BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

Novak Djokovic វាយបកយកឈ្នះ Carlos Alcaraz លើកពាន Cincinnati Open

កីឡាករវាយកូនបាល់ស៊ែប Novak Djokovic បានសងសឹកបានសម្រេច ដោយយកឈ្នះកីឡាករលំដាប់លេខ ១ ពិភពលោក Carlos Alcaraz នៅវគ្គផ្តាច់ព្រ័ត្រដើម្បីគ្រងជើងឯកពានរង្វាន់ Cincinnati Open។ កីឡាករអេស្ប៉ាញ Carlos Alcaraz ដែលយកឈ្នះ Djokovic នៅវគ្គផ្តាច់ព្រ័ត្រ Wimbledon ខែមុននោះ មើលទៅ ហាក់បន្តជ័យជំនះរបស់ខ្លួនលើកីឡាករស៊ែបក្រោយយកឈ្នះសិតដំបូង ៧-៥។តែកំហុសជាច្រើនរបស់ Alcaraz នៅសិតបន្ទាប់ក៏បានបណ្តោយឱ្យ Djokovic វាយបកយកឈ្នះវិញសិតទីពីរ ៧-៦(៩-៧) ពោលគឺខ្វះតែមួយបាល់ទៀត Alcaraz អាចឈ្នះសិតនេះទៅហើយ តែ Djokovic អាចសង្គ្រោះពិន្ទុ Match Point របស់ Alcaraz បាន មុនបន្តយកឈ្នះសិតកាត់សេចក្តី ៧-៦(៧-៤) ដើម្បីយកឈ្នះការប្រកួតនេះដោយប្រើពេលសរុប ៣ ម៉ោង ៤៩ នាទី។ បូកបន្ថែមជើងឯកនៅ Cincinnati Open នេះមួយទៀត Djokovic នៅពេលនេះបានពន្លាតកំណត់ត្រាឈ្នះជើងឯកនៅក្របខណ្ឌ ATP Masters ច្រើនគេសរុប ៣៩ លើកក្នុងអាជីព និងជាពានរង្វាន់សរុបក្នុងអាជីពលើកទី ៩៥៕ អត្ថបទ៖នាង សុភាវុធ

Messi ស៊ុត ១០ គ្រាប់ក្នុង ៧ ប្រកួតជួយ Inter Miami ឈ្នះពានដំបូងក្នុងរយៈពេល ៣ ឆ្នាំ

Lionel Messi ត្រូវបានគេចាត់ទុកជាកីឡាករអស្ចារ្យបំផុតលើលោក ដោយអ្នកគាំទ្រ និងសមាជិករបស់ក្លិបអាមេរិក Inter Miami ទាំងអស់បន្ទាប់ពីជួយក្រុមឈ្នះជើងឯកដំបូងតាំងពីឆ្នាំ ២០២០។ កីឡាករអាហ្សង់ទីនវ័យ ៣៦ ឆ្នាំរូបនេះគឺជាអ្នកស៊ុតបញ្ចូលទីគ្រាប់នាំមុខឱ្យ Inter Miami ដែលជាគ្រាប់ទី ១០ របស់ខ្លួនក្នុង ៧ ប្រកួតដែលខ្លួនបានចូលលេង មុនពេលដែល Nashville SC តាមស្មើវិញនៅវគ្គផ្តាច់ព្រ័ត្រ League Cup ដែលក្រុមទាំងពីរត្រូវលេងបន្តនៅវគ្គ ១១ ម៉ែត្រកាត់សេចក្តីរកជើងឯក។ ទំរាំតែរកចាញ់ឈ្នះឃើញ ក្រុមទាំងពីរត្រូវស៊ុតដល់គ្រាប់ទី ១០ រៀងខ្លួនមុនពេលដែលអ្នកចាំទី Inter Miami, Drake Callender សង្គ្រោះគ្រាប់បាល់ចុងក្រោយឱ្យ Inter Miami ឈ្នះ Nashville ដោយបាល់ ១១ ម៉ែត្រកាត់សេចក្តី ១០-៩។ Inter Miami មានស្ថិតិមិនល្អឡើយនៅ Major League Soccer រដូវកាលនេះ មុនពេលម្ចាស់ជ័យលាភី World Cup រូបនេះមករួមក្លិបកាលពីខែមុនរួមជាមួយ Jordi Alba និង Sergio Busquet។Inter Miami នៅពេលនេះមិនទាន់ចាញ់ឡើយ ៧ ប្រកួតជាប់គ្នានៅពានរង្វាន់ League Cup ដែលរួមបញ្ចូលទាំងវត្តមានរបស់ក្លិបនៅលីគអាមេរិក និងម៉ិកស៊ិក។ ចំណែក Lionel Messi ដែលជាម្ចាស់ពានរង្វាន់កីឡាករឆ្នើម Ballon d’Or ៧ លើក មកទល់ពេលនេះឈ្នះពានសរុប ៤៤ ពានក្នុងអាជីព ច្រើនជាងកីឡាករណាៗទាំងអស់៕ អត្ថបទ៖នាង សុភាវុធ

