BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

ខ្សែការពារ Manchester United, Eric Bailly ផ្លាស់ទៅកាន់ទួកគី Besiktas ផ្លូវការ

ខ្សែការពារក្រុមបិសាចក្រហម Manchester United, Eric Bailly បានសំរេចក្នុងការផ្លាស់ផ្លូវការទៅកាន់ក្លិបទួកគី Besiktas ហើយ។ កីឡាករជម្រើសជាតិកូឌីវ័រវ័យ ២៩ ឆ្នាំរូបនេះ មិនស្ថិតក្នុងគម្រោងរបស់អ្នកចាត់ការ Erik ten Hag ឡើយ និងបានចំណាយពេលពេញមួយរដូវកាលមុននៅក្លិបបារាំង Olympique Marseille។Eric Bailly ជាកីឡាករដែលផ្ទេរមកកាន់ Manchester United ដំបូងបំផុតក្រោមការដឹកនាំរបស់អតីតអ្នកចាត់ការ Jose Mourinho ផ្លាស់ពី Villarreal នៅឆ្នាំ ២០១៦។មកដល់ពេលនេះ Bailly បង្ហាញខ្លួនសរុបបាន ១១៣ លើក រកបាន ១ គ្រាប់ តែញាំញីដោយសាររបួស។Eric Bailly ចូលលេងឱ្យ Man United ចុងក្រោយបំផុតក្នុងជ័យជំនះ ៣-១ លើ Burnley តាំងពីខែធ្នូឆ្នាំ ២០២១។Eric Bailly បានក្លាយជាកីឡាករ Man United ទីពីរដែលផ្លាស់ទៅកាន់ទឹកដីទួកគីរដូវក្តៅនេះ បន្ទាប់ពីខ្សែបម្រើប្រេស៊ីល Fred ផ្លាស់ទៅ Fenerbahce។ លីគកំពូលទួកគីនៅសល់ពេលដល់ថ្ងៃទី ១៥ ខែកញ្ញានេះដើម្បីទិញកីឡាករបន្ថែម។ Besiktas ចាប់ផ្តើមរដូវកាលថ្មីលីគកំពូលទួកគីបាន ៣ ប្រកួតឈ្នះ ២ ស្មើ ១ មិនដែលចាញ់ឈរលេខ ៤ ក្នុងតារាង៕ អត្ថបទ៖នាង សុភាវុធ

NOCC និងចាប់ដៃគ្នារៀបចំកម្មវិធីរត់អបអរជោគជ័យស៊ីហ្គេម និងជំរុញការយល់ដឹងជំងឺមហារីកសុដន់

