូនបាល់អន្តរជាតិអាស៊ី វគ្គជម្រុះប្រចាំតបន់អាស៊ីអាគ្នេយ៍ និងអាស៊ីខាងកើតអាយុក្រោម១៤ឆ្នាំ (ITF ASIA 14 & UNDER DEVELOPMENT CHAMOPIONSHIPS 2026-Regional Qualifying Event South, Southeast, & East Asia) ចាប់ផ្តើមដំណើរការប្រកួតជម្រុះហើយ ចាប់ពីថ្ងៃទី០៣-១៤ ខែកុម្ភៈ ឆ្នាំ២០២៦ នៅទីលានវាយកូនបាល់នៃពហុកីឡដ្ឋានជាតិមរតកតេជោ រាជធានីភ្នំពេញ ដោយមាន១២ប្រទេសចូលរួម ខណៈម្ចាស់ផ្ទះកម្ពុជាមានកីឡាករ កីឡាការិនី៤នាក់ចូលរួមប្រកួតប្រជែង។នេះជាការគូសបញ្ជាក់ពី កញ្ញា ស៊ុម ចិន្តា អ្នកសម្របសម្រួលព្រឹត្តិការណ៍នៃសហព័ន្ធកីឡាវាយកូនបាល់កម្ពុជានៅក្នុងកិច្ចប្រជុំមុនការប្រកួត ដែលបានធ្វើឡើងកាលពីល្ងាចថ្ងៃទី០៣ ខែកុម្ភៈ ឆ្នាំ២០២៦ នៅពហុកីឡដ្ឋានជាតិមរតកតេជោ។ កញ្ញា បានបន្ថែមថា នេះជាការប្រកួតវាយកូនបាល់អន្តរជាតិអាស៊ីប្រចាំតំបន់ក្រោម១៤ឆ្នាំ ដោយមានការចូលរួមសរុប១២ប្រទេស ក្នុងនោះក្នុង១ប្រទេសមានកីឡាករ កីឡាការិនី៤នាក់ និងគ្រូបង្វឹកម្នាក់។ហើយនេះជាការប្រកួតប្រជែងក្រុមសន្សំពិន្ទុ ដើម្បីស្វែងរកក្រុមជ័យលាភីដែលមានពិន្ទុខ្ពស់ជាងគេ (២ប្រទេស) សម្រាប់ការប្រកួតនៅជុំផ្តាច់ព្រ័ត្រ នាឆ្នាំ២០២៧ខាងមុខ។ កញ្ញា សោម ចិន្តា គូសបញ្ជាក់ថា ការប្រកួតជម្រុះនេះ មានវិញ្ញាសាឯកត្តជនក្មេងប្រុស-ក្មេងស្រី វាយគូក្មេងប្រុស-ក្មេងស្រី និងវាយចម្រុះក្រុម ហើយតាមរយៈការទទួលបានសិទ្ធិរៀបចំធ្វើម្ចាស់ផ្ទះ ព្រឹត្តិការណ៍វាយកូនបាល់អន្តរជាតិវគ្គជម្រុះតំបន់មួយនេះនឹងជួយផ្តល់ឱកាសដល់កីឡាករ កីឡាការិនីវ័យក្មេងកម្ពុជាបានចូលរួមប្រកួតប្រជែង ដកស្រង់បទពិសោធន៍បច្ចេកទេសបន្ថែមជាមួយកីឡាករ កីឡាការិនីអន្តរជាតិមកពី១១ប្រទេសផ្សេងៗទៀត។ជាមួយគ្នានេះដែរ លោក ឃ្លាំង ពន្លក គ្រូបង្វឹកផ្នាល់កម្ពុជាបានគូសបញ្ជាក់ថា សម្រាប់កីឡាករ កីឡាការិនី បានបង្កើនការហ្វឹកហាត់ជាប់ជាប្រចាំ ពោលពីមានរយៈពេលប្រមាណ១ឆ្នាំមកហើយ ចាប់តាំងពីដើមឆ្នាំ២០២៥មកម៉្លេះ ដោយគុណភាពបច្ចេកទេសរបស់ពួកគាត់មានការរីកចម្រើនល្អ ដែលមានសមត្ថភាពអាចប្រកួតប្រជែងបានជាមួយអត្តពលិកមកពីប្រទេសផ្សេងៗក្នុងតំបន់ នៅក្នុងព្រឹត្តិការណ៍អន្តរជាតិមួយនេះបាន។សូមបញ្ជាក់ថា ព្រឹត្តិការណ៍ប្រកួតវាយកូនបាល់អន្តរជាតិវគ្គជម្រុះប្រចាំតំបន់អាស៊ីខាងកើត និងតំបន់អាស៊ីអាគ្នេយ៍ នៅប្រទេសកម្ពុជា ឆ្នាំ២០២៦នេះ មានគ្រូបង្វឹក និងកីឡាករ កីឡាការិនីចូលរួមសរុប ៦០នាក់។ចំពោះសមាសភាពកីឡាករ កីឡាការិនីម្ចាស់ផ្ទះកម្ពុជាមាន៤នាក់ គឺកីឡាករកាន់កូនកាត់ខ្មែរ-រស្ស៊ី មីហេអ៊ីឆេវ អាឡិចសេនឌឺ កីឡាករ មានសុផានិត និងកីឡាការិនី ម៉ន មករា និងកីឡាការិនី ស៊្រុន ជំនិតអេសធើ ដឹកនាំដោយគ្រូបង្វឹកកម្ពុជា លោក ឃ្លាំង ពន្លក។ កីឡាករ កីឡាការិនីម្ចាស់ផ្ទះកម្ពុជាត្រូវប្រកួតលើ៤វិញ្ញាសា គឺវិញ្ញាសាឯកត្តជនក្មេងប្រុស-ក្មេងស្រី និងវាយគូក្មេងប្រុស-ក្មេងស្រីក្រោម១៤ឆ្នាំ៕