Aymeric Laporte មកកាន់ទឹកដីអារ៉ាប៊ីសាអ៊ូឌីតថ្ងៃនេះ មុនចុះហត្ថលេខាផ្ទេរផ្លូវការមកកាន់ Al-Nassr

ខ្សែការពារក្រុមជម្រើសជាតិអេស្ប៉ាញ Aymeric Laporte នឹងមកកាន់ទឹកដីអារ៉ាប៊ីសាអ៊ូឌីតថ្ងៃចន្ទនេះ ដើម្បីពិនិត្យសុខភាព និងចុះហត្ថលេខាផ្លូវការផ្ទេរពី Manchester City មកកាន់ Al-Nassr។កីឡាករវ័យ ២៩ ឆ្នាំរូបនេះក៏បានរួមដំណើរជាមួយ City ដែរក្នុងការយកឈ្នះ Sevilla លើកពាន UEFA Super Cup កាលពីសប្តាហ៍មុន។ បើតាមសារព័ត៌មានអង់គ្លេសបានចុះផ្សាយថា Aymeric Laporte នឹងទទួលបានប្រាក់ឈ្នួលក្នុងឆ្នាំ ២១ លានអឺរ៉ូ ក្នុងការចូលរួមជាមួយ Cristiano Ronaldo នៅ Al-Nassr នេះ។លោក Pep Guardiola បានដាក់ Laporte នៅពីក្រោយជម្រើសរបស់ Manuel Akanji ហើយរដូវកាលថ្មីនេះតាំងពីការមកដល់របស់ Josko Gvardiol ពី Leipzig ធ្វើឱ្យឱកាសលេងរបស់ Laporte មានកំរិត និងខិតជិតឈានដល់ទីបញ្ចប់នៃអាជីព ៥ ឆ្នាំនៅ Etihad។រំលឹកថា Aymeric Laporte បានមកដល់ Manchester City តាំងពីឆ្នាំ ២០១៨ ក្នុងតម្លៃផ្ទេរ ៥៧លានផោន និងក្លាយជាសមាជិកសំខាន់របស់ក្រុមភ្លាមៗដែរ និងបានបង្ហាញខ្លួនសរុប ១២១ លើក រកបាន ៨ គ្រាប់ ឈ្នះជើងឯក English Premier League ៥ លើក FA Cup ២ លើក EFL Cup ៣ លើក និង UEFA Champions League ១ លើក រដូវកាលមុន។ ការចាកចេញទៅកាន់ Al-Nassr, Aymeric Laporte នឹងរួមក្រុមជាមួយ Cristiano Ronaldo, Sadio Mane, Marcelo Brozovic និង Alex Telles៕ អត្ថបទ៖នាង សុភាវុធ

