BTV NEWS

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

ព័ត៌មានកីឡា

ក្រុមបាល់ទះកងទ័ពកម្ពុជា ជួបកងទ័ពឡាវរសៀលនេះ ដើម្បីប្រជែងកៅអីវគ្គ ១/២ ផ្ដាច់ព្រ័ត្រ

ក្រុមបាល់ទះកងយោធពលខេមរមភូមិន្ទ របស់កម្ពុជា នឹងត្រូវជួបក្រុមបាល់ទះកងទ័ពឡាវ នារសៀលថ្ងៃទី០៥ ខែតុលានេះ ក្នុងកម្មវិធីពានរង្វាន់កងទ័ពអាស៊ាន ឆ្នាំ២០២៣ នៅប្រទេសវៀតណាម ដើម្បីប្រជែងកៅអីវគ្គ ៤ក្រុមចុងក្រោយ ។នេះគឺជាការប្រកួតទី២ របស់ក្រុមបាល់ទះកងទ័ពកម្ពុជា បន្ទាប់ពីប្រកួតបើកឆាកចាញ់ក្រុមម្ចាស់ផ្ទះវៀតណាម ៣-០ ។ លទ្ធផលនេះ នាំឲ្យក្រុមកងទ័ពកម្ពុជា ត្រូវការឈ្នះដាច់ខាត ក្នុងការប្រកួតជាមួយក្រុមកងទ័ពឡាវ នារសៀលនេះ ដើម្បីមានឱកាសឡើងវគ្គបន្ដ ។គួរដឹងថា ការប្រកួតបាល់ទះពានរង្វាន់កងទ័ពអាស៊ាន ឆ្នាំ២០២៣ ដែលវៀតណាមធ្វើម្ចាស់ផ្ទះ គឺមាន ៧ប្រទេសចូលរួម ក្នុងនោះក្រុមកីឡាបាល់ទះកងយោធពលខេមភូមិន្ទ របស់កម្ពុជា ស្ថិតក្នុងពូលA ជាមួយក្រុមកងទ័ពឡាវ និងម្ចាស់ផ្ទះវៀតណាម ខណៈពូលB មានក្រុមថៃ មីយ៉ាន់ម៉ា់ ម៉ាឡេស៊ី និងឥណ្ឌូនេស៊ី ។បេសកកម្មនេះ ក្រុមបាល់ទះកងទ័ពកម្ពុជា គឺដឹកនាំដោយឯកឧត្តម តែម ម៉ឺន អនុរដ្ឋលេខាធិការក្រសួងការពារជាតិ ទទួលបន្ទុកការងារកីឡា និងជាអនុប្រធានអចិន្ត្រៃយ៍ក្រុមប្រឹក្សាកីឡាកងយោធពលខេមរភូមិន្ទ ។ ព្រឹត្តិការណ៍នេះ រៀបចំឡើង ដើម្បីរឹតចំណងមិត្តភាព រវាងកងទ័ពបណ្ដាប្រទេសសមាជិកអាស៊ាន តាមរយៈការប្រកួតកីឡាក្ខណៈមិត្តភាពមួយនេះ៕ អត្ថបទ លី ឈុនឡា

ក្រុមម៉ូតូទឹកកម្ពុជា បន្ដឈ្នះមេដាយមាស-ប្រាក់ ៤គ្រឿងទៀត ក្នុងព្រឹត្តិការណ៍កម្រិតពិភពលោក នៅអាមេរិក

ក្រុមកីឡាម៉ូតូទឹកកម្ពុជា ដណ្ដើមបានមេដាយ ៤គ្រឿងទៀតហើយ រួមមានមេដាយមាស ២ និងប្រាក់ ២ នៅក្នុងព្រឹត្តិការណ៍ប្រណាំងម៉ូតូទឹកកម្រិតពិភពលោក Water Jet Ski World Series ឆ្នាំ២០២៣ ជុំទី៣ នៅសហរដ្ឋអាមេរិក នៅថ្ងៃទី០៥ ខែតុលា ឆ្នាំ២០២៣ នេះ ។តាមការបញ្ជាក់របស់កីឡាករ សាលី អ៊ូម៉ើត ដែលជាប្រធានក្រុម សម្រាប់ការប្រកួតថ្ងៃទី២ នេះ ក្រុមកីឡាករកម្ពុជា ធ្វើបានយ៉ាងល្អ ដោយធ្វើការប្រកួត ៣នាក់ សុទ្ធតែដណ្ដើមបានមេដាយជូនជាតិ ក្នុងនោះកីឡាករ សាលី ហ្វីលីន ដែលឈ្នះមេដាយមាស ១ និងប្រាក់ ១ កាលពីម្សិលមិញ បានបន្ដឈ្នះមេដាយមាស ១ និងប្រាក់ ១គ្រឿងបន្ថែមទៀត ។ចំណែកមេដាយ ២គ្រឿងទៀត គឺកីឡាករ កៃ វ៉ាន់ស៊ីដែន ដណ្ដើមបានមេដាយមាស ១ និងកីឡាករ ម៉ីន អូស្មាន់ ដណ្ដើមបានមេដាយប្រាក់ ១គ្រឿង ។ សរុបពេលនេះ ក្រុមកីឡាម៉ូតូទឹកកម្ពុជា ដណ្ដើមបានមេដាយ ៦គ្រឿងហើយ ពោលគឺមានមេដាយមាស ៣ និងមេដាយប្រាក់ ៣គ្រឿង។ប៉ុន្ដែការប្រកួតមិនទាន់បញ្ចប់នោះទេ ដោយក្រុមម៉ូតូទឹកកម្ពុជា នៅសល់កីឡាករ ៣រូបទៀត ដែលត្រូវបន្ដការប្រកួតរហូតដល់ ៦វិញ្ញាសា ក្នុងនោះមានកីឡាករ សាលី អ៊ូមើត, ម៉ីន មូស្ដាន់ និងសិស្សប្អូន សាលី ហ្វីលីន ។សូមបញ្ជាក់ថា ក្នុងព្រឹត្តិការណ៍ Water Jet Ski World Series ឆ្នាំ២០២៣ ជុំទី៣ នៅសហរដ្ឋអាមេរិក ចាប់ពីថ្ងៃទី០៤ ដល់ថ្ងៃទី០៨ ខែតុលា ឆ្នាំ២០២៣ កីឡាករ សាលី អ៊ូមើត ដែលជាប្រធានក្រុមបានដឹកនាំកីឡាករវ័យក្មេង ៨រូបចូលរួមប្រកួត ក្នុងនោះមានកីឡាករ ៥រូបត្រូវធ្វើការប្រកួត ដែលមាន សាលី អ៊ូមើត ផ្ទាល់, កៃ វ៉ាន់ស៊ីដែន, មីន មូស្ដាន់ និង មីន អូស្មាន់ ។ រីឯ ៤នាក់ទៀត គឺកីឡាករថ្នាល ដែលចូលរួមរៀនសូត្រ និងដកស្រង់បទពិសោធន៍ពីព្រឹត្តិការណ៍លំដាប់ពិភពលោកនេះ សម្រាប់យកមកអនុវត្តក្នុងការហ្វឹកហាត់ និងអភិវឌ្ឍន៍សមត្ថភាព ឆ្ពោះទៅរកការប្រកួតអន្ដរជាតិនាថ្ងៃអនាគត៕ អត្ថបទ លី ឈុនឡា

