BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

ក្រុមឡើងថ្មី Luton Town នាំយកអ្នកចាំទីជើងចាស់ហូឡង់ Tim Krul ពី Norwich City

ក្លិបបាល់ទាត់ទើបឡើងមក Premier League លើកដំបូង Luton Town បាននាំយកអ្នកចាំទីជើងចាស់ហូឡង់ ពី Norwich City។ កីឡាករវ័យ ៣៥ ឆ្នាំដែលធ្លាប់បង្ហាញខ្លួនឱ្យក្រុមជម្រើសជាតិហូឡង់ ១៥ លើករូបនេះ ធ្លាប់បានបង្ហាញខ្លួនជាង ២០០ ប្រកួតផងដែរឱ្យ Newcastle និង Norwich។ Tim Krul បានក្លាយជាកីឡាករទី ១០ ដែលផ្លាស់មកកាន់ Luton Town រដូវក្តៅនេះ តែក្លិបមិនបានបង្ហាញលំអិត ពីកិច្ចសន្យារបស់កីឡាករវ័យ ៣៥ ឆ្នាំរូបនេះឡើយ។រំលឹកថា Tim Krul បានចាប់ផ្តើមអាជីពបាល់ទាត់របស់ខ្លួនជាមួយ Newcastle ចាប់ពីឆ្នាំ ២០០៦ ដល់ ២០១៧ មុនពេលផ្លាស់ទៅកាន់ Norwich City នៅឆ្នាំ ២០១៨។ តាំងពីផ្លាស់ទៅកាន់ Norwich City, Tim Krul បង្ហាញខ្លួនបាន ១៦៣ ប្រកួតជួយក្រុមឈ្នះជើងឯក League Championship ពីរលើកនៅរដូវកាល ២០១៨-១៩ និង ២០២០-២១៕ អត្ថបទ៖នាង សុភាវុធ

ខ្សែបម្រើជប៉ុន Wataru Endo ហោះហើរមកកាន់ទឹកដីអង់គ្លេសមុនការផ្លាស់ផ្លូវការមកកាន់ Liverpool

ខ្សែបម្រើក្លិបអាល្លឺម៉ង់ Stuttgart, Wataru Endo ត្រូវបានអនុញ្ញាតឲ្យហោះហើរមកកាន់ទឹកដីអង់គ្លេស ដើម្បីចរចា និងពិនិត្យសុខភាព មុនការផ្លាស់ផ្លូវការមកកាន់ហង្សក្រហម Liverpool នេះបើតាមការបញ្ជាក់របស់ក្លិបនៅ Bundesliga មួយនេះ។គ្រូបង្វឹក Stuttgart លោក Sebastian Hoeness បាននិយាយថា Liverpool បានដាក់សំណើផ្លូវការមកកាន់ក្លិប ដើម្បីនាំយកកីឡាករវ័យ ៣០ ឆ្នាំដែលជាប្រធានក្រុមរបស់ Stuttgart និងចូលលេងទាំង ៤ ប្រកួតឱ្យជប៉ុននៅ World Cup 2022 នៅកាតាឆ្នាំមុន។Wataru Endo បានផ្លាស់មកកាន់ Stuttgart តាំងពីឆ្នាំ ២០២០ ផ្ទេរពីក្លិបប៊ែលហ្ស៊ិក Sint-Truiden និងបានចូលលេងឱ្យ Stuttgart សរុប ៩៩ ប្រកួតរកបាន ១២ គ្រាប់ បូករួមទាំង ៥ គ្រាប់ក្នុងការបង្ហាញខ្លួន ៣៣ ប្រកួតនៅ Bundesliga រដូវកាលមុនដែល Stuttgart គេចផុតពីការកាត់ចេញទៅក្របខណ្ឌទី ២៕ អត្ថបទ៖នាង សុភាវុធ

អ្នកចាំទីដៃស្អិតម៉ារ៉ុក Yassine Bounou សម្រេចផ្លាស់ពី Sevilla ទៅ Al-Hilal តម្លៃ ២១លានអឺរ៉ូ