អ្នកការពារជើងឯក MotoGP, Francesco Bagnaia រកបានជ័យជំនះទី ៥ រដូវកាលនេះ

កីឡាករប្រណាំងម៉ូតូអ៊ីតាលី Francesco Bagnaia ដែលជាអ្នកការពារតំណែងជើងឯក បានបន្តរកបានជ័យជំនះទី ៥ របស់ខ្លួនក្នុងចំណោម ១០ ទីលានរដូវកាលនេះ បន្ទាប់ពីយកឈ្នះការប្រកួតនៅប្រទេសអូទ្រីសចុងសប្តាហ៍កន្លងទៅ។ កីឡាករវ័យ ២៦ ឆ្នាំរូបនេះបានយកឈ្នះការប្រណាំង Sprint Race កាលពីថ្ងៃសៅរ៍ ហើយមកដល់ការប្រកួត Grand Prix នៅថ្ងៃអាទិត្យបានរក្សាការនាំមុខរបស់ខ្លួនតាំងពីពេលចេញដំណើរដល់ទីព្រ័ត្រ។ លេខ ២ ក្នុងការប្រកួតបានទៅកីឡាករអាហ្រ្វិកខាងត្បូង Brad Binder របស់ក្រុម KTM ខណៈលេខ ៣ តាមពីក្រោយដោយកីឡាករអ៊ីតាលី Marco Bezzecchi។ ចំណែកឯកីឡាករអេស្ប៉ាញ Jorge Martin ដែលឈរលេខ ២ ក្នុងតារាងជើងឯកនោះ ធ្វើមិនបានល្អឡើយដោយបញ្ចប់ការប្រកួតត្រឹមចំណាត់ថ្នាក់លេខ ៧។ លទ្ធផលនេះធ្វើឱ្យកីឡាកររបស់ក្រុម Ducati, Francesco Bagnaia ពន្លាតការនាំមុខក្នុងតារាងជើងឯកដល់ ៦២ ពិន្ទុ ពី Jorge Martin និងលេខ Marco Bezzecchi។ ទីលានទី ១១ រដូវកាលនវ MotoGP នឹងបន្តដំណើរទៅទីលាន Catalunya ប្រទេសអេស្ប៉ាញដើមខែកញ្ញា៕ អត្ថបទ៖នាង សុភាវុធ

Viktor Hovland គ្រងជើងឯកវាយកូនគោលកម្មវិធី BMW Championship

កីឡាករវាយកូនគោលន័រវេស Viktor Hovland បានក្លាយជាជើងឯកនៃការប្រកួតកម្មវិធី BMW Championship ក្រោយជ័យជំនះដ៏អស្ចារ្យនៅថ្ងៃចុងក្រោយ។ កីឡាករវ័យ ២៥ ឆ្នាំរូបនេះចាប់ផ្តើមថ្ងៃចុងក្រោយដោយតាមពីក្រោយអ្នកនាំមុខគេ Scottie Scheffler និង Matt Fitzpatrick ដល់ទៅ ៣ ស្ត្រូក តែធ្វើបាន ៧ Birdies ក្នុងចំណោម ៩ ឡូនៃថ្ងៃចុងក្រោយដោយបញ្ចប់ការប្រកួតទាំងស្រុងមាន ១៧ អាន់ឌើផា យកឈ្នះអ្នកទាំងពីរ ២ ស្ត្រូកវិញ។ Scheffler និង Fitzpatrick ឈរលេខ ២ ស្ទួនក្រោយធ្វើបាន ១៥ អាន់ឌើផាដូចគ្នា តាមពីក្រោយដោយកីឡាករ អៀងឡង់ខាងជើង Rory McIlroy ដែលធ្វើបាន ១២ អាន់ឌើផាឈរចំណាត់ថ្នាក់លេខ ៤។BMW Championship ជាវគ្គជម្រុះបឋមក្នុងដំណើរឆ្ពោះទៅព្រឹត្តិការណ៍បញ្ចប់រដូវកាលរបស់ FedEx Play-Off ហើយជ័យជំនះនៅទីនេះផងដែរ Viktor Hovland ទទួលបានប្រាក់រង្វាន់ ៣.៦ លានដុល្លារក្នុងនាមជាជើងឯក៕ អត្ថបទ៖នាង សុភាវុធ