Australian Open នឹងចំណាយពេលប្រកួត ១៥ ថ្ងៃលើកដំបូងនៅឆ្នាំក្រោយ

ព្រឹត្តិការណ៍វាយកូនបាល់ Grand Slam, Australian Open នៅត្រូវចំណាយពេលប្រកួត ១៥ ថ្ងៃជាលើកដំបូងនៅឆ្នាំ ២០២៤ ខាងមុខដើម្បីកាត់បន្ថយការប្រកួតរហូតដល់យប់ជ្រៅ។ ការប្រកួត Australian Open កាលពីដើមឆ្នាំ ២០២៣ បានទទួលរងការរិះគន់ពីកីឡាករមួយចំនួនដូចជាអតីតកីឡាករលេខ ១ ពិភពលោកស្កុតឡេន Andy Murray ត្រូវបញ្ចប់ការប្រកួតរបស់ខ្លួនមួយដល់ម៉ោង ៤ ទៀបភ្លឺ។ចាប់ពីឆ្នាំ ២០២៤ ទៅ Australian Open នឹងមានការប្រកួតនៅលើទីលានធំត្រឹម ២ ប្រកួតប៉ុណ្ណោះ សម្រាប់ពេលថ្ងៃ ខណៈកន្លងមកត្រូវរៀបចំ ៣ ប្រកួតដោយចាប់ផ្តើមពីម៉ោង ១១ ប្រឹកតទៅ។ជាមួយគ្នានោះដែរ French Open ក៏មានការរៀបចំ ១៥ ថ្ងៃផងដែរ លើកលែងតែ US Open និង Wimbledon ដែលមានត្រឹម ១៤ ថ្ងៃនៅឡើយ។រំលឹកថាកាលពីដើមឆ្នាំ ២០២៣ នេះ Australian Open កីឡាករស្កុតឡេន Andy Murray បានចាប់ផ្តើមការប្រកួតរបស់ខ្លួនជុំទី ២ នៅវេលាម៉ោង ១០ និង ២០ នាទីយប់ ហើយទំរាំយកឈ្នះកីឡាករអូស្រ្តាលី Thanasi Kokkinakis បានត្រូវចំណាយពេល ៥ ម៉ោង ៤៥ នាទី ពោលគឺបញ្ចប់នៅម៉ោង ៤ និង ៥ នាទីព្រឹក។ Murray បាននិយាយថា រូបគេបានសម្រាកត្រឹម ៣ ម៉ោងប៉ុណ្ណោះក្រោយការប្រកួតនោះ មុនឡើងទៅធ្លាក់ជុំទី៣៕ អត្ថបទ៖នាង សុភាវុធ

Jannik Sinner ទំលាក់ Carlos Alcaraz ឡើងវគ្គផ្តាច់ព្រ័ត្រវាយកូនបាល់ China Open

កីឡាករវាយកូនបាល់កំពូលរបស់អេស្ប៉ាញ Carlos Alcaraz បានខ្ទាតចេញពីការប្រកួតវាយកូនបាល់កម្មវិធី China Open នៅទឹកដីចិនហើយ ក្រោយរងបរាជ័យក្រោមស្នាដៃកីឡាករអ៊ីតាលី Jannik Sinner នៅវគ្គពាក់កណ្តាលផ្តាច់ព្រ័ត្រ។កីឡាករវ័យ ២២ ឆ្នាំ Jannik Sinner បានយកឈ្នះដោយលទ្ធផល ៧-៦(៧-៤) និង ៦-១ លើជើងឯក Grand Slam ២ លើករូបនេះ ហើយជ័យជំនះនៅពេលនេះដែរធ្វើឱ្យ Jannik Sinner នាំមុខ ៤-៣ ក្នុងស្ថិតិជួបគ្នា ៧ លើករវាងអ្នកទាំងពីរ។ Jannik Sinner បានបង្ហាញទំរង់របស់ខ្លួនដល់ចំនុចកំពូលមួយ ដើម្បីបន្តដំណើរឡើងវគ្គផ្តាច់ព្រ័ត្រ China Open នេះជួបជាមួយកីឡាកររុស្ស៊ីលំដាប់លេខ ៣ ពិភពលោក Daniil Medvedev។កីឡាករវ័យ ២៧ ឆ្នាំរុស្ស៊ី Daniil Medvedev បានកក់កៅអីនៅវគ្គផ្តាច់ព្រ័ត្រក្រោយយកឈ្នះកីឡាករអាល្លឺម៉ង់ Alexander Zverev ៦-៤ និង ៦-៣៕ អត្ថបទ៖នាង សុភាវុធ