ក្លិបបាល់ទាត់អារ៉ាប៊ីសាអ៊ូឌីត Al-Hilal បានបន្តបើកខ្ទង់ចំណាយរបស់ខ្លួនក្នុងការនាំយកកីឡាករថ្មីមករួមក្លិប បន្ទាប់ពីចុងក្រោយនេះ នាំយកអ្នកចាំទីដៃស្អិតជម្រើសជាតិម៉ារ៉ុក Yassine Bounou ពីក្លិបអេស្ប៉ាញ Sevilla តម្លៃ ២១ លានអឺរ៉ូ។ កីឡាករវ័យ ៣២ ឆ្នាំរូបនេះគឺជាជម្រើសដំបូងរបស់ក្លិបច្រើនឆ្នាំមកហើយ និងបានជួយ Sevilla ឈ្នះជើងឯក Europa League ពីរលើក ក៏ដូចជានាំក្រុមជម្រើសជាតិម៉ារ៉ុកឡើងដល់វគ្គពាក់កណ្តាលផ្តាច់ព្រ័ត្រ World Cup 2022 នៅកាតាជាប្រវត្តិសាស្រ្ត។Bounou ដែលគេស្គាល់ថា Bono ដំបូងគឺជាគោលដៅរបស់ Real Madrid និង Bayern Munich ស្របពេលអ្នកចាំទីដៃទី ១ ក្លិបទាំងពីរសុទ្ធតែរបួសរួមមាន Thibaut Courtois និង Manuel Neuer។ចំណែកការផ្លាស់មកកាន់ Al-Hilal លើកនេះ Bounou នឹងមករួមក្លិបជាមួយ Neymar ដែលទើបតែផ្លាស់មកកាន់ Al-Hilal នេះកាលពីដើមសប្តាហ៍។ Al-Hilal ជាក្លិបជោគជ័យជាងគេនៅលីគបាល់អារ៉ាប៊ីសាអ៊ូឌីត ក៏ដូចជានៅក្នុងតំបន់អាស៊ី តាមរយៈប្រវត្តិឈ្នះជើងឯក ៦៦ ពានរួមមាន ១៨ ពានលីគក្នុងស្រុក និង ជើងឯកអាស៊ី AFC Champions League ៤ លើក៕ អត្ថបទ៖នាង សុភាវុធ