AFF U23៖ កម្ពុជា ត្រូវឈ្នះថៃដាច់ខាត ដើម្បីមានឱកាសឡើងវគ្គបន្ដ

ក្រុមបាល់ទាត់ជម្រើសជាតិយុវជនអាយុក្រោម ២៣ឆ្នាំកម្ពុជា នឹងត្រូវប្រកួតបញ្ចប់ពូលA ជើងឯកយុវជនអាស៊ាន AFF U23 Championship 2023 ជាមួយក្រុមជម្រើសជាតិ U23 ថៃ នាវេលាម៉ោង ៨យប់ថ្ងៃទី២១ ខែសីហានេះ នៅកីឡដ្ឋានរ៉ាក់យ៉ង ប្រទេសថៃ ។នេះគឺជាការប្រកួតដ៏សំខាន់ ដើម្បីកំណត់ជោគវាសនារបស់ក្រុមគោព្រៃជំទង់កម្ពុជា ពោលគឺក្រុម U23 កម្ពុជា ត្រូវការឈ្នះក្រុមម្ចាស់ផ្ទះថៃដាច់ខាត ទើបអាចមានឱកាសឡើងទៅវគ្គ ៤ក្រុមចុងក្រោយ នៃពានរង្វាន់យុវជនប្រចាំតំបន់មួយនេះ ។គួរដឹងថា ឆ្លងកាត់ ២ប្រកួតក្នុងពូលកន្លងមក ក្រុមយុវជន U23 កម្ពុជា បានឈ្នះ ១ និងស្មើ ១ រកបាន ៤ពិន្ទុឈរលេខរៀងទី២ តាមពីក្រោយក្រុម U23 ថៃ ដែលឈ្នះទាំង ២ប្រកួតឈរកំពូលតារាង។ផ្អែកលើលទ្ធផលបណ្ដោះអាសន្ននេះ បើគិតចំណាត់ថ្នាក់ក្រុមលេខ២ ល្អជាងគេ ធៀបជាមួយក្រុមលេខ២ នៃពូលB និងពូលC គឺកម្ពុជា ឈរលេខ៣ នឹងមាន ១ពិន្ទុស្មើហ្វីលីពីន ដែលនៅសល់១ប្រកួតក្នុងដៃដូចគ្នា ប៉ុន្ដែចាញ់ប្រៀបក្រុម U23 ឥណ្ឌូនេស៊ី ដែលមាន ៣ពិន្ទុ តែមិនសល់ការប្រកួតទៀតឡើយ ។ការណ៍នេះ នាំឲ្យក្រុមគោព្រៃជំទង់កម្ពុជា ត្រូវជ័យជម្នះលើក្រុម U23 ថៃដាច់ខាត ក្នុងជំនួបបញ្ចប់ពូលA យប់នេះ ខណៈបើស្មើ ឬចាញ់ នោះក្រុមយុវជន U23 កម្ពុជា នឹងអស់ឱកាសឡើងវគ្គបន្ដតែម្ដង។សូមបញ្ជាក់ថា ការប្រកួតជម្រើសជើងឯកយុវជនអាស៊ាននេះ មានបេក្ខភាព ១០ក្រុមចូលរួម និងចែកចេញជា៣ពូល ។ សម្រាប់ពូលA មាន ៤ក្រុម ខណៈពូលB និងពូលC មាន ៣ក្រុមស្មើគ្នា ។ បន្ទាប់ពីចប់ការប្រកួតវិលជុំ ក្រុមមានពិន្ទុខ្ពស់ជាងគេ នៃពូលនីមួយៗ និងក្រុមលេខ២ ល្អជាងគេ ១ក្រុម ក្នុងចំណោម ៣ពូល នឹងឡើងវគ្គពាក់កណ្ដាលផ្ដាច់ព្រ័ត្រ។ ប៉ុន្ដែដើម្បីស្វែងរកក្រុមលេខ២ ល្អជាងគេ សម្រាប់ពូលA មិនត្រូវបានរាប់បញ្ចូលលទ្ធផល និងគ្រាប់បាល់ នៃការប្រកួតទល់នឹងក្រុមបាត់តារាងក្នុងពូលនោះទេ ។យ៉ាងណាក្ដីក្រុម U23 កម្ពុជា ក៏ត្រូវរង់ចាំអ៊ុតលទ្ធផលការប្រកួតបញ្ចប់ពូលA រវាងប្រ៊ុយណេ និងមីយ៉ាន់ម៉ា ដែលនឹងចាប់ផ្ដើមការប្រកួតដំណាលគ្នានាយប់នេះផងដែរ ដ្បិតប្រសិនបើក្រុម U23 ប្រ៊ុយណេ អាចយកឈ្នះក្នុងការប្រកួតនេះ ក៏នឹងផ្ដល់ក្ដីសង្ឃឹមមួយដល់ក្រុមគោព្រៃជំទង់កម្ពុជាផងដែរ៕ អត្ថបទ៖ លី ឈុនឡា