Galatasaray តាមពីក្រោយពីរដងយកឈ្នះនៅផ្ទះ Manchester United ៣-២

រដូវកាលដ៏អាក្រក់របស់ក្រុមបិសាចក្រហម Manchester United នៅតែបន្ត បន្ទាប់ពីរងបរាជ័យក្នុងទឹកដីខ្លួនឯង ក្រោមថ្វីជើងក្រុមភ្ញៀវទួកគី Galatasaray ៣-២។ក្រុមរបស់លោក Erik ten Hag បាននាំមុខការប្រកួតពីរលើកដោយខ្សែប្រយុទ្ធ Rasmus Hojlund នាទីទី ១៧ តែ Galatasaray តាមស្មើវិញនៅនាទីទី ២៣ ដោយអតីតខ្សែប្រយុទ្ធ Man United, Wilfired Zaha។ ឈានដល់វគ្គទី ២ Hojlund ម្តងទៀតរកបានគ្រាប់នាំមុខសាជាថ្មីនៅនាទីទី ៦៧ តែបានត្រឹម ៤ នាទី Galatasaray តាមស្មើម្តងទៀតនៅនាទីទី ៧១ ដោយ Kerem Akturkoglu មុនពេលដែល Mauro Icardi ដែលស៊ុតបាល់ពិន័យ ១១ ម៉ែត្រមិនចូលនោះ ជាអ្នករកគ្រាប់ជ័យជំនះឱ្យ Galatasaray នៅនាទីទី ៨១។ នេះជាលើកដំបូងហើយដែល Manchester United ចាប់ផ្តើមរដូវកាល UEFA Champions League ជាមួយនឹងបរាជ័យ ២ ប្រកួតជាប់គ្នាបែបនេះ ហើយក៏ជាបរាជ័យក្នុងផ្ទះពីរប្រកួតជាប់គ្នាដែរ បន្ទាប់ពីទើបតែចាញ់ Crystal Palace នៅ Premier League កាលពីថ្ងៃសៅរ៍។ ឆ្លងកាត់ពីរប្រកួតនៅ UCL នៅពេលនេះ Manchester United ឈរបាតពូលមាន ០ ពិន្ទុខណៈ Bayern Munich យកឈ្នះនៅទឹកដី Copenhagen ២-១ យប់មិញឈរលើគេមាន ៦ ពិន្ទុពេញ។ នៅក្នុងពូល B វិញ Arsenal ក៏រងបរាជ័យដែរ នៅតែទឹកដីបារាំងរបស់ RC Lens ២-១។ Gabriel Jesus បើកការនាំមុខឱ្យ Arsenal នៅនាទីទី ១៤ តែ Lens វាយបកពីក្រោយពីរគ្រាប់ដោយ Adrien Thomasson និង Elye Wahi។ បីពិន្ទុនេះ Lens ឡើងឈរលើគេក្នុងពូលមាន ៤ ពិន្ទុតាមពីក្រោយដោយ Arsenal មាន ៣ ពិន្ទុ Sevilla ស្មើនៅទឹកដី PSV យប់មិញមាន ២ ពិន្ទុខណៈក្រុមហូឡង់ PSV មាន ១ ពិន្ទុ។ លទ្ធផលផ្សេងទៀតមាន Real Madrid ឈ្នះនៅទឹកដី Napoli ៣-២ ខណៈ Braga ឈ្នះនៅទឹកដី Union Berlin ៣-២ នៅក្នុងពូល C។ រីឯពូល D Inter Milan ឈ្នះ Benfica ១-០ និង Salzburg ចាញ់ Real Sociedad ២-០ ក្នុងដីខ្លួនឯង៕ អត្ថបទ៖នាង សុភាវុធ

Frank Lampard ក្លាយជាជម្រើសឈានមុខម្នាក់ជំនួសតំណែងអ្នកចាត់ការ Michael Beale នៅ Rangers

អតីតអ្នកចាត់ការ Chelsea និង Everton លោក Frank Lampard បានក្លាយជាបេក្ខភាពឈានមុខគេម្នាក់ដែល អាចទទួលតំណែងអ្នកចាត់ការក្លិបស្កុតឡេន Glasgow Rangers ជំនួសតំណែងលោក Michael Beale ដែលត្រូវបានបញ្ចប់តំណែងកាលពីថ្ងៃអាទិត្យ។បុរសវ័យ ៤៥ ឆ្នាំ Frank Lampard ត្រូវបានគេរំពឹងថា នឹងមានការចរចាមួយជាមួយ Rangers ក្នុងសប្តាហ៍នេះ។Lampard ទទួលការងារចុងក្រោយរបស់ខ្លួនគឺការដឹកនាំ Chelsea បណ្តោះអាសន្ននៅខែមេសាដល់ខែឧសភា ចុងរដូវកាលមុន តែការវិលត្រលប់មកជាលើកទី ២ របស់អតីតខ្សែបម្រើរូបនេះមិនជោគជ័យឡើយ ដោយរកបានត្រឹម ១ ពិន្ទុប៉ុណ្ណោះពីការប្រកួត ១១ លើក។ចាប់ផ្តើមអាជីពជាអ្នកចាត់ការនៅឆ្នាំ ២០១៨ ជាមួយ Derby County, Frank Lampard ដែលមានអាជីពជាកីឡាករជោគជ័យជាមួយ Chelsea នោះ ធ្លាប់ដឹកនាំ Chelsea លើកដំបូងពីឆ្នាំ ២០១៩ ដល់ ២០២១ មុនពេលត្រូវបានដកតំណែងក្រោយចាញ់ ៩ ប្រកួតក្នុងចំណោម ១២ ប្រកួតចុងក្រោយក្នុងលីគ។ដោយឡែកសម្រាប់ Rangers បានសំរេចបញ្ចប់តំណែងអ្នកចាត់ការ Michael Beale ចេញពីតំណែងក្រោយរងបរាជ័យ ៣ ប្រកួតក្នុងចំណោម ៧ ប្រកួតក្នុងលីគរដូវកាលនេះ។បរាជ័យក្នុងទឹកដីរបស់ខ្លួនចុងសប្តាហ៍កន្លងទៅ ក្រោមថ្វីជើង Aberdeen បានធ្វើឱ្យ Rangers នៅពេលនេះដេញពីក្រោយគូប្រជែង Celtic ដល់ទៅ ៧ នៅក្របខណ្ឌ Scottish Premiership៕ អត្ថបទ៖នាង សុភាវុធ