AFF U23៖ កម្ពុជា បន្ដឈ្នះប្រ៊ុយណេច្រើនគ្រាប់ ដោយមិនរបូតគ្រាប់បាល់

ក្រុមបាល់ទាត់ជម្រើសជាតិយុវជនអាយុក្រោម ២៣ឆ្នាំកម្ពុជា បានទទួល ៣ពិន្ទុពេញ ក្នុងជំនួបបើកឆាកពូលA នៃការប្រកួតជម្រើសជើងឯកយុវជនអាស៊ាន AFF U23 Championship 2023 ក្រោយយកឈ្នះក្រុមជម្រើសជាតិ U23 ប្រ៊ុយណេ ៥-០ កាលពីល្ងាចថ្ងៃទី១៧ ខែសីហា ឆ្នាំ២០២៣ នៅប្រទេសថៃ ។ការប្រកួតដំបូង នៅកីឡដ្ឋានរយ៉ងនេះ ក្រោយចាប់ផ្ដើមលេងបាន ៦នាទី កីឡាករ ស រតនា បានតែតបញ្ចូលទីគ្រាប់នាំមុខឲ្យកម្ពុជា មុនអ្នកចាំទី U23 ប្រ៊ុយណេ កីឡាករ Muhammad Jefri Syafiq ចាប់ក្រឡកភ្លាត់ចូលទីខ្លួនឯង(Own Goal) ១គ្រាប់ទៀត នៅនាទីទី៩ បន្ទាប់ពីការទាត់បាល់ពីលើប្រអប់ទីរបស់កីឡាករ សារ ទី ដែលនាំឲ្យក្រុមគោព្រៃជំទង់កម្ពុជា នាំមុខ ២-០ នៅវគ្គទី១ ។ចូលវគ្គទី២ កម្ពុជានៅតែបន្ដដាក់សម្ពាធ រហូតរកបាន ៣គ្រាប់បន្ថែមទៀត ដោយកីឡាករ ស រតនា តាមរយៈការតែតបញ្ចូលទីដូចគ្រាប់ដំបូងរបស់ខ្លួន នៅនាទី៥០ មុនកីឡាករវ័យក្មេង មាន ចាន់រិទ្ធ ស៊ុតបញ្ចប់ទីគ្រាប់ទី៤ នៅនាទី៧៣ និងគ្រាប់ចុងក្រោយកើតឡើងចុងម៉ោង ដែលធ្វើសម្រេចដោយកីឡាករ អ៊ាន ពិសី ។ជ័យជម្នះ ៥-០ នេះ បានធ្វើឲ្យក្រុមគោព្រៃជំទង់កម្ពុជា បន្ដកំណត់ត្រាឈ្នះច្រើនគ្រាប់លើក្រុមជម្រើសជាតិ U23 ប្រ៊ុយណេ និងរក្សាសំណាញ់ទីមិនឲ្យរបូតគ្រាប់បាល់ឡើយ ក្នុងប្រវត្តិជួបគ្នា ២លើកចុងក្រោយ នៃពានរង្វាន់យុវជនប្រចាំតំបន់មួយនេះ បន្ទាប់ពីជួបគ្នា កាលពីឆ្នាំមុន ក្រុម U23 កម្ពុជា បានយកឈ្នះក្រុម U23 ប្រ៊ុយណេ ដោយលទ្ធផល ៦-០ នៅពហុកីឡដ្ឋានជាតិមរតកតេជោ រាជធានីភ្នំពេញ ។ក្រឡេកមកមួយគូទៀតនៅក្នុងពូល A នេះដែរក្រុមម្ចាស់ផ្ទះក៏រកបានបីពិន្ទុពីការប្រកួតទី ១ របស់ខ្លួនផងដែរក្រោយជ័យជំនះលើក្រុម U23 មីយ៉ានម៉ា ៣-០។ បីគ្រាប់របស់ថៃសម្រេចបានដោយ Phodchara Chainarong នៅនាទីទី ២១ មុនពេលដែល Chudit Wanpraphao បន្ថែមគ្រាប់ទីពីរនៅនាទីទី ៣២។ ហៀបនឹងចប់ការប្រកួតទៅហើយ Yotsakorn Burapha ក៏រកបានគ្រាប់ចុងក្រោយឱ្យក្រុម U23 ថៃយកឈ្នះមីយ៉ាន់ម៉ា ៣-០ ឈរលេខ ២ ក្នុងពូល A ពីក្រោមកម្ពុជា។ ប្រកួតបន្ទាប់ ក្រុមជម្រើសជាតិ U23 កម្ពុជា នឹងបន្ដជួបក្រុម U23 មីយ៉ាន់ម៉ាវិញម្ដង នាថ្ងៃទី១៩ ខែសីហាស្អែក នេះខណៈថៃជួបព្រុយណេ ដែលនឹងមានការផ្សាយបន្ដផ្ទាល់លើកញ្ចក់ទូរទស្សន៍ BTV-News៕ អត្ថបទ៖ លី ឈុនឡា

អង់គ្លេសទម្លាក់ម្ចាស់ផ្ទះអូស្រ្តាលីឡើងវគ្គផ្តាច់ព្រ័ត្របាល់ទាត់នារីពិភពលោកលើកដំបូង

ក្រុមបាល់ទាត់នារីអង់គ្លេស បានឈានឡើងវគ្គផ្តាច់ព្រ័ត្របាល់ទាត់នារីជើងឯកពិភពលោកលើកដំបូង ក្រោយយកឈ្នះក្រុមម្ចាស់ផ្ទះអូស្រ្តាលី ៣-១ នៅវគ្គពាក់កណ្តាលផ្តាច់ព្រ័ត្រ។បន្ទាប់ពីគ្រាប់នាំមុខរបស់អង់គ្លេសនៅនាទីទី ៣៦ ដោយ Ella Toone អូស្រ្តាលីក៏បានធ្វើឱ្យអ្នកគាំទ្រនៅទីក្រុងស៊ីដនីសប្បាយចិត្តឡើងវិញបន្ទាប់ពី Sam Kerr តាមស្មើវិញនៅនាទីទី ៦៣។ យ៉ាងណាក្តី Lauren Hemp និង Alessia Russo រកបានម្នាក់មួយគ្រាប់ឱ្យក្រុមនារីអង់គ្លេសកក់កៅអីនៅវគ្គផ្តាច់ព្រ័ត្រដោយនឹងត្រូវជួបជាមួយក្រុមអេស្ប៉ាញដែលសុទ្ធតែជាលើកដំបូងឈានឡើងវគ្គផ្តាច់ព្រ័ត្រ។ ជ័យជំនះនេះធ្វើឱ្យអង់គ្លេស ក្លាយជាក្រុមបាល់ទាត់អង់គ្លេសដំបូងដែលឡើងវគ្គផ្តាច់ព្រ័ត្រ តាំងពីក្រុមបុរសធ្វើបានបែបនេះកាលពីឆ្នាំ ១៩៦៦ និងគ្រងជើងឯកនៅលើទឹកដីរបស់ខ្លួន៕ អត្ថបទ៖នាង សុភាវុធ