FA អង់គ្លេសថាគ្រូបង្វឹកក្រុមនារីអង់គ្លេស Sarina Wiegman អាចដឹកនាំក្រុមបុរសបាន

នាយកប្រតិបត្តិសមាគមបាល់ទាត់អង់គ្លេស FA លោក Mark Bullingham បានឱ្យដឹងថា លទ្ធភាព នៃការដឹកនាំក្រុមបុរស ពិតជាអាចទៅរួចសម្រាប់លោកស្រី Sarina Wiegman ដែលកំពុងដឹកនាំក្រុមនារីអង់គ្លេស។គ្រូបង្វឹកវ័យ ៥៣ ឆ្នាំសញ្ជាតិហូឡង់រូបនេះ បាននាំក្រុមជម្រើសជាតិនារីអង់គ្លេស ឡើងវគ្គផ្តាច់ព្រ័ត្របាល់ទាត់នារី ពិភពលោកដោយនឹងត្រូវជួបជាមួយអេស្ប៉ាញនៅថ្ងៃអាទិត្យនេះ បន្ទាប់ពីដឹកនាំក្រុមឈ្នះជើងឯកទ្វីបអឺរ៉ុបផងដែរ។នៅពេលសាកសួរដោយអ្នកសារព័ត៌មាន នាយកប្រតិបត្តិ FA លោក Bullingham ថា លោកសប្បាយចិត្តនូវសមិទ្ធផលរបស់លោកស្រី Wiegman ហើយក៏ចង់ឱ្យលោកស្រីបន្តដឹកនាំក្រុមរយៈពេលវែងបន្ថែមទៀត ហើយនៅក្នុងថ្ងៃណាមួយលោកស្រីចាប់អារម្មណ៍ដឹកនាំក្រុមបុរសនោះ វាពិតជាអាចទៅរួច។សូមបញ្ជាក់ថាកិច្ចសន្យារបស់លោក Sarina Wiegman ដឹកនាំក្រុមនារីអង់គ្លេសដល់ឆ្នាំ ២០២៥ តែមានពាក្យចចាមអារាមផងដែរពីអនាគតរបស់គ្រូបង្វឹកវ័យ ៥៣ ឆ្នាំហូឡង់រូបនេះ ថាអាចទៅដឹកនាំក្រុមនារីអាមេរិក ជំនួសលោក Vlatko Andonovski ដែលទើបលាលែងពីតំណែង៕ អត្ថបទ៖នាង សុភាវុធ

Riyad Mahrez ស៊ុតបញ្ចូលទីមួយគ្រាប់ ខណៈ Al-Ahli យកឈ្នះ Al-Khaleej នៅ Saudi Pro League

ក្រុមបាល់ទាត់ Al-Ahli SC បានយកឈ្នះ Al-Khaleej ៣-១ ក្នុងសប្តាហទី ២ នៃលីគកំពូលអារ៉ាប៊ីសាអ៊ូឌីត Saudi Pro League។អតីតកីឡាកររបស់ Manchester City, Riyad Mahrez បានស៊ុតបញ្ចូលទីគ្រាប់ដំបូងរបស់ខ្លួនឱ្យ Al-Ahli នៅចុងវគ្គទី ១ បន្ទាប់ពីគ្រាប់នាំមុខដំបូងរបស់ Al-Ahli សម្រេចបានដោយខ្សែការពារប្រេស៊ីល Ibanez។ក្រុមម្ចាស់ផ្ទះ Al-Khaleej ក៏តាមបានមួយគ្រាប់វិញនៅវគ្គទី ២ នាទីទី ៥៨ ដោយ Mansour Hamzi តែ Al-Ahli ក៏រកបានមួយគ្រាប់វិញនៅចុងម៉ោងដោយកីឡាករបម្រុង Sumayhan Alnabit។Al-Ahli ប្រកួតនេះមិនមានវត្តមានខ្សែប្រយុទ្ធប្រេស៊ីល Roberto Firmino ឡើយ បន្ទាប់ពីអតីតខ្សែប្រយុទ្ធ Liverpool រូបនេះមានរបួសសាច់ដុំបន្តបន្តួច។ Firmino ស៊ុតបញ្ចូលទី ៣ គ្រាប់ម្នាក់ឯងឱ្យ Al-Ahli យកឈ្នះ Al Hazm ថ្ងៃបើកឆាករដូវកាលថ្មីសប្តាហ៍មុន។ដោយឡែកកីឡាករចំនូលថ្មីផ្សេងទៀតរួមមានអ្នកចាំទី Edouard Mendy, Franck Kessie និង Allan Saint-Maximin សុទ្ធតែចូលលេង៕ អត្ថបទ៖នាង សុភាវុធ