លោក Felix៖ ការរើសកីឡាករ ផ្អែកលើសេនារីយ៉ូ ដែលត្រូវប្រើក្នុងការប្រកួតនីមួយៗ

លោក Felix Dalmas គ្រូបង្វឹកក្រុមជម្រើសជាតិកម្ពុជា បានគូសបញ្ជាក់ថា ការជ្រើសរើសកីឡាករជម្រើសជាតិ ផ្អែកលើសេនារីយ៉ូ ដែលត្រូវប្រើក្នុងការប្រកួតនីមួយៗ ។ ការណ៍នេះ ទើបកីឡាករល្អៗមួយចំនួន មិនត្រូវបានកោះហៅ ដ្បិតពួកគេ នៅតែមានឱកាសជាប់ជម្រើសជាតិនាថ្ងៃអនាគត ប្រសិនបើពួកគេបន្ដធ្វើបានល្អ។ការលើកឡើងនេះ ស្របពេលការកោះហៅកីឡាករ ២៧នាក់ ចូលរួមប្រមូលផ្ដុំហ្វឹកហាត់ត្រៀមការប្រកួតជម្រុះពានរង្វាន់បាល់ទាត់ពិភពលោក FIFA World Cup 2026 វគ្គជម្រុះជុំទី១ ជាមួយក្រុមជម្រើសជាតិប៉ាគីស្ថាន នាសប្ដាហ៍ក្រោយ មានប្រតិកម្មមួយចំនួន ពីសំណាក់អ្នកគាំទ្រ ក៏ដូចជាអ្នកតាមដានវិស័យកីឡាបាល់ទាត់ជាតិ ។ផ្អែកលើការប្រមូលផ្ដុំហ្វឹកហាត់ ៣លើកកន្លងមក លោកបានរកឃើញកីឡាករមួយចំនួន ដែលមានគុណភាពផ្សេងគ្នា បន្ថែមលើធនធានកីឡាករមានស្រាប់ ដែលធ្វើឲ្យមានភាពងាយស្រួលបន្ថែមទៀត ដើម្បីដឹងពីគុណភាពកីឡាករ ដែលត្រូវប្រើក្នុងការប្រកួតទាំងមូលទៅថ្ងៃអនាគត ។ អ្វីដែលពិសេស ពាក់ព័ន្ធនឹងកីឡាករទាំងអស់ បន្ទាប់ពីពាក់អាវជម្រើសជាតិ អ្វីដែលពួកគេចង់បង្ហាញ គឺសម្រាប់ក្រុមជម្រើសជាតិកម្ពុជា។ចំពោះការកោះហៅកីឡាករលើកនេះវិញ លោក Felix បន្ថែមថា ពិតណាស់ គឺត្រៀមការប្រកួតជាមួយប៉ាគីស្ថាន។ ក្នុងនោះលោកមានកីឡាករផ្សេងគ្នា ដើម្បីត្រៀមប្រើលើជម្រើសផ្សេងគ្នា ឬក៏សេនារីយ៉ូ ដែលអាចកើតឡើងក្នុងការប្រកួត ដើម្បីអាចប្រើប្រាស់ក្នុងសេនារីយ៉ូមួយៗ ទៅតាមលក្ខណៈការប្រកួត ។ ដូច្នេះអ្វីដែលលោកសង្ឃឹម គឺការរៀបចំបានល្អ ដើម្បីត្រៀមខ្លួនក្នុងស្ថានភាពនីមួយៗ នៃការប្រកួត ។ទាក់ទិននឹងការអវត្តមានកីឡាករល្អៗមួយចំនួន ដែលធ្លាប់ជាប់ជម្រើសជាតិ និងកំពុងបង្ហាញភាពលេចធ្លោក្នុងលីគវិញ លោកថា ពួកគេនៅតែមានឱកាសត្រូវបានកោះហៅពេលក្រោយ បើសិនពួកគេបន្ដធ្វើបានល្អ ដូចជា សឿត បារាំង, ផាច សុជាវីឡា, ឆេង ម៉េង, ស៊ិន កក្កដា, ប្រាក់ មុន្នីឧត្តម, សារ៉េត គ្រីយ៉ា និង គឹម សុខយុទ្ធ ជាដើម ដែលស្ថិតក្នុងការតាមដានជាប្រចាំពីសំណាក់ក្រុមការងារគ្រូបង្វឹក ។ រីឯអ្នកចាំទី អ៊ុ វិចិត្រ ក៏មានការកោះហៅលើកមុនដែរ តែដោយសារគេបង្ហាញពីបញ្ហារបួស ទើបមានការសម្រេចចិត្ដអ្នកចាំទី ៣នាក់ផ្សេង ។គ្រូបង្វឹកសញ្ជាតិអាហ្សង់ទីនដដែល បានសង្កត់ធ្ងន់ លើការកោះហៅកីឡាករ គឺផ្ដោតលើស្ថានភាពជាក់ស្ដែងនៃគូប្រកួត ដោយលោកបានលើកឧទាហរណ៍ ពាក់ព័ន្ធនឹងការប្រកួតស្មើក្រុមហុងកុង ក្នុងជំនួបមិត្តភាពកាលពីថ្មីៗ ។ លោកថា ហុងកុងមានកម្រិតលើកម្ពុជា ៣-៤ដង តែការប្រមូលផ្ដុំលើកមុន កីឡាករកម្ពុជាធ្វើបានល្អ ។ ចំណែកប៉ាគីស្ថាន ក៏ដូចគ្នា ដ្បិតចំណាត់ថ្នាក់ពិភពលោកពួកគេទាបជាងកម្ពុជា តែពួកគេ គឺជាក្រុមខ្លាំង និងសម្បូរដោយកីឡាករល្អៗ ពិសេសនៅពេលប្រកួតក្រៅដី ដែលអាចនឹងមានសម្ពាធខ្លាំងពីអ្នកគាំទ្រ បន្ទាប់ពីពួកគេខកខានរៀបចំការប្រកួតក្នុងដីអស់ពេលជាយូរ ។នេះគឺជាចំណុចសំខាន់មួយ ដែលលោកត្រូវការកីឡាករមានគុណភាពផ្សេងគ្នា ពោលអ្វីដែលក្រុមការងារគ្រូជម្រើសជាតិអាចធ្វើបាន គឺជាក្រុមមួយ ដែលចំណាយពេលជាមួយការវិភាគគូប្រកួត និងការបង្ហាញរបស់គូប្រកួតជាដើម សម្រាប់ជាមូលដ្ឋានដ៏សំខាន់ ក្នុងការជ្រើសរើសកីឡាករ ហើយរៀបចំក្រុមសម្រាប់ត្រៀមការប្រកួតនោះ ។ លោក Felix Dalmas បន្ថែម ។សូមបញ្ជាក់ថា បន្ទាប់ពីបង្ហាញបញ្ជីឈ្មោះបឋមកីឡាករ ២៧នាក់ ក្រុមជម្រើសជាតិកម្ពុជា បានចាប់ផ្ដើមប្រមូលផ្ដុំហ្វឹកហាត់ កាលពីថ្ងៃច័ន្ទដើមសប្ដាហ៍ ដើម្បីត្រៀមការប្រកួតជម្រុះពានរង្វាន់ FIFA World Cup 2026 ជុំទី១ ដែលកម្ពុជា នឹងត្រូវបើកទ្វារផ្ទះទទួលក្រុមភ្ញៀវប៉ាគីស្ថាន ក្នុងជើងទី១ នាថ្ងៃទី១២ ខែតុលា នៅពហុកីឡដ្ឋានជាតិអូឡាំពិក មុនធ្វើដំណើរទៅប្រកួតជើងទី២ នៅទឹកដីប៉ាគីស្ថានវិញ នាថ្ងៃទី១៧ ខែតុលា ឆ្នាំ២០២៣ ខាងមុខ៕ អត្ថបទ លី ឈុនឡា