Hakim Ziyech ឈានដល់កិច្ចព្រមព្រៀងផ្លាស់ទៅក្លិបទួកគី Galatasaray

ខ្សែបម្រើម៉ារ៉ុក Hakim Ziyech ឈានដល់កិច្ចព្រមព្រៀងហើយក្នុងការផ្ទេរពីតោខៀវ Chelsea ទៅកាន់ក្លិបទួកគី Galatasaray។ កីឡាករវ័យ ៣០ ឆ្នាំរូបនេះនឹងត្រូវពិនិត្យសុខភាព និងសម្រេចការផ្ទេរផ្លូវការក្នុងសប្តាហ៍នេះ បន្ទាប់ពីកន្លងមកការចរចាផ្លាស់ទៅក្លិបអារ៉ាប៊ីសាអ៊ូឌីត Al-Nassr បរាជ័យ។ Hakim Ziyech បានមកដល់ Chelsea នៅឆ្នាំ ២០២០ ក្នុងតម្លៃផ្ទេរ ៤៤ លានអឺរ៉ូ និងបានបង្ហាញខ្លួនមកទល់ពេលនេះ ១០៧ ប្រកួតរកបាន ១៤ គ្រាប់។ រដូវកាលមុនអតីតកីឡាកររបស់ Ajax រូបនេះចូលលេងបាន ១៨ ប្រកួតនៅ Premier League តែមិនស្ថិតក្នុងគំរោងរដូវកាលនេះក្រោមការដឹកនាំរបស់អ្នកចាត់ការថ្មី Mauricio Pochettino ឡើយ ហើយក៏មិនមានឈ្មោះក្នុងបញ្ជីដែរ ពេល Liverpool ស្មើ Chelsea ថ្ងៃបើករដូវកាល English Premier League ចុងសប្តាហ៍កន្លងទៅ៕ អត្ថបទ៖នាង សុភាវុធ

គ្រូបង្វឹកក្រុមបាល់ទាត់នារីអាមេរិក ប្រកាសលាលែងពីតំណែងក្រោយបរាជ័យនៅបាល់ទាត់នារីពិភពលោក