គ្រាន់តែ Chelsea ចាប់អារម្មណ៍ភ្លាម Michael Olise បន្តកិច្ចសន្យាថ្មី ៤ ឆ្នាំជាមួយ Crystal Palace

ខ្សែបម្រើស្លាបបារាំង Michael Olise បានចុះហត្ថលេខាបន្តកិច្ចសន្យារយៈពេល ៤ ឆ្នាំបន្ថែមជាមួយ Crystal Palace បន្ទាប់ពីមានការចាប់អារម្មណ៍ពីតោខៀវ Chelsea។កាលពីថ្ងៃអង្គារកន្លងទៅមានការចុះផ្សាយថា Chelsea ត្រៀមសំណើ ៣៥ លានផោនទៅកាន់ Crystal Palace ដើម្បីនាំយកកីឡាករយុវជនអាយុក្រោម ២១ ឆ្នាំបារាំងរូបនេះមកកាន់ Stamford Bridge។ប៉ុន្តែប្រធានក្លិប Crystal Palace លោក Steve Parish បានបញ្ជាក់នៅថ្ងៃព្រហស្បតិ៍ម្សិលមិញថា កីឡាករដែលមានដើមកំណើតនៅទីក្រុងឡុងដ៍មួយនេះនឹងបន្តនៅជាមួយក្លិប។Michael Olise បានផ្លាស់ពី Reading នៅឆ្នាំ ២០២១ ក្នុងកិច្ចសន្យា ៥ ឆ្នាំតែធ្លាប់ជាកីឡាករយុវជនថ្នាលរបស់ Chelsea មុនពេលចាកចេញនៅវ័យ ១៤ ឆ្នាំ។ សូមបញ្ជាក់ថា Crystal Palace រដូវកាលនេះបានបាត់បង់ខ្សែប្រយុទ្ធស្នូល Wilfried Zaha តែក្រុមរបស់លោក Roy Hodgson ចាប់ផ្តើមរដូវកាលជាមួយនឹងជ័យជំនះនៅទឹកដី Sheffield United សប្តាហ៍មុន៕ អត្ថបទ៖នាង សុភាវុធ

អារ៉ាប៊ីសាអ៊ូឌីតនឹងលេងមិត្តភាពពីរប្រកួតនៅលើទឹកដី Newcastle

ក្រុមបាល់ទាត់ជម្រើសជាតិអារ៉ាប៊ីសាអ៊ូឌីត នឹងលេងការប្រកួតមិត្តភាពអន្តរជាតិពីរប្រកួតនៅលើទឹកដី St. James Park របស់ Newcastle។ អារ៉ាប៊ីសាអ៊ូឌីត នឹងជួបជាមួយកូស្តារីកានៅថ្ងៃសុក្រទី ៨ ខែកញ្ញា មុនបន្តជួបកូរ៉េនៅថ្ងៃទី ១២ ខែដដែល។ Newcastle ស្ថិតក្រោមការវិនិយោគ និងកាន់កាប់ភាគហ៊ុនធំ ៨០% ដោយមូលនិធិវិយោគសាធារណៈ PIF របស់អារ៉ាប៊ីសាអ៊ូឌីត។ការប្រកួតមិត្តភាពពីរប្រកួតខាងលើ គឺជាផ្នែកមួយនៃការត្រៀមខ្លួនរបស់អារ៉ាប៊ីសាអ៊ូឌីតសម្រាប់ព្រឹត្តិការណ៍បាល់ទាត់ជើងឯកទ្វីបអាស៊ី AFC Asian Cup 2024។រំលឹកថា Newcastle និង Premier League ធ្លាប់បានអះអាងថា ម្ចាស់ភាគហ៊ុនធំរបស់ Newcastle គឺដាច់ដោយឡែកមិនពាក់ព័ន្ធជាមួយរដ្ឋាភិបាលអារ៉ាប៊ីសាអូឌីតឡើយ នៅពេលដែលកិច្ចព្រមព្រៀងកាន់កាប់ក្លិបបានសម្រេច។ ការកាន់កាប់ភាគហ៊ុន ៨០% ដោយ PIF បានបង្ហាញពីភាពចម្រូងចម្រាស ដោយសារតែកំណត់ត្រាសិទ្ធិមនុស្សមិនល្អរបស់ប្រទេសអារ៉ាប៊ីសាអូឌីត ហើយអង្គការសិទ្ធិមនុស្ស Amnesty International ធ្លាប់បានអំពាវនាវឱ្យមានការពិនិត្យមើលឡើងវិញដោយ Premier League កាលពីដើមឆ្នាំ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កម្ពុជា-បារាំង បន្តរឹតចំណងកិច្ចសហប្រតិបត្តិការស្រាវជ្រាវ និងទំនើបកម្មកសិកម្ម ក្នុងជំនួបជម្រាបលារបស់តំណាង CIRAD