Neymar រកបានគ្រាប់ដំបូងនៅ AFC Champions League ខណៈ Al-Hilal ឈ្នះនៅដី Nassaji

ទីបំផុតខ្សែប្រយុទ្ធប្រេស៊ីល Neymar រកបានគ្រាប់បាល់ដំបូងហើយតាំងពីផ្លាស់មកកាន់ក្លិបអារ៉ាប៊ីសាអ៊ូឌីត Al-Hilal ក្រោយស៊ុតបញ្ចូលទីមួយគ្រាប់ក្នុងជ័យជំនះ ៣-០ លើក្រុមម្ចាស់ផ្ទះអ៊ីរ៉ង់ Nassaji Mazandaran នៅក្របខណ្ឌ AFC Champions League។ការប្រកួតនៅកីឡដ្ឋាន Azadi ទីក្រុង Tehran ប្រទេសអ៊ីរ៉ង់អតីតខ្សែប្រយុទ្ធ Fulham, Aleksandar Mitrovic ជាអ្នកបើកការនាំមុខឱ្យ Al-Hilal នៅនាទីទី ១៨ មុនពេលដែលម្ចាស់ផ្ទះបាត់បង់កីឡាករម្នាក់នៅពេល VAR ឆែកឃើញពីកំហុសរបស់ Amir Mohammad Houshmand ក៏ទទួលបានកាតក្រហមបណ្តេញចេញ។ចូលវគ្គទី ២ Neymar ក៏រកបានគ្រាប់បាល់ដំបូងរបស់ខ្លួននៅនាទីទី ៥៨ មុនពេលដែល Saleh Al Shehri បន្ថែមគ្រាប់ចុងក្រោយឱ្យ Al-Hilal ឈ្នះនៅទឹកដី Nassaji ៣-០ និងជាបីពិន្ទុដំបូងនៅ AFC Champions League បន្ទាប់ពីស្មើប្រកួតដំបូងទល់នឹង Navbahor។ក្រុមអ៊ូសប៊ែគីស្ថាន Navbahor ក៏រកបានជ័យជំនះដំបូងដែរ ក្រោយយកឈ្នះក្រុមឥណ្ឌា Mumbai City FC ៣-០ ដូចគ្នាយប់មិញនេះដើម្បីឈរលើគេមាន ៤ ពិន្ទុដូចគ្នានឹង Al-Hilal។នៅភាគខាងលិចនេះផងដែរ Al Ain របស់អារ៉ាប់រួមបានឡើងឈរលើគេក្នុងពូល A ក្រោយយកឈ្នះក្រុមទួកមែនីស្ថាន Ahal ៤-២ ខណៈក្រុមអ៊ូបែគីស្ថាន Pakhtakor ចាញ់ Al Fayha របស់អារ៉ាប៊ីសាអ៊ូឌីត ២-០៕ អត្ថបទ៖នាង សុភាវុធ