គណៈកម្មាធិការជាតិអូឡាំពិកកម្ពុជា(NOCC) និងក្រុមហ៊ុន អេ អាយ អេ ខេមបូឌា បានប្រកាសសហការគ្នារៀបចំព្រឹត្តិការណ៍រត់ប្រណាំង AIA Pink Run ដើម្បីអបអរសាទរភាពជោគជ័យ នៃព្រឹត្តិការណ៍ស៊ីហ្គេម-អាស៊ានប៉ាហ្គេម ឆ្នាំ២០២៣ ផង និងជំរុញការយល់ដឹងពីជំងឺមហារីកសុដន់ផងដែរ។ការប្រកាសនេះ ធ្វើឡើងក្នុងពិធីចុះហត្ថលេខាលើអនុស្សារណៈនៃការយោគយល់គ្នារយៈពេល ៣ឆ្នាំ ក្រោមវត្តមានឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការ CAMSOC-CAMAPGOC និងលោក Andrew Loh អគ្គនាយកក្រុមហ៊ុន អេ អាយ អេ ខេមបូឌា ព្រមទាំងវត្តមានលោក សែម ផល្លា នាយកចាត់ការទូទៅនៃគណៈកម្មការរៀបចំទិវារត់ប្រណាំងម៉ារ៉ាតុង កាលពីថ្ងៃទី០៥ ខែកញ្ញា ឆ្នាំ២០២៣ នៅទីស្នាក់ការ NOCC។ឯកឧត្តម វ៉ាត់ ចំរើន មានប្រសាសន៍ថា ព្រឹត្តិការណ៍រត់ប្រណាំង AIA Pink Run គ្រោងនឹងរៀបចំនាថ្ងៃទី២២ ខែតុលា ឆ្នាំ២០២៣ នៅរាជធានីភ្នំពេញ លើវិញ្ញាសារត់ចម្ងាយ ១០គីឡូម៉ែត្រ, ៥គីឡូម៉ែត្រ និងការត់កម្សាន្ដចម្ងាយ ២,៥គីឡូម៉ែត្រ ។ កម្មវិធីនេះ រៀបចំឡើងក្នុងគោលបំណងធំៗពីរ ទី១-ដើម្បីអបអរសាទរសមិទ្ធផល និងជោគជ័យនៃព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ និងទី២-លើកកម្ពស់ការយកចិត្តទុកដាក់ និងការយល់ដឹងដល់ស្ត្រី ដែលមានជំងឺមហារីកសុដន់ ដែលកំពុងរីករាលដាលលើពិភពលោក។ឯកឧត្តមបន្ដថា ការរៀបចំព្រឹត្តិការណ៍ ដើម្បីអបអរ ក៏ដូចជារំឮកពីមរតកស៊ីហ្គេម និងអាស៊ានប៉ារ៉ាហ្គេម ដែលបញ្ចប់ដោយជោគជ័យ គឺជាផ្នែកមួយ នៃការចងចាំព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានេះ ហើយការផ្សព្វផ្សាយ និងជំរុញការយល់ដឹងពីជំងឺមហារីកសុដន់ ក៏ជារឿងសំខាន់ ដែលគ្រប់ភាគីពាក់ព័ន្ធត្រូវយកចិត្តទុកដាក់ផងដែរ ។ ហេតុនេះ ទើបគណៈកម្មាធិការជាតិអូឡាំពិកកម្ពុជា សម្រេចសហការជាមួយដៃគូ ដើម្បីរៀបចំកម្មវិធីរត់លក្ខណៈកម្សាន្ដនេះឡើង ដើម្បីលើកកម្ពស់សុខមាលភាពប្រជាពលរដ្ឋ ពិសេសពាក់ព័ន្ធសុខភាពរបស់ស្ដ្រីតែម្ដង ។ឆ្លៀតឱកាសនោះដែរ ឯកឧត្តម វ៉ាត់ ចំរើន ក៏បានអំពាវនាវដល់ស្ដ្រីទាំងអស់ ត្រៀមខ្លួនចូលរួមទទួលនូវការពិនិត្យ និងពិគ្រោះពាក់ព័ន្ធនឹងជំងឺមហារីកសុដន់ ដែលក្រុមហ៊ុន AIA នឹងមានរៀបចំក្រុមគ្រូពេទ្យជំនាញ ដើម្បីពិនិត្យដោយឥតគិតថ្លៃរយៈពេល ៣ថ្ងៃ មុនពិធីរត់ប្រណាំង AIA Pink Run ពោលគឺចាប់ពីថ្ងៃទី១៩ ដល់ថ្ងៃទី២១ ខែតុលាខាងមុខ៕ អត្ថបទ៖ លី ឈុនឡា

Djokovic បំបែកកំណត់ត្រាឡើងវគ្គពាក់កណ្តាលផ្តាច់ព្រ័ត្រ Grand Slam លើកទី ៤៧ ក្នុងអាជីព