គ្រូបង្វឹកក្រុមបាល់ទាត់នារីអាមេរិកលោក Vlatko Andonovski បានប្រកាសលាលែងពីតំណែងហើយ ក្រោយបរាជ័យនៅព្រឹត្តិការណ៍បាល់ទាត់នារីពិភពលោកលើទឹកដីអូស្រ្តាលី និងនូវែស៊ីឡង់។ការសំរេចចិត្តបែបនេះ បន្ទាប់ពីក្រុមនារីអាមេរិកធ្លាក់ត្រឹមវគ្គ ១៦ ក្រុមចុងក្រោយ ពោលគឺជាស្ថិតិអាក្រក់បំផុត ដែលអាមេរិកបានឈានដល់ត្រឹមវគ្គនេះ។ ជើងឯក ៤ សម័យអាមេរិកចាប់ផ្តើមការប្រកួត World Cup របស់ខ្លួនដោយឈ្នះវៀតណាម បន្ទាប់មកស្មើពីរប្រកួតទល់នឹងហូឡង់ និងព័រទុយហ្កាល់ គ្រប់គ្រាន់ដើម្បីឡើងវគ្គបន្ត។ អាមេរិកក៏ធ្វើបានល្អដែរនៅវគ្គ ១៦ ក្រុមចុងក្រោយទល់នឹងស៊ុយអែតតែគ្មានសំណាង មុនចាញ់នៅវគ្គ ១១ ម៉ែត្រកាត់សេចក្តី។ រំលឹកថាអាមេរិកមានស្ថិតិក្នុងព្រឹត្តិការណ៍បាល់ទាត់នារីពិភពលោកយ៉ាងអន់ណាស់ បញ្ចប់នៅចំណាត់ថ្នាក់លេខ ៣។ បុរសវ័យ ៤៦ ឆ្នាំ Vlatko Andonovski ត្រូវបានតែងតាំងឱ្យដឹកនាំក្រុមនារីអាមេរិកតាំងពីខែតុលា ឆ្នាំ២០១៩ បន្តតំណែងពីលោកស្រី Jill Ellis ដែលធ្លាប់ដឹកនាំអាមេរិកឈ្នះជើងឯកពិភពលោក។ មិនត្រឹមតែបរាជ័យនៅ World Cup ទេ អាមេរិកថែមទាំងមិនអាចការពារមេដាយមាសអូឡាំពិកថែមទៀត ពោលគឺបានត្រឹមមេដាយសំរិទ្ធប៉ុណ្ណោះនៅអូឡាំពិកទីក្រុងតូក្យូប្រទេសជប៉ុន៕ អត្ថបទ៖នាង សុភាវុធ

Manchester City ឈ្នះពាន UEFA Super Cup លើកដំបូងក្នុងប្រវត្តិសាស្រ្ត

ក្រុមជើងឯកពាន ៣ រដូវកាលមុន Manchester City បានក្រសោបយកពានមួយទៀតដើមរដូវកាលនេះគឺ UEFA Super Cup ជាលើកដំបូងក្នុងប្រវត្តិសាស្រ្តក្លិបក្រោយយកឈ្នះ Sevilla ដោយបាល់ ១១ ម៉ែត្រកាត់សេចក្តី។ ក្រុមរបស់លោក Pep Guardiola ត្រូវតាមពីក្រោយបន្ទាប់ពីក្រុមជើងឯក Europa League រដូវកាលមុន Sevilla បើកការនាំមុខមុននៅនាទីទី ២៥ ដោយ Youssef En-Nesyri មុនពេលដែល Cole Palmer តែតបញ្ចូលទីតាមស្មើវិញ នៅវគ្គទី ២ នាទីទី ៦៣។ អ្នកចាំទីក្រុមទាំងពីររួមមានអ្នកចាំទី Sevilla, Bono និងអ្នកចាំទី Man City, Ederson សុទ្ធតែធ្វើបានល្អដូចគ្នា ក្នុងការប្រកួត ៩០ នាទី មុនក្រុមទាំងពីរត្រូវសម្រេចជើងឯកដោយបាល់ ១១ ម៉ែត្រកាត់សេចក្តី។ឈានដល់វគ្គ ១១ ម៉ែត្រកាត់សេចក្តី កីឡាករ ៩ នាក់បានស៊ុតបញ្ចូលទីលើកលែងកីឡាកររបស់ Sevilla, Nemanja Gudelj។ បន្ទាប់ពីធ្លាប់ដឹកនាំ Barcelona និង Bayern Munich ឈ្នះជើងឯក លោក Pep Guardiola ក៏បានក្លាយជាអ្នកចាត់ការដំបូងដែលដឹកនាំក្រុម ៣ ផ្សេងគ្នាឈ្នះពាន UEFA Super Cup នេះ៕ អត្ថបទ៖នាង សុភាវុធ