Johor Darul Ta’Zim រកបានជ័យជំនះដំបូងនៅ AFC Champions League ក្រោយឈ្នះនៅដី BG Pathum

ក្លិបបាល់ទាត់យក្សរបស់ម៉ាឡេស៊ី Johor Darul Ta’Zim ទីបំផុតរកបានជ័យជំនះដំបូងរបស់ខ្លួនរដូវកាលនេះនៅក្របខណ្ឌ AFC Champions League ក្រោយយកឈ្នះនៅទឹកដីថៃ BG Pathum United ៤-២ ក្នុងពូល I។ជាការប្រកួតដែលមានការវាយសម្រុកគ្នាច្រើន ខណៈក្រុមម្ចាស់ផ្ទះថៃរកបានគ្រាប់នាំមុខមុនដោយបាល់ ១១ ម៉ែត្ររបស់ Victor Cardozo តាំងពីនាទីទី ៥ តែ JDT ក៏វាយបកពីក្រោយដោយរកបាន ២ គ្រាប់ផ្ទួនៗ ដោយ Arif Aiman នៅនាទីទី ៦ និងមួយគ្រាប់ទៀតដោយ Bergson នាទីទី ១៤។ឈានចូលវគ្គទី ២ ក្លិបបាល់ទាត់របស់ខ្សែរាជវង្សម៉ាឡេស៊ីមួយនេះក៏រកបានគ្រាប់នាំមុខបន្ថែម ៣-១ នៅនាទីទី ៥៣ ដោយ Juan Muniz តែ Victor Cardozo ដដែលក៏រកបានគ្រាប់ទីពីររបស់ខ្លួនតាមពីក្រោយឱ្យ BG Pathum។យ៉ាងណាក្តីកីឡាករម៉ាឡេស៊ី Arif Hanapi ជាអ្នកធានាជ័យជំនះឱ្យ JDT នៅនាទីទី ៧៨ យកឈ្នះនៅទឹកដី BG Pathum United ៤-២ ឡើងឈរលេខ ២ ក្នុងពូល I មាន ៣ ពិន្ទុខណៈ BG Pathum មិនមានពិន្ទុនៅឡើយ។នៅក្នុងពូល I នេះដែរ Kawasaki Frontale រកបានជ័យជំនះទីពីររបស់ខ្លួនក្រោយយកឈ្នះក្រុមភ្ញៀវកូរ៉េ Ulsan Hyundai ១-០ ដោយគ្រាប់បាល់របស់ Kento Tachibanada នៅនាទីទី ៨៩ ដែលជាបីពិន្ទុទីពីរឈរលើគេក្នុងពូលមាន ៦ ពិន្ទុពេញ។ងាកមកពូល G ក្រុមកូរ៉េ Incheon United យកឈ្នះក្រុមភ្ញៀវហ្វីលីពីន Kaya FC ៤-០ ដើម្បីឡើងឈរលើគេក្នុងពូលមាន ៦ ពិន្ទុពេញខណៈ Kaya បន្តគ្មានពិន្ទុរាប់។Yokohama F. Marinos រកបានជ័យជំនះដំបូងរបស់ខ្លួនផងដែរនៅក្នុងពូលក្រោយឈ្នះនៅទឹកដីចិន Shandong Taishan ១-០។ក្រុមទាំងពីរមាន ៣ ពិន្ទុដូចគ្នាឆ្លងកាត់ពីរប្រកួតឈ្នះមួយចាញ់មួយ៕ អត្ថបទ៖នាង សុភាវុធ

សាលី អ៊ូមើត បើកផ្លូវឲ្យកីឡាករម៉ូតូទឹកវ័យក្មេងកម្ពុជាច្រើនរូប បានចូលរួមព្រឹត្តិការណ៍ពិភពលោក