គ្មាននរណាអាចបង្អាក់ភាពជោគជ័យរបស់ កំពូលកីឡាករវាយកូនបាល់ស៊ែប Novak Djokovic បានឡើយបើទោះឈានដល់វ័យ ៣៦ ឆ្នាំក៏ដោយ បន្ទាប់ឈានឡើងវគ្គពាក់កណ្តាលផ្តាច់ព្រ័ត្រ Grand Slam លើកទី ៤២ ក្នុងអាជីព បំបែកកំណត់ត្រារបស់ Roger Federer។ កីឡាករវ័យ ៣៦ ឆ្នាំរូបនេះហាក់មិនលំបាកខ្លាំងឡើយដើម្បីយកឈ្នះគូប្រកួតម្ចាស់ទឹកដីអាមេរិក Taylor Fritz នៅវគ្គ ៨ នាក់ចុងក្រោយតាមរយៈជ័យជំនះ ៣ សិតផ្ទួនៗ ៦-១ ៦-៤ និង ៦-៤ បន្តដំណើរស្វែងរកពាន Grand Slam លើកទី ២៤ ក្នុងអាជីពឱ្យស្មើកំណត់ត្រារបស់កីឡាការិនី Margaret Court។ជើងឯក US Open ៣ សម័យរូបនេះនឹងបន្តជួបជាមួយអ្នកឈ្នះរវាងកីឡាករអាមេរិកទាំងពីរ Frances Tiafoe រឺ Ben Shelton ដែលប្រកួតថ្ងៃនេះ។ ចំណែកការប្រកួតវគ្គ ៨ នាក់ចុងក្រោយពីរគូផ្សេងទៀតត្រូវប្រកួតយប់នេះ និងព្រឹកស្អែករួមមាន Daniil Medvedev ត្រូវជួបមិត្តរួមជាតិរុស្ស៊ី Ruben Rublev និងកីឡាករអេស្ប៉ាញ Carlos Alcaraz ជួបកីឡាករអាល្លឺម៉ង់ Alexander Zverev។ ងាកមកការប្រកួតផ្នែកនារីវិញ កីឡាការិនីក្តីសង្ឃឹមរបស់ម្ចាស់ផ្ទះអាមេរិក Coco Gauff មិនធ្វើឱ្យអ្នកគាំទ្រខកបំណងឡើយ បន្ទាប់ពីយកឈ្នះកីឡាការិនីមកពីឡេតូនី Jelena Ostapenko មិនលំបាក ៦-០ និង ៦-២ ប្រើពេលត្រឹម ៦៧ នាទីដើម្បីឈានឡើងវគ្គពាក់កណ្តាលផ្តាច់ព្រ័ត្រ។Coco Gauff ដែលមកដល់ US Open នេះជាមួយទំនុកចិត្តបន្ទាប់ពីទើបឈ្នះពីរកម្មវិធីជាប់គ្នានៅ Washington និង Cincinnati នោះ នឹងបន្តជួបជាមួយកីឡាការិនីឆេកលំដាប់លេខ ១០ ពិភពលោក Karolina Muchova ដែលបានយកឈ្នះកីឡាការិនីរ៉ូម៉ានី Sorana Cirstea ៦-០ និង ៦-៣៕ អត្ថបទ៖នាង សុភាវុធ

កម្ពុជា ជួបលីបង់ បើកឆាកវគ្គជម្រុះ AFC U23 Asian Cup Qatar 2024 យប់នេះ

ក្រុមជម្រើសជាតិអាយុក្រោម ២៣ឆ្នាំកម្ពុជា នឹងត្រូវជួបក្រុមជម្រើសជាតិ U23 លីបង់ នាវេលាម៉ោង ៨យប់នេះ(ម៉ោងនៅកម្ពុជា) ដែលជាជំនួបបើកឆាកវគ្គជម្រុះជើងឯកយុវជនអាស៊ី AFC U23 Asian Cup Qatar 2024 ពូលJ នៅកីឡដ្ឋាន Prince Sultan Bin Abdulaziz Sports City ប្រទេសអារ៉ាប់ប៊ីសាអូឌីត ។ការប្រកួតនេះ ធ្វើឡើង ២ថ្ងៃ បន្ទាប់ពីក្រុមគោព្រៃជំទង់កម្ពុជា បានធ្វើដំណើរទៅដល់ប្រទេសអារ៉ាប់ប៊ីសាអូឌីត កាលពីថ្ងៃទី០៤ ខែកញ្ញាកន្លងទៅ ក្រោមការដឹកនាំរបស់គ្រូបង្វឹកជនជាតិជប៉ុន លោក Gyotoku Koji ។គួរដឹងថា បេសកកម្ម នៃការប្រកួតជម្រុះជើងឯកយុវជនអាស៊ីនេះ ក្រុម U23 កម្ពុជា ស្ថិតក្នុងពូលJ ជាមួយគូប្រជែង ៣ក្រុមទៀត ខណៈក្រោយជួបលីបង់ ក្រុមគោព្រៃជំទង់កម្ពុជា នឹងត្រូវជួបក្រុម U23 ម៉ុងហ្គោលី នាថ្ងៃទី០៩ ខែកញ្ញា និងចុងក្រោយជួបក្រុមម្ចាស់ផ្ទះ U23 អារ៉ាប់ប៊ីសាអូឌីត នាថ្ងៃទី១២ ខែកញ្ញាខាងមុខ ។ចំពោះព្រឹត្តិការណ៍បាល់ទាត់យុវជនប្រចាំទ្វីបអាស៊ីនេះដែរ គឺមាន ៤៣ក្រុម និងចែកចេញជា ១១ពូល សម្រាប់ធ្វើការប្រកួតជម្រុះ ចាប់ពីថ្ងៃទី០៤-១២ ខែកញ្ញា ឆ្នាំ២០២៣ ដើម្បីចម្រាញ់រកក្រុមកំពូលតារាង នៃពូលនីមួយៗ ព្រមទាំងក្រុមលេខ២ ល្អជាងគេ ៤ក្រុម ឡើងទៅប្រកួតជុំផ្ដាច់ព្រ័ត្រ ដែលគ្រោងធ្វើការប្រកួតពីថ្ងៃទី១៥ ខែមេសា ដល់ថ្ងៃទី០៣ ខែឧសភា ឆ្នាំ២០២៤ នៅប្រទេសកាតា៕ អត្ថបទ៖ លី ឈុនឡា