បណ្ដាញសង្គម

ព័ត៌មានថ្មីៗ

កម្ពុជាប្តេជ្ញាលើកកម្ពស់សមភាពយេនឌ័រ និងការចូលរួមរបស់ស្ត្រីក្នុងវិស័យសន្តិភាព និងសន្តិសុខ

ក្រុមការងារជំនាញបានធ្វើការសិក្សានិងបានរកឃើញហ្វូស៊ីសឈើធំៗចំនួន៣ទីតាំងថែមទៀតនៅខេត្តស្ទឹងត្រែង

មន្ត្រីជាន់ខ្ពស់ក្រសួងការពារជាតិ ដឹកនាំគណៈប្រតិភូការពារជាតិ ចូលរួមកិច្ចប្រជុំថ្ងៃទី២ នៃកិច្ចប្រជុំរដ្ឋមន្ត្រីការពារជាតិអាស៊ាន-បូក (ADMM-Plus) នៅហ្វីលីពីន

ប្រធានាធិបតីអាល្លឺម៉ង់៖ ចិនត្រូវតែចៀសវាងប្រយោជន៍តែម្ខាងនៅក្នុងទំនាក់ទំនងសេដ្ឋកិច្ច

ខេត្តភូកេតរបស់ថៃ ប្រកាសអាសន្ន «ពណ៌ក្រហម» ខណៈផ្លូវត្រូវបានជន់លិចដោយសារភ្លៀងធ្លាក់ខ្លាំង

មេដឹកនាំហុងកុងសុំអភ័យទោសចំពោះអគ្គិភ័យនៅស្រុក Tai Poកាលពីឆ្នាំមុន និងសន្យាធ្វើកំណែទម្រង់

អែលសាល់វ៉ាឌ័រ នឹងបញ្ជូនទាហានជាង ២.០០០នាក់ ទៅហៃទី ដើម្បីជួយដល់ប្រតិបត្តិការសង្គ្រោះ

លោក Putin ៖ រុស្ស៊ីត្រៀមខ្លួនជួយអាហ្វ្រិកប្រយុទ្ធប្រឆាំងភេរវកម្ម និងការជួញដូរគ្រឿងញៀន

កោះតៃវ៉ាន់លើកឡើងពីការគំរាមកំហែងជាក់ស្ដែង ពីសំណាក់នាវាចិន ៥០គ្រឿងដែលកំពុងប្រតិបត្តិការ

នាយករដ្ឋមន្រ្តីអ៊ីរ៉ាក់ជួបលោក Ahmed al-Sharaa អំឡុងដំណើរទស្សនកិច្ចជាប្រវត្តិសាស្រ្តទៅកាន់ប្រទេសស៊ីរី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877