កីឡាករម៉ូតូទឹកឆ្នើមកម្ពុជា សាលី អ៊ូមើត បានបើកផ្លូវឲ្យកីឡាករវ័យក្មេងកម្ពុជាកាន់តែច្រើនរូប មានឱកាសចូលរួមព្រឹត្តិការណ៍ប្រណាំងម៉ូតូទឹកកម្រិតពិភពលោក ជាក់ស្ដែងក្នុងការប្រកួត Jet Ski World Series ឆ្នាំ២០២៣ ជុំទី៣ ដែលធ្វើឡើងនៅទីក្រុង Lake Havasu សហរដ្ឋអាមេរិក ម្ចាស់មេដាយមាសកីឡាអាស៊ី និងស៊ីហ្គេមរូបនេះ បានដឹកនាំសិស្សប្អូនចំនួន ៨នាក់ ដើម្បីចូលរួមប្រកួត និងដកស្រង់បទពិសោធន៍ ចាប់ពីថ្ងៃទី០៤ ដល់ថ្ងៃទី០៨ ខែតុលា ឆ្នាំ២០២៣ ។នេះជាលើកដំបូងហើយ ដែលកម្ពុជាមានកីឡាករច្រើនរូប រហូតដល់ ៩រូប ចូលរួមព្រឹត្តិការណ៍កម្រិតពិភពលោកនេះ ផ្ទុយកាលពីជាង ១០ឆ្នាំមុន ដែលមានតែកីឡាករ សាលី អ៊ូមើត ប៉ុណ្ណោះ ចូលរួមព្រឹត្តិការណ៍នេះ ។ ភាពរីកចម្រើននេះដែរ ផ្ដើមចេញពីការបើកផ្លូវរបស់រាមច្បង សាលី អ៊ូមើល ដែលបានយកចិត្តទុកដាក់ ជំរុញ និងលើកទឹកចិត្តសិស្សប្អូន គួបផ្សំការផ្ដល់កម្លាំងចិត្តរបស់អ្នកគាំទ្រ ទើបធ្វើឲ្យពួកគេអភិវឌ្ឍន៍សមត្ថភាព រហូតបានចូលរួមប្រកួតលក្ខណៈអន្ដរជាតិជាបន្ដបន្ទាប់។ថ្លែងតាមរយៈសារអេឡិចត្រូនិច អ៊ូមើត បានប្រាប់ក្រុមការងារ BTV ពីសហរដ្ឋអមេរិកថា បេសកកម្មលើកនេះ ក៏មិនខុសពីលើកមុនដែរ ទោះមិនមានការជ្រោមជ្រែងពីសហព័ន្ធយ៉ាងណា ក៏លោកបានចំណាយធនធានផ្ទាល់ខ្លួន និងប្រើប្រាស់បទពិសោធន៍ចូលរួមកន្លងមក ដើម្បីបំពេញឯកសារ និងចុះឈ្មោះ ក្នុងបានដឹកនាំកីឡាករវ័យក្មេងកម្ពុជាចូលរួមការប្រកួតកម្រិតពិភពលោក នៃព្រឹត្តិការណ៍ Jet Ski World Series ដែលអាមេរិកទទួលធ្វើម្ចាស់ផ្ទះការប្រកួតជុំទី៣ ក្នុងគោលបំណងចង់ពង្រឹងសមត្ថភាពពួកគេកាន់តែប្រសើរ ដើម្បីឈានទៅប្រកួតប្រជែង និងដណ្ដើមលទ្ធផលល្អជូនជាតិ ។កីឡាករខ្មែរ-ឥស្លាម ដែលមានបទពិសោធន៍ជោគជាំក្នុងវិស័យកីឡាមួយនេះ បន្ថែមថា សម្រាប់ការប្រកួតលំដាប់ពិភពលោក ជុំទី៣ នៅអាមេរិកនេះ ក្នុងចំណោម ៩នាក់ គឺមានកីឡាករ ៥នាក់ ត្រូវធ្វើការប្រកួត រួមមាន សាលី អ៊ូមើល ដែលប្រធានក្រុមដឹកនាំផ្ទាល់, កីឡាករ កៃ វ៉ាន់ស៊ីដែន, សាលី ហ្វីលីន, មីន មូស្ដាន់ និង សិស្សប្អូន មីន អូស្មាន់ ។ រីឯកីឡាករថ្នាល ៤រូបទៀត មានកីឡាករ មូសា សាគីន, វណ្ណី វីសា, ស៊ីម សាក់នី និង ទៀត សាឡេះ គឺចូលរួមរៀនសូត្រ និងដកស្រង់បទពិសោធន៍ពីព្រឹត្តិការណ៍លំដាប់ពិភពលោកនេះ សម្រាប់យកមកអនុវត្តក្នុងការហ្វឹកហាត់ និងអភិវឌ្ឍន៍សមត្ថភាព ឆ្ពោះទៅរកការប្រកួតអន្ដរជាតិនាថ្ងៃអនាគត ។សូមបញ្ជាក់ថា ការប្រកួតម៉ូតូទឹកកម្រិតពិភពលោក Jet Ski World Series ឆ្នាំ២០២៣ គឺបែងចែកជា ៤ជុំ ដោយជុំទី១ ប្រកួតនៅប្រទេសប៉ូឡូញ កាលពីខែឧសភា ឆ្នាំ២០២៣ តែកីឡាកម្ពុជា ពុំបានចូលរួមនោះទេ ដោយសារជាប់ភារកិច្ចក្នុងការប្រកួតកីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើម្ចាស់ផ្ទះ ។ ចំណែកជុំទី២ នៅប្រទេសបារាំង កាលពីខែកក្កដាកន្លងទៅ សាលី អ៊ូមើត បានដឹកនាំសិស្សប្អូន ៦រូបចូលរួម ក្នុងនោះមាន ៤នាក់ បានធ្វើការប្រកួត ដោយដណ្ដើមបានមេដាយមាស ២ ដោយកីឡាក សាលី ហ្វីលីន និងកីឡាករ កៃ វ៉ាន់ស៊ី, មេដាយប្រាក់ ១ ដណ្ដើមបានដោយកីឡាករ មីន អូស្មាន់ និងមេដាយសំរឹទ្ធ ១ ដណ្ដើមបានដោយប្រធានក្រុមកីឡាករ សាលី អ៊ូមើត ។ រីឯជុំទី៤ គ្រោងនឹងធ្វើការប្រកួតនៅថៃ នាចុងឆ្នាំ២០២៣ នេះ ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

អនុរដ្ឋមន្ត្រីការបរទេសឥណ្ឌូនេស៊ី កោតសរសើរកម្ពុជាប្រតិបត្តិការបង្រ្កាបនិងបោសសម្អាត Online Scams

តំណាងសហជីព៖ មកទល់អាណត្តិទី៧ ការប្រើប្រាស់កម្លាំងពលកម្មដោយបង្ខំស្ទើរតែមិនមាននៅកម្ពុជា

សម្តេចរដ្ឋសភាធិបតី ឃួន សុដារី អញ្ជើញធ្វើទស្សនកិច្ចនៅមន្ទីរពេទ្យមជ្ឈិមយោធា១០៨ នាទីក្រុងហាណូយ ដើម្បីជំរុញទំនាក់ទំនងប្រជាពលរដ្ឋលើវិស័យសុខុមាលភាព