Filippo Ganna ឈ្នះដំណាក់កាលទី ១០ Vuelta a Espana តែ Sepp Kuss បន្តនាំមុខ

កីឡាករប្រណាំងកង់អ៊ីតាលី Filippo Ganna បានស្គាល់ជ័យជំនះដំបូងក្នុងដំណាក់កាលនៅព្រឹត្តិការណ៍ប្រណាំងកង់ Grand Tour, Vuelta a Espana បន្ទាប់ពីឈ្នះដំណាក់កាលទី ១០ ប្រណាំងយកថេរវេលាផ្ទាល់ខ្លួន។ដំណាក់កាលទី ១០ ដែលមានចំងាយផ្លូវ ២៦ គីឡូម៉ែត្រនៅទីក្រុង Valladolid កីឡាកររបស់ក្រុមប្រណាំង Ineos Grenadiers, Filippo Ganna ប្រើពេល ២៧ នាទី ៣៩ វិនាទី ល្អជាងគេ ខណៈអ្នកលេខ ២ គឺកីឡាករប៊ែលហ្ស៊ិក ជើងឯកពិភពលោកថ្មីថ្មោង Remco Evenepoel យឺងជាង ១៦ វិនាទី និងអ្នកលេខ ៣ ជើងឯក Vuelta ៣ សម័យ Primoz Roglic យឺតជាង ២០ វិនាទី។ ក្រោយ ១០ ដំណាក់កាលនេះ កីឡាករអាមេរិក Sepp Kuss នៅតែបន្តនាំមុខគេដដែល តែកាត់បន្ថយថេរវេលានាំមុខមកត្រឹម ២៦ វិនាទីបន្ទាប់ពីកីឡាកររបស់ក្រុម Jumbo-Visma រូបនេះបញ្ចប់នៅដំណាក់កាលទី ១០ នេះនៅចំណាត់ថ្នាក់លេខ ១៣។ លេខ ២ ក្នុងតារាងរួមគឺកីឡាករអេស្ប៉ាញ Marc Soler ខណៈអ្នកលេខ ៣ Remco Evenepoel យឺងជាង ១ នាទី ៩ វិនាទី និងលេខ ៤ Primoz Roglic យឺងជាង ១ នាទី ៣៦ វិនាទី។ សម្រាប់ដំណាក់កាលទី ១១ ថ្ងៃពុធនេះមានចំងាយផ្លូវ ១៦៣.៥ គីឡូម៉ែត្រ៕ អត្ថបទ៖នាង សុភាវុធ