Harry Maguire សម្រេចចិត្តនៅបន្តជាមួយ Manchester United មិនផ្លាស់ទៅ West Ham

ខ្សែការពារអង់គ្លេស Harry Maguire បានសំរេចចិត្តស្នាក់នៅបន្តជាមួយ Manchester United ដើម្បីប្រជែងជម្រើសដំបូង និងមិនផ្លាស់ទៅ West Ham ឡើយ។ខ្សែការពារកណ្តាលវ័យ ៣០ ឆ្នាំរូបនេះ សប្តាហ៍មុនត្រូវបាន Manchester United យល់ព្រមសំណើ ៣០លានផោនពី West Ham ទៅហើយ។ Harry Maguire មានរដូវកាលមិនល្អឡើយរដូវកាលមុន និងត្រូវបានដកតំណែងប្រធានក្រុមមុនរដូវកាលថ្មីនេះ។ យ៉ាងណាក្តី Manchester United បានគោរពការសម្រេចចិត្តរបស់កីឡាករវិញដោយសាមីខ្លួន Harry Maguire មានបំណងនៅបន្តជាមួយក្លិប និងពុះពា ដើម្បីតំណែងជម្រើសដំបូងមកវិញ ខណៈក្លិបក៏មិនបង្ខំឱ្យកីឡាករចេញដែរ។Harry Maguire ជាកីឡាករបម្រុងដែលមិនបានត្រូវបានប្រើប្រាស់អំឡុងជ័យជំនះកាលពីថ្ងៃចន្ទលើ Wolverhampton។ រំលឹកថា Harry Maguire បានមកដល់ Old Trafford កាលពីឆ្នាំ ២០១៩ ក្នុងតម្លៃផ្ទេរ ៨០ លានផោនពី Leicester City ដែលជាតម្លៃផ្ទេរខ្សែការពារខ្ពស់បំផុតក្នុងប្រវត្តិសាស្រ្ត៕ អត្ថបទ៖នាង សុភាវុធ

អ្នកចាំទីបារាំង Hugo Lloris ជិតចាកចេញពី Spurs ទៅចូលរួមជាមួយ Lazio

អ្នកចាំទីបារាំង Hugo Lloris ខិតជិតបញ្ចប់អាជីព ១១ ឆ្នាំរបស់ខ្លួននៅក្លិបអង់គ្លេស Tottenham Hotspur ហើយ បន្ទាប់ពីក្លិបកំពុងចរចាជុំវិញការផ្ទេរជាមួយក្លិបអ៊ីតាលី Lazio។អតីតអ្នកចាំទីជម្រើសជាតិបារាំងរូបនេះ ត្រូវបានដកឈ្មោះពីបញ្ជីនៅពេល Spurs ប្រកួតបើករដូវ កាលថ្មី English Premier League ស្មើនៅទឹកដី Brentford ២-២ ចុងសប្តាហ៍កន្លងទៅ។ កីឡាករវ័យ ៣៦ ឆ្នាំរូបនេះធ្លាប់បានបង្ហើបគំរោងចាកចេញរបស់ខ្លួន ក្នុងរដូវក្តៅនេះបន្ទាប់ពីមិនចូលរួមជាមួយ Spurs ក្នុងការប្រកួត Pre-Season នាពេលកន្លងទៅ។ រយៈពេល ១១ ឆ្នាំតាំងពីផ្លាស់ពី Lyon នៅឆ្នាំ ២០១២ ក្នុងតម្លៃ ១០ លានអឺរូ Hugo Lloris បង្ហាញខ្លួនសរុបបាន ៤៤៧ ប្រកួត រក្សាសំណាញ់មិនឱ្យមានគ្រាប់បាល់ ១១២ ប្រកួត៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងព័ត៌មាន៖ គេហទំព័រមន្ទីរព័ត៌មានរាជធានី-ខេត្ត ត្រូវក្លាយជាច្រកផ្តល់ព័ត៌មានផ្លូវការដ៏សំខាន់

អ្នកសម្របសម្រួលប៉ាគីស្ថាននិយាយថា ការចរចាអាមេរិក-អ៊ីរ៉ង់ កំពុងដំណើរការ ខណៈគូជម្លោះបន្តវាយប្រហារដាក់គ្នា

អង្គប្រជុំគណៈកម្មាធិការបេតិកភណ្ឌពិភពលោក លើកទី៤៨ អនុម័តថ្កោលទោសលើការបំផ្លិចបំផ្លាញសម្បត្តិបេតិកភណ្ឌពិភពលោកក្នុងពេលជម្លោះប្រដាប់អាវុធថៃឈ្លានពានកម្ពុជា

លោក Trump និយាយថាក្រុមប្រឹក្សាសន្តិភាពឈានដល់កិច្ចព្រមព្រៀងរំសាយអាវុធតំបន់ហ្កាហ្សា