ព្រឹទ្ធសភាពិនិត្យហើយឱ្យយោបល់លើសេចក្តីព្រាងច្បាប់សំខាន់ៗចំនួន ៤ ក្នុងកិច្ចប្រជុំវិសាមញ្ញ នីតិកាលទី៥

សម្តេចធិបតី ប្រកាសថា រដ្ឋនឹងចុះបញ្ជី និងផ្តល់ប័ណ្ណដីធ្លី ជូនប្រជាពលរដ្ឋឲ្យរួចរាល់នៅចុងឆ្នាំ២០២៧

ក្រសួងការងារ ចែករំលែកបទពិសោធពីការអភិវឌ្ឍវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ ជាមួយគណៈប្រតិភូនៃប្រទេសទីម័រឡេស្តេ

សម្តេចធិបតី ប្រកាសសម្រេចអនុគ្រោះពន្ធប្រថាប់ត្រាផ្ទេរកម្មសិទ្ធកាន់កាប់ដីធ្លីជូនដល់វីរកងទ័ព និងវីរនគរបាលនៅជួរមុខ

ខ្សែបន្ទាត់ពណ៌លឿងរបស់អ៊ីស្រាអែលបន្តរំកិលទៅមុខ ជំរុញពលរដ្ឋហ្កាហ្សាឲ្យចាកចេញពីលំនៅឋាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រុមបាល់ទះកងទ័ពកម្ពុជា ជួបកងទ័ពឡាវរសៀលនេះ ដើម្បីប្រជែងកៅអីវគ្គ ១/២ ផ្ដាច់ព្រ័ត្រ

ក្រុមម៉ូតូទឹកកម្ពុជា បន្ដឈ្នះមេដាយមាស-ប្រាក់ ៤គ្រឿងទៀត ក្នុងព្រឹត្តិការណ៍កម្រិតពិភពលោក នៅអាមេរិក

Australian Open នឹងចំណាយពេលប្រកួត ១៥ ថ្ងៃលើកដំបូងនៅឆ្នាំក្រោយ

Jannik Sinner ទំលាក់ Carlos Alcaraz ឡើងវគ្គផ្តាច់ព្រ័ត្រវាយកូនបាល់ China Open

Galatasaray តាមពីក្រោយពីរដងយកឈ្នះនៅផ្ទះ Manchester United ៣-២

Frank Lampard ក្លាយជាជម្រើសឈានមុខម្នាក់ជំនួសតំណែងអ្នកចាត់ការ Michael Beale នៅ Rangers

លោក Felix៖ ការរើសកីឡាករ ផ្អែកលើសេនារីយ៉ូ ដែលត្រូវប្រើក្នុងការប្រកួតនីមួយៗ

Neymar រកបានគ្រាប់ដំបូងនៅ AFC Champions League ខណៈ Al-Hilal ឈ្នះនៅដី Nassaji

Johor Darul Ta’Zim រកបានជ័យជំនះដំបូងនៅ AFC Champions League ក្រោយឈ្នះនៅដី BG Pathum

សាលី អ៊ូមើត បើកផ្លូវឲ្យកីឡាករម៉ូតូទឹកវ័យក្មេងកម្ពុជាច្រើនរូប បានចូលរួមព្រឹត្តិការណ៍ពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្រុមបាល់ទះកងទ័ពកម្ពុជា ជួបកងទ័ពឡាវរសៀលនេះ ដើម្បីប្រជែងកៅអីវគ្គ ១/២ ផ្ដាច់ព្រ័ត្រ

ក្រុមម៉ូតូទឹកកម្ពុជា បន្ដឈ្នះមេដាយមាស-ប្រាក់ ៤គ្រឿងទៀត ក្នុងព្រឹត្តិការណ៍​កម្រិត​ពិភពលោក នៅអាមេរិក

Australian Open នឹងចំណាយពេលប្រកួត ១៥ ថ្ងៃលើកដំបូងនៅឆ្នាំក្រោយ

Jannik Sinner ទំលាក់ Carlos Alcaraz ឡើងវគ្គផ្តាច់ព្រ័ត្រវាយកូនបាល់ China Open

Galatasaray តាមពីក្រោយពីរដងយកឈ្នះនៅផ្ទះ Manchester United ៣-២

Frank Lampard ក្លាយជាជម្រើសឈានមុខម្នាក់ជំនួសតំណែងអ្នកចាត់ការ Michael Beale នៅ Rangers

លោក Felix៖ ការរើសកីឡាករ ផ្អែកលើសេនារីយ៉ូ ដែលត្រូវប្រើក្នុងការប្រកួតនីមួយៗ

Neymar រកបានគ្រាប់ដំបូងនៅ AFC Champions League ខណៈ Al-Hilal ឈ្នះនៅដី Nassaji

Johor Darul Ta’Zim រកបានជ័យជំនះដំបូងនៅ AFC Champions League ក្រោយឈ្នះនៅដី BG Pathum

សាលី អ៊ូមើត បើកផ្លូវឲ្យកីឡាករម៉ូតូទឹកវ័យក្មេងកម្ពុជាច្រើនរូប បានចូលរួម​ព្រឹត្តិការណ៍ពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមម៉ូតូទឹកកម្ពុជា បន្ដឈ្នះមេដាយមាស-ប្រាក់ ៤គ្រឿងទៀត ក្នុងព្រឹត្តិការណ៍កម្រិតពិភពលោក នៅអាមេរិក

សាលី អ៊ូមើត បើកផ្លូវឲ្យកីឡាករម៉ូតូទឹកវ័យក្មេងកម្ពុជាច្រើនរូប បានចូលរួមព្រឹត្តិការណ៍ពិភពលោក