Aryna Sabalenka នឹងឡើងឈរតំណែងលេខ១ ពិភពលោកក្រោយ Iga Swiatek ចាញ់

កីឡាការិនីវាយកូនបាល់បេឡារុស Aryna Sabalenka ក្លាយជាកីឡាការិនីលំដាប់លេខ ១ ពិភពលោកបន្ទាប់ពីបរាជ័យរបស់ Iga Swiatek ត្រឹមជុំទី ៤។ កីឡាការិនីវ័យ ២៥ ឆ្នាំរូបនេះនឹងក្លាយជាកីឡាការិនីទី ២៩ ក្នុងប្រវត្តិសាស្រ្តដែលកាន់កាប់តំណែងលេខ ១ ពិភពលោក និងជាកីឡាការិនីទី ៨ ប៉ុណ្ណោះដែលឈរជើងតំណែងលេខ ១ ពិភពលោកទាំងឯកតជន និងវាយគូនៅក្នុងអាជីព។ កីឡាការិនីប៉ូឡូញ Iga Swiatek បានកាន់កាប់តំណែងលេខ ១ នេះតាំងពីខែមេសាឆ្នាំ ២០២២ បន្ទាប់ពីការចូលនិវត្តន៍របស់កីឡាការិនីអូស្រ្តាលី Ashleigh Barty ហើយក៏បានគ្រងជើងឯក Grand Slam ៣ លើកបន្ថែមទៀត បន្ទាប់ពីឈ្នះលើកដំបូងនៅ French Open ឆ្នាំ ២០២០។ យ៉ាងណាក្តី ការប៉ុនប៉ងចង់ឈ្នះជើងឯក US Open របស់ Iga Swiatek ត្រូវបានបញ្ចប់នៅព្រឹកថ្ងៃចន្ទម្សិលមិញ ក្រោយបរាជ័យក្រោមស្នាដៃកីឡាការិនីសញ្ជាតិឡេតូនី Jelena Ostapenko ៣-៦ ៦-៣ និង ៦-១ ខណៈ Ostapenko ដែលធ្លាប់ឈ្នះជើងឯក Grand Slam, French Open កាលពីឆ្នាំ ២០១៧ នោះ នឹងបន្តជួបជាមួយកីឡាការិនីក្តីសង្ឃឹមរបស់ម្ចាស់ផ្ទះអាមេរិក Coco Gauff នៅវគ្គ ៨ នាក់ចុងក្រោយ៕ អត្ថបទ៖នាង សុភាវុធ

លីគអ៊ីតាលី Serie A គ្រោងបើកប្រព័ន្ធផ្សព្វផ្សាយខ្លួនឯង ក្រោយតម្លៃលក់សិទ្ធិទូរទស្សន៍ក្នុងស្រុកទាបពេក

ប្រធានលីគបាល់ទាត់កំពូលរបស់អ៊ីតាលីបាននិយាយកាលពីថ្ងៃចន្ទថា Serie A ត្រៀមខ្លួនរួចជាស្រេច ដើម្បីបើកដំណើរការប្រព័ន្ធផ្សព្វផ្សាយរបស់ខ្លួន ដើម្បីផ្សាយផ្ទាល់ការប្រកួតនៅក្នុងប្រទេសអ៊ីតាលី ប្រសិនបើការលក់សិទ្ធិឱ្យទូរទស្សន៍ក្នុងស្រុកនៅតែបន្តមានតម្លៃស្ថិតក្រោមគម្រោង។អាជ្ញាប័ណ្ណផ្សាយក្នុងស្រុកគឺជាប្រភពចំណូលដ៏សំខាន់សម្រាប់ក្លឹប Serie A ដូចជា Napoli, Juventus, AC Milan និង Inter Milan។លីគបានពន្យារពេលរហូតដល់ថ្ងៃទី ១៥ ខែតុលា នៃការសម្រេចចិត្តលើការលក់សិទ្ធិផ្សាយផ្ទាល់ការប្រកួតនៅក្នុងប្រទេសអ៊ីតាលី បន្ទាប់ពីការផ្តល់ជូននៅតែទាបជាងតម្លៃប្រចាំឆ្នាំ ១ ពាន់លានអឺរ៉ូដែលក្លឹបស្វែងរកសម្រាប់រយៈពេល ៥ ឆ្នាំចាប់ពីរដូវកាល ២០២៤-២០២៥ តទៅ។ លោក Luigi De Siervo ប្រធានប្រតិបត្តិនៃក្របខ័ណ្ឌ Serie A បានប្រាប់អ្នកយកព័ត៌មាននៅខាងក្រៅព្រឹត្តិការណ៍មួយនៅទីក្រុង Milan ថា "យើងមានរចនាសម្ព័ន្ធដើម្បីផ្តល់ (ការប្រកួត) ដោយផ្ទាល់ដល់អ្នកទស្សនា ដែលជម្រើសនេះកំពុងស្ថិតក្នុងការពិចារណា" ។កាលពីដើមឆ្នាំនេះ លីគអ៊ីតាលីបានរៀបចំកិច្ចពិភាក្សាជាច្រើនជុំជាមួយទូរទស្សន៍ DAZN, Sky Italia និង MediaForEurope ដើម្បីបង្កើនតម្លៃលក់សិទ្ធិផ្សាយបន្តផ្ទាល់ក្នុងការប្រកួត។ក្រោមកិច្ចព្រមព្រៀងរយៈពេល ៣ ឆ្នាំដែលនឹងផុតកំណត់នៅខែមិថុនាឆ្នាំក្រោយ Serie A កំពុងប្រមូលបានប្រហែល ៩៣០ លានអឺរ៉ូក្នុងមួយរដូវកាលពីការលក់សិទ្ធិរបស់ខ្លួននៅក្នុងប្រទេសអ៊ីតាលីដោយ DAZN៕ អត្ថបទ៖នាង សុភាវុធ