កម្ពុជា-បារាំង បន្តរឹតចំណងកិច្ចសហប្រតិបត្តិការស្រាវជ្រាវ និងទំនើបកម្មកសិកម្ម ក្នុងជំនួបជម្រាបលារបស់តំណាង CIRAD

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រុមឡើងថ្មី Luton Town នាំយកអ្នកចាំទីជើងចាស់ហូឡង់ Tim Krul ពី Norwich City

ខ្សែបម្រើជប៉ុន Wataru Endo ហោះហើរមកកាន់ទឹកដីអង់គ្លេសមុនការផ្លាស់ផ្លូវការមកកាន់ Liverpool

អ្នកចាំទីដៃស្អិតម៉ារ៉ុក Yassine Bounou សម្រេចផ្លាស់ពី Sevilla ទៅ Al-Hilal តម្លៃ ២១លានអឺរ៉ូ

AFF U23៖ កម្ពុជា បន្ដឈ្នះប្រ៊ុយណេច្រើនគ្រាប់ ដោយមិនរបូតគ្រាប់បាល់

អង់គ្លេសទម្លាក់ម្ចាស់ផ្ទះអូស្រ្តាលីឡើងវគ្គផ្តាច់ព្រ័ត្របាល់ទាត់នារីពិភពលោកលើកដំបូង

Hakim Ziyech ឈានដល់កិច្ចព្រមព្រៀងផ្លាស់ទៅក្លិបទួកគី Galatasaray

គ្រូបង្វឹកក្រុមបាល់ទាត់នារីអាមេរិក ប្រកាសលាលែងពីតំណែងក្រោយបរាជ័យនៅបាល់ទាត់នារីពិភពលោក

Manchester City ឈ្នះពាន UEFA Super Cup លើកដំបូងក្នុងប្រវត្តិសាស្រ្ត

Harry Maguire សម្រេចចិត្តនៅបន្តជាមួយ Manchester United មិនផ្លាស់ទៅ West Ham

អ្នកចាំទីបារាំង Hugo Lloris ជិតចាកចេញពី Spurs ទៅចូលរួមជាមួយ Lazio

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្រុមឡើងថ្មី Luton Town នាំយកអ្នកចាំទីជើងចាស់ហូឡង់ Tim Krul ពី Norwich City

ខ្សែបម្រើជប៉ុន Wataru Endo ហោះហើរមកកាន់ទឹកដីអង់គ្លេសមុនការផ្លាស់ផ្លូវការមកកាន់ Liverpool

អ្នកចាំទីដៃស្អិតម៉ារ៉ុក Yassine Bounou សម្រេចផ្លាស់ពី Sevilla ទៅ Al-Hilal តម្លៃ ២១លានអឺរ៉ូ

AFF U23៖ កម្ពុជា បន្ដឈ្នះប្រ៊ុយណេច្រើនគ្រាប់ ដោយមិនរបូតគ្រាប់បាល់

អង់គ្លេសទម្លាក់ម្ចាស់ផ្ទះអូស្រ្តាលីឡើងវគ្គផ្តាច់ព្រ័ត្របាល់ទាត់នារីពិភពលោកលើកដំបូង

Hakim Ziyech ឈានដល់កិច្ចព្រមព្រៀងផ្លាស់ទៅក្លិបទួកគី Galatasaray

គ្រូបង្វឹកក្រុមបាល់ទាត់នារីអាមេរិក ប្រកាសលាលែងពីតំណែងក្រោយបរាជ័យ​នៅបាល់ទាត់នារីពិភពលោក

Manchester City ឈ្នះពាន UEFA Super Cup លើកដំបូងក្នុងប្រវត្តិសាស្រ្ត

Harry Maguire សម្រេចចិត្តនៅបន្តជាមួយ Manchester United មិនផ្លាស់ទៅ West Ham

អ្នកចាំទីបារាំង Hugo Lloris ជិតចាកចេញពី Spurs ទៅចូលរួមជាមួយ Lazio

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គ្រូបង្វឹកក្រុមបាល់ទាត់នារីអាមេរិក ប្រកាសលាលែងពីតំណែងក្រោយបរាជ័យនៅបាល់ទាត់នារីពិភពលោក