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Novak Djokovic វាយបកយកឈ្នះ Carlos Alcaraz លើកពាន Cincinnati Open

Messi ស៊ុត ១០ គ្រាប់ក្នុង ៧ ប្រកួតជួយ Inter Miami ឈ្នះពានដំបូងក្នុងរយៈពេល ៣ ឆ្នាំ

Aymeric Laporte មកកាន់ទឹកដីអារ៉ាប៊ីសាអ៊ូឌីតថ្ងៃនេះ មុនចុះហត្ថលេខាផ្ទេរផ្លូវការមកកាន់ Al-Nassr

អ្នកការពារជើងឯក MotoGP, Francesco Bagnaia រកបានជ័យជំនះទី ៥ រដូវកាលនេះ

Viktor Hovland គ្រងជើងឯកវាយកូនគោលកម្មវិធី BMW Championship

AFF U23៖ កម្ពុជា ត្រូវឈ្នះថៃដាច់ខាត ដើម្បីមានឱកាសឡើងវគ្គបន្ដ

FA អង់គ្លេសថាគ្រូបង្វឹកក្រុមនារីអង់គ្លេស Sarina Wiegman អាចដឹកនាំក្រុមបុរសបាន

Riyad Mahrez ស៊ុតបញ្ចូលទីមួយគ្រាប់ ខណៈ Al-Ahli យកឈ្នះ Al-Khaleej នៅ Saudi Pro League

គ្រាន់តែ Chelsea ចាប់អារម្មណ៍ភ្លាម Michael Olise បន្តកិច្ចសន្យាថ្មី ៤ ឆ្នាំជាមួយ Crystal Palace

អារ៉ាប៊ីសាអ៊ូឌីតនឹងលេងមិត្តភាពពីរប្រកួតនៅលើទឹកដី Newcastle

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Novak Djokovic វាយបកយកឈ្នះ Carlos Alcaraz លើកពាន Cincinnati Open

Messi ស៊ុត ១០​ គ្រាប់ក្នុង ៧ ប្រកួតជួយ Inter Miami ឈ្នះពានដំបូងក្នុងរយៈពេល ៣ ឆ្នាំ

Aymeric Laporte មកកាន់ទឹកដីអារ៉ាប៊ីសាអ៊ូឌីតថ្ងៃនេះ មុនចុះហត្ថលេខាផ្ទេរផ្លូវការមកកាន់ Al-Nassr

អ្នកការពារជើងឯក MotoGP, Francesco Bagnaia រកបានជ័យជំនះទី ៥ រដូវកាលនេះ

Viktor Hovland គ្រងជើងឯកវាយកូនគោលកម្មវិធី BMW Championship

AFF U23៖ កម្ពុជា ត្រូវឈ្នះថៃដាច់ខាត ដើម្បីមានឱកាសឡើងវគ្គបន្ដ

FA អង់គ្លេសថាគ្រូបង្វឹកក្រុមនារីអង់គ្លេស Sarina Wiegman អាចដឹកនាំក្រុមបុរសបាន

Riyad Mahrez ស៊ុតបញ្ចូលទីមួយគ្រាប់ ខណៈ Al-Ahli យកឈ្នះ Al-Khaleej នៅ Saudi Pro League

គ្រាន់តែ Chelsea ចាប់អារម្មណ៍ភ្លាម Michael Olise បន្តកិច្ចសន្យាថ្មី ៤ ឆ្នាំជាមួយ Crystal Palace

អារ៉ាប៊ីសាអ៊ូឌីតនឹងលេងមិត្តភាពពីរប្រកួតនៅលើទឹកដី Newcastle

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Messi ស៊ុត ១០ គ្រាប់ក្នុង ៧ ប្រកួតជួយ Inter Miami ឈ្នះពានដំបូងក្នុងរយៈពេល ៣ ឆ្នាំ