ទីបំផុត Sergio Ramos រកទ្រនំបានហើយគឺផ្លាស់ទៅក្លិបចាស់ Sevilla

ទីបំផុតអតីតខ្សែការពារជម្រើសជាតិអេស្ប៉ាញ Sergio Ramos ស្វែងរកទ្រនំបានហើយ ដោយផ្លាស់ទៅកាន់ក្លិបចាស់ Sevilla ក្រោយចាកចេញពីទីនោះ ១៨ ឆ្នាំ។កីឡាករវ័យ ៣៧ ឆ្នាំរូបនេះបានចាកចេញពី Paris Saint Germain ក្រោយចប់រដូវកាលមុន។“ជាថ្ងៃអស្ចារ្យបំផុតមួយនៅក្នុងជីវិត ការវិលត្រលប់មកផ្ទះយើងវិញតែងតែមានក្តីរីករាយបំផុត” នេះជាការលើកឡើងរបស់ Sergio Ramos ក្រោយចុះហត្ថលេខារយៈពេល ១ ឆ្នាំជាមួយ Sevilla។Sergio Ramos ធ្លាប់ឈ្នះជើងឯក World Cup និង Euro ពីរលើកជាមួយក្រុមជម្រើសជាតិអេស្ប៉ាញ ដោយបង្ហាញខ្លួនសរុបបាន ១៨០ ប្រកួតក្នុងរយៈពេល ១៦ ឆ្នាំ។ Ramos ធំដឹងក្តីនៅទីក្រុង Seville និងបានចូលហាត់ជាមួយ Sevilla តាំងពីវ័យ ៧ ឆ្នាំ មុនឡើងលេងក្រុមធំដែលបង្ហាញខ្លួនបានសរុប ៥០ លើក ហើយផ្ទេរទៅ Real Madrid នៅឆ្នាំ ២០០៥។ Ramos បានចំណាយពេល ១៦ រដូវកាលជាមួយ Real Madrid បង្ហាញខ្លួនសរុបបាន ៦៧១ ប្រកួតឈ្នះពានសរុប ២២ ក្នុងនោះមាន La Liga ៥ លើក និង UEFA Champions League ៤ លើក។ ចុងក្រោយបំផុត Ramos ផ្លាស់មកកាន់ PSG ក្រោយចប់កិច្ចសន្យានៅ Real Madrid កាលពីឆ្នាំ ២០២១ និងចំណាយពេល ២ រដូវកាលនៅទីក្រុងប៉ារីសឈ្នះជើងឯក Ligue1 ពីរលើក៕ អត្ថបទ៖នាង សុភាវុធ

អ្នកការពារជើងឯក Carlos Alcaraz ឡើងវគ្គ ៨ នាក់ចុងក្រោយ US Open

កីឡាករវាយកូនបាល់អេស្ប៉ាញដែលជាអ្នកការពារតំណែងជើងឯក Carlos Alcaraz បានបន្តដំណើរឡើងវគ្គ៨ នាក់ចុងក្រោយហើយនៃការប្រកួត Grand Slam, US Open ក្រោយជ័យជំនះលើកីឡាករអ៊ីតាលី Matteo Arnaldi។ការប្រកួតនៅកីឡដ្ឋាន Louis Armstrong កីឡាករលំដាប់កំពូលក្នុងកម្មវិធីរូបនេះមិនចំណាយពេលច្រើនឡើយ ដោយយកឈ្នះ ៣ សិតផ្ទួន ៦-៣ ៦-៣ និង ៦-៤ លើកីឡាករអ៊ីតាលីលំដាប់លេខ ៦១ ពិភពលោក ប្រើពេល ១ ម៉ោង ៥៩ នាទី។ សម្រាប់កីឡាករវ័យ ២២ ឆ្នាំ Matteo Arnaldi នេះគឺជាការឈានឡើងជុំទី ៤ Grand Slam លើកដំបូងក្នុងអាជីព តែជំនួបទល់នឹង Carlos Alcaraz ពិតជាមិនមានសំណាង។ Carlos Alcaraz នឹងត្រូវជួបជាមួយអ្នកឈ្នះរវាងកីឡាករអ៊ីតាលី Jannik Sinner រឺ Alexander Zverev នៅវគ្គ ៨ នាក់ចុងក្រោយ។ ងាកមកប្រកួតទៀតកីឡាករអង់គ្លេសដែលនៅសល់នៅ US Open តែម្នាក់គត់ Jack Draper បានបញ្ចប់បេសកកម្មហើយនៅត្រឹមវគ្គ ១៦ នាក់ចុងក្រោយ បន្ទាប់ពីចាញ់កីឡាកររុស្ស៊ី Andrey Rublev។ កីឡាករវ័យ ២១ ឆ្នាំរុស្ស៊ី Rublev បានយកឈ្នះ ៦-៣ ៣-៦ ៦-៣ និង ៦-៤ ដើម្បីបន្តដំណើរឡើងវគ្គ ៨ នាក់ចុងក្រោយ។ ម្សិលមិញនេះផងដែរ Novak Djokovic ក៏បានបន្តដំណើរទៅវគ្គ ៨ នាក់ចុងក្រោយយ៉ាងរលូនដែរក្រោយយកឈ្នះកីឡាករក្រូអាស៊ី Borna Gojo ៦-២ ៧-៥ និង ៦-៤។ កីឡាករវ័យ ៣៦ ឆ្នាំរូបនេះនេះនឹងបន្តជួបជាមួយកីឡាករអាមេរិក Taylor Fritz ក្នុងដំណើរស្វែងរកពាន Grand Slam លើកទី ២៤ របស់ខ្លួន៕ អត្ថបទ៖នាង សុភាវុធ

Marouane Fellaini ប្រកាសចែកផ្លូវគ្នាជាមួយក្លិបចិន Shandong Taishan ក្រោយចប់រដូវកាល

ខ្សែបម្រើប៊ែលហ្ស៊ិក Marouane Fellaini និងក្លិបចិន Shandong Taishan បានព្រមព្រៀងចែកផ្លូវគ្នាហើយក្រោយចំណាយពេល ៥ រដូវកាល។ក្លិបបាល់ទាត់ Shandong Taishan បានប្រកាសនៅថ្ងៃចន្ទលើបណ្តាញសង្គមផ្លូវការរបស់ខ្លួន ថាកីឡាករវ័យ ៣៥ ឆ្នាំប៊ែលហ្ស៊ិករូបនេះ នឹងចាកចេញពីក្លិបក្រោយចប់រដូវកាលនេះ។Marouane Fellaini បានផ្លាស់ទៅកាន់ Shandong កាលពីឆ្នាំ ២០១៩ ដែលជាឆ្នាំនៃការចំណាយលុយច្រើនសន្ធឹកសន្ធាប់របស់ចិនលើការនាំយកកីឡាករឆ្នើមៗទៅកាន់លីគកំពូលរបស់ខ្លួន។ តែក្រោយមក វិបត្តិនៃមេរោគរាតត្បាតសកល Covid-19 និងវិបត្តិសេដ្ឋកិច្ចរបស់ចិនធ្ងន់ធ្ងរបច្ចុប្បន្ន បានបង្ខំឱ្យកីឡាករដែលមានប្រាក់ឈ្នួលខ្ពស់ចាកចេញពីក្លិប ហើយក្លិបមួយចំនួនក៏ប្រកាសក្ស័យធនដោយសារវិបត្តិហិរញ្ញវត្ថុ។រយៈពេល ៥ រដូវកាលជាមួយ Shandong Taishan តាំងពីផ្លាស់ពី Manchester United, Fellaini បានស៊ុតបញ្ចូលទីសរុប ៣១ គ្រាប់នៅទឹកដីចិន៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ខ្សែការពារ Manchester United, Eric Bailly ផ្លាស់ទៅកាន់ទួកគី Besiktas ផ្លូវការ

NOCC និងចាប់ដៃគ្នារៀបចំកម្មវិធីរត់អបអរជោគជ័យស៊ីហ្គេម និងជំរុញការយល់ដឹងជំងឺមហារីកសុដន់

Djokovic បំបែកកំណត់ត្រាឡើងវគ្គពាក់កណ្តាលផ្តាច់ព្រ័ត្រ Grand Slam លើកទី ៤៧ ក្នុងអាជីព

កម្ពុជា ជួបលីបង់ បើកឆាកវគ្គជម្រុះ AFC U23 Asian Cup Qatar 2024 យប់នេះ

Filippo Ganna ឈ្នះដំណាក់កាលទី ១០ Vuelta a Espana តែ Sepp Kuss បន្តនាំមុខ

Aryna Sabalenka នឹងឡើងឈរតំណែងលេខ១ ពិភពលោកក្រោយ Iga Swiatek ចាញ់

លីគអ៊ីតាលី Serie A គ្រោងបើកប្រព័ន្ធផ្សព្វផ្សាយខ្លួនឯង ក្រោយតម្លៃលក់សិទ្ធិទូរទស្សន៍ក្នុងស្រុកទាបពេក

ទីបំផុត Sergio Ramos រកទ្រនំបានហើយគឺផ្លាស់ទៅក្លិបចាស់ Sevilla

អ្នកការពារជើងឯក Carlos Alcaraz ឡើងវគ្គ ៨ នាក់ចុងក្រោយ US Open

Marouane Fellaini ប្រកាសចែកផ្លូវគ្នាជាមួយក្លិបចិន Shandong Taishan ក្រោយចប់រដូវកាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ខ្សែការពារ​ Manchester United, Eric Bailly ផ្លាស់ទៅកាន់ទួកគី Besiktas ផ្លូវការ

NOCC និងចាប់ដៃគ្នារៀបចំកម្មវិធីរត់អបអរជោគជ័យស៊ីហ្គេម និងជំរុញការយល់ដឹង​ជំងឺមហារីកសុដន់

Djokovic បំបែកកំណត់ត្រាឡើងវគ្គពាក់កណ្តាលផ្តាច់ព្រ័ត្រ Grand Slam លើកទី ៤៧ ក្នុងអាជីព

កម្ពុជា ជួបលីបង់ បើកឆាកវគ្គជម្រុះ AFC U23 Asian Cup Qatar 2024 យប់នេះ

Filippo Ganna ឈ្នះដំណាក់កាលទី ១០ Vuelta a Espana តែ Sepp Kuss បន្តនាំមុខ

Aryna Sabalenka នឹងឡើងឈរតំណែងលេខ១ ពិភពលោកក្រោយ Iga Swiatek ចាញ់

លីគអ៊ីតាលី Serie A គ្រោងបើកប្រព័ន្ធផ្សព្វផ្សាយខ្លួនឯង ​ក្រោយតម្លៃលក់សិទ្ធិទូរទស្សន៍​ក្នុងស្រុកទាបពេក

ទីបំផុត Sergio Ramos រកទ្រនំបានហើយគឺផ្លាស់ទៅក្លិបចាស់ Sevilla

អ្នកការពារជើងឯក Carlos Alcaraz ឡើងវគ្គ ៨ នាក់ចុងក្រោយ US Open

Marouane Fellaini ប្រកាសចែកផ្លូវគ្នាជាមួយក្លិបចិន Shandong Taishan ក្រោយចប់រដូវកាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខ្សែការពារ Manchester United, Eric Bailly ផ្លាស់ទៅកាន់ទួកគី Besiktas ផ្លូវការ

NOCC និងចាប់ដៃគ្នារៀបចំកម្មវិធីរត់អបអរជោគជ័យស៊ីហ្គេម និងជំរុញការយល់ដឹងជំងឺមហារីកសុដន់

លីគអ៊ីតាលី Serie A គ្រោងបើកប្រព័ន្ធផ្សព្វផ្សាយខ្លួនឯង ក្រោយតម្លៃលក់សិទ្ធិទូរទស្សន៍ក្នុងស្រុកទាបពេក